رواية #جوليت وأسرها.... الفصل الثاني والعشرون 22 - بقلم الكاتبه سمو العراق

البارت السادس عشر
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔💔

جميعنا نستحق شخص لا يتوقف أبداً عن المحاولة وأنا حاولت حتى جائت خيبتي بقدر محاولاتي وانتهى الأمر...

................................

كمل بحب وهمس ناعم.....اووووويلي بهذلتي احوالي لج انتي الزعطوطه هيج يطلع منج ما توقعت هيج رومانسية...

اردف بضحكه...هههه لا لا مو زعطوطه تروحلج فدوة مرة اخوووي المرحووم....

جنت شايلة الصينيه وشويه مبعدتها عني ومخليه اذاني دا استمع عن الكلام...

كمزت من مكاني حسيت الصينيه اجت توگع من ايدي علئ صوته اللاذع

باوعتله بخوووف جانت بينه المسافه بعيده

باوعلي باستهزاء...عليمن تتسمعيين تعالي

مشيت بخطوات خايفة وارتجاف مو طبيعي والصينية تهتز بيدي...

احتقنت ملامحه كال...صار خمس دقايق اباوعلج وانتي واكفه وحاطه اذانج تتصنطين متستحين

همست بخوف..اءء عبالي انت ما ادري جعفر

رفع حاجب باستهزاء...والله؟ يعني معترفه تتنصطين علية لهل درجه هامج...

بطنج منفوخه شكبرها والصينيه مليانه اكل و انتي بدون اهتمام واكفه وحاطه اذانج هسه من الزمج واطيح حضج اكو احد يلومني ...

باوعتله بخزرة ضجت من كلامه ...

ضل يباوعلي بنظرات غامضه ...عدلي نظرتج لا افگس عيونج ..

درت وجهي بزعل...عساس هو يهتم لزعلي...

صاح بصوت عالي...جعفررررر

ثواني واجه جعفر كال...هااا خووية صابيلي غدا والله من طلعت امي حسيت روحي يتيم كلت محد يغديني الحمد لله طلع اخووي كلبه طيب

ضحك بسخرية...ديلا اخذ الغدا وروح

اخذ الصينية مني كال...متتغدون

جاسر مسح وجهه بتوتر رد بهدوء...لا بالعافية عليك

اخذ الصينية وراح ...اني دا اروح هو لزم ايدي بقوة

باوعتله بحيرة همس بهدوء...اليوم تجي اشواق حضرولها عشا

ابتسمت بسخرية...هههه ليش هو منو غيري يسوي اكل كول حضري عشا لا دكول بالجمع

رد بنرفزه...بالله لا تضلين تمسلتين رضيه جاي تساعدج فبطلي سوالف المضلومات...

جريت نفس بقهر كوة كتمت عصبيتي ...قصدي البيت محد بي ورضيه ويه نوال

باوعلي وهو عاگد الحواجب كل عاده كال...اي البطنج يتحرك لو مثل ذيج المطفية البنية عشر ايام ميته ببطنها ومتدري بروحها

ضحكت بمرح...والله يا ابو ابني من تضل تصيح وتغلط وتضربني ابني لا ارادي يخنس ويضل لا يتحرك ولا يحوص ..ومن تكون هادئ لا يصير نشيط واضل متحملة رفساته ...

همس بخبث...نذل طالع عليج ...

لو علئ خاله مو يكولون ثلثين الولد علئ الخال

عرفته يريد يستفزني ويخبث ويايه لذلك حبيت تكون الحرب بارده ...والله الما يطلع علئ اهله فهو نغل...« بدون نسب » اكيد طالع عليك وغاسلة ايدي منه

سحبني من ثوبي حييل من ناحية الصدر وهمس بفحيح مرعب...اكلي تبن لج ماكوو نغل غير اخووج

ضل يباوع الرگبتي بنظرات سخيفه اعرف غايته يريد يوكعني بشباكه ...

بلعت ريكي بتوتر ...وهمست تريد شئ

هز راسه بنفس و رجع للغرفه قفل الباب بوجهي شكد قليل ذوووق ومستفز...

خليت و رحت للمطبخ حضرت اكلات للعشا لا تجي اخته...

شويه وحسيت الباب انفتح باوعت من الشباك شفتها خالتي تلگتها وقار كالت...هااا ماما شنو شلونها نوال

جرت نفس وجاوبت...زينه الحمد لله سوولها عمليه الثوله ما تدري بروحها الطفله ميته وحتئ دكول الدكتوره لو ما ربج ستر جان انفجر رحمها...

لان مي الطفل صاير اخضر

وقار...زين والطفله

تنهدت بقهر...اخذها صلاح يغسلها ويدفنها بمقبرة طيور الجنه مال اطفال...

وقار...لعد ليش ما يدفنوها يم ابوها...

ام فلاح...هي طفلة ميحتاج اخووج الثور ويين

وقار عقدت حواجبها...منو منهم

ام فلاح بغضب...جعيفر الثور اتصل عليه يطلع مشغوول بيا كح...يخابر

وقار بملل...شمدريني بي هو بالاستقبال اصيحه الج

ام فلاح...صيحي لهل گوا...اخر شئ جاوبني كتله تعالنه للمستشفئ صلاح راح يروح للمقبره

يكلي...خاب والله بطرانه شعندي جاي الزم راس نوال ولوليلها

وقفل الخط بوجهي بكد البعير ولا فهم ولا علم روحي كعدي خلي ياخذ الرضيه المسكينه غدا

طلع من الغرفه وهو يفرك بعيونه بنعاس...استغفر الله يارب بعد انتي شديتي وياي شتردين مني مدكليلي

ردت بانزعاج...روح ودي الرضيه غدا لا اخلي جاسر يسكطك تسكط ولك نذل اخابر عليك مترد ملتهي ويه الكح...مالتك...

رد بهدوء...رجاءا لا تحجين علئ شوشو هي الشرف كله ...

ردت عليه...اطلع كح...اذا زوجتها الك ولك كواد كاتل روحك علئ امهات موبايلات وعايف ريهام الادب والدين والاخلاق والجمال وتركض وره شوشو

جاوبها بانزعاج...اهووو يمه هي ريهام تحسسني من قوم لوط ما عندها حيويه رومانسيه عود ان شاء الله من اتزوجها اتوب من النسوان

هزت ايدها بقهر...دروح روح ودي اكل الرضيه ماتت جوع

تنهد بملل...شنو سالفتها اطكلي لفة فلافل وبطل ببسي واكسر الجوع لو انتن العجايز ترجفن علئ الفلس

ام فلاح بغضب...بسيطه يجي جاسر لو مايجي هسه اخابره...

وقار ردت...لا جاسر بغرفته احتمال نايم...

جعفر...جيبي جيبي فلةس خليني اخذ الهن غدا وامري ل. آلله

هي خزرته وبعدها طلعت فلوس وانطته هو غسل وراح...

اني رحت صبيت الها غدا هي و وقار وديته الها بغرفتها جانت ما اعرف شبيها دايرة وجهها مني واني هماتين ما اهتميت خليت وطلعت...

شويه واندك الباب...

طلعت كلت يمكن اشواق اجتي بس بطني حييل لوتني خفت يفتحون موضوع طفلي وتاخذه مني

فتحت الباب دخلت خالتي وهالة...

خالتي كل عاده دخلت ما سلمت بس هاله كالت...هلاو حبي

جاوبتها بانزعاج...هلاوو

دخلن جووه جانت لابسه تنوره سوده وتشيرت اسود وشال اسود ومخلية مكياج خفيف...

رحت وراهن اخذت المي آلخالتي

دخلن جوه سلمن علئ خالتي كالن..والله بس سمعنه نوال ماتت بنتها ومسويه عملية اجينه نركض نوال عزيزة خطية ومضلومه...فوك ضيمها انوب ماتت طفلتها...

استغفر الله ما اعرف ليش العواهر حظهن كاعد صدك لو كالو حظ العواهر جواهر...

ام فلاح ما جاوبتهن بس كالت...ما مقسومه الله يعينها...

دا اطلع خالتي ام هاله وجهت كلامها الية...جاسر موجود

درت وجهي عليها همست...اي موجود بس نايم

ام فلاح كالت..روحي كعدي كليله ابو جابر اليوم يسوي استخلاف لبنت فلاح الماتت...

هزيت راسي بأي ...باوعت الوقار خطيه كاعد تاكل وتوكل ببنات فلاح ...بعد ما سلمت علئ هاله وخالتي

وكفت هالة بدلع كالت...عليمن مكعدته هسه اتصل بي

وكفت بصفي واتصل كاتبه عليه نبضي ...

انصدمت...لا يا حيوووانه بكل عين صلفه ولا تستحي زبالة هاي مو مال هاله مال زبالة....

ما فتح عليها خط اني خليت ورحت دكيت الباب ما فتحه...

فتحت الباب ودخلت لكيت الغرفه بااااارده تجمد وهو جان كاعد علئ الكرسي لابس بنطرون اسود وقميص اسود ومرخي ظهرة علئ الكرسي ومغمض عيونه ...

قلبي تبعثرن دكاته وضليت ارمش بخوف وخجل...

باوعت لايده ساندها علئ يدة الكرسي ومخلي الجكاره بين اصابعه وهي ملتهبه التتن محترك ومجمر لحد النهاية...

خفت تحرك اصابعه تقربت بخطوات متردده واخذتها من بين اصابعه وخليتها بالنفاضه...

بسرعه فز باوعلي برهبه وقابلته بنظرات حزينه وبريئه

بلل شفايفه بضيق كال...منو سمحلج تطفيها

همست بخوف...خفت تحرگ ايدك

رد بقسوه وهو يشد علئ شفايفة...هو اني كلي محترگ مااحس بحرارة اي شئ ضلت علئ ايدي

ضليت مركزة بعيونه رغم قاسي ونذل وحقير بس اني مو مثله انقهر علية من اشوفه حزين...

ضل يباوعلي واني كاعده جوه رجليه ...شتت نظراتي منه بخجل وجريت نفس...

سحبت باكيت الجكاير وطلعت جكاره تحت انظاره ولعت الجداحه وشغلتها ...

جانت عيونه حاده وتباوعلي برعب عباله اريد اخن...

وكفت وخليتها بين اصابعي قربتها من شفايفه وهو اخذها بهدوء من ايدي..وعدل گعدته

نزل عيونه وهو يهز راسه باسئ ويضحك رجع باوعلي ورفع حاجب كال بخبث...التدخين مضر بالصحه اول مره اشوف زوجة تقدم الزوجها جكاره لهل درجه ضايگه بيج الدنيا بوجودي

اجيت اصرخ بوجهه واكوله اكثر والله خانگني خنگ

بس سكتت ابتسمت بوجهه مجاملة...لا متهوون تضل ابو ابني حتئ لو ظالم ..

باوعلي بذهول وضحك...ظالم !! اني ظالم ؟

همست بكلبي ...لا جدي

تقرب مني وهو يرسم ابتسامة شبح علئ شفايفة...لج اني راحمج اكثر من امج ماكو رجال مرته تنهزم منه ويضل ساكت لا والي مهزمها ابن عمه وعضيده

لج انتي سبب بخلافي ويه جابر اني جابر اعزة واحبه اكثر من صلاح وجعفر بس لحد الان عقلي ممستوعب هو خاني وظماج مني ...

همست بنحيب...لا دكول ظماج كوول حماج والله جابر ونعم منه ما تجاوز وياي وحماني وكعدني عند خالته وما مسني بحجايه

كملت بحزن ونحيب شديد...والله اني خفت وطلعت هاله دكولي راح يذبحج ويوكع طفلج ونوال وخالتي كل شويه هاجمات عليه وانت كايل للشيخ الطفل اريد انزله ...

جان يباوعلي وهو عاقد حواجبه وهادئ حييل تدارك نفسه ومسح وجهه بتوتر كال...باللحظه
عصبية والصار مو شويه وجان مجرد كلام جنت لا طايقج ولا طايق الطفل

همست ...معذورر

ابتسم ابتسامه جانبية وجر نفس كال...مو ذنبج ذنب جابر الاثول جان يكدر يسوي اي شئ وما يكبر المشكله يعني شهرين وانتي مختفيه والنسوان ما يصدكن وصلنها للشيوخ صرت عبالك طفل من سالوني عنج ...

همست ببكاء ولزمت ايده...والله مو قصدي اهينك بس خفت منك وخفت ترتبك جريمه بينه وانت متعصب

جر نفس ومسح على شعري مدري رغم فرحت بس خفت بنفس الوقت لان ما اعرف شنو يدور براسه

وكف ديمشي بس ما توازن لزمته بسرعه من خصره ولزمت ايده همست بحنان...اوصلك للجربايه

سكت مجاوبني ...

لزمت ايده و وصلته للسرير خليته عليه نام علئ بطنه غطيته باللحاف جان لسه لازم جكارته رفعها اليه اخذتها من ايده وطفيتها....

رجعت غطيته بالحاف قربت اصابعي من شعره وضليت امسح عليه بهدوء واباوع لجانب من ملامحه ...

همس بهدوء...جولييت عوفيني براحتي ..

همست بهدوء...براحتك نوم العافية

مشيت خطوات بعد ما طفيت الضوء تكلمت بيني وبين نفسي خليني اجاريه وانزل من كرامتي شوويه حتئ اكدر اعيش لان ما الي غير الله وغيره

شفت موبايله ترن برساله تقربت اخطت موبايله واني اباوعله شفت مكتوب هالة وراسله رساله مكتوب...والله ما خنتك وصفت الك بالمظبوط بي هسه عر....

اختفت الرساله لان جان مخلي رمز ما فهمت رسالتها حاولت اطلع الرساله مكدرت...

ضليت أتلفت اخاف يشوفني وبعدها رجعت الموبايل

طلعت بره شفت هاله واكفه يم المطبخ وتراسل بموبايلها...

تقربت مني كالت...ويين جااااسر لو رحتي كلتليه لا ترد ولا تطلع

همست بمرح...لا والله حبي بس هو نايم كال تعالي نامي بصفي مشتاق الاحضانج بس اني انهزمت منه لان ما تعرفين شكد يبوس ويتشاقه واني تعبانه

ردت باستهزاء...عشتووو والبوكسيات والراشديات الي اخذتيهن

ضحكت...اي لان تخبل من رحت عنه كال هاي عقوبه لان حرمتيني منج...

ردت بغرور...حبي اصحي من احلامج هو كال ما اريدج وان شاء الله راح...ههههههههههه لا ما اكول كولشي بوقته حلوو...

رفعت حاجب...تردينه يحبج...

ضحكت بخبث...اي ليش لا اريد احب وانحب شبية محلوة مثلا

رديت بهدوء...لا حلوووة بس بيج شئ ما ادري شنووو

همست...شنووو

رديت بتفكير...امممم رخيصة

رفعت ايدها بغضب رادت تضربني لزمت ايدها بغضب...اكسرها الج اذا مديتيها ليش انهضمتي يعني هسه انتي مو رخيصه

ترئ والله هاي سوالفج سوالف وحده رخيصه لان حاطه عينج علئ زوج بنت عمج

ردت بذهول وصدمه...لا والله صدك تحجين هههههه لا يكون نسيتي نفسج ونسيتي سوالفج ويه خطيبي احمد

غمضت عيوني باسئ وقهر وفتحتهن بتنهيده...ترئ خطيبج ارخص منج والله ترئ،بسببج وسبب خطيبج العار اني وصلت لهذا الحال ونكتلت وانضربت

حطت ايدها علئ خصرها وردت باستهزاء...لا والله مسكينه القط ياكل عشاج ومتحجين

كملت بتهديد وغضب...والله والله كتلج اذا ما شربتج من نفس الكاس وشفتج اللوعه ما اطلع هالة

فتحت عيوني مصدومه وحزينه...تحجين صدك هاي فوك ما سويتلج خدمه شمدريني بخطيبج عار ولا تنسين انتي ورطتيني وانتي الي بهذلتيني

ضحكت...باعي اذا ما خليت جاسر يقلل من انوثتج ويفضلني عليج ما اطلع هاله بس بصراحه بصراحه حبيته الابو غزوله والله رجال احب شموخه

ردت بقهر وملل...بس يشلع الگلب گوة يتروض بس لا تخافين اروضه اروضه اووويلي متمرد...

عافتني وراحت وهي تضحك...

جريت نفس والله مو ذنبي هو السبب هو وهي الي دمروني وخلوو اخواني بهذلوني ...

هسه هو فسخ خطبته منها ولسه تفتر وراية....

خليت ورحت هو ضل نايم لحد الليل وهو نايم...

رحت للغرفه دخلت لكيته لسه نايم ابتسمت جنت احبه بس گلبي انجرح منه والله...

كعدت علئ القنفه واني اسمع صوت انفاسه المنتظمه..

اتذكرت قبل لا اخويه يقتل اهله...

جنت اسولف وياه بحماس واتذكر اول مره جان يستمع اليه جنت اسولف اله عن ايام المدرسه والمديرة وكذا...واضحك بصوت

وهو يتاملني بهدوء ويبتسم ويدخن...

اختفت ابتسامتي من ردة فعله همست بفشله...انت وياي

همس بتنهيده...اييي بس جنت مركز بضحكتج

نزلت راسي بخجل همست...خجلتني

ضحك تقرب مني وحضني حسيت بانفاسه قريبه من وجهي وشفايفه قريبه مني ...

بلعت ريكي ونزلت راسي حييل

هو ابتعد شويه عني

همست بخوف وخجل...لااا

باوعلي بذوبان...اوخر لو اتقرب

بلعت ريكي...هااا بكيفك

ضحك...شنو بكيفي غير انتي بكيفج اني ما احب اجبرج ...

سكتت مجاوبته رفع وجهي باطراف اصابعه وباسني بوسه صغيرة وخفيفه علئ شفايفي وابتعد

كمل بضحكه...رضيت نفسي ورضيتج بوسه صغيرة وما اتاثر

رجعت الواقعي واني المس شفايفي ما يدرب جان كل لمسة منه اتاثر وبكل قووووة ومجان يعرف يعرف ضليت يومين واني ذايبه ببوسته الهادئه...

شويه وراحت هاله وخالتي بعد ما تعشن طبعا لان ما طلع الهن جاسر خلن وراحن بس ضاجن وعود ديريدن يشوفنه....

شويه واجه صلاح وجعفر كالو باتت رضيه وامها يم نوال وان شاء الله باجر تطلع من المستشفئ الصبح

اشواق ما اجت خابرت امها كالت...والله مكدرت ان شاء الله علئ الاسبوع اللخ....

ثاني يوم هو راح الشغله والبيت فرغ ...اجت نوال هي ورضيه وامها جابهم صلاح وبعدها طلع

خلوها بالغرفه مالت خالتي وخلو سرير صغير نامت علي ...

كالت..خلي تشويلي معلاك لو بس عرفت موتت بنتي

سكتت محجيت شئ اولا لان هي مريضه وثانيا لان فقدت طفلتها وجانت حالتها تعبانه...

سويت الها واخذته رضيه الها ...اكلت وكملت ونامت واجت مضمده ضربتها ابره....

بس كل شويه وكعدت حتئ فتت منها تفلت عليه وهمست كالت...الفكر من شفتج ما شفت غير بنت النعال

جريت نفس وباوعتلها بهدوء وبعدها خليت ورحت ما اجاوب عن سفاهتها....

................   .........

بعد مرور عشر ايام...

ريهام .. صاحت عليه ماما واني بالغرفة دا البس لحتى نروح لبيت عمو عمود نوال نتحمدلها على السلامة صارلها عشرة ايام من ولدت .

... ريهام يمه وينج يله نروح تأخرنا

جاوبتها واني اتأكد من لبسي واحتشامي بنظرة اخيرة على انعكاس صورتي بالمراية
.. اجيتج يوم اجيتج .

طلعت بسرعة وسديت باب الغرفة وراي شفتها تنتظرني
باوعتلي وابتسمت واني هم ابتسمت على ابتسامتها كالت فدوة الهالوجه الحلوو المنور .
جاوبتها بلطف .. فديتج ماما وبستها على خدودها وهي هم باستني .

سألتها واني اعدل بالشال .. عدل شالي ماما

جاوبتني بحنية انت كلج جنج العافية بنيتي رهومة ..

ابتسمت وطلعنا اني وياهه ..

وصلنا لبيت عمو .. دخلنه سلمنا عليهم كلهم
نوال جانت متمددة بالاستقبال سلمت عليها امي اول شي

وبعدها اني سلمت عليها ردت من وره خشمها
بدون متباوعلي ..

وراحت كعدت امي كالت الله يخليلج بناتج ويخليج الهن .

ظلت تتصنع البجي الله يسلمج عمه اووف ياعمة اووف الله لا ينطيها فوك ما اخوها القاتل المجرم قتل زوجي وابو بناتي ويتمهم انوب هي كتلت بنتي ابطني ..

جاوبتها امي هلي منو عن منو تحجين ؟ عن جوليت ؟ شون كتلتها ..

كالت بنبرة اقرب للبكاء الكاذب اي منو غيرها الماتتسمه الله لا يوفقها ولا يهنيها ويضوكها الي اني ضكته كون الله يراويها بجهالها

قاطعتها عمة رضية بعصبية صدك جذب منج ترى انت نفسة والدعوة تدور وترجع على صاحبها حرام عليج تدعين عليها والطبيبة كالت بنتج صارلها عشرة أيام ميتة ابطنج

نوال زادت عصبيتها ونبرة متألمة بسبب عمليتها
؛ اكولج عمه انت شبيج تدافعيلها سيفين سيفين ترة مموكلينج محامي عنها

رضية فتحت عيونها بعصبية محامي شنو كلمن وحجه الحق صار محامي شتحجين انت ترة جوليت لا يمج ولابكرباج انت تحطين روحج كوة بكلشي وتسمعينها حجي ترة هي مالها ذنب فلا تاخذينها بذنب اخوها
عاصم الكلب وحد وجوليت وحد

ام فلاح .. على كيفج عيني يارضية ترة حقها نوال من تحجي لان كلبها ممرود وظلت وحيدة وبنيااتها تيتمن وبعدين انت لا كلش كلش تصفين وي اخت المجرم ونوال توها نفسه ومفجوعة ببنتها سودة عليه لاتسمعينها حجي يسم البدن .

رضية .. لا والله وجوليت شنو يابه ترا هم ابطنها حفيدج ماسمعتيها باذنج تدعي عليهم .

امي حاولت تغير الموضوع لان النقاش احتد فد مرة
سالتهم بنبرة متلعثمة .. ءااي صدك هي جوليت هسه شكد عليها ان شاءالله تجيب بالسلامة .

...

نطت نوال كالت .. عليها( ست اشهر ) وبس تجيب يطلكها جاسر وينطي الطفل لاشواق خطية محرومه من الخلفة من سنين

ردتها عمتي رضية وانت هيج مقهورة على اشواق لو شمتانة بجولي عيب تحجين هل كلام وتحركين كلب البنية علئ ضناها

.
حجت متعصبة .. اووي واني شعلية هو جاسر هيج كال وهيج مقرر بعد شمتانة ماشمتانة شهالحجي .

كالتلها رضية بعدم اقتناع .. اي ديري بالج لايطكلج عرك

اووي ان شاءالله عدويني الي يكرهوني يطكهم ستين عرج .. اكوم اني اولي اريد اضرب إبرة صلاح يوديني ..

كالت اخر كلامها بدلع وباوعتلي وترفع وتنصي بحاجبها

درت وجهي منها وشحيت نظراتي .. خايفة لا ملامحي تفصح عن شي دون ارادتي .

عمه ام فلاح ساعدتها تكوم وهي كامت تمشي وتلزم بالحايط ..

كعدنا شويه وصاحتني وقار اروح يمها نسولف وحدنا .

وصلت للدرج دا اصعد صارت نوال مقابيلي دتنزل .مخليه ايدها على بطنها كوة دتنزل متأذية
داروح اساعدها .

وفجأة طلع صلاح من الغرفة الي بصف الدرج صارت عيني بعينه ، بلعت ريك بسرعة وبعدت نظراتي منه .

هو كال بابتسامة لطيفة وبنبرة تفضح هواي مشاعر مكنونة .. هلاو رهومة شلونج .

وبدل لا اباوعله وارد السلام باوعت لنوال لاااراديا
الي بلحظة وجهه صار ينذر بشر مكتوم .
جاوبته بنبرة متلكئة .. الحمدلله انت شلونك ؟

بخير اذا انت بخير رهومة ..

نزلت نوال .. وصارت بيناتنا
كالت ومتألمة من نزلة الدرج ها صلاح توديني اضرب ابره ..

هو تنفس بملل وجاوبها بنفاذ صبر يلله امشي ..

اي عيوني انت فدوة الگلبك متقصر ويايه والله متعبتك اني بس من رخصتك اللزم الابرة خلي اعدل شالي ..
وطخته على كتفه ..

هو تجاهلها وخله ايدها الي لازمة بيدها الابرة
معلكة بالهواء ..

دار وجهه ديروح باوعلي ..
وتكلم وياي بابتسامة ..
.. ان شاءالله باقين يمنه ريهام موو ؟

باوعتله ثواني بعيونه ودنكت ..
.. ما ادري والله شوف امي .

.. اي ابقوا يمنه على العشه واني بعدين اوصلكم ..

وباوع لنوال انتظرج برة خلصي بسرعة ..

وراح بعد ما تنفس بصبر مفقود ..

تقربت مني نوال وهمست بفحيح قاسي ..

شبيج يمه حتموتين لمن يكولج رهومة ممصدكة مو؟ ممصدكة خليها ابالج هاي مؤقتا بس هه انت لجعفر ليش تنسين هالشي ؟

درت عليها بعصبية .. وشمدريج ناسية انت ابالي مثلا ؟ كافي كل مرة تكررين عليه هذا الكلام ترة محد ياخذ غير نصيبه خليها ابالج ..

صاحت عليه وقار من فوك يله ريهام وين صرتي ..

عفت نوال تدردم وصعدت ما اريد انطيها اكبر من حجمها ..

كافي عليها فشلة صلاح واخر كلامي وياها ..

كالت وقار...هاي اخر ابره الها هي تجي المضمده للبيت بس هي بيها الحگلگ اله تطلع

ضحكت ...الله يهديها ويكملها بعقلها...ما نريد ناخذ ذنبها...والله ادعيلها بظهر الغيب الله يشفيها...

.............................

جولييت

مرت الايام طبيعية بس هو جان ما ياذيني ولا يحتك بيه بس اتصالاته مستمره...

بس خفف حقد عليه ما اعرف ليش ولا اعرف شنو الغاية

نوال صارت زينه وضلت تبدع شنو تسوي تلبس ابو التول وحفت وجهه بس حواجبها لااا

وتهندم بروحها تهندم....

بس موتتني بكل شئ حاشره روحها وتبسمر بيه وتغلط واني ساكته لان خالتي تطلع وراها وتضل تحجي وتغلط...

اجت اشواق وهي كل شويه وكتلها روحي...اشواق اخذي جولييت للسونار شوفي شبيها حتئ تاخذين الطفل...

اشواق كالت...شيجي من الله انعم الله عادي ميهم

اجيت اصرخ بوجهها واكولها طفلييي ما انطي لو تموتن والله...

حجيت ويه رضيه كالت اسكتي يولن ما الج شغل اني اكول الجاسر ما ينطي ...

تنفست بغيظ ورحت كعدت بالحديقه اندك الباب بقوة وهوووسه عرفتها رغم خفت بس بنفس الوقت ضحكت...هاي خالتي صبرية كالت...اليوم اجيج وخطيه اكيد اجت وما قصرت

رحت فتحت الباب ...شفتها ثوبها طاير كالعاده ولابسه ثوب ازرك وبي ورد ابيض والجواريب كصار والعباية طايرة....

وشايله علئ راسها طشت بي دجاجات مربوطات ويگاگن بس هي رابطتهن بحبل من رجليهن...

كالت...خيبه وخري وخري انكطع نفسي واني شايله هل طشت وجبير الثور شمرني بنص الطريق يكول لا يشوفني جويسر الوحش...

ضحكت وردت اخذ منها الطشت كالت...خايبه ولي جكليته المايعه هو انه صبورة الجويه كوه شايله الطشت مو انتي ام روح الرايحه

خلت الطشت علئ الارض ورجعت حضنتني وباستني كالت...يمه هلا بجليتي المايعه ولج وروح ابوووي من وراج لزمت حسنه كطعتها تكطع بتوثيه

ضحكت...ياااا ليش

كالت...وحده خايسه تريد تخطب بت اختها نويسه وانه كلتلها عييع نويسة ام الگمل صارت مره عود هي جولييت

كملت بغضب...الخايسه حرگت گلبي احسينه ام الگلگ دكلي جولييت لو تواليت

خايبه واني متحمله عليها والزمها بتوثيه وين اليوجعها كتله خيبه انتي التواليت والنعال والبريچ شلون دكولين علئ جويليته الجكليته تواليت

وضلت تبجي وراحت كالت...الاخوي ابو داوود واجه يعاتبني هو ومرته طحت بيهم وطردتهم

ضحكت وبستها بخدها...فدوة اروح الشيلتج الحلوة خلي تولي تروحلج فدوة لا تضوجين منها...

رجعت شالت الطشت ودخلت ..نزعت حذائها الچوبلس بالباب وطبت بطشتها ...

اني شلت حذائها ودخلتها جوه اخاف نويله تضل تفيك عليها...

سلمت علئ رضيه وعلئ خالتي ام فلاح وباست وقار كالت...جبت اليوم رويبه وجبينه لجكليته ودجيجات وبيضات ...وغطفت فاكهه شويه...

شلتهن عزلتهن واني اضحك عليها

كالت بتنهيده...اريدن احجي ويه كويسر الوحش شني جابر ضال لا ليلة ليل ولا نهاره نهار من وره

وروح امي جابر صح غلط بس عرفني علئ جويليتي هسه اتمنئ كون اطلگها من جويسر وارجعها وياي ..

ضحكت..فدوة اروحلج خاله والله اني اموت عليج وتعبتج ويايه مات ثورج من وراي

جرت نفس ...اني ما عندي حظ بالثيران كلهم ماتو اول ثور مات هو ابو اللول من تزوج الصخله حسينه

ابتسمت بخبث...فاخ گلبي من كتلتها......

ضحكت وبعدها نزعت جواريبها واخذت عبائتها غسلتهم وشريتهم ...

وسوينه الها غدا لان هي خطيه اجت من وكت بس رغم كووولشي استقبلوها ورضيه كالت علاقتنا بيها حلوة احنه النسوان من زمان...

وجان شيخ مهيوب يحب سوالفها وتفرعنها علئ الوادم...

جنت كل شويه اروح اكعد يمها ما مصدكه اجت والدجاجات اخاف منهن لان عدلات كالت...من يجي جويسر يذبحهن واذا ما ذبحهن اني اذبحهن واصلخهن...

باوعتلها بصدمه وخوف...لا خاله فدوة لا تصيرين مجرمه حرام عليج خطيه والله مره ام جابتلي كتكوت ومات شكد بجيت عليه وخليت اخويه حازم دفنه بالسطح ويوميه اكعد ابجي عليه ورش عليه مي

ضحكت..خايبه انتي مو بت عرب اني كلبي ميت من زمان

بعدها تقربت مني كالت...جولييت يمه خابرت امج وطلعلي اخوج وفهمته كسر الخط وكال ان شاء الله من اجيب سيم كارد جديد اخابرج وخلي جولي تخابرنه لان امي ميته عليها...

مسحت دموعي بحزن...والله ميته علئ شوفة امي شلون بيه مدا اكدر اصبر

حضنتني وجرت نفس كالت...دهر صاب لويله جااا هلبت دكول امي خليني اروح اشوفه لا طريق مكطوع ولا رجلها مانعها بس گلوب جاسيه...

حطيت راسي بحضنها وهي تمسح علئ راسي بحنان وكل شويه وباستني

كالت...بعدني ما فخت بس ارجع اكتل حسينه شلون دكول عليج تواليت وجها جنها حيه ام سليمان ...تروح فدوة للحيه انوب تقلد الصخله

ضحكت وبست ايدها بحب

..........................

ريهام .. حضرنا العشى وكعدنا ننتظر ابويه يجي حتى ناكل ، امي كالت يمه رهومة روحي شوفي ابوج ليش تأخر هو وحده بالديوان توه صحتله وكال هسه اجي اشو ما اجه ليبرد الاكل وهو ميحبه بارد ..

جاوبتها بحماس صار يوم ، وكمت على حيلي رحت للديوان سمعته ديخابر ..

باوعتله هو من نظراته عرف عليمن جايه وعرف دااصيحله علمود يجي يتعشى .

ابتسم الي وهز راسه .. ومخلي التليفون على إذنه ويحجي ..

سمعته يكول ان شاءالله ام فلاح تدللين عد عيناج اخلص عشى واخابره اعزمه يمي واحجي ويا تدللين .

رجعت يم امي سألتني ها وينه ابوج ..

جاوبتها هسه يجي ديخابر ..

كالت ها اشوفه تأخر وما اجه ..

بهالاثناء  دخل ابويه الشيخ للصالة ..

مد ايده للاكل كال بسم الله ..

واحنه مدينه ايدنا ناكل ..

كال  راح  اعزم صلاح يمنه على الغده حسبوا حسابهم باجر ..

امي جاوبته ان شاءالله كل الهلا بي ...

خلصنه عشى ورأسا ابويه راح غسل ورجع صاحني بويه رهومة جيبيلي تليفوني ..

جاوبته صار يابة تدلل ..

رحت جبتله تليفونه وانطيته اله
وهو طلع رقم صلاح وخابره على وسمعته يعزمه على الغده ..

والظاهر صلاح سأله خاف اكو شي او صاير شي ..

ابويه جاوبه تعال باجر واني افهمك ..

اني شلت السفرة ورحت غسلت المواعين ..

خلصت ورن موبايلي رحت اخذته شفتها وقار تتصل بيه جاوبتها ..

كالت ولج ريهام خو ما بعده جابر يمكم بالبيت ؟

جاوبته بنبرة اسى .. لا والله وقار راح رجع خطية حبيبي يم بيت خالة مو تدرين ابويه طارده ..

اي اي ادري ..

بس ليش تسألين عن جابر انت ؟

مو صلاح كالي معزوم يمكم على الغده باجر ويريدني اجي وياه كلت اتأكد منج خاف موجود جابر وانوب هم احصلي بوسة بحجة عباله ريهام ..ههه

استغفر الله استغفر الله شنو هالحجي حرام تكولين هيج ..ههههههههههه ترئ لا اراديه

لج شبيج انتفضتي دنشاقة شنو نسيتي اخوج باسني ذيج الجية ويييع

اي اي بس انت لاتعيدينها بعد وكلما تتذكرين استغفري ..حتئ لا تصير بوسة جابر جابر حرام ههه

شعليه قابل اني مو مذنبة عبالي مموجود ابيتكم واخذت راحتي ماادري راح يتسلل ويفوت للبيت ... جنه حرامي مطابخ ههههه

اي بس ميخالف هم استغفري ...كولي استغفر الله نيابة عن جوجو دلع جابر

استغفر الله ياربي حتى صلاح من كالي امشي وياي باجر اني وجهي ظل ينطي الوان وصلاح شك عباله متعاركين اني وياج لو شو شنو بس اني طمأنته ماكو هيج شي .ميدري باخوج النذل باسني لو يدري يذبحه

ضحكت .. خطية الله يساعدج صدك موقف ماتنحسدين عليه الله لايخليني مكانج اعووووذ بالله ولج وقار غيري الموضوع كزبر جلدي والله ..

هههه لج  شدعوة عليج قابل هو اني خابرتج
دا اسال عن جابر يله عود باجر نجيكم الله وياج ..

هلا بيكم ..

ختمتها وياهه ..

يوم ثاني كعدنا الصبح دنحضر للغده .. ابويه جاب سمج من الصبح نضفنا وخلينه عليه ملح وخلينا على صفحة ..

اندكت الباب عرفتهم اجوا رحت ركض لبست حجابي ولفيت عدل وطلعت سلمت عليهم .

نزلت سلمت عليهم شفتهم كاعدين بالصالة وامي وابويه كاعدين يمهم ..

ابويه كالي رهومة بنيتي سويلنه كهوة بحليب

من ايدج الحلوة ندفي معدتنا الدنيا باردة ..

ان شاءالله يابه تدلل .. كمت سويت الكهوة ورجعت للصالة قدمتها الهم جان بعد وكت ع الغده .

ابوي رأسا فتح الموضوع ويه صلاح ..

كاله صلاح انت ما يخفى عليك الموضوع ، مرة اخوك هسه عايشة وياكم وماعدها احد ولاظهر تستند عليه غيركم .. وانت اعقل واحد بخوانك لان جعفر استغفر الله من ذنبه وجاسر مخبل رسمي

وهي عدها بنات اخوك همينه هذول باجر عكبه يكبرون وهم مايكدرون يعيشون بعيد عن امهم ولا بعيد عنكم ..

يعني هم صايرين بنصكم هسه ، مرة اخوك يا ابني بعدهه صغيرة وحلوة واكيد ماتظل هيج يجي يوم تتوكل وتتزوج ، اني فاتح الموضوع وياك من قبل وهسه افتحه من جديد انت ماكو غيرك يتحمل هاي المسؤؤلية البنات مسؤؤليتك وانت لازم تتزوج نوال ..

ريهام .. لمن فتح ابويه الموضوع حسيت بنبضات قلبي تغيرت ، وتنفسي ضاق ، والم خفيف بمعدتي ، ظليت استغفر تماسكت اريد اكوم من يمهم بس خاف يتسألون عن السبب بداخلهم حاولت امنع نفسي من سماع باقي الحديث وشغلت روحي بالاستغفار .

استمر ابويه يحجي ، بنظرة خاطفة من عيوني على صلاح شفت وجهه احتقن مدنك وقبضة ايده على حلكه وملتزم الصمت .

لمن ختم ابويه كلامه جاوبه صلاح باقتضاب واختصار بعد ما طلع حسرة بذل جهد بكتمها .

ان شاءالله عمي يصير خير ..

ابويه سأله ؛ يعني انت موافق ..

... عمي افكر وارردلك خبر هسه ماعندي اجابة تعذرني .

لمن كال هيج حسيته باوعلي بنظرة خاطفة استمرت لاجزاء من ثانية .. رفعت راسي بنفس اللحظة شفت عيونه تلمع بالغضب .

ابتعدت عيوني عن نظراته و اشرت لوقار وكمت رحنا للمطبخ .. بقينه شويه وهي كالت رايحة للحمام

راحت واني بقيت وحدي بالمطبخ وبديت احضر بالغده وامي بقت كاعدة يمهم ..

سمعت ابويه يحجي وي صلاح ويتوسل بي يبقى على الغدة بس هو رافض .

سمعت صوته يم باب الاستقبال ديصيح على وقار ..

طلعتله جاوبته وكوة سيطرت على رجفة صوتي ..

..  وقار بالحمام

اجاني صوته محمل بالاسى والحزن

تمام كليلها اني رايح خل تبقى هي والعصر اجي عليها .

ليش تروح ابقى يمنه على الغده مو هواي ويجهز .

كلت هيج بحماس وبعدين تندمت لمن اجت عيني بعينه

دنگت بسرعة بعد ما صارت عيوني بعيوني يتأمل نظراتي وكأنه متفاجئ من دعوتي اله .

اجاني صوته متألم واني اجهل المه ، لا ادري بسبب طلب ابويه لو بسبب رفضه لرجائي اله بالبقاء .

كال لا تسلمين ريهام ان شاءالله غير مرة دايم وعامر بيتكم بأهله والف عافيه ..

وطلع من البيت ..

حسيت كلبي تمزق علية...حسيت الدمعه لمعت بطرف عيني رغم ما اعرف سببها...

رجعت اكمل بالغدا والتوتر والشرود بين علئ ملامحي حتئ من تسألني امي او وقار اضل ثواني يالله اجاوب...

شويه واندك الباب طلع ابويه يفتح الباب جنت ادعي بداخلي يارب يطلع صلاح يارب يكون صلاح هو الي رجع....

شفت شاب طوويل ضعيف دخل وياه خالي ابو داوود وزوجته...

استغربت شعندهم جايين المهم هي اجت سلمنه عليها وامي فرحت بجيتها لان تضل زوجة اخوها...

صار الغدا من نصيبهم بس ما فاتتني نظراتها كل شويه وباوعتلي وضحكت وكالت...يمه رهومه صايرة تجنن والله اول ما كالت صبرية ريهام كبرانه كلت لازم اروح اشوفها...

ابتسمت بتوتر وخجل وهمست...شكرا خاله

تغدوا وكملو طلعت سلمت علئ خالو وجان الولد الي وياه نظراته مقززع ويباوعلي باللهفه...

كال ابويه...بويه ريهام هذا داوود ابن خالج سلمي عليه...

رمشت بعيوني بخجل وهمست...السلام عليكم

هو رد بتنهيده...وعليكم السلام ورحمة الله وبركاته

خالو حضني كال...جنتي طفله ما شاء الله كبرانه صايرة عروس وحلوه

ضحكت بهدوء...تسلم خالو من ذوقك

ابويه ضحك كال...ريهام معدله ماكو منها والله

خالو كال...اي جااا اني ليش جاي واريد اخطبها الداوود وما اطلع منكم اله تنطونيها

فتحت عيوني مصدومه ..مستحيل

ابوي رد ببتسامه...يصير خيير

نهاية البارت...يتبع

كونوا انتم كونوا بخير...احبكم 💔

نور سمو العراق...😍

لا تنسوا التصويت والمشاركة بكم نكتمل...

هااا ترئ اليوم ألبارت بي رومانسيه مو دكولون 😂👌

كرهت حتئ الرومانسيه من وراكم كد ما دكولون رومانسيه 😂😂😂💔

شكرا خاص للكاتبه نورا ناصر اليوم هوايه ساعدتني لان صارت عندي ظروف فديتها ابد متقصر والله 😍
Nora-Naser_