رواية جرحني وصار معشوقي~ للكاتبة/ رسمتك حلم- منقولة الفصل الثالث والعشرون 23 - بقلم 🤎

*
*
*
*

************

دخلت للخيمه وهي تنادي:سديـــــــم

كانت بترجع لماشافته ..بس وقفت لماشافت إنه أخوها...
بس إستغربت لماشافته سرحان ولاانتبه لوجودها:رائد

انتبه عليها :هلا

أمل:إيش فيك جالس لوحدك...

رائد:جالس أنتظرجوالي يخلص
شحنه....إنتي اللي إيش جايبك
هنا افرضي الشباب هنا وإنتي
داخله كذا...

أمل:أصلا ماجيت هنا إلا إني
متأكده إن مافيه أحد..

رائد:لاوالله إيش عرفك...

أمل:لأن سديم كانت هنا...

رائد تفاجأ:سديم بنت عمتي...

أمل:أيوه...بس شكلها طلعت
من زمان...يالله تشاو

طلعت ورائد وإبتسم لأنه عرفها
....
سديم بنت عمتي..ياحليلها والله
طالعه قمر....

**************

لبست فستان ناعم أسود قصير
ولبست بوت أسود طويل ..
وشعرها تركته مفتوح ستريت
وكان مره روعه مناسبها..

رسمت عيونها بكحل أسود ثقيل
وقلوس لحمي...وبلاشرخوخي..

لبست عباتها وطلعت..

شافت رعد يحكي في الجوال لابس ثوب أسود وغتره بيضا...

بردت أطرافها لماشافته وماقدرت تشيل عيونها عنه...

رفع رعد عيونه وأشر لها وطلعوا....

طلعت جوالها من شنطتها
لماسمعته يدق وردت....

لميس:هالو......هلا هند...

لاحظت رعد التفت يناظره لما
سمع إسم هند وعرف إنها إخت
بدر...

لميس انقهرت لأنها عرفت اللي
يدور في راسه...

سولفت معاه شوي وسكرت
وتعمدت تشغل نفسها بشئ
علشان ماتعطيه فرصه يحاكيها
وتصير مشكله..

*********

همست لها:إيش فيك سرحانه..

سديم:مافيني شئ..

أمل:أشوفك مو لم الناس وش
تفكرين فيه...

سديم وواضح إنهامتضايقه:
قلتلك مافيني شئ...

إستغربت أمل وتركتها براحتها...

دلال تحاكي رنا:الجو بارد...

رنا:أكيد بيكون بارد وإنتي لابسه
كذا..البسي جاكيت..

دلال بردانه ومقهوره لأن رعد
تأخر:لامولازم..

رنا:كيفك علشان تمرضي ولاتنبسطي ...

أم رعد:دلال روحي البسي لك
شئ الجو بارد عليك...

دلال إستحت تقول لا وقامت:إن
شاءالله..

قامت تجيب لها جاكيت...وسميه
همست لريم:غريبه صايره مطيعه..

ريم:هههه لأن أمي اللي قالت
لها لوأمها كان طنشت...

**************

وصلوا للمزرعه وجت لهم ريم..

ريم:الحمدلله ع السلامه...

رعد وهو ينزل الشنط من السياره:وصلي لميس لغرفتنا..

أخذتها ريم ووصلتها للغرفه ..ورجعت للحريم...

دخلت لميس للغرفه وفسخت
عباتها ووقفت عند المرايه
تعدل شعرها وتتعطر..

إنتبهت للباب ينفتح وشافت رعد
داخل ومعاه الشنط...

حط رعد الشنط ع الأرض ورفع
راسه وانصدم لماشافها..

لميس إرتبكت من نظراته و
قلبها يدق بقوه رهيبه تسابق
دقات قلبه..

أثر شكلها بالفستان عليه..
من زمان ماشافها بفستان..

أخذت لميس شنطتها ومشت
ناحيته علشان تطلع وهي متعمده تشغل نفسها بشنطتها
علشان ماتناظره....

لما مرت من جنبه...مسك يدها
بخفه..

رفعت عيونها تناظره وتعلقت
بعيونه للحظه حستها دهر...

شد ع إيدها ونزلت عيونها وبلعت
ريقها بخوف من مشاعرها الغريبه لماتحط عينها في عينه...

وقالت بارتباك:بطلع...

إبتسم وقال بصوت دافي:إنتظريني بسلم ع جدتي وعماتي...

سحبت يدها وطلعت تنتظره برى...

أول ماطلعت زفرت بقوه وكأنها
كانت مكتومه...

طلع رعد ومشت معاه ...

دلال انهبلت لماشافته وإنقهرت
لماشافت لميس جايه معاه و
إبتسامتها ع وجهها...

نجلاء:ماشاءالله لايقين ع بعض

ضحكت سميه لماشافت وجه
دلال...

سلم رعد ع جدته أم محمد"أم
أمه"الجايه من الرياض...
وطبعا أم محمد الجده..تصير
إخت أبو أم خالد زوجة أبو خالد
ومرضعتها ...

أم محمد:ياهلا والله يمه شلونك

رعد:بخير يالغاليه..إنتي شلونك
وكيف صحتك..

أم محمد:الحمد لله بخير وين
زوجتك...

أبعد رعد عن لميس وحط إيده
خلف ظهرها يقربها من جدته:هذي لميس يمه...

سلمت لميس عليها وباست راسها:كيفك يمه...

أم محمد:ماشاءالله تبارك الله
وش هالزين...تعالي يمه اقعدي
جنبي..

جلست جنبها وهي مستحيه منها
..

أم محمد:شلونتس يمها عساتس طيبه..

سلم رعد ع عماته وخالته وراح
عند الرجال...

دلال تناظر لميس مقهوره
منهالأن جدتها حبتها وصارت تسولف معاها وقالت لجدتها بدلع:يمه أشوفك نسيتينا يوم
جت..تراني أغار عليك..

أم محمد :وليه تغارين..هذي
زوجة الغالي بغلات رعد..

البنات كتموا ضحكتهم ع شكل
دلال اللي تفشلت من رد جدتها

************

عند الرجال...

رائد وفيصل وعبدالله وفارس جالسين بعيد عن الرجال
يلعبوا بلوت..

الجد:تعالوا اقعدوا عند الرجال
وخلوا عنكم هاللعب...

رائد :تبي تلعب يبه تراها زينه

الجد:مابقى إلا العب هالعبه
آخر عمري..

:هههههههه

رائد:عادي يبه تشبب توك صغير

الجد:أدري إني صغير بس مو
حق هالعب..

فيصل همس لرائد:مو كأنه قبل
شوي يقول آخرعمري

رائد ضحك:هههههه شئ طبيعي

رعد:ماعليك منهم يبه خلهم
المراهقين...

رائد انهبل:لا والله يالكبير مو كأنك تلعبها..

فيصل:خله بس الأخ متزوج وشاف نفسه

رائد:وإذا تزوج يعني..

الجد:لأنه رجال...

رائد:آفا يبه يعني إحنا مو رجال

الجد:تزوج وتصير رجال..

رائد:يعني الرجوله تقاس عندك
بالزواج..(التقت لأبوه)يبه زوجني...

فيصل:هههههههه

الجد:حنا يوم إنا كبرك وحنا عندنا
عيال بس أنتم ياعيال هالوقت
ماتبون يربطكم العرس..

رائد:أيوه تونا ندرس...

الجد:إعرس وإنت تدرس مافيها
شئ

فيصل:يعني ياجدي العزيز
إنت متزوج وإنت صغير..

الجد:إيه ولاضرن هذاني الحمد
لله عندي عيال وأحفاد..

رائد:بس زمان أول يختلف عن
اللحين..

الجد:لامايختلف انتم اللي ماتبون
المسؤوليه

رائد بضحكه:خلاص أنا ماعندي
مانع تزوجوني..

فيصل:ههههههه عاد إنت ماصدقت...

عبدالله:اللحين.إنتظر خل خالد
يتزوج بعدين يجيك دورك

رائد:مو هذي المشكله...

خالد:عناد فيك ماراح أتزوج
موت بحسرتك...

:هههههههههه

************

بعد العشا ..

البنات تجمعوا في غرفه سهرانين..

سميه:نجوله ليه نجود ماجت..

نجلاء:مسافره لأهل زوجها
عندهم زواج...

ريم همست للميس:لميس روحي لغرفتك يمكن رعد يكون
موجود...

لميس هذا اللي خايفه منه
لأنها بتصير معاه في غرفه وحده:وإذا...مافيني نوم..

ريم:روحي إيش تبغين يقولون
عنك تاركه زوجها وسهرانه مع
البنات...

لميس فكرت فيها وشافت إنها
موحلوه في حقها..

قامت:تصبحون ع خير...

أمل:تونا إجلسي شوي..

لميس بتقهر دلال اللي من جت وهي تناظرها بحقد:لا ماقدر
رعد مايقدر ينام إلا وأنا معاه
أخاف يزعل..

أمل إبتسمت:أجل روحي له..

طلعت ودلال طرطعت من القهر وهي تدعي عليها تطيح
وتتكسر ولا تروح له...

مشت لغرفتها وهي خايفه لأن
الدنيا ظلام وهدوء الكل نايم
في غرفته..

أسرعت في خطواتها ودخلت
الغرفه وسكرت الباب ..

مالقت رعد في الغرفه..

فتحت شنطتها وطلعت لها بيجامه ..

دخلت للحمام وبدلت ولما طلعت لقت رعد متمدد ع السرير وحاط إيده خلف راسه
ومتسند ع وراه...

ولماانتبه لها رفع عيونه وناظرها

نزلت عيونها وجلست ع الكرسي
قدام المرايه تمشط شعرها و
حاسه بنظرات رعد اللي تراقبها..

سمعته يقول:شعرك طال..

لمت شعرها بحركه لا إراديه
وقالت:بقصه ماراح أخليه طويل

رعد:لا لاتقصينه خليه كذا حلو

إستغربت منه وقالت:شعري
وفوق راسي أسوي فيه اللي
يعجبني...

رعد أخفى ضحكته ع تعبيرها
الطفولي وقال بجديه:بس إنتي
زوجتي وأنا أبي شعرك كذا

لميس بسخريه:زوجتك....إنت
آخر واحد آخذ رايه في شئ
يخصني...

رعد ناظرها بحده :نعم إيش
قلتي..

طنشته لأنها خافت من نبرة
صوته وهي مالها خلقه..

أخذت لها مخده من السرير
ولحاف من الدولاب وتمددت
ع الكنبه مطنشته..

**********

دخل غرفتها وشافها جالسه
ع السرير ولابسه عباتها...

زياد:ع وين..

تولين ببرود:برجع للبيت...

زياد:بس إنتي تعبانه..

قامت:ماني تعبانه...

حاول فيها وهو مستغرب من إصرارها ...

لكنها رفضت وماقدر يمنعها...

وأخذها معاه يوصلها للبيت...

دخلت للبيت وخلفها زياد...

صعدت الدرج وتجمدت مكانها
لماشافت أبوها واقف في أعلى
الدرج وجنبه مرام تناظرها بحقد.....

**************
‏*‏
‏*‏
‏*‏
‏*‏
***************

:الحمدلله ع السلامه...

ماتت خوف لماشافت أبوها يقرب منها ...

غمضت عيونها لماشافت إيده
ترتفع بيصفعها...

بس إنصدمت لما حال زياد بينها
وبين أبوها والكف صار من نصيبه...

شهقت .. ومرام فتحت عيونها
بصدمه...

قرب أبوها بيمسكها بس زياد
مسكه:لا ياخال الله يخليك..أنا
اللي أخذتها ع المستشفى ..

أبومرام صرخ:وبأي حق تاخذها
ها إنت بتفضحني قدام الناس

زياد كذب:ماحد عرف إنها بنتك
أنا اللي توليتها بنفسي ماحد عرف

أبومرام:شوف ترا إن شميت
خبر إن أحد عرف لايكون موتك
وموتها ع إيدي...سامع

حرك راسه بأيوه وهو يبعد
تولين عن أبوها..

أبومرام:إنقلعـــــــي ع غرفتك

راحت ركض لغرفتها ...
ومرام ماتت غيظ وقهر لما أبوها
ماضرب تولين وزياد حماها

هيـــــــن يا توليـــــــن المره
هذي فلتي منها لكن المره الثانيه مستحيـــــــل....

وإنت يالعاشق تستاهل هالكف
وأكثر....هيـــــــن ع بالك بتحميها مره ثانيه....

************

صحت من النوم وهي أبدا مو
مرتاحه في نومتها...

شافت رعد لسى نايم...

دخلت للحمام وأخذت شور سريع ...

لبست بنطلون جينزأبيض وبلوزه
حرير سماويه ضيقه من الصدر
وناعمه..

تركت شعرها مفتوح ع طبيعته
ومسكت نصه بشباصه كريستال..

حطت كحل سماوي وقلوس وردي ..

كانت تتحرك بهدوء علشان ما
يصحى رعد..

أخذت معاها غطا طويل(جلال..شرشف) علشان لوفيه أحد من
الشباب تتغطى كويس...

مرت من غرفة البنات شافتها
مسكره يعني للحين نايمين...

شافت ساعة يدها لقتها 10..

راحت لجلستهم لقت الجده جالسه وعندها القهوه...

لميس بابتسامه:صباح الخير..

باست راسها وجلست..

أم محمد:هلا صباح النور..

لميس:كيفك يمه..

أم محمد:بخير الحمدلله....ماشاءالله عليك قمتي مبكر مو
مثل هالبنات اللي طول نهارهم
نوم والليل ماينامون...

إبتسمت لميس وهي تاخذ القهوه وتصب لأم محمد ومدتها
لها:تفضلي..

أم محمد:يزيد فضلك...إن شاء
الله نمتي زين..

إبتسمت لميس وهي تتذكر نومتها :الحمدلله..

أم محمد:رعد ماقام..

لميس:لا...

طلعت أم رعد:السلام عليكم..

إستغربت لماشافت لميس صاحيه...

قامت لميس وباست راسها:صباح الخير خالتي..كيفك

أم رعد:بخير..

لميس قررت تحاول تخلي أم رعد تتقبلها مو لازم تحبها بس يكفي إنها تتقبلها..بس شكلها
بتتعب معاها...

صبت لها قهوه ومدتها لها وهي
تبتسم لها:تفضلي خالتي..

أخذتها وهي تكلم الجده:يمه
شلون الضغط عندك عساه بس
مارتفع..

أم محمد:لا الحمد لله أحسن

أم رعد:تبيني أقيسه لك..

أم محمد:إيه الله يعافيك والسكر بعد..

أم رعد تحاكي لميس:روحي
جيبي الشنطه تلاقينها بغرفتي..

قامت لميس:إن شاءالله..

وهي ماشيه إلا دلال طالعه من
الغرفه وأول ماشافت لميس
ناظرتها من فوق لتحت وقالت:
يالله صباح خير...

طنشتها لميس وراحت تجيب
الشنطه...

لمارجعت شافت أم عبدالله
جالسه معاهم...عطت خالتها
الشنطه وجلست..

وأم عبدالله تآكلها بنظراتها هي
وبنتها..

أم عبدالله بخز:إلا وين رعد..
بالعاده يقوم بدري..شفيه تغير

لميس انقهرت منها لأنها تخزها
بالحكي وقالت بتقهرهم:لاتغير
ولاشئ بس أمس نمنــــا متأخرين...

تعمدت تقول بالجمع"نمنــا"
علشان تقهرهم..ودلال وأمها
فهموها غلط وناظروها بقهر
ودلال اشتاظت غيره..

:صباح الخير...

أم محمد:قمتي يانوامه..

ريم :حرام أمس نايمه متأخر..

أم محمد :بعد زين إنك قمتي
اللحين..

ريم تناظر القهوه:أنا جوعانه
في فطور..

أم رعد:روحي قولي للخدامه
تحط لك..

أم محمد تحاكي لميس:روحي
يالميس معاها إفطري مافطرتي..

قامت لميس:إن شاءالله...

دلال بغيره:شدعوه يمه أنا
بعد تراني مافطرت ماقلتي لي
روحي..وإلا بس ناس وناس لا

أم محمد: من متى أنتي تفطرين
ماغير تشربين قهوه وخلاص..ماأخبرك تاكلين شئ..

لميس وريم ناظروا بعض وهم
يبتسمون لأن دلال دايما تفشل
عمرها ...

راحوا للمطبخ ومالقوا الخدامات...

لميس:يالله ياشطوره وريني
شطارتك وسوي الفطور...

ريم:لعيونك أسوي أحلى فطور

جلست لميس ع الكرسي:تسلم
عيونك...

حطت الفطور ع الطاوله وجلست يفطرون...

:ماشــــاءاللــه خيانــه عظمى

ريم وهي تشوف سميه واقفه
ببجمامتها وشعرها مفتوح ومبعثر من النوم...ضحكت:تعالي تعالي تفضلي يام كشه

سميه جت عندهم وسحبت كرسي وجلست :مالي خلق أعدل كشتي جوعاا انه..

دخلت دلال تناظرهم بغرور وصبت لها مويه تشرب..

سميه همست للميس:عساها
للشرقه تموت ونفتك..

لميس كحت وهي تضحك وعيونها غرقت دموع:ههههههههه

:إيش سويتي إنتي بتذبحين زوجتي...

إنصدمت لميس لماشافت رعد
واقف ع باب المطبخ..
وحاولت توقف كحتها بس ماقدرت

قرب رعد وأخذ كاسة مويه وقربها من فمها وشربها بإيده..

سميه:لاتخاف عليها ماشاءالله
سبع..

دلال إنقهرت من حركة رعد لما
شرب لميس وإيده ع كتفها..

وقالت بدلع:كيفك رعد..

رعد:بخير...

ريم:أصب لك كابتشينوا..

رعد أخذ كوب لميس:لا...

شرب من نفس المكان اللي
شربت منه لميس ...

ولميس حمر وجهها من حركته
من نظرات البنات الخبيثه وإبتساماتهم ..
وبنفس الوقت إنصدمت من
حركته لأنها حركه مايسويها
إلا العشاق ورعد أكيد مومنهم
...

أما دلال طلعت عيونها من الغيره والقهر وطلعت من المطبخ معصبه...

ريم:رعد اجلس افطر معانا..

رعد حط كوب لميس بعد ما
شربه كله وقال:لا مالي نفس فطور بالعافيه عليكم...

سميه:أقولك من اللحين ترى
الشباب فطروا مايصبرون..

إبتسم رعد وطلع...

********************

دخل الخيمه ولقاهم توهم
حاطين الفطور...

فيصل:جاكم اللي شبع نوم لين
قال آمين..

رائد يخز ماجد اللي ماخلاهم
ينامون ومصحيهم بدري:أكيد
دامه ماعنده مثل هالسحالي

ماجد:هيـــــــه إحترم نفسك
حنا ماحنا سحالي..

رائد:والله عاد اللي ع راسه بطحا يتحسس عليه...

رعد:هههه وشسالفه..

ماجد:ماعليك منهم تعال افطر
وإلا فاطر مع المدام..

رعد:لاوالله مافطرت مالي نفس فطور ...

رائد:ليه.تعال بس ترا الكبده ما
تتفوت..

رعد ابتسم:بالعافيه عليكم..

راح وجلس بعيد عند التلفزيون..

أبورعد:رعد تعال افطر..

رعد:لايبه ماشتهي افطر إنت بالعافيه..

أبوخالد:اجل رح وأنا عمك وصحي خيش النوم خويلد

رعد ضحك:إن شاءالله

رائد همس لفيصل:جابها الوالد
الله يحفظه خيشة نوم..

فيصل:هههههه ودك لويسمعه
خالد..

رائد:لا أبشرك بيوصله الخبر
وأنا أقدر أفوت شئ يخص خويلد

********

البنات يتمشون بالمزرعه..
ودق جوال لميس وردت:هالو

تجمدت مكانها وكتمت شهقتها
المرعوبه لماسمعت صوته:مرحبا ميسو..

عصبت وقلبها يضرب:مين معي

:آفا للحين ماذكرتيني ياقلبي..

عصبت:ولا أبي أذكر ..

سكرت الجوال وقلبها بيطلع من
الخوف..كيف عرف رقم جوالها
ياويلي إيش يبغى هذا ..ومن
وين جاب رقمي..

مانتبهت لنظرات دلال الخبيثه
وإبتسامتها المتوعده...

شافوا الشباب يمشوا قدامهم
وتغطوا كويس..

أما لميس خافت يدق جوالها
قدام رعد ورجعت للبيت...

رائد:لا ا ا ا ا ا ا اإله إلا الله.ماشاء
الله فريق كرة قدم مو بنات..

سميه:قول ماشاءالله بس ترى خواتك معانا...

رعد إستغرب لما ماشاف لميس
معاهم...

فيصل:شخبارك نجلاء

نجلاءاستحت:بخير

أمل نطقت الغيره من عيونها
إيش معنى هي لوحدها
اللي سلم عليها..

وفيصل ضحك داخله بوناسه
لماشاف نظرات أمل...

**********

حطت إيديها ع أذانها وصدى
الكف اللي ع خد زياد بدل عنها يتردد في راسها....

ليـــــــه حماها ليـــــــه يتحمل
كل شئ علشانها...

ضمت نفسها وهي تحمد ربها
إن أبوها ما ذبحها ...

بس للحين تتذكر نظرات مرام
المتوعده لها...

وعارفه إنهامارح تعديها ع خير

رفعت راسها...يارب متى بفتك
من البيت واللي فيه..

متــــى بارتاح وأعيش مثل
الناس وبراحه بعيد عن عذاب
أهلها ووحشيتهم....

متى بتذوق طعم الراحه والسعاده....

***************

كان يتمشى وهو يحاكي فرح
ومندمج معاها بالسوالف..

شاف إخته بعيد ومعاها وحده
ماعرفها..

سكر الجوال وقرب منهم وتنحنح
علشان تنتبه له وتتغطى..

رائد:سلام

أمل:أهلين مين قاعد تكلم قبل
شوي ضحكك واصل عندنا..

رائد:إنتي فيك لقافه موطبيعيه
عطي أحد منها

أمل:ها ها هاتضحك

رائد:أدري من زمان إن دمي خفيف

همست:أمل أنا برجع..

رائد قاط إذنه وعرفها:أخبارك
سدوم

سديم تفاجأت وقالت:بخير

أمل:عيب لاتدلع اعقل

رائد بخبث:أقول سدوم خلص
البخور لأني بصراحة إشتقت له

سديم انهبلت وعرفت قصده
انقهرت لأن أمل تناظرهم باستغراب:أي بخور..

سديم بغيظ:أيوه خلص

ولفت بعصبيه تمشي راجعه

رائد بصوت عالي علشان تسمعه:ولايهمك ياحلوه أجيب لك غيره

أمل:شعندكم

رائد ضحك:إيش دخلك يأم اللقافه

لف يمشي وهو يضحك ع سديم اللي واضح إنها عصبت

أمل لحقت سديم:تعالي إنتي
إيش عندك إنتي ورائد

سديم"الله ياخذ بليسك وش يفكني اللحين منها":ماعندي شئ

أمل بنص عين:علي أنا..أجل
إيش قصة البخور ها..

سديم قالت لها السالفه وأمل
ماتت ضحك..

سديم عصبت:مالت عليك إنتي
وأخوك..

وراحت عنها...

*************

فيصل بابتسامه:ياهلا والله بأبو نواف..

بسام إبتسم وسلم ع فيصل..

فيصل:الأهل جو معاك..

بسام:لاوالله مرتبطين..

دخل بسام وسلم ع الشباب اللي رحبوا فيه...

*************

البنات كانوا يتمشوا ووصلوا عند
مواقف السيارات....

ريم:الله كل هذول سياراتنا

سديم:بنات خلونا نرجع أخاف واحد من الشباب يجي هنا

ريم:وإذا عادي دامنا متسترين
مافيها شئ..

ريم:هذي ال بي إم السودا لفيصل..

أمل إبتسمت...أما رشا قربت من
السياره تناظرها منهبله وتفكر..
لو هي زوجته كان هذي السياره
لها والبنات متخبلين عليها في
المدرسه..

أمل ودها تسحبها من شعرها
وتحوسها....

نجلاء:وا ا ا او همر من له

ريم:لأخوي عادل

نجلاء:عاد أنا أخق عند الهمر بس مو السودا العنابيه أحلى

أمل:السودا أكشخ

سميه:إخس من له السياره الرياضيه..

أمل:لرائد..

سميه:يجنن لونها هلاليه بعد

أمل:عاد رائد هلالي متعصب
ماشفتي كيف غرفته ..

سميه:بعدي والله...

دلال تدور سيارة رعد وشافتها
وحبت تقهر لميس وقالت بدلع
وهي تمشي ناحيتها:هذي سيارة رعد صح..أذكرها أكثر من مره ركبت فيها..

لميس ناظرتها بقهر ..لابعد راكبه معاه في السياره..مالت
عليها...

نجلاء:هذي بورش صح..

دلال بلقافه ودلع :أيوه بس أذكره يقول بغيرها..

لميس مقهوره وشوي تكفخها...

ريم ودها تحوس دلال :أيوه صح وده يغيرها بس بيشتري
سياره ع ذوق لميس..

إبتسمت لميس لماشافت دلال
سكتت..

أمل:بنات من له السياره هذي

كانت تأشر ع بي إم لؤلؤي واقفه بعيد..

سميه:مادري أول مره أشوفها

شافوا ياسر جاي لهم:شعندكم
هنا...

أمل:يسور هذي السياره لمن
فيه أحد جاي ..

ياسر التفت وناظرها:مارح أقول
شدخلكم..

أمل:يالله عاد قول..

ياسر:لا ويالله ضفوا وجيهكم
عندالحريم وش جايبكم لقسم
الرجال ها..

أمل:مارح نروح لين تقول..

ياسر سكت شوي يفكرثم قال بخبث:بشرط

أمل:إشرط

مد إيده لها يعني فلوس..

أمل:مامعي شئ اللحين..

ياسر:أجل مارح أقول..باي

سميه:لا لا تعال بنات طلعوا
اللي معاكم...

جمعوا البنات وعطوه

ياسر وهو يعدهم:والله فيكم
يالبنات لقافه وشرافه ماشفتها
بأحد..

أمل:أقول إخلص وقول

ياسر:حقت صديق فيصل بسام

ريم طاح قلبها ..ماتصدق بسام
هنا..

لميس همست لها:شوي شوي
طلعوا عيونك..

ريم إبتسمت ..ونظرات دلال
تراقبها...

رجعوا البنات عند الحريم وريم
تفكر في بسام...

***************

دخل ياسر عند الشباب وفي إيده الفلوس..

رائد:هيــــه من وين لك هالفلوس

ياسر:عطيه

فيصل:من مين

ياسر:هههههههه مارح تصدقون
من مين وليش..

رائد:قول ماحب أفكر..

:هههههههههه

ياسر:هذولي البنات الله يسلمكم دفعوا كل هذول علشان يعرفوا سيارة بسام من له

رائد:اللـــــــه كل هذي شرافه

خالد:إيش جابهم هناك

بسام:هههههه زين إحمد ربك
سيارتي جابت لك فلوس..

ياسر:والله شكلي بعزم الشرقيه كلها...عاد شوفوا
كم يطلع لي ع كل سياره

رائد:هههههه والله إن تصير
مليونير...

***************

:وبعديـــــــن معك ..قلت لك
أبغى أشوفهـــــــا

بتردد:ماقدر أخاف تعلم علي

:بتسويـــــــن اللي أقولك عليه
ورجلك فوق راسك فاهمه

خافت منه:طيب طيب قول

:إسمعي اللي أقوله ونفذيه بالحرف الواحد وماأبغى أحد
يعرف..

:طيب

:؟ ؟ ؟ ؟ ؟ ؟....

************

البنات كانوا جالسين برى بعيد عن الحريم..

سميه منسدحه وراسها في
حضن داليا وميته ضحك...

سديم وجهها أحمر ومعصبه
ضربتها بقهر:ضحكتي بلا ضروس إن شاءالله..

داليا:حركا ا ات والله وطيحتي
الزين...

سديم منحرجه ومعصبه:إمحق زين..

أمل:ههههههههههه
غصب عنك والله الزين كله فيه
بعد قلبي أخوي..

سديم:أيوه القرد في عين أمه
غزال..

أمل:ترى ماأسمح لك أخوي قرد

سديم خافت أمل تزعل:آسفه
ماقصدت لاتزعلين هذا مثل
بس

أمل:يعني معترفه إنه مزيون

سديم بحده:لا...

جت عندهم تمشي بتردد وقالت
:ريم..

ريم:نعم

رشا:فيصل يبغاك

أمل تفاجأت لايكون كانت عنده
وإلا قايل لها شئ عصبت مره
وإنقهرت...معقوله تكون كانت
عنده وتسولف معاه ولابعد له
عين يقول لها تنادي إخته..

ريم رفعت حاجبها:وينه وليه
مادق ع جوالي

رشا جلست وانبسطت لأن أمل
واضح إنها إنقهرت ولقتها فرصه فحبت تزيد و
قالت بدلع وغنج:مادري عنه
هو قال لي أنا أناديك..روحي له
تلاقينه في المجالس اللي بالخلف..

أمل فتحت عيونهابوسعها لما
قالت المجالس لأنه بعيده إيش
جابه هناك وهي شجابها عنده..

ريم:وأنا إيش يوديني هناك بعيد

داليا:روحي له لايعصب

قامت ريم ونفضت بنطلونها وراحت....

*************

دخلت للمجلس ولا لقت أحد فيها
ظنت إنها حركات فيصل ومتخبي
عنها ..

دخلت داخل ونادته:فيصـــــــل

سمعت الباب يتسكر ولما لفت
شهقت بخوف:عبداللـــــــــــه...

عبدالله منهبل عليها ويناظرها من بنطلونها لشعرها المفكوك
بابتسامه خبيثه:ياعيون عبدالله..

طاح قلبها من الرعب وهي تشوفه يقرب منها....

*************** ؟؟؟؟
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
‏*‏
***************

لصقت في الجدار بخوف:إنت
إيش قاعد تسوي..إنت جنيـــــــت..إبعـــــــد عني

حجزها بين إيديه اللي ساندها
ع الجدار وقال:أيوه مجنون بحبك ..إشتقت لك

غرقت عيونهادموع وهي تحاول
تدفه وتبعده عنها:إبعــــد عني
لاتلمسنـــي..الله يخليك إبعد..

عبدالله لمس خدها :إنتي ليه
موفاهمتني...أنا أحبك ياريم أحبك

شالت يده عن خدها بقوه وصرخت فيه:وأنا أكرهـــــــك
أكرهـــــــك إنت ماتفهم إبعد عنـــــــي

قست نظرته وصرخ فيها:طبعا
مو قلبك لبساموه أكيد ماراح تناظري فيني

شهقت بخوف..كيف عرف..

مسكها وقربها منه بقهر:طول عمري أحبك وماناظرت غيرك
وإنتي عايشة لي قصة حب مع
صاحب أخوك...ولافكرت فيني
ياعشيقة بسام..بس إحلمي تكوني له لأنك لي أنا...

إنقهرت منه وتفجر قلبها قهروكره ..ملت من ملاحقته لها
وموطايقه قربه صرخت فيه و
هي تدفه عنها:أيوه أحبـــــــه
أحبـــــــه وأكرهـــــــك ومو طايقتك ياخي إفهم وخل عندك
كرامـــــــه...

طلعت من الغرفه تبكي وطلع
خلفها عبدالله وبقلبه نار وحقد
إبتسم بسخريه إنتي لي ياريم
وبتشوفيـــــــن...

********

كان يتمشى وهو يحكي بالجوال
..

تفاجـــــــأ لماشاف ريم طالعه
من غرفه تركض..

وإنصـــــــدم وحس رجوله
إنشلـــــــت وقلبه إنصهر لما شاف عبدالله طالع خلفها من نفس الغرفه وإبتسامته ع وجهه

طاح الجوال من إيده...

ريـــــــم مستحيـــــــل

مستحيـــــــل ريم تخونـــــــي
مستحيل تخوووون حبــــه..

دمعت عيونه وهو يشوف حبـــــــه تبخـــــــر قدامه..

تمنى عيونه انعمت ولا شاف اللي شافـــــــه...

خيـــــــانه لقلبـــــــه لا مستحيـــــــل...

************

دخلت للغرفه تبكي وقلبها يدق
بقوه رعب...كانت بتضيـــــــع...

دخلت لميس الغرفه بخوف لما
شافت شكل ريم:ريم شفيك

ريم منسدحه ع السرير تبكي:ما
فيـ ـ ـ ـني شئ...

جلست لميس جنبها بخوف:إلا فيك..ريم إحكي قولي لي الله
يخليك لاتخوفيني زياده...

ريم قامت وضمت لميس ببكا:عـ...عبــد....اللــه

لميس بخوف:شفيه

ريم:الـ...نذل

لميس وقف قلبها:شفيه ..سوى لك شئ...

ريم ببكا:كله..من..رشا..الحماره

لميس نشف الدم في عروقها خافت من اللي في بالها صرخت فيها:ريـــــم إحكي..إيش صاير..

قالت لها اللي صار ولميس تنهدت براحه وحمدت ربها ماصار اللي في بالها...

ريم بقهر:والله لأفضحه النذل
وماحد بيوقفه عند حده إلا...

قاطعتها لميس بخوف:لاياريم
لاتقولي لأحد إنتي كذا بتحطي
الشكوك فيك وماحد بيصدقك وخصوصا خالتك بتقول إنك تتبلي عليه وأمك مارح تكذب إختها وتفضحها عند عمي لأنها
عارفه إنك تكرهي عيالها ورشا بتنكر..ورعد وفيصل مارح يخلونه بيذبحونه

ريم ببكا:مقهوووره يالميس مقهوره ودي أذبحه وأذبح إخته
تخيلي لو شافني أحد بنفضح
يالميس والله بنفضح...

لميس:خلاص الحمدلله ماصار
شئ..ورشا بتاخذ جزاها...

ريم:والله ماأتركها الحيوانه
كنت بضيع بسببها..

**********

دخل للخيمه وطاحت نظراته
ع عبدالله كان وده يذبحه ويشرب من دمه..

لوكانت النظرات تقتل كان قتله

وعبدالله بادلها النظرات بحقد..

بسام:فيصل

فيصل:هلا

بسام:إعذرني برجع للأهل..

قام فيصل باستغراب:سلامات
فيهم شئ...

"أنا اللي فيني..أنا اللي إنذبحت
آآآآه ياريم ليـــــــه"

بسام ماله خلق يحكي ومو طايق شوفة عبيد:لا الحمدلله
بس الوالد طالبني...

أخذ أغراضه وطلع يركبها في
السياره مع فيصل...

************

راحوا عند الحريم وطاحت نظراتها ع رشا الجالسه بكل ثقه
وكأنها ماسوت شئ..

إرتفع ضغطها وقهرها كانت تناظرها بثقه وتحدي...

ماقدرت تسوي شئ لأن الكل
موجود وجلست جنب لميس..

أم محمد:وينكن ورا ماتجلسن
مع الحريم ماغير مندعساتن لحالكن ها...

سميه:هههههه يمه إيش معنى مندعسات

أم محمد:واخزياه ماتعرفين الهرج السنع

سميه:هههههه تكفوون طلعوا
ترجمه...

أم محمد رفعت عصاها بتضربها:وش هالحتسي ماتستحين إنتي ووجهتس تتطنزين بجدتس ها...

قامت وباست راسها وهي تضحك:ماعليه يالغاليه ...بس ترا والله مافهمت مصطلحاتك

أم محمد:وليه ماتفهمين خبله

أم رعد:يابنات تغطوا العيال جايين..

تغطوا البنات ووصلوا الشباب ما
عدا طبعا عبدالله:السلام عليكم

وسلموا ع جدتهم اللي رحبت فيهم...

أمل تناظر فيصل والأفكار تدور
في راسها ومقهوره....

أم محمد:صبي يادلال القهوه
للعيال..

دلال كشرت وقالت لرنا تصب
سمعتها الجده وقالت:واخزياه
يادلال ماتعرفين تصبين القهوه
الله ع بنات هالزمن..

ريم:لا يمه لاتعمين مو كلنا..

دلال انقهرت من ريم وجدتها وقالت بدلع وعباطه:لايمه حرام
شدعوه بس أنا أظافيري فيها
مناكير توني حاطته وأخاف يخرب وإلا يصبغ في الفنجان..

ريم همست بسخريه:بسم الله ع أظافيرك....

الشباب ودهم يمسكون دلال
ويخنقونها را ا ا افعه ضغغغطهم ولماسمعوا حكي
ريم ضحكوا...

أخذتها لميس:ولا يهمك يمه أنا أصب..

أم محمدبابتسامه:والله وياحظ
رعد ولدي فيك ماغلط لمااختارك إنتي وأنا أشهد

رعد إبتسم وهو يطالع لميس
المنحرجه ومانتبهت له...

دلال انفقعت مرارتها بقهر من
خز جدتها وإبتسامة رعد اللي
فجرت النار داخلها...

مدت لميس الفنجان لرعد علشان يعطيه الشباب...

وأخذه منها ووزعه ع الشباب
وجلس جنبها...

توترت من قربه لأنه كان لاصق
فيها بس إنبسطت لماشافت نظرات دلال اللي بتاكلها...

رائد:أقول يمه أبيك تدورين لي
ع عروسه مثل زوجة رعد سنعه...

أم محمد:علشان تهبل في بنت الناس..

:هههههههههه

رائد بثقه:أدري إني بهبل فيها
بحلاتي وخفة دمي وياحظها
فيني.....

البنات ضحكوا وهم يناظروا سديم اللي عصبت...

فيصل:أبوك يالثقه..من وين جايبها...

رائد:الله يسلمك ماخذها من
جدتي الله يطول في عمرها
ومن الوالده الله يحفظها ومن نفسي الله يخليها...

فيصل:ماشاءالله مجمع مع كل
جهه....

سميه بسخريه:ماتشوفها بتطلع
من عيونه...

:هههههههههه

رائد:غيرانين وطقوا بعد..

عادل:ترا بالجزمه ع راسك إذا
ماسكت..

رائد ضحك:وهذا أول واحد

عادل فسخ جزمته ورماها عليه بس ماجته وجت سديم لأنها
جالسه من نفس الجهه الله جالس فيها...

سديم:آآآه...

رائد ضحك:بسم الله عليك..نصيبك عاد..ياعمري حاسه فيني

سديم عصبت منه ومن البنات
ورمتها عليه...

عادل:هــــييه جزمتي ماركه أبيها...

رائد:ههههههه والله ضربة بنت ناعمه ماتآلم مو مثلك جفش كسرت رجلها ياعمري..

ماجد يخزه:رائد...

حط إيده ع فمه:سكتنا

سديم:أحسن

***********

دخل للبيت وقابلته إخته اللي
استغربت لماشافته راجع:أهلين

مر من عندها صاعد الدرج:هلا

إستغربت منه ولحقته لغرفته
دخلت وشافته جالس ع طرف السرير ومفسخ جزمه وسرحان...

البندري:بسام شفيك

بسام انتبه لها:مافيني شئ..

وقام بيدخل الحمام بس وقفت
قدامه وقالت باصرار:إلا فيك
شفيك وبعدين ليه راجع من المزرعه..موتقول بتنام هناك..
صايرشئ متهاوش مع أحد...

بسام ماله خلق:لاماتهاوشت
مع أحد بس مليت ورجعت فيها
شئ...

البندري بعدم تصديق:إنت تمل
من طلعه ومكان فيه فيصل مستحيل أكيد صاير شئ...

بسام عصب وكاره نفسه:البندري وبعدين معاك قلتلك مافيني شئ اففف

أبعدها ودخل للحمام....

**************

صحت من إزعاج جوالها وردت
بعصبيه من اللي داق عليها بهالوقت:نعـــــــم

البندري:بسم الله الرحمن الرحيم يالله صباح خير...

ريم استوعبت الصوت:هلا بندري

البندري:صباح الخير يانوامه...

ريم تعدلت:صباح النور..كم الساعه..

البندري:الساعه عشره ونص

ريم:يووووه في أحد يدق هالوقت فيني نوم إذا صحيت دقيت عليك

البندري:قومـــــــي فيه أحد ينام هالوقت بهالجو الحلو ولابعد بمزرعه مالت عليك

ريم ضحكت:أيوه أنا...

البندري:من ردات حظك والله
متى بترجعون بتطولون

ريم:مادري ماأعتقد اللحين الجو
حلو ع قولتك ووناسه

البندري:والله إني مقهوره من
بسام الواحد يتمنى يقعد في مزرعه بهالجو الحلو وهم يرجع

ريم تفاجأت:بسام رجع ليه

البندري:مادري عنه يقول مليت
مع إني ماعتقد لأن شكله مره
متغير ومتضايق..

ريم بخوف:ليه شفيه

البندري:مادري عنه عجزت أسحب منه الحكي ماقدرت
خفت يكون متزاعل مع أحد

ريم:لا طبعا لا..العيال مبسوطين معاه ماعتقد

البندري:مادري عنه والله

ريم بخوف:بليز البندري حاولي
تعرفي شفيه

البندري بضحكه:هااااااه أشوف حركات الحب بدت...

ريم:هههههه أقول بس إسمعي
الحكي..

***********

دخلت المطبخ وصبت لها كاس عصير...

:ياصباح الورد والحب..

شهقت لماسمعت صوته ولفت
شافته واقف قدامها لابس بنطلون أسود وبلوزه بيضا نص
كم وإبتسامته ع وجهه..

نزلت راسها باحراج ووجهها أحمر وقلبها يدق بقوه..مستحيه منه لأنها لسى ببجامتها البرمودا مابدلتها..أول مره تطلع من الغرفه مابدلت
كانت دايم ماتطلع إلا وهي مبدله ويوم تطلع مابدلت تطيح فيه...

قرب منها وهو مبتسم ع شكلها
الخجول..

كان شكلها ببجامتها البرمودا كأنها طفله مرره كيوت...

إبتسم:مارح تسلمين ع زوجك

نزلت راسها باحراج ودها تهرب
من قدامه..

مد إيده وسحب إيدها يصافحها
رفعت راسها وشهقت بروعه لما
شافته يقرب بيبوسها وبعدت:ماجد

ضحك:بسلم حرام..

بعدت عنه وسحبت يدها:خلاص
سلمت..

رفع حاجبه بابتسامه:بسلم زين
ع زوجتي ليه مسللم ع واحد من
الشباب أنا...

مشت بتهرب منحرجه وشهقت
لماحوط إيده حول خصرها
وصار ظهرها لاصق بصدره
:تعالي تعالي أناماصدقت أشوفك...

حاولت تبعد عنه وقلبها يضرب
أخذ كاس العصير من يدها اللي ماطاح بصراحه إعجاز وحطه ع الطاوله وإيده الثاني محاوطتها

:إيـــــــش تســـــــووووووون

التفت للباب وشاف شهد مطيره
عيونها عليهم:واللـــــــه لاأعلـــــــم عليكم...

ترك داليا ومسكها وشالها قبل
تروح تفضحهم...

شهد صرخت:يمـــــــا ا ا ا ا ا ا ا اه

ماجد:تعالي تعالي جيتي ياأم
لسان

شهد ناظرته:والله لاأعلم عليكم
وأقولهم وش تسووون في المطبخ...

شهقت داليا وهي بتموت من الخجل وغطت وجهها ودموعها في عيونها....

ضحك ماجد لماشاف شكلها و
قال لشهد:إذا ما سكتي وقضبتي
لسانك يام لسان والله لا أعلقك في المروحه

دخلت سميه:شفيكم...

وضحكت لماشافتهم...

نزلها ماجد وقال:خذيها معك
وإن فتحت فمها بكلمه ياويلها..

سميه بضحكه:ليه وش مسوي ها..

ماجد:إنا لله خلصنا من البزر
جيتي إنتي..

ضحكت وأخذت شهدالمبوزه وغمزت لهم:خذوا راحتكم

طلعت..وداليا كان ودها تطحنها طحن..

رجعت ع ورى لماشافته يقرب:لاتقرب

ضحك:ليه تراني حبوب ماآكل

مشت بسرعه بتهرب بس مسكها وسحبها..غمضت عيونها
ياربـــــــي...

دخلت مي:سمعت إن طيور الحب في المطبخ

شهقت داليا..ياويلها اللخين الكل عرف..والله ماأخليك ياسميه الزفته إنتي وشهدوه..

ماجد:ياحووول الواحد مايعرف
ياخذ راحته من هالعذال...

ضحكت وسلمت عليه وسحبت
داليا منه:خلاص خل البنت تتنفس وفكها ..ويالله إطلع ترا
جدتي تقول يطلع وإلا جيته بالعصا..

سحب داليا له:طيب بسلم ع زوجتي قبل...

باس خدها بسرعه ومشى بيطلع ورجع أخذ كاس عصيرها
وغمز لها:هذا لي..

وطلع..داليا ميته خجل ووجهها
مشتعل حراره..

مي:الله يعينك عليه...

طلعت منحرجه ودخلت الغرفه
وأول ماشافوها البنات صرخوا:أو و و و و و و و و و و و و و و

مسكت سميه وضربتها بقهر:با ا ا ا ا ا ا ا ا ا ايخه

سميه ميته ضحك وموقادره
تبعدها عنها...

*************

برى عند الجده ...

:السلام عليكم..

باس راس جدته وأمه وجلس
جنب لميس...

التفت لها وهمس:صباح الخير

رفعت راسها وناظرته مستغربه
لقته يناظرها مبتسم..

نزلت راسها وقالت:صباح النور

صبت له قهوه وعطته إياها..

جتهم دلال لابسه بنطلون أسود
جلد ضيق وبلوزه حمرا كت وشعرها تاركته مفكوك تمشي بدلع :صباح الخير..

:صباح النور..

جلست جنب أمها وهي تآكل رعد بنظراتها كان لابس بنطلون
أسود وبلوزه برتقاليه زايد وسامته اللون ورافع شعره بنظراته السودا...

بس رعد ماناظرها كان يقرا جريده ...

إنقهرت منهالميس حتى ماحشمت جدتها..

دلال بتلفت إنتباهه قالت بكل دلع:رعــــد

رفع راسه:نعم

إستانست لماناظرها وقالت وعيونهاتناظره بغنج وتبتسم:إذا خلصت من الجريده عطني إياها

رجع يقرا الجريده:إن شاءالله..

دلال ناظرت في لميس بتحدي..

قعدوا يسولفوا وكانت دلال تتعمد تكون هي اللي ماخذه الجو وتسولف مع رعد..

ولميس ساكته حاسه بملل وقهر
ومحتقره دلال ورعداللي يسولف معاها عادي ولاكأنها
موجوده جنبه..

قامت بتروح...

أم محمد:وين يمه

لميس:بصحي البنات..

لمحت رعد ماعطاها وجه ومندمج بالسوالف وراحت عند البنات مقهوره ودموعها في عيونها حتى ماكلف نفسه يناظر فيها ويسألها..

******************

العصر البنات قرروا يروحون
عند الإسطبلات..

مشوا كلهم ناحيتها..

شهقت شهد:حصـــــــان

وقفوا لماشافوا أحد راكب حصان في الساحه..

قربوا وقالت ريم:رعـــــــد..

رفعت راسها لميس وشافته
شكله دوخهـــــــا..

يجنن عليه لبس ركوب الخيل
أسود وأبيض..طالع يخقق..

قربوا من عنده ووقفوا خلف
السياج...

نادته ريم:رعــــــــــــــد

التفت وشافهم متجمعين..

حرك الخيل ناحيتهم تمشي بكل خيلاء..

إبتسم:وش عندكم

شهد:أبي أركب..

نزل من ع الخيل وقرب من السياج ومد يده:تعالي..

شالتها ريم ورفعتها له...

شالها وركبها الحصان وخلاها
تتمسك فيه..

التفت لريم:ريم تعالي ركبي معاها لاتطيح

إنبسطت وركبت معاها بمهاره
لأنها متعوده..

مشى الحصان ورعد ماسكه وشهد ميته من الوناسه...

شهد:خله يركض تكفى..

رعد تركه :أوك

أبعد عنهم وخلى ريم تحركه

تسند ع السياج وشال القبعه أو
الخوذه..عن شعره ...
حرك شعره بإيده وهو يراقب
ريم...

لميس تراقبه ميته ع شكله
وقلبها يدق بقوه ..يجنن يجنن ...

التفتت لدلال وشافتها تناظر رعد
بهيام وحب وماشالت عينها عنه

إنقهرت مرره ...

صفر رعد للحصان وجا له يركض...

رعد:خلاص يكفي...

نزل شهد المعترضه ماتبغى
تنزل...ونزلت ريم...

ومسكه وناظر في لميس:لميس

التفتت تناظره .....وقال:تعالي

شالت الغطا عنها ...وعطته سميه...

ناظر في لبسها ...

كانت لابسه فستان نعوم أبيض
فيه تحت الصدر شريطه سودا
قصير ولابسه بوت طويل أسود وشعرها متناثر ع أكتافها
بنعومه..

دق قلبه لماشافها يجنن شكلها عجبه مرره ..

ساعدها تعدي السياج...

البنات مرره مبسوطين ..

ودلال الغيره تطلع من عيونها
والقهر يشتعل داخلها...
بتموت من القهر..

رفع لميس من خصرها وركبها
الحصان بحيث تصير رجولها من
جهه وحده ...

وركب خلفها بحيث تصير قدامه
ومعطيته جنبها...

رفعت راسها وناظرت فيه وتعلقت عيونها بعيونه...

ماحسوا إلا بنور فلاش الكاميرا
اللي صورتهم...

التفتوا وشافوا ريم معاها الكاميرا تصورهم....

ضحك وحرك الحصان يمشي
لميس خافت تطيح ولصقت
في حضنه ...

رعد:لاتخافين مارح تطيحين

تمسكت بظهره لما أسرع الحصان:رعد

ضحك:ياخوافه مارح تطيحين

لميس وكأنها طفله:إلا بطيح
لاتخليه يسرع...والله خايفه...

إبتسم وهو ناظرها:تخافين وأنا
معاك...

ناظرت في عيونه وآآآه من عيونه اللي أخذتها لعالم ثاني
وقلبها يسابق خطوات الحصان

غمضت عيونها وضمته لما
بدى الخيل يركض...
ماتدري ليه تحس براحه بحضنه
وتتمنى ماتبعد عنه...شدت إيدها
ع ظهره ...

وخصلات شعرها تداعب خده
ورقبته...

غمض عيونه ولف إيده حول
خصرها والإيد الثانيه ماسكه
لجام الحصان....

*****************