الفصل الثالث

رواية جريمة أسرية الجزء الثالث 3 بقلم محمود الأمين جريمة أسريةرواية جريمة أسرية الحلقة الثالثة _انا عارف انك هتتشل من اللي انا هقوله، بس البطاقه كانت بتاعه الاستاذ شحاته

= لا حول ولا قوه الا بالله، انا فعلا هتشل يا عم صلاح، ما انا قولتلك شحاته هو اللي قتل بنته وقتل الاطفال دي وانا كنت شاكك فيه من البداية، واكيد هو هنا في المستشفى عشان المحكمه طلعته مريض نفسي طبعاً.. اكيد اتعرض هنا في المستشفى على لجنه نفسيه وهي اللي اكدت انه مش طبيعي صح ولا لا؟! _بتتفرج على افلام عربي كتير يا دكتور، للاسف كلامها غلط وخليني اكمل الحكاية عشان تفهم ايه اللي حصل في الاخر

= طيب كمل يا عم صلاح، ايه اللي حصل تاني؟ الظابط لما مسك البطاقه في ايده ولقاها بطاقه شحاته ما كانش مصدق، مليون سيناريو جه في دماغه مره واحدة.. وكان بيسأل نفسه معقول الراجل هو اللي عمل في بنته كده؟! وطبعا رجاله الطب الشرعي والمعمل الجنائي وصلوا للمكان عشان يفحصوا الجثة ومسرح الجريمة.. واثناء فحص الجثه المبدئي اللي بيتم في مسرح الجريمة، دكتور الطب الشرعي نادى على الظابط وركز معايا الدكتور قال ايه

_ما فيش اي اثار مقاومة على جسم المجني عليه، ما فيش اي خدش في الجسم اما بالنسبه للدم اللي موجود فده نتيجه لوقوع المتهم على دماغه وارتطمها في الارض بعنف = يعني ايه؟! _يعني الجثه دي هتتشرح عشان نعرف السبب الحقيقي في الوفاه، السبب الظاهر هو انه راسه اتخبطت في الارض ولكن بعد التشريح ممكن تظهر حاجه تانيه مستخبية = هو حضرتك شاكك في حاجه يا دكتور؟!

_في اثار ترجيع على البوق واضحه وظاهرة وده لو دل على حاجة فهيدل ان ممكن الصرفي ده يكون اتعرض للتسمم وممكن يكون التسمم هو السبب الرئيسي في الوفاه، عموما خلينا ما نستعجلش احنا هنشرح الجثه وهنوفي حضرتك بتقرير وبعد ما الرجاله خلصت شغلها واترفعت البصمات واتحطت الجثه جوه كيس الجثث واتنقلت على المشرحة، رجع الظابط على مكتبه من تاني وساعتها قرر يستدعي شحاتة، وفعلا طلع اذن من النيابه بضبط واحضار شحاتة

واتحركت قوه عشان تقبض عليه في الوقت ده شحاته كان قاعد في بيته بيحاول يفهم ايه اللي حصل بالظبط ومين اللي عمل في بنته كده؟! .. ومراته كانت قاعده جنبه بتهون عليه ولكن في الوقت ده سمع شحاته صوت خبط جامد على الباب، قامت مراته بسرعة من مكانها وهي بتقول يا ساتر يا رب، وفتحت الباب ولقيت الشرطه بتقتحم الشقة وبتقبض على شحاتة. شحاتة اللي كان واقف مذهول في اللحظه دي، وكان بيسال نفسه هو في ايه؟! .. انا عملت ايه؟!

فرد على الظابط وقال = خلاص يا شحاتة كل حاجه وضحت والانكار مش هيفيدك دلوقتي، والافضل ليك دلوقتي انك تعترف باللي حصل وتقول قتلت بنتك والاطفال دول ازاي؟ .. وليه قتلت الصرفي؟ _انا ما قتلتش حد، ما قتلتش حد = الكلام ده بقى تقوله في النيابة واتقبض على شحاتة.. واول ما وصل المكتب بدأ التحقيق معاه على طول _ما هي اقوالك في التهم المنسوبه اليك؟ = انا ما عملتش حاجه يا باشا، انا ما قتلتش حد.. انا بريء والله العظيم ما قتلت حد

_ايه علاقتك بالمجني عليه احمد الصيرفي الشهير بالصيرفي؟! = ما اعرفش حد بالاسم ده _الراجل ده المفروض حسب شهاده الشهود، ان هو اللي خطف بنتك وعمل فيها كده ولما روحنا عشان نقبض عليه لقيناه مقتول بس جنب جثته كانت موجوده البطاقه دي، بطاقتك يا شحاتة = البطاقه دي ضايعه من فترة.. كانت واقعه مني ومش لاقيها وكنت ماشي في اجراءات بدل فاقد

_دي مش القصه.. دلوقتي يا شحاته احنا قدام احتمالين الاول انك انت اللي قتلت بنتك او خليت الصيرفي ده يقتلها لسبب ما هنعرفه بعدين وانك انت اللي قتلت الاطفال وحرقت بيهم البيت المهجور، وجايز تكون اختلفت انت والصيرفي فخلصت عليه والاحتمال التاني انك تكون عرفت ان الراجل ده هو اللي عمل كده في بنتك، فقررت انك تنتقم وروحت خلصت عليه.. وانا اهو بقولك اختار السيناريو اللي يريحك فيهم يا شحاتة هو التاني اخف شويه من الاول مش كده؟!

= يا باشا لا ده صح ولا ده صح، انا ما اعرفش مين الراجل اللي انتوا بتتكلموا عنه، وصدقني انا لو اعرف حاجه كنت اتكلمت _للاسف لحد دلوقتي الدليل الوحيد اللي في القضيه ضدك وهي بطاقتك اللي اتوجدت في مسرح الجريمة اللي اتقتل فيه الصيرفي = طيب بالعقل كده يا باشا، لو الاحتمال الاول هو اللي صح هو في اب يعمل كده في بنته هسيب راجل غريب يعتدي عليها ويقتلها طب عشان ايه؟

.. اما بالنسبه للاحتمال التاني فانا ما اعرفش مين هو الراجل ده واول مره بسمع اسمه دلوقتي _انت هتشرفنا يا شحاته، لحد ما نخلص تحقيقات ونشوف اذا كنت بريء ولا لا؟ .. انا عن نفسي مصدقك احساسي بيقولي انك بريء بس للاسف احنا عندنا قانون مش بيحكموا الاحساس ولتاني مرة شحاتة يدخل السجن، ما كانش عارف ليه ده بيحصله، ورغم الظلم اللي هو فيه بس حاول يفكر بايجابيه شويه مين اللي ليه مصلحه يعمل كده؟

.. الاول يرمي عقد بيته القديم في بيت بيتحرق وبعدها يرمي بطاقته جنب جثة وفي الوقت اللي كان فيه شحاتة بيفكر في الموضوع، كان طلع تقرير الطب الشرعي الخاص بجثه الصيرفي.. التقرير اللي كان بياكد على الكلام اللي قاله الدكتور في التقرير المبدئي

الصيرفي مات نتيجة لتسمم غذائي وان الجرح اللي في راسه مش هو اللي سبب الوفاه.. اما عن تقرير البصمات فكان في بصمه واحده غريبه في المكان وباقي البصمات تخص المجني عليه ولما النيابه طابقت بصمات شحاتة بالبصمه الغريبه ما طلعتش بصمته.. وعشان كده النيابه اخلت سبيل شحاتة على ذمه التحقيق، ولكن كان لسه في دايره الاتهام لسه ما طلعش من القضية… الظابط كان هيتجنن وكان كل ما بيقولوا ان هو وصل خلاص يرجع تاني لنقطه الصفر

وفي الوقت ده كان في تحريات مكثفه عن المجني عليه احمد الصيرفي، القرايب والصحاب والعداوات، ومين اللي كان بيتردد عليه باستمرار والتحريات اثبتت انه كان في واحد بيتردد على بيت احمد الصيرفي كتير واتشاف معاه كذا مرة وكانت اخر مرة اليوم اللي اتقتل فيه احمد الصيرفي نفسه والشخص ده اسمه عطية حسن

فريق البحث الجنائي بدأ يعمل تحريات عن عطيه حسن، والشخص ده طلع رد سجون، وبعد مرور شهر كان الموضوع هدي شوية عن الأول وفي اليوم ده جه تليفون للظابط من فريق البحث الجنائي بيقول انهم عرفوا مين هو صاحب البيت اللي اتقتل في الاطفال واتحرق بيهم.. والصدمه انه طلع هو عطيه حسن ولكن مش دي الصدمه الكبيرة.. الصدمه الكبيرة بجد لما تعرف عطيه حسن ده يبقى اخو مين؟ = اخو مين يا