تحميل رواية «غدر الاخوة في الصعيد» PDF

رواية غدر الاخوة في الصعيد الفصل الاول

هنادي واقفه قدام اختها عامله تعيط وبعدين قالت

هنادي

ارجوكي استري عليا والله انا ما ليا صالح خالص باللي حصل ليا انا كان غصب عني

زينه

اكيد يا حبيبتي هعمل كده هو انا ليا غيرك ولا اقدر اعمل حاجه تاذيكي بس انتي هتعملي اي عاد بعد اللي حوصل ده أبوكي لو شم خبر باللي حصل مش هيسكت عاد

وفي الوقت ده هنادي قعدت على السرير وهي بتترعش من كتر العياط وحطت ايديها على قلبها وقالت

هنادي

اني مش قادره اصدق ان يحيى حب عمري اللي كنت فاكراه هيبقى ضهري وسندي في الدنيا كلها يعمل فيا اكده وفي الاخر ياخد بعضه ويمشي ويسيبني لوحدي اني صحيت من النوم ما لقيتش حد جنبيي اني ضعت يا زينه ومش عارفه اعمل ايه

وبعدها زينه راحت قعدت جنبها ومسكت ايديها وقالت

زينه

انتي غلطانه يا هنادي ما كانش ينفع تروحي معاه الشقه مهما حوصل صحيح هو خطيبك وكنتي فاكراه أمان ليكي بس الزمن ده مبقاش فيه أمان لحد يا حبيبتي طب هتعملي ايه دلوك لو ابوكي عرف باللي حوصل ده احنا لازم نفكر بعقل قبل ما الدنيا تخرب فوق راسنا كلنا

وهنادي بصتلها بعيون مليانه خوف وقالت

هنادي

والله يا زينه ما كنت فاكراه هيعمل فيا اكده والله كنت رايحه واني مطمنه وكنت فاكراه راجل هيبقى جوزي بعد كام يوم ومكنتش اعرف اني هرجع مكسورة ومهدوده بالحال ده

زينه

المهم دلوك اني هخرج علشان ابوكي حاسس ان فيه حاجه من ساعه ما دخلتي وانتي حابسه روحك في الاوضه والموضوع ده انتي عمرك ما عملتيه هخرج اعمله كباية شاي واهديه وبعدها هدخل اطمن عليكي يا حبيبتي

وبعدها خرجت زينه من الاوضه وقفلت الباب وراها بالراحه

وفي الوقت ده هنادي فضلت قاعده على السرير تعيط ودموعها نازله من غير ما توقف وبدأت تفتكر اللي حوصل

فلاش باك

قبلها بيوم كانت واقفه مع يحيى وهو ماسك ايديها وبيبصلها بحب وقال

يحيى

اني نفسي اخدك ونمشي بعيد عن الناس كلها ونفضل لوحدينا شويه امتى بقى ابوك يوافق نكتب الكتاب وتكوني مرتي على سنه الله ورسوله قدام الناس كلها

وفي الوقت ده هنادي ابتسمت بخجل وقالت

هنادي

اتحشم امال يا ولد عمي انت عارف زين اني بتكسف من الكلام ده واصل وكل ما تتكلم اكده قلبي يدق اكتر

يحيى ضحك وبصلها بحب وقال

يحيى

خلاص هانت يا بت عمي كلها كام يوم وهتبقي في داري واقدر اقولك كل الكلام اللي نفسي فيه من غير ما تبصي في الارض وتستخبي مني

وبعدين قرب منها واتكلم وهو مبتسم

يحيى

بقولك ايه ما تيجي نطلع نقعد في الشقه شويه عندي وحتى اوريكي الحاجات الجديده اللي عملتها فيها علشان تشوفيها بعينك

هنادي بصتله بخوف وقالت

هنادي

لا طبعا ابويا لو عرف اني رحت معاك الدار مش هيحصل زين انت عارف زين قوي انه مانعني اشوفك اصلا اطلع معاك كيف

يحيى

ومين هيقوله بس يا حبيبتي وبعدين كلها كام يوم وهتبقي مرتي تعالي بس شوفي بيتك اللي هتعيشي فيه

وبعد تردد كبير وافقت وطلعت معاه وهي قلبها بيدق من الخوف والكسوف

ولما دخلت الشقه فضلت تبص حواليها بفرحه وقالت

هنادي

اني مش قادره اصدق ان الشقه دي كلها هتبقى بتاعتي بعد كام يوم

يحيى ابتسم وقال

يحيى

لا الكلام اللي بتقوليه ده غلط الشقه دي ملكك من دلوقتي هو اني ليا غيرك يا روح الروح خليكي اقعدي واني هدخل اعملك حاجه تشربيها

وبعدها دخل المطبخ وسابها وهي قاعده تبص في كل ركن بفرحه وتحلم بحياتها الجايه

وفجأه بدأت تحس ان الدنيا حواليها بقت تقيله وعينيها مش قادره تفتحها كويس وحاولت تقوم من مكانها وهي بتقول

هنادي

مالي اني حاسه اني تعبانه اكده ليه

وبدأت الدنيا تروح وتيجي قدام عينيها وبعدها كل حاجه بقت ضلمه

وبعد ساعه صحيت لقيت نفسها نايمه على السرير لوحدها في الشقه ويحيى مش موجود وفضلت تصوت وتقول

هنادي

اخص عليك يا يحيى انت عملت في ايه حرام عليك تعمل في بنت عمك كده

وبعدها اخدت بعضها ومشيت ومكنتش عارفه هتعمل اي بعد اللي حصل ده

باك

وفي الوقت ده هنادي كانت بتعيط بحرقه وهي حاطه ايديها على وشها وبتقول

هنادي

يارب اعمل ايه دلوك يارب نجيني من المصيبه دي

وفي شقه سليمان ابن عمتهم راحت ليه زينه

زينه

ازيك يا ولد عمتي عامل ايه انا مش عارفه اقول لك ايه على اللي حصل ده انت ما تعرفش يحيى راح فين

سليمان بصلها باستغراب وقام من مكانه وقال

سليمان

واني مالي ومال يحيى اصلا وبعدين هيكون راح فين اكيد عريس وبيتجهز لفرحه ولا فيه حاجه حوصلت انتي مخبياها عني

زينه بصتله بتوتر شديد وحاولت تبعد عينيها عنه وقالت

زينه

لا فرح ايه بس يا ولد عمتي مهو لو واحد خدع البنت اللي بتحبه وكسر قلبها يبقى هيفكر في فرح كيف

سليمان

انتي بتتكلمي بكلام غريب من ساعه ما دخلتي الدار وشك مش طبيعي وعيونك كلها خوف قوليلي في ايه حوصل

زينه نزلت عينيها في الارض واتكلمت وهي متلخبطه

زينه

اصل اني مش قادره اصدق اللي حوصل واصل يحيى من صغره وهو بيحب هنادي وكان بيحلف انه عمره ما يزعلها

سليمان

الحب مش كلام يتقال يا زينه الحب أفعال واللي يحب حد عمره ما يكسره ولا يوجعه قوليلي الحقيقه كلها انتي مخبيه ايه

زينه

والله اني خايفه يا ولد عمتي في مصيبه كبيره حوصلت ومش عارفه هترسا علي ايه

سليمان مسك أيدها وبعدين قال

سليمان

بقولك اي والله العظيم لو ما قولتي اللي انتي عايزه بسرعه

زينه سحبت دراعها من إيده بسرعه وبصتله بعتاب وقالت

زينه

براحة يا ولد عمتي انت ماسك دراعي اكده ليه دي اخرتها يعني واني جايه اقولك إن ربنا جاب لك حقك علشان تقدر تنتقم من اللي اسمها هنادي بعد اللي عملته فيك

سليمان ساب دراعها بسرعه وبصلها بصدمة وقال

سليمان

انتي اكيد اتجننتي في مخك هنادي مين اللي اني انتقم منها لا طبعا اني عمري ما اعمل الكلام الفارغ اللي انتي بتقوليه ده وبعدين مالها هنادي حوصلها ايه

زينه بصتله بمكر وقربت منه خطوتين وقالت

زينه

هو انت ما تعرفش باللي حوصل ولا ايه مش يحيى غدر بيها وعمل عملته وهرب وسابها وهي يا عيني مش عارفه تعمل ايه والله اني لو مكانك كنت اروح اشمت فيها شماته على اللي عملته فيك زمان

وفجأة وش سليمان اتغير وبقى كله غضب وقال

سليمان

ازاي الكلام اللي بتقوليه ده انتي واعيه لكلامك زين ولا لا والله لو شفت يحيى قدامي هقتله بإيدي ولو طلع الكلام اللي بتقوليه كدب ما تعرفيش اني ممكن اعمل فيكي ايه

زينه نزلت عينيها واتكلمت بنبرة كلها وجع

زينه

اني نفسي اعرف فيها ايه الزيادة فيها علشان تحبها بالطريقة دي كلها اني نفسي تبصلي ولو مره وتشوف قلبي اللي واجعه من بعدك وتشوف اني من زمان واقفه مستنياك وانت ولا حاسس بيا

سليمان

هو انتي جايه ليه دلوك جايه فاكراني اني هروح اشمت فيها بسبب اللي حوصلها لا والله لو الدنيا كلها وقفت قدامي ما هعملهاش دي بنت عمي وعمرها ما هانت عليا

زينه

والله لو أي إنسان طبيعي مكانك كان عمل اكده وبعدها عايزه حاجه توجعها اكتر من اللي هي فيه تتجوز قبلها وتسيبها هي في الدار زي الخدامه اصل انت عارف زين إن أبويا لو عرف اللي حوصل عمره ما هيسكت واصل

سليمان فضل ساكت شويه وعيونه كلها غضب وتفكير وبعدها اتكلم بهدوء غريب وقال

سليمان

تمام ماشي روحي انتي على داركم دلوك واني هاجيلكم بالليل وعرفي أبوكي إني عايزكم في موضوع مهم

وفجأة عيون زينه وسعت وقربت منه بفرحه كبيره وقالت

زينه

انت بتتكلم بجد يعني حلم عمري هيتحقق خلاص وانت هتتجوزني اني مش قادره اصدق اللي حوصل

سليمان

تمام يا زينه روحي انت دلوقتي واعملي اللي قلت لك عليه وانا جاي بليل ل ابوكي ضروري

زينه

تمام ماشي انا هروح دلوقتي علشان خاطر اجهز حالي ما تعرفش ان ده كان حلم عمري ازاي اني اتجوزك

وبعدها مشيت وهي فرحانه جدا وسليمان قال

سليمان

مين جال اني جاي علشان اتجوزك يا زينه

انا عمري ما اعمل أكده واصل

وبعدها فعلا روحت علي الدار وهنادي كانت قاعده

وراحت زينه جنبها وقالت

وبعدها راحت زينه قعدت جنب هنادي وقالت

زينه

مش عارفه يوم الفرح لما بيجيلي لازم الدنيا كلها تتنكد عليا يعني المصيبه اللي حوصلت لك النهارده تيجي في نفس اليوم اللي هفرح فيه والله اني مش عارفه اقولك ايه

هنادي رفعت وشها وبصتلها باستغراب وقالت

هنادي

فرح مين يا زينه انتي بتقولي ايه اني مش فاهمه حاجه

زينه نزلت عينيها بكسوف مصطنع وقالت

زينه

سليمان قابلني وهو جاي في الطريق وقالي انه معجب بيا وعايز يتجوزني بصراحه اني قولتله لا طبعا ازاي يعني ده كان متقدم لاختي قبل اكده ازاي ارضى على نفسي

هنادي

معقول الكلام اللي بتقوليه ده حوصل

زينه

ايوه طبعا هو انا هكذب عليك يعني ولا ايه

وكمان قالي ان قلبه ما بقاش ملكه وانه متعلق بيا من زمان وان موضوع خطوبته ليكي كان علشان خاطر كلام الكبار بس لما فكر زين لقى انه عايزني اني

وفجأة هنادي مسحت دموعها وابتسمت غصب عنها وقالت

هنادي

الف مبروك يا حبيبتي هو انتي فاكراني اني هزعل بعد الكلام ده انتي ما تعرفيش اني بحبك ازاي وكنت بستنى اليوم ده بفارغ الصبر لاني عارفه زين انك بتحبيه

زينه

اني شايفه ان الوقت مش مناسب للكلام ده احنا عندنا مصيبه اكبر دلوك واني مش عارفه هنعمل ايه في موضوعك

هنادي

يمكن ربنا عمل اكده علشان يوقف جنبي مش اكتر يمكن موضوع جوازك يشغل أبويا شويه ويبطل يسأل على يحيى لحد ما اشوف هعمل ايه

زينه قربت منها وقالت

زينه

لا يا حبيبتي من النهارده سليمان هيبقى راجلنا وانتي عارفه زين سليمان راجل وجدع واني هخليه يجيبلك حقك مهما حوصل

هنادي

ارجوك يا زينه اوعي يعرف اي حاجه عن الموضوع اللي حصل انتي سامعه ولا لا مشكلتي انا هعرف اخرج نفسي منها

زينه

اللي انت رايداه يا حبيبتي انا هعمله انا بس كنت عايزه اقف جنبك مش اكتر من كده

وفي الليل كان سليمان قاعد قدام أبوهم اللي كان كفيف وقال

الأب

نورتني يا سليمان والله يا ابني اني كنت مكسوف منك بسبب اللي حوصل في موضوع هنادي

سليمان اتكلم بهدوء وقال

سليمان

كل شيء قسمه ونصيب يا عمي والظفر عمره ما يطلع من لحمه وانت عارف زين اني بحبك زي ما تكون أبويا بالظبط بس اني عايز اطلب منك طلب

الأب

اتفضل يا ولدي اطلب اللي انت عايزه

سليمان

اني محتاج اقعد مع هنادي شويه واتكلم معاها

الأب اتعدل في قعدته وقال باستغراب

الأب

بس هنادي يا ابني بتحب يحيى ولو فاكر انك هترجع للكلام القديم ده مستحيل

سليمان

هنادي من النهارده بقت اختي واني عمري ما افكر فيها بالطريق ده بعد اذنك بس محتاج اكلمها

انا برده ابن عمتها حتى لو ما فيش جواز هيكون في ارتباط كلام ما بيني وما بينها زي الاخوات يعني

الاب

اه طبعا يا حبيبي تمام ماشي انا هدخل علشان خاطر انادي عليها

وبعدها الأب قام واتسند على الحيطه ومشى ناحية الاوضه

وبعدها بدا سليمان يبص للبيت جامد وبعدها بدأ يفتكر اللي حوصل

فلاش باك

سليمان كان قاعد قدام خاله ووشه كله فرحه وقال

سليمان

اني جاي النهارده يا خالي علشان خاطر اطلب منك طلب من زمان نفسي اطلبه وجتلي الجرأة دلوك علشان اقوله

الأب

خير يا ولدي اطلب اللي انت عايزه ده انت ولد اختي ومش غريب

سليمان

اني جاي النهارده اطلب ايد هنادي منك يا خالي انت عارف زين اني بحبها من زمان قوي وكنت مستني نفسي تستقر شويه علشان اجي اطلبها بالحلال واكون قادر افتح دار واسترها فيها

وفي الوقت ده كانت هنادي خارجه من المطبخ وماسكه صينيه عليها الشاي ولما سمعت كلام سليمان اتوترت جامد واتلخبطت في مشيتها ووقعت منها الكوبايات على الأرض

هنادي

يا ساتر يارب

وسليمان قام بسرعه من مكانه ونزل يلم الكوبيات وقال

سليمان

ولا يهمك يا هنادي دلق الشاي خير هههههههههههه خير

هنادي بصتله بتوتر ومقالتش حاجه وبعدها دخلت بسرعه جوه

وسليمان رجع قعد جنب خاله وهو مبتسم ومستني الرد لكن فجأة لقى خاله وشه اتغير وبصله بحزن وقال

الأب

معلش يا ولدي بس شكلك جيت متأخر

سليمان

اني مش فاهم جصدك ايه يعني جيت متأخر كيف

الأب

يحيى كان جاي من كام يوم واتقدم لهنادي وهي وافقت عليه علشان بتحبه واني ما كنتش عايز اكسر بخاطرك لكن النصيب سابق

وفجأة ابتسامة سليمان اختفت وحس كأن الأرض بتتهز من تحته وقال بصوت مكسور

سليمان

ازاي الكلام ده يا خالي وهي عارفه زين اني بحبها من زمان

وفي اللحظة دي خرجت هنادي من الاوضه ووقفت وقالت

هنادي

اني اسفه يا ابوي أن جايه ادخل في الكلام بس لازم اقولك الحقيقه علشان ما تفضلش متعلق بحاجه مش هتحصل الحب كان من ناحيتك لوحدك واني عمري ما حسيت بأي حاجه من ناحيتك واصل

سليمان فضل ساكت كام ثانيه وعيونه كلها وجع وبعدها قام وهو بيحاول يبتسم وقال

سليمان

ولا يهمك يا بنت خالي المهم تكوني مبسوطه ومرتاحه الف مبروك وربنا يتمملك على خير

الأب بص لهنادي وقال بعد ما سليمان اتحرك ناحية الباب

الأب

بس والله يا بتي اني شايف سليمان كان هيصونك ويحافظ عليكي اكتر من يحيى

هنادي بصتله وقالت

هنادي

بس جلبي رايد يحيى يا بويا وخلاص هو جالي واتقدم وانت وافقت عليه

الأب هز راسه وقال

الأب

اللي انتي شايفاه يا حبيبتي اعمليه

وفي الوقت ده كان سليمان ماشي برا الدار ودموعه نازله علي خده

باك

وفي الاوضه كانت قاعده هنادي وزينه وبعدها ابوهم دخل وقال

الأب

اخرجي يا بتي سليمان عايز يتكلم معاكي شويه

وفجأة زينه قامت بسرعه وهي مبتسمه وقالت

زينه

حاضر يا بويا

الأب

مش انتي يا بتي اني قصدي هنادي مش انتي اقعدي مطرحك

وفي الوقت ده هنادي بصت لزينه وقالت

هنادي

اكيد عايز يتكلم معايا علشان اني الكبيره قبلك هخرج اشوف عايز ايه

وفي اللحظه دي زينه حسيت إن قلبها وقع في رجلها وخافت لا يكون سليمان هيقول الحقيقه

وبعدها هنادي مسحت دموعها بسرعه وحاولت تبين إن مفيش حاجه وخرجت بره وقعدت جنب سليمان وقالت ليه

هنادي

خير يا سليمان ابويا جالي إنك كنت عايزني في حاجه مهمه

سليمان

ايوه يا هنادي اني عايز اتكلم معاكي في موضوع مهم ومش رايد اي حد يعرف بالكلام اللي هيتجال بيناتنا دلوك

هنادي

اني مش فاهمه جصدك ايه يا سليمان كلام ايه اللي محدش يعرفه

سليمان

اني عرفت إن فيه حاجه كبيره حوصلت ما بينك وبين يحيى وعرفت إنك مكسوره ومش قادره تتحملي اللي فوق راسك دلوك

وفجأة وش هنادي اتغير وبقت تبصله بصدمة وقالت

هنادي

معقول انت اللي عملت اكده فيه معقول انت اللي خليته يعمل فيا أكده لا لا مستحيل يحيى عمره ما يعمل حاجه تأذيني

سليمان

لحد دلوك انتي ما عرفتيش سليمان زين اني مستحيل أأذيكي ولا حتى أفكر أوجعك انتي حب عمري وهتفضلي حب عمري حتى لو عمرك ما حبيتيني واني لو رايد أأذيكي كنت عملت اكده من زمان

وفي الوقت ده هنادي بدأت تعيط وقالت

هنادي

طب جولي انت عرفت منين بالكلام ده كله محدش يعرف حاجه واصل غيري

سليمان

لا يا هنادي فيه حد غيرك يعرف واختك زينه هي اللي جت لعندي بنفسها وكانت عايزاني اجي اشمت فيكي بسبب اللي حوصل

وفجأة هنادي بصتله بصدمة كبيره وقالت

هنادي

لا مستحيل اني مش قادره اصدق اللي بتجوله معقول اختي تعمل فيا اكده وتفضحني وهي اللي جولتلي إنها هتقف جنبي

سليمان

دلوك اسمعي الكلام اللي هاجوله زين يحيى من النهارده مسافر شغل ولو أبوكي سألك عليه جوليله إنه رايح يخلص شغل بره لحد ما نعرف نتصرف في الموضوع ده بعقل

هنادي بصتله بدموع وقالت

هنادي

صحيح اني زعلتك كثير وعارفه إن قلبك متعلق بيا لكن اني جلبي متعلق بيحيى بس ارجوك ما تسبنيش لوحدي دلوك اني محتاجه حد يقف جنبي

سليمان

حتى لو الدنيا كلها بعدت عنك اني مش هبعد يا هنادي

وفي الوقت ده كانت زينه جوه الاوضه قاعده جنب أبوها وقالت بعصبيه

زينه

هو انت هتفضل سايبهم قاعدين لوحدهم اكده يا بويا ولا ايه مش المفروض نخرج نشوف ايه اللي بيحصول بره

الأب

سليمان مش غريب يا بتي بطلي الكلام اللي انتي بتقوليه ده

زينه قامت بسرعه وقالت

زينه

لو انت مش رايد تخرج اني هخرج اشوف بنفسي

وبعدها خرجت وأبوها خرج وراها ولما سليمان شافهم ابتسم بسرعه وقال

سليمان

كويس إنكم جيتوا يا خالي تعالي يا زينه شوفي اختك اللي زعلانه مني

زينه

زعلانه منك ليه هو انت جولت لها ايه بالضبط

سليمان

اصل اني بعت يحيى في مأمورية شغل علشان يقدر يخلص باقي الحاجات اللي ناقصاها وهي زعلانه مني علشان بعدته عن حبيبها

الأب

وايه الشغل اللي بينك وبين يحيى من امتى وانت وهو بتساعدوا بعض

سليمان

حبيت اعمل حاجه تساعدهم في الجواز هما الاتنين ما بيحبوش يطلبوا مساعده من حد والجواز عايز مصاريف كتير المهم اني همشي دلوك وما تزعليش يا هنادي كلها شهر ولا شهرين وهتلاقيه راجع لعندك

وساعتها هنادي بصت لسليمان وسكتت لكن عيونها كانت بتقوله حاجه واحده

شكرا انك سترت عليا

وبعدها مشي والاب بص ل زينه وقال

الأب

امال ايه يا زينه كلام المساخ اللي انتي جولتِه ده من شويه وإن سليمان رايد يتجوزك ومش شايف يعني جاي يتكلم في اي موضوع جوازه ولا حاجه من اللي جولتِها

وفجأة زينه اتلخبطت وبصت علي هنادي وقالت

زينه

اكيد انتي جولتيله حاجه مش اكده يا هنادي ما اني عارفاكي زين طول عمرك ما بتحبيش حد ياخد منك حاجه واصل عايزه كل حاجه ليكي وبس مش كفايه إنك خدتي سليمان زمان ويحيى كمان لا دلوك عايزه تخربي عليا اني كمان

هنادي

انتي بتجولي ايه يا زينه انتي واعيه للكلام اللي خارج من خشمك ده ولا لا

زينه

ايوه واعيه زين قوي اصل ما هو مش معقول يخرج يقعد معاكي كام دقيقه ويرجع يغير كلامه كله اكده مره واحده امال غير رايه ليه ها جوليلي غير رايه ليه

هنادي قامت وقفت ووشها كان كله غضب وقالت

هنادي

ا زينه سليمان ما اتكلمش غير في موضوعي اني وبس ولو سمحتي طول ما الموضوع بيني وبينه ملكيش صالح بيه واصل

زينه

شايفين يا بويا شايفين بتكلمني كيف

هنادي

واني جولت اللي عندي ولو سمحتي ابعدي عني دلوك

وبعدها دخلت الأوضه بسرعه وقفلت الباب وراها وهي بتحاول تمنع دموعها تنزل

الأب

اني مش فاهم مالكم كلكم النهارده كل واحد فيكم شكله شايل هم جبل فوق راسه

وبعدها دخل أوضته هو كمان وساب زينه واقفه لوحدها في الصاله

وفجأة ملامح وشها اتغيرت وبقت تبص ناحية باب أوضة هنادي بغيظ شديد واتكلمت بصوت واطي

زينه

اني غبيه... غبيه كيف فكرت بالطريقه دي بدل ما اخلي يحيى يتجوزها وياخدها ويغور بيها من الدار كلها لا رحت عملت المصيبه دي كلها بإيدي اني ما كانش رايدي غير اكسرها واشوفها مذلوله قدامي وبس

وبعدها مسكت طرحتها بسرعه وخرجت من الدار وهي بتبص حواليها بخوف

وفي مكان بعيد شويه وسط أرض زراعيه قديمه دخلت أوضه صغيره مهجوره

يحيى كان مربوط على كرسي ووشه كله كان متبهدل وعليه آثار ضرب وكان رافع راسه بالعافيه

يحيى فتح عينيه بالعافيه وقال

يحيى

زينه... انتي... انتي اللي عملتي فيا اكده

زينه قربت منه وبصتله جامد وقالت بصوت واطي

زينه

اللي زيك لازم يرجع تاني يا يحيى... بس اني اعملها كيف دي

وفجأة يحيى وسع عينيه وقال بخوف

يحيى

مش فاهم ارجع ليه وانا موجود فين اصلا شيلي البتاعه اللي على عيني دي

رواية غدر الاخوة في الصعيد الفصل الثاني

زينه

اهدى على روحك شويه وما تبقاش خلقك ضيق اكده انا هشيلها من على عينك ولازم تفهمني زين

يحيى فتح عينه وبصلها بعصبيه وقال

يحيى

اني عايز اعرف ايه اللي حصل بالظبط وايه اللي مخليني مربوط اكده على الكرسي هو انت فاكراني قدامك بهيمه ولا ايه فكي الحبل بسرعه

زينه

اهدى بس على روحك يا ولد عمي مالك متعصب اكده ليه ولا انت فاكر لما تتعصب علي هخاف منك واكش لا يا حبيبي اني مش هنادي اني زينه اللي اوديك البحر وارجعك عطشان

يحيى

انت عمرك ما تكوني زي هنادي ابدا هنادي دي احلى حاجه في الدنيا بس عايز اعرف ايه اللي حصل بردك فكيني يا زينه واحكي لي كل حاجه

زينه

اني اصلا ما كنتش ناويه اظهرك تاني لكن يلا بقى لازم تظهر وتتجوز اللي ما تتسماش اللي اسمها هنادي ولازم تعرف كل حاجه دلوجيت

وبدت زينه تحكي كل حاجه

فلاش بااااك

زينه كانت واجفه مع سيد في الشارع على جنب وقالت

زينه

بجول لك ايه يا سيد انت الوحيد اللي قريب جوي من يحيى واصحاب وكمان بيحبك زي اخوه يبقى عايزاك في مصلحه حلوه وانت الوحيد اللي هتنفعني

سيد

بدل مصلحه يا ست البنات وفيها فلوس يبقى عيني الاتنين ليكي جولي بس وما لكيش دعوه باي حاجه

زينه

عايزاك تجنع يحيى انه ياخد هنادي اختي ويفرجها على الشجه وهناك انت هتعمل كل اللي هجوله لك عليه

سيد بتوتر

ايه ده بقى هي جلبت فيلم اكشن اكده ليه ايه الكلام اللي انت بتجوليه ده يا ست البنات اني مش فاهم حاجه

زينه

خد الفلوس دي دي اللي هتفهمك كل حاجه وهتخليك تجول حاضر ونعم وبس لاني عارفه انك بتحب الفلوس ولا ايه هي يا سيد

سيد مسك الفلوس وكان فرحان جوي وقال

سيد

ايوه اكده هو ده الكلام ولا بلاش جولي لي بقى عايزه ايه

زينه

خد المنوم ده واعمل اللي هجوله لك عليه بالظبط وما لكش دعوه باي حاجه

وفعلا بعديها باسبوع كان يحيى وسيد جاعدين في الشجه بيحطوا خشب اوضه النوم في الاوضه وسيد ربت على كتف يحيى وقال

سيد

اللهم صل على النبي لا خشب متين يا صاحبي ده اللي يعيش معاك السنين الف مبروك عجبال ما تعمل كمان اوضه العيال ايامك كلها تبجى سعاده وهنا

يحيى

ربنا يخليك ليا يا سيد والله لو عندي اخ مكانش هيساعدني بالطريقة دي على جد ما سليمان قريبي لكن لا اني بحبه ولا هو بيحبني ويلا بقى عشان ما اتاخرش عشان عايز اجابل هنادي وافرحها اني جبت اوضه النوم

سيد

ده كلام يا راجل جوازكم بعد شهرين وكاتبين كتابكم وكمان هتجابلها في الشارع عيب ما يصحش هاتها هنا في البيت

يحيى

لا لا ده انت فاهم غلط خالص استحاله توافق اني عارف هنادي زين

سيد

يا ابني اسمع اللي بجول لك عليه ده هي اكده ممكن تفكر انك ما بتحبهاش لازم تجيبها بجول حجتك ان هي تتفرج على الشجه جبل ما تتفرش وما تخافش ليك علي هعمل لكم كوبايتين عصير من اللي جلبك يحبها وانزل على طول

يحيى

ماشي يا صاحبي انت اكده جدع معاك مفتاح الشجه ما اني عامل لك نسخه هنزل بسرعه واجنعها ان هي تيجي وانت اعمل العصير وانزل على طول عشان هي هتتفرج على الخشب وعلى الشجه وبعديها ننزل

سيد

ايوه اكده هو ده الكلام ولا بلاش

وبعديها يحيى نزل عشان يجيب هنادي وسيد دخل المطبخ وعمل كوبايتين عصير وحط فيهم منوم اللي زينه ادته له وجال في نفسه

سيد

وادي المنوم اللي الحيزبونه زينه ادته لي نفسي اعرف هي بتكره اختها اكده ليه

وبعديها سيد طلع من الشجه وجفل الباب بالمفتاح يحيى دخل هو وهنادي وفرحوا بالشجه وشربوا العصير وبعد دجايج كانوا الاتنين ناموا

سيد دخل الشجه تاني واخد هنادي حطها على السرير وعمل كل اللي زينه جالت عليه وبعدها خد يحيى ونزل بيه وركبه العربيه وهو نايم وراح على المخزن وهناك كانت زينه موجوده وحطه على الكرسي وربطوه وسيد بص لزينه وقال

سيد

اكده كل حاجه ميت فل وعشره اني عملت كل اللي انت جلت عليه هاتي بقى بقيه فلوسي

زينه

جبل ما تاخد فلوسك هنادي اكده خلاص حياتها اتدمرت صح واكيد لما تصحى من النوم هتعرف ان اللي عمل اكده هو يحيى

سيد

بالظبط اكده بس هو انت ليه بتكرهيها جوي اكده في واحده تخلي اختها حياتها تضيع اكده

زينه

ايوه اني الناس كلها بتحبها حتى ابوي بيفضلها عني وامي الله يرحمها كانت دايما تجول الا هنادي اشمعنى اني لازم اكسر مناخيرها واخليها مكسوره الخاطر جدام الناس كلها علشان تبجى مذلوله

سيد

يا ساتر يا رب لا بجول لك ايه هاتي بقى بقيه فلوسي والسلام عليكم لحد اكده

سيد لسه هيمشي زينه مسكته من هدومه وقالت

زينه

تعالى اهنه انت اتجننت ولا ايه لا طبعا مش هتمشي طول ما اني في بيت ابوي انت هتفضل اهنه تحرس يحيى هو نايم دلوجيت بس لازم تجعد معايا علشان ما يفوجش ويمشي انت مش شايف عضلاته ده ممكن لو اتعصب شويه يطع الحبل من عليه

سيد

الله يخرب بيت سنينك يعني في الاخر يحيى ممكن يعرف اني اللي عملت اكده ده اني اكده رحت في داهيه بجول لك ايه اني هحرسه بس واني بره المخزن مش عايزه يشوفني

باااااااك

يحيى كان جاعد مربوط على الكرسي وبعد ما سمع كل الكلام انفجر من الغضب وكان عايز يجوم يموتها وجال بصريخ

يحيى

ايه اللي انت عملتيه ده منك لله يا بعيده معجوله في واحده تعمل اكده في اختها وسيد اجرب الناس ليا هو اللي يعمل اكده ده اني هوريكم ايام سوده والله ما هرحمكم يا زينه

زينه

لا لا بالراحه على روحك شويه هو انت فاكرني هخاف ولا ايه بس بجول لك ايه لو مفكر نفسك انك هتعرف تجول الحجيجه تبجى غلطان لان ما فيش حد هيصدجك هو اني هكذبك

يحيى

ليه ان شاء الله هو انت فاكره ان ما فيش قانون اني هبلغ عنكم البوليس ومش هرحمكم انت اللي زيك لازم يترمي في السجن ما ينفعش تكوني وسطينا ابدا

زينه

اتكلم على جدك يا شاطر اني محدش يعرف يعمل لي حاجه خالص وعلى العموم اني هسيبك بس مش دلوجيت عشان ما تفتكرش اني خايفه منك وبالمناسبه هنادي عارفه انك انت يا حبيب الجلب اللي عملت فيها اكده وكرهتك وكرهت اليوم اللي عرفتك فيه

وبعديها زينه حطت على بجه لزجه عشان ما يصرخش وجالت

زينه

اني همشي دلوجيت وهبجى اجي لك بعدين لما تعجل شويه وتبطل صريخ وبالمره افكر هعمل ايه عشان انت لازم تظهر في حياتها هنادي تاني وتتجوزها وتخلصني منها

وبعديها زينه سابته ومشيت وراحت على بيت ابوها واول ما دخلت الاوضه لجيتها هنادي بتعيط وشافتها وجالت

زينه

هو انت دايما اكده بتبكي ارحمينا بقى من النكد ده نفسي اشوف يوم حلو صحيح هشوفه ازاي وانت اختي

هنادي

كويس انك جيتي يا مخربه البيوت عايزه مني ايه حرام عليكي انت خربتي كل حاجه هو انت جلت ايه لسليمان بالظبط

زينه بتوتر

يا سلام واني هجول له ايه واصل اني ما اعرفش حاجه بجول لك ايه لو هو وجعك بكلمتين اني ماليش دعوه ما انت زي الهبله وبعدين بدل ما تتشطري علي اتشطري على اللي ضيع حياتك كلها

في الوجت ده هنادي ضربت زينه جلم على وشها وجالت

هنادي بصريخ

اخرسي مش عايزه اسمع صوتك سمعه ولا لا حرام عليكي واني اللي كنت مفكراكي هتكوني السند ليا في الدنيا طلعتي اكبر كابوس في حياتي

زينه حاطه ايديها على خدها والدمعه نزلت من عينيها وجالت

زينه

تضربيني يا هنادي وبتستجوي على اختك الغلبانه لا يا حبيبتي روحي خدي حجك من يحيى اللي ضيع حياتك كلها وحط راس ابوي في الطين ودلوجيت سابك وهرب بعد عملته وريني بقى هتعرفي تجيبيه ازاي

هنادي بصريخ

اخرسي يا جليله الادب جطع لسانك اني ما عملتش حاجه برضايه والله كل ده كان غصب عني اني ما كنتش فايجه اصلا ده حط لي منوم في العصير بدل ما تجفي جنبي تعايريني

زينه

ايوه هعايرك ما انت بتاخدي مني كل حاجه حتى سليمان كمان عايزه تاخديه مني ارحمي روحك بقى وبعدين سليمان بعد اللي انت رميتيه استحاله يبص لك

في الوجت ده هنادي كانت بتعيط وزينه جالت لها بشماته

زينه

معجوله بتعيطي لا والله صعبتي علي بدل ما تضربيني روحي خدي حجك من يحيى اللي دمر حياتنا كلاتنا يحيى خلاص عمل عملته وهرب تحب اجول لك بقى هتجولي لابوكي ايه ولا هجول لك الجيران هيجولوا ايه لما يلاجوكي لسه جاعده وما اتجوزتيش الله يفضحك فضحتينا

في الوجت ده ابوهم كان سامع كل حاجه بره الاوضه حط ايده على جلبه وما جدرش يستحمل الصدمه لما عرف ان بنته حياتها اتدمرت وان يحيى هو اللي عمل اكده وجع من طوله واترمى على الارض وهم سمعوه فتحوا الباب بسرعه وهنادي جالت بصريخ

هنادي

ابوي ابوي يا لهوي منك لله يا بعيده كان لازم تعلي صوتك يعني اكيد سمع كل حاجه

زينه

يا نهار اسود منك لله يا بعيده انت اللي السبب ما هو لو انت ما عملتيش اكده ما كانش كل ده حصل ابعدي من وشي يا بوي يا ابوي

في الوجت ده هنادي كلمت سليمان بسرعه في التليفون وجالت

هنادي

الحقني يا سليمان ابوي وجع من طوله اني مش عارفه اعمل ايه

سليمان

اني جاي حالا

وبعديها سليمان راح وحاول يفوجه لكن ما عرفش كلم الاسعاف وبعد شويه العربيه جت وكلهم ركبوا معاه وراحوا المستشفى وهناك الدكتور جال

الدكتور

ده جات له جلطه يمكن يكون في خبر زعله جوي وما جدرش يستحمله الف سلامه عليه لازم يفضل تحت الملاحظه اسبوع على الاجل بعد اذنكم

وبعديها الدكتور مشي وهنادي كانت واجفه عماله تعيط وزينه كانت سرحانه وسليمان جرب من هنادي وجال

سليمان

ممكن تهدي بجى وكفايه عياط ان شاء الله هيبجى زين ويجوم بالف سلامه

هنادي

اني السبب يا سليمان اني اللي عملت كل ده يا ريت ربنا ياخدني وارتاح ابوي ما يستاهلش مني كل ده اني كان لازم ارفع راسه مش احطها في الطين

سليمان

بس الكلام الماسخ ده ما تجولهوش تاني سامعه ولا لا وبعدين هو انت ذنبك ايه اني هاخد حجك وهجيبه لك وبدور على يحيى في كل مكان وما تجلجيش هيجي لحد عندك مكسور واني اللي هجيبه لك

هنادي

نفسي اشوفه يا سليمان عشان اجطعه بسناني وافضل اضرب فيه واجول له ليه عملت اكده ليه شايف ان حبي حاجه سهله بالنسبه لك

سليمان

اهدي ده هو غبي وما بيفهمش انت اللي زيك يتحط على الجرح يطيب ومش بس اكده ده كفايه نظره في عيونك الحلوه جصدي امسحي دموعك بجى يا هنادي

في الوجت ده زينه جربت منهم وجالت

زينه

برافو عليكي يا هنادي اني لازم اقدم لك في معهد التمثيل يا حبيبتي عارفه تمثلي الدور صح الله تصدجي جسمي اشعر والدمعه هتفر من عيني

هنادي

حرام عليكي بجى ارحميني بدل ما تجفي جنبي وتطبطبي علي ونكون سند لبعض تجولي لي الكلام الماسخ ده هو انت ليه بتعملي معايا اكده يا زينه

زينه

عشان بكرهك انت بتمثلي كويس وعارفه تبجي ملاك بريء اما اني ما بعرفش امثل لكن اني احسن منك الف مره

سليمان

بس يا زينه ايه الكلام اللي انت بتجوليه ده ما يصحش اكده وبعدين ابوك دلوجيت بين الحياه والموت وانت واجفه تجولي الكلام ده بدل ما تاخدي اختك في حضنك

زينه بصريخ

هو ده اللي انت فالح فيه تاخد اختي في حضنك يا سلام يا خويا هو اني مين يطبطب علي كلكم شايفين ان احنا لازم نكون تحت امر البرنسيسه هنادي لكن اني لا

زينه سابتهم ومشيت وروحت على الدار وهنادي بصت لسليمان وجالت

هنادي

اسال اكده الدكتور يا سليمان لو ينفع اني الليله ابات ويا ابوي اني مش عايزه اروح البيت وهو مش موجود

سليمان

ابوكي عنده جلطه ودلوجيت تحت الملاحظه يعني ما ينفعش تباتي وياه واصل يلا علشان اروحك البيت وبكره الصبح هاخدك انت وزينه ونجي نطمن عليه وان شاء الله يكون زين

وبعديها سليمان خد زينه وروحوا البيت وجدام الدار سليمان بص لها ومسك يدها وجال

سليمان

انت اختي يا هنادي يعلم ربنا غلاوتك عندي في جلبي عامله ازاي وعمري ما هسيبك وانت في الازمه دي وهفضل وياكي لحد ما اوصلك لبر الامان

هنادي

ربنا يخليك ليا يا سليمان اني بجد مش عارفه من غيرك كنت هعمل ايه طب اتفضل ادخل حتى اشربك كبايه شاي معجوله هتمشي اكده

سليمان

اني بفهم في الاصول زين ما ينفعش ادخل وعمك مش في الدار اجفلي على روحك الباب زين انت وزينه ولو في اي حاجه كلميني

كانت زينه واجفه في الشباك وسمعت كل حاجه سليمان مشي وهنادي دخلت وزينه وجفت جدامها وجالت

زينه

جال لك كلمتين حلوين وضحكتي عليه ونسي كل الزعل وكسره الخاطر اللي انت عملتيها زمان مش اكده

هنادي

انت في ايه ولا في ايه معجوله ما بتفكريش في ابوك اللي مرمي في المستشفى وبتفكري في سليمان

زينه بصريخ

ايوه بفكر في سليمان لاني بحبه وجلبي اختاره هو لكن للاسف هو مش شايف ده هو شايف حبك انت وبس حرام عليكي بجى كل حاجه بتاخديها مني

هنادي

ارحميني بجى وكفايه كلام اني فيا اللي مكفيني دي مصيبه وانت بتفكري في الحب بدل ما تجفي جنبي

زينه

عمري ما اجف جنبك ابدا انت اللي وجفتي جدام حياتي وجدام حبي ده اني هفضل مربعه ايدي واتفرج عليكي وانت بتتكسري يوم بعد يوم كفايه لحد اكده ولما ابوك يجوم بالسلامه اكيد هيخلص عليكي علشان ما يتفضحش واكده ابجى ارتحت منك

هنادي بصدمه

لا لا مش معجول التفكير اللي انت بتفكري فيه ده انت عايزه ابوي يخلص علي اني يا ساتر يا رب ابعدي عني

وبعديها هنادي دخلت اوضه ابوها وجعدت على السرير بتاعه وفضلت تعيط وزينه دخلت اوضتها وجفلت عليها الباب

اما سليمان فكان بيدور على يحيى في كل مكان وكان جالب عليه الدنيا

وفي المخزن يحيى فاج واللزجه كانت على بجه وفضل يصرخ وهو مكتوم وفي الوجت ده كان سيد واجف بره المخزن وكان خايف يدخل له ولما سمع صوت الصريخ بيعلى خاف لحد يلاحظ حاجه فدخل بسرعه المخزن وجال

سيد

ما خلاص بجى يا يحيى ما تهدى شويه ايه اللي انت عامله ده وبصراحه اكده اني هجول لك على كل حاجه اهدى

سيد شال اللزجه من على بج يحيى ويحيى جال

يحيى

يا جليل الاصل زينه فضحتك وجالت على كل حاجه لو انت راجل فك الحبل من علي وشوف اني هعمل فيك ايه ده اني هجطعك بسناني يا سيد

سيد بخوف

يا نهار اسود اني كنت عارف ان الموضوع هيجلب بجد اهدى بس يا يحيى وبطل تهدد في اني هو انت دايما شايف نفسك ابن الناس الغنيه واني الفجير لا بجى اني كمان معايا فلوس وبجيت غني زيك

يحيى

والفلوس دي خدتها من مين من زينه بجيت تاخد فلوس من الحريم يا سيد عشان تبجى غني والله ما هسيبك

سيد

لا بجول لك ايه اني هحط اللزجه على بجك تاني وما اسمعش صوتك سامع ولا لا

وفعلا سيد حط اللزجه على بجه وخرج ويحيى جعد يفكر في هنادي يا ترى عامله ايه دلوجيت ونفسه يخرج من اهنه ومش عارف

وثاني يوم سليمان راح بالعربيه بتاعته عند هنادي وزينه تحت البيت وفعلا الاتنين نزلوا وما كانوش بيتكلموا ويا بعض هنادي كان باين عليها الحزن والزعل اما زينه فكان ولا فارج وياها حاجه والاتنين ركبوا العربيه وسليمان بص لهنادي وابتسم وجال

سليمان

صباح الخير يا هنادي عامله ايه دلوجيت نمتي زين طب وكلتي حاجه شكلك مش عاجبني تعبانه ليه اكده

هنادي

ولا دجت طعم النوم ولا طعم الوكل ولا عايزه حاجه هفضل اكده لحد ما ابوي يجوم بالسلامه يا سليمان ايه البيت من غيره ما لوش طعم ويا رب يبارك في عمره ويخليه لينا

زينه

يا مراري على التمثيل ربنا يبارك في عمره ويخليه لينا عشان يجوم بالسلامه ويخلص عليكي ونخلص منك بجى

سليمان بص لزينه بعصبيه وجال

سليمان

بس اسكتي ايه الكلام اللي انت بتجوليه ده حرام عليكي ما اسمعكيش تجولي الكلام ده على هنادي تاني سامعه ولا لا يا زينه

زينه

ايه ده معجوله حبيبه الجلب لسه في جلبك يا سليمان اني كنت عارفه ان مهما اعمل عمرك ما هتحبني ابدا زيها وهي مهما تعمل هتفضل في جلبك وعمرها ما هتطلع منه مش اكده

سليمان

بس بجى كلامك الماسخ ده ملوش لازمه احنا رايحين لعمي المستشفى ونطمن عليه واسكتي شويه

وبعديها راحوا المستشفى واول ما دخلوا لجوا لجو ابوهم داخل في غيبوبه ولسه تعبان زينه حزنت لكن هنادي فضلت تصرخ وتجول

هنادي

ابوي يا سليمان خلاص هيروح منينا اني عارفه اني مش هشوفه تاني ولا هيدخل بيته تاني

سليمان

ما تجوليش اكده يا هنادي ادعي له وان شاء الله يجوم بالف سلامه اني هسأل الدكتور دلوجيت

وبعديها سليمان راح سأل الدكتور وفعلا عرف ان عمه تعبان جوي رجع تاني عندهم وهما واجفين جدام الاوضه وزينه جالت

زينه

خير يا سليمان جول الدكتور جال لك ان ابوي تعبان وما فيش امل انه يبجى زين مش اكده سمع الهانم اختي خليها تعرف هي عملت ايه فينا وبيتنا اتخرب ازاي

في الوجت ده هنادي اغمى عليها وسليمان شالها بين ايديه ودخل بيها عند الممرضين وهما حاولوا يفوجوها

وسليمان خرج من الاوضه علشان يجيب لها عصير يفوجها لجا زينه واجفه على جنب بتتكلم في التليفون وسمعها وهي بتجول

زينه

عايز ايه يا زفت يا اللي اسمك سيد بتكلمني دلوجيت ليه هو انت فاكر نفسك صاحبي ولا ايه

سيد

لا بجول لك ايه انتي لازم تيجي دلوجيت اني مش هبجى في المصيبه دي لوحدي يحيى خارب الدنيا بجول لك ايه اني مش جده ده بجلم منه ممكن يوديني اخر الدنيا تعالي بسرعه

زينه

انت عبيط يا واد اجي فين اني ويا ابوي في المستشفى ومش هعرف اجي دلوجيت حاول تجول له اي كلمتين يسكتوه الله يخرب بيتك وبيته

سيد

والله يخرب بيت اللي اني شفتك فيه بجول لك تيجي دلوجيت علشان ما اخربش الدنيا اني هسيبه وامشي وماليش دعوه باللي هيحصل سامعه ولا لا

زينه

اسكت حط لسانك جوه بجك ووطي صوتك الله يفضحك اني شويه وهاجي

زينه جفلت السكه وخرجت من المستشفى على طول وسليمان جال في نفسه

سليمان

يا نهارك اسود يبجى اكده في حاجه انتي مخبياها يا زينه اني لازم اعرف انتي بتعملي ايه من ورانا

وبعديها سليمان رجع تاني عند الممرضه واداها فلوس وجال

سليمان

خدي الفلوس دي هاتي لهنادي كل اللي هي عايزاه عصير ولا اي حاجه وخلي بالك منها اني هروح مشوار بسرعه وراجع

وبعديها سليمان بص لهنادي اللي كانت مقطعه جلبه وصعبانه عليه لكن نفسه يعرف زينه مخبيه ايه وجري وراها وركب التاكسي وهو سايق عربيته ومشي وراها لحد ما وجفت جدام المخزن واول ما دخلت سليمان جرب من المخزن وسمع كل حاجه

وجوه المخزن زينه دخلت لجات سيد ويحيى وجالت

زينه

في ايه يا يحيى عامل لي موال اكده ليه اهدى شويه ولا معجوله حبيبه الجلب وحشاك على العموم هي مرميه في المستشفى مغمى عليها ربنا يريحنا منها بجى

يحيى ما كانش جادر يتكلم عشان اللزجه اللي على بجه زينه شالتها ويحيى جال بصريخ

يحيى

بعد الشر عليها فكيني بجول لك فكيني ده اني والله ما هسيبكم شوفي اني هعمل فيكم ايه ده اني هخليكم تندموا على كل اللي عملتوه

زينه

ياماي ياماي تصدج خفت جوي يا نهار ابيض على الخوف اللي عندك اعمله اني ما بجاش في حاجه فارجه معايا كده كده مفيش حد بيحبني

في الوجت ده سليمان دخل ومسك زينه من شعرها وجال

سليمان

عمري ما مدت يدي على حرمه لكن شكلي اكده هعملها يا زينه ايه اللي انتي عملتيه ده انطجي وفهميني ايه اللي بيحصل اهنه

رواية غدر الاخوة في الصعيد الفصل الثالث والاخير

زينه خافت من سليمان وسيد حاول يهرب لكن سليمان مسكه بيده ويحيى فضل يصرخ وجال له على كل حاجه سليمان جفل باب المخزن علشان محدش يخرج وفك يحيى وجال

سليمان

واني اللي كنت فاكرك انك كسرت خاطر بنت عمك وانت اللي ضيعت حياتها طلعت زينه هي اللي عملت اكده بالاتفاق ويا سيد يا نهار اسود دول لازم يروحوا في داهيه

يحيى

هو ده اللي لازم يحصل يا سليمان هي فين هنادي طمني عليها اني لازم اكون جنبها دلوجيت واحكي لها على كل الحجيجه دي فاكراني اني اللي عملت اكده

سليمان

ما تخافش يا يحيى اني وياك وهاخدك ونروح لها دلوجيت بس توعدني انك لازم تتجوزها يا يحيى لازم

يحيى

من غير ما تجول يا سليمان هتجوزها طبعا مفيش كلام دي كل حياتي بس جبل الجواز لازم الاتنين دول سيد وزينه يتحاسبوا

سليمان

هيحصل اطلع وياي دلوجيت وهم الاتنين هيفضلوا اهنه في المخزن ويبجى يوروني هيطلعوا ازاي

يحيى

جبل ما اطلع سيد هيتربط نفس الربطه وهيتحط له لزجه على بجه لازم يدوج نفس الوجع والذل اللي اني كنت فيه

وفعلا يحيى جعد سيد وربطه بالحبل على الكرسي وحط لزجه على بجه اما زينه فيحيى جرب منها وضربها جلم على وشها وجعها على الارض وجال

يحيى

الجلم ده يمكن يفوجك شويه بس حتى لو فوجتي هتفوجي بعد فوات الاوان لان خلاص كل حاجه انتهت وانت انتهيتي يا زينه

ويحيى جبل ما يطلع من المخزن حط لزجه على بج زينه علشان ما تحاولش تصرخ وكمان ربط ايديها علشان ما تفكش سيد

وبعديها يحيى وسليمان طلعوا من المخزن وجفلوا الباب وراحوا على المستشفى وهناك سليمان دخل الاوضه عند هنادي ويحيى كان بره وسليمان جال

سليمان

حجك علي اني سبتك ومشيت بس كان لازم اعمل اكده الموضوع كبير والحمد لله عرفنا الحجيجه وجايب لك مفاجاه مش عارف هتعجبك ولا هتحزنك

هنادي بابتسامه

اي حاجه منك حلوه يا سليمان بس انت ليه سبتني ومشيت وفين زينه

سليمان

ما تساليش على زينه دلوجيت وما تجيبيش سيرتها اصلا اما المفاجاه هتشوفيها بس اهدي ومش عايز اي انفعال

في الوجت ده سليمان نده على يحيى ويحيى دخل الاوضه واول ما هنادي شافته فضلت تصرخ وكانت عماله تلطم على وشها يحيى جرب منها واخدها في حضنه وجال

يحيى

اهدي عشان خاطري واني هحكي لك على كل حاجه صدجيني والله ما كان بيدي

وفعلا يحيى حكى لها على كل حاجه وسليمان كان شاهد وسليمان جال

سليمان

اني شاهد على كل كلمه يحيى جالها يحيى صادق مش كداب وهو مالوش ذنب في اي حاجه يا هنادي هو ضحيه زيه زيك بالظبط راس التعبان هي اختك زينه

هنادي بصدمه

يا لهوي عمري في حياتي ما شفت اخت تكره اختها بالطريجه دي دي كانت عايزه تخلص علي وتدمر حياتي

يحيى

اهم حاجه دلوجيت يا نور عيوني طمنيني عليكي انت عامله ايه اني كنت بعد كل ثانيه وكل دجيجه واني بعيد عنك ما كنتش عارف اوصل لك ومن غير سليمان ما كنتش هعرف اطلع من المخزن

سليمان ربت على كتف يحيى وجال

سليمان

ما تجولش اكده كل حاجه هتبجى تمام واني وياكم ومش هسيبكم

هنادي

معلش يا يحيى سامحني اني شكيت فيك بس غصب عني يعني انت فعلا لسه بتحبني وعايز تتجوزني ولا غيرت رايك

يحيى ماسك يدها وباسها وجال

يحيى

اغير رايي ايه بس دي انت نور عيوني طبعا هتجوزك يا حبيبه جلبي وهجيب لك حجك من كل اللي عمل اكده

هنادي

ربنا يخليك ليا يا حبيبي

سليمان كان واجف والغيره ماليه جلبه لكن خلاص اجنع نفسه ان هنادي اخته وبس وانه ما ينفعش يحبها وجال

سليمان

ما خلاص بجى سيب يدها ولا عشان عمي تعبان هتفضل تهزر اكده كتير لا اني ماليش كلمه ولا ايه يا هنادي

هنادي

انت اخويا الكبير وكلمتك سيف على رجبتي وما جدرش اجول لك لا ابدا وبعدين لما يحيى يزعلني اني هاجي لك انت لانك طلعت السند ليا في الدنيا يا سليمان يا خويا

سليمان

وده احلى كلام سمعته منك ربنا يسعدك انت ويحيى

وفي الوجت ده الممرضه دخلت علشان تجيس لها الضغط وجالت

الممرضه

تمام جوي انت اكده بجيت زينه وكمان ليكي عندي خبر حلو جوي ابوكي فاج من الغيبوبه وكمان اول حد سال عليه هو هنادي مش اكده

هنادي بفرح

بتجولي صدج يعني ابوي فاج شفت يا يحيى شفت يا سليمان الحمد لله يلا بينا نروح له بسرعه

الممرضه

لا لا تروحي فين انت تعبانه وممكن تجعي من طولك تاني

يحيى

سيبيها اني هسندها يلا بينا نروح نطمن عليه

اما في المخزن عند زينه وسيد الاتنين كانت ايديهم مربوطه وكمان اللزجه على بجهم وما كانوش عارفين يتحركوا وسيد جال في نفسه

سيد

يا ريتني ما سمعت كلامك الله يخرب بيت الفلوس اللي تعمل في الواحد اكده اني اللي طماع وفي الاخر رحت في داهيه اه ياني

في الوجت ده هنادي ويحيى وسليمان دخلوا اوضه ابويها بسرعه وكان الراجل لسه تعبان المحاليل في يده وبص قدامه ولما شاف يحيى داخل وشه اتجلب مره واحده وحاول يجوم من على السرير وهو بيصرخ وجال

الاب

وكمان لك عين تيجي هنا يا حيوان اطلع بره من اهنه اني مش عايز اشوف وشك تاني كفايه اللي عملته في بتي وكفايه المصايب اللي نزلت على راسي بسببك

هنادي

يا بوي الله يخليك اهدي علشان خاطري الدكتور جال ما ينفعش تتعصب اكده

الاب

كيف ما اتعصبش يا بتي وده واجف جدامي بعد ما ضيع شرفك وكسر ضهري وحط راسي في الطين جدام الناس كلها

يحيى

لا يا عمي والله انت فاهم غلط وربي شاهد علي اني بريء من كل حاجه وعمري ما كنت اعمل اكده في هنادي ولا في اي حرمه في الدنيا

الاب

كمان بتكدب في وشي يا ولد اطلع بره لا اجوم عليك بيدي دي واخلص عليك

في الوجت ده سليمان جرب بسرعه ووجف بيناتهم وجال

سليمان

بالراحه يا عمي اسمع بس جبل ما تحكم عليه اني شفت كل حاجه بعيني والحجيجه غير اللي انت فاكرها خالص

الاب

حجيجه ايه اللي بتجول عليها يا سليمان هو في حجيجه اكتر من اللي سمعته بوداني

سليمان

ايوه يا عمي في حجيجه اكبر بكتير زينه هي اللي دبرت كل حاجه وهي اللي دفعت لسيد فلوس وهي اللي خلت سيد يحط المنوم ليحيى ولهنادي وهي السبب في كل المصيبه دي بصراحه سيد هو اللي عمل كده في هنادي

الاب

ايه اللي انت بتجوله ده يا ولدي لا حول ولا قوه الا بالله زينه تعمل اكده في اختها كيف دي بتي ودي بتي

يحيى

والله يا عمي ده اللي حصل بالحرف الواحد وسيد بنفسه اعترف قدامي وسليمان سمع كل حاجه وطلعني من المخزن اللي كانوا حابسيني فيه

هنادي

صدق يا بوي صدقهم بالله عليك سليمان سمع كل حاجه بنفسه ولو ما كانش راح ورا زينه ما كناش عرفنا الحجيجه ابدا

الاب حط ايده على راسه وفضل ساكت شويه والدموع لمعت في عينيه وبعديها جال بصوت مكسور

الاب

يا خساره يا زينه يا خساره يا بتي اني كنت فاكر ان الغيره اللي جواكي هتروح مع الوجت لكن ما كنتش اعرف انها هتكبر للدرجه دي وتخليكي تدبحي اختك بالحيا

هنادي

الله يخليك يا بوي كفايه انفعال علشان صحتك احنا مش عايزينك تتعب تاني

الاب

اجول ايه بس يا بتي دي نار واجده في جلبي اني موجوع عليك وموجوع على زينه ومش عارف كيف ربيت واحده تعمل اكده

في الوجت ده الدكتور دخل بسرعه بعد ما سمع صوتهم العالي وبص لهم بعصبيه وجال

الدكتور

لو سمحتوا المريض ممنوع عنه اي انفعال ولو استمر الكلام ده اني هطلعكم كلكم بره الاوضه حالا

هنادي

حاضر يا دكتور والله مش هنعصبه بس معلش ينفع ناخده معانا النهارده

الدكتور

المريض حالته اتحسنت لكن لسه ما ينفعش يخرج النهارده لازم يفضل تحت الملاحظه كام يوم كمان

وبعد ما الدكتور خرج ويحيى بص لعمه بحزن وجال

يحيى

اني اسف يا عمي على كل الوجع اللي شوفته بسبب الموضوع ده حتى لو ما كنتش السبب لكن اني لازم اعمل الصح ولازم ابلغ البوليس

الاب

بوليس ايه يا ولدي دي بتي مهما كان

يحيى

عارف انها بتك يا عمي لكن سيد لازم يتحبس واللي عمله ما ينفعش يعدي اكده ولو سيد اتحبس اكيد هيجول كل حاجه وزينه اسمها هيظهر في القضيه غصب عن الكل

الاب

يا وجع جلبي يا رب يعني بنتي رايحه على السجن بيدي

سليمان

يا عمي محدش عايز ياذي زينه لكن اللي حصل كبير جوي ولو سكتنا النهارده يبجى ظلمنا هنادي وظلمنا نفسنا

الاب

ربنا يسترها علينا كلنا اني حاسس ان المصيبه دي لسه ما خلصتش ولسه في وجع كتير جاي

وهنادي كانت بتعيط ويحيى واجف جنبها ماسك يدها عشان يهديها

وفي الوجت ده سليمان طلع بره الاوضه وهو واجف في الطرجه ومسح على وشه وبعديها طلع تليفونه وكلم البوليس وحكالهم على مكان المخزن وكل اللي حصل

وبعد اقل من ساعه كانت عربيات البوليس واجفه جدام المخزن والظباط نزلوا بسرعه وكسروا الباب ودخلوا

اول ما سيد شافهم دموعه نزلت وجعد يرفس بالكرسي وهو مربوط ولما الظابط شال اللزجه من على بجه اتكلم بسرعه وجال

سيد

الحقوني يا ناس اني ماليش دعوه بكل ده والله هي السبب هي اللي خلتني اعمل اكده منك لله يا زينه منك لله يا شيخه اني يا ريتني ما سمعت كلامك ولا طمعت في فلوسك

زينه

كداب يا حضره الظابط ما تصدجوش ده هو اللي عمل كل حاجه واني ماليش دعوه بحاجه خالص

سيد

كدابه والله كدابه هي اللي ادتني الفلوس وهي اللي جابت المنوم وهي اللي خططت لكل حاجه من اولها لاخرها

الظابط

هاتوا الاتنين على القسم

زينه بصريخ

لا يا حضره الظابط بالله عليك اني ما عملتش حاجه سيبني اني بنت ناس وما استحملش الحبس

الظابط

الكلام ده يتجال في القسم يلا اتحركي

وفي الوجت ده زينه بصت حواليها بخوف ولقت نفسها لوحدها لا ابوها وياها ولا هنادي ولا حد واجف جنبها والدموع نزلت من عينيها لكن كان بعد فات الاوان

اما سيد فكان واجف حزين وهو بيبص لها بغضب وجال

سيد

ربنا ينتجم مني ومنك يا زينه اني ضيعت نفسي عشان شويه فلوس وفي الاخر لبست مصيبه وعمري كله راح

وبعديها البوليس خدهم ومشي والناس كلها في البلد عرفت الحقيقه

وبعد اسبوع الاب خرج من المستشفى ورجع الدار وكانت صحته اتحسنت شويه لكنه كان كل ما يفتكر زينه الدموع تلمع في عينيه

وفي يوم كان جاعد في الدار ويحيى وهنادي وسليمان حواليه وقال

الاب

الحمد لله ان ربنا ظهر الحجيجه وبرا يحيى جدام الناس لكن جلبي لسه واجعني على زينه مهما كان دي بتي

هنادي

ربنا يهديها يا بوي ويصلح حالها اني زعلانه عليها جوي لكن اللي عملته كان كبير

سليمان

كل واحد بياخد نصيبه يا عمي والمهم دلوجيت انكم تبدوا حياه جديده وتنسوا الوجع ده كله

يحيى

معاك حج يا سليمان واني اول ما الحكايه دي تخلص رسمي ان شاء الله هتجوز هنادي وما هخليش دمعه تنزل من عينها طول عمرها

الاب

وده اللي هيطمن جلبي جبل ما اموت اني عايز اشوفكوا فرحانين

وعدت الايام وكان الفرح متعمل في البلد كلها والفرحه ماليه البيوت

هنادي كانت لابسه فستانها وعيونها كلها دموع فرح ويحيى ما كانش مصدج نفسه انه اخيرا اتجوز البنت اللي حبها وقال

يحيى

شايفه يا هنادي بعد كل الوجع اللي شوفناه ربنا جمعنا ببعض بردك عشان انت من نصيبك يا حبيبتي

هنادي

الحمد لله يا يحيى الحمد لله ان ربنا نصرنا وما ضيعش حجنا وحقك عليا ان انا شكيت فيك سامحني انت كمان حبيبي يا نور عيوني

وفي الوجت ده الاب كان واجف يتفرج عليهم والابتسامه على وشه لكن عينه كانت مليانه حزن

وسليمان قرب منه قال

سليمان

مالك يا عمي الفرح كله فرحان وانت سرحان اكده ليه افرح يا عمي من قلبك ده الفرح بيجي كل فين وفين

الاب

فرحان والله يا ولدي فرحان عشان هنادي خدت نصيبها وفرحان عشان يحيى طلع راجل اصيل لكن بردك جلبي موجوع على زينه يا خساره كانت نفسي تكون واجفه وسطينا النهارده

سليمان

ربنا يصلح حالها يا عمي وكل واحد بيتحاسب على عمله اهم حاجه دلوجتي تخلي بالك من صحتك يا راجل يا عجوز انت خلاص بجيت عايش لوحدك وانا مش هسيبك هفضل معاك وريح جاي عليك عشان اطمن على صحتك

الاب

اصيل يا سليمان من غيرك يا ابني ما كنتش عارف انا هعمل ايه

وفي اخر اليوم وبعد ما الفرح خلص والناس مشيت كان سليمان واجف لوحده يبص للسما وابتسم وقال

سليمان

الحمد لله يا رب اخيرا كل واحد رجع لطريجه وربنا جبر بخاطر المظلوم

اما يحيى فكان واجف جنب هنادي وماسك يدها وقال

يحيى

اوعي تفلت من يدي تاني يا هنادي ههههه

هنادي

طول ما انت جنبي عمري ما هضيع هههههه

والاب سمع كلامهم وابتسم ومسح دمعه نزلت من عينه وقال

الاب

الحمد لله يا رب انك جبرت بخاطر بتي ورجعت الفرحه للدار من تاني وربنا معاكي يا زينه ويهديك يا بتى

وهنادي عرفت اني مش كل الاخوات بيكونوا طيبين وقلبهم على بعض في اخوات الغيره بتولع نار في قلبهم وبتقلب دمار على الكل