رواية غصب فصلوني الفصل الثاني عشر 12 - بقلم نور الزهراء

(#روايه غصب فصلوني)
حاولوا تنطوا حليب منتظم وتوصلولي وزنه الى 10 كيلوات وتجيبوا نسويله العمليه..
زين ام الطفل وين ...
صگر....مشاگل وزعلانه  دكتور...
بابا يازعل وكتها ...روح رجعها الطفل محتاج حليبها ..حتى ينمو ...وكلما نستعجل بالعمليه يكون افضل...
حجيه راح اعلمج شغلات تسويها بالبيت حتى تساعدي للطفل حتى يفرغ بطنه...
وهذا العلاج تنطوهيا ...ومن يصير وزن 10 كيلوات تجون جيبوا ليا...ومعافاه ان شاءالله...
صگر...طلعت من المستشفى ومضروب براسي ومسطور...اريد
اروح لخنساء وكرامتي متسمحلي...
بعدين شفت حياة ابني فوگ كلشي...
اخذت امي ويوسف ورحنا الهم...
دگينه الباب ...وطلع همام..
همام...ها شتريدون ...ليش جايين..
صيح خنساء...
ماعدنه احد بهالاسم...
صگر...صرت عصبي واني فاير منه ودم سنوني صاير همام ...لزمته من ياخه تيشيرته وتلاطشت ويا ...
وطلعوا اهله على الصياح...
خنساء...شكو لمى..
يولي رجلج وامه وابنج بالباب...
صدك..الله عليج...
اي والله..
وين گايمه..
اروح اشوفهم يولي گلبي نار على ابني ورجلي..
ابو زهير وزهير....استهدوا بالرحمٰن ..
صار صياح ومسبه وام زهير طبگت ويه همام...
خنساء ...طلعت للطرمه بالگوه امشي ..
كافي عاد ...كافي...
امي تدفع بيه وتطببني جوه...
عوفيني اريد ابني ياظلام ...جتي خاله بااتجاهي واخذته منها...
وحظنته(اوووف حبيبي فدوه لريحتك...حاضنته واشم بي...ودموعي تصب...حسبي الله على كلمن حرمني منك ..)
صگر....شگد حاقد على خنساء...بس من شفت هذا الموقف انقهرت عليها حيل...وعرفت عايشه بالضيم چانت...
صگر...زهير وابو خنساء  ناس تفتهم ...الاذاك الارعن كلشي ميفهم...
ابو زهير...تعالوا تفضلوا خل نحجي جوه التمت الناس من صوتنه عيب من الجوارين..
فتنه وحجيتلهم السالفه وخنساء دقيقه مبطلت بجي...
ابوزهير...والمطلوب ياابني شنووو...
يوسف يبقى يم امه بين مينمو ويزيد وزنه حتى نسويله عمليه وكلما تتاخر بيها خطوره على حياته...
ابو زهير...هاهيه اتفقنا بقي يم امه ...ومن يتحسن وضعه اخذوا...
صگر...ويه گومتي اني وامي حتى نطلع...وعز عليه فراگ يوسف...
گامت خنساء..
صگر..انتظرني اني اجي وياك...
همام جان بالهول وسمعها وطب يركض ضربها...
لج عار وين تروحين رجلج اكسرها اذا تطلعين..
صگر...متحملت الي صار گدامي ورحت ضربته وفاككونه وصار مصايح...خنساء تريد تجي واهله ميخلوها...
صگر....غصبن عليكم اخذ مرتي بالقوه بالرضه اخذها ...
هسه اروح اطلع شرطه عليكم واسوي القاء قبض...طلكتوها مني بالغصب...وهي حامل...وهذا الطلاگ باطل...هي مرتي شرعا ومحد يمنعني اخذها...
عمي وزهير...قبلوا بالواقع وحگوني ...وگالوا اخذها
هي مكانها الطبيعي يمكم...
همام ...اقسم بالله اذا خنساء تروح ويه هذا العار ...تحرم عليه طبت هذا البيت وتحلمون بشوفتي...
الخنساء...مهمني همام طز بي...
طلعت بطرك الملابس الي عليه ورحت ويه صگر وابني...
وصلنا للبيت...
خاله فرحت بيه وطببتني للحمام ...تدري بيه مسويه عمليه...بس صگر ماخذ على خاطره مني ...
اوف لاول مره احط ابني وانطي من حليبي ...الله ينطيج يالمىٰ لوما هي چان نشف حليبي...احلى احساس ومينوصف...
صگر چاب چربايه يوسف وحطها بالغرفه وخاله نامت يمي...
نيمت يوسف وميهلي افارگه....بس صگر غالي عليه هم.....
رحت للهول وشفته متمدد وصافن على السگف...ومن شافني اتعدل وگعد..
شلونك ...
بثگل خاطر جاوبني...زين عايش ..
اشتاقيتلك هوايه...
مبين عليج من هجرج الي وبعدج عني..
ظروفي صعبه ..وشفت الضيم...
صگر...كلبي حن عليها لان مايوم نساها...
تعاتبنه عتب حبايب..وحضنتني..
صگر اني اموت بدونك ...حياتي متسوه شي وانت مو بيها..
انتي روحي وعمري ونفسي حبيبتي وام ابني...
تصالحنا والحمدلله...
وراها عقدنا محكمه ...
واخذنا غرفه شاهين...واشترالي نيشان وذهب...
غمرني بحنيته وبحبه...اب وزوج ماكو منه ...
طيب گلب ووفي وحنين لابعد حد...
دللني دلال وعوضني عن كل الضيم والقهر...
وعشت ويا لحظات زوجيه متنوصف...
بقينه ويه يوسف على تعليمات الطبيب ...والحمدلله زاد وزنه...
علاقتي بقت مقطوعه ويه اهلي...وهمام عاف البيت من طلعت ...
وره 3اشهر عرفوا طالع تهريب لالمانيا..
اكو تواصل بيني وبين لمى...واعرف اخبارهم...
صار موعد العمليه من صار يوسف عمره 6 اشهر وزاد وزنه...ورحنه اني ويوسف وصگر وخاله وريكان لبغداد...
اخذوا حبيبي مني وطببوا للعمليه...وبقيت ابجي وانوح ومتگابلين اني وصگر...يمكن هو شايل حزن وقلق اكثر مني...
دابجي وتفاجئت ...
بابا وماما وزهير ولمى اجوي عليه للمستشفى وسامحوني ...وصار صلح...
طول حبيبي بالعمليه ...وطلعوليا ياعمري متبنج وتعبان ...بقينا يومين بالمستشفى ...
وراها بابا اصر نروح يمهم لان لازم ابقى بغداد فتره للمراجعه مال سوفي...
بقيت اني وخاله يم اهلي ...وصكر يروح ويجي ويبات يم ريكان يم الولد..
علاقة صگر بااهلي تحسنت وامي گامت تحبه ...هلگد ممدللني ويخاف عليه...حتى اللگمه يحطها بحلگي كدام اهلي...
وشافوا عقد المحكمه كاتبلي مؤخر ضخم عرفوا هو شگد يحبني...
صگر...شفت وگفة اهلها ويانه حلوه...استحيت منهم ...
رجعت للعماره بعت محل من محلات القماش مال ابويه الله يرحمه ...
عمي ابو زهير...هذا حگكم..
شنو هذا ابني..
عمي احنه اهل وصار بينه عيش وملح..
وهاي الفلوس مكانها مو يمي...
كبر صگر بنظر اهلي كلش ...
انتهت قصتي ويه عذابي
الحمدلله وره كل الضيم الي شفته...عشت حياه طبيعيه ويه حبيبي ...واهلي رضو عني...
بس بقى همام مقاطعني...
وهسه يوسف الحمدلله اتحسن وضعه وكمل سنه وشهرين...
واني حامل بالشهر الرابع دننتظر نجمتنه بنوتنه الجديده..
&
&
&❤❤❤
#النهايـه ...
اتمنى تكون عجبتكم الروايه
ولاتنسون التصويت💋👇