رواية جميلة حد الفتنه (حياة حمزة) _ جاري تعديل السرد _ الفصل الخامس والثلاثون بقلم Rahma Nabil

لا تحزن إذا أرهقتك الهموم، وضاقت بك الدنيا بما رحبت، فربما أحب الله أن يسمع صوتك وأنت تدعوه

_الشعراوي

إن الصلاة على النبي وآله
يشدو بها من شاء أن يتعطرا
صلوا على خير البرية تغنموا
عشرا يصليها المليك الأعظمُ.
وفيك تسيل المحابر شوق🌹

نظرت مليكه للاسفل وهي تربع ذراعها علي صدرها ثم تحدثت بحنق / دي مش اخلاق ولاد البلد خلي بالك
نظر حمزه للاعلي وهو يمسك عصا وينظر لها بسخريه / اسكتي مش انا مش متربي اه زي ما بقولك كده أصل نورا وراشد عقبال عندك جابوني غلطه فسابوني من غير تربيه عشان يعيشوا شبابهم
تحدث مليكه بشفقه مصطنعه / يا كبدي انا ايه الاهل اللي بيجيبوا عيالهم ويرموهم
حمزه وهو يمصمص شفاهه / شفتي الزمن وحش يختي واهو انتي شايفك بعينك قلة أدبي دي لاني ملقتش حد يربيني بعيد عنك
مليكه وهي تنظر له بشفقه وحزن / يا حبيبي يا مسكين
حمزه وهو ينظر أرضا بحزن مصطنع / واتحرمت من حضن الأمن يا مليكه تخيلي
ثم نظرت له بحزن / طب نزلني وانا هحضنك طيب
نظر لها حمزه بسخريه ثم رمي العصا وتحرك للحمام / ده بعينك هتفضلي متعلقه كده عشان اشوف كلامي هيتسمع بعد كده ولا لا
نظرت له مليكه بغضب وهو يتركها معلقه في الحائط هكذا / يا حمزه تعالي نزلني اخر مره يا أخي بالله عليك يا حمزه اخر مره والله مش هعمل كده تاني انت يا جدع ايه مفيش في قلبك رحمة
حمزه من الداخل / لا مفيش واسكتي بقي عشان صدعت
زفرت مليكه بضيق وهي تهمس / حسبي الله يا أخي ده انت قلبتك وحشه اوي
ثم نظرت اسفلها فالمسافه عاليه / ايه يارب الهم ده بقي هيفضل يعلقني كده كتير هو ايه مفيش احترام خالص هيبتي نزلت الأرض
اخذت مليكه تحدث نفسها وتتمتم بضيق حتي خرج حمزه وهو فقط يضع منشفه علي خصره فغمزت له مليكه / يا عم الإغراء عضلات سداسيه بقي وحركات
ضحك حمزه بشده / ولو برضو مش هنزلك حتي لو كتبتي شعر غزل فيا
مليكه بتذمر / جرا ايه يا حموزي مكانتش هزه وسط اللي تعمل فينا كده
نظر لها حمزه بحاجب مرفوع / وحيات امك؟؟؟ هزة وسط هو أنا مش قولت قبل كده ملمحكيش تحركي حتي حاجبك بره البيت
مليكة وهي تحاول استعطافه وهي ترمش ببراءه / يا حبيبي دي حنة اختي وكنت فرحانه ليها فقولت ارقص شويه والله كانت رقصه واحده
حمزه بسخريه / لا يابت خليها نمرة ولا اتنين ايه رقصه واحده دي انتي مستهونة برقصه واحده
ثم تحدث بوقاحه لا تخرج سوي معها / عايزه ترقصي ارقصي ليا هو أنا قولت لا يعني بالعكس ده انا هشجك كمان
ختم كلماته بغمزه فتحدثت لنفسها بحنق / ما هي قلة أدبك دي اللي بتخوفني اني احرك اكتافي قدامك حتي
تحدث حمزه بانتباه / بتقولي ايه يابت انتي سمعتك بقي انا قليل الادب طب صبرا لما انزلك هوريكي قلة الأدب
‏احمر وجهه مليكه بشده ثم تحدثت بتذمر / طب نزلني طيب
‏ابتسم حمزه بخبث ثم اتجه ناحيتها ووقف علي المقعد وامسكها من خصرها وقام برفعها ثم انزلها امامه وهو يتحدث بخبث / اديني نزلتك اهو اوريكي قلة الأدب بقي
‏تراجعت مليكه للخلف / طب اصبر بس هقولك حاجه مهمه الأول
‏توقف حمزه وهو يرفع حاجبه / حاجه ايه
‏ اقتربت منه مليكه بسرعه وقبلته علي خده ثم ركضت وهي تنزل نقابها و تهتف / سلام يا حموزي هروح لملك
ضحك حمزه عليها بشده ثم ذهب ليرتدي ثيابه وهو يهز رأسه بيأس علي زوجته التي تتصرف احيانا بتعقل وذكاء يخيفه وأحيانا بطفولية تضحكه هي مزيج غريب جدا
‏انتهي حمزه من ارتداء ثيابه وخرج من شقته ثم اتجه للاسفل حيث كان الجميع يعمل علي قدم وساق فاليوم هو زفاف حفيدة السعيد نعم انها ملك فاليوم زفافها علي خالد بعد معاناة طويله في اقناعها وبعد كل ما حدث معهم واخيرا ابتسمت الحياة لملك فقد كانت اكثر من سعيده بهذا الزفاف
‏ ابتسم حمزه ثم نظر لأحمد / احمد روح للشباب في شقة رامي وانا هحصلك
‏هز احمد رأسه / تمام
‏ثم نظر بجانبه لزوجته ميار وغمز لها / هخلص مع العيال دي وجايلك يا قمر
‏ضحكت ميار وهي تنهض لتتجه لشقة أسر حيث الفتيات
‏بينما خرج حمزه واتجه لمنزل معشوقته وحبيبه الروح والحب الأول ومن غيرها؟؟ ام فاروق ولكن كعادته وجد ام سعاد تقف في النافذه الخاصه بها بجانب منزل ام سعاد وهي تنادي / حمزه واد يا حمزه
‏ذهب إليها حمزه وهو يبتلع ريقة / يارب تيجي علي كسر بس مش اكتر
حمزه / نعم يا ام سعاد
‏ام سعاد / جرا ايه يا خويا كل شويه فرح فرح لما خلصتو علي الشباب العدلة في البلد ومفتكرتش البت سعاد بنتي بعريس عليه القيمه من القمامير صحابك دول
حمزه بضحك / الله يا ام سعاد مش انا جبتلك ادهم قبل كده وانتم ضيعتوه من ايدكم
‏ ام سعاد وهي تلوي فمها / يا خويا اعمل ايه يعني ما هو اللي راح واتجوز البت سندس
‏ حمزه وهو يتحدث بجدية / غلطانة يا ام سعاد كان لازم تمسكي فيه بايديك واسنانك اللي زي ادهم ده مش بيتكرر
‏ام سعاد بحزن / اهو اللي حصل يا خويا حظ البت بتي سعاد كده دايما نحس زي ابوها الا قولي هو كده خلاص مفضلش رجاله من بتوع السيما صحابك كلهم اتجوزوا خلاص
‏حمزه باسف / للأسف يا ام سعاد خلصوا خلاص بس اوعدك اول ما الاقي واحد هلبسوا قصدي هجيبه لسعاد زينة بنات الحارة اللي مدوقتش ولا هدوق بطاطس زي البطاطس بتاعتها، آه والله
‏ ابتسم ام سعاد بفرح / شالله يكرمك يا خويا الا انت رايح فين كده
‏حمزه وهو يتجه لمنزل ام فاروق / رايح لحبعمري ام فاروق القلب والروح
‏ضحكت ام سعاد بشده / يووه جتك ايه يا واد روح يا خويا روح مهو دلعك ده هو اللي مخليها تتمرقع علينا
‏حنزه بضحكه / ياستي اعيش وادلع المهم هي معايا
‏ابتمست سعاد علي طيبة قلب حمزه وحنانه / ربنا يسعدك يابني يارب زي ما انت بتفرح الكل كده
‏ ابتسم حمزه بشده ثم طرق الباب وهو يهتف كعادته / افتحي أبت انوسه انا الحب يا بت

صرخت ياسمين / والله العظيم يا سعديه اما بطلتي حركاتك دي لكون مخلياه عزا مش فرح
ضحكت ملك /حرام عليكي يا ياسمين ده انا ما صدقت يا شيخه
ياسمين وهي تزفر بضيق / انتي مش شايفه بتعمل ايه دي أخدت كل الاكسسورات بتاعتي وفستاني وقالي ايه عشان ايوبي هيجي يخدها يا ختي خدك عزرائيل
سعديه وهي تتسطح علي الاريكه ببرود وتضع احد الماسكات والخيار علي وجهها ثم تحدثت ببرود / اششششش خدامة زنانه اسكتي خالص مش فايقه ليكي خليني اخلص ماسكي قبل ايوبي ما يجي يا خدني
نظرت ياسمين للجميع وهي تكاد تنفجر
فتحدثت اميرة بضحك / خلاص بقي يا ياسمين مش كل مرة تتجمعوا فيها كده تقلبوها خناق ده انتم سبقتوا العيال يا شيخه
ندي وهي تضع احد الماسكات / خلاص يا ياسو بقي تعالي يا ستي اعملي ماسك وسيبك انتي عارفه سعديه
سعديه وهي تغمض عينها / مين المعفنه اللي بتتكلم دي مالها سعديه يا ام لسان ونص انتي ولا هي الغيره عملت فيكم كده اخص عليكم شويه رمم معفنين
ضحكت سندس بشده وهي تضع الحناء في يد ملك / يا سوسو خلاص بقي انتي الكبيره
فتحت سعدية عين واحده وهي تهتف / مين دي اللي كبيره يا بت انتي، ده انتي حتي في عمر عمتو الله يرحمها
ياسمين / وانتي مش ناويه تروحي لعمتو الله يرحمها ولا هتعمري فيها
سعديه وهي تنظر لها بقرف / هروح يا ختي بس وراكي بإذن الله
نظرت ياسمين للجميع وهي تشير علي سعديه بجنون / شوفتوا شوفتوا ده انا ربنا رحمني منها والله الله يكون في عونك يا ندي
ضحكت ندي بشده / جرا ايه يابت يا ياسو دي حتي سوسو قمر
نظرت لها سعديه ببسمه متكبره
فضحكت ياسمين بشده / سوسو وقمر ميجتمعوش في جمله واحده الا اذا كانت مثلا ( سوسو طحنت البت القمر) إنما سوسو قمر جملة خطأ نحويا أساسا
سعديه وهي تنهض وتصيح / شوف الخدامه بنت الخدامين اللي لمتها من الشوارع ونضفتها ورغم قرفها وهي كل يوم مع واحد والتاني الا اني سترت عليها وجوزتها للواد عشيقها اللي أتقدم ليها وتيجي دلوقتي تعض الايد اللي اتمدتلها الزباله اسفوخس عليكي يا معفنه
كادت ياسمين تصرخ بها لولا دخول مليكه وخلفها ميار
فقالت مليكه بصوت عالي وهو ترفع نقابها / خلااااص يا شباب وقت مستقطع من الشرشحه
ثم اتجهت لملك وابتسمت لها وهمست / مباااارك جوازك ياقلبي
ابتسمت ملك بشده وعانقت مليكه بحب وعشق اخوي خالص /الله يبارك فيكي يا مليكتي
ضحكت مليكه/ حبيبتي والله بس بلاش مليكتي دي عشان انتي عارفه حمزه
ضحكت ملك بشده / ياستي ده اخر مره قولتها قدامه كان هيقتلني فيها
ثم حاولت تغليظ صوتها لتقلد حمزه / مليكة بتاعتي انا محدش يقول مليكتي غير انا وبس لأنها مليكة حمزه وبس هو أنا اتجوزتها عشان تبقي مليكة الكل ولا إيه
ضحكت مليكة بشده / معلش هو متملك في الحتة دي شويه
ملك بسخريه / في الحتة دي بس وشويه كمان يابنتي ده واخدك حكر والله بخاف اقولك حبيبتي قدامه
ضحكت مليكة بيأس فحمزه كما قالت ملك يأخذها حكر له
ابتسمت مليكة بعشق وغمزت / بس انا فعلا حكر لحمزه
ضحكت ملك وهي تتحدث / ومين يشهد العروسه

دخل حمزه وجد ام فاروق تجلس أرضا وهي تقرأ القرآن الكريم فابتسم وهو يقترب منها ثم جلس بجانبها بهدوء شديد واخذ ينظر لها ولم يفكر حتي في مقاطعتها أبدا من قرائتها كان يبتسم بحنان حتي انتهت ثم قبلت المصحف ووضعته في حامله الخاص ونظرت له ببسمه / صباحك جنه يا حبيبي
ابتسم حمزه وامسك يدها وقبلها وتحدث بحنان ببحته المميزه / صباحك فردوس ياقلب حمزه ها جهزتي عشان اخدك للبيت
ضحكت ام فاروق بهدوء / آيوه يا حبيبي مليكة ربنا يديها الصحه جاتلي من الصبح بدري ساعدتني في كل حاجه
ابتسم حمزه بحب لذكر تلك التي خطفت قلبه وعقله فهي منذ تزوجها وهي دائما تأتي لها لتهتم بنظافتها الشخصيه رافضه اي مساعده من اي فتاه، خرج من شروده علي حديث ام فاروق / ها اكلت ولا اجبلك تاكل
حمزه ببسمه / اكلت يا مربي وسبقتك انتي بقي اكلتي ولا لا
ام فاروق وهي تحاول النهوض فنهض هو سريعا وساعدها فقالت بحنان / مليكه اكلتني يا قلبي
ابتسم حمزه وهو يمسك يدها لتستند عليه / طب يلا بينا اوديكي البيت عند الكل عشان الحق الشباب
ضحكت ام فاروق وهي تسير ببطئ بسبب سنها الكبير / طب يا خويا بس خلي بالك من سعدية احسن هي جابت آخرها منكم
حمزه بسخريه / هي برضو اللي جابت آخرها منا يا ام فاروق دي اخر مره فتحت الشباك ورقعت بالصوت وتقول شواذ في بيتي يا ناس الحقوني يا حكومة دي كان ناقص تجيب الشبشب وتدوس علينا بيه والله يالا الله يهديها يارب لرامي احسن دي مطلعة عينه هو وندي يا عيني
ضحكت ام فاروق بشده وهي تتنفس بصعوبه / يخربيتكم ده انتم بقيتوا نكته الحارة كلها طول عمركم مبتهمدوش مع سعدية دايما عاملين زي القط والفار
ضحك حمزه وهو يغمز لها / ما تسبينا من سعديه وخلينا في حمزه اللي قلبه داب من العذاب يا ام فاروق مش هتحني علي قلبي المسكين ده وتيجي تنوري بيتي
ام فاروق بضحكه / ومليكة رأيها ايه
حمزه بتوتر مصطنع / مليكه موافقه طبعا دي حتي بتحبك
ام فاروق بجديه / بس انا مش موافقه انا ايه اللي يجبرني اتجوز واحد متجوز يا خويا اما كانش شاب قمور ومتفرغ وعنده عربيات كتير وبيوت مش هوافق
حمزه بضحك / من حق الكبير يدلع يا معذباني بس ماشي اتقلي اتقلي مسيرك هيجي يوم وتقوليلي واد ياحمزه القلب اشتكي من قلة الهشتكه هات المأذون وتعالي
ضربته ام فاروق بيدها الاخري وهي تضحك / اسكت ياواد يخربيتك مش بعرف اتنفس كويس
نظر لها حمزه بقلق / ليه انتي مش بتاخدي الدوا بتاعك ولا إيه
ام فاروق بحنان / باخده يا حبيبي انا قصدي اني لما بضحك بتنفس بصعوبه
ابتسم لها حمزه وهو يدخل للمنزل ووجد فاطمة تجلس في الصالة مع والدته وزوجه عمه فاخذ بيد ام فاروق حتي الاريكه ووضعها ببطئ وهو يتحدث / اهي يا نورا العهدة استلمها منك سليمة وابعدي عنها سعديه يلا هروح انا اشوف الشباب بقي عشان نخلص بسرعه لأننا كتير فهناخد وقت ها عايزين حاجه قبل ما امشي
تحدثت فاطمة بحنان / لا ياحبيبي روح انت عشان متتأخرش
ابتسم حمزه ورحل لعمارة رامي ليلحق بالباقي وصعد العمارة بسرعه ثم اخذ يطرق الباب فسمع صوت رامي وهو يتحدث / مين
حمزه بصوت رقيق / افتح يا بعلي انا الحب يا واد
فتح رامي وهو ينظر له ويغمز وينظر حوله خارج الشقه / حد شافك وانت جاي
حمزه وهو يدفعه / لا يا خويا خلينا نخلص من الهم ده
رامي وهو يسير خلف حمزه الذي دخل للغرفه حيث خالد / مستعجله يا كلبة
ضحك حمزه بشده / آه لو تسمعك اللي في بالي
أسر بتعجب وهو يحلق لخالد / قصدك سعدية
حمزه وهو يضع يده علي فمه وينظر حوله برعب / اششششش دي بتيجي علي السيره محدش يجيب سيرتها
تحدث خالد برعب / يا أخي دي ست فظيعه لا مؤاخذه يا رامي
رامي وهو ينظر يأكل ببرود / لا دي حلال فيها كل حاجه عشان انا جبت اخري
ضحك الجميع بشده فتحدث ادهم / هروح انا اجيب البدله واجي علي طول
هز خالد رأسه ببسمه وسعاده فاخيرا حصل عليها معذبه قلبه بعد سبع أشهر من كتب كتابهم واخيرا ستصبح زوجته رسميا تنهد وهو يتذكر ما حدث ليصل لهذه اللحظه ومعرفته بماضيها كله الذي رفضت ان تخفيه عنه
F. B

نظر خالد بصدمه لملك وهو يسمع ما تقصه عليه هل هذا معقول كل ذلك صدر من ذلك الوجهه البرئ
تحدثت ملك بتوتر / أنا حبيت بس ابلغك عشان متعرفش من حد تاني ولاني مش حابه ابني حياتي علي كدب
صمت خالد ولم يجب وهو مازال شادرا فيما تقوله فاكملت هي / أنا قولتلك كل اللي حصل وليك الحرية تختار يا خالد
نظر لها خالد ثم نهض بهدوء وتحرك للخارج دون اضافه كلمه واحده بينما ابتسمت ملك بألم وسقطت دموعها فدخل ادهم وهو ينظر لها بوجع ثم اتجه لها وضمها اليه بحنان وهمس / لو من نصيبك هيرجع يا ملك صدقيني يا قلبي الفرحه مستنياكي في مكان محدش يعرفه وفي الوقت المناسب هتشوفيها
انفجرت ملك بالبكاء وهي تتحدث بصوت متقطع من الشهقات / أنا مش زعلانه علي اني ضيعت الشخص الوحيد اللي شافني كويسه انا زعلانه علي نفسي يا أدهم انا اللي وصلت نفسي لهنا بغبائي يارب سامحني يارب
ضمها ادهم اكثر وهو يهتف بحزن / ايه الشخص الوحيد اللي شافك كويسه دي كلنا بنحبك يا ملك وشايفينك كويسه صدقيني يا قلبي آنتي توبي لله وسيبي الباقي عليه وليكي عليا يا ستي اول ما اخلص موضوع الشركه اللي بعملها هنطلع انا وانتي عمره سوا ايه رأيك
رفعت ملك نظرها له بسرعه وصدمه وهمست / بجد يا أدهم هتوديني احج وهشوف الكعبه كده والمسها وأفضل اعيط
ضمها ادهم وهو يبتسم / قال يعني انتي نازله ضحك هنا منتي بتعيطي اهو يا ختي
ملك ببكاء / لا لا يا أدهم هناك العياط مختلف هناك عايزه اغسل ذنوبي وكون اني في مكان مبارك زي الكعبه بيخلي جسمي يقشعر لوحده
ابتسم ادهم وهو يقبل رأسها / وعد مني يا قلب ادهم هاخدك انا وانتي عمره وبابا كمان
ملك وهي تمسح دموعها مثل الأطفال / ومليكة وأسر
ادهم بضحك / هي رحلة بعدين متخيلة ان حمزه هيسيب مليكة تسافر معانا هو هياخدها وأسر هقوله لو وافق يجيب مراته معاه وممكن حمزه كمان يجي معانا بمليكه
ابتسمت ملك وهي تضمه وتهمس / أنا بحبك اوي يا أدهم اوي اوي
ادهم بحنان وهو يقبل رأسها / وانا بحبك يا قلب ادهم

بعد ذلك بأيام عاد خالد واخبرها انه موافق وان ماضيها لا يهمه أبدا لقد فكر جيدا ووجد انه طالما تابت فهذا بحد ذاته ميزه تضاف لها فهذا يعني ان نفسها قويه ولم تتركها تنجرف اكثر وهكذا قام خالد بخطبه ملك وكانت علاقتهم مبنية علي الاحترام فقط ومع الايام تم عقد قرانهم ومنذ ذلك الوقت اخذت علاقتهم منحني جديد واصبحت أعمق واعمق من ذي قبل حتي أصبح خالد يتنفسها ويعشقها بشده وقد استمرت خطبتهم لمده سنة تقريبا
وها قد جاء الوقت لتصبح في منزله ومعه للأبد جميلته البريئة
B

خرج خالد من شروده علي صوت طرق عنيف علي الباب افزع الجميع بشده

نظرت مليكه لياسمين ببسمه وهي تحمل تلك الحقيبه منها / شكرا ليكي يا ياسو هروح اخبيها بقي لبعدين
ابتسمت لها ياسمين بحب / تمام يا قلبي وانا هشوف ملك كده ناقصها ايه
هزت مليكه رأسها وصعدت لشقتها هي وحمزه ووضعت تلك الحقيبه في خزانتها ثم هبطت للاسفل لتجد الجميع يرقص بسعاده علي الاغاني التي وضعتها ياسمين
ضحكت مليكة وهي تتحدث لياسيمن / انتي تآني حمزه اخر مره استوعدلك وقال هيعلقك علي الاغاني دي
ياسمين بعدن اهتمام وهي تجذبها / ياختي بلا نيلة ارقصي هي علقه ولا آكتر
ضحكت مليكة وهي تجذب يدها بعيدا / لا ياختي بعيد عني ده انا لسه نازله من الشماعة طازه
ياسمين بتعجب / شماعة ايه
مليكة بضحك / لا متاخديش في بالك روحي ارقصي بعيد عني يا ستي خلي ربنا يسترها معايا لأحسن حمزه يجي يشيط فيا
ضحكت ياسمين وهي تميل عليها باكتفاها في حركات راقصه / عيشت وشوفتك بتخافي يا مليكه ده انتي مربيه الرعب للكل
مليكة بتذمر / أنا مش بخاف
ثم تحدثت بصوت منخفض / الا من حمزه بس
ضحكت ياسمين عليها ثم نظرت لاميرة / بت يا أميرة متنزلي يا ختي
اميره وهي تشير لبطنها / لا يا ختي اعفيني انا
ياسمين وهي تتشنج / جرا ايه ياام الواد ما ندي نازله رقص اهي ولا فيفي عبده في شبابها ولا اكنها حامل بنت الفلطوس
ضحكت ندي بشده وهي تتوقف لتتنفس بعنف / اوعي تقولي لرامي يا ياسو احسن يمدني علي رجلي والله
ضحكت ياسمين وهي تنظر لهم / واحده بتتعلق وواحده بتتمد ايه مفيش شخصيه خالص كده
مليكه وهي تربت علي كتفها بسخريه / طب بس يا حبيبتي ده انا اخر مره سلكت شعرك من أسر بالعافيه
ياسمين وهي تعتدل في وقفتها / احم احم آه أصل كنا بتناقش في موضوع كده بعدين احنا كنا بنتخانق مش بنضرب تفرق يا ختي
ضحكت مليكه بشده فياسمين واخيها دائما يتشاجرون علي أي شئ كما الأطفال ويجذبون شعر بعضهم البعض بطريقة مضحكه
نظرت ياسمين حولها بتعجب / ايه ده حد سامع اللي انا سمعاه؟؟؟
مليكه بتعجب / سامع ايه
ياسمين وهي تغمض عينها وتبتسم باستمتاع / صوت الراحه والهدوء من غير سعدية
مليكه وهي تنظر حولها بتعجب / آه صحيح هي راحت فين مش ظاهرة
ياسمين وهي تنظر لها / اشششش ياستي ما صدقنا استريحنا شويه الحق البس بسرعه قبل ما تيجي تاخد فستاني وتقولي
ثم قلدت صوت سعديه / بت يا خدامه يا صعلوقه يا شحاته ياللي لميتك من الشوارع ده فستاني يا معفنه
ضحك الجميع علي ياسمين ثم اخذت كل واحده تتجهز للزفاف

تحدث حمزه بتعجب / هو مين اللي بيخبط كده
رامي بتفكير / يكونش الواد ادهم
سامر بسخريه / ادهم هيخبط كده تلاقيه الواد الأهبل أندرو
ضحك حمزه وهو يتجه للباب ليفتحه / وجه نظر برضو
ولكن بمجرد ما فتح الباب وجد مجموعة من الشرطه تقف امامه ومعهم سعدية التي تصرخ /اهم ياباشا الشواذ اهو كل يوم علي كده اجي اقفشهم بس مش بيتعظوا خالص اتفوووو علي تربيتكم
نظر حمزه لهم بصدمه ثم تحدث / ليه بس يا سعديه ليه
سعديه وهي تبتسم بخبث / مفكرني مش هعرف بتعملوا ايه لا يا عسل انا سمعتك وانت بتقول لأمك اروح عشان نخلص بسرعه لأننا كتير اتفوو تآني
نظر الضابط لحمزه وتحدث / أتفضل معانا
خرج الجميع بتعجب وهم ينظرون للشرطه فصرخت سعدية وهي تشير لهم / اهم ياباشا الحمدلله جيتوا وقفشتوهم متلبسين اهو واحد منهم بفوطة لفوهم في ملايات
نظر الشرطي لذلك الذي يرتدي الفوطة وتحدث بصدمه / خالد باشا
زفر خالد بيأس من سعديه / معلش يا سعد أصل سعديه عندها زهايمر مزمن وكل شويه تعمل الشويتين دول وزي ما انت شايف انا بجهز لفرحي ودول صحابي معايا
ابتسم سعد / اسفين علي الازعاج ياباشا والف مبروك
ثم نظر لسعدية وتحدث / لو حضرتك بلغتي تآني انا هقبض عليكي بتهمة ازعاج السلطات انا سبتك عشان خاطر خالد باشا بس
رامي مندفع / لا خدها احنا مستغنين
تحدثت سعدية ببسمه / سيبك من الاهبل ده وقولي اسمك سعد بجد
سعد بتعجب / ايوه
سعديه وهي تبتسم له وترفرف برموشها / وانا اسمي سعدية مش ملاحظ التوافق اللي بينا
أسر بضحك / الحق دي بتشقطه
رامي / الله يكسفك يا شيخه
نظر سعد بخجل لهم / طب يا جماعة استأذن والف مبروك تآني ياباشا
امسكت سعدية كم ثيابه / استني بس ما اخدتش رقمك
تحدث سعد وهو يجذب يده / خالد باشا
سقط أسر لرضا وهو يمسك بطنه / هموووووت
في نفس الوقت كان احمد قد وصل فنظر بتعجب للشرطة سرعان ما أدرك ما يحدث حينما رأي سعديه ولكن كرمش ملامحه بعدم فهم وهو يتحدث / هي سعديه مكلبشة في الظابط كده ليه
رامي بحسرة / لا دي بتشقطه بس
تحدث أسر الساقط أرضا وهو يضحك بشده / ياني يا ما هممممموت أصل هو اسمه سعد فشبطت فيه
نظر احمد لسعديه بتاثر / بنت اسعدية كبرتي وبقيتي تشقطي الايام بتعدي بسرعه يا حبيبتي
ابتسمت سعديه وهي تقول / ايه رايك بقي ظابط وقمور إزاي
احمد وهو ينظر لسعد / فعلا قمور
تحدثت سعديه بقرف / انت هتعاكسه ولا إيه
صدم احمد منها ثم ابتسم بيأس / أنا مش هتكلم خلاص خديه اتجوزي عرفي وريحينا
سعد بفزع / تتجوز مين يا عم انت انا متجوز فيه إيه
سعديه وهي تنظر له بحزن / بالسرعة دي كسرت قلبي بالسرعة دي ليه يا سعد ده انا كنت بدأت افكر في أسماء عيالنا كنا هنسمي اسعد وسعاد
ضحك أسر بشده / حرام عليك يا سعد تكسر قلب البنية يا أخي دي اختارت الأسماء
سعد وهو يجذب يده ويركض للاسفل / أنا كنت الشيطان كان بيوسوس اني اتجوز علي مراتي أساسا بس هروح ابوس علي ايدها
هبط العساكر خلف سعد وهم يضحكون بشده
بينما نظر عامر لهم / يلا يا شباب ولا كأن حاجه حصلت خلينا نخلص
نظرت سعديه لهم بملل / هروح اشوف أيوب بقي ملناش في سعد نصيب
ثم هبطت الدرج وهي تغني / واتمختري يا حلوة يا زينه
نظر احمد لها وهو يضحك / مبتضيعش وقت يلا يا عم انا جبت البرفيوم اللي خالد طلبه خلينا نخلص
سعدية من الأسفل / خلصت روحك منك ليه يا معفن
نظر احمد لاسفل الدرج بصدمه ثم ركضت للشقه واغلقها بسرعه وهو يتنفس بعنف / الست دي مرعبة والله

واخيرا حان الموعد المرتقب الذي ستتحد فيه قلوب عانت كثيرا وانتظرت اكثر
كان خالد يجلس في الخارج مع الرجال في المكان الذي صممه الحاج سعيد ليستقبل رجال الحارة والأقارب بينما تجلس ملك في الداخل وسط النساء وهي تغني وتبتسم
أمسكت مليكة الدف وأخذت تغني والجميع يردد خلفها عمت البهجه المكان وايضا الضحكه

بينما في الخارج اقترب راشد وهو يضرب رامي علي رقبته من الخلف وهو يتحدث بحده / واد انت مش انا قلتلك من ساعة تودي الحلويات للحاج سمير وعياله
رامي وهي يتحدث بفم ملئ بالحلويات / حاضر ما بوزع اهو ايه اقطع نفسي يعني
هز راشد راسه بيأس وهو يضرب كف بكف / عوضي عليك يارب تصدق تستاهل اللي بتعمله فيك سعدية
ثم تركه وذهب وجاء حمزه وهو يحمل طبق كبير ملئ بالجلاش وطبق ملئ بالحلوي الاخري وتحدث / امسك الطبق ده يا رامي وديه لعمي ابراهيم وعياله هما هناك اهو
رامي وهو يهز رأسه / ماشي بس رايح فين بالجلاش ده
حمزه وهو يتحدث باستفزاز / ملكش دعوه
ثم تركه نظر له رامي بحنق / اصلي الفلبينيه اللي جابهالك راشد
تحدث راشد من بعيد / بتقول حاجه يا رامي
رامي / حبيبي يا راشد منتحرمش يا غالي
ثم سار ليوزع الحلوي ولكن توقف فجأه وهو ينظر الطبق الذي أعطاه له حمزه / الله بلح الشام انا اول مره اشوف بلح الشام
ثم اخذ يتناول الحلوي وانضم له أسر الذي اخذ يأكل بسرعه حتي آتي ادهم وهو يتحدث ببرود مخيف / بتعملوا ايه
نظر الاثنان لبعضهم البعض وفمهم ملئ بالحلوي
أسر / أبدا يا غالي كنا بس بندوق الحلويات كده ونشوف مناسبه ولا لا و.... ماتتكلم يا زفت يا رامي هو أنا تتكلم لوحدي
رامي وهو ينظر لادهم وامسك يد أسر وجذبها / هنوزع اهو والله هنوزع
ثم رحلوا بعيدا بينما ضحك ادهم عليهم بتسليه فسمع عامر يقول / آتنين اهبل من بعض
ضحك ادهم ثم ضم كتفه اليه / تعالي نشوف خالد عشان ميفضلش لوحده
ابتسم عامر وسار معه

بينما دخل حمزه للمنزل وهو يحمل طبق ملئ بالجلاش وأخرج هاتفه وهاتف مليكه لتخرج له وماهي الا ثواني حتي خرجت فابتسم لها بحنان وجذب يدها للدرج واجلسها بجواره وتحدث وهو يعطيها الطبق / خدي يا مليكتي كليهم كلهم
نظرت مليكه للطيق بتعجب / انت جبت جلاش الفرح كله
ضحك حمزه / اي جلاش كنت بقابله باخده عشانك
أمسكت مليكة احدي الجلاشات وهي تضحك / مجنون والله
حمزه بحنان وهو يرفع نقابها / ارفعيه مفيش راجل هيدخل هنا بعدين يا قلبي بالهنا والشفا في جلاش كتير تآني لما تخلصي ده هجبلك
ابتسمت له مليكه ثم اقتربت وقبلته بحنان في خده وهمست / ادامك الله لقلبي يا حبيب قلبي
ابتسم لها حمزه وهو ينظر لعيونها بحنان / ادامك الله في حياتي يا مليكة حياتي
ابتسمت له مليكه وكادت تتحدث بشئ لولا ذلك الصوت الذي يعرفه حمزه جيدا فاغمض عينه بغيظ وهو ينظر لسعدية التي تتحدث / وانا عايزه جلاش
نظر لها حمزه بعناد طفل / لا مش انتي بلغتي عننا البوليس انهارده
مليكه بضحكه /wait... What
حمزه بضحكة / آه والله اتصلت بالبوليس تآني اسف قصدي عاشر
سعدية / الحق عليا عايزه انضف الحته دي منكم
ضحكت مليكه بشده وهي تنهض / تعالي يا سوسو جوا وأنا اديكي جلاش
ثم مالت وهمست في اذن حمزه /هدخل انا عشان محدش يحس بغيابي
ابتسم لها وهز رأسه / تمام ومتديش سعديه جلاش
ضحكت مليكه وهي تدخل / حاضر تعالي يا سوسو
نظرت سعديه بتكبر لحمزه / لا انا هروح اشوف ايوبي اتأخر ليه قلقني آوي
ثم رحلت فتحدث حمزه وهو ينظر لها بقرف وهي ترحل / ربنا يطمنك عليه يا ختي
ضحكت مليكه علي عِندهم هذا وطفوليتهم

بينما خرج حمزه للخارج واندمج مع الحضور حتي انتهت الليله وغادر جميع المدوعوون وجاء وقت توديع ملك
نظرت مليكه لها بدموع وعانقتها / هتوحشيني يا ملك متغبيش عني
ملك بحب / مش هغيب يا قلبي
عانقها ادهم بحب ثم نظر لخالد / مش هوصيك عليها يا خالد اختي لو اتخدشت خدش هقلبها علي دماغك انت عارفني
ضحك خالد بشده/ ياعم من غير تهديد ملك في قلبي
ابتسمت له ملك بحب ثم اتجهت لمحمد وهي تعانقه بشده وتتحدث / هتوحشني يابابا
عانقها محمد بشده وهو يبكي / سامحيني يا بنتي سامحيني
بكت ملك وهي تضمه اكثر / مسمحاك يا قلبي مسمحاك والله
محمد ببكاء / هتوحشيني يا قلب ابوكي افتكري دايما اننا كلنا موجودين جنبك
خالد بمزاح / ايه يا جماعه انا هخدها اعذبها ولا إيه
ضحكت ملك وودعت الجميع وغادرت مع خالد لتبدأ حياة جديد مليئة بطاعة الله والحب والمودة
ابتسم خالد وهو يتأمل بزوجته الحبيبه التي صدمته اليوم بارتدائها الحجاب فقد فقد النطق لثواني قليله وهو لا يتسوعب ما يري حتي انه ظن انه يحلم فقد كان سيجعلها ترتدي حجاب ولكن بارادتها واقتناع لتأتي هي وتفاجأه بأنها أرتدت الحجاب بالفعل
دخلت ملك للسيارة بجانب خالد وهي تنظر لعائلتها وتبكي وهي تشعر بأنها فقدت جزء من قلبها ها هي غادرت منزل عائلتها واصبحت زوجه لحبيبها ولكن ذلك الشعور الذي يلازم قلبها بسبب بعدها عن عائلتها يؤلمها وبشده شعرت بيد خالد تضم يدها بحنان وهو يهمس لها بعشق / صدقيني يا ملك مش هخليكي تندمي لحظه
ابتسمت له ملك وهزت رأسها ببسمه من بين دموعها / وانا واثقه في كده يا خالد

بدأ كل شخص يذهب لشقته حتي بقي احمد وهو يتحدث لادهم و حمزه / طب بكره يبقي نتناقش في الشركه بقي
حمزه وهو يركب المصعد معهم / لا مع نفسكم انا هندسه بس مش تخصص صفقات ولا دراسات من دي
ضحك ادهم / يابني قولتلك اعلمك
حمزه وهو يهز رأسه / تمام بس مش حاليا لاني عندي هموم لفوق راسي
وصل حمزه للدور الخاص به وهبط وهو يودعهم / تصبحوا علي خير
ودعه احمد وادهم
واتجه حمزه لشقته وفتحها ثم دخل وهو ينظر حوله بتعجب لذلك الهدوء / هي نامت ولا إيه
ثم اخذ ينادي / مليكة..... مليكة
ولكن لم يجد اجابه فتعحب كثيرا وأخرج هاتفه ليهاتفها فسمع صوت هاتفها يأتي من الغرفه الصغير التي من المفترض أن تكون للأطفال
اتجه حمزه للغرفه بتعجب وفتح الباب سرعان ما شعر بقلبه ينقبض بشده وهو يري مليكه تتكوم بجانب الفراش وهي تضم رأسها لقدمها وتبكي بعنف وهستيريه
ركض بفزع وهو يهتف بصوت مرعوب /مليكة مالك ياقلبي مالك
ثم انحني وحاول رفع رأسها ولكنها ترفض وتضمها اكثر وهي تزداد في البكاء بعنف اكثر
فتحدث حمزه وعيونه امتلئت دموع ولكنها أبت الهبوط/ مليكة مالك يا مليكة..... مليكة ردي عليا حرام عليكي قلبي هيقف طب انتي تعبانه
رفعت مليكه رأسها وهي تمد يدها له بشئ وتبكي / مفيش بيبي يا حمزه مفيش بيبي
ثم انفجرت بالبكاء وهي تلقي نفسها في احضانه بينما هو ضمها وسقطت دموعه بحزن لا لأجل الأطفال ولكن لأجل مليكة التي تتألم دائما بسبب هذا الامر همست مليكه ببكاء حاد / مفيش بيبي هيقولي ياماما مفيش بيبي كل يوم اضمه في حضني مفيش بيبي اجيبله العاب كتير والعب معاه مفيش بيبي اجيبله المرجيحه واضمه لحضني وانا بتمرجح معاه
ضمها حمزه له أكثر وهو يهمس لها / اششششش خلاص يا مليكه عشان خاطري قلبي بيوجعني عليكي ليه بس يا مليكه مش قولنا هنسيبها لله يا مليكه ده رزق يا قلبي وربك هو اللي بيقسم الأرزاق في الوقت المناسب بعدين أنا مش مستعجل ولو لقدر الله ربنا مكتبتش لينا الرزق ده فأنا مش عايز لاني عندي بيبي وهو انتي يا مليكه
ابتعدت مليكه عنه وهي تنظر لعينه بعيونها التي احمرت بشده والتصق بها شعرها بسبب دموعها فاخذ حمزه يمسح دموعها بحنان وهو يقبل عينها ويهمس / والله يا مليكه لاعملك اللي انتي عايزاه هعمل اوضه كبيره واملاها العاب وهلعب انا معاكي وهجبلك مرجيحه واخدك في حضني واتمرجح بيكي وهضمك كل يوم في حضني قبل ما ننام هعملك كل حاجه نفسك فيها يا مليكه بس بالله عليكي متعيطيش والله كل حاجه عايزاها هعملها مش لازم بيبي اعتبريني انا ابنك يا مليكه بس بلاش اشوف حزنك ده تاني حبا بالله يا مليكه انا قلبي بيوجعني والله
نظرت له مليكه لثواني ثم اندفعت لاحضانه وهي تضمه بشده وهو يضمها ويدفن وجهه فيها ويهمس / هنعمل كل حاجه نفسك فيها سوا يا مليكه كل حاجه هعملها ليكي يا قلبي ومن بكره هفضي الاوضه الكبيره وهملهالك العاب وهجبلك مرجيحه وهجيب كمان ترامبولين مش انتي بتحبيه؟؟ هعملك كل اللي نفسك فيه بس متعيطيش تآني حتي لو ربنا مكتبش ده لينا هنرضي ونقول ايه؟؟؟
مليكه بهمس وصوت خافت من كثره البكاء / الحمدلله
ابتسم حمزه وهو يمسح دموعه ويمسك يدها ويقبلها بحنان ثم ينهض ويأخذها لغرفتهم واجلسها علي الفراش ثم دخل الحمام وغاب فيه دقائق بينما هي تنظر له بتعجب ثم خرج وامسك يدها وادخلها الحمام وهو يتحدث / أنا جهزت الحمام خدي دوش سخن وهدي نفسك وتعالي هنلعب مصارعة
ضحكت ملكيه ثم هزت رأسها ودخلت لتفعل ما قاله
بينما هو جلس علي الفراش وهو يدعي الله بقلبه الا يحزن قلبها وان يرزقهم الذريه الصالحه
مر الوقت وخرجت مليكه فابتسم لها حمزه وهو يتجه لها ويجلسها علي الفراش ثم اتجه وأخرج لها ثيابها وساعدها لترتديها كأنه يدلل صغيرته وبعدها اتجه ليحضر المشط وجلس خلفها واخذ يمشط شعرها بهدوء ثم قام بصنع جديلة لها وقبل رأسها واستدار وجلس أرضا امامها وامسك يدها وهو يتحدث لها / احنا هنسيبها علي الله يا مليكتي واوعدك لو كمان شهر يا ستي ربنا مكتبش لينا يكون عندنا بيبي هاخدك اوديكي لاي دكتوره حتي لو هسافر بيكي لآخر الدنيا اتفقنا يا حبيبي؟؟
هزت مليكة رأسها ببسمه عاشقه وهي تتحدث بحماس / اتفقنا وحتي لو ربنا مرزقناش هعتبرك انت ابني وهجرب فيك كل اللي نفسي فيه
ضحك حمزه بصخب وهو ينهض ويضم رأسها اليه ويقبلها بحنان / وانا موافق يا ستي
يلا بقي عشان هفرمك في المصارعة
مليكه وهي تنهض من الفراش وتضحك وهي تركض / هتفرم مين يا عم انت ده انا اخر مره قطعتك
ضحك حمزه وهو يلحق بها ليجلس أرضا بجانبها امام التلفاز ويمسك زراع التحكم الخاص به / جاهزه عشان اقطعك يا مليكة
مليكة ببسمه متحمسة / جاهزه عشان اهزمك يا قلب مليكه
ضحك حمزه وبدأ اللعب وارتفعت الضحكات لتملئ الغرفه لينظر لها حمزه ببسمه حنونه وهو يحمد الله انها أصبحت بخير الان
ثم أعاد نظره للتلفاز مجددا ليكمل وتعلو صيحاتهم لتملئ الغرفه
حتي تنتهي الليله وهي ممده بين احضانه وهو يضمها بشده والتلفاز يعرض توم وجيري بينما هم غفوا باحضان بعض مستأنسين ذلك الدفئ الذي ينبعث من حضن الاخر يشتهون ذلك الحنان الذي يفيض من الاخر يدمنون ذلك العشق الذي يظهر من الاخر....... ببساطه هما روحان ألف الله بين قلوبهم فامتلئت حنان وحب هذا هو الحب وهذه هي المودة التي قال عنها الرسول ولو جاء الوقت لتختار بين المودة والحب فاختر المودة فوالله لن يجرحك من يودك ولكن من يحبك قد يجرحك ويبكيك
اتذكر يوما قال لي معلم بارك الله فيه وأطال في عمره أن الزواج أساسه مودة فقد ذكر الله تعالي في كتابه كلمة الزواج مقترنة بالمودة ( وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ)
اما كلمة الحب فلم تُذكر في القرآن الكريم سوي في آية واحده ولم يكن موضع حميد أبدا بل ذكر الحب في موضع مخالف ( وَقَالَ نِسْوَةٌ فِي الْمَدِينَةِ امْرَأَتُ الْعَزِيزِ تُرَاوِدُ فَتَاهَا عَن نَّفْسِهِ ۖ قَدْ شَغَفَهَا حُبًّا ۖ إِنَّا لَنَرَاهَا فِي ضَلَالٍ مُّبِينٍ)
لذا إن خُيرتِ بين الحب والود
فاختاري الود.......