السلام عليكم حبايبي ورحمة الله وبركاته
اعرف من يجيكم الاشعار عبالكم بارت جديد عن الابطال
بس حبيت افرحكم بولادة سيلين جابت توأم اولاد
وباقي البنات بخير وعافية ، اما مريم تخصصت بنفس تخصص ابوها...
ادهم وسيلين
ملاك وضيغم
نرمان وصعب
فهد وايفين وعلي
كلهم بخير وعافية الحمدلله ....
بالنسبة للرواية الجديدة راح تنزل هاي اليومين اسمها الوجه الآخر للرحمة رواية راح تعجبكم كلش هووواي ....
بالنهاية عندي توضيح بسيط وعتب بنفس الوقت
اول شي دخلت على الاشعارات حبيت اتسلى بتعليقاتكم وياريت ما دخلت بسبب تعليقات البعض
يعني فشار وغلط ومسبة ناس على ناس وعلى الابطال
ادري ليش شنو تحسوون من هيج تفشرون يابه مو اكو ناس وراكم تقرأ ، اكو كبار بالعمر وياكم وحتى فشلة من البطلات نفسهم ، كلش عيب هاي التصرفات واتمنى ما تنعاد بالرواية الجديدة ...
واكو شغلة انتبهت عليها بكل فقرة كاتبين هذا المشهد ذكرني بفلان بفلان قصة او هاي البطلة مثل البطلة الفلانية وهذا نفس البطل المدري منو وووووو وغيرها
بس احب اكوللكم رواية جذبني اول رواية تتفرد وتتعمق بعلم النفس وكل القصص اللي كاعد تذكروهم اجتي وراها يعني مو اني اللي اقتبس من رواية ثانية مثل ما لكيت تعليقات من البعض .
والله والله من اروح اقرأ من الرواية اللي انتم ذاكريها انصدم بكمية الاقتباس من هاي الرواية يعني شنو تحسوون من تاخذون تعب غيركم لو وفوكاها تكتب القصة حقيقية عليمن تضحكون والعجيب البنات مصدكات ويقرون بشغف ويجون يتهجمون هنا
ليش هيج ؟ هسه من تاخذون فكرة غيروها والله عيب يعني اني اقرالكم وهياتها مبينة كتاباتي او مشاهد او حوارات ...
لو اقرا تعليقات من ادهم شخص حالة سيلين بالسايكو كاتبيلي هاي شنو كلشي ولطشتوا السايكو ؟ وهذا الدكتور كلشي ميفتهم غير بس هاي الحالة ههههههه تخيلوا تقارن روحها بدكتور بكد الدنيا
وغير هيج تعلمني انو السايكو بس من الصغر ومن الطفولة ولازم يكون معتدين عليه لج بابا شتحسين روحي اقري عدل وجيبي معلومات ناقشي بيها لتضحكين عليج الناس
الانسان ممكن يصير سايكو بسبب التعاطي وممكن بسبب اخذ جرعات زايدة من علاجات معينة ....
وهاي اول رواية ينكتب بيها عن السايكو وبشكل تفصيلي اللي اجت بعدها من قصص ميحتاج اكمل ، بمعنى لولا شخصية فهد انكتبت ما جان شفنا ب
هل كم الهائل من ابطال القصص سايكو ، و اول قصة ينطرح بيها هيج شخصية بعد المقارنة على شنو ؟
واخرها اللي تكتب اوي هاي شنو غزلهم كرنج ؟ او وصف معين او غيرها ...
اي حبيبتي احنا جيل الطيبين نكتب كله كرنج مدري شنو روحي اقري لكاتباتج كاتبات الصدفة اللي يفتحون قصص ويتقبسون منها ...
المهم جذبني فمك البني انكتبت سنة ٢٠٢٠ وانختمت بسنة ٢٠٢١ شهر الواحد ....
وفهمكم كفاية ...
اما البقية متابعيني الاعزاء احبكم هواي وشكراً لتعليقاتكم الجميلة البارحة اضحك وية ضحكم وتعليقاتكم كلش حلوة وان شاءلله اشوفكم بالرواية الجديدة ....
مع الف سلامة 🤎
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!