رواية #جوليت وأسرها.... الفصل التاسع والأربعون 49 - بقلم الكاتبه سمو العراق

البارت 36
رواية..جولييت واسرها ...غياهب الإنتقام
بقلمي...نور سمو العراق

💔💔💔💔💔💔💔💔💔💔

ويـآ دفـو آحضـآنج غـريـب
شـتوي ومـگآسـرلهہ صـيف وآنتي عود شـگد ثگيلهہ وشـآمـهہ آلـبعضـمـج تبين
وجلدج ودمـج خفيف وخمـر وجهہج سـگر آعيوني علئ گيف
وهہـآ تجـيـن هہـآآآآ تـجـيـن
بيهہ وآهہس سـندبآد وذآگ جتفهہ آلمـآتعب مـن يآسـمـين

.............................................

احضنيني..... لهل درجه ويوصل الانسان بالجروح والالم ويطلب من اخت عدوه حضن يشفي جروحه ويطيب خاطره...

احس هذي اصدق لحظه بحياتنا لحظة صمت وعناق ارواح بغصة اشتياق تتعانق علئ رصيف الذكريات

احسه وطن وهل وطن جارح ومجروح....

اي مجرووح وجارحني ويريدني الملم جروحه بحضني

همس بعذاب..ولج خدران بيه الشوك ...احضنيني

باوعتله رجفت شفايفي وعيوني المذبوحه تتامله بحزن ودموع حايره...

لفيت ايديه علئ هل وطن المنحور خفت الجم جروحه ردت ارش علئ جرحه ياس مو ملح

دفنت وجهي بنحره وهو لف اديه مثل سيوف قاتله علئ خصري

بجيت بعذاب بجيت من ظلمه وقساوته بجيت من جبروته ومن ظلم اخواني اليه

بجيت واني احن الاخوو مثله يرفع من شأني والعالم تهابني بس ينذكر اسمه

يريد احضنه واطيب جروحه وهو مثل الجبل ما يهزه ريح واني مثل ورقة بفصل الخريف محد لكل داسني وكسر اشلائي...

مسح علئ ضهري بحنين وهمس بتعب...اششش ترئ تعبان من نفسي لا تزيديها عليه ...

شهكت واني بسجن صدره الدموع نزلت مثل المطر وبللت ملابسه حط ايده علئ راسي ومسح علئ شعري

جر نفس وزفره وهمس عند اذني..احضنيني كسري كل عظم بيه اجرحيني وغركيني بدمي تعبان جولييت تعبااااان وظام بكلبي هووواي

وكل مره تصير وياي مشكله وما احجي لان اعرف لو نطقت بكلمه راح نرجع لنقطة الصفر وانتي الوحيده الي راح تتعذبين

لا عبالج هل حادث التعرضت اله عبث لااااا هذا الحادث مقصوود بس ما نطقت بكلمه ولو اني متأكد منو الي وجهه اسلاحه عليه وجان ناوي علئ،قتلي

بلعت ريكي بخووف وارتعشت اناملي برعب بس ما حجيت والشك دب براسي هو لو عاصم لو داوود وثنينهم اذا حجه عنهم اني راح اروح بخبر كان

رفعت عيوني اله واني لسه حاضنته والدمعه تلالي بعيني سالته برجفة...منوووو؟

باوعلي وضل مركز بعيوني بجمود غمض عيونه كال... بس احضنيني ما اريد اي شئ بس خلي نعيش هل لحظه بأمان

رجعت حضنته وخليت راسي علئ كفته بس بعدت ايدي عن صدره المجروح...

انعادت عليه ذكريات والالم هو اله حصه بيها شكد صعب واصعب من كوولشي بالحياة من تحضنين شخص وهل شخص بيوم من الايام ظلمج وضربج وما اهتم لا لصغر سنج ولا لترافة عضمج...

ضميت راسي بكتفه واتمنئ اعاتبه واضربه واخذ حقي منه ومثل ما يطلب اضمه لصدري...

بس ما الي حق بالعتاب ...هو مو مال معاتب العتب علئ اخواني الي رخصوني وانطوني اله واني مضروبه ومهضومه ومكسورة خاطر...

رجعت من تفكيري علئ صوته وكلامه الممزوج بحنيه من كال...ما مصدك وقار تزوجت وزفيتها بيدي دائما ابووي الله يرحمه يوصيني عليها ودائما اذكر كلمته من يكول ترئ وقار مضلومه وتحس بنقص وهي امانتك اذا الله اخذ امانته

انت تطلع حقها وانت تكبرها بعين نفسها وتحسسها وتحسس الكل هي احسن وحده واحلئ وحده وراها سند وحزام ظهر يسندها...

عضيت علئ شفايفي بصمت واني امنع عبرتي ودموعي ما اريد يشوفهن همست بداخل كلبي...ليش يابه لييش ما صنتك؟ ما حفضتك شيباتك؟ وصيت منو بيه يابه ترئ انضربت وانهنت وانحبست وصرت خدامه محد كال اني سند الج

وصيت حازم لو عاصم بيه...لو نسيتوني وكلتوا خلي هي تدبر امرها زوجناها لو يموتها ويدفنها بيده نكول الله يرحمها هذا زوجها مالنه سلطه عليه

يابه وقار ابوها مييت ورافع راسها وانت علئ قيد الحياة وانتي انكسرت وانهنت وانت ماكووو

حسيت اختنكت ردت اصرخ بصوووت عالي وافزز كل مشاعره بس خفت عليه هو مريض وما اريد اغثه

بس والله شنو من اهل لو كاسره عينهم ما يسوون بيه هييج لا من ام ولا من اب ولا من اخووان

شنو السويته حتئ هيج يجازوني وينرغلوني بالتراب محد جازف واسال عليه والله اعتب عليهم والله

ليش يابه ما خلفت ولد مثله سند لاخوانه واخواته وما ينام علئ حقه

رفع وجهي وشاف دموعي استغرب كال بصدمة...ليش تبجيين؟

بلعت الغصه وباوعتله بعيون تحمل كم هائل من الحزن والاسى جاوبته بألم...اشتاقيت لابويه

جر نفس وضغط علئ خصري بقووه لزمت ايده اخفف من قبضته..

تنهد بضيق وسحب نفس وزفره كال...ما ردت احرمج من امج وابووج ولا اريد اجرحج بس اكوو امور صارت مخفيه وانتي ما عندج علم بيه لذلك انسيهم وعيشي لنفسج وخليهم يتهنون بحياتهم

شهكت بعبره.. امي تحبني مستحيل تناسني امي تشوفني ملاك بعيونها وما تنام اذا ما تسمع صوتي شغيرها ليش تحرموني منها وتجرحوني بكلامكم

رد بجبروت...اني هم اب واعرف شعور الفقدان كلش زين كتلج ما ردت احرمج منهم بس الثأر اخذج منهم وانتي بلا ذنب وكل ذنوبج عفيفه

وااكد الج ما حرمتهم هم حرموا نفسهم وجازفوا بيج علئ حساب عاصم ...حتئ ما طلبت منهم يسلمون عاصم بس ما أعرف ليش فضلوا القاتل علئ المقتول

انسسسيهممم.....

شكد صعبه هل كلمه صح حروفها قليله بس تلچم وتجرح وتذبح شلون انسئ انسئ سندي بالحياة ابويه المكسور ضهره حتئ يكبرنا

لو امي الي هي روحي وما تكمل طلتي اله بيها والله صعب انساها والله امي تعوز علئ نفسها وتذكرني امي تنام جوعانه وتوكلني امي تنام بملابس متهريه حتئ اني البس احسن من باقي البنات

همست بانذباح...شلون انسئ امي...ترئ امي وطن واني بمنفئ اسيره عندك

رد بهدوء...الله يجمعج بيها...

رفع راسي باطراف اصابعه وباسني بخدي كال...خلينه نفتح صفحه جديده ما اريد اضوجج واعذبج راح انسئ هروبج وكلشي صار ودار قبل

رغم ...لحد الان جمرة غزل تسعر بصدري تدرين اليوم من سلمت وقار الجابر حسيت نفسي سلمت غزل لعريسها

شكد جنت اتمنئ ازفها بيدي مسكينه عاشت يتيمه جنت اتمنئ اعوضها اكون الها ام واب واخ واخت بس القدر اكبر مني واخذها من بين احضاني

مرات اشوف غزل بيج اشوفج بدون سند اشوفج يتيمه برغم وجود اهلج احن عليج بس اتراجع لان اكو حاجز مانعني وهسه اريد اكسر هل حاجز ...

همست بذبول...واني يتيمتك الي محد رحمها لا انت ولا اهلك ورضيت اعيش بكهفك

ابتسم...ديله لعد بوسيني وتحمديلي بالسلامه

ضحكت...لا والله ترئ حيصير اسبوع من طلعت من المستسفئ وحده غيري من زمان طردتك وكلتلك يالله عيني ابو الشباب روح اشتغل عماله كتلنه الجووع

رد ببرود...افااا ميته من الجوع واني ما ادري ادللي هسه اوكلج علئ طريقتي

رديت بقهر...لا شكرا شبعانه

دخل اصابعه بشعري ومسح عليه بحنان...ديله بوسيني

باوعتله بعتب...اليوم شبيك احسك ضاربك الجفاف

رفع حاجب بعدم قبول كال...اكلي تبن لج جفاف شنوو...بس هذا واجب اني طلعت من الموت انتي لازم تبوسيني وتتحمديلي بالسلامه ترئ زيارة المريض هاي شروطها

رفعت نفسي بتذمر وبسته بخده وبخده الثاني واني ابوس بي واتحمد بالسلامه ...شلونك ابو مرتضئ الحمد لله علئ سلامتك ان شاء الله ما تشوف شر ومشفاه ان شاء الله

شفته كوه كاتم ابتسامته واديه تسلل بخلسه علئ جسمي ورد...الله يسلمج ام مجتبئ ما قصرتي ليش تعبتي نفسج واجيتي ...

رجعت بسته بخده...لا شلون اذا الك ما اجي واتعنه المن اجي

ابتعد عنه شوويه ومديت ايدي بصدري طلعت فلوس وخليتهم جوه المخده هو لزم ايدي باستنكار...لا ام مرتضئ بس جيتج كافي والله ما اعتب

ضحكت...لا شلون يابه غير انت الغالي لو تشوف شكد دكيت ولطمت من صوبوك وداعت طلعت اغلئ من الروح

لزم ايدي ومسح بيها خده بحنين...فدوه لروحج

اتدارك الامر واني هماتين غلست مد ايده جوه المخدخ وطلع الفلوس الي انطيتهم اله باوع عليهن طلعن الف وربع الالف ملزك ومشكوك والربع جديد

رفع حاجب...عبالي حمره

جاوبته بسخريه...هاااا طلعت مادي وتعبد العمله واني ما اعترف بابو المال...

باوعلي بنظره مستفزه...اليوم هوايه تحجين شبيج؟

حطيت ايد علئ ايد...شسوي ما عندي واحد احجي وياه اجيت لا تخليني اغير اللهجه

سحبني من ايدي اجيت اوكع علئ جرحه بس تماسكت وحطيت ايدي علئ بطنه ابتسم ابتسامه جانبيه وهمس...ترئ حلكج مو بس للحجي

استغربت...لعد المن

سحب راسي بيده والتهم شفايفي برومانسيه جمدت بمكاني غمرني الحنين لايامنه قبل للاسف بادلته لكن سرعان ما انتبهت النفسي

بلعت ريكي وابتعدت عنه واني امسح بقطرات العرق الي تلئلئت علئ جبيني

سالته بارتباك وخجل وتردد...محتاج شئ دا اريد اروح انضف البيت

سحبني وضمني الصدره ضليت استمع لنبضات گلبه
المضطربه وجنت بحاله من السكون ...

رغم قساوته الحياة وياه بس حياتنه بين مد وجر ودا اشوف نفسي من يلين ويايه الين ومن يقسئ اتعصب واتصرف برعوونه مثل تصرفه يعني لكا فعل ردة فعل

بس من انضرب وحسيت بخطر على حياته حسيت الناس ذئاب وتريد تاكلني وهو رغم قاسي بس اله مواقف ويايه واكيد ما اخاف بوجوده من اي واحد غيره....

احسه متغير احسه صاير حنين يمكن لان جابر كله اني من تصاوب شلون انهاريت عليه يمكن لان عرف اني ما عندي غيره يااارب يتغير لخاطر هل اطفال والله امووت قهر من اتذكر هم بوسط عائله متشتته

بس الحمد لله هو حنين عليهم وابد ما كرهم وكال هذول خالهم كتال اهلي يارب تحنن كلبه عليه ما عندي غيره بعدك ياربي يا حبيبي...

اخاف تطلعلي مشكله وتخرب عليه...

اني من تصاوب لحد الان اجيب مجتبئ ومرتضئ اخليهم يمه لان كل شويه اني يمهم ولازم اروح اشوفه فلازم اروح اشوف جاسر ورطينه صايره ...

استنشقت عبير عطره من زمان من يوم الخطبه واني احب قربه واحب اسولف وياه بس هو كسرني وجفه ويايه خشمه يابس واناني ..

حتئ ابو الله يرحمه يكولها ولك جاسر شبيك كلبك ميت ولك هاي جولييت اسم علئ مسمئ لكل حاسدك عليها جنها طفله اوربيه وانت مجافيها

صدك هو زين جان ويايه بس بارد هسه احسن مرات اكول يحبني ومرات اكول يعطف عليه

ضميت راسي بصدره وهو شد من حضنته اليه

انتبهت علئ صوت مجتبئ كعد وهو يبجي درت وجهي عليه وبعدت ايد الكاسر من خصري و وكف

اخذته من سريره وحضنته واني ابوس بعيونه الحلوه كعدته بصف ابوو

باوعله وضحك احس مجتبئ دوه لجروح ابو وعوضه عن غزوله رغم معاق

كال...تعاي ام مجتبئ كعديني

حطيت ايدي وره ضهره دا اريد اكعده بس ما كدرت الله يسلمه عظمه ثكيل كووه كعدته اجيت اوكع بحضنه

ضل يلعب بمجتبئ ومجتبئ عبالك لكه صاحبته ميت عليه ويضحك وياه وكل شويه وكمز عليه

كعدت بصفهم وانطيت اللهايه لمجتبئ خليتها بحلكه لان يعيط واخاف يكعد اخو عاد هو واخو وابو والله ما اكدر الهم كلهم....

شفت جاسر ابتسم عرفت اكيد تذكر من احترك مرتضئ واني من ربكتي خليت اللهايه بحلكي بدل ما اخليها بخلك رضاوي ...

غلست وضليت كاعده ومجتبئ نذل مثل ابو تماما يشمر اللهايه ويضل يبجي يريد اجيبها اله

واني كل شويه وركضت غسلتها ورجعت انطيتها اله وهو شمرها وضل يعيط واني اركض اغسلها واجيبها طيح حضي

وجاسر كل شويه وضحك وكله.. عفيه بعد ابوووك بوويه والله سبع وشخصيتك قوويه

هو شمر اللهايه بوجه جاسر اجيت بخشمه ضحك عليه بصوت ..ههههههه لا يانذل طالع علئ امك

تعصبت...لاااا والله عليك انت نذل

هو نبت اصابعه عبالك سجاجين بخاصرتي صرخت بصوت عالي لو اكو واحد بالبيت جان اجو علئ صرختي

كال وهو يضغط اكثر...نذل مووو؟ كلتي هذا مصوب مايكدر عليه اعتذري ام السواديين

جاوبته بعناد...ماااااا اعتذر انت

ضغط اكثرر وبقوووه لزمت بتوسل...ليش تكرهني

تجاهل كلامي ورد ببرود...اعتذري يالله

باوعت لمرتضئ نايم...لك ماما مرتضئ افزعلي

هو ابتسم بخبث واضغط اكثر همست بعدم رضا....لعفو

كرصني بقوه وبعد ايده عني ...وكفت بغضب ومشيت

باوعتله بنظرتي المعتاده الي يتخبل منها كال...هااا ام لسان وكحه صايره

رفعت حاجب واني لسه افرك بخصري رديت عليه باستفزاز....تربيتك يابه هاي وانت مريض لو صاحي شسويت

ضحك بغموض...اطلعج مكسره عاد اليوم قافل عليج ...

خزرته وخليت وطلعت كعدت علئ الدرج اليوم مدري شبي احس الطلقه غسلت مخه مو طبيعي...

شويه وحسيت اكوو ضجه يبووو جعفر سكران وجاسر مريض يتخبل والله وصلاح مو هنا شلون مشكله....

انوب اني استحي منهم احتاريت شلون الزمه سحبته من قميصه وهو يصيح شهوده لا تزوجيين احببج تزوجت اختي صبريه ...

مدري شنو يحجي دخلته الغرفته خفت انوب يلزمني والقران جاسر ينكلب وحش يسكطه تسكط

شمر نفسه علئ السرير وهو يحجي سرياني مدري فارسي كووولشي ما فهمت...

اول ما طلعت و نوال صارت بوجهي هي وهاله خفت يفهمني غلط بس الحمد لله اني اعرف نفسي ما اهتميت الها

دا امشي ونوال لزمتني كالت بغضب...شتسوين بغرفة زوجي

باوعتلها بقرف شلون تمط ببراطمها دفعت ايدها بنتر....احترمي نفسج مفهوم زوجج علئ كولتج سكران واخاف يشوفه زوجي واخاف عليه تتازم حالته

ردت هاله بمصاخه...عشتووو

رفعت عيوني بدلع...اي والله شنسوي يگلبي زوجي وابو جهالي وابويه هو بدونه اضييع تاكلني الجلاب...

نوال بخبث...شقصدج اني وعمتي ام فلاح جلاب

رديت باستفزاز....لا عمتي حشاها

هاله ....ونوال.... انتي صدك ما تستحين قصدج نوال جلبه هاي فوك ما اخوج كتل زوجها ورملها ويتم بناتها ...ولا تستحين و كولين مرة الجبير

وبعدين انتي الئ متئ تضل نفسج دنيه وتخمطين بالزلم والله حرام بيج ابو غزل حرام انتي مرته ما تصونينه

انوب دنت نفسج علئ اخووو

اشرت الها باصبعي ببرود....اكلي نعل رجاءا لا اجي اوكلج بيدي زوجي يحبني ويعرفني كووولش زين وماكو غيرج دنيئة نفس وحربايه ...

نوال...لا تحجين علئ هاله تاج راسج وانتي اكبر حقيره لحد الان فايره من سوالفج لييش لييش ولج اخذتي خطيبها احمد..

رجعت خصلة شعري بغرور...تمام محتاجه شئ لو اروح زوجي محتاجني

ضلن يباوعلي بتذمر واني مشيت بدلع كدامهن سمعت خالتي تبجي وهي دكول...يمه وقروه سوده شلون انام وانتي مو يمي...

طبعا خالتي ابد ما تهتم البناتها وهي يمهن بس من يتزوجن تتخبل عليهن ما ادري ليش بحيث تحسس العالم ماكو مثل بناتها....

رجعت لكيت جاسر نايم اجيت نمت بصفه بس بعيده عنه شويه اخاف ااذي جرحه....

....................

وقار....

اجت الزفه وجاسر جان كلامه كوووولش اله اثر عميق بداخلي بحيث حسيته ابويه لدا يحجي مو اخويه الدمعه ما نشفت من عيني وجابر كل شويه ولزم ايدي يطمني....

جنت ما اشوف بسبب البرنص وجابر كل شويه ونزله علئ عيوني جان هو يسوق ومشغل اغنيه هادئة وكوولش حلوه

همست...جابر تحبني

جر نفس ولزم ايدي المفقوده ورد بنفس الهمس...اي امووت عليج من زمان اني جان الي مشاعر اتجاهج من قبل لا يموت عمي بس دفنتها

استغربت ...لييش؟

رد بغموض...لان احببج

ابتسمت بتوتر وسكتت رفعت البرنص شويه شفت خالتي صبريه طالعه من جام الكوستر وتركص بمسدسها وثوبها اليلمع ...

مسافة الطريق و وصلنه للبيت اول ما نزلت من السياره نزلني وخطيه ريهام ساعدته ينزلني ببدلتي ...

شفت جعفر يالله شكد استحيت هسه يكولون اخو العروسه جاي بس يالله هو ابن عمهم مثل اخوهم

جعفر لازم الخروف والسجين ديذبحوا شاف صبريه كال...ليش جايبين طلي مو كتلكم جيبوا كنوش نذبحه

باوعتله صبرية بحقد...خايب تسكت لا اذبحك بدال الخروف يذبح كنوش مو هو احسن منه

جعفر...لا عمي كنوش اليوم نكعده بالديوان بمكان عمي عكاب

جابر ضربه...ولك لا تجفص ما دكلي شجابك اول اشوف اخو يجي بعرس اخته

جعفر...اني انسان مميز اصلا متميز عن العشيره كلها شرب عربده احلئ واحد بيكم وراح اتزوج اثنين منو بيكم مثني غيري وغير ابووي...

صبرية ركصت ...بس كون سالم يالولد كل يوم ازفلك مره...وفلوس امك جوه الكاشيه ...

عاد هو ما صدك طاح الصبريه بس وصور بس المهم عنده يتزوج....

اجه الكصاب ذبح الخروف واني خاتله وره جابر من الخوف...

تذكرت جاسر من تزوج وذبحوا الخروف وجولي تصرخ وتبجي وكلها تضحك عليها وحاضنه جاسر بيومها هو والله فشل وضل بس يمسح بجبينه وحاضنها عبالك بنته...

دخلنه جووه بعد ما دمروا حذائي بالدم كعدنه بالكووشه الي مصممتها عمتي...

كووولها جانت تركص وريهام جانت لابسه فستان قصير وفاتحه شعرها طوويل يجنن وتركص وتهوس وامها تفتر وراها بحنيه...يمه رهومه اكعدي اخاف عليج وعلئ طفلج لا يصير بيهم شئ

وهي ما مهتمه خطيه حيل فرحانه هماتين اليه والاخوها جااابر ....

طلع جابر واني زفوني الغرفتي جنت فرحانه حييل عجبتني الغرفه كووولش تجنن وعجبني الجكليت الي مسويته وقار عباره عن قلب الحب وهماتين أسمائنا اني وجابر....

ديكور الغرفه كوولش حلو وتركيه جان طاغي عليها اللون الماروني والابيض ...

هنه طلعن وماما باستني و وصتني كالت...حبيبتي بيضي وجهي ورفعي راس اخوانج هاي سنة الحياة ولا تخافين جابر صار سترج وغطاج لا تستحين منه

ردت صبريه وهي تدخن ...عليمن مستحيه شو جويبر شبع بيها بوس البارحه اليوم استحت لا يمه لا تستحين هي جكة ابره

نوال هفت بيدها علئ الدخان كالت...عوووع خاله خنكتينه وخربتي غرفة العرسان

صبرية بغضب...خايبه ليش ما تسكتين لا اطفي الجكاره ببراطمج هسه مدخنه بغرفتج غرفة ابن اختي وانه حره بيها يمن كوون مال لطم

نوال اجت تتعارك وياها بس رضيه لزمتها وسكتتها

شويه ودخل جابر وخالتي تلكته وهي تهوس...اليوم يومك يا بطل العب علئ الجربايه

هو خجل وهي ركعته علئ كتفه...اي ولك اريدنك سبع كوون تبيض وجوهنه مو مثل ابو اللول جنه صخل اسبوع وهو كلشي ماكوو ...

هو ابتسم وسكت رجعت باوعتلي...وقيره مو تشلعين كلبه ترئ بعدين انتي تضلين تركضين وراه وهو يشرد منج كفيلج العباس ...

جرتها ام جابر وطلعتها وهي لحد الان تلعلع هو دار وجهه وقفل الباب هز راسه باسئ وهو يضحك ...خرب غيرتج خاله ولا عندج حيا حضوري

ابتسمت ونزلت راسي ...

تقرب مني واني لزمتني رعشه قوويه ارجف مدري شبيه لزم اكتافي العاريه و وكفني باسني بخدي وهو يتامل ملامح وجهي

همس بحب...حلوه انتي من زمااان بس اليوم طالعه احلئ وصدك اليوم ليلة عرسان

لزم ايدي وفرني ببدلتي رغم اللحظه الحلوه بس جنت حيل خجلانه من ايدي وترعش وهي تحت قبضة ايده

باوعلي من فوگ ليجوه وركز بنظراته علئ خصري كال...ترئ خصرج كااافر ويحرضني علئ الفسق والفجور ...

همست بخجل وابتسامه مرتبكه ...بس انت انسان متدين ما اعتقد يغريك خصري

رفع حاجب بذهول وابتسامه...لا والله يعمي اغراني اذا هو خصرج اشد كفر من ابو لهب...

نزلت عيوني والفرحه تنبض بداخلي ...من هسه شديت حرابه ويه خصري

عض شفته بلهفه...اليوم اكطعه اليوم ما ارحم بحاله ادري انتي ما تاكليين اغراني من اول يوم الخطبه واني اشوفه طامس بين اعضائج حتئ كلت هاي ما تاكل شهل خصر الحلو

رفع نظره الوجهي اما وجهج بحث اخر ما عندي الوقت الكافي حتئ اتغزل بيج اذا كل شئ بوجهج ينرادله قصيده كامله ...

بلعت ريكي بقهر وحزن...بس ايدي تعيبني جاابر واكثر الشغلات ما اكدر اسويهن..

رفع ايدي ونزع الشاش منها باسها بهيام وطول شويه كال...لا متعيبج اصلا مميزتج عن الباقيات لا تستحين ولا تخجلين منها اكثر شئ احببه بيج ايدج ...

حضنته بروح ملچومه وبجيت بصوت مسموع حتئ هو انصدم مني وحضني حيل عبالك يدخلني بصدره مسح علئ ظهري كال...اششش لا تبجيين كتلج اني ايدج واني كلج

ابتعدت عنه شوويه خجلانه وهو ضحك بمكر شفتي هل ايد الحلوه شلون سوتلي خدمه خلتج حضنتيني بدون سابق انذار...

ابتسمت ونزلت راسي ساعدني نزعت البدله بس هو بس فتح السحاب

لبست ثوب نوم ستن طوويل وفوكاه روب طوويل توول...

ساعدني فتح التسريحه وكل ماشه يشمرها يبوسني بعنقي ويستنشق عطري ...

شمر الستره والرباط كال...خلي نتوضئ ونصلي وبعدها نخلص شغلتنا

صدك غسلت المكياج وتوضينه صلينه ركعتين وصلينه المغرب والعشاء وهماتين هو دعا بدعاء الزواج...

من خلصنه سفط السجادات واخذ عباية الصلاه سفطها واني اباوع عليه واضحك

كال باستغراب...ليش تضحكين

رديت ببابتسامه خجوله...حلو تسفط بس هاي اول مره اشوفك هييج يعني عادي تساعدني موو؟؟

شمر العبايه علئ الميز وتقرب مني وشالني كال....اي ما تعرفيني بعدج ان شاء الله ادللج دلال وما اتعبج وداعتج

خلاني علئ طرف الجربايه ودفع اللوحه الفنيه الي تعبانه بيها وقار وتطشر كل الجكليت وتقرب مني غمضت عيوني حيييل...

وحضنت نفسي بخجل من شفته تقرب مني ونزع الرووب حسيت بملمس دافي علئ شفايفي سلمت الروح والجسد اله ...

جان كوولش حباب رومانسي وكل حنية الدنيا بي بحيث ضعت وياه وفقدت الذاكره ما اذكر بس هو واني....

فتحت عيوني مصدومه من كال...شوو ماكو اثر للعذريه

رجفت بخووف وصدمه...جااابر والله محد لامسني

جر نفس وابتسم...لا تخافين عادي تصير ان شاء الله كم يوم ونشوف حل ...

همست برعب...يعني شنو

ابتسم مجامله...لا تخافين ماكوو شئ يجوز يطلع الغشاء مطاط وحتئ لو ما شفت اثار عذريه اني ثاق بيج واعرفج حبيبتي

ضليت مصدومه هو راح سبح وطلع كال...منو يسالج كليلهم ما قبلت خفت وهيج شئ اوك حبيبتي

هزيت راسي واني دموعي شلال ضحك عليه وتقرب مني باسني براسي وهمس...لا تخافين شبيج اكثر البنات هيج عادي والله...

خله وطلع واني ضليت ابجي دخلت امي واختي ونوال وهاله وصبريه وام جابر...

امي وعمتي ام جابر سألني كلتلهن خفت امي باوعت لام جابر بتوسل...خطيه صعبه عليها صبروا شويه

ردت عليها ام جابر...صدك جذب خيه شعدنه هم بكيفهم شوكت مايردون وحقها تخاف قابل شنو جابر نهار كله كاعد وياها صح ابن عمها بس ما متعمق وياها

واردفت بهدوء...بس لا دكولين الصبريه ترئ هاي فضيحه تنشرها بالجرايد

وبعدها عمتي هلهلت وصبريه ما صدكت خبصت الامه تركص وتهلهل ...

ضلن شويه و راحن وهو دخل ابتسم بوجهي مجامله وبعدها نام بصفي وحضني...

........................ ..........

ريهام ...

اني صح جنت اركص بس مو قوي مجرد احرك باديه حسيت صارت عندي اوجاع قوويه ...

فخابرت صلاح كتله حنام عند اهلي وهو قبل ما كال شئ ...

خابرني بعدها باليل كال شلونج سولفت اله عن حالتي كال بخوف...ديري بالج علئ نفسج وان شاء الله باجر اجي اخذج...

قفلت الخط وكعدت اصلي سجدت سجده طويله بس حسيت السجاده تلطخت ابتعد شويه واشوف الدم نازل من خشمي للسجاده ...

خفت حييل وخليت ورحت نمت علئ سريري فتحت الموبايل لكيت صلاح راسلي رساله كاتب...ترا المفروض تتقدس تفاصيلچ
وارتّب شعرچ بـ أيدي وابوس ايدچ واغنيلچ واذا صابچ تعب نامي
حبيبچ باقي يدعيلچ

وكاتب...صليت ودعيتلج حبيبتي...

جريت نفس ببتسامه حزينه كتبت ...ادعيلي صلاح احس اريد امووت

ماكو ثواني واتصل بيه مثل المخبل كال برعب...شبيج رهومتي شنو اليوجعج شنو تحسين جاي اخذج

ضحكت...شبيك حبيبي والله مبيه شئ بس تعبانه شويه

جر نفس بقلق ...مو دكولين اريد اموووت شنو هل كلام مو تدرين بيه اخاف عليج ليش تقلقيني عليج

بلعت ريكي بحزن...اسفه حبيبي والله بعد ما اعيدها

رد عليه بالم...حضري نفسج جاي اخذج

حطيت ايدي علئ خدي ...عزا صلاح الوقت متاخر

صلاح...حتئ لو هسه الفجر ما اكدر انام واني قلق عليج

ما حبيت اضوجه سكتت وقفلت الخط حضرت اغراضي طبعا امي ما قبلت اروح بس كلتلها لا خلي اروح خطيه باجر عنده دوام...

شويه واجه اخذني وياهبس جان كووولش مهموم ومقهور حسيت بي وانقهرت عليه

لزمت ايده بحنان همست...لا تخاف والله مابيه شئ

باوعلي بقلق...اكيييد

رفعت ايده وبستها ببتسامه...اي والله اكييد

وصلنه للبيت خطيه مخلاني اسوي اي شئ حتئ ملابسي هو دخلهن للكنتور وبدلي نمت ونام بصفي حضني كال...ريهام احببج وخايف عليج

همست..ليش ؟

جر نفس ...ما اعرف خايف افقدج

حضنته بحنان.. لا حبيبي ان شاء الله نضل دوم واحد مكابل الثاني

تقرب مني وباسني بعنقي وضل حاضني لحد ما غلينه النوم ونمنه...

.............................

جولييت....

مر تقريبا تلث ايام علئ عرس وقار فعلا البيت فارغ رغم وقار هادئه وما الها صوت بس خلت فراغ وراحت

خابرها جاسر كلتله الحمد لله زينه وكلهم خابروا احب حنيتهم علئ اخواتهم....

دخلت للغرفه لكيت جاسر نايم وبصفه الاطفال يلعبون فديتهم كبرانين

باوعتله بتوتر كتله.. جاسر اسويلك شوربه

رد بهدوء...اي سويلي بس ما اريد بيها بهارات عبالك مخليتات حنه ولا ملح هواي

ضحكت...لا حخليلك ملح حتئ يغزر

عض شفته باسئ...مو اگوم

رديت بعناد...شويب مابيك حييل انوب مصوب بس اهفي عليك تطير ...

رد بعدم قبول...افااا انه ابو التوم لا تخليني اكوم احبلج بتوم واشوفج الشايب المصوب شيسوي

حسيت صخنت من كلامه...لا لا عمي انت مو شايب انت كتكوت

غمزلي...تعالي تقربي يجكليت خلي اغازلج بسكوت من جهالج ...

مشيت بدلع ودا اسد الباب شمر اللعبه مالت مرتضئ عليه بغضب اجت بالباب كال...بسيطه تغريني ولج لج رب العالمين قدم النه حور العين واحنه مقصرين بحقه وانتي جايه تغريني ...

طلعت من باب الغرفه...هو اني من حوور العيين ومحد كايلك باوع عليه انت عيونك زايغه

ضحك بذهول...غاب القط العب يا فار شفتيني مريض طلعتي السانج ..

هزيتله بحواجبي شمتانه رجع ركعني باللعبه الثانيه مال مجتبئ واني خليت وانهزمت وضليت اضحك

طلعت الخضروات سويتله شوربة خضار كووولش اهتميت بيها وبعدها ضربتها بالخلاط....

اجت نوال وكفت واني رحت اغسل بالمواعين كالت..راح اخذ شويه اليه شوربه

كتلها بدون نفس...اخذي

دخلت ريهام واني نشفت الماعين دا اضمهن بالكاوتتر

ونوال طلعت اخذت الشوربه ورحت انطيتها الجاسر جنت كوه كاتمه ضحكتي وهو يباوعلي بنظرة عتب

همست ببراء..العفوو

هز ايده واكل اول ما اكل شمر الخاشوكه بالصينيه استغربت كال بعصبية...مالحه تكتل مو كتلج لا تسويها مالحه

تفاجئت رديت باستغراب. لا والله مو مالحه قبل لا اخليها الك ضكتها عاديه مابيها ملح

انطاني الخاشوكه ضكتها صدك تكص الكلب املوحتها باوعتله بقهر وابتسمت بحزن.. والله هاي نوال ترستها ملح

عقدت حواجبه كال ...متأكده

هزيت راسي.. اي والله هي اخذت منها قبل لا اصبلك واكيد هي خلت بيها ملح بس خلي اسال ريهام هي جانت موجوده

كال...صيحي ريهام بسرعه

رحت صحت ريهام اجتي اول مره من سالها كالت...لا لا عفيه اني ما الي شغل ما احب المشاكل ولا احب افتن

جاوبها جاسر...الساكت عن الحق شيطان اخرس انتي شفتيها خلت ملح لو لا احلفج بالقران

ردت بتردد وقلق...اي شفتها دارت الملح بالجدريه ...

هو تخبل جان لابس دشداشه سوده صاح بصوت غاضب ....جوووليت تعالي ساعديني اطلع

رحت اركض بخوووف ساعدته رغم ما اكدر والله طلع صاح بصوت عالي...جعفررررر

طلع جعفر يركض من غرفته كال...هاااا خووويه

رد عليه بغضب...نوال حرمتك...وما النه سلطه عليها انت زوجها ولازم تحاسبها لا والله اتصرف تصرف ثاني وياها اخليها تبجي دم

طبعا جاسر صاح علئ جعفر وكله لان يعرف جعفر يكره نوال واكيد يموتها

عاد جعفر ما صدك سرفن ارادنه كال ...خير شبيها وجهه الطاوه

جاسر كال...احجي ريهام

ويه ما دتحجي ريهام دخل صلاح ردت ببراءه وخوف وسولفت السالفه كلها

عاد نوال ما خلت امام ولت نبي ولا وصي ما حلفت بي وكالت..جذب والله والقران وروح فلاح الشالع عيوني ما مخليه

هو جعفر كلها بسيطه اليوم اله اخليج تلحكين فلاح.. لزمها سكطها تسكط وهي تصيح وتغلط وتدعي

كلها جعفر..امشي ولي الاهلج

هي ركضت سدت باب غرفتها وكلتله...والله ما اطلع لو تطلع نخله براسك ابو العرك

فلش عليها الباب تفلش ما قبلت تطلع وامه ورضيه يتوسلن بي

صلاح ضاج من شاف ريهام شهدت ضد نوال ضل يحجي عليها وحتئ صيح عليها هي خطيه انقهرت وخلت وراحت الغرفتها...

رجعت للمطبخ شمرت الشوربه بجيس وغسلت الجدر جاسر حجه مو لان خلت الملح بالجدر بس يكول بس واحد يسكت الها تتفرعن اكثر...

شويه واجت ريهام تركض كالت ...جوولي الحكيلي دا انزف....

نهاية البارت يتبع....

كونوا انتم كونوا بخير...احبكم 💔

نور سمو العراق. 😘

رجاءا رجاءا لا تنسوا التصويت حتئ ما اتاخر عليكم لان مدري شبيكم متصوتون مقارنه ويه 30 الف مشاهده للبارت...

هذا التصميم اهداء من وئام الشيخلي snwn2231