تحميل رواية جوازات معقدة بقلم مريم سمير pdf

_تتجوزيي! ماما انتي عارفه انتي بتقولي اي؟ بنتك عروسه وعاوزة تتجوزي !

=مش من حقي اعيش ايام حلوة؟

_انا عارفه إن بابا كان قاسي عليكي اويي ، الله يرحمه ، بس ..

=بس استحملت عشانك ، أنا معتملتش حاجه واحده من الي نفسي فيها ، اتجوزت غصب ، عشت حياتي كلها ساكته عشان ميكونش اسمي مطلقه ، رضيت علي نفسي الذل عشان متتحرميش من ابوكي وهو عايش ، كتير عليا ؟ اتجوز الي بحبه ، كتير؟

_هو انتي بتحبيه !!

=كان صاحب اخويا ، الوحيد الي حبيته في حياتي ، بس ابويا واخويا الله يسامحهم مرضوش ساعتها عشان كان علي قده

_انا اسفه يماما ، أنا موافقه معتيش تعيطي

حضنتني = انتي الحاجه الحلوة الي في حياتي والله

ضحكت _هبقي أنا وعمو ، صحيح اسمه ايي؟

=جاسر

_وهبشتغل أي ؟

=ربنا فتحها عليه وعنده شركه دلوقت ، وضبي حاجتك هشام العربيه جايه تاخدنا كمان نص ساعه ، هيبقي احكيلك كل حاجه علي رواقه

ابتسمت وطلعت ، عمري مشوفت امي سعيده كده ، كان لازم اوافق ، مكنش ينفع ابقي انانيه مع الست الوحيده الي حبتني في حياتي ، والي كانت بتاخد الضرب كله لما بابا يكون عاوز يضربني ، كانت ومازالت أعظم واقوي ست شوفتها في حياتي

حضرت هدومي وجت عربيه خدتنا ، كانت عربيه كبيره واوعا العز ، ربنا يزيد أنا مبقرش

وصلنا قدام فله جميله وكبيره وتخطف العين اول متشوفها ، وقعت في غرامها من اللحظه الاولي من كتر مهي مبهرة !

دخلنا وسمعنا صوت زعيق من شاب

_هتتجوز يعني اي! انت شكلك كبرت وخرفت

*أنا حر اعمل الي انا عاوزه

_لا مش حر ، انت عاوز تتعالج في مصحه عشان ترجع لعقلك تاني !!

كان بيزعقله وكان عمو مش عارف يرد عليه ، قلبي وجعني اوي ودمعت من كتر القسوة

=انت قليل الادب وعيل مش محترم

_ايي؟ بتقولي ايي!

=الي سمعته يروش ، دا ابوك يعني لو قلت الجذمه واداك بيها مينفعش ترفع عينك فيه ، انت متربتش يلا من الاخر

_انتي ازاي تتجرئي وتتكلمي كده ، ومين الي دخلك هنا اصلا ، ابراهيم تعالي شيل الزباله دي من قدامي

=ولا ولا مش عاوزة ازعلك

*أميرة ، دي اكيد مريم

°ايوة ، ازيك يجاسر

_جيب اتنين لمون ؟

=اه والله أنا شايفه انك تهوينا خالص عشان اللحظه دي مش طلباك خالص

شديت ماما وقعدتها علي الركنه وقعد قدامها عمو وسبتهم يتكلموا ورجعتله

_هي دي بقي الي ضحكت عليه وعاوزة تتجوزه؟

=لا صحح معلوماتك ، الراجل الي بيعوز يتجوز الست مش العكس يا ابو المفهوميه

_علي جثتي الجوازه ديي تتم

=خلاص نقتلك !

_ايي!!

=اي؟

_اطلعي برا

=لما يبقي مطرحك ابقي اتكلم ، انت شكلك لسه بتاخد المصروف من بابي لحد دلوقتي ، صح يكوكو

رفع أيده ف مسكتها ولوتها =لو فكرت ترفعها تاني هكسرهالك

_اه سيبي أيدي

=وجعتك صح؟ نتلم بقي احسنلك

سبت أيده ف طلع مسدس من جيبه

=احيه !!

.....

فجاه طلع مسدس من جيبه

_احيهه!! ، شيل السلاح من ايدك يشاطر

=متستفزنيش

_مسدس خرز ولا ميا ب امانه؟

جه يطلق باباه زعقله * انت اتجننت!! يظهر اني دلعتك زياده زي اللزوم ، أنا هتجوز اميره الليلادي عاوز تحضر اهلا وسهلا مش عاوز ف بالسلامه لغايه لما اليوم يخلص

بصلي أنا وماما بغضب ومشي ورزع باب الفله

*لمؤاخذه يمريم ، معلش يبنتي هو بس عنده عقده نفسيه من ساعه ما مامته اتوفت

_لا مفيش حاجه عاديي

قعد يتكلم هو وماما ، كانت مبسوطه اوي وانا مبسوطه لفرحتها ، أنا عمري محبيت بس شوفت الحب الحقيقي في عيون الناس ديي

*وحشتيني اوي يا اميرة

°جاسر !!

*احمم لا مؤاخذه يبنتي

_خد راحتك يعمو ، بس انا عاوزة اسمع حكايتكم بقي !

*بصي يستي ، أنا ومامتك كنا جيران ، حبيتها من اول مشوفتها ، حب زمان كان غير دلوقت ، كنت عشان أشوفها وتطل من الشباك كنت اخبط علي الشباك بطوبه ، كانت جميله ورقيقه بس انا كنت فقير ساعتها ف طلبتها من ابوها ورفض وخدها وسافر منطقه تانيه ، من ساعتها مشوفتهاش وانا اتجوزت بنت عمي ، واشتغلت عند عمي لغايه مبقي عندي شركه ، مراتي اتوفت من تسع شهور ، واول مشوفت مامتك مصدقتش نفسي اني شوفتها تاني ، كأني رجعت تلاتين سنه لورا ، والي مخدوش زمان قاعد جنبي دلوقت ولسه جميل زي مهو

_العب يعمو يجامد ، أي الكلام الحلو دا ، مبسوطالكم والله وإن النصيب جمعكم تاني

طلع طيب وحنين وماما ليها حق تحبه ! بليل كان المأذون جه والشهود واتكتب الكتاب

ماما عيطت ف حضنتها

_عيشي دلوقت ، انتي تستاهلي كل خير

=ربنا يخليكي ليا يحبيبتي

*مريم ، اختاري اي اوضه تعجبك وانقلي حاجاتك فيها

_تسلم يعمو ، الف مبروك

*الله يبارك فيكي يبنتي

ماما وعمو طلعوا وانا فضلت قاعده تحت ، كنت بستكشف المكان عشان اخد عليه بسرعه ، مين كان يصدق اني حياتي تتشقلب في يوم وليله ! وان مريم الي ساكنه في شقه صغيره في شبرا يبقي ليها مكان في فله كبيره زي ديي!!

الباب اتفتح كان هو ، مع واحده !! احيه هي نست تلبس ولا اي! اي اللبس القصير دا ؟ هو الشتا مجاش عندها !!

كانت سنداه وطلعوا ولا أكني قاعده ، ويا عم يا ست هو انا هوا شفافه !!

طلعت وراهم ولقيتها مقربه منه جامد وهتبوسه ف صوتت

*انتي مين !

_انا الي مين ! انتي بتعملي أي يعسل ؟ دا حرام

*انتي مين بردو ؟

_انا ، أنا أخته في الرضاعه

*أخته!!

_اه وامي متجوزه أبوه ، هو انتي هتحققي معايا؟ يلا من هنا وابقي استري نفسك ، انتوا جايين منين؟

*ديسكو

_اصلا؟ لا إذا كان كده مفيش مانع ، يلا تصبحي علي خير

سنده عنها وبصتلي من فوق لتحت ومشيت !! ، بذمتك مين الي يبص للتاني من فوق لتحت ، والاستاذ مش ناوي يفوق !

فتحت اوضته وانا لسه سنداه وهو شبه غايب عن الوعي ، بيبرمط ب كلام مش فهماه ولا سمعاه حتي !!

قعدته علي السرير

_انت أي الي بتعمله دا !! جايب بنت البيت ! هي زريبه ولا اي

كان بيضحك بلا مبالاة وبيبصلي

_اسمع من هنا ورايح المسخره دي متدخلش البيت ، و .. اووف انت سكران !!

شدني ليه ف برقت وشهقت من الخضه

=كملي كلامك يلا !!

حاولت ابعد معرفتش _احمد ! فوق

بابا وماما دخلوا علينا وهو مصدومين

_طبعا لو حلفتلكم أنه سكران وبفوقه مش هتصدقوني، ف من غير كلام كتير اقتلنا يعمو وامسح عارك ب أيدك يلا مفيش وقت

....

_طبعا لو حلفتلكم أنه سكران وبفوقه مش هتصدقوني، ف من غير كلام كتير اقتلنا يعمو وامسح عارك ب أيدك يلا مفيش وقت

=تخ تخ هه

_يبني فوق هيموتونا ، ابعد ابعد بقي دا انت لصقه !

وقفت بعيد عنه _هو بس تعبان شويه ف سندته وجبته ل هنا

باباه سنده ودخل راسه تحت الحنفيه لحد مفاق ورجع قعد علي السرير وهو بيمسح راسه ب الفوطه

*الحل الوحيد انكم تتجوزوا

_ن اييي؟

=نتجوز ! لا طبعا مش متجوزها أنا

*انت تخرس خالص بعد الي عملته دا ، راجع البيت وش الفجر سكران وكمان بتجبح

=علي جثتي اني اتجوزها ، معتش غير ديي واتجوزها

اتكلمت بتريقه _لا ابوس ايدك اتجوزي مش قادره اتنفس هموت عليك ، لا لا دا انت تتجوزني عشان كاريزما اوي ، اتجوزني ارجوك ، اتجوزني أتوسل اليك

=بابا خدهم وبرا عشان عاوز انام

*أنا قولت كلمه ومش هتتكرر تاني ، مريم كويسه وهتعرف تخليك بني ادم محترم احسن متبقي طول عمرك كده ، فوق يبني ، فوق بدل ميجي اليوم الي تكبر فيه وتندم علي كل الي بتعمله دا

=ديي حياتي وانا حر فيها ، زي منتا اتجوزت وشوفت حياتك ونسيت امي

*أنا عمري منستها ، ولا هنسي وقفتها معايا ، لكن يظهر انك انت الي نسيت تبقي محترم زي مهي عودتك وانك مترفعش صوتك علي ابوك

=أنا عاوز انام تسمحوا بقي ؟

كنت بصاله، كانت عيونه مليانه دموع ، يمكن عشان افتكر مامته ، كام بيحاول يكتم العياط قدامنا ، خدتهم وطلعت عشان يعرف يعيط لوحده

_الوقت أتأخر خشوا ناموا وانا هدخل الاوضهه ديي

عمو نده علي ابراهيم وطلعلي شنطتي ، دخلت وغيرت ولبست بيجامه ونمت عشان كنت هلكانه، يوم طويل بشكل !!

صحيت علي صوت المنبه زي كل يوم ، لبست هدوم التمرين وجريت نص ساعه بدري قبل ما الناس تصحي ، رجعت وانا بحاول اخد نفسي ب انتظام ، يخربيت الدايت !! هو ايي هو مينفعش اكل ومطخنش يعني !!

فتحت التلاجه وطلعت منها علبه عصير وصبيت كوبايه لفيت وشي لقيته ف اتخضيت والكوبايه وقعت مني

_مش تكح أو تعمل اي صوت !

=انزلي لمي الي كسرتيه دا

_من غير متقول لما ببوظ حاجه بصلحها

نزلت الم الازاز وحصل اي؟ برافو عليكم اتعورت

_اه

=اتعورتي ؟

_لا دا كاتشب يحبيب اخوك

=!!

_اكيد اتعورت بس مفيش حاجه

كملت لم الازاز وحطيته في الزباله وطلعت دورت علي شاش وقطن وربطها ، مهو يوم إصابات اصلا

نزلت كان الفطار اتحضر وكله صحيي

*صباح الخير يمريم

_صباح الخير يعمو ، صباح الخير يماما

°صباح الخير يحبيبتي ، تعالي يلا افطري

قعدت علي الكرسي الي جمبه وبدأت أكل

°انتي اتعورتي !

_تعويرة صغيره كده مفيش حاجه

°وريهالي كده

_مفيش حاجه يماما متشغليش بالك أنا كويسه والله

احمد قام من علي السفره فجاه وطلع اوضته ، كنت مستغربه حركاته ، ردود أفعاله ، كلامه ، عصبيته ، كله علي بعضه !!

الفطار خلص وماما وعمو طلعوا يقعدوا في الجنينه ، الفون الارضي رن ف رديت

°ازيك يحبيبي ، عامل اي؟ كده تسيبني امبارح! بس تعوضهالي النهارده بقي بعزومه احسن

_احممم ، حضرتك مين ؟

°مش دا بيت احمد؟ اه انتي الشغاله يعني ، روحي قولي ل سيدك يكلمني ضروري يلا يشاطره

_يخرب عقلك عرفتي منين اني شاطرة !!

قفلت الفون بصيت في مرايا قدامي ، هو باين علي صوتي اني الشغاله! هو في اييييي ، وبعدين في مصنع النساء الي عايش معانا في البيت دا ! دا مبقاش بيت دا بقي سنترال

طلعت وخبطت وخدت نفس عميق وانا مغمضه عيني

_لو سمحت كلم صحابك البنات أنا مش هفضل ارد علي كل واحده شويه يوووه ، هو انت مش بترد لي؟

فتحت عيني ملقتش حد ، هو راح فين دا !! ، كانت اوضته منظمه ومترتبه مين يصدق أنه هو الي قاعد فيها ، قربت علي الكوميدينو وشوفت صورته مع مامته وهو حضنها ، ست جميله ملامحها طيبه ف ابتسم تلقائي لما شوفتها

_انتي أي الي دخلت هنا !

=أنا ، أنا كنت ..

زعق _سيبي الصورة من ايدك

=أنا اسفه ، مش قصدي ..

_انتي دخلتي الأوضه لي اصلا ؟

=أنا خبطت ودخلت بس لقيتك مش موجود و..

استوعبت أنه واقف قدامي من غير قميص البيجامه ف غمضت عيني بسرعه

_انا كنت جايه اقولك حاجه والله ، بس مش مهم أنا همشي

مشيت وانا مغمضه عيني ف اتخبطت علي الكرسي ف جيت اقع مسكني

كنت لسه مغمضه عيني

=انتي يحجه فتحي انتي كوارثك كترت

_استر نفسك الاول

=استر نفسي !! لا حلوة ديي ، نقرب بقي مدام انتي مغمضه وقافله عينك

بعدت عنه بسرعه وفتحت _انت قليل الادب

=لا كده ازعل ! ، ماشي يستي أنا متربتش ، معتيش تدخلي اوضتي تاني

_هو أنا دخلت ليبيا متهدي مالك!

=أنا مبحبش اعيد كلامي مرتين

_وانا هعمل الي انا عوزاه

=أنا هعرفك تعملي الي انا عاوزه ازاي

_نجوم السما اقربلك من اني اسمع كلامك

=حلو اويي دا ، تمم اتفقنا

*احمد عملت أي في ورق الشركه و..

_يووه بقي يعمو دا انت بتيجي في أوقات ! قولتلك اقتلنا واخلص

*..

=مش انت عاوز تجوزنا ؟ أنا موافق

_اييي!

....

_مش انت عاوز تجوزنا ؟ أنا موافق

=ايي!!

_موافق ايي السمع بعافيه؟

=لا كده ربنا يتمم بخير ومبروك عليا ، اصل الجوازه كانت واقفه علي موافقه حضرتك ، عمو أنا مش موافقه ومش هتجوزه لو اخر واحد في الدنيا هعنس عادي

*معلش يمريم عاوزك تحت

=تمم يعمو اتفضل

عمو طلع قدامي ورجعت بصتله

_هنشوف اخرك وهنشوف هتشوفي ولا لا

بصتله بعصبية ونفخت ونزلت

*أنا عاوزك تتجوزي احمد يمريم

=أنا اسفه يعمو مش مش هقدر

*أنا عارف انك بنت كويسه ، مامتك حكتلي عنك كتير ، احمد محتاج الي يساعده، هو مكنش كده ، صدقيني احمد طيب جدا ودايما بيساعد المحتاج ، وكان كمان بيشيل عني هم الشركه ، هو بس الي حصله دا من ساعه ما مامته اتوفت ، كان متعلق بيها اويي ، بقاله تسع شهور وهو كده ، يسكر يعرف بنات يرجع الفجر ، دا مش احمد ابني ، عاوزك تساعديه يرجع زي الاول

بصتله وانا شايفه في عينه قد أي هو حزين علي ابنه ، لا بس مش هوافق اكيد !

=ماشي يعمو أنا موافقه

طبعا أنا بقول أي كلام وبرجع فيه عاديي

*علي خيرة الله يبنتي ، عندك مانع يكون كتب الكتاب النهارده ؟

=كتب كتاب !

*ايوه ، عندك مانع؟

=لا ابدا الي تشوفه

*أميرة ، أميرة سمعيني زغروطه

°قولي الاول لي !!

*مريم وأحمد هيتجوزوا الليله

°انتي موافقه يمريم؟

=أيوة يماما

ماما زغرطت وحضنتني °الف مبروك يحبيبتي ، ربنا يسعدك

‏بليل عمو جاب المأذون وشهود واتكتب الكتاب واحنا الاتنين قاعدين قصاد بعض بنبص ل بعض ب استغراب ، في اقل من ساعه بقينا متجوزين واحنا مش بنطبق بعض !!

المأذون والشهود مشيوا وماما وبابا طلعوا وفضلنا قاعدين أنا وهو تحت ، الباب خبط

_افتحي

=ابراهيم افتح الب..

_استني يا ابراهيم ، أنا بقولك انتي افتحي

رفعت حاجبي =أي الفرق يعني!

_روحي افتحي انتي الباب

نفخت وروحت فتحت لقيته شاب

°اوعا دا انت زوقك اتطور يواد يا احمد ، الحلوة مين ؟

=الحلوة دي تبقي امك عارفها ؟

°ايدا في أي ، انتي مين يبت !

_مين علي الباب ؟

°يعم أنا حسين مين ديي ؟

_اهلا حسين اتفضل

دخل وانا لسه واقفه علي الباب ، قفلته وطلعت الاوضه ، خليهم يشبعوا ببعض هو وصاحبه قليل الادب دا

بعد نص ساعه فتح الباب ف اتخضيت وقومت من مكاني

_ايدا انتي طلعتي بتخافي ؟

=مالك ! انت شربت حاجه ولا اي !

_تؤ تؤ أنا فايق ، فايق اوي

=واضح اوي

_انتي هتنامي في اوضتك دي مريوم ؟

=مريوم !! لا انا كده اتأكدت انك شارب والله

_بس مالك حلوة اويي كده

=الله يسترك

قرب _اوضتي ألطف من ديي

=ابعد عني بدل مصوت ألم عليك الناس

ضحك _صوتي

=احمد انا عارفه انك محترم

_مين قالك كده ! لا انا قليل الادب ملكيش دعوه

=يا احمد فوق انت مش في وعيك

_بقولك فايق الاه

وصلنا للحيطه ونفسي بدأ يعلي _شكلك احلي وانتي قريبه

=والله يبني انت مبطقني اصلا !!

مسكت أيده ورحت حطيت راسه تحت الحنفيه ف زقني

_بتعملي أي يغبيه !

=بقوفك

غمض عينه وفتحتها وحط راسه تحت الميا وخد الفوطه ينشف بيها راسه

_بعد كده ملكيش دعوة بيا ، افوق مفوقش ميخصكيش

=يسطا انت كنت قاعد تقول حلوة ومعرفش ايي

_مين الي قال كده ؟

=أنت!!

_الغبي قولتله متزوتش العيار خلاني اشكر فيها !

=بتقول حاجه ؟

_لاء ، اخلصي وتعالي علي اوضتي ، مش عاوز حد يعدل عليا

روحت وراه اوضته ، قعدت علي الكرسي الي فيها وبدأت أركز حواليا ، في كل ركن في الحيطه صورة مامته ، ف دمعت غصب عني

=انتي بتعيطي لي هي ناقصه نكد !

وقفت قدامه ف استغرب ، أنا حاسه بيه وعارفه إن كل الي بيعمله دا عشان ينسي وجعه ورحيل اقرب الناس ليه !

حضنته _متتخضش ، أنا عارفه انك محتاج حضن وانا مش بعرف اواسي ف حضنتك ، عادي يعني

كان ساكت مبيتكلمش ، حضني وسمعت صوت عياطه

_كل حاجه هتبقي تمم

=مينفعش تبقي تمم وهي مش هنا ، كانت كل حاجه كويسه وهي موجوده ، حتي أنا

_هي في مكان احسن من هنا بكتير ، واكيد شيفاك وانت كده مزعلها انك زعلان !

بعد عني وهو بيمسح عياطه = انتي مش فاهمه ولا عارفه حاجه ، ف اسكتي احسن

_ يا دي النيله عليا !!

الباب خبط وإبراهيم قاله إن فيه واحده عوزاه تحت

=ماشي نازل

_واحده مين ؟

=لا تكوني مفكرة انك مراتي بجد !

_امال مراتك بضحك !!

=أنتي ملكيش انك تسأليني عن ايي حاجه ، انتي زيك زي الكرسي دا

_لا مش انا الي ابقي كده

=هتبقي ، صدقيني هتبقي

نزل وانا نزلت وراه منا مش كيس لب !!

°وحشتيني اوي يبيبي

_بيبك !!

=اطلعي فوق

°مين دي يا احمد ؟

=مش مهم ، أي الي جابك دلوقت ؟

°مش هنخرج ؟ فيه مكان فاتح جديد يجنن

_يلا يبت من هنا يبت ، حاكم بقولك أي أنا اصلا مقنونة وأمور السهوكه دي مبتكولش معانا

=هنخرج يلا بينا

مسكت أيده _طب والله منتا خارج

=نعم يختي ؟

....

مسكت أيده _ طب والله منتا خارج

=نعم يختيي!!

_انت متجوز كيس جوافه يبني !!

شد أيده =بعد كده متتعامليش معايا كده ، أنا أعمل الي انا عاوزه وانتي متتكلميش ولا تفتحي بوقك حتي

خرج وانا مصدومه من كلامه

أنا غلطانه اصلا اني اتجوزته ، خارج مع بنت وهاين كرامتي ! أنا لازم اتطلق ، مكنش ينفع اوافق عشان مجرد مساعده ، المفروض الجواز دا مبني علي حب واحترام للطرفين ، وانا وهو مبحبش بعض واحترامنا بعض حتي !

نمت وصحيت بعد ساعتين علي صوت التليفون الارضي

_ايوة ، مين معايا ؟

°دا بيت احمد جاسر ؟

_ايوة في ايي؟

°للاسف عمل حادثه وهو حاليا في مستشفى الامل يا ريت تيجوا عشان ممكن يعمل عمليه

_اييي!

قلبي انقبض مش عارفه ليي ، لبست بسرعه وخرجت بشويش عشان محدش ياخد باله ، ركبت اوبر ووصلت للمستشفى

_احمد جاسر الي عامل حادثه!

°هو حاليا في العمليات

_ع عمليات !! عمليه أي ؟

°عنده نزيف في المخ ، ادعيله

سندت علي الحيطه وعيطت ، هقول أي ل أبوه !!

مر ساعه ونص وخرج من العمليات ، في راسه ملفوفه ب شاش كتير ، مسكت أيده

_احمد ، احمد انت كويس ؟

مكنش مفتح عينه ، وخدوه علي اوضه

_دكتور هو كويس؟

°الحمد لله العمليه نجحت

_الحمد لله يا رب ، الحمد لله ، ينفع ادخله ؟

°للاسف مش هينفع دلوقت ، علي الاقل لغايه عشره الصبح ، لغايه ميفوق من البنج ، بعد اذنك انزلي الحسابات دلوقتي

_حاضر

نزلت الحسابات لقيت العمليه متكلفه 100 الف ج ، روحت البيت ، وخبطت علي الاوضه ف ماما فتحتلي وقولتلها تصحي عمو ب الراحه

*خير يبنتي في حاجه ؟

_خير يماما إن شاء الله ، بس صحيه عشان عوزاه

صحيته ° أيوة يمريم تعالي ادخلي

_بص يعمو ، احمد ..

°ماله احمد !

_في المستشفى

°مستشفي !

_انا اسفه بس لازم تعرف ، عمل حادثه

قام من السرير بسرعه °مستشفي أي ؟

_الامل ، هو عمل العمليه خلاص ، بس عاوزين ميت الف ج تكلفتها

راح علي خزنته طلع الفلوس ولبس هو وماما وروحنا ودخلناله

ماما وبابا قعده علي كراسي لغايه ميفوق ، قربت منه ومسكت أيده

_فوق بقي ، محدش مغلبني غيرك حتي وانت نايم!!

فاق بعد نص ساعه

°حمدالله علي السلامه يبني

=اهه، أي الي حصل

_عملت حادثه ، انت مش فاكر!

كان ماسك دماغه _خلاص مش مهم ، المهم انك بخير دلوقت

قعدنا معاه احنا التلاته ، وجبت فطار وفطرته ، وطلبنا من الدكتور يكتبله علي خروج وهنهتم بيه في البيت ووافق

روحنا البيت وسنده لغايه موصلنا الاوضه ونيمته علي السرير

_حمدالله علي السلامه يا يا احمد يقمر ، وحشتنا الابتسامه

ضحك =والله ما طبيعيه

_هروح اعمل غدا ، وهتاكله كله عشان تبقي كويس في اقرب وقت ، الف سلامه عليك يا احمد

=الله يسلمك يمريم

روحت عملت الغدا وطلعت لقيته ماسك صورة مامته وبيعيط

=أنا عارفه انها وحشتك ، بس ممكن تعتبر ماما مامتك التانيه ، كانت زعلانه اويي عشان وبتدعيلك تقوم ب السلامه ، ماما يمكن في حنيه مامتك ومش هتحس انك غريب عنها

حضنته = والله في مكان احسن ، ادعيلها

مسحت عياطه =انت بتعيط عشان اكلي؟ والله مش وحش للدرجاتي ، وهتاكل يعني هتاكل مهما عملت

ضحك _يبنتي بقي يبنتي !!

كل وخد العلاج ونام ، كنت قاعده جنبه عشان لو احتاج حاجه او صحي ابقي معاه ، كنت ببصله والله اكبر أنا واخده الحلاوة ديي !!

طلع طيب وبدأ يعاملني حلو ، بدأ يتحسن واحده واحده والحمد لله بقي احسن من الاول

_والله شبعت ، شبعت اقسم بالله ، انتي مبصدقيش لي

=طبقك يخلص يا احمد بدل ملم عليك الدنيا حالا

_يبنتي أنا مش ابنك

=اه لو ابني يبقي ب الطعامه دي

_سيبي خدي هزعلك

=عاوزة اتكلم معاك في موضوع غايه في الاهميه

_مواضيعك كلها تافهه ، اشجيني

=انت هتبطل شرب هتبطل بنات هتبطل قله ادب هتبطل لا مبالاة هتبطل ..

_هبطل اتنفس أي رأيك ؟

=لا بلااش ديي ، الا صحيح أي الازازة دي؟

_مانجا

شربت =الله دا انا بحبها اويي

_احيه دي خمرة

=والله انت الي عيونك تسطل

_احيه ! مريم فوقي

=الاه منا فايقه اهو !

جماعه انا متجوزه بير احترام ، هات يبني الازازة دي كده اشوف بتقول أي

بعد ما بقي كويس مسك الشركه بدل باباه ، جوزي الي بيسمع الكلام وبقي واحد مسؤول اوعا اوعا

_يبنتي بقولك عاوزة اقولك حاجه مهمه

=ولو ولو البسبوبه يااابا

_يبنتي هتندمي

=قاعده اعمل فيها بقالي ساعتين بقولك

_مريم أنا بحبك

=ايي؟

_بحبك اوي والله ، بجد مهما اشكرك مش هيوفي حقك ولا وقفتك معايا ، واكتر قرار خدته صح هو انتي

=احمد !!

_ايوة أنا مستنيها من زمان ، قولي يلا

=البسبوسه اتحرقت !!

.