رواية جوزي حابس امه وضرتي في بيت الكلب الفصل الأول 1 - بقلم هويدا زغلول

رواية جوزي حابس امه وضرتي في بيت الكلب الفصل الاول

وقبل ما نبدا الحكايه اعرفكم بنفسي انا دعاء

عندي 23 سنه متجوزه وانهارده يوم فرحي وكنت داخله الفيلا اللي في المزرعه وبعدها قولت ل جوزي

دعاء

اخس عليك يا احمد انا بجد زعلانه منك اوي كنا فضلنا شهرين بس في القاهره علي الاقل عقبال ما خلصنا شهر العسل واقعد معاه اهلي شويه وبعدين جينا علي هنا

وبعدها احمد بص ليا وقالي

أحمد

جرى إيه يا حبيبتي في إيه يعني إنتِ عايشة طول عمرك مع أهلك وأنا نفسي بقى أعيش مع مراتي حياة هادية وسعيدة بعيد عن دوشة القاهرة وزحمتها والمزرعة هنا فيها راحة نفسية كبيرة وإنتِ طول ما إنتِ معايا عمرك ما هتحسي بغربة ولا خوف وأنا أوعدك إني هعوضك عن أي حاجة إنتِ سيبتيها وهنبني حياتنا بإيدينا خطوة خطوة

دعاء

خلاص يا حبيبي اللي إنت عايزه أنا هكون تحت أمرك فيه طول ما إنت شايف إن ده الأفضل لينا بس على الأقل كل خميس وجمعة نروح القاهرة علشان أشوف أهلي وأطمن عليهم لأنهم وحشوني ومقدرش أبعد عنهم فترة طويلة بالشكل ده

أحمد

اللي إنتِ عايزاه هيكون وأنا مستعد أعمل أي حاجة تخليكي مبسوطة ويلا بقى نطلع أوضتنا ونرتاح شوية وبعدها نبقى نتكلم في كل التفاصيل دي براحتنا ومن غير أي ضغط أو زعل

وفي شقة ماما كانت داخلة هي وبابا وأختي سعاد وبعدها ماما قالت

الأم

والله العظيم الفرح كان حلو قوي والقاعة كانت كبيرة وجميلة وربنا يسعد قلبك يا بنتي لأن ربنا بيحبك وكتب لك واحد زي أحمد باين عليه ابن حلال وهيشيلك في عينيه ويخاف عليكي

سعاد

ما هي ليها حظوظ في كل حاجة وليكي حق تقولي أكتر من كده طول عمري شغالة مع أحمد ده وعمره ما فكر في يوم من الأيام إنه يتقدم ليَّ وأول ما شاف أختي الصغيرة فكر فيها هي وكأني مش موجودة أصلاً

الأب

إنتي لسه بتفكري بالطريقة دي يا سعاد كل واحد في الدنيا بياخد نصيبه وأختك نصيبها كان أحمد وحرام عليكي تبصي لرزق غيرك وتزعلي منه لأن ده قدر ربنا ولازم نرضى بيه

سعاد ما ردتش ودخلت أوضتها وماما بصت لبابا وقالت

الأم

حرام عليك البنت أكبر من دعاء بحوالي 12 سنة ولحد دلوقتي ما تقدمش لها عرسان خالص وغصب عنها بتحس بالحزن لما تشوف أختها الصغيرة بتتجوز قبلها

الأب

ما ينفعش إنها تبص لأختها في كل حاجة في حياتها بالشكل ده لأن المقارنات دي هتتعبها أكتر ويلا بينا ننام علشان بكرة نروح نزور دعاء ما تعرفيش البنت وحش من غيرها قوي النهارده ازاي يلا بينا ندخل ننام

وفي أوضة سعاد كانت قاعدة بتتكلم في التليفون مع صاحبتها أسماء وقالت

سعاد

أنا عايزة أعرف بس هي فيها إيه مميز عني علشان الكل يكون معجب بيها وعايز يكمل حياته معاها وأنا لأ رغم إني أكبر منها وعندي خبرة أكتر في الحياة

أسماء

مش إنتي السبب في كل ده يا سعاد مش إنتي اللي خليتي دعاء تيجي الشركة وتشوف أحمد وهناك بدأت الحكاية كلها من الأساس انتي عارفه متاكده ان اختك احلى منك ما كنتيش خليتيها جات الشركه

سعاد

وأنا كنت أعرف باللي هيحصل يعني بقولك إيه اقفلي السكة أنا مش ناقصة كلام ولا عتاب دلوقتي لأن نفسيتي تعبانة ومش قادرة أسمع أي حاجة

وبعدها قفلت السكة وبدأت تفتكر اللي حصل

فلاش باك

سعاد كانت بتكلمني في التليفون وبعدها قالت لي

سعاد

إيه يا بنتي في إيه حرام عليكي كل ده ركناني في الشركة وشغلي خلص من بدري وأنا قاعدة مستنياكي

دعاء

خلاص يا بنتي أنا قربت عليك٥ أهو اديني خمس دقايق بس وهكون عندك وما تزعليش مني علشان الطريق كان زحمة

وبعد شوية وصلت دعاء وسعاد قالت

سعاد

ساعة كاملة وأنا مستنياكي هنا ولو كنت نزلت من الشركة كنت هقف كل الوقت ده في الشارع مستنية لوحدي

دعاء

خلاص يا ستي متزعليش ويلا بينا نمشي علشان ما نتأخرش أكتر من كده

وفي الوقت ده كنا خارجين من الشركه ولقينا احمد في وشنا وبعدها قال

أحمد

مساء الخير إزيكم يا جماعة إيه ده يا سعاد إنتي لسه موجودة في الشركة لحد دلوقتي

سعاد

معلش أصل كنت رايحة مشوار أنا وأختي وما كنتش عايزة أستناها في الشارع فقلت أقعد هنا لحد ما تيجي

فضل يبص عليا بانبهار وبعدها قال

أحمد

طب مش هتعرفيني على أختك

في الوقت ده انا مديت ايدي وقولت

دعاء

هاي أنا دعاء تشرفنا ويلا يا سعاد علشان ما نتأخرش أكتر من كده

وفي الوقت ده فضل أحمد يبص عليا باعجاب واضح

وبعد كام يوم راح لسعاد وقال

أحمد

إزيك يا سعاد عاملة إيه وأخبار أختك إيه أصل ما بقيتش أشوفها بتيجي عندك الشركة زي الأول

سعاد

لأ دي كانت مرة واحدة بس علشان كنا رايحين مشوار يعني مش كل شوية هتيجي الشركة ولا حاجة

أحمد

هو ينفع أجي أشرب الشاي مع بابا النهارده لأن في موضوع مهم جدًا كنت عايز أتكلم فيه معاه

سعاد

أكيد طبعًا تقدر تيجي في أي وقت البيت بيتك

وفي اللحظة دي سعاد افتكرت إنه جاي علشان يتقدم لها وكانت فرحتها كبيرة وفي اليوم ده كنت قاعده انا وهي وبعدها ماما دخلت وقالت

الام

يلا يا جماعه اخرجوا علشان خاطر الضيف هنا ادخلي على المطبخ يلا دعاء خدي الشربات وادخلي قدميه

سعاد

الكلام الغريب ان انتؤ بتقولي عليه ده دعاء مالها بالحوار ده

وبعدها ماما بصت ليها وقالت

الام

طلع يا حبيبتي جايه علشان خاطر يتقدم لاختك باركلها

وبعدها ماما فضلت تحضني وسعاد ما قدرتش تتكلم ولا تقول اي حاجه

باك

وثاني يوم انا صحيت وما لقيتش احمد جنبي وكنت نازله من الفيلا ولقيته داخل من بره ومعايا طبق فاضي

دعاء

ايه ده يا حبيبي في ايه انا صحيت ما لقيتكش جنبي هو انت كنت فين

احمد

كنت باكل الكلاب اللي في الجنينه اكمني بقالي فتره ما كنتش فاضي وما كنتش باجي هنا وكان لازم ان احطلهم اكل

دعاء

يا خبر ابيض الكلاب انت ما تعرفش انا بخاف منهم ازاي

احمد

ما تخافيش يا حبيبتي الكلاب اللي بره بس يمكن ياذوكي ابدا ما تعرفيش انا ممكن اعمل فيهم ايه لو حد فيهم فكر يجي جنبك

دعاء

ربنا يخليك ليا يا احمد بجد انت حنين عليا جدا رغم ان انا مش عارفاك وكنت فاكره ان انا عمري ما هتجوز بالطريقه دي بس بجد كفايه حنيتك عليا صحيح هو موبايلي فين انا عايزه اتصل ببابا وماما اطمن عليهم

احمد

بقولك ايه يا دعاء الاجازه دي بتاعتي انا وبس لما ابقى انزل الشغل ابقي اعملي اللي انت عايزاه مش هنكلم اي حد طول ما احنا هنا