رواية غريبة على قلبي الفصل التاسع عشر 19 - بقلم ذكرى المندﻻوي

بعد ما دك تليفون الجندي محمد دك القائد على حيدر
حيدر
نعم سيدي
القائد
عرفت اﻻخبار وصلتلك
حيدر
اي نعم بس اكو حجي سبدي اريد اكلك علي
القائد
وهو
حيدر
اني روز من اول يوم اخذته ال بيتنه عقدت عليه وصارت زوجتي
الفائد
هاي من الزينات اوليدي انت سترت عليه
حيدر
مو اخاف يصير بيه سبن وجيم
ﻻتخاف انا وياك اذا صار اي تحقيق
اشكرك سيدي
وارتاح حيدر بعد هاي المكالمه شويه بس بعده ضايج ومقهور على روز
راح عليه ودفعه عليه وحضنه وظل يشم ريحته ويكول الله ﻻ يحرمني من هذا العطر افيشششش هسه يله اكدر انام
روز معارضت ﻻن جانت خايفه منه ليضربه لو يتعصب عليه
ومرت اسبوع وروز شويه شويه كامت تتعافى وبدت هي تروح للحمام بنغسه وتسبح وتصلي وتدعي الله يفك ضيقته
اول يوم طلعت من غرفته طبت للمطبخ شافته فاطمه
الهم صلي على محمد وال محمد الحمد الله على سﻻمتج
روز
اني جوعانه

فاطمه
تدللين سوتله اشكال ريوك من كيمر ودبس وبيض عيون وجبن
بس هي اكلت شويه طب حيدر ابتسم
روز
كامت من اﻻكل
حيدر لزمه من ايدهة يكعدهة
اكعدي ***اكعدي اني رايح بس اشرب مي واطلع
كعدت
فاطمه
خويه ليش متتريك هذا خير من الله
حيدر مابين المشتهي بس يخاف لروز ادكوم او متاكل وهو مصدك كامت على حيله كال
هليوم على سﻻمه روز نذبخ ذبايح وعافهة وراح يم الولد كللهم حضروا الخرفان اذبحن بيدي على سﻻمت مريتي
روز جانت بلمطبخ والشباك جبير ويبين بي كولشي
فاطمه تعاي روز شوفي حيدر شكد فرحان بيج (بس هم نسوا السبب اﻻساسي المرض روز )
حيدر يذبح بلخروف
روز
اتذكرت الموقف ٠٠واتخيلن نفسهه ابمكانه
صرخت وهيه لازمه حلكهه وعيونه على الذبيحه
تهسترت ٠٠٠

هو ٠٠حس بلي ابالهه ٠٠عيونه ندمانه ٠٠عاف كلشي بيده وكللهم كملوا ٠٠٠٠
اخذهه الغرفه امه
جانت فاطمه وامه بلغرفه
حيدر
يمه ابنج نذل وميخاف الله
امه
لا ادكولهه ٠٠٠٠هي شده وتفرج لتخاف هاي انصدمت
وسكتت اسنغفر الله اعوذ بالله منك ياالبليس
فاطمه
خافت على اخوهة اكثر مخافت على روز ﻻن عيونه صارن حمر دم ويشبك بروز كانما طفل وشابك لعابيه ويخاف لتضيع منه
خويه عوفه اليه هسه شويه وترجع الحالته الطبيعيه
حيدر
كوله من ايدي اني خبلته
اﻻم
اوليدي اخذه خل اتزور وديه زورهة الكاظم وصلي وادعي انشاء الله ميردك خايب
فاطمه اي خويه واني اروح وياك
حيدر شيكلون يكول اي بس اطيب روز وترجع تضحك مثل اﻻول
وثاني يوم اخذه هي وفاطمه وامه واخوه احمد
زاروا فاطمه لزمته قوي ﻻن حالته مو مال تنعاف وحده بعده مريضه
حيدر واخوه زاروا وصلوا حيدر جلب بلحضره وكام يبجي ويدعي تشفه زوجته وترجع مثل قبل
واحمد هم يدعي ﻻخوا برتاح ويه مرته اخو تعب وتندم علي سواه
وبعده اتغدوا وروز اكلت قليل كالوا يالله
ورجعوا للبيت
ومرت ايام وحيدر يوديه زيارت كل اسبوع ويه اﻻدويه الي كتبهن اله الدكتور حالته استقرت
مر شهر وروز بده عقله يستوعب الي بصير بلدنيا ﻻن جانت بغير عالم وحيدر هم يحاول يكون حنين اكثر وباهة يحضنه
الليل كله حته نروح الخوفه منة وتنسه الي سواه
بس هي طلعتله اعراض غير اعراض السابفه وهي دوخه من الصبح وجانت فاطمه ادكولله هاي من اﻻدويه وجنتي مريضه ومتاكلين وفقدتي وزنج بس هي تنام هوايه اكثر من قبل
حيدر بده يروح الشغله بلبستان ويه اخوته بعد ما استقرت حالته وكامت تشتغل وتساعد فاطمه بشغل البيت بس هي متقبل وامل هم يكلنه انت بعدج مريضه ارتاحي
بس هي نضوج من الكعده والنومه ممتعوده
وحيدر جان يكيف من يشوفه تشتغل يعني رجعت للحياة
بعد اسبوعين اشتدت الحاله عند روز
حيدر
روز مشتهي بيض ابو عيون من ايدج
روز عبست وجه هي متريد ترجع الميانه وياه هي حيل شايله منه ومتحاول تتقربله اخاف كلبه يرجع يدك اله مرت الاخ وهي متريد هذا الشي يصير كافي الي شافته منه من شك وغيره وعدم الثقه هي تعرف هو يحبه والي سواه خارج عن ارادته هو انخلق عصبي ويستعجل الحكم ويتندم بسرعه
واﻻيام السابقه اكدت اله صحه كﻻمه حتى ايه اﻻنسانه الي حبه سنين طلكه ودزهة البيت اهله علموده
بس مابيده شي متريد تحبه وترجع تندم غلطه وحده متكرر
حيدر اريد وياه دهن حر ودبس وخبز حار
روز سوت البيض راحت على دهن الحر فاحت ريحته بخشمه
انكلبت معدته وكامت اتريد اتزوع ركضت للحمام وهو يركض وراهة ويصيح يمه فاطمه تعالوا شوفوه شبيه
ركضت فاطمه
ها روز خيرج
روز
معدتي تكلب وازوع
حيدر يمكن استبردت اذا هي صايره بطه يوميه تسبح
اﻻم
بمه روز هم ادوخين الصبح
حيدر هنا افتهم قصد امه بس انتضر جواب روز
روز
اي يمه ادوخ صارلي هوايه
امه ابتسمت بوجه حیدر ومدت ايده للسما
حبدر هز راسه اﻻمه يعني قصدج
كالت ابني اليوم وديه هي خيتك خلي انسوي تحليل بلكت الله والي بالي صحيح
حيدر يريد يفرح بس يخاف الفرح ميلوكله
والعصر اخذه هي وفاطمه بعد مالبست عبايه وهي ممتعلمه على العبي كل شويه توكع من راسه وتعدل بي وفاطمه تضحك وحيدر يخزر
وصلوا للمختبر واخذوا منه دم كو حيدر ﻻزمه وهي تدفغ ببه تخاف من ا ﻻبر
حيدر
مدكوليلي انتي شلون جنتي عايشه كلشي تخافبن منه مو مردتي هة الروحي
وبعد انتضار نص ساعه اجتي ام المختبر تصيح
روز مجيد
حيدر
اي
اخذ التحليل وباوع بيه
فاطمه متحملت سئلت خير بشري
كالت هذا اول حمل
فكن حلكهن فاطمه وروز
اما حيدر فعرف قبلهن بعد ما قره التحليل ايجابي
وصارت الدنيا متسيعه راد يحضن روز ويبوس بيه كدام العالم الي بلمختبر
كامت رجليناته ادك جوبي بدون ميسيطر عليهن
فاطمه تضحك وادكول خويه هاي من ورانه
حيدر
عيب ولج طالعه عيونج
روز
مابين المصدومه وبين المتفاجئه شعور غريب شنو حمل هي متفتهم شنو شراح بصير وين موديته الدنيا هي تربد تحلص بس القدر يخليه كوه ترتبط بحيدر هذا الحمل حبل قوي راح يخلي حيدر مستحيل يتنازل عنه وهذا ابن عشيره ومتربي
على ترببه العرف والتقاليد والي ابطنه ابن ابن العشيره
فرحت اﻻم بعد ما سمعت وكامت تهلهل وكالت ابوك ممات ابوك اليوح حيه وتهلهل
حسبن يمه احنه هم عدنه بزره ليش مفرحتي انه
احمد اي والله ام احمد انتي بديتي اتفرقين ههههه بضحك
ﻻ يمه مو هيج اني حزنت على اخوك على حزنه واعرف بيه يحب مربته ومستحيل يكرب الغيره اشوفه يعشكه واتسودن علبه من وره هذا العشك وشاف الويل بس الله فرحه وانطاه هديه حق صبره وعشكه واني ام فرحت على فرح ابني ولو بيدي سﻻح جان رميت
حيدر
ها يمه شدعوه
الكل
ههههه
محمد ليش اني راح ارمي
ورمه بلحديقه
وهنا دكوا بابهم جماعه غربه
راح حسبن بفتح
اجه الحبدر واحمد
ذوله جماعه يكلون احنه خوال واعمام روز
حيدر انصدم وعرف انو الفرحه متلوكله
احمد اي دخلهم للمضيف
جانوا بل30واحد باوع سياراتهم اخر مودبل ومﻻبسهم ارقه وعطرهم ترس المضيف من ما ركات عالميه واشكالهم شكر
وحلوين جنهم ممثلين السينما سلم عليهم احمد وكال ياهله بيكم وبجيتكم على راسي اي والله وكال هذا اخويه حسين
وهذا
حبدر هم سلم عليهم لي شاف واحد من الشباب الكاعده
لس بخزر الحيدر معرف شنوا السبب
وكال جبيرهم واحنه خوال واعمام روز وقدمهم واحد واحد وصل للشاب المعبس بوجه حيدر وكال وهذا شيروان خطيبه الروز
يتبع