رواية غيرة رجل الفصل الأول 1 - بقلم *شغف الكتابة *

#غيرة_رجل

البارت اول
السلام عليكم  اني اميره مواليد85 حتى تعرفون قصتي لازم تعرفون قصه فهيمة راح تسالون منو فهمية هيه امي
امي من اكراد مال مندلي الي يسموهم بذاك الوكت (تبعيه)  كانت امي حلوه وعيونه رصاصي وشعره اشگر وطوله زين عده اخ واحد وابوه ميت واخوه يصرف عليها كانت تحلم تزوج واحد مو من اقاربها لان ضاجت من كلمة تبعيه رادت ولده يعيشون حياة عاديه راحت فهيمة بيت خالته سنة73تعيش يمهم بغداد طارت من الفرح واهناك شافها رجل وانعجب بيها كلش وصار بيناتهم حب عميق رجل حب للنخاع بس هيه حبت ان يكونون اولاده عراقين
كان اهل زوج من معارضين وبشده عل زواج ابنهم من فهيمة بسبب اختلاف عادات وتقاليد رجل تمسك بفهيمة وعشقها وبااخير رضخوا اهلها لزواجه هو كان وحيد عل خمس بنات وامه كلش تحبه بس ماكانت راضيه عل زواجه وكانت تندعي ان يوم ويومين ويعوفها
اخو فهيمة عارض بس فهيمه گويه وگالت اني اتحمل كل نتائج وبالفعل بعد معاناة طويله وتحديدا سنه 74تزوجت امي من امين (زوج امي)  وفرحة امي وامين موسعتهم كان اول شهر من زواج عادي بس بدت امه لامين وامي مشاكل بينهم وصاروا عدوات امه تحاسب عل صغيره وكبيره وامي متسكت الها الحجايه ترده  بعشره وصارت عيشه متنحمل وامين گام ميلفي بالبيت ومن يجي ليل تظل امي تزن عل راسه يطلعها بيت وحد
بس هو بس هل ولد وبيت مابيه احد بس امه وهو خواته كلهن مزواجت امين حاول ويه امي بكل طرق ان تسمع من امه وتسكت
بس امي عنوديه وراسها والف سيف واستمرت خلافات بينهم وبيوم الي طلعت امي حامل كيف امين وطار من فرحة طبعا امه ضاجت لان هدفها تهجج امي من بيت
وامي تعاركت ويه حماته عركه للضالين وطلعت وراحت بيت خالته
واجه امين وشاف امه مفشوخه براسها وتخبل وگال بعد متصير الي مره وامي خلت ورجعت لبيت اهلها وهيه عل يقين ان امين يجي يصالحها
ومرت اشهر وامين مبين وخالي اكل راسها لاامي عل حبيتي وزوجت ورجعتي الي حامل رجعي لزوجج
وبالفعل رجعت امي لبيت خالتها ومناك دزو عل امين وگالو اله لخاطر الطفل رجعها واقتنع ورجعه عل شرط متحجي حجايه زايده ويه امه

غيرة رجل
الجزءالثاني(ام احمد)
وبعد رجوع امي لبيت زوجها ظلت تسمع من عمتها هيه وساكته الى ان جابت اخوي صالح سنه 75 وطار امين من فرح ودنيا ماوسعته
وظلت ام امين تكيد باامي وامي ساكته
اخذت جرت اذن لان اذا ترجع لااخوها مايرحم بحاله وخافت لا ياخذون ابنه منه وظلت من صبح لليل كراب مع ان البيت كان نظيف الا ان عمتها متجوز عنها وحبلت امي مرتين وطرحت بسبب الشغل
وصارت حرب ايران ودعوا مواليد امين للجبهة وامي اخذت اخوي وراحت عد خالتها ترتاح شوي من عذاب عمتها وشاء القدر ان امين يستشهد بالحرب بسنة 81 من جابوا التابوت امي ملخت روحها وصورت الدنيا صارت سوده بس كان ينتظرها الاسوء مجرد خلص العزاء قامت ام امين بطردها من البيت واخذ صالح منها تمرضت امي كلش وانكسرت عل فقذ زوجها وابنها ورجعت لخالي وللمذله وعاشت كله تنوح وتبجي عل ابنها وزجها وانطت الحكمومه اله بيت وحددت الها راتب بعتبار زوجها شهيد وقررت امي ترجع للبغداد وتكعد بالبيت الي انطته الحكومة واخذت امها ورجعت وظلت تسعى تريد ترجع ابنها مفاد لان ام امين ذبت براسها موتت ابنها عبالك امي هيه سبب اندلاع حرب ايران (عقليات) وشوي شوي رجعت امي لحياتها وخطبها شخص من اهل النجف لان هيه بعدها صغيره وحلوه وعدها بيت كلها مواصفات بس بيبتي گالت اله هذا راح يحجبج ويلبسج عبايه وراح تعبين ويه اهلها لان هم عشيره معروفه امي كالعاده متسمع الكلمه وحبت تنوع يوم بغدادي ويوم نجفي متگعد راحه وفعلا تمت الخطبه وقرروا يزوجون عده اهله وزوجوا خل مره راحت امي عد عشيره هيه مره وحده وفشختها عاد هسه شراح تسوي كانت عائله  ابوي عائله محافظه جدا وامي عل اخر موديل وابوي فرض عليه العبايه ولبست امي عبايه وطبعا مبقت احد متعاركت وياها من بيبيتي الى نسوان عمي وبيوم ابوي كان بالعسكريه كمشوها لاامي وكتلوها ودزوها لبيت خالته ومن رجع ابوي راح عليها گالت ماارجع كلما تروح هم يكتلوني خاي نسكن بالبيت مال مرحوم وقبل ابوي بعرض امي وراحوا سكنوا بالبيت طبعا تمي مابطلت من البجي عل اخوي وكان كلما يروح ابوي للعسكريه تصور راح  يرجع جنازه وگضتها بجي بجي وحبلت امي وعمت الفرحة بگلبها وگالت راح يجي الولد الي يعوضها عن حرمانها من اخوي واجه ابوي من العسكريه وطار ابوي من فرحة وگال راح اسميه امير وصارت موعد ولادة امي والكل فرحان امي وابوي راح يصير عدهم ولد لكن مفاجاة كانت

غيرة رجل
الجزء الثالث (ام احمد)
اجيت اني للدنيا كانت اكبر صدمه لاابوي ولاامي لان يردون ولد ابوي عاف المستشفى وطلع بلا ميسلم عل امي وامي رفضت ان ترضعني وظلت تندب حظها وتبجي ومرت ثلاث ايام واني عايشه عل مي وشكر وكانت بيبتي ام امي هيه تداريني امي رفضتني تماما عبالك عدها عشر بنات وظلت تبجي وتكول راح يشمتون بيه تقصداهل ابوي بيبيتي حاولت ويه امي حتى ترضعني بس امي قافلة وتطلع قهر عيالها وابوي براسي حتى ماحطتني بحضنها وصارت بيبيتي هيه امي
هيه الوحيده الي تعطف عليه ابوي التحق وراح بلا حتى ميباع بوجهي  صرت يتيمه وامي وابوي موجودين بالحياة وكبرت وصار عمري سنه واصيح البيبيتي يمه
وابوي ولا يوم شافني كانني غير موجوده امي حاولت كم مره يصير عده طفل بس يصير عدها اسقاط هلكد متبجي وتنوح عل ابنها وابوي وصار عمري ثلاث سنوات واني مااعرف لاام ولااب وصرت مشاكسه وعنيده وابجي هواي
امي تعبرني مصدر نحس عليها لان مديصير عدها حمل مااعرف شنو علاقتي بالموضوع شنو اني مانع وماادري
وره فتره وبالتحديد سنة88امي حبلت وعمت الفرحة البيت وابوي ذبح من كنت ادخل للغرفه يطردوني لااروح اجلب النحس الهم
وانتهت الحرب ويه ايران وعمت الفرحة گلوب العراقين بس يمكن امي اكثره وحده لأن خوفها عل ابوي قل 
ونهايه السنه امي جابت ولد والكل تكبر وتهلل كول حرروا فلسطين وسموه امير مثل ميردون واني هم فرحت كلش لان شفت الضحكة عل وجه امي واريد ادخل لغرفتها حتى اشوف هذا الكائن الي گلب البيت گلاب بس كنت انطرد كأنوا بيه جرب
معا هذا ماكرهت لااخوي حبيت كلش ومن اسمع يبجي اروح واباع من زرف الباب عليه شلون امي حاطته بحضنها وتخاف عليه وراد ابوي يصالح اهله ويعزمهم بالبيت مالته وامي طبعا موقع قوي لان جابت الولد
وبدوا يحضرون للعزيمه امي وابوي كنت اتمنى الفت انتباه ابوي ولو بنظره منه
وسوت امي قائمه لاابوي بالمشتريات حتى يروح يجيبها
وماغاب ابوي اكثر من عشر دقايق الا ونسمع الصريخ والعياط بالشارع

غيرة رجل
الجزءالرابع(ام احمد)
طبعا اني اول وحده طفرت للشارع وشويه بعيد عن البيت كم شارع شفت ابوي بالگاع ودم بكل مكان اتجمدت مكاني وسياره كلها دم وصاحب سياره يدك ويلطم عل راسه واجه عمي من بعيد وگام يدك راسه رغم ان ابوي ولايوم شافني او گعدني بحضنه بس حسيت خسرت شي عظيم واجت امي بلا ربطه وشيل التراب وتخلي عل راسها وتدك وتلطم ظليت واكفة اريد اتحرك مااكدر منظر كلش مرعب 
جوي ناس غطو ابوي وكانت اخر مره اشوف بيه ابوي مكدرت ابجي عليه لان مااعرف شنو يعني الي هذا رجال
وانتهى العزاء وفصلوا السايق بمبلغ من المال واهل ابوي مارادوا امي ولااحنه
امي شكل عدها سكر كل شوي تخرب وصارت مهمله لبيته ولااخوي وگضته نوم وبجي وهسه صاروا ثلاث تبجي عليهم اخوي (صالح) وازواجها وصارت امي شبه مجنونه حتى اني اخاف منها
كفشتها ودشداشتها المشكشكة ولو بيبيتي  كان احنه من زمان متنا ظلت امي مگابله صور ازواجها وابنها وتبجي ومن تصحى تطلع قهر بيه ليش مااعرف
جنه نخاف من الحرب وهسه ابوي مات بلا حرب ولااي شي وصرت سنة 90 ودخلنا الكويت وطاح حظنا ودخلنا حرب وحصار بس احنه كنا عدنا فلوس ماهمنا الحصار وشويه امي صحت وبدت تتهتم بينه وتشيل عن بيبيتي وفد يوم اجت مره غريبه مااعرفه دكت الباب وياها ولد مراهق كلش حلو وطويل وگالت وين امج گتله جوه ودخلتها ليجوه ودخلوا عل امي واسمع امي تضحك وتضحك واول مره اسمعها تضحك وره وفاة ابوي وظلوا بالساعة واني اباع من زرف الباب امي مثل مخبله تفتر وتشبك الولد وره شويه طلعت المره وراحت بس الولد ظل عدنا وطلعت امي كامشه ايده وصاحتني واجت بيبيتي
جان تكول رجع الحق لاصحابه كان الولد شايف روحه كلش ويباع عليه بنظرة استصغار وگال هاي ام كفشه منو گالت هاي اميره وهذا امير اخوتك وظل يفتر بالبيت وگال هذا بيت ابوي وانتوا عايشين بيه
الي عرفته ام امين ماتت واخت امين جابته ال صالح  لاامي واهنا بدت معاناتي ويه صالح مغرور
امي سوت نبي وفضلت علينا وطلباته اوامر سوتني خدامه اله اغسل جوريبه واصبغ خذائه وكل شي يريده اوامر وحتى ميصيح الي بااسمي كله ثوله وغبيه وامي ولايمها شكد رادت بيبتي تفهمها هيه قافله ان لازم اخدم اخوي وسمع وطاعه اله
كان يضربني عادي بس اني طبعا مثل امي صلفه وگويه اضل اغلط عليه واجاوب صح انكتل بس مااسكت وانهزم اروح بيت عمي شاكر الي كان يبعد عنه بكم بيت كانوا بيت عمي ميحبونه  وكانت مرت عمي ترجف من امي ليروح عمي يزوجها
هههههه بس عمي يخاف لايموت هو هم لان مثل مسمعت من مرت عمي ان امي تگمع رياجيل وياهو الي ياخذه يموت
كانوا بيت عمي هواي بس اني محد يلعب وياي بس بنتهم زنوبه واخوه حميد عمي كان يحبني ويكول هاي اذا ناخذها نحسن النسل مالتنه ههههه  عبالك عنده معمل مال تجارب وكل مره انهزم لبيت عمي اضل العب  ويه زنوبا وحميد كان حميد يشبه ابوي اسمر طوخ وعيونه سود وشعره مجعد بس اني اشوفه( الن دلون) لان يعطف عليه هواي  وهو اكبر مني بست سنوات  وزنوبا بسنه 
كنت يمهم انسه عذاب طالح اني اصيحه هيج ههههه
بس لامفر منه كان يجي يسحلني سحل للبيت ويكلي بعد طلعه ماكو اكسر رجلج
طبعا اني يوم اضم كتابه ويوم اضم بنطلونه يعني تعلمت منه الخباثه
واحصل كفخ بس مهم انتقم منه هههههه
ومرت السنين واحنه اعداء مواخوه
كان طالح يكره بيت عمي هواي عل كره امي الهم
ورجعت فهيمه مثل قبل بلا عبايه ومكياج وتطلع وتطب تريد تصيد واخد لاخ هههههه

غيرةرجل
الجزء الخامس(اما احمد)
وصرت بالمدرسه كان طالح يودين كفخ ويرجعني كفخ ✋ طبعا اني مااسكت وهو ايده تشتغل صرت كلش شرسه اول يوم الي گتلت ثلاث ولد
ليش يعبوني عل شعري شعري كلش ثخين ومحد يمشطه لهذا يصير كفشه يصيحون الي ام كفشه طبعا گتلتهم عبالهم فقيره لا اني بت فهيمه محد يكدر الي صدك كنت مخربطه بس فرضت احترامي عل كل محد يحجي وياي
طبعا كسلانه لان محد يقرين
بيبيتي متشوف زين وامي ملتهيه بالحب الجديد بس محد يدري بس اني واخوي ملتهي ويه اصدقاء
كوه انجح المعلمه تسميني العوبه گومي اوكفي قصاص يم زبل طبعا اشوف منو يضحك حتى اكتله بالفرصه
ونجحت للثاني ومرت ايام واجان واحد نقل ابن حزبي كبير وشايف روحه كلش من شافني كال شنو انت متسبحين شكد وسخه وضحكوا طلاب وهجمت عليه سويته خرايط لوجه
من رجعت للبيت كنت مفصوله وثاني يوم امي راحت تتعارك وشافوا امي وتعجبوا بيه شلون مرتبه ومكيجه واني العب نفس واخذوها حاصل فاصل وسولفوا لاامي عل كل شي وشسويت بالولد وابوه اشتكى علينا وامي صوته يلعلع المهم حزبي شاف امي اتخربطت أحواله  وبطل الدعوه وامي نسقت وياه
ورجعتني للبيت وكتل بنت كلب خزيتيني ليش متسبحين ليش متمشطين
واجه طالح وهم كمل البسط ورحت عل بيبتي وشافتني ودعت عل امي وطالح
بجاه النبي تنكسر ايدك ياصالح تمد ايدك عل هاي اليتيمه ومامر يومين وطالح واكع من دراجه وايده انكسرت واني صار عندي عيد وامي تخبلت وظلت تتعارك ويه بيبي شلون تندعي عل ابنها گالت ادعي عليه لان ياذي اليتيمه
وصارت عركه جبيره وشرطت بيبي عل امي ان بعد تداريني وتمشط الي وتقريني والإ تعوف البيت وتروح يم خالي
وگامت امي شويه تداريني وطلعوه لطالح من مستشفى واني مي بارد عل گلبي
واكمز فوكاه وهو يكلي اصطبري الي الا اموتج
ههههههه متكدر
اني الج حوله ثوله غبية ام عطوب
احجي ياعمود الكهرباء مابيك خير
وانهزم منه وعدت ايام امي تخابر مدري المن
ونحجت للثالث صرت احسن شويه وفد يوم اجوي نسوان عل بيتنا خطابه
لاامي للحزبي وتعرفوا علينه وطلعوا
من طلعوا بيبي ماسكتت يبو يبو وج متستحين ام رياجيل ابنج بطولج وج والله ادز عل اخوج محد يكدر عليج
وكبت عركه بين امي وبيبي
ودزت بيبي عل خالي واجه لعب باامي لعب وگلها اخزيج اذا عرفت انت تفكرين تزوجين كافي خزيتينه والله ارجعج لمندلي جلاليق
اني مدري ليش فرحان  وفضت سالفة الحزبي حبيب امي وخلصت وفرض خالي عل امي تلبس ربطه وتبطل مكياج
وراح خالي لمندلي امي شدت ويه بيبي صاروا بس يتعاكون
وصالح كام يحب وحده ويريدني اني اودي رسائل اله هههههههه 
ذليت ذل
امي شويه عقلت الحمد لله وكامت تهتم بينا اني واخوي امير
طبعا مبطلت من روحه لبيت عمي العب ويه زنوبا بس حميد كبر وصار يكول عيب العب وياكم ههههه يستحي
ومرت السنين واني اكبر واصير احلى كمت اهتم بروحي وصرت بالثالث متوسط وطالح صار ضابظ يابعد جبدي
وبطل سوالف مكسره مالته
واني كمت اعشق ابن عمي يمه فدوه اله يخبل بعين  وهو يموت عليه وكال بس اتخرج اخطبج واخلصج من صالح الي صار كلش يمنعي من بيت عمي عل كبرتي وصار حميد كل حياتي متت عليه
وبيوم اني گاعد بيت عمي اجه اخوي امير كلي صالح اليوم يطيح حظج ليش طلعتي من البيت واني مادرت بال واجه وجرني من كصيبتي جر واني اعيط
وكف بوجه حميد وتلازموا طبعا صالح عامود وهذا سوده عليه كصير بطح ودك بوكسات اني متحملت وشلت حديده ونيمتها براس  صالح وكع صالح وودم يطلع  من راس

غيرةرجل
الجزء السادس(ام احمد)
وگع صالح بالگاع وگام حميد خشمه وحلكه گله دم وهدوم مشكشكة اجى عمي راسنا جاب قماش وحطه عل جرح مال صالح  وصاح ولك  سويت  للولد ولك تبلين لك هذا ضابط بالامن يمعزه
اني اجيت احجي گله يابه هو تهجم عليه واني ضربته واشرالي اسكت اجت مرت عمي
يمه صخمام هاي منو هيج سوه بيه باعت عل ابنه وشافت وضعه يبو ولك مليكت غير ضابط تضربه اني حسيت عل روحي وحجي عرفت حجم الكارثه الي دخلت بيه حميد
عمي بده يصحي بصالح وكال ولك اطفر بعد لاتجي البغداد روح يم عمامك جرتني مرت عمي ام مصايب كله من وراج ولد راح عليمن تطلعين عينج صلفه عل خلفتج
عمي بده يشيل بصالح ويحط بسياره هو حميد
حطوه كمش ابنه يلا روح والله اذا يشتكي عليك بعد شمس متشوف
اني كمزت حميد اجي وياك
عمي روحي بابا لااهلج وكولي لاامج حميد بعد ماشفته راح وراحگلبي وياه
رحت گلت لامي صالح متعارك وعمي وداه للمستشفى
يمه وليدي خوما بيه شي
لا مابيه شي
وج احجي بيا مستشفى
يمه روحي واسالي مرت عمي
يمه وليدي
طبعا اني ماكو غير هاي طريقه اگول لاامي لان مااعرف صالح شافني من ضربته لو لا
رحت عل بيبي تصلي
كعدت يمها بيبي ادعي الي حميد يطلع من هاي شده
اميره شكو
كلشي ماكو بيبي انت بس ادعي الي
للعصر رجعت امي تكول الحمد لله كلشي مابيه خيطوه للجرح بس والله لااحركه حرك الي هيج سوه بيه
يمه ابنج هو ابومشاكل
لج انجبي حقيره ترحين فدوه اله
اوووف ربي بس خلي حميد بعيد رجعت امي للمستشفى واجت باليل هيه وصالح اني طفرت بغرفتي وقفلت الباب
وكفت امي يم الدرج وتصيح لج اليوم اسويج وصل وامسح بيج الگاع لج الإ اخلي حميد يخيس بالسجن
گلبي راد يوكف من خوف بس صالح ماله صوت اووف هسه اني شسويت ربي موته لصالح ابن فهيمه وخلصنه منه باليل كله اريد انام مااكدر مااعرف شلون طلع الصبح غفيت وجان اكعد بالعشره اصنط خوما اكو شي نزلت عل كيف شو ماكو احد واسمع بره صوت ناس وهوسه ودنيا مكلوبه طلعت من مطبخ واشوف امي واكف بالباب  وتضحك
گتله شكو
جان شيل نعال وشمره عليه مااهتميت كتله شكو احجي كالت كلهم اذبهم بالسجن اذا ميرجعون حميد
واشوف مرت عمي بالشارع وتدك عل راسها ويمه زنوبا تكوم بيه طلعت عليهم كتلهم شكو
گالت امن اخذوا ابوي واخوتي
يمه الله لاينطيج وج هذا اخو زوجج ليش هيج
لج انجبي شلون يطلعون دم ابني
يمه هو اتعدى عليهم
لا يمه والله هو واني ضربته مو حميد
واجت مرت عمي تتوسل باامي فدوه والله ننطي فلوس بس طلعي رجلي ولدي
وامشي روحي عل عمتج وكولي اله ترجع الورث مال رجلي وتجي اهنا وتعتذر يلا اطلع ابنها واحفادها يلا ولي منا
الله عل ظالم الله عل ظالم

غيرة رجل
الجزء السابع(ام احمد)
رحت عل امي اتوسل بيه يمه فدوه عوفي الورث شلاحكه العالم
لج باجر عگبه انت تزوجين وترحين امير يبقى بشارع ماعنده لابيت ولاصخام هذا بيت صالح مفكرتي بااخوج هم طردونا وحرموكم من تركه واكلوا حقكم هسه دور عليه ارجعه
يمه ترى اني ضربته لاابنج مو حميد وهو تهجم عليهم بيتهم الإ اروح للقسم وابلغ عن نفسي
لج مصخمه وج غير يذبحج اخوج
والله العظيم انت غلط انت وطالح مالتج
واشوف صالح فوك راسي وشال الصونده
وج عبالج اعوفه الج
وموتني گتل وسحلني وحبسني بالمخزن وكال تنسين حميد وراح  ازوجج لصديقي
كلب حقير تروح فدوه لحميد تاج راسك
كعدت ابجي بس لاصدك يزوجني ال صديقة يمه هو اني عايزه هو صالح مشوفني نجوم الظهر نوب صديقه
يصير اثنين عگر بحياتي  شكو واحد عگر وبومه ومگلوبه خلقته الله ذابه براسي
والله احرك روحي واذكر مره اجه صديق صالح لبيتنا والله عبالك ضحك بفلوس وحواجبه معگوده
يمه وصوته يخوف فدواتك ربي خلصني من طالح وزمرته وفهيمه هم
ومر اسبوع واني محبوسه بس يذبون الي اكل ومي يجيبهم الي امير
وبيوم الثامن سمعت هوسه بيتنا وصوت زلم وظلت الدنيا مگلوبه
وره شويه اجه امير وفتح الباب وگال امي تريدج بس بدلي وتعاي
طلعت واباع البيت كله زلم وفهيمه بنصهم هيه وطالح
ولك امير ذوله منو
واني شمعرفني
رحت بدلت ونزلت رحت للمطبخ واشوف بيبي گاعد تسوي قهوه
بيبي منو ذول العالم
اهلكم
شنو
اي اجوي يتفاوضون ويه امج ويرجعون تركه مال ابوج
والله فهيمه تبيع ثلج لااهل ثلج
وراحت العالم وقبل ميطلعون كلهم امي صاحتني وج اميره
دخلت واشوف مره كبيره وضخمه ومدكدگه وجها
سلمي  عل بيبيتج
ها
عذريه حجيه هاي ثوله وج تحركي
ركضت بستها المره بس هيه گالت جنج امج تلعبين النفس
بلا هاي شتحجين وياه
وطلعت المره
امي گالت من الصبح اروح عندي شغل اني وصالح نسوي معامله مال قاصرين حتى يصير عدكم املاك اوففف رجع الحگ لاصحابه هسه امنت مستقبل امير
الي عرفته ان اهل ابوي انطوها الفلوس بس يبقى بااسمنا وبالبنك لان قاصرين
وصالح راح يطلع عمي ولده من حبس
بس هذا كله ميتم الأ اني انخطب لصديق اخوي وحميد ابد بعد مااشوفه

غيرة رجل
الجزء الثامن (ام احمد)
وبالفعل انخطبت لصديق اخوي واني حتى مشايفته زين وظليت يومين ابجي ومااكل وبالثالث خربت ودوني عل مستشفى  اني بديت افكر انهزم بس شلون اروح لعمامي بس منو بيهم يباع بوجهي بعد دكت امي وياهم وحميد بعده ماراجع للبيت وشلون ماادري  اني مااريد ازوج بس حميد حب حياتي
واذا ميردوني ازوج حميد مااريد غيره
مثل ماهم قواي لازم اواجهم بالقوه وحدود يوم الخميس يجي الولد وامه واخته حتى نتعارف وفكرت بخطه اتخلص منهم اذا امي فهيمه فااني اميره
ماكو احد يردني واخوي راح يسوك وامي تنظف واني گاعد وكلي هدوء
الهدوء الي يسبق العاصفه
صاحت امي كالت امشي وياي اشتري الج هدوم رحت وياها
ولج شو انت هاديه مو عوايدج
اي يمه قررت اسمع كلامج
ها اي عفيه عليج عوفي هذا حميد شحاله هسه تشوفين (عمر)  شگد حلو بس شاربه بميت رجال
منو عمر
وج عوبه خطيبج
اي يمه
واشترينه كم ثوب بوگته يسموه البرنسيسه ورجعنا وتحضرنا ليباجر يجونا الخطابه واني مليان خطط وكنت اعرف راح احصل گتله من صالح وامي بس شسويه لازم ادافع عن الحب مالتي
هذا حب سنين فتحت عيني عل حميد هو ابوي واخوي وامي عوضني عن كل حنان الي فقدته من اهلي
وصار الصبح طبعا فهيمه صدك مزوجه مرتين بس متعرف تطبخ كل اني وبيبي
علمتني شلون اطبخ وانظف وكل شي تقريبا اما فهيمه فهي خبصه عل فاضي تروح وتجي بس تعرف ترتب بروحها عبالك راح يخطبوها الها
واجوي العالم امه واخته وهو
اني مثل عادتي اصنط حتى اعرف شلون راح انفذ الخطة شفتهم كعدوا بااستقبال طفرت عل بيبي گتله بيبي فدوه اريد طلب منج
احجي حبيبتي
اريد مناظرج
شنو ليش
فدوه بيبي
وج مو شلون مااشوف
بيبي عشر دقايق اكعدي بغرفتج واني ارجعها الج
ماشي خلي اروح اكعد وانطيجياها
فدوه يااحلى بيبي
رحت لبست الهدوم الي اشتريته ولبست كعب عالي كلش وحطيت كحل ومرطب
شفه ونزلت اخذت المناظر حطيتها بعيني يمه دخت
انتظرت امي تصيحني  وصاحتني اخذت الصينيه مال شربت ولبست المناظر ودخلت طبعا كلشي مااشوف ههههع
كوه امشي وكعب بس ميزت الخطيبي وكبل عليه اني والصينيه وبحضنه
والكل الله الله
شافني وشاف مناظر ظل فاتح حلكه اني راسنا والله ماشفتك اسفه امي وصالح غرگوا بهدومهم رحت كعدت فوق امه
خاله والله مشفتج
لايمه مصار شي
اني اسف بس عيوني تعبانه واحتمال افقد وحده منهم
جان امه طفرت عمر گوم احنه نترخص طبعا صالح ضل فاتح حلكه يريد يستوعب ههههههه
راسنا طلعوا اني طفرت عل بيبي واطيته مناظر وگتله ادعي اعيش بعد هاي اللحظة وعيني مشافت الكفخ والضرب والدفر من صالح وفشار وغلط واني كل هذا وگلبي يريد يطير من فرح خوب امي گتلتني تگرمون بالنعال وعد اليوم واني مكتوله كتله محترمه ظليت الليل كله اون واضحك واذكر شكل الولد من وكعت عليه وامه شلون فزت وكامت
واستسلمت لنومه طويله واحلم بحميد حبيبي

غيرة رجل
الجزء التاسع (ام احمد)
مرت يومين واني كوه امشي امير يجيب الي اكل وامي كلما تشوفني (تكرمون)  تتفل عليه
واني راضيه بس ابقى ماازوج وصار اسبوع واني بديت اداوم اني وزنوبا واسال عل حميد تگلي زين بس ابوي وامي يكولون بعد ماانزوج الج انت امج ام المشاكل
وارجع للبيت اطك بجي زنوبا خطيه معجبه بطالح واني اكله وج ميفيدج وج مخبل ومغرور بس هيه قافله عليه وارجع اكله وج فميهة تخبلج زنوبا تضحك وتكلي فدوه نسقي وياه
وج شنسق وج هذا گلبه وسخ وكله مقضيها شرب وبنات وج روحي للواحد خام
تگوم تزعل مني بگلبي اگول ادري الحب اعمى بس شسوي لازم انصحها
وفد يوم اندك الباب جان طالح يسبح وامي تصيح عل امير يفتح الباب گتله اني افتحة وطلعت واشوفه يمه هذا شنو هلو شلونج بعدج متشوفين وين مناظرج
ظليت صافنه هذا صدك بس شاربه بميت رجال خرب شلون نظرات عبالك نسر حاده وتخوف
اها شبيج كلنا عميه بس لا طرشه هم
هسه اصيح صالح
گبل كمش ايدي وعصره وگال اوصلج اخاف توكعين اوكعي بحضني
اني اريد افلت ايدي ماكو گلبي راح يطلع من صدري من خوف
عوفني ايدي توجعني
وج اعيشج ملكة بس وافقي
عفته وانهزمت صعدت لغرفتي وگلبي دووم دوووم يمه ربي هذا شنو خرب حظج فهيمه مين جبتي
ظليت فوك اجه امير صالح يكول كومي سوي جاي
روح گول لاامي
بس هو گال اميره خلي تنزل حتى تغسل  البدله مالتي وتكويه
خرب صالح شوكت اخلص  منه نزلت عل كيفي وبخوفه لااروح اشوفه ويتخربط وضعي سويت جاي وصحت عل امير يوديه دخلت للحمام اغسل هدوم صالح وشويه سمعتهم راحوا اووف همزين
لليل خابرت زنوبا وسالته  عل حميد كالت زين يم عمامي وراح  يقدم نقل هناك
وج ليش
شنو ليش بعد مايجي نخاف عليه من اخوج لايغدره
اووف والله اريد بس اشوفه
باعي شخبار الحب
لج ياحب ياصخام وج صالح يگومج بگتله ويكعدج بكتله طلعيه من بالج يلا روحي اروح اقره
سديته واني مهمومه واسمع سياره صالح  وانهزم ليروح يكلي عشه شي مالي خلگه
صعدت سويت روحي نايمه وهناك صاحني سويت روحي مااسمع دكوا الباب امي تكلي ولج انت مبخوته ومخبله  وعندج بخت مو مثل امج
شكو خير
گومي صالح يريدج عنده حجي
يمه اريد انام
ثوله كومي باب السعد انفتح الج
شلون انفتح  بس لا حميد رجع
لج ياصخام وج الوووووو

غيرة رجل
الجزءالعاشر(ام احمد)
گالت الولد راجع رايدج واني كلش عاجبته ظليت فاتحه حلگي
يمه يخوف وجبير عليه
لج ينلام بيج صالح من يگول عليج غبيه لج تشوفين حميد حلو الي مطفيه عنده كهرباء وهذا الگمر يخوف اوووف وج كومي والله لعبتي نفسي
مااحبه لو تنگلب الدنيا ماازوجه
روحي گولي لصالح هذا الحجي خلي يعدل خلقتج بكم حزام معدل
نزلت لصالح جان كاعد يدخن صاح ثوله مو دااصيح عليج
شتريد
اسبوع الجاي راح يكون نيشان مالتج وراه مهر وراه زواج اسمعيني زين سوالف مالتج اذا مبطلتيه والله  اجيب الج راس حميد افتهمتي جري عدل
اني الى هسه مخال عقلي وياج اوديج وره الشمس انت وحميد
اني اول مره اخاف من صالح صح هو يضربني بس مااخاف منه بس هلمره رعبني كلامه وگلت يمه لا صدك يگتله لحميد  ظليت اهز براسي بالموافقه
رجعت لغرفتي ابجي واكول اوووف  حميد بالجذب مسالت عليه عفتني من اول هزه
وصار الي يومين حالتي حاله اني مره وحده شفته وانرعبت منه لعد شلون راح اعيش وياه ودزوا خبر لااهلي حتى نطلع نشتري ذهب وملابس امي كالت الهم باجر تعالوا اني استسلمت وبگلبي اكول هو رجال استسلم وراح وعافني بين اخوي وامي يفصلون واني البس
وصار الصبح واجوي گلبي كام يوجعني يمه شلون راح اشوفه اخاف يبين عليه
وج اميره فضيها
اي اجيت
طلعنا واشوفه لابس قميص اسود وبنطلون كابوي وفاتح الدكم مالته وطالع صدره يباوع عليه مثل النسر الي يريد ينقض على فريسته گال هاي شلابسه جنت لابسه تنوره قصيره وبدي وفوكا يلك باعت امي عليه عود من تاخذها يمك لبسه الي تريده  ضاج وحسيت راح ينفجر
صعدت ليوره واني كل اموري متخربطه
كوه سلمت عل امه واخته
اخته دكتوره سنه رابعه كلش شايفه روحها بس امه تخبل سوالفه ومبين من اهل الله ذبونه بالسوگ وهو گال اروح لان مااعرف بالسوگ نزلوا كلهم من دا انزل گال اوكفي باوعت عليه تشترين اشياء مال طلعة كله مستوره لا تنوره قصيره ولا بنطلون وضحك بالشارع ماكو افتهمتي اذا شفت قطعة مشتريته ومتعجبني اكسر راسج
هزيت راسي ونزلت يمه هذا شبيه مخبل والله ياالله اخلص من صالح يطلع الي عمر
هاشبيج تدرتدمين
يمه مااريده
منو
عمر
وج مخبله لاتسمع امه
خل تسمع
ليش يابه مترديه
مخبل من هسه يتشرط عليه ويكلي اكسر راسج
خلي يكسره منو كلج تلبسين تنوره قصيره
ها هو اني من يومي وايامي هيج البس ومحد يحجي وياي هسه تكولين ليش تلبسين
واشترينه كل الي بنفس فهيمة ههههه لان هيه تختار اني ابد مو يمي فكري يم حميد ليش هيج عافني
گلبي مكسور نفسيتي تعبت وكله بجفه وهذا الي طلعي صفح انوب يخوف ولا اجرعه
وعقدت العزم ان لازم افلش بس تكون منه مو مني لان اني هددوني بحميد وظليت افكر شلون اخليه يبطل سيد عمر وبعد ميفكر يرجع الي

يتبع ...