غيرت قدري الفصل الخامس 5 - بقلم ورد العامري

#غيرت قدري

الجزءالثاني عشر

ل وردالعامري

فاطمه: رجعنه الله والله بغداد شحلاتها واحد ع راحته بلبسه يطلع ايطب مومخنوك والاحله راح انام واكعد براحتي مو من الفجر عاااااا

طلعت النتائج الحمدلله ناجحه وفرحانه بس امي متكدر تسكت ابد

ام فاطمه: اي يحضج يمناهل بدراسه وعمات لعيون بالكتب فالحه بس موفالحه مثل بت بهجيه بنت عم ابوي طلعت من نيشان سكينه بيدها عريس مومثل حضي امده حضي اي والله

مر اسبوعين واجانه خبر بعد 10ايام عرس سكينه ب99جانت تلفونات ارضيه خابرت خالتي وكالتلها اريد همتج وهمه البناات اتفقت امي وياها يومين واروحلهم اذا اكومدرسه خلصتني ذيج المره هل مره لامفر اروح قبل العرس ب8ايام والعرس يومين 10وكم يوم امي تكعد يم اختها صبرني ربي واكيد امي هل مره مستحيل متحضر واجهز وتبذل جهداكبر حته تطلع نتيجه واطلع بعريس بوياي راح اطب ب15بعد4شهور شلون لسه امي بس النفس محسبته عليه اخذتني للسوك واشترتلي لبس وحذاء كعب اعله وكصتلي كذله من ذاك ويومين تاكل بدماغي احجي وسولفي وكومي ويه البنات ركصي صفكي موخاتله باابطي كعدتنه ساعه5 الفجر كومتنه حته اروح وصلنه ساعه ب8الطريق اقل الساعتين لاازدحامات ولاشي جانت بس الدوج ابوعليوي تمشي ع بيض وكل شويه واكفين امي مدري شتريد ومرت فلان ماعرف شرادت وصايرين ثريد اني وامي بصدر ونسوان اخوتي3وره وبيوم العرس يجون الولد وابويه وويانه بس محسن الصيف نارواني محصوره بصف امي ومحسن جاب الطريق كله يشرب جكاير جانت سومر ريحتها تسطر مااعت روحي ريوك ممتريكه سوو لفات بدرب ومعتي كلبت مااكلت وامي حاطه حلكها بذني ودددودددودددو توجيهات وتعليمات وارشادات لجلب عريس الغفله اتلكونه بيت عمامي كلهم قبيله واكفه بس التفكير بسلام عليهم ايدوخ نزلت امي كدامي والبنات واني نزلت بالكوه احس دوخه وضغط قوي ع اذني مشيت خطوتين خالتي فاتحه ايدها ده تحضني واني عيوني تغوش كامت محسيت بعد بشي

صكر :من راحو وهيه تجي ع بالي واقنع روحي هيه زعطوطه اني بحالهابس من سمعت راح يجون اليوم اغصب روحي اطلع من البيت حته مااتلاكاهم ورجلي ترجعني انوب اجوي عمامي ضلينه ننتضرهم جوي وعيني تراقب هيه وين نزلو كلهم والجهال نزلت وهيه ماكو شفتها نزلت بس ممتوازنه وعباتها ع راسها بالكوه لازمتها اتلكتها امي بعدها مواصله الامي وكعت كلبي فز ركضت عليها دفعت محسن من غيرمااحس وشلتها واركض بيها طببتهاجوه حطيتها ع دوشك وجهه اصفر ع طبليه مي رشيت بوجهه فتحت عيونها بالكوه ترفعهن رفعت راسها خاالتي شربوها مي وهيه مثل الروحه سايحه ابويه كالهم عوفوها تنام رادن ايصعدنها فوك كالهم عوفوها ماعدنه غريب سدو الباب عليه وعوفوها ترتاح جنها عصفور حاصريها بسياره عوفوها ترتاح

فاطمه :حسيت صكر ايرش بوجهي مي بكلبي كلت حلم هذااعوذبالله شهل غضب وراها لاصحيت صح هوه وامي شربتني مي جسمي نحلان بس اريد انام ماعرف شكد وكعدت ساعه بيدي باوعت ب12اخ والله خوش نومه بس مضايقه بهدومي والعباه وحجابي بس فاتحين الدنبوس

#غيرت قدري

الجزءالثالث عشر

ل وردالعامري

طلعت هوستهم واصله للمريخ وتعال سلم عليهم خرب الهكسوس موهلكد شكم وحده وكلها لازم تبوس ادري حلك لونص اخمس اعبيه بوسات وارمي لاوانوب تخلص من النسوان روح للعمام بوس ايد وراس يله بله ذوله بوستين بس النسوان يبووو صلي امممح اممممح اممممح امممممح هئ هئ هسه لازم اسلم ع كل ذوله

صكر :اني بالحمام يم الغرفه الي نايمه بيها وكدامهن الديوانيه الداخليه ملتمات بيها النسوان والزلم بديوانيه الخارجيه اسمعت صوتها وخربان ضحك فتحت الباب ع كيفي هيه ادردم خاتله بالحايط ومطلعه بس راسها وادردم

اششش شكد تحجين

فاطمه: سلام قول من رب رحيم ادري ناوي تجلطني كح اعطس صيح دي شنو فجئه تصيربالوجهه الواحد

صكر: كاتم الضحكه بالكوه لج شكد تحجين شايله هم شلون تبوسيهم وانتي لسانج موكف بحلكج

فاطمه; باوعتله شحاجيك

صكر: اول شي نزلي حاجبج لاافكس عيونج

فاطمه: ياربي صبرني ع عبادك حته ماانتحر

صكر: شكلتي لج ليش تخليني اكسر راسج

زينب :هلاااا فطومه كعدتي /اي حبي شلونج امممممح امممممح اممممح

صكر :تتباوس هيه وزينب واجتي ابالي حجايتها مال البوس اريد اضحك خانك نفسي كوه

هازينب صبيتو الغده /اي عيني صبيناه جيت اكعد فطومه زين لكيتها هيه كاعده /اي كعدت صار ساعه جانت ده تسلم عليه تعرفين بت عمج تعرف الاصول وسلمت عليه اخذيها ووديها عله واحدواحد اتسلم /ههه تسلم ابن عمي منك نتعلم احنا سلامي مقابل ملكاك قليل

صكر: راحت اباوع عليها خربان ضحك هاصكر موكلت مالي بهل درب ليش حته متكدر تردها كلها تخاف تتنفس بوجهك وهيه رد بردليش ع كلبك احله من الشهد

#غيرت قدري

الجزء الرابع عشر

ل ورد العامري

بعدانتهاءالسلام ع الجيش اتغدينه وكل واحد راح لبيته بقينه بس احنا ومرت عم امي وابوي ببيت خالتي لان كلها قريبه كعدن ايسولفن الحبايب وامي ضربت ركن ويه مرت عمه ونسوان اخوتي ضربن ركن ويه العروس وجناين واني يم خالتي. احس خالتي متفهه اكثرمن امي وارتاح بالحجي وياها جتي زينب هم كعدت

زينب: اكول يمه حققي ويه بت اختج شمسويه لااخوي

ام صكر: عليمن ولج يااخو منهم

زينب: هاي الكاعده يمج فطيمه شوفي شسويه لصكر

فاطمه :شمسويه لصكر عزه انوب شعنده صكر عليه

ام صكر: ههههه خايبه نطري شمسويه شبي صكر

زينب :يمه اخوي مفهي اليوم اني مثل الاطرش بزفه بينهم وهمه ناس تبسمر ناس وابنج خانك ضحكته خنك /ليش اخوج يعرف يضحك شواول مطبيت استلمني اكس مربع /هههههه دهر صابج يفطيمه اكس مربع شنهو تعالي سولفيلي شبي صكر وياج يمه

سولفت لخالتي ويضحكن هيه وزينب /يمدهوه شايله هم ع سلام/لاخاله والله مو ع سلام بس البوس ورطه مجلبه بخدي تبوس وتحجي وتجرها للبوس احسب من الواحدللعشره يله تكمل انوب تندار ع الاخ /خههههههه والله يفطيمه عليج سوالف خوش حزب راح تصيرين انتي وزينب وانه اضل لااحد ايضحكني ولااحد بحال

زينب /لايمه لاتحجين هيج اني اصلاماازوج بعد مااعوفج /هههههه لايمه مسهل دربج حبيبي بعدين يجوز يصير الي احس بي واجيب من ايضحكني /هااا لايمه معقوله ميتشابهون ابد/فاطمه :منو ميتشابهون /ها لايبعد خالتج وحيده ماتعرفيها جابت توم ومايتشابهون :هااا خلصت امي واندارت علينه هافطومه يمه شلون صرتي/زينه يمه /اي زين يمه مثل مغهمتج اريدج سبعه تره العين عليج /سبعه لوثمانيه والله امي راح تتخبل اذا مزوجت عبالك جالي ع معدتها اني خلص اليوم بين سوالف وضحك وصعدنه انام اني وزينب صرنه صديقات هيه قريبه لعمري م84

زبينب :فاطمه نعسانه

فاطمه :لاوالله /ولااني تعاي نسولف/ياريت بس اخاف سكينه تشمرنه من الدرج ههههه/ كومي فطومه ننزل للمطبخ

زينب :تشربين جاي فطوم/لالا ماريد تعاي كعدي ضلينه نسولف وسئلت ع احمد لحد مسئلتني ده اشرب مي وهيه حجت /فطومه شنو رئيج بصكر اسم الله الرحمن/ غصيت بالمي طلع من خشمي من جابت اسمه اريد اجر النفس ماكدر اخ بويه ولج هذا سؤال ليش اخوج ممكن يكون اله رئي احدبي

زينب: هاااا اخوي تره ماارضه عليه لا عليج لحسين شنو رائيج بي /مزعلين /لا/ابدا/لالاابد احجي فضيها/ امممم متكبر ومغرور ونفسيه وانفه ومستبد ومكروه /خايبه شخليتي/لا اكو بعد/شنهو بله/متسلط ومتخلف ومتوقوقع / ههههه متقوقع شنو/مادري جتي ع لساني وحجيتها ههههههه كومي حبيبه كومي لاتكعدلنه خالتج ام صكر وبالعوده تحودنه

#غيرت قدري

الجزء الخامس عشر

ل وردالعامري

مرن يومين ع جيتنه وزينب عجنت وجلبت بيها اروح وياها التنوربالبستان ردت اشم هوه وامي ملتهيه ويه عماتي ونسوان حماها وخالتي استئذنت منها قبلت خالتي عدها المفتاح طبعا يكولون لصكر يله يفتحوها فتحت الباب وطلعت عبالك بوب السجن انفتحن صح مودائما اطلع ببغداد بس ع قليل اروح للمدرسه اكدر اصعدبسطح من اضوج اكعدبالحديقه هنا وين ماروح الكه قفل شكبره علكت زينب التنور ومرت اخوها هادي جابت العجين والشنك وكعدت اني ع حشيش وضهري ع شجره واللعب بالعوده مال الشجر بالتراب الخضار حلو ومريح لحد مسمعت صوت صكر جنت مرتاحه بس من اجه وياه التعب

صكر: كل مااسمع يردون ايخبزون امر اشوف خومااكوشي بس من بعيد اليوم فتت شفتهن يخبزن وفاطمه كاعده ومندمجه بتراب فتحت باب المزرعه وفتت شافتني زينب ابتسمت واكفه ع تنور تخبزومرت هادي تشلع هاااا ناس تخبز وناس تلعب /زينب :لاخطيه رادت تساعدنه كنالها ماعدنه شي/يخوج هذي تعرف تساعداذا توكفيها ع تنور اله تكع بنصه /فاطمه :رفعت راسي باوعتله ودنجت /ها شوماتردين لان تعرفين بنفس لانفع ولادفع /زينب: يخوي شبيك وياها خطيه عوفها/فاطمه احاجيج اذا اطيتج هل شنكه وكتلج خبزيها انااضن تسيحيها ع هدومج واذا نجحت وهذا شي مو وارد تنجح وتردين تلزكينها بتنور توكعين وياها /هههه استغفرالله/لامعاجبها ام الكمل كومي شوفيني شطارتج لوتخافين لان ماتعرفين حبيت استفزها ماعرف ليش شفتها كامت وتنفظ بيدها

فاطمه/يالله نغضت ايدي من التراب وشديت ربطتي عكده ع ركبتي شويه وخري زينب /زينب :ادبريها فاطمه لوتتورطين/وخري بسم الله

صكر: اباوع عليها جرت الشنكه وحطتها بين ايدها وتحركها بسرعه ولزكتها بتنور ورفعت عينها علي جرت الثانيه وبنفس السرعه وهم حطتها بتنور وسوتهن اربع كرص واجتي بتجاهي باوعت علي وراحت ماعرف شلون ترفع حاجبها مرت هادي طلعت خبزاتها خذيت وحده ورحت جوه وبيدي الخبزه اكل طبيت للمطبح تلكتني امي هايمه ليش خبز خالي هذا خيرالله كله تاكل خالي /شفتها ع حوض الصحون تغسل ايدها كتلها لاعجبني اكل خبز بنت العم بس كاانو مر شوي /اي والله يمكن لان الخبز يلكف من الشايله بيده وياكل يصير توصيل بين ايد التلزم والحلك الياكل /قصدج /لا ماقصدي شي بس اكول مرات المر ايحس بالمر /بنت عمي تره سكتت هواي لاتختبرين غضبي/ها ويليش اني كلت مرات اخذت ع نفسك لوالي جوه ابط... / صكر :لاتكملين /فاطمه: لااكسر راسج حفضتها ابن عمي من رخصتكم / بنت ال فشلتني كدام امي بسيطه فطيمه

فاطمه : اليوم الحنه ونتراكض احنا من البارحه فض الغده وصعدت سبحت وطلعت بغرفه زينب انشف شعري بين ما تصعدامي حته تضع لمسات لجلب العريس مدنجه راسي وانشف الخاولي انفتحت الباب بسرعه وصيحه زينب جفلت رفعت راسي صكر شمرت الخاولي ع راسي

صكر: موجنتي تسبحين شوكت طلعتي /ليش لازم اخذموعد/اللهم طولج ياروح قبل شوي زينب جانت بالغرفه اطيتها دشداشتي تكويها وينها/طبت تسبح/ولج دشداشتي وينها / اف لصيح راح اروح اسئل زينب / المن ااف / الي الي بس وخر/تمشي وتلف بالخاولي شكدحلو منضرها من رفعت شعرها وهوه مبلول تصرفاتها تصرفات طفله بجسم مره /فاطمه: زينب وين دشداشه صكر /حبيبه بغرفته بالكنتورالبنص علكتها اطيهياه فدوه واليشماغ هم معلك والعكال بالكنتور الثاني مسفطات بالقاطع الفوك فدوه فطومه اتاخر ومضل وقت منتضرته اطيهياه انتي لايسوي عزه عليه/ماشي/شلون ورطه هاي

صكر: ها لسلاب وين اريداولي

فاطمه: بالكنتورالبنص والعكال بالكنتورالثاني بالرف الفوك /صدك واني اطلعهن خل تططلع بسرعه اتحضرهن / لتصيح هسه طبت شوكت اتلحك اتبدل اني حطلعهن بس اسكت/ يله فضيها/اول مره ادخل لغرفته حلوه وجبيره بس مابيها روح طلعتهن وحطيتهن ه سرير ده اطلع صاح وين وين

صكر: الخاولي ع راسها لافته واطلع بغراضي منضرهاوهيه بغرفتي خلاني مستمتع رادت تطلع صحتها/ها / وين الدكم / يادكم / دكم الردن بذاك المجر طلعي زوج حلو/صبرني ربي فتحت المجر اكواكثر من واحد مسفطات بترتيب طلعتله سيت ذهبي بي شذره سوده ذني /اي زينات جيبيلي ساعه /وين / بالمجر الثاني مال الميز تواليت /اممممم بما ان الدكم ذهبي طلعتله ساعه ذهبي هذي تمام /اي اي وين العباه/سحبت نغس ياعباه / عباتي يعني ياعباه شوفيها بالكنتور الثاني هذا اليمنه /ياهيه تريد / مادري شكو جايبج لعد طلعي وحده تكعدع اللبس / 😒 هذي سوده ومطرزه ذهبي مثل الدكم / اي عاشت ايدج بس شوفيلي غير عكال /😒😒😒الصبر هذا /لالا/هذا / تو غيره/ هذا / لالا عوفي البيدي احسن /ماشي عفته وطلعت صاح فاطمه / نعم/ سدي الباب مسديتيها وراج ههههههه ليش هيج اسوي مادري كمت اتحجج بالعكال حته اشوف حركاتها بس خايف حته اني اعترف امام نفسي اني كلبي فزمن نومته صارسنين نايم شكعدك البخت