تحميل رواية جرح من الاقربين بقلم عادل عبدالله pdf

رواية جرح من الاقربين من الفصل الاول للاخير

" انا عايزك تقنعي جوزك يتجوز مراتي علشان ارجعلها " !!!!

دي كانت الجملة اللي سمعتها داليا من اخوها مروان واصابتها بالصد.مة !!!

والان مع الاحداث ...

مروان : الو...اخبارك ايه يا داليا وجوزك و بنتك عاملين ايه ؟

داليا : بخير ، وانت اخبارك ايه دلوقتي يا مروان لسه مكتئب وحزين زي ما انت ولا بدأت تنسي شوية وتشوف حياتك ؟

مروان : انسي !! انسي ازاي يا داليا !! انتي عارفة ان دعاء دي حب عمري .

داليا : ايوه عارفة لكن انتوا كنتوا مش متفقين مع بعض من اول جوازكم يا مروان و مشاكلكم مش بتخلص .

مروان : مهما كنا بنتخانق بردو بحبها و مقدرش اعيش من غيرها .

داليا : و انت جاي تقول الكلام ده دلوقتي بعد فوات الاوان !!

مروان : للأسف ، و هي كمان عايزة ترجعلي .

داليا : خلاص بعد ايه يا مروان !! اللي حصل حصل ، احنا حذرناكم كتير و دي الطلقة التالتة يعني مفيش رجوع .

مروان : احنا لسه جايين من دار الافتاء وقولتلهم كل اللي حصل في كل مرة طلقتها فيها وللأسف قالوا ان التلات طلقات وقعوا عليها .

داليا : يبقي تنسي الموضوع ده وتبدأ حياتك من جديد يا مروان .

مروان : مستحيل ، مقدرش .

داليا : وانت في ايدك ايه تعمله ؟!! لازم تنسي .

مروان : انا كنت بتكلم مع واحد صحبي عن مشكلتي وقالي ان الحل الوحيد هو المحلل .

داليا : محلل !!! لكن ده حرام !!!

مروان : لأ مش حرام مادام هنعمل كده علشان نحمي اسرة من الضياع .

داليا : انت هتفتي كمان في الحلال والحرام ؟!!

مروان : والنبي يا داليا انا مفيش حل تاني قدامي وكنت عايزك تساعديني .

داليا : اساعدك !!! اساعدك ازاي ؟؟

مروان : انا دورت في كل اللي حواليا مفيش واحد ممكن اثق فيه في الموضوع ده غير ادهم جوزك .

داليا : قصدك ايه ؟؟ انه يشوفلك حد ؟؟

مروان : لأ ، قصدي ان أدهم نفسه هو اللي يقوم بالمهمة دي ، ودي خدمة مش هنسهالكم ابدا .

داليا : ايييه !!! انت اتجننت يا مروان ؟؟ اقفل اففل .

مروان : استني يا داليا لو ليا خاطر عندك يا داليا اسمعيني .

داليا : استني ايه واسمع ايه !!! مادام كلامك مستفز .

مروان : انا بتكلم بجد يا داليا ، انا بصيت في كل اللي حواليا اشوف مين الانسان اللي ممكن أئتمنه علي حاجة زي كده ملقتش الا ادهم جوزك .

داليا : اولا ادهم مش هيوافق ، ثانيا انا عايزة اعرف انت ليه فكرت في ادهم ؟؟ ما تشوف حد من اصحابك ولا ولاد عمك .

مروان : انا فكرت فيهم واحد واحد مفيش حد منهم ممكن اثق فيه زي ادهم ، ادهم انسان محترم و راجل وكتوم و انا و كل الناس بتثق فيه .

داليا : يعني انت علشان ترجع لمراتك عايز تخرب بيت اختك يا مروان ؟!!

ادهم : لأ طبعا ، بيتك هيفضل زي ما هو يا داليا ، الموضوع كله ان ادهم هيتجوزها يوم واحد ويطلقها تاني يوم ، بس كده .

داليا : و دعاء مراتك وافقت علي التخريف ده ؟؟

مروان : دعاء رفضت في الاول ولما عرفت انه جواز صوري اقنعتها توافق .

داليا : انتوا باين عليكوا اتجننتوا !!

في المساء

يعود ادهم من عمله وتبدو علي وجهه الابتسامة !!

ادهم : مساء الخير يا داليا .

داليا : مساء النور ، غريبة !!! اول مرة اشوفك راجع من الشغل بتضحك !!!

ادهم : لا ابدا مفيش يا حبيبتي ، يلا حضري الاكل انا همو.ت من الجو.ع .

داليا : مروان اخويا كلمك النهاردة ؟؟

ادهم " يضحك " : ايوه .

داليا " بعصبية " : علشان كده راجع بتضحك .

ادهم : مالك يا داليا ؟ فيه ايه ؟؟

داليا : انت وافقته علي الجنان اللي بيقول عليه ده ؟؟

ادهم : قصدك موضوع ...

داليا : ايوه موضوع انك تتجوز مراته .

ادهم : لأ .

داليا : الحمد لله .

ادهم " يضحك " : قولتله سيبني افكر .

داليا " بعصبية " : تفكر في ايه ؟!! هو الموضوع ده محتاج تفكير ؟!!

ادهم : الفكرة نفسها انا رافضها طبعا ، لكن بفكر اوافق علشان اخوكي يرجع لمراته ، ده فضل يترجاني ويقولي علشان خاطري ، انا عمري ما هثق في حد غيرك !!!

داليا : بص يا ادهم احنا مهما كان بينا خلافات وبنزعل من بعض لكن بنحب بعض ومش عايزين اي حاجة تهد.م بيتنا وحياتنا .

ادهم : طبعا يا حبيبتي ، كلامك ده عين العقل .

داليا : يبقي متفكرش في جنان مروان و تكلمه وتقوله انك رفضت .

ادهم : وانتي زعلانه كده ليه ؟ ده مجرد جواز صوري كتب كتاب وتاني يوم اطلقها وخلص الموضوع .

داليا : انت هتجنني وتقولي جواز صوري ؟!!!

ادهم : ايوه جواز صوري طبعا ، وهو ده اللي خلاني افكر في الموضوع لما اخوكي حاول يقنعني .

في منزل عائلة دعاء ...

دعاء : انا مش موافقة يا مروان علي اللي انت بتقوله ده .

مروان : ليه يا حبيبتي ؟ مش انتي كنتي موافقة ؟!!

دعاء : فكرت ولقيت نفسي مش قادرة اتقبل الوضع ده .

مروان : وضع ايه !!! كل اللي هيحصل ان المأذون يكتب كتابكم وتاني يوم يطلقكم وخلص الموضوع علي كده وبعدها هنرجع لبعض يا حبيبتي .

دعاء : وافرض الانسان اللي كتب كتابي ده رفض انه يطلقني !!! ساعتها اعمل ايه ؟

مروان : لأ ، ده انسان انا بثق فيه جدا .

دعاء : هو مين ؟

مروان : مروان جوز اختي داليا .

دعاء : يادي الفضا.يح !!!

مروان : ليه بس ؟؟

دعاء : ويبقي شكلنا ايه قدام اختك وجوز اختك بعد كده ؟؟

مروان : يا حبيبتي الموضوع كله حبر علي ورق مش اكتر ، لو في تفكيرك هدف اننا نرجع لبعض هتلاقي الموضوع بسيط ومفيش فيه حاجة تستاهل خوفك وقلقك ده .

ام دعاء : كله منك يا مروان انت السبب .

مروان : يا حماتي مش وقت نتكلم في مين كان السبب ، احنا دلوقتي عايزين نحل المشكلة اللي احنا فيها .

ام دعاء : الحقيقة يا مروان انتوا الاتنين مش نافعين مع بعض .

مروان : ليه بس كده يا حماتي ، بالله عليكي تقولي كلمة حلوة وتقنعيها توافق .

ام دعاء : اقنعها ازاي وانا ذات نفسي مش مقتنعة .

مروان : صدقيني يا حماتي انا هتغير بعد الموقف ده ، وعلفكرة انا ودعاء منقدرش نستغني عن بعض ، قوليلها كلمة حلوة بقي .

ام دعاء : خلاص يا بنتي وافقي مادام جواز صوري حبر علي ورق وهترجعوا لبعض واهو مروان بيقول انه هيتغير .

بعد ايام ...

في منزل دعاء

دعاء : انا مش عارفة هطاوعك ليه علي جنانك ده ؟؟

مروان : مفيش جنان ولا حاجة يا حبببتي ، كله يهون علشان نرجع لبعض .

دعاء : انا اهو ماشية ورا كلامك لما اشوف اخرتها ايه !!

مروان : اخرتها فل وورد وياسمين ان شاء الله يا قلبي .

دعاء : هما هييجوا امتي ؟؟

مروان : داليا وادهم خلاص علي وصول وكمان المأذون ، مش عايزك تقلقي انا مرتب كل حاجة كويس .

بعد دقائق ...

يدق جرس الباب فتنهض ام دعاء وتفتح الباب .

مروان : اهلا وسهلا اتفضلوا ، تعالي يا داليا .. ادخل يا ادهم .

يدخل ادهم وداليا ويجلسون بجوار مروان ، ويسود جو من الصمت لمدة دقيقة !!

مروان : اتأخرتوا ليه ؟

ادهم : انت عارف اختك لازم تقف قدام المراية ساعة قبل ما تنزل .

تنظر له داليا " بغيظ " !!!

مروان : منورين يا جماعة ، دقايق والمأذون يوصل .

يبتسم ادهم ، فيلاحظ مروان عصبية اخته داليا !!

مروان : معلش يا داليا معلش يا ادهم ، تعبتكم معايا .

داليا : ولا يهمك يا مروان ، بس ياريت بعد كده تمسك لسانك شوية علشان الموقف ده مش يتكرر تاني .

ام دعاء : والله يا بنتي قولتله الكلام ده كتير .

يدق جرس الباب فتنهض ام دعاء لتفتح الباب ويدخل المأذون .

المأذون : السلام عليكم ورحمة الله وبركاته ، الف مبروك يا جماعة .

مروان : وعليكم السلام ، الله يبارك فيك يا فضيلة الشيخ .

المأذون : كتب كتاب ان شاء الله ؟؟

مروان : ايوه ، بأذن الله .

المأذون : اومال مش شايف فرح وهيصة !!!

مروان : معلش ، اصل عندنا ظروف .

المأذون : خير ان شاء الله ، اومال العريس والعروسة لسه موصلوش ؟؟؟

مروان : لأ يا فضيلة الشيخ ، العريس قاعد اهو استاذ ادهم ، والعروسة قاعدة اهي مدام دعاء .

المأذون : علي خيرة الله ، طيب هننتظر وصول حد تاني ولا نبدأ بأذن الله ونكتب الكتاب .

مروان : لأ اتفضل اكتب الكتاب .

المأذون : وفين الشهود ؟؟

مروان : قاعدين علي القهوة تحت ، هتصل بيهم يطلعوا حالا .

انتهي المأذون من عقد القران ثم انصرف بينما كانت داليا تشطاط غيظا اما ادهم فكان يتعامل بلا مبالاة ، اما دعاء فكان يتملكها الخجل والاحراج وكانت تختلس النظرات لداليا وادهم لتستبين مشاعرهم .

اما مروان فكان الوحيد الذي يبدو عليه الارتياح والسعادة .

انصرفت داليا ومعها ادهم الذي قال لها : شوفتي يا حبيبتي اهو انا مروح معاكي ومفيش اي حاجة اتغيرت .

داليا : انا عارفة انك هتروح معايا وعارفة انه جواز صوري ، لكن الموقف نفسه مش مرتحاله .

ادهم : بكره زي دلوقتي هنكون نازلين من هنا وكل حاجة خلصانة .

في اليوم التالي

تصل داليا مع ادهم منزل اهل دعاء فتجد اخيها مروان و دعاء .

داليا : المأذون فين ؟؟

مروان : اتصلت به وجاي علي وصول .

ادهم : كلمه تاني استعجله علشان رايح مشوار بعد ما نمشي .

بعد دقائق يأتي المأذون وينظر الي الحاضرين في تعجب !!!

المأذون : خير يا جماعة ؟ ده انا كنت لسه كنت بجوز اتنين هنا البارح ، الاستاذ والمدام ، مين اللي هيتطلقوا النهاردة ؟؟

مروان : الاستاذ والمدام بردو ، اصلهم مقدروش يتفاهموا .

المأذون : من يوم واحد ؟ شئ عجيب !!!

مروان : النصيب يا فضيلة الشيخ ، اتفضل طلقهم .

المأذون : واضح من اللي انا شايفه ان الجواز ده تم بغرض الطلاق كمحلل للست دي ، انا فاهم صح ولا غلط ؟

ادهم : مش هتفرق يا شيخ ، اتفضل طلقنا احنا متفقين خلاص علي الطلاق .

المأذون : لأ يا استاذ تفرق ، تفرق كتير جدا .

مروان : تفرق في ايه ؟؟

المأذون : انا لو كنت اعرف ان الزيجة دي لهذا الغرض كنت رفضت او علي الاقل نبهتكم لشروط صحتها .

مروان : يعني ايه شروط صحتها ؟؟

دعاء : وهي الجوازة كده مش صحيحة ؟؟!

المأذون : هسألك يا مدام سؤال اعذريني ولازم تجاوبي بصدق .

دعاء : اتفضل يا عم الشيخ .

المأذون : هل حدثت بينكما خلوة شرعية او بمعني ادق معاشرة ؟؟

يحمر وجهها خجلا وتنظر الي الارض .

داليا : وليه الاسئلة المحرجة دي ؟؟

المأذون : اريد ان انبهكم ان عقد القران ثم التطليق بدون معاشرة يجعل تلك الزيجة كأن لم تكن .

مروان " بعصبية " : يعني ايييييييه ؟؟

المأذون : يعني الاستاذ ادهم اذا طلق هذه المرأة الان دون ان يدخل بها لن يجوز لها ان تعود الي زوجها السابق والا كانت معاشرتها له بعد ذلك محرمة وتعد زنا والعياذ بالله .

ادهم : يعني احنا نتصرف ازاي دلوقتي علشان كل واحد يروح لحاله .

المأذن : يعني لازم تعاشر زوجتك قبل ما تطلقها ، واذا لم تعاشرتها فستضطر تلك الزوجة الي الزواج من رجل اخر وبنفس هذا الشرط قبل ان تعود الي طليقها السابق .

↚

ادهم : يعني احنا نتصرف ازاي دلوقتي علشان كل واحد يروح لحاله .

المأذون : يعني لازم تعاشر زوجتك قبل ما تطلقها ، واذا لم تعاشرتها فستضطر تلك الزوجة الي الزواج من رجل اخر وبنفس هذا الشرط قبل ان تعود الي طليقها السابق .

وفي لحظة واحدة يقفوا جميعا مذهولين !!!

دعاء : لأ طبعا ده مش ممكن .

داليا : لأ طبعا مستحيل .

ادهم : معلش يا مروان انا اسف انا حاولت اساعدك ، لكن اعذريني مش هقدر .

مروان : مستحيل اللي بتقوله ده يا شيخ .

المأذون : والله انا قولتلكم الشروط علشان يجوز ترجع لطليقتك ، مش انتي بردو طليق المدام ؟؟

مروان : ايوه .

المأذون : ياراجل ده انتوا لسه صغيربن وطلقتها ٣ مرات رغم ان واضح انكم متجوزين من فترة مش كبيرة !!

مروان : الظروف يا عم الشيخ .

المأذون : اهو ده درس تتعلم منه انت واللي زيك .

مروان : اسمحلي يا شيخ في كلمة علي انفراد ؟؟

ثم يأخذه جانبا بعيدا عنهم ويخرج مبلغ من المال ويعطيه له و يقول : دي حاجة بسيطة وياريت تشوفلنا حل تاني .

المأذون : أيه االي بتعمله ده ؟!!! استغفر الله العظيم ، انا مش باخد رشوة يا استاذ رجع فلوسك .

مروان : انا اسف انت فهمتني غلط .

المأذون : انا خلاص مهمتي انتهت ومش هقدر اخالف ضميري وقولتلكم علي الحل الوحيد لمشكلتكم ، أستأذن انا ، السلام عليكم ورحمة الله وبركاته .

ينصرف المأذون ويجلسوا جميعا في صمت !!!!

ادهم : انا هستأذن يا جماعة ، يلا يا داليا .

مروان : استني لما نشوف حل يا ادهم .

داليا : حل ايه يا مروان ؟؟

ادهم : شوف انت حل وابقي بلغني بالتليفون .

ينصرف ادهم وداليا ، بينما يظل مروان يفكر وتبدو عليه الصد.مة والحزن .

دعاء : انا وافقتك علي الجواز ومشيت وراك علي اساس انه جواز صوري ، انما اللي المأذون ده قاله انا مستحيل اوافق به .

مروان : خلاص يا دعاء انا هحاول اشوف حل ، سبيني افكر ولما اوصل لحل هقولك .

يظل مروان متوترا قلقا ليومين متتالين ثم يذهب لأمام المسجد ليسأله : بعد اذنك يا فضيلة الشيخ انا عندي مشكلة ومحتاج مشورتك ومساعدتك .

امام المسجد : اتفضل يا ابني .

مروان : انا كنت متجوز وانا ومراتي بنحب بعض اوي وللأسف طلقتها تلات مرات .

امام المسجد : تلات مرات !!!

مروان : للأسف ايوه .

↚

امام المسجد : معلش يا ابني ربنا يعوض عليك باللي احسن منها .

مروان : لا يا فضيلة الشيخ انا مش عايز احسن منها ، انا عايزها هي .

امام المسجد : لا يجوز ، مادام تلات طلقات بائنات لا يجوز ان تعود زوجة لك مرة اخري ، ده كلام كل الناس عارفينه وممكن تروح تسأل في دار الافتاء وتتأكد اذا كانت التلات طلقات وقعن عليها ام لا يمكن تكون احدي الطلقات لم تقع وهو الحل الوحيد لرجوعها اليك .

مروان : سألت هناك وقالولي ان التلات طلقات وقعوا عليها ومينفعش ترجعلي .

امام المسجد : طيب يا ابني موضوعك منتهي وما عليك الا البحث عن زوجة اخري لك .

مروان : فيه ناس قالولي اننا ممكن نرجع في حالة اذا هي اتجوزت واحد تاني واتطلقت منه .

امام المسجد : ايوه هذا جائز .

مروان : وعلشان كده اتفقت مع واحد بثق فيه يتجوزها جواز صوري ويطلقها تاني يوم علشان ترجعلي .

امام المسجد : محلل !! اعوذ بالله من غضب الله ، هذا حرام شرعا وغير جائز ، و عملت كده ؟؟

مروان : فعلا كتب كتابه عليها لكن لما المأذون تاني يوم عرف الموضوع قالنا نفس كلامك وان ده حرام .

امام المسجد : لأن ده هو الرأي الشرعي الصحيح ، الزواج لابد له ان يكون قائم علي المودة والرحمة والاستقرار ، وليس زواج صوري لعدة ساعات لغرض تحليل رجوعها اليك .

مروان : لكن احنا عايزين نرجع لبعض شوفلنا حل يا فضيلة الشيخ .

امام المسجد : لا يجوز زواجك منها مرة اخري الا اذا تزوجت زواج حقيقي مبني علي الاستقرار وحدث بينهما خلاف وتم طلاقها منه ، في تلك الحالة فقط يجوز اعادة الزواج منها ، ولكن اريد ان انصحك بأن لا تنتظر حدوث ذلك لأنه لا يحدث الا في حالات نادرة جدا .

مروان : والحب اللي بينا يا شيخ ؟ ولا انا و لا هي مش هنقدر نكمل حياتنا الا مع بعض .

الشيخ : للأسف مفيش عندي كلام تاني اقدر اقولهولك ، اعانك الله .

بعد يومين ...

في منزل ادهم

داليا : هتفضل ساكت كده كتير يا ادهم ؟

ادهم : عايزاني اعمل ايه ؟؟

داليا : انت مش ناوي تطلق الهانم ؟ ولا انت مبسوط وهي علي ذمتك ؟؟

ادهم : اتتي عارفة كويس اني مش مبسوط ولا حاجة ، مفيش داعي لكلامك ده !!

داليا : طيب طلقها ،مستني ايه ؟؟

ادهم : هو انا كنت اتجوزتها من نفسي علشان اطلقها من نفسي !! مستني اخوكي يكلمني ويقولي طلقها .

داليا : حاضر يا استاذ ، لما اشوف اخرتها معاك .

ثم تلتقط داليا هاتفها وتتصل بأخيها مروان عدة مرات دون رد .

في المقهي

يجلس مروان مع صديقه زين ...

زين : ما ترد علي التليفون يا مروان ، مين اللي بيتصل بيك كتير كده ؟؟

مروان : دي اختي اللي بتتصل .

زين : ومش بترد عليها ليه ؟؟

مروان : علشان عارف هي هتكلمني في ايه .

زين : انتوا زعلانين مع بعض ؟؟

مروان : لأ ابدا ، اصلها بتتصل علشان اقول لجوزها يطلق طليقتي .

زين " يضحك " : ايه اللغز ده ؟!!

مروان : ده موضوع كبير .

ثم يحكي له مروان تلك الحيلة التي ارادها وكلام المأذون ثم كلام امام المسجد له .

زين : ياااه !! مشكلة كبيرة فعلا .

مروان : ومش لاقي لها حل لحد دلوقتي .

زين : واللي يقولك الحل يا زميلي ؟؟

مروان : اوعي تقولي انساها واتجوز غيرها .

زين : لأ ، مش هقولك كده .

مروان : طيب قول يا ابو العريف .

زين : امام الجامع قالك ان شرط صحة الجواز المودة والرحمة والاستقرار ؟

مروان : ايوه .

زين : يبقي جوز اختك اللي كتب كتابه عليها ميطلقهاش دلوقتي .

مروان : وبعدين ؟؟

زين : وطبعا انت بتقول انك بتثق فيه ؟

↚

مروان : جدا جدا .

زين : قريبك ده يعيش معها ...

مروان : ايييه ؟؟؟

زين : استني لما اكمل كلامي .

مروان : كمل .

زين : يعيش معها في نفس البيت كأنهم متجوزين عادي علشان عنصر الاستقرار ماعدا طبعا العلاقة الج.نسية هتكونوا متفقين انها متحصلش .

مروان : اومال يعيش معها كأنهم متجوزين ازاي ؟؟

زين : يعني ياكل ويشرب ويقعد وينام " لوحده طبعا " وهي تعمله الاكل و تغسله هدومه زي اي اتنين متجوزين ، واكيد طبعا هتحصل بينهم مشاكل من المشاكل اليومية اللي بتحصل في اي بيت ، ساعتها يطلقها وكل واحد يروح لحاله وانت ترجع تتجوزها .

مروان : عارف لو اختي داليا سمعتك ممكن تقت.لك .

زين : هو ده الحل الوحيد .

مروان : اكيد داليا مش هتوافق و طبعا دعاء مستحيل توافق وادهم كمان مش هيوافق ، وقبل كل ده انا مقدرش اتخيل ان راجل غريب مهما كان يكون معها لوحدهم ، ده انا كنت اتجنن .

زين : يبقي تنسي الموضوع ده خالص ومتفكرش فيه تاني ، لأن ده اقرب حل للصواب .

مروان : يا عم متشكر علي افكارك لكن مش هينفع للأسف .

بعد يومين

في اتصال هاتفي ...

مروان : هو ده الحل الوحيد يا ادهم .

ادهم : يا مروان انت بتقول ايه !! انت مش عارف اختك لو سمعت الكلام ده ممكن تعمل ايه !!!

مروان : سيب داليا عليا وانا هعرف اقنعها .

ادهم : يا عم لأ ، اللي بتقوله ده صعب جدا اذا مكنش مستحيل ، انا ايه اللي يبعدني عن مراتي اللي بحبها واروح اعيش في بيت تاني !!! لا لا .

مروان : يعني انت مش عايز تبعد عن مراتك فترة صفيرة ؟؟ اومال انا اعمل ايه اللي ممكن ابعد عن مراتي لحد ما اموت !!!

ادهم : يا مروان انا حاسس بمشكلتك ومقدر ظروفك ، لكن ...

مروان : من غير لكن يا ادهم ، عارف لو انت كنت لسه مش كتبت كتابك عليها كنت شوفت حد تاني غيرك ، انما دلوقتي مش ممكن لسه استني تطلقها وتلات شهور للعدة و اشوف حد غيرك ولسه يتجوزها ويقعد فترة وبعد كده يطلقها واستني شهور العدة التانية !!! صعب اوي يا ادهم ، علشان خاطر الاخوة والصداقة اللي بينا وافق ، علشان خاطر داليا مراتك وافق ، انا عارف انك بتحبها .

ادهم : وافرض وافقت و انت قدرت تقنع داليا ، معقول دعاء هتوافق ومش هتخاف ؟؟ لو اي واحدة مكانها اكيد لازم تخاف .

مروان : انا هقنعها .

ادهم : ولو افترضنا انها اقتنعت ، انت مش هتخاف مني وانا نايم في نفس الشقة مع دعاء لوحدنا ؟؟؟

مروان : لو ممكن اخاف منك مكنتش اخترتك من البداية ، انا بثق فيك زي ما بثق في نفسي بالظبط .

ادهم : طيب انا مش هجيب الرفض من ناحيتي علشان خاطرك وثقتك فيا ، لو داليا ودعاء وافقوا انا موافق .

في منزل ادهم

مروان : يا اختي يا حبيبتي علشان خاطر اخوكي وافقي .

داليا : اوافق علي ايه يا مروان ؟ انت اتجننت اكيد !!

مروان : بقولك علشان خاطري .

داليا : يا مروان علشان خاطرك انا وافقت علي الجواز الصوري ، انما الجواز يقلب ويبقي بجد ده مستحيل .

مروان : مش بجد ولا حاجة ، ده الموضوع كله كأنها تمثلية .

داليا : انت قولت لأدهم وهو وافق ؟

مروان : وافق علي اساس انها زي التمثلية وبشرط انك توافقي .

داليا : انا مستغرباك اوي يا مروان !! هتقبل ادهم يبات مع دعاء في شقة واحدة ومش هتخاف ؟!! وبعد كده هترجعلها تاني ؟؟

مروان : اولا انا بثق في ادهم جدا و بثق في دعاء جدا جدا جدا يعني مش قلقان ولا خايف ابدا ، دعاء ست وقت الجد بميت راجل و ادهم اكتر صاحب وفي قابلته في حياتي .

داليا : ومش عامل حساب للشيطا.ن اللي ممكن يدخلهم في اي وقت ؟!!

مروان : ان شاء الله مفيش شيطا.ن ولا حاجة .

داليا : لا يا مروان انا مش موافقة .

للكاتب عادل عبد الله

مروان : ورحمة بابا لتوافقي يا داليا .

داليا : الله يرحمك يا بابا ، هوافق في حالة واحدة بس لو دعاء وافقت ، وانا متأكدة انها مش هتوافق .

في منزل اهل دعاء

دعاء " بعصبية " : انت اتجننت يا مروان ؟!!

مروان : يا حبيبتي اتجننت من ساعة ما بعدتي عني .

دعاء : طيب لم نفسك علشان انا دلوقتي علي ذمة راجل تاني .

مروان : احنا فاهمين انها تمثلية .

دعاء : طيب يا مروان انا مش موافقة علي الاقتراح اللي قولته ده ، يا مصيب.تي !!! ده انا وافقت بطلوع الروح علي الجواز الصوري ، عايزني ابات انا وراجل غريب في بيت واحد !! بالذمة انت مش مكسوف ولا غيران وانت بتطلب مني كده ؟؟!!!

مروان : يا حبيبتي الموضوع كله كأنها تمثيلية ، هقولك اعتبري نفسك الفترة دي عايشة في اوضة في فندق وهو عايش في اوضة تانية في نفس الفندق ، او كأنك عايشة في شقة شرك مع جار غريب .

دعاء : واختك داليا وافقت علي الفكرة دي ؟؟

مروان : وافقت بشرط انك توافقي .

دعاء : وانا رفضت يا مروان ، شوف حل تاني .

مروان : وحياة حبنا يا دعاء ، انتي لو رفضتي يبقي بتحكمي بالاعد.ام علي حبنا وعمرنا ما هنرجع لبعض ابدا ، وفي الاخر بردو هتتجوزي واحد تاني ونضيع احنا الاتنين من بعض !!!

دعاء : ولو وافقتك ، الموضوع ده هيستمر فترة اد ايه ؟؟

مروان : مش كتير ، فترة صغيرة ومع اول خناقة عادية بينكم يطلقك وخلص الموضوع علي كده ، وبعدها بتلات شهور نرجع لبعض يا روح قلبي .

↚

دعاء : ولو وافقتك ، الموضوع ده هيستمر فترة اد ايه ؟؟

مروان : مش كتير ، فترة صغيرة ومع اول خناقة عادية بينكم يطلقك وخلص الموضوع علي كده ، وبعدها بتلات شهور نرجع لبعض يا روح قلبي .

في اليوم التالي

ادهم يبدو شارد الذهن طوال اليوم اثناء العمل !!!

صديقه " وليد " : مالك يا ادهوم شكلك مش عجبني النهاردة .

ادهم : لا ابدا مفيش حاجة .

وليد " يبتسم " : انت طول النهار سرحان بتفكر !! انت بتحب جديد ولا ايه ؟؟

ادهم " يضحك " : لأ مش بحب جديد ، ده انا اتجوزت جديد .

وليد : اووووب !!! بجد ؟؟ اتجوزت ازاي ومين وامتي ؟؟

ادهم : اتجوزت اغرب جوازة في العالم .

وليد : احكي يا عم .

يبدأ ادهم في سرد ما حدث منذ البداية وحتي كلام مروان معه بالامس .

يضحك وليد بصوت عال !!!

ادهم " بغيظ " : بتضحك علي ايه ؟؟

وليد : يا عم وانت شايل الهم كده ليه ؟ ده انت محظوظ ، في حد يلاقي دلع وميتدلعش !!

ادهم : مينفعش يا وليد .

وليد : اوعي تقولي حرام ، ده هو الحلال بعينه .

ادهم : يا ناصح دي مرات اخو مراتي يعني لو حصل حاجة بينا وجوزها عرف ولا مراتي عرفت هتبقي صعبة اوي وكمان هنتقابل ازاي في اي مناسبة عائلية بعد كده !! الموضوع صعب مش سهل .

وليد : طيب انت بتفكر في ايه طول النهار ؟؟

ادهم : بفكر ازاي هروح هناك النهاردة و الوقت هيمشي ازاي ، والموقف المحرج اللي هنكون فيه !!!

وليد : هي عارفة انك هتروح عندها النهاردة ؟؟

ادهم : ايوه .

وليد : روح هناك عادي ومادام مفيش حاجة في دماغك اتعامل بتلقائلية .

ادهم : صح عندك حق انا هروح هناك واقضي الوقت في الموبايل لحد ما انام .

في نهاية اليوم

ذهب ادهم مترددا يقدم قدم ويؤخر الاخري حتي وصل امام الباب .

دق ادهم جرس الباب ثم وجدها تفتح له الباب .

دخل ادهم وجلس صامتا يشعر بالحرج !!

دعاء : اعملك شاي ولا قهوة .

يضحك ادهم : بصراحة انا لسه متغدتش .

دعاء : اسفة نسيت ، هحضرلك الغدا حالا .

بعد قليل

جاءت دعاء ووضعت الطعام علي المائدة ثم همت بالانصراف .

ادهم : انتي مش هتاكلي معايا ؟؟

دعاء : اكلت من شوية .

يزداد شعور ادهم بالحرج !!!

ادهم : خلاص انا مش هاكل .

دعاء : ليه ؟؟ انت اكيد راجع من الشغل جعان .

ادهم : مش معقول هقعد اكل لوحدي دعاء : خد راحتك البيت بيتك .

اكل ادهم القليل من الطعام ثم احضرت دعاء القهوة ثم قالت : البيت بيتك انا هدخل اوضتي .

ادهم : اتفضلي .

دخلت دعاء غرفتها واحكمت غلقها جيدا ثم جلست علي سريرها واخرجت هاتفها لتتضيع بعض الوقت .

ثم يأتيها اتصال فجأة من مروان !! لا ترد عليه !! يعاود الاتصال عدة مرات دون اجابة منها !!

تأتيها رسالة من مروان " بتصل بيكي ، مش بتردي ليه ؟ " .

يجلس ادهم في الريسبشن يشعر بعد الارتياح والحرج !!

يأتيه اتصال من مروان !!!

ادهم : ايوه يا مروان .

مروان : انت فين يا ادهم ؟؟

ادهم " بحرج " : في البيت عند دعاء .

مروان : انا بتصل بيها مبتردش ليه ؟؟

ادهم : مش عارف ، هي في اوضتها يمكن تكون نامت .

مروان : طيب يا ادهم انا مش عايز اقولك تاني اني بحب دعاء وبغير عليها مو.ت ، يا ريت تفضل فاكر ان الموضوع كله تمثلية واعتبر دعاء انها اختك .

ادهم : حاضر يا مروان ، انت قولتلي الكلام ده اربع مرات النهاردة !!

مروان : انا بأكد عليك يا ادهم .

ادهم : حاضر يا مروان اطمن .

بعد قليل

يأتيه اتصال من زوجته داليا ...

داليا : ايوه يا ادهم ، انت فين دلوقتي ؟

↚

ادهم : في بيت دعاء .

داليا " بغيظ " : ومش رديت علطول ليه ؟

ادهم : انتي مش اتصلتي الا مرة واحدة وانا رديت من اول مرة !!

داليا : ايوه بس اتأخرت في الرد ليه ؟

ادهم : التليفون كان جنبي مش في ايدي .

داليا : وقاعد بتعمل ايه مادام الفون مش في ايدك ؟؟؟

ادهم : كنت بفكر يا داليا ، كنت بفكر .

داليا : بتفكر في ايه يا ادهم ؟؟ اوعي يا ادهم ؟!!! اوعي الشيطان يضحك عليك وعليها ؟!!

ادهم : متخافيش يا حبيبتي .

داليا : لو حصلت حاجة يا ادهم هيبقي اخر يوم بيني وبينك .

ادهم : متقوليش كده يا حبيبتي .

داليا : انا بقولك الحقيقة ، وخلي بالك ان مروان كمان بيغير علي دعاء مو.ت !!

ادهم : ايوه عارف هو كلمني كتير .

داليا : ايه رأيك تنزل من عندك وتيجي نتعشا سوا واسهرك سهرة تحلف بيها طول عمرك ؟؟

ادهم : نسهر فين ؟

داليا : في البيت يا حبيبي .

ادهم : انا عن نفسي اتمتي ، وعلفكرة انا مش مبسوط هنا وحاسس اني قاعد متكتف ولا عارف اقعد ولا عارف انام ولا حتي عارف اتحرك .

داليا : اومال الهانم فين ؟

ادهم : دخلت اوضتها من بدري .

داليا : طيب هتيجي يا حبيبي ؟؟

ادهم : معلش يا قلبي خلينا نكمل المسرحية اللي بنمثلها دي علشان نخلص .

داليا : مش هقولك تاني يا ادهم !!

ادهم : اطمني يا داليا ونامي .

بعد قليل

مازالت دعاء تشعر بالخوف والقلق من وجود ادهم !!

للكاتب عادل عبد الله

فضولها يدفعها للخروج ومشاهدة ما يفعله ادهم .

تخرج بهدوء،وعيونها ترتقب ادهم لتجده يجلس يلعب في هاتفهه .

تستنشق دعاء نفسا عميقا وتخرجه بهدوء .

ثم تقول له : علفكرة الاوضة التانية انا مرتباها و فرشة غيار جديد للسرير علشان لو حبيت تدخل تنام في اي وقت .

ادهم " يبتسم " : شكرا ، معلش انا كده مرتاح .

دعاء : مرتاح !!! معقول هتنام وانت قاعد ؟!!

ادهم : المهم اني مش عايز اسببلك ضيق او ازعاج .

دعاء : لا طبعا مفيش ازعاج ، لازم ترتاح علشان تروح شغلك بكره .

ادهم : حاضر هبقي ادخل انام .

دعاء : وابقي هات معاك هدوم تنام فيها علشان مش معقول هتنام بالهدوم اللي بتخرج بيها !!

ادهم " يبتسم " : انا مش متعود انام بهدوم اصلا .

دعاء : احم احم ، زي ما تحب ، علي الاقل هدوم تقعد بيها بدل القميص البنطلون اللي بتخرج بيهم !!!

ادهم : حاضر هبقي اعمل حسابي .

دعاء : لو حبيت تاكل او تعمل شاي او قهوة المطبخ فيه كل حاجة .

ادهم : متشكر اوي ، بالمناسبة انا هسيبلك الصبح فلوس هنا عند التليفزيون علشان مصروف الاكل و كده .

دعاء : لا طبعا ، ازاي تقول كده ؟!!!

ادهم : مش معقول اجي واكل واشرب وانام عالة عليكي ، بالعكس المفروض اني دلوقتي اصرف عليكي .

دعاء : كل دي شكليات ، المهم تحب تاكل ايه بكره ؟

ادهم : لا انا بكره هروح البيت ومش هجي هنا .

دعاء : طيب كويس انك عرفتني علشان اروح عند ماما وابات هناك بكره.

يدق جرس هاتفهها فتدخل لتجد المتصل مروان !!!

دعاء : نعم ؟؟؟

مروان : ايه يا حبيبتي مش عايزة تردي عليا ليه ؟

دعاء : بطل كلمة حبيبتي دي علشان حرام ، انا علي ذمة راجل تاني !!

مروان : اوعي يكون ادهم ضايقك ؟؟

دعاء : بالعكس والله ده انسان كله ذوق ومحترم .

مروان : علشان كده انا بثق فيه زي ما قولتلك .

دعاء : طيب اقفل بقي ومتتصلش تاني علشان انا هنام .

مروان : طيب اقفلي الباب كويس .

دعاء : ليه ؟؟ مش انت بتقول بتثق فيه ؟!!

مروان : بثق فيه يا حبيبتي لكن مش بثق في الشيط..ان .

بعد قليل

يدخل ادهم لينام ويضع هاتفهه جانبه .

يحاول ادهم ان ينام دون جدوي .

حتي يأتيه اتصال من داليا ...

ادهم يقول في خاطره " انا عارف داليا مجنو.نة مش هتنام الليلة .

ثم يرد عليها ...

ادهم : ايوه يا داليا .

داليا : بتعمل ايه يا ادهم ؟؟

ادهم : لسه كنت بحاول انام .

داليا : طيب انا هقفل و هكلمك فيديو علي الما.سنجر .

ادهم : مش هتشوفي حاجة علشان نايم في الضلمة .

داليا : لأ شغل النور علشان اشوفك .

ادهم : اللهم طولك يا روح ، حاضر .

↚

داليا : لأ شغل النور علشان اشوفك .

ادهم : اللهم طولك يا روح ، حاضر .

بعد اضاءة الغرفة ، ادهم : شوفتيني يا داليا واطمنتي ؟

داليا : ايوه يا حبيبي ، علفكرة انا بثق فيك لكن بحب اطمن نفسي اكتر .

ادهم : طيب ممكن تسبيني انام ؟

داليا : انت كنت بتقول مش جايلك نوم ، هتنام ازاي دلوقتي ؟؟

ادهم : احاول لغاية ما انام علشان اعرف اروح شغلي بكره .

داليا : طيب انا هستناك بكره تخرج من الشغل تيجي علي البيت علطول ، مش هتغدا الا لما تيجي .

ادهم : حاضر يا داليا ، تصبحي علي خير .

صباح اليوم التالي

مروان : صباح الخير يا حبيبتي .

دعاء : صباح النور ، قولتلك اعمل حساب اني ست متجوزة وعيب الكلمة دي .

مروان : غصب عني ، قوليلي نمتي كويس ؟

دعاء : ايوه .

مروان : وقفلتي الباب زي ما قولتلك ؟

دعاء : انا مش مستنية حد يقولي ، انا قفلت الباب من نفسي .

مروان : يا حبيبتي بطمن عليكي .

دعاء : لأ اطمن كويس اوي ، وعلفكرة انا النهاردة هبات عند ماما ، يعني مش عايزة اتصالات كل شوية .

داليا : صباح الخير يا ادهم .

ادهم : صباح النور يا قلبي .

داليا : نمت البارح علطول ؟

ادهم : بعد ما قفلت معاكي بربع ساعة .

داليا : وعرفت تنام كويس ؟؟

ادهم : نمت بس مش احسن حاجة ، كل شوية كنت بقلق .

داليا : محصلش حاجة كده ولا كده ؟؟؟

ادهم : عبب يا داليا ، ايه اللي بتقوليه ده !!

داليا : تحب اعملك غدا ايه ؟؟

ادهم : اي حاجة من ايدك حلوة .

في المساء

يعود ادهم الي منزله وبمجرد دخوله يطلق صافرة اعجاب .

ادهم : واااو ، ايه الجمال ده كله !!!

داليا " تبتسم " : جمالي انا ولا جمال البيت ؟؟

ادهم : كل حاجة يا قلبي ، انتي زي القمر والبيت تحفة والانوار والورد والبرفيم كل حاجة خيال يا حبي .

داليا : يعني مبسوط ؟

ادهم : اكيد مبسوط ، لكن قوليلي فين الصوت العالي والبيت اللي مش نضيف والطلبات الكتير اللي مش بتخلص .

داليا : خلاص يا حبيبي مفيش الحاجات الوحشة دي تاني .

ادهم : جميل جدا ، طيب يلا بقي عايز اتغدا علشان جعان جدا .

داليا : لأ تعالي الاول هقولك حاجة جوه وبعدين ناكل .

بعد مرور بعض الوقت ...

داليا : يلا بقي يا حبيبي قوم خد شاور علي ما اجهزلك الغدا .

ادهم " يبتسم " : يا ريتك كنتي كده من زمان .

داليا : يلا بقي علشان انا كمان جوعت اوي .

علي المائدة

يتناول ادهم وداليا الطعام بشراهة ، ويقول لها : تسلم ايديكي يا قلبي .

داليا : ميرسي يا حبيبي ، قولي بقي اكلي ده ولا اكل دعاء ؟؟

ادهم : دعاء ايه !! اكلك انتي طبعا .

في منزل عائلة دعاء

ام دعاء : عملتي ايه البارح يا بنتي ؟

دعاء : عادي يا ماما ، الصراحة الرجل طلع محترم اوي زي ما كنا متوقعين .

الام : يعني محصلش حاجة كده ولا كده ؟

دعاء : لا طبعا يا ماما ، ما احنا كنا متفقين وادهم مشي علي الاتفاق مظبوط ، حتي بعد ما اتغدا دخل الاوضة ومخرجش منها تاني .

الام : اقولك حاجة في قلبي ومش قادرة اخبيها يا دعاء ؟

دعاء : قولي يا ماما فيه ايه ؟؟

الام : انا قلبي مش مرتاح للي بتعملوه ده ومن جوايا حاسة انه حرام و تحايل علي شرع ربنا .

دعاء : واحنا في ايدينا ايه يا ماما ؟ ما انتي عارفة مروان هيتجنن علشان نرجع لبعض و انا كمان عايزة ارجعله !!

الام : انا مش عارفة ليه كل ده ؟!! كان احسن لك انك تنسيه وتتجوزي غيره وتبدأي حياتك من جديد مع راجل يصونك ويحافظ عليكي ومش كل شوية يطلقك .

دعاء : اللي نعرفه احسن من اللي منعرفوش ، يمكن لو اتجوزت غيره يبهدلني اكتر من كده .

الام : بردو انا مش مرتاحة للي بتعملوه ده !!

دعاء : هو ده اللي في ايدينا علشان نرجع لبعض .

الام : لو فعلا عايزة ترجعي لمروان وتعيشي معاه في الحلال يبقي لازم ...

دعاء : لازم ايه يا ماما ؟؟

↚

الام : لازم يحصل بينكم زي اي اتنين متجوزين .

دعاء : قصدك .....

الام : ايوه .

دعاء : لا يا ماما مينفعش .

الام : التمثلية الخايبة اللي بتعمولها دي هي اللي متنفعش ، انما اللي بقولك عليه هو اللي لازم ينفع .

دعاء : لا يا ماما حرام ، انا جسمي مينفعش حد غير جوزي يلمسه !!

الام : انتي اتخبلتي يا بت في عقلك !! ادهم دلوقتي هو جوزك واللي بقولك عليه هو الحلال بعينه انما اللي انتوا بتعملوه ده هو الحرام .

دعاء : لا يا ماما ، لا لا لا .

الام : انتي حرة ، انا قولت الكلمة اللي تخلص ضميري واتحاسب عليها قدام ربنا .

دعاء : خلاص والنبي يا ماما ، انا حسه ان دماغي اتلخبطت .

في منزل ادهم وداليا

الساعة الثالثة فجرا

ادهم : حبيبتي انا عايز انام علشان شغلي الصبح .

داليا : بذمتك انت مش نفسك الوقت الجميل ده ميخلصش ابدا ؟؟

ادهم : ايوه فعلا يا حبيبتي ، فكرتيني بشهر العسل وجماله ودلعه .

داليا : اعتبر نفسك في شهر العسل يا حبيبي .

ادهم " يضحك " : ياريت يا حبيبتي ، لكن للأسف بكرة الصبح جاي وفد من دبي للشركة ولازم اكون موجود .

داليا : حاول تعتذر بالتليفون .

ادهم : مينفعش يا قلبي ما انتي عارفة اني مدير التسويق والاعلان للشركة ، وشركتنا هتدخل في اندماج مع الشركة الاماراتية علشان نوسع اعمالنا في دول الخليج .

داليا : خلاص يا حبيبي ربنا معاك ، هسيبك تنام ، قولي بقي هتيجي بكره ولا هتروح هناك ؟؟

ادهم : هروح هناك علشان يبقي جوازنا طبيعي وهنقضيها كده يوم هنا ويوم هناك فترة وبعدها نخلص من الهم ده .

داليا : بجد انت شايفه هم ولا مبسوط ؟؟ اصل انا كنت حاسة انك مبسوط !!

ادهم : لا طبعا مش مبسوط ، ولو اي حد غير اخوكي كان طلب مني الهبل ده مستحيل كنت اوفق .

داليا : طيب يا حبيبي تصبح علي خير .

في الشركة

بعد عقد الشراكة بين الشركة المصرية والشركة الاماراتية وانصراف الحضور ، يهم ادهم بالانصراف من العمل .

وليد : هتمشي دلوقتي ليه ؟ ده لسه باقي اكتر من ساعتين !!!

ادهم : تعبان جدا ومش قادر ، لازم انام .

وليد " يضحك" : انت منمتش البارح ولا ايه ؟؟ ايوه يا عم شهر العسل بقي .

ادهم : لأ ، ده انا البارح كنت في البيت مع داليا .

وليد " يضحك " : تبقي اكيد كانت بتهد حيلك علشان عقلك مش يوزك تعمل حاجة كده ولا كده وانت عند دعاء .

ادهم : يا صحبي انا كده كده مش هعمل حاجة علشان بحب داليا ومش عايز اخو.نها .

وليد : يا بني مفيش خيانة .

ادهم : ازاي ؟؟ ولا فيها حاجة غلط .

وليد : دي مراتك بردو يا ادهم يعني مش حرام تعمل معها حاجة ده حلال وحقك كمان .

ادهم : لكن داليا عارفة ان الجواز صوري مش حقيقي .

وليد : اللي انتوا بتعملوه ده اللي غلط ، الصح والحلال انك تاخد حقك ، في الحالة دي لو هي رجعت لجوزها هيبقي حلال .

ادهم : ولو داليا عرفت هيبقي شكلي ايه قدامها ؟!!

للكاتب عادل عبد الله

وليد : عادي جدا ، ما هي واخوها عارفين انك اتجوزت دعاء .

ادهم : طيب بطل كلامك ده انت بتحفزني و بتشجعني علي الغلط !!

وليد : ده هو ده عين الصح .

ادهم : طيب خلاص يا عم ، اللهم اغزيك يا شيطا.ن .

في المساء

ذهب ادهم الي منزل دعاء ففتحت له ....

ادهم : مساء الخير .

دعاء : مساء النور ، اتفضل .

ادهم : اسف نسيت اتصل اقولك اني جاي النهاردة .

دعاء : لا انا خلاص فهمت انك هتيجي يوم وتروح بيتك يوم .

ادهم " يبتسم " : ما شاء الله عليكي ذكية .

دعاء : بص بقي اظن النهاردة مش هتكون مكسوف زي المرة اللي فاتت .

ادهم " بدهشة " : اييييه !!!!

دعاء " تضحك " : اسفة ، قصدي مش هتكون مكسوف يعني هتقدر تقعد براحتك وتاكل براحتك وتنام براحتك .

ادهم : والله انا مش عارف اقولك ايه ، انا اللي شايل همه فعلا انك حبسه نفسك في اوضتك طول ما انا موجود .

دعاء : لا ابدا بسيبك تاخد راحتك .

ادهم : راحتي اني احس انك بحريتك .

دعاء : متشيلش همي ، انا هجهزلك الغدا .

بعد تناول الغداء جاءت دعاء ومعها القهوة .....

ادهم : هتحطي القهوة وتدخلي بردو ؟؟

دعاء : انت عايز مني حاجة تاني ؟؟

ادهم : نقعد نتكلم شوية لو مش عندك مانع .

دعاء : نتكلم بس ؟؟

ادهم : ايوه طبعا .

دعاء : نتكلم في ايه ؟

ادهم : اي حاجة .

دعاء : موافقة ، المهم انك تفضل عند ثقتي وثقة مروان فيك .

ادهم : اطمني .

دعاء : هروح اعمل قهوة ليا وارجع .

↚

دعاء : نتكلم في ايه ؟

ادهم : اي حاجة .

دعاء : موافقة ، المهم انك تفضل عند ثقتي وثقة مروان فيك .

ادهم : اطمني .

دعاء : هروح اعمل قهوة ليا وارجع .

عادت دعاء ومعها قهوتها وجلست ...

دعاء : انا قعدت اهو ، هنتكلم في ايه ؟

ادهم : قوليلي بقي ايه سبب خلافاتك انتي ومروان علشان تطلقوا تلات مرات في وقت قصير كده ؟

دعاء : الصراحة مروان طيب بس متسرع اوي في كل حاجة في حياته ودايما بياخد قرارات غلط وانا عكس كده بالظبط ........

استمر كلامهما اكثر من ساعة !!! ابتسم ادهم وقال : لكن بردو واضح من كلامك انك بتحبيه .

دعاء : اكيد بحبه احنا بينا سنتين خطوبة واربع سنين جواز .

للكاتب عادل عبد الله

ادهم : وانا لولا ان مروان بعتبره زي اخويا مكنتش اوافق ابدا علي الوضع ده .

دعاء " باحراج " : طيب انا هدخل اوضتي انام علشان تكون علي راحتك .

دخلت دعاء غرفتها فوجدت عدة اتصالات ورسائل من مروان !!

ثم جائها اتصال جديد منه ...

مروان : كنتي فين يا دعاء ؟؟

دعاء : كنت في الحمام .

مروان : كل ده ؟؟ انا اتصلت بيكي كتير !!

دعاء : نعم ؟ عايز ايه ؟؟

مروان : قوليلي الاول كنتي فين ؟ وبتعملي ايه ؟؟

دعاء : انا مش فاضية لوجع الدماغ بتاعك هقفل وانام .

مروان : استني يا حبببتي .

دعاء : اخلص يا مروان انا بجد عايزة انام .

مروان : هتنامي بدري كده ؟؟

دعاء : لو مش عايزني انام دلوقتي ممكن اخرج اقعد بره مع ادهم عادي .

مروان : لأ طبعا انتي اتجننتي !! اوعي تعملي كده .

دعاء : ما انا دلوقتي محبو.سة في اوضتي قدامي حاجة من اتنين ، اما اخرج اقعد بره او انام .

مروان : يبقي تنامي احسن يا حبيبتي .

دعاء : طيب بعد اذنك بقي اقفل ومتتصلش تاني .

في الغرفة الاخري

يجلس ادهم ثم يأتيه اتصال من داليا ...

داليا : عامل ايه يا حبيبي وحشتني اوي .

ادهم : وانتي كمان يا حبيبتي .

داليا : اتغديت ولا لسه ؟

ادهم : اتغديت .

داليا : وبتعمل ايه دلوقتي ؟

قاعد بلعب علي الموبايل .

داليا : يعني مشوفتش دعاء خالص ؟

↚

ادهم : شوفتها لما جيت و حضرت لي الاكل ودخلت اوضتها .

داليا : وكانت لابسه ايه ؟

ادهم " بتعجب " : مأخدتش بالي .

داليا : معقول !!! كده انت بتكدب عليا .

ادهم : صدقيني مأخدتش بالي ، تقريبا كانت لابسه عباية وحجاب .

داليا : منك لله يا مروان .

ادهم : ليه عمل ايه تاني ؟

داليا : هو السبب في اللي احنا فيه ده .

ادهم : هانت يا حبيبتي .

داليا : انا نفسي انام واصحي يكون الموضوع ده انتهي .

ادهم : وانا كمان ، معلش هقفل معاكي مروان بيتصل .

داليا : لما تخلص مكالمته اتصل بيا نتكلم شوية .

ادهم : مش هينفع ، انا تعبان جدا وعايز انام .

داليا : تعبان من ايه ؟

ادهم " يضحك " : من ليلة البارح .

داليا " تضحك " : ماشي يا حبيبي ، بس اوعي تلعب بديلك .

ادهم " يضحك " : متخافيش يا حبيبتي ، سلام بقي علشان مروان اتصل عليا تاني .

داليا : باي يا حبيبي .

ثم يرد علي اتصال مروان ...

ادهم : معلش يا مروان ، داليا كانت معايا علي التليفون .

مروان : كل ده ؟ انا اتصلت مرتين !!

ادهم : لو مش مصدقني كلم داليا واتأكد منها .

مروان : عيب عليك يا ادهوم مصدقك طبعا ، قولي بقي اخبارك ايه ؟

ادهم : تمام .

مروان : انت فين دلوقتي ؟

ادهم : في البيت .

مروان : فين في البيت يعني ؟ دعاء جنبك ؟

ادهم : لأ دعاء دخلت اوضتها وانا في الاوضة التانية .

مروان : احنا علي اتفاقنا يا ادهوم اوعي تخل به !!

ادهم : اطمن يا مروان .

مروان : انا مطمن علشان بثق فيك لكن حبيت أكد عليك .

ادهم : متقلقش يا مروان .

ينهي ادهم مكالمته ثم يخلد الي النوم بعد ليلة ويوم مرهقين .

في اليوم التالي

اثناء العمل

وليد : عملت ايه البارح ؟

ادهم : في ايه ؟؟

وليد : مع العروسة الجديدة .

ادهم : يا بني قولتلك جوازنا حبر علي ورق ، جواز صوري .

وليد : يعني معملتش حاجة !!

ادهم : ايوه طبعا ، ما انا قولتلك اني مقدرش اخون داليا ولا اخون ثقة اخوها مروان فيا .

وليد : والنعمة انت ما فاهم حاجة .

ادهم : طيب فهمني انت .

وليد : يا بني جوازك من دعاء دي بالشكل ده باطل وحرام كمان لو رجعت لطليقها و انت كمان متحمل جزء من الحرماتية دي .

ادهم : انا ؟!!!! وانا مالي ؟؟

وليد : ما انت كده اللي ساعدتهم علي اللي بيعملوه ده .

ينظر له ادهم في صمت !!

وليد : متبصليش كده ، لو مش مصدقني اسأل اي شيخ او حد يكون فاهم كويس هيقولك نفس كلامي .

في المساء

في منزل داليا

يعود ادهم الي المنزل وتستقبله داليا بملابس جديدة مثيرة وحينما يراها يبتسم و يحت.ضتنها ويقول في خاطره " يا ريتني كنت اتجوزت كده من زمان " ثم يقول لها : وحشتيني اوي .

داليا : انت اكتر يا حبيبي ، تعرف انك في الايام اللي بتبات فيها بره البيت بحس فعلا اني محتاجالك جنبي .

ادهم " يضحك " : من امتي يا داليا ؟ ده انتي كنتي احيانا بتسبيني قاعد لوحدي وتقعدي تلعبي في الموبايل !!!

داليا : علشان كنت مطمنة انك جنبي وقدام عينيا .

ادهم : يعني لو سافرت اشتغل بره مثلا هتعملي ايه ؟؟

↚

داليا : لا يا حبيبي مقدرش ابعد عنك ، رجلي علي رجلك .

ادهم : طيب يلا يا حبيبتي جهزي الاكل علي ما اخد شاور .

داليا : طيب ما تيجي اقولك كلمة الاول ؟

ادهم " يضحك " : لا يا حبيبتي لو بدأنا من دلوقتي يبقي مفيش اكل ولا شاور .

داليا : زي ما تحب يا حبيبي .

بعد الطعام ...

يرتدي ادهم ملابس الخروج !!!

داليا : ايه ده يا حبيبي !!! رايح فين ؟؟

ادهم : هنزل ازور واحد صحبي مريض .

داليا : ولازم تزوره النهاردة ؟؟

ادهم : معلش مش هتأخر نص ساعة بالكتير وارجع .

داليا : خليها بكره وخليك معايا النهاردة .

ادهم : يا حبيبتي هي نص ساعة وارجع .

داليا : لو اتأخرت عن نص ساعة هزعل يا ادهم .

ادهم : لا يا حبيبتي وانا مقدرش علي زعلك ، نص ساعة بالظبط وارجعلك .

غادر ادهم المنزل متوجها الي المسجد ودخل صلي العشاء وبعد اداء الصلاة انتظر حتي انصرف اغلب المصليين ثم اقترب من امام المسجد و قال له : بعد اذنك يا فضيلة الشيخ عندي مشكلة وعايز رأي فضيلتك فيها .

الامام : اتفضل .

ثم يسرد له ادهم الموضوع من اوله حتي تلك اللحظة ....

ادهم : المشكلة دلوقتي ان ليا واحد صحبي بيقولي ان لو انا طلقتها بالوضع ده و هي رجعت لطليقها رجوعهم لبعض حرام و ان انا هكون شريكهم في الحرام ده !!

الامام : كلام صحيح .

ادهم : صحيح !!! يعني انا هكون شريكهم في الذنب ده ؟؟

الامام : ياريت ذنب واحد ، ده حياتهم كلها بعد كده هتكون غلط في غلط ، هتكون والعياذ بالله زنا .

ادهم : اعوذ بالله ، طيب والعمل يا فضيلة الشيخ ؟؟

الامام : انت اخطأت حين قبلت بذلك الوضع المخزي .

ادهم : انا قبلت علشان اخو مراتي وقالي مش بثق في حد غيرك ، حبيت اقدم خدمة له ولمراته مش اكتر .

الامام : اولا التمثلية اللي بتعملوها دي ممكن تكون قدام الناس ، انما قدام ربنا لا تجوز .

ادهم : طيب انا عايز اخرج من الموضوع ده دلوقتي ومش عارف اتصرف ازاي ، ساعدني ودلني علي الصح يا شيخ .

الامام : قدامك حل واحد يا استاذ .

ادهم : اتفضل قول يا شيخ .

الامام : انك تعاشر زوجتك معاشرة الازواج وفي تلك الحالة يجوز لها شرعا الزواج من طليقها اذا تم بينكما الطلاق .

ادهم : صعب اوي اعمل كده .

الامام : وما الصعوبة في ذلك ؟ ألست برجلا وتستطيع معاشرة النساء ؟؟

ادهم : ايوه طبعا ، لكن مش ده قصدي .

الامام : اذن فماذا تقصد ؟

ادهم : اقصد اني اولا بحب مراتي ثانيا حتي لو انا فكرت في كده فيه حواجز بيني وبينها ، صعب اوي !!!

الامام : لا صعوبة في ذلك فهي زوجتك وانت زوجها ولك منها ما للزوج من زوجته كزوجتك الاولي تماما .

ادهم : مفيش حل تاني ؟؟

الامام : هذا هو الحل الوحيد حتي تخرج نفسك من شبهة ذلك التواطؤ والتحايل علي الشرع .

عاد ادهم شارد الذهن يفكر في كلام ذلك الشيخ وهو يفكر في كيفية الخروج من ذلك المأزق الذي وضع نفسه فيه !!

داليا : مالك يا ادهم ؟؟

ادهم : لا يا حبيبتي مفيش حاجة .

داليا : لأ فيه !! انت خارج بتضحك راجع مكشر وزعلان !!!

ادهم : اصل لما زورت صاحبي شوفته عيان اوي فزعلت عليه .

داليا : ربنا يشفيه ويشفي الجميع ، متزعلش نفسك زادعيله احسن .

ادهم : ربنا يفك كربه .

داليا : قول ربنا يشفيه .

ادهم : ايوه صح ، ربنا يشفيه .

داليا : يلا يا حبيبي ندخل اوضتنا .

في اليوم التالي

يظل ادهم شاردا يفكر طول اليوم في كلام صديقه وليد وفي كلام امام المسجد ومن قبلهم كلام المأذون !!!

ويفكر اذا ما قام بذلك فهل سيعد ذلك خيانة لزوجته ولثقة اخيها فيه ام انه واجب شرعي حتي يصبح زواجه منها صحيحا ويبعد عن شبهة التحايل علي الشرع ؟!!!

للكاتب عادل عبد الله

وما يشغله ايضا هل ستوافقه دعاء ام ستعترض ؟؟ وماذا لو اعترضت واخبرت مروان وبالتالي داليا !!! بالتأكيد ستكون نهاية علاقته بداليا !!!

↚

ظل ادهم يفكر حتي وصل الي منزل دعاء .

ادهم : مساء الخير .

دعاء : مساء النور ، اتفضل .

بعد دخول ادهم لاحظت دعاء عليه الشرود والحيرة !!

دخلت دعاء تعد الطعام بينما كانت قلقه من مظهر ادهم المرتبك والحائر !!!

عادت دعاء بالطعام ووضعته علي المائدة وهي تختلس النظر لأدهم لتراقبه .

للكاتب عادل عبد الله

ادهم : معلش شيلي الاكل انا مش هاكل دلوقتي .

دعاء : طيب اسيبلك الاكل هنا ، ولما تحب تاكل كل براحتك .

ادهم : لا لا ، بعد اذنك شيلي الاكل وتعالي عايز اتكلم معاكي في موضوع .

ذهبت دعاء بالطعام وعادت بينما كانت ترتجف داخليا خوفا وقلقا .

دعاء : نعم ، اللهم اجعله خير .

ادهم : انتي ايه رأيك في اللي احنا بنعمله ده ؟؟

دعاء " بقلق " : احنا عملنا ايه ؟؟

ادهم : الجوازة الغريبة والتمثلية العجيبة دي !! عجباكي ؟؟

دعاء : منه لله مروان هو اللي عمل فينا كده .

ادهم : انا عايز اعرف رأيك انتي .

دعاء : انا واحدة بيتها اتهد ولما مروان قالي اي حل علشان ارجع بيتي تاني وافقت عليه .

ادهم : وانتي تعرفي ان حيلة جواز المحلل غلط وحرام شرعا خاصة بالطريقة دي ؟؟

دعاء : تقصد ايه بالطريقة دي ؟؟

ادهم : يعني بجواز صوري بدون د.خلة .

دعاء : انت عايز ايه بالظبط ؟؟

ادهم : انا سألت و اتأكدت ان جوازنا بالشكل ده لو طلقتك و رجعتي لمروان هتعيشي معاه في الحرام .

دعاء : في الحرااام !! انا معرفش ، انا سمعت كده ، لكن معرفش .

ادهم : انا بقي سألت وعرفت .

دعاء : ولما انت عارف كده وافقت ليه ؟

ادهم : مكنتش اعرف لكن عرفت واتأكدت اني هكون مشترك معاكم في الحرمانية .

دعاء : ودلوقتي عرفت واتأكدت ؟

ادهم : ايوه .

دعاء : والمطلوب ؟؟؟

ادهم : انا لحد دلوقتي حيران مش عارف اعمل ايه ؟؟

دعاء : علي العموم انا كمان مش عارفة ، كلم مروان و لو لقيتوا حل قولولي .

ثم يدق جرس هاتف ادهم ...

ادهم : ايوه يا مروان .

مروان : ازيك يا ادهم ؟ اخبارك ايه ؟ طمني عليك .

ادهم : كنت عايز اتكلم معاك في موضوع مهم .

مروان : فيه ايه يا ادهم ؟ قلقتني !!

ادهم : مش هينفع في التليفون عايزين نقعد نتكلم .

مروان : نتكلم في ايه طيب فهمني ؟

ادهم : انا مش عايز اكمل في التمثلية دي .

مروان : تمثلية ايه ؟

ادهم : جوازي من دعاء .

مروان : ليه يا ادهم ؟ ده انا قولتلك دي خدمة وهتعملهالي ومش هنسهالك طول العمر !!

ادهم : شوف حد غيري ؟

مروان : ليه يا ادهم ؟ ايه اللي حصل ؟

ادهم : بصراحة انا سألت تاني واتأكدت ان التمثلية دي حرام ، ونصيحة ليك يا مروان بلاش منها التمثلية دي لأن حياتك مع دعاء لو رجعتلها هتبقي حرام في حرام .

↚

مروان : ايه اللي بتقوله ده يا ادهم ؟ لما تكون انت سبب ان اتنين بيحبوا بعض يرجعوا لبعض يبقي حرام ؟!! اطمن يا ادهم ما دام نيتنا خير ربنا هيسامحنا .

ادهم : معلش يا مروان شوف حد غيري .

مروان : بعد ايه يا ادهم ؟ بعد ما كتبت كتابك عليها خلاص !!

ادهم : انا هطلقها وشوف حد تاني يا مروان .

مروان : طيب اصبر اسبوعين ثلاثة علشان خاطري .

ادهم : وبعد الاسبوعين ؟

مروان : بعد الاسبوعين ابقي طلقها .

في غرفة دعاء

تجلس دعاء تفكر في كلام ادهم وتتذكر كلام والدتها ثم تفتح الشات وتسأل احدي صديقاتها .

تنتهي المحادثة بينها وبين صديقتها بجملة " مفيش قدامك الا حل من الاتنين اما تحصل بينك وبينه معاشرة او تنسي انك ترجعي لطليقك تاني وتشوفي حياتك بعيد عنه " !!!

تستشعر دعاء حجم الكا.رثة التي تعيشها الان والتي لا تجد لها مخرج !!!

في الغرفة الاخري

يجلس ادهم علي فراشه يفكر حتي يغلبه النعاس .

" يشعر بباب غرفته يفتح ببطئ فيستدير ليري دعاء وقد دخلت من الباب وهي في كامل زينتها وحليها !!! يتعجب ادهم ليجدها تقول له : انا مراتك علي سنة الله ورسوله ولازم النهاردة نكون مع بعض علشان اقدر ارجع لمروان تاني ، فيقول لها لكن مروان لو عرف هيزعل وهتبقي مصيبة وكمان داليا انا مقدرش ... ، فتقول له مين هيقولهم ، ده هيبقي سر بينا احنا الاتنين ، واحنا مش هنعمل حاجة غلط ، يمد ادهم يده اليها لتمسك به فيجذبها نحوه لتكون ملقاه علي الفراش في اقل من الثانية ، يقربها اليه ادهم ويقترب من شفاهها " ليستيقظ من حلمه !!!

يعتدل ادهم لينظر في الساعة ليجدها الرابعة فجرا !!!

يجلس ادهم ويولع سيجارته ويفكر قليلا ثم يطفأها وينهض خارجا من الغرفة ليذهب ويقف امام غرفة دعاء !!

يتردد قليلا ثم يدق بابها برفق " وكأنه خائفا من ان تسمعه " !!!

ينتظر دقيقة ثم يعود الي فراشة مرة اخري حتي يسمع اذان الفجر فيطفئ نور الغرفة و ينام .

في الصباح

يستيقظ ادهم ويخرج من غرفته ليجد دعاء تعد الفطور علي المائدة ...

ادهم : صباح الخير .

دعاء : صباح النور .

ادهم : معلش هاخد شاور قبل ما انزل .

دعاء : ولا يهمك ، خد راحتك .

يخرج ادهم بعد دقائق ويقول : ياريت تشوفي شنطة علشان اخد هدومي دي تتغسل في البيت .

دعاء : لا سيبها انا هغسلها .

ادهم : مش عايز اتعبك .

دعاء : لا ابدا مفيش حاجة .

يجلس يتناول الفطور ...

ادهم : مش هتيجي تفطري معايا ؟

دعاء : انا مش بفطر دلوقتي ، كنت عايزة اسألك علي حاجة .

ادهم : اتفضلي .

دعاء : انت خبطت علي اوضتي بالليل ؟

يرتبك ادهم قليلا ثم يبتسم : لأ .

دعاء " بتعجب " : يمكن بيتهيألي .

بعد انصراف ادهم تجلس دعاء تتذكر سماعها لدقته علي بابها ليلا وانزعاجها وخو.فها الشديد .

هي شبه متأكدة من كذبه ولكن !!!

ولكن مادام أجترأ علي الذهاب اليها وطرق باب غرفتها ليلا أذن فسوف تزداد جرأته تلك بمرور الوقت !!!

يذهب ادهم الي عمله ليجد صديقه وليد ...

ادهم : ايه يا ليده مجتش ليه البارح ؟؟

وليد : كنت تعبان شوية .

ادهم : علفكرة انت كان عندك حق .

وليد : سألت حد تاني ؟

ادهم : ايوه سألت شيخ المسجد وقالي نفس كلامك .

وليد : وناوي تعمل ايه ؟

ادهم : انا كلمتها وكلمت ...

↚

وليد " مقاطعا " : قولتلها انك لازم تنام ...

ادهم : لا يا اخي مش كده ، انا قولتلها ان جوازنا بالشكل ده لو اتطلقنا بعده مينفش ترجع لمروان .

وليد : وقالتلك ايه ؟؟

ادهم : قالتلي اشوف حل انا ومروان .

وليد : وبعدين ؟

ادهم : كلمت مروان وفهمته اللي انا عرفته .

وليد : وقولتله انك لازم ....

ادهم : لأ ، قولتله ان الجواز الصوري بالشكل ده لو طلفتها مينفعش ترجعله .

وليد : وقالك ايه ؟

ادهم : حاول يتهرب ويبرر والكلام اللي انت فاهمه ده ، وقولتله اني مش هشترك معاهم في اللي بيعملوه ده ولازم اطلقها .

وليد : وبعدين ؟

ادهم : قالي اصبر اسبوعين تلاته وبعدها اطلقها .

وليد : وانت ناوي تعمل ايه يا ادهم ؟

ادهم : لسه مش علرف ، بس البارح حلمت بيها وقومت وكنت هروحلها .

وليد : أوبااا بقي ، ايوه يا زميلي وبعدين ؟؟

ادهم : روحت فعلا و خبطت علي اوضتها مفتحتش فرجعت ونمت .

وليد : يا خيبتك .

ادهم : بطل يا بني ، انت عامل زي الشيطا.ن اللي بيوسوس لي .

وليد : ربنا يسامحك ، يعني انا غلطان اني بدلك علي الصح علشان متشلش ذنب ؟؟؟!!

ادهم : والله انا مقتنع وكنت عايز اخرج من الموضوع كله لكن هو مش مديني الفرصة .

وليد : يبقي تعمل اللي حلمت به بالليل علشان يكون ضميرك مرتاح .

ادهم : انا خايف ليكون اللي بفكر فيه ده خيانة واخسر داليا مراتي واخوها اللي وثق فيا .

وليد : انت في موقف صعب وانا قولتلك افضل واصح الحلول .

في منزل اهل دعاء

دعاء : صباح الخير يا ماما .

الام : صباح الفل يا قلب ماما .

دعاء : فطرتي ولا لسه ؟

الام : مستنياكي ، عارفة انك جاية النهاردة قولت استناكي .

دعاء : طيب يلا بقي علشان جعانة اوي .

بعد الفطور تجلس دعاء ووالدتها يحتسون الشاي .

الام : طمنيني عليكي ، عاملة ايه ؟ و اللي اسمه ادهم ده عامل ايه معاكي ؟

دعاء : انا كويسة وادهم ابن حلال مشوفتش منه حاجة وحشة لحد دلوقتي .

الام : والله يا بنتي انا مش مصدقة ان واحد يكون في مكانه ويكون بالاخلاق دي !! اي راجل لو مكانه كان من اول ليلة كنتي بقيتي مراته شرعي .

دعاء : هو انسان محترم و عنده اخلاق ، ده غير انه بيحب داليا مراته جدا .

الام : وده ماله ومال الاخلاق وحبه لمراته ؟ ده جواز علي سنة الله ورسوله ولا فيه حاجة ضد الاخلاق ولا فيه خيانة .

دعاء : قوليلي يا ماما .

الام : نعم يا عين امك .

دعاء : هو لو بقيت مرات ادهم شرعي ده مفيش فيه خيانة لمروان ؟؟؟

الام : خيانة ازاي ؟ ده هو بنفسه اللي مجوزك له !!

دعاء : ايوه لكن جوازنا كان بشرط ان ادهم ميلمسنيش .

الام : اهو هو الشرط ده اللي يبطل جوازكم من الاساس ، الصراحة يا بنتي انا مش عايزاكي ترجعي لمروان تاني ، ولو مصممة ترجعيله يبقي لازم جوازك من ادهم يبقي شرعي علشان لما تطلقي منه ترجعي لز.فت مروان تاني ، هو ده اللي اعرفه واللي ضميري بيقولي انه صح .

↚

عادت دعاء الي منزلها في اليوم التالي وهي مازالت تفكر في كلام والدتها .

هي مازالت لا تستطيع ان تتخيل نفسها مع رجلا اخر غير مروان التي احبته وتزوجته .

ولكن تساهله في طلاقها مرارا وتكرارا هو الذي وضعها في ذلك المأزق !!

ماذا ستفعل اذن ؟

هل تسلم نفسها لزوجها الجديد ؟

ام تظل عند موقفها وبالتالي لا تستطيع العودة لمروان ؟؟

ظلت هكذا حتي اتي ادهم في المساء ، بمجرد سماعها لدقات جرس الباب ارتجفت و أحست بقشعريرة تسري في جسدها !!

نهضت وفتحت الباب و ابتسمت " بتصنع " وقال : اهلا وسهلا اتفضل .

دخل ادهم وهو ينظر لها ويتذكر كلمات صديقه وليد له .

دعاء : اروح اجهزلك الغدا .

ادهم : ياريت انا فعلا جعان جدا .

جاءت دعاء بالطعام ووضعته امامه ثم قالت : علفكرة انا غسلتلك هدومك .

ادهم : تسلم ايديكي ، الصراحة انا مكسوف منك اوي .

دعاء : ده انا اللي مكسوفة منك اوي .

ادهم : ليه ؟!!

دعاء : بتسيب بيتك وتيجي تقعد وتبات هنا واكيد دي حاجة مضايقاك و داليا كمان اكيد متضايقة .

ادهم : لا ابدا مفيش حاجة ، المهم مشكلتكم تتحل .

دعاء : والله انا بفكر ليل ونهار ومش لاقية حل .

ادهم : هو فيه حل لكن ...

دعاء : حل ايه ؟؟

ادهم : حل لكن صعب شوية .

دعاء : ايه هو ؟؟

ادهم : ان انا وانتي يعني ااا...

دعاء : انا هقوم اعملك القهوة .

تنهض دعاء وتمشي الي المطبخ وتتعقبها نظراته التي اختلفت عن ذي قبل !!

يفكر ادهم قليلا ثم ينهض ويذهب عند باب المطبخ ، تلتفت اليه دعاء " في دهشة " : ااانت ، انت جاي هنا ليه ؟!!

ادهم : عايز اقولك الحل .

دعاء : لأ خلاص ، انا عرفته .

ادهم : وايه رأيك ؟؟

دعاء : اتفضل اقعد مكانك علي ما اجبلك القهوة .

يعود ادهم مكانه و قد زادت حيرته !!

فهي لم تجيبه !! لم توافقه ولم تنهره !!

اذن فهي تفكر ومترددة !!

تأتي اليه دعاء بقهوته ، فيقول : تسلم ايديكي ، علفكرة القهوة اللي بشربها من ايدك بتعجبني اوي .

دعاء " تبتسم " : ربنا يخليك .

ادهم : بتظبط مزاجي صح .

دعاء : لو حبيت اعملك تاني قولي .

ادهم : ما تيجي نقعد نتكلم شوية .

دعاء : نتكلم في ايه ؟

ادهم : في المشكلة .

دعاء : احنا اتكلمنا قبل كده .

ادهم : وفيها ايه ، نتكلم تاني .

↚

دعاء : هنتكلم في المشكلة ولا الحل ؟؟

ادهم : الاتنين .

دعاء : شوف حل تاني .

ادهم : وانتي عرفتي الحل اللي بفكر فيه ؟؟

دعاء : ايوه .

ادهم : وايه رأيك ؟

دعاء : بص يا ادهم .

ادهم " يضحك " : انا باصص اهو .

تبتسم دعاء : الحل ده مينفعش .

ادهم : ليه ؟

دعاء : من غير ليه ، انت عارف انه صعب .

ادهم : لو فكرنا شوية هنلاقي انه الحل الوحيد .

دعاء : لأ ، فيه حل تاني .

ادهم : ايه هو ؟

دعاء : اني مرجعش لمروان تاني .

ادهم : معقول ؟!! ممكن تفكري انك مترجعيش تاني لمروان ؟!!

دعاء : انا لسه بفكر .

ادهم : لكن الحل اللي انتي عارفاه هو الحل الوحيد علشان ينفع ترجعي لمروان .

دعاء " بخجل " : ايوه عارفه .

ادهم : وبعدين ؟؟

دعاء : انا داخله انام .

ادهم : احنا لسه مخلصناش كلامنا .

دعاء : معلش اصل انا صاحية بدري النهاردة ومحتاجة انام .

ادهم : ولو احتجت اشرب قهوة تاني من ايدك ؟

دعاء " تضحك " : ابقي اعملها انت .

تتركه دعاء وتدخل غرفتها وتهم بغلق الباب بالمفتاح كالليالي السابقة ثم تفكر قليلا و تترك الباب دون احكام اغلاقه !!

تجلس دعاء علي فراشها وتقول لنفسها : انا هسيب الباب النهاردة كده ولو هو دخل يبقي ينصيبي ده يحصل علشان ارجع لمروان ، ولو مش دخل يبقي مفيش نصيب اني ارجع لمروان .

تشعر دعاء ببعض الملل وتريد ان يمضي الوقت سريعا فتفتح هاتفها ثم تفتح الفيسبوك وتدخل صفحة ألف قصة وقصة وتختار قصة وتبدأ قرأتها .

تظل دعاء تتابع قراءة القصة بشغف ولم تستطيع ان تتوقف حتي تنتهي من قرائتها للنهاية .

مرت اكثر من ساعة ولم تشعر دعاء بأي حركة لأدهم .

خرجت من غرفتها وذهبت للحمام و لفت بعينيها خلال الشقة فوجدته في الغرفة الاخري ونورها مضاء ، اذن هو مازال مستيقظا لم ينام !!

عادت الي غرفتها وقبل ان تلمس الفراش دق جرس هاتفهها !!

نظرت في الهاتف فاذا به رقم غريب !!

ترددت في الاجابة فهي لا تجيب الارقام الغريبة خشية المعاكسات ، ولكن شعرت بهاتف يخبرها بضرورة الرد .

دعاء : ألو ، مين معايا ؟

: انتي دعاء بنت الحاجة احسان ؟

دعاء : ايوه .

: مامتك تعبت من شوية ونقلناها المستشفي وانا معها دلوقتي ، ياريت تيجي بسرعة ومتتأخريش .

دعاء " بدموع " : قولي العنوان بسرعة .

شعر ادهم بحركة غير طبيعية في الشقة !! خرج من الغرفة ليجد دعاء تهم بالخروج من الشقة .

ادهم " بتعجب " : ايه ده ؟ اناي رابحة فين دلوقتي ؟

دعاء " ببكاء " : ماما تعبانة اوي وفي المستشفي .

ادهم : استني انا جاي معاكي .

دعاء : لأ متتعبش نفسك انت عندك شغل الصبح .

ادهم : مينفعش اسيبك تنزلي لوحدك في الوقت ده ، اقل من دقيقة هكون لبست و انزل معاكي .

في المستشفي

تصل دعاء ودموعها تسبقها ومعها ادهم حتي وجدت جارتها ...

دعاء : ماما فين ؟؟

: مامتك في الرعاية المركزة .

دعاء " ببكاء " : يا حبيبتي يا ماما ، انا عايزة اشوفها دلوقتي حالا .

: الدكتور قال مينفعش حد ي

دخلها الا لما حالتها تستقر .

دعاء : فين الدكتور ؟

تذهب دعاء للطبيب وتسأله : ماما مالها يا دكتور ؟؟

الطبيب : مامتك عندها جلطة في القلب ولولا الست اللي جابتها كانت لاقدر الله ...

دعاء : المهم هي دلوقتي حالتها ايه ؟؟

الطبيب : مش هخبي عليكي ، هي تعبانة دلوقتي ومش هينفع تشوفيها ، احنا اعطيناها ادوية مذيبة للجلطة وان شاء الله حالتها تتحسن .

ينصرف الطبيب وتجلس دعاء تبكي ، ويجلس ادهم بجوارها يحاول تهدئتها .

دعاء : ماما لو حصلها حاجة انا مش هقدر اعيش لحظة واحدة بعدها .

↚

ادهم : بعيد الشر عنها ، ان شاء الله تخف وتبقي كويسة .

دعاء : يارب ، يارب يا ادهم .

ادهم : اتصل بمروان ييجي علشان يكون معانا ؟؟

دعاء : لا متتصلش بيه دلوقتي ، لو عايز تتفضل تروح انت خد المفتاح وروح .

ادهم : لأ طبعا مستحيل اسيبك في الوقت ده .

تشاهد دعاء احدي الممرضات خارجة من الرعاية فتسألها : ماما عاملة ايه دلوقتي ؟

: قصدك الست الكبيرة اللي لسه واصلة من شوية ؟؟

دعاء : ايوه اسمها الحاجة احسان .

: كويسة ، هي نايمة دلوفتي .

دعاء : حالتها اتحسنت يعني ؟؟

: ادعيلها ان شاء الله تقوم بالسلامة .

يتركهم ادهم ويصل الي الحسابات ويدفع مبلغ من المال تحت حساب علاجها .

يظل ادهم مع دعاء في المستشفي حتي صباح اليوم التالي .

دعاء : انت لازم تتفضل دلوقتي تروح شغلك .

ادهم : لأ ، انا هتصل بزمايلي يعملولي النهاردة اجازة .

دعاء : مينفعش اعطلك اكتر من كده !!

ادهم : ولا يهمك المهم نطمن علي الحاجة .

دعاء : طيب لو عايز تتصل بمروان وتروح انت شغلك ؟

ادهم " يبتسم " : مينفعش اسيبك معاه ، انتي ناسية انك لسه مراتي ولا ايه ؟!!

دعاء : اه سوري اسفة ، طيب بعد اذنك ممكن تشوف اقرب ماكينة ATM اسحب منها مبلغ علشان المستشفي .

ادهم : لأ ملوش لزوم ، انا دفعت مبلغ في الخزينة من بالليل .

دعاء : والله انا مش عارفة اقولك ايه علي ذوقك واخلاقك .

في منتصف اليوم

يأتي مروان و تستفيق ام دعاء من غيبوبتها وتستعيد وعيها .

تدخل دعاء ومعها ادهم ومروان للأطمئنان عليها .

وفي المساء

يعود ادهم الي منزل داليا ...

داليا : ايه كل ده يا ادهم ؟؟ بتصل بيك من الصبح تليفونك مقفول !!!

ادهم : معلش يا حبيبتي كنت في المستشفي والتليفون فصل شحن .

داليا : مستشفي !!! ليه ؟؟

ادهم : ام دعاء تعبت ودخلت الرعاية المركزة واضطريت اكون معاهم .

داليا : وليه مش اتصلت بمروان يكون معاهم ؟؟

ادهم : انتي ناسية انها علي ذمتي ومينفعش اسيبها مع مروان لوحدهم ؟!

داليا : كلامك ده بيستفذني !!!

ادهم : انا بتكلم عن الاصول مش عن المشاعر .

داليا : طيب اشحن تليفونك وسيبه مقفول ، انت النهاردة بتاعي مش عايزة حد يشغلك عني .

ادهم : معلش يا حبيبتي انا لازم انام ، بقالي ٤٨ ساعة بدون نوم .

داليا " بغضب " : يعني كمان هتبات نايم طول الليل ؟!!

ادهم : معلش يا قلبي دي ظروف خارجة عن ارادتنا .

في اليوم التالي

يعود ادهم من عمله مساء ويتصل علي دعاء ...

ادهم : ماما عاملة ايه دلوقتي ؟

دعاء : الحمد لله احسن كتير وخرجت النهاردة من المستشفي .

ادهم : يعني انتي دلوقتي في البيت ؟

دعاء : لأ انا عند ماما ، مينفعش اسيبها في الوقت ده .

ادهم : ومروان معاكي ؟

دعاء : لا انا مشفتش مروان النهاردة .

ادهم : طيب ابعتي لوكيشن بيت مامتك و انا جاي دلوقتي .

دعاء : لا لا خليك ارتاح انت .

ادهم : ابعتي اللوكيشن انا مينفعش اسيبك في الظروف دي .

↚

ادهم : طيب ابعتي لوكيشن بيت مامتك و انا جاي دلوقتي .

دعاء : لا لا خليك ارتاح انت .

ادهم : ابعتي اللوكيشن انا مينفعش اسيبك في الظروف دي .

ذهب ادهم الي منزل دعاء ...

دعاء : بردو تعبت نفسك وجيت ؟!!

ادهم : ده واجب اني اكون جنبكم ، المهم طمنيني الحاجة عاملة ايه دلوقتي ؟

دعاء : كويسة ، اتفضل ادخل شوفها .

ام دعاء : اهلا وسهلا يا بني ، تعالي اتفضل .

ادهم : الف سلامة عليكي يا حاجة .

ام دعاء : الله يسلمك ، انا مش عارفة اقولك ايه علي تعبك معانا .

ادهم : متقوليش حاجة يا حجة المهم تقومي بالسلامة ونطمن عليكي .

ام دعاء : انت ابن حلال يا بني ، عايزاك لو جرالي حاجة تخلي بالك من دعاء ولو رجعت لمروان توصيه عليها وتقف له لو جي عليها او ظلمها .

ادهم : بعيد الشر عليكي يا حاجة ، ان شاء الله تخفي وتكوني زي الفل وتكوني جنبها علطول .

ام دعاء : الاعمار بيد الله يا بني ، اسمع كلامي انا قلبي مش مطمن عليها خصوصا مروان ده قلاب وبيزعلها كتير لكن اعمل ايه فيها بتحبه !!

دعاء : خلاص يا ماما .

ام دعاء : طيب خلاص هسكت يا دعاء .

ادهم : متخافيش عليها يا حاجة اطمني اهم حاجة خلي بالك من نفسك علشان تقومي بالسلامة .

بعد قليل يأتي مروان ...

مروان : ازيك يا دعاء ، وحشتيني اوي .

ادهم : احم احم ... انا واقف علفكرة !!

مروان : اسف يا ادهم .

دعاء : مش قولتلك مليون مرة خلي بالك من كلامك ؟!

مروان : خلاص يا دعاء اسف ، المهم طمنيني الحاجة عاملة ايه ؟؟

دعاء : كويسة الحمد لله ، نايمة جوه .

مروان : ممكن ادخل اطمن عليها ؟

دعاء : اتفضل .

مروان : سلامتك يا حاجة الف سلامة عليكي .

ام دعاء : الله يسلمك .

مروان : ربنا يشفيكي يارب ، انا كنت قلقان عليكي اوي .

ام دعاء : ربنا يخليك ، انا عايزة اقولك حاجة يا مروان .

مروان : اتفضلي يا حاجة .

ام دعاء : انا هكلمك بصراحة انا مش مطمنة علي بنتي وخصوصا لو رجعتلك .

مروان : ليه بس يا حاجة ده انا بحب دعاء زي عينيا .

ام دعاء : ايوه بأمارة انك طلقتها تلات مرات !!

مروان : الشيطا.ن اللي بيدخل بينا .

ام دعاء : اهو انا خايفة علي بنتي من الشيطا.ن ده ، وعايزة اقولك لو هي صممت ورجعتلك تخلي بالك منها زي عينيك لو حصلي حاجة .

مروان : متخافيش علي دعاء ، ربنا يديلك طول العمر .

ام دعاء : اوعي تبهدلها لو رجعتلك يا مروان ؟؟

مروان : متخافيش ، دعاء في عينيا .

ادهم : يا جماعة انا واقف ولسه دعاء علي ذمتي !!!

مروان : اسف يا ادهم .

ادهم : طيب ياريت تركز بس اني لسه مطلقتهاش .

مروان : ما قولتلك اسف يا ادهوم خلاص بقي .

ادهم : طيب بالمناسبة بقي انا حبيت اخلص ضميري قدام ربنا وانتوا كلكم موجودين وسامعين .

ام دعاء : خير يا ابني ، فيه ايه ؟

ادهم : بصراحة انا سألت وعرفت ان جوازي الصوري انا ودعاء بالشكل ده علشان ترجعلك حرام ومينفعش ترجعلك يا مروان الا لو هي اتجوزت بجد جواز حقيقي .

ام دعاء : ايوه كلامك صح يا ابني .

مروان : يا ادهم ما انا قولت مادام احنا بنعمل كده علشان نحافظ علي الببت ربنا هيسامحنا .

ام دعاء : يا ابني هو شرع ربنا فيه الكلام اللي انت بتقوله ده ؟؟!!!

مروان : مادام غرضنا خير ربنا هيسامحنا ان شاء الله .

↚

ادهم : انا عموما خلصت ذمتي ورضيت ضميري وانتوا احرار ، شوفوا بقي انتوا عايزيني اطلقها امتي ؟؟

مروان : اسبوعين بس يا ادهم يكون جوازكم مر عليه شوية .

ادهم : طيب انا هستأذن امشي ، هتمشي معايا يا مروان ؟؟

ام دعاء : لأ استني شوية .

ادهم : حاضر يا حاجة .

دعاء : انا هروح اجهز الغدا .

بعد تناولهم الطعام قالت ام دعاء : قرب ليا كده يا ادهم عايزة اقولك كلمة في ودنك .

ضحك ادهم ، فابتسمت ام دعاء وقالت : قرب يا واد انا زي امك .

ادهم " ضحك " : حاضر .

اخفض ادهم رأسه وقرب اذنه منها فقالت له : " ادخل علي مراتك " .

رفع ادهم رأسه متعجبا وبدت عليه الدهشة !!!

مروان " بشغف " : فيه سر بينك وبين ادهم ولا ايه يا حاجة ؟؟!

ام دعاء : ايوه .

مروان : انا بردو مش غريب والمفروض اعرفه .

ام دعاء : عارفاك انت هتسأله لما تخرجوا من هنا وهو هيتكسف يقولك .

مروان : انا وادهم مبنخبيش حاجة علي بعض .

ام دعاء : كنت بقوله لازم ياخد الفلوس اللي دفعها لي في المستشفي .

ابتسم ادهم : يا حاجة متقوليش كده انتي والدتنا كلنا .

مروان : لا يا ادهم انت لازم تاخد فلوسك ، كفاية اوي اللي بتعمله معنا .

ادهم : خلاص يا مروان ، يلا بينا علشان نمشي ونسيبهم يرتاحوا .

دعاء : انا هقعد مع ماما النهاردة وبكره وبعد بكره هرجع بيتي تاني .

انصرف ادهم ومروان ثم اقتربت دعاء من امها وسألتها : قولتي ايه لأدهم ؟؟

الأم : حاجة كده بيني وبينه .

دعاء : انتي اول مرة تتكلمي معاه هيكون بينكم اسرار ازاي ؟!!!

الأم : حاجة وخلاص .

دعاء : قولي الصراحة يا ماما ، انتي هتخبي عليا !!!

الأم : قولتله ادخل علي مراتك .

دعاء : يا لهوي !!! قولتيله كده ؟!!!

الأم : ايوه .

دعاء : ليه كده يا ماما ؟؟ ابص في وشه انا ازاي ؟؟!

الام : انا شايفة انكم مصممين ترجعي لمروان ، ومادام هترجعيله يبقي ترجعي في الحلال بدل ما عيشتك معاه كلها تبقي حرام في حرام .

دعاء : لكن مينفعش تقوليله في وشه كده !! ومين قالك ان انا هوافق ؟؟

الام : انا كده خلاص خلصت من ذنبكم وقولت اللي يرضي ضميري .

في بيت داليا ...

عاد ادهم الي المنزل فأبتسمت و تعجبت داليا : ايه ده يا حبيبي ؟ مش انت المفروض كنت هتبات هناك النهاردة !!!

ادهم : ما انتي عارفة ان امها تعبانة وبايته عندها .

داليا : اومال اتأخرت ليه ؟؟ انت خرجت من شغلك من بدري !!!

ادهم : روحت انا ومروان نطمن علي ام دعاء .

داليا : طيب اطلبلنا دليفري بقي .

ادهم : ليه ؟ مفيش اكل ؟

داليا : ما انت عارف اني عاملة دايت ومش باكل كتير ، مفيش في التلاجة الا الفاكهة .

ادهم : طيب خلاص ، انا اكلت عند ام دعاء .

داليا : يعني تاكل من ايد الهانم ومتاكلش من ايدي ؟؟

مروان : يا حبيبتي ايدك ازاي ؟ مش بنقولي اطلب دليفري !!!

داليا : يا حبيبي بضحك معاك ، اطلبلنا اكل بجد علشان نفسي اتفتحت لما شوفت يا حبيبي .

ادهم : حاضر ، هطلب وامري لله .

علي المقهي ...

يجلس مروان بجوار صديقه زين الذي يلاحظ عليه استغراقه في التفكير !!!

زين : مالك يا صاحبي ؟

مروان : لا ابدا مفيش حاجة .

زين : علي مين ؟ عليا انا !!! قول فيه ايه ؟؟

مروان : النهاردة كنت عند حماتي وكان هناك ادههم اللي كتب كتابه علي دعاء ، وحماتي كلمته في ودنه ، حاسس انهم بيتفقوا علي حاجة !!

زين : ومسألتهمش ليه ؟

↚

مروان : سألتها قالت انها كانت بتقوله ياخد مصاريف المستشفي ، وسألته هو كمان لما نزلنا قالي نفس الكلام .

زين : طيب وشاغل بالك ليه ؟

مروان : كلام ادهم كمان النهاردة ان جوازه من دعاء ده غلط .

زين : اقولك فكرة حلوة .

مروان : قول يا صاحبي .

زين : خليه يطلقها وجوزهالي انا .

ينهض مروان غاضبا : : تصدق انا غلطان اني بتكلم مع واحد زيك ثم ينصرف .

يجلس مروان في منزله وحيدا يقول لنفسه " انا ازاي وصلت لكده ؟؟ افضفض مع صحبي توصل به انه يقولي كلمة زي دي !!! للدرجادي مفيش امان ؟!! ولا انا اللي غلطان ، ازاي ادخل اللي يسوي واللي ميسواش في حياتي واسرلري ؟!!! ايوه فعلا انا اللي غلطان ، وغلطان كمان لما كل شوية كنت بطلق دعاء ، شوفت النهاردة لما ادهم قالك حاسب علي كلامك انا واقف !! ودلوقتي الانسانة اللي بحبها بقيت علي ذمة واحد تاني ، ولولا الاتفاق اللي بينا كان ممكن ...، وكمان لو حد غير ادهم كان اكيد ..... ، لا لا يا مروان انت غلطك كل يوم بيزيد مش بيقل واخرة غلطاتي دي بدأت ادفع تمنها والله اعلم ايه اللي هيحصل تاني !!! " .

بعد يومين ...

دعاء : الحمد لله بقيتي احسن النهاردة يا ماما ؟؟

الام : ايوه الحمد لله احسن .

دعاء : طيب انا رايحة شقتي النهاردة وهرجعلك بكره الصبح .

الام : روحي يا بنتي واسمعي اللي قولتلك عليه .

دعاء : تاني يا ماما ؟!!

تابع صفحة ألف قصة وقصة

الام : تاني وتالت ورابع ، انا خلاص قربت اموت و مقدرش اشوف غلط واسكت .

دعاء : صعب يا ماما ، مينفعش ، انا فكرت في كلامك اللي قولتيه قبل تعبك لكن لقيت الموضوع صعب عليا .

الام : انتي هتجننبني !! يعني صعب في الحلال مع ادهم وسهل تعيشي عمرك كله في الحرام مع مروان ؟؟!!!

دعاء : مروان كان جوزي واخدت عليه و فيه بينا مشاعر ، انما ادهم لأ .

الام : انا قولتلك نصيحتي وبرأت ذمتي وضميري منكم كلكم .

دعاء : طيب يا ماما هفكر في اللي بتقوليه .

الام : طيب يا حبيبتي ، خلي بالك من نفسك يا دعاء .

دعاء : حاضر يا ماما ، خلي بالك انت من نفسك ، العلاج جنبك اهو والتليفون كمان لو احتجتي اي حاجة في اي وقت كلميني .

الام : حاضر .

دعاء : ولا تحبي اقعد معاكي النهاردة ؟

الام " تبتسم " : لا يا حبيبتي روحي بيتك ، انا عايزة انام الليلة براحتي وانتي بتقلقيني وانتي قاعدة جنبي .

دعاء " تضحك " : حاضر يا ستي هريحك مني الليلادي .

الام : تعالي قربي كده عايزة اخدك في حض.ني .

تقترب منها ابنتها دعاء وتضمها اليها ثم تقب.لها .

تذهب دعاء الي منزلها وتقضي اليوم في تنظيفه وترتيبه وطهي الطعام .

وفي المساء ...

يذهب ادهم الي دعاء ويدق جرس الباب ...

تفتح دعاء الباب في خجل " خاصة بعدما علمت بكلمات امها لادهم " .

دعاء : اهلا وسهلا اتفضل .

ادهم : مامتك عاملة ايه دلوقتي ؟؟

دعاء : الحمد لله احسن النهاردة .

ادهم : ربنا يطمنا عليها .

دعاء : ربنا يخليك ، قول بقي صرفت كام في المستشفي .

يضحك ادهم : انتي صدقتي ان مامتك كانت بتقولي في ودني علي الفلوس ؟؟

دعاء : بغض النظر عن انها قالتلك او لأ انا لازم ادفعلك فلوسك .

ادهم : الفلوس دي انا مش هاخدها فعلا ، خلينا بقي في الأهم من الفلوس .

دعاء " بتوتر " : نعم ؟؟

↚

ادهم : الفلوس دي انا مش هاخدها فعلا ، خلينا بقي في الأهم من الفلوس .

دعاء " بتوتر " : نعم ؟؟

ادهم : مامتك وصتني عليكي كتير .

دعاء : ايوه عارفة ، ربنا يخليهالي انا وهي منقدرش نستغني عن بعض ابدا .

ادهم : وكمان مامتك قالتلي ان جوازنا الشرعي لازم يتم علشان تقدري ترجعي لمروان ، وعلفكرة قبل ما تتكلمي هي عندها حق لأن انا سألت واتأكدت .

دعاء : والمطلوب ايه دلوقتي ؟

ادهم : شوفي انتي عايزة ترجعي لمروان فعلا ولا لأ ؟؟

دعاء : والله انا محتارة ، ساعات احس اني عايزة ارجعله وساعات اقول اني لو رجعتله هتبقي اكبر غلطة في حياتي .

ادهم : والله يا دعاء احنا كلنا في موقف لا نحسد عليه ، شوفي انتي هتقرري ايه وقوليلي لكن لازم تاخدي قرلر .

دعاء : طيب انا هجهزلك الاكل وهدخل اوضتي افكر .

جلس ادهم يتناول الطعام ومازالت كلمات ام دعاء في اذنه...

- ادخل علي مراتك .

وكلمات صديقه وليد ...

- لازم تعمل اللي حلمت به بالليل علشان يكون ضميرك مرتاح .

وايضا كلمات امام المسجد ...

- لا صعوبة في ذلك فهي زوجتك وانت زوجها ولك منها ما للزوج من زوجته كزوجتك الاولي تماما .

هو علي يقين ان ما فعله بزواجه منها لارضاء مروان كان خطأ ، و الان هو يريد تصويبه .

كما ان شهو.ة الرجل بداخله تدفعه لنزوة عابرة خاصة انها في اطار الحلال .

اصبحت الان نظرته لها مختلفة ، هي بالطبع ليست نظرة حب ولكنها نظرة رغبة محتملة !!

انتهي من طعامه واخذ القهوة ودخل الغرفة واشعل سيجارته و بدأ في اللعب في هاتفهه ولكن ذهنه يفكر في شيئا اخر .

كيف سيبدأ وكيف يزيل ذلك الجدار الحديدي بينهما ؟؟

هي ليست زوجته التي اعتادها وليست ايضا حبيبته ليكون بينهما مشاعر .

وفي ذات الوقت ليست سا.قطة او عا.هرة ليكون معها اكثر جرأة .

هل يكون اكثر جرأة ويطلبها الي فراشة بكل وضوح ؟؟ ام يفتعل موقف ليقترب منها ويزول الحاجز بينهما شيئا فشيئا ؟؟

واثناء ذلك يدق جرس هاتفهه ليجد داليا ...

داليا : حبيبي وحشتني اوي .

ادهم : بجد ؟ ده انا كنت لسه معاكي البارح !!

داليا : يا حبيبي انت مكنتش بتغيب عني الا ٨ ساعات للشغل وترجعلي ، دلوقتي بتغيب عني كتير .

ادهم : بالنسبالي انا عايز اطلقها لكن اخوكي اللي بيقولي استني اسبوعين .

داليا : احنا كنا غلطانين لما وافقنا مروان علي كلامه ، ياريتنا كنا رفضنا .

ادهم : اللي حصل حصل خلاص ، المهم في اللي جاي .

داليا : اللي جاي يا حبيبي لازم نخلص من الموضوع ده ، انا هكلم مروان دلوقتي وهقنعه انك تطلق دعاء دلوقتي ، وهو وهي يتصرفوا بعيد عننا .

في غرفة دعاء

تجلس دعاء ومازالت في حيرتها !!

داخلها الرغبة قوية في الرجوع لمروان !! ولكن

ولكن السبيل الوحيد لذلك الان هو ... لا ، صعب ، حقا صعب ان تتخيل نفسها مع رجلا اخر !!

صعب ان تتخيل نفسها بين احضا.ن ادهم !!

↚

وفي ذات اللحظة هي غير مطمئة علي مستقبلها مع مروان خاصة بعد كل ما حدث !! هو السبب فيما تعانيه الان .

الان اذا قررت الا تعود الي مروان ماذا ستفعل في حياتها بعد طلاقها من ادهم ؟؟

المستقبل اذا كان بعيدا عن مروان سيكون غامض ، فهل تستطيع ان تكمل حياتها بعيدا عنه ؟؟

تتصل داليا بأخيها مروان ..

داليا : ازبك يا مروان .

مروان : ازيك يا داليا اخبارك ايه ؟

داليا : انا مش كويسة يا مروان وانت السبب .

مروان : انا !! ليه ؟؟

داليا : علشان الورطة اللي ورطتنا فيها .

مروان : ورطة ايه انا مش فاهم حاجة ؟!!

داليا : جوازه من دعاء !! انا حاسة بأدهم بيبعد عني ، وانا ولا هو لينا ذنب في كل ده !!

مروان : متقلقيش يا داليا كلها اسبوعين تلاته ويطلقها وترجعوا زي الاول وكل يومين تتصلوا بيا علشان اصالحكم لما تتخانقوا .

داليا : لا يا مروان انا مش هقدر استني اسبوعين ، بكره يا مروان .

مروان : بكره ايه ؟؟

داليا : بكره ادهم لازم يطلق دعاء .

مروان : اصبري شوية علشان الموضوع يبقي كأنه طبيعي .

داليا : لأ مش هصبر ، احنا خلاص عملنا الواجب معاك ، حل انت بقي مشاكلك زي ما تحب بعيد عننا .

مروان : طيب علشان خاطر اخوكي يا داليا .

داليا : علشان خاطر اختك انت خليه يطلقها بكره ، انا حاسة ان بيتي هيتخرب بسببك .

مروان : لا يا حبيبتي بيتك مش هيتخرب ولا حاجة ، انا هتفق مع ادهم يطلقها بعد اسبوع واحد ، مبسوطة كده ؟؟

داليا : اسبوع واحد يا مروان ؟ انا و ادهم مش هنصبر بعده يوم واحد .

مروان : وانا موافق ، خلاص بقي يا داليا فرفشي وبلاش التكشيرة دي .

داليا : لما اشوف اخرتها معاك انت ومراتك .

في غرفة ادهم

لازال ادهم في حيرته وتردده ولكنه اوشك علي اتخاذ الخطوة ، ولكن كيف ؟؟ ليست هناك عقبة في تفكيره سوي البداية ، مجرد البداية وازاحة الحاجز .

مرت الساعات ساعة وراء الأخري حتي سلمت عينيه للنوم .

" يري ادهم زوجته داليا حزينة ودموعها علي وجهها يقترب منها ويمسح دموعها باصابعه ويضمها اليه برفق فتعا.نقه عنا.قا قويا " .

في غرفة دعاء

اكثر ما يخيفها هو غموض مستقبلها اذا ما عادت الي مروان ، فهي لم تحب غيره و لا تعرف سواه ، ثم انها ستصبح طليقة لرجلين في هذا العمر وبالتأكيد سيكون من الصعب عليها ان تجد رجلا اخر يرضي بها وبحافظ عليها ويرعاها .

كل الحلول غير مرغوبة ولكن افضلها وأمنها هي العودة لمروان .

اذن عليها ان ترضي بمعاشرة ادهم لها !!

ولكن كيف ؟؟

وماذا لو عرف مروان ؟؟

لا يهم فهو من اوصلني لما انا فيه الان .

هي تعلم جيدا ان ادهم من الصعب ان يأخذ الخطوة الاولي ، اذن عليها الان ان تسهل له تلك الخطوة !!!

نظرت في الساعة التي تعدت منتصف الليل ، نظرت الي نفسها في المرأة ثم خرجت من الغرفة و سارت خطوات حتي وصلت غرفته .

اذن عليها الان ان تدخل غرفته وتقول له انها قررت العودة لمروان وفي تلك اللحظة سيفهم انها موافقه علي ما سيفعله معها .

ذهبت الي غرفته و دقت الباب دقة خفيفة ولم تسمع منه رد ففتحت الباب ودخلت لتراه نائما !!

اذن الامر مهيأ لها الان ليس عليها سوي ان توقظه وتخبره .

دعاء " بصوت منخفض " : ادهم ... ادهم .

لم يجيبها !!

فقربت اصابعها وحركت كتفه برفق حتي توقظه : ادهم ... ادهم .

يشعر بها ويفتح عينيه فيشعر بها تناديه من خلفه و تحرك كتفه لتوقظه !!!

يندهش ادهم !!!!! ايه ده ؟؟ انا بحلم ولا ده بجد ؟؟ هي معقوله جات لحد هنا وبتصحيني في الوقت ده !!!

ده معني كده انها وافقت اني .......

↚

يندهش ادهم !!!!! ايه ده ؟؟ انا بحلم ولا ده بجد ؟؟ هي معقوله جات لحد هنا وبتصحيني في الوقت ده !!!

ده معني كده انها وافقت اني .......!!!

ها قد حانت اللحظة ولكنه هنا تذكر رؤيته لحزن داليا في منامه وكأنها كانت تشعر بما سيحدث !!!

لم يستجيب لندائها ادهم وكأنه مازال نائما !!!

تنظر له دعاء ثم تنصرف بهدوء عائدة الي غرفتها .

تجلس علي فراشها وتقول " في خاطرها " : الحمد لله انه مش حس بيا ، انا مش عارفة اللي كنت هعمله ده صح ولا غلط ، بقي انا ارخص نفسي للدرجادي !! " .

ثم ترد علي نفسها : " ترخصي نفسك ليه ؟ انتي مش هتعملي حاجة غلط ، هو جوزك ولازم يحصل كده علشان ترجعي لمروان حبيبك " .

ثم تقول لنفسها : منك لله يا مروان ، انت السبب في اللي انا فيه ده .

صباح اليوم التالي

يجلس ادهم يتناول الفطور يتابع دعاء بنظراته بينما تحاول هي الا تلتقي عينيها بعينيه .

ثم يسألها : اخدتي قرار ولا لسه ؟

دعاء : لسه .

ادهم : حاولي تاخدي قرار النهاردة ، عايزة ترجعي لمروان ولا لأ ، لو مش عايزة ترجعي لمروان يبقي الموضوع منتهي ، هطلقك وانتي ترفضي رجوعك لمروان وخلصت الحكاية ، انما لو عايزة ترجعيله نتكلم بقي .

دعاء : نتكلم في ايه ؟

ادهم : ننفذ شرط ان جوازنا يكون شرعي .

دعاء : انا داخلة المطبخ .

ادهم " بجرأة " : انت كنتي بتصحيني بالليل ؟؟

دعاء : ها ؟ اصحيك !!

ادهم : ايوه ، انا حسيت انك كنتي بتصحيني معرفش ده كان حلم ولا حقيقة .

دعاء : وانا هصحيك ليه ؟

ادهم : معقول كنت بحلم ؟!

دعاء : بصراحة ايوه كنت بصحيك بالليل .

ادهم : ليه ؟

دعاء : ااا كنت ...

ادهم : كنتي ايه اتكلمي .

دعاء : كنت عايزاك تفكر معايا .

ادهم : علي العموم انا رايح الشغل وفكري تاني برحتك لحد بكره ، وبكره لما اجي نتكلم ونشوف وصلتي لأيه .

في العمل ...

وليد : ايه يا ادهوم من كام يوم وانت مش باين ليه ؟؟

ادهم : ما انت عارف شغلي اليومين اللي فاتوا كان في الموقع علشان كده مكنتش باجي الشركة .

وليد : ده انا افتكرتك اخدت اجازة علشان العروسة الجديدة .

ادهم : عروسة ايه انت صدقت !! لأ طبعا .

وليد : يعني لسه بردو محصلش حاجة .

ادهم : لأ ، واسكت بقي مبحبش اتكلم في المواضيع دي .

وليد : مادام الموضوع مش في دماغك تبقي غلطان انك وافقت من البداية .

ادهم : عارف اني غلطان لكن انا وافقت علشان اخو مراتي ، عموما اهو درس اتعلم منه .

في المساء

في بيت داليا

يدخل ادهم من باب الشقة فتستقبله داليا بالاحضا.ن ...

داليا : حبيبي وحشتني اوي .

ادهم : وانتي كمان .

داليا : بجد ولا من ورا قلبك ؟

ادهم : بجد طبعا يا قلبي ، ادخل اخد شاور علي ما تجهزي الاكل يا قلبي .

بعد الطعام

تجلس داليا بجوار ادهم وتضع يدها علي كتفه و تنظر بعينيها " برومانسية " في عيون ادهم .

ادهم : ايه يا حبيبتي بتبصيلي كده ليه ؟!!

داليا : عايزة اسألك سؤال وتجاوبني بصراحة .

ادهم : اسألي يا حبيبتي .

داليا : وانت في بيت داليا مش فكرت خالص انك يعني ....

ادهم : متكمليش يا داليا .

داايا : ليه ؟ انا عايزة اعرف .

↚

ادهم : تعرفي ايه !! انتي عارفة الاتفاق اللي بيني وبين اخوكي .

داليا : ايوه عارفة لكن انا عارفة بردو ان الشيطا.ن شاطر ، ما اجتمع رجل وامرأة الا كان الشيطان ثالثهما .

ادهم " يضحك بسخرية " : ايه ده ، اومال هو فين ؟؟

داليا : هو مين ؟

ادهم : الشيطا.ن يا حبيبتي ، ما انا وانتي لوحدنا اهو ، هو فين بقي ؟

داليا : لا يا حبيبي انا مراتك وانت جوزي الشيطا.ن لو دخل بينا هيكون يوقعنا في مشاكل انما اللي بالي بالك لأ الشيطا.ن ملوش مكان لأنه حلال .

ادهم " يستفزها ويضحك " : وهي كمان مراتي .

داليا " بغضب " : بلاش تجنني بالكلمة دي .

ادهم " يضحك " : طيب بلاش الكلام اللي بيزعل ده علشان الشيطا.ن ميدخلش بينا .

داليا : غصب عني بغير عليك يا حبيبي .

ادهم : وانا بحبك اوي ، لكن عايز اعرف ايه الحب اللي ملا قلبك ده بعد موضوع دعاء ومروان ؟؟!

داليا : كنت جنبي وقدام عينيا ليل ونهار ، لكن لما بتغيب عني بحس اني همو.ت عليك .

ادهم : طيب تعالي ندخل جوه ونشوف مين فينا بيحب التاني اكتر .

في منزل ام دعاء

ذهبت دعاء الي امها التي بمجرد ان رأتها قالت : تعالي يا حبيبتي تعالي وحشتيني اوي يا دعاء .

دعاء : وانتي اكتر يا ماما ، بس انا كنت هنا ومشيت من هنا البارح الصبح .

ام دعاء : بردو وحشتيني اوي ، ما انتي عارفة يا دعاء انا مخلفتش غيرك يا حبيبتي وخلفتك علي كبر علشان كده حبك في قلبي ميتوصفش .

دعاء : ربنا يخليكي ليا يا ماما .

ام دعاء : ويخليكي ويسعدك يا بنتي ، المهم قوليلي عملتي ايه انتي وجوزك .

دعاء : قصدك مروان ولا ادهم ؟

ام دعاء : مروان !!! لأ طبعا مروان دلوقتي مش جوزك ، ادهم هو جوزك يا خايبة .

دعاء : ايوه يا ماما عندك حق ، منك لله يا مروان .

ام دعاء : ايوه منه لله ، المهم عملتي ايه مع ادهم جوزك .

دعاء : في ايه يا ماما ؟

ام دعاء : محصلش بينكم حاجة .

دعاء : لأ .

ام دعاء : بردو ؟!!!! اومال هترجعي لمروان ازاي ؟؟

دعاء : مش عارفة .

ام دعاء : اللي انتوا بتعملوه ده حرام ، اوعي تطلقي من ادهم علي كده وترجعي لمروان ، هتبقي حياتكم كلها زنا .

دعاء : يا ماما وانا اعمل ايه ؟

ام دعاء " بعصبية " : معرفش ، يبقي مترجعيش للمنيل اللي اسمه مروان ويكون احسن والله انا مش مطمنة عليكي معاه .

دعاء : حاضر يا ماما بس متعصبيش نفسك .

في مساء اليوم التالي

في منزل دعاء

يدق ادهم جرس الباب ...

دعاء : اهلا وسهلا اتفضل .

دخل ادهم وواضح عليه الارهاق !!

دعاء : احضرلك الاكل .

ادهم : ياريت بس معلش عايز اخد شاور لأني مرهق جدا .

دعاء : طيب اتفضل علي ما اجهزلك الاكل .

يخرج ادهم من الحمام ويجلس يتناول الطعام .

ادهم : مش ناوية تاكلي معايا ؟

دعاء : مليش نفس .

ادهم : تبقي اكيد متضايقة او لسه بتفكري .

دعاء : لسه بفكر .

ادهم : طيب انا النهاردة جاي اعرف قرارك لسببين .

دعاء : ايه هما ؟؟

ادهم : اولا الحاجة مامتك وصتني عليك ، ثانيا اعرف دوري ايه بعد قرارك ، فاهماني ولا مش فاهماني ؟

دعاء : فاهماك لكن مش قادرة اخد قرار .

ادهم : طيب نفكر بصوت عالي مع بعض ؟

دعاء : بالنسبة لمروان انا عايزة ارجعله لكن في نفس الوقت خايفة علي مستقبلي معاه ومش مطمنة .

ادهم : بلاش ترجعيله ، اطلقك وبعد العدة شوفي راجل تاني تطمني علي نفسك معاه .

دعاء : وازاي اتجوز حد تاني وانا قلبي لسه مع مروان ؟؟!

ادهم : خلاص ارجعي لمروان وحاولي تغيري منه ومن نفسك وواحدة واحدة الخلافات بينكم تدوب و تعيشوا في سعادة .

دعاء : فيه مشكلة تانية لو قررت ارجع لمروان .

ادهم : ايه هي ؟

دعاء " بخجل " : الشرط اللي بتقولوا عليه .

ادهم : قصدك ايه ؟

دعاء : انت فاهم .

ادهم : قصدك ان انا وانتي ...

دعاء : ايوه .

ادهم : وايه المشكلة ؟؟

دعاء : ايوه طبعا انت بالنسبالك مفيش مشكلة ، المشكلة عندي انا !!

ادهم : مفيش مشكلة ولا حاجة .

دعاء : انت مش بتحب دعاء ؟؟

ادهم : بحبها جدا .

دعاء : وتقدر تعمل كده مع واحدة غيرها ؟؟

ادهم : بصراحة صعب لكن اذا كان في الحلال ...

دعاء : مش قولتلك انت بالنسبالك مفيش مشكلة !!

ادهم : لأ طبعا بالنسبالي صعب بردو .

دعاء : اومال ازاي بتقول كده ؟!!

ادهم : انا هكلمك بصراحة وبوضوح ، انا قصدي اننا نتغلب علي حاجة الخجل اللي بينا وووو.

دعاء : ووو ايه ؟؟

ادهم : وانام معاكي ويبقي جوازنا شرعي وبعدها ترجعي لمروان .

دعاء : سهل كده ؟؟!!! بتقول كده ومش خايف من داليا او من مروان ؟؟

ادهم : ومين هيقولهم ؟؟

↚

دعاء : سهل كده ؟؟!!! بتقول كده ومش خايف من داليا او من مروان ؟؟

ادهم : ومين هيقولهم ؟؟

دعاء : واضح انك مش بتحب داليا .

ادهم : ليه بتقولي كده ؟ بالعكس بحبها جدا .

دعاء : علشان مش خايف علي زعلها !!

ادهم : بالعكس انا مقدرش ازعلها ابدا .

دعاء : معني كلامك انك مستحيل تخليها تعرف حاجة زي كده ؟

ادهم : بالظبط كده ، وانتي كمان اكيد مش عايزة مروان يعرف ؟؟

دعاء : طبعا ده كان يد.بحني .

ادهم : معني كده ان لو حصل حاجة بينا دلوقتي مستحيل حد تالت يعرفها ؟

دعاء : بيتهيألي كده ، انت قصدك ايه ؟؟ انت بتلف وتدور علشان ......

ادهم : مقصدش حاجة ، انا بفكر معاكي بصوت عالي .

دعاء : بنفكر مع بعض و بردو مش عارفة اخد قرار .

ادهم : هقولك رأيي و فكري فيه واحنا قاعدين .

دعاء : اتفضل .

ادهم : انا من رأيي ترددك ده معناه انك عايز ترجعي لمروان ، ارجعيله لكن حاولي تاخدي ضمانات منه قبل ما ترجعيله ولو مش عطاكي ضمانات كافية تنسيه خالص و شوفي نصيبك مع حد تاني .

دعاء : تفتكر كده ؟؟

ادهم : واضح ان مهما تفكري هيكون ده قرارك النهائي انك ترجعيله ، وانا ممكن اساعدك انك تاخدي ضمانات كافية علي مروان .

دعاء : لكن ..

ادهم : لكن كده لازم جوازنا يتم شرعي علشان ترجعي لمروان .

دعاء : انت بتقول كده علشان سهل بالنسبالك ، انما صعب عليا انا .

ادهم : مين قالك انه سهل بالنسبالي ، صدقيني صعب بردو ، لكن هو ده الحل الافضل والمناسب ليكي .

دعاء : افضل ازاي ؟

ادهم : يعني مش هنعمل حاجة غلط ولا حرام ، وبعدها هتكوني قادرة ترجعي لمروان ، وحتي لو مش رجعتي لمروان انتي مش عملتي حاجة غلط .

كل ذلك وادهم يكلمها ودعاء لا تستطيع ان تدير نظرها تجاهه .

دعاء : انت مستسهل الموضوع و بتتكلم كأننا هنشرب شاي مع بعض !!!

ادهم : انا قاعد في الاوضة التانية فكري وردي عليا .

نظرت له دعاء بدهشة ، فابتسم وقال لها : ومتتأخريش عليا .

دعاء : اديني وقتي افكر .

ادهم : لأ ، هما ساعتين بالكتير وتردي عليا علشان عايز انام .

دعاء تقف بعصبية : بقولك ايه يا ادهم .

ادهم : نعم .

دعاء " بعصبية " : اغت.صب.ني .

ادهم " بدهشة " : نعم ؟!!!

دعاء : زي ما سمعت ، هو ده الحل الوحيد .

ادهم : انتي اتج.ننتي ؟ ايه اللي بتقوليه ده ؟؟

دعاء : انا مش قادرة استوعب وفي نفس الوقت عايزة ارجع لمروان ، يبقي مفيش قدامنا الا كده .

ادهم : ومين قالك اني ممكن اعمل كده ؟؟ انتي شايفاني حيوان للدرجادي ؟!!!

دعاء : اسفة والله يا ادهم مش قصدي ، بالعكس انت انسان محترم جدا وواقف جنبنا في كل حاجة ، وعلفكرة اي ست تتمناك ، لكن اعذرني انا مفيش حد لمسني غير مروان علشان كده مش قادرة !! علشان كده بقولك اغت.صب.ني علشان نخلص من الموضوع ده ونخرج كلنا من دايرة الحرمانية .

يضحك ادهم ضحكة عالية تستفزها فتقول : انت بتستفزني كده !! انت بتضحك ليه ؟؟

ادهم : بتخيل الموقف فضحكت .

↚

دعاء : طيب خلاص ، انا سحبت كلامي وهرجع لمروان وخلاص اعيش معاه بقي في الحرام او الحلال ، اي حاجة .

ادهم : انا اسف بجد اني ضحكت .

دعاء : وايه اللي يضحك في كلامي ؟؟

ادهم : كنت هقولك تمثلي انك نايمة وانا اجيلك وانتي نايمة .

دعاء : ماشي موافقة .

ادهم " يضحك " : واحنا كده بنمثل علي مين ؟؟

دعاء : مش علي حد ، انا بقولك كده لأني مكسوفة ومش...

ادهم : خلاص انا فهمتك ، موافق .

دعاء : طيب اتفضل بقي علشان انا هنام بجد وانت استني شوية اديني فرصة انام .

ادهم : تمام ، انا رايح وهديلك فرصتك تنامي وانتي كمان اديني فرصتي .

دعاء : فرصتك ازاي يعني مش فاهمة ؟!!!

ادهم : يعني خففي الهدوم اللي لابساها دي شوية .

دعاء : اه ، حاضر ماشي .

ينصرف ادهم الي الغرفة الاخري ، بينما تظل دعاء في غرفتها .

تخفف ملابسها وتتمدد علي فراشها وتحاول ان تستغرق في النوم دون جدوي !!

يزداد شعورها بالارق والتوتر فتنهض لتطفئ اضاءة الغرفة وتغمض عينيها لعلها تستطيع النوم .

وبعد اقل من نصف الساعة فجأة يدق جرس هاتفهها وتجد المتصل امها ..

دعاء : الو ، ايوه يا ماما عاملة ايه ؟

: ........ ( لم تسمع اي رد منها !! )

دعاء : ماما ، بقولك انا بقولك عاملة ايه ؟ مبترديش ليه ؟؟!!

: ......... ( لم تسمع اي صوت !! )

دعاء : ماما ، انتي مبترديش ليه ؟؟ ماما ... ماما ...

يتملكها القلق فتنهض وترتدي ملابسها سريعا وتخرج لتخبر ادهم ...

دعاء : انا رايحة لماما دلوقتي .

ادهم : دلوقتي ؟!!!

دعاء : ايوه ماما اتصلت بيا ولما رديت عليها مردتش عليا !! خايفة يكون ..

ادهم : متخافيش ممكن تكون الشبكة ضعيفة دلوقتي .

دعاء : لازم اروحلها حالا اطمن عليها .

ادهم : دقيقة واحدة هكون لابس هدومي ونازل معاكي .

يذهبا في اقصي سرعة الي منزل ام دعاء .

تدق جرس الباب مرات ومرات دون رد او اجابة !!!

تنادي عليها بصوت مرتفع ... ماما .. ماما ... ولكنها لم ترد عليها .

تفتح جارتهم بابها وتسألها عما يحدث ثم يتملكهم جميعا شعور عميق بالقلق !!

يقوم ادهم بفتح باب الشقة عنو.ة فتهرول دعاء الي غرفة امها وخلفها ادهم و جارتها ليجدوها قد فارقت الحياة و هاتفها ملقي بجوارها !!!

كانت صدمة فقد امها عليها قوية ، فمازالت تبكي بينما المعزيين حولها واولهم ادهم ومروان وداليا .

انتهت مراسم العزاء ولم يتبقي الا هم ...

مروان : متشكر اوي يا ادهم ، معلش يا داليا تعبناكي معانا .

داليا : لا طبعا دي دعاء زي اختي بالظبط .

دعاء " ببكاء " : ربنا يخليكي ليا يا داليا ، ويخليكوا ليا كلكم .

ادهم : متقوليش كده احنا أسرة واحدة ، والحاجة الله يرحمها كانت موصياني عليكي .

في منزل داليا

داليا : وصية ايه يا استاذ ادهم االي الحجة وصتك ببها ؟؟

ادهم : يا حبيبتي هي كانت خايفة علي بنتها من مروان فقالتلي اخلي بالي منها .

داليا " بغضب وسخرية " : تخلي بالك منها ازاي يا عسل ؟؟

ادهم : مالك يا داليا ؟؟

داليا : هي الحجة كانت ناوية تخليك تكمل مع بنتها ولا ايه ؟؟؟

ادهم : خلي بالك الست لسه متوفية النهاردة واول ليلة في قب.رها ، وهي كانت بتوصيني عليها علشان مروان ميرجعش يبهدلها تاني لو رجعوا لبعض .

داليا " بسخرية " : وانت هطلقها امتي بقي يا نحنوح ؟؟

ادهم : عايزاني اطلقها النهاردة !!! يعني يبقي موت امها وطلاقها في يوم واحد !!

داليا : طيب انا شايفاك بقيت نحنوح اوي معها !! قدامكم فرصة اسبوع انت ومروان علشان تخلصونا من الزفت ده وتطلقها .

في اليوم التالي

اتصل ادهم بدعاء صباحا ليطمئن عليها ...

ادهم : صباح الخير يا دعاء .

دعاء : صباح النور

ادهم : عاملة ايه دلوقتي ؟

دعاء : احسن الحمد لله .

ادهم : انتي فين النهاردة ؟؟

دعاء : في بيت ماما الله يرحمها ، علشان العزا تلات ايام .

ادهم : عندك حق ، طيب انا جاي النهاردة علشان اكون جنبك .

دعاء : متتعبش نفسك .

ادهم : لأ طبعا لازم اجي ، بعد الشغل مباشرة هجيلك .

بعد انتهاء العزاء ليلا لم يتبقي معها سوي ادهم .

ادهم : انتي هتباتي هنا لوحدك ؟؟

دعاء " بدموع " : ايوه خلاص مبقاش ليا حد .

ادهم : لأ ازاي !! اوعي تقولي كده !! انا جنبك متخافيش .

دعاء : ربنا يخليك يا ادهم ، مش عارفة ارد جمايلك ازاي ؟!!

ادهم : انا هبات معاكي هنا .

دعاء : هنا ؟؟

ادهم : لازم اكون جنبك .

↚

دعاء " بدموع " : ايوه خلاص مبقاش ليا حد .

ادهم : لأ ازاي !! اوعي تقولي كده !! انا جنبك متخافيش .

دعاء : ربنا يخليك يا ادهم ، مش عارفة ارد جمايلك ازاي ؟!!

ادهم : انا هبات معاكي هنا .

دعاء : هنا ؟؟!!

ادهم : لازم اكون جنبك .

دعاء : لكن زي ما انا شايف البيت مش مترتب علشان ناس بتيجي وناس بتمشي طول اليوم .

ادهم : مش مهم ، المهم اني مش هسيبك لوحدك .

دعاء : خلاص زي ما تحب ، احضرلك حاجة تاكلها ؟؟

ادهم : لأ تعالي الاول نرتب الشقة وبعدين ناكل .

دعاء : لا لا ، انا هعمل كل حاجة بكرة الصبح ، هجيبلك العشا حالا .

جلس ادهم علي المائدة وجلست معه دعاء يتناولون الطعام .

ثم ابتسم ادهم : تعرفي ان دي اول مرة ناكل مع بعض ؟!

دعاء : ايوه فعلا ، انا بصراحة ....

ادهم : بصراحة ايه كملي .

دعاء " بصوت باكي " : بصراحة انا مش متعودة اكل هنا لوحدي ، دايما كنت بقعد اكل مع ماما الله يرحمها .

ثم تنخرط قي بكاء شديد !!!!! وتنهض سريعا تدخل غرفة امها ترتمي علي فراشها وتبكي بحرارة .

يدخل ادهم يحاول تهدئتها ...

ادهم : كفاية بكاء .

دعاء " ببكاء " : ماما كانت كل حاجة في حياتي .

ادهم : حاولي تهدي دلوقتي ، كتر البكاء بالشكل ده غلط عليكي .

دعاء " تزداد بكاءا " : انا مش عارفة هعيش ازاي بعد ماما الله يرحمها .

ثم تنهار بكاءا فيجلس ادهم علي الفراش بجوارها و يحاول تهدئتها .

ثم تجد نفسها وقد اصبحت بين ذراعيه ، بينما هو استمر ولم يتمالك نفسه حتي استفاقت ونهرته قائلة : انت كده مش بتطبطب عليا !!!

ادهم : دعاء ، انتي لازم تكوني مراتي الليلة علشان اقدر احميكي واقف جنبك زي مامتك وصتني .

دعاء : ابعد بعد اذنك يا ادهم .

ادهم : ليه ؟ انتي مراتي وانا جوزك !!

دعاء تمسح دموعها : لا يا ادهم ، مش هنضحك علي نفسنا ، انا مش مراتك ولا انت جوزي ، دي تمثيلية بايخة سمعنا فيها كلام مروان .

ادهم : نخليها حقيقة .

دعاء : سؤال وتجاوبني بصراحة ، انت بتحب داليا مراتك ولا لأ ؟؟

ادهم : بحبها طبعا .

دعاء : يبقي تفضل معاها وتكملوا حياتكم زي ما كانت .

ادهم : وانتي هترجعي ازاي لمروان ؟؟

دعاء : انا مش هرجع لمروان ، انا قفلت صفحته خلاص .

ادهم : وهتعيشي ازاي دلوقتي من غيره بعد وفاة مامتك ؟ هتعيشي لوحدك ؟!!!

دعاء : هقولك انا هعمل ايه ، بس تعالي نطلع من الاوضة دي ونقعد بره .

خرجت دعاء وادهم وجلسوا في الصالة ثم سألها ادهم : قولي بقي قررتي ايه ؟؟ هتعيشي ازاي ؟؟

دعاء : خالي ومرات خالي في العزاء طلبوا مني اروح اعيش معاهم في البلد .

ادهم : وهتقدري تسيبي هنا وتعيشي في الريف ؟؟

دعاء : انا متربية هناك ، احنا عيشنا فترة من طفولتي هناك واعرف اعيش هناك كويس .

ادهم : يعني ده قرارك النهائي ؟؟

دعاء : ايوه ، بعد موت ماما انا مليش حد هنا ، انما هناك كلهم هيكونوا جنبي ، خالي ومرات خالي زي ماما و بنات خالي وخالتي واولادها ، هناك هكون مرتاحة اكتر وماما هتكون مطمنة عليا اكتر .

ادهم : وحبك لمروان ؟؟

دعاء، : حبي لمروان هنساه .

ادهم : بسهولة كده ؟!! بعد كل اللي عملناه علشان ترجعوا لبعض ؟!!

دعاء : اللي يخليه يطلقني تلات مرات بسهولة يخليني انساه بسهولة ، و بعد ما اضطريت اني اكون في الوضع اللي انا فيه ده بسببه يبقي لازم مرجعش له تاني .

↚

ادهم : انتي فعلا عندك حق .

دعاء : انا كان جوايا صر.اع وتفكير كتير وهي دي النتيجة اللي وصلتلها ، خصوصا بعد مو.ت ماما لازم افكر بعقلي اكتر من قلبي .

ادهم : ربنا يوفقك يا دعاء ، انتي بنت حلال وتستاهلي كل خير .

دعاء : ربنا يخليك وانت كمان وداليا مراتك تستاهلوا كل خير .

ادهم : بكره الصبح نروح للمأذون ونطلق علشان تسافري براحتك في اي وقت .

صباح اليوم التالي

تجهز دعاء الفطور لأدهم الذي يبتسم ويقول : اول مرة اشوف اتنين رايحين يطلقوا ومراته بتجهزله الفطار وبتضحك في وشه .

دعاء " تبتسم " : وهقعد اكل معاك كمان .

ادهم : وانا راجع من الشغل هتصل بيكي علشان نروح للمأذون .

في المساء

بعد اجراء الطلاق ...

دعاء : انا عايزاك متعرفش مروان اننا اتطلقنا الا بكره .

ادهم : ليه ؟

دعاء : مش عايزة وجع دماغ ، بكره الصبح هكون اخدت حاجاتي وسافرت عند خالي ، بعدها لما مروان يعرف اننا اتطلقنا لما يتصل بيا اعرفه اني مش هرجعله وهعيش في البلد عند خالي .

ادهم : ولو راحلك البلد ؟؟

دعاء : مش هيقدر يعمل حاجة ، هناك جنبي خالي وكل قرايبي هيكونوا معايا ورأيهم من رأيي .

في منزل داليا

عاد ادهم مساء من عمله فوجد المنزل في غاية اناقته واستقبلته داليا بابتسامة جميلة ...

داليا : حمدلله ع السلامة يا حبيبي ، وحشتني اوي .

ادهم " بابتسامة " : يا تري هفضل اوحشك كده لحد امتي ؟؟

داليا : انت بتوحشني وانت جنبي يا حبيبي .

ادهم : يا سلام علي الكلام اللي يفتح النفس ، يارب تكوني كده دايما .

في صباح اليوم التالي

داليا : ادهم ، ادهومه ، قوم يا حبيبي علشان شغلك .

ادهم يفتح عينيه بابتسامة : صباح الورد يا حبيبتي .

داليا : قوم يلا علشان تفطر .

يجلس ادهم علي المائدة يتناول طعامه ويبتسم : عندي خبر ليكي هيفرحك اوي .

داليا : قول يا حبيبي فرحني .

ادهم : انا طلقت دعاء البارح .

داليا : بتتكلم بجد ؟؟

ادهم : وحياتك طلقتها البارح .

داليا : يا حبيبي ، كنت عارفة ان مفيش واحدة تملا عينك وقلبك غيري .

ادهم : طبعا يا قلبي .

داليا : ومقولتش ليه اول لما رجعت البارح باليل ؟؟

ادهم : هي طلبت مني معرفش حد الا النهاردة علشان تكون سافرت عند خالها ، لأنها مش ناوية ترجع لمروان .

داليا : ايه ده !!! بجد ؟؟

ادهم : ايوه ، هي بتقول انها مش مطمنة له بعد ما طلقها تلات مرات .

داليا : قولي بصراحة يا ادهم وصدقني مش هزعل وهعديها ، حصل حاجة بينك وبين دعاء ؟؟

ادهم " يضحك "

داليا " بعصبية " : بلاش استفزاز وقول حصل حاجة بينكم ؟؟

ادهم : لأ طبعا وحياة حبي ليكي وحياة بنتنا محصلش بيني وبينها حاجة .

في العمل

يأتي لأدهم اتصال من مروان ...

ادهم : ايوه يا مروان .

مروان : ايه اللي حصل يا ادهم ؟؟

ادهم : طلقت دعاء .

مروان : هي صحيح قالتلك انها مش عايزة ترجعلي تاني ؟؟

ادهم : الصراحة ايوه قالت كده .

مروان : وايه اللي حصل علشان تقول كده ؟؟ قولي يا ادهم حصل حاجة بينك وبينها ؟؟ اتكلم بصراحة وانا هتفهم الموقف .

ادهم : محصلش بيني وبينها اي حاجة ، وهي اخدت قرار انها مش هترجعلك بعد مو.ت مامتها علشان مش مطمنة علي نفسها معاك بعد ما طلقتها تلات مرات .

مروان : لكن احنا بنحب بعض ، انا هسافرلها .

ادهم : انت حر لو عايز تسافرلها ، لكن سفرك زي عدمه يا مروان لأنها مش هترجعلك تاني ، هي قررت تعيش هناك جنب اهلها .

في بيت خال دعاء

مروان : انا جاي يا دعاء علشان نرجع لبعض واشهد كل قرايبك عليا اني عمري ما هزعلك تاني .

دعاء : مش هبنفع نرجع لبعض تاني .

مروان : ليه ؟ اوعدك اني هتغير .

دعاء : انت مش وحش يا مروان علشان توعدني انك تتغير لكن انا وانت رغم اننا كنا بنحب بعض لكن مش عارفين نغهم بعض واللي خلاك تطلقني تلات مرات ممكن تحصل رابع وخامس وسادس مرة كمان .

مروان : لو عايزة اي ضمان ليكي انا موافق ،المهم اننا نرجع لبعض .

دعاء : ابدأ حياتك من جديد يا مروان زي ما انا هبدأ حياتي من جديد واللي غلطنا فيه في تجربتنا مع بعض يفيدنا في حياتنا الجديدة .

مروان : ده اخر كلام عندك .

دعاء : ايوه ده اخر كلام ، ربنا يوفقك .

تمت