رواية غريبة على قلبي الفصل الحادي والعشرون 21 - بقلم ذكرى المندﻻوي

السﻻم عليكم
غريب على قلبي

العم
حبيبتي روز جينه احنه عمامج وخوالج او ولدهم حته ناخذج ويانه بيبي تبجي دم عليج
روز
شلونهم بببي جدو زينين مشتاقتلهم هوايه
اذا مشتاقه تعالي ويانه تشوفيهم هناك محضرين الذبايح ممصدكين الدنيا طايره بيهم
صفنت روز باوعت على حيدر وشويه وكالت
عمو جيتكم على راسي واتمنى اليوم قبل باجر بس اني
اتزوجت من هاي العشبره وراح يصير عندي طغل يعني تعرف شنو طفل يعني ارتباطي صار بيهم قوي ومستحيل يخلوني اعوفهم واجي خصوصا رجلي اشرت على حيدر هذا هو ابن عشائر وعدهم مرتهم عرضهم وكرامتهم مثل كاعهم يستقتلون عليه ومستحيل ينطوهة واني ما اريد من ورايه تصير دم
وراح احاول اقنعه حته اجيكم بس اشوف اهلي وعشيرتي انطوني شكم يوم اترجاك عمي ما اريد تصير مشاكل كافي الي صار بي وهذوله العالم وكفولي وحموني وصرت وحده منهم وهم صاروا ناسي
العم ضاج كلش وعيونه صارت حمر واتعصب والبقيه ضلوا يهوسون شيروان صار مخبل كل الروز
نسيتينه وبعتي اهلج علمود ناس غربه مو من عشيرتج
روز مو اني الي بعتهم القدر الي كتبلي هذا الشي مو بيدي
اعذرني شيروان ولزمت ايده
حيدر
خرب عشيرتج هاذي لزمت ايده دشوف بت········÷
احمد
خلينه نفتهم هسه وكت خبالك
العم احنه راح انروح بس ننطيج مهله شكم يوم حته تريدنه خبر اهلج منتضريج احنه هم عنده عشاير وبتنه ممنطيه فصليه ﻻزم هو يجي ويخطبج من اهلج تره الناس تعيرنه ومتقبليه على اهلج تالي وكت يعيروهة علمودج
دنكت وكالت يصير خير (بس بقت المسودن شلون يقتنع)
اهله مجان ناوين نيه خير بس رادوا يلزموهة الروز
احمد
شلون ميصير ﻻزم تتغدون يمنه الاهل سولكم غده
العم
ﻻ احنه نترخص عود انتوا تعالوا واحنه منتضريكم من يصير
الي ردناه ذاك الوكت يصير بينه زاد وملح
حيدر
منطكر ابن ****
احمد
دعووووفهم
حيدر
دشوفهم اني كوه صابر على اعصابي
العم باس روز وكلله لتنسبن كﻻمي وراحوا بس ظل حيدر يخزر الشيروان وذاك هم يخنزر عبالك اثنين ديوجه
حيدر
تعالي وين رايحه حاسبه روحج زلمه وطلعين تودعيهم بره طبي جوه للبيت
روز
اهوووو هم بدينه
طبييييي اكلج
بعد مراحوا
احمد الحيدر ﻻزم انشوف حل ذوله مرتاحيتلهم
حيدر خلي يولون ياحل خلي بس يكربون لينه مره الاخ بنيه شبنه اﻻ اعلمهم منو حيدر
انت ايش متتهده لك لو بس اتبطل خبالك جان صرت انا بخير
اكعد وخلي انشوف حل
اما روز راحت للغرفه وظلت اتفكر ذوله اهله تعرفهم مناوين على خير من تهديدهم هي سمعتهم بس حيدر واهله مبعرفون لغتهم جان صارت دمايه الله ستر وهذا شيروان يكول اخذج اخذج لو ادري اقتلهم كلهم اخخخخ لو يدري حيدر اشكال جان علكه اب مكان الذبيحه
ولليل سووا العشه روز وياهم طب حبدر
اشم ريحه طيبه فطم
فاطمه
ياريحه كله بصل وثوم بلمطبخ انسوي عروك
حيدر
ولج الهايشه اني وين وانتي وين بعدين انتي شحجاج اني اقصد ريحه الورد الي بلمطبخ
فاطمه
ايييي افتهمنه وتباوع على روز وتضحك
روز هاي شبيج
حيدر
هاي روزتي سﻻمتج ماكو شي بس كلتله اشم ريحه روز بلمطبخ
روز بعده شايله خشمه
حيدر
ياحلو باعسل ياكيمر بعدك زعﻻن والله اليوم اﻻ اصالحج
وراح حضنه قوي وباسه من خدهة وهي تدفع بي وفاطمه انهزمت من المطبخ
روز
وخر خزيتني مو عيب
حيدر
عيب والله العيب عليج متنطين رجلج حقه صارلي اشكد ما بايسج مو راح اموت ٠٠٠مو عطشان
روز
روح اشرب مي وعوفني
لج بت اﻻوادم اكلج عطشان يعني اريد بوسه
انت شكد متستحي وخر مني صاير وكح
هههههه ولج انتي صايره ادبسزز اكلج رجلج تكولين ابويه
وخر خلي انكمل عشه
اخليج بعد ماتنطيني بوسه
روز رادت بس تفك منه كالت مو هسه ٠٠٠٠

حيدر
يعني راح افطر بعد شهر  من الصيام

ياهو يرضاهة لو امبقيه الايه عاد بس اكرز بيهه
ضربته روز
مو كلت انت متستحي
ههههههه
روز ويه روحه اني الك
صبوا العشه وكعد الكل وحيدر يباوع الروز نضرات كله حب وهيام ويتغمز وهي تستحي هنا اهله احرجه الكل ﻻحظ
حيدر تعاي ام عﻻوي كعدي يمي وباعي اربع وعشربن ساعه بوجهي حته عﻻوي يطلع عليه
الكل
ههههه
اﻻم
ليش تضحكن ياهو  بحلات ابني ؟؟ سماره وطوله وعيونه الوساع جنه كمر علواه ابنه يطلع عليه
حسين
طبعا انتي الوالده شراح تكلين؟؟ ابنج
احمد
واذا طلعت ابنيه وعليك
الكل
هههههععه
حيدر
ﻻ لعد لتباعين عليه خليهه على الله
الكل
هههههههه
وبعد العشه شربوا جاي
وكل واحد راح الغرفته حته حيدر بس روز ماكو تغسل المواعين العشه ويه امل وفاطمه
حيدر صاح
روزززز
فاطمه
روحيله يمعوده عوفي الي بيدج بسرعه ليتعصب علينه بهليله مالنه خلكه
روز
اهووو  انذكرت البوسه وهي بس اتريد تتهزم وتلكي عذر الليله مناويه على خير حيدوري
غسلت ايده بسرعه وراحتله
ها شتريد ليش اتصيح
حيدر
ولج بسرعه نسيتي تعالي اذكرج
روز
تعرف مقصده
ها ﻻ ما اذكر خليني اساعدهم عيب
ولج بت اﻻوادم تعاي بي اشاورج وروحي
جتي على مضض وكفت كباله
جرهة عليه وكعده على الجربايه ولزم ايده وباسه
اني اسف اموت عليج ما اكدر انام وانتي زعﻻنه مني وبي جفاف وحلكي يابس وعطشان (بسرعه كتهن كل المشاعر والكلمات بضحك )
روز
هههههه
يمه من اروح فدوه الهاي الضحكه حته بضحكته نازكه انتي متكليلي شلون الله خلقج ؟؟؟؟
حط ايده على بطنهه اكلج بس ﻻ تطلع ابنيه وتشبهني خطيه بعد محد ياخذه تبقى على كلبنه٠٠٠ لتباعين بوجهي غمضي عينج
روز غمظت
حيدر سحبه عليه وجرهة ابوسه اخت الجذب
  روز
حيدر باوعله
هههه بت الكراد تريد ماتجي وهيه من اول بوسه ماعت لعد لو اكمل شلون
ضربته على صدره ٠٠٠٠دفعته
سحبه ورجعه
وين ترحين اليوم اما النصر او الشهاده
واله شويه تستسلم ٠٠٠٠ اتذكرت العقاب ٠٠٠
انهزمت منه

وكالت لو اتموت ماخليك توصلي
هههههه
خوش اني الج بس روحي لو اريد اخذج هسه اخذج بس ايدج بيه ريحه ثوم وبصل مجاني واهس روحي سبحي وعطري
و خرب اهله الي ميندمج على كﻻمج(طير جبهته)
روز
ظلت المسكينه تشم بروحه هي حته مكشرت ﻻ ثوم وﻻ بصل وريحته تخبل بس هو راد يضوجه
وبغير مكان
اهل روز
البيبيه
لبش مجبتوهة وياكم انتوا مو رياجيل جبانيه شلون اتقبلوهة
بت اخوكم عند ناس غربه
هي مقبلت هي لو بس كايله ايه جان تعاركنه وياهم وجبناهة
فشلتنه ورجعتنه واحنا زلم وهيبتنه وشواربنه اني الج روز اذا منزلت خشمج ادكولي رجلي وابني اني الج
ولك شيروان انت هم بس حجي ونفخ ابﻻش
والله بيبي لو مو ابويه جان حركت عليهم المضيف بي اخخخخخخ عظ ايده هلمره اذا مقبلت ترجع اﻻ اخطفه
البيبيه
هاي الاريده منك عفيه هو هذا الحجي دارت على ابنه
شوف اشلون تحجي الزلم

يتبع