رواية #جوليت وأسرها.... الفصل الأول 1 - بقلم الكاتبه سمو العراق

......مسأكمـ..عطر يفيح من سلسبيل وجودكمـ  ...

مشهد من روايه قادمه تحمل في حناياها الكثير من الألم والمواقف المثييره...

👇👇👇👇👇👇👇👇👇

خوووف رعبب ظلام روووح معطووبه

كاعده بزاوية الغرفه الضلمه واني لامه رجليه الصدري وارجف احس انطفت شمعة حياتي

ما اعرف شلون لحد الان ضلت رووح بيه ...

شنو ذنبي الغفران اليه خطيئه عظمئ...

الي صار بصمه وبصمة ذنب ملعوووون ...اييي لعنه حركت الاخضر واليابس...

وكفت بصعووبه واني استند بالحايط لزمت بطني بوووجع...

وصلت لحد المرايه مالت الميز ابو تواليت باوعت باستغراب هاي شوكت انكسرت....

صفنت بتعب واني ابحث بذاكرتي وبين الكم الهائل من الاحداث اتذكرت ....اييي ايي من اندفعت علئ المرايه انكسرت بضهري..

باوعت الصورتي بالمرايه اكثر من عشر اجزاء وكل جزء يبين انكساري و وحدتي وقلة حيلتي

غمضت عيوني ودموعي وكعن بدوون سابق انذااار مدا اصدك الصااار والله عبالي حللم انام واكعد اكووول حلم

جريت نفس واني امسح بدموعي...ليش اني شوكت نمت من صارت الحادثه لحد الان اني ما غمضلي جفن

والخوووف يكسر باعظامي تكسر...ايديه ترجف بقوووه والرعشه اعتلت جسمي

فزيت مرعوووبه من سمعت الضرب على الباب وهي تصررخ وتفح بغضب وصوتها مبحوح من البكاء...اطلللعي يا سافله اطلعي يااا حقيييره والله والله لو اني لو انتي بالبيت ماكووو ما تضل ما تضللللل...

اووووف ربي يااا بوووويه اتمنئ اكلها واشرب من دمها ولا يشفه غليلي طلعووووها اكرهههه

لزكت بالحايط واني ارجف وابجي وحسيت بطني سجاجين بداخلها ورجليه ترجف برعب ...

مد اكدر اسيطر علئ نفسي احس بشئ حاار نزل على رجليه ...

باوعت الرجلي شفت الدم ماخذ خط طوويل ومسار وااحد صرخت بخوف واني ابجي ...حضنت طفلي الي باحشائي بألم...لا حبيبي لا تموووت يممه يطفلي لا تخليني،وحيده بدونك يعمري

رفعت عيوني للسكف وبنحيب ورجاء...ربي محد الي غيرك اني هنا اسيره وكبش فداء ربي احفظني اني وطفلي،وارحمني انت وكيلي وما اتوكل علئ احد غيرك...

وكفت بصعووبه ولزمت ظهري بوجع ضليت افتر بالغرفه بتوتر وخووف واحس ساعاتي،قليله ياربي هاي النسوان جرمن بيه وما خلن شئ صاحي بيه

زين الزلم شتسوي،بيه...وهو شلون احط عيني بعييينه شلوون اذا اتقابلنا بعد الي صار والله يذبحني

يمممه ويينج مو تدرين بيه اخاف منه ومو تدريين بيه حتئ،كلمة استحي انطقها بوجوده...

يمممه شلوون اواجهه بعد الي صار وين رحتي وعفتيني ..

مسحت دموعي الغزيره ومن كثرها احس عيوني ورمت وصار شكلهن مقرف...

ضليت افتر بالغرفه اني لازم انهزم ما اكدر اضل هنا اخاف يموتوني،اني وطفلي لازم اطلع...

بس شلون اطلع والبيت عليه حراسه مشدده وبعدها السالفه حاره واهل العكل واهل السلح تارسه البيت والشارع...

بلعت ريكي كوووه احس مثل العلقم جووفي مررر

بجيت بألم اني لازم اطلع منا لازم انهزم اذا اضل اموووت

فتحت الكنتور طلعت عبايه منها وحجاب لبستهن بسرعه والنزيف ماخذني...

شلووون اطلع مشيت علئ كييف وهدوء باوعت من الزرف مالت الباب شفتهن يرحن ويجن و هوسه...

بلعت ريكي وتنفسي احسه صعد احس الاوكسجيين قل عندي اختنكت...

ضليت اراقب اراقب بالباب شفت نسووان هووايه طلعن كلت خلي اطلع وياهن بلكي اضييع بنص الهووسه

شجعت نفسي واني ارجف من كثر رجفتي وارتباكي وخوفي راودني احساس ان بس اعتب باب البيت انلزم واذا لزموووني اكييد يموتوني

صرت مثل الي بحنجرته مووس لا هو بالعه ومرتاح ولا هو مطلعه ومرتاح...

طلعت بسرعه وياهن وغطيت وجهي وهنه جانن يدورن علئ شحاطاتهن ويلبسن...

مشيت بخطوووات سريعه واحس المسافه صار طووويله رغم هي كم متر...

كدرت اطلع شفت العالم مجتمعه واكثرهم ملثميين والسلاح بيدهم...وناس مؤيده وناس معارضه

وشيخهم عگاب العلي ...لابس شماغه وناسف عباته ولكل تحت امره طوووعه وهو الامر الناهي بقبيلة عشيرته ...

شفته يحجي ويه أسري حسيت كلبي انخمش من مكانه من شفته...

رجليه صارت خيووط ضليت مركزه عليه بجبروته وحضوره المهيب الي يخلي كلبي يرجف ...

لابس كله اسوووود ولازم اسلاحه بيده وملامحه محتده بقسوووه ويحجي بعصبية واهتمام بس ما عرفت شنو يحجي ..بس اكييد يطلب القصاص..

عفتهم واني امشي بسرعه بسررررعه وما اعرف الأي مكان مجهوول حروح الدنيا تخوووف والغربه ذبحتني ودموعي،تتطاير من عيوني ولازمه بطني بوجع...

وصلت مسافه مو طووويله حسسيت بوواحد لزمني من عضدي درت وجههي برعب وخووف و رجفه ...

درت وجهي عليه شفته عاقد حووواجبه وشاد علئ شفايفه بقسوووه وعيونه حمر من غضبه

من شفته ما تمالكت نفسي ووكعت علئ الارض

بس هو سحبني بقسوة وعنننننف حسيت خلع جتفي همس بفحيح شيطااااني...

رفع اصبعه وكال...خيالج بألف ينعد اذا يزعل...

💔💔💔💔💔💔💔💔💔💔

انا أسيرتك التي لم ولن يجرؤ اي رجل
علئ وجه الارض مساسها غيرك
هاا انا اراقبك بمدائن من القلق الكامنه في عيني
الا تشعر بتنهيدات الخوف الذي تقصف وجداني؟
متئ انجو من هذ الاحتراق الذي يجوب شراييني
اسري استحلفك بالذي اسكنك قلبي..
متئ تعتقني من شضايا اوجاعي النازفه يا أسري

جوليت وأسرها...💔

.......................

روايه جديده بعنوان...« جوليت وأسرها »

ذات طابعي عشائري تغلفها الرومانسيه والثارات ...ببطله بريئه جميله واحد رجال العشائر الثائرين....

ان شاء الله هماتين بيها نوع من الكوميديا لان هذا اسلوبي فاحاول اطلع جانب مضحك من الابطال من خلال كلامي،وياهم...😂

هي كان تنطرق قبل رواية...في ثورة حبك

لكن احداثها شووويه صعبه فاجلتها لما بعد رمضان ان شاء الله...

الغلاف من تصميم طلحه طبعا كوووولش كووولش عجبني...Talha-25-3

كونوا انتم كونوا بخير...احبكم 💔

نور سمو العراق😘

انتظروني 🌻

للتنوية...القصه حقيقيه