رواية هايم في بحر الشوق و لذات هيامك الفصل العاشر 10 - بقلم غير معروف

انا اطالع خلود الي عينها امتلت بدموع فجاه . .
انا مسكت ايدها : خلوووود . .
خلود تبتسم وتمسح دموعها : لا تفهميني غلط بنت عمي . .
انا : الا انتي لو تسوين الغلط واشوفج بعيني ما اصدق . . اعرفج بنت عمي .! كبيره في عيني والله . .
خلود تمسح دموعها . .
انا : عورج قلبج . . حسيتي بشوق وحنين للحب الي كنتي تكنينه له صح ؟
خلود تطالعني : لااااا مهره لا طبعا لا . . فكرج راح وايد بعيييييييييد . . انا مش متحسفه والله . . ولا مش مشتاقه ولا حنيت . . انا فرحانه لعنود . .
انا انصدمت من ردها . . ماتوقعته !!!!! لو انا مكانها ما اظن تطلع مني هالكلمات وربي . .
خلود : عنود عانت سنيييين وانا كنت اشوف وساكته ما اقدر اسوي شي . . والحمدلله جدام عيني شفت الامور كيف تتحسن اكثر واكثر . . فرحني الشي . . عنود اختي مهور انتي تعرفين كيف احبها واموت فيها والنصيب خلاها تاخذ الي انا احبه ورصيت ع قلبي وماخسرتها ولا بينت لها مره وحده ان الي خذته كان عشقي وكان بيكون نصيبي انا لاني احبها والله . . وفرحانه لها فوق ماتتصورين . . فرحانه للتغير الكبييير الي صار بينها وبين عبدالله . . قبل لما اسمع منها قسساه وجفاه وضربه وتعامله اتالم اكثر منها والله . . اما الحين احس الارض مش شايلتني من الفرحححححه عشان جي نزلت دموعي بدون ما احس . .
اناا : فديت روحج يا بنت عمي . . فديت روحج . . والله يا خلود مالج مثيل . .
خلود : خربتي مكياجي ليش خليتيني ارمس الله يهديج " تبتسم " بروح الحمام اعدله
انا ابتسم : زين فديتج . . تعاليلي عقب بشوفج بطمن ع ويهج . .
خلود : هههههه انزين . .
شوي ومسكتني وحده وسلمت : مرحبا . .
انا اطالعها : شهود . .
وسلمت عليها . .
شهد : انتي وينج ؟ عازمتني وما تين تستقبلين وادقلج بعد ماتردين
انا كنت مطرشه بي سي وعازمه الكل ع العرس .! بس ماتوقعت انها تي . .
انا: اسمحيلي صارلي شي .. حقج علي . . وين سايره ؟ توا الناس
شهد : انا من زمان اهني بس ما جفتج لين نزلتي العروس وكنت بي بسلم عليج بس اختفيتي وتميت اترياج وايد
انا : والله حقج علي انا قليله ادب ما استحي عويهي
شهد : ههههههه لا افا عليج لا تقولين جيه . .
انا ابتسم : تعشيتي ؟
شهد : هيه العشا غاوي . . الله يهنيهم ان شاء الله وعقبالج
انا ابتسم : ان شاء الله خير . . عقبالج انتي
شهد ترفع ايدها : الله يسمع منج
انا : اوب اوب مشتطه ع العرس هاه هههههه
شهد تبتسم : منو ما يبا يعرس . .
انا : الله يوفقج يارب . .
شهد : يالله انا بروح الدريول يترياني . .
انا : زين فديتج الله وياج . .
وسارت . .
شوي يتني عنود . .
عنود : تعرفينها . .
انا باستغراب : هيه ويايه فالكليه ليش ؟
عنود : ماعرف . . بس حسيتت شي غريب . .
انا : شهالغريب . .
عنود : احس انها تعرف مروان . .
انا شهقت : شو . .!!!
عنود: نظراتها كانت طول الوقت اهناك ولاحظت حركات وتبتسم وتستحي
اانا : مستحيل . . مروان متفيج لها هالوقت .!! فكري فيها بالعقل
عنود : عيل مادري كانت تطالع حد وتضحك وتبتسم بس ماقدرت ألقط منو . .
انا استغربت . . .
عنود : البنت حبوبه انا استقبلتها وقالتلي انها ربيعتج وتعرفج وماقصرت فيها وهي الله شاهد حبابه وتدش القلب . . لكن مادري مادري يمكن هي كانت تطالع حد من البنات وانا فهمت غلط . .
انا : يمكن . .
تسكرت الليتات وفجاه حسيت قلبي انقرص . .
عنود تطالعني بتركيز : شفيج . .
انا : هاه
عنود تمسك ايدي بقوة . .
نزلت نورة وهي تبتسم . . ماحسيت فيها جمال ابدا . . يمكن لاني ااكرهها ؟؟ تعديلها بايخ وطالعه خسسفه وفستانها صح اوروبي لكن خسف خسف مش حلو . .
نزلت وتمت تمشي وتتمخطر . . ماحسيت انه فيها خوف . . احسهاا تمشي بثقه عميا . . اكرهها . . من قلبي اكرهها . .
مشت ولما وصلت للمكان الي انا فيه ابتسمت بنصر . . مادري ليش قلبي نغزني بالقو . . احس بألم من داخلي . . يمكن ع كثر ما تأذيت من الشخص الي بياخذها وع كثر ما حسنت فيه الظن وخيب ظنوني . .
تميت قاعده ف الطاوله الي قعدو فيها البنات . .
كانو مسوين يوله وصدع ـه فالبدايه عشان العروس شماني ومالهم حق اهل نورة يصعدون اما من انزفو المعاريس قعدو البنات ف الطاولات ومحد فيهم اتحرك . .
حسيت نظراتهم كلهم علي . . الكل يطالعني ويبا يشوف رده فعلي . . تميت ابتسم واحاول ابين اني عادي قد ما اقدر . .
عنود : مهور حبي لو ماتبين اتمين روحي . .
انا : لا بتم . .
وصلني مسج " شوي وبي سيف . . تغطي عدل "
رديت ع وليد ( ان شاء الله )
وليد " خلج قويه "
رديت عليه ( انا قويه اصلا )
وما رد علي . . قعدت نوره ع الكوشه . . وتيمعو معارفها وحرمت عمي حمد المكاره .!
كيفي كيفي مكاره . . تضحك ومستآنسه فيها . . حتى لو بنت اختها مادري بنت اخوها احس شوي وبتبوس ريلها . . عمرها ما سوتلي ولا عطتني اهتمام وحب ولا نظرة حتى احس فيها انها تحبني . . مالت . . استغفر الله يارب سامحني . .
ميره : اييه ارمسج
انا نقزت : شوه فيج
ميره : بلاج سرحانه ف اميه
انا : ما اطالعها اصلا
ميره : انزين انا بروح عندها سيف معصب علي يقولي ليش محد من بنات عمي تام ويا حرمتي . . مادري منو موصل له الخببر بهالسرعه !!!!!!
انا : برايج ميروه مهما كان هاي تقربلج والحين صارت حرمت اخوج ! لا تدخلين روحج بالمشاكل الي مرينا فيها . .
ميره : انزين بقولج شي بعد
انا : قولي
ميره : لما دقلي سألني عنج
انا حسيت قلبي انقرص : شقال
ميره : قال مهره يايه ولا . .
انا : شو قلتي له
ميره : سكرت فويهه اونه قطع . .
انا بلعت ريجي . .
ميره : الحين ترا بي . .
انا : انزين برايج يالله روحي . .
وراحت ميره وانا تامه اطالعها لين راحت . . عقبها بشوي حطو شعر باسم سيف . . غمضت عيني وانا في بالي شي والله ماقصدت انه يمر ف بالي لكنه مر وانعصر فوادي . .
>
<
>
انا : ههههههههههه لالالا انا بخطط وبكتب الشعر وكل شي
سيف : انتي تعبير عمرج ما كتبتيه صح كله تيني اكتب لي اكتب لي بتكتبين شعر ف عرسنا
انا : من الحب المفشششع والجميل بيطلع كلام الحب
سيف : ماقدرلج ..
انا : ولا بتقدر . .
سيف : انزين قوليلي شو بتكتيبن
انا : لا خلها لين حزتها وروحي ببدع . . بيطلع الكلام من قلبي وبيترتب ترتيب عدل
سيف : لهالدرجه تحبيني . .
انا سكت . .
سيف : قولي . .
انا : يعني اونك ما تعرف . .
سيف : اعرف . . العالم كله يعرف كيف ماتيبني انا اعرف . .
انا : . .
سيف : اصلا يضربون بحبج المثل . . وصلتج رمسه عن مروان الجمعه الي طافت شـ قال ؟
انا : لا شششقال . .
سيف : قال ابا وحده تحبني شرا حب مهره لـ سيف . . هذا وانتي ماترمسين الكل يشوف بعيونج
انا : شسوي عيني كاشفتني . . حبي مفضوح والله . .
سيف : ههههههه فديت
انا : تتفداني . .
سيف : لا . . انا قلت فديت بس ماقلت فديت منو
انا مبتسمه : متى بتقولي فديتج . . حبيبي . . احبج . .
سيف : تبين تسمعينها مني
انا : اكيد لو ماا ابا اسمعها منك ابا اسمعها من منو . .
سيف : في يوم بتكرهيني فيه ؟
انا : شو هالكلام فجاه
سيف : بي يوم من الايام بتكونين عني بعيده ؟
انا : يوم بموت
سيف : بعيد الشر عنج بنت عمي . .
انا : مستحيل حد يفرقني عنك ماراح اسمح لاي حددددددد . . انت لي . . انت مكتوب لي . . مستحيل اكرهك ومستحيل ابتعد عنننك . .
سيف : ادري . .
انا : متى نعرسسسسس
سيف : لهالدرجه وايد تبيني . .
انا : انت روحك تعرف من غير ما اقول . . يالله عاد اتحرررررررك ولا باخذ غيرك
سيف : بقص لسانج لو عدتي هالرمسسه مره ثانية . . مهره لسيف . . وسيف لمهره . . بس . .ووووو اهني ينتهي الكلام ّ! فهمتي . .
انا مبتسمه : فهمت . .

إضافة رد
اسطورة ! 10:54 PM 08-10-13
خطف جدام عيوني وهو فالكوشه وما لاحظني . . حسيت عيني تبرق من هالذكرى الي ماتوقعتها تمر . . ذكرياتي معاه كنت اتناساها قد ما اقدر وما افكر لكن لازم يكون في شي اقوى عني . . !!! اتنهدت وغمضت عيني وفتحتها على ايد امايا . .
امايا : اميه مهره . .
انا ماحسيت بروحي وحظنت اميه . . خذت منها القوة . . ماكنت ابا اصيح . .
رن تلفوني شفت ان وليد . . لكن ما رديت . . قلت بسوي الي فراسي وبسلم وعقب بظهر لوليد وبنهي كل ها . . مثل ما قال وليد انا محتاجه لهالموقف ومحتاجه اني اصد سيف وابين له اني قويه وبكمل حياتي بدونه وانا سعيدة . . حاولت اتجنب سلامه لها وبوسته لها وما اشوف كيف نظراته . . تميت شوي ومن شفت الناس تهلي تسلم وتروح . . قمت . . لكن ريولي ما شلتني تميت واقفه والحريم يخطفن جدامي ويتعدوني وانا ضايعه ماعرف شسوي لين عضيدتي واختي مسكت ايدي بقوة ومشتني معاها . . اطالعتها وماشفت الا ابتسامتها . .
عنود : وليد وصاني وكان حاس انج مابترومين ف اخر لحظة . .
انا اطالعها : الي اسويه صح . .
عنود : ترومين تتراجعين . . لكن بيفهم حزنج ! وبيفهم انج زعلانه وبعدج تكنين له مشاعر . . لكن بروحتج لهم بتبـينين لهم هم الاثنين انهم ولا شي وانج بتكملين حياتج سعيده مع اختيارج الي اخترتيه . .
انا ابتسمت . . ومشيت وانا قابضه ايدها ولما قربنا نوصل هدتني وسارت قبلي . .
عنود تسلم ع نورة بالايد : مبروك . .
نورة : الله يبارك فيج حياتي تسلمييين . .
عنود تطالع سيف بدون ابتسامه و بملامح جاده : مبروك . .
سيف : الله يبارك فيج . . " عينه يت علي "
انا حاولت اتصنع نظرات القوة . . هيه ماجذب عليكم . . وربي كنت ضعيفه بهاللحظه . . تعرفون كيف شعوري ؟ مثل السيف الطويـل المخشوش ع قلبي وانا قاعده اتجدم وهالسيف يطعني اكثر كل ما اتجدم ويدخل ف قلبي اقوى واقوى واحس بقوة الالم ! هذا شعوري واحساسي بهاللحظة . . برغم هالشي كنت اتصنع القوه بعيوني بس لكن ايدي الي يلحظها بيشوف شي ثاني عشان جي حاولت اخشها بالعباه . .
حطيت عيني ف عينه وعينه ما خازت عن عيني . .
نوره حتى من نظراته تمت تطالعه . . جنها تبي تقوله انا اشوفك !!!! لا تطالع مهره جي !! لكنه ابد ماعطاها اعتبآآآر . . نظراته كانت مفضوحه حيل
انا ابتسم : بالبركه ولد عمي . . " ابتسمت اكثر " الطيبون للطيبات " نعزه " الله يوفقك ان شاء الله . .
صديت ع نورة وماسلمت بالايد ولا تقربت منها وانا مكاني قلتلها : مبروك . .
نورة تمت تطالعني وتطالع سيف الي ما يوخر عينه . .
لما ييـت بعطيهم ظهري وبمشي مسك اييدي . .
سيف : لحظة . .
رجع لي شعور الخوف . . ذيج الليله . . هذي المسسسكه . . ارتعش قلبي وفزيت من الخوف وحسيت نورة فهمت الشي غلط . . فهمت الي صار ان يتني قشعريره من لمسة ايده لكن وربي الخوف الي رعشششني رعش . .
انا تميت اطالعـه : وخر ايدك عني . .
سيف : لا تروحين . .
نورة : سيف . .
سيف يطالعني ومتجاهلنها : تقدرين تكونين مكانها لو نطقتي بحرف بس الحين . .
انا اطالعه ومصدومه من كلامه . .
سيف : ارجعيلي . . بعوضج عن كل شي . .
ميره يت : سيف هدها عن حد يلاحظ . .
وشوي شوي تقربو بنات عمي عشان يغطون علينا ومحد يشوف شي . .
حرمت عمي حمد : انتي شو ياااايبنج لين اهني . . روحي حتى وانتي فالعرس بتسوين مشاااكككككل . .
ميره : اماآآآيآ !!!!!!!
سيف يطالع امه : لا ترمسينها . . لو عندج شي كلميني انا . .
انا اطالعه : هد ايييدي . .
سيف يرص باقوى . .
ميره : سيف لا تفضضضحنا . .
شيخه : ولد عمي خلاص بلا فضايح . .
نورة تطالعني بشششر ومصدومه . .
سيف : ارجعيلي . . انا خسرتج بايدي ارجعيلي انا ندمان . .
عميمه بكل قوة سحبت ايد سيف عن ايدي . .
عميمه بعصبيه : سيف احترم روحك احنا جداااام الناس لا تفشلنا وتخلي العالم كله يتكلم علينا وعلى الي يصييييييييير . .
نورة : سيف انا اهني . . قدرني
سيف يطالعني . .
انا : انا نهيتك من حياتي . . حياتي فيها وليد بس . . مافي انسان غيره
وعظيته ظهري ومشيت !!!
سمعت اسمي علسانه يزقرني .. لكنه طنششت ومشيت وقفيت . . وصوته بدا علي وبدو بنات عمي يزغرطون ويتصنعون الضحكك عشان يغطون ع صوته ومحد يلاحظ شي . . كنت ابي اخلص من كل هذآآ بسسسرعه . . قلبي يدق بقوة . . ومن ابتعدت عنهم رحت الحمام ودقيت لـ وليد الي من اول رنه رد
وليد : الو . .
انا : وينك
وليد : برع . .
انا : بييك الحين . .
وليد : يالله اترياج . .
وسكرت عنه وتغشيت وطلعت . . مشيت بسرعه لين لمحت سيارة وليد وبطلت الباب ودخلت . .
تميت متغشيه ما اتكلم . . ولا اتحرك . . مجرد ما دخلت وركبت اتصنمت . .
ماشفت من وليد ولا اي رده فعل ولا اي كلمه ولا اي حرككه ابد . . وانا تامه متغشيه ولا فصخت الغشوه وتامه دموعي تنزل بغزره . . دمعه ورا دمعه . . قلبي محروق حرق ومشاعري فايضه واحس بتعب فظيع . . من وقف السياره ف مكان ماعرف وين . . حطيت ايدي ع ويهي فوق الشيله وانهرت صياح بصوت مسموع . . تميت اصيح واصيح واصيح واصيح وما حسيت بروحي شكثر صحت !!!

إضافة رد
اسطورة ! 10:55 PM 08-10-13
البارت الـ 26
يوم الجمعه . . بعد اسبوع تقريبآ من زوآج سيف ومروان . . الساعة حاليا 2 الظهر . . انا قاعده امشي رايحه عند الحريم اسااعدهم عشان نحط الغدا . . لان كلنا يايين العزبه هالجمعه بما ان الجو غرآآم . . كان يدي هو الي مقترح الفكره ف الكل تجمع بدون اي نقاش مستحيل حد يرد له طلب . .
وانا امشي كنت ماسكه البي البي واسولف ويا شهد . . فهالاسبوع وايد كنا نرمس بعض !
امايا : اميه مهره تعالي شلي الجدر الصغير . .
حطيت الفون ف جيب المخورة السودا . . طبعا كلنا البنات ندور بمخاوير وشيله اليوم فالعزبه
شليت الجدر . .
مشيت شوي ويا شل عني الجدر . .
انا : اروووووم اشششله . .
وليد يطالعني ويبتسم وشله عني وسار . .
رجعت مره ثانيه عند امايا لكن البنات والخدم شلو كل شي . . بقت السلطات بس . . شليت صحنين ورحت صوب السفره وحطيته . .
مايد : قواج الله بنتت عمي . . هاييل البنات السنعات . . " يطالع ميره " مش هاييل الفاسدات . .
عمي سعيد يبتسم : هييييها . . الحين صارو فاسدات . .
ابتسمت . . عمي سعيد ( ابو وليد وشهاب ) عسسل . . غير عن باقي اعمامي . . يمكن لانه اصغر واحد فيهم ف فاهم الاوضاع ومتعايش الجوووو وفرفوشش . .
مايد : يبالك حرررررمه عمممممي . . لين متى بتم عزوبي . .
عمي سعيد : يالله ع ايدك . .
انا : صدق عممممميه . .
عمي سعيد يسوي حركه المينون ف ايده صوب راسه : ها خبله ماعليج منه
شهاب يبتسم : والله يا ابويه احسن لك بدال الوحده ..
وليد : بعد عيالك موافقين شو تبا اكثر . .
عمي حمد : غايتتته عيل سعيد . . تزوج
يدوه يايه وماسكه الملاس : منو بيتزوج . .
كلنا ضحكنا . .
يدوه : شيييييييبه . . شعره ابيض . . وين فيه حيل للزواج
عمي سعيد : وين شيبه امايا بعدني الله يهديج . .
يدوه : خلصو بنات العايله . . ماشي وحده تناسبك . . ياللله بس ياللله . .
عمي سعيد يطالع شهاب وشهاب ابتسم . . ماتحسس من الموضوع . .
يدوه تيب صحن صوب شهاب : اندوك ابويه شهاب . . هاي السمجه الي تحبها ماشي لاا ثنتين وحده حقك وحده حق يدك . .
شهاب يبوس ايد يدوه : مشكوره اممميه . .
وليد : هيييييييييييييييييها يا يدوه . . هيهها . . الحب حق شهاب الحييييين . .احنا خلاص راحت علينا . .
ميره : ريال طوله طول وعرضه عرض العزبه ويدلع ع يدوه . .
وليد عاقد حياته : أنتي شعندج رازه ويهج . .
مايد : تقول رايها صدقها
عمي سعيد : نطق نطق محامي الدفاع . .
وليد يطالع مايد : طع ويهك انتتتتته . .
خلود : عنوووووود ايلسي عدل مش زينه هاليلسه انتي حامل يا حيوااا
وماكملتها لانها احترمت الكبار القاعدين . .
راشد : يالله يدوووه اغرفي انا ميت يوع . .
حرمت عمي خالد : اصبر يا ابويه خل نحط حق الكبار اول . .
مايد : يعني امايا متى بي دورنا ميتتتتتتتتتتين يوع . .
يدوه معصبه : يوع الربوووووع . . اعنبوه اكثر واحد تاكل ويوعااااان . .
ضحكنا . .
وليد يطالعني : شفيج ساكته . .
انا اطالعه : مافيني شي . .
وليد : ماشوفج ترمسين . .
رقوي طبت : مهروووووووووو . .
انا نقزت : شوووو . .
وليد يطالعها : بلاج انتي طيحتي قلبها . .
رقوي مطنشتنه : لزي بيلس عدالج . .
شهاب قاعد حياته ويطالعها . .
انا كنت يالسه فالنص ع يميني وليد وع يسار شهاب . . وهي تبي تيلس حذال شهاب . .
انا اطالعها : بنت عمي عن الاستهبال بياكلونج . .
عمي حمد :رقيه !!!!
عمي خالد بعصبيه : رقيه شعندج وافقه ع راس شهاب ..
رقوي : انا مش عراسه كنت ارمس مهووووووور . . احين بيلس مناك . .
وسارت تيلس حذال ميره ..
شهاب : وش ذي الهبله . .
انا اطالعه : بس خلاص
شهاب : وربي ما اطيقها ولا اطيق حركاتها
انا : شهابو حرام عليك هاي ياهل لا تاخذها ع تصرفاتها ما تفكر تراها . . اي شي يي على بالها تسويه ما تحاسب . . ولا حد عاقل وكبير ما بيحط اعتبار للكبار والموجودين وبقوة عين تي تقعد حذالك ! الا اذا كانت جد ياهل . .
شهاب يطالعها وكانت تشرب العصير ولما شافت انه يطالعها جان تشهق وانجب العصير كله عليها . .
شهاب : استغفر الله
ميره تشهق : خيسسسسسسسسسسسستيني . .
شيخه : انتي حوله ما تشوفييييييييين
عمي خالد : انتي متى بتععقللين . . والله انتي يبالج عقال يأدبج . .
يدي بعصبيه : خالد . .
عمي خالد : ابويه مفففففلوعه مخها طاير . .
يدي : بس خلاص . .
انا مديت لها كرتون الكلينكس . وكانت تنظف عمرها ودموعها تنزل . .
صديت لقيت شهاب يطالعها . .
انا : كسرت خاطرك . .
شهاب : لا . . بس اول مره اشوفها مؤدبه
انا : ههههههههه ..
رقوي تطالعنا : ليش تطالعوني . .
عمي خالد يطالعها بنظرة . .
رقوي : يعني شو اموت ما اتكلم ويا حد ببببببعد . . " تصيح " كله تهززززززززبوني
وقامت من ع الاكل . . شوي وردت شلت صحنها وهي تصيح وردت تروح وضحكنا عليه
شهاب ابتسم : روحي جوفيها . . انا متاكد انها قاعده تلحس الصحن وتتحرطم
انا كنت يايه اقوم بس وليد مسك ايدي : وين ..
انا : بجوف بنت عمي
وليد : ماتعرفين رقوي ؟ شوي وبتي ولا جنه شي صار . . قعدي كلي . .
يدوه : شوي شوي ع البنت خالد لا تصارخ عليها
عمي خالد : امايا والله مشيبه راسي . .الكل يشتكي منها . .
مايد : يدوه انتي اكثر وحده تهزبييييينها
يدوه تضربه ب خاشوقه : انا يدتها انصصصصحها . .
مايد : اآآي . . انزين هو ابوها ينصصصحها بعد . .
يدوه : واحين احنا كبار نتكلم انت ليش ترد . .
ميره تضحك : ههههههههههههههههههههههههههههههههههههههههههه قفطوه
مايد يطالعها ..
ميره بصوت واطي : مصصصصصصخره . .
وليد يبتسم : والله بينجكون هالاثنين . .
انا : ههههههه . .
شهاب يصد ورى كل شوي . .
انا اطالعه: ششششششفتك . .
شهاب يطالعني : كلي كلي . .
وقام . .
يدوه : ويييييين شهاب ما كلت شي
شهاب : الحمدلله يدوه شبعت . .
يدوه : اييييلس كل ماخلصت . .
شهاب : كلت يدوه والله الحمدلله . .
وقام . .
يدي : مهره وين . .
انا : انا اهنيه ابويه موجوده . .
يدي : تاااكلين ابويه عدل ؟
انا : هيه ابويه اكل عدل فديتك . .
شيخه : اشمعنى يديه اشششششمعنى . .
ميره : هييييييي الحب بس حق مهررروووو . .
خلود : ماعليه يديه زعلللللت ..
مايد : عاد قوم يود غيره البننننننات ..
يدي يبتسم . .: فديتكم كلكم . .
عمي حمد يطالعني وبادلته نفس النظرة . .
عمي حمد : لما الكبار يطالعون تنزلين عيونج . .
وليد بصوت واطي : ما يرتاح الا لو نكد الجو . .
عميمه نورة : مكان سيف خالي والله . .
يدوه : عاد حبيب قلبج سيف انتي
عميمه نوره : هيه فديته غالي . .
ميره : حتى اخويه مروان فديته مكانه خالي . .
حرمت عمي خالد : اليوم رمسته هو وشماني . . مستانسين ف ماليزيييا . .
عميمه نورة : انا قلت حق سيف احجز سير وياهم رباعه بتستانسون . . ماطاع . . يالس ف دبي . .
يدوه : دبي غاويه جنها بلاد برع . .
عمي سعيد يطالعني انا و وليد : انتو ما قررتو وين بتسيرون . .
حسيت باحرااااااااج واتفشششلت . . .
حرمت عمي خالد : ليش حددو موعد العرس ؟
اميه تبتسم : هيه عقب شهرين ان شاء الله . . مهره بتكون عندها اجازه
يدوه : الله يوفققققككم يآآآرب . .
موعد العرس تحدد ف ذاك اليوم .. ذاك اليوم الي طلعت فيه من العرس وانا قابضه عمري وركبت السياره وقعدت اصيييح !
تميت متغشيه ما اتكلم . . ولا اتحرك . . مجرد ما دخلت وركبت اتصنمت . .
ماشفت من وليد ولا اي رده فعل ولا اي كلمه ولا اي حرككه ابد . . وانا تامه متغشيه ولا فصخت الغشوه وتامه دموعي تنزل بغزره . . دمعه ورا دمعه . . قلبي محروق حرق ومشاعري فايضه واحس بتعب فظيع . . من وقف السياره ف مكان ماعرف وين . . حطيت ايدي ع ويهي فوق الشيله وانهرت صياح بصوت مسموع . . تميت اصيح واصيح واصيح واصيح وما حسيت بروحي شكثر صحت !!!

إضافة رد
اسطورة ! 10:57 PM 08-10-13

خلاني اصيييح مده طويله ولا مسح دموعي ولا وقفني ولا حتى تكلم معاي . . خلاني وتم بس سسساكت ويسمع شهقاتي وانا اصيح . .
وليد تقرب مني شوي بطل الغشوه عني ونزلها : طلعي الي ف خاطرج كله . . اكثثر . . صصيحي لا تكبتين مشاعرج . .
ومن بعد هالجمله خنقتني العبره اكثر . . احس بحمل ثجيييييل ع قلبي . . هالدنيا تحييررر . . كل شي ف دقيقه ممكن يتغير . . . حب وعشره عشرين سنه تبخرت تبخرت تبخررررررت ف ثوااني . . الانسسان هذا الي ياما حلمت فيه تزوووج . . الي اتريتتته عمممر تزوج . . شكثر كنت اتريا اللحظة الي احط فيها ايدي ف ايده . . شكثثثثر كنت ارقبه معرس ولابس بشت لكن الي صار اني جفته معرس ع غيري . . طعننننني هالانسان طعني وايد وبعدني اصيح عليه . . متى بيوقف كل ها . . متى قلبي بيقوى خلااااااااص بسني بسني دموع . . لين متى بيتحملني وليد ؟ لين متى بيتم يشوف دموعي ع سيف . . ها بحد ذاته يعوووورني
تم وليد يحرك السياره ومشينا واااااايد بس ماعرفت لوين لاني كنت بس اطلع الكبت الي ف داخلي . .
ومن بعد ماوقفت صياح . . مسحت دموعي ووشفت ايدي كلها جحال اسود ومن المسكره السوداا . . اكيد ويهي كارثه الحين . .
نزلت منظرة السياره وماكنت بذاك السؤء . . شوي الجحال مخيس ويهي ومسحته بكلينكس وتنهدت تنهيده عوده . .
وليد يطالعني : انزلي . .
انا اطالعه وبصوت مبحوح . . : وين انزل . . انا لابسه فستان . .
وليد يبتسم : انززلي يالله . .
تسترت بالعباه المفتوحه ع قدر المستطاع ونزلت . .
وليد كان يمشي ورايه ويتصدد يمين ويسار واذا حد يا ع يمينا يي على اليمين عشان يسترني اكثر . .
لين ماوصلنا مكان مألوف حيل . .
وليد يبتسم ويطالعني : تذكرين . .
انا اطالعه وابتسم ابتسامه بارده . .
انا اطالع البحر . . : نفس الالوان الساحره . .
وليد : نفس الانارات . .
انا ابتسم : كل شي شراته ..ّ!!
" اقتبآس من البارت الـ 12 "
كان في ع البحر انارات فنادق وانارات جسر . . فـ ألوان البحر طالعه غراااااااااااااااااام . . سحرر سححر سبحان اللــــــــــــــــــــــه . . شي خيااالي . .
انا اتنهدت : آآآآآآآآآه .. روووووووووووعه
وليد يصد يمين يسار ما جاف حد. . فـ صااارخ وهو يكلم البحر وحاط ايدينه الهنتين ع حلجه لانه بيهتف بصوت عالي : يا بححححححححححححر . . اشششهد . . انا اليوم ياي ويا مهوووووور وهي بنتتتتتتت عمممممممممي . . في يوم من الاييييييييييااااااام . . في يووووووووم فيييي يووووووووم . . ااذا الله كتب فيييييييييييه الخيييييييييير . . بي وياااااااااها لكن بتكووووووون حرررررررمتي مش بنت عممممممممي . .
ابتسمت . .
سويت نفس حركته . . وصرخت : يا بحححححححححر . . هالمينوووووون ولد عمممممي ما يجوف شي فالدنيا غيييير زوووووواااااج . . يتححححححرا كل شي سسسسسسسسهل " اصارخ " مايدري في وايد اموووور كبييييييييييره انا مااااااااقدر عليييييها . .
وليد : يا بحححححححححححر . . " يصارخ اكثر " انا مينوووووووووون . .صح انا مينووووووووووووووووووووووووووووووووووووووووووووووو ووووووون . .
انا : هههههههههههههههه بس كافي " اتصددت " عن حد يسمع
وليد : يا بححححححححر . . تتتتتتتتذكر هاليوم عدل . . وتذذذذذذذكر هالتاااااااريخ . .انا راح اررررررررررجع وبتششششششوف . . يا انا اكسسسسسر خشششششمك . . يا انت تكسسسسر خشششششمي . .
انا اصارخ : يا بببببببحررر . . مييييره بنت عميييييييي تعشششششقه يا بححححر . . اكسر قلببببببببها ؟
وليد : ميييييره منجذذذذذذبه لي يا بححححححر . . ماااااااااتحبننننني . . " يطالعني ويرمس عادي " حبيني ولا تفكرين بالعواقب . .
انا : وليد شو هالكلام . . انا بعدني مجروحه من علاقه كبيرة .. علاقه بعدني ماتخذت فيها موقف
وليد : بتتخذين . . وانتي قدها انا عارف . . لكن دخيلج حبيني . . لو حبيتيني بنكون انا وانتي اسعد ناس فالدنيا . . كل الناس بترمس عن علاقتنا . . الكل بيتمنى . . الكل بيحسد . .
انا اتنهدت : خلنا نرجع يالله ..
وليد يرد يطالع البحر ويصارخ : نننننننننتلاقى يا بحححححححر .. يا تذكرني . . ياااا اذذذذذكرك . .لللللكن لووووووو . . " يصارخ بصوت اعلى " لووو جفتني بروحي يايييي هالمكان . . لا تتشمت فينيييييييي . .
" انتهى الاقتباس "
وليد يسوي نفس الحركه ويحط ايدينه ويهتف بصوت عالي : ششششششششفت يا بححححححححححر . . قلتلك بسسسسسسسويها . . قلللللللتلك بيييبها بنت عمي وبخليها حرررررررمتتتتتتي وبيييبها لك تشششششوف . .
انا ابتسم بعذاب . .
وليد : المررررررررره الي طاااااااافت يا بحححححححر . . كانت تصيييييح ع قراااار ما اتخذذذته ويبتها عندك . . هالمررررره تصيييييح بعد ما انتهت من القرااااااااار وبتنتهي من عذاااااااب القرار بكككككككبره . . بتفرررررررج يا بحححححححر بتففففففرج . .
ماحسيت بروحي الا وانا منخشه بين احظانه . .
كنت بس ابي احظظظظظظظنه . . حسيته بعد بيتكلم وبيقول وبيقول لكن ف نص اندماجه اتجرئت وحظنتتتتتته . .
بما انه اطول عني بشوي بس . . ف كان راسي عند قلبه . . اسمع دقات قلبه وهي تدق بقووووووووه . .
بعد ثواني بسيطه يمكن استوعب فكرة اني حظنته وحط ايده ع ظهري وبدالني الحظن . .
تميت بس مغمضه فهالنسيم البارد وفحظنه الدافي . . مشاعر متضاربه واحاسيس متضاربه اكثر . . لكن اانا مش ندمانه ع قراري . . مش ندمانه اني ف حظن وليد مش حظن سيف . .
مش ندمانه ابد على اني كملت هالطريج معاه . . هالايد وهالحظن الي وقفو معايه وما صدو ظهرهم عني ابد . . ششكثر انت حنون يا وليد . . شكثثثر انا محظوظه فيك . .!!!
وليد : لو تميتي زياده ف حظني بسوي شي انتي مش قده . .
انا : خلننني . .خلني بس اهني واسكت عني . . لا تتكلم . .
وليد : امزح معاج . . خخلج العمر كله عمري مابوخرج . .
تمينا على هالحال فتررره طويييله . . ماقدرت احسبها لاني كنت بس محتاجه ارتاح ومافكر بشي . .
تنهدت وييت ابتعد عنه وقبل لا ابتعد حب رآآسي . . وحب يبهتي . .
وليد يرفع راسي : بسج عذاب . . بسج دموع . . ترى قلبي ما يتحمل يجوف دموعج ولا عذابج ع غيري . . " بنبره تعور القلب وبصوت خافت " انا احترق لاني اشوفج بهالحال . . احتتررق . . احترق لاني . . . .
رفعت راسي وعيني ف عينه . .
وليد : لاني احبج . . احبج . . " يحط ايده ع ويهي بايدينه الهنتين ويطالع عيوني " احبـج . . تسمعييين ؟ احبببج . . " يتقرب من اذني " اححححححححبج . . احبج احبج احبببج . .
رجفت من كلامه . . عيني ترجف ورمشي يجرف وجسمي وقلبي يجرفوون . .
وليد : احتترق لاني . . . لاني . . " يطالعني بتركيز " لاني ريال اغااار . اغار اشوف دموع حبيبي ع ريال غيري وقفي كل ها خلاص . . كل شي انتهى من اليوم . . وانتي سويتي شي كبييير وايد . .
بلعت ريجي . .اعتراف وليد انه يحبني مصصصصدم . .انا اعرف انه يحبني . . لكن هاي اول مره يعترف فيها لي بقوة وهو يناظرني . . كنت عارفه مشاعره لكن ما سمعتها . . كنت احس فيها لكن هالمره قالها فويهي . . قال انه يحححبني . . !!!
وليد : ماجذذب عليج . . كنت خايف اليوم حيل . . خفت انج تتراجعين وماتقدرين . . تبين الصدق ؟؟ انا تعمدت اقولج سلمي عليه مش عشان بس تكسرينه وتبينين له انج ترومين تعيشييين بدونه وتراوينه قوتج . انا تعمممدت لاني اعرف ف اللحظه الي بتكونين فيها قريبه منه ومن حرمته هاي اكثر لحظة قلبج بيكون فيها مجروح ومكسور وضعيف وبغيتج انتي الي تختارين قرارج وانتي بهالضعف . . لانج لو اخترتيه وانتي متصنعه القوه بيكون قرار فاشل مجرد ما تضعفين بتندمين . . لكن انتتتي . . " يبتسم " اتخذتي قرار قوي وانتي ف اصعب موقف . . ضنيت اني بخسرج وبتيني تقوليلي انا ماقدر بدونه . .ابيه . .بتحمله . . برجع له . . بسامحه . . كنت مهيأ نفسي اسمع هالكلام . . صياحج وانتي فالسياره مخوفني ما خلاني اتكلم قلت بتقولين الحين انا اسفه . . سامحني وليد . . ماقدر اتم معاك . . لكن انتي طلعتي مشاعرج الي تعبت . . صحتي ع تعبج وعذابج من كل شي . . ما صحتي ع قرارج . . عشان جي انا فرحان . . فرحححان وايد . . " يبتسم وعينه تلق شوي وبتنزل الدمعه " وانتي بتفرحين ويايه صدقيني . . بس محتاجين وقت . . الي مريتي فيه مش هين وانا مقدر وما الومج . . وبتم معاج اساعدج ف كل خطوه ما راح اتخلى عنج ابدا . .
وحظني مره ثانية . . وعرفت ان سبب الحظن عشان ما شوف دموعه . . دموعه الي نزلت ع رقبتي وحسيت ف حرارتها وحراره قلبه الي متحمل . . مهما كان اعرف انها صعبه عليه وايد
عقب فتره وجيزه . .
وليد يطالعني مبتسم . . وبادلته الابتسامه . .
وليد : كنتي قمر اليوم . .
انا اطالعه : كنت ؟
وليد يبتسم : الحين شوي قمر . .
انا ابتسمت : يا حمار . . حطيت ايدي ع ويهي لاني صحت واخترب مكياجي
وليد شل ايدي الي ع ويهي : مش عشان جيه . .
انا اطالعه : عيل
وليد : لان عيونج بعدها جمر من الصياح . . عشان جي شوي قمر . . لما اشوف عينج تبرق وابتسامتج شاقه ويهج اهني بتكونين ف عيني احلى قمر . .
ابتسمت . .
وليد عاقد حياته : المفروض اعصب عليج . .
ينقع صبعه ع راسي . .
انا : آآآآآآآي وليد لا تسويلي جي ما حب . .
وليد : ججججب . .
انا : شووووه فيك . .
وليد يطالعني . . : شو هالفستان الخايسس . .
انا اتذكرت الي صار وجي ورديت انحرج لكن احاول ما ابين . .: ترا عرس لازم نلبس جي كلهم جي يلبسون . .
وليد : انا شعلي ف كلهم . .
انا اطالعه :انزين خلاص الحين لبست وخلص العرس . .
وليد : بس انا قلتلج لو صارلي شي والله لا تلومين الا نفسج . .
انا ابتسم : يعني الناس بتترك كل البنات وبس بترمس عن مهره . .
وليد : وليش لا . . " يبتسم " انتي شفتي روحج كيف . . " بصوت واطي " تعذبين . .
انا منحرجه : هيه هيه لانك ريال بس والا الحريم نظرتهم لي عادية
وليد : نعمممممم . . شو قلتي
انا اطالعه : شوو . .
وليد يتقرب مني وانا ارجع ع ورى . .
انا : شفييييك . .
لين اندق ظهري ب السور الصخري الي حاطينه حوالين البحر . .
انا حاطه ايدي ع صدره : ارررررجع بلاك . .
وليد : عيدي الي قلتيه . . .
انا : ليش انا شو قلللللللت
وليد : قلتتتتتي لانك رياااااااال بس
انا : انزين صدق
وليد : شو الصددددددق
انا : لانك ريال وشفتني ب فستان اثييييري ومتعدله وجي وشفتني انا بس لو شايف كل البنات بتقول نفس الرمسسسسه
وليد : وتعيدين بقوة عين وتفهميني اكثر بعد
انا : هييييييه
وليد : متاكده انتي
انا ابتسم : هيه
وليد ب صبعه يرفع راسي ويخليني احط عيني ف عينه . .
وليد : اولا يا حيوانه . . ما يخصه لو انا ريال او لا . . يمكن يكونين حواليج وعدالج مليون وحده مش فاصخه الظهر بس . . لكن عيني ما تنظر ل غيرج . . يا حممماره يخص القلب . . يخص القلب شـ يحب يشوف . .
انا ابتسمت : جب جب . . حالك حال الرياييل . .
وليد عاقد حياته : انتي تعرفين اني ماضربج لا تخليني امد ايدي عليج
انا ابتسمت : ههههههههه . .
وليد : حيوانه والله . .
وابتعد عني وعطاني ظهره وقعد يمشي . .
انا : هههههههههه عن الاستهبال وليد تعااااااال . .
وليد : انطبي
انا : ايييييه اووووقف عاااد . . انا بفستان فااااااضح خلك قريب وين تروح بعيد عننني ما تسسسترني . .
وليد مسولي طاااااااف . .
ابتسمت ومشيت وراه وحظنته من ورى و وقف على طول . .
انا مستويه وقحه و جريئه !!!! الله ياخذ ابليسي ما استحي ع ويهي لكن شسوي ماحس بعمري يوم اسوي الشي !!!
وليد : انتي شو ياينج . .
انا اتفشلت اهني والله ماعرفت شسوي . . لو وخرت بيجابلني وبيشوفني وبستحي . . ف اتم جي وايد ابرك حاظنته ومايشوفني لين اضبط وضعي واهدى من هالاحراج . .
وليد ساااااكت وعقبها بشوي حط ايده فوق ايدي الي ع خصره ورفع ايدي وباسها وعقبها جابلني . .
انا كل الي قدرت اسويه واقوله : يالله خلنا نرجع . . بردت . .
وليد يبتسم : بنرجع . . بس عقب ما . . .
Cut

إضافة رد
اسطورة ! 11:01 PM 08-10-13
وليد يطالعني : اكلمج . .
انا نقزت : هاه . .
وليد : شو هاه . . ف شو سرحانه . .
انا : ماا . . ماشي . .
وليد يطالعني : شو فيج . .
انا : ماشي " ابتسمت "
وليد يبتسم : صاحيه انتي . .؟
انا : ههههههه . .
يدوه : يالللللله مهره نششششي فازعي شلي ويا البنااااات . . الا متخششه عند وليد . .
وليد يبتسم ويمسك ايدي : خليها متخششه عند ريلها . .
يدوه : هددددددددها يالهرم . . يوم بتاخذها امسك ايدها . . " تطالعني " وانتي . . فاجه حلجج مستانسه . . امفف ع بنات هالجيل ما فيهم حيا ولا ادب . .
انا ابتسمت . .
وليد يطالعني : لا مزاجج رايق اليوم . .
يدوه راحت . .
اانا اطالعه ومبتسمه . .
وليد : شو الي مخلنج رايققه هالكثر هاه . .
انا ابتسمت : ماااااااشي بس اسكت . .
وليد يبتسم : قومي قومي . .
انا : شووووو . .
وليد قام ومد لي ايده عشان يقومني . . لكني قمت من دون ما امسك ايده . .
وليد : يعني اونج ما تبين تمسكين ايدي . .
انا : اسمع كلام يدوه انا . .
وليد : لاه ؟ " يبتسم " انا بروايج . . يالله خلينا نتمشى شويه نكتشف العزبه . . من زمان ما ييينا . .
العزبه كانت عوده حييل وعزبه العايله كلها .. كانو عمومي كل واحد فيهم يبا يسوي عزبه بروحه لكن يدي ما رضى وقال كلكم تعاونو وسوو عزبه وحده عوده واتفننو فيها . . وعزبتنا مطووووره فيها هوش وبوش واحصنه ومسسبح وفنتك فنتك . . ويدوه طبعا الي تشرف عليها دووووم وما تقطعها . .
صقوري من بعيد : مهااااااااااالي . .
انا اصد : عيووووووووووني . . تعااااال . .
وركض صوبي وشليته . .
انا :حبيييييييبي انتي عيوني . . عطني بوسسسسه . .
صقوري يبوسني وعقب يبوس وليد . .
انا : اووووووووب
وليد : شفتي انا ما قلتله ويبوسني . .
صقوري يطالع وليد : اههههبك
وليد : ههههههههه انا احححححححبك والله
تقرب وليد من صقوري وباس خده بالقو . .
انا : بسس ذبحته ..
وليد ما سوالي سالفه وتم يبوسه ويبوسه وعقب فجاه باس خدي . .
انا اتففففشششششلت . .أحررررررررراج . .
وليد يبتسم : قلتلج براويج . .
انا : حيوان . . يوم بنزله براويك . .
وليد يبتسم : راويني حلالج . .
انا : ججججب . .
وكملنا مشي ومثل العاده ف مكان خالي مافيه حد لازم هالاثنين منخشين . . يعرفون يختارون اماكن يعني جد محد ييصيدوهم فيها الا اانا و وليد . .
مايد بعصبيه : كيف يعني شعليييييييييج منهممممم . . كلهم عرسو كلهم شو تترييييين
ميره : مايد انت ليش بس تشوف موضوع الزواج جدام عينك . . انزين خلنا جي
مايد : كيف يعني خلنا جي ؟؟؟؟؟؟تبينا نتم جي طول العمر ؟ نتخشش واكلمج واضارب وياج ؟؟؟ ليش ما تخلينا نضارب جدامهم ونيلس جدامهم واكلمج جدامهمممم . . انا حتى كل ما اارفع عيني بطالعج الاقي ابوج حاط عينه ف عينيييي . .
ميره : انزين انا مش مستعيله ع الزواج بعدني احسسسسسسني صغيره
مايد : شو صغييييييره شوفي ويهج يالعيوز . .
ميره تصارخ : اذا انا عيوز شو تبا فيني
مايد : شوفي ميروه من كنا فالعمره انا قلتلج لو ييييتي معناه انج موافقه علي . .
ميره : انزييييييييين انا ما قلت شي بس انا ماابا الحيييين . .
مايد : متى تبين ؟؟؟ اذا مهوووووور و وليييييد بيعرسون جريب . . انتي ليش تاخرين اكثر . .
ميره : انا شعلي منهممممممممم
مايد بعصبيه : لا تنرفزيني . .
صقوري : ميلاااااه . .
وليد : يا وليد الـ . . .فضحتنا . .
مايد وميره يصدون ويطالعونا . .
وليد يتجدم : انتو لين متى بتمون جي . . وكله تضاربون ع نفس الموضوع . . انزين غيرو ملينا . .
مايد يطالع ميره : شكلج انتي بتعوفيني الزواج بكبره ! برايج . . مابحن عليج اكثر من جي . . انا تعبت وانا اترجاااج وتعبت وانا احاول اقنعج . .
ميره : انت وين تقننننننعني . . انت تغصصصصصصصبني . . تبا بزور قوة نعرس
مايد : اوكيه اوكككيه تمام . . خلاص برايج . .
ومشى بعصبيه . .
انا اطالع ميره وفاجه عيني . .
ميره : ليش تطالعيني جيه ؟ كيييييييييفه طزززززززز خل يزعل والله . .
انا : كيفج . . يوم بيبلشونج بواحد ثاني من عيال عمي .. صيحي اوكي ؟
ميره تطالعني : ما بيبلشوني . .
انا : انا نصحتج وانتي كيفج . .
ميره : اووووووه بس لا صدعتو براسي عن هالموضوع . .
وسارت . .
وليد : خليها برايها . .
انا : ماباها تندم ..
وليد : ما بتندم ان شاء الله ع شي . . المهم " يبتسم " من الحين قوليلي . .
انا : شو
وليد : بتشجعيني انا ولا شهاب ولا عبدالله ولا راشد . . ؟
انا : اشجعكم ف شو . .
وليد : شي سباق احصنه . . عقب شوي بنظهر . .
انا ابتسم : بشجع اخوي طبعا . .
وليد عاقد حياته : حلفي . .
انا : والللللله . ..
وليد يبتسم : زين اوكيه مش مشكله مهور . . مش مشكله . .
انا ابتسمت : متى بتبدون . .
وليد يشوف ساعته : الحين . . واظن الكل يترياني وبنسب لاني متاخر . .
انا : انزين يالله شو تتريا
وليد : عيل بتشجعين اخوج هاه
انا : هيه . .
وليد يبتسم : بعد تعيدين بقوة عين . .
انا : هيه هيه هيه . .
وليد يجمع صبع الابهام والوسطى وينقع يبهتي
انا : ولييييييييييد كم مره اقولك لا تسوييييييلي جي . .
صقوري ما يباني يبا وليد يالس يمد ايده بيروح له . .
وليد يبوس خشمه : بروح انا حبييبي . . بعدين بشلك . .
ومشيت معاه لين صوب الاحصنه وكانو كلهم راكبين ويتريونه . . وشفت ريوق اهناك واقفه ومبتسمه ومستانسة . .
كلهم كانو لابسين كندوره لما كنا نتغدا اما الحين الكل مبدل ولابس جينز وبرمود . . اما وليد اوردي لابس برمود جينز وقميص فيراري وكاب فراري
راشد : يالديااااااايه انا شو قايلك . .
شهاب : ماعليه برايه خله خله بنراويه الشغل العدل فالسباق الهرم . .
وليد ركب ع طول وطلع اول واحد . . : يالله يالله خلصووووونا . . بمصخركم اليوم " يطالعني " شجعي اخوج ما اوصيج
شهاب يطالعني : ع راسي اختي ع راسي . . شهمه ع اخوج . .
انا اطالعه : هههههههههه شد حيلك لا تفشششلنا .
شهاب : من عيوني . .
رقوي تطالع شهاب وتبتسم بس ما تقول شي . . وهو اطالعها نظرة وراح . .
عبدالله : صقققققوري
صقوري: باااااااابا
عبدالله يبوسه من بعيد : شوف بطولات ابوك . .
وطلعو اربعتهم برع العزبه . . بنشوف منو اول واحد بيرجع . .
رقوي شاقه الحلج
انا : بلاج ؟
رقوي مبتسمه . .
انا : شفيج يالخبله . .
رقوي : اليوم شهاب يااااااني . .
انا اطالعها :احلفي متى . .
رقوي : لما كنتو تتغدون
انا : انا اقول ليش قام بسرعه . . شصااااار
شهاب مر من جدام رقوي . . كانت قاعده فالصاله الصغيره . . دخل الحمام غسل ايده وبعدها طلع لها . .
شهاب يشوف صحنها : بالعافيه . .
رقوي تطالعه : ياي تتشمت فيني . .
شهاب : محشووومه
رقوي : جججذذذذذاااااااااب
شهاب مصدوم . : من الجذاب
رقوي : انننننننت . . ياي تتمصخر وتتشمت اعرف
شهاب : ما ياي اتمصخر . .
رقوي : جب انت المصخرررررررره اصلا ويو شلو سيارتك للحين ماعندك سياره ومعااااااااقب وهزبوووووووووووك عمووووومي ويدي عشان جمعة الصالون تستاهل تستاهل وييييو
شهاب يطالعها بصدمه : كل هذا شايلته بقلبج . .
رقوي تقوم وتجابله : لا اسوووولف والله العظيم . .
شهاب : متى بتصيرين عاجججل ؟ ليه الكل يتشكى منج
رقوي : انا عااااااااججججججججل اصلا
شهاب يطالعها : ركدي ركدي يا بنت . .
رقوي : انزيييييييين
شهاب يطالعها ويهز راسه يمين يسار : مامنج امل . .
رقوي : انزين جيييييه ششششششحقه شو سويت انا
شهاب : ابد ابد ماسويتي . .
وكان ياي يطلع بس صدلها . .
رقوي تطالعه : شوووووه . . ليش تطالعني . . انعجبت فييييييني ؟؟؟؟
شهاب يطالعها : مره وحده بس مره وحده . . كوني عاجل . .
رقوي : بس مره وحده
شهاب : خليني اشوفج مره وحده بس ع الاقل عاجل !
رقوي : انزين مارووووووم . . اتحرقصصصصصصص
شهاب : انا بس ها الي قلته وانتي كيفج . . ابا اجوفج لو كنتي عاجل كيف بتكونين
رقوي : ليش يعنيييييي بتحبني لو شفتني عاجل
شهاب : ليش في بالج حب او اعجاب . . انتي بعدج ياهل ع هالسوالف عيب عيب . .
رقوي : اففففففف انزين . .
شهاب : بس جي فضول . . أبا اشوف شكلج وهو عاجل كيف . . اذا ما تبين كيفج . . يالله عندي سبااق الحين . . بروح ابدل

إضافة رد
اسطورة ! 11:02 PM 08-10-13
انا ابتسمت : انزين العاجل مش معناته انج اتمين بللللممممما ماترمسين
رقوي تبتسم . .
انا : الحمدلله والشكر . .
رن تلفوني . . ورديت ع طول . . : شمانننني . .
شماني : السلام عليكم . .
انا : وعليكم السسسسسسلام . .
مروان : شحااااااالج بنت عمي
انا : بسم الله . . حاطيني سيبكر . .
شماني : مروان روح خلني اكلمها عدل
مروان : انا قلتلج والله ما اروح ف لا ادقين لاني بسمع انتي ماتسمعين الكلام . . تبينها تسمع ؟
شماني اظن تبعد الفون : مروان عيييييب خلني اكلمممممها . .
مروان : انا حالف انتي ماتفهمين . .
شماني : انزين بروح اكلمها برع . .
مروان : ماتتحركين من اهني . . بشتاقلج
شماني : مروووووان انا داقه مكالمه دوليه
مروان : عادي فدا فدا لعيونج
شماني شوي وبتصيح : مرووووووان . .
انا : ههههههههه هايييل يستهبلون ع اخلاقي . .
مروان : ما بهدج والله ما اهدج . .
شماني : كيف اكلم البنت ماعرف اكلمها جدامك . .
مروان : ماتعرفين تكلمين امج جدامي ماتعرفين ترمسين ابوج جدامي وماتعرفين ترمسين مهور جدامي بعد ؟ ليكون تتشكين لهم مني . .
شما : لا استغفر الله انت ماعليك العيب ولد عمي .
مروان : عيل قاعد ما بروح
شماني : انزين بتم ساكته جذيه ما بتكلم
مروان : تمي ساكته فديتج عادي . .
انا سكرت فويهم وضحكت . .
رقوي : جي ما كلمتيها . .
انا : مروان مش مخلنها . .
رقوي : عقبااااااااااااااااااالي انا وشهاب . .
انا فاجه عيني : الله ياخذ هالمذهب . .
رقوي : جب يوم كنتي تحبين اخوي بالرضاعه سواف محد كان يقولج شي وكنا كلنا نعرف شكثر كنتي تبينه ومشششششتطه اكثر عني
تميت منصدمه واقفه اطالعها . .
رقوي : سوري . .
انا اطالعها واتصنع ابتسامه : لا عادي . .
ااااه . . متى الاهل حتى بينسون حبي لسيف ؟ متى خلاص هالطاري جدامي ما يأثر ولا يهز فيني شي . .
جيكت ع الفون لقيت واصلني مسجين . . المسج الاول قبل لا ادق شماني كان واصلني بس ما جيكت عليه . .ٌقريت الثاني كان من شماني " سوري مهووووور "
مارديت عليها وشفت المسج الثاني وانصدمت . . " انا ما قادر اشوفها ولو شفتها تخيلتج "
حذفت المسج على طووووول . . انا لازم اغير رقمي . . لازم . . مابي مسجات سيف توصلني . . حتى لو غيرته ما بيغلبه بيشله من تلفون ميره ولا من فون اي حد ثاني . .
تضايجت ودخلت داخل مع ان الجو غرام برع . . غييييييم ونفاف يطيح . . دخلت وشفت يدي الحين يدوه بدخله الغرفه لانه بيرقد . .
انا : يدوه انا بوديه . .
يدوه : امج وين
انا : برع ويا حرمت عمي خالد . .
يدوه : بسيرلها .
وسحبت كرسي يدي بدخله الغرفه . .
دخلته وقومته ساعدته عشان ينسدح . . ولحفته عدل . .
انا : يدي ايديييك بارده . . بيييب لك لحاف ثاني
يديه : لا ابويه لا تيبين ماحب الحرر خلينيي بارد . .
انا : لالا يديه بتمرض جذه . . اصبر بييب لج شرشف ع الاقل . .
ودورت فالكبت وحصلت واحد ولحفته فوق اللحاف . .
يديه : يا ابويه خليها الا ايدي . . ريولي مبتوره ما احس فالبروده خلي اييدي تحس فيها
انا اطالعه : لا ابويه اخاف عليك تمرض . .
يديه : انتي بلاه حسسج . . مويوعه من شي
انا : لا فديتك . . الله يبعد عنك كل ويع مافيني الا العافيه . .
بست راسه وبست جتفه . .
وقعدت عالسرير وماسكه ايده : يديه منو اكثر وحده فالدنيا تحبها . . " مبتسمه "
يديه : مهره . .
انا ابتسم : ومنو اكثر وحده اصلا تموت فييييها
يديه : مهره ماشي غيرها شيخه البنات . .
انا ابتسم : يعلني ما خلا من هالويه . .
يديه : مرتاحه ابويه
انا : مرتاحه يديه . .
يديه : وليد زين . .
انا : وايد زين . .
يدي : اخير من غيره
انا : اخير مليون مره
يدي : الله يفرحج يا ابويه . . عبدالله لو عايش جان فرح فيج بنت والنعم فيها
انا : بس ف عيونك . .
يدي : ف عيون الجميع انتي مهره بنت عبدالله ارفعي خشمج فوق . .
انا ابتسم : ترا انت مكبر راسي . .
يدي يبتسم : حلوه الدنيا ابويه . . اتفائلي دووم ووابتسمي وكل شي بخير دام صحتج بخير ودامج تشوفين وتسمعين وتاكلين
انا : ودامك حوالي انا متفائله . . الله لا يحرمني منك يالغالي . .
يدي : يالله ابويه سيري ايلسي وياهم انا برقد شويه دامني صليت العصر . .
انا : ان شاء الله ابويه . .
وبست راسه وايده وجتفه . .
ورحت عنه سرت صليت العصر . .
وبعدها سمعت حشره برع . . مطر مطر !
جان اطلع بسرعه . . كنت واقفه وع راسي مظلة و لكني مطلعه ايدي ومخليه ايدي يجيسها المطر . . فالكراسي الي يمي كانت قاعده عنود و خلود
عيال عميمه نورة مسوين حشره ويصارخون ويلعبون فالمطر . .
عنود : مهاري فديتج هاتي صقوري ما يسمع الرمسه ماروم اتحرك . .
انا : خليه شوي يستانس
عنود : مافيني يمرض عليه واراكض فيه من مكان لمكان
انا : خليه خليه يجيسه المطر شوي . . شوفيه كيف مستانس فديته . .
وسرت صوبه . .
انا : مطططططر
صقوري : متتتتتتتر
انا : ههههههههههههه هيه متتتتتتر . . حلو صححح
صقوري : هيييييييه
انا : عطططططططني بوسسسسه
صقوري تقرب مني وباسسسسني وحظني . .
انا : حبييييييبي انا خيستني رمممممل . .
صقوري : بااااااباااااااا . .
انا صديت . .
عبدالله الي تصصصصصصدر يعني . .
عنود تبتسم وتنزل ويايه صوبنا . .
دخل وراه ع طول شهاب وبعده بثواني وليد . . وعقبها دخل راشد . .
كلهم يو بالاحصنه صوبي انا وعنود وعبدالله
وليد يصارخ يطالع عنود : لا تفرحين فيه غششششاش والله غششششاش
شهاب : الهررررررررم والللللله انه غششاش
عنود : هيه يوم غلبببببكم قلتو عن ريلي غشاش ؟؟
انا : انتي يالمكاره توج ماترومين تنشين تشلين صقور والحين يايه لين اهني عند ريلج
عنود تبتسم : ابارك له ع الفوز . . غلبهم
راشد : غلبنا ؟ ريلج اكبر غشاش . . لو تدرين شو سوا . . شوفينا كيف متخيسين . .
عبدالله يطالعهم وينزل من الحصان : ماعليج منهم غيرانين . . " يبوس راسها "
عنود تبتسم : ادريبهم . . فديتك ., عين الله ترعاك حبيبي . .
صقوري : بااااااابا باااااابا
وكان ياشر ع الحصان . .
انا اطالع وليد الي كان مطنشني . .
شهاب : الهرررررم والله ريحتي ريحه رششششش
خلود : ولد عمي شو مسوي فيهممممممم .!!!!
انا : ليش شو سوابكم . .
عبدلله شل الولللد وركبه الحصان والولد مسسسستانس طاير من الوناسه
عبدالله يطالعني : لا تصدقينهم بنت عمي
شيخه : عنود ماعليج منه من ويهه دفين . .
شهاب : رششش علينا هالرش مال مسيره عنلااااتتتتته .. والله وفقنا كلنا مارمنا نشوف خفنا ننزل صوب الشارع وندعم السياييير ..
انا اشهق : ولد عمي تستعبط . . تخيل صارلهم شي
عنود : انتي صدقتيهم انا ما شفته شال رشش . .
خلود ادق راس عنود بخفيف : ادافع عنه بعد
وليد ينزل من الحصان : ماششششفتيه . . شوفي شوفي
يراويها ثيابه . .
وليد : شوفي الاثار ف ثيابنا يمكن تصدقين . .
عنود تبتسم : انزين برايكم الا تلعبون انتو . .
انا : ماهقيتك يا ولد عمي
عبدالله : بنت عمي هايييل لو رييياييل جان كملو وهم يركضون والحياه حلوه
شهاب : هيه يوم بندخل ف سياره قول الحياه حلوه
يدوه تي : شو هالرمسه بسم الله عليكم
داشه عرض يدوه كانت تمشي بتدخل داخل وسمعت ههههههههههه وكلنا ضحكنا عليها
رقوي : مبرووووووك الفوز المركز الثاني ولد عمي
شهاب يطالعها : الله يبارك فيج . .
رقوي تبتسم وساكته وكلهم مستغربين وحاسين في شي غلط فالموضوع !! هاي ام لسان والحشره بس تبتسم وتبارك بادب ؟ ابتسم شهاب وعقب اطالعني . .
شهاب : بتركبين . .
انا : لااااا اخاف . .
شهاب : شو يخووف . تعالي ورايه . .
وليد يطالعني : ما بتركب . .

إضافة رد
اسطورة ! 11:03 PM 08-10-13
شهاب : ماعليج منه اخوج يقولج تعالي اركبي . .
عنود : اسمعي كلام ريلج مهور لا يقص عليج شهاب
شهاب : افا ياوخيتي . . انا اقص عليها . .
عنود تبتسم ولحقت عبدالله كان يقود الولد وهو ع الحصان . .
شهاب : ارككككككبي ماعليج منننننه . .
رقوي تطالع وساكته . .
انا مبتسمه واطالع وليد : اركب ؟
وليد : قلتلج ما بعيد كلامي . .
رقوي : ماعليك منها خل تووووووووووووووولي هاي ماتعرف تستانس . .
عقب حطت ايدها ع لسانها
شهاب : انا قايل مامنج امل . .
رقوي : انزين تعببببببببت لين متى بتم جي ماقدر ماقدر لساني يحجني . .
شهاب حرك الحصان بقوة وسار يوديه مكانه . .
وليد كان نازل من الحصان والحصان واقف وراه . . تقرب مني . .
وليد : ماركبتي عيل . . ؟
انا : جب جب . .
وليد يبتسم : تسمعين كلام ريلج . .
لما قالي جيه استحييييييييت . .
وليد يقرص خدي : تبين تركبين . .
انا : لا مابركب وين اتشلح ويشوفوني عيال عمي . .
وليد : ع طرف انزين ..
انا اطالعه . .
وليد يبتسم : ادريبه ف خااااااطرج ..
انا مبتسمه . .
شلني جي بسرعه مره وحده وقعدني ع الحصان ع طرف . .يعني ريولاتي ع ينب واحد . .
انا شهقت : انزييييييين انت ما هيئتـني . .
وليد : ههههههههههههههه يالخوااااااااافه
انا : جببببببب مش خوافه بس ما قلتلي عشان اتهيأ انزييييييين . .
وليد : ما يباله تهيأ . .
وركب وكان جدامي . . تمسكي عدل . .
وحرك بسرعة جنونية . .
انا اصارخ : وليييييييييييييييييييييييييييييييييييييييييييييييي يييييييييد ووووووقففففففففففف . .
حطيت راسي ع ظهره وحظنت خصره بقوة . .
وليد : ههههههههههههههههه . .
انا : وقف وقف وقف ... الحيييييييييييييين وقفففففففف . .
كان يدور فيني فالعزبه ع الحدود دور ما داير . . لين تأقلمت شوي وقدرت ارفع راسي وشفت شيخه تضحك وتسويلي حبتن . . . .
وعقبها بدا يخفف لييييييين وقف . . و عـحظنا يت يدوه ..
يدوه : مهرو يا مسوده الويه ..
وليد : ياك الموت يا تارك الصلاة . .
انا : كللللللله منك . .
عمي سعيد يضحك . : ههههههههه امايا تعالي خليهم . .
يدوه :شو خلييييييهم هاي ما تستحححححي ماتشوفها قوم اهزبها انت عمها ع الفاضي وها ولدك مطير ماصدق خذااااها . . طاير فيها يزاعجون
عمي سعيد يطالع وليد ويطالعني ويبتسم . : امايا حطي صينيه عشان ينترس فيها المطر بنشرب فيه . .
يدوه : هيه هيه صدقك زين ذكرتني . . بنحط 3 صواني بعد . .
عمي سعيد : وينهم انا بشل وياج . .
وغمز لنا وراح . .
وليد يبتسم . . ونزل . .
انا : اييييه نزلني . .
وليد يطالعني ويبتسم : مااريد . .
انا : عن الاسسسستهبال نززززلني . .
وليد يبتسم : بتبوسيني .؟
انا انصدمت وتميت اطالعه . .
وليد يبتسم : قولي بتبوسيني بنزلج . .
انا : مابنزل خلاص بتم اهني . .
وليد يهد الحصان : اوكيه . . انتي رديه هاه
انا : تعاااااااااااااااااال والللللللللله ماتروح حلففت . .
وليد يطالعني وقابض ضحكته : نعم . .
انا : اوكي اوكي . .
وليد : شو اوكي
انا : انتي قلتلي قولي بتبوسيني وبتنزلني صح !!
وليد : صح . .
انا : اوكي خلاص موافقه . .
وليد شلني بحنان وبشويش ونزلني ..
انا تميت اعدل بعمري واعدل شيلتي . .
وليد : يالله . .
انا : بتبوسيني . . !!
وليد يطالعني باستغراب مش فاهم ..
انا : قلت خلاص . .
وليد بعد مش فاهم وتام يطالعني . .
انا : انت قلتلي قولي بتبوسيني . . انا قلت !! بتبوسيني . .
وليد : لااااااااااااه ؟؟ تستظفرين دمج يعني ؟
انا ابتسم : هيه . . انت قلت جي وانا رديت اكدت عليك وانت قلتلي هيه صح !
وليد : ايوووا " يبتسم " يعني اونج ذكيه وتلعبينها عليّه . . ؟
انا ابتسم : انا ما العبها عليك . . انا قلت الي انت قلته !!!
وليد بس بطل باب الاسطبل لان كنا جريب منه وخلا الحصان يدخل وسكر الباب وابتسم ..
وليد يبتسم بخبث : والله عقيتي عمرج ف ورطه والله . .
انا اطالعه : ليش . .
وليد : بروايج ليش عشان تتعلمين تلعبين عليّه عدل مره ثانية . .
انا كنت يايه اعطيه ظهري وامشي بسرعه لكنه سبقني وزخني من خصري ورجعني ع ورى . .
انا مت مت مت من الاحرررررراج . .
وليد يجابلني : انتي بديتي حطي هالشي ف بالج عدل . . تبين تلعبين عليّه هاه . .
تقرب مني وانا ارجع . .
انا : وليد عن الاستهبال . . العااااااايله كلها اهني . .
وليد : شعلي منهم . .
انا : وليييييد والله بضربك . .
وليد يبتسم : اضربيني يالله . .
وتقرب مني وباسني ع خدي اليمين . .
انا اطالعه : وليد خلاااااااص دخيلك . .
مسك ايدي الهنتين وباس خدي اليسار . . وعقبها بس يبهتي ونقع اصابعه شرات كل مره
انا : اآآآآآي . .
وليد : هاي لانج اونج تسوين روحج ثانية . .
رد سوا مره ثانية . .
انا : ولييييييد والله يعوووووورني . . بتطلع علامه ف يبهتي . .
وليد : وهاي لانج شجعتي اخوج . .
انا ابتسمت . . : حيوووان . .
وليد هد ايديني وابتسم ومسك ايدي اليمين وشربك اصابعي باصابعه . . : تروعتي صح؟
انا : جببببببب
وليد : تروعتي يا في بالج بسوي شي اكبر . . هههههه . . يسدني خوفج انتقام وتأديب لج عشان تتادبين . .
انا : ججب حيوان ماخفت اصلا . .
وليد يجابلني : متاكده
انا ادزه ع ورى : خلااااااص خلاص . افففف حشى ..
وليد يبتسم : انزين احبج . .
انا اطالعه ورجف قلبي . .
وليد يبتسم وتقرب باس خدي . . : بروح اصلي العصر . . برجعلج عقب . .
وراح عني ! وخلاني اهني ارتجف منه .. فظيع هالانسان كيف يلعب ف مشاعري ف دقيقه . . من ارتباك لمستحى لتهور لـ رجفه ! فظيع انت ياوليد . .

إضافة رد
اسطورة ! 08:12 PM 09-10-13
البارت الـ 27
بعد امتحانات الفاينل وبعد المعاناه فالدراسه والبروجكتات واخيرا يت الاجازه . . جد انكررفت حدي وتعبت نفسيا من امور الكولج . . وطبعا بما ان الكل مأجز باستتثناء اصحاب الدوامات فـ احنا بالعاده نروح المزرعه او العزبه ونبقى اهناك . . لكن هالمره المزرعه يكبرون فيها المسبح والعمال يشتغلون ومستحيل يخلونا نحن البنات نروح فـ تمينا فالعزبه . . واكثر وحده تعبانه نفسيا ومضايجه فينا رقوي الفقيره كل يوم عـ نفس الموااااال كل يوم تتشكى ونفس الكلام . . !
رقوي : ابا اطلللللللللللع . . الناس تاجز تروح موووووولات . . تسسسافررررر . . انا اجااااااازتي مجااابله اهلي يا فالبيت يا فالعزززززززززززززززززبه مليييييت . .
حرمت عمي خالد " ام رقوي " : بس بس بس بس كله تتحرطمين كله تتحرطمين بسسسسس . .
انا ابتسم . .
رقوي : يعني مليييت زهققققققققققققققت . . لين متى بتمون اهني لين متى . . .
حرمت عمي خالد : لين الكبار يحددون . . خلاص صخي وزخي هالصحن قصي الخضره . .
رقوي : ماعرررررررف مارووووووووم ماقدر اسوي شي
انا ابتسم : عنج خالوه انا بسسوي
حرمت عمي خالد ترفع السجينه : لولا خوفي من الله جان جتلتها وافتكيت من حشرتها
رقوي : اوكيه اوككككككككيه يوم بموت استانسسسسسي . .
شهاب يي : السلام عليكم . . " يطالعها وعاقد حياتها " صوتج واصل لين اهناك . .
الكل : عليكم السلام والرحمه
حرمت عمي خالد : مسسسسامحه يا شهاب ماتعرفها بنت عمك صدعه راس
شهاب : اعرف
حرمت عمي خالد تقوم : فديتج هاتيهم اهناك عقب ماتقصينهم
انا : ان شاء الله . .
وسارت
شهاب ييلس قريب مني . .
كنا فارشين ع الرمله و قاعدين بما ان الجو غرام . .
شهاب يحط ايده ع رقبته ويحركها يمين يسار . .
انا : شفيك
شهاب : تعبان من رقبتي . .
رقوي : احسسسسن . . تستاهل . . عيل تقول لي انا صدددددددعه . .
وتقعد . .
شهاب : كنتي قايمه بتروحين شـ قعدج
رقوي : كيييييفي بيلسسسس . .
شهاب : وش ذي الهبله
انا ابتسم . .
رقوي : سلامتك شهاب بلاها رقبتك . . اسويلك مساج ؟
شهاب يطالعها بنظرة صارمه
رقوي : انزين امزح انا بلاك حشى . .
شهاب : وليد ما يا ؟
رقوي : لا بعده
شهاب من دون ما يطالعها : ذي حد كلمها ؟
انا ابتسمت . .: شوي شوي عليها . .
رقوي : عادي عادي حليه برايه . . بيحس بقيمتي يوم بموت
شهاب يطالعها : الموت حلاوه بلسانج ؟
رقوي تبتسم : ليييش تخاف عليّه يعني
شهاب : من طرا اني خايف
رقوي : قول لي لا تطرين الموت ما بطريه
شهاب : بتطرين ما تطرين انتي حره . .
رقوي : انت ليش جيه جاااااااافي ومافيك قلللللللب . .انت احمد ربك اني احححببـ
وسكتت . .
شهاب صد يطالعها لانها قاعده وراه : شقلتي .؟
رقوي : احمد ربك حد مسويلك سااااااالفه انزين . . انت اظن ف حياتك قبل عمرها وحده ما حبببببتك ع شو يحبووووووووونك
شهاب ابتسم بس هي ما جافتهه لانها اوردي قاعده وراه ماتجوفه وانا ابتسمت . .
رقوي : طبع متعجرررررف . . نفسيه خايسه عافان الله . .كله معصب ومتنرفز . .تعق كلام وكله ما عايبنك ششششششي . . يعني انت بس شككككل حلو ولا طبع زفت
شهاب يطالعها وهو بعده مبتسم وهي تلعثثثثثمت تمت جيه متنحه ماترمس . .
شهاب "بالقطري ": ايييه؟ وبعد ؟ كملي . .
رقوي تطالعه وماترمس . .
انا : ههههههههههههههههههههههههه
شهاب : ههههههههههههههههههههههه
رقوي ابتسمت وتامه تطالعه . .
شهاب يطالعني : انا بروح اسبح واصلي ماصليت فالدوام . . نادوني لما يحطون الغدا . .
رقوي : انا بزقرك
شهاب يطالعها : الا انتي لا . .
رقوي : والله انا الي بزقرك بتشوف
شهاب ابتسم وراح . .
رن تلفوني . .
انا : رقوي حطي السماعه فاذني . .
رقوي : ماروم
انا : رقوووووووووي حطي
رقوي : اففففففف . .
ونشت يت عندي لبستني السماعه وردت ع وليد ونشت راحت . .
انا : الوه . . ,
وليد : مرحبا يا حلوو . .
انا : مرحبتييين
وليد : شحالج
انا : الحمدلله بخير . .
وليد : مادقيتي لي اليوم
انا : انشغلت شويه وياهم
وليد : وانا مارمتي تحطين لي وقت شوي
انا ابتسمت : لا . . جدولي مزحوم
وليد : خفي علينا يا وزيره الداخليه
انا : جب جب . .
وليد : ها بوحميد انا اهنيه . . تمام تمام شوي ويايك . . الوو
انا : هلا
وليد : اليوم ترى انا ما برجع الا فليل
انا : ليش ؟
وليد : ابا اخلص امور الدوام والي علي قبل لا أخذ اجازه
انا : وليش تاخذ اجازه
وليد : لا والله ؟
انا : شوو
وليد : تستهبلين
اانا : لا . .
وليد : حق عرسنا . .
انا قفطت .. : نسيت . .
وليد : حد ينسى عرسه
انا جد تفشلت : ما نسيت لكن جيه يعني غاب عن بالي . .
وليد : باقي شهر . .
انا : . .
وليد : المهم انا بطول فالدوام وعقب بروح اخلص امور الكوشه الي اخترتيها متصلين فيني اكثر عن مره . . وعقب بروح اتاكد من بطايق العرس . .امج قالتلي اروح لهم اليوم . . يعني عندي كذا شغللل ف بتاخر وايد . .
انا : اهممم . . .
وليد بنبره حنونه : يعني برد تعبان وجيه لو فكرتي تتريـيني بنظره وابتسامه منج التعب كله بيروح . .
اناا ابتسمت : جب جب ما بترياك ماعندي سالفه
وليد : يااي يا بو حميد مش طاير انااا . . يالله عيل بنت عمي . . تحملي ع روحج . .
انا : ان شاء الله وانت بعد . .
وليد : من عيوني . . فمان الله
انا : فمان الكريم . .
وليد : اقوووول . .
انا : قول . .
وليد : . .
انا : قوول . .
وليد : بشتاقلج ..
انا : . .
وليد : ماشي انا بعد ؟
انا : لا . .
وليد : ما بتشتاقين يعني . .
اانا : لا . .
وليد : حماره . .
انا : ههه . .
وليد : ديري بالج زين ..؟
انا : ان شاء الله . .
وليد : لو تبين شي كلميني اي وقت . . بحاول ارد عليج قد ما اقدر . .
انا : ان شاء الله
وليد : وتغدي عدل . .
انا : ان شاء الله
وليد : اموت ع المؤدب الي يسمع الكلام . .
انا : وليد ّ!!
وليد : ابوي انتي . . هههه يالله بنت عمي . .
انا ابتسم : بحفظ الله . .
خلصت من القص وقمت وديته صوب المطبخ وغسلت ايدي . .
عقبها طلعت جفت مروان وشما ياييين . .
مروان : هود هود . .
انا : هدا . . اقرب ولد عمي . .
شماني تي صوبي وتسلم علي : السلام عليكم . .
انا : وعليكم السلام ورحمه الله . . .
مروان : يالله بنت عمي شو هالريحه الغاويه . . شكله الطباخ اليوم امرره ع العوق . .
انا : يالله فششششششيلاه . . ليكون فيني ريحه طباخ . .
شماني : ههههههههههه لا يمزح
مروان : ع كيفج امزح . .
انا : ماعليه ياولد عمي ماعليه
مروان : شو الغدا

إضافة رد
اسطورة ! 08:12 PM 09-10-13
انا : ماااااا بخبرك لو تحترق . .
شماني : قوليله حرام . .
انا : طااااااعو انتو طااااعو الي ادافع عنه
مروان :فدييييييتها فديتها الحرمه . .
شماني مستحيه : مروان . .
مروان : امي انتتتتي . .
شماني : مروان خلااااااص عيب . .
انا ابتسمت : ولد عمي الا انت شكله العرس يازلك اشوف . . مستخخف
مروان : اووفف اوفف لا تتخبرين . .
عمي سعيد : هاااه المفلوع
مروان : ههههههههه هلا عمي . . " يتخاشمون "
عمي سعيد : شحالج عميه
شماني تبوس راسه : بخير عمي . .
عمي سعيد يطالعني : عيل وينه وليد . . الا بالعاده ييي قبلهم ؟
انا : بيتاخر اليوم عنده شغل شوي . .
عمي سعيد : واخوه
انا : شهاب منسدح قال حزه الغدا نواعيه . .
عمي سعيد : هيه زين زين
مروان : عمي خلاص حصلت لك حرمه
عمي سعيد : يا ريال
مروان : امرره ع العوق
عمي سعيد : تعال تعال اباك ف سالفه
انا وشماني ضحكنا وهم راحو . . .
عسل عمي سعيد . .
شماني : شخبارج . .
انا : الحمدلله . . تعالي ندخل داخل
لاني ادري انها مش ماخذه راحتها وتامه متغطيه بكبرها تحاتي حد يدخل . .
دخلنا الحجره الي نتشارك فيها انا احنا البنات من دون المعرسات لان المعرسات اصلا ما تامات فالعزبه يردون البيت ويونا ع الغدا او ع العشا . . اما احنا البنات كلنا ف غرفه وحده . . كلنا نتشارك فيها بما انها عوده لكن طبعا ما فيها الا ثلاث سراير . . الباقي يرقدون ع الارض. . بما اني اول وحده دخلت الغرفه على طول حجزت لي سرير . .
لما دخلنا كانت ميره محد . .
انا : ميروه كانت راقده وين سارت . . .
شماني تروح صوب خلود : خلود حبيبتي قومي صارت الساعه 2 ونص . .
خلود تفتح عينها بتعب : منو انتي . . شموووه . .
شماني تبتسم . .
يرن فوني . .
انا : الووه
شهد : مرحبببببباا
انا : جب جب انتي وينج يالله ما باقي شي بنحط الغدا يوااااااعه احنا . .
شهد : ههههههههههههه سووووري والله ما حصلت حد يييبني . .أنا الحين برع ترى . .
انا : احلفي . .
شهد : والله . .
انا : يالله الحين بطلع لج . .
خلود : شهود يايه
انا : هيه . .
خلود : حسبي الله . . مهور اطاعي كششششتي
وكانت يايه تطلع . .
شما : وين تطلعين وانتي لابسه جييييه
خلود ردت دخلت : نسيت . .
انا : خلج خلج ههههههههههههه انا بشلها بنروح ورى نتمشى . . احسبي لروحج نص ساعه ولا اقل انا برد . .
وطلعت . .
اول ما طلعت وبطلت الباب بسرعه شفت راشد ف ويهي جان انقز . .
انا : بسسسسسسم الله . .
راشد يطالعني ويبتسم : السلام عليكم . .
انا اطالع وراه ماشفت شهد . . : وعليكم السلام . .
راشد : ليش طالعه برع ؟
انا : ربيعتي يايه . . روح روح ادخل داخل يالله . .
راشد يطالعني :
انا : بلاك . .
راشد : لا ماشي . .
وراح . .
طبعا راشد معروف ب انه قليل الكلام ولا يطلع منه شي . . يعني مرات احسه يبا يقول كلام ويعبر لكن من العيازه فيه او انه طبع ما يتككككلم . . يقول القليل المفيد فقط لا غير . .
انا اتصل لشهد :ويييييينج انا برع . .
شهد تنزل من السياره : انا فالسياره احين بنزل . .
ونزلت . .
بندت عنها واول ما يت صوبي ودخلت داخل وسكرت الباب خذتها بالاحظااااان . .
شهد : اششششششتقتلج ما بغينا نشوفج
انا : ههههههههه والله انا بععععععد . . حيااااااج ادخلي . .
شهد تشوف العزبه : والله عزبتكم غااااويه . . اتحريت شرات عزب اول تبين الصدق ويايه غصب بسبت حنتج لاني ما احب العزب . .
انا : لا حبيبتي عزبتنا مطوووره هههههههههه
شهد : هيه والله حلوه جنها بيت مش عزبه ..
وتمشينا وقعدنا نسولف عن الكليه وتمينا ناخذ لفه ع العزبه واراويها اياها . . وعقب شليتها عند اميه والحريم وسلمو عليها . .
شهد : وينها ميروه . . طول الليل تسويلي بنق وتحلفني لو ما يييت بتمط شعري ههههه
انا : تعالي بنروح لهم . .
ورحنا صوب غرفتنا عند البنات والكل رحب فيها وتهلل . . لان من علاقتي فيها ومن كثر ما اطريلهم اياها ويشوفوني ارمسها فون عرفوها . . وميروه ضافتها ع البي بي وبعضهم خذا رقمها يعني جد حبابه ودشت قلبنا كلنا . .
شهد : وينها ميروووه . .
انا : مادريبها هاي وين ..
ميره تدخل الحجره بسرعه وتبطل الباب بقوه
انا : اميه بلاج خوفتيييييينا . . ّ!!!!! " اطالع شهد " لو طارييين مليون اخيّر . .
ميره يتني : مهوووور . .
وكانت مييتتتتتتته صياح منهاااااره . .
انا : شفيج ارممممممممسي طيحتي قققققققققققلبي ..
ميره تامه تصيح ما ترمس . .
انا اطالع شماني : روحو شوي الصاله خلونا ..
طلعت شماني هي وخلود . .
ميره : قولي انه مقلب ؟
انا : شو المقلب
ميره : احلفي انكم مش متفقين تسوووولي مقلب
انا : واللللله مش مسوتلج مقلب شسالفه
ميره : مهور سمعت ابوي يكلم عمي خالد يقوله احنا ما بنلاقي احسن عن راشد لميره
انا : عن الاستهبال
ميره : والللللللللللللللللله العظييييييييييييم مهور والله العظييييييييم
انا اطالعها: مستحيل
ميره : مهور بتخبل خبريني شو اسسسسسسسوي
انا بعصبيه : قالج ماااااايد الف مره بس انتي تستاهلين !!!!!
ميره تنزل دموعها : مهور خبريني شسسوووووووي . . انا مش عارفه اتصرف
انا : اهدي بنت عمي اهدددددددي ..
ميره تمسح دموعها وتوها انتبهت لشهد : شهود . . .
شهد تطالعها وكانت ملامحها وايد وايد غريبه وفيها صدمه !!!
ميره تحظن شهود : سوري ماجفتج مصدومه انا . .
وتمت تصيح . .
شهد تمسح ع ظهرها بحنان : بس حبيبتي . .
اويه الموضوع مافيه مزح . . دام الكبار رمسو فيه . . !! لو عمي سعيد فالسالفه كنت بقول ان يمكن مقلب وهو يحس وعارف بلي يصير فالعايله لكن عمي خالد وعمي حمد ماعندهم سوالف وكل شي جد يرمسون فيه . .
شهد تمسح دموع ميره . .
ميره تطالع شهد : شهود انتي ليش تصيحين . .
شهد : انتي صيحتتتتتيني . . شوفي روحج كيف تعورين القلب . .
انا تامه اطالع شهد وشوي مستغربه لكن مادري مادري . . ماقادره افهم شي الحين . .
ميره ترجف وتمد ايدها : يتصل فيني . .
انا : رددددي . .
ميره ردت وحطت سبيكر . .
مايد : الوو ..
ميره ساكته : . ..
مايد : ارتحتتتتتتتتتي الححححححححين . . ارتتتتتتتحتي . . ارتحتي بلي سويتيه
ميره : هيييييه ارتحتتتتتت ارتححححححت
مايد : بعد !!! بعد تماااااااطليييين
انا : ميروه ارمسي زين
مايد يصارخ : شو بتسوين الحين شو بتسسسسسسسوين . . ابوج وابوي رمسو فالموضوووووع . . تبين تاخذين اخوي يا حيووووووانه !!! اخووووووي . .
ميره تمسح دموعها : هيه باخذ اخوك عناد فيك . .
انا اشهق وشهد مصدومه . .
مايد سكت شوي : انتي . . .من صدقج ؟
ميره : هيييييييه من صدقي .. والحين برووووووووح وبقول انا موافقه
مايد : ميره . . الشي هذا . . . ." عقب سكوت وبصوت يعور القلب " مافيه عناد
ميره سكرت فويهه . .
انا : انتي اتخخخخخخخبلتي . .
ميره : هيه هيه تخبلت . . بس جي بكسر قلبه بعانده ماتشوفينه كيف يصارخ علي
انا : يصارخ عليج من حرقه قلببببببه لا تلومينه مصدوم . . بتاخذين اخوه ميره اخوه وتبينه يرمس عدل ؟
ميره : انا براويه بادبه . .
انا : انتي ماتعاندين الا نفسج ترى
شهد : اذكري الله ميره . . ألي تسوينه غلط
ميره : بكسسر قلبه يعني بكسر قلبه
شهد : وراشد شذنبه . . .
انا اطالع شهد . .
شهد : تكسرينه ع حساب كبريائج ؟ عشان بس تبردين حرتج من مايد !
ميره تطالع شهد . .
شهد : مافكرتي فيه لو شويه

إضافة رد
اسطورة ! 08:14 PM 09-10-13
انا : صدقها . . اذا بتسوين هالشي وفبالج تحطمين مايد عحساب راشد انا الي بوقف ضدج وما بسمح لهالشي . .
يندق الباب . .
راشد : مسامحه بنات عمي . . بغيت مهره . .
انا : ها راشد . ؟
ميره تطالعني : هيه . .
سحبت لي شيله وتحجبت عدل وطلعت من الحجره . .
انا : هلا ولد عمي . .
راشد : تعالي شوي بغيتج . .
ولحقته لين برع برع . . وكان يطيح نفاف . .
راشد : وصلكم الخبر . .
انا : وصلنا . .
راشد : شراي بنت عمي فالموضوع
انا : ماعرف . .
راشد يطالعني : كيف ماتعرف . . هي موافقه ؟
انا اطالعه وابلع رييجي . .
راشد : بنت عمي انا ما افكر فالزواج . . ما ابي اظلمها معايه . .
انا اطالعه ماعرف شقوله والله متوهقة . .
راشد : شكلها تبيني من نظراتج
انا : والله ياولد عمي ماعرف شقولك . .
راشد : انا ما ابيها وما اقدر ارقض . . لازم هي الي ترفض . .
انا ابلع ريجي : بوصللها هالكلام . .
راشد : لا . . انا ماريد اجرحححححها . . لكن
انا : فاهمه عليك . .
راشد يطالعني : مهره انا ما اريد هالزواج بالمره !
انا اطالعه بس ماعرف شقول . .
راشد : مسامحه . .
وراح عني . .
وانا رديت دشيت . .
انا اطالع ميره : شكله يعرف الي بينج وبين مايد
ميره تمسح دموعها : ليش . .
انا : لانه ما يباج ميروه ما يباج . .
ميره : ليش ما يباني . . شقاااااااصرني
شهد : انتي من صدقج ميره . .
ميره : هييييه بوافق وبتحمل كل العواقب . .
مايد كان يتصل ويتصل ويتصل بس هي ماترد . .
انا : ردي عليه
ميره : والله ما برد . .
انا : انتي ليش جيه ؟ هو شو سوالج الحين . .
تبطل علينا الباب فجاه وانصدمنننا . .
شهد على طول تحجبت وانا اوردي كانت لابسه شيله وميره بعد كانت لابسه . .
مايد يدخل ويسكر الباب بقوه ويقفله . .
تجدم وسحب ميره و وقفها : شو الي فراسج ..
ميره تطالعه : بوافق
مايد : وانا . .
ميره : . . .
مايد : تككككككلمي واناا . . تبيني اهجر العايله ؟ والله والله وانا احلف . . ان سايرتي هالزواج والللله . . ما تشوفين ويهي طول حياتج
ميره : نففففففاد . .
مايد : نفاد . .
ميره: هييييه . .
مايد يبتسم : لين اخر لحظه انا ياي عندج . . لين اخر لحظه .. اذا تسوين كل هذا عشان تنتقمين من مقلبي لج اني كنت بنت تراج كفيتي و وفيتي طول الفتره . . لكن لا تكملين . . لين اهني وبس . .
ميره : بكمل . .
مايد يغمض عينه : تمام . . كملي بلي فيه . . ماعندي كلام لج اكثر . .
وطلع من عندنا . .
انا نشيت وعطيتها طراااااق بالقو : انتي حيووووووووانه . . تفوووووو عليج
شهد تيني وتمسح دموعها : مهوووووور . .
ميره تطالعني وتصارخ : ليش تصفعيني . .
انا : انتو كل عايلتكم جيه يعني ؟ شرات اخوج ما تفتكرين ف شي . . تجرحين فالناس من غير ما تحااااااسبين ..
ميره تطالعني وتنزل دموعها . .
انا : بس عااااااااد بتعاندين عاندي . . طزززززز فيج طزززز . . لكن بعيد عن راشد ولد عمي وبعيد عن مايد لو سمحتي . . مصصصصختيها بزياده ترا مع عنادج هذا . . مستانسه ع طبعج ؟ مستانسه ع العناااااااد ؟؟ ازفت طبع فيج ومحد بيندم الا انتي . .
ميره طلعت من الحجره ..
شهد : انا بروح
مسكت ايدها : وين تروحين ..
شهد : خليني مهره . .
وطلعت . .
تميت فتره فالحجره لاني متوتره واااااايد . تميت احاول اهدي عمري ما ينفع اكون متوتره لازم اسوي شي لازم اتصصصصصصصرف . . !!!!!! وبعدين كيف خليت شهد تطلع جيه من دون ما اوصلها حتى . . جد ما استحي ع ويهي ..
طلعت بسرعه ركض لين برع العزبه واول ما بطلت الباب انصدمت وشفت وسمعت الي ماكنت ابا اشوفه واسمعه . .
راشد : لا تصيحين دخيلج . .
شهد : راشد وخر عننننني . .
راشد : حياتي والله كل شي صار فجاه انا مش عارف
شهد : وصلتني الفككره . . انت تعمدت وحنيت علي اييكم اليوم بس عشان اسمع كل هذا
راشد : لا والله لا . . حرام عليج انا مش حقير . . انا احبج وابيج . . وابا اهلي يحبونج
شهد : جذاااااب . . كل ها مسسسرحيه . . عادي اتفقت وياهم عشان توصل لي الفكره
راشد : شهد حبيبي مستحيل. . انا احبج والله العظيم احبج . . انا ماقدر اتخيل حياتي بدونج
غمضت عيني بقوه : مستحيل . . مستحيل . .
جان اطلع : معقوله . . معقوله شهد . .
شهد تطالعني بصدمه وراشد بعد . .
انا اطالعها : مشاعرج تجاهي كانت تمثيل . . قربج لي كان مدبر ؟ متفقين عليه . . ّ!!! مستحيل ماقدر اصدق . . ماقدر اصدق انحطاطكم انتو الاثنين ..
عطيتهم الظهر بروح بس شهد مسكتني من ايدي . .
شهد : مهووووور لحظه . .
هديت ايدها وطالعتها وطالعت راشد . .
راشد كانت منزل رسه ومغمض عينه ويرص ع شفاته بقوه . .
شهد : انا صح تعمدت اتقررررررب منج .. تعمدت اول مره اجب عليج العصير وتعمدت كل شي لكن والله الي بينا حقيقي . . انا صدق حبيتج وحبيت البنات . . انا بس طريقه تعارفنا كانت مدبره . . لكن كل الي قلته وعشته معاج صدق . . انا حبيتكم كلكككككم والله . .اهلج كلهم حبوني وعزوني
انا : لان كلنا وثقنا فيج ماوراج نوايا . . لكن انتي سويتي كل ها و وراج نيه " اطالع راشد " مدبرين كل شي . .
شهد : مهور دخيييييلج افهميني . .
راشد يطالعني وعينه تبرق عادي تنزل دمعته بأي وقت : دخيلج بنت عمي لا تتخلين عنا . .
انا : قسيت ع ميره عشان ماتجرح مشاعرك . . لكن انت تستاهل ع الانحطاط الي كنت تفكر فيه
راشد يجابلني : انا شو سويت !!!! خبررررررريني شو الغلط الي سويته . . انا حبيت واباها حلااااالي وانتي تعرفين . .
انا : هيييييه اعرررررررف ان اهلي مايرضون ف بنت غير العايله وانت استغليتني انا واستغليت كل شي عشان ادخلها العايله والكل يتعرف عليها ويحبببببها ويكون سهل لك
راشد : بنت عمي . . انتي علشان حبج سويتي المستحيل . . انتي عشان حببببج نطرتي 21 سنه على الي تحبينه . . حاربتي عمج وتحملتيه وتحملتي الظيم كله . . وتشوفين الي انا اسويه استغلال ؟
انا اطالعه . .
راشد : انا سويت مش عشان استغلكم . .
شهد: ولا انا والله شاهد على كلامي . . انا كنت اباج تتعرفين علي بس وألفت انتباهج لكن علاقتي فيج ومع العايله تطورت بشكل لا انا حسبت له حساب ولا راشد . . لو حسيتي ب شي بسيط تجاهي اني ما حبيتج او اني جذبت عليج في شي جان حسيتي . . لكن كلكم كلكم حسيتو ب حبي لكم لان نابع من قلبي . .
راشد : دخيلج لا تتخلين عنا . . دخيلج . .
انا اغمض عيني ماعرف شـ افكر فيه وشو اسوي . .
دخلت داخل وخليتهم . . ومسكت تلفوني واتصلت فيه بس ما رد علي . . اتصلت مره ثانيه وثالثه ورابعه لكن مارد . . طرشتله مسج " اتصل فيني من تشوف الفون "
وتميت قابضضضتنه فتتتتره طويله لكن ما شفت اتصاله . .
عقبها ب شوي حطو الغدا . . والكل تغدا . . ورقوي واعت شهاب وكان معصب وتغدا . .لكن انا ما كلت شي . . تميت قاعده بعيييد صوب اسطبل الاحصنه . . دخلت داخل وشفت واحد يعابل ف حصان . . بس ما عرفته من الظهر . . تميت واقفه شوي عقبها عطست ومن عطستي لمحني وصد . .
انصدمت لما شفته . . هذا كيف ومتى دخل اهني . .
سيف يطالعني وانا اطالعه . .
سيف : شو تسوين اهنيه . .
انا عطيته الظهر ولما ييت امشي تككلم
سيف : شوفي هالمهره . . قامت تشبهج اكثر لما كبرت . .
صديت وشفته يمسح ع ظهرها . .
سيف يبتسم : شعر طويل . . " يلعب بشعر الحصان " وعيون ساحره . . " يبتسم " وتموت فيني . . "يطالعني" الفرق ان هي مازالت تموت فيني وانتي لا . .
انا تجدمت شوي وتامه اطالعها . . اشتقتلها حييل والله . .!! مرت سنيين من اخر مره شفتها . .
سيف يطالعها ويمسح عليها : هاي مهرتي . . انا الي ربيتها من هي صغيره . . " يطالعني " تذكريييين ؟ اول ما يابها يدي قالي هالمهره ع بنت عمك مهره . . " يبتسم ويطالعها ويلعب بشعرها " دير بالك عليها وحطها ف عيونك وصونها ولا تخلي ايد ريال غيرك عليها . . وانا ماااااااصدققققت . . انا الي اهتميت فيها لين كبرت لين الحييييين . . " يطالعني " وماترضى الا بايدي . . . ولا ترضى حد غيري عليها ! انانية . .غيوره . . تبيني انا وبس . . عشان جي احبها واعشقها واموت فيها . . " يبتسم " كنت احبها وماحاس بقيمتها . . " يطالعني " ولما فقدتج . .عرفت شكثر انا احب هالمهره . .
تقرب منها وتم يحظنها وهي مستانسه عليه . .
سيف يطالعني : جربي خلي حد غيري يمسكها بتشوفين رده فعلها . . اظن الكل يعرف ان هاي لسيف . . متعجرفه وكريهة وما يحبونها لانها ما تسايرهم . .
انا اطالعه . .
سيف : ماتذكرينها ؟
انا اطالعه : اذكرها . .
سيف : حتى هي . . اكيد تذكرج .. لان ماشي ايد ناعمه مسكتها غيرج . .
انا ساكته واطالعها . .
سيف : اول وحده دخلت العزبه " يمسح ع ظهرها " ودخلوها بقوه لاني كنت محد . . وعاندت ما كانت تاكل ولا تشرب يوم كامل . . " يبتسم " انا يييتها فليل واكلتها وحطت فيها شوي عشان اراضيها . .
انا ابتسمت لا ارادي . .
سيف يبتسم : قربي منها . .
اطالعته . .
سيف : ماكنتي تخافين منها . .
انا : ما اخاف . .
كنت يايه اقرب واحط ايدي عليها لكن رن تلفوني . . كان وليد . . ومن صدمتي طاح البي بي وتبطلت البطاريه . .
سيف يطالعني ونزل شل البطاريه والفون وركبهم ومدالي . . وشليته عنه وعطيته ظهري ومشيت . .
سيف : امسكيها قبل لا تروحين . .
انا اطالعه . .
سيف : ابيها تعرفج . . ابي اجوف بتذكرج ولا . . اكثر عن عشر سنين مرت . .
انا اطالعه