غنيت لك على وتر الجفاً لحن/ للكاتبة غلا g_rwa12@ مكتملة❤💕 الفصل الثامن والعشرون 28 - بقلم غلا g_rwa12@ مكتملة

رجاء فوت⭐️/صوت⭐️قبل القراءة

اللحن الثامن والعشرون

ياسر/انا اللي بختار لك مدام انك وصلتي لمرحله ما تقدرين تختارين فيها.
نوف اخذت نفس عميق..وصدت عنه
توجهت للسرير واخذت عبايتها..المرميه عليه ولبستها/بروح يا ياسر وادع لي اني ارجع وولدي في رقبتك..بالشنطة ملابسه فيها ورقه ب الاشياء اللي
يحتاجها ويحبها..
قربت من السرير اللي نايم عليه نواف وباسته بقوه وهمست باذنه"استودعتك الله الذي
لا تضيع ودائعه..""
وقبل ترفع راسها عنه انسحب نواف من بين إيديها..
رفعت راسها لـ ياسر اللي اخذ نواف
حبست دموعها وتشوفه مقفي عنها..
مسكت شنطتها ولفت الشيلة حول
راسها..وسحبت شنطتها بتطلع من الغرفه..
ياسر شد من قبضته بقوه هو يشوفها
للمره الثانيه ناويه تختفي..
بدون شعور مسكها من يدها وبيده الثانيه شايل
نواف..
ياسر ضغط على نفسه ونطق بصعوبه هو
يحس انه يتنازل عن كبريائه وعيونه بعيونها /لا تروحين بعوضك اوعدك..ولدك يحتاجك.."
ضم حواجبه"ا انـ نا آحـ حـتاج لگ""رفع يده اليسار
ومررها بحنيه على
ملامحها بهمس"أحــبــگ
قربت منه برجفه وحديث صامت تتبادله
عينيهما..
‏‏âپ¦â€ھل ترى عالمًا من الأغنيات في عينيه ، نجمتان
أو قمر ، أحاديث دافئه ، حروب و هزائِم و فوزٌ
في عينيه فقط .
لأول مره ترى هذا البريق فيه عينيه..
كلمة لمست أوتار قلبها"
دون ان يغلفها ذاك الغموض والكبرياء الرجولي..
تشاء ان ترتمي بين أحضانه..وتبوح له
بمرضها..تبوح بعشقها له..
تشاء ان تبقى معه كل الدهر وتزيل
الالم من عالمهم..
غمضت عيونها..
وصدت بملامحها عنه و تشد قبضتها
على شنطتها في غمرة حرب مشاعرهم لـ
سحبتها وهي تمشي بصعوبه..
وغنّى الفرقا لنا على لحن النصيب
‏ما سارت أقدامي
‏على سكة جفاك..أقدامك دروب
القدر..والقدر عصاك..وعصاني اجبرني بقسوه
ان اكون اسيره له ..
تخطو خطوه تلو خطوه..
قدمي تعصى قلبي ..وتوقفت عند الدرج ..
تود ان تودعه بنظره اخيره.. لكن تخشى من نظرة عينه الغاضبه او ربما
الكسيره..
--
وقف بصدمة
اعترفت لها وتقفي!!؟
تتركني خلفها..
تنزل خطوه تلو خطوه على عتبات الدرج..
شد قبضته..وحرارة تسري بجسمه..
قبلت اعترافه برفض!! طعنت كبريائه..
اعتراف رجل شرقي بحبه لامرأه يعد جهاداً
غمض عيونه بقوه وبانتقام لنفسه ورفضها لاعترافه
وبصوت حاد/نـوووف.....
لم تتوقف او تلتفت له اكملت نزولها..ليصلها صوته بكلمة
احد من وقع السيف كلمة انتفض جسمها واختل توازنها لمساعها..
ياسر يكمل بقهر رجولي/أنــتـي طــالــــــــــق
ليتبعه صوت صراااخة بعد ان اختل توزنها
وتعثرت بشنطة سفرها/اءءءءءءءءءءء
فزع نواف اللي بين احضان ابوه وصارخ باكي من صوت صراخ نوف..
نزل نواف بين يديه بصدمه هو يشوفها تتدحرج من اعلى الدرج حتى وصلت الي اخر عتبه..والشنطه تتدحرج معها..
للحظه تصلب جسمه عجز عن الحركة.. مع دخول رجلين لداخل البيت واقتربوا من نوف المتمدده ب اسفل الدرج هو بأعلاه
من شدة الصدمه ما قدر يستوعب من الرجلين
ماحس بنفسه الا هو يندفع لوراء
بقوه من عنف الضربة اللي تلقاها على وجهه..
زياد مسكه من ياقته /ذبحتهاااا
ياسر رفع راسه لزياد
وبدا يستوعب دفع زياد بعيد عنه
وركض لاسفل الدرج هو يشوف طارق يحتضنها
بقوه والدم مغطي راسهاااااا
--
--
صوت سيارة الاسعاف وسيارة الشرطه..
سيارة الاسعاف حملوا فيها نوف
وسيارة الشرطه كلبشو فيها ياسر --
شهقت بقووة ورفعت يدها على صدرها روحها تنتزع
الهنوف اللي كانت تقراء قران فزعت بخوف
هي تشوف لون وجهه رغد ينقلب الأزرق..
مسكتها من كتوفها/رغد يمه بسم الله عليك
رغد تشد على صدرها وتصرخ بصوت باكي/يمهههه اءءه رووحي روحي تنتزع ..اءءه ابي اتنفس اءءه..يمه بموت..اءءءه
الهنوف تحاول تسدح رغد اللي تبكي وتحاول تتنفس تشوف بنتها تهزع الموت والالم وما بيدها شي غير
البكاء معها وصراخ تستنجد بـ احد..
ركضت لتحت تصارخ وتنادي احد يساعدها
واذا بها تسمع صراخ جهاد المرعوب/نووووووووف لااااا مستحيل مستحيييييل مااااااااتمووووتت..
تعالى معه صوت صراخ رجال العائله المفزوع وكل منهم ياخذ سيارته ويتجهه لفلة ياسر..
واقفه بأعلى الدرج وتتراجع على وراء بخطوات يائسه..
المصائب تتوالى عليهم دفعه واحده..
شهقت وركضت لغرفتها وهي تشوف رغد منسدحه
وتتنفس بانتظام ووجهها شاحب..
جثت على ركبها وشدت رغد لها بقوه وضمتها..
رغد بصوت متعب/اول مره أتالم بهذا الشكل وكان روحي تنتزع..
الهنوف بكت بنحيب/حسيتي بتوامك..روحها ماتت فيك!!؟ هي ميته ولا حيهه!!؟؟حسيتي بألمها..اااءءءءه ياحسرة قلبك يالهنوف يارب اني استودعتك بنتي فحفظها يارررب
رغد برجفه/ت تومي م من ت توامي
الهنوف بانهيار /نوووف نوووف يارغد
توسعت عيونها بصدمه
--
---
صوت صراخ طارق اللي امتزج مع صوت
سيارات الشرطه والاسعاف..صراخ اخ يشوف
اخته التي غابت عن عينيه لسنين ويكون لقائهم مأساوي يراها بدمائها..
يصارخ ويهدد ..يحاول الإفلات من
بين يد زياد وجهاد اللي وصل مع بقية
رجال العائله بعد ما وصل لهم الخبر..

ببكى عالي/اختتتتي لاااا تموت والله ان قتلك بين يدي يا ياسر الكلب..انااااا ذاااااابحك..حرمتني من اختي مرتين..اتركوووووني عليه
يرتفع بجسمه من بين يديهم ويصارخ باكي"لااا نوف الا نووويف الا اخته الا روووحه...
--
حركت سيارة الاسعاف في نفس وقت تحريك سيارة الشرطة..
هي بين أيدي الاطباء هو بين ايدي الشرطه..
رفع يده الثنتين المكلبشه..ومسح فيها
بطرف اصبع دمعه خانت كل قوه...
--
---
---
بعد مرور اسبوعين..
في احد مستشفيات الرياض..
الساعة ظ¤:ظ ظ الفجر
--
گـ وخزات الابر تضرب جفونها..الم فضيع..
تسمع صوت يناديها..وينادي
كل من شهد ان لا إله الا الله""حي على الفلاح""
فتحت عيونها ببطء
وكأنها تستجيب للنداء..
تلفتت حواليها..تعرف هذا المكان مو اول مره تزوره..
حاولت ترفع نفسها لكن راسها ثقيل..ويدها تألمها..
وش صار هذي المره!!وليش انا هناا...
رجعت تغمض عيونها بسبب الصداع..
حست بأحد يدخل ويجلس عند راسها..
فتحت عيونها وهي تشوفه منزل راسه..
همست بصعوبه بسبب جفاف حلقها/طارق..
التفت لها بقوه/نوف نووف صحيتي!؟؟؟؟ نـوف هزت راسها بأيه/ابي ماء
طارق من الفرحه نزل وسجد سجود الشكر الله..
وقف بربكه/لا تنامين شوي بس اورح انادي الدكتور..
نوف هزت راسها بـ اوكي..
طارق ركض للباب وقبل يطلع رجع التفت لها/اوعديني ما تغيبين عن الوعي..
نوف ابتسمت بصعوبه وحركت شفايفها بدون صوت بـ/وعد
--
ما كانت الا لحظات والدكتور المناوب يدخل
ويتفقد وضعها/لا الحمدالله بقيتي كويسه اوي..بس براحه على نفسك متجهديهش بـ الحركة دا ليكي اسبوعين متتحركيش..متفقعي الجسم بحركتك..أتفأنا
نوف/اوكي..عطشانه..
الدكتور المصري يوجهه كلامه لـ طارق/لين حلقها بشوية ماء..فقط ما تكثرهوش..نوطه نوطه..
طارق /ابشر..
اول ما طلع الدكتور اخذ طارق منديل وبلله بمويه ومرره على شفايفها المتشققه بسبب قلة الماء..
وبعدها شربها شوي في غطى المويه..
نوف /وش صار لي هذي المره..
طارق نزل علبة المويه../ما تتذكرين؟!
نوف نزلت راسها بمحاوله للتذكر/طحت من الدرج!؟
طارق هز راسه بـ ايه/وبعدين..
نوف مسكت راسها بالم..
طارق فز بسرعه ورجعها تنسدح على ظهرها/ارتاحي الحين توك صاحيه من الغيبوبه..
نوف/راح علي موعد عمليتي
طارق/لا ما راح كانو ينتظرونك تصحين عشان يبدون يرتبون إجراءات العمليه..وإصابتك ان شاء الله انها تعدت مرحلة الخطر..يدك اليسار مكسوره وراسك تعرض لضربه واضطرو يخيطونه لك بـ غرز
نوف /الحمدالله..ونواف!؟
طارق/العصر بيكون عندك..
نوف/ما فيني صبر..بنام عشان ينقضي الوقت..
طارق مسح على شعرها/نامي مو تدخلين بغيبوبه..
نوف غمضت عيونها ونامت...
--
بين قضبان السجن..
يجلس في احد زواياه..
اسبوعين فقط حس وكانها دهر
الكل يظن اني دفيتها ومحمليني مسؤولية اللي صار لها..
واني حاولت اقتلها..اقتل روحي ولا تتأذى بخدش..
فوق هذا محد زارني ابد حتى امي منعوها تزورني..
كل هذا ما يهم ما يهم كم ببقى هنا او اذا احد بيزورني او لا كل اللي يهمني اني اعرف وش صار لها..
الى اي حد تأذت الى اي حد تألمت..
كل اللي عرفته انها ما مااتت واللي قال لي العسكري..
رجع راسه على وراء وصار يضربه في الجدر
بخفيف..ارهقه التفكير..ارهقه خوفه عليها..
ارهقه وجوده في مكان منعزل..لا انيس ولا ونيس..
وبجريمة لم يرتكبها..
ارهقه حبه اللي كبته بصدره لسنين ويوم بح فيه..
عوقب ب السجـن
••••••••••••"الله يفك سجن كل مظلوم••••
--
--
الساعه ظ¥:ظ ظ العصر
الكل مجتمع عندها الغرفة ..
الهنوف ورغد الي من دخلت تبكي..
خواتها ام سلطان و ام مصعب وبناتها.. وام ياسر وديما اللي الحزن واضح في عيونهم..
ابو عاصم وجهاد..اللي كل شوي ينط يبوس راسها..
وباقي عيال عمها اللي تحمدو لها
بالسلامه من خلف الباب..
ولدها بين احضانها نايم على صدرها ولامته بيدها اليمين..
باااقي هـوو وينه مفروض هو اللي أصحى
واحصله جنبي مو طارق
انتبهت لجدها يكلمها/نذراً علي يا بنت راشد ان اذبح قعودين وعشره من الغنم و اوزعها صدقه على نيتك في الدول الفقيره واكفل لك يتيمين عيدن لسلامتك ولك ..وفلة بـ اسمك وفلة بـ اسم ولدك..
نوف ابتسمت له/الله يجزاك خير يا الغالي ما قصرت والله يطول لنا بعمرك
ابو عاصم يبوس راسها/اما الخسيس فـ باخذ لك حقك منه من دخل السجن ما سمحت لـ احد يزوره حتى امه
ام ياسر اعتلى صوت بكائها..
نوف بمحاولة للاستيعاب/مـ مـن اللي منسجن!؟؟
ديما بضيقه/ياسر
نوف بصدمه/ليـش!!؟؟؟؟
جهاد /بسبب اللي سواه فيك ودفعه لك من الدرج وطارق وزياد بلغو عليه من لحظتها..بس بما انك بخير..ان شاء الله انك تتنازلين عنه..ويبقى له الحق العام
نوف/اي حق عام اي دفع ياااسر ما دفــ... .."وفجاءه بدأت تتذكر تفاصيل اللي صار.."احـتاج لگ..أحـبـك..انـتي طـالــق
"شهقت بصوت باكي
ابو عاصم ألتفت لهم/ممكن تطلعون برا
تلفتو ببعض وطلعو بصمت معاد جهاد اللي مسك ابوعاصم يده
ابوعاصم ربت على كتفها/معليه يا بوك اهدي وقولي لي وش اللي صار و اوعدك اخذ لك حقك منه
دفنت وجهها بـ المخده بكت/ياسر ما دفني هو كان بعيد عني..انا انا اللي طحت كنت اسحب شنطتي و و تعثرت فيها
ابو عاصم/لا تدافعين عنه لانه زوجك
نوف بكت اكثر/والله مادافع والله العظيم..ياسر طـ طـلقـنـي
صدمة يتعبها الهدوووء..
جهاد يقطع الصمت/طلقك!!؟؟ ليه
نوف نزلت راسها بصمت..
ابو عاصم/ انتي تبينه يا بوك؟! ولا النفس عافته..
نوف ببكى/ابيه ياجدي ابيههه هذا زوجي وابو ولدي..
ابوعاصم/اجل انسي انه يطلقك واهتمي بصحتك..بعد بكره وراك عمليه وبينقلونك لمستشفى خالد..والباقي خليه علي وانا ابوك..
---
--
نزلت كافي اللي في المستشفى ومعها هاجر..
اخذو لهم موكا بارد عسى يطفي الحرقه اللي بداخلها..
التفتت لهاجر اللي تسولف لها بس ما تدري وش تقول بضبط...
جلسو على طاولة ...
رفعت عيونها له واقف على مدخل الكافي ويسولف مع طارق..
تراقب كل حركه يسويها..له ثلاث اسابيع ما يكلمها..ومطنشها على الاخر
هاجر عقدة حواجبها بستغراب..هو تشوف ديما المسرحه..
التفتت وراها مكان ما تناظر ديما..
هاجر/هههه لك ساعة تناظرينه كل هذا حب..
ديما انتبهت من سرحانها/هااا
هاجر/هههههه لا انتي مو معي ابد..شكل إياد مخذ كل عقلك..
ديما ناظرتها بحزن ونزلت راسها تشرب من الموكا..
هاجر وقفت/بروح اناديه لك
ديما رفعت راسها بفجعه/هاا لااا
هاجر غمزة لها ومشت متجهه لـ إياد --
هاجر /إياد
إياد لتفت لها بستغراب/هلا اختي امري
هاجر تاشر له على مكان ديما/زوجتك شكلها متضايقه روح لها
إياد رفع عيونه لمكان جلوس ديما..وابتسم لطارق/طروق عن ذانك شوي بشوف الاهل..
طارق/اذنك معك..
اتجه لها وجلس مكان ماكانت جالسه هاجر..
اخذ الموكا اللي بين يد ديما وشرب منه رشفه/عسى خير اخت نوف تقول انك متضايقه..
ديما وقلبها يخفق بقوه/يهمك!
إياد عوج فمه وهز كتوفه بلا مباله..
ديما صدت بوجهه عنه تخفي دموعها
وبصوت باكي/انت ليش تغيرت..وين حبك لي وين حنيتك
إياد تكى بوجهه على يده/دفنتيها بكرهك لي وحبك لـ اخوي..
ديما هزت راسها/ما احبه والله ما احبه..
إياد/ليتني اقدر اصدقك..بس فعايلك تثبت العكس..حبيتك من كنتي ب المتوسط وما شفت غيرك زوجة..صدمني رفضك وحبك لـ اخوي..مع هذا دست على كرامتي وتزوجتك بـ الحيله كله عشان اثبت لك اني ممكن اسوي المستحيل عشانك بس قابلتيني بـ الجفاء قابلتيني ب الكرهه..قلت معليه تحمل انت اللي اجبرتها عليك..وصلت فيك انك تحرميني من اني اكون أب..قلت لك لا تاكلين حبوب المنع وركبتي راسك واكلتيها وضربتي بكلامي عرض الحايط ..جرحتي رجولتي وعزة نفسي..لا ابوك لا ابو حب ذلني لك يا بنت عاصم..
ديما هزت راسها وبكت بصوت عالي/والله احبك والله اموت فيك يشهد ربي اني احبككك..من اول ما تملكنا وحبك متملك قلبي بس مدري مدري ليش كنت اتصرف بجفاء..ممكن اني كنت اعرف انك تحبني واتغلى عليك..إياد والله اني تركت الحبوب المنع من اول ما قلت لي اتركيها..بس كنت امثل اني اكلها..
إياد وقف/عشان تقهريني ها!؟؟
دايما/...
إياد ضرب طاوله بقهر وصد عنها بيمشي..
ديما تكلمة بسرعه/ايااااد انا حامل..
التفت لها بقووووه وعيونه مفتوووحه على وسعهاا..
ميل راسه بستفسار يبيها تأكد له..
ديما وقفت وقربت منه ورفعت يدها على صدره..بدون ما تهتم لنظارات الموجودين/ولدك صار عمره شهر واسبوع..
إياد كان يبتسم ويكشر بنفس الوقت
بصدمه../عـ عمره شهر!؟
دايما هزت راسها بـ ايه/بتصير ابو
إياد شدها له وضمها بقوووه وكانها اعطته الدنيا و مافيها ..بكلمة وحده نسته البرود اللي كان يصطنعه..
ديما بخجل تحول تبعد/اياد الناس يناظرون
إياد بصراخ/خلي يناظرون زوج فرحان بحمل زوووجته..زووجتي حامل يا عالم هههههههه
البعض من اللي كانو موجودين باركو له
والبعض الاخر انتقد تصرفه
--
واقفه بعيد وتبتسم بفرح..على اشكالهم..
صدت عنهم خرجة من الكافي..
بستعجال
وطخخخخ ضرب وجهه بجدار صلب..
وبعدها حستت ببلل على كتوفها..
رفعت راسها واذ به زياد
زياد مسك فمه بقوه بعد ما صدمة فيه وهو يشرب مويه فرتدة العلبه داخل فمه وصكت ب اسنانه وتنثر الباقي على ملابسه وعبايتها/الله ياخذك خبله ما تشوفين
هاجر تنفض عبايتها/الله ياخذك انت
زياد عرف الصوت واستغرب انها متنقبه/من هاجر؟!
هاجر ترجعت على وراء/لا خيالها
زياد/معليش ما عرفتك
هاجر صدت عنه ومشت وهي تتحلطم بصوت هامس وبدون ما ترد عليه.
زياد حك راسه وهز كتوفه وكمل مشيه ب الاتجاه المعاكس لها..
---
--
اليوم التالي
الساعةظ¥:ظ ظ عصر دخل بهيبته لمكان وجوده
وقف هو يشوفه جالس متكي براسه على الجدار
ابو عاصم بصوت جهوري/مطولن عندك!؟؟؟
فزز بسرعه فتح عيون على وسعها وهو يشوف جده..
ركض للباب ومسك قبضان الحديد/جدي!!
ابوعاصم/جازت لك الجلسه بين هل حديد
ياسر شتت نظراته ونزل عيونه
ابوعاصم/لا تنزل عينك يا ولد عاصم ..الا اذ انت مخطي
ياسر رفع عيونه /كيف وضعها؟!هي بخير
ابوعاصم/ارجعها لذمتك وركب سيارتك و روح تفقد وضعها
ياسر ارمش اكثر من مره/مـ مافهمت!؟
ابوعاصم/ان رجعتها لذمتك طلعتك من سجنك
ياسر تكلم بسرعه/يشهد ربي اني ناوي ارجعها من اول ليله لي هنا
ابو عاصم بصرامه/هذي المره نفك سجنك مرتن ثاني ان اذيت بنت راشد انا سجانك بنفسي يا ولد عاصم
واشر للعسكري يفتح له

الساعةظ¨:ظ ظ ص

اليوم التالي تم نقل نوف لمستشفى
الملك خالد التخصصي..
شعور خوووف ورعب يجتاحها..
تفكيرها كله في ولدها..
جالسه تنتظرهم يجون ياخذونها على غرفة العمليات ..
واهلها كلهم حولها..
الهنوف جالسه جنبها وتبكي بشده..
ورغد صوت بكاها في الحمام..
وخواتها متمسكين عشان ما تضعف نوف اكثر..
نوف بصوت مرتجف/وين نواف ليش ما جبتوه معكم ابي اشوفه قبل ادخل..
سعاد بحنيه/هاجر جلست معه نايم
نوف/ابي اشوفه اخاف ادخل العمليات واطلع وانا معاد اقدر اشوف..
بدريه/توكلي على ربك..وبتطلعين بخير باذن الله
الهنوف شدة على يد نوف وبترجي/سامحيني يمه
نوف بتعب وحنيه مسحت دمعة امها/مسموحه ..بس انتي ارضي علي
الهنوف/راضيه عليك دنيا واخره
نوف ابتسمت برضى مع دخلو الممرضات ونقلو نوف على سرير ثاني..
الكل وقف حول السرير يبوسون راسها ويهمسون بـ اذنها بكلامات تبعث الطمائنينه..
دفو السرير خارج الغرفه وكان جهاد وطارق واقفين قدامها
جهاد باس راسها وهمس بأذنها/استودعتك الله..
طارق انحنى لها مسك اذنها بحنيه/قريتي اذكارك؟!
نوف هزت راسها بخوف
طارق/اجل معليك خوف انتي في حصانة الله..وزياد يبلغك سلامه..
نوف مسكة يد طارق/لزياد في رقبتي دين ان صار لي شي وفيه حقه
طارق ربت على يدها/بتصحين وبتردينً له دينه"بمزح خفيف"وانا ياخوك مطفر لا يصير لك شي وابتلش بدينك
نوف ضمة شفايفها بتبكي..بدل ما تضحك
طارق/نوو الا دموعك ياخوك..
الممرضات حركو السرير
وطارق همس بينه وبين نفسه"استودعتك الله""
.. غمضت عيونها وهم يمشون فيها بين اسياب المستشفى..
تكرر كل الايات السكينه واذكارها...
تتمنى انه كان بين اللي ودعوها اليوم وطمنوها انهم قريبين منها..فتحت عيونها وهي تشوف كلمة"غرفة العمليات" رجعت تغمض عيونها وهمست"استودعت الله نفسي و ولدي وز زوجي واهلي.."
انفتح باب غرفة العمليات وخلفه الطاقم الطبي..يستقبلونها..شعور وكانك داخل القبر وكانك بتتعلق بين الحياة والموت..
صرااااخ هزز ارجاء المكااان/ووووقفوووو وقفووو
وقفو السرير
فتحت عيونها بسرعه تعرفه صوووته صوته
بصعوبه ومساعدة الممرضه رفعت جسمها وجلست..
وهي تشوووفه بدايه من ذقنه المهمل وملامحه الحااده
ركض من اخر السيب حتى وصل لها
وهو يلهث
وبدون تردد احتضنها بكل قوته
حضن طووووووووييييييل دام لدقائق
كل منهم يعوض نفسه بـ الثاني يطفي
جمرة الاشواق...يبدد ظلمة العتاب..
رفعت راسها عنه بصوت باكي وكانها توها تتذكر/ماعدة حليلتك
ياسر يحتضن وجهه/رجعتك لذمتي من نفس الليله اللي طلقتك فيها..
نوف بعيون ذبلانه/خايفه ما ابي ادخل
ياسر ابتسم على جنب/ادخل معك؟!
نوف وكانها طفله تعلقة بيده/ايه تكفى
غمز على واشر لها على خشمه/على خشمي..
ترك يدها وابتعد
شوي يسال عن الطبيب المسؤال..
تكلم معه شوي
وبعدها ابتعد الطبيب وياسر لحقه وهو يلوح لـ نوف بـ"مع السلامه"" نوف نزلت عيونها بخيبه وهي تشوف ياسر يطلع ويتركها
انسدحت على السرير وتحرك السرير للمره الثانيه
تشوف السقف ولاطباء اجتمعو حول السرير..
حتى وصلت لغرفه ثانيه
حملو جسمها ورفعو على السرير الثاني..
حوله ادوات واجهزه غريبه عجيبه..
والاضاءه مركزه فقط على سريرها..
رعب وخوف يسري بجزاء جسمها..
حست بشي يضغط على يدها ويشدها له بقوه..
وجهة عيونها لطبيب بملابسه الازرق والكمامات على انفه وفمه و راسه مغط ..يضم يدها لصدره..
لا كن لا هذي العيون تعرفها زين.. من غيره يمتلك مثل عيونه برموشها""ابتسمت وانا اتذكر لمى كنت اناديه ب عيون البقره ههه من شدة كثافة رموشه.."
ياسر غمز لها وشد على يدها اكثر هو يشوفها
تبتسم لها ..الممرضه استغلة انشغالها بتبادل نظرات مع ياسر..وغرزة الابره في يدها ودفعة بـ
المخدر لداخل جسمها ..بدون ما تحس الان كل احساسها كان مع ياسر..
.. تنهد بضيق عميق هو يشوف يدها ترتخي..
وعيونها ترمش ببط وتغمض وماكانت الا ثواني وهي داخله بنوووووم عميق وطمأنينه
باس كفها ونزلها..
الدكتور/مثل ما اتفقنا استاذ ياسر..قلت انك بتدخل معها حتى تتخدر..وعلي مسؤاليه كبيره اني دخلتك
ياسر/تسلم ما قصرت..انتبه عليها يادكتور تكفى
الدكتور/ابشر استودع بها الله
ياسر/استودعتها الله
--
طلع ياسر ورفع راسه هو يشوف الكل جالس
على كراسي الانتظار
اعتلة ملامحهم الصدمه هم يشفونه..
ام ياسر وقفت بسرعه وحضنت ولدها وبكت..
اما طارق وقف بغضب/انت وش تسوي هنااااا
ام عاصم من خلفه/نوف اللي طلبته وعرفنا منها ان ياسر ما تعرض لها ابداً
طارق رص على اسنانه كتم غيضه..
-
تمر ساعه تلو سااعة
والاعصاب تشتد اكثر
والجميع يلهث لها بدعاء..
وبعد 6 ساااعات
خرج الدكتور ونزل الكمامات عن وجهه..
اقترب من ياسر وطارق زياد وجهاد
ياسر /دكتور بشر..
الدكتور/الحمدالله قدرنا نصتأصل الورم
شهيق وزفير يزل الضيق والقلق عن صدورهم..
وتردد صدى "الحمدالله""
الدكتور يردف/لا كن..
طارق/لاكن إيش
الدكتور/الضربه اللي تعرضة لها مع الورم سبب لها تلف في القرانيه..
صدمه ألجمة الجيمع
جهاد/يعني معاد فيه امل ترجع تشوف بعينها اليسار؟!
الدكتور يلقي مصايبة الثانيه/القرانيه التالفه بعينها اليمين مو بعينها اليسار..نحتاج نزرع لها قرنيه...اما عينها اليسار ف ما فيه امل ابداً ترجع تشوف فيها..واذ محصلنا متبرع لها بـ القرانيه في اسرع وقت ممكن تفقد البصر كامل...
يأس خيبه حزن قهر ضيق..
يبددها صوت ابو عاصم/المتبرع موجود يادكتور..اخوها ميت دماغين..وبنتبرع بقرنية لـ اخته
الدكتور/باي مستشفى هو؟!
ابو عاصم/بمستشفى الـ .... بشرقيه برسل لهم ينقلونه فوراً ينقلونه ع طيارة طبيه لـ هنا
الدكتور/اول مايوصل بلغنا ..و الانسه نوف بنصعدها لـ العنايه المشدده حتى يوصل المتبرع
--
دخل الدكتور وهدوء ساد المكان
ابوعاصم/عندك اعتراض يا الهنوف او انت يا هيثم
كل منهم نزل راسه و ما الفائده من الاعتراض!؟
فـ هما يدركان مصير طفلهم..و الحي ابقى من الميت..
---
--- الساعة 9:00 م
وصلت طائرة الصغير انس
وتم نقله للمستشفى لأجراء العمليه
نقل القرنيه لنوف..
في غرفة العمليات واقف وهو يشوفها
نايمه بعمق من مفعول المخدر..
قرب منها بإرتباك وكانه اول مره يجري فيها عمليه.....
نعم بعد 6 سنين من قطعت لها وعداً بأني سأقف يوماً واكون طبيباً لعينها..ها هي بين يدي ومريضتي..
الممرضه/دكتور عبـدالـرحمن نبداً
عبدالرحمن حرك راسه بـ إيه و
حرك الجهاز و استعان بـ لله بدا بـ اجرا العمليه لها ونقل القرينه من عين انس الى عين نوف..
وتم إجراء العمليه بنجاح كبـير ..
و تبشر الكل بنجاح عمليتها...
والهنوف في صراع بين حزنها على
ولدها وفرحتها بسلامة بنتها..
لا كن كما يقول الحي ابقى من الميت..
---
بعد يومين
الساعهظ©:ظ ظ ص
يتبادلون النظرات بشراسه..
وكل منهم جالس بطرف السرير..
ياسر تنهد/تقدر تروح ترتاح انا بجلس مع زوجتي"وشدد على كلمة زوجتي"حتى تصحى
طارق/لا راحتي بجلوسي جنب اختي"وشدد على كلمة اختي"اخاف تصحى وتخترع من وجهك..
ياسر لمس وجهه/ليه وش فيه وجهي؟!
طارق/متى اخر مره شفت المرايه؟! روح حلق ذقنك وقصقص شعرك اللي كانه شعر بنيه وتسنع..وجهك وجه خريج سجون..
ياسر فتح عيونه على وسعها وبقهر
وقف /كلها نص ساعه وارجع..
طلع هو مقهور من طارق اللي واضح انه
حاقد عليه الانه منعه من اخته ومحمله مسؤوليه اللي صار لها..
مسح على ذقنه ولحيته اللي طالة بشكل مهمل..
"يبي لي حلاقه و شورر طويل من عفن السجن..

اول ما خرج ياسر
وقف طارق واخذ له ورده من بوكيه الورد وصار يلعب فيها/اعرفك انك صحيتي ياسر طلع افتحي عيونك..
نوف بصعوبه فتحت عيونها
والرؤيه عندها ضبابيه...
طارق وقف قريب منها/الحمدالله على سلامتك يا ام نواف..
نوف رجعت تغمض عيونها وتفتحها حتى تتضح لها الرؤيه/وين نواف
طارق/ههههههه موجود..خليك من نواف الحين وقولي لي كيف تحسين؟!
نوف /نجحت العمليه؟!
طارق/ايوه الحمدالله..
نوف/وين راح؟!!
طارق فهم من تقصد/طردته..يروح يتسنع ويحلق ذقنه..خفت تفتحين عيونك وتترتاعين من شكله..
نوف/ههههه بكل حالاته جنان
طارق/يا عيني يا عيني..اسمعو من يتكلم نويفوه..لهذي الدرجه الزواج يغير"غمز لها
نوف/تزوج واحكم بنفسك..
طارق /على يدك اخطبي لي
نوف تضيق عيونها/اللي اعرفه ان ببالك وحده
طارق انحنى وهمس لها/بالضبط..اخطبي لي رغـد
نوف ابتسمت/رغد مغيرها؟! تحبها
طارق رفع نفسه ومشى بيطلع/اموت فيها..
طلع لبرا ورفع يده لصدره.. وتنهد بعمق.. --
بـعد اسبوع وبقصر العائلة..
الساعة ظ©:ظ ظ
في الحديقه الواسعه..
المزينه مداخلها بالورد وطاولات الموزعه بترتيب..
وصوت الموسيقى الهاديه مالي المكان..
وطاولات البوفيه..والخدم بلبسهم الموحد يدورون ب المشروبات.. حفلة كبير اجتمع فيها كل اقرب واصدقاء العائلة بمناسبة سلامة نـوف....
جالسه مع خواتها والعمه نجاة اللي
وصلت اليوم العصر لسعوديه عشان تسلم
وتتطمن على صحت نوف..
تبادلون الضحكات والسوالف المرحه..
وقفت نوف بهدوء وتجهة للمراه اللي واقفه لوحدها وعيونها على نوف..
و اول ما شافت نوف تقرب منها نزلت راسها بخجل
وقفت نوف قدامها ورفعت راسها
بطرف اصبعها/لا ينزل راسك جعلني فداك
شارملا بعبره/ا انـ ت زعلانه مني..ا انا ا اسفه ي يا بـ بنتي
نوف حضنتها بقوه/وفيه بنت تزعل من امها؟!
شارملا بكت ولفت يدها حول نوف اكثر
نوف تبعد عنها شوي/شوي شوي يدي لسى مجبره..
شارملا ابتعدت بسرعه/تـ تعورتي؟!
نوف/لاا..تعالي معي خواتي وعمة نجاة موجودين سلمي عليهم
شارملا راحت معها وسلمة على بنات راشد اللي
استقبلوها ب الاحضان..
وجلست معهم
نوف ابتسمت على الجو العائلي والالفه اللي
ازدادت بينها وبين خواتها واللي حولها اكثر واكثر..
فاقده سارة وافنان ونوره اللي انقطعة اخبارهم
بعد ما نقلو لمكة..
التفتت بعيونها تدور على نواف
مشت بين المعازيم تبحث عنه..
ابتسمت وهي تشوف بنات الـريم يلعبون نواف
وسوزان..
اليوم العصر جاء جدي عاصم
اعلان زواجه من الريم..
الشي اللي ما اظن جدي كان متوقعه هو ترحيب جدتي ام عاصم فيها وفرحتها وكانها كانت تعرف انه متزوج..

""""ا
""""
""""

اتمنى اشوف تفاعلكم

فوت /صوت ⭐️ رايكم /تعليق