رواية جيت مابيك تحقرني جيت أبيك تعز شاني الفصل الثالث والثلاثون 33 - بقلم r010ee

مساء الخير حبايبي
اسفه لو فيه اخطاء إملائيه ترى نزل بدون مراجعه لضيق وقتي وقراءة ممتعه للجميع
@
@
@
طالعت عناد يوم سبهه بصوت واطي وقال :الحين وقته ذا طالعني بحده وقال :آوه اسفين غلطنا
على اللي عرف قدرك فتح الباب ونزل وهو معصب

حسيت بحرقة بقلبي يوم تشمت فيني
لفيت وجهي وطالعته وهو رايح يمه
بس انصدمت صدمة عمري يوم مصعب
خمه بقوه ..وهو يطبطب على كتفه ...
إلا شعورياً فتحت الدريشه ابي اسمع وش
يقوله

عناد كان مصدوم حده طالع أمه الي تقربت
منهم وقفت بينهم وهي باين
عليها التوتر ..والقلق ...طالع مصعب
اللي قال وهو يضرب على كتفه:انسى الي
بينا وأنا أخوك ومن اليوم بتشوف مصعب
ثاني وفيك من يدمح الزله طويل كبير حتى بأخلاقك

عناد هز رأسه يبي يستوعب ..الكلام الي يقوله

مصعب بخبث ابتسم :شكل ولدك ي خاله
مايبي يصدق ان مصعب تغيررررر

عناد صغر عيونه بشك بعد ي خاله ..
أبد ماارتاح له قال بسخريه:افااا وشلون مااصدقك
وطالع أمه يالله يمه الناس ينتظرونا ورجع طالع
مصعب وقال وهو يرد له الحركه ويضرب على كتفه
:ماتفرق معي ان تغيرت معي ولا بقيت على حالك

الجوهرة طالعت مصعب بخوف وقلق يوم رفع
حاجب وكن رد عناد ماعجبه أبد

:يالله الحين مشينا ومسكت يده يالله تحرك

مصعب رفع حاجب وقال بستفزاز :ليه كذا طييب
مستعجل ودنا بجلسه معك وطالع جهة السياره وقال بخبث ليتني باقي على مرتي كان خليتها تتعرف عل بنت العم

عناد كور يده بقهر وقال بحده:مع الاسف ماحصل
لها الشرف وطالع امه يالله احتريك بالسياره

الجوهرة تنهدت براحه يوم عناد ركب سيارته
طالعت مصعب وقالت بخبث :ياليتك تبعد
عند عناد للابد تراه حقود ولدي واعرفه والله ماينسى سواتك به

مصعب ضحك بسخريه:ماطلع مثل أمه
قلبها ابيض

الجوهره قلبها نغزها لايكون عارف بتخطيطها
قالت بتوتر وهي تضبط لثمتها :طيب لنا كلام يوم
ارجع وقالت وهي تضيعه شوي وسلم على اصايل
لو شفتها الليله وغمزت له

مصعب عقد حواجبه وهو مرتبك : اصايل وين اشوفها راحت لديرتها خلاص الله يستر عليها شافها تطالعه بخبث أشر على سيارة ولدها وقال روحي كملي الي ناوين عليه

الجوهره رجع لها التوتر والخوف والقلق
كل ماحاولت تقلب السالفه عليه يطلع اخبث
منها تحركت بسرعه غلطانه انها جلست تتجادل
معاه ..ركبت السياره وهي معصبه :ضروري تجي يعني هنا ماهو داقه عليك وقايله لا تجي يعني ضروري هالعناد

الشموخ بقهر وهي تسمعها تهاوش ... عناد
فتحت عينها بصدمه يوم قالت : وبعد ياللي ماتسحتي مركب أمك وراء ومخلي ذي قدام

ماشاءالله توها تستوعب انها وراء لفيت لها بغرور
وقلت : هذي لها أسم واسمها كفايه يعلمك
الرد على جلستي قدام

عناد بعصبيه:بنت احترمي نفسك

الجوهره بقهر طالعت عناد: هذي اولها ي عناد
وقف بسرعه خلني أنزل والسواق يلحق فيني

عناد أول ماطلع من سور البيت وقف السياره وطالع الشموخ وقال بحده :تقلعي وراء بسرعه
وتفضلي يمه

الشموخ طالعته وهي تحس عمرها مذلوله
بينهم نزلت بدون ماترد ...ركبت وقفلت الباب
بقوه ..ولفت وجههها تطالع بيت عمها ...
تمنت تعيش هنا وتأخد ولد صاحب هالبيت
بس صار عكس ماتتمنى أخذت ولد الدخيله على أهل البيت ...رفعت عينها للمرايا الاماميه
شافت عناد يطالعها وبسرعه لف يطالع قدام
حست بنظرته انه فاهم ايش تفكر فيه ..
كورت يدها بقهر يوم امه قالت:عناد يمه الهديه
لا تنساها ترى موصيه عليها وبالله وش رأيك بالصوره اللي رسلتها لك وشلون باقة الورد
مع الطقم واو طلعت

عناد :حلوه يمه ماتقصرين من يومك ذوق
بس ليه يمه ماوصيتي عليها السواق يجيبها

الجوهره بنفسها خبله انا عشان مصعب يكشف
الي بينا قالت وهي تقرب نفسها شوي :يمه
مابي حساد يشوفنها يكفي اللي رازها معنا الحين
وبقهر صدق عناد ليه جايبها يعني أنا ماأكفي بالله
وضربته على كتفه بقهر ي غبي أنا أمك الكل بالكل وجودي يلغي حضور اي أحد ثاني ولا ولد بطني عنده مخطط ثاني ناوي عليه وضحكت ضحكة كلها خبث واستفزاز

الشموخ بسرعه ردت قبل عناد يقول شي ويحطمها زود :عشان زواجته تتبارك وقدمت نفسها شوي
وقالت بدلع وهي تطالع عناد ولدك دايم يسميني وجههه السعد

عناد عض شفته بقهر : وانتِ الصادقه
مابيك تنحرمي هالشرف وطالع أمه وقال ماغيرها يخطب لي اوك ي الغاليه خليني على رأحتي يمه بدون كثرة حكي

الجوهرة ضربت على صدرها بقوه: وشهوووو
الحين هذي تخطب لك معاد إلا هي والله
ترا بالعافيه راضيه تجي معنا وقلت حاجه أكيد بنفسك بس هي اللي تتقدم لك لا مستحيل ماغيري يخطب بيبي لك

عناد :يمه تكفين خليها هي اللي تتكلم هذا طلبي
وهذا اتفاق بيني وبينها تكفين ي الغاليه لا تخربيه

الشموخ لأول مره احس بضعفي قدامهم
ومقدر ادافع عن نفسي عناد خبيث حده
الشموخ وين لسانك ردي اعطيهم من الي
عندك بس ماقدرت لساني انعقد وانربط حده
عضيت شفتي بقهر يوم قالت الحيه :طيب طيب يمه ماراح اخربه ومثل ماقلت
أكيد ماتبي هالشي إلا وراه شي يبرد كبدك
تخطب لك وغصب عنها بنت رأشد هي يحلصها

عناد بضحكه عاليه :عاشت اللي فاهمتني
الجوهره ردت عليه بضحكه أعلي من ضحكته

الشموخ
حطيت يدي على أذوني مابي اسمع شي منهم
عاد قرفت منهم ومن ضحكهم المستفز
رفعت رأسي بشموخ وطالعت عناد الي عينه مني
عارفه ليه يبي يشوف نظرة الأنكسار بعيوني
لبعد ي ولد الجوهرة صديت عنه وأنا اتنمى اليوم هذا ينقضي بسرعه وتنتهي هالمهزله كلها ....
أول ماوصلنا البيت ...على طول قالت أمه
:وقت ماادق عليك رد علي حبيبي تمام

عناد هز رأسها بدون يتكلم
حسيت رجولي رافضه تتحرك ولا قدرت حتى افتح الباب طالعت عناد يوم قال:لايكون الأميرة تنتظرني افتح لها الباب
طنشته ومديت يدي افتح الباب بس طالعته يوم قال :ماغيرك يتكلم ي الشموخ ولا والله ثم والله
الليله كل شي عند أبوك

حسيت بكمية قرف منه ومن تهديده ليتني أوصل لأبوي بس مابي اوصل له بالطريقه هذي ودي
اروح له مثل ماأبي أنا نزلت وقفلت الباب بقوه
دخلت وراء الحيه أمه وكان بستقبالنا ..حرمه
مسويه في نفسها مثل ام عناد كل وجهاا نفخ
ومافي شي طبيعي قربت مني وباستني
وقالت وهي تطالع الجوهره : ماعرفتيني على الحلوه هذي

الجوهره طالعتها من فوق لتحت وقالت بخبث :خليها تعرفك بنفسها هي

الجوهره رفعت حاجب وقلت: أنا الشموخ
وقربت منها وقلت اعتدلي معي قبل مااسوي لك
مصيبه أنتِ ولدك هنااااا وطالعت المرايا عدلت شكلي وأنا أغلي ودخلت لوين ماأشرت لنا
أول مادخلت المجلس جلست على الكنبه المقابله للباب ...وحطيت رجل على رجل وطالعتهم بقرف
وكرهه للمكان الي أنا فيه ...نزلت نظري لظوافري وانا احركها بقهر يوم شفتهم يتساسرون وشكلها
مصدومه يوم قالت لها اني زوجة العريس ولدها
لأني حسيت بنظرتها تغيرت لي كانت ترحب فيني بس الحين كشرت بوجهاا وكأنه ماعجبهااااا
بس انصدمت يوم شفت اللي داخله علينا
والحيه ذي قامت ترحب فيها
:هلا هلا بمرة ولدي
كشرت يوم ردت عليها بخجل :توو الناس خالتوو
وع ثم وع ماعمري قد شفت مثل كذاااا
قربت مني تبي تسلم بس بسرعه مديت يدي
بقرف وسلمت بطرف يدي

الجوهره بقهرررر : تعالي بيبي اعطيني علومك
وطالعت امها صدق ماما تقول من امس وانتِ خجلانه وطالعت الشموخ يالله جاااء اليوم الي
نشوفكم مع بعض أنتِ وعناد تحقققت امنيتنا سوسو

الشموخ
يالله داخ رأسي من كثر مايدلعون اسماء بعض
طالعت الخدامه يوم قربت مني الضيافه رفعت
يدي وقلت بهمس :خذيها ماابيها
وجلست اتفرج للمهزله اللي قدامي وشكل عروستنا دريت اني زوجته بعد لأن حالها انقلب فوق تحت
يالله طالعت المجلس بطفش يالله حتى معازيم مافي لهالدرجة ماعندهم أهل ...ولا يبونها سكاتي
المهم ماعلينا اهم شي الحين ادور فرصه اختلي بهالخادمه ....وأخذ جوالهاااااا

نزل مطعم وأخذ معاه عشا.. وتوجهه
لشقته ..نزل وهو يفكر ..معقول الجوهرة
تدري بوجود اصايل .ايه أكيد تدري الخبيثه مدام قالت كذا .المهم الحين اللي مشغل بالي وين رايحين هي ولدها يحس ان وراهم بلى بس مايدري
وشهوو بالضبط ...دورها بعيونه مالقي لها أثر
بالصاله توجهه لغرفة النوم وفتح الباب بس
أبد مافتح رفع حاجب وقال : مقفله بالمفتاح
يعني كذا مفكره مقدر اوصلك

اصايل داخل الغرفه تلطم في خدودها
وش رجعه ذا ياربي ...فكني شره وقفت
وهي ترجف عارفه ماراح يفكها إلا يوم تفتح له
يالله مافيها على مواجهته ..قرفانه من نفسها
حتى ..فتحت الباب بيدين ترجف طالعته
بخوف

قال وهو مصغر عيونه بقهر:لهاالدرجه خايفه
مني

اصايل بكذب :لا طال عمرك زود حرص لاتنسى
جالسه لحالي بهالشقه

مصعب اعطاها ظهره وهو يقول :تطمني مافي حد بيطالع خشتك مافي غيري الغشيم

اصايل رفعت يدها وهي ودها تعطيه بوكس
على ظهره ...بس تعوذت من ابليس ورجعت للغرفه
بس وقفت يوم قال:وين وين تعالي حسبت لك
أكل
عضيت شفتي بقهر ماشاءالله بعد كريم ويعزم
ابتسمت مجامله:شكراً شبعانه

مصعب طالعها بحده: يعني أكل لحالي
على الاقل حضري الأكل لي وبعدها تقلعي

اصايل اخذت نفس طويل وهي تصبر نفسها
قربت منه وحضرت له الأكل على الطاوله وجلست
قدامه اطالعه

مصعب رفع حاجب :عزمتك عشان تأكلين
ماهو تطالعيني

اصايل اللهم طول ي روح قلت بصبر:مالي نفس
توني متعشيه والله

مصعب أشر على الأكل :ماحب أحد يجلس معي وأنا أكل بدون مايأكل معي وخذيها فرصه العزيمه ذي ماراح تتكررر يالله سمي

اصايل بقهر بعد مغرور قالت بسخريه :ماشاءالله من يومك كريم وفعلاً فرصه ماتكررر مصعب يتنازل
ويعزمني

مصعب هز رأسه وابتسم :اخاف تنظريني عشان كذا تنازلت وعزمتك

اصايل وقفت :تطمن بروح الغرفه ويوم تكمل
بلع اشرت للباب روح الله يستر عليك

مصعب مسكها من يدها وجلسها وقال بحده
مصعب قالك كلي يعني تأكلي غصب عنك
فاهمه ترا بالعافيه مطول بالي عليك وبعدين
ليه تحبين تنكدين علي كل ماجلست معك

اصايل بسرعه مديت يدي بدون ماارد عليه
أخذت قطعة كباب ورفعتها لفمي وأكلتها
بس غصيت كح كح يوم قال :ولد**** مسوي عمره ثقيل ال*****

طالعته يوم قال وهو يفتح علبة المويه
: كلي حبه حبه على وشهوو مطيوره خذي
اعوذ بالله تقولين الأكل طاير منك

أخذته منه وبسرعه رفعتها وشربت حسيت روحي
ردت لي بدون شعور قلت :غصيت من هالسبه
قلتها ماهو من زود الأكل

مصعب عقد حواجبه وقال بقهر: وشهوووله
تغصين عشانه واحد من أهلك وأنا مدري

اصايل لا لا لا وين وديت عمري انا ناقصه
الحين شك وجنون قلت بسرعه :لا ماعلي فيه
بس مابيك تأخذ أثم هالكلمه ترا والله تنكتب
بصحيفتك وعقابها عظيم إلا السب والقذف

مصعب رفع يده يسكتها:اسكتي بس لا تبدين
بنصايحك وقولي لي يوم كنتي قريبه من الزفته أمه
ماقالت وشلون حياة ولدها مع بنت عمي امورهم زاينه ولا بينهم مشاكل عارف بنت عمي تموت فيني ومستحيل تعطيه وجههه

اصايل ودي انتف شعري ياربي انا من متى كنت قريبه من الجوهره عشان اعرف وشلون حياة ولدها
وبعد وش هالثقه من حب بنت عمه له قلت بصبر :ماكنت قريبه منها عشان اعرف شيء وبنت عمك مدام عارف بحبها لك ليه مخليها ومرخصها

مصعب قرب منها وقال : مالك شغل ليه خلينها المهم الحين متأكده ماعمرك اتفقتي معاها ولا طلعتي مشوار هنا ولا هناااااا

اصايل جسمي كله ارتجف من كلامه شديت على يدي امنع الرجفه شكلي ببات بقبري الليله يارب لطفك فيني يارب استودعتك نفسي يارب والروح الي في بطني من هالادمي قدامي ...طالعته حسيت بمكر العالم كله بعيونه هزيت رأسي وقلت :لااااا
بس وقف قلبي يوم قال:تصدقين وشهو يقهرني

هزيت رأسي بلااااااا

قرب زود وهمس لي (الكذب ) هالصفه اكرها
وتخليني انقلب وحش ومارحم الكذاب الي قدامي

بلعت ريقي وطالعته يوم ابتعد وقال وهويرفع
قطعة دجاج ويلفها بقطعة خبز :ماعلينا
الحين ودي اعرف ماهو مشتاقه لأهلك

فتحت عيني بصدمه هالرجال بيجنني
الحين وش دخل ذي السالفه مع ذي السالفه
قلت بتوتر: أكيد مشتاقه لهم
ومامنعني منهم غير الشديد القوي

مصعب ابتسم على جنب بخبث:عادي اوديك
هالفتره لهم وابوك لاتخافين بوصيه عليك
وبحذره يخلي فزعته الي مالها داعي يوم يردك لي مع وجههه مسوي فيها الأب الي مايبي خراب البيوت انا وقت مافضى اجي لك بفهمه كذا

اصايل بقهر:قصدك عشان تصدقك الجوهره انك قلعتني من حياتك وتتسهل أمور زواجك

مصعب هز رأسه وقال ببرود :ماشاءالله فاهمتني

اصايل غسلت يدي منه الحين وقبلها قلبي
خلاص مصعب ..صعب العيشه معه انسان
ماعنده قلب ..ولعت يوم أشر على الأكل
ويقول بكل برود: كلي كلي ترى النحف ماهو
لايق عليك أبد أبوك الحين وش يقول أخذتها
دبااابه رجعتها لي معصقله كذا

اصايل صديت بدون ماارد عليه السفيهه أجل دبابه الله يأخذك ..طالعته بصدمه يوم قال

:بيبي اعطتك وجهه يوم رحتي يمهم ولا متكبره من طقة الجوهره ودي اعرف عنها كل شي عشان اعرف وشلون اوصل للي أبي

اصايل خلاص الدنيا سودت بوجهييي
يعني عارف اني رحت ...معقول الخبيثه قالت له
اصايل وش ذي المصيبه وقعتي فيها افضل شيء أعترف له وبس طالعته بخوف حسيت الشر بعيونه ...يدوره دواره ..وجيته الليله وهالعزيمه
ماهي كذا إلا وراها مصايب استغفرك يالله
هزيت رأسي وقلت بدون حس:ماعمري شفتها
بس جسمي ارتجف كله من صرخته :ماعمرك شفتيها ي الكذوب وانتِ زايرتهم لبيتهم

عضيت شفتي بقهر ليه ماقلت الحقيقه
ليه كذبت ..والله غصب عني ماقدرت بدل ماانحاش قربت منه ومسكت يده وقلت بصدق:والله غصب عني كان وماقدرت اقولك خفت خفت منك تكفى لا تأذيني عشان الروح الي في بطني وانت بتردني للديره صح يالله من الحين ردني انا مستعده ولعاد ترجع بعد وابوي انا بتفاهم معه وبقوله طلقني خلاص مقدر ارجع له انصدمت انه ماتكلم طول مااأنا اتكلم ولا عارضني ولا صرخ
حسيته يطالعني ولأول مره ماافهم نظاراته
معقول انا خربطت بالحكي طالعت يدي اللي ماسكه يده بذل ابعدتها بسرعه قبل يحذفها
انتظرت رده بس أبد يطالع فيني بدون مايتكلم
قلت ودموعي تنزل:تراني صادقه واوعدك أبوي مايردني لك لا تخاف والله اذبح عمري ولعاد ارمي نفسي عليك وتتحمل شي فوق طاقتك
رفعت رأسي وطالعته يوم وقف واعطاني ظهره وقال
:ماتوقعت انتي مثلهم تكذبين توقعتك شي نادر طلعتي مثلهم كلكم مثل بعض الكذب يمشي بدمكم

عقدت حواجي وانا امسح دموعي دايم يجمعني
معاهم بهالصفات الذميمه بس مدري مين هم الي يقصدهم غير الجوهره بس وقف قلبي يوم قرب مني ونزل نفسه شوي ورفع وجهي وقال :باقي شي واحد إلا هي الخيانه وتصرين نفسهم ومسك رقبتي وشد عليها هنا بأخذ عمرك ماراح انتظر اي مبررر او اي دليل مايثبت عليك مثلهم فكني واتجههه لحمامم كحيت بصوت عالي وانا احاول اتنفس
طالعته يوم راح جهة الحمام نزلت رأسي وصحت بقهر وغبنه ..حاولت اخفض صوتي مابيه يوصله
أول ماطلع افتكرت يطلع مثل العاده بس هالمره
غير العاده اتجهه لغرفة نومي وقفل الباب بقوه
لا لا لا يعني ناوي يبات ...هناااا هذا الي ماابيه
جمعت الأكل ...وانا بطني تقلب علي ..وديت الأكل المطبخ ورجعت تمددت على الكنبه وأنا قلبي محروق من الي قاله ومن مصايبه الي مقبل عليها
طالعت جهة الصوت الي طلع ..نسي جواله
طالعت جهة الباب ...وقفت وانحنيت أخذه
بكلم أمي فرصتي ...وبمسح المكالمه ...
وكاد قلبي يرتاح شوي يوم اسمع صوتها
وانسى مصعب وبلاويه ...بس بفضول حركت الشاشه من فوق شفت اشعارات الواتس فتحت عيني بصدمه من المحادثه الي مرسلتها العقرب
(تصدق انا وين جنب بيبي الحين تراها تسلم عليك واعطيتها رقمك تبي رقمها أنت )
معقول مصعب من هالنوعيه ..يرضى مره غريبه عليه ويبي يتزوجها تكلمه قبل الزواج ويوثق فيها عادي لا مصعب من النوع الغيور مستحيل يرضاها على نفسه بدون شعور فتحت الرساله ورسلت لها
(ماأتشرف أخذ وحده تأخذ رقمي ولا تعطيني رقمها وحنا مابينا زواج ) ورسلتها بسرعه ومسحت المحادثه اللي رسلتها والي رسلتها هي بعد ...ورميت الجوال مكانه وانا خايفه من الي سويته عضيت شفتي وانا احس بندم ليتني مارسلت لها ..أكيد بتصير مشكله كبيره الله يستر ..بس والله غصب عني من غيرتي
العقرب تخطط وتلعب من وراي اجل تعطيها رقمه
وقف قلبي ..يوم وصلت رساله ثانيه بسرعه
وقفت وأخذته وفتحتها وكانت مرسله (هذا ردك
ي مصعب هين لاتجي وتذذذل لي وتذكر هالحكي وخلي المتخلفه اللي مأخذها تنفعك) حسيت الدنيا سودت بوجهي من ردها العجيززز بسرعه كتبت (وانتِ الصادقه الشريفه العفيفه الي تنفعني ماهو بيبي حقتك أجل تأخذ رقمي وتعطيني رقمها وين حنا فيه يالله لعاد اشوفلك رد لاني قرفت من الي ترسلينه ) رسلتها بسرعه ومسحت المحادثه واخفيت اي شيء يدل على هالجريمه
مصعب ماراح ينقذ عمره من الجوهره انا بعرف وشلون ارد له عقله ..ضربت على وجهيي ي الخبله تردي عقل مين ذا مصعب والله لو يدري ماغير يمصع رقبتي مصع ... انتظرت رد منها بس الحمدلله ماردت ....صح اني خايفه بس احس بشوية انتصار لاني قهرت الجوهره والبيبي حقتها
ويمكن عشان انتقمت لنفسي شوي من مصعب ومن الجوهره ...وماعلي منهم الأثنين راده لابوي راده ماراح تفرق عندي وعلى الأقل انتقمت لكرامتي شوي

قالت بخبث :لنا ساعه ي الشموخ وحنا
جالسين يالله قولي اللي حنا جاين عشانه

الشموخ عضت شفتها وش تقول بالله جايه
اخطب لزوجي ...الموضوع مايهمها بس صعب عليها يالله على الموقف البايخ الي هي فيهم حسبي الله عليك أنتِ ولدك

الجوهره يوم طال سكوتها قالت بستفزاز
:ماعليه لا تنقدوا عليها تراها أول مره تخطب لرجلها ومين الي جاي على رأسها هالقمر وهي
تضمهااااا لصدرها وتهمس لها مافي غيرك بيكسر رأسها

عبير ابتسمت وهي مقهوره وين تكسر رأسها
جمالها صفر قدام جمال الشموخ ... والله انها
بتروح فيها بذات لو بدت مقارنة الحريم
اللي تحرق القلب ...شكلها ترفض وتسد باب
من الحين ...بس لمتى وهي تنتظر نصيبها
وهي شوي وتصك الثلاثين ..تجرب حظها
وكاد تقدر تخليها ينزعها من حياتها بعد
مثل ماقالت لها الجوهره انهم ماهو على وثاق
وبدليل جيتها لهنا عشان تخطبها ....

الشموخ يوم شافتهم يطالعونها وهم ينتظرونها
تبدأ حطت رجل على رجل وحاولت ترفع
رأسها وتتكلم بشموخ وهي من داخلها مكسوره
حدها بس قوت حالها ماتبي حد يشمت فيها
طالعت أمها وقالت :اليوم جايه اخطب بنتك لولد الجوهرة

الجوهره قاطعتها :وحنا مستعدين للي تبوونه
والحين ولدي يبي نظره شرعيه وهالشيء ماهو عيب وطالعت عبيرر ودي ينهبل الليله من جمالك

سوسو : الليله عاد ي الجوهره خليها بوقت ثاني أخوها عمها ماعنده خبر

الجوهره وهي تطالع الشموخ والله لا اكسر رأسك
: ايه الليله وها حلفت ماترديني وبعدين عمها ماراح يرفض أكيد هذا شرع الله

عبير طالعت الشموخ وقالت بغرور :والله ماردك ي عمرري ماما أنا جاهزه وعموو أكيد ماراح يرفض

الشموخ هزت رأسها مصدومه نظره شرعيه
ويدخل هنا قدامنا ينظرها ..لا لا كثر والله
صح انا مااحبه بس ماهو لهالدرجة وبعد
هاللي ماتستحي على وجهاا ماعندها مانع
على طول وافقت ... الدنيا سودت عليها يوم دقت عليه وقال جاي طالعتهم بقرف ...وقهر بنفس الوقت وقلبها موجعها على حالها ..بس كل ماتذكر
انه يمكن خلاصها من هالعائله الحقيره بنظرها
تصبر نفسها شوي ...بس مستحيل تجلس تطالع هالمسخره قدامها ...طالعت الخادمه وهي تأخذ
الضيافه ..وتجهز الغرفه لدخوله وقفت وقالت بصوت شوي واطي
:ممكن تدليني على الحمام

الخدامه هزت رأسها واشرت لها تلحقها ...
حست بتوتر ..وهي تطالع الجوهرة الي
عينها منها ..ومثل اللي حاسه باللي راح
تسويه طلعت بسرعه ..وقربت من الخادمه
وهمست لها:ممكن جوال بس دقيقه
ورفعت يدها وفسخت الخاتم وناولتها
وهذي خذي هديه

الخادمه وهي تطالع الخاتم الألماس اللي بيدها
وهي فاتحه عيونها ...بصدمه ...

الشموخ حست براحه من نظراتها أكيد بتعطيها
مدام فتحت فمها وبلحقت عيونها ابتسمت بثقه
يالله بسرعه خلصيني بس فزت بخوف وهي تسمع
الجوهره تقول :سوسو شغالتكم تأخذ رشوه
ي ترى وش المقابل وطالعت الشموخ وهي رافعه حاجب بستفزاز

سوسو قربت منهم وهي معصبه على الخادمه
صرخت بصوت عالي وهي تطردها:تقلعي للمطبخ
وبعدين اشوف شغلي معك وانتِ البسي خاتمك
الخادمه طالعت الشموخ وركضت وهي خايفه

الشموخ حست بقهر يعني وش ذا الحظ كل مره يخرب مخططها وشلون ..
الجوهرةرن الجوال بيدها شافت رقم عناد قالت بقهر : لاتخربين على ولدي بحركاتك
الوسخه وطالعت سوسو :خلاص ي قلبي هدي ولدي جاي ومابي بيبي تتكدر بعد وطالعت الشموخ وأنتِ قدامي يالله وسوي الي طلبه منك
عناد قبل اقوله الحين بحركاتك فتحت الخط وهي ترحب : هلا ي قلبي ايه جايه يمك الحين

الشموخ عضيت شفتي بقهر وتحركت للغرفه
وأنا معترضه وشلون يسوون نظره قدامي تتقلع تروح لااااي مجلس من هالمجالس ويشفوون بعض على كيفهم ..بس الخبيثه هذي كله من تحتها طالعت عبير الي دخلت وهي متوتره والخبيثه وامها يقال متغطيه الحين نص وجهاا طالع
طالعت جهة الباب يوم سمعت عناد يرد السلام
وامه ترحب فيه وماسكه فيه وتيببب بصوتها كله
جتتت عيني في عينه حسيت بالانتصار بعيونه
نزلت نظري وأنا متألمه حدي ..ياربي وش سويت
عشان يصير فيني كل ذا ...رفعت نظري يوم قالت أمه : هذي بيبي يمه شوفها زين واثقه انها بتعجبك
رفعت حاجب انتظر رده بس قهرني يوم قال : ماشاءالله تبارك الله الله يتمم يارب كشرت الحين هذي ينقال عن جمالها كذا ..صدق كفوك
نزلت عيوني للأرض مابيه ينتبهه لي اني اطالعه
بس انصدمت يوم شفت ظله قدامي رفعت رأسي
طالعته على طول مد يده وقفني معاه وطالع أمه وقال :يالله يمه أنا بروح
بدون شعور طالعت عبيرر شفت وجهااا صار أحمر شكلها انقهرت والله حتى أنا انصدمت أبد ماتوقعت يقول يالله بهالسرعه توقعت على الأقل يجلس شوي

عبير حست بقهر بهالسرعه وش ذي النظره
حتى ماامداها تشوفه زين ي دوبه دخل
طالعت كيف ماسك يد زوجته حست بقهر
والله انها خسرانه من هالزواجه طالعت الجوهره
يوم قالت : روح أنت أنا باقي ليلتي صباحي مع عروستنا ....
الشموخ همست له وانا اسحب يدي من يده
:فكني بلبس عباتي هز رأسه وقال انتظرك برا
لبست العبايه وطلعت شفت شاب واقف قدام الباب حسيت بخوف من نظرته دورت عناد بعيوني
بس جسمي ارتجف يوم قال :مساعده ي حلوه

بسرعه تحركت للباب الخارجي طالعت سيارة عناد وكان ينتظرني فيها ...... ركبت وانا ودي اقوله هذي العائله الي تبيها ...بس سكت عارفه بيشك فيني وبيتبلى علي .....معقول هذا عمها اللي يقولون عنه ماتوقعت كذا توقعت أكبر من كذا بكثير طالعته يوم قال :مافي مبروك

ابتسمت بسخريه :مبروك كوبل لطيف مره

عناد رفع حاجب وقال : أكيد كوبل لطيف يكفي عفتها وخجلها الي شفته بعيونها ...

الشموخ رفعت حاجب :الله يتمم عليكم
وطالعت الشارع اللي يودي لبيت أهلها
ليتك تخليني اشوف أهلي واطمن عليهم
وهم بعد يطمنون علي طالت غيبتي عنهم ي عناد

عناد ابتسم على جنب: تطمني مافي حد سأل عنك أهلك مسافرين تركيا

الشموخ حسيت بقهر وغبنه على حياتها فعلاً كل مره من هالوقت من السنه يسافرون برا المملكه ماتوقعت هالسنه بتتغير عليها كل شيء كانت عليه
قالت بحسره : الله يرجع ذيك الأيام

عناد طالعها بحقد :في احلامك

الشموخ طالعته وقالت:الله كبير وقادر

عناد وقف عند الإشاره وهز رأسه: والنعم بالله وابتسم بسخريه المهم ماقصرتي وبيضتي الوجههه ..بس أبد ماتوقعت تكوني حاضره وقت النظره

الشموخ بسخريه :ي الحنون لايكون ماهنت عليك بس تذكر مين اللي غاصبني اجي واخطب له الحين تجي على هالنظره ماتفرق أبد ترى

عناد حرك السياره وقال :جناة يدينك وتحملي
بس الصدق توقعت مكان ثاني تكون النظره ماهو بالمجلس اللي أنتم جالسين فيه

الشموخ صدت عنه بقهر ...بعد هدوء شوي
نبها رنة جواله أول مارفعه وقال: هلا يمه
قلبي وجعني خفت توصل له الي صار بيني وبين الشغاله ..قفلت عيوني بخوف يوم قال :وشهوو
وليه طيب وهو يطالعها ماعليك بتفاهم معاها وبستفسر منها وقولي لأم عبير ماتزعل وقفل وهو معصب طالعها وقال :ممكن افهم الي صار
بالضبط
الشموخ ماردت عليه بس يوم صرخ خافت قالت بسرعه: ابي جوالها بدق على أهلي

عناد بعصبيه : تدقي على أهلك ولا على قليل المرجله وبتقولين له الي بطريقنا واقف اليوم خطب وقريب الفكاك منه ليه كل ماقلت بتعتدلي ترجعي اوقح من قبل ليه كل مره تشوهي صورتك قدامي

الشموخ بقهر يالله على هالحيه الي مسرع نقلت به الي صار حتى ماامدى نوصل البيت مارديت عليه خليه يقول الي يقوله ...والله لا أذبحه بسكوتي

وقف قدام العماره وصرخ بقهر: تقلعي انزلي
توقعت ينزل معي مثل العاده ..بس لا على طول حرك سيارته ..طالعت الشارع ..ليت أهلي هنا والله لا أركب لموزين وارجع لهم بس ي حسرتي كل شي قدامي عسرررر كأنه مكتوب علي أجلس معاه
ركبت الانصيررر ..وبعدها توجهت لشقتي ودخلت
رميت نفسي على الكنبه ...بقهر ...طالعت جهة
الغرفه الي بس جالس فيها عناد لأول مره بابها مفتوح ...وقفت بفضول اشوفها ...أول ما دخلت شفت قدامي مكتب وكنبه مريحه وشكلها من النوع
اللي ينفتح سرير .... قربت وأنا فرحانه وعندي أمل احصل جوال مخبيه هنا ولا هنا فتحت أول درج وكان كله ملفات دورت ودورت مافي ولا جوال
قفلت الدرج الاول وتبعه الثانيه والثالث ...
طالعت جهة الخزنه بسرعه انحنيت وهزيتها صغرت عيوني بقهر حصلتها مقفوله .

:بعد حراميه

فزيت بخوف واعتدلت بوقفتي طالعته بخوف
ورفعت يدي ابررر له بس يوم قرب مني وحط يده على فمي يمنعني أتكلم

عناد بعصبيه :كل شي واضح ماينفع الحكي أشر
للباب وصرخ : براااا وثاني مره ماتوسخي هالمكان بأثرك النجس

فتحت عيني بصدمه وأنا أشر على نفسي :أثري نجس يوم حسيت بدموعي بتنزل بسرعه اعطيته ظهري وطلعت

{الديره }

من وقت مارجع وهو على حالته ذي تسمع صوت استفراغه لما عندها يالله ايش شارب .. تحس حالها متوتره أول مره تشوف حالته تسذا طالعت عيالها وهي خايفه عليهم بسرعه قالت : يالله قدامي لغرفتكم روحوا العبوو هناك وخلوني اشوف المصيبه اللي داخل الهايت ذا راجع وراه بلى طالعت جهة غرفته أخذت نفسي طويل وهي تستغفر الله
واتجهت له فتحت الباب شافته ...طالع من الحمام
وجهه مصفرر وحيله منهد من كثرة الاستفراع قالت بقرف :شارب بلى صح

أشر لها تقرب منه
ترددتتت بس غصب عنها قربت منه بس اشمازت من الريحه المستفزه الي فيه قالت بقهر : وافي وش مهبب أول مره اشم فيك هالريحه الغريبه

قال بلسان ثقيله :اقربي شوفي حل لراسي بموت منه وبطني تقلب علي

سميره بخوف رجعت ابتعدت ...بس يوم رفع يده يأشر لها تقرب ماقدرت حزنت عليه قربت منه وهي خايفه ومتقرفه من الريحه ...جلست بترددد ورفعت يدها لرأسه وهمست له:ايش يالضبط اللي شربته وصار فيك تسذا منه قفل عيونه وقال بلسان ثقيل :حازم إلا وفاء ياويلك اذبحك

رفعت يدها مثل الملسوعه وهي تسمع الي يقوله بصدمه وفاء مين هذي بعد.. وقفت بسرعه وطلعت من الغرفه وهي تسمعه يهذي بكلام ماهن مفهموم ...
دخلت غرفة عيالها وقفلت على نفسها وعليهم
وهي ترجف من الخوف والقهر ...مين هذي وفاء بعد آه ي وافي كل مره انصدم فيك بشي أكبر من الي قبله ....
@
@
@
@
اليوم الثاني
{الجنوب }
شدن
كنت بالحوش اركض وراء عنزة خالي مبارك دخلت حوشنا بالغلط ..كنت اضحك وانادي على نور ابيها تفلها معي بس وقفت وانا اسمع صراخ ام ياسر غريبه وش هالصياح ..وبعد أمي راحت تركض
ركضت وراها بفضول دخلنا على صراخ ام ياسر
وهي ماسكه بخالي مبارك

: والله لا اروح معاك

ابو ياسر بحده: وشلون تروحين حنا رجاجيل ونعرف نحلها الحريم لو دخلو فيها خربوها

ام ياسر :والله كلمه منك وكلمه منهم وولدي يضيع انا الي بقدر اقنع عفاف تكلم ابوها صدقني بصبر على الي بيقولنه عنه بس يتنازلون

نوفه بحزن على حالها : خلاص ي مبارك
خليها تروح وانا بعد بروح معاها

شدن مسكت يد أمها وقالت :وانا بعد بروح
معاكم وخلوها علي أنا الي بقنعهم

نوفه صغرت عيونها بقهر:ايوه عشان تشعللي الي ناقص ويالله تقلعي للبيت كملي شغلش ولا تدخلين بذي الأمور

شدن مشيت للبيت ...وانا قلبي مسكور من أمي بدل ماترفع رأسها فخر فيني أني بحلها لهم وبخليهم يتنازلون عن ياسر على انه مايستاهل تقوم تفشلني كذا قدامهم الحمدلله يارب وحور ماهي موجوده ... طالعت العنز باقي قدامي يالله شكلها حبتني ذي بعد قربت منها وهي ابتعدت بحذر
رفعت يدي وانا معصبه : أجل تقلعي لبيت صاحبك يالله برا من حوشنااا اففف حنا ناقصين بلاوي انا ماصدقت ارتاح من يويسر تنشبين لي انتِ ي العنز

واتجهتت للمطبخ وسويت شاي وحضرت مكسرات
وجلست بالحوش أفكر معقول بيتنازلون وبيرجع
لا لا مستحيل .... يتنازلون ... ايه هذي ثاني مره وصعب صعب هالمره يضيعون حقهم مثل الأولى
رفعت جوالي ودقت على نور أول مافتحت الخط قلت وانا اتلذذ بالشاي : تعالي ي قلبي تقهوي معي بس حور لا تجي معش وايه بعد خذي عنزكم معاكم ماغير ملزق بحوشنا من اليوم

نور بقهر :فاضيه حنا وين وانتِ وين

شدن وهي تفتح حبه من الفستق :كيفش انتِ الخسرانه المهم لو جيتي جيبي معش اي شيء ينأكل على الشاي غير المكسرات صغرت عيونها يوم نور قفلت بوجهاااااا الله يقلعش لكن من وين تجيبين ذي الاخلاق أكيد من أخوش طالعت العنز وأشرت لها تقرب تعالي تعالي نتسلى لما تجي أمي

@
@
@
@
في بيت جابر

مسكت يد ام عفاف وهي تصيح :تكفين وأنا اختش انش تقنعي رجلش مايرد الجماعه ويسمع شورهم ولدي مستقبله ضاع وطالعت عفاف الله يطعني عنش يمه اقنعيها معي تذكري انه كان رجلش وبينكم حياة والحمدلله ابوش ماتعور جت سليمه
وأنا عارفه ولدي مايبيها له أكيد اطلقها كذا بس تفريغ عصبيه إلا أبوش قدر محشوم

عفاف بقهر: ولدش مابقى شي يشفع له

نوفه طالعت عفاف بعتب:اللي اعرفه انش أعقل من كذا والحين وانا افداش خليش محضر خير
وكلمي ابوش انه يتنازل وعارفه بمعزتش عنده
وقادره تقنعيه ومايرد الجماعه ويردنا خايبين
وارفقي بحال أمه

ام ياسر بسرعه قربت منها وطاحت جنب رجولها
: تكفين يمه ولدي بيتحول والقضيه بتكبرر
وبعد فيها حق عام وحق خاص بيروح مستقبله

عفاف بتوتر وهي تبعدها عنها ماتوقعت تسوي كذا
نوفه بسرعه قربت منها وقفتها وهي تنقد عليها: مهما كان لا تسوي بعمرش كذا والي ربي كاتبه بيصير

ام ياسر وهي تصيح بحرقه: ولدي ي نوفه ولدي
بيروح فيها ارخص عمري عشانه

عفاف طالعت امها وقالت مثل ماخبرها أخوها سلمان : لكم ماطلبتم بس اللي ابوي يأمر به ينفذه وفوق خشمه

ام ياسر بسرعه قالت :ودكم بالأرض خذوها حلال عليكم ولو ودكم بزود حنا حاضرين بس ولدي لا يتحول للسجن العام تكفوون خلونا نحلها ودي
@
@
@
@
الديره
دخل وهو مستعجل ..شافها جالسه بينهم جهزي القهوه جاي عندي ضيف ..

شمسه وقفت : ابشر الحين اجهزها
اتجهتت المطبخ
على طول .. شافت ابتسام جايه وراها ..
قالت :وش فيه عواد جاي مستعجل تسذا

شمسه : مدري يقول جاي عنده ضيف وقالي جهزي القهوه

ابتسام عقدت حواجبها: غريبه ماقال لحد فينا ولا للشغاله

شمسه ابتسمت : ماتقصرون بس اخوتس مايبي حد يخدمه ويخدم ضيوفه غيري

طالعت ابتسام اللي قالت : تصدقين توقعت عواد يقول لي شي عن بسام ولا يهاوشني بس أبد ماقال شي غير اللي حصل امس وحنا بالمطبخ وسكتت يوم دخل عواد وقال :ابتسام روحي تجهزي بسام بيجي وابيتس تدخلين له وتتفاهمون مع بعض ولا هالزواجه كلها تنفض ماهو ناقص كثرة حكي
اللي علي أكبر من تفاهتكم انتِ وبسام وطالع شمسه جهزتي القهوه

شمسه هزت رأسها وقربت منه وهي تحمل الصينيه
همست له :خف عليها شوي ماهو تسذا تنحل الأمور

عواد همس لها : ترفقين بالكل وانا عض شفته وطلع وهو مقهورر الليله راجع للحد وهو لا تفاهم معاها ولا قدر يتكلم معاها كل مايبي الأمور تزين ترجع تخرب بينهم

ابتسام مسكت يد شمسه وقالت وهي ماهي مصدقه : بسام جاي وشلون اقابله وبعدين عواد
يقول نفضيها حرام عليه انا بموت وهو زعلان مني يقوم يسمعني بهالحكي ليه تسذا صاير معي جاف

شمسه ضمتها لصدرها وهمست لها:ماعليتس أخوتس بس يبي يخوفتس ويالله تجهزي بسام يحتريس وغمزت لها وحلفت ماغيري يحط لتس مكياج يالله قدامي لغرفتس ...

ابتسام ابتسمت بتوتر ومشت معاها وهي تفكر وشلون تعتذر منه يارب مايحرجها ويردها
....

(بالمجلس )
قال بحده: بسام علامك صاير بثر

بسام بقهر : اختك ذي بذبحها قبل تجي بيتي
ليه الحين متأخره اففف توقعت هي تستقبلي ماتوقعت اشوف خشتك قدامي

عواد رفع حاجب: طالت وشمخت ي الاهطف تهدد قدامي بعد ماهو يوم كلمتك تقول ماتبي تقابلها ولا تبي تكلمها الحين اشوف الحكي تغير
بسام بتوتر : ي خي تقلع الجنوب وفكنا وخلني اخذ رأحتي مع مرتي على اني زعلان منها ومابي اكلمها كنت ولا ابي اجي بس عشانك والله

عواد بسخريه : ماتبي تكلمها وزعلان وجاي عشاني بعد وبرجع الجنوب بس قبل الهيافه اللي بينكم تنحل

بسام بحقد : ماراح تنحل أختك ذي شكلها ماتبيني وأنا مابي ارخص عمري لها كفايه لهنا

عواد فتح عينه بصدمه من تقلب كلامه : أنت وش تبي بالضبط تراك دوختني

بسام بقهر : قلت لك اللي يعوفني اعوفه ي عواد واسف اني أقول هالحكي قدامك وأنت أخوها
بس هذا اللي وصل له الحال بينا وأنا اليوم جاي انهي كل شي

عواد عقد حواجبه وكلامه ماهو عاجبه
جا بيتكلم بس سكت مصدوم وهو يشوف بسام وقف بسرعه وقال فاك الخشه ويرحب بصوته الجهوري : يبعد حييي تفضلي تفضلي

.........