رواية جرحني وصار معشوقي~ للكاتبة/ رسمتك حلم- منقولة الفصل السادس والعشرون 26 - بقلم 🤎

‏*‏
‏*‏
‏*‏
*****************

تأففت بضيق وهي تحاول تسكر سحاب فستانها الليلكي القصير لنص فخذها وتحته بنطلون أسود .:أففف هذا مو راضي يتسكر ليه هو أنا سمنت وإلا إيش..

وأخيرا تسكر طالعت في جسمها هذا هو ماتغير أجل ليش ماتسكر...

تأففت وهي تاخذ المشط تسرح شعرها الملفلف أمس ما
نامت زين وهي تسمع صوت بكا إختها المكتوم...

أمس جوا عندهم بنات عمهم
سالم وظلوا يخزون إختها بالحكي والتريقه لأن راكان تركها وطلعوا لهم ألف سبب وسبب وكل واحد أخس من الثاني...

أففف نفسها تمسك راكان وتخنقه وتقطعه بإيديها لأنه سبب تعاسة إختها...

تركت المشط ع الطاوله وعيونها
الحاقده ع راكان وبنات عمها متسمره ع وجهها...

رمشت بعيونها لما جا في بالها
رائد....

إبتسمت لماتذكرته وإختفت إبتسامتها بقهر ....أنا إيش قاعده
أفكر فيه...

سحبت شنطتها وعباتها وطلعت
من غرفتها ونزلت تحت ...مرت
غرفة مي وقبل تدخل سمعت
صوت زوجها...حمدت ربها إنها
مادخلت علطول....

رجعت للصاله وشافت سميه جالسه ع الصوفا وشكلها سرحانه..

راحت لها:سوسو....

رفعت راسها:هلا...

:إيش قاعده تسوين أهلي طلعوا وإنتي جالسه

قامت معاها ولبسوا عباياتهم وطلعوا لماجد اللي ينتظرهم برى....

**************

كانت جالسه بين البنات وحاطه
رجل ع رجل وتهز رجلها بعصبيه
وهي تسمع حكي رشا المايع
عن فيصل ...بطولاته معاها لماكانت صغيره....

تشوف لمعة الحب والهيام تنطق من عيونها وهي تحكي عنه بدلع ...

نفسها تخنقها ا ا ا ا ا ا ا وتطلع
الحب من عيونها....
يانا ا ا ا اس تكرهها تكرهها ا ا ا

حمدت ربها إن دخول لميس
قطع حكيها الماصخ وقاموا البنات يسلمون عليها ولا كان ثورت فيها....

رشا بمصاخه:شفيك أموله ساكته ومو ع بعضك تحسين بشئ.....

بفجــــــــــررررر فيها ا ا ا ا
الحما ا ا ا ا اره....

إغتصبت إبتسامه:لا مافيني شئ
يتهيأ لك...

رفعت حاجبهاوقالت:يمكن....

أشغلت نفسها بالسوالف مع
البنات قبل تفضح نفسها.....

أما لميس فكانت مو مع البنات
أبدا...تفكيرها كله في رعد من
صاراللي صار وهو ساكت وصلها لبيت عمها بصمت وشكله
مو ع بعضه كأنه معصب أو
ندمان ع اللي سواه...

أماهي للحين تحس بقلبها يرجف داخل ضلوعها...بعد
الإعتراف اللي إعترفته ع نفسها
بحبه...

هل غلطت لماحبته ..وإلا فتحت
ع نفسها باب ونوع جديد من
العذاب...

قطع حبل أفكارها صوت لمياء
:وا ا او فستانك مره روعه يالميس..من وين شاريته..

إبتسمت وهي تشوف نظرات
دلال المحتقره وقالت:رعد أهداني إياه لماكنا في شهر العسل...

كانت بتضحك لماشافت شكل
دلال إللي كأنها شوي وتذبحها...
لأنهاببساطه تكذب بس تبغى
تحرها...

صرخت لمياء برومانسيه:وا ا ا او
من فرنسا أرض العشاق.....

ضحكت سديم:هههههه طبعا
مايروح لها إلا العشاق...
وغمزت للميس...

إبتسمت لميس لماشافت إحمرار وجه دلال ... أما البنات بدوا يحكوا عن باريس ..وكل وحده تتمنى تروح لها شهرعسلها..مادروا إنها ذاقت الويل فيها...

قامت من عندهم وجلست عند
رغد اللي كانت حايسه بسعود
اللي بدى يبكي كالعاده....
وأخذته منها ياحرام رحمتها مره
كان واضح إنها طفشت من بكاها وموقادره تسكته....

ضمته لها وقامت تتمشى فيه
لعله يسكت ويوقف بكا....

طلعت رشا من الغرفه وسمعت
صوت فيصل ينادي شافتها فرصه وراحت قريب من الباب وقالت بكل نعومه:هلا فيصل
بغيت شئ...

فيصل ماعرفها بس قال:هلا
الله يعافيك ياليت لو تقولين لهم
يعطوني التوأم ...

إبتسمت بنفس النعومه:إن شاءالله ....

راحت لرغد وأخذت منها رند لأن
سعود مع لميس وراحت بسرعه للباب بعد ماتغطت باهمال ...

مدت رند له:تفضل....هذي رنوده...

فيصل تفاجأ إنها جابتها هي له
وانحرج ياخذها منها كذا تلفت حوله يمكن يلقى أحد بس المكان فاضي...

أخذها منها وإبتسم تلقائي لما
طاحت عيونه ع وجه رنوده البرئ والناعم ....

ورشا دايخه عليه وشوي تلصق
عيونها فيه...

طلعت من المجلس وإنصدمت
لماشافت رشا مع فيصل ولوحدهم ولابعد فيصل شاق الإبتسامه ويشكرها والإبتسامه ع وجهه وهي ترد عليه بكل غنج ودلع ...

بسرعه قياسيه الدموع غرقت
عيونها وحست بكتمه فظيعه..

رجعت خلفها قبل لاتشوفها رشا
ودخلت دورة المياه...

صحيح رشا مانتبهت لها بس اللي انتبه لها دلااااال...

طلعت جوالها من شنطتها وإبتسمت لماشافت المتصل
رفعت عيونها لداليا الجالسه قدامها وبإيدها كاس عصير
تشرب منه :داليا إنتي مقفله
جوالك...

داليا باستغراب:ليه...

إبتسمت وهي ترفع الجوال في
وجهها علشان تشوف المتصل..

وإنقلب لونها داليا أحمررر..

ضحكت سديم وهي تبعد الجوال عن وجهها:حرام عليك
ليه معذبه أخوي..

ردت عليه وهي تضحك ع
شكل داليا المنحرج...وسمعت
صوته وشكله معصب:عطيني إياها..

ضحكت سديم ورمت ع داليا الجوال وقامت علشان ترد غصب....

عضت شفتها بحرج وردت:ألو

سمعته يتنهد:آآه ياقلبي ..حرام
تحرميني من هالصوت...

إبتسمت وسمعته يقول بإصرار:
إفتحي جوالك بدق عليك اللحين

ماقدرت تقول شئ لأنه سكر الخط ...طلعت جوالها من شنطتها وأول مافتحته إلا هو يدق..

قامت وهي ترد عليه وتطلع من
المجلس ...

دخلت ريم وعيونها تدور ع أمل
:وين أمل..

لمياء:مادري

طلعت من المجلس وهي مستغربه وين تكون...

طلعت من الحمام بعد ماغسلت
وجهها من الدموع وشافت رشا
واقفه عند المغاسل تعدل شعرها قدام المرايا..

رشا وهي تشوف أمل تسحب مناديل تجفف إيديها:شفيه وجهك أمول كنتي تبكين...

إنصدمت منها وكان ودها تقطع شعرها اللي فرحانه فيه وقالت وهي ترفع حاجبها:لا ليش..

رشا بابتسامه تدعي اللامبالاه وهي ترتب خصل شعرها:عيونك محمره...

أمل:أبد كنت أغسل وجهي بصابون والرغوه دخلت جوا عيني...بس ولا تشيلين همي
ماتآلمني اللحين...

وطلعت تاركتها تبتسم بانتصار
مع إن حكيها الأخير ماعجبها...
بس الأهم إنها تأكدت إنها أصابت الهدف.....

جالسه بقرف من حكي البنات
عن تحديد ملكتها وإيش بسوون
....وحكيهم عن خالد ....

مقهوره موت ماتبغى خالد ولا
تبغى تسمع عنه أي شئ وهذول صجوا راسها فيه...

قامت من عندهم وراحت عند
البنات وجلست جنب دلال...

بعد العزيمه..

دخل رعد في غرفة رغد وكانت
متمدده وجنبها رند نايمه ...وشاف لميس واقفه وبحضنها
سعود..

جلس ع الصوفا ..ولميس منحرجه من رغد لأن الأخ ماشال عينه عنها..

رعد:رنوده نامت..

رغد:أيوه نامت::

قام رعد وقرب من لميس و
هو يناظر سعود...نزل راسه يبوس سعود ..ولميس حبست
أنفاسها لأنه قريب منها وريحة
عطره حاصرتها..

بكا سعود ورغد قالت بملل:رعد
الله يهديك ماصدقنا يسكت

رعد وهو يرجع لمكانه:والله
شسوي إذا ولدك دلوع..

دخلت ريم بعد مابدلت لبسها لبجامه:ماسكت جرس الإنذار

رغد:وجع ريمووه.. قولي ماشاءالله لايجي ولدي شئ..

ريم:ههههه ماشاءالله ..بس صدق لوع كبدي من اليوم و
هو يبكي..فشلنا عند الناس...

قربت من رند:ياحبيل رنوده اللي
صايره مثل خالتها هاديه وحبوبه

رغد:أيوه مررره ع خالته..

ريم:أيوه أنا يوم كنت صغيره
ماكنت أبكي مثله..

رعد:إيش عرفك...

ريم بثقه:أمي تقول...

رغد:والله كنتي مثله وأشد

رعد :وأنا أشهد..

ريم إنقهرت ورفعت إيديها:يارب
ياكريم تزرق رعد ولد ماينام الليل والنهار من بكاه...

رفع رده بيغيضها:آمين..

وناظرفي لميس:عادي لميس
تعرف تسكته شوفي كيف سكت
سعود...

طاح قلبها وحمروجهها ونزلت
راسها وماتدري شفيها...هذا شكله يستهبل ...وإلا إنه بيرفع
ضغطها ويقهرها...

حطت سعود ع سريره وإنسحبت برى الغرفه...وهي
تحس باختناق من نظراته...

شافت رنا قدامها ..ناظرتها رنا
باحتقار :صدقتي الحكي اللي
قاله رعد.....تراه مايقصده مظاهر بس...وإلا هو قايل لي
إنه مايبي منك عيال ولو يبي تزوج وحده غيرك تجيب له ....
لأنك عارفه نفسك...

أبعدتها عن طريقها وراحت لغرفتها وسكرت الباب...

غرقت عيونها دموع... وحطت إيدها ع حلقها تحس كأن فيه
شوك يآلمها .....مستحيل يكون
قايل لهم إنه مايبغى مني عيال...مولدرجه إنها يعلنها للكل...حست بالقهر والكره له..
هذا هو رعد قاسي ..ويكرهها..
وهي بإيش جازته إنها حبته...
مايستاهل...اللحين عرفت سبب
نظراته يسخر منها..

نزلت تحت للصاله وجلست ع
الكنبه...سمعت صوت ورفعت
راسها شافت فيصل يدخل للصاله... تغطت وقامت واقفه لماسمعته يقول:هلا لميس..كيفك..

إبتسمت لماشافته:الحمدلله تمام إنت كيفك...

كانت تسمعه يسألها عن الجامعه وهي سرحت فجأه لو
كانت متزوجه فيصل كان عاملها
أحسن معامله..كان حطها في
عيونه...كان إحترمها ...

إنتبهت ع رعد واقف ومن قبضة
إيده القويه ونظرة عيونه الحاده
إنه معصب ...

إكتشفت إنها واقفه مع فيصل
لوحدهم وإن عقله المريض أكيد توهم أشياءثانيه....

طلع فيصل من الصاله لفوق....
وهي غصب عنها بلعت ريقها بخوف لماشافته يقرب منها ويرمي عليها عباتها:والله لولا الحيا كان ذبحتك في مكانك...

أخذت عباتها وقالت:ليه...

عيونه خوفتها وذوبت أوصالها
تحس فيه شئ موطبيعي سمعت صوته الحار:اللحين عرفت ليه إنقلب وجهك وكرهتي عمرك لما سمعتينا
نحكي عن العيال.....فيصل ها
حبيب القلب ماقدرتي تصبرين
ورحتي له....هه والمشكله إنه
أخوووووي...للحين تحبينه ...

ضمت عباتها وهي ترجف ومو
قادره تقول شئ ....شكله خوفها كان ينتفض وإيده ع جبينه
ناظر فيها وصرخ:لبسي عباتك..

لبستها بسرعه حتى ماتدري كيف
لبستها بس أهم شئ تهرب منه

طلعت وراه وهي تدعي ربها
يلطف فيها....

****************

يوم زواج ماجد وداليا....

من ذاك اليوم ما إحتكت فيه و
ساءت علاقتها معها صحيح ما
كان يحاكيها ومعظم الوقت برى
البيت بس تكفي نظراته ومنعها
إنها تروح بيت عمها...

لبست فستانها الأسود الأنيق
بعد ماحطت لها الكوفير مكياجها اللي جابتها ريم وجلست تلبس عندها...

طلعت ريم عليها فستانها النيلي
:شرايك حلو...

لميس:أيوه حلو ...حتى لونه مناسبك ومفتحك زياده....

ريم:وإنتي بعد الأسود مره يجنن
عليك...

إبتسمت وهي تعدل شعرها
....وترتب الأغراض في شنطتها اللي بتاخذهامعاها ....

ريم:الجو بارد اليوم صح

لميس:أيوه..

أخذت عباتها ريم:يالله لموس بنتظرك في الصاله...

لبست عباتها وأخذت شنطتها
وطلعت...شافت رعد جالس يلبس جزمه السود وشكله ووووووو خطيييير.......

رفع راسه لماخلص وناظر فيها
ثم أبعد نظراته وهو يقوم:يالله

ريم تذكرت:يووه لحظه نسيت
ألبس ساعتي...

دخلت للغرفه ولميس ظلت
واقفه في مكانها وضامه شنطتها وطرحتها ع أكتافها...

ناظرت رعد من طرف عينها لقته جالس ع الصوفا و وشكله
ماعجبه إنه ينتظر...

وصلتها رساله ع جوالها وفتحتها
إبتسمت وكانت بتضحك لأن
الرساله من داليا تتوعدها لو
ماحضرت الزواج زي الملكه..

فتحت عيونهابوسعها لماانخطف
الجوال من يدها..

رفعت عيونها وشافته بيد رعد
اللي رفع حاجبه لماقرا الرساله
...
إنقهرت منه شقصده من هالحركه...

سحبت الجوال من يده:لاتتدخل
في شئ مايخصك...

شافته عيونه ضاقت بعصبيه و
مسكها من يدها:عيدي هالحركه هذي مره ثاني...

إنقهرت منه وسحبت يدها:علم
نفسك قبل ...

دخلته بشنطتها وإيدها ترتجف
قبلها يضرب وهي تشوف واقف
وماتحرك ... تحسه شوي ويذبحها ..

رفعت عيونها والتقت بعيونه...
وآآآآآه من عيونه.....
قلبهابيطلع من مكانه من قوة
دقاته...

ظل يناظر في عيونها الزرقا
بشدو أسود معطيهاسحر ثاني

فجأه عبس وجهه ومشى للغرفه وهو ينادي بعصبيه:ريــــــــــم...

طلعت ريم بسرعه وهي تلبسها:سوووري والله نسيت وين حطيتها وقاعده أدورها...

مشى وماتكلم...

**************

دخلوا للقاعه وفسخوا عباياتهم
وعطوها الأمانات...

عدلوا أشكالهم ومشوا ..

قابلوا البنات واقفين عند المرايا
يضبطون أشكالهم..

سلموا عليهم وشافوا أم ماجد
في الإستقبال وسلموا عليها وباركوا لها...

أخذتهم لداليا اللي طالعه قمر
في هالليله...ضموها بفرحه و
هم يباركوا لها...

سديم:فستانك مره يجنن..

داليا:بس أحسه عريان بزياده

ريم:ليه بالعكس حلو...

ضحكت سميه:خلي أخوي يستانس...

ضحكوا البنات وداليا حمروجهها
...

جلسوا معاها شوي وطلعوا...

راحوا لطاوله من الطاولات المزينه وجلسوا حولها...

ناظرت في رشا ودلال اللي توهم داخلين ...ويمشون بدلع
وثقه..

دلال لابسه فستان أفوايت قصير
ورشا لابسه فستان ليموني برضو قصير...

كشرت بضيق ماتبغى تشوف
رقعة وجه رشا..وقامت:بنات بروح أرقص مين تجي معاي..

قامت معاها ريم ولميس وصعدوا المنصه...

قامت رنا وسلمت ع دلال وجلسوا حول طاوله لوحدهم
وجلست معاهم رشا...

رقصوا البنات لين تعبوا ورجعوا
للطاوله..

وقفت أمل لماسمعت أمها تناديها وراحت لها كانت واقفه
مع حرمه كبيره وجنبها وحده صغير يمكن في آواخرالعشرينات...

أم خالد:هذي بنتي أمل...

إبتسمت الحرمه :بسم الله ماشاءالله...

سلمت عليها وعرفت إن إسمها
أم طلال واللي جنبها بنتها..

ماتدري ليه إنقبض قلبها وماارتاحت لهم...إستأذنت بسرعه ورجعت للبنات...

ريم:شفيك..

أمل فضلت ماتقولها وقالت:ولاشئ سلامتك...

ريم:مين اللي سلمتي عليها

أمل:صاحبة أمي...

سديم:بنات مو هذي مرام...

ناظروا في البنت اللي لابسه فستان أخضر بذهبي متجهه لطاولة رنا ودلال:أيوه

ناظرو ريم وأمل في بعض لما
تذكروا تولين....

وكأنهم قروا أفكار بعض وقاموا
متجهين لطاولتهم...

سلموا ع مرام:كيفك..

مرام بغرور:تمام وإنتو...

:تمام

ريم ببراءه:شخبار تولين ليه ما
جت معاك....

إنصدمت وأظلم وجهها بشحوب وماتدري إيش تقول وماتقدر تنكر دامهم
نطقوا إسمها:آ...بخير....

أمل لاحظت التغيراللي صارلها:يوووه خساره كان ودنا نتعرف
عليها....

رجعوا لطاولتهم ...ودلال ورنا
مستغربين:مين تولين...

مرام انحطت في موقف لاتحسد
عليه وقالت وهي تاخذ شنطتها
:عن إذنكم بروح أعدل مكياجي..

دخلت دورات المياه ووقفت قدام المرايا وعيونها لسى مصدومه....إيش عرفهم بتولين...كيــــــــــف عرفوا....
آآآه.....يالفضيحه...أكيد زياد وتولين....حقدت عليهم من قلب
فجأه حست بغثيان ورجعت كل
اللي في جوفها ....وكبدها حايمه...غسلت فمها وعدلت مكياجها ع وجهها اللي اصفر...
وطلعت...

****************

بعد زفة داليا الرايقه وجلوسها
في مكانها المخصص اللي عباره عن صوفا شكلها غريب
..

وسلموا عليها الحريم وباركوا
لها ..رقصوا قدامها البنات وهي
تبتسم لهم بس إبتسامتها إختفت
لماسمعتهم يقولوا إن ماجد بيدخل...طاح قلبها بخوف ووجهها يحمرر وشدت قبضتها
ع مسكتها اللي عباره عن ورد
جوري أحمر وأبيض وداخله كريستالات ناعمه....

دخل ماجد مع أبوها وأخوها
محمد....

قلبه يدق بقوه وهو يشوف حبيبته قدامه بفستانها الأبيض
اللي مخليها ملاك....

نفسه يقصر المسافه بسرعه
ويوصل لها....

قرب منها ومسك يدها الناعمه
اللي بدت ترتجف...
وعيونه تتأملها بحب كبير..:مبروك حبيبتي...

نزلت راسها أكثر باحراج لما باس جبينها ووجهها يشتعل حراره ....

سلم عليها أبوها وأخوها وصوروا معاها وطلعوا...

لبسها الطقم اللي جابته له أمه
وباس يدها لمالبسها الخاتم....

بتذوب من الخجل وهو وده يضحك لما شاف إحمرار وجهها

هي حالفه ع البنات مايجيبوا
عصير وأي شئ ثاني لأنها بتجيب
العيد....وخايفه البنات يتناذلوا ...
بس الحمدلله عدت ع خير...

طلعوا لغرفة العروسين بيصورون ويطلعون بسرعه...

تناذل معاها ماجد هالمره بحركات التصوير ...وهي نفسها
تذبحه...أما هو حيل مبسوط ...

*************

لمارجعت من الزواج ...حطت
حرتها في تولين المسكينه...
وتهاوشت مع زياد اللي رجع من
السفر ومنعته يشوف تولين...
وطردته من البيت ...

وصممت تخبرأبوها باللي صار..

*****************

ضامه يديها اللي ترتجف...وقلبها
يغوص داخل ضلوعها من الخوف والإرتباك...لماجلس جنبها وقال :مبروك ياقلبي..

همست بخجل:الله يبارك فيك..

إبتسم بخبث وقال:وأخيرا ياداليا
أنا وإنتي لوحدنا ومافيه أحد معانا..

رفعت راسها وشافته يبتسم
بتسليه...وعرفت قصده
قالت بسرعه بتهرب:أنا جوعانه...

رفع حاجبه وقال:عيوني لك....

تنفست براحه لماقام من عندها
وقامت تبدل لبسها....

أخذت شور سريع وجففت شعرها ولبست روب طويل أفوايت نعوم ...وحطت قلوس و
كحل ...وتعطرت ...سمت بسم
الله وطلعت...

شافته يبتسم لها وعيونه تلمع...

قرب منها ومسك يدها وجلسها
جنبه...

ماأكلت أبدا مستحيه منه مووت...
بس شربت من العصير...

ناظرفيها وع وجهه إبتسامه وعيونه تتأملها:هذي اللي جوعانه ....

إبتسمت باحراج وهي تبعد شعرها عن وجهها....

وهو ضل يتأملها وبتسامته مافارقت شفايفه
يمووت عليها وعلى حياها
قرب منها بيحضنها وهي علطول قامت مسك يدها وقال
على وين
ارتبكت ماتدري وش تقول...

سحبها له برقه وماعطاها فرصه تهرب ......

*************

دخلوا للبيت وكانت بتروح لغرفتها ....بس شهقت من اللي
سمعته:إيــــــــــش....

ناظرت فيها باستغراب:ليه إنتي
ماأنتي موافقه...

صرخت باعتراض:طبعا ماني موافقه..

ردت أمهابهدوء:عمك قال لأبوك
إنه يبغاها بعد بكره وأبوك وافق..

ردت بعصبيه:أنا اللي بتزوج وإلا هم ...مو ع كيفهم يحددوا موعد الملكه بدون رأيي...

:لأن رايك مايهم...

التفتت بخوف لفيصل الواقف خلفها وعيونه تناظرها بحده..
أول مره تخاف منه ..يمكن لأنها
شافت وحشيته مع بندر..وخافت
يسوي فيها مثل ماسوى في بندر
أو إنها خافت إنه يفضحها عند
أمها...

قالت بارتباك:بس....مايمديني
أتجهز شئ....

فيصل باحتقار:إنتي إحمدي ربك
إنه قبل فيك ...

أم رعد بابتسامه وإيدها تلف حول أكتاف رنا: بنتي بسم الله
عليها الكل يتمناها...

فيصل رفع حاجبه بقهر:ماأظن
يمه ماأظن....

تركت أمها وهي مقهوره وحابسه دموعها وصعدت الدرج
ركض....

أم رعد بحيره:يمه شفيك ع أختك....

فيصل :يمه بنتك كبرت وبكره تتزوج خليها تنسى الدلع اللي مو نافعها....

وصعد متجه لغرفته ....وهو يغلي من داخله.....لوتعرفين يمه بنتك إيش سوت كان مادافعتي عنها.....

***************

نظفت البيت كله وغسلت ملابسها وملابس رعد ....ولما
خلصت صلحت قهوه وشاهي وجهزت عصير ..وخلت السواق
يجيب فطاير وحلى لأن مافيها
حيل تسوي شئ......

أخذت شور سريع ...ولبست بنطلون أسود سكيني ...أول مره
تتجرأ تلبسه في البيت وعند رعد..
بس علشان البنات أول مره يزوروها في بيتها وأصلا ماعاد
يهمها رعد.....ولبست بلوزه توب
بيضاء منقطه بنقط سود متوسطة الحجم وتحت الصدر
حزام أحمر ناعم ولبست صندل
بكعب عالي أحمر..... شعرها سوت فيه نفخه بسيطه من قدام وتركته مفتوح وحطت مكياج ناعم وقلوس أحمر هادي....تعطرت وجلست تحط
لها مناكير أحمر....

طلعت من غرفتها وهي تنفخ ع أظافيرها علشان يجف اللون...

سمعت دق ع باب المدخل...وراحت تشوف مين...فتحته وشافت وحده من خدامات بيت
عمها شايله الأكياس اللي جابها
السواق ...خلتهاتدخلها المطبخ وترتبتهابسلال مزينه وطلعت....

طلعت الخدامه من المدخل ع
دخلت ريم:كان خليتها تجلس
علشان تساعدك....

سلمت عليها لميس:لاعادي مو
محتاجه لها....

هي ودها تجلس عندها بس
خايفه رعد يلعن خيرها....وهي
مو ناقصه بعد يهزئها قدام البنات.....

ريم بإعجاب:شكلك مره خطير
السكيني مره خطير ع جسمك..

لميس إبتسمت:thanks

قعدوا شوي وجوا البنات كلهم
مره وحده.....

وجلسوا في المجلس...قدمت
لهم لميس العصير...ومافاتتها
نظرات دلال الحاقده والغيوره ..
ماكان ودها تعزمها بس هي عارفه إن خالة رعد أمهم مارح
تسكت ..بتقول زوجة رعد عازمه البنات ولا عزمت بناتي..
زفرت ..الله يعدي هاليوم ع
خير....

سديم:ماشاءالله يالميس بيتك
مره يجنن..

إبتسمت:تسلمين...

فار دمها دلال لأن المفروض
يكون هذا بيتها كانت عيونها بدور
بكل مكان بحسره وقهر...

لمياء:ياليت لو داليا معانا...

لميس:كيفها...سافرت...

دانه:أيوه...سافرت الصباح..

ضحكت ريم:وكيف البيت من
غيرها...

دانه:يووه بنات لاتذكروني ..يانا
بكيت بكا لين قلت آمين...البيت
أحسه صار هدوء...وأنا طفشانه مره...

سديم:طيب عندك زوجة أخوك
محمد..

دانه:مو ساكنه عندنا..ولاتجينا
كل يوم..الظاهر أختها بتتزوج وتساعدها في التجهيز...

أمل:الله يعينك أجل ..ويعيني معاك إذا راحت سويره..

ضربتها ساره ع كتفها :وجع إيش هذي سويره..شوهتي إسمي...

ضحكوا البنات لما إنتثر قطرات
من كاس العصير اللي كانت ماسكته أمل بيدها ع تنورتها وصرخت:تنووورتيي يادبه ..

أمل وهي تنظف تنورتها:هذا وأنا
أقول بفقدك ..

ساره:أيوه بس لا تقولي هالإسم مره ثانيه...

لميس:حددتوا موعد الملكه...

أمل بتريقه:أيوه حددوها شكل
الأخ وليد مو قادر يصبر...

حمر وجهها ساره ..والبنات ضحكوا...

لميس:متى..

أمل:الأسبووع الجاي وماراح يحطوا حفله بعد...

لميس بتعجب:ليه...

أمل:مادري الظاهر هذي مو
من عاداتهم حفلة الملكه...

سديم:يعني بس يجي هو أبوه
وأعمامه ويملكوا ويطلعوا...

أمل:أيوه...

دلال رفعت حاجبها:وإنتي راضيه..

ساره:طبعا راضيه..أجل بقعد
أناكشهم إلا بحط حفله....

دلال كشرت ماعجبها الحكي...

قامت لميس وجابت القهوه ...و
مارضت ريم إلا تصب معاها...

مدت الفنجان لدلال اللي أخذته
بطريقه تخلي قطرات منها تطيح
ع يدها وقالت بجزع :آآآه إنتي ما تشوفين...ماتعرفين كيف تقدمين الفنجان كويس...شوفي
كيف حرقتي يدي...

لميس تفاجأت منها خير ترفع
صوتها عليها وهي في بيتها وأصلا واضح إنها متعمده قالت
بعصبيه:وإنتي ماتعرفي تاخذي
الفنجان كويس....وبعدين لاترفعي صوتك وإنتي في بيتي..

عطتها ظهرها ومشت وهي تغلي منها....هذا أول الغيث...

قدمت لهم الحلى ...ولاحظت إن
دلال تناظر في كل شئ قدامها
بقرف وكأنها حالفه ع نفسها
ما تمديدها ع شئ....

قالت بلعانه ودلع:دلال شفيك
ياقلبي ماتاكلي من الحلى ...
تفضلي حياكي....وإلا أصابعك
تعورك....

لاحظت وجه دلال اللي تغير
بقهر....وشرقت أمل باللي بفمها
وعطتها دانه كاسة مويه اللي
قريبه منها...وناظرتها مفجوعه
من حكيها...غير نظرات البنات المتعجبه والمصدومه ..

إبتسمت في وجيههم وناظرت في دلال اللي بتطق من القهر
وهي تقول:ماحب أكثر من الحلى ..مابي جسمي يخرب..

رفعت حاجبها لميس وهي تناظرها من فوق إلى تحت بابتسامه:آها..يحق لك..

البنات ناظروا بعض وإبتسموا
...
عصبت دلال وقامت :وين دورات
المياه..

دلتها الطريق ..وطلعت دلال..
ضحكوا البنات وقالت رشا بغيظ:ليش الضحك..

سكتوا البنات لماانتبهوا لوجودها
وقالت أمل:حرام بعد نضحك...

رشا:لا موحرام بس ماأشوف
سبب للضحك..

أمل:والله عاد مشتهين نضحك
شدخلك...ليش محتره..

قطعت لميس سيل النظرات القاتله والمتحديه اللي يتراشقونها أمل ورشا لماقالت:
أموله عطيني فنجالك أصب لك..

أخذته منها وصبت لها .... وماتدري إيش حست فيه وخلاها تطلع وتشوف دلال واقفه قدام رعد وقريب منه
وشكلها تشتكي له بدلع وتمسح دمعات إعتصرتها غصب....تقول له إنها إنهات في بيته وإنه أكيد
مايرضى إن ضيوفه تنهان في بيته.....ومادري شنو....

وشافت ملامح رعد اللي وضح
عليها الغضب والعصبيه ...

مشت بدلع وقالت بنعومه ودلع:
أهلين حبيبي إنت وصلت....

شافت شكله منصدم وإختفت
ملامح العصبيه وشكله مرتبك
وهويحك رقبته بإصبعه ومايدري
إيش يقول:آ..أيوه

تمسكت بذراعه باحتضان وقالت لدلال
اللي واقفه مصدومه:معليش
دلال رعودي توه جاي من الشركه وتعبان وماله خلق أحد...

وسحبته معاها لغرفته تاركه
دلال واقفه وشوي تنفجر من
القهر والعصبيه...

تركته بتطلع من الغرفه ...وشهقت لما مسكها رعد بقوه
ودفعها ع الجدار ولصقت فيه
وأنفاسه الحاره حرقتها ...وريحة
عطره ذوبتها..:إيش قصدك من
هالحركه ها...

لفت وجهها وقلبها يسابق الزمن:
ما....قصدي...شئ....إتركني...

رفعت عيونها تناظره ...شافت
شكله معصب وعرق بجبينه ينبض وإيده ترتجف ...:لاعاد
تعيدي هالحركه ثاني مره...

هزت راسها بأيوه وهي مستغربه كل هذا علشان اللي
سوته ..

تركها وإيده تتخلل شعره ويزفر
وشكله مو ع بعضه....

حركته هذي جمدتها في مكانها
يخبببببل يانا ا ا اس ..يجنن...
كشرت ع أفكارها وتحركت بتطلع...

رفع راسه وناظر فيها:ماخلصت
كلامي..

ناظرت فيه يعني خير...

رعد:أعتقد إن من الواجب عليك
إنك تحترمي الضيوف اللي في
بيتك..

إنقهرت منه لأنه يقصد دلال
وقالت :والله عاد اللي مايحترمني مايستحق إنه أعطيه
ولو شوية إحترام...

رعد بعصبيه:تحترميهم غصب عنك ..هذولا في بيتي ومو رعد
اللي يطلعوا ضيوفه من بيته منهانين...

خلاص ماعادت تتحمل دفاعه
عن مرام بهالشكل لدرجة إن
مايهمه إذا إنهانت هي أولا....
صرخت فيه:كافـــي دفاع عن
دلال..إذا تحبها وماترضى عليها
تزوجها وطلقنييي....

ماحست بدموعها اللي تساقطت
بقهر وألم....

طلعت من الغرفه ...ودخلت غرفتها مسحت دموعها بقهر...
مايستاهل أبكي علشانه....
صرخ صوت داخلها...بس إنتـــــــــي تحبيـــــــــه...مو سهل إنك تشوفيه يصارخ عليك
علشان وحده غيرك لاهي زوجته ولاإخته...

غمضت عيونها بقهر...وتنفست
بعمق وهي تهدي نفسها مو
وقته تبكي عندها ضيوف ومو
معقوله تخليهم...

رتبت شكلها وطلعت ..دخلت
المطبخ وأخذت الشاهي معاها
وطلعت من المطبخ ...شافته
يدخل مكتبه وهو يقول: جيبي
لي شاهي...

حمدت ربها لماشافت إن المجلس بعيد ومايقدروا يسمعوا أصواتهم....

دخلت المجلس وهي ترسم ع
وجهها إبتسامه...

شافت إن دلال ورشا موموجودات يعني إطلعوا.....
أحسن فكه....

سديم باحراج:رعد موجود..

لميس إبتسمت:أيوه بس عادي
خذوا راحتكم بيطلع اللحين...

وطلعت تجيب الفطاير ولحقتها
ريم....

ريم إستغربت لماشافت لميس
تصلح شاهي بكوب.:مو تقولي
رعد بيطلع...

لميس:أيوه عارفه لأني مابغى
البنات يطلعوا ....لأني لوقلت لهم
موجود بيطلعون....

ريم:آها...

أخذت ريم سلال الفطاير وطلعت...

صفت له فطاير بصحن بيضاوي
وحطته مع الشاهي... وطلعت..

دخلت وحطته قدامه ... رفع راسه وناظرها .... بس هي طلعت بسرعه ...قبل لا يصير
شئ ثاني...

أصرت ع البنات يتعشوا عندها
وحلفتهم ...ورضوا...

بعد ماطلعوا البنات ....كانت
ريم بتساعدها في تنظيف المطبخ بس مارضت ....وخلتها
ترجع للبيت تجهز أغراضها للملكه بكره....

تعبت كثير من تنظيف المطبخ
وبينما هي بغمرة إنشغالها
سمعت صوته خلفها وشكله
من زمان وهو واقف:كاشخه اليوم ها....

ناظرت فيه وصدت من نظراته
وقالت بتريقه:يعني تبغاني أقابل ضيوفي بجلابيه....

التفتت تناظره وشافته واقف
وعيونه تناظر شئ فيها...ناظرت
لبسها ...وإنهبلت توها تستوعب
إنها لابسه توب قدامه...

رفعت راسها لماسمعته:بس تصدقين لايق عليك هاللبس...

عطته ظهرها وقالت بارتباك..و
الهوا إنعدم حولها:آ....أحط لك ..عشا

سمعته يتنهد وقال:لا شبعان...

مشت بتطلع ...بس كان ساد الباب بجسمه ...

شافته يمد يده بتردد بيمسك يدها ...ثم تراجع ودخل غرفته...

****************

شهقت برعب لما شافت أبوها
....وقلبها بيطلع من مكانه....
إستسلمت ليده اللي سحبتها
وغمضت عيونها لماصرخ أبوها
عليها بسب وشتم وهو يضربها
بقسوه.....

كان تترجاه يتركها..جسمها مو
قادر يتحمل الضرب أكثر من كذا:آآآه و..والله..ماقلت لأحد شئ..و..والله....

صرخ فيها وهو يشد شعرها:أجل ميييييين اللي علمهم...مييييين اللي فضح السراللي خبيته كل السنوات هذي.....

بكت وجسمها تحسه متخدر من
الألم:والله مو..عارفه ...والله مو
أنا آآآآه....

رماها ع الأرض بعد ما أشبعها
ضرب...قدام عيون مرام الشمتانه والمتشفيه...وطلع من
الغرفه بكل غضبه....

قربت منها مرام وسحبت شعرها:تستاهلييييين ...أكرهههك
أكرهك وأتمنى موتك أتمناااه...

تركتها بإشمئزاز ..وطلعت...

ضمت نفسها تبكي...ياليييت أموووت وأفتك من حياتي...ياليييت..آآآه....

***************

في يوم الملكه.....

كانت تبكي بقهر ...ماتبغاه تكرررههه ...تكررهه...

ريم مستغربه من بكاها.:رنا
ليه تبكين مو إنتي موافقه...

رنا:لا أنا ماأبغاه أكرهه ...أنا
مو وافقه...إخوانك هم اللي غصبوني....

حاولت تهديها وهي متفاجئه من
إخوانها مستحيل إخوانهايجبرونهم ع شء مايبغونه.....

بس مع ذلك مبسوطه لأن إختها
بتتزوج خالد....خالد أكيد بيحبها ...وبتعيش معاه بسعاده...
لأنها عارفته يخاف الله بكل شئ...

دخلوا المصففات يزينونها وطبعا
كان نفسها براس خشمها ..و
كل شوي تصارخ عليهم وريم
تبتسم لهم باعتذار.....

خلصوا منها وكان شكلها رووووعه ....

ريم:وا ا او رنا شكلك يجنن..

رنا بغرور:عارفه...

دخلت عندها دلال وسلمت
عليها وهي تبارك لها..وطلعت
ريم لغرفتها تجهز....

***************

كانت جالسه بعد مازفوها وكارهه نفسها....وتناظر الناس
بغرور وهي تشوف نظرات الإعجاب منهم....

شافت أمها تأشر لها تقوم..وعرفت إنها تبغاها توقع وتدخل
ع خالد....

خالــــــد...حقدت عليه من قلبها
وتوعدته إنها بتحول حياته لجحيم ..وتخليه يكره اليوم اللي
فكر فيه إنه يخطبها....

وقعت بسرعه وهي تقاوم
دموعها وتتصنع البسمه والفرح
والخجل...ماتبغى تشمت أحد فيها....وخصوصا لميس اللي
كانت واقفه بعيد عنها وعليها
فستان بنفسجي نعوم وشعرها
مسويته كيرلي ورافعته من قدام بحركه حلوه.......

إنقهرت لماشافتها بتغطي عليها
بالجمال ...صحيح هي حلوه وجميله بس لميس عندها جاذبيه أكثر وملامحها أجمل...

ردت ع البنات بغرور اللي تجمعوا يباركون لها.....

وباست راس أم خالد وهي تغتصب إبتسامه....

أخذتها معاها أمها للمجلس
...

رفعت راسها بغرور وثقه ومشت داخله داخل....

أول ماطاحت عينها عليه وهو
واقف قدامها بابتسامه تلمع
منها عيونه....

وكأن شئ ضخم طاح ع راسها
وفجرها....

حست بالخوف والإرتباك غصب
..
سحبت يدها من يده بقوه
لماحست بأصابعه تمسكها ...

وشافته تفاجأ من حركتها ....

ضمت يدها لها وهي تبعد عنه
...
رفعت راسها لما حست بنظرات
حاده تخترقها....وشافت عيون
رعد الحاده يناظرها بتهديد
وعصبيه لو سوت شئ....

نزلت عيونها وقلبها يرجف داخلها
..
جلست جنب خالد اللي الإبتسامه
ع وجهه وهو يقول:مبروك رنا...

إرتجفت لماسمعت صوته وقالت
بهمس:الله يبارك فيك....

شافت رعد يطلع ويسكر الباب..
وتنفست براحه...

التفت لخالد وشافته يناظرفيها
بابتسامه...

قالت بسرعه وهي ترفع حاجبها:خير فيه شئ ضايع في
وجهي...

إبتسم وأخذ يدها بإيده وحطها
ع قلبه:هذا

إنصدمت ووجهها بهت ...شقصده..آآه هذا إيش يقصد..

سحبت يدها منه بسرعه ...وقلبها وصل حلقها ...ضمت يدها
اللي تحس للحين أصابعه ماسكتها...

رفع حاجبه وقال:تصدقين إنك
مغروره...

ناظرته باحتقار وقالت بغرور:
طبعا يحق لي...

صدمته نظرتها وأسلوبها ...

إنفتح الباب ودخلت أمه وأم رعد
وخواته..

أمل لاحظت وجه أخوها..وإنقهرت لما عرفت إنها أكيد رمت عليه كلمه من كلامها البشع....

باركوا له ...وسلم ع أم رعد
بابتسامه وهو يشوف الفرحه
في وجيه خواته وأمه...

لبسها شبكتها...وجلسوا عنده
خواته شوي وطلعوا....

ورجع الهدوء ..قامت وقال خالد:ع وين...

قالت بغرور:أنا تعبانه وبروح
أرتاح...

وقف معاها ومديده:أوك..

صافحته وتجمدت مكانها لما
باس خدها...

إحمر وجهها ..وعيونها مصدومه
..
إبتسم وقال:مع السلامه..

طلعت من الغرفه معصبه ومقهوره منه...

إبتسم وهو يلعب بجواله وقال:
والله لأكسر الغرور اللي فيك
وماأكون أنا خالد...

طلع من المجلس...

وتفاجأ لماشاف عادل وفيصل
يسلمون ع رائد ويباركون له
وفيهم الضحكه....

خالد:خير أذكر أنا العريس مو
هو...

ضحك رعد وقال:هذول الله
يسلمك يباركون له ع عتقك له... بيشوف حياته الأخ ههههه

ضحك خالد..وانفجروا عادل
وفيصل ضحك...

رائد:طبعا حبيبي والمفروض
أسوي حفله بعد...اليوم تاريخي
خالد ودع العزوبيه ...وأعتقني
ورحمني علشان أشوف حياتي
...

**********

إبتسمت تهدي بنتها اللي دمعتها
متعلقه برمش عينها:يايمه لا
تضيقين صدرك ...إن شاءالله
بتحملين ...توك لاتستعجلين...

قالت بصوت مخنوق: شنو لسى يمه أنا لي فتره طويله متزوجه ...أنا خايفه يمه ماأحمل
أكون عقيم...

أم خالد:بسم الله عليك يمه..
رهف لاتفاولين ع نفسك ...وإنتي لسى
صغيره وعادي لو تأخر حملك
شوي....

رهف: بس أخاف نايف مايصبر
ويبغى عيال
..
أم خالد:ليه يمه إنتي مو واثقه
في زوجك وإنه يحبك...

رهف بصدق:إلا يمه والله إني
يحبني وعمره مازعلني...

أم خالد:شفتي كيف...طيب هو
قالك شئ سألك ليش ماحملتي..

رهف:لا ولافتح معاي الموضع...بس...بس أنا أحسه يبي عيال
لمايشوف عيال إخوانه وخواته
حتى إخته متزوجه بعدي وشوفيها توها والده ومتعلق بولدها مره....

أم خالد:طيب إرتاحي ليش
مضيقه صدرك دامه ماقال لك
شئ ...بعدين إنتي من متى تاركه حبوبك..

رهف:من زمان يمه...

أم خالد:ياحبيبتي لازم تطولين
بعد تركك للحبوب لأنك نكتسبين
مناعه وبعض الحريم مناعتهم
تطول...

رهف وواضح إنها إرتاحت شوي
من حكي أمها:طيب...إدعيلي
يمه..

أم خالد:الله يرزقك بالذريه الصالحه..ويبلغك بحملك عاجلا
غيرآجل..

رهف :أمين..

دخلت أمل توها قايمه من النوم
وعليها بيجامتها مابدلتها ويالله
تفتح عيونها وشكلها نعسانه..

رهف:غريبه صاحيه..

أمل بنعاس:والله إني دايخه
فيني نوم..بس ماأبغى أرجع أنام علشان أنام في الليل بكره فيه جامعه...

أم خالد مدت لها فنجان قهوه:أيوه أحسن لك وشوله كثر النوم...

شربت من الفنجان وهي تناظر
في الصينيه :مافيه حلى...

أم خالد:إلا فيه قومي حطي
لك وكثري لأن أسمع حس رائد
شكله صحى..

أمل بكسل:يووه مافيني حيل
أقوم..

صرخت تنادي الخدامه:جيبـــــــــي الحلى...

أم خالد:الله من العجز فيك..

دخل رائد:السلام..صباح الخير

باس راس أمه وجلس..كشر
وهو ياخذ الفنجان من أمه وعيونه تناظر في أمل:الله يسد
نفسك ع هالصبح..إنتي وهاللون اللي عليك..

ناظرت في بيجامتها الكحلي الغا ا ا ا ا امقه:شفيها بعد..

رائد:تكفييين البسي لون فاتح
أنا بسألك ماتحسين بالكآبه
أبد منه...

أمل:لا ...والله عاد عاجبني...

رائد:ماأقول إلا الله يعين رجلك
ع هالكآبه اللي بعيشها...

أمل:وأنا أقول الله يعين زوجتك
شكل عيونها بتنفقع من الألوان
الفاقعه اللي بتلبسها إياها...

رائد وهو ياخذ قطعة حلا بالشوكه:ع الأقل ماراح يجيها
إكتئاب حاد زي رجلك المسكين..

ماردت عليه وقالت فجأه بصراخ فجعهم :أيـــــــــوووه صح
رهـــــــــف إيش جابك عندنا
من الصبـــــــــح...

رماها بكرتون المناديل بعصبيه:ووجع ماتعرفين تتحكين إلا بصراخ ....

ضرب كرتون المناديل بجبينها
وضحكوا من شكلها المصدوم..

قام وهو يضحك:يمه بنتكم
هذي لاتزوجونها خساره فيها
ولد الناس...بتفجعه وتجيب له
الكآبه...

طلع بسرعه ..لماسمع صراخها:
را ا ا ا ا ا ا ا ا ا ا ا ا ا ا ائد يا حما ا ا ا ا ا ا ا ا ا ا ار....

**************

:يـــــو و وه رغد تكفييين سكتي
ولدك..

رغد في حضنها سعود تحاول
تسكته:شسوي فيه مو راضي
يسكت تعبت منه..

ريم:يمكن تعبان..

رغد:مادري..

ريم:طيب دقي ع عمر ياخذه
للمستشفى..

رغد:عمراللحين جاي..

سمعت ريم صوت رند وشالتها
من سريرها وجلست ع طرف سرير رغد...

فتحت عيونها الصغيره تناظر في
ريم:يا ا اقلبي ياحلوك..

باستها بقوه ع خدها:تجنن تجنن
بسم الله عليها...طالعه ع خالتها
بالحلاوه..

رغد:لاوالله أصلا تشبه لي..

ريم ناظرت في رند وفي رغد:تصدقين فيهاشبه منك ...بس أتوقع لماتكبر بتصير تشبه لأبوها...

رغد:ياليت علشان تطلع قمر..

ريم ضحكت..ودخل فيصل:السلام ع أم الحلوين..

رغد:وعليكم السلام..

فيصل:عمر وصل..

ريم قامت:أجل بطلع جا أبو الحلوين..

فيصل:ههههه تصدقين ماني مصدق إن عمور صار أبو

رغد نطت في وجهه:ليييه شفيه
عمر..

فيصل:ههههه بسم الله أكلتيني...بس مادري شكله مو شكل أبو

رمت عليه المخده:أقوول ضف
وجهك وناد لي عموري..

ضحك فيصل وطلع...

دخل عمر:السلام عليكم..

رغد ابتسمت:وعليكم السلام..

باس خدها:كيفك حبيبتي..

رغد:الحمدلله بخير..

راح لعياله:وسعودي حبيبي كيفه..

رغد:مزعجني بس يبكي..

ضحك:أجل ملعوزك..

رغد:لا جد عمر أناخايفه فيه
شئ

عمر جلس جنبها:لا إن شاءالله
مافيه شئ..هذا طفل أكيد بيبكي

رغد:أيوه بس رند مومثله..

لعب بشعرها:ولايهمك حبيبتي
ناخذه للمستشفى ونتطمن عليه..

أخذ رند من يدها وباسها:قمر
طالعه ع أمها..

إبتسمت وعيونها مافارقت حبيبها
وأبوعيالها..وتدعي ربها مايحرمها منه هو عيالها...
ويحفظهم لها..

*************

دخل عادل شايل سعود وريم
معاها رند..

رغد وهي تاخذ منه سعود:وش
صار..

عادل:مافيه شئ يتدلع

رغد:يعني ماقال شئ الدكتور

عادل:لا تطمني صحته زي البوم
ماشاءالله...

رغد:طيب وين عمر..

عادل:صاده أبوي في المجلس

ضحكت رغد ..وناظرت في ريم
اللي تبوس رند وتلاعبها:ريم خلاص خليها تنام...

ريم:لا لسى خليهامعي..

عادل:رغوده لاتخلين بنتك مع
هذي ترى تطلع عليها..وتروح فيها بنتك..

ريم: لا ا ا والله ..أحسن من إنها
تطلع عليك..

عادل:إحم إحم لها الشرف والله..

ريم:أقوول إقلب وجهك ..وإجلس مع الرجال يالله..

عادل بنذاله:عناد فيك..
قرب منهابسرعه وسحب رند
من يدها وبكت وطلع من الغرفه للمجلس علطول..

ريم تلحقه:عدو و و و ول...
يالنـــــذل...

طلعت عليها أمها:شفييك..

ريم ضربت برجلها الأرض بقهر:يممه شوفي ولدك أخذ رند.للمجلس نذاله فيني..

أم رعد:أيوه يمكن أبوها بيسلم
عليها..

ريم مدت بوزها:لامايبغاها ولدك النذل أخذها علشان يحرني..

***********

رفعت راسها عن مخدتها المبلوله بدموعها...

مو مصدقه إنها وافقت ع اللي
خطبها...

مو مصدقه إنها تجرأت وقالتها..
كيف طلعت منها...كيف طاوعها
قلبها تنساه...وتشوف نفسها مع
غيره...

إنسابت دموعها بغزاره...كيف
بتعيش من غيره...ومع غيره..

آآه ياقلبي تكفى إنسا ا ا اه...

وافقت لأنها صارت علك بحلوق
اللي يسوى واللي مايسوى ..
الكل حط السبب فيها والعله
لأنه تركها...

مانست نظرات بنات عمها لها
وحكيهم اللي زي السم يصيبها...

حطت إيدها ع حلقها ...تحس
بكتمه قويه كابته ع أنفاسها...

أخذت شال معاها ..ونزلت
تحت في الحديقه...

ضمت الشال ع أكتافها لماحست
ببرودة الجو....

ناظرت في النجوم بعيونها الدامعه...ياماشاركتها حزنها و
شهدت دموعها وآآهاتها....

حطت إيدها ع قلبها اللي تسارعت دقاته...والتفت جنبها
وإنصدمت وطاح الشال منها...
لماشافته واقف قدامها...

عيونه السود كأنها بحر من الحزن...نحف كثير ...وشعره طال باهمال ....لابس بنطلون
أسود وقميص أبيض مفتوحه
أزارير عند الصدر...والتعب واضح في ملامحه...

همس بحزن :خلاص بتتزوجين...

ضمت نفسها ودموعها نزلت
وقالت بقوه وألم:مو إنت بعتني
وتركتني ...أنا بعد بعتك...

همس بتعب وحزن والدموع تلمع من عيونه:مبروك...

شهقت وصرخت فيه:لا ا ا ا تقوووووول مبروووك ما ا ا ابي
أسمعها منك.....أنا أكرهههك إنت
حطمتني...أهنتني..وخليت سيرتي ع كل لسان...الكل صار
ينهش فيني...ليـــــه ولدعمها تركها ا ا ا....ليـــــه....أكيد فيها وفيها....أهنت كرامتي أنا اللي
طوول عمري عايشه وراسي
مرفوع وماحد تجرأ يقوول عني
كلمه......آآآه.....اللحين صرت علك في حلوقهم.....بسببك إنـــــت .....أكرههههك ...ليـــــه
سويت فيني اللي سويته...آآه..
ليـــــه تركتنـــــي....ليه عذبتنـــــي....

صرخ فيها ودمعته نزلت:كا ا ا ا في كا ا ا ا افي....تبغييين تعرفين ليـــــه تركتك....تركتك
لأني مابيك تعيشين معي بعذاب
لأني ما ابي أظلمك معي....
ما ا ابي لو للحظه أشوف بعيونك
الندم ....لأنك ماخذه واحـــــد
لقيييـيـيـيـيـيـيـيـط.....أنـــــا ا ا
لقيـــــــــــــــط.......يا سميه
لقيــــــــــــــــــــط......

****************