رواية #جوليت وأسرها.... الفصل السادس والعشرون 26 - بقلم الكاتبه سمو العراق

البارت التاسع عشر
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔

عندما سألوا الصحابة النبي عليه الصلاة والسلام عن سكرات الموت قال لهم إسألوا إمرأة وهي تلد  💔

.................................

معاناة اشبه بسكرات المووت وجع لا يطاااق ظهري حسيته انكص صرخت بصوووت عالي يمكن صوووتي وصل للطابق الثالث ...

لزمت اديه بتوسل ودموع والم المخاض عذبني صرخت ببكاء....ولج ييييمه ولج يمممه وينج ولج يممممممممه...

هو اتخبل شالني بسرعه وحذر

الكل اجت تركض علئ صوتي رضيه كالت...يااا صارت عندها ولاده..

هو ركض بيه جنت لابسه بس حجاب بدون لا عباية ولا صايه ورجلية ترجف من الوجع وصوت صريخي كطع الحبال الصوتية...

همس بصوت حنون لاول مرة....اهدي اهدي ان شاء الله تجيبين وترتاحيين

ويه ما دنطلع لاگانه جعفر كال بذهول.. هااا هاا شكو

صاح بي جاسر بصوت عالي...اخذ المفاتيح وبسرعه افتحلي باب السيارة ..

خطيه هو بسرعه اخذ المفاتيح من ايده وراح يركض فتح السياره وصعد هو يسوق...

جان الجو مظلم ورغم الوجع استحيت يطلع صوتي دفنت وجهي بصدرة وكتمت صرخاتي بعنف ترست قميصه دمووع....

صعدني بالسياره وكعد بصفي واجت رضية تركض جايبه ملابس اليه وللطفل

ساق جعفر بسرعه واني ارجف من الوجع ظهري احس سجين داخله بي وفوك القهر نعست

جنت كاعده من وكت ونعست حيل بس الوجع ما يخليني انام كل طلقه تجيني عبالك رصاص اضل اكمز من الوجع. 

صرخت ببكاء...يااااربي دخييلك ياااربي دخيلك راااح امووت يمممه راح اموووت

هو سحبني بحركه ممدروسه منه واحتضني حركته زادت الم فوگ المي بجيت من روح وقلب ...

ورضيه تهدي،بيه وتطلب مني اتنفس ...

لزمت اسفل بطني واني اصررخ...راااااح يوكع يمممه وينج عني يمممه نايمه ما تدرين بيه راح اموووت

رضيه ضلت تبجي وهو ضل يمسح علئ راسي بهدوء...يالله وصلنه ما ضل شئ

رضية..سودة علية يمه ان شاء الله تجيبين وترتاحين..

شهكت ببكاء وعيون حايرة...اريييد امي فدوووه امي يمممه...الله عليك جيبلي امي

همس بجمود...اجيبها اجيبها ان شاء الله بس اهدي شوية...

رضيه كالت..جاسر يمه جبتلها ثوب ملون راح انزع منها الاسود المره التجيب يضل كبرها مفتوح اربعين يوم

رد عليها بتوتر...انزعي منها بالمستشفئ

وصلنه للمستشفئ نزلت بصعوبه هو نزلني جنت لازمه ايده بقووة وهو متوتر حييل وكل شويه وعاط بجعفر .خطيه جعفر ارتبك من ورانه...

اخذتني رضيه الصالة الولاده مقبلوا يدخلوها...

انطتهم ملابسي وملابس الطفل مقبلت الممرضه تاخذها كالت الها...من نصيح عليج انطينياهم..

دخلت ابجي الوحدي بحيره وغربه وخايفه محد وياي ولا اعرف اي شئ رغم هو طلب اجيب بالخاص لان عود عناية اكثر

كالوا روحي الدكتورة نوال...

من سمعت اسم نوال نرعبت حتئ هنا لحكتني نوال مالكوا غيرها تشبه اسم مرة فلاح...

دخلت عليها بخوف وتوتر ورجفه هي من شافتني حست بخوفي ابتسمت...

اني جنت دائما اسمع عن الي،يولدن يكونن قاسيات خفت هاي تكون نفسهن...

فحصتني كالت وين سونرج تحليلاتج...

همست ببكاء...عد رضيه

ضحكت ...شبيج ماما ليش احسج خايفه مني لا تخافين هسه اجيبج بسهولة لا تخافين...

اخذتني للصاله انطتني مضاد حيوي وبعدها شكلت الي مغذي...

جابت التحاليل من رضيه واجت والسونار قرته وعقدت حواجبها كالت...ماما انتي بيج تووم ينراد الج عناية...

فزيت مرعووبه رغم الوجع همست بشهكة...بية توووم ؟

ابتسمت...اي حبيبتي بيج تووم لازم انقلج المدينة الطب لان هناك عناية اكثر.. .

سحبت المغذي من ايدي وهو بي نص طلعت فرحانه ابجي واضحك حتئ الوجع نسيته ...

شفته واكف وجعفر واكف بصفه ورضيه وحتئ خالتي ام فلاح جايه...

شافتني رضيه اجت عليه تركض اني تجاهلتها ومبتسمه بوجع رحت عليه اركض همست بنحيب...جا جاااسر بب بية توم

لمعت عيونه بنشوه وهز راسه بأي ببتسامه باهته جانبية...

خالتي،ام فلاح باوعتلي بصدمه كبيرة...بيييج تووم ؟ صدك تحجين زين ولد بنات..

رديت بوجع ...ما ادري بس كالت لازم انقلج المدينة الطب ..

تقرب مني واحتضن وجهي بين كفوفه.. اسويلج عملية لو ولادة طبيعية...

مسحت دموعي...ولاده طبيعية دكول ..بس كالت منا لحد الصبح يالله تجيبين هذا طلوق يروح ويرجع ..

همست بألم...بس اني منعسه

مسح دموعي ببتسامه...جيبي وشبعي نوم

رضيه...هههه منين تشبع نوم انوب ثنين يضلون يتصارخون ويردون ليوره وجولييت كولة صبريه مايعه ....روحها ما شايلتها...

جر نفس بهدوء وبعدها اتصل موبايله ضل يخابر ويدخن اتذكرت كال بس تجيبين اطلكج صدك يعني يطلكني ويحرمني،من اطفالي. 

والله والله لو اموووت ما انطي اله خلي يطلكني بس ما انطي...

ضلينه شويه اخذوني بالإسعاف بعد ما زاد الوجع وصوتي راح من البجي

كالت الدكتوره لو مكملة المغذي جان هسه جبتي وصلنه المدينة الطب دخلت ...

دخلوني الصاله الولاده وكفن عليه تلث دكتورات بس جانن قمه بالادب والاخلاق والانسانية عكس ما سمعت عنهن...

دارني حييل رغم اني عذبتهن لا اعرف اطلك ولا اقبل يلزمني بس اصررخ...

دكتورة نوال كالت.. يالله ماما كولي يالله وادفعي بهداوه ..ورخي نفسج...

صرخت بصوت عالي احس شراييني طلعت وعيوني احسها صارت نااار متت ابجي اريد امي

صرخت صرخه قوية اعلنت عن امومتي

ااسمع الدكتورة دكول.. يعمري فدووه هذا الحنفوس مستعجل ..

رفعت نفسي اباوع اله وابجي بس حيلي مهدود وهو يصرخ ..

اخذته علئ صفحه والممرضه تنضف بي ..

كالت...يالله ماما عيني نفسج هذا الثاني صحته مو تمام وما يكدر يعين نفسه انتي ساعدي ...

استغربت من كلامها بس الوجع ما خله عندي عقل

رجعت الرحلة الم الولاده لو جاسر يحس بوجعي ما فكر ولو تفكير يحرمني من ضناي

تعبت حيل وحتئ صوتي انبح مجان يطلع لاطش ببطني اكثر من اخو تعبني...

تقريبا مرت دقايق وطلع بصرخه مدوويه هزت اركان الصاله...

الدكتوره بضحكه...يمممه يممه يمه عصبي يعيط علينه ضلت تضرب بي وتنضفه كالت...هم ولد الله يحفظهم...

جنت نازعه ثوبي انطته اليه مجان الي حيل الزمه بس شجعت روحي لفيته بثوبي انتبهت عنده وحمه بصدره مثل الي بصدري...

انوب اخذنهم ثنينهم جنت خايفه وابجي لان اخاف يخذهم مني...

بس الدكتوره كالت بس انضف صدرهم ونخليلهم اوكسجين فد ساعتين وتاخذينهم...

لزمت ايد الدكتورة...فدوووة لا تنطينهم اله اني اخذهم

ابتسمت وهزت راسها بنفي...

.......................

ريهام...

درت وجهي باوعت بصدمه وخووف شفته صلاح همست...صص صلااح شعندك هنا اطلع اطلللع لا يجي جابر

عض شفته بذوبان وفتح ازرار قميصه وهو ما متوازن بمشيته همس...احببببج اليوم ما اعوفج اذا ما ابووس كل قطعه بجسمج

فتحت عيوني برجفه ورجعت خطوات خايفه...اطلع برراااا واستغفر ربك حرام عليييك

ضحك بعدم توازن وشمر قيمصه علئ الارض.  متعرفين شكد احب احببج كل يوم احلم بيج احلم العب بشعرج ابوسج اضمج

صرخت بصوت...جااااابر

ما شفت اله هجم عليه بكل عنفوان وضربني بالحايط كتم انفاسي بيده ...

وايده الثانيه دخلها بشعري وهو يستنشق رحيق عطري بجرئة...

وايده تعوض فساد علئ جسمي جنت اصررخ وابجي وادفع بي بس ثكيل هوو

سحبني بقووووه وشمرني علئ السرير صرخت مره ثانيه وحاولت اوكف واني استنجد باخويه جابر...

شمر نفسه عليه بكل ثقلة وشك ثوبي من بدايته ..ضربته راشدي واني ادفع وارفس بي واخمش بس هو ما اتاثر

كتم انفاسي بقبله مقرفه واني الدموع ترست وجهي ...

صرخت بتوسل....لاااااا صلااااح لاااااا ياربي انقذني ياربي لاااااا صلاح لا تسوووي بيه هيييج...

حسيت وصل بقربي وقيد مقاومتي انتهيييت صرت ادافع عن نفسي بشراسه مجنت متوقعه منه هييج وهو يهمس بخدر وذوبان...

ما شفت اله انسحب مني بقوه وضربه بوكس باقوئ،ما عنده

وكع علئ الميز مالت المرايه....

جابر بغضب وهو يهجم علئ صلاح بعنف وبوكسيات...كلللللللب حيووووووووان تعتدي علئ عرضك تعتدي علئ اختي تعتدي علئ بنت عمك يا عاااار

صلاح بدووخه..تؤ تؤ احبها والله هي ان شاء الله مرتي

ضربه بوكس بقهر...مرتك ياااعار يا زمال

رجع هجم عليه واني اصرررخ وصلاح اببد ما رفع ايده ولا ضربه بس جان يهلوووس...

جابر..

جنت اسبح بالحمام سمعت صرخه بس جان صوت المي عالي ما اهتميت عبالي اتخيل

ضل تقريبا خمس دقايق ورجع نفس الصوت لبست بسرعه وطلعت سمعت الصوت صادر من غرفة ريهام...

ركضت بسرعه جان اخر شئ اتوقعه هو هذا الشئ شفت صلاح معتلي ريهام وهو يعتدي عليها...

تخبلت ركضت عليه بهجوم وسحبته منها ضربته بووكس ورجعت ضربته وضربته وما شفئ غليلي منه ...

وكعته علئ الارض بس هو جان مو طبيعي لا يرفع ايد ولا يرفع رجل ...

حسيت بي فقد الوعي جانت حالته ابد مو طبيعية...

باوعت الاختي ريهام الحمامه المجروحه الكسيره شفتها مرعووووبه وتصرخ برجفه...

ركضت عليها وحضنتها وهي تمسكت بيه بصراخ..وجاااابررر جاااابر لا تعوووفني

بستها برأسها وضميتها الصدري اكثر همست بتهديد...والله والله اذا ما ندمته علئ،فعلته هاي مت اطلع جابر...

صرخت بحضني...خلي يطلع اكرهه حيووووان حقيير ...كلب

ابتعدت عنها وسحبته طلعته بره خابرت علئ جاسر مجاوبني

ضليت افتر بتوتر...لا تجاوب يا جاسر لا تجاوب حقير احتمال انت الي دزيت صلاح حتئ يلعب بعرضي عبالك لعبت بعرضك...

شوويه وصلاح ضل يفتح عيونه ويسدها بعدها فتح عيونه بدووخه كال وهو يلزم راسه...اني وييين

رجعت هجمت عليه وهو صار مثل الوحش هم هجم عليه ويضرب كتله بغضب...ولك تعتدي علئ ريهام تعتدي علئ هل فقيرة تردون تنتقمون مني انت واخوك هاي رجوله منكم يوديك تعتدي علئ هل مسكينه

باوعلي بصدمه كال...شنوو انت شدكوول يا ريهام

باوع النفسه بدون قميص وصدره كله خراميش تكلم برعب...شكووو اني شسويت

دفعته بقوووه وغضب شسويت...تغشم روحك لك عار مو رجوله منكم تعتدون علئ اختي

انلجم لسانه وجاوب بخفوت وهو ياشر علئ نفسه...اني اعتديت علئ ريهام

هجمت عليه بقسوة...اي انت يا كلب ولك اختي اختي متدينه وفقيره لو كاتليني ولا مسويين هييج دمرتوها يا انذال...

دفعني بعصبية....اكل تبن مستحييل اله ريهام اله ريهام ولك ريهام استحي اباوع لوجهها شنو انوب دكول اعتديت عليها...

جابر بغضب...شوووف روحك يا عار يا نذل شوف شسويت باختي

دفعني وتجاهل كلامي وهو يريد يمشي الغرفتها كال...اريد اشوفها مستحيل اله ريهام والله احسها متوضيه بمي ورد احسها مثل صلاة الصبح محد يكدر يتجاوزها بس الخسيس...

سحبته بقهر...وانت خسيس وتجاوزت حدودك ويه اختي يا عااار يا كلببب اطلع برااا وانسئ عندك عم اسمه عگاب...

حط اديه علئ راسه بتوتر صاح...والله ما ادري بروحي والله ولا اتذكر اي شئ...

رحت للغرفه جبت قميصه شمرته عليه وطردتها احس نااااار بصدري كووة كاتم الوجع بصدري...

ريهام...امانتي ابوي امنها عندي تالي هيج اغفل عنها وهيج يسوون بيها ولج عمي حتئ ياخذون ثارهم مني عافوا كتال اهلهم اجو علئ اختي المسكينه...

رحت دخلت لغرفتة اختي شفتها واكعه علئ السرير وثوبها متمزق ورايحه روحها والدمعه جافه بعينها. .

لزمتها بخووف...ريهااام ريهام

مجاوبتني صرخت بصوت عالي...ريهااام ريهااام اكعدي ريهااام

مجان اكو استجابه منها نزعت قميصي لبسته الها وبعدها ركضت لبست قميص ورحت اركض شلتها وطلعت بيها للمستشفئ

وصلت بسرعه اخذوها مني كالو ضعطها هااابط شكلو الها مغذي ضليت منتظر يمها واني ابوس بيدها..

فتحت عيوني مصدومه وتبجي همست بحنان ...كافي يعمري كافي والله اذا ما ندمتهم ما اطلع اخوج جابر بس خلي يرجع ابوووي والله اله اخلي يتبره منهم...

همست بنحيب...لااا جااابر لاااا دكول لابويه اني صرت وسخه بعين نفسي ما اريد اكون وسخه بعين ابووويه

رديت بفجيعه واني احضنها...لا حبيبتي انتي مو وسخه هو الوسخ الفاسق والله لاندمهم علئ فعلتهم اخر ضني جان صلاح هيج يسوي والله مصدوم منه مصدوم...

مسحت دموعها بقسوة...حقييير كلب الله ينتقم منه كرهتتتته كرهتتته وسخ حيوان..

حطيت راسها علئ صدري همست...يولي انسي

هزت راسها برعب...لا مستحييل انسئ مستحيل جابر هذا حيوان اتعده الحدود ويايه والله جنت متوضيه كلت خلي اروح البيت عمي علئ وضوء حتئ ما اوكع بالغلط...

تاليها يجي هل كلب يبطل حتئ وضوئي يجي يدنس طهارتي والله والله جنت عيوني ما ارفعها اخاف اوكع بالغلط وينحسب عليه اثم

كل همي اروح الربي طاهره بريئه تاليها يجي ثلاح يدنسني...

جر نفس...انتي طاهره وبريئه انتي اختي العفيفه محد وصلت الاخلاقج والله لا هو ولا غيره يدنسج يعمري هو المدنس وربج يجازي...

سكتت مجاوبت بس دموعها تشكي حالها والصدمه معتليه جسمها...

رجعتها للبيت وهي دخلت سبحت واخذت ملابس اتصل علئ موبايلها وقار...

فتحت خط كالت بدلع...هااا رهووم حبي شوكت تجين منتظرتج والبيت فارغ بس اني ونوال مو جولي حتحيب..

حسيت بغصه بداخلي اتذكرت جولييت من ساعدتها وهم شسوو بيه غدروني وقهروني باختي...

عطت بوجهها...متجييي ريهام

كالت بخوف...انت منو جابر

رديت بقسوة....اي جابر وبعد لا تخابرين علئ ريهام متجيكم اصلا انسيها...

جاوبت بقهر...شبيك عابت ما عندك ذووق

قفلت الخط واني شمرت الموبايل بقهر علئ القنفه...

ريهام....

من بعد الصار حسيت الدنيا طلعت من عيني ودموعي ما نشفت...

تخربطت من الصدمه خطيه جابر ماخذني وشادلي مغذي

رجعت للبيت ابجي وانحب دخلت سبحت غسلت اثاره اللعينه مني...

صح هو ما اغتصبني بس تحرش بيه تحرش قوووي...

طلعت من الحمام اشهك من البجي خطيه جابر يباوعلي بحيره وميعرف شنو يسوووي ضال بس يتنهد...

توضيت وصليت رغم الدموع الي تارسه وجهي سجدت علئ السجاده ودموعي ترست السجاده ترس

همست بدعاء خالص لله...ربي سامحني ربي اغفر الي ربي لا تاخذني بما فعل السفهاء...

نمت علئ سجادتي تعبانه وكل شويه افز مرعووبه واتذكر أنقاض صلاح علية...

ليش اني بالذات ليش اني الي صلاح يعتدي عليها شنو شاف مني حتئ هيج يتصرف شنو شاف عليه شافني عريانه لو مدلعه لو مو راحه اشو والله من اشوفه اضل حتئ ارجف من الخجل ليش هيج ياربي ليش.. .

......................

جولييت...

غيرت الممرضه اليه ملابسي ونضفتني كالت يالله ماما انتي راح تطلعين...

كعدتني علئ الكرسي المتحرك وطلعتني

شفتهم كلهم واكفيين هو شايل طفل وجعفر شايل طفل بس جانت الفرحه طابعه علئ وجههم بس جانت خالتي مغنتبه او مشاعرها متلبده...

تحمدوا اليه بالسلامه وهو هماتين كال...الحمد لله على سلامتج

جاوبته بتعب...شكرا ربي يوفقك

صعدنه بالسيارة واني جبت الطريق ابجي واشهك ورضيه تسكت بيه

دار وجهه عليه كال...شبيها تبجي

رضيه كالت....تبجي دكول جاسر راح ياخذ اطفالي ويطردني ويطلكني

جر نفس كال...خلي تسكت مو وكتها هسه ان شاء الله نشوف حل...تطلع الاربعين ولكل حادث حديث

وصلنه للبيت اخذوني الغرفتي نوال من درت ثنين ولد تووم تخبلت ...

ضليت كم يوم خطيه مداريني ...

بس نوال كل شويه ولزمت بناتها كطعتهن تكطع وتصيح وتغلط وكل شويه وتعاركت ويه ام فلاح...

وانوب دكول ينطي للكح..ولد واني يكوم عليه بنات...

استغفر الله ربي حتئ علئ امر رب العالمين معترضه

وكل شويه وكالت...شوكت جاسر ينطي واحد منهم لاشواق..

وساعه دكول هو مو يريد يطلكها خلي،يطلكها واني اربي الجهال

واني كل شويه انهار من كلامها واضل انوح وابجي...

..............................

شهد...

اتصل علئ جعفورتي ميجاوب ..متت مليت يالله الحب يبهذل البني ادم

عشتو عود زعلان ليش اجيت الاهله هو ما يدري اني كل يوم اجي اباوع الباب بيتهم واكول شوكت اصير جنتهم لخلي السطح يشهد علئ ندارتي اله اترسه فراشات مغسوله..

كتبت...جعفر اذا متجاوب عليه والله والله انتحر

شويه وكتب...اي اكلي جبس حار وانتحري

صح هو يستهزء بس فرحت المهم جاوب عليه رجعت اتصل ميجاوب تنفست بغضب...هيين يا جعفر هييين يالشايب ابو العرگ تحلم تلكه مثلي وحده تحبك اذا ما فضحتك ما اطلع شوشو علئ كولتك..انوب يستهزء بية..

جنت متمدده علئ ظهري وحاطه رجلي فوگ ركبة رجلي الثانية...

دخلت ماما عشتو صاحت بصوت عالي...كومي ام الموبايلات كوومي روحي جيبيلنه مسواك من بيت ابو محمد اسويلكم زقنبوت...

اني جنت دا اتعارك واكتب لجعفر رزايل ومو يمها اصلا

عاطت بيها كالت...بنت النعال بنت المطي كووومي لا اخلي ابوج  من يجي اله يعلكج بالبنكه ...

باوعتلها...شبيييج شبيييج هجمتي وبعدين مو عيب عليج توديني بهل ظهرية اروح اتسوك شبيج بابا ما عندج اخلاق...

فتحت عيونها بصدمه ونزعت نعالها وشمرته علية كالت..اكوو وحده هيج دكول الامها...

تفاديت نعالها بيدي ووكفت ببرود...امي ؟ منين اجيتي امي ...امي ماتت من جنت طفلة انتي هنا دخيلة وما اسمح الج تقارنين نفسج بامي واصلا امي ماتت من وراج

ردت بدون نفس.. بالله انجبي امج مخبله وتفتر بالشوارع وماتت اكلتها الجلاب

شهد بتهديد...شوفي لج لا دكولين علئ امي مخبله ماكو غيرج المخبله واذا مخبله فانتي خبلتيها وهااا خليها مخبله بس شريفه مو مثلج مصاحبه براس ابوي ابو طخه وابو صفنه وبطل الببسي...

شهكت برعب...عزاااا بعينج ولج بكد القندرا والسانج اطول منج

وكفت بملل...طوط طوط طوط رقم الهاتف المطلوب مغلق حاليا يرجئ محاولة الاتصال في ما بعد...

خليت ورحت كعدت بالدكان مالتها ...السافله تريد تستغلني اخذت ابويه وتزوجته وفلشوا راس امي وخبلوها وماتت بسببهم

انوب تريد تاخذ وياي دور مرة ابو سندريلا ...هههه متدري اخذها للشط واجيبها عطشانه....

والله بس دكول لبابا عليه اكوله عليها مصاحبه ابو صفنه بس يصفن بالوجهه...

وابو طخه هذا فد واحد فاسد من يجي يشتري منه يضل يطخطخ بدينه...

وهذا بطل البيبسي سمين وكصير اني اسمي بطل البيبسي...

ابتسمت بذوبان...اوووويلي ماكو بجمال الحلو مالته جوجايتي...

رجعت اتصلت بي فتح خط ضليت احجي وياه وابجي

جر نفس كال. .لا تبجين لا اروح احرك نويلة وجهه الطاوة

ضحكت بمرح ورحت شلت بزونتي نوشه وهمست...احببج جعفر والله اذا تزوجت غيري اموتك وادخل سجن

ضحك ...ولج غير اموووت عليج

سمع صوت البزونه كال...هاي بزونتج ام الوسخ ما شمرتيها جنه وجهه فرعون

رديت بقهر...لا احبها

جعفر..دخلي تووولي تلعب النفس و وسخه وعظامها مبينه وين لكيتيها

رديت بسرعه...بزباله بس والله حلوه وحبابه ليش شاد وياها ترئ من تسمن تصير تجنن تكتل نفسك عليها...

جعفر بقرف...وهسه شدخلني بيها جاي اخطبها...المهم اشمريها اكرهه

رديت بدلع...لا جوجو احببها

جاوب بغضب...لا دكولين احبها ترئ اغار

فرحت حيل وجاوبته بفرحه مملؤة بحزن...بس جعفر لا تخدعني انت الكشه الي حطيت امالي عليها لازم تخلصني من هل مستنقع فدووه

رد بهدوء...بس اصبري تطلع سنة ابويه واخطبج غصبا علئ كل خشم تمام شوشو

ضحكت...تمام يروح شوشو

ضليت احجي وياه وبعدها قفلت الخط بعد ما بسته. ياربي احببه حييل احسه مثل امي شوكت نتزوج...

................    ...........

جابر...

مر تقريبا اسبووع...

ريهام حالتها تعبانه بس تبجي وتصفن وتصلي ومخلصتها صايمه...

اني دزيت رساله الجاسر وكتبت بيها رزاله الهم

هم العصر واجانه جاسر وصلاح تعاركت وياهم ...

جاسر كال...ترئ مو لهلدرجه نذل حتئ اخلي اخووي يعتدي علئ اختك

صلاح كال...ترئ والله ما جنت بوعيي اصلا ما اتذكر اي شئ

جاسر باوعله باستغراب...انت شارب جنت

صلاح بصدمة...لا مستحييل اني بحياتي مشربت شلون شارب والله ما اعرف

جابر...اتذكرت من اجه جعفر وطلع الحبايه وتالي من اجه صلاح شمرها بالجاي ...

باوعتلهم بصدمة...اييي اتذكرت من اجه صلاح جان موجود جعفر وجعفر هو شمر الحباية بالجاي

رمش صلاح بعيونه...اييي اتذكر شربت جاي حتئ جان بارد مو حييل حااار

وكف بغضب ...العااار جعيفر شمر الحبايه واني،من وراه اعتديت علئ ريهام بسببه

خله وطلع يركض وجاسر وراه وهو يتهدد على جعفر....

..........

جولييت...

طلعت من الغرفه بوجع اريد اغسل المميات مالت الاطفال....

ما اشوف اله جاسر وصلاح اجوو واحدهم عشرة ما يلزمونهم

جاسر صاااح....وييين جعفر

طلع جعفر من الاستقبال وهو عاقد حواجبه...خيير شكوو ترئ ما شارب والله

وما نشوف اله بوكس من صلاح لجعفر طيره من مكانه

وهو يصيح بغضب...جعفر اليوم اذبببحك ولك اني تشربني ولك عااااار اليوم اله احط طلقة براسه واكتله...

انوب جاسر جاب جعفر براشدي خطيه جعفر ما حجه شئ ...

بعدها جاسر صار خير وجمعهم بالاستقبال ضل يحجي وياهم وصلاح يتهدد وصوته طالع....

شويه وهدئوا ...

طلع جعفر وجهه محتقن ونااار....

وبعدها جاسر طلع هو وصلاح ...

من شفتهم طلعوا بسرعه وكفت وره الباب خفت منهم ...

سمعت جاسر كال لصلاح...ان شاء الله بس يرجع عمي من العمره اخطب الك ريهام.

وبس تدور السنه جعفر يتزوج نوال خلي يتحمل نتيجة اغلاطه وحتئ يبطل سكر وعربده

صلاح  جر نفس كال...الله يعيين اخاف ريهام متقبل مشفت شلون جابر يسولف عنها حتي متمرضه البنية

جاسر بجمود...حقها البنية انصدمت

خلو وطلعووا اني انصدمت من كلامهم خطيه رهومه متستاهل والله....

...   ...  .........................

جولييت....

صار تقرببا عشر ايام من جبت حييل فرحانه بيهم

محد اذاني ولا أحد طلب،مني اروح وخطيه رضيه حييل مساعدتني وتجي تسويلي اكل وتكمطهم وترضعهم ممخليتني ابببد....

بس اني حييل خايفه وكل شويه اكمز اذا انفتح الباب عبالي راح ياخذهم مني...

جنت بحيرة من امري اضحي،باطفالي لو باخواني....

رجعت بذاكرتي لايامي وياه

جنت نايمه بصفه بس ناطيته ضهري ولابسه بجامه ستن وردي وقميص ستن وردي

وتحت تأثير النوم واني اشوف عصام اخووويه انهال عليه بالضرب ضليت اصررخ واني الزم بالصونده اتفاده ضرباته ..

صح جنت تحت تاثير حلم بس مجنت اكدر اكعد منه واصارع بروحي...

حسيت بي يكعد بيه

صرخت بصوت عالي...لاااااا لاااااا عاصم لااااا والله مو ذنبي هي هاله جذااابه هاله تريد تنتقم مني...

جاسر بصوت هادئ وهو يحتضني...جووولييت جووولييت اكعدي اصحي انتي،عندي مو عند عاصم...

فتحت عيوني بصعوووبه واني اشوووفه مو واضح سحبت نفسي بفشله ومسحت دمعتي

همست...العفو ضوجتك بس اني شويه تعبانه نفسيتي

سحبني وحضني همس...لا تخافين جولييت اني وياج لا عاصم ولا حازم ولا الاكبر منهم يكدرون يمسون شعره منج

بلعت ريكي بنحيب...اءءء لا جاسر بس اني مدري شبية تجيني احلام مرعبه

نزلت راسي بخجل...عاصم اا اذاني حييل...

جر نفس وسحبني خلاني علئ صدره سحب نفس كال....شفت جسمج مشوهه

كمل بضحكه حزينه...بس تدرين كلت هل جسم الحلوو هيج يشوهه عاصم الكلب

ضحكت بخجل ..هو خطيه مجان قصده يضربني بس هاله لعبت بعقله

عضني بكتفي حييل صرخت وفركت كتفي ضحك بمرح...طاح حضه هو وهاله

همست...ليش عضيتني

باوعلي بغموض...لان انتي مال عض مو مال ضرب

استغربت...شنووو الفائده ثنينهم يوجعن...

لزم وجهي بهدوء وطبع بوسه دافية علئ خدي كال...بس اني عضتي بيها غاية مو مثل ضرب عاصم...

فركت اديه بتوتر وهمست...ما ادري والله

سحبني بقوه صرت فوكاه صرخت بصوت...لا جاسر فدوه

ضحك واحتضني...شبيييج ؟

دمعت عيني بخجل...جاسر ليش هيج تعاملني انت متحبني اعرف بيك..

بعدني شوويه عن جسمه و وكف بجمود سحب باكيت الجكاير وضل يدخن كال...اخاف احببج واتورط

وكفت بصعوبة وتقربت منه...ليييش تتورط ترئ والله اني محبيت لا احمد ولا غيره كلبي فارغ بس الك

دار وجهه عليه وتنفس بهدوء...المشكله بيه اني كلبي مو فارغ

همست..شنو قصدك

مسح علئ خدي بحنان...لا تخافين ما الي قصد وهسه يالله خلينه ننام

رحت نمت وهو بحضني وضل يقره عليه ايات يريد انام مطمئنة....

رجعت من ذاكرتي ...شكد جنت اتمنئ،يحبني وتالي لو ما متمنية احسن هسه خايفه منه ياخذ اطفالي...

تقربت منهم باوعتلهم ببتسامه ياربي ناعميين وضعاف حييييييل كوة مسيطره وياهم ومرات من يبجون ابجي وياهم تجي رضيه تضل تضحك عليه...

بستهم بخدودهم...وضليت اتمعن بملامحهم الحلوه...

صح يتشابهون بس مجتبى عنده وحمه بصدره و وجهه اعرض ومرتضئ لا ما بي وحمه وجهه أضعف...

بس حسيت جاسر يحب مجتبئ اكثر ما عرفت شنو السر او السبب...

اندك الباب رحت لبست حجابي دا افتح الباب فتحته انرعبت بخوووف شفته جااسر...

احس امعائي تقلصت من الخووووف

دخل بدون ميحجي اي كلمة توجهه للكاروك تقرب منهم باسهم بخدودهم

باوعتله بخوف وهو همس بهدوء...شلونهم

بلعت ريكي...الحمد لله زينين

جر نفس...وين مجتبى

تقربت منه ببتسامه...هذااا

هو ابتسم وشاله بين اديه باسه بخده وحضنه علئ كيف همس بحنان...هااا حبيبي باباتي مجتبئ سبع ان شاء الله

باوعلي واني فرحانه ومبتسمه كال...شلووونه مجتبئ حالته صحته تشوفين عليه اثار

ضحكت..الحمد لله زيين بس هو مو وكح مثل مرتضئ خااانس وهادئ حييل طالع عليه حتئ عنده وحمة بصدره مثلي ...

باسه بخده بحذر كال...اذا صارت عنده مضاعفات كليلي اذا محجيتي ما تلومين اله نفسج

بلعت ريكي بخووف...ليش ؟

جر نفس...شويه صحته ممستقره بس ان شاء الله يصير زين

لزمت قميصه بخووف...ج جاااسر فدووه شبي مجتبى شبيها صحته

تنهد بضيق...مجتبئ عنده فتحه بالقلب وعنده رخاوه بالاعصاب...

نهاية البارت....يتبع

كونوا انتم كونوا بخير...احبكم 💔

نور سمو العراق😘

الفازت بالتعليق هي هاي البنوته بدون مسابقه لان وئام ما نشرت ما اعرف ليش 😂😂

فاني فوزت هاي البنوته

وهذا المقطع اهداء من -linass-