رواية جحيم الشيخ حرب الفصل السابع والثلاثون 37 - بقلم منار الدليمي

هديه بسيطه الكم
اعرف مكمل التصويت لبارت يلي قبله
بس عاذرتكم وقرائه ممتعه

تولين.. لحرب

بيِـۃ اެنـَسُـاެن خـَࢦـه اެࢦـࢪوُح تُحـَࢦـف مـَاެ تِحَب ثـَاެنَـيِ ..

♡♡♡♡♡♡♡♡♡
#جحيم الشيخ حرب
#منار الدليمي💕

♡♡♡♡♡♡♡♡♡♡♡

اجا الصبح ورجع حرب من دوام فتحتله الباب

وكلت الله يساعدك حبيبي

حرب... بستها من راسها وكلت ويساعدج

دخلت للاستقبال سلامت عل الاهل واشرت التولين وراي

تولين... صعدت ورا لكيته ينزع بتشيرته حضنته من ضهره بس بطني صارت حاجز بينا 😂

حرب... صديت عليها واباوع شلون صايره بنت المشعول سمينه اكثر من قبل وخدود عدها وهيه بيضه مال عظ ميلت راسها وخدها صار كدام وجهي وهيه مستغربه

تولين...استغربت ليش ميل راسي بس مااحس غير سنونه نبتن بخدي طلع روحي يلاا عافني دموعي نزلن صدك اذاني

حرب... ضحكت عليها وكلت يول شهل خدود والله لو ما اكول خطيه جان شلعتهن باع بجت 😂 يلااا حبيبي سكتي بعد مااعضهن.وحضنها

تولين.... وخرر يلاا هاي اول مااجيت بجيتني

حرب... وهوا يبوس شفتها غير احبج بنيتي شعندي غيرج

تولين... واني احبك.

صار ثاني يوم وحرب ينقل بلغراض حتى يستقرون بيتهم الجديد للعصر همه خلصو لان ماعدهم غراض هواي وحرب اشترا كوله جديد والقديم ذبه

تولين... صار الوقت نطلع وعمتي ام سناء بجت وحضنت حرب واني بجيت وياهم صدك بهذا البيت عشت مأساه وياهم وعذاب محد شايفه بس ماانسى فضلهم عليه اعتبروني بنتهم وحبوني وخاصتنا البنت

ودعنا الكل وصعدنا بسياره احس ارتاحيت راح يصير عندي بيت وحيدي. واستقر واكعد وبعد ماكو لا مشاكل ولا الحيايه

الطريق كوله فرحنا ربع ساعه وصلنا البيت فتحلي حرب الباب سياره ونزلني شفت البيت عصري وبسيط عل كدنا ابتسامه شكت حلكي باوعت عل حرب لكيته يباوع عليه ويضحك

فتح الباب بلمفتاح اول شي حديقه تجنن بيها اشكال الورد ويجي المطبخ وراها صلاه صغيره والاستقبال حبيته هواي

ردت اصعد فوك بس حرب مخلاني كال بعدين اشوفج ياا اخذني لغرفتنه تجنن حبيتها هواي ضلينا نحجي راح نبدي صفحه جديده وحرب القديم يروح

ماانتبهنا للوقت الا من اذن العشا كمنا صلينه وحرب راح يجيب عشا

طبعا فضول الا اشوف الفوك صعدت لكيت غرفتين وثنينهن مقفولات نزلت اتأفئف

رحت للمطبخ عجبني ك ست بيت وهمها بس المطبخ 😂 يلي تقضي بي كول فرحها وحزنها عجبني والله هل حرب طلع عنده ذوق

سمعت الباب انفتح. حرب شايل ويا علاليك. خلاهن عل طاوله واني جبت الاماعين جايب بيتزا وكباب وعصير حتى لنفسه حتى مااحجي واكول شهل تفرقه 😂

تعشينا وحرب غسل لماعين واني اضحك عليه

رحنا نمنا من التعب كعدن الصبح سويت ريوك بكل نشاط واباوع عل بيتي مامصدكه بس اني وحرب وماكو الحيايه

سويت بيض وطماطه وجبن وخدرت الجاي ورحت اكعد حرب حبيت اخبث.

دنكت وعضيته من خشمه بشويه قوه هواا فزز وكعد

ضحكت وطفرت من يمه لان كولشي ولا تخربين نومته يصير هتلر

طفر من حربايه واني ضحكت وخليت ايدي كدامي لان حتى لو اركض بطني متعيني هوا اسرع مني

وكف كدامي واني طكيتها بضحكه وخليت اديه عل صدره

كلت برائه... صباح الخير

حرب... صباح الخدود العسل خليني اكل شويه كيمر

تولين... وهيه تخلي ايدها عل خدودها لاا والله يوجعني من ورا عضاتك شوف حتى جوا حنجي صاير ازرق وبنفسجي

حرب.. لا والله شويه مأذيج يلاا بنيتي

تولين... بستسلام... بربك عل كيفك

حرب... نزلت يم خدودها اول شي بستها بقوه وبعدين عضيتها عل كيف

نزلنا نتريك ومشا يومنا بين الحب والضحك

اليوم التالي اتصلو بحرب معزومين بمناسبه. بحمل مرت ادام شكد فرحتلها نورس تستاهل كول الفرح

بدلنا حرب لبس دشداشه واني بنطرون وفوكاه شي طويل وعبايه

رحنا يمهم تغدينا وضحك تونسنا ورجعنا للبيت خطيه نورس طايره من الفرح هيه وادام الله يتممها عليهم بلخير

ـــــــــــــــــــــــــــــــــــ

مرن سنتين جبت عزام بخير وسلامه وحرب طاير بي وين ميروح وياا وادم جاب بنيه اسمها ايليا طايرين بيها وهيه مامقصره مدبدوبه وبيضه

طبعا عزام ميشبه ابو بكلشي يضحك وسبورتي عل ادم وحرب متخبل يكول مااريده عل ادام يسويلي مشاكل وتعال يحرب حلها

واني اضحك عل تفكيره واكوله بعده جاهل وكولشي ليشوفه يقلده ويحب يضحك

صادف يوم جمعه وكول نهايه اسبوع اسوي حمله عل بيت وحرب كاعد عل طاوله اجا عزام من برا وشايل جبس

تولين.. ماما كاعد امسح بالكاع طب جوا ولذب جبس بلكاع ونكسر ضهري واني الم وراك

عزام.. واكف يم باب المطبح وياكل جبس ولا يمه الكلام رفع راسه ويباوع عل تولين ورجع اكل اخر جبسايه وضل بس الجبس لمكسر بجيس لزمه وكبه بلكاع ويباوع ع تولين
وكال.. تبيته ( كبيته)

حرب. كاعد ويباوع عليهم لازمته الضحكه يريد يكوم يعاقب عزام بس يريد يشوف تولين شسوي

تولين.. ضلت صافنه عليه وعل طوله يلي بعد مصاير شبر وهيج عناد

كعدت عل درج وكالت. ليش هيج ياماما والله ضهري انكسر ارحموني شويه

باوعت عل حرب وكالت... كاعد تشوف ترضى بهذا شي عليمن طالع هيج عنودي

حرب.. عل امه طبعا الدنيا دواره. مثل مجنتي تسوين بيه هيج الله دزلج نسخه منج يبهذلج

تولين.. وهيه تخلي ايدها عل راسها ونبي راح ابجي حتى راسي يوجعني ومنا ضهري وهذا وصخ الكاع من جديد

عزام يباوع عل تولين وعل الكاع انقهر من خلت ايدها عل راسها عباله تبجي ركض عليها حضنها

وكال
ماما لا تبتين اثف بعد ماوصخ ودموعه نزلن اني احبج ويبوس بيها

تولين.. لا يروحي ماابجي وحضنته بكل قوتها يلاا ماما اسكت ليش البجي بضحك اول مره اشوف شخص يكتل القتيل ويمشي بجنازته

عزام رفع وجه ومسحه دموعه وكال هسه بابا ينمه وبعد مينكسل ظهلج

حرب... لا هاهيه اكعد اخدم بيك ابولسان فالح بس تتلوك لامك انته مصيبه وكعت عل راسي

عزام...وهوا يطلع لسانه مثكلتك مو مثكلتي مو ماما يباوع عل تولين

تولين.. اي يروح ماما حرب لضل داهر بي عوف وليدي

حرب. شال محفضته وسبحه وكام اي خلي يفيدج وليدج والله دلالج راح يخربه

هاا صدك اذكرت اليوم معزومين يم اهلي حضري روحج العصر اجي اخذج هسه طالع عندي شغله اخلصه وارجع

تولين... طلع حرب واني نضفت الكاع من جديد واخذت عزام غسلتله لان كوله طين ولبسته

صوره

واني غسلت وبدلات ملابس طلعه

صوره

اجا حرب ورحنا لكينه الكل موجود ولد عمه وادم ومرته

دخلت بستقبال النسوان سلمت عليهم وعزام بس شاف ايليا بعد مااشوف وجه كعدت احجي ويه البنات طبعا نرجس تموت ضحك وسوالفها جريئه اني عادي متعلمه عليها بس عندكم نورس خجوله 😂 وهيه توكع بيها

شويه واجاا ابن يوسف اخو حرب حيدر كال عزام تعارك ويه ايليا

طفرت اني ونورس لكيته شاحطها من بدلاتها وكوله تراب جريته منها وكلتله ولك ماما ليش هيج مسوي بيها مو هيه صديقتك واباوع عل بنيه فاحطه

عزام.... نووو ماما مو حطيه هيه تلعب ويه ولد واني مااقبل بس وياي تلعب

تولين... سمعت هيج ضحكت ونورس ضحكت

اخذت ايليا غسلتها واعتذرت من نورس

منا وبدت الحرب بين عزام ولد عمه كول ما يشوف واحد كاعد يجي يهلسه من شعره اخر شي اتصلت عل حرب وسولفتله عاد اخذه يمه

للمغرب يلاا رجعنا للبيت حرب شايل عزام لان نام بسياره دخل لغرفته خلاه عل جربايه وطلع

باوع عليه من فوك ليجوه وكال

وعلي اليوم الا طحين كافي عاد انطيتج مجال هواي هسه اجا دوري اتونس

تولين....اخذني للغرفه وعشت احلاا يوم بين الحب والعشق

ـــــــــــــــــــــــــــــــــــــــ

(الى هنا ينتهي بارت 30 والاخير) اتمنى تصويت والتعليقات

طبعا مثل ماشفتو الصبر اهم شي يجي يوم ورب العالمين يفتح باب امل النا من جديد واتمنى محد تيأس من الحياة مااطول اكو رب عظيم. بس نحتاج صبر والله ويانا بكل خطوه ومهما الحياة مرتغتنا وسحلتنا يجي يوم وتوكف ويانا

وتولين تشكر تفاعلكم ويانا صح مارضت عل كم تعليق بس خطيه حرب اخذ الكم الاكثر من السب 😂

وبس احبكم

تاريخ نشر القصه: 2022/2/15

تاريخ الانتهاء : 2022/8/17

تشبيه لحرب من تولين ولدت بلمستشفى ❤❤🥰

وبس باي راح اشتاقلكم 🥺💔