رواية جمعتني بك احزاني فأحببتك بقلم *شغف الكتابة * | كاملة

(جمعتني_بك_احزاني_فااحبتتك) الجز۽ الاول هلوو اسمي نوره عايشين بغداد...عندي اختي الجبيره فرح واخويه محمد..امي مديره حضانه اهليه وابويه مدرس ابويه الزغير بااخوانه عنده 2 اخوان الجبير عمو ابو عادل وعموابو زهراء اني اعرف بس عمامي مملتقيه بعوائلهم لانو جانو مو هالكد ويه ابويه احنه حالتنه الماديه بسيطه بالنسبه لعمامي جان عمري عشر سنوات تعرضت لحادث خلاني افقد عذريتي وكعت ع انوب حديد جان عدنه بنيان واني العب ع الدرج اتزحلق وي اختي وبعدها وكعدت وانوب اخذوني للمستشفى والدكتوره كلت لامي وامي اذكر بذاك اليوم ضلت تدك وتطلم شون بنتي وبقت داريني بس اني ماافهم دائما اسمعها هي وابويه يحجون بيه وهو يكولها شون تنحل بلكي تكبر والله يسترها بس ماافهم مقصودهم شنو اني صرت زينه خلصت بكلوريا ودخلت متوسطه بهاي الفتره الاوضاع ادهورت والانفجارات كثرت فرح بالاعداديه ومحمد جامعه بس ابويه مخلاهم يداومون لان الاوضاع كولها موزينه احنه منلتقي بعمامي دائما بس بالزواج وبالوفاه نشاوف عندي بيبي ام ابويه احبها جنت...