رواية #جوليت وأسرها.... الفصل العشرون 20 - بقلم الكاتبه سمو العراق

البارت الرابع عشر
رواية..جولييت واسرها..غياهب الإنتقام
بقلمي...نور سمو العراق

💔💔💔💔💔💔💔💔💔💔💔

إذا تجرد الإنسان من القيم يصبح أخطر من ألف #وحش

.....................................

وهاله تقربت مني وهي تضحك كالت...اووويلي عنودي كوة دا اجيبه للطريق

رمشت بعيوني بقهر همست بصعووبه...منووو عنودي

ضحكت وهي تحضني باستني بخدي...ماكو واحد عنودي مثل الكسرج...

كملت بخبث...والله من سمعت بيج رجعتي للبيت كلت الامي لازم لازم اشوف بنت عمو حبيبية قلبي جوجو الحلوة...

عرفتها تستهزء سحبت نفسي منها بعد ما دفعتها شوويه...

خالتي باوعتلي بطرف عينها ما سلمت عليه وخلن ودخلن جووه...

جريت نفس ورحت للمطبخ اساعد برضيه ...

كعدت علئ الكرسي بوجع وصعووبه همست بقهر...ماما رضية؟

ضربت بچفچيرها علئ حافة جدر التمن وردت...هااا يمه احجي شكو

جريت نفس بتعب...ليش خالتي،ام هاله وهاله ديجون عدنا انتم مو الكم ثأر ويه عشيرتي وهاله صح بنت خالتي بس،هماتين بنت عمي ومن عشيرتي...

باوعتلي رضية وجرت نفس كالت...والله يا يمه صح هي بنت عمج بس هي ام هاله كالت اني ام فلاح اختي وحتئ لو تطردونه ما اروح وهي صارت ويه ام فلاح ضد امج

وكفت برعب...لييش امي مو اختهن ليش يكرهنها..

رجعت تكمل طبخ كالت...ام فلاح دكول اكرهه لان خلفت عاصم النذل وما انطته تربيه..

وخالتج ام هاله دكول.. بسبب جولييت وامها هاله صارت بيها حالة نفسيه وكوة طابت ولحد هسه جرحها ينزف من جولييت

حطيت ايدي علئ شفاييفي بقهر وألم يعصر بصدري...والله ياخاله مو ذنبي ولا ذنب امي الصار اني ما الي ذنب بي هي ليش متحاسب الجاني ليش تجي عليه...

تقربت منها ولزمت ايدها بتوسل وبنحيب...خاله امي دافعتلي لان تعرف بيه مظلومه اني غلطت من اخذت كلام هاله وما استشاريت امي

اخواني اجوو يذبحوني لو ما امي اجت الجاسر تتوسل بي يحميني منهم...

يعني ماما ... اني تبهذلت والله ما جنت اريد اتزوج ولا ابالي الزوج جنت اتمنئ ادرس وادخل جامعه

تزوجني صح ما ضربني ولا اذاني بس جان جاف ويايه عبالك ماخذني زايده عن نفسه ولو هو انجبر عليه ...

وكملها عاصم عليه صخم حياتي وحياة طفلي وبهذلني ...ليش الكل ضدي ما اعرف والله تعبت

جرت نفس...الله يعينج ويهدي عليج بس والله هو غزل يتخبل عليها ينجن حتئ،مرات انگله من كثر ما تخاف عليها ونفسك بيها هسه يصير بيها شئ ...

وفعلا هاي من كثر ما تعلق بيها ربج اخذها...هذا امتحان يا يمه وابو غزل مو كد هل امتحان من ربج جاسر..باع ضميره وطغئ ونسة نفسه لان بنته هي كيانه ...

وترئ كلبه محروگ هسه الماتو مو شويه ابو واخو وبنته من غير شام الحبيبه الشالعه گلبة

اشرت علئ نفسي بغصة...بس اني مالي،ذنب والله ليش هيج يحتقرني ويحرگ گلبي ليش يكرهني،والله مسويتله شئ...

كملت بألم...ياريت ما تقربت منه وياريت ضل زواجنه شكلي ..انتي ماما انتي السبب خليتي نام ويايه جان هسه اني مو حامل ولا يكدر يساومني هيج مساومه..

فتحت عيونها بغضب...يااا عزا بعينج هاي،فوك ما جنت اريد الج الخير واريده يتقرب منج انوب صرت مو زينه واني السبب ..

تقربت منها بستها بجتفها...لا ماما مو قصدي والله بس دا انقهر من يكول اخذ الطفل منج والله اموت الف موته احس برعب ترئ ماما والله محد يتحمل ياخذون طفله منه هي البزونه والبزونه هماتين اذا واحد تقرب من اطفالها هماتين تهجم عليهم....

لزمتني من اكتافي وجرت نفس...حقج يمه حقج اني صح نحرمت من الامومه بس كلهم ولدي صلاح وجعفر وجاسر وفلاح وحتئ وقار و اشواق اتخبل عليهن...مرات من يطلعون يضل بالي يمهم وما اتطمن اله يدخلون للبيت يالله ...

اردفت بحزن...يمممه الضنا غالي معلگ ويه الروح...

لزمت بطني بحنين...اي والله ماما غالي هسه هو بطني واتمنئ احضنه وابوووسه واحمي من الكل احمي حتئ من ابو الكسرني،بي ...

دخلت نوال بانزعاج...يالله شنو متنه جووع..

اني ما حجيت وياها ورضيه كالت..يالله هسه نصب كملنه...

رحت للتنور دا اجيب السمج لان شويته بالتنور احس نار اشتعلت بصدري متت قهر وين جنت وين صرت والله جانت ماما طولها ما يتعده المتر واربعين وجانت هي تخبز وتخاف عليه دكول اخاف تحتركين ..

طلعت السمج اخذته خليته بمواعين وخليت عليهم الحشو مالته ودا نحظر بالاكل..

نقلنه الاكل اني وماما رضيه للغرفه مالة خالتي جانت نظراتهن حاااده عليه

تجاهلتهن بس بداخلي مقهورة لان محلوة العداوة بين الاقارب..

خليت ورحت اعرف وجودي غير مرحب بي بينهم شفت نوال وهاله كعدن ياكلن ويسولفن متصاحبات عشتو...

رجعت لامطبخ خليت بالصينيه سمجه وتمن وطرشي وزلاطه ولبن واخذته اله للاستقبال...

وصلت للباب ما اعرف شبيه من احس نفسي راح اقابله احس بطني تتكطع نزلت الصينيه علئ الارض ورجعت فتحت الباب شلتها ودخلت نزلتها مره ثانيه همست بخوف...صبيت الك غدا تجي تاكل ..

باوعلي بهدوء وقفل الحاسبة خلاها علئ صفحه اجه قريب مني واني لسه واكفه ابتعدت خطوتين...

هو طلع بره انصدمت من طلع ..يعني راح يكعد ويه النسوان ياكل لا ماكو هيج نذاله يمكن لان يعرف اكره هاله وهي تكرهني هيج ديسوي...

واني دا احجي هيج دخل وهو ينشف اديه بالخاولي اجه كعد كال...شبيج واكفه

تمتمت بخجل...هااا لا يالله طالعه محتاج شئ

اشر براسه بمعنئ لا...

ضليت واكفه بقهر واني اباوعله ومقهورة حيل اريد اعرف هاله الزباله شعندها اجت...

رفع عيونه باوعلي كال ...خييير..

بلعت ريكي بصعوبه وسألته بحذر وتردد ...انت خابرت هاله تجي تتغده يمنه

رد بعنف...وانتي شدخلج

تكلمت بضعف احاول ارجع كرامتي المهدورة...ليش بالذات هاله يعني انت شيدور ببالك هاي وحده انانية وتاهمتني باطل ليش تتاخذها ضدي ...

ترك الاكل من ايده ورجع باوعلي ...شنو الي تردين توصليله بالضبط

حاولت ما ابين ضعفي كدامه همست ....ترئ مو رجوله منك تستغل هاله الصالحك ضدي وضد اخوويه

هز راسه باسئ وضحك بهدوء رفع عيونه اليه ورد بصوت جامد...والله ما الوم عاصم الكلب يوم ضربج وحبسج لان انتي فعلا مو ادميه ...

جان كلامه مثل صفعه قاسية همست بقهر...شسويتلك ليش تعيرني بالماضي ...يعني حلوة منك سويتلي موقف حلو ليش كل شويه تعيرني وتذكرني بضرب اخوويه...

اشر بيده...اطلعي بره لا تسمميني

همست بكلبي...وسم ان شاء الله ...

ضحك بسخرية...بس شفتي هذا عاصم الي هسه تدافعين عنه وما تنطين بي هو اول واحد اتخلئ عنج وما صدكج و لو ما امج جان ذبحج وشرب من دمج ...هسه جايه تدافعين عليه

اشرت علئ صدري ببكاء...هذا اخوويه ويضل اخويه لو مهما صار ودار الدم عمره ما صار مي ولا الاظفر طلع من اللحم...

لو شيسوي ما اكدر اتنازل عنه ...

رجع ياكل بهدوء...اهااا ديالله اطلعي بره

بللت شفايفي بحيره وقهر ...ههه يعني ما لكيت منفذ غير هاله تتخذها ضدي وضد اهلي والله عاشوو ضنيتك احسن من هيج ...

شمر الخاشوكه بغضب علئ الصينيه بحيث طلع الصدئ مالتها بكل ارجاء الغرفه وهجم عليه مثل اسد مفترس...

اني من خوووفي بسرعه درت وجهي دا انهزم منه اول ما حطيت ايدي علئ الباب هو صار ايده علئ ايدي وقفل الباب...

رجعني بغضب ضرب راسي بالباب وعيونه تجدح بغضب...عيدي بالله شحجيتي ..

نزلت عيوني باسئ ومجاوبته...

كمل بخبث...دحجي يمعوده ليش ساكته خايفه مثلا

رفعت عيوني بثقه رغم الخوف الي مسيطر عليه هزيت راسي بنفي....لا ما خايفه

ابتسم ورفع حاجب...اي واضح لو تخافين جان ما انهزمتي وطلعتي من البيت ولو انتي متعلمه هاي هي سوالفج ...

ههه جنت ما اصدك هاله بس هسه لا هسه الصدك وانتي الجذب

رجفت باسئ من كلامه اللاذع باوعتله بحده...ثاقه من نفسي اشرب من هاله

كمل بضحكه عالية...هههههههه اي ما تغرينه بثقتج ياما ناس تسوي الغلط ورافعه راسها واكبر دليل انتي اخوج قاتل ورافعه راسج بي ...

ضليت مركزه بعيونه بثبات وهو قابلني بنظرات كلها حقد وخباثه وانتقام...

نزلت دمعتي بحيييره وهة بكل صلافه ضل مركز بعيوني وكأن اني مو ابجي عبالك اضحك...

تدارك الوضع ومشه خطوات اطلعي ولا كل شويه جايتني وكتلج اني محرمج علئ نفسي مجرد تجيبين واطلكج واخذ الطفل لان لا يشرفني انتي امه ولا يشرفني اخووج خاله

وبصورة ابسط ...هل ولد راح اخلي ينساج وانتي تنسينه لان هذا الحل الوحييد عندي حتئ يعيش الطفل بسلام وما علية بصمة عار ...

دار وجهه عليه ونظرات مثل السياط الجارحه ...لان خالة البطل كتل جده وعمه واخته ..

ابتسم ابتسامه جانبية نازفه ...مسكييين خاله ما حسب حساب الابو ...

حضنت طفلي بادية وهزيت راسي بنفي بدموع جارحه.. لااااا مستحييل ابني ما اله ذنب والله لا ذنبي ولا ذنب طفلي ذنب القدر...

جر نفس كال...انتي ليش تحرفين الكلام اني ما كتلج انتي وابنج الكم ذنب كتلج اخووج مذنب وما اريد الكل ياخذ ابني بذنب غيره لذلك لو عاصم يموت لو ابني ينسئ عنده خوال...

تكلمت بغضب وحرقة قلب وصوت شووية عالي...زييين ليش تطلكني وتحرمني منه

تقرب مني اكثر وهمس من بين اسنانه..  لاااان مااااا احببببج

حطيت ايدي علئ شفايفي بنحيب ...ليش تزوجتني ليش ضلمتني وياااك ليش خليتني احبل منك اذا متحبني ...

رد بثقة...جانت الج شويه مشاعر بس انمحت ومو كل شئ حب لااا انت فاهمه غلط ...من طلعتي ورحتي الجابر كسرتي كل شئ...

اجيت اكوله انهزمت حايفه بس هذا ميفتهم ما حبيت انزل نفسي اكثر من هيج انهدرت كرامتي حييل...

تقرب مني وهو يبتسم بحقد سحب حجابي شمره جوه رجلي ودخل أصابعه بشعري رجع خصلات شعري وره اذاني همس بذوبان ...رغم جمالج الكل يشهدله بس النفس وما تشتهي ...احتمال نفسي ما اشتهتج ...

قهرني فووك قهري دفعته بغضب ودنكت لبست حجابي جان تنفسي عالي وصدري يرتفع وينزل رديت من بين اسناني...ان شاء الله دوم ما تشتهي

وهاي حركاتك ما الها داعي ...ولا تنسئ حرمتني علئ نفسك...

سحبت حجابي،وطلعت الدمعه تلمع بعيني حقير يكولي اكرهج ويريد يستفزني ويشوف ضعفي تجاهه هاي ثاني مره يتعاطف ويايه بقسوة حتئ يريد يضعفني تجاهه...

نذذذذذذذل.. نذذذذل...معقوله دعاء هالة مستجاب معقوله ربي يتقبل دعائها دعت عليه ما ارتاح ولا الكاسر يحبني وصدك هسه هو يكرهني...

دخلت للمطبخ كعدت علئ الارض اختنكت حييل احس الاوكسجين انكطع ضليت بالكوة اتنفس...

حطيت ايدي علئ صدري اخفف من الخفقان والرجفه الي صارت اليه...

حتئ لو يكرهني ميخالف بس يعني هييج يكسر بيه شوية شوية ...صدك اليوم حسيت بشعور هاله حقها تكرهني والله...

شسوه بيه شلون جرحني شلون اذاني بكلامه ..كلامة بالف سوووط ...يكرهني ويبغضني ويريد يقتل اخووويه وياخذ طفلي ولازم أنساه...

ربي ساعدني بعد ما اكدر اتحمل احس حتئ الطفل حركته قلت ولازم هو بهل اشهر يتحرك اكثر حقه والله الحمد لله الي مخلي لسه عايش...

لمسته بحنان...يعمري يحبيبي ما الك خاطر بكوولشي مثل امك مكسور خاطرك عليه ومتكور علئ نفسك بضلمة بطني ...

كملت بحنية...ضل يمه ضل بعتمة بطني ولا تطلع العتمة ابوووك...هاي الدنيا ما رحمت امك تريدها ترحمك يا ضناي...

دخلت هاله شافتني لسه كاعده والحزن متوشحهه بي...

جانت لابسه صاية سوده ولابسه وشال اسوج وخلية مكياج خفيف...

اجت غسلت ورجعت باوعتلي بشماته...منو هاي جولييت ست الحسن والجمال ..

وكفت ودرت وجهي عنها ضليت ارتب بالمواعين ...

لزمتني من كتفي باوعتلي بخبث ...تؤ تؤ منو مخرب وجهج الحلوو شنو هل تشوهه عووع مقزز

ضحكت بسخرية....ههههههه والله راشدي بس متقنعيني هذا راشدي سالخ جلدج سلخ ...

كملت بحقد واحتدت ملامحها بغضب...بس والله تستاهليين الي يصير وياج هاي حووبتي والله يا جولييت اذا ما شربتج من نفس الكاس ما اطلع هاله بنت امي وابوووي...

ضليت مركزه بوجهه بقهر مسحت دموعي...شمتانه بيه ترئ انتييي السبب بكووووولشي اني بسببج تزوجت وضعت

بلعت ريكي بغصة وكملت بألم رفعت عيوني ليفوك امنع هطول الدموع...اني تيتمت من اهلي و من كل شئ اني ضعت شتردين مني بعد شتردييييين...

تنفست بغضب وردت بكل قسوة...اريدج تشربين من نفس الكاس الي شربت منه ...

دارت وجهها ورفعت صيتها طلع بنطرونها الاسود الضيق ورجعت تغسل كالت...وبعدين هو محرمج علئ نفسه وراح يطلكج ...يعني خلي يتزوج ليش تصيرين انانية...

تنهدت بضيق...اي خلي شدخلني بي بس لا يكون تردين تزوجينه يعني هيج الج نفس تزوجين زوج بنت خالتج وبنت عمج...

ضحكت بدلع ...ههههههههاي اي حبي نعيد امجادج شكو بيها...

سكتت مجاوبتها بس متت اتمنئ اطردها شويه وهو دخل باوع لهاله ورجع خطوتين كال...جووولي انطيني مي...

هي ضحكت وفتحت الثلاجه بسرعه كالت...هلا جاسر اني انطيك ونبي ميته قهر علئ غزل شكد احبها الله يرحمها وان شاء الله تشفع الك بالجنه

هو نزل عيونه وجر نفس كلها...لوالديج الجنه مشكورة...

انطيته المي حسيت بيها لمست اصابعه بسرعه وكع البطل من ايده بسرعه

كالت...هي بدلع العفوو العفوو مدري شبيه هههه متوتره هاي اول مره هيج يصير بية...

اخذت البطل منها واني اغلي،من الداخل تصرفاتها مدروسه ومتقصده انطيته البطل وهو باوعلي،بهدوء وديطلع...

هي صاحت بصوت مسموع .بنرة بيها دلع ...ابوو غزل عندي موضوع خاص وياك اذا تكدر علئ انفراد..

دار وجهه عليها وجر نفس كال...ان شاء الله بس خلي اسبح وان شاء الله نحجي...

طلع من المطبخ...واني تخبلت لزمتها بقسوة...شترديين منه

دفعتي بعصبية...اوووي شكد ماصخه وما عندج كرامه دووولي ترئ ابن خالتي قبل لا يكون زوجج ...

انطقت اخر جملة وطلعت ...

حسيت بانهيار عظيم بداخلي والقهر تضاعف عندي...

رحت الغرفتي مسحت وجهي من الدموع باوعت الوجهي للمرايه لسه مكسورة من اخر ضربه النوال...

باوعت العيوني السواد متهالك ومحاوطهن بوضوح وخدي اصابعه مطبوعه ومختومه عبالك وشم ومدمر خدي...

وشفتي مشكوكه من الطرف ومتجمد الدم بيها...

اجت بنت فلاح الصغيره كالت...دكول بيبي خلي تجي تغسل المواعين...

عدلت شالي وطلعت لكيت هاله ونوال يسولفن ويضحكن دخلت اغسل المواعين...

سمعت رضيه دكول النوال...روحي ساعدي جوولي خطيه هي هم حامل حالها من حالج

ردت بغضب...لا والله رضيه اشو انتي مدري شلونج والله ابد مو منطقيه تردين اوكف بصف كتال زوجي واغسل وياها المواعين ...

وبعدين ترئ اني لازمه عده اخاف واحد يجي من الولد واني مشكله ثوبي...

ردت عليها رضيه...انتي لازمه عده بس عن الشغل والتنظيف هسه كونج ملتزمه بالعده واحد ما انقهر. .

جاوبتهر بغضب...اموت واعرف اني شمسويتلج بايكه فلوسج واني ما ادري ليش تكرهيني هاي بدل ما دكولين خطيه مظلومه ونفسيتها تعبانه انوب حاقده عليه...

رضيه سكتت ومجاوبتها شتجاوب تاكلها وتشربها...

ضليت الوحدي اغسل بالمواعين ورضيه تسوي جاي خطيه تعبت الله شاهد ما قصرت...

كملت دا اطلع من المطبخ شفت هاله دخلت للاستقبال بكل حقارة وصلافه. 

هو جان كاعد الوحده خايفه منها حييل خايفه تغدر باهلي ودكوله ويين...

مشيت بسرعه باوعت من الشباك جانت البرده شوويه مفتوحه ما اشوف واضح بس شفتها واكفه وهو واكف قريب منها وتحجي هي ...

تمنيت ادخل عليهم واسمع شنوو يحجون رجعت من الباب حطيت اذاني اريد اسمع شنو اسمع كلامهم بس مو واضح...

حاولت وانصتت لكلامهم هو صوته جان اعلئ من صوتها سمعته كال...اي شفتج مراسلتني علئ الماسنجر بس بصراحه نسيت اجاوبج

ردت عليه بدلع...كوومة راسلتك بس انت متجاوب امي عاذرتك والله لان انت اكيد مو بحالي عاصم الكلب دمرك دمار...

انت جنت احجيلك بس ما تصدكني وكم مره حضرتني شفت هسه اني اوفئ من جولييت

والجاني ان شاء الله كم يوم واسلمه

رد عليها بمراوغه...والمقابل شنووو؟

ضحكت بذوبان...ماكوو ما اريد شئ انت مو كلت تطلك جولييت

رد عليها بجمود...هل شئ راجع اليه مو من حق اي شخص يتدخل ولا يفرض رأيه عليه

جاوبته بخدر...اي اكييد هذا الشئ راجعلك بس والله ما تستاهلك طلكها واخذ الطفل واني اربي

رد عليها باستغراب...بصفتج منوو؟

ضحكت...كتلك اجيبلك الجاني بس تزوجني ...

رد بسرعه...افااا شنو هاااي صدك تحجين شنو انكلبت الايه صارت النسوان هي تخطب ..يعني خطبتيني هسه...

ضحكت..اي عادي يكولون اخطب الينتك قبل ابنتك قبل ابنك واني خطبتك النفسي هههه ...

ضحك كال...والله انتن جاي تصدمني يوم عن يوم انتن مو بنات خاله انتن شايطين اشو وقار مو مثلجن ..

ردت برهبه...شنو قصدك

جر نفس ...ماكو شئ هسه المهم اريد عاصم..

جاوبت بثقه...بس لازم تزوجني

ضحك ديجاوب... وما اشوف اله انركع الباب بقووة

فزيت مرعووبه بنات نوال جانن يلعبن وشمرن الطووبه

بسرعه رحت اركض للغرفه قفلتها وبعد ما طلعت وهو طلع ضل يحجي علئ البنات....

بعد ضليت بغرفتي ما طلعت وما اعرف اذا راحت او لا....

...........................

جابر....

مليت من حياتي ما متعوود هيج صار من يوم الحادث ولحد الان اني ما رايح للدوام اعتقد فصلووني من الدوام...

ضال مكابل صبرية وكاعد خبلتني كل شويه وتعاركت ويه الفلاحيين واني اطلع وراها اكول خالتي ما اكدر اعوفها...

انوب كل شويه وكالت...حلالي مضروب عين محسودات

ادري بيها تقصدي بس مغلس....

اجت من بعيد وهي شايله وكر مال خشب ...

باوعتلي...خاااب كووم يا النشمي يالسبع كوول هاي خالتي،خلي اعينها واساعدها واطلع وراها...

بس وين عيوني مو خضر حتئ تساعدني

كملت بقهر ....هو الحظ ما كعد ويه ابو اللول يكعد وياج ..

جاوبتها...خاله فدوة تعبان وطالعه روحي ومشتاق الاهلي

ردت بعدم اهتمام...جااا ما تولي ياهو الكاضك ابوووي ؟

تفاجئت...تطرديني

كطعت الها خضره جاوبت...خايبه دووولي الي خلكك

سكتت منها هي جولييت الفقيرة طردتها باليلة ضلمه عاد مو اني...

شوويه وكفت صبرية بقسووة وعبالك مثل واحد انكرص باوعت للمكان الي تباوع عليه شفت زوجها ابو اللول اجه...

تخصرت بقهر..خير اليوم ابو اللول مشرفنه شتريد

رد عليها بخبال...دسلمي اول كولي صباح الخير شبيج الي متئ تضلين همجيه...

ردت بغضب...خايبه دگوم اهمداني صباح المصخم عليك كووون شلونها حسنه الصخله حبلت بعد لو كافي ام الفروخ ...

رد عليها...شني السالفه عدنا سته شنسوي بيهم

ضحكت بقهر...اي خوووش فريق جايبتلك حسنه مال غمان...

جاوبها بملل...هسه ما علينه بهذا الكلام اني اريد ابيع البستان لان مطلوب واريد ازوج ابني جويسم

ردت باستفزاز....لا ابو اللول ما يصير مو هذا البستان ضامته الك انت وحسنه ادفنكم بيها

مسح وجهه بتوتر كال...هسه شني لكيت شراي اجيبه يشوفه

عاد هي تخبلت ضلت تهلهل...خااايبه بالقران من تجيبه ادفنك انت وياة سووه امشي ولي،انوب فوك ما تزوج حسينه ام الوصخ عليه...

انوب حطيت عينك  علئ حلالي ولك انه لهسه متخبله علئ ثوري الي بعته وتزوج بي السعلوة حسينه انوب تريد تزوج ابنك الخايس،ببستاني

هسه من كون تاخذون حلوات واحد ما ينقهر منين بالله هاي الخاطبه

رد بثول...بت اخت حسنه

غمت كصتها..اهمداني ولك ذن ما يسوون بيت مال طين مو انوب تبيع ثيران وبساتين لخاطرهن ولك كون حلوات ما تحسف

ابنك المطي كون يشوف جويليته جان غم امه علئ،بت اختها الزريكه مني منهن بس لا نويسه

ابو اللول...اي نووووسه بت ساچت

تقرفت ملامحه...وييييع من حورها يالله بس غليج ولگاله طبيچ هم صخل مثل امه ...

وهسه يالله روح ما متحملتك البستان ما ابيعة لو يطلعلك كرون انت وصخيلتك حسينه ام الگلگ...

وكفت بهدوء...روح عمي البستان باسمها مو من حقك تبيعه ...

باوعتلي صبرية...خايبه شمالك جابر هذا مو مال احترامات هسه اهد عليه الاجلح اخلي ياكله اكل ...

عقد حواجبي...منوو الاجلح

اشرت علئ الجلب...جلبي

ابو اللول باوع للجلب بخوف كلها...يصير خير يصبرية اروحن لابو داوود وهو يشوفلي حل وياج...

صاحت بصوت عالي ...درووح رووح خايفه كللش من ابو داوود امداني

هو خله وراح وهي كعدت تدخن بقهر...الجلب هو والجلبه يردون ياخذون حلالي ولا ما انطي لو يموت ويجالع ما انطي...

يبيع حلالي ويجيب صخول شكد اثول...

جريت نفس مشاكل صبرية ما تخلص واني مشتاق الاهلي شوكت اشوفهم...

بس وين ابوووي متحلف بيه وزعلان مني و ولد عمي مشكلتي وياهم مشكله....

الله يعيين والله مشتاق الاهلي اول مره هلكد افاركهم...

..........................

ريهام...

جان دنيا اليل ...

كاعدين اني و وقار نسولف ...

كالت وقار...ضايجه حييل احس الالم يعصر بيه عصر تدرين جنت احس،روحي اميرة بوجود ابويه

جان حييل حنين عليه ويحبني يموت عليه جان مفصلني، عن الكل ...

امي صح تحبني بس اهتمامها قليل بيه احس امي تحب ولدها اكثر منه احنه البنات للاسف

جاوبتها ببتسامه...لا يعمري تحبكم كلكم ماكو ام تفرق بين اولادها بس يجوز تخاف عليهم لان يطلعون ويمشون بس انتي لان وياها بالبيت ما تحسسج بس والله من تكطمت اصابعج تخبلت عليج

جرت نفس كالت...اي بس بعدها صارت بارده ويايه ومتهتم بيه يمكن تحس اني عاهه عليها واني معاقه ما تفتخر بيه

مسحت علئ شعرها بحنان...لا يعمري لا خطيه امج لا دكولين هيج حرام عليج والله تحبج بس يجوز هي هيج بارده بمشاعرها....

ردت ...اي مو مثل امج امج اشوفها حنينه عليج حتئ مرات من تجونه وتضل كل شويه وكالت...وين ريهام صيحو ريهام تجي تاكل ريهام تغدت ريهام صلا

اني امي ما اتذكر فد يوم من الايام ذكرتني كالت اكلت شربت امي رضيه تذكرني وهي لا ...

امي قاسية اهم شئ عندها ولدها والباقي مو ذات اهمية....

جرت نفس...اتمنئ اتزوج واحد حنين عليه مثل ابويه ويعوضني...

اخواني هماتين حنان مو مثل امي...

صدك اخوانها حنان بحيث من تجينه كل شويه واحد متصل بيها جعفر وصلاح وجاسر يحجون وياها يضلون هوووايه يسالون عن صحتها وعن احوالها...

ضحكت ووكفت كالت...ضوجتج بكلامي مو هههه يالله ميخالف ما عندي واحد احجي وياه غيرج...

ضحكت...لا يعمري عااادي والله اصلا انتي اختي اموت عليج ونبي...

باستني بخدي وطلعت للمطبخ دتشرب مي...

جابر...

رجعت من ديالي باليل اريد اشوف اهلي بس خايف من ابوية ما مستعد المواجهته اببد...

وكفت كدام الباب احتاريت ادك الباب لو لا بس،كلت اخاف ادك الباب ويطلع ابوووي وبهاي الحاله راح اروع عائلتي ...

كلت خلي انزل من السياج احسن واكعد امي وريهام اشوفهن وارووح...

كمزت من السياج ودخلت بحذر شفت ابووي نايم بالاستقبال ياريت ابوس ايده واعتذر منه واكله يا شيخ عكاب جابر ما نزل راسك بالعكس لازم تفتخر بيه ما خليت عرضك ملطشه للرايح والجاي...

دخلت جوه سمعت صوت بالمطبخ باوعت شفت ريهام تغسل علئ المغسله جانت لابسه ثوب اسوود وحاطه القراصه بشعرها بس واكع نصه ..

ضحكت حبيت اخوفها تقربت منها بحذر ما خليتها حست بوجودي حضنتها بقووة

وهي صرخت اول ما صرخت كتمت صرختها بيدي بحيث وجهه ضاع بيدي حطيت شفايفي عند خدها واني اضحك بستها بحنان همست.. اوويلي خوويه رهوومه مشتاقلج

حسيت بيها ضلت ترافس وتحاول تفك اديه من جسمها حسيت بوحده من ايدها مثل الحجر الاصم ماكوو اصابع...

درتها عليه ما حسيت غير بضربه قووويه علئ،صدري و وجهه انترس دمووع بثواني

همست بصدمه...وقاااااار

ردت من بين اسنانها وهي تمسح بخدها وتبجي . يا سافل يا حقييير الله ينتقم منك

رجعت مسحت خدها وهي تسب وتغلط وتبجي

همست بصدمه...اششش وقار والله عبالي اختي ريهام ما ادري بييج انتي

اجت ريهام وهي تصيح ...وينج وقار وين صرتي تشربين مي تسبحيين...

اول ما دخلت فتحت عيونها بصدمه واستبشرت ملامحها همست بحب وحنية...جابر حبيبي

ركضت وحضنتني واني حضنتها ضلت تسأل عن حالي وتحجي وبعدها شافتني متوتر وعيني علئ وقار

باوعت الوقار الي بعدها تبجي وتمسح بخدها

كالت وقار...شكو شبيها

عاطت وقار بصوت عالي ودموعها ماليه وجهه...سخييف والله متستحي تقبل صلاح يبوس ريهام

جاوبتها بغضب...غير اشك حلكهه

ريهام حطت ايدها علئ،صدرها وشهكت بقوووه... يمممه عزا استغفر الله استغفر الله لا لا حتئ حرام اتخيل صلاح يب...لا لاااا استغفر ياربي....

رجعت كملت ...جابر ليش هيج صاير زايح الاخلاق مو عيب عليك ليش تبوسها ترئ،حرام روح استغفر وتوب الربك...

جاوبتها بعصبية...لج انجبي ما ادري بيها عبالي انتي وبستها لا تكبرنها يالله مصار شئ

جاوبت ريهام...يمه هاي لو اني جان متت الحمد لله بس خطيه وقار لازم تتزوجها وتصحح غلطك...

رديت عليها بقهر...هيي هييي ترئ لا اراديه شنو اتزوج شنو اصحح غلطي حسستيني مغتصبها...

لطمت خدها ريهام و وقار انهزمت بسرعه

كالت ريهام بخجل..صاير حيل ما تستحي يا جابر عيب والله وخطيه ليش هيج تحرجها...

عفتها تحجي الوحدها وخليت ورحت دخلت شفت امي بستها وحضنتها وهي عاتبتني وضلت تحجي وبعدها بشويه خليت ورجعت الصبرية...

بس قبل لا اطلع سمعت ريهام و وقار لسه يذمن بيه ويحجن عليه ضحكت خبال حتئ خبال هي بوسه قابل شماخذ...

...........................

جولييت مر كم يوم...

روتيين عادي مثل كل يووم شغل وتنظيف وكنس ومسح وهو مطنكر عليه...

لا احجي وياه ولا يحجي ويايه بس هو اتصالاته مستمره يطلع ويدخل بس،يتصل...

كعدت الصبح دا اغسل ملابس دخلت للمنور حضرت الملابس والزاهي ...

ترست الحوض مي...

حسيت اكو حركه بالبيت طلعت شفت اجت ريهام و وقار جابتهن ام جابر...

ركضت سجئ،بنت فلاح صاحت ...ماما اجت وقار ام ايد المكطومه...

وقار عبالك ذبيتي عليها مي بارد ضلت صافنه ومقهوره ...

طلع جاسر من الغرفه صاح بصوت عالي...سجئ

هي اجت بس ترجف بخوف كالت...هااا عمو

كلها بجمود ...شكلتي الوقار.

لمعت الدمعه بعينها كالت ...ما كلت شئ،

اشر الها كلها تعالي هي اجت بخوف كالت...هااا عموو

خالتي ام فلاح كلتله...دعوفها هي طفله ويتيمه شتفهم

رد علئ امه بقسوة...اي خبلن البنيه طفله ويتيمه طفله تتعلم تحترم الاكبر منها وبعدين منو معلمها تغلط علئ عمتها وقار

باوعلها بخزره ...عمو من. معلمج تغلطين علئ عمتج وقار

جاوبت بخوف...امي دائما دكول وقار ام ايد المكطوومه ...

نزلت نوال بسرعه كالت...دهر صابج يا حيوانه اني شوكت كلت والله اليوم اذبحج ذبح ازوركج تزورك بصونده هي ضلت تبجي

جان صلاح شال سجئ ومسح دموعها ..

جاسر رد عليها بغضب...بالله هاي تربية شنو تذبحينها وتكتليها ترئ احنه اهلها وما نرضئ واحد يمسها حتئ لو انتي امها علميها الصح من الغلط مو تضربيها

جعفر رد...هي هاي ام هاي مجرمه

هي ردت بقهر...انت احترم نفسك تحملتك هووايه

صلاح....اسكت جعفر خلي نتفاهم وياها لا تضل تحجي

جاوبت بدموع...والله جعفر بس يغلط عليه ويهين بيه واني متحملته ترئ حرام عليه شيريد مني يريد يهجولني...

رد جعفر...عمي ساكت ومنجب وماكل تبن صدك لو كالو مو نسوان انتقام...

خله وراح وهي ضلت تحجي وتبرر وتحلف بروح فلاح هي ما كايله علئ وقار ام ايد المكطومه...

محد ياخذ منها لا حق ولا باطل وخلت وراحت الغرفتها اخذت بناتها...

صاح عليها صلاح..لا تكتلين البنات

هي دارت وجهها وهي دتصعد الدرج كالت ببتسامه وهي تتدلع...تدلل صلاح بعيني ولو جنت ناويه اموتها لان ما احب البنيه الجذابه

هو سكت وراح بس شفت نظرات حب بعيونه لريهام وهي من شافته استحت حييل ...

شفت جاسر يحجي ويه امه وبعدها اتصل موبايله ضل ربع ساعه الخط مفتوح بس هو ميحجي وبعدها كال...معقوووله يعني اكييد بخور الزبير....متأكده

نهاية البارت ...يتبع

كونوا انتم كونوا بخير....احبكم 💔

نور سمو العراق .🤗

التعليق الي اني اختاريته وفوزته هو هذا 👇👇😂😂...لان هل ايام وئام ماكو ..

البارت هديه الها وهماتين هديه لسمسمه لان اتهمتني بالسب والقذف المجرم قلبها الكاسر 😂 smsma89

وهماتين اعتذر اذا البارت مو بالمستوئ المطلوب بس والله اليوم مريومه بنتي بالحجله وانطبك الباب علئ اصابعها وبس تبجي سوده عليه 💔

بس محبيت اتركم بدون بارت

تابعو هذن الكتابات قصصهم كوولش حلوة...

Ken_jong
Tabark_Hussain
ssarahh_333

ولا تنسو التصويت والمشاركة بكم نكتمل 🌹

وغلسوا علئ السحكات 😬