رواية جيت مابيك تحقرني جيت أبيك تعز شاني الفصل الثامن 8 - بقلم r010ee

طالعته بصدمه ...كان ودها ترد بس تحس لسانها
انلجم ...من الي قاله يملك على بنت عمه...وهو ماله
غيريومين متزوجني...حطيت يدي على وجهي وانا أحاول استوعب الي قاله ... رجعت طالعته شفت ابتسامه مستفزه ...تخلي الواحد يطلع من طوره بس بعيد عليه وأنا بنت أبوي ...قفلت عيوني وأنا أحاول ابين له عكس الي فهمه ...

:بنت عمك وأكيد كفوك ولايقه عليك

رفع حاجب توقع غير ذا الرد توقع أقل شيء تقول له
ليه وش صار عشان تتزوج وأنت توك متزوجني ومن بربرة الحريم الي ماتخلص ميل فمه بسخريه:طيب مافي مبروك

اصايل ميلت فمها ببرود ظاهري : مدام مقطع نفسك عشان تسمعها ابشر بعزك الف الف الف مبروك والله اني فرحت من قلبي لك ولبنت عمك وبسخريه الله يعينكم على بعض

مصعب رفع حاجب : وش قصدك

اصايل طالعته ببرود : وش قصدي بسم الله أنت طلبتني ابارك لك باركت لك بس

مصعب صغر عيونه : ايوه وبعد المباركه وش ختمتي

اصايل وقفت ماتبي تزيد وتعيد معه بالكلام عارفه انها خسرانه ...لو طولت السالفه معه

مصعب وقف بوجها وقال بستفزاز: عشان الفرحه الي بقلبي حاب اعزمك على السحور

اصايل انصدمت ماتوقعت يطلعها أبد بذات بعد المصيبه الي قالها ... ي قوه قلبه ذا الرجآل يخبرني بزواجه ويكملها بعزيمه ي عزتي على حالي ...
طالعته شفت رفع لي حاجب اعطيته ظهري ودخلت غرفتي طالعت نفسي بالمرايا المتكسره ... عضيت شفتي بقهر.. لوين بوصل معاه زفرت بضيق وأخذت عباتي ولبستها وطلعت له شفته مشغول بجواله أول ماحس بوجودي وقف على طول ومد يده لي بس سويت نفسي ماشوفها ومشغوله بالنقاب تنفست براحه يوم نزل يده ومشى قبلي ي ربي هجده وفكني من خبثه ...
•
•
•
•
الجنوب
؛؛
؛؛

رفعت الصحن وهي معصبه: خذه يجعله مايحدر
ي قهري بعد أخدم عم ذي العله بتجيبها على رأسي

ياسر بعتب: يمه كرم الضيف بعيد عن كل شيء

ام ياسر بعصبيه: أسكت ياسر وخلي ذي الليله تعدي على خير والله ماغير ودي امسك برقبة نوفه وذي البنت الي صدعت رأسنا بها وبالأخير رمتها عله علينا

ياسر بصيق: يمه وش يضرش لو أخذتها خلاص شيء وأنكتب لازم نرضى جميع

ام ياسر رفعت المغرفه: والله بذي على رأسك وكاد تفهم أنت عارف عن مين تتكلم وعن مين ودك نرضى بالنصيب ذي بنت المصريه والله ماغير تشيب رأسك من فعولها ونقص عقلها بها خفه ودلع يقهر

ياسر أخذ الأكل وطلع وهو ضايقه به الوسيعه بدل ماتهون عليه أمه جالسه تزيدها عليه يكفي قهره يالله كل مايتخيل انها بتصير على ذمته يكرهه حاله تعوذ من إبليس ودخل المجلس شاف عمها قدامه قفل عيونه وهو يدعي الله يصبره

•
•
•
•
•
الرياض
في المطعم

جلست على الكرسي وانا فيني قهر منه جلس قابلني
وقال بكل برود: وش حابه تأكلي اليوم مفتوح وغمز لها

حست بقهر يذكرها بسالفة الرجيم سحبت المنيوو
وأشرت على أكثر من صنف وكلها دقايق وشافت الأكل قدامهم قربت نفسها شوي ومدت يدها ورفعت الملعقه وهمست بسخريه : عشان الخبر الحلووو الي قلته لي الليله خربت الدايت وطالعته بابتسامه واسعه شفت كيف فرحانه لك

مصعب ضحك بقوه ومد يده وهو يأشر على فمها :ذا لا يتشقق من الخبر الحلوو

اصايل رفعت حاجب مستغربه ضحكته المبالغ فيها ومقهوره بالحيل تحسه ماهو مصدقها بدل ماتقهره يقهرها جالس ابتسمت بقهر: لا تخاف الفرحه طالعه من قلبي بعد

مصعب طالعها بسخريه: قلتي لي من قلبك اممممم تراك خسرانه معاها من الحين أقولك المقارنه صعبه بالحيل وطالعها بنظرة تصغير بكل شيء ي اصايل فرق عن بعض

اصايل حست بخوف وقهر في نفس الوقت وهذا باقي مامملك وبدأيقارن صح مابينهم عشره ولا بينهم شيء ينذكر بس ماتدري ليه متضايقه ..من سالفة زواجه من بنت عمه...يمكن خايفه تطين عيشتها أكثر ماهي متطينه وتجي ذي تزيد عليها...يكفي هوو دبل سبدها
طالعته وهي تحاول تقوي نفسها: مافي حد مثل حد
ولا تقارن لان ماغيرك بيتعب لو بتبدأ تقارن

مصعب قدم نفسه شوي وابتسم : امم الي اعرفه
ان الحريم يغارون والوحده تموت لو قال لها زوجها بيتزوج عليها

اصايل ابتسمت بغرور: بدري مصعب اغار عليك وبعدين الحريم الي تحكي عنهم هذولا لهم سنوات مع بعض وبينهم موده وحب وعشره ماهو يومين وطق بعقله يتزوج هنا معليش أقولك الاحساس منعدم وضحكت بستفزاز يوم شافته رجع نفسه شوي وسند حاله على الكرسي تحسه ما عجبه ردها تبطي ي مصعب

مصعب أشر على الأكل : سمي

اصايل سمت بالله وبدت تأكل وهي نفسها منسده ..بس لازم تأكل بكرا وراها صيام ..الله على لليلة رمضان ذيك السنه والسنه هذي .....رفعت رأسها شافته مايأكل ماغير يحرك الملعقه بالصحن ابتسمت بسخريه: ليه مغلب نفسك وجاي مطعم وعمك شكله ماقصر مسوي لكم عشاء وشكلك دبلت لما هنا

مصعب بحقد:عمي طول عمره كريم وماقصر بس انا
م أكلت شيء من الي قدمه لنا وابتسم بخبث وقلت أكل مع النشبه الي تدبست فيها من فزعه لا جابها والله بس حس الدنيا سودت بوجهه من الضربه الي جته وخلته يفز من مكانه

اصايل بقهر رمت الملعقه عليه جت بصدره ... شافته فز واقف تكذب لو تقول ماحست بخوف ..بس غبيه لو تحسسه بذا الشيء..كل مره يسمعها كلمه أكبر من الثانيه لازم يعرف حدوده معاها ..بس ماهو كنها تحمست وزودتها شوي

مصعب طالعها معصب وفي نفس الوقت مصدوم ماتوقع بيكون الرد كذا...قرب منها وسحبها من كتفها وهمس لها وهو صاك على سنونه : ماهو وجهه حد يعزمك وبحقدوالله ثم والله بتثمنيها

اصايل تحس كتفها انخلع من مسكته ...بس أبد ماهي ندمانه ولا فكرت بتهديده والخوف الي من توو حست فيها بتبعده وتعلمه من اصايل ابوها رخصها بس هي مستحيل ترخص عمرها طلعنا من المطعم ...وهو ماسك بيدي كني بشرد عنه .. قربنا من السياره فتح لي الباب وركبت وهو بعد اتجهه لبابه وركب وقفل الباب بقوه
عرفت ان الي ناوي عليه شيء مايطمن ...
مصعب وقلبه محروق من حركتها صرخ بعصبيه: إذا ابوك ماهو فاضي يربي ماغير يخلف في ذولي البنات ويعل خلق الله فيهم تراي أنا فاضي لابركتن فيك ولا في أبوك الي بلاني فيك

اصايل
كنت اسمعه يتكلم بكلام يحرق القلب ...قليل الخاتمه
أول ماوقف السياره مدري ليه حسيت بخوف ...إذا بالسياره وهو مارحمني من لسانه بالبيت وش يسوي ..
نزلت يوم نزل وأشر علي انزل مشيت وانا اقدم خطوه وأخر خطوه لا لا اصايل وين قوتك ..حتى لو خايفه لا توضحي له دخلت قبله وتقدمت لباب الصاله ...وهوو جاا بعدي قفلت عيوني من صوت قفلة الباب يارب لطفك ...مابي اتواجهه معه ..ودي بعد اصل للغرفه قبل يوصل للصاله بس وين يوم وقف بوجهي وانا احس صدره ينزل ويرتفع من العصبيه شفته يحرك المفتاح بالباب وهو يالله قادر يفتحه من عصبيته
رفعت رأسي وطالعته شفت العصبيه بعيونه ي دوب بتكلم ...ماحسيت إلا بالشيء.. الي نزل على وجهي فقدني السمع والنطق مع بعض ..حسيت بطنين يذبح ...ماقدرت اتحرك ولا أقول شيء بش حسيت بهمسه عند اذوني:ذا تحذير بسيط لك تجنبيني عشان نفسك اصايل ولا الجاي اعظم صدقيني اعطاني ظهره وراح لغرفة النوم
رجعت لورا.. وجلست على الكنبه وانا حاطه يدي على خدي باقي ماستوعبت الي صار..انا اصايل انضرب على وجهي ومن مين من ذا المختل ....الله يأخذك

بعد اسبوع من دخول الشهر الكريم ...
؛؛
؛؛

قالت بفرحه بعد ماقفلت الجوال : اخيراً طلعت نتيجة ذي التحاليل الحين بشرني ياسر والله ان قلت راح تتأخر أكثر عن كذا وعمش تطق روحه ويأخذها عذر ويرجع ويأخذش معه

شدن ابتسمت بفرح ..وهي مشغوله بلف السنبوسه تحس روحها طاقه من عمها ودها يرجع بسرعه: يمه اليوم ماراح نرسل لعمي فطور

نوفه عقدت حواجبها مستغربه من ردها : وليه ان شاءالله

شدن : اممم عشان خلاص مصلحتنا منه تنتهي اليوم

نوفه كشرت : وشلون تنتهي اليوم ي خبله قلت لش طلعت النتيجه ماقلت لش وقع على ورقة الملكه
لفي يمه الي بيدش والله اني بليت ذا الولد وهو مايستاهل ي عزتي لك ي ولد أخوي

شدن بهمس :والله انا ابتليت به إلا يمه الحمدلله وحنا في إجازه إلا كان ابله عفاف ذبحتني وعلقتني بمروحة الفصل

نوفه بحده : عفاف شيء وانتهى من حياة ياسر وهي الي طلبت ذا الشيء يعني مالها حق تسوي شيء ولو فيها خير تقرب منش ولو بيرجعها حقه مالنا حق نمنعه

شدن فرحت من قلب من دفاع امها عنها تحب ذا الشيء يسعدها بالحيل ...وقفت وراحت وهي تتسحب للغرفه بتدق على نور بتقول لها ... عن نتيجة التحليل وبعد بتعزم صديقاتها ماهي راضيه على شور امها انها تكون بينهم الملكه أخذت الجوال ودقت عليها وهي عينها من باب المطبخ لا تطلع امها ...وتسمعها
أول ماسمعت صوتها قالت بهمس: الووو

نور : حيا الله شدن وينش لا باركتي بالشهر ولا جيتي والعاده مانفطر أول ايوم إلا انتِ عند الباب
وكملت وهي ناويه تقهرها فاتش علوم ي كثرها صارت بغيابش وبخبث لا يكون مستحيه بس

شدن بقهر: وين مستحيه إلا أمي مغلقتن علي ذي الفتره عشان عمي يبي اشاره وبعد تقول لما يملك عليش ياسر خذي راحتش بعدها والحين الحمدلله طلعت التحاليل

نور طالعت ياسر الي دخل الصاله وانسدح على الكنبه ...ونفسه بخشمه ...والله لو تشوفي شكل ياسر ي شدن ماتتمني ذي الملكه تتم ..الله يستر بس على وشهو ناوي استلامه أبد ماهو مريحني ...لفيت وجهي يوم ناظرني مابيه يحس اني أكلم شدن ... ولا ابي اقوم من مكاني ويشك ... بس شهقت غصب عني يوم

قالت:الملكه بكرا وماعندي فستان كشخه

: وشهوو بكرا الملكه حتى حنا ماتجهزنا وسكتت يوم جلس ياسر وطالعني بعصبيه ...حسيت انه فهم صدق اني غبيه يالله بس انصدمت من الي قالته ذي الخبله ...امي بتروح فيها لو درت وشلون يحددون من غير مايكون عندنا علم بعد بلعت ريقي يوم أشر لي مين أكلم ..هزيت رأسي مثل البلهه مافيني أقول له ...فزيت واقفه بشرد لغرفتي ...بس وقفت يوم فز من مكانه بسرعه وقف بوجهي وهو يسحب .. الجوال ويشوف اسم شدن حسيت وجهه حمر من العصبيه يارب الطف فيني
صرخ بعصبيه خلا كل جسمي يرجف : وش قايله لش بسرعه

نور ابتعدت شوي وبتلككك: ماقالت شيء
وانا عيني على الشاشه ودي تقفل ذي الملقوفه أكيد فرصتها تسمع ...

ياسر قرب منها ومسكها من شعرها وهو معصب: قالت الملكه بكرا صح لا تحاولي تنكري سمعتش وفهمت كل شيء من ردش عليها

نور بألم وهي ندمانه انها ردت على شدن تدري فيها ماتكلمها إلا تحصل مصيبه قالت بخوف: تعوذ من ابليس أنت صايم

ياسر صرخ بعصبيه: قولي بسرعه وش قايله

نور وجسمها كل يرجف وعينها من المطبخ ودها امها تفزع لها بسرعه : طيب طيب بقول تقول ان الملكه بكره

ياسر صرخ بعصبيه ورفع الجوال بيعطيها كلمتين تربيها عض شفته بقهر يوم شافها مقفله ... ال****** قفلت وصرخ بعصبيه :قولي لها عيب وتستحي شوي
بسرعه دقي عليها وقولي لها الي قلته

نور طالعت الجوال الي ماده لي وانا متردده وخايفه
لا تكبر المشكله ...ذا مجنون وش ادق عليها واقولها ذا الكلام والله مانخلص من عمتي ولسانها ...قلت بمحاوله: ياسر الحين أنت صايم ولا تجرح صيامك عشانها هي طول عمرها كذا تافهه ماتدري وش تقول

ياسر قاطعها بعصبيه : الله ياخذش ويأخذها قولي آمين

ام ياسر طلعت من المطبخ معصبه : خير خير تنافخ وتدعي

ياسر بقهر : اقسم بالله يمه ذي البنت لو ماتربيها بقتلها لش وقولي ياسر ماقال

نور تخبت وراء امها وهي تصيح: يمه ماسويت له شيء بس كلمت شدن وقالت لي الملكه بكرا وهذا جن

ام ياسر بصدمه وهي تطالع ياسر: الملكه بكرا وماعندي خبر خلاص أنت وعمتك طبختوها مع بعض وانا طلعتوني منها لذي الدرجه لاعبه بعقلك نوفه مين أمك ي ياسر أنا ولا نوفه

ياسر قفل عيونه بصبر يالله الحين ذي ال*** نشبته
مع امه هوو يالله قدر يهدي عليها ذي اليومين طالع نور بتهديد : يمه من متى بنت المصريه تجيب شيء صادقه فيه تعرفيها لسانها مسحوب منها وليت على حق غير كذب في كذب

ام ياسر بسخريه: ماشاءالله عارف بخلاقها وبتكتبها جنب اسمك وبتصير عله على كبودنا والسبه أنت وطوعك لعمتك رفعت يدها بوجهه وقالت بقهر والله متحسفه اني خليتك تطلق عفاف والله انها احسن من البديل الي بتجيبها وطالعت نور بقهر وأنت انقلعي قدامي المطبخ
انا الي بقتلش بدل اخوش كم مره قلت لش ابعدي عن ذي الشدن
•
•
•
شدن
بلعت ريقها بخوف ...ياربي وش خلاني ادق واقول لنور ...بس حبيت اشكي لها ...ان ماعندي فستان وكاد
تكلم ابوها ويودينا السوق ...ونتقضى جميع ومافيها شيء اني قلت لها
ليه اسمعه يصارخ ...خليني اشوف أمي تشوف لي دبره عشان الفستان ذي مامنها فايده ... طلعت لها شفتها تقرأ قران ...جلست جنبها انتظرها حتى كملت وقفلت القران ...طالعتني وهي تستغفر
ميلت رأسي على صدرها وقلت بهمس : بكرا ملكتي وماعندي فستان يصير كذا

نوفه ابعدتها وناظرتها مصدومه: مين قالش بكرا ملكتش

شدن عضت شفتها : يمه ماهو قلتي تطلع التحاليل على طول الملكه

نوفه هزت رأسها : قلت كذا بس باقي ماكلمت ياسر وعمش هم يحددون ماهو أنا وبعدين الفستان ماله داعي لان الملكه سكاتي البسي من الي بالدولاب ومشي حالش به لما عمش يسافر ابشري اروح اتقضى لش مابي طلعه من البيت ويمسكها علينا قبل تتم الملكه

شدن وقفت معترضه : ي سلام وش اسوي بالفستان بعد الملكه ومن الحين اقولش والله مالبس من الي بالدولاب كلها قديمه وبعدين بعزم صديقاتي والجيران

نوفه بقهر: شدن ماهو وقت دلعش حنا نبي الملكه سكاتي وبعدها عمش يفارق واسوي لش الي تبي وتكفين ابعدي عني الحين عني رأسي مصدع خلينا نفطر وبعدها يصير خير

شدن بزعل : مابي والله لأخذ فستان ويالله دقي على خالي مبارك يودينا للسوق

نوفه بحزن عليها ماتبي تكسر خاطرها : خلاص خلينا نفطر وأكلمه قلت لش

شدن بعناد: ذلحين يمه عشان مايروح يكد ومايرجع إلا الفجر ولا يروح لحلاله ومعاد نشوفه صدق تعرفيه لا راح لحلاله عز الله معاد شفناه

نوفه بقهر من عنادها: طيب جيبي الجوال وفكينا

شدن راحت جابت الجوال وهي فرحانه ودها بفستان
تقهر به بنات الجيران الي بتعزمهم ...مثل مايقهرونها دايم

نوفه دقت عليه أول ماسمعت صوته قالت: السلام عليكم

ابو ياسر : عليكم السلام هلا والله بنوفه

نوفه ابتسمت بحب له: الله يخليك لي يارب لوتقدر
ي نظر عيني ابيك الليله بعد صلاة التروايح تودينا للسوق نأخذ فستان لشدن وده به ومابي اكسر خاطرها

ابو ياسر طالع ياسر الي يطالعه بفضول : تبشر شدن نوديها وتأخذ أحسن فستان بعد والله يتتمم على خير ويفكنا شر ابو خالد

ياسر بقهر حط يده على رأسه ...ذي البنت بتجيب أجله وش فستانه بالله ..وقف وهو يتهرب خايف أبوه يحرجه ويقوله روح فيهم ...ليته فطر بالمستشفى وريح باله ...قفل عيونه ...يوم ابوه قال: ياسر وين

ياسر زفر بضيق : يبه بطلع بالشارع لما يأذن

ابو ياسر بتعب: والله اني تعبان ودي تروح بدالي بعمتك وبنتها

ياسر بقهر: خلاها تنثبر مكانها وش لها بالسوق وعمتي بدلعها ذا بطلعني من طوري قبل املك على ذي الحشره معاها و الي يسمعهم يقول فرحانين مره بذي الملكه

ابو ياسر بعتب: ذا ردك علي ي ياسر بدل ماتقول ابشر بروح فيهم والحشره ذي بتكون زوجتك لا تنسى ومدام دقيت الصدر وافقت خلك رجآل واحشم

ياسر : اسف يبه وحقك علي وبروح فيهم واعطاه ظهره وهو مقهور من ذا المشوار ابتسم بخبث من العذر الي عنده لف له وقال بس لو رحت يبه عمها بينشب لنا وعمتي ماهي قد مشاكله ورفع حاجب وبتصير هوشه ي كبرها ويمكن إلا أكيد بتخرب ذي الملكه وأختك بتروح فيها يوم تفقد شدن

ابو ياسر بتفكير : اي والله انك صادق خلاص الله يعيني اوديهم المهم خلنا بكرا نروح لعمها ونحدد موعد الملكه

ياسر بتهرب : يصير خير

في الرياض
؛؛
؛؛
لها اسبوع حالتها حاله...فيها غبنه وقهر على نفسها
الحين يصير فيها كل ذا ولا حد ...من أهلها جنبها
والشيءالوحيد الي يوصلها لهم ...حرمها منه ..حطت يدها مكان الكف وهي تحس بحقد...ماهي بنت أبوها
لو مأخذته منه ...ابتسمت بسخريه وشلون ..
افضل شيء انه مريحها من خشته طول اليوم نايم ..
وقرب المغرب يطلع ومايرجع إلا بعد الفجر...
وقفت وراحت للمطبخ بتزين لها فطور ...فتحت الثلاجه
كان فيها كل شيء ...بس مالها نفس ... سحبت رقايق
وجبنه وبدت تلف لها ...وسوت لها فيمتووو ودخلته بالثلاجه ... وجلست تنتظر الاذان ....حست بحركه بالحوش بعد ...يالله وش ذا الصوت كل مره تسمعه طالعت باب المطبخ الي يطلع للحوش حست انها بتغامر لو تفتحه ...بس قوت نفسها وفكته على خفيف ..طلعت رأسها بحذر وهي تتلفت ...
تدور ورا...الصوت شافت قطه صغيره تلعب بقاروره فاضيه .. تشجعت وفكت الباب وقربت منها ...ابتسمت تموت بالقطط...حاولت تمسكها بدون ماتخوفها همست بفرحه يمه يمه على الزين تعالي تعالي أول مامسكتها
قلبتها بين يدينهاوهي فرحانه دخلتها معاها ...وسوت لها حليب وهي فرحانه فيها بالحيل همست لها بحزن وهي تحاول تخليها تشرب منه: نصير اصحاب أنا وأنتِ شكلنا الاثنين ضايعين عن اهلينا ومالنا غير بعض شافتها تناظرها بخوف ابتسمت لها ي بعد عيني اشربي اشربي لا تخافي مني ترا والله اني فرحانه بتس بالحيل ....وابتسمت بسخريه وشكلنا من اليوم ورايح مالنا غير بعض ....بذا المكان الشبهه مهجور
•
•
•
بعد الفطور
متجمعين على القهوه

قال بخبث وهو يناظر عناد : يبه بنروح لعمي ونحدد موعد للملكه مدام التحاليل اطلعت وكل شيء تمام وتكفى خله يعجل علينا بالزواج بعد

ابو مصعب بفرحه: ابشر يبه والله يتمم لك

عناد : مبروك ي مصعب والله يسعدك ان شاءالله

مصعب ميل فمه بوقاحه: الله يبارك فيك إلا أنت وش صار بموضوع زواجك لايكون تعطل وطالع الجوهره وش فيك اذكرك بتموتي كان من فرحتك والحين لا حس ولا خبر توقعت يتمممه قبلي وطالعه بحقاره يعني انا السابق بكل شيء وضحك ضحكه مستفزه

ابو مصعب يحس نفسه تفشل من عناد الحين الرجآل يبارك له يقوم يقلبها عليه ....

الجوهره بقهر طالعت زوجها وقالت : عشان ابوك بنحاول نكبر عقولنا أنا ولدي ومدام ملكتك مثل ماتقول بتم قبل ملكته ان شاءالله ان زواجه يتم قبلك وقول وقتها الجوهره ماقالت وش رأيك

مصعب ابتسم بخبث: وين قبلي الله يسامحك على ذي الثقه خلال ذي اليومين ملكتي وبعدها الزواج على طول وأنت اجلسي بها من قاعه لإستراحه

ابو مصعب بعصبيه: مصعب

الجوهره بعصبيه وقفت : احترم نفسك وإذا رحت قاعه ولا استراحه تراها كلها جمعات حريم وأبوك عند خبر وبنفسه يوصلني بعد

مصعب ميل فمه بوقاحه: اعصابك طيب

عناد وقف وطالعه بتصغير بعض مرات يشفق عليه : يالله يمه بروح

الجوهره وقفت بطريقه معترضه: وين وين وأنت وعدتني تبيت الليله هنا

عناد سلم فوق رأسها : الوعد المره الجايه ان شاءالله

الجوهره طالعت صقر ومصعب وراحت غرفتها زعلانه

مصعب بسخريه : اركض يبه وراها يالله هذا وقتك
وسكت من نظرة العصبيه الي طالعه فيها

ابوه مصعب وقف وبعصبيه : مايجي من وراك إلا المشاكل لمتى بصبر

مصعب وقف وقال بكل برود: يالله بروح تدري وراي ملكه ويبي لها تجهيز بحفظ الله وقرب من أبوه وسلم فوق رأسه كلم عمي ولا سريت له الليله
•
•
•
•
بعد يومين
في الجنوب

قالت بعتب : ياسر متى ناوي تملك
ولا تبي عمها يقلب علينا منتظرتك لي يومين وأنت لا حس ولا خبر

ياسر بضيق : يمه نوفه مدام الحين هاجد ومشغول يبي يكمل بيع الأرض حق أبوه خلينا على مهل

نوفه قاطعته بحده: قول بترجع بكلامك وبس لا تجلس تدور اعذار

ياسر وقف وسلم فوق رأسه : بكره بإذن الله تتم الملكه وطالعها والحين بكلم المملك وقدامش بعد وابتسم عسى خاطرش طيب ي بعد رأسي

نوفه ابتسمت له برضى : ومن الحين بجهز لذي الملكه وعلى انها جت بضروف ماودي بها بس والله اني فرحانه وشدن انكتبت من نصيبك

ياسر عض شفته بألم ليتها ماهي من نصيبي ي عمه بس وش نسوي المكتوب ابتسم مجامله وطلع ... وهو وده يفرك بخشة ذي الشدن الأرض على الفصول الي تسويها فيه

نوفه دعت لهم من قلبها وتحركت متجهه لغرفة شدن
دخلت عليها وابتسمت وهي تشوف كيف فرحانه وهي تفرج نور بغراضها الي خذتها من السوق ..... طالعت
نور يوم قالت : ي عمه شدن ماخلت حد إلا طلبته لذي الملكه وأمي ماعندها خبر تفتكرها سكاتي مثل كلامكم الي قبل

نوفه طالعت شدن وصغرت عيونها:أول مره اشوف عروس تطلب هي بنفسها

شدن بقهر وهي تناظر نور: يمه ماطلبت حد بس صديقاتي وبنات الجيران مابيها سكاتي كأني ناقصه والله

نور هزت رأسها : ابد بنتش ي عمه مابوجهاا حيا

نوفه بقلق : الله يعدي بكرا على خير ودي قد املكتي وارتاح قلبي

نور بستفسار : يعني حددتو الموعد خلاص

نوفه : اي يمه ان شاءالله بكره

نور وقفت بصدمه: بروح اكلم امي تكلم أهلها والجيران الي يعزون عليها معاد به وقت

نوفه هزت رأسها وجلست جنب شدن الي مشغوله ترتب في اغراضها سحبت الي بيدها ومسكت وجهاا وطالعتها بحب وقالت : يمه فرحان بذي الزواجه

شدن طالعتها : وش اسوي مابي افارقك وماعندي إلا افرح وحطت رأسها بحضنها يمه ادعي الله لايفرقنا عن بعض ويارب اجيب بنت واسميها على اسمش

نوفه ابتسمت بألم تحس شدن راضيه بذي الزواجه
عكس ياسر تحسه ...أبد ماهو راضي ويسوي كل شيء بالغصب ....وشايفه الزعل بعيونه ...ضمتها لصدرها
وهمست صادقه يمه ماعندنا غير نفرح ....

شدن طالعت أمها وقالت بهمس: مين حدد يوم الملكه
أنتِ ولا ياسر

نوفه استغربت من سؤالها شافتها تناظرها ولمحة حزن بعيونها قالت بكذب : ياسر يمه وابتسمت بألم مستعجل ولد مبارك من حقه بيملك على ست الحسن والجمال والزين كله

شدن ميلت فمها بعدم تصديق : يمه يكرهني وشلون

نوفه وقفت تتهرب من ذي السالفه : قومي قومي رتبي ذي الحوسه وبعدها سوي السحور شافتها بتعترض وغصبن عنش بتسويه

شدن وقفت وقابلتها: بحرقه لش وتصومي جيعانه
وقولي شدن ماقالت

نوفه ابتسمت: في ذي صادقه خليني انا اسويه
ورانا صيام وبعدها كرف الله يسهل ذي الليله على خير

. .في بيت ابو ياسر
من وقت ماشاف نور رجعت من بيت عمته وكلمت امه ومن وقتها حال امه انقلب عصبيه وصراخ واعتراض على ذي الملكه قال بضيق: يمه وش بتفرق إذا بكرا ولا يوم ثاني

ام ياسر بقهر: ياسر انا ماهو معترضه على اليوم معترضه على البنت نفسها مابيك تتحسف يمه يكفي فشلك بزواجك الأول تكفى يمه اسمع كلامي وخلك منهم كلهم ذي حياة ومستقبل مافيها لعب

ابو مبارك بحده: خلاص زواجه الأول انتهى بخيره وشره وبدل ماتمنعيه من ذي الزواجه ادعي له الحين ربي يسعده

ام ياسر بغبنه: طاوعت أختك المخبوله وخليت ولدك يضيع عمره مع ذي الجاهل بدل ماتنصحه

ابو ياسر قاطعها بعصبيه: ودي اعرف ليه تزيدي وتعيدي بسالفه منتهيه حتى المملك عنده خبر قده

ام ياسر وقفت بقهر: أجل لاحد يطلب من أحضر

ابو ياسر بحده : بتحضري وغصبن عليش ولا تبي العالم تحكي عن ذي الزواجه

ياسر وقف وهو يسمع صراخهم على بعض ...وكل واحد بيمشي كلمته يحس امه على حق بكل كلمه قالتها ...وهو يستاهل أحسن من شدن وماتوقع العوض بيكون كذا ...شاف حور بوجهه قال بحده: ابعدي عن وجهي

حور وهي تتلفت خايفه من أبوها: ياسر والله شدن ماتستاهلك تكفى لا تتهور عشان عمتي ولو خذ شدن من هنا وش بيصير يعني بتموت لا بتصيح لها يومين وتنسى
وصدقني الجنوب كله بيرتاح من مشاكلها

ياسر عض شفته بقهر: وين ي حور اقدر خلاص قد قلتها كلمه ومعاد لي برجعه بها

حور بقهر: ياسر صدقني عمتي بتزعل يومين وبترضى لا تضيع نفسك مع شدن مايجي منها خير ذي البنت

ياسر بغيض : خلاص حور موضوع منهي تكفين لا تزدينها علي

حور بخبث : انا مستعده الحين اوصل لها انك ماتبيها وصدقني والله بترفض وبيكون الجماله لك عند عمتي أنت موافق بس بنتها هي الي رفضت وش رأيك

ياسر فكر شوي وقال وهو متردد: الفكره حلوه عض شفته بقهر بس صدقيني بتقول لعمتي كل شيء وعن اتصالش وذي وجهاا ممسوح بمرق ولا يأثر عليها شيء إلا تدري بكرهي لها وافقت ورحبت بالفكره بعد وبحده يالله فارقي عني وجهيي خليني اروح اشوف اي مصيبه تنسيني بكرا والي بيصير فيه

•
•
•

في الرياض

في بيت ابو أميره
قالت بقهر: فرحانه ذلحين ليه أبوك حدد الملكه
عز الله ورطتي حالك مع ذا المريض والله ان خالتك الله يرحمها كانت تحكي لي عن علومه تشيب الرأس وماطلبت الطلاق من أبوه غير من سواليفه

الشموخ وهي مشغوله بجوالها : يمه يكفي خلاص وبعدين أنا غير وخالتي غير هي جايه على أمه وش تبيه يسوي معاها بالله أكيد بينفس عليها وهذا حقه بس مين يشهد

أميره بهدوء: الشموخ أمي تبي مصلحتك وافقي على ولد خالتي أفضل لك

الشموخ أشرت على نفسها بغرور : أنا أخذ بدر وع مابقي إلا هي

ام أميره بعصبيه: وش فيه بدروالله انه احسن من مصعب بمليون يكفي شهادته بس الي تشرف ماهو مثل الصايع الضايع ذا الي بتأخذيه ماغير أبوه يصرف عليه

الشموخ وقفت بزعل: ماما كل مره أجلس معاكم فيها ماعندكم سالفه غير مصعب من الحين اقولكم لغير مصعب ماراح أوافق ولد أختك ذا الي متفاخره بشهادته مايجي شيء عند ولد عمي ومافي حد بيصوني غيره

أم اميره بعصبيه أخذت الريموت ورمتها بقوه وهي تصرخ بعصبيه: كفوك ي ال**** ذ الصايع

الشموخ راحت غرفتها وهي تصيح مقهوره ليه كذا يكرهونه وش مسوي لهم ....امها حاقده عليه
ليه كان يسوي مشاكل مع أختها طيب محد يلومه أختها وافقت على ابوه وقهرت امه معاه كل.. الحق بس مين يحكم أكيد أمي في صف خالتي ..سمعت رنة الجوال فتحت الواتس شافت رقم صديقتها ...مرسله لها دعوه ابتسمت بسخريه يوم شافت صورة سلطان... بالدعوه وهومرسم ...وش دعوه ترا كلها خطبه ليه ذي الدعوه ورازه صورته بالفديو ..غبيه تحسها مسويه ذاالفديوو عشان تقهرها حبيبتي أخوك ماهو في بالي أبد ولا مفكره به ....عساه يأخذ عشر ان شاءالله
•
•
•
الجنوب

اليوم الموعود يوم الملكه
بعد صلاة التروايح
قالت بضحكه وهي تطالع ملامح وجهاا: ليتش سمعتي كلامي ورحت بش المشغل بدل ذي الي جايبتها لش عمتي لعبت بوجهش لعب لفت خدها من جهة اليمين
ي وجهه الله يقال حاطه لش كنتور الحمدلله وهي ماحطت على خشمش وش كان بيصير شكله

شدن بقهر طالعتها هي مبسوطه بمكياجها لأول مره تحط وكان طايره من فرحته فيه والحين ذي تجي تقول لها ماهو حلو تتمسخر حضرتها قالت بهمس وهي مقهوره: مالش دخل وعاجبني

نور بضحكه: والله غير ملامحش كله بذات مع رسمة الحواجب مره غلط ادعي ياسر مايشوفش الليله
عز الله انفجع اخوي

شدن بثقه : من زينه اخوش والله انه عله وانا احسن من بكثير وتطمني ماراح يشوفني وطالعت الضيوف الي دخلوا وكلهم الي عزمتهم اشرت لامها الي مشغوله بالترحيب والضايفه حست بتوتر وخوف ..بذات يوم تذكرت تأخر عمها الرجال لهم ساعه بالمجلس ينتظرونه والحين الحريم جوو كلهم همست لها: عمي جاا ولا باقي

نوفه بخوف وتوتر أكثر منها: الحمدلله اخيراً وصل الحين مبارك دق علي وخبرني قولي يارب يسهلها وطالعت أم ياسر الي توها وصلت ...تحسها معصبه وناويه على مصيبه الله يستر منها...حالتها أبد ماتطمن ....

قالت وهي ترحب فيها: تفضلي تفضلي تو مانور المكان

ام ياسر بقهر وزعل وهي تسلم عليها همست لها: والله افتكرت تحبي ياسر ماتوقعت أبد بتسوي معاه ذا الفصل بس معاد نقول غير حسبي الله ونعم الوكيل

نوفه أفضل تطنش ولا ماغير بتخرب ذي الملكه
طالعت الضيوف وهي متفشله ...خايفه لو حد سمعها الله يسامحش ي شدن ودي بها سكاتي لأني عارفه بالمشاكل الي بتحصل بس ماغير ركبتي رأسش ومابي أكسر خاطرش ابتسمت مجامله وهي تصرف : تفضلي رن جوالها شافت رقم أخوها بسرعه رفعت الجوال وكلمته قال لها تطلع طلعت وهي متوتره وخايفه من عم شدن لا يقلب عليهم ...شافته قدامها واقف وماسك الدفتر قال بهدوء: خلي شدن توقع هنا

نوفه بفرحه يوم شافته يأشر لها : الحمدلله يارب

ابو ياسر : يالله بسرعه المملك طقت روحه يقول وراه عقد ثاني وحنا عطلناه الله يسامح عمها بس

نوفه بهمس: بشرني كيف الاوضاع

مبارك هز رأسها وهو يطمنها :خير خير ان شاءالله يالله خليها توقع

نوفه همست الله يسهلها يارب
دخلت بالدفتر وقربت من شدن الي مشغوله بالسواليف مع نور ...قالت بفرحه: يالله يمه وقعي هنا

نور سحبت الدفتر بحماس: لا لا مو مصدقه ي النتفه تتزوجي قبلي ومين ياسر لالا لا صعب صعب علي ذا الشيء استوعبه وطالعت أمها وحور الي يطالعونها بتهديد خافت وناولت الدفتر لشدن الي طالعتها وهي خايفه نوفه حست بخوف شدن قربت منها وساسرتها: وقعي سرعه ماضمن لش أم ياسر حاسه وراها بلى بسرعه لا ننحرم من بعض بسبتها

شدن بسرعه وقعت وناولتها الدفتر وهي تطالع أم ياسر فعلاً أمها صادقه شكلها ناوي على مصيبه
بس الحين مايهمني ملك علي وعمي بيرجع من وين ماجاا وبجلس عن أمي فديتها ..هذا المهم ....
طالعت صديقاتها الي جالسين جنبها ...وهي تحاول تنطش وجود أم ياسر وبنتها ...
كلها دقايق واللكل قام على العشاء ...الي تكفل خالها مبارك ...وبعدها اللكل راح ..
وقفت نوفه يوم أم ياسر لبست العبايه وأشرت لبنانها
: وين بدري أجلسي

أم ياسر بسخريه: بعد تبيني اشوفه يشبكها هذي المؤامره كلها من تحت رأسش دبريها أنتِ وليت ولدي يطاوعني ويجي معي وأجلسي أنتِ معاها

نوفه عقدت حواجبها لذي الدرجه كارهه شدن ..
طالعت شدن الي تطالعهم والزعل واضح عليها قالت بقهر: خذيه معش الله يستر عليش وعليه

وطالعت شدن بحب : ماعليش يمه الي نبيه صار وبس ذا المهم وخليه يروح معاها والشبكه ماعليه لاجا وقتها بيلبسش وقدامها بعد ...وسكتت وهي تسمع أخوها ينادي ... ي نوفه خلي شدن تتجهز وتجي للمجلس عمها يقول بيسلم عليها ويمشي

شدن مسكت بيد أمها ...بخوف : ماله داعي خلي خالي مبارك يقوله وصل سلامك وخلوه يتكل ويفكنا

نوفه وهي تهدي عليها: ماعليه يمه هدي والحين بجيب عباتي وبروح معش لا تخافي ماراح اخليش لحالش

شدن حست براحه يوم قالت بتطلع معاها
مشت مع أمها وهي متفشله من ذا الفستان لابسته
ودها تلبس عبايه ولا يشوفها عمها بذا الشكل ...
قالت بهمس : يمه بغير فستاني

نوفه بحده: وين تغيره خليه يشوف انش راضيه عن الزواج وفرحانه به ومتجهزه والي وصل له يأكل ترأب كان وده بقهرنا بس ربي ردها بوجهه يبطي يفرق بينا الخبيث

شدن مشت معاها...وهي تحاول تقوي نفسها
دخلت المجلس انصدمت من وجود ياسر وبعد أبوه الي من سنتين تحجبت عنه
توقعت انهم طلعواا ...وين كلام ام ياسر ماهي قالت بتأخذ ولدها .......

•
•
•
كتتتتتتتتتتتتتت