رواية جيت مابيك تحقرني جيت أبيك تعز شاني الفصل العاشر 10 - بقلم r010ee

اخوك فزع لك قبل وملك على أمي اما أنت بنتك بتجلس على قلبك واشوف مين بيفزع ويملك عليها بعد مارفضتها قدام الرجاجيل وبخبث وأكيد الكل بيرفضها بعد ماولد عمها رفضها وسكت من الكف الي جاه من عمه حس بصدمه ماتوقع أبد كور يده وهو وده يرده له
طالع أبوه الي يطالعه بعصبيه وقف وقرب منه وهو معصب: والله لاتملك عليها وغضب عليك
وطالع أخوه اعذرني ي خوي ماعرفت اربيه لكن مايصير الي يطيب خاطرك وفوق عن خشمه وقرب منه يسلم فوق رأسه وهمس له تكفى انك تهدى ولا تفضحنا مع ذا المجنون

مصعب طالع عمه واشر عليه بتحقير : والله ماوسخ نفسي

ابو مصعب لف له وقاطعه بالكف الثاني وصرخ بعصبيه : واالله ي مصعب لا تملك عليها وغصب عن خشمك وهذاني حلفت

مصعب بعصبيه وبدون احترام للي حوله : والله ثم والله ماملك عليها وطالع عمه وبحقد استر على وسخ بنتك مع واحد خبل غيري

ابو أميره جلس وهو يحط يده على رأسه بنته ضاع نصيبها من الكلام الي يقوله يحس الدنيا تلف فيه

مصعب نزل نفسه وهمس له : الدنيا دواره
وطلع بسرعه وهو يسمع تهديد أبوه وصراخه
حس بعادل يركض وراه قال بعصبيه : عادل ولا كلمه

عادل بقهر : مجنون ليتك تميت الزواج وانتقمت ولا سويت الي سويته الحين رفضت بنت عمك قدام الرجاجيل تقول بها عيبه ي غبي ذي من هلك وشلون تسوي كذا ترا العيبه توصلك بعد

مصعب طنشه وركب سيارته وحركها بسرعه جنونيه
؛؛
؛؛

بالمجلس

عناد شك في حكاية رفض مصعب لها وبذات كان متحمس ...معقول في أخر لحظه سمع عنها شيء وبعد ...ماينسى سرحانه ...وطول وقته يطالع .. جواله وهو متوتر والحين وش همس لعمه وخلاه مايرد عليه .شاف عمه ينتفض من عصبيته فز بسرعه وهو يحاول يمسكه عشان مايرووح وراء مصعب وهو بذي العصبيه
قال وهو يحاول يهدي فيه ويحس برجفته بين يدينه : ي عم هدي على عمرك وان شاءالله مايصير إلا الخير

ابو مصعب قال بضعف وجع وهو يمسك بعناد : كسرني وفشلني قدام الرجاجيل كسر ني ولدي الوحيد ي عناد كسرني بالحيل

عناد ذبحته الغصه الي بصوته قال بنخوه: والله ماتنكسر وانا موجود وطالع أبوه اميره الي يطالع الأرض مكسور ومتفشل : لو أنت راضي ي عم وبنتك بعدبترضى فيني انا ابيها والحين ابي اعقد عليها لوتبي وطالع المملك الي وقف معترض

: وين التحليل ماملك دونه لما تحلوو مشكلتكم كلموني وطلع من المجلس معصب

عناد طالع المملك بقهر وقته ذا قال وهو يحاول يمسك اعصابه : أجل ي عم مايردني إلا التحليل كلها اسبوع ان شاءالله والامور تتم على خير بعد رضى بنتك ورضاك طبعاً

أبو أميره طالع الضيوف وهو محتار مايدري وش يقول يرده وهو الي فزع له...ولا يرضى فيه وهو عارف
الشموخ راح ترفضه بس قال بصدق وهو متندم على كل وقت نقص من قيمته ولا عاتب أخوه على وقفته معاه : والله اني قليل مرجله لو رديتك والبنت ماراح تلقى مثلك وطالع أخوه بعتب

ابو مصعب طالع عناد وقال: والله ي خوي انه افضل من ولدي وكاد خيره لها يوم رفضها وهذني اقولها قدام الكل ربي يحب ذي البنت ان بيجعلها من نصيب ذا النشمي

أبو أميره وقف وقال وهو يحاول يلم سواد الوجهه الي سواه مصعب : اقلطوا ي رجاجيل على العشاء وحنا الي مانبيه ولا هوو كفوو لابنتي ومثل ماقلت ي خوي ربي يحبها وابعدها عن اولدك سكت وهو يحس الدنيا تلف فيه مصعب اليوم ذبحه لكن هين والله مايخليها له ال***** بعد مالكل قام للعشاء دق على زوجته وهو معصب ...
@
@
@
في غرفة الشموخ
؛؛
؛؛

فتحت عينها بصدمه من الي ارسله لها أخوها سلطان
((قولي للشموخ الي رفضتني عشان ولد العم رفضها قدام الكل وبأبشع طريقه وفيس يضحك اللهم لا شماته))
طالعت الشموخ الي تتتجهز لطلعه للصاله
مافيها تتكلم ...مصدومه بالحيل من الي قرته رجعت طالعت رسالته وشافتها مره ثانيه تتبي تتأكد ...
كتبت له (سلطان الي تقوله صدق ))
رد لها((اي والله اني صادق وقولي لها بغيت افزع بس صراحه خفت الولد قام مثل المقروص أكيد بها بلا وخيره ربي فكني منها وبسرعه اطلعي أنا برا انتظرك ذي الاشكال محدن يتشرف يجلس ببيتهم ))

كانت تقرأ وهي مصدومه من كلامه وقفت وقربت منها بتوتر وسلمت عليها وقالت : معليش انا لازم امشي
سلطان ينتظرني برا

الشموخ بعتراض: وين تمشي وانا مابعد انزفيت وبقهر لا يسوي فيها أخوك الحين ترا مووقته أبد

تغريد اي زفه العريس رفضك بطريقه بشعه لبست عباتي وقلت بتوتر: ماعليه حبيبتي وسلطان ماله ذنب

الشموخ بقهر وزعل : افف تغريد حرام عليك بطلع الحين شوفيني بس يوم انزف وبعدها الله يستر عليك

تغريد وهي متوتره : كان ودي يالله مع السلامه

الشموخ استغربت طلوعها بسرعه طالعت أميره
الي جت وقالت : حبيبتي تأجلت طلعتك شوي شافتها بتعترض قالت بسرعه: شوي بس ي قلبي وهي تحاول تمسك نفسها قلبها وجعها عليها بالحيل

الشموخ عقدت حواجبها: ليه ان شاءالله وش فيه وبقهر لايكون من المصوره ال***** وينها خليها تطلع لي بتفاهم معاها الله يأخذها يكفي متأخره عن وقتها جايه الحين تتحكم بطلعتي

أميره اي مصوره بتجلس بعد المصيبه الي سواه مصعب ماتدري ايش تقولها صعب تقول لها ابوي دق علينا وقال خلاص كل شيء تكنسل ...وقال تصرفو بهدواء قدام ضيوفكم ...خلت أمها وهي منهاره ورفضت تطلع لشموخ ....وهي الحين ماتدري وش السوات

الشموخ بعصبيه: أميره لاتجلسي مفهيه كذا قولي لها تجي الحين الغرفه بسرعه وبطلع الحين

أميره بتوتر : كيف تطلعي وانتِ مابعد وقعتي

الشموخ جلست بقهر: اففف صح نسيت الله يأخذ العدو وترني طلوع تغريد يالله متى يجي ذا الدفتر أكيد المملك تأخر طالعت الساعه افف متى بيجي حضرته

أميره ماقدرت تقول لها طلعت من غير ماتخبرها
شافت أمها تناظرهل عند بدايه الدرج قالت بغصه: يمه والله قلبي مايقوى

أم أمير ه وهي تحاول تمسك نفسها يكفي انهيارها قبل شوي ويالله قدرت تمسك نفسها قدام الضيوف
اعتذرت منهم ودورت كذبه ان العروس تعبت فجاءه وأجلوو الملكه وقيمتهم على العشاء وبعدها الكل راح
طلعت لها وفتحت باب الغرفه شافتها جالسه بكامل زينتها قربت منها وضمتها وهمست لها: مايستاهلك والله

الشموخ بعدت عن حضن أمها بزعل: يمه لما الحين
وبعدك تغثيني بذا الكلام حرام عليك والله انه

ام أميره قاطعتها بصرخه وهي تهزها بقهر : بسس يكفي لا تدافعين عنه قليل المرجله ذا الله يأخذه في ذي الليله المباركه مثل ماوجعنا الله يوجعه ورفعت يدها تدعي يارب في ذا الشهر الكريم ان تأخذ حقنا منه

الشموخ كانت مصدومه من الدعاوي الي امها تقولها
لا لا عارفه انها تكرهه بس ماتوصل لكذا ...
طالعت أبوه الي دخل وقال بحده وهو يبعد امها عنها : خلاص ي ام أميره ماهو كذا
حست انه فيه شيء قالت بخوف وتوتر ورجولها معاد تقوى تحملها : مصعب فيه شيء بسرعه مافيني اتحمل

أميره بصرخه وهي تصيح بقهر: بعد خايفه عليه الله يأخذه مثل ماكسر قلبك وتركك بذي الليله

الشموخ طالعت أمها بصدمه ورجعت طالعت أبوها تبيه يكذب الي قالته امها بس شافته منزل رأسه حست الدنيا لفت فيها ...ومعاد حست بنفسها ...
@
@
@
في السياره
صرخ بعصبيه: عناد ودني له الحين

عناد وهو يطالع الطريق : ي عم والله ان روحتك ذلحين مالها فايده هو معصب وأنت بعد

الجوهره
كانت تسمعهم ولما الحين ماهي مصدقه الي سواه
...طلعت من بيت أم اميره وهي مصدومه حدها
ولا قدرت تقول شيء ... يالله وصلت فيه لكذا
بس تكذب لو تقول ماهي فرحانه ...افضل شيء سواه ذا المصعب والله ودها تشكره على سواه في المغروره طالعت زوجها وهو مقهور ومعصب ..: ي ابو مصعب هدي شوي ماهو بزين لصحتك

ابو مصعب صرخ : لعاد حد يقولي ابو مصعب

الجوهره ابتسمت بخبث : طيب طيب على أمرك
وبنفسها اي هذا الي ابيه ليتك تجحده طول عمرك خليه ينقلع الله يأخذه ماتجي غير المصايب من وراه ..توسعت ابتسامتها الخبيثه زين منه بعد كسر رأس الحيه الي كان بيجيبها لبيتي وبتجلس عله على قلبي زفرت براحه....وهي تطالع الطريق وتسمع زوجها يطلب عناد يروح فيه لا ماهو من مصلحتي أبد وكاد يغصبه ويرجع يملك عليها قالت بسرعه : يعني ذلحين روحتك وش بتسوي بالله الي يسمعك يقول بتجره ويروح يملك عليها غصب عنه

ابو مصعب بعصبيه : يخسى والله معاد يأخذها وراحت للي كفو لها وطالع عناد والله اني ماطلع من جزاك يوم شرفتني وماكسرتني قدام أخوي وتستاهلها أكثر من اولدي

الجوهره صرخت بصدمه من الي سمعته: ايششش
عناد يأخذ الشموخ

ابو مصعب عقد حواجبه مستغرب من صرختها: اي يأخذها ايش عندك

الجوهره بعصبيه: عناد الي يقوله صدق

ابو مصعب بحده :اي صدق لا يكون معترضه بعد

الجوهره صرخت معترضه: والله مايأخذها معاد إلا هي وبعدين ولدي خاطب لا تنسى ي صقر

عناد طالع امه بالمرايا وقال بضيق: خلاص يمه انتهى
واعطيت كلمتي

الجوهره بقهر وعصبيه: اي كلمه بالله قلت لا يعني لا والشموخ ماتأخذها لو تموت

ابو مصعب مستنكر رفضها: علامك رافضه طيب

الجوهره بصرخة قهر: ذلحين ليه تورطون ولدي بفعايل المجنون ولدك ماله دخل يأخذها وهو مايبيها حرام عليك وعلى أخوك ذا الظالم

عناد ماعجبه طريقة امه بالحكي قال وهي منهي السالفه: يمه مثل ماقلت لك انا الي طلبتها وكلمتي مارجع فيها لو على رقبتي تكفين عشان لاتزيدي بشيء منتهي

الجوهره بقهر سكتت بس هين والله ماتأخذها

ابو مصعب قال بحده: عناد شوفني حلفت والله ان ماتروح فيني لبيتي القديم اني لانزل بنص الطريق وأخذ لموزين واروح ترا ماهي صعبه

عناد بعجز قال: اعطني الوصف أجل

أول ماسمعت صوت الباب ..ينقفل بقوه عرفت انه
رجع ...قفلت عيونها بصبر ...والله انها تشفق على الباب
متعذب أكثر منها مع ذا الآدمي ...يالله انه تصلح حاله
عشان اقدر اعيش بسلام ...أول مافتح باب غرفة النوم
طالعته..وابتسمت بسخريه يوم جلس جنبها ويطالعها ونظرة الانتصار بعيونه ...والابتسامه شاقه وجههه
ي ان ذا المخلوق مأخذ بنفسه مقلب ...الحين
يفتكر انه قهرني ولا حرك فيني ساكن
أول ماقال : وش لونك

ميلت فمي بسرخيه وقلت: مضيع ي الاخوو ذا السؤال تسأله الي ملكت عليها الليله وضحكت وانا ناويه اقهره
ولا مسوي تعدل حتى بالسواليف ي رجال لا تتعب نفسك حسيته يطالعني وهو شاق الخشه بابتسامه عبيطه ياربي منه وش فيه غير عن يوم راح كان شكله معصب وماهو مرتاح قلت : لهالدرجه
بنت العم مسويه فيك ليتك من قبل ملكت والله انها تستاهل بوسه على الرأس وهي فكتنا من جنونك حسيت يوم قلت ذي الكلمه وجهه تغير ...والابتسامه العبيطه
اختفت ...لا لا شكلي خبصت بالحكي يارب سترك
آه دايم اجيب البلا لنفسي الرجال جاي مروق وشهوله
اجلس ابربر بكلام فاضي وبذات ذي الكلمه محظوره عنده وقفت أفضل شيء الانسحاب
بس يوم مسك يدي وقال بهمس يخوف: انا مجنوون

بلعت ريقي وهزيت رأسي أحاول انفي ذي الكلمه قلتها له قلبي وقف من صرخته

مصعب بعصبيه : انااا مجنون ردي اشوف

اصايل طالعت يدي الي ماسكها بقوه حسيت الدم بيوقف فيها قلت بألم : ارخي يدك بنشل بسبتك

مصعب طالع يدها وهمس وهو صاك على سنونه : ليت لسانك تنشل ودفها بقوه انقلعي عن وجهي

اصايل كنت مصدومه من الدعوه ...بس يوم دفني
كانت الصدمه اقوى بذات يوم ضربت بالدولاب الي وراي
صرخت بألم وانا مقفله عيوني مابيه يشوف دموعي الي نزلت غصب عني

مصعب بكل برود وهو يشوفها تتألم أشر للباب وقال: برا هناك صارخي وصيحي وسوي الي تبين خليني احتفل بالي سويته بعيد عند صياحك

اصايل
طالعته بقهر وغيض الدنيا كله فيني ...مسحت دموعي
الي نزلت غصب عني ...وقلت :الله يأخذ حقي منك

مصعب طالعها وصغر عيونه وقال بتهديد: يعني لازم اكوفنك عشان تنقلعي عن وجهي وبصرخه ي شخه فكي عني الله يأخذ الي بلشني فيك

اصايل بعد يدعي على أبوي ...يالله هذا ماهو بشر
مستحيل...مشيت وانا احس بذل...جلست على أول
كنبه وانا اصيح بقهر وغبنه ...بس فزيت بخوف يرم سمعت صوت الباب الخارجي يدق بقوه ...
على طول وقفت ورحت للعرفه وقلت بخوف : فيه حد يدق بطريقه تخوف قوم شوف مين

مصعب ببرود وهو متمدد على السرير ويطالع السقف : طنشي بيدق شوي وبيتعب ويروح

اصايل بقلق : شوف يمكن حد محتاج شيء ولا به شيء صار

مصعب طالعها وهو معصب : نعرف حد هنا

اصايل مستغربه من رده الغبي ذا قلت : وشلون

مصعب قال بصرخه : يعني لا نعرف هنا حد ولا حد يعرفنا يعني بالمختصر مالنا في الي يدق ان شاءالله عاد فهمتي

اصايل هزيت رأسي مصدومه من تفكير ذا الرجال
طلعت للصاله وانا باقي اسمع الدق يالله ...فيه شيء كبير والله صاير إلا ماطول كذا بالدق حطيت يدي على رأسي وانا احس بصداع ذبحني جلست شوي وبعدها اختفى صوت الدق ...حسيت بقلق ي ترا مين وايش يبغى شوي إلا اسمع صوت صلاة القيام ...وقفت توضيت وصليت
وبعدها جلست ادعي الله يريح قلبي ...ويردني لاهلي
قريب مابيه ولا ابي اجلس على ذمته دقيقه ...كل شيء حوله مرعب آه ليت بس احصل الي يوصلني لاهلي ..ومتأكده ابوي مهما كان ماراح يرضى بالي يصير ..

مصعب
من أول وهو يفكر من الي جاي لهم ..معقول ابوه
ولا عادل .. تذكر بطولته الي اليوم سواه ..حس بشوية راحه بس باقي قلبه مابرد وده ينتقم زياده ويحطمهم
حط يده مكان الكف قال بحقد مردوده لك قريب
بشيء يقبرك هالمره ... وقف وطلع يشوف ذي العله على قلبه وش تسوي طلع وشافها جالسه على سجادتها قال بسخريه : أكيد ماقصرتي فيني من دعاك

اصايل مارديت عليه وقفت وفكيت الجلال ورميت نفسي
على كنبتي الي دايم انام عليها...واعطيته ظهري وغطيت نفسي بالجلال يعني اقلب وجهك مابي اتكلم معك ...بس حسيت جسمي تصلب يوم سمعت صوته قريب مني بالحيل قفلت عيوني بخوف يوم قال : شكل مالك نيه تسوي سحور
وربي مجنون اي سحور ذا يبيني اسويه ومين له نفس بعد الي سواه قلت بغيض عشان عارفه لو بسفهه بينشب لي :شكل عمك بخيل حتى يوم الملكه ماعشاكم

مصعب مد يده ولفها له وخلاها تطالعه وقال بحده
: يوم تتكلمي معي طالعي فيني

اصايل وهي ماسكه مكان مسكته من زين الخشه والله عشان الواحد يطالع فيك يا صبر الأرض عليك
يارب مابي اعلق معاه ولا ابي اتمشكل ومافي حد يروح
فيها غيري جلست وقلت وانا احاول اطول بالي عليه: ايش تبي سحور

مصعب جلس على الكنبه وقال بتفكير : اممم كبسه

اصايل وقفت من غير ماترد ... وراحت للمطبخ
بس وقفت وطالعته : صدق ليه عمك ماسوى عشاء
الليله ملكة بنته صغرت عيوني بقهر يوم سفهني
وتمدد مكاني وحط يده على عيونه ...حسيت بقهر
استاهل ذا حد يسأله بس فعلاً مايرجع من عند عمه
إلا جوعان ... ركبت بالسحور وتذكرت قطوتي ... ي قلبي
اليوم ماشفتها أبد ..فتحت باب المطبخ الي يطلع للحوش ...وانا ادور لها بعيوني ...طلعت يوم شفتها جنب النخله قلت وانا اشر لها تقرب : قلبو قلبوو
صغرت عيوني يوم سفهتني بعد ولفت تطالع الجهه الثانيه لا لا متفقين علي انتِ والاخ مصعب مديت يدي ومسكتها: أكيد زعلانه مني موو ذلحين اسوي لك حليب

: مجنونه تطلعي بلحالك

رميت القطه من يدي وفزيت من الصرخه الي وقفت قلبي .. يالله حطيت يدي على صدري ..اهدي من روعي
بذا المكان المظلم وذا صوته فلم مرعب لحاله قلت بقهر وانا حاسه اني عورت القطه المسكينه يوم فكيتها بذي الطريقه : مافي اسلوب غير ذا الأسلوب عندك كل شيء صراخ ترى اعرف أصرخ مثلك و

مصعب قفل عيونه بصبر : ي الليل عاد لها وجهه ترادد
قرب منها وقال بحده اقولك وش مطلعك هنا

اصايل ابتعدت شوي وبقهر طالعت القطوه الي راحت فيها وتطلع صوت شكلها تألمت: طلعت ادور عليها

مصعب طالع القطوه بقرف وقال بتهديد: لا تفكري تدخليها البيت اوك وثاني مره والله تطلعي لحالك بالحوش ذبحتك غثيثه اعوذ بالله ياربي صبرني

اصايل أول ماتحرك بيدخل قلدت صوته : ذبحتك غثيثه والله ماغثيث غيرك الدنيا فوضه عشان تذبحني بس سكتت يوم لف لها وجحدها بنظره طالعت القطوه وقالت بهمس تخاف يسمعها : خلي ذا الخبل يطلع من المطبخ وبعطيك حليب اوك دخلت المطبخ ماشفته قدامي بسرعه سويت لها حليب وطلعته لها ...ورجعت جهزت السحور وفرشته له بالصاله وانا غرفت لي شوي وخليته
بالمطبخ مابي اقابله ويجلس يطالع بأكلي ويعلق تعليقات تسد النفس ....وإذا عزمني برفض ..جلست على الكنبه انتظر عزيمته بس أبد ماعبرني من باب الذوق انه يعزمني بس ذا ولا همه طنش وجلس يأكل خليني اقوم أتسحر قبل يأذن الفجر ماراح استفيد شيء من انتظاري لعزيمته ....

.في الجنوب
اليوم الثاني
بعد صلاة التراويح

جالسه بالصاله وقدامها القهوه ..طالعت شدن الي طلعت من المطبخ وجت جلست جنبها... من وقت ماقالت لها ياسر ضربها ... وقلبها موجعها ...ليتها خلتها تروح لعمها ولا ولد اخوها سوا فيها كذا ...تذكرت وصية ابوها حست بغصه ذبحتها وهي ماصانت الأمانه ... الله يسامحك ي ياسر خليتني اثق فيك وأنت ماهو كفوو لذي الثقه قالت بحزن عليها: عسى خير اشوفش زعلانه

شدن بطفش : يمه ماهو زعلانه بس ودي اطلع طفشت
ولا حد بعد جا لنا

نوفه بهدوء: الكل مشغول بالعيد الي مابقي منه شيء الله يبلغنا هوو وقومي سوي اي شغله بالبيت عشان يروح ذا الطفش عنش

شدن بطفش تكره شغل البيت : يمه ليه مانروح نبارك لعيال جيرانا عشان بيتهم الجديد رمموه

نوفه فتحت عينها بصدمه: ي قوت عينش توهم امس طالعين العمال من عندهم فيه ماامداهم يرتاحون ويرتبونه وبعدين الي يسمعش يقول ناقلين بيت جديد ماغير تصليحات بسيطه ليه نروح على وجهنا عندهم ونبارك

شدن بقهر وقفت...وراحت للحوش ...طلعت جوالها
من جيب التشيرت ودقت على نور اول ماسمعت صوتها قالت بهمس: بسرعه قابليني عند الباب الخلفي
قفلت وراحت تنتظرها تفتح ...الباب

نور فتحت الباب وهي خايفه وتناظر لورا...
شدن سلمت عليها : وشلونش وش مسويه وينش معاد جيتي من يوم الملكه افتكرتش بتجلسي عندي على طول مثل مانتي عارفه صرت مرت اخوش

نور وهي تتلفت خايفه: الله يأخذ عمرش الرجال مايجيب طاريش وانت على طول مرة اخوش

شدن بقهر منها ومن أخوها: ميته عليه عشان يجيب طاريه المهم متى خالي مبارك يروح فينا السوق مابقي شيء على العيد وأمي كل ماكلمتها تقول بعدين شكلها ناويه تسحب علي وماتقضي لي

نور بحماس : اي والله في ذي صادقه نبي نروح نتقضى
وسكتت وهي تسمع صوت امها تنادي عليها قالت بخوف ..شدن شدن بروح خايفه من أمي تعصب علي
ولا بعد ياسر يقوم من نومه ويشوفنا والله بروح فيها لانه جاي مواصل من المستشفى وبيحط حرته فيني لو صحي
...

شدن طالعت دريشة غرفته وقلت : ماعليش والله مايصحى ناسيه نومه ثقيل ياما سهرنا هني ولا حس فينا

نور بتردد : على قولش المهم بشوف أمي وبحاول اصرفها وارجع لش

شدن : جيبي معش فيمتوو ولو بقت سمبوسه

نور : طيب ي الشحاته

شدن
جلست على الطوبه المحذوفه انتظرها وانا عيني على دريشة ياسر خايفه يصحى لا لا ماراح يصحى الله يسامحش ي نور جبتي لي وسواس ...تذكرت الكذبه
الي كذبتها فيه... يستاهل انتقمت منه عشان يتوب يجلس ينقص من قيمتها ويهددد...اف حست بطفش
تأخرت نور شكلي اقوم احسن... وقفت إلا اشوفها مقبله علي وبيدها عصير قلت براحه: لو تأخرتي شوي
ماراح تحصلني

نور وهي تعطيها كاس العصير : والله ماتروحي نشبه الله يأخذش

شدن بقهر: علامش انتِ واخوش مسميني نشبه

نور ضحكت بصوت عالي : اخوي بعد قالش نشبه ههههههههه

شدن بخوف وهي تطالع دريشة ياسر : اسكتي الله ياخذ عمرش عز الله انه صحي اخوش

نور حاولت تكتم ضحكتها ....وهي تهز رأسها : ماقدر والله هههههه إلا متى قايل لش كذا لايكون يوم الملكه يالله شكلش نشبتي له ادري بش وجهش مغسول من الحيا

شدن حست بقهر من كلامها بدون حس رمت العصير بوجهاا وهي معصبه

نور صرخت بصدمه وهي تسبها : ي ال*****

شدن بقهر صرخت: عشان ثاني مره تتوبي تتمسخري علي ومن زينه اخوش عشان ارز وجهي عنده ولا انشب له هوو الي مقطع نفسه عشاني ويقول يبي يحجز لي قاعه ويسوي عرس الجنوب كلها تحكي عنه وبيشوفني بالفستان الابيض وسكتت مصدومه من الي فتح الدريشه ويقول بقهر: ايوه ايوه وايش بعد كملي كذبش واشر بتصغير عليها انا الحين بشوفش بالفستان وبسوي عرس لش باحسن قاعه بك ي الجنوب ايوه وايش بعد

شدن طالعت نور الي الخوف وضح عليها همست لها: قلت لش بيصحى
شدن بخوف رجعت لورا بتروح لامها قبل يسمعها شيء ثاني يفشلها ...بس وقفت من صرخته
صرخ بعصبيه: لش وجهه جايه لبيتنا وتكملي مشوار كذبش بعد شافها تطالعه من غير ماترد يكره نظرتها ذي كمل بحقدخليتي عمتي تزعل مني لدرجه جوالها ماترد علي ليش بتوصلي ي شدن قولي ولا بعد مرسله لعفاف سخافاتش

نور بسرعه شردت يوم شافته يصارخ عليها ...وبعد دري انهم مرسلين بالقروب الي به أخت عفاف بتموت اليوم أكيد راحت لامها بخوف وقالت لها بالي يصير

شدن طالعت نور الي تركض لداخل ...مجنونه لو تجلس توقف تسمعه ..بس تحس رجولها تصلبت في مكانها ماهي قادره تتحرك ...انصدمت يوم شافت ام ياسر جايه تركض وهي تصارخ: وش جايه تبي بالله ماحلت لش السواليف إلا هنا مزعجه الولد ي قوة عينش وينه نوفه عنش بالله

ياسر بعصبيه: خلاص يمه وانتِ تقلعي لداخل

شدن حست بقهر من هجوم امه عليها ومن رده بعد

ام ياسر بصوتها كله وهي معصبه: اخر زمن الحريم هم يجيوون ورا الرجاجيل خلاص عمش تركش بعد ماورط ولدي هو والظالمه حسبي الله عليهم

نوفه سمعت صوت ام ياسر بسرعه طلعت تركض تشوف وش فيه شافت كيف شدن واقفه عند الباب الخلفي قدامها وهي تهاجمها بالكلام ...قربت منهم معصبه : ياكافي الشر علامش عليها تقول ذابحه لش حد
وطالعت ياسر الي يطالعها من وراء الدريشه وانت مستقوي عليها بعد
ام ياسر بعصبيه: الحين حنا الي ندور الشر والله ماغير بنتش إلا ماحليت لها تسولف إلا قدام دريشة الولد حده جاي تعبان ومنهد حيله قال يريح شوي قبل يبدا شفته الثاني وبنتش بصوتها كله صحته

نوفه بعصبيه: حدش ي ام ياسر تراي ماسكه نفسي بالقوه عليش وانت ماغير حاطه على ذي الضعيفه

ياسر بسرعه طلع من غرفته يركض يوم شاف عمته جايه
خاف تكبر المشكله وينفضحون عند الجيران قال بسرعه وهو يحاول يهدي عمته: حقش علي ي عمه تكفين خذي بنتش وفكينا الصوت يسري والكل صاحي

نوفه طالعته بزعل: ذلحين خايف تنفضح بعد ماتجمعتوا عليها انت وامك حسبي الله عليكم وانا الي استاهل رميتها لك وطالعت شدن الي تصيح رفعت يدها وهي تحلف والله ي دموعها ماتروح كذا وبأخذ حقها
امشي يمه دخلتها الصاله وهي تهدي عليها تحس نظراته وكلامه الي كله تصغير لها قالت وهي تصيح : وش ناقصني عشان ما البس فستان واسوي عرس
فشلني يمه قدام نور ...ويقول ماوافق انه يسوي لي مثل ماوعد عمي

نوفه ابتسمت بحزن ذلحين هم فين والعرس والفستان فين قالت بهمس: ماعليش يمه منهم وامه أعوذ بالله وش قلبها علينا كذا

شدن بقهر : عشان ولدها ليه ملك علي تقول توم كروز ماهو يويسر ابوكتف مخلوع

نوفه بعتب : حرام عليش تتشمتي فيه
وبعدين الحين طاب كتفه خلاص

شدن : اعطيه شهر ويرجع يعلقه قال ايش ممرض وهو يبي من يعالجه

نوفه بحده: حرام تتشمتي وكاد ذلحين تزلقي وكتفش ينخلع ولا شيء ثاني يينكسر بجسمش استغفري يمه

شدن وقفت وهي تتحسب عليه ... وشلون كذا يفشلهاقدام نور ذلحين تمسكها عليها ...بس انصدمت من الي دخل عليهم الصاله فجأه قالت وهي مفزوعه : وشلون تدخل كذا بدون استئذان
::
::