رواية #جوليت وأسرها.... الفصل الحادي والأربعون 41 - بقلم الكاتبه سمو العراق

البارت الثلاثون
رواية...

جولييت واسرها...غياهب الإنتقام
بقلمي....نور سمو العراق

💔💔💔💔💔💔💔💔💔💔

*ازعجتني الحيااه ف اناا اريد هدوء المقاابر💔*

..........................

الكل يتراقص علئ حدود احزاني والكل عبر علئ سياج جروحي والكل داسني واحتلني...

كل هذا رضيت بي رضيت بحرماني من امي بدون سبب ورضيت بحرماني من كياني وانوثتي هم بدون سبب...ورضيت باتهامي وتنكيلي وكووله بدون سبب

بس مستحيل ارضي واحد يتعرض الاطفالي اني لبوه شرسه اتخبل علئ اطفالي انجنن اتمنئ اموت ولا واحد ياذيهم هيج اني مسودنه بيهم

شفت الجاي وكع علئ فخذ مرتضئ الطري وصدره وسلخ جلده صار مثل الطير المذبوووح يرفس وينازع بروحه منازع...

من شفت روحه البريئه الترفه شلون ينازع بيها انهاريت ...

صررخت برعب ولزكت روحي بالحايط حسيت الحبال الصوتيه تكطعت ...يمممممه ابني يمممه رضااااوي ..

ضربت علئ خدودي بكل قووتي وملخت شعري ...ولك يمه رضاوي والله بعدني طفله لا تيتمني...

اخذته رضيه وخالتي وهنه يركض و وقار تصرخ وشايله مجتبئ الي ارتعب من بكائها الحاد وضل يبجي عليها...

نوال جانت مصطكه وما حجت شئ بس جان واضح الخووف علئ ملامحها...

ركضت طلعت وراهن واني اصرررخ وجهي كله دموع مخلوط بدم مهدور...

اجت جيرانهم خطيه علئ صريخنه ولبستني عبايتها اخذانه ابنها للمستشفئ علئ صوت صريخ مرتضئ وسكراته كلت مات ميحجون بيها اثنين...

ركبنه بالسياره وهو مفرفح مثل الطير المنحور ضل يرجف ويصرخ واني من شفته هيج انهاريت ..

وماما رضيه حضنتني وهي تسكت بيه كالت...كولي يالله ما بي شئ يمه...

باوعتلها بعيون كلها حزن ودموع...يااا ما بي شئ والله ابني حيموت والله اذا مات امووت وراه والله

وصلنه للمستشفئ نزلنه نركض خطيه الولد مقصر اخذه للطوارئ ضلوا يعالجون بي ويزيحون الجلد المحترك وينضفون بي وما اسمع بس صريخه

كلبي ما انطاني اعوووفه لوحده دخلت اركض عليه شفته يرجف ونعومه جسمه ممساعدته صاير ازرررك من البجي...

اجيت اصرخ وابجي واباوعله وارجع طافره من هوول المشهد والرعب الرجفه الي صارت عندي...

وماما رضيه تحضن بيه وتسكت بيه وتبجي...

اباوع الخالتي تبجي وتنوح عليه رغم المي علئ ابني بس حنيت لهذا الموقف ..

صرخت بصوت عالي...يمه ويينج ويينج تشوفيني تبهذلت يممه ليش هيج حضي ليش كل شخص احبه انحرم منه...

ابني يمه ابني...اني يتيمتج يمه والله لو ميته ولا هذا كله علئ الاقل تذكريني بثواب بفاتحه ليش هيج ناسيتني يمه عار عليج اني ؟ بس اريد افهم...

حضنتني رضيه..سوده عليه يمه علئ كيفج كولي يالله ان شاء الله ماكو شئ

لزمت صدري ببوجع واني اباوعلها باسئ وشلال الدموع مأخذ مساره...ابني يمه ابني مفرفح شنوو ذنبه ليش هيج يصير بيه ليش الباطل عايش مرتاح واني المظلومه الدنيا خلتني كدامها وكالت ما عندي غيرج ضاله تردم بيه من كل جانب

رضيه بايمان...هذا حضج من الدنيا يمه قل لن يصيبنا إلا ما كتب الله لنا...

رجفت ونحت بألم...يمه ما اريد انصاب بجهالي والله ما الي طاقه بفراكهم يمه والله ما الي ذنبي شنو ذنبي حتئ انحرم من اول شبابي

خطيه راحت جابت بطل مي وغسلت الي احس راسي حينفجر من الوجع والبجي...

وكلبي يرجف علئ ابني بين لحظه ولحظه اكوول مات من صوت بكاءه خطيه بعده صغير ولحمه ترف...

شويه. اجانه جعفر وهو ملهووف بنص الصاله مالت الحروق...

كال بقلق وخووف..هااا شكوو شبي مرتضئ ؟

رضيه حطت ايد علئ ايد بخووف....احترك بالجاي

جاوب بغضب ....شبيجن ما تنتبهن يعني طفل يحترك بالجاي وما تنتبهن وانت اربع نسوان بالله وجهه الطاوه ما محسوبه من النسوان...

هو حسيته جان يعرف نوال السبب بس راد نحجي

رضيه بعصبية ...هو كله بسبب وجه الطاوه جنها ثور تزاكط ملخت جولي تملخ ورفستني وطيرت الجاي من ايدي...

فتحت عيونه بصدمه...صدك تحجين شنو هاي ما الها رداد بسيطه خلي ارجع واني اعلمها شغلها اله اربيها من جديد...

ام فلاح...عوفها يمه خلي تولي

باوع لامه بغضب...بالله رجاءا يمه لا تتدخلين بين رجال ومرته محد خلاها تتفرعن غيرج اله هي هاي شنو بالنعال ما اعترف بيها...

خله وراح يسأل الدكتور عن مرتضئ...

رحت وراه اركض اني وخالتي وامي ضل يحجي ويه الدكتور جاوبه بهدوء...بابا الطفل عنده حروق مو بليغه لان هو لابس ملابس بس يضل طفل وما يتحمل لذلك لا كل شويه واحد داخل عليه احنه دنهتم بنظافة جروحه لان نخاف من التلوث ونخاف التلوث يسمم الدم او يوكف الكليات...

وكفت يم باب غرفته بنحيب...لا فدوه لحد يدخل عليه ما اريد يمووت فدوه

جعفر باوعلي بنظره حزينه كال...هاي نويله ضاربتج

نزلت راسي وسكتت...

جر نفس ...بسييطه بسييطه ارجع لو ما ارجع اله اخلي يهود بني قريضه كلها تبجي عليها...

خالتي لحكته...عوفها لا تحاجيها حسابها عندي اليوم اطردها لاهله واطيح حضها...

رجع عليها ورفع اصبعه بتهديد...رجاءا لا تتدخلين بيني وبين مرتي...

خله وراح .
وخالتي كالت الرضيه بقلق...باعي اني رايحه وراه هذا مسودن ان شاء الله ساعتين واجيكم مم اخابر فتحي عليه خط وطمنيني عن روضي...

رضيه هزت راسها بأي وخالتي خلت وراحت تركض وره جعفر....

ضلينه بالمستشفئ اباوعله من الجام ينام من المهدئات وكل شويه يفز مرعوب واني گلبي ما يرتاح لا من ينام ولا من يفز ...من اشوفه نايم اكول خاف مات واضل انوح ومن اشوفه يكعد يصرخ اضل محتاره شسوووي واركض للدكاتره اتوسل بيهم ينطونه شئ يسكن الالمه....

طلبت من الدكتور ادخل عليه اول مره مقبل بس بعدها انطاني ملابس معقمه ودخل...

ياربي عيونه البريئه استثارت عاطفتي والمني بسته بخده الناعم ونزلت دموعي علئ وجهه وهو يباوعلي بنظرات تذووب القلب و يأن بصوت لو كلبج من صخر تبجين عليه...

همست عند خدوده ودموعي الجريحه تنزل بصمت...حبيبي ماما رضاوي سوده عليه الحرگ الامك يا ضناها حسبي الله ونعم الوكيل حسبي الله ونعم الوكيل علئ كل ظالم...

اجت المضمده كالت...لا تخافين حبيبتي ان شاء الله مابي شئ انتي زوجج وين هذا الي اجه وراح

مسحت دموعي بباطن كفي همست...ان شاء الله لاهذا حمايه الصغير زوجي مسافر ...

اردفت بحزن...مو اشوفج الوحدج هنا اكول خطيه هاي البنيه ضاله تركض لوحدها هي وهل مره العجوز ما عندها اهل ما عندها زوج...

طعنتني بنص كلبي من ذكرتهم ثنينهم همست بعذاب...وحيده لا صديق ولا سند ولا اهل ..

جرت نفس ...الله يعينج والله اباوعلج من بعيد اكول شكد حلوه هل بنيه هنيال زوجها واهلها بيها حلوه وحنينه تخبلت علئ ابنها

مرات يجنه امهات لا ابالي وفاهيات ومدري شنو من مله الله يشافي ابنج ويسعد گلبج حبيبه...

بلعت ريگي مثل العلقم...شكرا فدوه الكلبج علئ هل دعوه الحلوه

هي ابتسمت وخلت وراحت واني طلعت يم رضيه وكل شويه اطل عليه اشوفه بعده متالم اسالهم يكولون بابا هذا حرك مو زين ما مات ...

............ . ...........

وقار...

طلعت امي وماما رضيه وجولييت اخذوا مرتضئ وراحوا خطيه الولد مفرفح من الوجع...

جان عندي مجتبئ ضل يصرخ ويبجي علئ بجية اخوو واختلس من الصريخ الي صار...

جنت لازمه مجتبئ واسكت بي حيرني حيل سويتله ممه ما قبل انطيته الملهي مقبل...

خابرت جعفر كتله نوال تعاركت ويه جولييت ومن وراها احترك ابن جاسر بالجاي...

خطيه هو تخبل كال...اليوم وجهه الطاوه اله احرك الخلفها واحرك عشيرتها...

رجعت خابرت ماما رضيه شويه طمنتني خطيه اخويه جاسر ما عنده حظ بالأطفال بنته ماتت وابنه ينازع بالموت والله لو يدري يگلب الدنيا علئ راسنه...

نوال جانت كاعده علئ الدرج وكل شويه وكالت...ترئ اني مالي شغل هي دفعت رضيه و وكعت الجاي مو هيج ماما سجاوي...

طبعا سجاوي مخليتها الناطق الرسمي الها وشاهد الزور كل شغله وشهدت سجاوي

باوعتلها بغضب...بالله اسكتي رجاءا انتي اجيتي هاجمه علئ البنيه واتهمتيها باطل صارلها شكد ويانه ما تمد ايدها وتفتح الثلاجه م. عاد تبوگ ذهبج

وكفت بعصبية...اييي اييي خلي الصوج بيه اكلج وقار اشو انتي من انخطبتي لحد الان وانتي تتعيقلين وشايخه علينه ليكول ماخذه توم كروز هو كله داوود سلبوح سيان ...

حركت كلبي فوك شينها كوات عينها...انتي دومج ما ترضين بالحق وتحبين الناس كلها تشهد وياج باطل الله يرحم فلاح جان لاصمج لصم فنج فتحتي حلكج بكلمه

تخصرت وردت باستهزاء...اني ما اخاف من اي واحد لا فلاح ولا غيره اخاف بس من الخلقني وبعدين شكو كاتله نفسج علئ هل قندره

نسيتي اخوها شلون كتل ابوووج شلون كتل اخووج وبنت اخووج لو انتم حزنكم بس اول شهر دفنتو وينه وينه

ومخلصيها اعراس ومناسبات ونستو ثاركم والله واحد غيركم من زمان ذبح جولييت هسه ما بيكم خير غمان لا تذبحوا طلكوها واخذوا جهالها ترئ والله صعبه نعيش ويه كتال اهلنه ....

بس وين انتم كدرتكم بس علئ الفقير كدرتكم بس عليه وذيج المدلله ام عيون زرك محد يكلها علء عينج حاجب...

دخل جعفر بغضب كلها...بالله بلا زحمه ست نويله ممكن تفهمينه منو الفقير ؟

هي باوعتله بصدمه وبجت بتمسكن...جعفر شسون بيه موتني تموت وهاي جولييت كطعتني تكطع حتئ كسرت ركبتي تعال شوفها شوهتها تشوه

هو طك رگبته بحقد ...لا اليوم صدك اشوهج من صدك

هجم عليها بحقد وكره وهي انهزمت بس لزمها سحلها سحل كطعها تكطع وهو يغلط ويسب...ولج بنت الزمال بنت النعال فوك ما متحملينج انوب تسوين مشاكل

وهي تتخبط بين اديه وتصيح وتصرخ...لك ابو العرك لك اني تضربني والله اذا ما ندمتك ما اطلع نوال

من غلطت عليه اثارت جنونه رفسها بقوه علئ بطنها وسحلها من شعرها ...بنت النعال ولج اول مره اشوف وحده عار مثلج انعل ابو اتربيتج السكط والله انتي عار علئ النسوان

نوال يضربها وتوكف تعارك شكد قويه مشفت هيج وحده كلها بعصبية...وين وديتي ذهبج ليا طريق سكط خسرتي وجايه تتهمين هل مسكينه وحركتي ابنها

دفعته وهو جهها صاير خارطه...ما حركته هي حركته والله شور بيها وبهذلها وطلع حوبتي بيها لان مدت ايدها علئ ذهبي واخذت مال اليتامئ...

عاد هو جابها براشدي صرخ بوجهها بجزع...اشو انتي مصدكه روحج تجذبين الجذبه وتصدكينها يم طالعلج جني يوم باكوا ذهبج اخاف الجني باگ ذهبج

شكت ثوبها وطلع صدرها وهي تدعي...الله علئ الظالم اريد كون ياجعفر يجيبونك بالعلم اريد الله ياخذ حقي منك

رد بملل...والله من يوم الي تزوجتج وانتي أتمنى يجيبوني بالعلم بدون علم بس المهم اخلص منج هو الجني ينلام لو تفل عليج

رفعت راسها وهي تدعي بصوت عالي...ربييي انت تاخذ حقي اريد كون سرطان بكلب جعفر وجولييت

جان اكو كلاص مال مي وسراحيه شال الكلاص وركعه بيها اجه بجتفها كلها...سرطان بكلبج ويخلصنه منج

يالله يالله امشي ولي الاهلج ما اريد اشوف خلقتج الزفره ام المصايب انوب تدعي عليه چساحة الزلم ...

دخلت امي وهي تصيح...الله اكبر بيت لو غضب ولكم متت شلون احرك روحي يالله ارتاح

شافت نوال شاكه الثوب وتلطم وجعفر يتهدد واني كوه لازمته....

نوال بتمسكن وصياح...شوفي خاله شوفي شلون موتني كتل من وره جولييت حضي حضها الكل يباوع الحلكها ايي عمي حقها سدت حلوكم بتوم ولد مثلي حضي مكوم عليه البنات...

جعفر بغضب...امشي ولي يمه اخذيها الاهلها ما اريدها والله ضلت هنا احرك روحي ببنازين والله فلاح مات وارتاح منها وانوب بركستوها براسي

عي جاوبته بوقاحه...والله ولا اطلع هذا بيتي وبيت بناتي تريد انت اطلع الله ومحمد وعلي وياك

هو دخل الغرفته وشمر اغراضها تحت انظارها كال...روحي انطمي بغرفتج انتي والجني مالج وبعد اذا اجيتي تتبجبجين اله اشك حلكج بالنعال...

هي ضلت تسب وتغلط وشالت اغراضها وراحت امي رادت تاخذها لاهلها بس هي عرمه قفلت غرفتها وكعدت وتصيح من الشباك والله والله لو اموت ما اطلع من هذا البيت اله جنازه...

اي حقها لان هي محد يتحملها غيرنه احنه متحملين لخاطر هل بنات والله شنو ذنبهن وهي كلبه تكتل بيهم وما ترحمهن من احنه موجودين منقبل تكتلهن..

امي خابرت جاسر كلتله ابنك احترك بالجاي وهو تخبل كلها شلون احترك امه وين عنه

جاوبته...ملتهيه وعافته وتبده الجاي عليه واحترك ارجع من سوريا بسرعه

ضل يحجي ويغلط علئ جولي عود لان مهمله وما انتهبت لابنها...

ما اعرف ليش امي ما حجت الحقيقه لجاسر وذبت اللوم كله علئ جولي وطلعتها مهمله...

امي من زمان سافطه ويه خالتي ام هاله لان عود احمد خطيب هاله فسخ خطبته من وره جولي...

اتصل موبايلي شفته داوود جريت نفس وفتحت خط مدري شبيه قلقانه منه ...

سلم عليه وضليت احجي وياه حجيه كله رومانسيه ومرات يضل يمسلت من اجي اريد ابوسج واحضنج ما اريد اخوانج يمنه...

حاولت اغير الموضوع واغلس كتله...ابن جاسر اخويه احترك

كال بصدمه...لااا بس لا ابن جولييت؟

استغربت...اي ابنها بس انت منين تعرفها؟ دائما تسال عنها

جر نفس...اي اعرفها غير جانت عند عمتي صبريه

رفعت حاجب...اهااا اي صح الله يكون بعونها...

تنهد بتنهيده طوووويله...اوووف والله حلوه تجنن مو مره بس اخوج ماخذ مره

انصدمت من كلامها كتله بتفاجئ...شنووو؟ مو عيب هل كلام شلون هيج تحجي عن زوجة اخويه هيج

كال بضحكه....هههههه شبيج اتشاقه وياج تحجين صدك ؟ اريد اشوفج تغارين لو لا هههه الحمد لله طلعتي تغارين...

رمشت بعيوني...انت شنو تحجي شنو اغار مو عيب

داوود...اي ردت اجس نبضج اشوفج تحبيني لو لا ردت اختبرج

تنفست بهدوء..لا والله تختبرني؟ مهما يكون اني ما اغار من زوجة اخويه وما اقبل تتغزل بيها لان هي عرض اخويه قبل لا تكون اي شئ...

داوود...اتشاقه وياج شبيج حبيبتي ليش زعلتي

ضحكت بقهر كتله مزعلت ضل يسولف كال...ان شاء الله ما ضل شئ ونتزوج...خفت من كال نتزوج

قفلت الخط ورحت ضليت انضف واشتغل وايدي متعيني شكد مشتاقه الرهومه حبيبتي مابيها اذيه مو مثل نويله حية تبن...

....................

ريهام...

بعد ما كملنه زيارتنه رجعنه للعراق نزلنه بمطار بغداد الدولي جانت سفره تجنن بس من ضعت شويه ضجت...

جبنه هدايا هوايه حتئ لنوال وبناتها جبنه منفرق خطيه...

اخذنه تكسي ورجعنه هم يوميه يخابرونه اليوم محد خابرنه...تفاجئت...بس لا صاير شئ...

وصلنه للبيت وصلاح نزل الجنط ودخلنه استقبلتنه وقار والبيت جان فارغ

سلمت علينه وقار وسالنه عن الاهل كالت ماكو شئ ابن جاسر تخربط وراحوا للمستشفئ ...وجاسر مو هنا بسوريا

صلاح كال..يالله لعد اني راح اروح للمستشفئ محتاجين

وقار همست...ارتاح شويه

ابتسم وسحب راسها وباسها بشعرها...لا خطيه خلي اروح اني عادي متعلم علئ السفر ما تعبان...

خله وراح واني ضليت ويه وقار سألتها عن نوال كالت جعفر سكطها تسكط وخلت وصعدت الغرفتها

استغربت ليش كالت ...لان تعاركت ويه جولي ومن وراها احترك ابن جووولي...

انصدمت يالله شبيها هاي والله اني نمله تمشي علئ الارض اشيلها اخليها بغير مكان اخاف واحد يدوسها وتموت...

سالتني عن صلاح شلونه ويايه ضحكت كتلها...والله كووولش حباب بس شويه هووايه...

سكتت ما كملت كلامي كالت...احجي شبي هوايه شنو ههههه

فركت اديه بخجل...هوايه ينام...حجيتها بصعوبه

ضحكت ...ههههههههههه خرب غيرتج ريهام حلوه هاي هوايه ينام خلي ينام

بلعت ريكي...اي بس والله استحي واحس نفسي تعبانه جسديا غثيان ودوخه

ابتسمت وهي تحضني....مبروووك يعمري حامل

ضحكت...غير تستقر السونار المضبوط لج منين حامل هسه تزوجت

وقار...اي حيصير شهر عيوني وبعدين حياتي استعجلي اريد اصير عمه

بستها بخدها واني اضحك...عساس مصايره عمه هسه كون اني أصير عمه بس وين جابر معاند ميتزوج

نزلت عيونها باسئ...ان شاء الله يتزوج يارب وتصيرين عمه

نزلت نوال وجهه مشوهه باوعتلي وخزرتني وخلت راحت للمطبخ صبت اكل وصعدت فوك

خرب حضي هاي شبيها حتئ مكالت الحمد لله علئ السلامه يالله ما عليها عتب ضايجه...

اخذت وقار بمرح ورحت واني اسحب بالجنط فتحتهن طلعت منهن هدايا وحتئ اغراض اليه عجبنها انطيتهم الها وهي خطيه حيل فرحانه...

انصلنه علئ ابن جاسر تطمنه عنه ومجتبئ اني صدك تعبانه بس غسلت اله ورضعته ممه ونام يمنه بس اني و وقار جبنه العش مالته خليانه بي...

نمت شويه و وقار كل شويه وراحت يم مجتبئ تشوفه وامه كل شويه تخابر عليه وهي تبجي وتوصي عليه ...الله يعين كلبها مسكينه...

.............. .............

‏والآن أشهد أن حضورك موت
وأن غيابك موتان .

- محمود درويش....

جولييت ...

نمر بينه الحياة واحنه نودع بيها لحظات منها حلوه ومنها مره ومنها مؤلمه

لكل واحد بينه  نصيب من هل ذكريات والحياة الها فصول تحمل هوايه من المفاجآت العجبية

ابني مجتبئ گوه متحمله فراكه مسكين صار يومين مشايفته  والدموع تهمل مثل شلال بصمت عليه وعلئ اخو...

خالتي اجت هي وجعفر وصلاح وعمي ابو جابر ومرته يشوفون مرتضئ ...

ضلوا شويه وخالتي كالت الرضيه اخذي جولي وروحي وان شاء الله بس ترتاحن وتسبحن تعالن ان شاء الله ما بي رضاوي...

ما قبلت اروح بس جنت محتاجه اغير ملابسي واسبح كلت نص ساعه واجي...

رحت للبيت استقبلتني وقار ورهومه سلمت عليهن جابن مجتبئ انطنه عليه دفنت وجهي بصدره وبجيت بشكوى والم علئ ابني الغالي

احتضن اصبعي بباطن كف ايده الرقيقه الناعمه ابتسمت عليه وبسته بخده وهو يباوعلي فرحان بيه ويناغي اليه....

اخذته ريهام تبوس بيه وتعض بي كالت..حاخذه اليه اشمر صلاح واخذه هههههه

ضحكت...اخذي بس ترئ مزعج هوايه يبجي

باسته بخده كالت...لا حباب فديته طالع علئ امه مز علئ ابو ههههه

ضحكت بتعب عليها وضلت تسالني عن مرتضئ واني جاوبتها هو بخير كالت...اليوم يجي جاسر  هو بتركيا طالع من سوريا وحاجز اقرب طياره وجاي...

خفت من جيته ورغم خوفي بس جنت حيل بحاجه اله اريد اشكيله اريد يحس بالعذاب مثل ما اني دا احس

اريد اشوف بعيونه الخوف علئ رضاوي لان جنت اكول هو يحب بس مجتبئ ما اعرف ليش بس من اسمع من يخابر شلون ملهوف وترك شغله واجه كووولش فرحت رغم الفرحه معدومه عندي علئ ابني....

خليت ودخلت سبحت وطلعت رحت الغرفتي ونوال نزلت من غرفتها عين الحلسه ملسه ولا جنها كعدت تعلف جنها مطي جوعان...

اجه جعفر كال...جاسر خابرتني امي دكول من المطار كبل اجه للمستشفئ ومتخبل علئ مرتضئ اليوم يحرك البيت علئ راسجن ...

حسيت برعشه بجسمي بمجرد ذكر اسمه اكيد امه كلتله مرتك مهمله واحترك ابنك ...

مرة نص ساعه ودخل فتحت شباك الغرفه شفته من بعيد لابس اسووود وعيونه تجدح شرار

اسمعه يزمجر بغضب ويسب ويغلط واني لاحنب طشار من كلامه اللاذع...

عذرته ما يعرف بالحقيقه المره

تلكته نوال...هااا خويه الحمد لله على سلامتك والله متت قهر علئ ابنك يوميه اصلي وادعي اله بصدق نيه

جعفر كان هنا بس من قبل لا يجي جاسر طلع...

ريهام جانت ساكته متحجي و وقار كلتلها...ترئ من وراج انتي الولد جان مات...

هي تخصرت كلتلها...وشنو هو ابني لو اني كلتلها عوفي بالكاع هي امه مهمله وما بيها خيير واحترك ابنها...

رضيه جانت تسبح بالحمام...

هو صاح بصوت غاضب ...وين جوليييت اني كم مره كلتلها ديري بالج علئ جهالج...

طلعت من الغرفه بقهر هو باوعلي انصدم من وجهي والعيون الذابله انلجم عنده الكلام وما نطق بولا حرف

صرخت ببكاء...شترريد من جولييت تعاقبها علئ ابنها تتهمها بالإهمال وتطيح حضها فوگ قهري وضيمي تجي متحامل عليه ...

جاي مناك تحاسبني اني يا جاسر شمعه احتركت حتئ غيري تضوه حياته ليش كل السبب تخلونه بيه...

نزعت حجابي وشمرته كدام رجليه والدموع ماخذه مسار علئ خدي....هاااك شووف شوف ركبتي شلون مشوهه شلون مرت اخووك شوهتني وخرمشتني واعتدت عليه

ترضاها يازوجي العزيز؟ ترضاها تتهمني بالسرقع ترضاها واني عرضك؟... اذا يعتدون عليه معناها ما الك احترام

من نطقت هاي الكلمه تخبل ركع موبايله بالحااايط

وتقرب مني لزمني ورفع وجهي باطراف اصابعه وهو يتمعن بوجهي همس ...منو اتهمج ومنو ضربج

غمضت عيوني باسئ ونزلت دمعه يتيمه من عيني تودع باقي دموعها...

هزني بغضب...احجيييييي

بلعت ريكي وهمست...نوال اتهمتني بگت ذهبها وضربتني واجت رضيه شايله الجاي دفعتها و وكع القوري وحرك رضاوي

نوال بتفاجئ وصوت عالي. .جذب عليه ابو فاضل اليسطر بالحضره جذب اني اجيت اعاتبها وهي كبت عليه كطعتني تكطع كوه خلصني من ايدها...

طلعت رضيه من الحمام وهي تصيح...الله اكبر عليج من شفناج ما شفنه خير ليش تجذبين لييش ولح الولد من وراج جااا مات مدري وين وديتي ذهبج وجايه تتهمين هل مظلومه

هي ضلت تحلف جذب وجاسر تجاهل كلامها وخابر علئ جعفر كله...تعال بسرعه

شويه واجه جعفر كله ...هااا جاسر

رد بجمود...اخذ نوال الاهلها والبنات اخذيهن وقار خليهن يمج

هي فتحت عيونها مصدومه...شنووو شنوو تحجي صدك والله ما اعوف بناتي لو تسحلني سحل

جاسر بغضب...تمشين وغصبا ما عليج لا والله اطلع حركة مرتضئ بيج ترئ ساكت صار هوواي ومتحمل مياعتج ومصاختج خلي النفس راضيه عنج واطلعي بكرامتج منا لمن نشوفلج حل ...

ردت بقهر...بس بناتي ما اعوفهن

دخل جعفر فرحان ويفر بسويج السياره راح يتخلص من وجه الطاوه واخيرا

جاسر...لا تعوفيهن وانتي الممنونه لا تخليني احرك البيت وانتم بي لان والله الروحي واصله الخشمي وكووه متحمل روحي ...

جاوبته بحقد...اي هو انتم بس كادرين عليه كدرت ابوي علئ امي

جعفر باستفزاز...ليش ابووج يكدر علئ امج هو انتن بنات عيال منو يكدر الجن بس الجني ابو شورت

جاسر بعصبية...خمس دقايق اذا ما طلعت من البيت والله احط طلقه براسك جعفر واكتلك

جعفر بقهر...اني شدخلني؟

جاسر خله وراح للغرفه وهي ضلت تصيح وترفع بديها...افرررح يا فلاح كتالك واخته متهنين ومرتك وبناتها بالضيم تعال شوف اخوتك شسوو بيه تعال يالزين متت وضلت بس الغمان...

جعفر هجم عليها وهي شردت دخل سحلها سحل وبناتها يتصارخن وخله واخذها لاهلها...

انقهرت علئ بناتها حيل بس شويه صارن زينات وضلن يلعبن بمجتبئ...

وجاسر طلع باوعلي كال...حضري نفسج نروح للمستشفئ...

حضرت نفسي واني مرتاحه لان اخذ حقي من نوال ورحنه للمستسفئ جنت اتمنئ احضنه وتقرب منه بس هو جان جاف وضايج شويه ...

خليته علئ راحته وصلنه للمستشفئ خالتي عرفت جاسر طرد نوال واخذ بناتها وهي خلت ورجعت للبيت مدري ضاجت علئ نوال مدري شنو

ضلينه بس اني وياه وهو خطيه الله شاهد محتار بالطفل يبوسه وطلعه من المستشفئ راجعنه بي دكتور أخصائي حروق وجلديه....

وكوولش اهتمينه بنظافته ...

اجت خالتي صبريه صار يومين من ايران واجت عليه كالت...ولج جويليته الفاهيه المايعه شلون ولج رضاوي يحترك

وحتئ ما اكدر ابجي مسويه عمليه لعيوني والغاگا « اغا» كال لا تبجين

سولفت الها السالفه وهي ضلت تغلط وترجع ليوره كالت...من تروح فدوه الكنوش شبيها هاي والله كنوش اعقل وافهم منها هي المطيه مو هو المطي...

بعدها كالت...رحت هديت علئ داوود النذل ويكلي والله اذا فتحت حلكها بكلمه وحجت عليه لو انتي حجيتي عليه والله اذب عليها تهمه وكلهم شفتها هي وجابر بوضع مخزي ...

لطمت خدي...عزا العزاه صخام الصخمه شلون هيج يحجي عني ياربي والله متت شلون هسه شسوي

صبريه طلعت جكارتها ودخنت...ياكل نعال بكد لشته مالج شغل انه وياج ما يكدر يوصلج

وحتى اذا وصلج جاسر يصدك بيه وانه اشهد الصالحج بعد ليش خايفه

وهم اروح الجابر واشوف شيسوي...

جريت نفس...وقار ما تستاهل هل عار يتزوجها

صبريه.. ما يتزوجها ابو الوسخ من يندار علئ طولها سبع فدوات ما اطلع صبريه اذا خليته تزوجها

سكتت بس الخوف متلبسني ياربي شسوي منا ابني مريض اخاف والله شكد اخاف

الله المعيين ...

...........  ..  ..................

شهد ...

كاعدة بالمحل ، لازمة بزونتي بيد وحدة الايد الثانية بعدهه توجعني ، وجان اشوفه مد راسه وظل يطل عليه .

خزرته ودرت وجهي اجاني صوته الخشن
_ ولج عوفيها هالوصخة عوفيها ايدج مجروحة لا تتلوث وتتسمين بسببها .

بوزت شفايفي ورفعت اكتافي وبعدني خازرته .

بزونتي بس سمعت صوته نزلت من ايدي وطفرت للكاع واختفت بسرعة بره المحل تخاف منه تعرفه خبيث .

حجيت بعناد وتمرد : معليك انت اني اعرف مصلحتي وهسه يله شرايد كول بسرعة .

_ شريد من هالوجه الحلو يعني كوليلي شلون صرتي ؟ ايدج شلونهه .

_ معلييييك .
كلت هيج باوعتله ورجعت درت وجهي منه .

اسرق من عيوني نظرات حتى اباوعله واشبع
شوف منه احبه شسوي بس كارهته  "مؤقتا"وحاقدة
عليه وبسببه اجيت افقد حياتي .

كال : اكولج شهودة فكي الطنكورة عاد ترة كلنا ماكلين قنادر وبالعين القياطين .

ماكدرت اكتم ضحكتي ضحكت واني دايرة وجهي منه .

_ اي كول الحجي هذا لوجه الطاوة مو اليه وخلصني هسه شرايد .

_ على سيرة وجه الطاوة عندي الج خبر يريحج .

باوعتله واستبشرت ملامحي : شنو ؟ طلكتها ؟

مد ايده لورة راسه ظل يحك بي بتلعثم
كال : ها لا بس وداعتج كتلتها كتله اخت الجذب
فلشتها تفلش  وهاي اديه تشهد .

جاوبته بنرفزة : لتحلف بداعتي لتحلف اكرررهك .

_ شهودة وداعتج اطلكها واتزوجج بس اصبري عليه شبيج ماتصبرين ولج انت بعدج كتكوتة ليش مستعجلة .تلحكين علئ الواق والويق وخبط المميات والحفاضات...

_ لشوكت اصبر لشوكت لحد ماتجي تكولي وجه الطاوه حامل وحتجيب وجه الطاوة تيفال ؟

_ لج لا منين تحمل من الحايط من الكنتور من الجني ابو شورت ماتكليلي هي تنام بمكان واني بمكان .

_ اي واشوفك كتلتها لان ما تخليك تنام يمها وطاردتك من غرفتها ؟

ضحك : هو غير اتحمل اباوع بوجهه اني وتالي اطالبهه انام يمها حتئ جني طلعلها بدون ملابس وما نمت يمها ياشهودة .

وهسه دنطيني حب وجكاير اروح فدوة لهالعيون الحلووة .

جريتها حسرة : اخذت جيس خليت بي الحب والجكاير
كال  وياج حلويات لجهال جاسر خطيه مرضى .

_ ياا؟ غير اطفال شون ياكلون حلويات ؟

_ اي بس طالعين مثل صبرية ياكلون الاخضر واليابس وداعتج .

ضحكت وانطيته الجيس ظل يباوعلي مبتسم بهيام .

كال شهودة احبج . غمزلي وطلع
وكالعادة قطاني وراح .

رجعت اصيح لبزونتي
ترجع بس هي ماكو خوفهه بعد يومين مترجع
بسببه راح ارجع وحيدة وهو يم وجه الطاوة....

...........................

جولييت....

طلعنه من المستشفئ للبيت جاسر كال اي شئ يصير بالاطفال تجيين بسرعه اذا ضميتي عليه ما تلومين غير نفسج

الاطفال اطفالي واني ابوهم والهم حق عليه لذلك لو بعز نومي تجين تكعديني واجي اشوفهم

اني متثلت للامر الواقع

والدكتور كال لجاسر ...الطفل يحتاج عنايه ولازم كل يومين تغسل الحرق بصابون رقي وسفنجه ناعمه حتئ تزيل الجلد الميت وتضمده وهاي عصارات وكل اسبوع تجيبه اليه...

هو شويه صار زين بس من نسبحه يمووت من الوجع

اخذته الغرفة جاسر وحضرت الحمام اني مجان الي نفس اسبحه واغسله اموت قهر عليه ...

حضرت الطشت والصابونه وملابسه ومنشفه صغيره وماما رضيه اجت ويه جاسر تساعده...

اني جنت كووولش قلقه والدمعه بعيني وافتر بالغرفه دخل يسبحه هو ورضيه والصريخ كلب الدنيا كلاب احس روحي انمردت عليه

واسد باذاني وابجي وانووح وارجف حتئ شفايفي ترجف وكفت بباب الحمام...فدوه جاسر علئ كيفك وياه يمه وليدي يمه

خلص سبح بس بطلاع الروح كل صرخه منه ياخذ روحي لفاها بالمنشفه وطلعه خلاه علئ السرير وماما خطيه وياه نشف جسمه وعقمه وحطله دوه وهو يصرخ حسيت روحه راح تطلع

من خوفي ورعبي خليت وانهزمت بالحمام ابجي وارجف وادعي...ربي فدوه والله متن والله راحت روحي ما اكدر اسمعه يبجي....

صاح عليه جاسر اخذته منه جان ملبسه ملابسه ولاف الشاش علئ جسمه بس هو بعده الخوفه بي ويبجي بصوت يكطع الكلب...

اخذته من ايده واني اهز بي واسكت بي هو يصرخ..

ماما رضيه انطتني الملهي مالته وطلعت ...

اخذت الملهي دا اخلي بحلكه عود اسكته من الخوف والبجي والارتباك خليته بحلكي واهز بي

جاسر جان يلبس بقميصه باوعلي بالمرايه وابتسم اني خجلت ونزلت راسي هاي اول مره يبتسم اليه من اجه من السفر لحد الان...

تقرب مني واني اسكت بمرتضئ استغربت منه من طلع الملهي من حلكي وهو يضحك كال...ادري انسكتج انسكته ...

رمشت بعيوني بخجل وفشله دمعت عيوني باسئ...والله دخت جاسر اني مو قاسية گلب اشوف ابني يصرخ واني ساكته مو زين وضل عقل براسي

مسح علئ شعري وجر نفس همس...الله يساعدج ام مرتضئ

اخذه مني وكعد يسكت بي وببوس بي وهو يهمس..باباتي رضاوي بطل لا لتبجي

طبعا عندي مرتضئ مو مثل مجتبئ يحب جاسر وهسه من صار يسبحه ويضمده صار يخاف منه ويكره اكثر بحيث من يشوفه تلقائيا يبجي...

رحت غسلت الملهي وانطيته اله اجت بنت فلاح كالت...عموو اجه عمو جابر ويريدك

هو وكف اخذ باكيت الجكاير ورفع ثوبي من صدري كمزت ابتعدت بسرعه ضحك بسخريه كال...انتبهي لصدرج مدام انوب هاي الوحمه تخلي الماينتبه ينتبه

لزمت ثوبي وعدلته وهو خله وطلع نام رضاوي سوده عليه اخذته وطلعت نومته بغرفتي بصف اخوو

طلعت للمطبخ لكيت ريهام تسوي جاي كالت..اجه اخويه

كالت بتوسل...فدوه جوجو اخذي الجاي ودي الهم اني استحي من جاسر ومحد موجود بس هو وهم اريد اصب غده لعمتي

اخذت الجاي دا ادگ الباب سمعت جابر يكول لجاسر...اني نهيت علئ وقار واي واحد يتقرب منها هو منهي و وقار بنت عمي متصير لغيري

نهاية البارت...يتبع

كونوا انتم كونوا بخير....احبكم 💔

نور سمو العراق 😘

لا تنسون التصويت عبن تصويتكم كلللش موش حلووو 💔💔💔

سوالف طلحه 👇👇👇👇👇
Talha-25-3