رواية جوزي رجع من الموت الفصل الثاني 2 - بقلم هويدا زغلول

رواية جوزي رجع من الموت الفصل الثاني والاخير

وصلوا التلاتة للزيارة وأول ليلي ما شافتهم قامت من مكانها بسرعة وجريت ناحية فوزية وارتمت في حضنها وهي بتعيط بحرقة

ليلي

خاله فوزيه وحشتيني جوي الحمد لله انك جيتي اني تعبت جوي ومش جادرة استحمل دجيجة واحدة زيادة اهنه

فوزيه وهي حضناها

يا ضنايا يا بتي يا حبيبتي اهدي بس اهدي والله جلبي بيتحرج عليكي لما بشوفك بالحال ديه اني عايزاكي تهدي عشان اللي في بطنك

ليلي

اني مخنوجة جوي يا خاله ومش جادرة انام ولا آكل ولا اشرب وكل شوية افكر في اللي هيحصلي وفي اللي في بطني معارفاش مصيرنا ايه اني وهو

عمران قالها وعينيه مليانة حزن

عمران

استحملي يا ليلي يا حبيبتي انتي متارفيش لحنا كلاتنا جلبنا بيتخلع عليكي كيف

ليلي مسحت دموعها بالعافية وقالت

ليلي

اعمل ايه بس يا عمي اني تعبانه جوي وحاسه ان الدنيا كلها جاية عليا مرة واحدة ومعارفاش اخرج من اللي اني فيه

عمران

ربنا كبير يا بتي وربنا عالم بالحجيجة كلها ومش هيسيبك اهنه وانتي مظلومه ده انتي عمرك ما عملتي حاجة عفشه ولا تغضب ربنا واصل

يحيى قرب منها ومسك إيديها وقال

يحيى

اسمعيني زين يا ليلي بكرة النيابة هتحقق في الجضيه واحنا كلاتنا هنشهد إن صلاح كان ميت في نظر الناس والبلد كلها وإن محدش كان يعرف إنه عايش وان هو ملوش حج انه يسجنك

ليلي

بس لو محدش صدجنا يا يحي وهو اثبت اني كنت عارفة وطنشت ايه اللي هيحصل

يحيى

هيصدجونا لأن ديه الحجيجة احنا فعلا مكناش نعرف انه لسه عايش

عمران

بس لو صلاح فضل متمسك برأيه أكده ومكمل في الجضية المحامي جالي إن الوضع مش ساهل واصل ربنا يسترها

ليلي بخوف

يعني ايه يا عمي يعني اني هيتحكم عليا صح أكده

عمران

ان شاء الله خير يا بتي هو بس يعني ممكن الموضوع يطول هبابه ومش بعيد المحكمة تاخد بكلامه

ليلي حطت إيديها على بطنها ودموعها

ليلي

يعني ممكن أفضل اهنه كاتير وولدي يتولد في السجن اااه يابوووي كان مستخبي لي فين ديه كلاته

عمران

اني بجول الاحتمالات يا بتي وربنا هو اللي بيده الفرج انتي بس ادعي ربنا انه يخرجك منيها علي خير

يحيى اتعصب

وأني هفضل ورا اللي اسمه صلاح ديه لحد لما أخليه يتنازل غصب عنيه ده حيوان معندوش رحمة واصل

ليلي

صلاح جالي اهنه يا يحي

يحيى اتصدم

صلاح جالك اهنه وجالك لين وكان عايز ايه منيكي تاني

ليلي

جالي وجعد يتكلم معايا كان بيساومني

عمران

كان بيساومك علي ايه عاد وعايز ايه

ليلي

صلاح جالي وطلب مني اتنازل له عن ورثي اللي أبوي سابهولي كلاته وجال لو اني عملت له اكده هو هيروح يتنازل عن القضية ويسبني اني ويحي نعيش في امان بعد اكده

فوزيه

يا مرررى هو كيف يطلب حاجة كيف ديه هو اتجنن ولا إيه

يحيى بغضب

الواطي ابن المحروج هو كيف يتجرا ويطلب منيكي أكده

ليلي

بس اني بفكر اني أتنازل عن الميراث يا يحيى المهم اني اخرج من اهنه وبس

يحيى

إياكي تعملي اكده يا ليلي اسمعي اني عارف ان المال مالك وانتي حرة فيه بس ديه هياخد كل حاجة علي الجاهز أكده لاه

ليلي

اعمل ايه طيب اني معايزاش أعيش يوم واحد زيادة اهنه اليوم اننه بسنه واني مش مستعده افضل كاتير

يحيى

والله ما هتتنازلي عن حاجة واني هخليه يندم علي اليوم اللي بهدلك فيه ديه اطمني يا حبيبتي

ليلي

كلاتكم بتجولوا لي اطمني اطمني ومفيش حاجة والايام بتعدي عليا اهنه كأنها سنين والله العظيم اني تعبت جوي

فوزيه طبطبت على شعرها وقالت

فوزيه

اطمني يا حبيبتي إن شاء الله تخرجي من اهنه على خير متجلجيش كلاتنا في ضهرك ومش هنسيبك واصل

عمران

وأني هفضل ألف ورا المحامي والنيابة لحد ما ربنا يفرجها يا ليلي

يحيى

وأني كمان مش هسيب حقك ولا هسيبك لحالك ية حبيبتي

ليلي بصتلهم وهي بتحاول تهدى شوية وقالت

ليلي

ربنا يخليكم ليا والله لو مكنتوش موجودين كان زماني مت من الهم اللي اني فيه

وبعد شوية انتهت الزيارة والسجانة قالت

السجانة

الزيارة انتهت وخلص الوقت يلا عشان ترجعي الزنزانة

فوزيه حضنت ليلي جامد وهي بتعيط وسلموا عليها وسابوها ومشيوا وهي واقفة تبص لهم لحد ما اختفوا من قدامها

وفي مكان تاني كان صلاح قاعد في شقة إلهام وبيشرب شاي وإلهام قاعدة جنبه

إلهام

مالك سرحان أكده ليه يا صلاح في ايه ولا تكون لساتك بتفكر في اللي ما تتسماش

صلاح

اومال يعني هكون بفكر في ايه طبعاً بفكر فيها وفي اللي جاي

إلهام

وهو إيه بجا اللي جاي يعني يا سي صلاح وبعدين هو اني مش ماليه عيونك إياك جاعد تفكر فيها واني جنبك اكده

صلاح

اني مش بفكر فيها هي نفسها اني بفكر في اني لازم أخد منيها كل حاجة تملكها ومش هسيب لها حاجة واصل

إلهام ضحكت وقالت

وهي هتديهالك ليه يا حبيبي عشان سواد عيونك إياك ولا تكونش دايبه فيك

صلاح

لاه عشان تخرج من السجن يا ناصحه

إلهام

انت شكلك بتحلم يا جلبي واني بجا اجطع دراعي لو انت طولت منيها مليم واحد

صلاح

لاه مش بحلم يا الهام اني فعلا تاخد منيها كل حاجة وهتشوفي

إلهام

يا راجل ديه ست ماسكة علي فلوسها وورثها عشان الورث ديه أمانها بعد أبوها تقوم تديهولك انت بالساهل أكده

صلاح

ايوه هتديهولي غصب عنيها يا الهام وهتشوقي اني مش هسيب ليهة حاجه واصل لأنها خايفة من السجن وهي عارفه انها لو متنازلتش اني هفضل مكمل في الجضية

إلهام

هو انت بتعمل معاها اكده ليه يا صلاح وانا عارف انها مكانتش تعرف انك عايش انت بس موجوع من جواك عشان اتجوزت غيرك

صلاح

يمكن يا الهام بس اني هفضل وراها ومش هسيب لها حاجة واصل لازم اخد كل حاجه منيها

إلهام

باي حج بجا يا صلاح يا راجل فوق لنفسك ديه ست كانت فاكرة ان جوزها مات واتجوزت من تاني بالحلال انت بحا مزعل روحك ليه

صلاح

لاه ماهو اني معملش كل ديه وفي الاخر اطلع من المولد بلا حمص اني لازم اخد منيها كل حاجه اني اللي عملته ديه كله عشان خاطر الفلوس والورث اللي عندها

إلهام بصت باستغراب وقالت

الهام

انت تجصد ايه بكلامك ديه يا صلاح اني مفهماش حاجة واصل

صلاح

بجولك ايه خليكي في حالك وملكيش صالح باللي اني بجوله يلا اني ماشي

إلهام

وااه انت رايح علي وين انت مش جولت انك هتبات معايا النهارده

وبعدها سابها ومشي ومردش عليها

وتاني يوم وصل يحيى عند بيت صلاح ولما فتح له صلاح وبص له باستغراب

صلاح

واااه انت ايه اللي جابك اهنه يا يحيى وجاي لي بدري أكده ليه ولا تكون جايب لي اللبن بتاع الصبح

يحيى

لا والله دمك خفيف جوي يا صلاح اني جاي أكلمك في موضوع مهم

صلاح

طيب اتفضل ادخل وجول اللي عندك جبل ما حد من البلد يشوفوك واجف عند باب بيتي أكده

ودخل يحيى وقعد وقال

يحيى

مش كفاية أكده على ليلي يا صلاح اني بكفياك عشان اللي هي فيه ده كاتير جوي ليلي بتموت بالحيا وانت عارف أنها حامل دلوك وفي السجن مفيش رحمه وهي مش جادرة تستحمل يوم زيادة

صلاح

واني مالي يا يحي باللي انت جاي تجولوا ديه وبعدين ما هي اللي عملت في روحها أكده هو حد جالها تروح تتجوز وجوزها علي قيد الحياة

يحيى

بجولك انت هتعملهم عليا ولا إيه ما احنا دافنينوا سوا يا صلاح وانت عارف زين إنها مكانتش تعرف إنك عايش وكانت فاكراك ميت عشان اكده وافجت انها تتجوزني

صلاح

وانت جاي عشان تجنعني أتنازل عن الجضية يعني يا يحي مش أكده برضك

يحيى

ايوه يا صلاح اني من رأيي كفايه عليها اكده وتتنازل وتخليها تخرج وتعيش حياتها ويا دار ما دخلك شر

صلاح ضحك وهو بيبص له

صلاح

هاهاهاهاها لا يا شيخ وانت بجا عايزني أخرجها من غير ما أخد منيها كل حاجة جرا ايه يا يحيى هو انت بترجع في اتفاجك معايا ولا ايه هو مش ديه كان اتفجنا من الاول ولا انت نسيت

يحيى سكت لحظة وبعدين قال

يحيى

الكلام والاتفاج اللي حصل بينا جبل ما أتجوز ليلي اني برجع فيه عشان اني حبيتها يا صلاح

صلاح بعصبية

وانت بجا فاكر لما انت تجول على مرتي أكده اني هسكت لك إياك انت جاي تجولي قي وشي انك بتحب مرتي

يحيى اتعصب هو كمان وقاله

يحيى

بس ليلي مش مرتك انت طلجتها يا صلاح ولا انت ناسي الاتفاج ولا ايه عاد

صلاح

لاه يا يحي منستش اني طبجتها بس انت اللي متنساش نفسك يا يحيى ومتخلينيش أندم إني دخلتك في الموضوع من الأول ولا انت ناسي اللي حصل

وبداؤ يفتكروا اللي حصل لما صلاح راح ليحيي في الشونه بتاعت ابو ليلي اللي شغال فيها

بااااااك

كان يحيى قاعد في الشونة اللي كان بيديرها بعد وفاة أبو ليلي ولقي صلاح داخل عليه

صلاح

كيفك يا يحيى اني كنت عايزك في موضوع مهم أكده بيني وبينك ومعايزش حد يعرف عنه حاجة واصل

يحيى

خير يا صلاح جول اللي عندك عايز ايه

صلاح قرب منه واتكلم بصوت واطي

صلاح

دلوك اني في حكايه اكده عايز اعملها علي مرتي ليلي عشان انت عارف انها ورثت كاتير جوي من ابوها عشان اكده عايز اتفج معاك اتفاج

يحيى

ما تتكلم يا صلاح وخش في الموضوع علطول

صلاح

بص يا يحي اني عارف انك من زمان وانت عينك من ليلي بس هي اللي مش واخده بالها منيك وعشان افضي لك الطريج اني هعمل نفسي ميت وهختفي من البلد كلها وانت تتجوزها

يحيى بص له بصدمه وقال

يحيى

انت ايه اللي بتجولوا ديه اني مالي ومالي ليلي وبعدين ايه هتعمل نفسك ميت دي كيف يعني انت بتخرف ولا ايه

صلاح

اسمع للاخر وبعدين احكم دلوك ليلي اني لو فضلت معاها عمري ما هطول حاجة منيها واصل عشان لكده اني هطلقها من غير ما حد يعرف وبعدها اختفي وهصور للناس كلها إني مت وبعد فترة انت تتجوزها سهله اهي

يحيى اتصدم

وانت لما تعمل اكده واني اتجوز ليلي انت بجا هتستفاد إيه عاد

صلاح

ما هو انت بعد ما تتجوزها وترتاح وتبجي كل حاجة في إيدها اني هرجع فجأة وأعمل نفسي كنت فاقد الذاكرة ورجعت تاني من الموت وساعتها هساومها على الورث كله ياما احبسها لانها هتعتبر متجوزة اتنين وتدخل السجن ياما هي تتنازلي عن الورث وتخرج من السجن

يحيى

يا بن ال... ايه دماغ الشياطين ديه ده ابليس ذات نفسه عمره ما يعرف يفكر التفكير اللي انت بتجول عليه ديه

صلاح

لاه ده اني اعجبك جوي يا يحيى وبعدين اني جولت لك ان ليلي هتبجا ليك انت بعدي

يحيى فضل ساكت شوية وهو بيفكر

يحيى

وافرض لما ترجع وطمعت في الورث وليلي كمان اعمل اني وجتها

صلاح

متخافش اني أساسا كنت متجوزها طمعا في ابوها الواطي اللي راح وهو كاتب لها كل حاجة مع اني كنت شايل عنيه بلاوي في الشغل بس يلا ما تجوزش علي غير الرحمة هااا جولت ايه يا يحيى

يحيى

خلاص واني موافج يا صلاح

وفعلا بعدها صلاح عمل حادثه بالعربيه والناس قالت ان هو مات وراح عاش في الجبل

يحيى

انت تعرف يا صلاح والله العظيم اني لو كنت أعرف إني هحبها جوي أكده مكنتش وافجت على حاجة من ديه كلها ونفسي الزمن يرجع تاني عشان افوج من اللي اني عملته منك لله يا شيخ

صلاح

بجولك ايه يا حبيبي المشكلة ديه مشكلتك انت مش مشكلتي اني عشان اني متفج معاك علي كل حاجه مش انت اللي روحت وخليتها تحمل منيك

يحيى

بس ليلي اكده مظلومة يا صلاح وانت عارف أكده زين هي شايفه انها في نظر نفسها خاطيه وهي مش أكده عشان انت مطلجها

صلاح

اااه عارف وزي كمان ما اني انها عندها ورث بالملايين ومش هسيبه يروح مني واصل مهما ان حصل يا يحيى

يحيى

طيب يعني لو هي اتنازلت عن الفلوس انت هتبعد عنينا وتسبنا في حالنا

صلاح

ايوه طبعا عشان اني كل اللي بيهمني الفلوس والارض والورث وكل حاجة اللي باسمها ديه

يحيى

والله ما كنت متخيل إنك توصل للدرجة ديه واصل اني معارفش كان عقلي فين لما مشيت وراك

صلاح

وانت بجا جاي دلوك وتعملي فيها ملاك ليه ماهو انت اللي وافجت على الخطة من الأول يا يحي فوووج يا حبيبي

يحيى

وافجت لأني كنت غبي بس دلوك الوضع اتغير

صلاح

ايه اللي اتغير إنك حبيت ليلي جوي وكمان خليتها تحمل منيك هأااا

يحيى

ايوه حبيتها وحبيت طيبتها وخوفها على الناس وحبيت جلبها النضيف وعشان أكده مش جادر أشوفها بتتوجع اكتر من أكده

صلاح

اسمعني زين يا يحيى بلاش عقلك يصور لك انك ممكن تكون بطل في نظرها عشان لو فكرت تفتح خاشمك بحرف واحد عن اللي بينا اني هخلص عليك ولا اجولك ساعتها تدخل السجن

يحيى بيزعق

انت بتهددني يا صلاح

صلاح

ايوه بهددك وممكن اعمل اكتر من كده كمان

يحيى

حتى لو دخلت السجن اني مستعد اعمل اي حاجه بس ليلي تخرج من اللي هي فيه ديه

صلاح اتعصب جامد ومسكه من هدومه

صلاح

إياك تعملها يا يحيى إياك لأنك لو عملتها هخليك تندم طول عمرك

يحيى زقه بعيد عنه

يحيى

الندم الحقيقي إني سمعت كلامك من الأول وشاركتك في المؤامرة العفشه بتاعتك ديه

صلاح

متنساش إنك كنت مستفيد كيفي بالظبط عشان كانت عينك منيها ولا انت نسيت

يحيى

كنت مستفيد لكن دلوك كل اللي يهمني إنها تخرج من السجن وبس واحافظ عليها هي وولدي اللي في بطنها

صلاح

اني جولت اللي عندي هتخلي ليلي تتنازل اني هخرجها من السجن وخلص الكلام لحد اهنه انست وشرفت يا واد عمي

يحي بص له بكره وغل وسابه ومشي وبعدها فضل يحي صاحي طول الليل مش عارف يعمل ايه وبعدها راح علي الحج عمران وحكي له علي كل حاجه وعمىان قال بصدمة

عمران

انت بتجول ايه يا يحيى يعني كل اللي حصل ديه كان تمثليه عاملها انت وصلاح علي البت الغلبانه

يحيى

والله يا عم عمران اني ما عرفش اني عجلي كان وين وجتها بس والله اني ندمت علي اللي عملته وعلي اتفاجي معاه ونفسي اعمل اي حاجة عشان ليلي تخرج من السجن

عمران

انت عارف لما ليلي تعرف ايه اللي هيحصل يا يحيى بيتكم هيتهد عشان هي مش هترضي تعيش معاك ولا ثانيه بعد اللي هي هتعرفه

يحيى

ماهو عشان اكده اني جيت لك وحكيت لك كل اللي حصل بكل صراحة يا عم الحاج عشان انت تشفع لي عنديها وتخليها تسامحني

عمران

وتفتكر اني لو جولت مهما اجول ليلي هترضي عنيك اني عارف بت اخوي زين يا يحيى ليلي عمرها ما هتسامحك اكده بالساهل

يحيى

اني عارف بس اني اهم حاجه عندي دلوك انتا نخرجها من اللي هي فيه اني هاروح واشهد بكل اللي حصل من صلاح

عمران

طيب و رجة الطلاق اللي صلاح طلج بيها ليلي وينها دلوك معاه

يحيى

لاه الورجه معايا يا عمي اني اللي مخبيها من صلاح الزفت ديه عشان أكده عايزك تاجي معايا عشان نحكي في النيابة كل اللي حصل

وفعلا يحي راح هو وعمران قدام وكيل النيابة وقال

وكيل النيابة

قول اللي عندك يا يحيى وكل كلمة هتقولها هتتحاسب عليها انت عارف كده كويس

يحيى

اني عارف يا فندم عشان اكده جاي اعترف بكل حاجة حصلت من أولها لآخرها لأن ليلي مظلومة وملهاش ذنب في أي حاجة

وبدأ يحكي كل الخطة من أول اتفاقه مع صلاح لحد رجوعه المفاجئ وازاي كان الطلاق حصل قبل اختفائه

وكيل النيابة كان بيسمع وبعد ما خلص يحيى كلامه طلع ورقة قديمة من جيبه ومدها لوكيل النيابة

يحيى

دي ورقة الطلاق الأصلية اللي صلاح طلق بيها ليلي قبل ما يختفي يا فندم

أخد وكيل النيابة الورقة وراجعها كويس وبعدها أمر بسرعة بالتحفظ عليها

وكيل النيابة

يعني ليلي دي كانت مطلقة بالفعل قبل جوازها التاني منك مش كده برضو

يحيى

ايوه يا بيه والله العظيم دي الحقيقة ليلي كانت مطلجه من صلاح جبل ما يختفي ويعمل عملته السودة دي

وبعد أمر بضبط وإحضار صلاح

وفعلا قبضوا عليه من بيته وهو بيزعق ويقاوم لكن محدش سمع له

وبعدها أمر وكيل النيابة بإحضار ليلي من الحبس

دخلت ليلي المكتب وهي مرهقة وتعبانه

وكيل النيابة

في حاجة لازم تعرفيها يا ليلي انتي كنتي مطلقه من صلاح قبل ما يختفي يعني صلاح مكنش جوزك اصلا ويحي هو اللي جوزك

ليلي بصت لهم بعدم غهم ووكيل النيابة قالها

انا عارف انك مستغربه بس انا هاقولك علي كل حاجه عشان انتي لازم تعرفي انه كان في مؤامرة ضدك

وفعلا حكي لها علي كل حاجه ومع كل كلمة كانت بتسمعها كانت بتبص ليحيى بصدمة وبعدها قالت

ليلي

اللي اني سمعته ديه حجيجي يا يحيى يعني انت فعلا كنت متفج مع صلاح

يحيى كان ساكت ومش عايز يبص لها وهي قالت

ليلي

رد عليا يا يحيى وجول ان اللي حصل ديه كدب

يحيى

لاه يا ليلي اللي اتجال ديه هو الحجيجة كلاتها

ليلي

طيب ليه يا يحيى ليه ده اني حبيتك جوي ووثجت فيك وعطيتك جلبي وكمان فيا حته منك دلوك ليه تعمل فيا أكده

يحيى قرب منها وهو بيعيط

يحيى

والله يا ليلي اني كنت غبي ومش فاهم اللي بعمله وقتها كنت فاكرها مجرد خطة وهتكمل وتمشي كل يعدي

بس والله العظيم بعد ما عشرتك وعرفت طيبتك وحبيتك ندمت على كل حاجة

ليلي

ندمت بعد ايه يا يحيى بعد ما ضيعتني وخليت سيرتي عفشه بين الناس كلها والكل بجا يتكلموا عليا

يحيى

اني عارف اني غلطت يا ليلي ولو جلتي اني استاهل الكره كله يبجا معاكي حق بس صدجيني والله حبيتك من كل جلبي

ليلي بتعيط

كنت فاكرة نفسي أغلى حاجة عندك طلعت اني كنت جزء من اتفاق بينك وبينه

يحيى

سامحيني يا ليلي اني اسف والله لو العمر رجع بيا والله ما كنت وافجت على اللي حصل سامحيني عشان خاطر اللي بينا وكمان ابننا اللي في بطنك

وبعدها التحقيقات خلصت زصدر قرار بإخلاء سبيل ليلي ويحيى اتحبس مع صلاح بسبب إخفاء الحقيقة كل الفترة

وخرجت ليلي من السجن وكانت بتعيط فرحتها وحضنتها فوزية وعمران

ويحيى قضى تلات شهور كاملة في الحبس

وكان كل يوم بيفكر في ليلي وخايف يخسرها وبعد ما خرج راح الفيلا وقال لليلي

يحيى

كيفك يا ليلي طمنيني عليكي اني اتوحشتك جوي

ليلي بصتله وسكتت ويحيى قرب منها

يحيى

اني عارف إني غلطت وغلطتي كبيرة جوي بس والله العظيم اني دفعت تمن الغلط ده وندمت عليه كل يوم

ليلي

وتفتكر ان الندم هيرجع اللي حصل يا يحيى

يحيى

لاه بس يمكن يرجعني ليكي تاني

ليلي بصت الناحية التانية ويحيى قال

يحيى

والله ما لمست راحة من يوم ما بعدتي عني ولا نمت ليلة مرتاح

عمران كان متابعهم وقال

عمران

خلاص يا ليلي بجا سامحيه يا بتي يحي راجع وندمان وباين عليه الندم هو غلط آه

بس لو ما كانش اعترف كان زمانك لسه في السجن لحد دلوك

ليلي بصت لعمران

ماهو لو مكانش حس بالذنب مكانش جال حاجة واصل يا عمي وبرضك كنت هفضل في السجن

عمران

بس في الآخر اعترف وضحى بنفسه عشان يطلعك يابتي

يحيى

وحياة ولدنا اللي في بطنك دلوك يا ليلي ما عاد أخبي عليكي حاجة طول عمري واصل اني بحبك أكتر من نفسي والله

ولو طلبتي مني أمشي ومتشوفيش وشي تاني هعملها بس متحرمينيش من فرصة أصلح فيها اللي انكسر

ليلي شافت الندم الحقيقي في عينيه وشافت الراجل اللي خاطر بنفسه عشان يخرجها من السجن ودموعها نزلت

ليلي

والله انك وجعت جلبي جوي يا يحيى

يحيى وهو بيمسح دموعها

عارف يا جلب يحيى

ليلي

بس اني برضك رغم كل حاجة اني لسه بحبك

يحيى كانت الفرحة مش سيعاه وليلي قالت وهي بتعيط

ليلي

وعشان خاطر ولدي وعشان خاطر حبي ليك اني مسامحاك

في اللحظة دي حضنها يحيى وهو بيعيط من الفرحه

وعمران وفوزية بصوا لبعض وابتسموا

وبعد شهور ليلي ولدت ابنهم وكان الكل فرحان ويخي اللي كانت الفرحه مش سيعاه.