تحميل رواية حاله نفسيه بقلم حنين عادل pdf

انتي بتقولي ايه يا شهد استحالة أنس يكون اتجوز عليا

انا ما قولتش انه اتجوز عليكي يا ملك انا قولت اني شوفته قاعد في كافيه مع واحدة وقعدتهم ماكانتش بسيطة كان واضح انهم اخدين علي بعض اوي

هزيت راسي بخوف وباقي كلامها ماكنتش سمعاه معقول معقول حب عمري يعمل فيا كده يجرحني جرح كبير مش هايبقي ليه دوا

مشت شهد وحاولت أهدي واتخلص من التوتر اللي انا فيه وحوشت الافكار دي عند دماغي

صوت الباب بيتفتح طلعت اجري عليه وحضنته كالعادة وباسني في خدي وزي كل يوم لف بيا مع كلمة بحبك وابتسامته اللي بتسحرني

نزلني ورفع شعري النازل علي وشي:

وحشتيني أوي يومي النهاردة ماكانش ليه طعم عشان مابداش بيكي

ابتسمت وانا في دماغي الف فكرة عاوزة اقوله شهد صحبتي قالت ايه زي ما انا متعودة أحكيله كل حاجة في حياتي

_عاوزة تقولي حاجة يا حبي

ملك: ها لأ بس انا زعلانة منك ماصحتنيش ليه

_لقيتك نايمة زي الملايكة استحرمت اصحيكي الصراحة

ضحكت :

طيب يلا غير هدومك علي ما احضر لك الغدا

مسك ايدي وغمز:

طب ماتيجي تساعديني ها !

ملك بكسوف:

انس

_عيون انس قلب انس حياة انس ايه مش هتساعديني معقول اهون عليكي

شالني بسرعه ودخل يجري علي الأوضة ...

قلبي واجعني وحالي اتقلب بمجرد التفكير انه ممكن يبعد عني مش هاقدر اعيش من غيره مش هاقدر وان فضلت كده هاتعب وهاتغير

الشك بيدمر اي علاقة مهما كانت قوية لو كان ليا حد احكيله واخد بمشورته !

متجوزين بقالنا سنتين احلي سنتين في حياتي ماصدرش منه حاجة تضايقني

عيطت بحرقة :

لأ مش ده اللي حصل مش ده اللي حصل انا كنت بتخيل حاجات ماحصلتش كنت بحلم بيها في عيشتي معاه زي اي بنت ...

متغير اوي بقاله فترة سايبني وسايب بيته بيبات بالايام بره البيت وبيقولي انه في تدريب تبع الشركة

كل شهر بيبات اسبوع بره !

ليه تجارب قبلي وبيبقي فخور وهوا بيحكيلي انه كسر قلوب بنات كتير

كل مادا بنطفي بنطفي معاه وهوا ولا حاسس سمعت

كلام اللي بيقولوا انه لو ليه تجارب لما يتجوز ربنا هايهديه بس مافيش فايدة اتضحك عليا

خايفه ادور وراه انصدم وانا بحبه بحبه اوي يا دكتورة

كانت قاعدة علي الشاذلونج وبتحكي لدكتورة نفسية ....

قلعت الدكتورة نضارتها:

لازم تتأكدي من كل شكوكك عشان ترتاحي ممكن تكون اوهام في دماغك بس عشان ليه تجارب قبلك

بصت لها بتفكير:

والاسبوع اللي بيباته بره يا دكتورة اي ست بتحس لو جوزها في حياته حد تاني حتي الحاجة الوحيدة اللي كنت واثقة من نجاحها بقت باردة بينا مافيهاش مشاعر الا قليل اوي اما احس انه مشتاق لي وفعلا عاوزني

حاسة انه بيضحك في وشي وشاغل باله حاجة تانية كلمة بحبك لما بسمعها منه بحس انها لحد تاني مش ليا !

معقول يا دكتورة كل احاسيسي دي من الوهم معقوله

الدكتورة: اما بنحب حد بنبقي عاوزين نملكه ولو اتغير يوم او بعد او جفت المشاعر بنحس بالخيانة مع ان الروتين بيعمل كده مش شرط خيانه !

وقفت ملك وبصت للدكتورة:

انا هاعرف لازم اعرف عشان ارتاح فيه في حياتي حد غيري ولا لأ وان طلع بيخوني

ردت الدكتورة:

وان طلع بيخونك ياملك

ملك بشر:

هاندمه علي قد كل ذرة حب ليه في قلبي .

يتبع

الفصل الثاني من هنا

روايات شيقة

ردت الدكتورة:

وان طلع بيخونك ياملك

ملك بشر:

هاندمه علي قد كل ذرة حب ليه في قلبي

خرجت ملك من عند الدكتورة روحت البيت ...

قعدت علي الكنبة وكان لسه ميعاد رجوع انس ماجاش طلبت دليفري لانها مش قادرة تطبخ ..

فتح الباب وجريت عليه حضنته حسيت ان في ريحة غريبة علي هدومه

انس لاحظ :

في حاجة يا حبيبتي

ابتسمت ملك:

لا مافيش يا حبيبي

دخل يغير هدومه وانا حطيت الأكل اللي وصل من الدليفري وقعدنا ناكل

ضحك انس: ايه مش بتتكلمي ليه وتوجعي دماغي زي العادة

ضحكت ملك: نفسي مرة انت اللي تتكلم

انس: انتي عارفة انا مابحبش الكلام

ملك: احنا مختلفين جدا يا انس

انس بضحك: يمكن ده اللي مخلينا مكلمين بعض

دخل ينام شوية زي ما هو متعود لما يرجع من الشغل دخلت اخد هدومه اغسلها كاالعادة بالراحة في السبت

وروحت احطها في الغسالة لفت نظري قميصه الابيض اللي تنحت قصاده عليه روج بوسه وخصلات شعر

دموعي نزلت من عيني دلوقتي اتأكدت ان انس بيخوني

حطيت الهدوم في الغسالة وحاولت اهدي وروحت قعدت علي الكنبة وانا بسترجع ذكريات اول يوم يوم فرحنا اللي كنا مستنينه باشتياق

- فين السوسته ؟! السوسته فين يا هانم ؟!

- سوستة ايه يا أنس مالك ؟!

رجعت لورا وهي خايفه من عصبيته دا كان مبسوط وبيرقص في الفرح :

- مالك يا انس فى أيه ؟!

سوستة ايه ؟!

اتنهد وهو بيهرش في شعره وبيهز راسه وبيضرب كف في كف بيأس:

- الفستان من غير سوسته ليه يا هانم ؟!

اومال انا المفروض هساعدك فى ايه مفيش معلومات خالص فى التاريخ كده

- انس خضتنى ، انت بقيت سافل اوى اوى

كمل انس بمشاكسه :

-هشش كفايه ضيعتى التاريخ نركز بقى فى الاحياء مش هنقضيها رغى

اشتالها بين دراعه وضمها لصدره وغمز بعينيه:

- " السفالة كنزًا لا يفنى " هو انتي ماتعرفيش ولا ايه

انتى متعرفيش مقولة ديه ولا ايه ؟!

بعدين خدى بالك انا لو مش وقح كده النهارده الناس تاكل وشى واولها نبع الحنان اهااا

وانا مش ناقص فضايح فى المنطقة فاديني فرصتي بقا ادوني فرصتي

طلع يجري علي اوضه النوم وهي بتضحك ...

انس: انتي عارفه اني بحبك

ملك: وانا كمان بموت فيك

انس : طب يلا عشان نثبت الكلام ده

رجعت من ذكرياتها وافتكرت كل حاجة بعد كده كان بيعاملها كويس وبيدلعها وكلمة بحبك مش بتروح من علي لسانه لحد مافي اخر فترة حست بتغيير من ناحيته

ودلوقتي اتأكدت...

مسكت دماغها بوجع:

وبعدين هاعمل ايه !

صحي انس وطلع بره علي القهوة ضرتي اللي بيروحها كتير وماعتش بيقعد معايا وكمان ميعاد سفره قرب ..

طلع بره وحتي ما خدش باله من تغيره ومن عينيها الحمرا من كتر العياط

راح انس لأمه ....

دخل وواحدة طلعت تجري عليه وحضنته :

وحشتني يا انس

انس:

انتي اكتر يا منمن

طلعت امه من المطبخ:

كده مش هاينفع يا انس كده هايحصل حمل ازاي وانت مابتجيش الا كل فين وفين

مني قعدت علي الكنبة:

انا ليا حق فيك زيي زيها لازم تقولها كده حرام طبق شرع ربنا واعدل بينا ...

اتكلمت امه بعصبية: انت خايف منها ليه الشرع محلل لك اربعه وبعدين بقالها سنتين واكتر وماجبتش ليك العيل اللي نفسك فيه عشان تمشي ورا دماغك قولتلك خد مني بنت خالتك من زمان

انس: ما انا سمعت كلامك اهو اعمل ايه اكتر من كده

مني: تعدل بينا يا اما كل اللي بينا ينتهي يا انس وتطلقني

_ماتقوليش كده يا مني هو هيلاقي زيك فين لو طلق يطلق الأرض البور اللي قدمها قدم النحس والفقر

نزلت التليفون بصدمة وعيوني مليانة دموع ايوه انا سمعت كل حاجة طلع متجوز عليا وانا ولا هنا ولا هناك بدأت كل حاجة تتوضح الاسبوع اللي بيروحه بيروح عند عند امه انا مش عارف ليه من يوم ما اتجوزته وهي بتكرهني مع اني عمري ما كرهتها ولا عملت ليها حاجة وبحاول علطول اخليها تحبني وكنت مفكره انها بتعمل كده غيره عشان الامهات اللي بيخافوا مرات ابنهم تاخده منهم وقولت شوية وهاتتغير

عرفت بعد الجواز انها ماكنتش قابلاني عشان عوزاه يتجوز مني بنت خالته وهوا اقنع الهبلة اللي هيا انا مرة واتنين وتلاتة انه عمره ما هايفكر فيها

قولتلك قبل كده يا انس الخيانة وحشة ولو خنتني هاخونك وانت خونتني بس قبل ما اتحرك اي خطوة لازم افكر مليون مرة في كل حاجة واي حاجة هاعملها

رجع انس من بره البيت وقعد عالكنبة متعصب:

انتي يا ست هانم قومي اعمليلي شاي

ابتسمت عكس اللي جوايا:

مالك ايه اللي معصبك كده

انس: وكمان بتساليني ما انتي لو كنتي ست زي باقي الستات كنتي عرفتي ايه اللي فيا انما انتي كل حاجة بتعمليها في حياتك تليفون وتليفزيون وانا طز دي بقت عيشة تقرف بجد

ملك: انت كنت فين يا انس كنت عند حماتي

انس: قصدك ايه يعني ما تحترمي نفسك

ملك: ولا حاجة قصدي ولا حاجة

دخلت ملك المطبخ وعملت الشاي وهي دموعها علي خدها وطلعت اديتهوله ومسكت كتاب وقعدت في البلكونة

ملك كانت بتقلب في صفحات الكتاب وبعدين قامت واتسحبت لقت انس نايم ...

قعدت قصاده :

ليه كده يا انس مش فاكر لي اي حاجة حلوة معاك تخليك تبقي عليا ..

طب افتكر اني بعت شبكتي من ورا اهلي وبدلتها بدهب صيني عشان تكمل شقتك

طب افتكر الفلوس اللي كانت تعبي وشغلي وسحبتها من ورا اهلي عشان اساعدك ونتجوز

افتكر انا وقفت قدام العالم واستينتك سنين لما جهزت نفسك وقولت هو مافيش غيره

افتكر اني نسيت ماضيك وانك مقطع السمكة وديلها وقولت خلاص هايتغير وهاقدر اغيره وربنا يهديه تتجوز عليا سنتين حسبتوني اني عاقر

ده انت حتي ماطلبتش نروح لدكتور ؟!

واجي اسألك تقول لسه بدري العمر قدامنا اتاريك عشان تاخدها حجة حلوة حلوة فعلا .

دخلت ملك وجابت ورق كانت مجهزاه ليه وبصمته عليه ومسحت صابعه كويس وبعد كده سابته ..

مسكت الورق وبصت ليه:

ده حقي ومايكفيش حقي كمان ...

صحي انس من النوم وكان النهار طلع ماسك دماغه ومش فاكر اي حاجة ....

دخل علي ملك اللي قاعدة في البلكونة بيحاول يجر اي شكل قدامها عشان يسمع كلام امه

انس ضعيف الشخصية قصاد امه اوي زي العيل الصغير هي اللي بتاخد قرارته .

ملك: انت بتحاول تجيب مشاكل وخلاص ايه القرف ده

انس: قرف دلوقتي بقيت قرف طب وديني ما انا قاعد فيها

ملك : هاتروح فين يا انس لأمك !

انس: ايوه هاروح لها

مشي انس وهو متعصب او وهوا متقمص الشخصية قعدت بضحك هو انا كنت هبلة للدرجة دي بجد لدرجة اني مصدقة تمثيله السنين اللي فاتت وانه احسن حد في الدنيا هو فعلا طلع احسن حد بس في التمثيل بس

ماشي يا انس شعري ده مايبقاش علي ست ان ما انتقمت منك اشد انتقام ...

قعد انس عند امه يوم واتنين وتلاته ماصدق واداني فرصه حلوة اوي كنت بدور علي مشتري للشقة وبيت العيلة اللي امه قاعدة فيه وشركته كل ده عمله وانا في ضهره ده حقي مش كله هايروح عالجاهز لمراته التانية

وبعده عن البيت ساعدني جدا بعت كل حاجة واتفقت مع المشتريين انهم يستلموا بعد اسبوع وقفلت شقتي بعد ما اخدت العفش وكل حاجة ونقلتها علي شقة تانية

اللي كان قاهرني في الموضوع اني ما دخلتش اهلي في حاجة لو قولتهم هايقولوا ده اختيارك وماكنوش هايرضوا اعمل اي حاجة من اللي عملتها

في مجتمعنا كلمة مطلقة عار وانا اهلي هاتكون فكرة الطلاق عندهم مستحيلة وهايجبروني اقبل بالامر الواقع ده مش ممكن

رفعت عليه قضية خلع وروحت شقتي الجديدة وظبطتها ولحد دلوقتي ماحدش عارف حاجة كنت مستنية لحظة مايعرف كل حاجة كان نفسي اشوفه بعينيا اوي اتقل يا انس التقيل لسه ورا انت هاتعيش نفس احساسي اللي حسيته ..

لقيت تليفوني بيرن ابتسمت لما لقيته هو ...

رديت بكل برود:

ايوه

كان بيزعق لدرجة اني بعدت التليفون عن وداني...وبعدين رجعته تاني وانا مبتسمة ..

انس: انتي بتسرقيني ازاي تعملي كده انا ازاي كنت مخدوع فيكي

اتكلمت بقوة وجبروت مش عارفة جبته منين :

انا خدت حقي وبس انا اللي اتخدعت فيك مش انت شقتك انا دافعة اكتر من 3/4 تمنها ولا نسيت شركتك انا ليا اسهم فيها ولولايا ماكنتش عرفت تعملها اه صحيح بيت العيلة ورثك بس دي هدية للست الوالدة

ههههههه انس هاتلها بيت حرام علي سنها ده تترمي في الشارع هيا ومنمن مراتك اللي هاتجيب لك ولي العهد

انس: انتي فاكرة اني هاسيبك دا انا اقتلك واشرب من دمك

ملك: سنسن مش منمن بتقولك كده برده انا عاوزه اقولك حاجة بس اللي عندك اعمله ماشي وحاسب علي المشاريب ماتفكرش ان كل حاجة كده انتهت لأ لسه التقيل جاي..

تيت تيت تيت قفلت في وشه وانا حاسه بانتصار فظيع وقطعت الخط ورميته ...

بصت لي ماما باستغراب:

انتي جبتي القسوة دي منين ماكنتيش كده

ضحكت بانكسار: ربنا مايكتب عليكي قهرة وكسرة قلب واحدة ست جوزها خانها واتجوز عليها احساس صعب اوي صعب اوي يا ماما

حضنتني ماما بس اللي كنت عارفة انها هاتقف جمبي وهاتفهمني عشان كده عرفتها كل حاجة كانت بتنصحني اني ارجع عن اللي في دماغي بس خلاص دي بقت حرب ولازم اكسبها ..

يتبع الفصل الثالث من هنا

روايات شيقة

واحدة ست جوزها خانها واتجوز عليها احساس صعب اوي صعب اوي يا ماما

حضنتني ماما بس اللي كنت عارفة انها هاتقف جمبي وهاتفهمني عشان كده عرفتها كل حاجة كانت بتنصحني اني ارجع عن اللي في دماغي بس خلاص دي بقت حرب ولازم اكسبها ...

انا قصرت معاه في ايه عشان يعمل معايا كده الشرع محلل الشرع محلل دي الحاجة الوحيدة اللي عارفينها من الشرع محلل اربعه ده بس

يارب ريح قلبي ، دلوقتي ميعاد الخطة التانية ودي اللي هاتقلب حياة انس فوقاني تحتاني فكرت كتير وحاولت امنع نفسي بس لأ هو يستاهل...

كنت بفكر في العواقب وهل ممكن ارجع عن اللي عاوزه اعمله وكفاية لحد كده بس قلبي قفل من ناحيته وبقا بيقنعني ان اروح اقتله بس مش هاضيع نفسي عشانه انا هاضيعه هو وبس

بعد يومين عرفت انه بيحاول يتواصل مع ماما وبيقنعها انه هايطلق مني ونرجع لبعض بس نتقابل وافقت اقابله هو مفكرني هبلة تؤتؤ انا مش هبلة انا مجنونة

قابلته في كافيه عالنيل كنا بنتقابل فيه قبل ما نتجوز ..

أنس : فاكرة ذكرياتنا اللي هنا يا ملك احنا ايه اللي وصلنا لحد كده

ملك: انت يا انس مين غيرك يعني

انس: انا اكتشفت اني مش قادر اعيش من غيرك وهاطلق مني واللي في بطنها هياخد كل حقوقه

ابتسمت:

هيا حامل مبروك

انس: بس توعديني ترجعيلي وتنسي اللي فات

ملك: اوعدك بس عوزاك تشوف حاجة قبل ما تطلق مني

انس باستغراب:

ايه

طلعت تليفوني ووريته فيديو عينيه احمرت بعصبية وقام يجري وهو بيصرخ :

الخاينة.الخاينة !

انا مافبكرتش الفيديو ولا عملت فوتشوب أنس اتجوز مني تلفيق الكل كان عارف ان مني شمال ونازل لها فيديوهات عال العال وهو اللي اشتال ..

ياتري هاسمع عنهم اخبار حلوة هههههه ...

فضلت استني واستني واستني بس مافيش اخبار لغاية ما عرفت انه طلقها بس بعد ما فضحها لاا حمش ياض دلوقتي بقا المرحلة الثالثة...

كلمت مني واتفقت معاها نتقابل في نفس الكافية ووافقت. نتقابل الفضول ده بيعمل معجزات جاحدة..

روحت وحاولت امثل وانزل شوية دموع :

انس ده اقذر انسان ممكن الواحد يعرفه شوفي عمل فيا ايه وفيكي

مني: انتي جايباني هنا عشان تشمتي فيا

ملك: تؤتؤ بالعكس انا جايباكي عشان اساعدك واخدلك

حقك جايباكي عشان نكون ايد واحدة

مني: والقصد ايه !

ملك: الوقتي انس لازم يتعاقب ولازم ناخد حقنا منه هوا وامه

مني: انا هاقتله

ملك: وتضيعي نفسك عشانه احنا هانعمل حاجه صغيرة قد كده تدمر حياته لسنين جاية

مني: معاكي في اي حاجة

مسكت ايدها وانا ببتسم التقيل جايلك يا انس جايلك ..

روحت البيت وانا بفكر هانفذ ازاي لحد ما اتصلت بواحدة

صاحبتي وساعدتني جدا في اللي انا عوزاه

كلمت مني وقولت لها نتقابل وانا هاسلمها اللي اتفقنا عليه

مني اكتر واحدة هاتعرف تساعدني نحط له المخدرات في العربية وبعدين نبلغ عنه انس بيشيك علي العربية قبل مايمشي كل يوم عند الميكانيكي لانه مهووس بيها حاجة زي مهوسين النضافة كده بيخاف علي عربيته اكتر من امه

والحلو في الموضوع ان الميكانيكي يبقي ابن عم مني الصدف واللي بتعمله

مني هاتقبلني تاخدها وتقول لابن عمها يحطها في العربية وبعدين نبلغ عنه ويا دار ما دخلك شر وده اللي يبرد قلبي

طبعا ما قولتش حاجة لماما ماكنتش هتوافق وهاتقول اني مش تربيتها وايه اللي حصل لي انا نفسي ماعتش عارفة ايه اللي حصل لي ..

لبست وانا بتنهد بصعوبة ياتري اللي وصلت ليه ده صح انا حاسة ان شيطاني اللي بقا متحكم فيا هو جرح قلبي لدرجة كسرتني بجد

مشيت وانا بقول لأ هو يستاهل وبعد ما يتسجن ويعرف ان انا ومراته السبب هايحس باللي انا حسيت بيه ازاي اكتر حد بتحبه يجرحك .

لقيت مني قاعدة علي الكافية روحت لها وقعدت ..

مني: ها عملتي ايه !

ملك بابتسامة: كله تمام جه وقتك بقا انتي اللي عليكي التنفيذ

طلعت شنطة سودة من شنطتي بخوف وانا ببص يمين وشمال ..

وادتها ليها في نفس الوقت لقيت البوليس فوق دماغنا

بصيت لها بخوف ...

وقفت مني وهي بتضحك ضحكة صفرا خبيثة ولقيت أنس جاي علي بعيد ..

انس بابتسامة:.

وقعتي في شر اعمالك ياقطة ههههههه كنتي عاوزة تدخليني السجن ظلم والكره عماكي وانتي اللي هاتدخلي السجن

بصيت حواليا يعني ايه كده خلاص اتفقتوا عليا وانا اللي ضيعت في الأخر لأ طالما ضيعت يبقي ماعتش فارق

لقيت شوكة علي الطرابيزة خدتها بسرعة ورشقتها في قلبه

البوليس مسكني شديت مسدس من مسدساتهم ..

كانوا خايفين وبيرجعوا لورا ..

ملك: اللي هايقرب مني هاموته ابعدوا ابعدوا

وطلقة ورا التانية ورا التالتة في قلب انس ومني كنت بضحك وفي نفس الوقت بعيط

وقع علي الارض جريت عليه وحضنته:

كده يا انس هههههه شوفت قولتك قبل كده ماتخونيش انا مجنونة ما سمعتش كلامي ليه لييييييه.

يتبع الفصل الرابع من هنا

روايات شيقة

وقع علي الارض جريت عليه وحضنته:

كده يا انس هههههه شوفت قولتك قبل كده ماتخونيش انا مجنونة ما سمعتش كلامي ليه لييييييه

انا حبيتك اكتر من نفسي ولما جرحتني كرهتك اكتر من نفسي شوف وصلتنا لفيييييين ايه ده هههههه انت موت ولا ايه لا اصحي انا لسه هانتقم منك هههه اصحي انا هانتقم منك بس مش هئذيك مش هاتموت هاتفضل عايش اصل مش هاينفع تموت عشان انا مش عوزاك تموت انت مش بتتكلم ليييه

قوموها البوليس .

ملك: استنوا هههه دا نايم بس وهايصحي اصبروا انا هافوقه انس اناااااااااااس انااااااااس عااااااااااااا اصحي يا أنس اصحي

حطوا الكلبشات في ايديها وهيا بتبص عليهم زقتهم وطلعت تجري علي الشارع وهي بتنده باسمه انااااااس

لحد ما مسكوها.....

في مكتب الظابط كانت واقفة بتضحك بهيستريا .....

دخل انس ومسكها من ايدها ومشت معاه

ملك: انت كويس هههه يعني ماموتش اهو

انس حضنها ومشي معاهاا...

كانت امها بتعيط وهي بتبص عليها وهيا رايحة جاية بهيستريا في الاوضة

كان لازم تقف معاها بس مش في الكره الكره والغل بياكل صاحبه وده اللي حصل معاها الشيطان اتملك لدرجة كبيرة جدا ..

خلاها تفكر في حاجات عمرها ما كانت تقدر تعملها بس الشيطان شاطر زي ما بيقولوا...

تحول لمستشفي الأمراض النفسية والعصبية دي كانت كلمة النيابة..

خدوها وهي بتضحك لحد ما دخلت مستشفي المجانين ...

وقفت علي بلكونة من البلكونات وهما مشغولين عنها وهي متخيلة انس واقف تحت وبيقولها تعالي

ضحكت وقالت بصوت عالي:

انا جايالك ..

ونطت وقعت من ارتفاع عالي والدم حواليها.....

بيجي مشهد انهيار امها وهي بتبص لام انس:

كده انتي ارتاحتي حرام عليكي ربنا ينتقم منك ربنا ينتقم منك ...

بتشهق ملك بخضه وبتصحي من النوم بتلاقي انس جمبها ...

بتحضنه وبتبوس رقبته...

انس بيبتسم:

حد كده ينام ليلة دخلته طب منظري هايبقي ايه قدام امك والعائلة الكريمة ...

دا انا كنت محضر لك بروجرام هايل جدا

مسحت عرقتها:

بروجرام ايه

انس: مالك الاول

ملك: لا ولا حاجة حلمت حلم خير اللهم اجعله خير احكيلي انت ايه هو البروجرام ...

انس : بصي يا ستي ....هو كان كده في دماغي ...

انا هاقول :

فين السوسته ؟! السوسته فين يا هانم ؟!

-انتي هاتقولي:

-‏سوستة ايه يا أنس مالك ؟!

هاترجعي لورا وانتي خايفه من عصبيتي وتسالي نفسك دا كان مبسوط وبيرقص في الفرح ماله وبعدين تسأليني :

- مالك يا انس فى أيه ؟!

سوستة ايه ؟!

اتنهد وانا بهرش في شعري واهز راسه واضرب كف في كف بيأس واقول:

- الفستان من غير سوسته ليه يا هانم ؟!

- اومال انا المفروض هساعدك فى ايه مفيش معلومات خالص فى التاريخ كده

فانتي هاتردي:

انس خضتنى ، انت بقيت سافل اوى اوى

فهكمل بمشاكسه وسفالة:

-هشش كفايه ضيعتى التاريخ نركز بقى فى الاحياء مش هنقضيها رغى

واشتالك بين دراعي واضمك لصدري واغمز بعينيا:

- " السفالة كنزًا لا يفنى " هو انتي ماتعرفيش ولا ايه

انتى متعرفيش المقولة ديه ولا ايه ؟!

بعدين خدى بالك انا لو مش وقح كده النهارده الناس تاكل وشى واولها نبع الحنان اهااا

وانا مش ناقص فضايح فى المنطقة فاديني فرصتي بقا ادوني فرصتي

وبعدين هاطلع أجري علي اوضه النوم وانتي بتضحكي ...

وهاقولك برومانسية:

انتي عارفه اني بحبك

فانتي هاتردي:

وانا كمان بموت فيك

فانا هاقولك:

طب يلا عشان نثبت الكلام ده

ملك: وبعدين

انس بغمزة : يلا نثبت الكلام ده

رفع اللحاف عليهم وبعد كده نزلته بشهقة وكأنها مصدومة

انس: مش وقت صدمة خالص دقت ساعة العمل !

بعد سنتين ..

_انتي بتقولي ايه يا شهد استحالة أنس يكون اتجوز عليا

* انا ما قولتش انه اتجوز عليكي يا ملك انا قولت اني شوفته قاعد في كافيه مع واحدة وقعدتهم ماكانتش بسيطة كان واضح انهم اخدين علي بعض اوي

روحت البيت بدون سماع اي كلمة زيادة معقول الحلم هايتحقق بكل تفاصيله تاني .....

يتبع الفصل الخامس من هنا

روايات شيقة

بعد سنتين ..

_انتي بتقولي ايه يا شهد استحالة أنس يكون اتجوز عليا

* انا ما قولتش انه اتجوز عليكي يا ملك انا قولت اني شوفته قاعد في كافيه مع واحدة وقعدتهم ماكانتش بسيطة كان واضح انهم اخدين علي بعض اوي

روحت البيت بدون سماع اي كلمة زيادة معقول الحلم هايتحقق بكل تفاصيله تاني .

دخل انس وطلبت دليفري وحطيت الأكل اكل ودخل نام

دخلت اشوف قميصه وانا بفتكر الحلم بحذافيره ..

ولقيت عليه بوسه حمرا دخلت المطبخ بعصبية لأ ما انا مش هاستني يحصل كل ده واتجنن انا هاخلص بدري بدري

جبت سكينة وفتحت النور عليه ودخلت بعصبية بص عليا واتفزع لما شاف السكينة ووقف فوق السرير .

انس : والله ما خونتك والله ما حصل حاجة

ملك: اومال تفسر البوسه دي بايه يا استاذ يا محترم اتجوزت مني بنت خالتك هاااا

هجمت عليه وهو بيجري:

والله ما عندي خالات ولا اولاد خالات من اساسه انا امي وحيدة

ملك: امك اقنعتك تخرب بيتك

جري منها:

امي والله بتحبك وغلبانة وماعملت حاجة

ملك : اومال ايه البوسة دي

انس: اهدي بس وانا هاحكيلك كل حاجة

ملك: تعالي اقعد جمبي واحكي

انس: لأ هنا كويس

ملك: هاتحكي لي وانت فوق الدولاب يا انس انزل

انس: علي ضمانتك هااا

ملك: اخلص

نزل انس وقعد جمبها علي السرير ومسح عرقه:

حرام كده يا حبيبتي انا كده قطعت خلف

ملك: اه عشان فضلت سنتين قولت تاخدها فرصه وتقول اني مش بخلف صح

كانت فوقه وماسكه السكينة

انس: والله ما حصل وعزة جلال الله انا مابفكر في جنس الحريم غيرك هو اللي يعرفك يتجوز غيرك بصي بس اهدي وانا هاحكي كل حاجة ..

اللي علي القميص ده قلم أحمر ..

ملك: عبيطة انا عشان اصدق صااااح

انس: كنت عارف عشان كده امنت نفسي واحد زميلي عكني بيه وهو واقف جمبي بعلمه حاجة علي الكمبيوتر طفح وعمل الشكل المخزي ده

فا انا جبت ورقه وخليت كل المكتب يمضي عليها ان ده اللي حصل ستات وحريم عشان ماتقوليش انهم رجالة وهايساعدوني يعني

قام انس وجاب الورقه لملك وملك شافتها ..وبعدين بصت ليه وحضنته بحب...

انس: يا حبيتي بطلي شك فيا بقا ارجوكي

ملك: انا بحبك اوي اوي يا حبيبي بحبك اوي ..عشان كده بغير ....ماتيجي هاااا

انس : لا اسف انا دمي هرب هااا مش هايهرب سوري يا ماما سوري انت شكلك بتبوظيني عشان لا انفعك ولا انفع غيرك

قربت عليه بالسكينة :

وتنفع غيري ليه هاااا وتنفع غيري ليه ؟!

انس: مش قصدي عاااااااا

سن السكينة بيجي في دراعه بيشوف الدم بيصرخ بهيستريا:.

عااااا منك لله ياملك يابنت ام ملك منك لله

بيدخلوا المستشفي وانس لسه بيصوت وملك بتهدي فيه لحد ما بيعقموا له الجرح وبتدخل الممرضة وبتخرج.

ملك بتبص ليه ..

انس بخوف: في ايه؟!

ملك: انت بينك ايه وبين الممرضة يا انس بتخوني عشان بقالي سنتين مش بخلف

انس:...........

ملك: امك اللي قوتك صح

انس: ..........

ملك: تبقي بنت خالتك صح

سيبونييييييي هانتحر هارمي نفسي من البلكونة سيبونييييي

ملك: خلاص انا اسفة يا انس اسفة اخص عليك يا خاين عاوز تروح لحبيتك القديمة اللي ماتت وتسيبني وتتجوزها في الآخره ...مالك انت بوقك اتعوج ولا ايه في ايه انس انت مش بتتكلم ليه انس !

حبيبي انت مالك طب اجبلك دكتور .....انس اه كلامي بقا وحش بالنسبة لك صوتي ماعدش يلذ صح اللي بتخوني معاها صوتها احلي اهئ اهئ ليه كده ليه كده انس انت مش هاترد برده! انت مغمي عليك ولا ايه عشان تحلم بيها رجالة خاينة

روايات شيقة