رواية جوائح الدهر الفصل الثلاثون 30 - بقلم دعاء رزاق.

بِسْمِ اللّٰهِ الرَّحْمٰنِ الرَّحِيمِ
"جَوائِحُ الدَّهْر"
(بقلم الكاتبة: دعاء رزّاق)

لا تنسَوا التصويت والتعليق يا جميلاتي، فكل كلمة منكنّ تمنح القصة روحًا أجمل 🌿

كل ساقٍ سيسقى فالدنيا لا تُبقي دينًا بلا وفاء ولا جرحًا بلا جزاء."

ـــــــــــــ⊰ ـــــــــــــ

يعني ايهاب فطس ؟
أسامه:: أي من يومين ميت بمكانه ومحد يدري بي فترة طويلة ندور عليّ  بالاخير علي كدر يعرف مكانه 

- وين مكانه
- بيت مهجور كاعد بي واكعة هاي علي ميت بمكانه نص السقف واكع ما طالع غير رجليه  الغيابات بالدوام كثرت عليٌ بالاخير مات موته بشعه محد ويا خلي هسه يتحرك حرك

- عرفوا عمامك ؟
- اي عرفوا اليوم الصبح

فاطمة:: منو مات ؟
::- التفتوا على صوتي ثنينهم كام من مكانه اسامه راساً صاح اخوي

- اكعد اكعد وين كمت والحسين اطردك
اسامه:: مرتي يمعود
- ابوك لا ابو مرتك اكعد إصبعها ما تلزمه
- اذكرك قبل شسويت ؟
تذكر من خطفت ام وارث لو لا
وهسه مگدرتك عليه يلا كوم منا أريد احجي وي مرتي

- شنو انتَ تمسلت وماخذ راحتك كوم كوم انگلع يم اهلك لا اكسر الماسحة على رأسك

أسامه:: تعالي فواطم ترديني اروح لو ابقى

::- التفتوا عيونهم عليه رغم جنت مشتاقة الاسامه بي كلت

فاطمة:: بكيف اخوي
أسامه:: وسفه تبعيني علمود هذا العربيد هذا ؟
- يلا مثل ما سمعت شوفنا عرض اجتافك

- انطم وجه الفكر بسيطة ما افوتها الك باجر عكبه بس تصير بيتي اعلمك شلون تجي تشوفه

- تهددني راسك مدوحس امشي الك هاي اذا انطيتها الك ما انطي اختي الخريج سجون

- تاج راسك وراس ابوك اني
-: حسيت الوضع حمه شويه هواي  رحت وكفت بصف اخوي حضنت ايده

فاطمة:: كافي كافي انتَ اخوي وهو خطيبي كل واحد اله مكانته بحياتي وهاي الحقيقه

- هذا خريج سجون اله مكان بحياتج ؟

فاطمة:: طبعاً
اسامه:: يلا انحمس وهاي اعترفت بالسانها تعالي مرتي حبيبتي تعالي

- ابوك لا ابو حبيبتك تعال
::- لزمه واحد يتعارك وي ثاني وهذا شي مو جديد بعيد عن كلام اخوي نظراته وعيونه جانت تحجي شي ثاني بعيونه فرحة غريبة حسيته تعمد يحجي هيج حتى يشوف ردت فعلي..

::- رحت للمطبخ جبت الضيافة واختي واكفه تباوع الهم من فتحت الباب شويه وكام زياد بحجة اجته مكالمه وادري جذاب بس راح التفتلي اسامه كام من مكانه فاتح ايده
بدون تردد حضنته بقوة

اسامه:: اخخخ بوية احترك سلمان
::- ابتعدت عن حضنه رجعت بمكاني وهو كعد بصفي  قربت اله الكهوة اخذها مني وگال

اسامه:: احجيلي شسويتي بغيابي

فاطمة:: ما سويت شي بس أروح للدوام ارجع اكل انام واكعد اقرأ بس ماكو ايشي ثاني

- كلشي تمام يعني ؟
- اي الحمدلله وانتَ
- من شفتج صرت بخير
::-  مد ايده يأخذ قطعة بقلاوة اكل نصها والنص الثاني  قربه الحلكي اكلته منه

فاطمة:: تحجي وي منى ؟
ــ اي احجي البارحة اخر مرة وضعها تمام
- حجيت وياها هم جانت تمام

::- رجع اكل قطعة ثانيه وخلاه النص بحلكي ما أرفض ولا اتردد أخذني الواهس ويا رفعت رجليه تربعت على قنفة نزعت حجابي  وهو عيونه تتنقل على ملامحي

اسامه:: بس تخلصين هاي السنه نتزوج
فاطمة:: تريك الصدك ما حاطة فكرة الزواج براسي أريد اكمل  دراستي بوقتها الله كريم

::- تغيرت ملامحه سكت ثواني وگال

اسامه:: ما اضغط عليج ولا اجبرج على شي التردينه يصير بس افضل شي نعقد عقد محكمة؟؟

فاطمة:: تمام نعقد المهم اكمل دراستي
::- ابتسملي  أخذ كاسه الماي يشرب عيوني عليّ ما رفض ولا علق على موضوع دراستي رغم يعرف كدامنا هواي بعد

- ليش ما جان هيج من البداية بلعت ريگي متوترة اتقربت منه كلش حطيت راسي على كتفه طوقني حاضن اكتافي

اسامه:: افرح من اشوفج مرتاحه بقربي
فاطمة:: خليك هيج لا تتغير أسامه
ابدي حياتك من جديد ابتعد عن الشغل الجنت تشتغلة خلي الماضي والانتقام وغيره وراك منى بأمان هسه وراح تكمل دراستها وحياتها وانتَ صار دورك تعيش حالك حال أي إنسان طبيعي

-: هز راسه ساكت رفعت راسي خازرته

فاطمة:: اسامه وحق امير المؤمنين ادفرك دفره اصحيك على زمانك تعوف تجارة المخدرات والأسلحة لا احطك واخلعك

اسامه:: شو ما تحترميني مو زوجج اني ؟
- وإذا صخامي قابل اخليك تلعب بكيفك والله اسودنك خاف عبالك تره حتى عقل ماكو براسي

- تعالي تعالي منين طلعت هاي صلافة ولج بربوكة

- انتَ البربوك لا تغلط

::- انتبهت على زلة الساني ما حسيت اله لازم شفايفي بيده

اسامه:: تغلطين بعد ؟
- و.   وخر ايدك
- تعديها ؟
- اي
::- قلص عيونه ما عاجبه رجع كرر كلامه
- تعدينها مرة ثانية؟
- اي ونص
- خ***. بيج منى على هذا تعلوم
- لا تحجي عليها لا صدك ادفرك
- تراها اختي احجي عليها براحتي
- اختك صديقتي واختي ما اقبل تحجي عليها حتى لو انتَ اخوها فهمت أستاذ شخابيط

::- تغيرت ملامحه عقد النون
اسامه::  لا دكولين شخابيط  تره نخرب
فاطمة:: ليش عيني تنجرح مشاعرك
- اسكتي اسكتي
- استاذ شخابيط
- اكلج اسكتي
- ما اسكت ابو شخابيط مو زين قبلت بيك محد تقبل بواحد كله شخابيط

- : يباوعلي صفح ما عاجبه ثواني ونرسمت ابتسامه على ثغره

اسامه:: تدرين هاي شكد عزيزة عليه ؟ اذكر
من وشمتهم الي هذيج البنيه الشعرها اصفر وعيونها الزرك وبياضها اففف

فاطمة:: وطولها متر وشعرها يسحل وراها وأهم شي أهلها تروح فصلية
كوم كوم شوفني عرض اجتافك ابو نسوان 

- دقيقه بس...

- لا دقيقة ولا هم يحزنون كوم   الشخبطت عليك تفيدك بنسبه إلي ما أخذ واحد سريري

::- حط ايده على حكي يحجي بسرعة
اسامه:: دخيلللللكك ربي شبيججج انهديتي عمي اشاقه وداعة منى ولد مو بنيه رحمه للكائنات شبيج اليوم شنو هاي صلافة والعرامة 

:- خزرته ابتعدت عنه كمت وكفت كدامه وكلت
فاطمة:: يلا كوم روح لأهلك
اسامه:: جني اشم ريحة حرك
- لا ماكو
- شو تعالي خلي اشمج جنها الريحه طالعة منج
- هههه هههه ضحكتني عليمن احترك بالله يلا عزيزي  روح لأهلك

::- كام من مكانه ابتعدت خطوتين ألتفت يباوعلي يمين ويسار بسرعة سحبني يبوسني بسرعة دفعته

فاطمة::  عزاااا بعينككك
اسامه::  حلالي يابه حلالي
::- رجع باسني بخدي وابتعدت اخذ السويج وطلع طلعت ورا امشي والبس حجابي حضني بقوة والتفت طلع بره أول ما فتح الباب صار مقابيلة ابن عمي رأسا صاح طط

اسامه:: ها لك شتسوي هنا
::- خزره وگال

كرار:: جاي البيت اختي شعليك انتَ؟
- خلي يشوفك زياد هنا يطلع الك جلد جديد
-  ما يخوف جلبي
-  منينك جلب وانتَ جلب
::- فتحت عيوني مصدومة بغلطهم آخزر بإسمه اريد يسكت ولا يسكت وهذا كرار  انحمس من يمه لحد ما راح اسامه فات للطارمه طلعله وارث يركض   راحوا ثنينهم وسما تباوع عليهم من شباك  فتت جوه بس شافتني كالت

سما:: شبي زوجج وي كرار ؟
فاطمة:: شمدريني اخوج يغلط واسامه يغلط اضن سوالف زياد هاي

::- هزت راسها تضحك  لملمت المواعين غسلتها وفتت للغرفتي  مشت الايام واني مركزه على دراستي كل فترة يجي اسامه يبقى كم ساعة ويروح  وهجَ وغفران صرت اشوفهن بشكل مستمر بالجامعة علاقتي قوت أكثر بيهن لدرجة حتى من نرجع للبيت نبقى نحجي مكالمه ساعات   حياتي رجعت طبيعي واحسن من قبل بهواي هم..

::- اخذت جنطتي وطلعت صعدت وي أحمد يأخذني للدوام وصلني وراح القسمه كملت اول محاظرتين وطلعت أخذت شي اشرب ومثل كل مرة أروح للمكان الي نلتقي بي إني وغفران واني أمشي

شفت راجح واكف بعيد عيونه على غفران الي واكفه تحجي وي احمد 
نظرته الهم غريبة عيونه بيها هواي حجي  غمض عيونه كأنه متوجع  رفع ايده يضغط على راسه  ألتفت يريد يروح شافني كدامه نزل ايده بسرعة ورجع طبيعي  ولا عبالك بي شي گال

راجح :: اهلاً فاطمة محتاجه شي ؟

فاطمة:: اهلاً بيك دكتور لا سلامتك بس بيك شي ؟
- لا بس صداع خفيف اشرب جاي اصحصح
رايحه الغفران ؟
- اي رايحه إلها

::-  التفت يباوع عليهم 

راجح:: واضح مشغولة هي
-  اكدر احجي وياك طبيعي اقصد بدون دكتور وغيرها ؟

- اكيد مرت أخوي أنتِ
::- ابتسمت اله كتله
فاطمة:: هذا شخص اعرفه حق المعرفة لأنه من عائلتي وصدكني يا راجح مستحيل يفكر بيها بطريقة مو حلو واذا جاي يحجون يمكن لان همه نفس القسم ودا يتناقشون بينهم

راجح:: مو مهم فاطمة
- واضح اقصد اي مو مهم زين خلي انطيك نصيحة من اخت الاخوها
- اسمعج
- ولو هي صديقتي بس  اليوم اختك اني  حاول تخليها تغار الفت انتباها بهاي الطريقة وصدكني شويه شويه راح تبين مشاعرها

::- سكت صافن بكلامي نهيت كلامي ورحت ممكن السويته غلط بس الصالحهم هي تخفي مشاعرها وهو عباله ما تهتم بي بس واضح واحد يحب الثاني  اتقربت منها كعدت اترخص احمد وراح التفتت الها وگلت

فاطمة:: ما عبالي الكاج هنا اليوم
غفران:: ليش ولج ؟
- مو من اجيت شفت دكتور راجح وي هاي الدكتورة نسيت اسمها

غفران:: هاي المطيه ؟
- اي اي هي جانوا يسولفون ويضحكون كلت غفران تضوج منها مو معقولة تجي

غفران:: ها لا عادي أصلا بس وينهم همه هسه ؟
- شفتهم رايحه باتجاه غرفة الدكاترة

::- احجي وعيوني تراقب ردت فعلها حتى نبرة صوتها تغيرت التفتت تباوع ما شافت احد رجعت گالت

غفران::  مو مهم شلونج انتِ

::- لزمتني الضحكة حتى نفس الكلام
حاولت بكل الطرق أثير غيرتها وبنفس الوقت اخليها تتقرب منه لحد ما خلص دوامي واني بالي يمهم رجعت للبيت نمت بدون أكل للمغرب كعدت اكلت وبليل اتصلت عليها احجي وياها فتحت الخط  تحجي بس صوتها يرجف عدلت كعدتي وگلت

فاطمة:: شبي صوتج ؟
غفران:: فاطمة جوائح م.........
::- أثناء كلامها  سمعت صوت صرخه ومن خلال الصوت عرفتها جوائح الي تصرخخ........

ـــــــــــــ⊰ ـــــــــــــ

خليت آخر قطعة من ملابسي سديت الجنطة
التفتت عليّ

وهجَ:: ليش صافن اخذهن

علي:: شني شو تردين تروحين بسرعة
ايڤار:: تريد تخلص منا

- الصبر ياربي يمعودين شبيكم تراني مو بعيده عنكم وهسه مابيه ابجي أخذوهن يلا

::-  شال الجنط مالتي وايڤار اخذ مال رحمه التفتت على حمزه وايان كاعدين سوه وعيونهم عليها بس اجت عيوني عليهم رأساً التفتوا يسولفون  مشيت وكفت كدامهم گلت

وهجَ:: سوالي مكان
::- وفعلاً سوالي مكان بنصهم كعدت بينهم 
- تحبوني ؟

حمزه:: لا
ايان:: اي
:- خزرت حمزه وكلت بحده
وهجَ:: تحبني ؟
- لا
- تحبني ؟
ايان:: كول اي وخلصنا
- اي احبج بس اسكتي
- خوش مادام تحبوني ليش ما ضايجين على روحتي ؟

ايان:: منو كالج ما ضايجين ؟
حمزه:: تردينا نكعد كدامج ونلطم ؟
- تسون فضل حتى أعرف منو ضايج أكثر
::- ضربني بخفة ايده على خدي حضني ايان الصدره حيل واني اغمز الحمزة آخر شي مد ايده يحسبني من حضن ايان ويكول

حمزه:: مصختها كافي تعالي انتَ
::-  حضنته وابتعدت عنهم لا يتعاركون لان ايان وحمزه بينهم  غيره واحد يغار من ثاني
ايڤار  خله اغراض رحمه بسيارة انمار وعلي خله أغراضي بسيارة وسام  باوعت على رحمه صافنها اتقربت منها

وهجَ:: وين صافنه ؟
رحمه::  مادري
- شنو ماتدرين غير صافنه تفكرين بشي ؟

- اي هسه اني وانتِ راح نطلع  غفران فاهيه وجَلنار واخواتها اضرب من غفران ماعدا جيهان ذكية هاي جوائح وضعها ما يعجب

-  بالعكس غفران مو مثل قبل ذكية وتعرف  تتصرف يمكن ما شفتي شنو سوت بفترة خطوبتي وي اهلي ولا شلون خلت جَلنار وأخواتها يأخذون حقهن صدكي تغيرت

اما عن جوائح هاي دكوم وتوكف على رجلها هي صعب تستوعب الصار بسهولة لان متوقعت يصير هيج من البداية لا تفكرين بشي الجاي أفضل أن شاء الله

::- ربتت على كتفها ورحت يم امي احجي وياها ما خليت شي يعتب عليه اخر شي طلعت للحديقة  لمحت انعام واكفه تحجي وي  ولد عمامي اتقربت منهم أستمع الحديثهم

راجح:: هذا الموجود ما عاجبج ارجعي البيت ابوج

أنعام:: ياعديم تربية هو شترجة من واحد بفاتحة اخو ما وكف ولا وأحد منكم راح الله لا يوفقكم

علي:: خلصتي أمشي غطي راسج ونامي

راجح:: دقيقة علي اسكت كلتلي ماوكفت بفاتحة اخوي ماعندي اخ أصلاً  وهذا الگتل روح ويتم طفل وكسر گلب إخوانه ويتمهم كلهم ما ينحسب منا وحق أمير المؤمنين لو ما ميت اني اكتله بيدي

علي:: وخلي براسج شغلة الصار بي حوبة اخوان فرات وابنه مو بس مات ايهاب كلها عرفت بشنو متورط وأعماله الوصخه شنو  مات وانفضح  وكل المتورطين بشغل ايهاب وسرحان راح يتحاكمون وانتِ جايج السره هم

::- رفعت ايدها تصيح بأعلى صوتها وتدعي  اسامه كاعد على حايط يكرز حب ويضحك واخو أنمار يسحب حب من أسامه ويكرز ويا ضحكت وفتت جوه خليهم  يضحكون عليها

من يوم رجعت علي عرفت ايهاب متوفي بطريقة بشعه وبسبب التحقيق باختفاء ايهاب كشفوا كلشي يخص أعماله الغير قانونية وي ولد سرحان وبسبب هذا شي الكل صفه بسجن وانفضحوا هذا شي ما أثر علينا لان كلها تعرف ابوي وكم واحد من عمامي مبتعدين عنهم والحمدلله  الله كشفهم كلهم ولا حق فرأت ضاع ولا حق شخص منا او من الماتوا بسبب ولد سرحان ضاع الكل انخذ حقه

وهنا نكدر نكول
الـحـوبــه تـبـطـي بـس مــا تــخـطـي

اخذت نفس براحة  صح ما خلوا أحد يعرف ايهاب بسبب موت فرات علمود وسام وطيبة بالاخير انسد الموضوع..

رحت الغرفة زهره  اول ما فتت صارت رحمه كدامي كالت

زهره:: تعالي خايبه هسه ردت اصيحلج

وهجَ:: خير زهيران خير

زهره:: قبل لا طلعن تذبن الاسود ولا وحده تبقى لابسته التفتوت البيت زوجها لابسه أسود اكسر رجلها هسه تذبنه حتى رجولجتن كتلهم حجي زايد ماريد فهمتن

وهجَ:: ما اذبه شسالفة
رحمه:: واني هم
:: شالت العكازه شمرتها علينا
زهره:: وام الحسن اكسرها عليجن ولجن مو زين عليجن تذبنه لا حضجن اطيحه

::- اردد بيها وهي ما تحجي بحركة خفنا عليها وسكتنا كمنا طلعنا ملابس ذبينا الاسود بس احسني استحيت من وسام  بليل قبل لا نطلع باوعت على كنتور غفران سحبت حجاب منه وكفت على مراية حطيته على راسي شافتني گالت

غفران::  عزااا شو باوعيلي

::- التفتت الها
- عزا عزا يموت عليج لا تنزعينه البسي عليج الله

::- هزيت راسي بمعنى أي فعلا صار فترة بالي واليوم   اخذت قرار البسه بقناعة تامه لبسته وغفران ساعدتني   مجرد كملت نزلت بس شافوني من صدمتهم  ضلوا صافنين لزكت برحمه لحد ما سلمنا وطلعت ردت ابجي ماكدرت امداني أي والله

صعدت بسياره ورحمه بسياره وأبوي عمي يحجون وي انمار وسام سويت نفسي عاقلة وهادئة   صعد وسام بصفي ساق سيارة التفتيلي يباوعلي

وسام:: زادج جمال أن شاء الله تلتزمين بي

وهجَ:: أن شاء الله واعتذر لأن ذبيت الاسود زهر....

::- قطع كلامي وكال

وسام::  اني طلبت منها تخليج تذبينه واني الاعتذار منج طلعتي من بيت اهلج بدون عرس و...

وهجَ:: دقيقه لا تكمل العرس مو مهم ونكدر بغير وقت نسوي بس لا تعيد كلامك هذا لأن يضوجني 

::- لزم ايدي بيده ضغطت على ايده ابتسم عيونه على طريق ساكت بس بداخله هواي حجي  والتعب واضح على ملامحه  التفتت اباوع على طريق وبداخلي هواي أسئلة

وسام يعرف مايصير عندي اطفال  او لا ولو اكيد ما يعرف منو يكله قابل ما اعرف شنو منتظرني بحياتي الجديدة 
وصلني والتفت

وسام:: هذا بيتنا الجديد وهذا ثاني بيت أخوي
::- كال آخر كلمه والغصه بصوت تكسر الگلب نزلنا مديت ايدي الزم ايده  حضن ايدي مشينا سوه لحد ما دك الباب فتحته طيبة  دخلت للبيت سد الباب هو 

طيبة:: أهلاً بيج بيتج مرت اخوي
::- ابتسمت إلها ماعرفت شنو ارد توترت رغم اعرفهم بس كلشي غريب بوقتها حتى احساسي

::- أخذتني تشوفني البيت واني اخذ وانطي وياها بالكلام لحد ما وصلت الوحده من الاغرف گالت

طيبة:: وهاي غرفتكم

::- فتحت الباب ودخلت فاتت ورأي هي اول ما حطيت رجلي بالغرفة  حسيت بشعور غريب 

وهجَ:: شوكت جابها ؟

طيبة:: قبل عقدكم اختارتها امج وقبل يومين جابوها رتبتها اني وجيهان والباقي يمج 

وهجَ:: شكرا حبيبتي تعبتج
::- هزت راسها مبتسمه اترخصت وطلعت سمعتها تحجي وي اخوها التفتت مركزة بتصميم الغرفة  أخذت نفس بمجرد انفتح الباب صدت عيونه عليه سد الباب اجتني لحظة إدراك صار زوجي  رفعت حاجبي

وهجَ:: دقيقه احنا زوج هسه ؟
وسام:: زوج
- اي يعني اني وانتَ زوج
::- زفر نفس مد ايده على دكم قميصه وگال

وسام:: قصدج متزوجين  كلمة زوج يعني  ينضحك علينا خلي يسمعج أحد تحجين هيج نصير مضحكة لأمة محمد
- اهاا فهمت مو قصدي لا تخاف محد يعرف

:: درت وجهي عنه من فتح دكم قميصه   شمر القميص على جرياية راح باتجاه الكتنور ماعرفت شنو اخذ منه لان دايره وجهي

وسام:: راح اسبح
وهجَ:: تمام راح اطلع يم طيبة

::- سمعت باب الحمام انسد طلعت من الغرفه بسرعة حطيت ايدي على گلبي  رحت يم طبية كاعدة بصالة تقرأ كتاب

وهجَ::تعشيتي ؟
طيبة:: اي جيرانا جابتلي أكل واكلت
- عافيات
- الله يعافيج محتاجه شي ؟
- لا بس اجيت يمج
- تعالي اكعدي بس ليش لابسه مانزعتي الحجاب
- يااا ولج نسيت
-: نزعته بسرعة كعدت بصفها

طيبة:: اكلج اليوم الصبح اجه واحد نفسه الشفته بهذاك اليوم

وهجَ:: ياهو؟

- انسى أسمائهم من كثرهم واخربط بينهم بس هذا الي لابس اسود وعنده شامه بداخل الفص البيض

::- رفعت حاجبي مستغربة
وهجَ:: علي اخوي هذا شبي ؟

طيبة:: اجه الصبح بدراجة ودخلها داخل الكراج ولم اطفال المنطقة بيتنا اكله راسي يوجعني يكلي امشي تغطي ونامي

- ههههه هذا وين ما يروح هيج يسوي  اني أحاجي لا تخافين

:- ضلت تشرحلي شمسوي واني لازمه ضحكتي  لحد ما نعست كامت تنام طفت الإضاءة  فتت للغرفة لمحت وسام نايم على ضهره وأيده جوه راسه غافي فتحت الكنتور بهدوء طلعت  بجامه وتشيرت دخلت الحمام بدلت وطلعت حطيت مرطب وعطر  تردد انام بصفه مشيت باتجاه القنفة شهكت من گال

وسام:: تعالي نامي هنا
وهجَ:: يمه بسم الله خلستني
- مو قصدي يلا تعالي نامي بصفي

::- ما عاندت رحت  عدلت المخده تمدتت واحس جسمي متشنج   ضليت ثابتة ما تحركت بس تحرك هو راساً تحركت ردت اوكع من جرباية لزمني بسرعة

وسام:: الله الله شبيج شاردة لو واكعة استغفرالله

وهجَ:: خليني انام هناك
-  ما اسويلج شي لا تخافين اخذي نفس رخي نفسج ونامي براحتج لا تتقيدين.

:: بلعت ريگي متوترة   ابتعد سوالي مكان انام بي وغطاني نام على بطنه  ودار وجه عني حتى أخذ راحتي  طول الليل ضليت كاعدة ماكدرت انام نص الليل فتحت تليفوني  لكيت رسالة من رحمه  كاتبه...

- كاعدة ؟
-: كتبت
وهجَ:: اي ماكدر انام وانتِ؟
دقايق وردت عليه

رحمه:: هم ماكدر انام متعودة انام بدون هوستچن

- ولا اني ماكدر انام بدون رزالتج
-  تتعودين ميخالف المهم زينه انتِ؟
- اي زينه
- تمام نامي لا تضلين كاعدة
::- نهيت المحادثة طفيت تليفوني  سويت مثل حركته ونمت على بطني وما حسيت على نفسي شلون ما كعدت غير على صوت تليفونه رفعت راسي اباوع اله خله تليفون صامت التفتلي يباوعلي

وسام:: ارجعي نامي
وهجَ::  ادوام اليوم ؟
- لا باجر  

::- رجع حط رأسه على مخده  كملت نومتي وما كعدت لحد اذان الضهر كعدت طفرت من مكاني بسرعة غسلت وطلعت   مالكيت طيبة بصاله مشيت للمطبخ شفتها كاعدة وكدامها جهاز السكر وعلاجها بس شافتني كالت

طيبة:: صباح الخير
- صباح النور حبيبتي ليش ما كعدتني ؟
- وسام كال لا تكعدينها خليها نايمه

- تمام خلي اصلي واجي اسوي أكل
- لا كال لا طبخون ايشي
- بعد احسن مابيه اطبخ
-: رحت توضيت وصليت بدلت ملابسي خاف يجي واحد من اخواني او ولد عمامي رتبت نفسي اخذت شال احتياط من طيبة خليته يمي  بس  سمعت صوت باب البيت رحت بسرعة فتحت الباب لمحته دخل يمشي وبيده أغراض هواي بس شافني ابتسم

وهجَ:: صباح الخير
- صباح النور حبيبي

::-  انسطرت سطرة الصخل بس  سمعت آخر كلمه نطقها اخذت الأغراض منه رحت للمطبخ وهو ورأي يمشي  حضنه اخته يحجي وياها  وراح يصلي بين ما كمل رتبت الأكل على الميز خلص كعدنا كلنا  طول وقت الاكل افتح مواضيع وياهم حتى يسولفون وكدرت اخليهم يندمجون من اول يوم حاولت ارجعهم طبيعي

وهيج مشت الايام رجعت الدوامي وهو كذالك وبوقت الدوام طيبة تروح يم جيرانهم مرة جبيره بالعمر ماكو احد يمها غير حفيدتها وسام يعرفهم حق المعرفة لهذا يخليها تروح

وطول الخمس اشهر المرت علاقتي بوسام سطيحه نتعارك نتشاقة وما حاول يجبرني على شي او يضوجني كل جمعة أروح الاهلي وارجع بليل وطيبة وياي بدون شك أيامنا هادئة نوعاً ما وبيوم الرجعت من دوام  نزلنا اني وسام طلعت طيبة من بيت الجيران بيدها باقة ورد واكياس كرتونية

اتقربت منا گالت

طيبه:: وأخير اجيتوا شوفوا هذني

وسام:: منين هذني ؟

طيبة:: اجتي مره بغيابكم بس شفتها باب بيتنا طلعت سألتني وينكم كتلها بالدوام كالت لعد بس يجون انطيهم هذني او وصليلهم سلامي

وسام:: شلون تاخذينهم منها عرفتها منو ؟؟؟

طيبة:: اي كالت اني مرت عمكم
وهجَ:: يا عمي ؟
- اصبري أذكر كالت مرت مهند

::- عقدت حواجبي مستغربة التفتت اباوع على وسام تغيرت ملامحه باوعلي وگال

وسام:: مهند تعرفينه ؟
وهجَ:: سامعه بي بس ما شايفته ومرته منين عرفت عنوان بيتنا ؟

- خلونا ندخل جوه نتفاهم
::- دخلنا جوه كلنا نزعت حجابي  كعدت على قنفة گال

وسام::  يمكن أخذته من اهلج
وهجَ:: شو انطيني خلي أشوف ؟

::-  اخذتهن من طيبة فتحت الكيس الأول  بي علبة حجمها وسط  بداخلها  كلادة ذهب وبالكيس الثاني علبة صغيرة بيها أسوار ذهب مجرد شفته فتحت عيوني بصدمة  عفته

وكمت الغرفتي بسرعة فتحت المجر دورت على أسوار الثاني  بس لكيته أخذته وطلعت  حطيته بصف الأسوار الجابته

وهجَ:: نفس التصميم بس الحجم يختلف ؟
طيبة:: هذا مالتج ؟

- اي من جنت صغيرة جنت لابسته ومن كبرت ما صار على ايدي نزعته وضميته وهذا الجابته مرت مهند نفسه تماماً بس حجمه أكبر

:- رفعت عيوني على وسام ساكت وماكو اي ردت فعل بوجه   مافهمت شلون جابت مثله ولا فهمت ليش اجتني اصلا شلتهن خليتهن بالغرفة وما لبستهم    غلست على موضوعم  ثاني يوم  كعدت الصبح  ولان عطلة  وسام راح للنجف وأخذ طيبة ويا

:- اتصلت على غفران ما جاوبتني اتصلت على علي اول ما فتح خط كال

علي:: تدرين شصار ؟
- بسم الله بعدنا ما گلنا اسم الله شكو
- استبرق بالمستشفى أخذوها بليل
- احلف ؟
- والله
- خرب تكدر تجيني تأخذني ؟
- لااا خارج بغداد اني
- سديت المكالمة بسرعة ما اجت بالي غير جوائح اتصلت عليها اول ما فتحت كتلها

وهجَ:: جوائح ما تجين تاخذني ؟؟

- وين اخذج ؟
- يعني وين للمسشفى حبابه
- تمام طالعة اني راح أمر عليج

::- نهت المكالمة طفرت بسرعة بدلت  بعدني البس حجابي سمعت صوت سياره كملت بسرعة ونزلت اركض صعدت بصفها الهث

وهجَ:: يلا خلينا نروح بسرعة
جوائح:: اكو واحد يركض هيج شبيج
- ولج تحمست اخذيني

:- ساقت سياره واني اسولف وياها منطلقة بس وصلنا للمسشفى نزلنا بسرعة لمحنا ايان كاعد ومنزل راسه بالكاع وراجح لازم كتفه  ورحمه وغفران واكفات سوه بس شافتنا اجت باتجاهنا كالت

رحمه::  طلعتي من البيت صلوات
جوائح:: مو وكتج رحمه وينها استبرق ؟

- حولتها عمتي نيرمين للعمليات ولادتها خطيرة لان مو طفل واحد 

وهجَ:: شكد صار الها جوه ؟

- هسه قبل عشر دقايق دخلت

:- كعدت بصفهن ايان يهز برجله متوتر وما رفع رأسه شويه واجه ايڤار  كلنا متوترين بس مادام امي الي تسويلها عملية الوضع مريح نوعاً ما

::-  شويه وكامت رحمه من مكانها راحت بسرعة لحكتها جوائح كمت وراهن لان فضولي قاتل دخلت للحمامات رحمه   شويه وطلعت وجها احمر على أصفر 

جوائح:: بيج شي ؟

رحمه:: لعبت نفسي  معدتي توجعني

وهج:: ماكله شي ؟
- لا من الفجر هنا بس شربت جاي
- هنا السبب تعالي اطلعي بره تنفسي وإني اجيبلج شي تاكلينه

رحمه:: لا ماكدر بس اريد ماي

::- طلعت من المستشفى كعدت بره  الوجه اصفر أيدها على حلكها   خلينها كاعدة رحت وي جوائح نجيب إلها ماي وشي تأكله

واحنا نمشي وكفت جوائح تباوع على شخص واكف يحجي وي وحده فتح الها بطل الماي يشربها  نظراتها  غريبة حتى ملامحها  ألتفت الولد صدت عيونه عليها  بسرعة دارت وجها وگالت

جوائح:: امشي
- منو هذا ؟
- مادري شبهت علي
::- دخلت جبت  اكل وهي جابت مي وعصير الها طلعت لكيت نفس الولد واكف يحجي وياها وهي ما تباوع اله بس شافتني گالت

جوائح:: اترخص منك

:-  مشت بسرعة لحكتها  كعدت تشرب رحمه ماي  خليتهن سوه بره دخلت جوه كعدت يم غفران الي تقرأ  آيات قرآنية وتدعي

::-  ورا شويه اجن جوائح ورحمه كعدنا ننتظر نص ساعة تقريباً   انفتح الباب طعن ثلاث بنات من غرفة العمليات شايلات بيدهم ثلاث اطفال  ما خلوا أحد ياخذهم گالت

- لازم ندخلهم للحضانة
::-  راحت وياهم غفران ورحمه ايان ما تحرك دمعت عيوني  اجه اليوم إلي اشوف اطفال أخوي

::-  سأل ايان عن وضع استبرق كالوا تحت السيطرة   اعرف شكد مر وقت لحد ما طلعت امي من الغرفة العمليات   راحلها ايان بسرعة وهي مبتسمه مدري شكالت اله دخل للغرفة باوعت عليه گالت

نيرمين:: مو كلكم دخلون  شخصين او ثلاث اشخاص

:-  باوعت على جوائح هزت راسها بمعنى ما ادخل هسه   دخلت إني وراجح راح يصيح غفران مجرد دخلت صدت عيوني على ايان مدنك يبوس استبرق برأسها وايده على أيدها
وكفت اباوع عليهم دقيقه ودخلت غفران حمحم راجح ودخل  انتظرنا ايان يبتعد ومجرد حجه وياها گالت

استبرق:: اخخخ يمه اريد ا..

::- سكت ثواني ورجعت تحجي

استبرق:: ايـ.    ايان

- عيونه
- اخخ ابو نسوان ابو البرا***

::- رأسا حط ايده على حلكها يسكتها  كال

ايان:: عيب حبيبتي  

-  اشش ابو نسوان
غفران:: استبرق استري علينا

استبرق:: ها لج وين هذاك راجح وينه
السريري

- كافي استبرق
- اش ما مو كافي هذا سريري جان حاط عينه على غفران يحبها يريدها الجلب شفته بعيني يبو***

::- حطت أيدها على حلكها غفران تسكتها وهي تحجي بس وخرت أيدها كالت

- يوميه يجيني يسأل غفران وغفران تعبني شكد يحجي اكله ما تريدك هو لاطش كرامة ماكو عنده

الممرضة::  ههههه وينه هو راجح ؟

راجح:: ماموجود ما نعرفه

:-  فلتت ضحكة مني بس سمعت صوته صاحت استبرق

- ها لك ك*** سدوا حلكها بسرعة وراجح طلع من الغرفه فاتت جوائح تباوع گالت

- شبيكم ؟

استبرق:: جوجو اخخ جوجو رجع عهد رجعو مو
- اي رجع
- اي رجعه السيد رجعه

::-, فتحت عيوني بصدمة خرب حضي شلون كتلها اني خرب حضي أي والله

جوائح:: يا سيد ؟
استبرق:: السيد كال هنا انتِ ما رحتي بعيد وصدك حجيه طلع خوش سيد 

ايان:: يا سيد هذا ؟

استبرق::  انجب

::-  ضحكت جوائح طلعنا ايان من الغرفة كلنا حتى هو ضلت امي يمها  ما رفعت عيوني من الكاع من الخوف والله إذا تحط اسمي انسحل ذهاباً وإياباً

كعدت بصفي جوائح ساكته ورا شويه دخل ايان رحمه اجت تمشي بهدوء وضعها مو تمام
ضلينا للمغرب وياها صحت وضعها تمام والأطفال كذالك رجعنا البيت اهلي اول  دخلنا للبيت  راحت جوائج الغرفتها  غفران ضلت جوه صعدت ورا جوائح فوك لكيتها واكفه بنص الغرفة  تباوع بكل الزاوية

وهجَ:: شبيج ؟

جوائح:: الغرفه بيها ريحه مو طيبه

- لا بالعكس بيها عطر طيب

::- التفتت الي لزمت راسها تحجي بصوت عالي

جوائح:: جاي اكووووول الغرفة بيها ريحه

- فهمت فهمت لا تصحين على كيفج
تعالي الغير غرفة

::- زلمتها اخذتها الغير غرفة  عهد نايم يم جهيان بس شافته كشولت عليّ

::- مددت على قنفة استغربت وضعها حسيت أكو شي مو تمام خليتها وطلعت أول ما طلعت صارت كدامي انعام

- شبيها اختج تصيح ؟
- شعليج بيها لا تدخلين
- ؛ خزرتني وراحت دردم فتت الغرفة جوائح كل ريحه ماكو بيها بس ريحه العطر قوية  طلعت كل العطور الموجودة فتحت الشباك ونزلت جوه كعدت بصاله ما حجيت وي احد مالي خلك  عمتي زهره مستلمه البيت وجَلنار وياها تفتر

حسب كلام ايڤار عقدوا عقد محكمة وهو منعها تنزل الطفل علاقتهم سطحية بس هو لان احتوها واهتم بيها وبخواتها ارتاحت ويا كل أمورهم تمام

::-  نص الليل كعدت على صوت صريخ جوائح صعدت اركض شلون وصلت مادري رجليه ترجف لكيتها نايمه وتصرخ بصوت عالي وترفس برجليها لزمها ايڤار كعدها فتحت عيونها  جسمها يرجف وعيونها حمر باوعت على عهد إلي يبجي بس شافته صاحت

جوائح:: طلعواااااااااا مناااا ماريدهه

ـــــــــــــ⊰ ـــــــــــــ

-: صعد بسيارة أخذ نفس وگال

انمار:: بعد الصبر  اجه اليوم الخليج بيتي

رحمه::  رغم الظروف ضدنا

- ميخالف اهم شي احنا سوه

::- حرك سياره رجعت ضهري  منتجية زفرت نفس فتح جامة سيارة كفختني نسمات الهوى غمضت عيوني براحه بعد سنوات طويلة   
نجمعت وي حب طفولتي..

::-  مسافة طريق او وصلنا البيته محد موجود بي فتح الباب دخلت هو راح يجيب باقي الأشياء الموجودة بسيارة  نزعت الصايه والحجاب  بس دخل سد الباب گال

انمار::  اول مره احس روحي داخل البيتي صدك احتركت روحك سرحان

رحمه:: لا تذكرني بي روح غسل او تسبح بكيفك

::- اتقرب طبع بوسه على خدي وراح   رحت للغرفة الي هي غرفتنا  اخذت جوله على كل الغرفة بس طلع انمار    طفه الضوه  سحبني من ايدي تمدد فتحلي ايده حطيت راسي على ايده لمني بحضنه وگال

انمار:: احلى نومه راح انامها بحياتي كلها

::-  ضحكت على كلامه حجينا كم شغلة مو مهمه للذكر بعدها نام ضليت كاعدة للصبح بدون انام اول يوم وثاني يوم ماكدرت اتوعد على غياب اخواتي اليوم الثالث 
أتأخر وما رجع للبيت   من قل النوم والتعب نمت  حسيت على لمسات خفيفه
فتحت عيوني   لمحته قريب مني لدرجة ماكو أي شي يفصلنا  

أنمار:: اتاخرت عليج رحمه گلبي
-: ما جاوبته  طبع بوسه على جبيني ابتعد عيونه تتنقل على ملامح وجهي   غمضت عيوني على إثر لمساته

ابتعد عني  سحبت الغطه  على جسمي
حتى راسي غطيته سمعت صوت ضحكته گلت

رحمه:: انمار والله اكتلك
- اول مره اشوف مستحية تدرين ؟
- وآخر مره
::-  ضحك بصوت اعلى
بس طلع كمت سبحت  وبعد ما نمت ضليت ادقق بشغلي للصبح طلعت للمحكمة وانمار مشغول بشغلة مرت الايام والأشهر بهدوء وسلام كل ما يلتحق ابقى بيت اهلي ومت يرجع ارجع البيتي مع مرور الأيام لاحظت صحتي تعبت

ونفسي ما تتقبل ايشي واتحسس من أتفه الأسباب وضعي تغير كله بعد ولادة استبرق جنت مقرره احجي وي عمتي نيرمين بخصوص وضعي بس مجرد شافتني كدامها گالت

نيرمين:: شبيج رحمه ؟
- معدتي توجعني عمه

::- ركزت بوجهي  نزلت عيونها تباوع على بطني ضحكت وگالت

نيرمين:: حبيبة عمتج وضعج واضح وضوح الشمس بس ينزل زوجج أخذي وروحي سوي تحليل حمل..

- تحليل حمل!
- اي ولو واضح عليج

::- مسدت على ضهري وراحت ضليت مسطورة دمعت عيوني بدون ما احس
  طلعت بره كعدت بالحديقة فتحت تليفوني اتصل على انمار انفتح الخط دخل مسمعي صوت بنت باوعت على التلفون أتأكد إذا متصلة على رقم انمار وفعلاً رقمه والرد عليه بنت.....

ـــــــــــــ⊰ ـــــــــــــ