قال بحده وهو واقف بوجهه: هد هد
علامك عليها الله يهداك
طالعه بعصبيه: جالسه ترفع صوتها عليك
وتقول علامك عليها ذي أخرتها ي شمسه
وهو يطالعها بدل ماتروحي معه وتجلسي
وتشوفي وش ناقصه قبل يسافر وتشدي
من عزمه وتفتخري به
عواد طالع شمسه وقال :ماتقصر ي عم
بس الحين وضعها صعب شوي ويالله
استودعتكم الله
شمسه كنت اطالعه بسخريه ..يالله
على كمية اللطافه اللي ..جت فجاءة
معقول ذا (عواد ) ولا مبدلينه
بس انصدمت يوم قال أبوي:تسري
معك وأنت بنفسك بتطلعها من اللي
هي فيه واثق بك ي ولد أخوي
عواد طالعها وقال بترحيب:العين اوسع
لها من المكان اللي بتغدي له معي
بس الحين اشوف انها تجلس هنا أفضل
شمسه حسيت بحرقه بقلبي زادت
جالسين كل وأحد يحذفني على الثاني
وأنا حالتي مايعلم فيها غير ربي ..
لاأبي جلستي عند أبوي ولا أبي
جلستي عند عواد ابي (أمي) بس هذا اللي
ابيه تحركت ومشيت مطنشه الاثنين
وراي بس وقفت يوم أبو صرخ بعصبيه
:ابن عواد تقفين بنا وحنا نكلمتس
ياللي ماتنخين
أخذت نفس طويل ولفيت له ..وأنا
ضايقه وماسكه نفسي غصب
قلت بغصه:أمر يبه
ابو محمد بحده وهو يأشر على عواد
: الحين تسري مع رجلتس ولاراح
تعالي
شمسه طالعت عواد اللي يطالعني
بدون مايتكلم ..رفع حاجب مثل
اللي يقول نفذي أمره وخلصينا ..
قلت بقهر وحسره :بروح يبه معه
بس ماراح ارجع لو سافر
ابو محمد وهو يقاطعها : والله هذي
المره السنعه اللي تجلس بيت رجلها
لاراح ولا سافر تجلس تحتريه طالع
عواد بفخر شفت يبه قلت لك
بنتي ماتعوض ..وبنت مسعود
ماتجي عند بنتي شيء ومصيرك
تعرف ذا الشيء وتسحب كلمتك
من عند مسعود
شمسه انقهرت يوم جلس يعززز لي
بس انصدمت يوم قال بنت مسعود
وش قصده وليه يقارني بها ..والله
اني اخاف من أبوي وعواد احس
بينهم بلى ..طالعت عواد يوم
طالعني مصدوم.. وبعد متوتر
وشكله أبد ماتوقع أبوي يقول
تسذا قدامي ...زفرت بضيق الحين
ي شمسه همتس ذولا فكري باللي
راحت ولا عاد بشوفتها ...آه يمه
اللي لي بذا البيت انتهى معتس خلاص
تحركت ودخلت البيت ..قابلت خالتي
أم سميره واقفه تحتريني شكلها
تقدمت مني بسرعه وقالت: ابوتس ذا
مابه عقل منتهي ..تعالي يمه الحين
نامي وارتاحي وابوتس أنا بتفاهم معه
شمسه بسخريه :برجع له الليله ولا باكر
وش بتفرق وراحتي معاد بلقاها مدام
أمي غدت خلاص
ام سميره ابتسمت بحزن: الله يكملتس يمه
بعقلتس والله ان غاليه عرفت تربي الله
يرحمها .. وماعليه ابوتس يقول يومين
ومسافر وبترجعي لنا يمه لا تضيقي
شمسه غورقت عيونها دموع...
قربت منها وضمتها وصاحت
بوجع وحزن وفرقى شيء غالي على
قلبها ...ابتعدت يوم سمعت صوت
أبوها جاي ..بسرعه راحت غرفتها
ولبست عباتها وطلعت من البيت
وهي تسمع عتب خالتها على أبوها ...
ابو محمد أول ماطلعت اصايل قال
: علامتس ي مره مشتطه تسذا اقولتس
روحتها الحين لبيت رجلها أفضل من
جلستها هني بغرفة أمها عارف بنتي قلبها
ضعيفوبتمرض خليها تلتهي مع رجلها
ومتأكده من عواد بيطلعها من الي هي فيه
وطالع اصايل اللي طلعت من الغرفه
قال بحده : وأنتِ بعد رجلتس متى جاي
ولا ناويه بعد تصفي جنب سميره
لا رجل يسأل ولا يصرف عوذه بس
اصايل
ودها تقوله ..ومين سبب اللي
حنا فيه ...بالله بس سكتت
وقربت من أمها وهي مصدمه
: لا تقولين شمسه بتروح الليله
وهي حالتها تسذا
ام سميره بضيقه: إلا راحت يمه
كان ودي الليله تجلس هنا معاكم
وكاد تطلعونها من اللي فيه عارفه
الحين بتتعب شايله بخاطرها من
عواد وابوها حيل وبذات محملتهم
سبب بعدها عن أمها لليلة وفاتها
وابوتس يقول روحته بها خير
والله معاد ادري وش السوات
اصايل بقهر :لمتى يمه بنتحمل أبوي
خلاص كل وحده فينا حالها اردى
من الثانيه ..
ام سميره بقهر : والله يمه ابوتس مالقي
له اللي يرده ..بذات يحر قلبي يوم
يقسى على سميره .وهي بحاله مايعلم
بغير ربي ويقوم يزيد عليها
روحي يمه لها واجلسي معاها ...وكاد
تطلعيها شوي من اللي هي فيه
اصايل زفرت بضيق: آه يمه كل ماشوفها
انقهر عليها ماتستاهل صغير العقل اللي
خذته ..وبسخريه اعيب على رجلها وناسيه
اللي عندي الله المستعان
ام سميره بشك: قلبي حاس ان بينكم شيء
روحته تسذا بدون مايسلم ولا يسأل
ابوتس يقول به بلى قولي يمه
وش فيه بينكم شيء
اصايل اشرت على غرفة سميره :شفتي
اللي جالسه بذي الغرفه شكلي بصف
جنبها على قول أبوي وخلاص
ام سميره : وش بينكم يمه قولي قبل
ابوتس يتدخل وتعرفي وقتها وشلون
تصرفه
اصايل وقفت وقالت بضيقه: ماهو وقته
يمه خليني اروح اشوف سميره ...
دخلت الغرفه ..شفتها قدامي
جالسه وتطالع الجوال..قربت منها
وطالعت عيالها اللي منشغلين
على الايباد قلت بهدوء: شمسه راحت
بيتها وحالتها تضيق الخاطر
طالعتها بسخريه:أكيد بتروح لو هي
ميته ابوتس ذا ماعنده وقت ولا قلب
اصايل ابتسمت بضيق:مدري وشلون
حالتها الليله كان ودي نجلس مع بعض
ونطلعها من الي هي فيه
سميره : بنات عمتس مايقصرون
صدقيني أحسن منا بيطلعونها
من اللي هي فيه حنا حالنا اردى
من حالها
اصايل سكت شوي وطالعت عيالها
ورجعت طالعتها يوم رمت الجوال
بدون ماتغلق الشاشه ..كانت صورة
زوجها يعني ..كان تطالعه ..معقول
تحبه ..على اللي سواه فيها ..طيب أنا
مصعب مسوي فيني المصايب واحن
له ..ليه ي بنات ابو محمد ضعيفات
وقلوبكن خضر ...قدام رجالكم
قلت بسخريه:لها الدرجه فاقدته
سميره طالعت الجوال الي نوره طفى
وقالت بحزن:مافقدته بس كنت أساله
وش سويت لك تجيب على بنت الجيران
وتسفرها شهر عسل وليته من جيبه
عزالله خدعني وقالي بيني ضيقه
ي بنت الناس سلمت ذهبي واللي وراي
واللي قدامي وشوفيني الحين جالستن
بيت أبوي حتى بيتي أخذه مني وسكنها
فيه شفتي قهر مثل تسذا وابوتس
يقولي وش ينقص بتس لو رضيتي
وسكنتي مع مرته الثانيه مثل أمتس
اصايل
..حزنت عليها..قصتها ذي
كل ماجيت حكتها لي ..واللكل في
البيت حافظ ..اللي صار معاها ..بس
من ضيقتها ترددها الف مره ولا تعجز
قلت :طلعيه من قلبتس ترتاحي والله
وخليه يجلس مع بنت الجيران اللي
والله ولا تجي جنب زينتس والبيت
خليه يشبع به
سميره قاطعتها:تقولين تسذا لأني
اختس بس هو لا يقول اخيراً جاب الجمال
والدلال وانا بس ام العيال شفتي كيف
مكانتي ...
اصايل
حسيت بضيقه ..بقلبي ... جيت
بقوم بس طالعتها.. يوم قالت
: ي بختس انتِ وبدريه مرتاحين مع
رجالكم اما انا وشمسه لنا الله
ابتسمت بسخريه وقلت :لا تغرتس
المظاهر وبعدين بدريه وش يدريتس
وش حالها رجلها من يوم أخذها
ماجتنا حتى زياره ماغير نسمع صوتها
من وقت لوقت
سميره عقدت حواجبها وقالت:وأنتِ
اصايل ابتسمت بحزن أنا آه من حالي
وش اقولتس بالله مايبي ولده
ويحملني دوم أخطائه .. ولا جنونه
وتهوره ويوم زين وعشره لا
سميره بحزن: اشوفتس سكتي
والله كنت حاسه من وقت ماشفتس
حسيت ان وراتس هم
اصايل قلت بسرعه: :لا ي قلبي
اطمني ترى مرتاحه حدي وابوتس
ماقصر يوم اختار لي (مصعب) حسيت
اسمه ثقيل بلساني ..
سميره بشك: اتمنى
اصايل
طلعت بسرعه مابي احسسها بشيء
يكفي الي فيها..سميره احسها
شوي وتنجن من الصدمه اللي حصلتها
مابي ازود عليها...دخلت غرفتي
وجلست على السرير ..وأنا افكر
وش اقول لابوي ..إذا طالت مدتي
هنا أكيد بيسأل ..حطيت رأسي بين يديني وهمست( مابي يردني مثل طريقة شمسه)
رفعت رأسي وزفرت بقهر ..متى ناوي تحفظ
كرامتنا ....يبه
@
@
@
@
أول ماوصلت
نزلت قبله البيت ..شفت قدامي
ابتسام بسرعه قربت مني وضمتني
: ي عمري والله
شمسه حاولت أمسك نفسي مابي
اصيح قدام عواد اللي حاسه بوقفته
وراي وبعد حياة اللي طلعت من غرفة
خالتي ..
حياة قربت منها وسلمت عليها
وقالت وهي تطالع عواد:مافكرت
بتجيبها أبد بذات الليله
عواد : ابتسام خليها تطلع غرفتها
ترتاح
ابتسام بسرعه ابتعدت عنها وقالت
: روحي ي قلبي ارتاحي
وان شاءالله أخر الاحزان وشوي والأكل
يجهز وبجيبه لتس
شمسه هزت رأسه : تسلمي بس والله
مالي فيه وطلعت لفوق تنهدت براحه
يوم عواد ماطلع وراها ..رمت نفسها
على أول كنبه قابلتها وصاحت لما
حست روحها انهدت ..تعبانه بالحيل
قفلت عيونها بتعب ...وهي تتمنى
تنام وتهرب من واقعها ... الموجع
{الجنوب }
•
•
حسيت رأسي دار ..من لفه بالسياره
بدون هدف ...وطفشت حدي
وبعد فيني النوم ..طالعته بقهر وقلت
:متى ناوي حضرتك تردني للبيت
ترى والله تعبت
ياسر طالعها ورجع طالع الطريق :
أفكر استأجر شقه
فتحت عيني بصدمه: وشهوو تستأجر
لا مو كذا اتفاقنا انقهرت يوم طالعني
ورجع يطالع الطريق مطنش كلامي
قلت بقهر لهالدرجه ماهو واثق
فيني وتفكتر اني بخون الوعد وبخليك
لحالك وبرجع لأمي صح هذي هقوتك
فيني
ياسر قاطعها بسخريه: على هونش ي حلوه
لا تشطحي كثير وتأخذي بعمرش مقلب
وضحك بصوت عالي مستفز اخاف تفارقيني
وأموت بعدش غبيه ومصدقه عمرش
شدن بقهر من ضحكته ومسخرته
عليها : أجل ليه تبي تستأجر
ياسر بغموض : أبي موضوعي ينتهي
ومابي دوشة رأس فاهمه
شدن صغرت عيوني بقهر ..وش يقصد
اي موضوع يتكلم عنه قلت بسرعه
: ممكن لو سمحت تقولي وش هو موضوعك
عشان أكون في الصورة ماأصير خبله كذا
مدري بشيء وانصدم بعدين
ياسر طالعها وزفر بطفش: ليتش تسكتي
وتفكيني من تفاهاتش وتخليني بحالي
ممكن لو سمحتي وهو يقلد صوتها
شدن بقهر : طيب ودني البيت الحين
وتتتطمن ترى كلهم نايمين يعيني ماراح
نحصل أحد وتجلس تمثل قدامه
وايه بعد تعرف تكذب أجل من اليوم
لاتقول عني كذوب ترى نفس الحكايه
كلن من عنده يحط
ياسر بسخريه: من عاشر القوم
شدن بفخر: كويس يجي مني أجل مدام
صرت تتأثر فيني اخخ يويسر صاير
مأخذني قدوه له
ياسر بعصبيه صرخ: والنهايه معش
قلت لش اسكتي وفكيني من تفاهتش
شدن ارتجفت بمكاني من صرخته
المفاجاة ...اف مافي حد يمزح يعني
ياربي على ذا الجوو عايش به
لو اني مكانه أموت يا حبه للمشاكل
..ميلت رأسي افضل شيء
انام وافك عمري وهو مصيره يتعب
ويرحعنا البيت ... بديت انعس بذات
مع الهدوء اللي بالسياره ..طالعته
يوم قال :ياويلش تنامي ترى اغلب
يوم اصحيش
شدن وهي نعسانه حدها:أجل ردني البيت
معاد فيني والله
ياسر بقهر عض شفته: ياربي متزوج طفله
شدن بقهر : طفله احسن من العجيز
ام تقويم يقال شباب
ياسر بعصبيه طالعها:قد ذا الحكي ي شدن
شدن بقهر: ايه قده تعبت وأنا اتحمل منك
وبعدين عفاف تستاهل مرسله لي
كلام قبل اتزوج يقهر ...تقول مأخذه
رجلها وأنا مدري وسكتت وهي تطالع
ياسر اللي طالعها بصدمه
حطت يدها على فمها
وقالت (صدق مأخذه رجلها )
ياسر بقهر : يعني من حقها صح أجل
انثبري قبل افصل عليش الحين
وتعرفي وقتها كيف تثمني الحكي قبل
يطلع منش ...
شدن هين ي يويسر والله لا اطلعك
من طورك وأخليك تردني لأمي
وأنت اعمى ... فرحت يوم شفته
اتجههه للبيت ...أول ماوصلنا
نزلت قبله..وأنا عيني على بيت أمي
ودي اروح له بس خايفه منه ..
دخلت بيتهم شفت قدامي نور
وحور سهرانين على التلفاز ..حسيت
بوناسه أخيراً بنجتمع ..قلت وأنا اخذ
كيس شبس من على الطاوله ..
واحلا سهره مع التوم ...وأنا افسخ
عباتي
نور بسرعه رحبت فيها: ي عمري والله
وحشتني السهر معش من يوم أخذتي
يويسر الغبي سحبتي علينا
شدن سندت ظهري على الكنبه وقلت
بغرور : وش أسوي يموت فيني
ويالله يخيلني افارقه
:ايه مره صعب فراقش
طالعته وأنا مصدومه ذا متى دخل
وماحسيت عليه ..والخبيثه حور
ابتسمت ..يعني لها الدرجه مكشوفه
قلت ارقع :روح نام شوي وبلحقك
ياسر بقهر غبي لو يخليها تجلس لحالها
معاهم تخر الأول والأخير قال بسخريه
: تعرفين مقدر انام بدونش
شدن بغرور طالعت حور: عارفه والله
ماتقدر بس عشاني يويو خليني معاهم
اليوم
ياسر فتح عينه بصدمه يويو حسبي
الله عليش أنتِ وهالدلع قال بحده
: قدامي يالله
شدن وقفت وهي مقهوره مايخليها
على راحتها افف طفشت منه
وصايره مثل ظله... أول ماتحرك قبلها
مشت وراه وقفت وطالعت البنات
وقالت بهمس:ماهو قلت لكم يموت فيني
ورفعت حواجبها تلعب فيها وهي تطالع
حور
حور بسخريه : روحي قبل يويو يفصل
عليش
شدن رفعت يدها: سهره سعيده لكم
وتحركت وهي تدلع بمشيتها عشان تقهرها
بس حست باللي سحبها بعنف ودخلها
الغرفه بقوه
مسكت كتفها بقهر: اففف خلعت كتفي
وفشلتني قدامهن
سحبها بقوه وقربها منه وقال بعصبيه
: اقسم بالله لو عاد تكذبي ذبحتش
وحركات المسخره ذي لاعاد تنعاد
وبصرخه وهو يهزها بقوه ماتوبي أنتِ
إلا لما تشوفي دمش مطشر قدامش
ذاك الوقت تستوعبي
شدن حسيت بدوخه من كثر هزته
لي حسبي الله عليك وش دمه ذا
بعد ..بسم الله علي ..والغبي يقول
استوعب عاد وقتها به حياة عشان
استوعب ..بس تحملت على عمري
لاني لو قلت كلمة وهو بذي الحاله
ماهو بعيده يطلع رشاشه ..وذا للي مابيه
أول مافكني ابتعدت وقلت وأنا يقال
اهديه :فهمتني غلط والله بس قلت ارقع
يوم شفتهم قدامي حبيت اوضح لهم
سبب جلستنا مع بعض
ياسر بقهر صغر عيونه: وليه توضحي لهم
ممكن أعرف يعني رجال وطالع مع مرته
وش التوضح والتبرير الي بتقوليه
شدن ابتعدت شوي وقلت :قصدي اكمل
لعبتك اللي الظهر بديت فيها وعشان أكد
عليهم ان مع بعض حلوين ومابينا خلاف
ماهو أنت حاب كذا قلت اساعدك
بس مشكلتك تفهمني غلط
ياسر بقهر عض شفته ..بيموت ناقص عمر
منها ومن فهاوتها قال بحده: ماحد طلب
مساعده منش فاهمه جلس على
السرير وطالعها وقال بقهر انا لازم
ابعدش عن ذا البيت بااااسرع وقت ولا
بموت من غيضي ...
قلت بقهر :ودي اعرف ليه تبي تبعدني
وش المصلحه منه
ياسر طالعها بخبث وقال: بحرق دمش
ودم عمتي
شدن صاحت بقهر:وش ذنبي وذنبها بالله
حرام عليك جالس تقهر فينا وتبعدنا عن بعض
ياسر قرب منها بعصبيه : وش ذنبكم
متأكده ماهو عارفه
شدن ابتعدت بخوف لنهاية الغرفه
وهزت رأسها بدون ماتتكلم
ياسر بحقد قرب منها
وقال بقساوه: تدري بكرهي لش
بس قالت نخيتك تأخذها تدري بروحي
متعلقه بعفاف وقالت تكفى ي ياسر
ماتردني وعفاف مالك نصيب معاها
تدري اني ماراح اردها وقالت أنتِ سندي
عرفت كيف تحرجني وتذبحني بنفس الوقت
شفتن كيف يحق لي انتقم منكم الأثنين
شدن كنت ارجف ..وخايفه كلامها
يخوف ويذبح فعلاً حاقد بقوه ويكرهني
ويكره أمي ..هذا أخر شيء توقعت
ان بعد يكره أمي توقعت يحبها مثل ماهي
تقول ..رفعت يدي ابي ابعده ..وأنا
اطالع عيونه اللي ماتبشر بالخير
خايفه منه حيل ..احس بخبث وقساوة
العالم تجمعت فيه ...
ياسر حس على عمره وابتعد وجلس
على السرير..وهو يزفر بضيق وقهر
بنفس الوقت...طالعها ورفع يده
بتهديد :والله ثم والله لو تقولي لها شيء
وتزعليها مني بخليش تندمي
عارفش من الحين ودش تطيري لها
وتوصلي كلامي
شدن
استحقرته صراحه ..قدامها انا السند
وراها آه ي خبثك ي رجال...
قلت بحسره على حالي: طيب بنام
ياسر وقف وقال بحده: انخمدي بخلي
لك الغرفه كلها ...وتحرك وطلع من الغرفه
شدن أول ماطلع تنهدت براحه ..أخيراً
انفكيت شوي ..وبأخذ رأحتي من مقابلة
خشته ...بدلت ملابسي
ورميت نفسي على السرير براحه ..
بس تذكرت ذا سرير عفاف ..كشرت
بوجهي ..وهمست يالله ماعلي اهم شيء
امدد ظهري عليه... ومصيري ارجع لسريري
فديته وحشني ...
@
@
@
@
{ الديره }
•
•
اليوم الثاني
طلع من الغرفه ..طالعها قدامه بالصاله
باقي مثل جلستها من أمس...عارف
بضيقها .. قرب منها وجلس على الكنبه
المقابله وقال بهدوء: شمسه اصبري
شوي وبردتس أول ماامشيء الليله
شمسه طالعته ببرود :مابي اروح
بنثبر هنا
عواد رفع حاجب وقال : بطول بسفرتي
ومدري كيف الوضع هناك يمكن بعد
ماحصل اجازه
شمسه قاطعته :جالسه في بيتي ماهو
بالشارع وبسخريه طالعته او نسيت
ان ذا البيت للي تستاهلك ومنتظرها
قريب تنوره
عواد زفر بضيق وقف:بيتس ماحد يقدر
يقول شيء وماغيرتس بتنوريه
شمسه انصدمت من رده طالعته
وهي ماهي مصدقه أبد ذا رده وقفت
وقالت ببرود: فيك الخير والله
عواد وقف ومسك يدها وقال بهمس
: يرضيتس اسافر وأنا ضايق وأنتِ
حالتس هاللون وسكت ماقدر يكمل
شمسه طالعت يده الي ماسكتها
ورفعت رأسها تطالعه قالت بهمس
:مايهمني أبد وسحبت يدها
عواد عض شفته بصبر : مقدر حالتس
إلا كنت بعرف وشلون الرد عليتس
ي بنت العم
شمسه ابتسمت بسخريه:ايه هذا ولد
العم اللي اعرفه لا تمثل علي وتسوي فيها
عواد اعطاها ظهره وقال : أمي تحترينا
على الفطور ... ليتس تكبري علقتس
وتنزلي يكفي امس رديتها
وهي متعنيه لتس ...
شمسه هزيت رأسي ..وأنا ضايقه
مابي شيء ..غير اني أجلس لحالي
حاولت اقوي نفسي بس عشان خالتي
نزلت بعده ...وعلى طول خالتي رحبت
فيني
: هلا والله تعالي يمه اقربي مني
قربت منها وسلمت عليها ..وبدون حس
نزلت دموعي تذكرت أمي ..
ام عواد بهمس: يمه تصبري وان شاءالله
انها بالجنه الله كريم وطالعت عواد تبيه
يتكلم يقول شيء يصبرها
ماغير ساكت ويطالع الأرض وشكله ضايق
بعد ..طالعت ابتسام اللي تطالعهم ساكته
هي بعد أشرت لها تحط الفطور وتجهزه
عواد
يحس قلبه يتفطر عليها..بس أبد ماتعطيه
فرصه يهدي عليها شوي ..بذات وهي
محملته الذنب ..وبعد كرامته ماتسمح له
يذل عمره عندها ..يكفي اللي صار منها
زمان ...وقف وقال :افطروا بالعافيه أنا
مالي فيه
ام عواد بعتب: افاا وأنت مسافر الليله
ماتبي تقابلني على الفطور وصاحت
يكفي قلبي منفطر عليك من ذي السفره
تقوم تكسر قلبي بعد
عواد قرب منها وجلس على ركبه
عند رجولها ومسك يدها بحب:
ي قلبي لا تصيحي تدرين بدمعه منتس
وشلون توجعني ورفع يدها وسلم عليها
وابشري بعزتس بفطر معتس وبجلس بعدها
اتقهوى معتس
وطالع شمسه اللي جالسه قريب منها
وقف على طول وهو يقول :شكلنا يمه
كلنا ماراح نفطر مدام ابتسام اللي تجهزه
ابتسام طلعت من المطبخ وسمعت اللي
قاله قالت بقهر:اركد فديتك وخلك مني
وانشغل ببنت العم اللي قلبها متحمل
منك
شمسه طالعت ابتسام بعتب ..ماودها
تقول له كذا وتحرجها ... طالعت عواد
اللي أبد شكله ماعجبه ردها ..
بس صرف وقال: عساه فطورن زين
بس
{ الجنوب }
أول مافتحت عيني ..طالعت المكان
حولي..الغرفه فاضيه من وجوده
..ارتحت صراحه..دفيت.. المفرش
وقمت وأنا احس بسعاده..وناسه
تذكرت جوالي..ايه لازم اروح اجيبه
أخذت شور سريع ..وطلعت لبست
وصليت ..ولبست عباتي وطلعت
شفت الصاله قدامي فاضيه ..
اخخ وين ذولا العالم..طلعت للحوش
حسيت ببرودة الجوو..رفعت عيني
للسماء وأنا مبسوطه من الرذذذ
اللي ينزل ..طالعت جهة النخله
شفت الرخله مربوطه فيها ..استغربت
ليه خالي جايبها معه..وماخلاها مع الحلال
أجل الليله بنفلها معش أنا ونور انتظرينا
ي حلوه وأنا ارسل لها بوسه ...
طالعت .. خالي مبارك اللي
طالع من بيت الشعر ..قربت منه
وسلمت ..عليه ..جت عيني على ياسر
النايم بالأرض بلعت ريقي بخوف
لا يكون بيصحى ذلحين وبيمنعني
مااروح اجيب جوالي..
ابو ياسر وهو يطالع وين ماتطالع قال
بشك:وش بينكم الحين جيت
بسوي قهوه شفته قدامي نايم
مسكت يده وسحبته معي وابتعدت
عن بيت الشعر عشان مابي يويسر
يصحى بس خفت بعد يسمعني سبحته زود
لما الصاله كذا اضمن مايسمعني
وأنا اسمع اعتراضه : وش بش تسحبيني
وراش ي المخبوله
طالعته بقهر وغبنه وقلت : ولدك ي خال
مايحبني ويطقني دايم تعبت منه والحين
شوفة عينك مايبي ينام بالغرفه
وأنا موجوده فيها ..ولا بعد بيرد مرته
شفته بعيني أمس وهو يتكلم مع أخوها
بس مدري وش صار بينهم بس شفته
يوم خمه يسلم فوق رأسه عرفت ان
الموضوع منتهي ..وأنا بروح فيها
ابو ياسر عقد حواجبه وقاطعها: يبي يرجع
مرته يعني تنازل عن الأرض وفضحني
بين جماعتي وبسرعه راح للبيت الشعر
وهو معصب
شدن
اخخخ ذلحين انقهر ليه يتنارل عن الارض
ومافكر انه يطقني ويكرهني انا استاهل
اني شكيت لك ..سويت عباتي زين وأنا
اطالع ام ياسر اللي طلعت من المطبخ
وشكلها مفزوعه : علامه مبارك صوته طالع
رفعت كتوفي يقال ماادري بس وقفت
مكاني يوم شفت اللي مقبل علي
وهو معصب ..وبعد ابوه يصارخ وراه
ومعصب طالعت للباب للصاله
وأنا اقيس المسافه
بيني وبينها لازم اشرد ولا روحي بتروح
جيت بركض ..بس ماحسيت إلا أنا بين يدينه
ويجرني معه للغرفه ويردد بصوته العالي
:فتنتي وناويه تشردي ي ال*****
اي فتنه يتكلم عليها الحين
طالعت أبوه اللي صرخ : والله ان تنازل
لا اذبحك وفكها لا تحط حيلك فيها
ماقالت إلا هي تدري انك ارخمه
وتبي تفضحنا يوم تنازل
ياسر بقهر لف له وقال: يبه ارضي وأنا اللي
خسران فيها يعني مالك شيء فيها
خلاص انتهى
شدن استغربت كيف يكلم ابوه كذا
ياربي ليتني ماتكلمت .. لأبوه
ابو ياسر بصدمه: أنا مالي فيها ي الرمه
طيب وش قومك يوم كنت بتذبح
الرجال بسبتها والحين خلاص تتنازل
عنها كذا غسلت مخك
ياسر بعصبيه: ايه يبه مالك فيها
وبتنارل فيها لمرتي ماراحت بعيد
وغسلت مخي ماحد له عندي شيء
ابو ياسر سكته بكف وهو يصرخ :والله
ان تنازل مأنت ولدي ولا أعرفك
واشوف كيف تنازل الحين ولوبك خير
نفذ بدون شوري
ام ياسر بسرعه تدخلت: عسى يدك
الكسر يوم تمدها على ولدي وطالعت
شدن حسبي الله ونعم الوكيل
شدن
فتحت عيني بصدمه .....يويسر
ينضرب وقدامي بعد بس ارتجف
جسمي من نظرته اللي وجهاا لي ..
وبسرعه تلطم بشماغه اللي على
كتفه وطلع مسرع بخطواته ..حسيت بحجم المصيبه
اللي سويتها ...بسرعه طلعت
وأنا متجهه لبيت أمي ... بس وقفت
يوم حسيت باليد اللي سحبتني طالعتها
كانت أم ياسر ي دوب بقول لها فكيني
بس حسيت بالكف اللي جاني على
فمي وخلاني أفقد حسيي كله ....
وقالت بعصبيه: ماعاش اللي يفرق بين
ولدي وأبوه ويالله تقلعي لغرفتش
وياويلش تطلعي منها من غير شور ياسر
شدن مسكت فمي وأنا أحس بالم
طالعت نور اللي شكلها صحت على
الصوت وشكلها مصدومه بعد
من امها يوم مدت يدها علي قلت
بقهر: ماتقدري تمنعيني وأمي بتأخذ
حقي كله منش وجيت بركض بس
كانت اقوى مني جرتني من شعري بقوه
ودفتني للغرفه وقفلت الباب ...علي
بالمفتاح بعد ماسحبته بسرعه ...
وهي تردد : بربيش لو نوفه ماعرفت
تربيش ي الفتانه حسبي الله عليش
من بنت تفرقي بين أب ولده كنت اصارخ
وأنا اسمع اعتراض نور ..كان عندي امل
تساعدني بس يوم تقفل الباب بيني وبينها
انجنيت وبنفس الوقت مصدومه
من اللي أنا فيه... أنا يصير فيني كذا
صحت بصوت عالي وأنا استنجد
بأمي..بس وين تسمعني ....
يمه الحقي علي يمه تكفين
..
نور وهي معصبه: يمه حرام عليش اللي تسويها
فيها والله لو تدري عمتي نوفه
بتصير مشكله
ام ياسر قاطعتها بعصبيه: مافي حد
جنا علينا غير عمتش نوفه والحين
أنا بربي هالبنت مدام ماعرفت تربيها
تروح توقع بين ياسر وأبوه
الحين وشلون بتنحل بينهم بالله
والله مبارك عسر ولده أخس منه
الحين بجلس مغبونه عليهم
بسبة ذي البزر قليلة التربيه
نور حسيت بقهر طالعت الباب
وانا اسمع صياحها ..اللي قطع قلبي
قربت من الباب يوم أمي ابتعدت شوي
وهمست: شدن حبيبتي خليها تنشغل شوي
واوعدش بأخذ المفتاح واطلعش
شدن قربت من الباب وقلت وأنا اصيح
: تكفين روحي لأمي
نور بخوف: مقدر اخاف ي شدن
تذبحني أمي لو عصبت ماتعرف حد
شدن
سندت ظهري على الباب ونزلت
للارض وأنا اصيح .قهر وغبنه
ياسر وأمه يعيدون فيني اللي سواه فيني
جدتي ومرة عمي ....
طالعه بعصبيه: ايه مرتاح وليتك
معاد تتدخل بحياتي
عادل بقهر: وشلون كذا ترميها
بدون سببب
مصعب طالعها بحده: دخلت حياتي
بالغصب وأنت تدري والحين تخلصت
خلاص وانفكيت وش عندك بعد تقول
واحد من أهلها وأنا مدري
عادل هز رأسه بقهر: والله ي مصعب
مدري وش اقولك بس احس قرارك
بيحطمها وهي مالها ذنب
مصعب بعصبيه وقف: شوف ماهو
قلت لك تجلس تدبل سبدي
وبعدين مالك دخل بيني وبينها لأنت
واحد من أهلها ولا لك صله فيها
فاأحترم حالك وانثبر ولا اقولك أنا
بطلع من الاستراحه كلها وبخلي
لك المكان كله انبسط طلع وهو
معصب اتجهه للبيت .. وهو ناوي
على الجوهره ..اللي صدق يوم يتخلص
منها بيكون وصل لللي يتمنى
ارتاح يوم شاف الصاله قدامه
فاضيه ..ماله خلق أبد يقابل أحد
طالع الخدامه يوم طلعت من المطبخ
قال ببرود: سوي أكل وهاتي الغرفه
بس رفع حاجب يوم شاف اللي طالعه
من المطبخ واقفه وراء الخدامه
اعطاها ظهره ورقى الدرج بس وقف
يوم قالت: تخلصت منها برفووا عليك
وش تبي فيها متخلفه أنت تستاهل
وحده مثل عبير دلع وجمال
لف لها وقال وهو عاقد حواجبه: عبير
مين عبير
الجوهره بخبث وهي ناويه تكسب مصعب
لو صار اللي تبيه يسهل عليها كل
شيء ناويه تسويه: بيبي هذي بنت صديقتي
مصعب رفع حاجب :توها عبير وش صار
وصارت بيبي بهالسرعه
الجوهره قربت شوي وقالت وهي متسنده
على طرف السلم : اسمها عبير ودلعها
بيبي ... جمالها ي مصعب ينسيك أسمك
مصعب بسخريه: اوف طيب ليه مأخذتيها
لولدك بدل ماراح وأخذ اللي رفضتها
الجوهره بخبث: ولدي غبي وأكثر واحد
أنت تعرفه مووو ورفعت حاجب
مصعب ضحك بصوت عالي: هههههه
أول مره اوافقك براي فعلاً غبي
اعطاها ظهرها وطلع بس وقف يوم
قالت :انتظر ردك
طالعها بسخريه :الللي يتساهل الدلع
والجمال صدق أبوي سوي خير لو مره
وخليه يأخذ البيبي تبعك
الجوهره حست بقهر ودها تتفل بوجهه
بس سكتتت تحملي ي الجوهره
عشان اللي في بالك ضحكت بتمثيل
: أبوك مايطالع غيري لو جبت له
ملكة جمال العالم وفكر بكلامي
وانتظر ردك ي حلووو واعطته ظهرها
واتجهت لغرفتها وهي معصبه حدها
ودها تفجر فيه وترتاح من خشته
وخبثه ..يقهرها بذكائه
@
@
@
{جده}
الشموخ ..
خطتها فشلت بالمره ..عناد ماجاب
لها سيره ولا وضح عليه غير
أول يوم وبعدها خلاص معاد وضح
لها شيء رجع طبيعي معاها وهي
خلاص انغثت بمافيه الكفايه
جلست تفكر بخطه ثانيه ...
ايه لازم الليله تفك عمرها باي
مصيبه المهم تخلص ...
أول ماسمعت.. صوت المفتاح ..
في الباب بسرعه ركضت لغرفة النوم ..
وبسرعه أخذت جوالها .. توترت يوم
نادى باسمها ..عرفت لو طنشت ..
بيدخل يدورها بسرعه مشت ناحية النافذه ..وقالت بخبث وهي ترفع جوالها يقال تكلم
عارفه انه جاي يمها للغرفه :حبيبتي قولي له
كلها ايام بس وانفك منه ..
وبرجع له تكفين وصلي ايش لا لا صعب
أنتِ قولي له ي سلطان تقولك
الشموخ تنفك من الغثيث اللي تدبست
فيه ..وترد لك وبتخطبها وبتوافق
عليك لا تخاف هالمره عنده كلمتها
لا لا لا حرمت مستحيل ساره تكفين
لا تزدينها علي ونزلت رأسها يقال
منصته لحكيها ..امممم ليه ماهو
ناويه تصدقيني قلت والله ماارفضه
يكفي اللي صار لي أخذت
واحد عاله على غيره وفرحان بعمره
أيه على قولك يحصل له وحده
مثلي ومايفرح ..ي عمري والله
ي ساره ليتني سمعت كلامك من الأول
لا لا لا ساره صعب اكلم سلطان أكيد
زعلان مني أنتِ وصلي له بطريقتك
طيب الحين بقفل قبل يرجع الغثيث
نزلت الجوال ولفت آه فتحت فمها
يقال منصدمه وهي تشوفه
واقف قدامها طيحت الجوال
من يدها بتمثيل .وهي تطالعه
وقالت بتوتر :من متى هنا
•
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!