رواية غصب فصلوني الفصل العاشر 10 - بقلم نور الزهراء

قريتها وعيوني دمعت عليها...وحتى حقدي عليها طفه....
دگيت عليها ...راسا يطلع مغلق...حاولت كم مره ...كله يطلعلي مغلق...
صارت الگعده بيت ابو الطيب...
وابو الطيب ...گلي تأمر وتدلل ياصگر...اطلب منهم الي تريده..
صگر...اجتي خنساء على بالي رآسا والرساله...گلت خل اتركلي اثر طيب...بلكت انجمع بيها بيوم من الايام....
عمامي وابو الطيب يگولولي اطلب 50 مليون...
صگر....لخاطر العشره البيني وبين بتكم ...
خل الفصل يكون 15 مليون...
عمام صگر....شبيك وين اكو هيج فصل ...
هاهيه اني راضي...
انحلت الشغله وكلمن راح بطريقه...
ووگف بحر الدم...بس گلبي بعده حاير يدور خنساء ومراح يبطل يحبهااا..
صگر...رجعت لدوامي ولحياتي ...وخنساء متروح من بالي...
حسها بالبيت ...ريحتها..ملابسها...كل مكان يذكرني بيها..تعبت هوايه..
واريد بس اعرف عنها اي شي...
خابرت على ريكان چان بغداد...
ها ريكان شلونك...
هلو صگر اني بخير...انت وامي شلونك..
الحمدلله....اگلك ...من خابرت خنساء من تلفونك على امها...خزنت الرقم لو لا...
هسه اشوفه ...ها صگر مراح تگعد راحه...
لا والله ناسيه شغله واريد ارجعها الها...
هاا ..اي ....اي...يله سده واشوفلك الرقم وادزه برساله..
صگر....بقيت انتظر...و وصلني الرقم...جنت بدوامي
مصدگت شوكت ارجع..
ها امي شلونج...
هلو ابني بخير الحمدلله...
يوم الله يخليج ...راح ادگلج على تلفون ام خنساء...
بس احجي وياها واطمني على خنساء...
شلك بهالسالفه ياابني...البنيه راحت لحال سبيلها...
الله يوفقج بس اريد اعرف اخبارها..
يله دگلي امري لله...
هاج ...جاوبي ديدك...
خنساء .... احس بروحيه تايهه ومضيعه شي....معقوله صگر ترك بداخلي اثر اله...
صافنه على روحي ...واحجي ويه نفسي....مو هاي اللحظه الي ردتيها بس تشوفين اهلج وتنجمعين بيهم...شنو الي صار...
واگفه بالمطبخ ودك تلفون ماما رقم غريب...
ماما تلفونج ديدگ...اجيبه للحمام...
لا لتجيبي ولاتردين...هاي اكيد واحد من اهالي الطلاب...اني من اخلص سبح اشوفه...
انگطع التلفون ...و گام يدگ مره ثانيه الما انگطع..
صگر وليدي محد يجاوب...
ميخالف نحاول بعد...
ياابني شنو هالملحه الزايده مالتك...
دگيت بالمره الخامسه وجاوبت مريه بنتر وانطيته لأمي....
الخنساء...ماما هذا الرقم لح هوايه خاف شغله ظروريه...
ام زهير...جيبي امري لله...
هاج اخذي ...
صبري ايدي مبلله...انشفها..
انطيتهيا ...و وگفت اسمع صار عندي فضول..
ام زهير...بنتر ...الوووَ
ام صگر....السلام عليكم عيني
ام زهير ....اهلا وسهلا
ام صگر...اعتذر على الازعاج...
ام زهير....والله بالحمام ..والتلفون مسكت..ادري واحد غير ينطي مجال...
ام صگر....كلش اعتذر...اني ام صگر..
ام زهير....ياصگر
الخنساء....من سمعت گلمه صگر گلبي گام يدگ سريع وحيلي يرجف...
ام صگر...صگر زوج بنتج...
ام زهير...قصدج طليق بنتي..
ام صگر....بس حبيت اطمئن على خنساء ...شلونها وشخبارها...
ام زهير...زينه خنساء...هسه هيه بتركيا وبعد كم يوم تطلع لجوء لأوربا...
الخنساء....انقهرت من حجي امي شگد چذابه...
ام زهير...الله يوفقها ويسعدها..اسفه على الازعاج ..مع السلامه
هله....
ام زهير...خلي امسح الرقم واخلص من دوخة الراس...
صگر....ها بشري...
ام صگر....ابني انسه البنيه وشوف مستقبلك...
ليش...
البنيه بتركيا وبعد كم يوم تطلع اوراق اللجوء مالتها...مسافره لأوربا..
صدگ تحجين..
اي والله هذا حجي امها...

صگر...متت من القهر...خرب بالوكت ..
الخنساء..طلعت امي من الحمام وذبت تلفونها على الكاونتر...اخذته حتى اخذ الرقم وشفتها ماسحته.
اوف ...صدگ الاهل حنان على ضناهم..بس مرات يصيرون انانين وميفكرون باولادهم...بس يفكرون شلون راح يرضون المجتمع...
هاهيه مفكروا بيه ولاهمتهم مشاعري ولاحتى الطفل...بس المهم كدام العالم ..بتهم مو فصليه
صگر..تعبت وره خنساء وتمرضت واسبوع نايم بالفراش...اريد بس اعرف عنها شي ماكو
وره اشهر...
امي راحت للكويت على دلال دزت عليها حتى تتعالج يمها...
عيونها مضروبه الشبكيه من السكر وتعبانه..
اني بقيت بالبيت الوب..اخر شي رحت لبغداد
وعندي عنوانهم ..
من جانت بيناتنه قضايه ومحاكم..
بقيت اسبوع يوميه مگابل بيتهم من العصر لليل
وماكو الها اثر..بس ولدهم يطبون ويطلعون..
فد يوم وگفت تكسي ونزلت منها مريه ضخمه لابسه جبه عرفتها امها....
دنيا ليل بحدود 8 ونص وضوه بابهم خافت...و ياها وحده حامل مميزتها بس اتوقعتها مرت اخوها...
وراها ايست ورجعت لحياتي...
بس جانت صعبه كلش ومتمشي الايام...
الخنساء....ماما ترى حرام عليكم ميجوز تحرمون صگر من ضنا....
انجبي لج ...دجيبي وعود ياخذه خل يشبع بي...
ما انطي ابني ...
مو بكيفج...همام يذبحه...
منين جتكم هالقساوه...مو اني كل  البيه بسبب همام..
هو طببني بهالحياه وهو طلعني منها غصب...
سدي حلكج واسكتي ليسمعج...حنيتيله لازم ...
مشتاقه للاهانه والذل..
لا اهانه ولاذل..اي اشتاقله مو رجلي وابو ابني...
جان رجلج...
لا لسه رجلي ...وطلاگي باطل لان حامل...
انتوا كذبتوا على المحامي بشغله الحمل...
گاعده احجي ومااشوف الا رگعتني امي بالنعال..
گومي فوتي للغرفه واذا اسمعج تحجين هيج بعد اني اعلمج ياحقيره..
مو ادميه احنه جنه دنموت بغيابج ...وبعنا حالنا ومالنا وخاطرنا علمود نجيبج بيناتنه...وتاليها بالج كله يم حبيب الگلب..
اني افكر بالطفل حرام شنو ذنبه...غير يربه بيني وبين ابو...
لا احنه منريده خل يربه يم اهل ابو...
وانتي ثوله جيبي وانطي لابو وخلصي منه....ورجعي لعقلج...شوفي حياتج ورجعي لكليتج ...كافي
الي ضاع من عمرج...
ماريد كلشي اني اريد ابني يربه بيني وبين ابو...
گووووومي ...گومي رفعتي ضغطي...
حياتي جحيم صارت ...امي ضدي ...وحتى حمودي ولولو احسهم مو مثل قبل..
حابسني بالبيت لاطبه ولاطلعه ...بس اروح للدكتوره وهسه اني بالتاسع...
ام صگر...ها وليدي شلون دبرتها بفراگي....
عادي ...ضجت عليج هوايه....
ها اتونستي لو لا وشلونهم بيت دلال....
والله تونست وعلاج كملت...وچان ودي ابقى بس گلبي منطاني ورجعت علمودك..
اگلك شلون شفتلك وحده تصير بنت اخو ابو عبدالله
ادب واخلاق وجمال...متزوجه بس سنه ..... ورجلها مات بحادث سياره..
وهسه صارلها سنتين گاعده ومصار عدها جهال...
ماريد هسه...ومنو گلج تجي من الكويت على العراق...
ليش يمه متجي همه اهل ابو عبدالله بصاروه وسكن الكويت...ومعليك دلال گالت اني ارتبها..وگالت اذا قبل صگر...ذهب العروسه عليه..
يوم سدي الموضوع هسه مو وكتها لهالسالفه....
الخنساء...ماما ..ماما....الحكيلي ...
الخنساء...ماما ..ماما وينج تعاليلي ...اني موجوعه حيل....
كعدت الصبح من نومي وحاسه نفسي تعبانه والم يروح ويجي...بس 4الظهريه حيل الالم زاد وبعد مااتحمله....
ها خنساء شبيج ...
ماما مصاريني دتتگطع ..والالم قوي من يم ظهري...
شلون بابنتي هسه ...انتي مصارلج 6 ايام طابه بشهرج..
ودكتورتج گالتنه بنص التاسع نوديج عليها...
ماما داگلج انوجعت حيل وداموت...
يله هسه اخابرها بلكت بعدها بالمستشفى ...
ام زهير ....خابرت الدكتوره وگالت نوديها تفحصها قبل مينتهي الدوام...
يله گومي البسي وداگول لهمام يجيبلنه تكسي يودينا...
لا ماريد همام الله يخليج حبابه...خابريلي زهير ولمىٰ..
ام زهير...هلو زهوري حبيبي ...يمكن خنساء عدها ولاده ...جيب لمى وتعالوا تريدكم تروحون ويانه...
زهير....اي ماما ربع وساعه ونجيكم تحضروا...
زهير...بيت اهل لمىٰ بصفنه...
لمىٰ ودي شموسه لاهلج واتحضري ....خنساء عدها ولاده تريدنا اني وياج نروح وياها...
ياعيني خطيه... ثواني بس البس...
اگلچ شكو فلوس عندي بالكنتور حطيها بجنطتج ....
اي ...اي..ميخالف...
زهير رايحه اودي شموسه لاهلي ...انتظرني بالباب...
صدگ لمى شوفي عمو اذا ميحتاج السياره جيبيلي السويج نروح بيها اروح من التكسي..
اوكي...
هلو ماما هاكم شموسه...لان راح اروح اني وزهير وخالتي نودي خنساء للمستشفى....عدها ولاده... خاله خابرتنه وگالت تريدنا وياها....
الام...مسكينه هالبنيه شگد شافت ضيم بعد ماچانت مدلله..
رقاوي عود روحي جيبي غراض شموسه من البيت ..واخذي المفتاح من ماما...
ماما شوفي بابا اذا ميحتاج السياره...حتى نروح بيها...
اي اوگفي رايحه اسأله...
هاج السويج ويگول على راحتهم ممحتاجها ...
شكرا ماما باي...
الله وياكم...تگوم بالسلامه ان شاءالله...
الله يسلمج....
هلو خنوسه ....شنو نويتيها ياملعونه....
اسكتي لمىٰ راح اموت من الالم وحتى مي داذب..
يله حبيبتي اتحملي ...هسه راح نروح ...زهير ينتظرنه بالسياره...
لمى حبابه اخذي الجنط مالتي ومالت النونو...لان امي خبلتني معانده...تگولي هاي مو ولاده...هاي تشاليع...مادري شنووو...
هههه والله ياخاله..
وصلنا للمستشفى ...وطبينا للدكتوره اني ولمىٰ وامي...
الدكتوره...ها ياحلوه...شخبارج...
الخنساء...دكتوره الم بطني وظهري فضيع...وحتى مي داذب...
الدكتوره...هسه حبيبتي اخذلج سونار وافحصج ونشوف...
الدكتوره....حبيبتي الطفل گاعد گعود...والمي بادي يخلص...
انتي من جيتيني اخر مره موگتلج ...اكلي حلا  يا حبيبتي ...حتى يزيد مي الطفل (السائل الامينوسي ) ...
هسه المي قليل والطفل بده يتعب...
الخنساء...خوفتيني دكتوره....
لاحبيبتي لتخافين...هسه راح ندخلج عمليه وساعات والنونو بحظنج....
ام زهير...دكتوره الله يخليج حاولي وياها بلكت طبيعي...
الدكتوره...ياعيني مو داگلج الطفل گاعد گعود وبده يتعب...
حظرولي البنوته للعمليه بين ميحضرون غرفه العمليات....
ام زهير...ها فاروق شلونك....هاي خنساء راح يطببوها عمليه هسه عدها ولاده...
هسه لعد اني راح اجيكم ...
لا لا لتجي ..بس دزلي الفلوس بيد همام...
شگد ادزلكم فلوس...
دز الفلوس كلها...لان مستشفى اهليه ويگصبون گصب...
ابو زهير....همام گوم روح على امك للمستشفى
وديلها فلوس ...خنساء دتجيب...
الخنساء...طبيت صالة الولاده ...واتذگرت صگر وتمنيته موجود ويايه بهاللحظه..
بس( ما كُل مايتمناهُ الشخص يدركهُ)....
الطبيب المخدر...يله عيني هاي الابره واحسبيلي للعشره...
الخنساء...1...2...3...4...5.....محسيت بشي بعد...
همام....هاج ماما هاي الفلوس دزهن ابويه...
زهير...همام انت ارجع للبيت منحتاجك...روح يم ابويه...
لا ماعندي شي ابقى اطمئن على خنساء...
زهير....بگلبي منين جتك هالحنيه...
همام...ماما تعالي احجي وياج...
ها همام شتريد خيرك...
احنه بعدنه على الاتفاق...
يااتفاق...
ها شبسرعه نسيتي...
مو اتفقنه بس تجيب ، ننطي الطفل لا ابووو...
يول همام حرام عليك ...هاي اختك وانت ظلمتها هوايه...
واني من وره سوالفك ومشاكلك قسيت عليها...
حرام ياابني هم الزمن واحنه عليها..
همام...والانبياء اذا بقى الطفل يمها هالليله ...ارتكب جريمه وتدرين بيه مخبل..
اسكت غبي هسه يسمعك زهير..لتفضحنا احنه بين الناس عيب...
&
&
&
#يتبـع...❤