رواية جريمة الفصل الثاني
رهف : اهو يا ست قولي
روح: فاكرة اليوم اللي اتق فيه محمود انتي كنتي بتقولي انك ضربتيه علي راسه في الأوضة
رهف : والله مانا اللي قتلت
روح : عارفة لكن انتي فعلا ضربتي حد ولا ده كان ايه ولا انتي كنتي سكرانة
رهف : لأ مكنتش سكرانة وانا متأكدة ان محمود كان في الأوضة وانا ضربته علي راسه
روح : طيب ازاي الجث انتقلت من اوضتك لبيته ؟!
رهف : انتي هتخوفيني ليه ، سلام قول من رب رحيم
روح : الحكاية فيها سر وانا لازم اعرفه
روح ورهف كانوا خايفين من اللي حصل وقعدوا يفكروا في تفاصيل الحكاية يمكن يكتشفوا حاجة لكن قطع تفكيرهم صوت جرس الباب .
رهف بخوف : ايه ده
روح : اهدي ده الجرس
فتحت روح الباب و وقفت مصدومة من اللي شافته
رهف : مين يا روح ؟
رهف هي كمان وقفت مصدومة جنب اختها
الطارق : ايه يا جماعة مش هتقولوا اتفضل
روح : محمود !
رهف : انت عايش ؟!
محمود : في ايه ،هو انا مش اتفقت معاكوا اني هاجي يوم الجمعة عشان نحدد معاد الفرح
محمود دخل وقعد في الصالون و روح ورهف قعدوا جنب بعض خايفين ومندهشين وبعد كام دقيقة
روح : طيب بعد اذنك شوية يا محمود
محمود : طبعا اتفضلوا
الاختان قاموا دخلوا أوضة وقفلوا عليهم
رهف بخوف : عفريت يا روح ،عفريت
روح : عفريت ازاي بس انتي هبل
رهف : اومال ايه اللي بيحصل
روح : مش عارفة
رهف : انا هشتغل قرءان ونشوف ايه اللي هيحصل
روح : فكرة حلوة
روح ورهف خرجوا لمحمود وشغلوا قرءان وقعدوا مبرقين لمحمود عشان يشوفوا ايه اللي هيحصل
محمود : المنشاوي صوته يريح القلب والروح والله
رهف بعياط : عجبه صوت الشيخ يا روح
محمود بتعجب : مالك يا رهف ؟!
روح بقلق : انت كنت فين الايام اللي فاتت دي يا محمود ؟
محمود : ايام ايه بس انا كنت بتغدي عندكوا اول امبارح
رهف بعياط : انا هدخل اوضتي ثواني وراجعة
رهف قامت دخلت اوضتها واول ما دخلت قعدت تصرخ بشكل هستيري
روح : مالك يا رهف ، ايه ده! ..