تحميل رواية غير قابل للبيع بقلم جيجي pdf

.. بعد ما بقى ارمل ومعاه ال٤ بنات فكر يبع واحده منهم علشان حاحه ماتخطرش على بال ابليس

كمال صاحبه... انت مجنون.. عايز تبيع بتك... ليه يا سامى

سامى... انا مضطر ابيع واحده منهم ضرورى قوى... هبيع البت الكبيره.. ليلى.. هتجيب مبلغ حلو عارضين فيها ٥٠٠ الف جنيه

كمال... انت هتجننى حد يبيع بنتو طب انت عاوز فلوس يعنى نحاول نتصرف فى المبلغ

سامى... هو اه انا عايز الفلوس فى حاجه كدا محتاجهم

كمال... حاجة ايه اللى تخليك تبيع لحمك.. انت فاهم انت بتعمل ايه.. وبعدين ليلى دى هى اللى شايله البيت بعد امها الله يرحمها هى اللى بتشيل وتحط فى اخواتها التلت بنات التانين انت ناسى

سامى.. عارف بس مش هغير راى

طلعت بنت ١٤ سنه دى ليلى وقالت... بابا انا جاهزه يلا بينا

سامى... يلا يا قلب ابوكى

وطلعو سوا من البيت.. وكمال مشى.. وسامى وليلى وكانو راكبين تاكسى

ليلى... بابا هو احنا ليه ما اخدناش اخواتى معانا ليه هنروح نلاقى منى ولعت فى البيت ومريم غرقت عليا فى الطشت

سامى.. لا معلش هما لازم يعتمدو على روحهم من هنا ورايح

ليلى.. ليه كدا وانا روحت فين

سامى بتوتر... ها.. وانتى يعنى كنتى خلفتيهم ونسيتيهم يعنى قصدى لما تتجوزى.... بس هنا يا ريس وصلنا

ونزلو وراحو عند مكان شكلو غريب.. وقال...

لحظه هدخل الحمام واجى استنينى هنا...

وراح عند ست فى الاربعين.. دى زيزى وقالت..

هى دى البنت

سامى.. اه هى

زيزى باعجاب... لا قموره تستاهل بصراحه خد اهو اللى اتفقنا عليه

وادتلو شنطه فلوس.. اخد الفلوس منها ومشى... وزيزى راحت عند ليلى وقالت...

ازيك يا حلوه

ليلى.. اهلا يا طنط

زيزى... ايه الجمال ده كلو. والله مش خساره فيكى

ليلى.. هو فى اى حضرتك

زيزى.. انا زيزى انتى هتشتغلى معانا يا قلب حضرتى

ليلى... نعم اشتغل ايه بس حضرتك متلغبطه فيا انا مستنيه بابا هو دخل جوه وجاى

زيزى... اه مستنيه بابا... لا هو بابا مش هيجى اصلو خد اللى يكفيه يلا بقى خشى مع البنات لحد ما يجى ميعاد طلعتك

ليلى... انتى بتقولى ايه انا مش فاهمه منك حاجه

زيزى... خشى يا بت ايه التربسه دى اقولك تعالى معايا بس تعالى

ليلى زقت ايدها وقالت.. بس يا وليه نزلى ايدك دى

زيزى شاورت لشابين ضخام من رجالتها وجم شدوها لجوه وكان مكان غريب زى جراش قديم بس فيه ناس كتير من سنها واصغر واكبر بنات وشباب وكلهم لبسهم متبهدل وشعرهم وحالهم سيئ ليلى بصتلهم بتوتر وقالت..

فى ايه ومين دول

زيزى.. دول اخواتك فى الشغله

ليلى بغضب... شغله تانى بقولك انتى فاهمه غلط اوعى كدا انا طالعه ايه دا

ولسه هتطلع بس لقت الشابين واقفين عند الباب وواحد ذقها بايد واحده وقعها بعيد من الباب بمراحل وهنا ادركت ان الست مش متلغبطه ابدا خوصوصا اما قربت منها وقالت بتحذير..

هتشتغلى مع اخواتك بالزوق ولا اخلى حمص وكوشه يزفوكى

الفصل الثاني من هنا

٢...هتشتغلى مع اخواتك بالزوق ولا اخلى حمص وكوشه يزفوكى

بس جيه شاب ١٨ سنه وقال..

فى ايه يا زيزى تانى

زيزى.... ابدا يا ميمو بنت جديده بس كانت بنت ناس وهتقرفنا

ميمو... طب براحه عليها مش كدا واحده واحده

زيزى.. يا حنين والله ما حد قاطم ضهرى غيرك يا ميمو

خدها وريها المكان جاتك الهم انت وهى

ميمو مد ايدو وقال.... قومى معايا

ليلى وقفت وقالت... انا عايزه امشى من هنه لو سمحت

ميمو.. ههه الله احترام.. تعالى معايا

ووداها اوضه وقال... ارتاحى انتى هنا دلوقت هو انتى ايه اللى رماكى هنا

ليلى.. انا كنت مستنيه بابا وجات الست المستفزه دى وقالت ابوكى مش جاى وخد اللى يكفيه وانتى هتشتغلى معانا وما عرفش ايه انا عايزه ارجع لبابا زمانه بيدور عليا دلوقت

ميمو.. بصى انتى مش مخطوفه انتى ابوكى باعك زيزى بتشترى ما بتخطفش

ليلى... ايه اللى انت بتقولو ده مستحيل انا بابا بيحبنى قوى ويبيعنى ليه اصلا

ميمو.... هو باعك بس باعك ليه الله اعلم بس دلوقت ومع الاسف لازم تسايريها احسن ما تئذيكى لازم تشتغلى لانها دفعت فيكى ودى قطها جمل مش هتحلك

ليلى بضيق.. اشتغل ايه طيب

ميمو... هى على طول بتشترى البنات..... البنات الصغيرين بتوديهم على الاشاره يبيعو مناديل والكبار شويه اللى عودهم شادد حيلو كدا ب بت احم

ليلى.. ها بيشغلهم ايه انطق

ميمو... فى الدعاره

ليلى بصتلو بصدمه وقالت.... ايه نهار اسود ومنيل يا نهار اسود طب وانا انهى فيهم

ميمو.. انتى مزه.. احم ق قصدى كبيره

ليلى بدموع.. يا نهار اسود يا نهار اسود

ميمو... اه واللى بيكونو لسه بنات اول مره يعنى بيبقى سعرهم حلو قوى عشان كدا مش هتفرط فيكى بسهوله ف تعاونى بدل ما يئذوكى

ليلى... انت اهبل اتعاون فى ايه انت سامعك نفسك بتقول هتشغلونى ايه

ميمو.. انا مش بشغلك دى زيزى.. واه انا اديتك نصيحه وانتى حره كدا كدا هتعملى اللى زيزى عيزاه اعملى وانتى ساكته بدل ما تتبهدلى وتعمليه بالجزمه...... سلام

وسابها وطلع قعدت على السرير بضيق وبقت تعيط

فى البيت عند سامى كان قاعد فى اوضته وبيعد الفلوس اللى اخدهم من زيزى وجات بنتو مريم ١٠ سنين ومعاها بنتين منى وعليا ٥ سنين تؤم

مريم... بابا فين لولا هى ما رجعتش معاك ليه

سامى.. هى عند حد من قرايبنا هتقعد هناك شويه

مريم.. بابا انا كمان عايزه اروح معاها

منى وعليا.. واحنا كمان يا بابا عايزين نروح

سامى.. تروحو فين لا مش هينفع ويلا بقى على اوضتكم

مريم.. ليه لا

سامى... هو كدا يلا بقى بلاش زن

راحوا على اوضهم بدموع وهو فضل يعد ف الفلوس.. وخدهم وطلع من البيت.. عند زيزي كانت قاعد مع ميمو وبتقول...

عايز ايه يا ميمو انجز

ميمو.. زيزي حبيبتي عايز اطلب منك طلب صغير

زيزى... لا يا ميمو

ميمو... ليه بس لا

زيزى... عشان انت عايز تمشى البسكوته وانا مش همشي البنت دي مش ده اللى عايزو

ميمو... صح الله ينور عليكى حرفيا اللى مربي قرد عارف لعبو..

زيزى.. طيب يا عم القرد دي مدفوع فيها 500 الف جنيه ودى فلوس شقا وتعب مش جايه بالساهل يا عنيا وما تبقاش احن من بسكوت العيد كدا وانشف

ميمو... عشان خاطري يا زيزى والنبى

زيزى... ميمو البت باين عليها ملهاش فى البهدله

زيزى.. كلهم بيكونو كدا فى الاول وبعدين بيجوا معانا سكه انا هنزلها شغل زي اخواتها بس مش هنزلها مع الناس اللي بتيجي هنا هستنالها الصيده كبيره عشان تعوض اللي دفعته فيها

ميمو بضيق... ماشي يا زيزي ربنا يهديكى

وسابها وطلع اوضته فى يوم جديد كانت ليلى بتنضف وهى بتعيط ومعاها بنت. لابسه ضيق وقالت بضق..

ما خلاص يا بت كل ده عشان زيزى دلقت عليكى ميه وانتى نايمه ماهى بتصحينا كلنا كدا من النوم هى مية نار يعنى..

ليلى بشهقات عاليه... وليه ما انا بصحى عادى اما يهزونى ليه تعمل كدا

البنت.... يا كبد امك طب كفايه تنضيف تعالى اقولك على شغلك الحقيقى

ليلى.. ايه انتى

البنت.. اه انا صباح.. راقصة الفرقه.... الابله زيزي قالتلي اديكى شغل هنا... بتعرفي تطبخي

ليلى... اطبخ ايوه اكيد بس هو ميمو قالي ان انتوا هنا ما بتشتغلوش طباخين

صباح... اه الشغل التانى هتنزليه بس بعد ما ياجى وقتك يلا

ونزلت لتحت وليلى نزلت وراها...

صباح... ادى المطبخ هتطبخي لحد ما ربنا يسهل وتجيلك البيعه اللي تسعد الست زيزى حكم هى مش جيباكى هنا لله

ليلى... لا وهي الست زيزي بتاعتك دي تعرف الله اصلا بقولك ايه يا اختي انا عايزه اصلي بس انا مش معايا ساعه ومش سامعه الاذان من هنا

صباح... يا اختي احنا حته مقطوعه بعيده جدا عن الشارع وعن المدينه مأاذنها بعيد خالص بعدين حد يصلي في المكان ده

ليلى.. ماله المكان ده جراج خربان

صباح.. ده اللي تحت بس لاكن اللى فوق جِرس

ليلى.. فى ايه فوق

صباح.. تعملى الاكل ولما ياجى ميعاد طلعتك هتطلعى فوق بس الصبر

ليلى بصت للخضار وكان كتير جدا قالت..

هو احنا ٦ انفار يا صباح ليه كل الخضار ده مش بس انا وانتى والست زيزي بتاعتك وميمو والجاردات اللي بره اتنين ليه كل الاكل ده

صباح.. ما قلنالك للي فوق انتى ايه لوكلوك كتير ليه نظامك ده مش هيمشي مع الست زيزي خالص الست زيزي دى بتحب اللي يمشي على السيف تقوله اعمل يروح يعمل من هو وساكت اللكلوك ده ما بيمشيش معاها

ليلى.. يا رب ما يمشيش خليها تمشيني انا اصلا عايزه امشي دى عايزه تشغلنى شغله وحشه

صباح.. ليه اهو احسن من تلطمت الشوارع انتى فاكره نفسك وانتى بنوته قمر في سنك وحلوه كده انك اما تبقى في الشارع من غير اكل ولا لبس ولا شرب ولا حاجه الناس هتاخدك وتقعدك وتجيبلك الاكل لحد عندك كل كلاب السكك هتنهش فى لحمك بيع ببيع نستفيد.. ما علينا هتعرفي تطبخي ولا اوريكي

ليلى... لا لا انا بعرف اطبخ انا بطبخ حلو جدا ما تقلقيش

صباح.. طيب يا اختي اطبخي حلو جدا

وصباح مشيت خطوات بس شافت ميمو واقف عند باب المطبخ قربت عندو وقالت بدلع....

صباح الخير يا ميمو مش تعدي علينا.. تسال علينا

ميمو... اصطبحي وقولي يا صبح واطلعي شوفي رايحه فين مش ناقصه قرف ع الصبح

صباح.. يا اختي بالراحه علينا لتعورنا بدبشك ده.. حكم الملامح حزينه... والكلام سكينه..

ومشيت بدلع وميمو بصلها بضيق وقل.... سكينه تجرحك وتجرح زيزى معاكي عشان قعدتك هنا..

وراح لليلى اللى كانت واقفه في المطبخ وبقى يوريها اماكن الحجات وقضت هناك اسبوع من المرمطه وبعد اسبوع عند سامى كان مع بنت جميله.. دى سوسو وفى ايدو فلوس كتير وبيقول...

اهو الشغل ولا بلاش يدخل مديون يطلع بفلوس اما اروح ادى زيزى فلوسها وارجع ليلى عشان وحشتنى

سوسو.. شفت قلتلك ان اي فلوس بتحطها هنا بترجعلك اضعاف مضاعفه.. بقولك ايه

سامى.. قولى..

سوسو.. صاحب المكان ده كله تورطله مع ناس كده ومزنوقله فى فلوس ما تيجيش تحط ده على ده وتشترى النايت كلو تاكل شهد مصفى

سامى.. فكره ممتاذه بس هم دول يجيبوا المكان

سوسو.. هنزود عليهم بتاع 500 الف هو ما جابش حقو كدا بس هو الراجل مزنوق في دول فعايز يسلك نفسه معاهم اصلهم جامدين وما بيهزروش

سامى.. بس هاجيب ال 500 الف منين

سوسو.. من المكان اللى جبت من الاولانين وشوف هيبقى معاك المكان ده كله بتاعك لوحدك في شهر واحد بس هتبقى من اغنى اغنياء مصر تروح تجيبهم بقى وهما هيسامحوك اول ما يلاقوك بقيت اغنى اغنياء الوطن العربي كلو

الفصل الثالث من هنا

سامى.. بس هاجيب ال 500 الف منين

سوسو.. من المكان اللى جبت من الاولانين وشوف هيبقى معاك المكان ده كله بتاعك لوحدك في شهر واحد بس هتبقى من اغنى اغنياء مصر تروح تجيبهم بقى وهما هيسامحوك اول ما يلاقوك بقيت اغنى اغنياء الوطن العربي كلو

سامى... طب ما القمار طلع لعبه حلوه قوي الناس ما يلعبوهاش ليه

سوسو.. عشان اغبيع ما حدش فيهم عايز يكسب قال ايه حرام عشان كده قاعدين طول عمرهم تحت واحنا اللي بنطلع فوق

سامى ادالها الفلوس واخد بنتو مريم ال ١٠ سنين وبناته التؤم فى العربيه وراح عند زيزى طلعت وقالتو..

فيه ايه يا سامى

سامى.. شايفه البنت اللي فى العربيه مريم دى عايز اديهالك

زيزى.. اسمها ابيعهالك وماله.. ولا يا اوشا 200 من جوه يا اوشه

سامى.. لا 200 ايه عايز 500

زيزى.. 500 ليه مال حرام وبنوزعوه

سامى.. براحه يا ست زيزي وطي صوتك البنت تسمعك دي دي بنتي وبعدين مش ادتينى 500 في البنت اللي فاتت

زيزى.. اللي فاتت كبيره وعليها الطلب وبصراحه كده قاعده زي الحال الواقف لغايه دلوقتي ما جالهاش طلب بتعملنا اللقمه بس... يعني وقعت عليا بخساره دى لا صغيره ولا كبيره هعمل بها ايه.. انزلها الايشاره تجبلى 10 × 20 في خمسه في 30 جنيه بالناقص

سامى.. طيب طب يعني هتجيبي في دي كام

زيزى.. هم 200 انا ما برجعش في كلمتى

سامى.. طيب طيب شايفه البنتين اللي في العربيه اللي ورا دول كام

زيزى.. اه دول حلوين ادفعلك في الاثنين 500 زي ما انت محتاج وخلاص

سامى.. تمام خدى التؤام وسيبيلي مريم

زيزى... ماشي خليهم 500 يا اوشه

سامى.. اخذ بنتو ونزل البنتين الصغيرين وقال..

روحوا مع طنط وانا خمس دقايق كده وهرجع اخدكم هتوديكم عند ليلى

مريم.. انا كمان عايزه اروح يا بابا

سامى.. لا انتى وانا هنروح مشوار كده ونرجع ناخدهم

مريم.. ماشي يا بابا

ومشي وزيزة دخلت بالبنتين وقالت..

خشي يا اختي انت وهي

ميمو اول مشافهم قال بصراخ.. ياختاااااااى ليه يا وليه هى المشرحه ناقصه قتله

زيزى. فى ايه ياض هو انا كل ما اجيب واحده ولا واحد هتفضل تسرنكلي كده ما تبطل دلع وتشتغل معايا وانا بعمل ده كله ليه مش عشانك

ميمو.. كفايه اللي عندنا الله يخرب بيتك هنتحبس كلنا سنموت بعد قليل

زيزى.. قلتلك 100 مره اجمد في ايه يا ولا ما احنا عايشين زي الفل اهو

ميمو.. صغيرين دول

زيزى.. طب ومالو الصغيرين اللي زي دول لما بيمشو في الاشارات متبهدلين وهدومهم متقطعه وشعرهم منكوش وحافيين الناس كلها بتنزل تديهم عارف البنت بلبل اما كانت صغيره قبل ما تكبر كانت جايبالي اكتر من اللي بتدخله دلوقتي 10 اضعاف كانت تتبهدل كده وتنزل الشارع خصوصا ان كان شكلها بنت ناس بس الزمن ياما دغدغها وكل الناس بقى بقت تروح تديها الفلوس تروح تديها في الفلوس عارف كانت تنزل بعلبتين مناديل من اللي فيهم 10 علبات 20 علبه تجيبهم تانى وتجيب عليهم فلوس قد كده ايه رايك دلوقتي لما بقت تطلع مع رجاله ما تجيبش اللي كانت تجيبو.. يا حمار هتشغل دماغك اللي زي الجردل المركون دي امتى

ميمو.. حرام والله باين عليهم ولاد ناس

زيزى.. اه اخوات الاناناس اللي جوه

ميمو باستغراب.. اناناس مين.. بس برق وقال.. نهار ابوكى اسود يا زيزي قصدك ليلى

زيزى.. ايوه يلا يا حلوين عشان تدخلوا مع اخواتكم الصغيرين

عليا.. احنا مش عايزين نروح مع اخواتنا الصغيرين احنا عايزين نشوف ليلى بابا قال احنا جايين عندها

زيزى.. خدهم يا ميمو وديهم عند ليلى وبعد ما يسلموا على اختهم واديهم عند الاخوات الحلوين عشان يعرفوا هيعملوا ايه

ميمو.. زيزي ابوس على ايد امك بلاش

زيزى.. ماتت يا اخويا ان شاء الله تحصلها وتنزل من على ودانى

ومشيت وسابته اتنهد بضيق وبص للبنتين ومشى بيهم وقفهم بعيد شويه ودخل الاوضه لقى ليلى قاعده على الارض وبتعيط قال...

مالك فى ايه

ليلى... واحد حيوان مغفل اتعرضلى زقيتو وضربنى بس جات زيزى وقالتلو سيبها..

ميمو.. امتى ده حصل..

ليلى.. من ساعتين..

ميمو.. طيب هو فى خبر زى الزفت..

ليلى... وحش قوي يعنى اوحش من وشي المضروب ده

ميمو.. اوحش اه

ليلى... ايه

ميمو.. انتى هتشوفيه دلوقت

ليلى... هشوفه ازاي يعنى...

دخلو البنتين وجريو حضنوها وقالو....

ليلى وحشتينا قوى يا ليلى اتبهدلنا قوى بعد ما مشيتي يا ليلى.... بابا ده سايبنا من الصبح يرجع اخر الليل وهو مش فاكرنا عارفه عامل زي العيان بيرجع يمشي يتخبط في الحيطان ومش بيفتكرنا يا ليلى وسايبنا بالجوع والعطش

ليلى بصدمه.... نهار اسود ومنيل انتو ايه اللى جابكم هنا امشو بسرعه قبل اما زيزي تشوفكم

عليا... الست ام لبانه وخلخال في رجليها شافتنا ما هي اصلا اللي جابتنا هنا من بابا قال الست دي هتوديكم عند ليلى واخد منها شنطه سودا وقال راجع ومشي هو ومريم...

ليلى بصراخ... يعني ايه.. يعني ايه خد شنطه ها سابكم هنا ومشى.. هنا

ميمو... اهدي طيب

ليلى ببكى... اهدى ايه دى جابت اخواتي يعني هتعمل فيهم نهار اسود نهار اسود عليا وعلى اللي جابوني

ميمو بص للبنات وقال... روحو وانتم الاوضه دي في بنات العبوا معاهم روحوا...

البنات مشيو وبص لليلى وقال... في ايه يا بنت بقى خلاص كفايه ندب فكرى هتعملى ايه دلوقتي

ليلى.. انت سامع اخواتي اتورطوا في الورطه اللي انا تورطت فيها انا قاعده مستنيه وخايفه بكره يجي حد يطلبني ويدفعلها قد اللي بابا دفعه وتطلعني معاه.. هم بقى هيطلعوا على الاشارات وهيشحتو وهيتبهدلوا وبعدين هيعيشو الرعب اللى انا عيشاه ده لا لا انا لازم اعمل حاجه فعلا انا لازم اهرب من هنا انا والبنات بسرعه

ميمو.. طيب اهدي ما تخافيش والله ان شاء الله مش مش هيحصل حاجه ان شاء الله

ليلى... مش هيحصل حاجه ازاي امال انا هنا ليه لو مش هيحصل حاجه نهار اسود

جات صباح وقالت... انتى يا زفته فين الطفح الناس اللي فوق جعانه

ليلى.. الاكل عندك اديلهم وحلي عني انتى كمان

صباح... انتى كمان اه.. بصى يا اختى انتى اللي مسؤوله عن الاكل تاخدي الاكل ده وتروحي تنادي على البنتين وزه ولولا ياخدوا الصواني فوق انا مش هشتغل هنا وهناك يا حبيبتي هنا كل واحد مسؤول عن شغله خلاص سيستم عرفتى شغلتك تصحي من النوم تنزلي تعمليها مش هلف معاكي كل يوم وبلاش كل يوم تعيطي زهقتى المعلمه عامله مناحه نكدتي على اللي خلفونا هي ناقصه فقر

ميمو... ما خلاص يا صباح بالراحه على البت في ايه

صباح.. بالراحه انت يا اخويا... بالراحه انت ها خليك فى روحك

ونزلت.. فى يوم جديد زيزى كانت بتقول للبنتين بعد ما لبستهم هدوم متقطعه..

ها يا بنات عرفتو هتعملوا ايه هتلفو على العربيات وتقوله مانديل يا بيه منديل يا هانم منديل يا ست عايز اكل مش لاقيه اللقمه انا جعانه عرفتو هتقولوا ايه ولا هنعيده من تاني

ليلى قالت بغضب..

انتى بتهببي ايه هم مش هيروحوا مكان ومش هيعملوا القرف اللي انتى بتقوليه ده تمام

زيزى... جرى ايه يا ننوسه انا دافعه فيهم

ليلى.. بلا دفعه بلا زفت لو حطيتي ايدك على العيال دول انتى الحره يا زيزي

زيزى... طب ما انا حره يا قلب زيزي انتى اللي مش حره مبيوعه ب 500 الف جنيه انتو كلكم مش احرار انا بس الملكه وانتم كلكم جواري عندي ماشي وروحي لاقيلك حته اقعدي فيها العيال دي هتنزل الشغل عشان انا دافعه فيهم قد كده عشان يشتغلو مش عشان تنيميهملي فوق واكلكم واشربكم اذا كان اللي مخلفكم راميكو ومش سال فيكم هسال انا

ليلى.... العيال مش هيطلعوا نقطه انتهى

زيزى.. حمص اوشه

الجاردات... ايه يا ابله

زيزى... خدو البنت ليلى ارميها في اي داهيه فوق

الجارد... حاضر يا ستي زيزي

وشدوها لفوق وهى بتصرخ وتقول...

بعد عني انت وياه بعد عني

زيزى.. سكتها يا حمص لو مسكتكش

حمص ضربها قلم على وشها وشدها من شعرها وطلع بيها فوق وزيزي خلت البنات يطلعوا زي ما هي كانت عايزه وباليل كانت ليلى قاعده ومستنيه حد يطلعها... وزيزى كانت واقفه وقدامها على الترابيزه فلوس كثيره قوي

ميمو قال.. انتى بتهببي ايه

زيزى.. بيعه لليلى زبون خليجى دفع كل ده

الفصل الرابع من هنا

الاخير... زيزى.. بيعه لليلى زبون خليجى دفع كل ده

ميمو... اه يا زيزي زمان الناس اللي بتيجي كانت هي بتبقى عايزه كده دلوقت بقيتى تشترى الناس وكانهم سلع

زيزى.. ست زيزى ها انا بعمل كل ده عشانك يا اهبل

ميمو بغضب.. مش عاوز انا مش عاوز حاجه.. بلاش عشان خاطرى انا هشتغل ميكانيكى انا بعرفلها وهصرف عليا وعليكى مش هنقص حاجه بس نقفل القرف ده

زيزى.. لا يا ميمو انا مش هسيب الشغل ده ابدا

ميمو طلع عند ليلى بضيق وكانت قاعده في الاوضه مربوطه فتح باب الاوضه ودخل فكها قالت...

ميمو اخواتي فين رجعو

ميمو.. لازم تهربي من هنا

ليلى... في ايه حصل حاجه تانيه

ميمو.. هو بصراحه اه زبون خليجي جاي عند زيزي دفع فيكى فلوس كتير قوي عايز واحده صغيره ما تكونش سابقه يعني حطلها فلوس على الترابيزه اطول منها هتوديكى يعني هتوديكي اخواتك كمان النهارده طلعوا وتبهدله بصراحه ما عرفوش يشتغلوا وزيزي ضربتهم انتى لازم تمشي من هنا

ليلى... ههرب ازاي

ميمو.. بصى انا مش عارف انت هتروحي فين لا مؤاخذه بعد ابوكي ما باع ولا هتعملي ايه بس احتمال يكون الشارع احسن ليكي من هنا على الاقل في قلوب فيها رحمه وقلوب وحشه انا ما هنا مفيش غير القلوب الوحشه

ليلى.. يا ريت بس ازاى

ميمو.. انا هطلعك تعالي

وجاب البنتين الصغيرين وطلع بيهم من مكان تحتاني

ليلى... ايه ده تحت الارض

ميمو.. اه لما بتيجي كبسه بوليس بنستخبى فيه

طلعوا منه على الشارع وقال...

خدى الفلوس دي اركبي تاكسي وامشي

ليلى.. زيزى هتعرف ان انت اللي هربتني ممكن تاذيك

ميمو.. لا مش هتاذيني

ليلى.. ازاي ممكن تموتك انت دبستها مع الراجل اللي اخذت منه الفلوس ده

ميمو.. لا مش هتموتني انا غير الكل

ليلى.. اشمعنا يعني

ميمو بحرج.. عشان.. عشان انا ابنها

ليلى.. نهار اسود ابنها ابنها

ميمو... ابنها ابنها

ليلى... انا اسفه انا شتمتها كتير قوي قدامك

ميمو.. دي اقل حاجه يعني بعدين ما جتش عليكى عادي يعني سلام

وليلى جريت باخواتها وهو رجع تانى.. ليلى راحت لاختها مريم لقيت اختها قدام البيت شاورتلها من بعيد مريم جريت حضنتها وقالت..

كدا سبتوني لوحدي

ليلى.. احمدى ربك ان احنا سبناك في ايه قاعده كده ليه

مريم.. مش عارفه ايه اللي بيحصل بابا كل يوم يجي كده يتطوح ودلوقت جم رجاله كتار شالنى بايد واحده كده من قفايا ورماني قدام البيت وقال غورى ده بقى بتاعنا

ليلى.. باباكي فين

مريم.. لسه ما رجعش مش بيرجع غير اخر الليل تحبى نروح عند المكان اللي كان بابا بيروحو

ليلى.. انتى تعرفيه

مريم.. ايوه ما انا شفته قبل كده تعالوا

وراحو هناك لقوه قدام النايت جرى عليهم وقال...

ليلى حبيبتي يا بنتي

ليلى بحزن.. بس ما تقولش بنتي هو سؤال بس واحد يعني ليه ليه عملت كده ومن امتى بتشتغل في المكان ده

سامى بحزن. من زمان واخذت فلوس كويسه والحاله اتحسنت قالوالي ان انا لو لعبت قمار معاهم هكسب فلوس كتير واحسن حياتنا وابقى عند بيت اكبر وعربيه كبيره وفلوس انا لعبت خسرت كانوا عايزين يموتوني لو ما رجعتلهمش الفلوس اضطريت اوديكى هناك عشان اخد المبلغ المبلغ كان 200 الف والعبت بال 300 وكسبت كسبت فلوس كتير وكنت رايح ارجعك قالوالي ان صاحب المكان معزور وعايز يبيع المكان ده كله كان ناقصني على التمن اللي هو حاطه 500 الف رحت وديت البنتين كنت عايز اشترى المكان ويبقى بتاعي عشان يوم ما اجيبكم ما تزعلوش مني واعوضكم بس خسرت المكان خسرت الفلوس حتى البيت

ليلى بدموع... وخسرتنا احنا كمان يا بابا خسرت كل حاجه انا مش عربيه عشان تاجرها واما تحب ترجعها ترجعها تاني اللي بيروح ما بيرجعش واللى كنت هخسرو ما كانش هيعوضنى عنو فلوس الدنيا كلها

سامى بدموع... ليلى اسمعيني انا انا بحبكم

ليلى بدموع.. بتحبنا اه يمكن بس الشيطان غواك ودلك على طريق وحشه قوي يا بابا طريق الهلاك اللي بيمشي فيه ما بيرجعش منه ابدا

واخدت اخواتها ومشيت وفضلت تلف على شغل بس من غير فايده ورجعت عند خالها مع ان مراته كانت بتعملها وحش هي واخواتها وبتضربهم وتبهدلهم بس ما فيش حل تاني فضلت عندهم شهر..... وكانت مرات خالها بتقول....

ما تيلا يا بنت بقى تمسحي الارض ايه عايزه سنه على ما تمسحيها

ليلى... شغاله اهو يا مرات خالي بالراحه بقى

مرات خالها...راحه ايه يا اختي انتى.. اكل ومرعى وقلة صنعى... ما تشدى شويه فيه ايه

وكبت ميه تاني على الارض وقالت...

بسرعه عايزه الارض دي بتبرق ابص فيها اشوف وشي

الباب بيخبط قالت.. هروح افتح الباب ارجع الاقيكي مخلصه الارضيه كلها

وراحت فتحت وقالت.. انت مين يا حيلتها

ليلى هنا

ليلى قالت بفرحه.. ميمو

وطلعت جرى وقالت.. ميمو عرفت مكانى منين يا قرد

ميمو... اللى يسال ما يتوهش انا سالت الجيران والناس دلوني انك هنا هاتى اخواتك وتعالي

ليلى.. في ايه

ميمو.. انا عملت حاجه مش عارفها صح ولا غلط بس عملتها عشان اريح ضمير

ليلى... انت عملت ايه

ميمو بحزن.. بلغت عن زيزي

ليلى.. نهار اسود حبست امك

ميمو.. ايوه كنت بقول امي وساكت بس

ليلى.. طب وبعدين ايه اللي اتغير يعني

ميمو بدموع.. اللي تغير يا ليلى ان ما فيش حاجه بتتغير امبارح هو النهارده والنهارده هو بكره عايش في المكان ده ومش عارف اطلع منه مش عارفه اعيش مش عارفه اتعلم معانا فلوس بناكل ونشرب الاغنام بتاكل وتشرب فين العيشه فين الحريه فين الحياه غير بنات صغيرين بنشردهم وبنات كبيره بنسرحهم اولاد بنبهدلهم انا واقف اتفرج وساكت علشان هي امي طب وبعدين اخرتها ايه عمري بيعدي من غير ما اعيشه انا عايز اعيش يا ليلى عايز اعيش زى كل الناس لما بيبقى في طرف في جسمك بيفسد الدكاتره بيامروا ببترو بتتوجعي وبتتالمي بس بتضطري تبتريها عشان تعيشي ده اللي انا عملته

اتحبست هي وكم واحده من اللي شغالين معاها وبياخدوا فلوس انما في ناس كثيره طلعت مجبوره زي حالاتك وزي حالاتي

ليلى.... صباح اتحبست معاها

ميمو... اه بس اشمعنا صباح

ليلى.. اصلها تستاهل

ميمو.. صباح وبنات كتير قوي من اللي كانوا في اول الشغلانه المهم عايزك معانا

ليلى.. معانا فين

ميمو.. هوريكي مفاجأه

واخدهم على المكان اللي كانوا فيه وكان بقى ورشه لتصليح السيارات وكل الشباب بيشتغلو فيها وقال..

بصى ميمو لتصليح السيارات..

ليلى.. الله تحفه انت بتفهم فى التصليح

ميمو.. اه وشغلت الشباب بدل البهدله اه الدور اللي فوقاني اللي كان اوض قاعد اوض بس اوض نظيفه هنام فيها نريح بعد يوم شغل طويل تعب بالحلال

ليلى.. فكره جامده بصراحه بس احنا نعمل ايه هنا دي ورشه

ميمو. مش هتعملى هنا

وخدها ولف بيها من الناحيه التانيه وقال....

هتعملى هنا

ليلى بصت للمكان وكان مطعم قالت بفرحه..

يا ابن الذين ايه ده بس كدا مش تولع فينا

ميمو. لا عملنا لكل واحد تهويه خاصه وحيط محترم فاصل وخلينا مساحه بين الاتنين والجراش واسع قوي لجوه احنا قسمناه عملناله تهويات كبيره قوي من قدام تهويات من ورا انتى هتشتغلى في المطعم الوراني انتى والبوانيت كلهم.. وبالليل بقى هنطلع في الاوض البنات سوا والشباب سوا كمان قسمنا الاوض

ليلى.... انت عملت ده كله منين هو انت حيلتك حاجه

ميمو.. مش انا سرقت الفلوس اللي دفعها الراجل اللي كان عايزك كان دافع لامي مليون جنيه... الضابط اللى فى القسم اما عرف حكايتنا وقف معانا وقفه جامده بصراحه

ليلى.. يا لهوي هو الراجل دفع مليون جنيه

ميمو.. في ايه هتراجعى الفكره ولا ايه تسرعتي لما هربتي

ليلى.. ههه لا المطعم احسن بكير

ميمو.. طيب يلا بقى اشتغلى مع اخواتك وصحابك واخر الشهر كل فرد بياخد نصيبو.. بقى مكان لكل اللى ما عندوش مكان مفتوح للجميع

ليلى بقت تشتغل بحماس وميمو راح يشتغل وقال..

يلا استعنا على الشقى بالله

وبقم يشتغلو سو وسامى كان فى الشوارع لوحدو بعد ما الشيطان وزو للطمع وخسرو بيتو وبناته وادرك ان الطمع يقل ما جمع.. وان الرضا بالنصيب من العباده.. وزيزى كانت مرميه فى السجن والدموع على خدها وعدى قدامها شريط حياتها ام فاشله وشغل حرام وعيشه تقرف.. كل واحد بياخد حصاد زرعو ان زرع خير حصد خير وان زرع شر حصد شر.. كدا خلصت حكايتنا اتمنى تكون عجبتكم واستنونا فى حكاوى تانيه كتير باذن الله دمتم فى امان الله مع من تحبون باذن الله