رواية هى و إلشياطين
الفصل السادس 6
بقلم هشام
بعدما انطفئ نور الكشاف...
في السرداب
واختفي اي صوت للذئاب البشرية
حاولت ازحف عشان اجيب الكشاف
واشوف ايه الي بيحصل؟
لكن ....
قبل ما اقوم باي حركة
شوفت شعاع نور بيتحرك علي الحيطة...
فا فضلت اتتبع شعاع النور
لغاية... ما استقر شعاع النور علي حائط
من حوائط الغرفة
وفجاءة
انشقت الحيطة الي عليها الشعاع
وبعد ما الحيطة اتفتحت
خرج منها ضوء خافت
ومن خلال الضوء ده
شوفت المتحرشين وهما مرمين علي الارض ....
فاقدين للوعي
وكلهم مش بيتحركوا
ومفهمتش ايه الي حصلهم؟
ياتري هما مغمي عليهم؟
ولا ماتوا؟
معقولة يكونوا ماتوا كلهم؟
طيب ايه الي عمل فيهم كده اصلا؟
وقبل ما الاقي اجابة...
علي السؤال الي في دماغي
شوفت دخان كتيير اوي
خارج من الحائط
وفي وسط الدخان
لمحت هيئة شخص الي يشوفة يقول انه بني ادم عادي
كان جسمة ...طويل ...وعريض
المهم....
الشخص ده
بمجرد ما خرج من الحيطة...
وقف في الغرفة وسط الدخان
بدون ما يتكلم
وفي اللحظة دي
حاولت اتحقق من ملامح وجهة
لكن... مقدرتش
لان الدخان كان كتير
فا اتسمرت في مكاني وانا مرعوبة
وفضلت اتابع الي بيحصل
ولقيتة بيتجه بوجهة للحائط
الي خرج منه
وبيامر شخص اخر بالخروج
واصابني الذهول...
لما شوفت الشخص الجديد الي خرج من الحيطة
اصل الشخص الجديد
مكنش فيه شبة
من البني ادمين خالص
لا ... ده كان عبارة عن قرد كبير الحجم
او ....(غوريلا)
والغريبة...
ان القرد كان بيفهم
الاشارات.... والاوامر
الي اصدرها له الشخص الاخر
لان.... القرد بعدها
فضل يسحب الجثث
الي كانت علي باب الغرفة
جثة تلو الاخري
وكان بيدخلهم...
للفتحة الي في الحيطة
واستمر...
( القرد الكبير)
في سحب الجثث
لغاية....
ما انتهي من جميع الجثث...
واسكنهم بداخل الحائط
وبعدها ...
دخلت القرد في الحائط هو الاخر
واختفي هو كمان
ومفضلش غير الشخص
الي كان بيعطي له الاوامر
ولاحظت ان الشخص ده واقف يبصلي
فا كنت خايفة
لا الدور يجي عليا
ويخفوني بداخل الحيطة انا كمان
لكن الي حصل
اني لقيت الشخص ده بيقرب مني
وفي اللحظة دي
اتحققت من ملامح وجهة
وكان شكلة زي اي شاب عادي
ولما قرب مني
اتفاجئت بيه بيقولي...
عايز اعقد معاكي صفقة
ابتلعت ريقي بصعوبة
وقلت...
صفقة ايه؟
قال...
معاكي البذرة..
ومعايا الامان..
(بادليني)
قلت...نعم؟
قال...بقولك بادليني البذرة بالامان
بصيتلة بدهشة
وقلت...
انا مش فاهمة حاجة ؟
رد الشخص موضحا
وقال...
امنحيني (بذرة ابليس)
في مقابل..
اني امنحك
الامان الدائم
استمعت لكلامة...
وبرضوا مفهمتش حاجة
او بمعني اخر
حالة الرعب الي كنت فيها
مسمحتليش اصلا
اني افكر في كلامة
فا تجاهلت طلبة
وغيرت الموضوع
و قلت...
هو انا ممكن اسالك
واعرف انت مين؟
رد الشخص الغريب
وقال..
انا خادم ابليس
بصيتلة بذهول
وقلت...
انا طبعا بشكرك انك انقذتني
من الذئاب البشرية
لكن انا مش عايزة حد يحميني
خلاص
انا كل الي انا عايزاه
هو اني اخرج من هنا..
واسيب الببيت ده وامشي
فورا
وسالتة؟
قلت...
ممكن تسيبني امشي ؟
رد خادم ابليس
قائلا
انتي ممكن تخرجي من السرداب
لكن...
مستحيل تخرجي من البيت
ولا تغادري البلد هنا
قبل ما.....
تمنحيني بذرة ابليس
قلت...يعني ايه بذرة ابليس؟
قال..
انتي فاهمة....
قلت...لا مش فاهمة
قال...
خلاص...
استفتي قلبك
قلت...
استفتي قلبي في ايه بس؟
قال...
فكري في الامر
وفكري في كلامي
وادامك اسبوع
يعني سبع ايام
تفكري فيهم
ويا اما تعطينا بذرة ابليس
يا اما ........
وشاور بايده باتجاه الحائط
اشارة تعني
باني ....هتعاقب بدخول الحائط انا كمان
وفي اللحظة دي
قلت....
مع اني مش فاهمة
انت بتعرض عليا ايه اصلا
لكن...
انا موافقة علي اني اخرج
من هنا .....و افكر....
بس اخرج من هنا دلوقتي ارجوك
وفي اللحظة دي
حذرني خادم ابليس
وقالي
ا وعي تكوني فاهمة
انك لما هتخرجي من الغرفة دي
هتقدري
تهربي من هنا ؟
قلت...
ومين قالك بس اني بفكر اهرب؟
ابتسم خادم ابليس
واضاف قائلا
هروبك مستحيل
يا رشا
عارفة ليه
قلت ...ليه؟
قال...
لانك ...(في حضن ابليس)
يعني لو روحتي فين
هيجيبك
بصيتلة بذهول
ولقيتني بهز راسي
وبقولة...
اوعدك اني مش هحاول اهرب
فا رد عليا بابتسامة رضا
وقالي...
ومن اللحظة دي
انتي تحت حماية ابليس
ورعايتك بقت مسؤليتة
ولقيتة رفع ايدة
وهو بيشاورلي علي الباب
وقالي...
الباب مفتوح
تقدري تخرجي
وبعدها سابني الشخص الغريب واختفي
وانا لقيت نفسي لوحدي
في الغرفة المخيفة دي
فا حاولت ازحف عشان ا خرج من الغرفة
لكن...مقدرتش اتحرك من
عضمي الي اتكسر
وفي اللحظة دي
حسيت بايد بتطبطب علي كتفي
فا التفت بسرعه
عشان اشوف مين الي جنبي
واتفاجئت.. بالقرد الكبير بالقرب مني
فا اتفزعت ...
لاني افتكرتة
هيدخلني للحائط....
ويدفني مع الجثث
وفضلت اصرخ....اصرخ
لغاية ما غيبت عن الوعي
و اغمي عليا
وبعدها بفترة....معرفش اد ايه؟
فتحت عيني
لقيت علي راسي كمادات ...
(مخفضة للحرارة)
وقبل ما اشيل الكمادات
بصيت ادامي عشان اشوف انا فين؟
لقيت..ادامي القرد تاني
وكنت لسة هصرخ
لكن لقيت القرد بيطبطب عليا
وكانه بيحاول يهديني
فا بصيت حواليا لقيتني في غرفة ايمن
ومعني كده...
ان القرد خرجني من السرداب
وجابني للبيت ونيمني
في سرير ايمن
فا هديت شوية
وبدات ابص للقرد بتمعن
لقيتة بيحاول يساعدني اني اهدي
وكان واضح انه مش عايزني اخاف منه
لانه كان بيمد ايدة ليا بطبق فاكهة
وهو بيهز راسة
وكانه بيقولي..
متخافيش خدي كلي
فا ابتعدت عنه
وفضلت ابصلة وانا خايفة منه
والغريبة
ان القرد فضل قاعد جنبي
وهو بيحاول يخليني اكل
لغاية.... ما اخدت منه ثمرة
الموز بالفعل
وبعدما ما اكلتها...
لقيت القرد قام...
وفتح الثلاجة
وجابلي اكل ...
وحطة ادامي
فا اتعجبت من امر القرد الغريب ده
وسالت نفسي
وقلت..
ازاي قرد يقدم اكل ؟
وادوية؟
وازاي في قرد بيفهم اوي كده؟
وبينفذ الاوامر كمان؟
لدرجة انه يسهر علي حد تعبان؟
وبالرغم من اني استغربت من تصرفات القرد
لكن ..
اخدت منه الاكل ....والعلاج
عشان ...
كنت عايزة استرد صحتي...
واهرب من المكان المرعب ده
والاهم من ده كل
اني اهرب من شهاب
لاني عرفت انه هو ابليس
الي اطلق عليا الذئاب البشرية
وهو السبب
في كل الي بيحصلي دلوقتي
عشان كده...
انا لازم اهرب
من شهاب باي شكل
قبل ما يكتشف...
اني لسة عايشة
ويقتلني فعلا...
لكن ...
الي كان محيرني
ومش قادرة افهمة
هو ...ايه موضوع بذرة ابليس؟
انا طبعا عارفة
ان مفيش عفاريت...
وعارفة كمان
ان ابليس لا يمكن يظهر لحد
وعارفة كويس اوي
ان شهاب....
هو .....ابليس
لكن ايه موضوع بذرة ابليس ده؟
وليه شهاب اخترع موضوع البذرة ده؟
وعايز ايه من كده اصلا؟
وفضلت الافكار في دماغي
تروح ....وتيجي
ووالي كان محيرني اكتر
هو موضوع القرد الي عاملي فيها
دادة ...ومخبر....
وطبيب جراح؟
لكن للاسف
معرفتش ايه حكاية القرد ده كمان
وبالرغم من اني
كنت بشعر بوجود القرد جنبي...
وانا نايمة
واحيانا... كنت بحلم...
اني نايمة في حضنة...
زي البيبي الصغير
لكن احساسي بالتعب...
والضعف
كان مخليني استسلم
ومعترضش علي وجود القرد
في غرفتي
المهم...
عدي يومين علي الحال ده
وفي صباح اليوم الثالث
قدرت اقوم واتحرك من السرير
فا خرجت اتسند واتمشي بره الغرفة بتاعة ايمن
واول حاجة فكرت فيها
هي الراجل المريض الي في الغرفة المقفولة
وفضولي اخدني
وكنت عايزة اعرف
ياتري الراجل المتجبس ده
عايش ولا زمانة مات؟
وكنت عايزة اطلع اشوفة
في غرفتة
لكن طبعا مكنش ينفع اطلع اشوفة
بسبب القرد
الي قاعد بيراقبني
لكن فضولي زاد
لما كنت بسمع
حاجة بتخبط في الدور التاني
وحيرتي كانت بتزيد اكتر خصوصا...
لما كنت بشوف القرد بيتركني...
وبيطلع لمصدر الصوت
ومعرفش ساعتها
القرد كان بيغيب فين ؟
ويرجع بعدها عندي في الغرفة
تاني
وفضلت علي الوضع ده
لغاية الليلة الرابعة
من المهلة
الي اعطهالي خادم ابليس
وفي الليلة دي
صحيت من النوم
علي صوت ارتطام قوي
وكان الصوت جاي...
من الطابق الي فوقي
علي طول
فا انتنتفضت من مكاني
لكن قلت اكيد القرد هيحميني
ولما بصيت علي القرد
للاسف
ملقتهوش عندي في الغرفة
وده خلاني اترعب زيادة
وشكيت ان يكون شهاب باعت قتلة ماجورين تاني
او ممكن يكون جاي هو بنفسة
و قلت...
يبقي اكيد شهاب عرف اني سليمة
وباعت حد يقتلني تاني
عشان كده..
كان لازم انا الي اقتل شهاب المره دي
قبل ما يقتلني
وبالفعل ...
فتحت الباب وتحاملت علي نفسي...
واتسللت للدور التاني
ووفضلت اصطنت
علي مصدر الصوت
ولقيت الصوت جاي من
الغرفة
الي فيها الراجل المريض
فا اتسللت بهدوء
وفتحت عليه الباب
بالراحة
عشان اشوف ايه الي بيحصل جو
لكن المفاجئة
اني لقيت الشخص المريض
واقع علي الارض
علي وجهة
ومش عارف يتعدل
وواضح... ان ده يبرر سبب الارتطام
الي انا سمعته من تحت
ويظهر ان الراجل تعافي
بعض الشيئ
اينعم مازال الجبس علي جسمة لكن...
احدهم نزع الشاش الي علي راسة
يعني اكيد حالتة اتحسنت
واخدني الفضول
اني اشوف وجه الشخص
الغلبان ده؟
فا روحت بسرعة
عشان اقلب الشخص ده علي ظهره
واقدر اشوف وجهة
وبالفعل روحت ساعدتة...
ونيمتة علي ظهرة
وفي اللحظة دي
شوفت وجهة
وكانت الصاعقة
الي هتغير احداث الرواية...
وهتقلبها راسا علي عقب
وهتبدء تكشف كل الالغاز
اصل
عارفين الراجل المريض طلع مين.....؟
قراءه باقي الفصول من هنا