رواية جيت مابيك تحقرني جيت أبيك تعز شاني الفصل الثالث عشر 13 - بقلم r010ee

قال ‏بطريقة مستفزة وهو يقربها منه: زوجتي

‏ابو مصعب بصدمة وهو يطالع الجوهرة : تسمعي الي اسمعه

مصعب وهو يطالع الجوهرة بتصغير : ‏‏ لا توجه الكلام لغيري ارجع أسألني أنا

اصايل أحاول ابعد عنه شوي..وأنا منحرجه
وفي نفس ...الوقت حزينه على أبوه الي شكله مصدوم وبعد من ..طريقة مصعب معاه في الكلام
طالعت الي واقفه جنب أبوه ...كانت شكلها
ماهي أقل من أبوه صدمه ...

ابو مصعب هز رأسه ماهو مصدق الي قاله
حس الدنيا تلف قال بوجع وهو يرجع يجلس على الكنب ويحط يده على رأسه: لوين ي مصعب لوين

مصعب ابتسم ببرود:متزوج على سنة الله ورسوله وين الغلط

ابو مصعب بصرخة قهر: تقوم تتزوج من غير ماأحد يدري فيه ليه كله ذا ليه قولي وش بقصر معاك
لو قلت لي يبه تراي بتزوج يعني ماكفاك رافض بنت عمك قدام الرجاجيل والحين مكمل الي سويته جايب لي المصيبه هذي

مصعب طالع اصايل الي تناظره بتوتر مايبيها تدري هذا الوقت بذات قال بحقد: يستاهل هذا جزاه وأقل هو وبنته ولا ناسي يبه عادي يالله ماعندي مانع أذكرك

ابو مصعب بتوتر مايبيه يجيب سيرة أمه لانه لو انفتحت هالسالفة مستحيل تتسكر بسهوله رفع يده وهو يرجف من عصبيته: خذها وفارق البيت يتعذرك وسوي الي تبيه ي مصعب من زمان غسلت يدي منك

مصعب طالع الجوهره الي ابتسامة فرح انرسمت على محياها بعد ماكانت مصدومه : افاا يبه والله ماهي الهقوه بس ماعليه ابوي وعلى رأسي

ابو مصعب بعصبيه:خذها واطلع وفكنا من مشاكلك

مصعب ببرود ابتسم ومسك يد اصايل وقال وهو يطالع الجوهرة: ان شاءالله بس غرفتي نظيفه

الجوهره ولعت يوم سألها عن العرفة صرخت بعصبيه: ليه شايفني شغالة عندك وعند ذي الي ساحبها وراك عندك نانووأسألها

مصعب ميل فمه :اف اف على هونك وش غلطت فيه عشان ذا كله وتصدقين والله ي الشغاله بنظري أحسن منك وسكت من صرخة ابوه رفع يده بعتذار له وقرب منها وهمس لها بحقد بيجي يوم تتمني عيشة نانوو.. الي محتقرتها ي الخايسه واعطاهم ظهره وهو ماسك اصايل معه ويمشيها لفوق وهو يسمع صراخ الجوهرة ..وبعد تهديد ابوه عشان يطلع ..همس لاصايل الي رافضه تمشي معه: ماهو في صالحك تعاندي بذات قدامهم

اصايل أول مادخلها الغرفة فكت يدها بعصبيه
وهو تصرخ عليه:وش ذا ي مصعب ليه جايبني هنا
وهم رافضين وجودنا سامع صراخ أبوك وتهديده

مصعب طالعها ببرود وهو يجلس على السرير:اوش ترى حدي مشحون تكه بس وانسيك اسمك

اصايل بعصبيه: مصعب بالعقل فيه حد يعرف أهله على زوجته بذي الطريقه ي رجال خليتني ماسوى شيء قدامهم خليتني اناظرهم مثل البلها الي ماهي عارفة وين هي فيه ..على الاقل كان قلت لي إنا رايحين لهم ماهو كذا تخليني ادرعم معاك حرام عليك وبعدين وشلون أبوك تكلمه كذا حرام عليك خاف الله فيه

مصعب ماسك نفسه بالقوه عليها بس يوم بدت تتدخل بينه وبين أبوه صرخ بعصبيه : حدك عاد

اصايل بصرخه أقوى من صرخته: مصعب سكت لك كثير وصبرت على جنونك بمافيه الكفايه بس لهنا وبس معاد فيني والله ارحمني ي رجآل كل يوم مصيبه صايره بسبتك

مصعب قفل عيونه بقهر لف وجهه عنها ..مايبي يمد يده بس هذي ماراح تسكت يعرفها لازم تأخذ نصيبها عشان تعتدل قال وهو صاك على سنونه :اصايل فكيني شرك وخليني أفكر بالي ناوي عليه مابي ‏إزعاج

اصايل بعصبيه ضربت ‏وجها : تفكر في وشهوو
ي مجنون تنتقم من أبوك بسبب ‏أشياء..صارت تافهه من الماضي

مصعب كرر كلامها بصدمه :أمي الي صار معاها وصارلها من ابوي وعمي أشياء تافهه بنظرك

اصايل حست بخوف يوم شافته يتكلم كذا عرفت
وش وراها ذي النبره‏ ‏ابتعدت شوي بخوف يوم ‏بدأ يقرب منها صرخت بألم يوم مسك شعرها بقوه

مصعب بعصبيه وهو ماسك شعرها بقوه ويكرر كلامها : اشياء تافهه بنظرك بس بنظري لا لا
أول ماسمعها تصرخ عشان يفكها قال بحقد والعصبيه معميته الحين تصرخي الحين تحسي بألم ليه يوم حذرتك ماسكتي ورفع يده واعطاها كف بكل قوته وهو يصرخ أذبحك ثاني مره تجيبي سيرة أمي أو تتدخلي بيني وبين أبوي دفها عنه وهو يصرخ هالكف أعتبريه تحذير لك عشان ثاني مره تفكري قبل تنطقي

اصايل تحس فكها انعوج من قوة الكف بس ماتبي تتكلم أو ترد تدري بكل كلمه راح تقولها بيرد لها شيء أقوى

مصعب أعطاها ظهره وهو يزفر بعصبيه وراح جلس على السرير وقال بتهديد وهو يرفع يده : والله ثم والله ذي المرة ماراح تسلمي شوفيني أحذرك لأخر مره

اصايل جلست على الأرض وسندت رأسها على الجدار وهي تحاول تكتم صياحها
خلاص تعبت مافيها عاد تتحمل من ساعات كانت بتموت بيده والحين بعد مكفخها لمتى بتصبر
نزلت رأسها وقفلت على ‏اذونها ماتبي تسمع تهديده ولا تسمع اي كلمه يقولها ...تكره صوته وتكره كل شيءفيه ..جسمها اترجف يوم حست بخطواته تقرب وجلوسه قريب منها رفعت
رأسها وطالعته جالس قدامها على ركبه بدون حس نزلت دموعها الي كاتمتها وبغصه: وش بقي بتكمله
مصعب كسرتني بالحيل خلاص ارحمني

مصعب مد يده ومسح دموعها ..ومسك يدها وقفها معه وجلسها على السرير وقال وهو حزين عليها من توو كانت بتموت بيده والحين يقوم يزيد عليها قال بقهر منها :لو تفكري بالكلام الي تقوليه صدقيني ماراح يصير فيك شيء وتفكينا من مشاكل كثيره

اصايل طالعته ماتدري وش تقوله
همست بوجع ودموعها تنزل: ابوي ضيعني

مصعب مد يده وسحب سماعة التليفون وقال بجمود : نانوو جيبي أكل لغرفتي وعصير ليمون طازج

اصايل زحفت لنهايه السرير وتمددت وسحبت المفرش وغطت رأسها وهي تصيح لفين بتوصل معه ...والحين صار خوفها أكثر من قبل بتجلس تقابله بذي الغرفه ...فكرت تسرق جواله وتدق على أهلها ...بس تذكرت جواله الي كسره ...ماعليه أكيد بيأخذ له ماراح يجلس كذا ...لازم اتصرف لازم ولا بضيع أكثر من كذا قفلت عيونها يوم قال:كلي وبعدين نامي
عضت شفتها بألم مين له نفس يأكل آه مصيبه وقعت رأسي ...ذا مايحترم أبوه وشلون أنا يآرب الطف فيني .. كلها دقايق وسمعت همسه قريب مني : قومي كلي لك شيء ونامي
مارديت عليه يوم سحب المفرش طالعته بقهر
: مابي خلني بحالي
مصعب بضيق : اصايل

اصايل جلست وأنا ازفر بقهر من شوي مكفخني والحين عازمني على الأكل بس لازم اشتري راحتي : يارب صبرني

مصعب قرب الأكل وقال وهو يطالع خدها الأحمر قسي عليها بالحيل : سمي وانسي الي صار

اصايل بغصه: يالله انسى الي صار لهالدرجة الموضوع سهل عندك وهي تحط يدها على خدها

مصعب : حذرتك من قبل بس ماتوبي ويالله سمي وهو يسحب يدها الي حاطتها على خدها وقال بحزن مابي أوجعك كذا بسس

اصايل سحبت يدي منه وأخذت الملعقه وبديت أكل بدون نفس بس ابي انفك منه
بس بدون حس أكلت ..الأكل كان طعم بزيادة
قلت وأنا اتلذذ: مرة ابوك مسويته

مصعب بحده: تخسى أكل من يدها هذي نانوو دايم هي تطبخ لي لو كنت موجود وخذي ذوقي العصير الي دايم تسويه لي وهو يمد لها يريح اعصابك

اصايل أخذته منه وقلت بفضول : يعني علاقتك معاها صفر شكلها من نوعية زوجة ابوي الثالثه حسبي الله عليها

مصعب عض شفته بضيق: فضولك ذا مشكله

اصايل : خلاص اسفه مالي دخل

مصعب طالعها شوي وقال بتحذير : لا تحتكي فيها أبد خليك بحالك ولو رمت عليك كلمه طنشيها وتعالي قولي لي فاهمه حتى لو كلمة طيبه قالتها لك تعالي وخبريني

اصايل عقدت حواجبها مستغربه من كلامه :ماهو لهالدرجة مصعب

مصعب بعصبيه : سوي الي قلت لك عليه وخلاص
ماحب أكثر في الكلام

الجنوب
؛؛
؛؛
من وقت ماخلاه أبوه ..وجواله ماوقف اتصال زفر بضيق ..من إزعاج عمها.. طنش الجوال وهو يفكر بكلام أبوه ليه ..مايسأل ويدور على خالها .. آه ليته يقدر يحصل عليه وينفك من ذا الشيء كله ويكون هو بعيد ...بنظر عمته مثل ماقال له أبوه ...
طالع ابوه الي رجع عقد حواجبه مستغرب وهو يعتدل بجلسته : هلا يبه

ابو ياسر : تذكرت وين يتشغل فيه خالها ايه ومتأكد بعد

ياسر بحماس فز : وين يبه تكفى الله يخليك

ابوياسر : على الي اتذكره انه يشتغل بجدة ومن بكره كلم ابو سعيد هو الي دله على بيتي يومها بعد العزاء وجاا كلمني عن بنت أخته

ياسر استبشر خير مدام عند ابو سعيد وصل ومحلوله هذا كل الأخبار عنده وذاكرته فل ماشاءالله قاطع تفكيره رنة الجوال طالع الجوال بطفش : افف هذا مايزهق يالله مسك جوال وخلاه صامت

ابو ياسر بستفسار: من

ياسر بقهر: ابو خالد

ابو ياسر : الله لاجاب سيرته المهم رد عليه وشوف وش يبي منك

ياسر عض شفته بغيض : وش يبي غير عرس لبنت أخوه يبي ينفك من كلام الناس ويبليني فيها الله يأخذهم جميع

ابو ياسر بخبث: رد عليه وحدد موعد للعرس بعد وخله قريب عشان مايكون منك القصور قدام عمتك

ياسر عقد حواجبه : وشلون يبه احدد العرس وهذا وانا بدور لخالها يبي وقت

ابو ياسر: في ذي صدقت المهم مشيه بأي كلام الحين وربك يحلها من عنده

ياسر بشك : يبه وإذا ماحصلته ولا يكون سافر مثل ماقلت انتهى تعاقده هنا وإذا لقيناه يمكن بعد النشبه ماتروح معه آه شكلها متعسره يبه

ابو ياسر بثقه: صدقني تعاقده هنا مطول وشدن لو تحصل أمها بتنسى نوفه أذكر وهي صغيره كانت متولعه فيها ويالله نوفه قدرت تخليها تحبها بذات ماحبتها زود إلا بعد ماأهل ابوها خافت منهم وشافت الأمان عند عمتك وتوكل على الله ورد عليه وفكنا من عمتك لايقول لها وترد عليك كل شيء تعرفها ياكثر انتقادها بذات من ناحية شدن

ابتسم بخبث لو يتحقق ذا الشيء طالع الجوال وهو يرن للمرة المليون ذا مايمل رد وهو متضايق: هلا

ابو خالد بقهر : بدري كان مارديت
ياسر قفل عيونه بصبر حتى عمها وقح مثلها : كنت مشغول ولا هو فاضي سلامات ليه كل ذا الدق

ابوخالد بحده: اسمع الحكي الي بقوله زين رجآل
وتمم ذا العرس وماتخليها مثل البيت الواقف ولا طلقها وفيه غيرك يستاهلها وكفووو لها أنا مابي انفضح قدام جماعتي بتطويل الملكه تدري فيها عيبه عندنا تملك تحدد موعد عرسك بسرعة ماهو تجلس رايح جاي لبيت عمتك وبنت أخي فيه ترى العلوم كلها تجيني

خالد كور يده بعصييه وده ‏انه قدامه كان ذبحه
قال وهو ماسك اعصابه ويطالع ابوه الي يحاول يصبره : متى ماتبيه شدن انا موافق

ابو خالد بقهر : دقيت على عمتك بكلم بنت أخي بس قالت نايمه أنت شوف اليوم واحجز فيه
وياليت يكون خلال ذا الاسبوعين عشان بسافر دبي لمدة ثلاثه شهور عندي اشغال ماهو فاضي انتظر عرسكم

ياسر بصدمه اسبوعين وش يمديه عشان يدور خالها قال وهو مغصوب:بإذن الله بعد العيد مباشره بدور القاعة والله يكتب الي فيه الخير
قفل من عنده ونزل جواله بقهر وهو يطالع ابوه
وش الدبره يبه أعطني حل

ابو ياسر وقف : ان شاءالله خير
===========
=====
==
=

صباح العيد
،،
،،
بعد ماعيدت على أمها جلست مقابله لها ..
وهي تصب لها فنجان قهوه وأخذت حلاوة من ‏ الفازة الي قدامها وقالت وهي تلذذ بطعمها :ذا العيد احسه بارد

نوفه وبالها بعيد: عمش دق

شدن بخوف: متى

نوفه بضيق: قبل شوي وكان يبي يعيد عليش بس قلت له تصلي وترجع تدق عليك

شدن هزت رأسها : مابي ادق عليه خليه

نوفه بضيق : ضروري تكلميه تعيدي عليه وبعد بيقولش ان ياسر حدد موعد العرس بعد اسبوعين

شدن بصدمه : ايشش اسبوعين شفتي يمه ولد اخيش خبيث مايبي يخسر يبينا نمشي حالنا بأي شيء وعشان كذا زنقنا بالوقت بالله وين يقدر يحجز قاعه فخمه ولاأقدر أفصل فستان افف ليه كذا ماهو طالع من عندنا وهو رافض العرس بكبره ليه يتصرف من عنده ودي أعرف

نوفه صرخت بطفش: خلاص اسكتي يالله لو فتحتي لسانش ماحد يردش عاد

شدن بقهر: يمه ذلحين بفهم ذا بيسوي عرس ولا كذا بيتمم الزواج

نوفه : عمش يقول انه يدور قاعة يعني أكيد عرس وبعدين ياسر وأعرفه مدام يدري بزعلي منه بيسوي الي يرضيني

شدن وهي تتحلف فيه: مدام يدور رضاش بخسره وبرد قلبي

نوفه ابتسمت لها: خذي راحتش فيه يستاهل

شدن طفشت وهي تتنظرهم: يمه غريبة ماجت أم ياسر مثل العادة تعيد عندنا الفطور جاهز من بدري ولا أحد أقبل علينا

نوفه بهدوء وهي تتقهوى : ماتوبي من سيرتهم

شدن بطفش : ذا العيد ماهو حلو بدون جمعه
بدق على نور وحور يجيون طفش والله ودي يشوفون كشختي

نوفه ابتسمت بحب لها أحسن صفه تحبها فيها ماتحقد وتنسى بسرعه مفروض تزعل وتشيل بخاطرها ماهو تدور وراهم كذا ..أول ماشافتها نزلت جوالها قالت بحده : لعاد تدقي عليهم

شدن وهي مستغربه: ليه نور تقفل بوجهي

نوفه عقدت حواجبها: قفلت بوجهش

شدن سكتت ماتبي تزعل أمها مثل امس وتتعب
قالت وهي تحاول تضحك: غبيه مثل العاده
وسكتت وهي تشوف المحادثه الي وصلتها
{{سوري ي قلبي بس اخوي جالس وخايفه منه تعرفينه عند سيرتش تطلع له عفرايت }}
حست بغصه ذبحتها ..من رسألتها
ليتش مارسلتي السبب ي نور
وقفت بتروح لغرفتها وهي يالله قدرت شوي تنسى
الي صار لليلة البارحه...والحين رجعت لها الضيقه
حست بقهر في نفس الوقت ..من تحديده للزواج الي صرفت بالها عنه ..رجعت جلست وهي تسحب سلة الحلاوة وتأخذ وحدة وراء وحدة طلعت غيضها كله ..غبيه لو استسلم له مالت عليه من زينه عشان اضيق عمري عشانه
نوفه طالعتها وهي مستنكره أكلها للحلاوة : شدن خلاص كفايه بتوجع بطنش

شدن بقهر والحلاوة بفمها: أحسن عشان ولد أخيش يرتاح مني

نوفه بشك: هو الي مرسل لش تو

شدن هزت رأسها :لاااا أخته الخايسه مالت عليها وعلى أخوها وحطت يدها على فمها مقهوره من نفسها ضروري تقول لها من شوي ماتبي تتعبها آه وشلون مقدر امسك لساني بتحاول تدور كذبه عشان ماتضايق
بس انصدمت من دق باب الصالة وكلها ثواني وشافته دخل وهو يتنحنح صغرت عيونها وهي تشوفه بكامل كشخته ..اخس يويسر ماعرفناك وأنت كاشخ ..صغرت عيونها يوم تذكرت انه ..بعد هالمرة يجي بدون استئذان لازم امها تقفل الباب الفاصل الي بينهم ضروري شوية خصوصيه ..من وقت ماملكت عليه وهو بس مدرعم ..
استحت يوم شافت خالها مبارك جاي وراه ابتسمت بحب له وقفت وهي ترحب:مرحباً مليون ولا يسدن
حيا الله خالي مبارك
ابو ياسر سلم عليها وهو يحس بتأنيب ضمير ترحب به ..وهو يخطط مع ولده من وراها عشان يبعدها عنهم ..بس والله ماسوى كذا إلا عارف بالمشاكل الي بتحصل لو تمم ذا الزواج لا زوجته متقبلتها ولا ولده ...ولا أحد بيتضرر غيرها

نوفه بعد رحبت فيهم وسلمت على ياسر ولا كأن صار بينهم شيء
ياسر طالعها وهي ترحب في ابوه وتسولف معه ... على ‏انها قبل كان تتحجب منه هذي الصفه تنحسب لها ..عكس عفاف دايم تتضايق
لو جاء أو جلس يسولف معاهم ..
تقول ماتأخذ راحتها وتخجل منه بزيادة ويمكن بعد شدن مأخذه عليه عشان كانت يلعبها مع البنات قبل تتحجب منه طالع عمته وهو خجلان حده
بعد الي صار امس ...لازم يرجع يصلح علاقته
مع عمته ويرجع يكسبها ...مدام ابوه اعطاه حل
وبيدور لخالها وبيحصله هو متأكد ويكون هذاك الوقت انفك من العله ذي وبعد أكيد عند عمته ماله ذنب ...حسيت بضربة ابوي على كتفي طالعته مفزوع: البنت لها ساعة واقف وأنت بعيد

ياسر انحرج وقال بتلعثم وهو يطالع شدن :لا لا شكراً مابي

شدن رفعت سلة الحلاوة بزيادة وقربتها منه وقلت بعباطه وأنا ناويه انرفزه : لي ساعة واقفه وماتأخذ حلفت انك تأخذ ولا اختار لك على ذوقي حسيته بيقتلتي من نظرته الحاقده أخذت النوع الي ماحبه ولا أقدر اذوقه بعد ..وقلت وانا امدها له تفضل هذا النوع أموت فيه يجننن
ياسر طالعت عمتي نوفه الي تتطالعني بزعل ..
رجعت طالعت يدها الممدوده ..ودي اذبحها مسويه فيها كريمة عارف حركاتها الي مالها داعي مديت يدي وأخذتها بقهر ورميتها على الطاوله قدامي ...

شدن نشبت له : ليه ترميها حلفت انك تأكلها ولا تبيني افتحها لك
ياسر وهو ماسك اعصابه بالقوه ابتسم مجامله: بأكلها خليني على راحتي

ابو ياسر وقف : لا تردها كلها وخلنا نمشي نعيد على الجماعه يالله بسبقك وأنت الحقني

ياسر احرجته وده يذبحها مد يده وفتحها وذاقها طعمها أبد ماهو حلو قال بقهر: حتى ذوقش بالحلاوة ماشي منه

شدن طالعت أمها وقالت: أمي مختارتها واي شيء تجيبه احبه وأكله

ياسر خبيثه ترميه على عمته ابتسم مجامله: صادقه اي شيء تجيبه عمتي حلوو مثلها وبسرعه حطها فمه
نوفه بدقه له: خلاص وصلت ي ياسر لا تجامل

ياسر وقف وجلس جنبها مسك يدها وقال بهمس: والله وقت ما تضيقي علي ان الدينا تضيق بعيوني
وحقش علي وبسوي الي يرضيش قولي بس وش تأمرين عليه

نوفه ابتسمت وهي ناويه ترد شوي من كرامة بنتها الي امس ماقصر فيها أشرت على شدن: أعتذر من بنتي ومابي منك شيء بعدها ولا تقول كبيره بحقك تراك نقصة من قيمتها واجد وبعد داق على عمها ومحدد موعد بدون علمنا

ياسر طالع وين ماتأشر بصدمه لاااااا بس يوم سمع كلامها الأخير الي صدمه أكثر هو داق على عمها ومحدد موعد يالله عمها بعد كذوب مثلها مسك اعصابه وقف وقرب منها وهو ينزل نفسه شوي
: اسف امس غلطت عليش بدون قصد وهمس لها ليتش تعفيني لأنه بيضرش أكثر من نفعه عليش

شدن انصدمت من طلب أمها وبعد من موأفقته انه يعتذر أبد ماتوقعتها توترت من قربه بس انقهرت من الكلام الي همس فيه ابتسمت بمكر وهي ناويه تنقم منه وتأخذ حقها كله : أجل سوي العرس الي ابيه وبعدها افكر ارضى عنك أولا ..وبعدين وشلون تكلم عمي وتتفق معه على العرس انه بعد اسبوعين بدون ماتشاور ذلحين كيف أفصل لي فستان ولا أختار قاعة على ذوقي قولي وش يمدي ليه تحرجني مع عمي كذا

ياسر رفع نفسه وهو معصب اي فستان واي قاعة ذلحين يحسها وقحه والحيا الي يميز البنت ماهو فيها أبد تطالب بالزواج كذا عادي أحترقها بالحيل
و طالع عمته بقهر: بنتش ي عمه ماهي ناويه تعقل

نوفه قالت ببرود ظاهري إلا تصرفات شدن أبد ماهي راضيه عنها : في ايش غلطت ذلحين بنتي طلبت حقها الله يهديك وش بيصير لك لو سويت الي تبي وصدقت والله استعجلت بالحيل وش يمدينا نجهز ذا عرس ومعازيم ماهو شيء سهل

ياسر بقهر : يجعلني افداش ماهو اتفاقنا وأنتي تدري بذا الشيء بس عمها هو الي حدني وخلاص قلتوا تبغون عرس وهذا هو بيصير

نوفه وقفت بعصبيه: :هو الي حدك أجل ليه تغصب نفسك كلمه وقوله مابيها وخلاص فكنا من ذا كله

ياسر ليته يسوي كذا ويفك عمره فعلاً قال وهو يذكره انه له جميل عندها : ماحد بيخسر
غيرش ي عمه صدقيني

نوفه بغصه: الله يأخذ حقنا من الي ظلمنا وصل عنا الشينه عند عمها وخلاه يقلب علينا بذي الطريقه

ياسر توتر يوم ذكرته قال بسرعه وهو يطالع شدن : كلمي عمش واعترضي على الموعد لو هو ماهو بعاجبش أنا مابيدي شيء والي تبوونه بيصير
وطلع وهو مقهور ماقدر يطلع بنتيجه كل مايجي يورط نفسه معاهم . ..وخايف من دعوات عمته تلحقه ومتأكد انها بتلحقه ظلم البنت وظلمها معاها رفع جواله ودق على عمها وقال بعد السلامات قال بسخريه : ي ابو خالد مدام حددت من عندك واعطيتهم خبر أجل لا تقصر وحدد اليوم بعد عشان يناسبك عض شفته بقهرفشله قدام عمته يوم نقل لهم الي صار بينهم وليته وافق وقتها

ابو خالد طالع زوجته وهو متوتر مايبي يحسسها انه يتكلم في سالفة تخص بنت أخوه : خير ان شاءالله
وحدد اليوم أنت على راحتك بس اعطني خير قبلها عشان أقدر اضبط أموري وأجي

ياسر
قفل وهو يحس بضيقه ..بدل مايلحق ابوه ويعيد على جماعته ركب سيارته وضرب الدركسون بعصبيه انبسطي شدن ...بيصير الي تبينه مشى بسرعه جنونيه يبي يبعد عن ذا المكان وده يطلع من الجنوب كلها ضاقت به ....

الرياض
في بيت ابو أميره
،،
ماهي مصدقه الي يصير معاها وكله كوم يوم ابوها يأخذها غصب عشان تحلل يومها انهارت ..
يالله أخر شيء توقعته ..يسوي معاها كذا...ي ناس ي عالم مافيها تأخذ عناد..أبد أبد ماراح تتقبله السالفة
ماهي لعبه..هذي حياة.. هزت رأسها وهي تتخيل
حياتها وشلون بتصير معاه...والله على الجرح
الي سببه لها مصعب ..عندها أهون
من الي مقبله عليه ...الحين أنا أخذ "ولد الجوهرة"
ولا مشاعر أختي الي متأكده انها مايله له وشلون
يالله هذي بحد ذاتها تذبح ...أوب ماسمعت دق الباب
قفلت عيونها بعصبيه تصرخ : أمير لا تحاولي تقنعيني
عآرفه إنه كله كذب وراء قلبك

أمير من ورا..الباب وهي تطالع الدرج تخاف أحد يسمعها : الشموخ ترى مايصير الي تسوينه وش آلحين مستفيده منه وأنتِ مقفله على عمرك بعدين حد يفوت يوم العيد وجمعة العيله أهل أمي كلهم وصلوا ويسألون عنك وبذات ميمه تقول لو ماتنزلوا لي الشموخ رقيت لها

الشموخ بقهر :أبوك ماخلى فيها يوم عيد
وتكفين ي أميره فارقي والي يسأل قولي له تشمت على راحتك وبذات الزفته مرام قولي لها انبسطي
وخذي راحتك بالحيل

أميره بضيق من تفكير أختها : وش ذا الكلام الي تقوليه مين بالله فاضي يتشمت فيك الكل قلبه عليك

الشموخ بعصبيه : إلا بيتشمتوا لا تفتكري الكل طيب مثلك

أميره وهي تحاول تكبر عقلها : ي قلبي ليه ماتثبتي لهم إنه ماهو مأثر فيك الموضوع والشموخ مافي حد يقدر يكسرها ..يوم سكتت ماردت عليها ابتسمت بأمل أكيد تفكر بالي قالته وعارف غرور أختها هو الي بيخليها تنزل
:انتظرك ياالشموخ بتطلعي لهم وتثبتي لهم العكس مثل ماقلت لك وبسرعة نزلت وهي واثقه انها بتنزل وراها
...
الشموخ
كانت تفكر في كلامها .. لو جلست هنا
ومانزلت لهم أكيد ..راح يعرفون إنها مقهوره
وفعلاً وقتها بتجيب حق عمرها الشماته ..
حطت يدها على وجهاا وهي تصيح ماتبي تنزل
ولا تشوف حد مصعب ...كسرها بالحيل ..كذب لو تقول ماكسرها إلا حطمها على الأخر آه على الي سواه فيها قلبها مايطاوعها تدعي عليه ماتستاهل
حبي ي مصعب .. آه ليه سويت فيني كذا وش سويت لك ...كنت اسمع الكل يتكلم عن اخلاقك واشوف بعيني بعد وأكذب عمري وأكذبهم بعدت يدها وهي تطالع الباب الي يدق
قالت بصرخة : خلاص ي أمير فكينا ماراح أنزل

مرام بدلع :شوشو افتحي أنا مرام

الشموخ عضت شفتها بقهر وش مطلعها هذي يعني غصب تشوفني قلت وأنا ودي أذبحها :انتظريني تحت أكمل كشختي وأنزل

مرام :اوك انتظرك ياويلك تتأخري علي

الشموخ بعصبيه الله يأخذك ويأخذ ولد الجوهره معك وقفت وهي ناويه تكشخ وتقهرهم وبذات مرام وأمها ....
==========
=====
==
=
في المجلس
طالع عمه بصدمه يوم قال: الحمدلله التحاليل اطلعت سليمه ومتطابقه وعناد بخاطره شيء وده فيه

ابو أميرة :يأمر عناد

ابو مصعب: وده يشوفها ‏نظرة ‏شرعية

ابو أميره حس بتوتر لا يكون يدور عذر عشان يرفضها مثل ماسوى مصعب لا لا ذي المرة فعلاً
بيموت لو صار ذا الشيء وسمعته بتروح فيها
قال بشك: نظرة بعد التحليل كان طلب قبل يحللون

ابو مصعب طالع عناد الي شكله منحرج
من طلبه لأخوه بس مايبي يظلمه يبيه يأخذها وهو مقتنع وبعدين واثق كل الثقه ان الشموخ بتعجبه
مأخذه الجمال كله في العائله ابتسم وقال: نظرة وأنا أخوك ماتضر ترى الرجال شاري وبعد حقه لا تنسى
ابو ‏أميرة : تم والحين اقلطوا على العشاء وبعدها يصير خير

ابو مصعب : قبل نقلط على العشاء يناسبك الملكه ثالث العيد

ابو أميرة : خله الحين يشوفها وبعد نتكلم بذا الموضوع ...

عناد
طالع عمه وهو متوتر وفي نفس الوقت يحس انه متشوق لشوفتها.. بس أبد ماهو متوقع انه بينظرها الليله كانت ‏مفاجأة له ..آه لو تدري أمه بتروح فيها لانها عارفه انهم جاين عشان يعيدون عليه وبعد يتفقوا على المهر الي مسويه سالفة عشانه والحين نظرة ‏مرة وحدة بتصير علوم

ابو مصعب بهمس : مين قدك ي النشمي الليلة بتشوف الشموخ واثق انها بتعحبك صدقني

عناد ابتسم بثقل وقال : ان شاءالله نعجب الشموخ بعد
==========
====
==
=

في الصالة
قالت بشماته: إلا ساميه ليه خربت الملكه
فيه ناس يقولون البنت تعبت وفيه ناس يقولون العريس رفضها بس أنا ماصدقت قلت معقول الشموخ تنرفض الجمال كله وينرفض لا مستحيل

ام أميره ابتسمت مجامله لمرة أخوها وهي مقهورة من أخوها الي قال لها وش صار في المجلس :مثل ماقلتي مستحيل تصدقي أجل خلاص لا تسألي

الجده أم ساميه: ربي فكها منه المعقد والله ان قلبي ماهو مرتاح كان ورفضت أجي الملكه لأني ماهو براضيه عليه طلع لبنتي الشيب دون عمرها الله يرحمها

أميرة كانت تشوف أختها وهي نازلة من الدرج
بكامل كشختها ..يالله ليتهم يقفلوا ذي السيره
همست لجدتها :ميمه تكفين أسكتي شوفيها نازلة
الجدة طالعتها وقالت بترحيب: ي هلا والله بالزين كله تعالي تعالي يمه أجلسي جنبي وهم يسلمون عليك أنتِ تعبانه

الشموخ عضت شفتها بغيض سمعت أخر كلامهم
بس حاولت ماتوضح ..ابتسمت مجامله للجالسين وسلمت عليهم وجلست جنب جدتها ..

الجدة وهي تساسرها: عساك أحسن يمه

الشموخ طالعت مرام الي تناظرها بفضول ابتسمت ابتسامه مزيفه وقالت:بخير ميمه مافيني شيء
مكبرين السالفة بس وطالعت مرة خالها أم مرام
بحقد

خالة الشموخ وقفت : مدام الحلوة نزلت يالله خلونا نجهز نفرش العشاء

أم أميره وقفت معترضه: لا لا الخدم يجهزون كل شيء ماعليك أجلسي وارتاحي

أميره وقفت: وأنا بقوم اشرف عليهم

الجدة وهي تمسد شعر الشموخ بحنان: والله اني فرحت لك من قلبي يوم أمك قايله لك انك انخطبتي لغير ذاك المريض الله يأخذ حق بنتي منه

الشموخ طالعت أمها بعتب قايله لهم كل شيء
قلت بقهر : باقي ماعطيتهم موافقتي تعرفي رفضت ولد عمي قبله تجي عليه

مرام بسخرية : ي حرام ليه رفضتيه وفشلتيه قدام الرجاجيل قالت كذا وهي تقصد العكس وابتسمت بستفزاز

الشموخ عضت شفتها بعصبيه شوي وتقوم لها
طالعت أمها تبيها تفزع لها بس كانت ساكته
قالت بغرور وداخلها مكسورة بالحيل: نصيباً ماهو مع بعض

الجده وهي تايد كلامها : إيه يمه مالكم نصيب وبعد ربك يبي لك الخيره منه عوذه من سيرته

الشموخ ابتسمت بحزن..: على قولك خيره وهمست ميمه بعد العشا ابيك لحالك

الجدة بابتسامة حب: ي قلب ميمتك ابشري ولو تبي الحين طردتهم كلهم

الشموخ في نفسها ياليت بس هزت رأسها:لا لا مابي أحد يلاحظ

بعد ماتعشوا

دخلت مع جدتها الغرفة وقالت وهي تصيح : تكفين ياميمه تقنعي أبوي يرفض ولد الجوهرة مابيه
يالله حتى أسمه مقدر انطقه احسه ثقيل على قلبي
يمكن أبوي يخجل منك

الجده قاطعتها بصرامه: ولد الجوهرة على قولك هو الي رفع رأس أبوك وطلبك قدام الرجاجيل الي ولد عمك عافك قدامهم

الشموخ وهي تصيح: ميمه لا تقهريني وتذكريني وش صار

الجده بحزن ضمتها لصدرها وقالت بحنان: يمه والله ابي مصلحتك سكتت وهي تشوف بنتها ورجلها داخلين عليهم

الشموخ انصدمت من وجود أمها وأبوها طالعت أمها بعتب حتى في الكلام مع جدتها ماتقدر على طول خبرت أبوها وسحبته لهنا

ام أميرة :يمه بيسلم عليك وسأل عنك قلت له جالسة مع حبيبة قلبها وصمم يدخل لعندك

الجده بجمود: زين منه وهو يسأل

ابو أميره ابتسم مجامله لها وسلم عليها
وطالع الشموخ وقال بعتب:الحين أكيد جالسة تشكينا عند جدتك

الجده : تطمن أعرف مصلحتها أكثر عنك ولو شكت ماراحت لغريب

ام أميره بتوتر تكره يوم يتلاقون كل واحد يرمي كلمه على الثاني وهي تضيع بينهم: يالله يمه بنطلع نتقهوى ينتظرونا

الشموخ وقفت معترضه: والله ماتروح قبل تقنع أبوي انه يرفضه مابيه افهموا عاد

ابو أميرة بعصبيه: أقسم برب العزه لاتوافقي عليه وغصب عن خشمك وشغل الواسطات ذا مايمشي علي ريحي نفسك وأبشرك نتيجة التحليل أطلعت والملكه ثالث العيد ويالله قومي جهزي عمرك الرجال ينتظرني بالمجلس طلب نظره شرعيه وأنا وافقت ويالله قدامي أجلسي بالمجلس الثاني حتى اناديه

الشموخ وهي مصدومه نظرة مستحيل صرخت بعصبية : والله لو على موتي الليلة ماطلعت له

ابو أميرة بعصبيه: تحلفي علي بعد

الجدة وقفت معترضه وهي تسحب الشموخ وتخبيها وراها : قول له يتسهل مدام الملكه قريب وشهوله نظرة الحين

فتح عيونه ورفع يده وضغط على رأسه يحس بألم فيه. لف بعيونه يدورها بالغرفة شافها نايمه ..على الكنبه الي بالزاوية ..مد بكسل وسحب الساعة الي على الكومدينا...انصدم وهو يشوف الوقت يالله نام كثير ..تذكر وعده لعادل على انهم بيمشون للدمام ...بعد صلاة العشاء ..وقف وهو يحس رأسه يوجعه من كثر النوم الي نامه بس مجرد صلى صلاة العيد وبعدها انخمد ..أخذ شور سريع وصلى الفروض الي عليه وقف عند التسريحة يضبط شكله طالعها بعدها.. مثل ماهي عليه قال بصوت ثقيل من النوم : بنت قومي سوي لي شيء أكله

اصايل تحركت بتعب وطالعته ي دوب غفت عيني بعد صلاة العشاء ويقوم يزعجني ي حبه للأكل الحين مصحيني عشان اسوي له شيء يأكله قلت بقهر : ي كثر الخدم بالبيت

مصعب ميل جسمه شوي وسحب الساعة وقال وهو يلبسها : ماحب أكل من يدهم

اصايل صغرت عيوني: لا تكذب أمس طافح قدامي

مصعب ابتسم بستفزاز: امس حالتك ينشقق عليها
وقلت عشان اخليك تروقي شوي أكل معك

اصايل بسخريه : لا عندك قلب ماشاءالله

مصعب رفع يده : يالله وراي طريق للدمام

اصايل فزت جالسه وصرخت بصدمه : خاف ربك بس ساحبني وراك من مكان لمكان والله تعبت

مصعب بسخريه: استريحي مين قال اني بأخذك معي

اصايل حسيت بقهر يعني بيخليني هنا عند أهله قالت معترضه: وشلون تخليني هنا وأهلك ماهو متقبليني

مصعب بطفش: قومي بسرعة سوي لي شيء أكله
ولا تطوليها وراي سفر وبقهر آه لاجوال ولاشيء

اصايل قلت بشماته: الدنيا دواره وربك مايرضى

مصعب ابتسم بستفزاز: من بكره اطلق جوال بيدي
وش رأيك اطقم لك معي وغمز لها

اصايل وقفت وأنا معصبه ...يعرف كيف يستفزني غسلت وجهي وطلعت كشرت يوم شفته باقي ينتظرني افف..مريت من عنده
بس وقفت يوم قال: هييي وقفي خليني أنزل قبلك أخاف ولد أمه موجود

مين يقصد بولد أمه وقفت أنتظره يشوف لي الطريق حضرته ..أشر لي اطلع نزلت معه الدرج وأنا اسمعه يهمس : ي سلام الجوهرة لحالها فرصتي
طالعته مصدومه وش بيسوي قلت بخوف وأنا امسك كتفه وأعترض طريقه : لايكون ناوي تذبحها

مصعب ضحك بصوت عالي : ليت والله تساعديني

اصايل بخوف: تعوذ من ابليس ي رجال

مصعب ضربها على خدها خفيف : تحركي ساكته وخلي خيالك الواسع ذا يشطح بعيد عني

اصايل يوم قال كذا تطمنت اتجهتت للمطبخ بعد مأشر لي عليه طالعت الي جالسة مقابلتنا وتطالعنا بحقد وغرور ياربي حتى سلام مقدرت اسلم عليها
ماعطتني فرصة أبد وبذات مع تحذير مصعب لي
خفت منها ...

مصعب ابتسم بخبث:كل عام وأنتِ بخير كيف العيد معاك

الجوهرة طالعت بكرهه: ماهو من قلبك عشان كذا ماراح ارد عليك

مصعب رفع حاجب : افااااا ليه

الجوهرة رفعت خشمها بغرور : ماتستاهل والي أجاملك عشانه ماهو موجود

مصعب : هااا قلتي لي الي تجامليني عشانه ماهو موجود ايوه اطلعي على حقيتك ليتك صقور موجود وتسمع حبيبة القلب

الجوهرة بخبث ابتسمت وقالت بكل ثقه : حبيبة قلبه وروحه بعد

مصعب حس بغيض وده يطبق الخيال الي شطحت به اصايل من توو عشان تعرف كيف ترفع خشمها عليه حاول يمسك اعصابه ومايبي يبين انها استفزته : غريبه اليوم عيد وجالسة بالبيت ماهو بالعادة

الجوهرة ابتسمت بقهر: وش اسوي ماراح ارتاح اطلع وفي بيتي ناس غرب

مصعب ابتسم بسخريه: هاا قلتي ناس غرب
حقك والله تخافي على بيتك بس وينه بيتك الي خايفه عليه من ذولا الناس

الجوهرة سندت ظهرها وحطت رجل على رجل وقالت بستفزاز : بيتي الي جالس فيه الحين أنت

مصعب رفع حاجب :تخسين وتعقبين ومصيري اطردك منه وقولي مصعب ماقال

الجوهرة ضحكت بطريقه وقحه وقالت بثقه :نشوف الزمن بينا

اصايل طلعت وبيدي صينية الأكل الي حصلته جاهز مجرد غرفت له وهو بكيفه بيأكله ولا مع نفسه قربت منه وحطيت الصينيه على الطاولة وقلت بهمس: تفضل وطالعت الي جالسة ونظراتها ماتريح أبد وشكلهم مشحونين من بعض مدري ايش بينهم هذولا الأثنين

مصعب عقد حواجبه : مسرع سويتيه

اصايل جلست جنبه بكسل : مافيني اطبخ مدام في أكل جاهز ليه اتعب نفسي

مصعب صغر عيونه وطالع زوجة أبوه ليتها ماهي موجودة كان عرف لها مستقويه عليه لانه أمس
حاول يراضيها ...مد يده وبدأ يأكل بس ماحب الأكل رفع كوب العصير وقال ببرود وهو يطالعها يوم وقفت بتروح : وين ي الجوهرة

الجوهرة بقهر وهي تأشر على بلعومها : الجوو يخنق

مصعب أخذ رشفه من العصير : أكيد بتختنقي وصقور ماهو موجود إلا وينه ماشوفه بعيد عليه الصباح ماحصلته

الجوهرة ابتسمت بخبث :راح مع عناد لعمك عشان يتفقوا على المهر ويبلغوه بنتيجة التحليل الله يتمم لهم الحمدلله طلع كل تمام حظه بيأخذ ام الجمال والدلع وهي تطالع اصايل بستحقار وتصغير

مصعب بعصبيه رماها بالكوب ....
""