تحميل رواية #غضب_العشق ( نهوة) بقلم الكاتبه زينب علي pdf

#غضب_العشق  ( نهوة)

القصة  حقيقية

للكاتبة : Lamar Alzankna

#البارت11_12_13

بصوت مبحوح من البجي : ماريد هذا

اية وعمتي: ليش

غمضت عيني وفتحتها : غضب يضربني

كلها ارتبكت لان حجيت هل حجي كدام ام الصالون الي انصدمت من كلامي

ام غضب: لا ماما ميحجي شي

حاولت انزعة : ماريدة تعبت من الضرب

عمتي: شوفنا يا وقبل عليه

هنا الحجي طلع ذوقة محجيت شي همه مقررين من البداية شلبس شكو سألوني اريد دموعي تنزل دارتاح بس ماكو دموعي جفت طلعني البنات للنسوان كلها كاعدة وتباوعلي قرو الزلم الفاتحة وعلت صوت الهلاهل اخذوني يكطعون مهر بكوة طلع صوتي وكلت اخوية موسى وعقدولنه من هنا عرفت اني دخلت سجن غضب وانتهت حياتي الي اصلا من اول يوم مشفت منها شي النسوان تبوسني واني بغير عالم كلمة وحده محجيت امي حضنتني وبجت دخل غضب مباوعت بوجهة وكفوني كدامة باس راسي مرفعت وجهي لبسني الحلقة وانطوني الحلقة البسة وكعت من ايدي نزل شالها ولزم ايدي وخلاني البسها اله بدة يلبسني الذهب واني احس الذهب يثكلني يخنكني نفس ماكدرت اخذ الم بطني من الجوع ووجع راسي من البجي وخنكتي اخر شي شفته ساعة ايد غضب ورحت لعالم اسود كلشي ماشفت منه بس سواد صحيت  على مي بارد بوجهي

فتحت عيوني بثقل التعب اخذ مكانه بجسمي باوعت عيون غضب مليانه قلق وخوف واني بحضنه وكلها واكفة حولي رجعت عيوني ثقلت ورحت لعالم الضلام بس اسمع صوت هوسة وكلام ممفهوم يمكن داخلي هذا الكلام والهوسة وحربي النفسية شهقت على مي بارد بوجهي فتحت عيوني غضب يهزني ويضرب على خدي اكعد رجعت عيوني ثقلت اخذني الضلام للمرة الثالثة حسيت بنفسي ارتفعت عن الارض ابتسمت يمكن الله قرر يريحني وياخذني يمه بعيد عن هل عالم بس هل شي مادام خاب املي واني افتح عيوني بلمستشفى ممرضة تقيس ضغطي والدكتورة ضوة اصفر تضوي بعيوني باوعت غضب واكف بلباب ويمسح بوجهة بخوف وامي واكفة تبجي وام غضب واكفة بخوف وقلق بيدي مشكلين مغذي

عشق بتعب: م مام اا

انتبهو علية امي تقدمت عليه

ام عشق : ي روح امج

عشق: تعبانه ماما

الدكتورة: انتي هامله نفسج شبيج يا ماما لا اكل لا شرب

عشق: شصارلي

الدكتورة: حالة نفسية تعبتج وجوع اهلج كالو من البارحة مماكله ليش

عشق: اريد اموت

الدكتورة: هههههه يموتون وراج اهلج رجلج ذبح نفسة عليج وين عايفته

نداريت باوعت ل غضب باوعلي بغضب

ام غضب: شوكت نكدر نطلعها

الدكتورة: يخلص المغذي وطلعوها بس لازم تدير بالها على نفسها وتاكل زين انتي اصلا عندج فقر دم يله حبيبتي عندج العافية

طلعت وعافتني امي وكفت لازمة ايدي

غضب: عوفونه وحدنه

ام عشق: غضب ابن

قاطعها : عوفونه

ام غضب طلعت امي وطلعت بقيت بس اني ويا سد الباب وتقدم وكف يمي سحب ايدي كعد على طرف السرير ولزم ايدي بين ايديناته قربها لشفته باسها ويشمها قوي

غضب: اااااااااخخ عشق لو صار بيج شي

عشق: جان شسويت كتلتني واني ميته

تقرب علية حط ايدة على حلكي

غضب: اششششش ممنوع تموتين قبلي

فتح شالي وبعدة عني دخل راسة بركبتي رجفت وبعدته عني باوعلي بعصبية ورجع راسة يتنفس بقوة ويحجي: احبج اموت عليج ماكدر بدونج شسويتي بية افيييييييش ردتلي روحي

عشق: غغ غ ضب ووخ رر ل يدخ ل احد

غضب يحضنها بقوة وراسة بركبتها : خلي يدخلون انتي هسه مرتي محد يكدر يحجي شي

اتذكرت صدك هسه اني مرته رجعت راسي ليورا هوة دخل راسة اكثر دفعته

عشق: كافي غضب خنكتني

ابتعد عني وعيونه حمر وتنفسة قوي باوعلي باوعت بعيونه

غضب: نزلي عيونج وديري وجهج عني لا ابتلي بيج هنا بالمستشفى

درت وجهي عنه طلع وسد الباب دخلت امي ورا ساعة بعد ماشفت غضب ابد خلص المغذي و طلعونه امي لازمتني وام غضب لازمتني والجهة الثانية وصلنه باب المستشفى وكفت كدامي سيارة غضب باوعتله الجكارة بحلكة صعد عمي بصفة واني وامي وامه ليورة بلطريق عينه بلجامه مال سايق يباوع عليه حطيت راسي ع الجامة واباوع دنيا ليل اضوية العواميد بلشارع والرصيف مرتب وبنايات ومحلات فتحت الجامة وطلعت راسي من الشباك غمضت عيني وخليت الهوا يلفحني فتحت عيوني واني اشوف العالم حياتهم شكد حلوة يكدرون يطلعون ويطبون براحتهم كلها تاخذ قراراتهم بنفسهم الا اني وكفت السيارة مهتميت سمعت انسدت الباب باوعت غضب نزل رجعت راسي ع الشباك شفته وكف كدامي

غضب: شمشتهية اجيبلج

باوعتله وعيوني مغوركة بتوسل: الحرية تكدر تجيبها

عافني ومشى دخل للمطعم دخلت راسي وحطيته على جتف امي وغطيت بنومة ماحسيت الا واني مشيولة فتحت عيوني غضب شايلني باوعت بوجهة حنجة وشواربة وركبتة سمارة عرض جتافة نزل عيونه باوعلي ورجع رفع راسة وكمل طريقة دخلنا صعدني لغرفتة مددني ع الجرباية دخلن البنات تحمدولي السلامة غضب كال ل هدى تجيب الاكل من السيارة طلعو كلهم بقى بس غضب ورا شوية جتي هدى حطت العلاكة وطلعت فتح العلاكة وتقدم يوكلني درت وجهي

عشق: ماريد

غضب: لا تريدين يله فتحي حلكج

عشق: ما اشتهي

غضب بعصبية: كلت فتحي حلكج

بدة يوكلني ويشربني عصير

عشق: كافي بعد ماريد

غضب: بعد شوية يله

عشق: حتى الاكل بالغصب ماشتهي

غضب: على راحتج

شال الاكل من يمي وتمدد بصفي حط ايدة جوة راسي وسحبني لحضنه حط وجهة بشعري

عشق: ماشفت ابوية وينه ولا اخوتي

غضب: راحو لبيتهم

عشق: لبيتنا واني

غضب: اي لبيتهمممم انتي هنا بيتج يمي

عشق: امي وين

غضب: راحت لبيتها يم رجلهاااا

كمت احاول افك ايدة عني جرني ورجعني لحضنه

غضب: وييين

عشق: عوفني اروح ويا ماما

غضب: ماكو من اليوم تبقين هنا ببيتج يم رجلج مثل ما امج يم رجلها

عشق: بعدنه ماسوينه عرس يعني مو مرتك اريد ارجع ل اهلي

غضب: لتخافين من هل ناحية الخميس عرسنه

نداريت عليه: شنوووو

غضب: العرس الخميس

عشق: ومنو كال اني قابلة

غضب: ومنو كلج داطلب اذنج بس داكلج انجبي عاد تعبان دانام

عشق بعصبية: ماقبل مو كلشي بكيفك

غضب: انتي مو تكولين بعدج مو مرتي مازال العرس بعدنه ممسوين وهاي راح نعرس

عشق دفعته: اريد ارجع لبيتنا

غضب: بيتج هنا ل اخر مرة اكولها رجعة لبيت ابوج ماكو بعد انسيها من يوم الي صرتي مرتي يعني مالتي يعني ماعندج غيري

نزلت دموعي: اريد اهلي

تنفس بقوة ومسح على شواربة : كتلج ماعندج غيري من اليوم

عشق بتوسل: عفية ماكدر ابقى وياك نفس الغرفة اريد انام يم هدى

غضب بعصبية: هدى شنو شنو هدى اني رجلج تبقين يمي

فكيت ايده عني وكعدت

عشق: ما ابقى وماعتبر هذا زواج الا يتوثق بالمحكمة

غضب: ليش امج زواجها موثق بالمحكمة؟ لا مموثق اذا نجبي يعني امج ممتزوجة

عشق باستفزاز: امي فصلية لو تريدني اني هم فصلية

غضب: اكلي خ... انتي مرتي نهوتي نهوة غضب

عشق: اريد امي

غضب: نامي

عشق: حلني اروح يم هدى وسهى

غضب: لتخليني اشوفج وجهي الثاني كافي تستفزيني

عشق: اصلا هذا الوجه غريب علية اني ماعرف غير غضب العصبي اليضرب ويسب

غضب: داكول كافي تستفزيني نامي وفضينييييي

دفعته تمدد فتحت ايدة وطبيت بينهن وسديت ايدة علية صار محاوطني رفعت عيوني باوعتله يباوع باستغراب

عشق: الله ياخذك الا اخليك تندم ع اليوم الي حبيتني بي

نزلت وجهي بصدرة مرغلت نفسي بحضنه الا اكرهة بحياته كافي ضعفي كدامة مثل ما اني مرته هوة رجلي قررت اعامله بنفس تعاملة وياي فتحت اول دكمة من دشداشتة وحطيت راسي بصدرة واتنفس بقوة مثل ميسوي هوة اريدة يرجف مثل ما اني ارجف

غضب: هاي ششد سوين

عشق: د

🌹🌹

للكاتبة: Lamar Alzankna

-------

شكرآ لتعليقاتكم الحلوووووة🌷🌷

#البارت 12

نزلت وجهي بصدرة مرغلت نفسي بحضنه الا اكرهة بحياته كافي ضعفي كدامة مثل ما اني مرته هوة رجلي قررت اعامله بنفس تعاملة وياي فتحت اول دكمة من دشداشتة وحطيت راسي بصدرة واتنفس بقوة مثل ميسوي هوة اريدة يرجف مثل ما اني ارجف

غضب: هاي ششد سوين

عشق: دانام

غضب: ديري وجهج ونامي

عشق: مابية حيل

غضب: اني اديرج شو شوية

حضنته بقوة: لا عوفني

غضب مسح وجهة : استغفر الله واتوب اليه

رجعت وجهي بصدرة وتنفست بشكل اقوة مد راسة بركبتي ويتنفس باسني بركبتي

عشق: وخر راسك

غضب: اششش

دفعته بس ميبتعد هو هذا الي اريدة

عشق: غضب اذا اقتربت علية بحياتي ماعتبرك رجال

رفع راسة وباوعلي: ليش تسوين بية هيج

عشق: شمسوية

غضب: لتغشمين روحج هاي الحركات مو علية

عشق: الا اعذبك واشوفك منو عشق

تقرب على ركبتي بقوة احاول ابعدة ماكدر بجيت واني ادفعة

عشق: غضب ابتعد غضب غضببب حلني لتخليني اكرهك بالزايد ماعتبرك رجال عوفني

ابتعد عني ودار ضهرة علية : لتقتربين مني لعد

اني هم درت ضهري عليه ونمت فتحت عيوني ثاني يوم لكيته حاضني نداريت بصعوبة وباوعت بوجهة حتى بنومتة شكله عصبي عاكد حواجبة مديت اصبعي بين حواجبة وفركتهن انفتحن ورجعن طبيعيات ابتسمت رجعن انعقدن رجعت مسحت عليهن تعدلن ابتسمت رجعن نعقدن نفخت خدي باوعت ل شفايفة بيها شبح ابتسامة حطيت اصبعي على جفنه وسحبته ليفوك نفتحت عينه

غضب: اخ ااخ عيني شبيج

عشق: لتضحك علية

غضب بابتسامة: هههه صباح الخير

عشق: صباح النور

غضب: جوعان وعندي دوام

عشق: اليوم تداوم

غضب: اي خلصت اجازتي كومي حبيبي ميت جوع

اول مرة يكول حبيبي باوعتله ممنتبه على حجايتة كمت كعدت رفع ايدة فوك راسة مط نفسة وتثاوب وكعد يالله حرك ركبته يمنة ويسرة طكطكها وباوعلي رفع حاجبة

غضب: شبيج تباوعيلي

عشق ابتسمت : مبية

غضب ابتسم: لا بيج شي كولي

عشق: ليش متبقى هيج دائمآ

تقرب علية وباس راسي

غضب: انتي بس ابتسمي بوجهي واطلبي الي تتمني يكون الج بس لتخلين هل شفايف يحزنن وهل عيون الي موتني يبجن واصعدج فوك النجوم

حاول يتقرب اكثر كمت وكفت على حيلي دافتح الباب

غضب : هووووب هووووب وين

نداريتلة: اسويلك ريوك

غضب: لبسي شالج اخوتي بلبيت

عشق : ها اي نسيت جريت الشال ووكفت كدام المرايا اعدل شالي شهقت بقوة واني اتلمس ركبتي اجه ع السريع ودارني عليه

غضب: شبيج احجي شبيج

عشق بخوف: يمكن عندي تحسس من الكباب

غضب: ليش

عشق رفعت راسي اشوفة: باوع ركبتي صايرة بنفسجي خاف بيه شي

ماحسيت غير شفته فوكاها باسها وابتعد

عشق: شبيك انته داكلك خاف اموت

غضب بضحكه: ههههه لا متموتين لتخافين

عشق: لعد هاي شنو

غضب: هيج عادية امشي عاد جعت

طلع قبلي واني ورا غسلت وجهي ونزلت للمطبخ خليت الجاي ع النار مرت  قصي  كاعدة دنحضر الريوك لقصي وغضب لان ثنينهم عسكريين ويطلعون سوة فاتت ام غضب للمطبخ وكعدت ع الكرسي بعد ماصبحت علينه اتقربت يمها واني خايفة من الزراك الي بركبتي باوعتلي

ام غضب: شبيج عمه تريدين شي

عشق: عمه بس اريد اسألج سؤال

ام غضب : اي كولي

وكفت قدس مرت قصي يمنه هم تباوع بفضول رفعت شالي وشوفت الزراك ل ام غضب

عشق: عمه هاي يمكن مال تحسس خوما تأذي

ام غضب عقجت حواجبها وقدس طكتها بضحكة سكتت وهيه تسمع رجلها

قصي: قددسسس

نداريت باوعت قصي وغضب واكفين بباب المطبخ بس غضب ملامحة عصبية قصي طلع لغرفته وقدس ورا خزرني مفهمت شبي

ام غضب: غضب شنو هل تصرفات غير تفهمها للبنية قبل لتاخذها لو احد غريب هنا جان شصار موقفك وبعدين متكدر تتحمل هل جم يوم

غضب: شبيج يمة نزلتي علية حاصل فاصل بعدني مماخذها ششايفتني قابل بعدنه ممعرسين

ام غضب: همزين تعرف بعدكم ممعرسين وهاي ركبتها شبيها

غضب باوعلي بعصبية وندار لامة: ماكو شي هيج كافي سدي الموضوع وكولي ل قدس حلكها متفكه كدام احد

باوعلي بعصبية: الله يطيح حضج شكد غبية

عشق: شبيك وياي شسويت اني

امه كامت وطلعت من المطبخ تقرب علية واني ارجع ليورا لزكني بالثلاجة وهوة كدامي حط اصبعة على راسي

غضب: غبائج شوكت تبطلي

عشق: اااي شبيك بس تأذي شسويت اني

مسح على وجهة واخذ نفس: استغفر  الله لتصيرين غبية شلون تشوفين زراكج لامي

عشق: خفت لا بيه شي وسألتها شصار

قرب وجهة بوجهي وزفر نفسه بقوة: يا خ... مو سألتيني وكتلج عادي

عشق: ماكتلي مال شنو

عصر ايدة بقوة وعضها : وج الله راح اموتج اكره الاغبياء

عشق بعصبية: شبيك بس تغلط فهمني بدل هل عصبية

غضب: خ... اني سويتها الج

عشق: شلون شلون شوكت

غضب: البارحة ياربي صبرك سويلي سم ع السريع دولي للخ....

ابتعد عني وكعد ع الميز طبت قدس وقصي كعد ع الميز صبينه الريوك الهم قدس وكفت يم رجلها داطلع من المطبخ لزمت ايدي قدس

عشق: ها شكو

قدس: اوكفي يم رجلج

عشق: ليش

قدس: خاف يحتاج شي

باوعت لغضب دياكل رجعت باوعتلها

عشق: من يحتاج شي يصيح

عفتها وصعدت لغرفة غضب طلعت بدلتة العسكرية حطيتها ع الجرباية طب للغرفة نزع الدشداشة درت ضهري عليه حسيت خطواته اقتربت مني واصابع ايدة على ضهري

غضب: ليش تدرين ضهرج الي

عشق: بدل

ابتعد عني وبدل

غضب: طلعيلي النطاق

فتحت الكنتور انطيته النطاق كعد على طرف الجرباية وهوة يلبس بسطالة (اكرمكم الله) وكف على حيلة واقترب عليه رجعت ليورة وهوة يقترب لطخت بالميز تواليت انحنى قريب مني مد ايدة من يم خصري وسحب شي من وراي باوعت ل ايدة عطر رش عطر ردت اوخر حط ايدة من الجهة اليمنه داوخر من الجهة الثانية حط ايدة من اليسرة صرت بينه وبين الميز تواليت وصفاحي ايده دنكت وجهي رجع وجهة ليورة وانحنى علية

غضب: ارفعي وجهج اشوف

رفعت وجهي وباوعت بوجهة قريب من وجهي نزلت راسي ع السريع

غضب: طالع حلو

رفعت راسي بغباء صار وجهي بوجهة اقل الاصبع بين شفايفي وشفايفة بلعت ريكي

غضب: ها طالع حلو لو لا

عشق: مممم

غضب : يعني حلو لو لا

عشق هزيت راسي ب معنى اي وعيت على نفسي وهزيت بمعني لا ضحك وباوع لشفتي نزلت راسي رفعة باصبعة باوع بوجهي واقترب باسني تعمق بيها اني غبت لغير عالم نسيت اني وين وعيت على نفسي من انكطع نفسي دفعته عني حط راسة بركبتي باسها واني ادفع بي

غضب بهمس :اموت بيج وبعيونج

ابتعد عني عدل ملابسة واني على نفس وكفتي مصدومة ديطلع همس يم اذني

غضب: مو تروحين وتكولين لاحد بستج مثل الزراك

باوعت علية باس جتفي وطلع ضليت صافنه درت وجهي باوعت بالمرايا تلمست شفايفي هزيت راسي وطلعت من الغرفة لكيت قدس واكفة تودع رجلها بلباب وكفت يمها شفت غضب بسيارته هم ديطلع باوعلي ابتسم وطلع

قدس: ااااي

نداريت باوعتلها : شنو

جرت ايدي: تعاي وياي

صعدتني لغرفة غضب وسدت الباب

قدس: احجي

عشق: شحجي

قدس رفعت شالي واشرت ع الزراك: هذا شنو

عشق: مادري

قدس: جذذب

عشق : والله مادري عمتي عصبت من سألتها وغضب يكلي غبية

قدس: ههههههه لان صدك غبية

عشق: احجي عاد تعرفيها

جرت دشداشتها من يم الجتف باوعت هيه هم مزركة

عشق: هاي شنو انتي هم مال شنو هاي

قدس: هاي شغل قصي

عشق: احجي عاد كتلني الفضول

قدس: شحجي معقولة اخذج غضب ومافهمج

عشق: وين ياخذني

قدس: هاي صدك انتي غبية تعاي اكعدي

كعدتني وكعدت كبالي

قدس:شصار البارحة

عشق: شصار

قدس: شسوالج غضب

عشق: شسوة

قدس عضت ايدها بعصبية: وووووج لتحركين اعصابي شوكت اقترب من ركبتج

عشق: ها

قدس: ووجعا احجي

عشق بخجل: من م م ن نمت بحضنه وو

قدس: احجي عاااد بطيتي مرارتي

عشق: اوووه هو كل مرة يقترب لركبتي ويتنفس قوي واني ارجف ردت اعاقبة بنفس الطريقة واقتربت من صدرة و

قدس: اي كملي

عشق: هوة حط راسة بركبتي

قدس: هههه بس هيج

عشق: اي ليش بعد شيصير

قدس: اوووه اووه

عشق: هسه فهميني شلون انتي زركيتي

قدس: هههه قصي سواها

عشق: شلون

قدس: صخام بوجهج شتسوين بيها هاي

عشق: اي فهميني

قدس فهمتني الموضوع

عشق: يعني بس النسوان يصيرلهم والزلم شلون

قدس: كلهم يصير

عشق: علميني

قدس: شنو

عشق : علميني شلون يسووها

قدس: تفف كومي ادبسز المن تسويها

عشق: ل غضب مثل مسواها اسويله

قدس: عززة العزاج اي والله ميصير ولج عيب تسوين للزلمة

عشق: ليش عود

قدس: وج الرجال يطلع ويطب اذا شافو ينفضح

عشق: يعني انتي متسوين لقصي

قدس: كووومي لج بعدج صغيرة

عشق: اكعدي فهميني اني تزوجت

قدس: ولج البارحة جنتي ناصبة فاتحة واليوم مكيفة شصاير

عشق: صرت مرتة شسوي بعد ماعندي مهرب ع الاقل العب عليه واندمة اليوم الي حبني بي

قدس: والله تخوفين

عشق: علميني هسه

قدس: لا احفاد عكاب ميقبلون اني سويتها نوبة ل قصي وطيح حضي

عشق: معليج علميني

قدس: وين اعلمج

رفعت شالي : هنا

قدس دفرتني : كومي لج حتى يشوفها غضب وعبالة ولد مسويها الج ويكتلج خلاص

عشق: لعد شلون

قدس: انطيني ايدج

مديت ايدي لزمت زندي وسوتها

قدس: صارت

باوعتلها : هاي حمرة

قدس: ورا بشوية تتحول سويها دشوف تعلمتي

جريت ايدها سحبتها مني

قدس: خييير

عشق: مو كلت اشوف تعلمتي

قدس: تعلمي بنفسج قصي اذا شاف شي علية مو مالته يذبحني

عشق: اووف لعد شلون

سحبت ايدي لحلكي

قدس: سويها انتي بنفسج

سويتها

عشق: هاا

قدس: اي عفية بس اذا تريدين قويها

عشق: شوفي هيج

جرت ايدي

قدس: وج كافي تزوركين نفسج ليشوفج غضب يلة اني اروح اكمل شغلي

طلعت وعافتني كعدت نضفت غرفته وعدلت ملابسة تذكرت ملابسي بعدهن ببيت اهلي نزلت ل ام غضب اخذت جهازها وخابرت غضب

غضب: ها يمة

عشق: هاي اني

غضب: ها عشق شكو

عشق: اريد اروح ل اهلي

غضب: ماكو

عشق: بس اجيب م

قاطعني بعصبية: كلللت ماكووووو

عشق: الله ياخذك اكرهك

سديت الخط بوجهة رجع لنفس حالته خبل رجعت الموبايل لامة دك انطيته رفض وحطيته بصفها رجع دك اني نداريت داطلع جاوبته

ام غضب: ها يمة

ام غضب: شبيك يمه هيانه عشق تعاي

اشرتلها ماريد. احاجي وطلعت طلعت وراي ولزمت ايدي حطت الموبايل بيدي

ام غضب: جاوبي بس يعيط

جاوبته: نعم

غضب بصياح: والله لا اجي اكسررر عضامج قن.... بت القن....

عشق بصياح: ليش تغلللط على امي

غضب: لتعللللللين صوتج بوجهي راح اموتج

عشق: دطيرررر

سديت الموبايل بوجهة انطيته ل امه وطلعت لغرفته كعدت واني اعصابي مفولة خلي يسب ابوية وكل عشيرتي بس ليسب امي مامرت ربع ساعة الا وشفت الباب ندفرت بقوة

🌹🌹

للكاتبة: Lamar Alzankna

------

*اول شي احب اشكركم على تفاعلكم الحلو وتعليقاتكم الرائعة فرحتي متنوصف واني اقراهن 😍

*ثاني شي بالنسبة ل تنزيل البارتات راح يكون من باجر بل ١٢ الضهر بارت و١٢ بليل بارت يعني بارتين بل يوم💥

*ثالث شي راح اوصل ١٠٠ متابع شكرآ لكل من يساندني❤

*رابع شي راح يصير بيكم جفاف عاطفي من ورا عشق وغضب تزوجو بعد وانتو اعلم ب حياة المتزوجين😂😁

البارت ١٣

سديت الموبايل بوجهة انطيته ل امه وطلعت لغرفته كعدت واني اعصابي مفولة خلي يسب ابوية وكل عشيرتي بس ليسب امي مامرت ربع ساعة الا وشفت الباب ندفرت بقوة ودخل غضب وعيونه تجدح نار وكفت على حيلي تقدملي بسرعة وخنكني ورفعني ويا الحايط

غضب : شلللللللون تسددددين الخط بوجهيييييييييييي احجججججججي

ضربت على ايدة مدكدر اتنفس بس هوة ميفيد جلمود يابس نزلت دموعي فكني ووكعت بلكاع رفعت وجهي باوعتله

عشق: اكررررررررررره

قاطعني براجدي على وجهي فر وجهي

غضب: صوتج ميعلى علية انطيتج هووواي عين هووواي وانتن النسوان مو مال عين

عشق: حسبي الله ونعم الوكيل

عافني وطلع كعدت لميت رجلي ل صدري واني اتوعدلة كمت ورا شفته ديطلع وابو واكف يحجي ويا ومخبوص

سألت قدس : شبي عمي مخبوص

مجاوبتني بس لزمت وجهي شافت اثر جف ايدة وشهكت

قدس: هاي شبي وجهج

دفعت ايدها وفركت خدي

عشق: تنكسر ايدة ان شاء الله مبية شي هذا ابن عكاب شبي مخبوص

قدس: وج لسانج ليسمعج احد اليوم جايين زلم بليل وديتحضرون

عشق: خوش

عفتها وصعدت لغرفة غضب تمددت ونمت ماكعدت الا من سمعت صوت الكنتور انفتح فتحت عيوني شفته سابح ولابس بس شورت وفانيلة وديطلع ملابس اجتي ببالي فكرة كمت وكفت ورا وحضنته من ضهرة هوة جمد متحرك بست جتفة

عشق: اا سفة

ندار علية وحضني

غضب: ليش هيج تسوين بيه

عشق: انته ماقبلت اروح ل اهلي

غضب: اني اوديج بس انتي متروحين وحدج بليل ورا ميطلعون الزلم اوديج تشوفيهم ماشي

كمزت عليه وحضنت ركبته هوة هم حضني بست ركبته فك ايدة عني مصدوم باوعت بعيونه بست خدة والنوب خدة الثاني و وصلت ل نص ركبته على تفاحة ادم سويتله زراك اني ابتعدت هوة لزمني يبوس بركبتي دفعته

عشق: غضب وخر غضب غضب كافي بعدنه ممسوين العرس غضبببب

صحت بصوت وهو يعضني ابتعد عني

غضب: مادام تدرين بعدنه ممسوين العرس لتلعبين وياي ندار يطلع ملابسة اني رحت تمددت ع  الجرباية واباوع علية ندار باوعلي

غضب: شبيج تتبسمين

عشق: ها مبيه

بدل وطلع اني نزلت ساعدت البنات بلتنضيف صعدت انزل ملابس غضب الوصخات ماشفت غير غضب دافر الباب وفايت ويباوع على ركبته بالمرايا ندارلي بعصبية

غضب: هاي شنو

عشق: شنو

تقرب مني وهوة يأشر على ركبته

غضب بعصبية: هاااااي بت الن...

عشق: شكو بيها انته مو سويتل

قاطعني بعصبية: اني اسووي بس انتي متسوييين

عشق: وليش عود

غضب: ووووج عندي كعدة ويا الزلم شيكولون علية

عشق: يكولون متزوج

غضب: للااا يكولون طرطور مرتة اوووويلي الله شسوي بيج

ندار يباوع بلمرايا : اخخخخخ الله شوفي وين مسويتها هاي شلون اضمها بت ال.... بت ....

عشق: كافي تغلط

ندارلي وكفخني

غضب: فهميني شسوي فضحتيني

دموعي نزلت: ليش فضحتك مو مرتك

غضب: الرجال ميصير مرتة تسويلة انتي شمعلمج بهاي السوالف

كرفص كدامي: احجي منو علللمج

عشق: اني تعلمت

غضب: لتتتتجذبين الصبح ماجنتي تعرفين معناها احججججي منو علمج

عشق: اني كك لت ل قدس تعلمني

غضب: شنو شنووو

رفعت ردان الدشداشة وشوفته الزراك ضرب ايدة بقوة بالكاع ووكف وهوة يفرك راسة ويفتر بلغرفة

غضب: احجي شسوي احجججي

مجاوبتة ندكت الباب شمر علية الشال لبسته

غضب: فوووت

نفتحت الباب ودخل قصي باوعلي بلكاع

غضب: هسه شسوي فهمني

قصي: شبيك اعصابك هسه احلها الك اني هم صارت وياي كومي عشق جيبي كريم الاساس من قدس

كمت ركض طلعت ل قدس

عشق: قصي يريد كريم الاساس مالج

قدس: شيسوي بي

عشق: مادري يكول اني صارت وياي وحليتها هيج

قدس: عززا ولج زوركتي غضب

هزيت راسي بمعنى اي

قدس: كتلج ميقبلون شكد تعاندين

عشق: الكريم ع السريع

طلعتلي الكريم وطلعت ركض للغرفة انطيته ل قصي

قصي: شو اشوف

باوعلها

قصي: اف اف اف هاي شنو مال انتقام

غضب بعصبية:  قصصصصي

قصي: اي افتهمت

مد الكريم ديحط ل غضب لزم ايدة

غضب: هاي شنو

قصي: كريم اساس

غضب: مكياج؟؟

قصي: اي تعال

غضب: ماريد. ماحط مكياج ششايفني مرة

قصي: لا اطلع هيج كدام الزلم وكوللهم مرة سوتلي هاي

غضب: اووووووف االله عشق

تقرب يريد يضربني لزمة قصي ووكف يدهن ركبته وهوة يباوعلي بعصبية

قصي: كملت

باوع لنفسة بل مرايا وندار يباوع ل قصي

غضب: بعدة شلووون

قصي: مديروح شسوي اذا اخلي اكثر يبين مخلي شي

غضب تنفس بقوة عظ ايدة ويباوعلي بعصبية

غضب: اووويلي الله شسوي بيج اني هسه

عفته وطلعت ورا شوية طلع لازك لزكة جروح عليها محجيت شي اجوي الزلم ودخلو كعدو جايين خطابة ل سهى وسرى خوات غضب ولد عم ثنين متقدميلهن ورا ماطلعو كعدو كلهم بالصالة يتناقشون فقط الززلم تنطي رأيهم النسوان مالهم اي رأي ولا حتى سهى وسرى ابن عمي يحيى رفض زواج سهى وكال اني اريدها واخوية موسى نفس الحال رفض زواج سرى وكال اني اريدها المهم العائلة عدهم ابن العم اولى بيها فقررو يرفضون العرسان الجدد بعد ماخلصت السهرة كامو لغرفهم اني والبنات لمينا الاستقبال وكمت ويا سهى وسرى لغرفتهن نمت يمهن ماحسيت غير بنص الليل بطني تنعصر فتحت عيوني شفت عيون تجدح نار بوجهي داشهك حط ايدة على حلكي واقترب همس يم اذني

غضب: كووومي كدامي ليفوك لا اسمط ابوج ال....

جر ايدي وكومني ورا عاصر ايدي بقوة صعدني الدرج ورا بقوة وسرعة ثواني وصرت بغرفته ماحسيت غير من شمرني بلكاع وكعت على ايدي

عشق بدموع: شبيك وياي

غضب تقدم وكرفص كدامها : بت ال.... بت ..... ليش نايمة جوة

عشق بدموع: لعد وين انام

لزم حنجي بقوة : يمي هنا تناميين ليش نزلتي جوة

عشق: انته مو كتلتني اليوم لان اقتربت منك شتريد بعد

عصر ايدي بقوة: كتلتلج لان فضحتيني وزوركتيني ما كتلج لتنامين يمي

اقترب اكثر حاول يبوسني اشتميت بي ريحة غريبة وكريهة درت وجهي عنه

عشق: اااف شنو هل ريحة

غضب: يا ريحة

عشق: حلكك بي ريحة شماكل

غضب: شارب

عشق: ششارب انته تشرب

غضب: اي اشرب معاجبج

دفعته: وخرر عني الله يلعنك حرام الشرب

تقدم وكعد على رجلي: مو حرام حبج الي تعذبيني بي

عشق: اااخ رجلي كوم رجلي شعلية اني انته خبل الله يلعنك سكير فوكاها

غضب: مو سكير بس انتي خبلتيني كل متعذبيني احاول انساج بالشرب

عشق: عذر اقبح من ذنب كووم

وكف وسحب ايدي وكعني ع الجرباية ونام فوكاي

عشق: كووووم عني كوم

غضب: اشش انجبي نعسان

حط راسة بركبتي وغفى ريحته موتتني حاولت ادفعة مكدرت

غضب: كافي تتحركين نامي

عشق: وخر خنكتني

غضب: ناامي

ثكل غضب اكثر عرفته نام باوعت ل سكف الغرفة ماعرف شكول وشدعي طلع سكير وشراب ربي يعني معقولة هيج ضالم وسكير توكف ويا ومتوكف وياي ليش هيج حياتي نزلت دموعي باوعت لوجهة بركبتي وتنفسة قوي ريحة من اقذر الروايح ماجنت ادري بي يشرب درت وجهي للجهة الثانية ونمت ودمعتي بخدي حسيت على شي بركبتي فتحت عيوني غضب منزل راسة اكثر دفعته بقوة وصحت بي

عشق: شتسسسوي

رفع راسة وكام من فوكاي وطلع كمت وكفت دشداشتي سحابها مفتوح سديتة وطلعت منشفة وطلعت للحمام اريد اغسل ريحة شرب غضب احسها بيه دخلت غسلت واني ابجي لفيت نفسي بالمنشفة نشفت شعري صارت عيني بالمرايا باوعت لركبتي شهقت لبست ملابسي ع السريع وطلعت فتحت باب الغرفة شفته واكف يعدل شعرة دفعته بقوة

غضب: شبيج

عشق: حققققيرر هاي ليش هيج مسوي

غضب : احترمي نفسج شمسوي

فتحت شالي : هاي شنو ركبتي

دار وجهة ع المرايا ولا كأن صاير شي ضربته على صدرة

عشق: البارحة كتلتني لان سويتلك واليوم ركبتي متبين من وراك اكررهك حقير حق

ماحسيت غير راجدي قوي على وجهي دموعي نزلت لزم حنجي بقوة ووكفني ويا المرايا

غضب: احمدي ربج كعدتي من النوم وبعدتيني جان سويت اكثر من هاي

عشق: اكرررهك

غضب: متكرهين احد لازمج شكد مهتم اني المهم انتي ملكي مرتي احجي براحتج واكرهي على كيفج

عافني ديطلع صحت ورا

عشق: اني اعللللمك نذل

عافني وطلع ضليت متخبلة وكارهة نفسي اريد انتقم منه شمرت الشال من فوك راسي وطلعت الا افضحك وانزل راسك كدام اهلك نزلت كلهم كاعدين  بالاستقبال امه وابو واخوته ونسوانهم ديتريكون اني وكفت انتبهت علية مرت عدي شهقت باوعلي غضب وكام بكل قوة وسرعة وهمه يباوعون حضني بقوة ورجعني ليورا حتى محد يشوفني منهم دفعته ميفيد لازمني بقوة سحبني ورا لغرفته دفعني بالمختصر ما اتعمق بالتفاصيل وأذيكم نكتلت كتله مثل ميكولون غسل ولبس حيل اذاني اخر شي عافني بلكاع وكعد على طرف السرير مدنك راسةويفركة بقوة واني ممدة بلكاع ودموعي تجري رفع راسة باوعلي نزل بلكاع وزحفلي بقوة حط راسي بحضنه ويبجي جرني لحضنه

عشق بألم : اااخ ااخ

غضب بدموع: اسف مادري شصارلي اسف

عشق: اكرهك لتعتذر اصلا كتلتك صارت شربة مي بالنسبة الي

حضني بقوة ويبجي واني احس جسمي مكسر احاول ادفعة ماعندي قوة

عشق: ماما

رحت لضلام ماشفت شي بعد كعدت واني بلمستشفى باوعت ردهة نسائية ام غضب واكفة وقدس هم يمها واكفة فتحت عيوني محجيت شي الممرضة شافتني اجتي تفحصني وتسأل شبية مبيه مجاوبتها جابو تحاليل ويحجون افتهمت دمي نازل لل٧ وصاير عندي اغماء انطوني علاج وابر ومغذي طلعوني ورا ساعتين دخلوني للبيت لغرفة غضب تمددت ونمت كعدتني قدس ع الغدا هزيت راسي ماريد عافتني وطلعت ورا شوية دخل غضب شايل صينية حطها بصفي

غضب: اكلي

مجاوبتة

لزم حنجي وفتح حلكي وبدأ يوكلني وكلني وشال الصينية للميز تواليت ورجع كعد يمي تمدد وسحبني لحضنه نومني على صدرة وايدة جوة ضهري والثانية لزم موبايلة طلع صور غرف نوم

غضب: ياهي تردين

🌹🌹

ل