رواية #جوليت وأسرها.... الفصل الرابع والعشرون 24 - بقلم الكاتبه سمو العراق

البارت الثامن عشر
رواية...جولييت واسرها...غياهب الإنتقام
بقلمي...نور سمو العراق...

💔💔💔💔💔💔💔💔💔💔💔

طلقات مثل الحمم البركانية الناريه حضنت بطني واني اصررخ بوووجع قااتل ما اعرف هي ولادة لو من الخوووف هيج صار بيه ...

اما هو ضل يباوعلي بغضب وصدمه من الي صار من كلامي الاخويه ومن وجعي و ولادتي المبكرة...

سحبني من ايدي بقسوة وهو يباوع لعيوني الدامعة وشفايفي الراجفه صررخ بوجهي...شبييييج؟ تستغفليني بنت الكلب

تنفست بصعوبه ونطقت من بين صرخاتي...بطنيييي يمممه بطني حتنفجر لااا يمه راح اجيب ولج يممه الحكيلي ولج يممه راح اموووت...

لزمني من اكتافي و ثبتني،برهبه وهو يركز بصدق ادعائي فعلا اني عندي ولاده لو اكذب حتئ افلت من العقاب...

اني بنفسي ما اعرف من الخووف حسيت بطني انخبطت وصارت ضجة بيها

ضلوا يدكون عليه الباب بس محد فتحه ولا هو فتح الباب ...

صاح بوجهي بغضب..تجذبييين عليه ما اعرف بسوالفج

صرخت برعب من قساوته...حجيب يمه متت متت لاااا بطني بطني

عضيت علئ اصبعي بووجع صاحت رضيه ...يممه جاسر افتح الباب واردفت وياها ام فلاح...جاسر لا تصير ظالم هسه البنية حامل لا تموتها...

ما حسيت غير انرفعت من الارض وصرت بحضنه مشه بيه خطوات سريعه من الرجفه والخوف تك نعال..« تكرمون » وگع من رجلي والتگ الثاني ضل برجلي...

فتح الباب بايده بعد ما نزلني شوويه وبعدها رجع شالني

صاحت بوجهه رضيه...ارحم البنيه خبلتها حامل بابنك حس بيها لا تصير مجرم...

باوعت الخالتي ام فلاح واني ارجف واشهك من البجي.عيوني تنفتح وتنسد حسيت حفقد الوعي كالت بسرعه...اروح اجيب الها عبايه اخاف عندها ولاده مبكره...

هو صاح بأمه ...بسررررعه وجيبيلها شئ اغطيها..جان الجو بارد يمووت...

لزمت قميصه حيييل وعصرته بيدي وبعدها فقدت الوعي بس رغم فاقده احس بهوووسه وضجه واحس بواحد كتلني ما اعرف حلم يقضه واتوسل هووسه هووسه مفهمت شئ عقلي الباطني يصوور اليه...

ريهام...

نزلنه اني و وقار نركض بخوف كالت وقار...عزااا لج بس لا جاسر كتل جولييت هذا تخبل والله

رديت عليها بخوف...دكولي يالله يجوز هي عندها ولاده

وقار بقشعريرة...اوووي جسمي ضل يوجعني

شفتها جاسر شايلها وهي واكع الشال مالتها ويخط بالگاع وشعرها مفتوح بإهمال والقراصه لازكه بخصله  من شعرها ومسلوبه منها الحياة...

وهو يصيح وخابص الأمه خبص

خطيه جان حالها يرثئ اله نعال لابسته وواحد لا ورجليها بيييض عبالك رجلين طفل هسه طالع من بطن امه ...شكد حلوة جولي بس محد احتواها

صرخ جاسر بصوت عالي صاح...بسرررعه وين صرتن راح تموت وانتن بعدجن...

اجت خالتي ام فلاح وشمرت العباية عليها وهو اخذها وطلع بره...

نوال جانت واكفه علئ صفحه جرت نفس كالت...واحد ما اله موقف بهل ساعه صعبه الولاده تكسر اربعين عظم...

تفاجئت من كلامه اول مره تنطق بالحق

اخذت بناتها وراحت الغرفتها..

ضلينه بحالة توتر اجت اشواق جانت تسبح بالحمام كالت بخوف...شكو شكو طلعت كلي شامبو شبي جاسر يصيح بس لا رفس جولي وطرحها...

وقار بخوف...والله ما اعرف جانت بغرفته وضلت تصرخ نزلنه وهو طلعها من الغرفة فاقدة الوعي...

ركضت جابت موبايلها شويه وامي دخلت هي امي مراحت وياهم بس وصلتهم للباب ورجعت كلتلها اشواق...خير يمه شبيها جولي ضربها جاسر

ردت بجمود...لا بس يمكن ولاده مبكرة...

رحنه كعدنه بالاستقبال اجت نوال كعدت وبناتها يلعبن بالاستقبال ويركضن ويضحكن خطيه جانن اطفال..

هي صرخت بيهن بعصبية...اكعدن ومرض خبصتن الامه بنات الزفرة...

ردت عليها ام فلاح بلوم...علئ كيفج وياهن خطيه وين يرحن البنيات لا يطلعن لا يمشن خليهن يلعبن

لزمت راسها بوجع...راسي يوجعني وهنه يكمزن فوك من راسي ما ربي ياخذهن ويخلصني منهن

باوعتلها بصدمه...تف عليج فالج ما كبلناه يومج قبل يومهن ولج اني بس شئ واحد خايفه منه اخاف اموت وانتي تموتين هل بنات...

نوال بغضب...شبيج خاله ترئ نفسيتي تعبانه من موتت فلاح لحد الان ليش ما تراعون شعوري اني بناتي قابل اكرهن بس والله تعبانه وروح فلاح...

ام فلاح بعصبية.. تعبانه تطلعين حركتج بهل البنيات ولج صغار ويتيمات خافي الله بيهن اني ليش ما اريد ترحين لاهلج وتاخذيهن لان اعرف هناك تشبعيهن كتل ومذله شبيج مدكليلي شبيج بيج مرض نفسي ترئ خبلتينا ولا دكولين فلاح وفلاح انت من يوم يومج تتنفسين من خاصرتج...

وطول عمرج تحرگين گلبي،بهل بنات جان فلاح من تحاجيهن يسكطج تسكط وحاط العباس وياج هسه وين فلاح الصگارج لفاه التراب منين تخافين بعد...

وكفت وهي بقمة غضبها...اهوووو ترئ ما صارت واذا صحت عليهن وكتلتهن اني امهن لو اموتهن محد يتدخل وبعدين شتردون مثلا بناتي يضلن بدون تربية...

ام فلاح...ولج يا تربية يا نعل؟..... ربج يعرفج وما انطاج ذيج البنية لان ظالمه ولج التربية بالكتل وصياح وغلط والفشار هنه حيوانات حتئ تضربيهن بيج خير ادبيهن علميهن ترئ يصيرن مثلج والله

تخصرت بغرور...اكولج خاله انتي منو ترس راسج عليه واجيتي هاجمه شدعوة عليج وبعدين كتلج بناتي هنه قابل اكرهن...بس كولي ليش ساكته منو قره براسج وهجمتي علية...

هزت ايدها بقهر...ولج اني صابرة عليج سنين واكول ميخالف لخاطر وليدي فلاح ما اريد اضوجه وهو عصبي...

اشو انوب من مات فلاح تفرعنتي وتخبلتي ولج هاي فوك ما تنكسرين وتكعدين تصلين وتستغفرين لذاك المسكين ضاله تهمشين جنج عتوي...

ردت بصلافه...والله خاله اذا ما عاجبج كعدتي وياج بالبيت وتشوفيني مضوجتج خليني اخذ بناتي واروح الاهلي وبعدين بروح مهيوب عليج لو اني ميته فلاح يضل طول العمر كاعد علئ بناته جان تزوج اول ما طلعت الاربعين

ام فلاح...ولج انتي شنو من مله بس كليلي ولج اني يمج وشابعه البنات دك وكتل والله لو انتي ميته ابرك وازوج فلاح بيوم السابع...

كملت بقهر...ولج كوة جاي اقنع بصلاح بيج ضحيت بسعادة ابني في سبيل بناتج يعيشن بخيير وما اشتتهن...

عاد هي ما كالت هيج نوال تخبلت كالت....اييي اييي هسه طلع الحقد والظلم اي تزوجين ابنج بالسابع لهل درجه ما طايقتني

وبعدين شكو خابصتني،ازوجج صلاح ترئ،ما ميته علئ صلاح لا تخلوني والله احرك روحي وابليكم بيه ترئ موتوني كرهتوني بروحي انتم عيال لو اعداء ليش هيج تكرهووني...

ام فلاح سكتت مجاوبتها وهي اخذت بناتها وتبجي وتلطم وتصيح.  فلاح تعال شوف امك تعيرني ...

طلعت من الاستقبال و اشواق راحت وراه نوال تواسيها...

وكفت وقار وحطت ايدها علئ كتف امها همست بحنان...لا تضوجين نفسج قابل ما تعرفيها...

صرخت ام فلاح بنحيب...والله متت والله متت طلعت روحي ملييت اشوف ولدي كلهم مهمومين وتعبانين منين الكاها...

من جاسر ذاك الدفن بنتها بعز اليل وفقد مريته شام ودفن ابو واخو وانوب المصيبه مرته الثانيه الزماله اخوها كتل اهله وروحي انهزمي ...

لو من صلاح الي والله كاسر كلبي شنو جنت اتمنئ اشوفه عريس وازفه علئ الي يحبها مو ياخذ مرة اخو وبدفن روحة بالحياة..

لو ذاك ابو العرگ الهتلي ابو النسوان مخلصها شوشو وشوشو ومخلص فلوسه للسكر علئ يوم يلزمها صلاح لو جاسر ويموتونه

راح مهيوب وعاف الحمل عليه جان موجود ما احس بالناس وين راحت و وين اجت مشي العايلة علئ صراط المستقيم...

انوب المصيبه ابن بنت امي وابوي هو الهدم بيتي وكتل عايلتي...

همست وقار بهدوء...ماما جولييت انهزمت لان خافت من الصار عبالها راح تكتلوها وانتي ونوال كل شويه وهديتن عليها...

ردت بقسوة....اي بس مو تنهزم ترئ محد تسوي سالفتها بس العرمه وهاي واحد ما يأمن بيها يخليها ببيته....

سكتت وقار واني اصلا ما تدخلت ولا حجيت شئ ...

...................

فتحت عيوني بتعب والدموع احس بيهن مثل التراب بعيني حسيت نفسي متكسره بكعدتي يالله اني وييين...

شفته كاعد بالصدر يسووق و رضيه كاعده بصفه وتحجي وياه وهو يرد بجمود...

رجعت غمضت عيوني بخوف...ياربي وين الوجع الي جان بيه والله وجع لا يطاق اشو هسه كوولشي ماكو معقولة الطفل مات...

تنفست بخووف وكعدت بعد ما عدلت شالي واني ابجي هو بسرعه باوعلي من مراية السيارة وعيونه تنطق بغضب كأن يكون ...تلعبين علية...

باوعتلي رضيه من سمعت شهكاتي كالت...هااا يمه جولي لا تخافين وصلنه للمستشفئ...

همست بخوف واني راقب عيونه الغاضبه...مدا احس بوجع 

هو بسرعه خزرني بنظره زلزلت كل كياني وخلتني الزك روحي بالكشن مالت السيارة....

وصلنه للمستشفئ نزلنه دخلت اني ورضيه لصاله الولاده رادت تفحصني مقبلت كالت...روحي سووي سونار وتعالي جيبي الدكتورة تشوفه...

رحت سويت سونار وبعدها رحنه اني ورضيه للدكتورة ...

الممرضه مقبلت ندخلن ثنينه كالت وحده بس تدخل

دخلت رضيه كالت...لان انتي ما تعرفين خلي اني افتهم وافهمج

اني هماتين تعبانه خليت وطلعت بره بالحديقه انتظر رضيه...

شفته من بعيد يخابر و وجهه محتقن ويصيح تقربت اكثر سمعته يكول...گلة ياكل تبن ولا يجيني والله بس اشوفه احط طلقة براسه واكتله السواه مو قليل ولحد الان اصبر بروحي واكول ميخالف يهون..

قفل الموبايل اني كلت خلي ارجع الرضيه دخلت بسرعه للصاله دورت عليها دورت ماكو سالت الممرضه كالت طلعت ...خفت يالله هاي وين اختفت من عائله اشباح...

طلعت بعد ما تعبت واني ادور عليها جنت اتمنئ ولدت ولا هيج بس لا يموتني كتل لان كلت آلحازم هيج...

بس والله اخواني ميهونون رغم اخويه قاتل بس ما اكدر ما اكدر...

اول ما طلعت بالحديقه شفت رضيه تحجي وياه وجنها متوترة. 

رحت يمهم هو باوعلي بنظره عتب وبعدها كال.. لا تفتحين الموضوع ما اريد جنس بني ادم يعرف...

خفت أسأل شنو واحصلي كفخه كال.  يالله امشي

تفاجئت محجه شئ كلت راح يسحلني بالمستسفئ سحل عباله اكذب علية...

جان كالت رضيه...يمه جاسر حتئ هي؟

رد بقسوة...هي بالذات ما اريدها تعرف

ما افتهمت علئ شنو خفت لا الطفل ميت او الموضوع يخصني ..صار عقلي اكشن يجيب سالفه ويودي سالفه...

وصلنه للبيت نزلنه وهو ما نزل ويانه راح مدري وين..

سألت رضيه بخوف...ماما شكو الطفل شبي واني بية بنية لو ولد..

جرت نفس كالت...الطفل نازل كلش ويضغط علئ الرحم ومن الارهاق صارت عندج تقلصات قويه. 

ابتسمت بحزن.  زين ولد لو بنية

همست بتشرد...ما كالت الدكتور بس  شيجي من الله انعم الله

سكتت ورحت دخلت للغرفة مالتي...قفلتها مرتين وفتحت الشباك شفت خالتي تسأل رضيه والبنات كذلك ...

هزت ايدها خالتي ومشت ...

شمرت. روحي علئ السرير واني ابجي بووجع هم يجازوني اخواني ؟

ضيعت نفسي وتبهذلت الخاطرهم وتحملت كل اهانه وضربه وما انطيت بيهم ...يجي بعينهم لو لا...

هزيت راسي باسئ ودموعي تشكي حالي...لا ميجازون هم من اول موقف تخلو عني ضربوني وتهموني باطل وزوجوني...وهاي اول صدمه

والصدمه الثانية من قتل حازم الشيخ وابنه وحفيدته انهزموا وتركوني اعاني الوحدي منو منهم كلف نفسه وكال هاي اختي خلي اضحي بنفسي واشوفها

حطيت ايدي علئ شفايفي واني اشهك من البجي...لهل درجه يكرهوني لهل درجه رخيصه عندهم عبالك ميته ولا حتئ واحد منهم سأل عليه

بصدك بجذب جان سألوا عمي عليه حتئ من خابرته ما كال سالوا عنج ولا كال يسلمون عليج

والله حتئ الميته يبجون عليها ويذكروها بضهر الغيب ليش هيج لا من اهلي ولا من زوجي ولا من طفلي....

مسحت دموعي بحزن ورجعت بذاكرتي لليوم المشؤؤم...

جنت اداوم مدرسه لابسة صدرية كابوي وحذاء رياضي وجنطه والحجاب وهاله تمشي ويايه جانت هماتين لابسه ملابس المدرسه وحاطه مكياج قليل وحافه حواجبها...لان جانت مخطوبه...

ضحكت بدلع...شفتي جولييت انتي شكد حلوة وعيونج ملونه بس اني انخطبت قبلج...لان اني بسرعه انحب مو جامده وخاصه من الرجال وترئ هذا مو كلامي برجي يكول...

ابتسمت...يعمري انتي والله الزواج اخر همي ولا افكر بي اصلا وانتي تدرين شكد يجوني خطابه واني ما اقبل...

هالة...هسه تعنسين والجمال يروح...وبعدين بصراحه احجيها انتي صح حلوة بس جمالج طافي هسه احمد خطيبي يكول انتي احلئ وحده شافتها عيني رغم هو شايفج...

ضحكت...القرد بعين امه غزال هههههه

حطيت ايدي علئ شفايفي ...يبووو لا يجي عاصم ويذبحني ميقبل اضحك بالشارع

ردت بضحكه...كووون يموتج تستاهلين ليش دكولين القرد بعين امه غزال...

جاوبتها بحب...ترئ هو القرد وانتي الغزال ....غير انتي بنت عمي وبنت خالتي لازم ادافع الج

هاله...ههههههههههه لا احمد يجنن تحلمين تزوجين مثله...

رديت بقرف...ويييع من حورة اتزوج واحد شخصيه وحلووو كون هيج نظرات تزلزل تحرگني حرگ...

هاله....هههه احلام مراهقه منحرفه

رديت باستهزاء...انهجم بيتج يالعاقله يالناضجة كولج اكبر مني بسنتين

ضلينه نضحك وبعدها رجعنه للبيت لكيت ماما طابخة تمن ومرگة ومسوي،زلاطه

ضليت اسولف وياها وبعدها بدلت وصليت وتغديت نمت شوويه وماما راحت تغسل مواعين..

شويه واجتني هاله كعدتني من النوم كعدت بخوف كلتلها ...عزا شبيج ليش تبجين...

ردت بقهر... اني ما مسولفتلج احمد صار فتره متغير علية وكارهني واني والله ممسويتله شئ هسه قفل الموبايل يكولي لسانج طويل  وتعانديني واني كم مره  كتلج لا تلبسين هاي الصدرية وحفسخ الخطبه...

عود هو احمد خطبها علئ حب ومدري شنوو ...جنه من نروح للمدرسه يباوع النه وهي حبته وحباها

كلتلها...خابري واعتذري منه اذا جفصتي وياه

جرت نفس...ولج خابرته من اهلي كلهم يعرف ارقامهم ومديجاوب..

مسحت دموعها باسئ علئ حالي...كافي يعمري يرجع وهو الممنون هسه كم يوم ويرجع..

تنهدت بقهر ودموعها شلال.. خلي أخابرة من رقمج هو ميعرفه هسه يفتح خط...

خفت وتردد بلعت ريكي...اخاف يصير شئ لان اخواني يموتوني والله اذا عرفوا رقمي عنده

تنفست بقهر...لا لتخافين هو يحذفه ..

بعد تردد وهي تقنع بيه انطيتها الموبايل سجلت رقمه وخابرته ضلت تحجي وهو معاند انوب قفل الخط بوجهها...

ياربي جنه ميحبها....

مسحت دموعها بتوسل...فدوة جولي احجي وياه كليله مو قصدها وكليله هي تحبك وتعشقك وبعد متضغط عليك...

رديت عليها بقهر...يووولي يمعوده علئ شنو يتعيقل جنه مدلول ابو كشره...

ضحكت وهي تمسح دموعها...لا لتحجين عليه احبببه

كملت بدهاء...فدوة جووولي خابري انتي وكوليله تعتذر

عطت بوجهها...ياااا والله ولا اخابره دووولي تردين تورطيني

هاله...اكولج هو شنو صاحبي واورطج هو خطيبي ما بيها شئ اذا حجيتي وياه هو انتي تقدميلي مساعده وحتجمعين راسين بالحلال...

جريت نفس...فدوة هاله والله استحي وامي موصيتني ما اتصرف من كيفي هسه مو زين مني. خليتج خابرتي برقمي ...

ردت بصدمة...ياااا صدك تحجين الي يسمعج يكول صاحبي ولج خطيبي خطيبي عادي تحجين وياه...

كملت بحزن...بس انتي دومج خبيثه وياي ومتحبيلي الخير ولا دكولين بنت عمي خلي اساعدها...

نفخت بملل...هاله استحي استحي وبعدين والله اخاااف ....صدك تحجين انتي...؟

ضلت تتوسل بيه وتبجي قفلت الباب وخابرته بعد ما رسلت رساله كتبت...اني جولييت ممكن احجي وياك بخصوص هاله...

رد بسرعه...هلوو جولييت شلونج معقوله انتي جولييت لو جذب هاله

كتبت...لا والله جولييت ونبي

ضل يكتب ويشكي منها ويحجي عنها بعدها كال اخابر ...

هي هاله كالت....اي خابري

فتحت خط ضل يحجي عنها ويتذمر منها واني اباوعلها خطيه مقهورة عنها كتله...بس ترئ خطيه هي والله ترئ تحبك

رد بغرور...اهووو هسه درينا تحبنه مليت منها رعنه وتتدخل بكلشي ومتاخذ الكلام وتغار اني ما احب هيج مره...

جريت نفس...اي غير لان تحبك تغار عليك ...

خصم الكلام ويايه...الله كريم ان شاء الله بس ترتاح نفسيتي كم يوم واخابرها هسه خليها بعيده عني

قفلت الموبايل وهي سمعت الكلام كوله ماكو داعي اكول الها

ردت بقهر كالت...اني رخصت نفسي هواية اله لازم اخلي اله حل وبعد ما اراسله واندمه...

مر يومين وهو لا يراسلها ولا شئ ...

باليل جنت دا اقره رياضيات علئ الموبايل شفت اجتني رساله...

فتحتها لكيته كاتب...هلا جولييت كاعده اريد احجي وياج

جاوبته...اي كاعده تفضل

طول يالله جاوب من قريت رسالته حسيت بزلزال قصف وجداني وروحي...

حسيت بطعم الخيانه والقهر فتحت عيوني بقهر...

كااتب...جولييت اريد احجي وياج وهذا الكلام نابع من اعماق روحي اني بعمري ما حبيت هاله ولا راح احبها جنت امووت عليج اضل واكف بباب المدرسه انتظر تطلعين وجانت هاله تباوعلي اجيت البيت عمج خطبتج لان اني اعرف اخو هاله...وما قبل كال ما ينطوها...

ردت اوصل الج بأي طريقة بس للاسف اخو هاله سد كل الطرق كدامي وكال جولييت الي،واني نهيت عليها اليه انت ما الك نصيب بيها...

حاولت وحاولت بس ماكو فايده حتئ دزيت علئ عمج وكال لا البنيه لابني ما ننطيها...

استغليت هاله الخاطرج وخطيبتها بس حتئ اضل دوم اشوفج جنت كارهها حييل وكاره دلعها الغثيث ودائما تقارن بيج وبنفسها...

اجاملها اكولها انتي احلئ بس متجي لا بجمالج ولا باخلاقج اكرهه خفه...

وهسه حسيت ورطت نفسي .جنت تافهه وما اريده بس شلون واني كلبي معلگ بيج تقبلين تزوجيني اذا خطبتج...

اني حبيت اريح ضميري واعترف الج باحساسي...

رديت بقسوة....لااااا والف لااااا انت متستحي متخجل مو عيب عليك ترئ هاي هاااله هاااله تعرف شنو هاله يعني اختي مو بس بنت عمي...

متعرف علاقتنه شكد حلوة مستحيل اخسرها لخاطرك واصلا اني ما احبببك ولا فد يوم انتبهت الك بس عيب عليك تكون هييج خاين...

قفلت النت والدمعه بعيني ...ياربي شلون ورطه شلون شنو اكول الهاله خطيبج الي ميته بي خاين وحقير هيج يكولي...

ضليت محتاره يومين واني مو علئ بعضي حتئ هي كالت وخطيه تشكي من احمد دكول فاتح نت بس يرد من وره خشمه...

اخر شئ كاتب ...جولييت تخبلين جسمج يموووت عيونج مصيبه

خفت حييل رزلته بس ما يتوب واني جنت ما اعرف احظر الموبايل جديد عليه خابرت صديقتي وعلمتني امنت رقمه...

ضلت هاله تشكي منه وتبجي اني كلت ليش تضل هيج مخدوعه بي كلتلها عنه...

هي اخذت الموبايل وقرت الرسائل تخبلت بس محجت وجهه ضل يطلع نااار وغضب وتفح بصدرها...

كالت انطيني موبايلج ارزله واحجي وياه اخذت الموبايل جرت نفس وكملت...اطلعي شويه خلي اخابره براحتي...

طلعت خليتها براحتها ..وهي شويه وطلعت الدموع بعينها اول ما طلعت اجه عاصم ودخل ...

باوعتله وهي تضحك وتبجي بخبث انصدم عاصم كلها...شبيج هاله منو وياج

ضلت تصرخ وتبجي وتنوح وتغلط اجت امي تركض عليها لزمتها واني لزمتها اهدي بيها هي دفعتني بقوة...

وانطت الموبايل العاصم كالت...وخرررري يا كلبه يا حقيرة ان شاء الله ربي يجازيج ويحرك كلبج مثل ما حركتي كلبي ليش هيج دنت نفسج علئ خطيبي

اني انصدمت والجمت حواسي اديه ترجف اباوع العاصم وجهه احتقن

وهو يقره بالرسائل متت خووف ضليت ارجف ولزمت بثوب امي برعب ...

ما شفت بس الموبايل تفلش صار وصل وعاصم سحبني من بين اديين امي وكطعني تكطع شعري كله وكع بالكاع بوكسيات علئ وجهي ورفسات

وهو يصييح ويغلط ...حيووووووانه ادبسز عاااايقه اليوم والله اذبحج اليوم اشرب من دمج ساق....

امي خطيه تريد تفهم السالفه شنو ماكو تريد تخلصني منه دفع امي انضربت بالدرج

سحلني من شعري واني ارفس برجليه ودخلني للغرفه قفلها كسر الماسحه عليه تكسر والله تكسرت اصررخ وابجي وهو مثل المجرم....

يصرخ بصوت عالي...دكليلة احببببك دكليله اموت عليك دكليله انطيني بووووسه...

والله اليوم اله اذبحج يا عار يا ادبسز تف عليج

انرعبت من شفته مره ثانيه جاب الصونده ضليت اتوسل بي وارجف وازحف عئ الارض رفعت ايدي بخووف ...فدووه عاصم والله جذب والله مكتله هييج والله

اجتني الصونده علئ ايدي حسيت روحي شاغت للستار...

ضميت ايدي بثوبي واني اصرخ وماما تبجي وتتوسل بي يعوفني...

حسيت الصونده نزلت علية مثل النااااار متت ضليت تلث ايام اكعد مرعوووبه من النوم واهذي واصرخ...

هي فسخت الخطبه وهو انهزم واني اكلتها حازم وعاصم شوفني نجوم الظهر وبطلوني من المدرسه. ووكف بصف هاله...

وكل يوم مطلعه عليه سالفه اخر سالفه اجوي اذبحوني لو ما امي راحت الجاسر وهو اخذني منهم وتكفل بيه وتزوجني...

هاله الحقارة رسلت لاحمد من موبايلي ودكوله احبك بصفتي اني

رجعت من ذاكرتي واني ابجي بكلب محروگ ...ااااااه ياااا عاصم ااااااااه نقذتك من الي نقذني منك ومستعده احميك العمر كله...

وانت اكثر واحد ضلمتني يا خوووويه لحد الان اثار ضربك طابع بجسمي ويذكرني بافعالك الحقيرة وياي

عصرت قلبي بقهر...بس شسوي يابن امي روحي تحبكم ما اكدر اشوفكم مقهورين عكسكم رخصتوني وهو الي نقذني منكم ...

هاي اني اختك يا عاصم يلي ما بعتك ولا ثانية واحن منك علية ربي يحرسك وين متكون ويغفر الك ويهديك....

................. ........

ريهام بعد مرور كم اسبوع...

ابوووي جان متوتر حيييل ويروح ويجي كالت امي...عكاب شبيك خبلتنه صاير شئ ...

رد بقهر...جابر راح يرجع راح يجي هو وصبرية

استبشرت ملامحها كالت...صدك جابر ابني راح يرجع الحضني والله متت عليه والله...

جر نفس و زفر بضيق...اي بس اني خابرت جاسر راح يجي اريد احل مشكلتهم ومتوتر شويه مو هينه علئ جاسر مرته جابر هو الي هزمها...

امي...حفظ عرضه بعد شيريد هي البنية غلطت صح من طلعت بس جابر هو الي حرسها واخذها الاختي مو زين....

ابويه سكت لان اكيد تفكير الرجال مو مثل المرأه

شويه واندك الباب دخلت خالتي صبرية كاشخه ولابسة ثوب اخضر وطشتها متروس كيمر وجبن وجايبه وياها ديج رابطته بحبل...

شفت جابر واني بجيت واخيرا رجع اخويه حبيبي حضنته بحب وبسته بخده وهو خطيه حنين حييل باسني براسي...

نزل الطشت من راس خالتي ورجع باس امي وامي تبوس بي وتبجي...

خطيه جان حيل متوتر شلون يشوف ابويه من بعد الي صار...

دخل للاستقبال ابويه جان واكف بهيبه وهو منتظره تقرب منه جابر وهو يبوس بيد ابويه ويعتذر منه...

ابويه جر نفس وسحبه وحضنه باسه وضل يمسح علئ جتفه وجابر يتوسل بي ويطلب رضاه...

ابويه احتضن وجهه كال...كافي بوية جابر كافي الصار صار بس كون تتعلم من اخطائك ومره ثانية من تخطي خطوة كون تشورني مو من راسك تتصرف اني اكبر منك ولازم انصحك...

رجع باس ايد ابويه وهو يكول.  اعذرني بووويه والله مو قصدي بس اني نخليت بموقف ما اتمناه العدو وهيج تصرف وصح غلطت لان ما كلت الكم

ضل يدك علئ ضهر جابر يطمنه وبعدها كعدو ضلوا منتظرين جاسر يجي....

وصبريه تسولف علئ كنوش وجماعته كالت.. هذا كنوش عليل...شوكت ما تجينه مريض اخذته للدكتور البيطري يكول يدلل عليج...

خرب حضي انوب المطاية تدلل عليه

ضحك ابوي واندك الباب دخل جاسر عيونه بكصته

همست صبرية...يمه اجانه جنه ثوري المرحوم عصبي ويهجم بسرعه...

هو شاف جابر وهو تخبل راد يطلع بس ابويه وكف بطريقه...

جاسر بغضب...عمي اذا تريدني ما ارتكب جريمه بيتك عوفني اروح ترئ والله ما متحمل اشوفه لهل نذل...

جابر بجمود...جاسر انت اخووي وعضيدي والله مرتك اختي وما حطيت عيني عليها وصنتها وحفظتها واخذتها آلخالتي ردتك شويه تهدئ واجيبها الك...

جاسر بصوت عالي وشبح الغضب تفرعن براسه....انت لو فعلا اخوووي ما كسرت ظهري هييج ولك اني شكيت بيك من اول يوم وكلت لااااا جابر ما يخوني جابر ربينه اني وياه سوة ما يغدرني هييج واني هسه فاقد تلاثه...

كمل بعصبية وضحكة مستهزة...هههه طلع جابر وهو النذل الغدرني لك مية حل كدامك تخفيها شهور عني شنو قصدك هااا تطين راسي كدام الكل ويكولون مرته انهزمت هذا الي تريده انت...

جابر بصدمة...لا والله انت تعرف كل الزين اني مستحيل اقبل واحد يحجي بعرضك اني حفظتها وصنتها لو ما اني يمكن يجي اي كلب وينتهك شرفها

رد بضحكة..ههههه مسوي فضل مشكور متقصر

صبرية ردت...خايبه شمالك تخبلت صدك يا سمتك جكليته الكاسر مو انت بس تكسر صدك جذب دكعد اشربلك جووي خلينه نشوفك

انه صبريه ام اللول جاب جويليته وخلاها يمي من وراها مات ثوري دكول عيونه حمر وخفت منه وكتله داوود النذل...

اذا ثوري ابو عيون كحيله دكول عليه هيج جاا جويليته شدكول عليك انه صبرية الي ما اخاف من اكبر واحد واي رجال اشك حلكه شك خفت منك شلون بذيج المسكينه التخاف من العصفور ...

هو باوعلها بقهر وسكت ما حجه راد يطلع جابر كال...والله يا جاسر ما خنتك

رد جاسر ...ما عندي شئ وياك ولا اريد منك شئ بس انسئ اني وياك ولد عم...واني سكتت منك لخاطر عمي اله سالفتك صعبه واكبر شارب ما يتقبلها...

خله وطلع شكد توسل بيه ابويه مقبل يضل ...

راح ابويه ضل يحجي علئ جابر وخطيه جابر ما حجه شئ ساكت وصابر تغدت خالتي يمنه وكالت اريد اروح اليوم عندي موعد اخذ كنوش للدكتور اخر جلسه...

ضحكت..والله كنوش مدلل هنياله علئ صبرية....

....................

جولييت...

بعد مرور كم شهر اوجاع عندي مال ولاده ما عرفت شنو بيه بس هو صار زين ابببد اببد ما حجه وياي ولا كلمه ولا يتدخل

اجت رضيه كالت...يمه جوولي خلي هذا الرصيد بموبايلي

اخذت موبايلها دا اخلي وهي راحت صاحت عليها ام فلاح...

انصدمت من  دخل اخذ الموبايل مني بقوه حسيت ايدي انخلعت باوعتله بصدمه وخوووف

هو باوع للموبايل شافه مطلعه لوحة المفاتيح ودا اعبي الرصيد

انطاني الموبايل باوعتله باسئ وقهر عضيت علئ شفايفي صبرت نفسي ما ابجي وكتمت دمعاتي

حسيت گلبي تمزق من شدة الالم باوعتله بالم وحسره وحجيت بوجع....لا تشوف الخضوع الي بعيوني عبالك انكسار لا بس...

رد بجبروته وقسوته المعتاده...بس شنووو

وكفت جريت نفس ومسحت دمعتي...اهلي نسوني واصلا يمكن متت بالنسبه الهم كاسر كسر بنتهم وهي مالها ذنب...لعد شلووون بالمذنب الحقيقي ..شيسوي كاسر شنو العقووبه والاجرام الي راح يتخذه

ضل مركز بعيوووني ثووواني بجمود وبعدها تحولت نظراته لنظرات اسد منتقم رفع اصبعه بوجهي بغضب همس من بين اسنانه...تدرييييين ليلي كله ما انامه واني افكررر شلون اعاقب الجاااااني

كمل بقسم صاااادق...والله والله لاخليها تنذكر بالتاريخ

بعدها اشر باديه وكأنه يجمع حسرات كال...تشوفين هاي المصايب كلها الصارت وبعد و تصير اكبر منها ما تخلص ولا توكف اله واحد منه يمووووت لو انيي لو اخوج

ضليت مركزه بعيونه بقهر والم شكد جنت اعششقه احببه شكد جنت اشوووف روحي بي واحلامي ما تكمل اله وياه

هسه حيييل تغير تغييير مو هو جاسر الاحبه هذا كاسر الي ديكسر بيه شويه شويه همست ببتسامه مقتولة...عمركم طويل ثنينكم ان شاء الله

حسيت برفسه قويه ببطني صرخت وحطيت ايدي علئ بطني

هو بسرعه اشاح بنظره عني وباوعل مصدوم من صرختي البريئة الي هزت جوارح الكاسر

حطيت ايدي علئ بطني واني ابتسم...يممه حبيبي فدوة رفسني من يشوف اتعصب يضربني ميحب الازعاج

رغم مواقفي المؤلمه وياه بس حسيت بفرحه دخلت باريج روووحي ابتسمت فرحانه واني منتظره ردة فعله ...

لكن خابت امالي لما راقبت حركاته مسح وجهه بتوتر وضياع وطلع بسرعه من البييت

جريت نفس حزين مسحت بيدي علئ بطني بالم واني اشووف طيفه ينمحي من كدامي...

درت وجهي دا اروح الغرفتي لكن استوقفني صوته من كال...جوووليت

درت وجهي عليه بلهفه وحب جاوبته بمشاعر اثيره...هااا كاسر

بلل شفته وهو عاكد حواجبه كال...روحي ودي الموبايل وتعالي بسررررعه بسرررعه

رحت بسرعه انطيته الرضيه وبعدها رحت  لغرفتي  ورجعت ملهووفه رجعت باوعت الوجهي بالمرايه صااافي وشاحب وعيوني الزمرديه الي يحاوطها الظلام

رتبتت شكلي بسرعه ورحت اله شفته لسه واكف يم الباب وكفت بامتثال الاوامره...

تنهد بضيق كال...بالله تعالي شوفيلي هاي واكفه بالباب شتريد

مديت راسي شفتها بنيه صغيره لابسه صدرية وملامحها طفوليه حيل

كلتلها...هلاوو حبيبتي محتاجه شئ

كالت بتوتر...اي اريد جعفر

باوعلها جاسر بعقدة حاجب..شنو منو تردين جعفر شتردين منه

نزلت عيونها بحزن وهمست...والله عمو جعفر حبيبي وهو زعلان مني واجيت أراضي...

باوعلي بصدمة من جراتها واني باوعتله بضحكه خزرني حاولت اكتم ضحكتي ما كدرت...

كلت الها...تفضلي تفضلي حبي

هي شالت جنطتها ودخلت جوه تحت ذهول الكاسر

هز راسه باسئ...والله جعفر اذا ما توبتك ما اطلع جاسر...

هي اول ما دخلت كالت...لا عموو فدوة ما ادخل بس انت احجي ويه جعفر كله شهوده اجت ودكول بطل زعل والله اني احببه...

هز ايده باسئ وخابر علئ جعفر ويه مديخابره اجه جعفر وكلها التمت نوال ورضيه و وقار ..

من شاف شهد جعفر انصدم ضل يحجي بتلعثم كال...اءء شش شهد

ردت بضحكة...اي حبيبي جعفر فدوة ليش،هيج قاسي ويايه والله ما خنتك

جعفر جان يباوع للوجوه وكلها حاده سنونها عليه

جاسر كال باستهزاء...اي بلا زحمة جعفر ممكن دكلنه ويامن خاينتك شهوده ويه سبونج بوب

جعفر باوعلها بقهر وهو يعض شفته بتوعد...

ردت بطفوله...لا عمو والله اني علقت بالفيس علئ،صورة جاك وكتب يمه امووع يجنن وجعفر زعل...

كملت ...ترئ ما اله حق يزعل لان هو ممثل قابل بالواقع ...

جعفر بغضب...دسكتي اسكتي طاح حضج يالله روحي عود بعدين نتفاهم...

ضربت رجلها بالارض....لاااا هسه نتفاهم من الصبح لحد الان كاعده بباب بيتكم واخابرك مترد متعرف اني احبك مووت.  سامحني حبا

جر نفس وهو يمسح وجهه ...يالله خووش مسامحج بس روحي

ضحكت بفرحه...يمه هسه ارتاحيت الحمد لله...

اخذت جنطتها  وراحت...

وهي اشتغلت  الرزايل علئ جعفر من كل الجهات استلمو اكس مربع

جاسر وخالتي وحتئ رضيه انوب اجه صلاح هم اخذه الواهس وضل يرزل

بس جعفر جان يدافع عنها دفاع مستميت...

بعدها جعفر زعل وطلع وهو يخابر بيها ويرزل ..يبوو بس لا ترجع تطلب يسامحها...

البيت فرغ صار دنيا اليل رحت نمت بغرفتي بس اوجاع عندي متت ...

الحمد لله هم ونزاح من صدري لان جابر رجع صح جاسر لسه زعلان منه بس صلاح وجعفر لا علاقته طيبه وياهم....

سمعت صبرية راحت هي وشيخ عكاب وام جابر للعمره ان شاء ربي يتقبل....

شوويه وصارت الاوجاع عندي قووويه قوويه متت وكفت برعب اشووف ملابسي غركت بالمي مجنت اعرف شنو هذا المي...

ركضت بسرعه للحمام حسيت شئ طك ببطني والمي يجري...

حسيت بدفع قووةي اسفل الرحم رحت مرعووبه واني ابجي كعدت علئ الدرج خفت نفس ذاك اليوم وما صار عندي ولاده...

دخل وهو يدخن ويخابر يكول...هاااا اي ميخالف بس ان شاء الله اول ما يصير الخبر لازم اني اول واحد يكون عندي علم وقبل ساعتين هييج

من شافني باوعلي وعقد حواجبه تقربت منه واني اصررخ ولازمه بطني...جااااااسر جاااااسر راح امووت

لزمني برهبه وقلق لزمت اسفل بطني بصراخ هز البيت....الطفل راح يوكع...

......................   

ريهام...

اهلي راحو للعمره ضليت بس اني وجابر...

كال جابر...شويه واخذج البيت عمي ضلي،يم وقار وان شاء الله اجي اخذج كم يوم واجي...

رحت جمعت ملابسي ...

صاح جابر...تعالي ريهام اجه جعفر تعالي سوي جاي...

خليت وطلعت دا اسوي جاااي كملت واخذته انطيته الجابر اخذة ورجعت الغرفتي...

شويه واندك الباب رحت كلت...منووو

رد بلعثمة...اني صلاح

حسيت قلبي خفق بقوة فتحت الباب بدون ما اسلم عليه كتله تفضل ...جابر بالاستقبال

خليت ورحت الغرفتي واني اقاوم احساسي واطرد افكاري من ناحية صلاح

جابرر....

اجه جعفر كعد جبتله الجاي انطيته اله هو طلع حبايه من جيبه

استغربت كتله...هاي شنو

ضحك كال...حباية مال معده

ضحكت...لا والله كبسله مووو

جر نفس...اي والله هسه شتريتها

غمضت عيوني بقهر...لك انت متوب حرام وعيب واخوتك لو يعرفون يذبحووك

رد بعدم مبالاة...يمعود خلي يرحون يعني شلون واحد ميعيش حياته

ويه محجه هيج دخل صلاح هو من شافه شمر الحباية باستكان الجاي وسكت

سلم علينه وكعد ضل يسولف شويه وطلع جعفر بس ما شرب الجاي...

ضربت علئ كتف صلاح همست...ان شاء الله بس تدور السنه تتزوج نوال موو

جر نفس...يمعود اسكت لا ابتلي بيك ترئ كوة مصبر روحي

ضحكت كتله...الله كريم محد ياخذ غير نصيبه

وكف وجر نفس كال...يالله اني ارووح للبيت

لزمته..ضل شويه بس اسبح واروح وياك لان اريد اخذ ريهام عندكم

كعد وحط وجهه بين كفوفه...يالله بسرعه

طلعت وهو ضل بالاستقبال اخذ الاستكان وشرب....

ريهام...

جنت احظر بملابسي فتحت شعري دا ارجع المه حتئ البس الحجاب حسيت الباب انفتح عبالي جابر...

درت وجهي باوعت بصدمه وخووف شفته صلاح همست...صص صلااح شعندك هنا اطلع اطلللع لا يجي جابر

عض شفته بذوبان وفتح ازرار قميصه وهو ما متوازن بمشيته همس...احببببج اليوم ما اعوفج اذا ما ابووس كل قطعه بجسمج...

نهاية البارت...يتبع

كونوا انتم كونوا بخير ...احبكم 💔

نور سمو العراق..😘

الفائز بالتعليق الجميع ..هو 👇👇👇👇

تعليقين طبعا مو واحد

لا تنسوا التصويت والمشاركة بكم نكتمل🌹

النت ضعيف كوة انشر والله 😫😥