رواية جريمة فيلا سقارة بقلم محمد ابراهيم عبد العظيم | كاملة

م أنا المقدم صخر الجمّال، مقدم في المباحث الجنائية. الجريمة حصلت يوم 14 يناير سنة ٢٠١٧ وقتها الساعة كانت بتقرب على ٣ الفجر، كنت لسه مروّح البيت، يدوب قلعت الجزمة وقعدت على الكنبة، لقيت التليفون رن بيرن، كان صلاح أمين الشرطة رديت وأنا مرهق: _أيوة يا ابني.. فيه إيه؟. -يا باشا آسف على الإزعاج، بس فيه بلاغ وفاة في فيلا رجل الأعمال شاهر الزيات في سقارة. _وفاة؟ وفاة طبيعية ولا فيه شبهة؟. -والله يا باشا مراته اللي بلغت، وبتقول إنه مات وهو نايم، ومفتش الصحة وصل هناك وقال مفيش إصابات ظاهرية، بس عشان الراجل تقيل ومشهور، المأمور قال لازم حد من المباحث يعاين قبل ما يطلع تصريح الدفن. _تمام.. مسافة السكة. قفلت السكة وأنا بنفخ بضيق. شاهر الزيات الاسم مش غريب عليا، راجل أعمال كبير في مجال الاستيراد والتصدير، ثروته بالملايين، بس سمعته كانت دايماً غامضة، عايش بعيد عن دوشة القاهرة في فيلا وسط النخل والزراعة في سقارة. لبست الجاكت...