٢....جميله قالت.... مش اول مره تدخل انت هتجيبلي تهمه اطلع بره وطلعته وقفلت الباب بس جات جيهان وقفت وراه
وقالت.... نسيتك اول واحد بس معلش تعال اعملك لقمه تاكلها على بال ما تفتكرك حكم انت يعني على لحم بطنك من امبارح
مختار قال... لا يا جيهان شكرا انا هستنى مرتى ريحى روحك انتى جيهان راحت على اوضتها ومختار قعد جمب الباب وتسند عليه
وقال... انا عليا حظ اه الحمد لله انى شايفها بعيني يعني دي لوحدها كفايه بس الباب خبط مختار راح فتح
وكان بدر وقال.... وزعنا اللحمه على كل الناس الحمد لله مالك ياض ضارب بوز كده ليه انا كنت جاى اسلم على مرت اخويا واختك هتاجى الصبح مختار ضحك
وقال... لما تبقي تفتكر اخوك هتيجي تسلم عليك حاضر
بدر قال... كيف يعني
مختار قال... ولا حاجه يعني هي مفكرانيش يعني بقى عندها خلخال نفسي الدكتوره قالتلي كده وضرب فى النفوخ هتبقى ساعات فاكراني وساعات مش فاكرانا وساعات تبقى زي الفل
بدر قال... ايه ولا انا
مختار قال... اقولك مش فاكرانى انا جوزها هتفتكر ود عمى
بدر قال... عادى ما انت فقرى بعدين دى دكتوره عبيطه انا قلتلك الستات مكانهم في المطبخ خلينا نوديها لدكتور انت اللي قلت لا
مختار قال... انت اتجنيت انت عايز راجل يكشف على مرتي دول كانوا بيعملوا لها كل حاجه لما كانت في الغيبوبه ايه الهبل ده خلاص روح انت وانا لو افتكرت الصبح هقولك
بدر قال... طيب هي شكلها كده خدت الاوضه من قعدتك اللي انت قاعده دي تاجى تبيت عندى
مختار قال... لا انا هقعد هنا احسن تعوز حاجه انا ما اضمنش البت اللي في البيت دى اول ما قفلت الباب جات تتمحك وتقولي اعملك عشا
بدر قال.... طب انا هروح
مختار قال... ماشى وطلع عند الاوضه وقعد تاني لحد ما غلب عليه النوم ونام في صباح يوم جديد جميلة قامت من النوم على صوت عيل بيعيط فتحت الباب بس لقيت مختار نايم على العتبه قعدت جمبه
وقالت.... مختار انت يا اخ مختار قعد بسرعه
وقال... ايه فى حاجه وجعاكي
جميله قالت..... انت ايه اللي منومك على الباب كده يا مختار
مختار قال.... مختار انتى قلتى مختار انتى فاكراني
جميله قالت... ايوه فاكراك هو انا جاني زهايمر ايوه فاكرا صوت الولد اللي بيبكى ده جاى منين
مختار قال... ده محمد
جميله قالت... مين محمد
مختار قال... اه صح مين محمد مش انا مختار يبقى ده محمد
جميله قالت... ايه دخلك بمحمد اوعى تكون يا ولد عملتها وخلفت امك عارفه بيه اصل انا عارفاك تلاقي البت اللي اسمها جيهان دى قعدت تتمحك فيك تتمحك فيك لغايه ما جابت الود يالهوى بس انت ما اتجوزتهاش معلش هو انا لما اتخبطت في نفوخي ونسيت اوعى تكون اتجوزتها
مختار قال... اتجوز ايه بس تعالى نجيب الولد الاول وراحو عند الولد وكان عنده سنه ونص وجميله شالته وبقت تلاعب فيه
وقالت... دلوقتي الواد ده جبته امتى اه لما دخلت الاوضه عندك ولقيت البنت جيهان واقفه وانت قلتلي ان انت كنت في الحمام وطلعت لقيتها في الاوضه فاكر شكلك جبته يومها طب انت قلت لامك على الواد ده ولا جايبينه في السر
مختار قال.... اه لا هو انتى كده عندك تلت سنين مش اقل متاخره اتشفطوا بقولك ايه بصي هو انا هاقولك على حاجه بس ايه مش عايزك تتضايقي انا اتجوزتك من سنتين ونص كده
جميله قالت... يا لهوي
مختار قال... وبعدين جبنا الواد ده انتى بقى من كام شهر كنتى فى الدكتوره بتابعى للحمل التانى وعملتى الحادث ده دخلتى المستشفى بس كنتى سايبه الود مع امى وانا كنت مسافر فى شغل صح الحمل نزل بس الحمد لله انك بخير كله يتعوض بس وبقى عندك خلخال في المخ اه وضرب في النفوخ فانتى ساعات فاكرانه وساعات مش فاكره ده ولدك انتى
جميله قالت بردح .... بقى يا ناقص يا اللي ما تختشيش وما عندكش زرة دين ولا دم ولا عقل ولا اخلاق ولا اي حاجه خالص عايز تلبسلي الواد اكمنى عملت الحادثه عشان ما فكراش طب ايه رأيك انا فاكراكم كلكم فاكراك انت مختار وفاكره امك وفكره البنت جيهان اللي ما تتسمى اللي ماشيه تتسهوك ومدام عمال تقولي ولدك ومش ولدك يبقى مش من جيهان جبته من مين يعايب يا معفن يا اللي ماشي على حل شعرك
مختار قال... قسما بالله ولدك
جميله قالت... ولد مين يا ابو ولد وانت هتلبسهولي انت هتركبني العار
جميله قالت...عار ايه بس اللي هركبهولك بقولك متجوزين بصى تعالي اوريكى القسيمه
جميله قالت... تلاقيك ضاربها عند واحد صاحبك انا ما ليش دعوه جوازاتك مش معترفه بيها والواد ده اهو وادتهولو ومشيت
مختار قال... جميله يا بت والله العظيم ولدك طب يمين بالله عليا الطلاق ولدك يا رب ايه بس اليوم ده مستنيها تقوم قلت تشيل معايا في الهم زودت عليا الهم هم بقى يدى اللبن للولد لحد ما نام حطه على السرير وراح وراها
وقال... بنت يا جميله ودخل بس كانت لفه الفوطه واقفه قدام المرايه شهقت بخضه
وقالت.... لساتك يا مختار كيف ما انت تدخل كده من غير ما تخبط اطلع بر
مختار قال... لا بقولك ايه عاد الدكتوره قالت ان انتى ممكن ما تفتكريناش كلنا انما ما تفتكريش الجوازه بس وتفتكرى باقى الناس دي عيبه فى حقى
جميله قالت... بلا جوازه بلا جنازه اطلع بره احسن والله العظيم بدل ما انت شايف اني مرتك ابقى ارملتك انا ما عنديش مشكله
مختار قال...اخص عليكى تقتلي مختار حبيبك يهون عليكى بردك
جميله قالت... حبيب مين حبك برص طب انت مش بتحبني قولى بقى الواد اللى انا ما ليش صالح بيه ولدي يعني جايبه من مين ها مين امه
مختار قال.. بس دي هتبقى اعراض ناس
جميله قالت... بقولك ايه بلا ناس بلا قلقاس اطلع بره خليني البس الهدوم
مختار قال... يا بت انا الحجات دى شوفتها قبل كده
جميله قالت... شفتها فين يا مهبوش انت اطلع بره
مختار قال... يا بنت يا جميله طب بقولك ايه اديكي اماره اقولك حاجه كده فيكي ولو انا جوزك ابقى شفتها مش فيكى ابقى انا كداب
جميله قالت... اول حاجه انت معفن يعني كان ممكن انا وفي الغيبوبه تاجى تشوف واطى وتعملها وتاني حاجه لو تطبقت السما على الارض الواد اللى جوه ده انا مش معترفه بيه ولو انا اتجوزتك وانا مش فاكراك هخليك تطلقنى انت مختار ولد عمي وبس
مختار قال.... بقى كده تنسي مخه ما كانش العشم.. وبعدين ليه شيفانى واطى قوى كدا
جميله قالت.... ما فيش عشم العشم ده انت اللي حاطه ما عارفاش حاطه ليه خليني اغير هدومي يلا اطلع بره
قال جوزي قال ها
مختار قال.... طيب بس اخش استحمى والبس هدومى واللي انتى عايزه
جميله قالت.... انت جايب هدومك في اوضتى اغيب شويه الاقيكم خدتوها اخص عليكم عيله ناقصه صح
مختار قال.... مقبوله منك يا جميل
جميله قالت... بقولك ايه وانا لو مرتك صح قاعد معايا وانا مطلع عينك كده ليه ما تطلقنى
مختار قال... ما اقدرش اطلقك يا جميله
جميله قالت... ليه عاد دي حاجه حلال وربنا محللها
مختار قال.... صح ربنا محلل للطلاق بس محرم الانتحار انا لو بعدتك عني ابقى بطلع من روحي يا جميله واخد الهدوم وطلع وجميله اترمت على السرير بفرحه عند مختار كان اخد شاور ولبس الجلابيه ونزل قعد على طاوله الفطار
وقال.... صباح الخير ياما
قالت... صباح النور يا قلب امك بس جات جيهان وحطت الاكل على الطاوله قدامه
وقالت... كل ياسي مختار بس جات جميله من وراها واخدت الطبق منها
وقالت... شكرا تعبناكى يا اختي خد يا مخه مختار قرب عليها
وقال.... انتى فاكراني هنا طب ما كنتى افتكرتيني وانا فوق
جميله قالت.... وانت متى طلعت فوق
مختار قال.... مش مهم يعني انتى دلوقتي فاكراني
جميله قالت... ايوه ايه فكراك ده انا انساك انا عمرى ما انساك انت الحب الحب
مختار قال.... الحمد لله كده نطلع نريحولنا ساعه فوق يلا قبل ما تنسى تانى
جميله قالت... بطل جرس وفضايح اقعد وكمل اكلك هى الدنيا هتطير
مختار قال... انتى اللي بتطيري مش الدنيا
جميله قالت... يوه قلتلك لا اقعد ساكت انا اتكسف اطلع معاك قدام الناس بس
جيهان قالت... قمتي حمد لله على السلامه يا اختي
جميله قالت... الله يسلمك يا جيهان معلش سبناكى تحضرى الفطور لحالك النهارده كنت تعبانه بس من الغداء هنزل اطبخ معاكي ما تقلقيش
بس مختار قال.... لا انتى خليكي مرتاحه انتى الدكتوره قالت ترتاحى
جميله قالت.... وانا راحتى فى رحتك يا سى مخه انا عارفه انك ما بتحبش تاكل من يد حد تانى باين عليك هفتان كده وبطلان
امه قالت.... يمكن من التلقيحه اللي تلقحها امبارح قدام باب الاوضه مختار حمحم بحرج
وقال... هو انتى مش كنتى نمتي
امه قالت... نمت والله ما حدش نايم غيرك يا بن بطني
جميله قالت... اصل انتى ما عارفاش هو نام بره ليه
قالت... عشان نسيتيه ورميتيه بره
جميله قالت... لا مش كده ده كلام بيصبركم بيه عشان انتم بتقولوله يطلقنى
حميده قالت... والله امال ايه بقى الحقيقه يا بنت حسنه
جميله قالت... لما كنت في المستشفى صحيت خفت قوي قام سى مختار نام على الباب حارسنى وقلتله كده تعيه قالى انا افديكى بروحى قولتلو تسلم يا سى مختار بس وهنا قعدلى على الباب وقالى ما حدش يقدر يوصلك يا حبيبتي وانا نمت للصبح وربنا يحرسهولي كيف ما حرسني قعد للصبح مستنيني وحرساني
جيهان قالت.... طب يا اختي بدل ما خفيتى كده لمى السفره عشان انا هطلع انام فوق
جميله قالت... يا اختي براحتك لو ما هتنزلتيش على الغدا بنحضرهولك بردك وقالت بصوت واطى ... عالم جاحد
حميده قالت... مين ده اللى جاحد يا بنت حسنه
جميله قالت... العالم الناس يعني اللي جوا يخوفو تخيلي الولايه بتموت في المستشفى وهم يقولوا لجوزها ادفعوا الفلوس الاول مستشفى وسخه محدش بيسند بيد حد
حميده قالت... شكلك بتلقحي علينا يا بنت حسن
جميله قالت... هو انتى عملتى حاجه يا حماتي عشان الجقح عليكى انت ما شفتش المره اللي كانت في المستشفى يا مختار لما كنت بتابع شوفتها كانت تعبانه قوي وكلهم قالو الفلوس الاول قلعت غويشه وديتهاله قلتله بيعها وادافع لمرتك وسبحانو وربك ما طلعتش من المستشفى عدل كنت عامله الحادث بس الحمد لله ربك نجانى من كل اذيه روح شغلك يا اخويا عطلناك وانا قاعده مستنياك هنا هترجع تلاقيني محضرالك وكل من يدي حكم صحتك مش عجباني واضح انها ما جتش على غيابى
الفصل الثالث من هنا