رواية غصب فصلوني الفصل الثامن 8 - بقلم نور الزهراء

الخنساء....صگر اني گدامك وشتريد تسوي سوي...تريد تضربني ..تريد تموتني...تريد تغتصبني....
لتحجين ويايه هيج ترى اني انسان وعندي مشاعر مو حيوان...
لاوالله مدااحجي من باب الاستهزاء...بس بعد الي شفته وسمعته مالومك على شي...
صگر.....ماأگدر أذيج بعد فات الاوان...
ليش....هياتني گدامك...حسيت بعيونه كلام...
صگر....اريد اگوللها مو حبيتج اني...بس متردد...
يله خنساء نزلي خل اقفل الغرفه...
نزلت....والحيره كاتلتني ...شنو يقصد ...؟؟؟
بنزلتنه اندگ الجرس...
صگر....خنساء اني راح اشوف الباب ومناك اطلع لتنتظروني على العشة وعود گوليلها لامي...
الخنساء....لاول مره احس نفسي تعاطفت ويا ....سبحان الله يزرع المحبه ويألف بين القلوب
بدون ميعاد....
اريد اگله لا تعال تعشه ...بس مگدرت...
طلع يفتح الباب واني داباوع من باب المطبخ ..
وشفت فاتت مريه عمرها فوگ 35 سنه مرتبه ولابسه لبس خليجي...
وتحضن وتبوس بصگر ...وهو فرح بشوفتها
و وياها ولد وبنيه وطفل...
وطببهم على البيت...
منو ذولي

صگر.....انتبهت عليها انقهرت من جابت سيره شمس..
استخطيتها ونويت من تروح دلال بعد اسبوع ..
اخليها تخابر اهلها...
وهاهيه ارضه بالمكتوب واخليها تحبني مثل مااحبها ونعيش طبيعي كأي اثنين مزوجين...
الخنساء...رجعنه للبيت واتعشينه اني وخاله وصگر..
وكملنا تعليله وكلمن راح بفراشه..
بيت دلال افرشلهم بالصاله...لان مقبلت تصعد تنام بغرفه شاهين...
ساعه 2 بالليل جنت نايمه واندكت الباب عليه...اني اقفلها...منو منو...
خنساء اني صگر فتحي الباب....
شتريد...ماافتح...
لج بابا شريد قابل دفتحي...
الخنساء...شفته مخبوص وفتحت...ها خيرك...
روحي نامي يم يزن لان دلال يمكن صار عدها تسمم من الاكل...وهسه اتخربطت...
اني وريكان وامي رايحين نوديها للمستشفىٰ...
تعالي قفلي باب المطبخ ورانا ومتفتحي لاي احد...
وهاج تلفون امي ...حتى ادك عليج واطمن عليكم..
طلعوا كلهم وهو اخر شي ...ديري بالج على نفسج والجهال ...قفلي الباب زين عليكم...
الخنساء...شنو هاي تصرفاته ...يعني سبحان مغير الاحوال معقوله ...ديحبني...
اني هم بدت تتغير مشاعري تجاهَ ..
(شوفوا يابنات لتصدگون اكو مره قويه وگلبها حجر...سبحان الله بكلمه طيبه راسا يحن گلبها ويرق
لزوجها ...رغم الظلم والقسوة...)
رحت نمت يم الجهال چانوا نايمين...
وبيدي التلفون ...حاولت افتحه وادگ على امي ...بس مگدرت لان بي قفل...
وره ساعه دگ صگر...
وجاوبته...
هلو خنساء ...خو مو نايمه وگعدتج ...
لا ما أكدر انام الاتجون...شلون صارت ام عبدالله..
لا الحمدلله سووا اللازم ...الاكل جان دسم ومأذيها...
وهسه انطوها علاج ومغذي ...بس يكمل المغذي نجيبها...
الخنساء...صارت ساعه 4 واني گاعده كلما تجيني النومه....أگعد بروحي حتى ما اغفي...
دك التلفون وطلع صگر...
الوووو...
هلو خنساء مبين صوتج نايمه..اكلج احنه راح نوصل للبيت ....كلت اكلج حتى متهبطين من ينفتح باب الشارع...
سديت التلفون ...واني بداخلي المشاعر متخربطه واكو صراع جوايه بين گلبي وعقلي ...گلبي يحن لكلامه...وعقلي يرفضه من تصرفاته  قبل...
فتحت الباب وفاتت دلال بفراشها واني بقيت نايمه يمها للصبح خاف تحتاج شي...
الخنساء....گعدنا ثاني يوم متأخرين من وره السهر...ومصدعه روسنه...سويت الريوگ وتريگو الكل...
ريكان ...ها دلال شلون صرتي احسن مووو
اي ان شاءالله...
عيني ام عبودي اني راح اروح اليوم لبغداد ...عندي شغل...انتي شوكت تمشين بخير وسلامه...
بعد 6 ايام واروح...
ها خير ان شاءالله اكمل شغيلاتي واجي قبل لتسافرين...
الخنساء...راح ريكان لبغداد...
واني حياتي عاديه لاجديد...بس صايره اضوج من يروح صگر للدوام...احس فراغ يصير بالبيت...
الخنساء...ام عبدالله راح اسويلج شوربه صدر دجاج زينه الج ...امي تسويها النه من تتخربط معدتنه..
دلال...من اتخربطت ..شفت نفسي ظالمتها لخنساء
دارتني ودارت ولدي...وحتى تعامل امي احسن معامله...
وخجلت من تصرفاتي هوايه...واتغيرت وياها لان خطيه....
همام...كاعد واجاني تلفون من المحامي..
اهلا استاذ تفضل...
همام اريد البشاره...

همام....اني گاعد العصريه ودگ عليه المحامي..
اهلا استاذ تفضل...
اريد البشاره همام...
يالله ابشر...
صدر امر القاء القبض...وباجر ناخذ الكتاب وتطلع دوريه ونذب رجل بتكم بالسجن...
همام....الله يبشرك بالخير استاذ...يالله والله ممصدگ...
يله روح بشر الاهل ونتخابر ونتفق على الروحه...
الله وياك استاذ...
همام....
ماما ،بابا وينكم اريد البشاره..
ام زهير...يالله ...فرح گلب امك المحترگ...
ماما صدر امر القاء القبض على رجل خنساء وباجر نروح نجيبها...
وراح تنگلب السالفه وهمه يدورون رضاتنه...
ام زهير...نزلت سجدت بالگاع..الف حمد وشكر الك ياربي...ياربي تممها على خير وفرح گلبي برجعة بنتي...
همام....صار شهرين مشايفين الفرح بيتنا واليوم ياله رجعت الفرحه بي....
صگر.....خنساء ..
نعم....
شنو ناويه تسوين عشه..
والله مااعرف لسه ماعرف هسه اسأل خاله...
انت بالك شي تريد اسوي...
لا عادي اي شي تسوي من ايدج طيب...
خجلت ...وحمرت خدودي...
يمه الخجل يمه...
لتسوين عشى راح اروح اجيب سمجتين مسگوفه حتى ميضيع الوكت بتحضير الاكل ...علمود نبقى نتعلل كلنا سويه..
اوكي...
دلال صارت حبابه وزينه ويايه...انطتني من غراضها اشياء حلوه (جنطه ورداء خليجي ) وگالتلي ذولي تذاكر ...وان شاء الله ادزلج هديه مرتبه من اوصل هناك..
تسلمين ام عبد الله متقصرين...
ها خنساء وينج...
هياتني جيتك صگر...
هذا السمچ حار وكلشي ويا موجود ترتيبات وزلايط...
بس نفرش وناكل ...وهاي قواطي كولا وجبتلج سوده لان تحبيها...
الخنساء...شكرا الك...
اوگفي...
شنو شتريد...
شوفي ذوقي يعجبج لو لا...
بشنووو...
طلع تراكسوت شرابي لونه يجنن وقميصه قصير وضيق وبي شفه ذهبيه بجانب الصدر...
هذا شنوووو...
حلوو لو لا...
كلش حلو...
هذا جبته الج تلبسي...
شلون البسه گدام اخوك مو متقبل...
لا والله خاف مترضين...هذا تلبسي باجر من يروح ريكان الصبح يوصل دلال للمطار وهو يطلع لبغداد....
هااا عبالي هسه....
ها هيه عندي عرض ازياء ...حيوان ابو گرن گالولج عليه ...اعرض مرتي واخليها فُرجه...
حشاك...ضحكت...لوتدري اني شنو مطلعتلك اسماء بلاوي...واضبطهن نعال ابو الاصبع..ههههه
شكرا صگر...
صگر....بهمس گتلها عفوا...واريد وياها الظفيره الصفح الي شلت احوالي...
الخنساء...خجلت منه حيل...ورحت للغرفه وديت الغراض..
رجعت للمطبخ ...جان ديفتح بالسليڤون مالت المواعين وديحضر ...
صارت بيني وبينه نظرات مال حب كلها بيها خجل...
سبحان الي ألف بين قلوبنا...
تعشينا وكملنا وهو ويايه معافني...ماكو مواعين نغسلها لان الاكل جاهز...
اني خدرت الچاي ودحظر غراضه وهوه طلع فواكهه وغسلها وديرتبها..
اخذت الچاي ورحت للهول ...كاعدين سوه..
خنساء انطيني الشكر اذا جايبته وياج..
لا ماكو انطيني كوبك هسه اروح احط بي شكر واجي...
اخذت الكوب ورجعت وانطيتهيا...
واتعمد يلزم ايدي ...طبعا حيلي گام يرجف ..حتى هو ارتبك...خجلت ووخرت من يمه..
الگعده كلها عينه عليه واني اباوع عليه من جوه ليجوه...
الخنساء....الاحساس البي اني كلش حلو...بس متمنيت الحب يجيني بهيج ظروف...
گام صگر راح للمطبخ وصاحني من طلع من باب الهول..
خنساء تعالي للمطبخ...
لميت غراض الچاي ورحت اغسلها..
ها صگر شنو تريد...
باجر محظرلج مفاجئه...
صدك...شنو هيَ......
شلون تصير مفاجئه اذا اكلج عليها...
عليك الله بداعة خاله گلي ..
لا مااگلج...
حلفيني بداعتج انتي واگلج هسه عليها...
عزه ...هذا مفضوح خجلني...
گتله واني مستحيه...بداعتي شنوووو..
اخ حلفتيني بالغالي...
يمه هذا راح يموتني والنبي...خجلت حيل..
هسه اجيج...
راح لغرفه خاله ورجع...شايل جهاز تلفون بايده حديث...
هاج خنساء هذا تلفونج ..وبالعافيه عليج...
شكراا صگر ..حلوه المفاجئه كلش...
والاحلى باجر تعرفيها...
بداعتي صگر گول...
لج بابا لتحلفيني بالغالي...
كلامه يدوخ ويسطر..
باجر اخليج تخابرين امج وتحجين وياها..
صدگ تحجي ...
اي والله ليش لعد...
ترى اني مو حيوان لو قاسي بس الظروف قستني عليج والله.....
لاحشاك...بدون وعي حظنته...وحسيت على نفسي و وخرت..
صگر...شلون حضنه تموت...
ليش وخرتي عني ...چان بقيتي مدفيتني...
عابتلك شكد مكروه...متستحي...
خجلت منه وعفته ورجعت للهول..
الخنساء...صگر كلش حباب وبديت احبه ونويت من تروح دلال اگله على حملي ...
اصلا بعد شهرين اكيد من تكبر بطني راح يعرف...
خل اگوله من هسه احسن...
بلكت يصير بعد احسن ويخليني اشوف اهلي...
گاعدين وجابلنه الفواگه وقسملنا كلمن ماعون...
انطاني حصتي واجه گعد بصفي...
طول الكعده خجلانه واحسن نفسي بايگه بوگه مو عبالك رجلي...
كل شويه يهمس بااذني ...
يكلي اليوم اخابرج واتحارش بيج بالتلفون.. واني اضحك...
صدگ خنساء...خلي ثقه بيناتنه رجاءااا...
يعني كلما تسمعين كلامي واتصونيني اني ارضيج اكثر....وداعتج كلشي اغيره بالتدريج..
يعني اهلج متخابريهم الابعلمي...واني ناوي اصلح الامور...واعيشج عيشه تنحسدين عليها
بس اصبريلي مسأله وقت...
عجبني كلامه كلش ...
خنساء...كلمن راح نام بفراشه...وبقيت اتگلب مكدرت انام....حاولت ادك على امي ..بس گلت اصبر منا لباجر....وهم ماريد اخون الثقه..
&
&
&
#يتبع...❤