الفصل الثالث

رواية جثة عادل الجزء الثالث 3 بقلم محمود الأمين جثة عادلرواية جثة عادل الحلقة الثالثة _واحد صاحب عادل، جاله قبل كده البلد زياره كذا مره وعرفت ان اسمه موسى = حضرتك من الكلام اللي انت بتقوله ده؟ _ده اللي انا شوفته بعينيا.. الوقت كان متأخر اه بس انا قدرت اشوفه وكانت في عربيه سودة ومتفيمه مستنياه واول ما ركبها جريت بيه على طول الكلام اللي بيقوله الراجل ده خطير جداً، بعد كل ده يطلع اللي عمل فيه كده موسى طيب ليه؟!

ما اهو لو التحريات بتاعتنا مظبوطة يبقى الراجل ده ممكن يكون بيكدب علينا، في حاجه غلط بصيت للراجل اللي كان قاعد وباين عليه التوتر وقولتله _انت مين اللي باعتك تقول الكلمتين دول؟! = حضرتك بتكلمني انا؟! _ايه شايف حد غيرنا في المكتب يا استاذ عباس، ايوه بكلمك انت مين اللي باعتك تقول الكلمتين دول؟! = مفيش حد باعتني، انا جاي اشهد شهاده حق ولو اعرف ان حضرتك هتقول كده ما كنتش جيت ولا اتكلمت ربنا عالم اني جاي من نفسي

_لا سيبك من شغل الصعبانيات ده وتعالى دوغري، انت قولت في بداية كلامك انك كنت خايف على ابنك اللي ما عندكش غيره ايه اللي خلاك غيرت كلامك وجيت تشهد ولا ابنك ما بقاش مهم عندك؟! = مش عارف انام، كل ما اغمض عيني بشوف اللي حصل قولت اريح نفسي من العذاب اللي انا فيه، وانا وابني لينا رب كبير يتولانا

_مش عارف ليه مش مصدقك، ولكن انا همشي ورا كلامك وهشوف بس لو طلعت كداب يا عباس هتشرفنا هنا في الحبس وهيتعملك محضر وهتلبس قضية شهاده زور = انا راجل اعرف ربنا كويس ومستحيل اشهد الشهاده دي انا شهدت بالحق وبس

كلامي معاه كان تشكيك عشان يغير كلامه او يتهز لكن الثقه والثبات اللي كان بيتكلم بيهم خلاني اصدقه وطلبت من ايمن يعمل تحريات جديدة عن عادل وموسى.. وفي مشوار كان لازم اروحه كان لازم اقابل حاتم اخو عادل ورغم اني عارف حجم الخلافات اللي كان بينهم ولكن قولت جايز يكون عارف حاجه عن العلاقه ما بين عادل وموسى كانت عامله ازاي الفتره الاخيرة وصلت عند بيت حاتم وبصراحه الراجل رحب بيا جداً

وقعدنا وبدأت اتكلم معاه ولما سألته عن الموضوع اتكلم وقال _بص يا باشا انا واخويا بينا مشاكل كتير مصانع الحداد، بس الراجل اللي اسمه موسى ده انا ما كنتش برتاحله، معرفش ليه؟ وانا فاكر لحد دلوقتي اليوم اللي اترفدوا فيه هما الاتنين، يومها موسى جه البيت هنا لعادل وكان بيقوله انا اترفدت بسببك بسبب عندك وغبائك مالنا احنا ومال الشركه احنا لينا شغلنا

واللي فهمته وقتها من كلامهم، ان عادل وموسى اترفدوا من الشركه بسبب ان عادل اكتشف فساد في الشركه ولما حب يتكلم رفدوا طيب ودخل موسى ايه بالموضوع داخله ان هو اللي جاب عادل الشغل فاستغنوا عن خدماته هو كمان وانا رغم الخلافات اللي بيني وبين اخويا كان نفسي اروح اطبطب عليه واقوله ما تزعلش بس للاسف ما لحقتش = طيب تفتكر ان موسى هو اللي قتل اخوك وعيلته؟ _مفيش حاجه بعيد، بس السؤال هو قتله ليه؟!

مشيت من عند حاتم وانا دماغي بتودي وتجيب، طيب موسى قتله ليه؟! .. ايه مصلحته في كده؟! رجعت على المكتب ولقيت ايمن مجهز التحريات والملف على مكتبي.. واول ما شافني اتكلم وقال _انا كنت لسه هتصل بحضرتك، في حاجه مهمه لازم حضرتك تعرفها = خير يا ايمن ان شاء الله

_في شخص ممكن يفيدنا في القضية دي، واحده كانت مخطوبه لموسى وفركشت خطوبتها عليه بعد موت عادل ب 24 ساعة وعلى حسب التحريات وشهاده الناس في المحضر اللي اتعمل لموسى منها لما حاول يتهجم على بيتهم بعد فسخ الخطوبه البنت دي كانت بتقول لموسى انا مستحيل اكمل مع واحد قاتل = وانت لسه واقف يا ايمن العنوان بسرعة اتحركنا على العنوان خطيبه موسى كان اسمها مريم.. وطبعا اول ما وصلنا عندهم كانوا خايفين ان بنتهم تكون عملت حاجة

ولكن طمناهم اننا عايزين ناخد كلمتين منها ونمشي حالتها النفسيه كانت وحشه وبالذات بعد ما عرفت ان موسي اتقتل خرجت من اوضتها وقعدت قدامنا عشان نبدا نتكلم معاها _انسه مريم البقاء لله احنا جايين ناخد منك كلمتين وهنمشي على طول.. حضرتك عملت محضر لموسى لانه حاول يتهجم على البيت بعد فسخ الخطوبه وحسب شهاده الشهود انك قولتيله انا مستحيل اتجوز واحد قاتل.. فممكن حضرتك تفهمينا؟

= موسى وعادل كانوا شغالين معايا في الشركه، وانا وموسى اتخطبنا من سنة ولكن كنت بلاحظ ان موسى قريب اوي من مدير الشركه الاستاذ عمر لحد اليوم اللي اتفاجئت انه عادل وموسى الاتنين اترفدوا وعرفت ان عادل كان ماسك ورق بيثبت ان المنتجات اللي بتنزل للناس في الاسواق مسمومة ولكن الغريب ان موسى كان واقف ضده كان بيطلب منه يرجع الورق ده بس مكنتش اعرف انه بيشتغل لحساب الناس دي قتال قتلة، في اليوم اللي اتقتل فيه عادل طلب يقابلني تحت

البيت ضروري كان معاه ورق طلب مني اشيله معايا ومفتحهوش بس لما عرفت ان عادل اتقتل هو وعيلته فتحت الورق وعرفت ان هو ده الورق اللي كان مع عادل وعرفت ان هو اللي قتلهم ولما واجهته ما انكرش وقال ان عادل هو السبب في كل حاجه حصلت لو كان خلاه في شغله مكانش ده حصل.. وبعدين الناس دي دفعتلي فلوس تخلينا نتجوز بكره لو عاوزين وانا اشتريت نفسي واشتريتك وما كانش قدام اختيار تاني لو انا ما نفذتش كان غيري هينفذ وكانوا هيخلصوا مني عشان

انا عارف الحقيقه كلها

رفضت ارجع الورق وفسخت خطوبتي عليه وهو ده اللي خلاه يتهجم على البيت مش عشان انا فسخت الخطوبه عشان الورق اللي معايا.. وقبل ما حضرتك تسأل انا عرفت ان الورق اللي معايا هو نسخه من الورق الاصلي والناس دي لما عرفت ان هو بيلعب بيهم وانه عمل نسخه من الورق خلصوا عليه.. الورق اهو في كل حاجة كان عادل عاوز يوصلها ليكم انا من يوم موت موسى وانا مرعوبه ومش بطلع من البيت ولو سمعت صوت خبط في الشارع بترعب

خلصت كلامها وطمنتها ان احنا هنحل الموضوع، بعد نص ساعه الورق كان على مكتب النائب العام اللي اصدر قرار بالقبض على مدير الشركة عمر سليم وقفل الشركة وتشميعها بالشمع الاحمر والغريب ان في التحقيقات وبمواجهه عمر سليم مدير الشركة بكلام مريم والورق اعترف ان هو اللي عمل كل حاجة، وللاسف الشركة دي كانت شركة معروفة وصدر قرار برفع كل منتجاتها من السوق لحد ما جيه يوم المحكمة وكانت اسعد لحظات حياتي وانا بسمع حكم الاعدام على عمر سليم

ولكن اللي كنت مستغربه انه ممكن الصحاب تبيع بعضها عادي عشان 1 2الصفحة التالية مدونة كامومنذ ساعتين 0 4 دقائق