رواية غريبة على قلبي الفصل الرابع 4 - بقلم ذكرى المندﻻوي

طلع حيدر من الغرفه وهو يضحك
روز
هذا الضابط موته ﻻزم على ايدي  بس ﻻزم انتظر شويه ميصير اكتله وانهزم هنا يلزموني واني ما اندل المكان
اي ﻻزم انتظر واخليهم يرتاحولي ويطمانون من ناحيتي وبس تجيني الفرصه اخذ بثار اهلي
وظلت منايمه للصبح لحد مصاح الديج عو عو عو
كعدت وراحت للمطبخ دورت علﻻ الطحين وعجنته وراحت اتوضت وصلت ودعت من الله يسهل مهمته وراهة حمت التنور
وخبزت وحضرت الريوك بيض وجبن ودبس وكيمر كول الي شافته بلثﻻجه حطته وسوته صينيه تشهي
فاطمه تفرك بعيونه هاي شنو
تعاي ام احمد شوفي جنتج الجديده شمسويتلج من مفاجئه
ام احمد الله مصلي على محمد وال محمد هاي شنو بنتي
احنه منريد انتعبج ويانه من اول يوم انتي بعدج عروس(بس هي ويه نفسه ارتاحتله كولش وحمدت الله انو دزلهة هي جنه شاطرة احسن من الثنين العدهة كوه انصحيهم من الصبح هنوب راح تلحكهم ست الحسن والدﻻل ايه اي عمرهة مرتاحتله وﻻ اتمنته زوجه ﻻبنه بس شتسوي الحيدر يحبه
ويموت عليه وهي ام متريد انضيع ابنه منه)
حيدر
اجه وباس ايده وكلله
ها ام احمد وين راح فكرج ليكون ابو احمد ماخذه ههه
ضربته على جتفه متجوز من سوالفك ودنكت عليه وشاورته
ها ابني شلونه مريتك وياك انشاء الله زينه
حيدر
يمه اتعرفين اني اتزوجته بس علمود حجايه ابوي وحجي الناس اني مماخذه مرة الي انعرفين زين اني المن اريد
ام احمد بس هاي صارت مرتك
حيدر بضوجه لتنتضرين مني اعتبرهة زوجتي اني الي عليه سويته
ابو احمد وينج ام احمد دتعاي صبيلي الجاي اريد اتريك واروح
اما روز فكملت شغله وراحت ترتاح شويه بلحديقه الوره المطبخ واتفكر بروحه وشراح اتسوي
احمد راح للغرفه طلع دشداشته البيضه وسبح وبدل وعطر ولبس شحاطته وساعته وسبحته بيده وراح ال ايه يشوفهة
سعاد بلمطبخ هي وامل بعد مراحوا رجولتهم ويه ابو احمد للبستان يشتغلون
اكولج امل هذا حيدر وين رايح هيج مبدل ومعطر
امل الخطيبته متعرفين لو هاي رايدلهة علم
ها زين ايه متدري بلي صار البارحه
امل
يمعوده شعلينه
سعديه شلون شعلينه خطيه غير تعرف
امل ولج امبين عليج تردين اتسوين مشكله
سعديه ابتسامه بخبث
ﻻ بس ايه ﻻزم تعرف صاحت علة بته ولج بتي ميعاد جيبيلي التليفون
وجتي ميعاد بيدهة التليفون
وامل تباوع
ولج ليروح واحد يسمعج
سعديه
خلي يسمع جا ال الحجايه تنظم ﻻزم تنعرف هاي زواجه
امل بكيفج بس اذا صارشي اني معليه
طول عمرج خوافه شيبج اني اله انتقم من ام احمد هايه فرصتي
ودكت على ايه
الووو
ايه منو سعديه شلونج
سعديه
ها حبيبه انتي شلونج اني كلبي انفطر عليج البارحه
ليش اسم الله اشصاير(سعاد متحب احد بس تتمسكن بدهاء)
ليش مسمعتي حيدر مخابرج
بسرعه كوليلي اشصاير خوفتيني
ها لعد انتي متعرفين خلي تعرفين من حيدر احسن
ولج لتخبليني بعدين حيدر اشوكت نزل شو مخابرني
اي مو مشغول
ابيش
ابمرته الجديده
شنو شنو شنو يامره هاي
وحجت سعديه العدهة والي ماعدهة وجملت من يمه
ايه.هيجي خوش حيدر
بس عفيه لنكولين اني الي كلتلج لتصيرلي مشكله بعدين هة جايج ويمكن هو يكولج
ايه شافت حيدر جاي
دسكوتي سكوتي جاي ها هو هنا
وسدته وهي نضحك
امل انتي متجوزين اله فد يوم اطلعيني وياج من البيت
سعديه
ياريت انتي ادعي
حيدر
هلو كبدي هلو روحي هلو كل عمري تدرين اني نوبات من اني وبلمعركه اتخيلج كبالي انسه روحي واتيه حته فد يوم
شفت العدو جيت احضنه بدال ما اضربه واله شويه اموت لو ما جنودي
ايه
اي من هاي جبت وياك وحده مناك حضن وبوس واتزوحته
عبالك اني
حيدر دنك هاي انتي عرفتي
اي ما كو شي ينضم لو ردت تجبيلك جاهل وبعدين ادري
ومنو يدري يمكن حامل واني رجلي بلشمس
حيدر
انتي فاهمه القصه غلط (وحجالهة القصه كوله بس هي مرادت تفهمه هي اتريد اتاخر بلزواجه)
حيدر
اني راح اطلكه بس نلكي اهله
ايه
لعد زواجنه يتاخر لحد متلكي اهله
حيدر فاك حلكه
يعني هاي انتي ترديلج حجه كولي
ايه
اي اريد حجه يله شتريد وزواجي ميصير اله على طﻻكه
ولج بت عمي استهدي بلرحمن وعوفي عنادح هذا تره والله هذا الزواج بس كدام الناس على الورق وماكو شي وﻻ يراح يصير شي بيني وبينه(هاي وهي مشايفته لروز لعد لو اتشوفه شدكول).
ايه
والله هاي العندي ما يعجبك دور على غيري تقبل تجي عليه ضرة
عافته وراحت جو للبيت
حيدر اني شراح يخلصني هي من الله رادته دخلي اروح اشوفلي حل اعرفهة راسه يابس خلي اشوف اهلي
عم حيدر ابو ايه
هاي وين رايح دتعال طب جو خلي نحاجيك نشربك جاي
ﻻعمي بيت العامر عندي شغل بلمزرعة ومستعجل شلونط انت ام ايه شلونه
كولهم يسلمون سوينه جيه لوخ
حيدر
انشاء الله
عافهة وراح للبيتوالطريق كوله يفكر وهو كاب نار هاي زواجته وخربت من وره هاي الجايه
هسه اني اله اصير خوش ادمي واجيبه ويايه اكوله حيدر كولهة من ايدك
وطب كبل على غرفته يدور على دشداشه الشغل ودور هوايه ملكاه صاح على اخته فاطمه
ها خويه شرايد.
حيدر
شو كلبت الكنتور ملكيت دشداشه الشغل وين حاطينه
دورت هي هم ملكته اخويه يمكن هاي روز تعرف ﻻن هي رتبت الغرفه اليوم
صحيحه بله
جتي روز
حيدر صفك بيده
بله هاي شي فهمه شاون راح اساله شنو هاي الطركاعة
ها شوف خزرت
بت الناس جكم مره كتلج من احاجيج وخري عيونج مني
وراح وغطه عيونه بيدة
دفعته روز بقوه حتى اتفاجئ اله اشويه يوكع بلكاع
كام واتعصب وبسرعه بدون مي حس ضربه راشدي مو اني الي تضربني مره ايغير ادفنه وهي عايشه وضربه اﻻخ ودفعه
على الكنتور الضربه جانت قويه عليه وكع حجابه من راسه
ونزل شعرهة الذهبي عبالك شﻻل من ذهب على وجهة وغطه كول جسمه باوعتله وخدودهة صارت طماطه انصدم حيدر من الي شافه صاح
ياالله هاي حوريه لو انسيه لو الله يرحمك حيدر اشجبت الروحك ربي تريد نمتحن صبري مو اني دم ولحم ادزلي هيج وحده هنوب حﻻلي
تصويتت
بقلم ذكريات
اعتذر لعدم النشر ﻻن والله كتبت البارت ومنشر انمسح اظطريت اكتب البارت مره ثانبه وعيوني وجعتني هاي لعيونكم وما اكدر على زعلكم