الفصل 4 | من 16 فصل

رواية هايم في بحر الشوق و لذات هيامك الفصل الرابع 4 - بقلم غير معروف

المشاهدات
31
كلمة
19,662
وقت القراءة
99 د
التقدم في الرواية 25%
حجم الخط: 18




وليد يبتسم : لاه ؟
انا : هيييييييييه بعد شو . . اشترلي واحد
وليد : والي يقولج ما بتشربين الا هذا
انا : مابشرب
وليد : زين خلي ابوي يروح
انا حطيت ايدي عراسي : والله راسي يعورني حرام عليك
وليد : ترا الحل بين ايديج
انا : مااااااابا . . خذذذذذذذلي يلا
وليد يغني : انا تراني طيرك إلي يحبك موت ، لو حب قلبي غيرك بدعي عليه يموت
انا : ولييييييييد
حطيت ايدي ع راسي وتساندت ع الجامه وغمضت عيني : والله حرام عليك
وليد يطالعني : يعني تبين تكسرين خاطري . .
انا : خلاص اسكت مابا منك شي . .
وليد يبتسم ووقف عند الدكان : محححححححمد . . واحد ماي بارد . . " رد يضرب هرن " شوي بارد مافي واجد . .
شوي ويا الهندي وياب الماي .
وليد : تبين شي غيره
انا شليت الماي : لا . .
وعطاه درهم وحركنا . .
انا : خلاص ردني البيت . .
وليد : ليش . . خلينا متونسين . .
خذت البندول وشربت ماي شوي . .
انا : الحمدلله . .
وليد : فيه الششفى فديتج . .
انا : تسلم ولد عمي . . خلاص ردني البيت
وليد يطالعني : تبين تردين اكيد . .
انا : هيه
وليد يبتسم : شرايج نصلي المغرب واوديج مكان ف الهوا العليل اطلعين فيه طاقتج . . ؟
انا اطالعه : وين . .
وليد : بوديج المرسى . . بنلعب سياكل اهناك . .
انا اطالعه : انت تعرف اني لابسه جلابيه تحت العباه . . " اسويله حركه المينون " انت مش صاحي
وليد : شو المشكله . ؟ بوديج المول البسي لج شي . .
انا اطالع ويهي : جوفني كيف مصفعه وعيني هالكبر
وليد : يالله مش مشكله انزلي باريس غاليري خذيلج بودره مادري كريم اساس مادري شو تسمونه
انا ابتسم : والله مش هين تعرف هالسوالف
وليد : شعبالج . .
انا : لا خلها مره ثانية . .
وليد يبتسم : متى ؟ يوم بنعرس ؟
انا اطالعه : انت وبعدين وياك . .
وليد شل الماي عني وشربه اشكره . .
وااااااااااااااااااااااي من وليد واااااااي . .
واضربه ع جتتتتتتتتتتفه بالدبه ضرب وهو ميت ضحك . .
وليد : هههههههههههههههههههههههههههههههههههههههههههههه
انا : ماصخ قلييييييييييييييييييييييييييييل ادب خايسسسسسسسسسس
وليد : شوفييييييييييج شربت ماي انا . .
انا اطالعه بنص عين : جبببببببببببببببببببب
وليد : ههههههههههههههههههههههههههههههههههههههههههههههه
انا : طفسسسسسسس زفت . .
وليد يبتسم : لو تقدمتلج بتوافقين
انا اطالعه : لااااااااااااا . .
وليد : ليش عاد . .
انا : وليد عن العبببببببط
وليد : يلااا عااد . .
انا ابتسمت غصب : والله خووش . . حلوه هاي . . العرس لعبان هوو
وليد يبتسم : ها شقلتي . . ؟ بكلم امج اليوم . .
انا : اقولك انطب عني ولا والله ببطل باب السياره وبنزل منها
وليد : ههههههههههههههههه . . " يطالعني " بتروحين صوب السياكل
انا : بتتعنى لي من راك لين دبي لا وبتتخطف لي من مول لين مول بعد عسبت ارتب عمري ؟ لا لا حق شوووو . .
وليد : انزين خبريني شو ورانا . . خلينا نستانس
انا اطالعه . .
وليد يبتسم : وبعدين دبي الا دقة حصاااه ترى . . نص ساعه وواصلين . .
انا تميت اطالعه . .
وليد : ها . . ششقلتي . .
انا : لا لا خلاص خـ نرد البيت
وليد : يالله عاد . . امج بعد تعرف انج مش فالمود وبتحبني اكثر يوم بتعرف اني ونستج . . وبعدين مكان عام مش رواحنا احنا
انا اطالعه . .
وليد يبتسم : وافقتي صح . .
انا مارديت عليه
وليد : يالله خـل اوديج هالمول عيل دوريلج شي تلبسينه وعقب سيري باريس غاليري تعدلي وترتبي وجربي كل شي واطلعي قولي ما عيبج شي لاني ما بدفع
انا ابتسمت : سخيف . .
وليد : والله .. عيال عمي يدشون يتعطرون ويظهرون
انا : عيال عمي ؟ قول انت
وليد يبتسم : خسسي والله . . برستيجي ما يسمح لي . . انا ادش اخذ ع طول ماعندي وقت
انا : زيين . . في بينا شي مشترك " ابتسمت " احين حسيت انك ولد عمي ع الاقل
وليد يطالعني : صدق
انا : هيه
وليد : ليش
انا : انا بعد ماسير الا وفراسي شي معين اخذه واطلع . .ماجرب شي يديد
وليد يتقرب مني : خشمج ..
انا دزيت ويهه : ايييييييييييه
وليد : ههههههههههههههههههههههه . .
تم يلعوزني لين وصلنا المول . .
انا : وليد من صدقك . .
وليد : هيه والله من صدقي . .
انا :انزين هات بخبر امي . .
وليد : أنتي انزلي انا بخبرها . .
انا : قولها الصدق
وليد عاقد حياته : طبعا بقولها الصدق . .
ونزلنا . .
دخلت اول محل . .جفته واقف عند باب المحل يرمس اميه . . تميت ادور لي لبس سريع ماحصلت . . شوي وهو ياني . .
وليد : قالت لا اطولون
انا : والله ؟
وليد : انتي ليش كله تتحريني جذاب
انا ابتسمت . .
وليد : فديت امج . .
انا اطالعه
وليد : لانها يابتج لاه . .
انا ابتسمت : اف . .
وليد : يالله ما خلصتي
انا : شو تتحرا جي السالفه سهله . .
وليد : هيه بعد شو . . ليش اطولون ابا اعرف
انا : لازم الواحد يتنقى ويجوف شو يناسبه ..
وليد : عاد انتي كل شي يناسبج
انا ساكته ما ارد عليه
وليد : بالذات الشعر الاسود الطويل ويا الفستان . .
انا انصصصصصصصصصصدمت . . حسبي الله ونعم الوكيل ..
انا فاجه عيني : حسبي الله عليك ياوليدوه
وليد : ههههههههههههههههههههههههههههه . . حسبالج نسيت الصوره > يطري خلفيه فوني الي جافها
انا طنشته مع اني كنت ميته فششششششله وميته ميته جد احرررررررراج . .
وليد : انتي بتخيسين اهني انا اعرف . . تعالي تعالي ورايه . .
ومشى عني . .
وليد يصد : تعاااالي . . بتمين واقفه اهني منو بيدفعلج
انا مشيت وراه : واي بتذلني بتذلني برد البيت بفر البيزات فويهك . .
وليد : هههههههه خلصييني يلا . .
ولحقته . . دشيت المحل وراه وعلى طول رفع لي قميص وردي وعليه توقيع ماركة بولو . .
وليد يطالعني : كم تلبسين ؟ سمول ولا ميديام . . ؟ ميديام ميديام
انا منحرجه وبس اطالعه . .
وليد يطالعني : سمول بي عليج طر مرسوم . .
انا شهقت . .
وليد : ههههههههههه خلاص ميديام علشان ترتاحين فيه اكثر . . انتي اصلا شو تلبسين خبريني الله يخليج
انا سحبت الميديام ومارديت عليه . .
وليد : يعني ميديام ها " يبتسم " انزين تعالي بنسير صوب البناطلين
انا : مشكور ما يحتاي تي . .
لحقني ما سوالي سالفه وعلى طول خذت جينز قياسي وماخليته يجوف . .
ابتسم وليد وشلهم عني وسار حاسب . . وانا اجوفه يحاسب وهو يبتسم جنه يهددني لانه بيشوف . . الله يخس ابليسك ياوليد كيف تبا ترفع ضغطي . .
حاسب وبعدها ياني : هااج . . روحي ألبسيهم ف غرفه التبديل خلاص قلتله . .
شليت عنه ورحت لبست . . وايد حبيته . . اوردي احب قمصان بولو تي مرتبه وايد والوانها حلوه
بدلت وطلعت له كان يترياني . .
وليد : انزين ازقريني ع الاقل خليني اجوف الي اخترته
انا اطالعه وعاقده حياتي
وليد :الواحد ما يسولف يعني ؟
انا : احم . . بمر باخذلي نعال بعد . . نعالي مش مريح حق سيكل . .
وليد : انتي قولي كان فخاطرج تتسوقين وماصدقتي حد يييبج
انا اطالعه : خلاص ردني البيت عيل
وليد عاقد حياته : امشي . .
ومشينا سرنا صوب النعله . . تميت محتاره بين اثنين . . قعدت ع الكرسي بطلت نعالي عشان اقيس جان يييني ونزل تحت ولبسني واحد من اختياره . .! حطني فالامر الواقع على طول . . ماشي واحد اثنين عنده . . انصدمت . . وعلى طول تذكرت سيف . . انا كنت مجروحه وماخليته يلمس ريلي وهذا اشكره لبسني . .

إضافة رد
اسطورة ! 08:47 PM 08-10-13
وليد مبتسم : جنه مرسوم لج . .
انا فاجه عييني
وليد : لا تطالعيني جي . . بسوي اكثر عن جي . . ف خلييني ريلج بالحلال . .
بلعت ريجي . .
وليد رد نزل وبطل النعال : بسير احاسب اترييني . .
وراح . .
انا : لا مستحيل . . إلي يستوي شي بزياده . . احس اني بديت اغلط وبديت اتهاون . . شقاعد يصير .. شلي قاعد تسويه ياوليد . .
وليد ياني : يلا . .
انا اطالعه . .
وليد : يالله . . تبين باريس غاليري ولا مكياجي . .
انا بعدني اطالعه
وليد : لا مكياجي بايخ . . باريس غاليري احسن
وشبك ايدي بايده ومشاني معاه ..
انا اطالعه : وليد . .
وليد يبتسم : لو تقدمتلج بتوافقين ؟ لو قلتي هيه بودر هالحركات . .
انا حاولت اهد ايده لكن قبضته اقوى . .
وليد : ما بودرج . .
انا اطالعه : لو سويت هالحركات برد عليك وبقولك لا
وليد يطالعني : يعني لو هديتج بتقولين هيه
انا اطالعه وبلعت ريجي : لا . .
وليد يبتسم : عطيني جواب مقنع . . " يلعب باصابعي ويطالعها " ليش ايدج ناعمه وايد ؟
انا : وليييييد
وليد يبتسم : لو تقدمتلج بتوافقين
انا : لو هديتني بفكر . .
وليد يبتسم : والله ؟
انا : هيه ..
وليد : اوكي . . بهدج .. بس " يطالعني " يوم بنوصل السياره . .
تميت وايد مفتششله . . بالذات يوم حد يطالعنا ويبتسم . .
انا : وليد عاد كافي . .
ودخلنا باريس غاليري . . اضطر يوخر ايده من زحمه البنات . . حسيته تفشل . . توقعته جريء ووقح لكن يوم جفته نظراته ويا البنات عرفته انه ما يحتاي ههه . .
اول ما ييت بروح عنه زقرني . .
وليد مدالي بطاقته . . : هاج . . بترياج اهني . .
شليت البطاقه وانا جد احس الوضع بيني وبينه غريب . .
غبت عنه 10 دقايق ورجعتله . . ما سويت شي بس حطيت فاونديشن وبودره خفيفه مع بلاشر وحطيت ماسكرا ، وتجحلت بجحال اسود وحطيت قلوس وردي . . وطبعا ما جربت من المستعمل .! شريت المعتاد وعقب استخدمته من إلي شريته !
وليد : وصلني مسج حسبي الله على ابليسج يالظالمه . . يوم واحد بفلس انا . .
انا : ذليتني . .
وليد يبتسم : امزح ترى قسم بالله . . فدا راسج . . انا المعاش يتم طول الشهر ما ينسحب منه شي . . أصرف من الي يعطيني اياه ابويه وامايا . . لكن فديت وحده والله ماعندها وقت ..
اانا : ههههههههه . .
وليد يبتسم : استانس يوم اشوفج تضحكين . . " نزل الكاب ع ويهه من غير ما يطالعني ومشينا "
وتم الوضع بينا هاااادي .. لين ركبنا السياره وانطلقنا . . والوجهة جدا دبي !ّ
.
البارت الـ 12
الساعه تشير للـ 8 ونص المساء . . صلينا فروضنا فالدرب واتريينا فالمسيد لين صلاه العشاه وعقبها ييينا المرسى . . كانو الناس قلايل مما خلاني ارتاح شوي . . كنت وايد مفتشله وانا امشي عداله وين ما يروح . . بالذاات لما رحنا عشان نحجز سياكل والبنات كانو يطالعون وليد ويبتسمون ويسوون له حركات وعقب وحده قالت لربيعتها ( اييه . . حرمته وياه ) حسيت اني متوتره بشكل ما ينوصف . .
خذنا السياكل . . ورفعت العباه شوي عشان ماتشتبك ويا السيكل واتخرطف . .
وليد : يالله خلصيييييييينا . . بروح عنج ترى . .
انا حركت السيكل : يالله . .
تمينا نتمشى بالسياكل والهوا يضرب ع ويهنا . . خاطري اعرف شو كانت اعذارك يا سيف . . شو كنت بتقولي ؟ شو الحال بيني وبينك الحين بيكون . . . لين وين بنوصل اكثر . . انا شو الي لازم اسويه . . اتنازل عن حب 21 سنه بهالسهوله . . انزين هو ليش ما يفكر بهالتفكير . .؟ ليش ما يفكر ان حب 21 سنه حرام يروح ويسوي عشاني كل شي صعب . .
وليد : شاركيني افكارج عن سيف . .
انا اطالعه : شدراك اني افكر فـ سيف
وليد : لان سبحان الله يوم تفكرين فيه تتلاشى ابتسامتج وتتغير ملامحج الحلوه لملامح حزينه بشعه
انا ابتسمت : سخيف
وليد : والله . . .
انا : . .
وليد : قوليلي الي تفكرين فيه
انا زيدت سرعه السيكل عسب اسبقه واتجنب اني اكلمه لكنه لحقني وجابلني عشان اوقف . . كن بتخرررررررطف وبدعمه .!!!!!!!!!!! لكن الله ستر ع اخر لحظه تداركت الوضع . .
انا : تستهبل
وليد يطالعني : لانج ماتردين علي يوم اكلمج . .
اانا اطالعه : شـ اقول ؟ ماعرف اتكلم
وليد : انا ماقلتلج اتكلمي . .قلتلج قوليلي الي في بالج الي تفكرين فيه
انا اتنهد . .
وليد : اسمعج . .
انا : مستغربه . . ابا اعرف ليش سيف ما حارب عشاني . . ما سوا المستحيل عشاني
وليد : قصدج ما حارب عمي حمد
انا اطالعه : وليد لا تتحراني من النوع الي اباه يجحد على ابوه ويعصيه لا ابد . .
وليد : عارف
انا : انا كنت اباه يحاول . . يسعى . . ما ييئس ابد . . سيف كان يرمس ابوه مره فالشهر . . مرتين فالشهر لو انا حنيت عليه . . ماكان يحن على راسه كل يوم كل يوم كل يوم . . ماكان يحارب ويقول انا لو ما خذتها ما باخذ غييرها . .انا ماقلت انه لازم يعصي عمي ويصارخ عليه ويتحداه . . لا والله ابد ها اخر شي انا اباه وعمري ما حرضت سيف على عمي . . دومني اقوله كلمه بالهداوه . . اقنعه . . سيف ضيع سنين من عمري لانه يجنب يكلم عمي . . لو استغل هالسنين وهو يحن ع عمي كل يووووم جان انا وهو متزوجين من زماااااااان . .لكنه ما كان يسوي شي . . دومني انا الي اسوي . . دومني انا الي احارب واوقف ف ويه الكل لين سموني وقحه ومافيج ادب وابوج ما رباج . . انزين انا قاعده اسوي الي الريال ما رام يسويه شـ سوي . . انا ماكسرت قلبه ولا وافقت على حد . . وليييد
وليد يهمس : عيونه
انا كنت مندمجه ماعاتبته ع الكلمه : انا قلبي يحترق " دمعتي تنزل " كل ربيعاتي عرسو . .والله العظيم كل ربيعاتي عرسو ما تم حد . . لا تقولي بعدج صغيره والعمر جدامج .. صح انا اعرف لكن " اطالعه عين بعين " انا جد كنت متلهفه ع زواجي منه بشكل محد يتصوره ..
وليد : وهالشي كلنا عارفينه بنت عمي . . هالشي واضح وحتى احنا الشباب عيال عمج نعرفه وتعبنا ونحن نلوم سيف ونقوله بسك البنت تتعذب بسك تحررك . . بسسسك اتزوج احنا بنعطيك ما بنقصر ! ما نصحتج من عبث بنت عمي وربي مانصحتح من عبث . . يمكن في وايد اشياء انتي ماتعرفينها ومالي حق ارمس فيها . .
انا بس اطالعه وهو يرمس وقلبي يعورني . . : تتحراني ماعرف . . انا اعرف كل الي تعرفه ترا . . بس لاني احبه اتغاضي . .
وليد يطالعني : شلي تعرفينه
انا ابتسم : صدقني اعرف . . انا اي شي يخص سيف ما يغلبني اني اعرفه . . لكن عشقي له خلاني اسكت واتغاضى واتحمل . .
وليد يطالع : تعرفين معقوله
انا : انه قبل لا يموت ابوي ويسير العمره ويهتدي كان ف تايلند ويا بنات . .
وليد مصدوم وبس يطالعني
انا : وعقب عمي حمد وعبدالله راحو يابوه وسكتو عن السالفه ومحد قال ليش سافرو وليش ردو ويا سيف مع انه مسافر قبلهم " ابتسمت " وماحاسبته ع شي ابد . . ومحد يعرف اني ادري . . حتى ميروه ماتدري اني ادري . . مع اني اعتبرها صديقه قبل لا اعتبرها بنت عم وكان المفروض تعاملني بالمثل وماتخش عني علشان تتستر على اخوها . .
وليد : شو كان سبب سكوتج . .
انا : انه اهتدى بروحه من توفى ابوي . . وتأثر بموت ابوي وتأثر وهو يدفن ابوي بتراب . . حس ان الدنيا ما تسوى شي وحس بنفسه وبروحه تااب وألتزم وتغير بعدها وايد . . " ابتسمت " والله اعرف كل شي
وليد : كيف . .
انا : انا بنفسي حرقت صور سيف الي كان متصور فيها ويالبنات . .
وليد يطالعني . .
انا : كنت رايحه بيت عمي ويا ميروه بتشل اغراض ودشيت حجرته وشفت إلي ما كنت ابا اجوفه فالسدات . . شليته وحرقته . . انا الي حرقته تعرف ليش ؟
يطالعني
انا : عشان ما يطيح من عين حد . . عشان محد غيري يمسكه ويعرف هو كيف . . ومحيت الشي من بالي لاني اموت فيه ولانه مشى صح ماعلي من الاشياء الغلط الي سواها . . بس سيف صااني . . وايد صاااني . . حسسني اني صدق حرمته بدون لايلمس صبعي . . " ابتسمت باستهزاء " لكن حسافه . . " اطالعه " هو واثق من حبي له . . يعرف اني بروح وبرجع له هو وبس وماقدر بدونه . .
وليد : علشان جي قاعد يعذبج اكثر . .
انا : خاطري اعرف هو حبني ولا ماحبني . . والله ها الي ابي اعرفه . . هل الي كان بينا حب ولا كان يقص علي وما يبا يجرح مشاعري . . ليش خلاني معلقه له ومارضى اني اتزوج . . ليش خلاني اعشقه كل يوم اكثر واكثر واكثر . .. وايد اشياء في بالي محتاجه اعرفها وليد وايد اشياء "حطيت ايدي ع قلبي " انا مجروحه وايد . . " نزلت دموعي " قسم بالله انا وايد مجروحه . . لا تتحرا انا عندي ميره وامي ويدي واقدر اقولهم هالكلام . . لا ماقدر . . امي من تشوفني بس اشكي كل الي تسويه تصيييح . .بتوقف معاي ف كل شي انا اعرف هاي وصيه ابوي لها . . لكن ماقدر اقولها كل شي لانها بتنهار . . لو فضفضت لها مره بتم طول الليل تصيح وتحاتي . . ميره صح اقرب انسانه لي واقرب صديقه وانا اعتبرها وااايد بحياتي لكنها ماتعاملني بالمثل . . انا ماكنت اخبي عليها لا صغيره ولا كبيره . . لكن ميره تحاسب ع الي بتقوله . . في اشياء بتقولها وفي اشياء لا . . ماتقولي الاشياء الي انا احتاج اني اعرفها وهالشي دوم يضايقني منها . . " ابتسمت " وميره انانية حيل . .وايد وايد انانيه انا هالشي اعرفه فيها من زمان . . بتاخذ الجانب إلي هي تبيه اكثر . . صح اني مابهون عليها لكن بعد الانانية طبع فيها . . ويدي " غمضت عيني " نظر عيني . . شايل همي والله شايل همي . . انا استحي على ويهي أني اكلف عليه اكثر من إلي هو فيه . .
وليد يبتسم : بس انتي الغاليه . . دلوعته . . حبيبته
انا : اكيد بكون دلوعته وحبيبته لاني دوم لاصقه فيه مافارجه . . ولاني وايد اغمضه واكسر خاطره . .ع رغم ما الكل يتحراني قوية من برع وحقيره ووقحه لكن هو يعرف اني من داخلي هشششه على ادنات الدون انكسر . .
وليد يبتسم . .
انا مسحت دموعي : انا ماعرف شقاعده اقول . .
وليد يطالعني : انا بعد ماعرف انتي شقلتي اصلا . . وانا نسيته وشلته من بالي . . وإلي اباه انج تشيلينه من بالج بس هالساعتين . . يوم بتردين بتفكرين بكل شي . . لكن هالساعتين لا تفكرين بأي شي . . ها إلي اباج تسوينه الحين ..
انا نزلت من السيكل : مالي خاطر اركب خلاص . .
وليد : ركبي ركبي دافع بيزات انا . . مش من جيبج علشان جي تتهاونين
انا : واي ما يسوى علي
وليد : يلا خلصيني . . " يطالع الوقت " اصلا باقيلنا ربع ساعه وبيخلص حجز السياكل . . وايد قرقرتي . . يالله لفه سريعه وبنودر السياكل مكانهم . .
ركبت وسبقته وتميت اسوق بسرعه طاااااااااااااااااايره عشان الهوا يضرب ع ويهي . . ششششششعور منعشششش وحلوو . . فجاه صديت وماجفته ورايه . . انصدمت . . وين ساار . . جان ارجع ولمحته
انا حطيت ايدي ع قلبي : ويييه . . شو استوالك . .
جفته ع الارض قاعد وكان ماسك ايده اليمنى بقوة ويتعصر من الألم
انا : وليييييد . .
ماقدرت اجوف ملامحه لانه كان منزل الكاب ع ويهه . .
انا : رمممسني خوفتني والله خوفتني لا تسوي جيه اتكككككككلم . .
وليد كان بس ماسك ايده واسمع تناهيده وعوقه . .
تقربت منه ورفعت كابه شوي شوي خفت انه متعور براسه . . ومن رفعت كابه تقرب وباسني ع خدي
انا ماحسيت بروحي إلا وانا عاطتنه كففففففففففففففففف ع ويهه
وليد مبتسم ويعض شفايفه : اخخ عورتيني . .
انا بعصبيه : مصختتتتتتتتتتتها . .
وليد قام وانا مشيت عنه وكنت معصبه جد معصبه ف مسك ايدي بقوة وخلاني اجابله
وليد : جفتي . .
انا مافهمت شو يقصد . .
وليد : كل شي فالدنيا فيه رده فعل . . انا طول اليوم تماديت معاج وانتي ساكته ماسويتي شي بس تهذربين وتعصبين .. لكن تماديت اكثر وشوفي شـ سويتي . . طراق . . هاي رده فعلج للموقف . .
انا عاقده حياتي . .
وليد يبتسم : لازم تتخذين رده فعل لحالج مع سيف . . شفتي الي صار بيني وبينج طول الوقت شو . . هذربه وتعصبين ؟ انتي جي قاعده تسوين مع سيف . . ماتتخذين رده فعل مناسبه تخلي الشخص يتأدب ويوقف عند حده . . " هد ايدي " ما يحتاي ألمسج الحين لاتحاتين . . أنا هذا إلي كنت أبا أوصل له من الصبح . . ها إلي كنت ابا افهمج اياه من زمان بس ماعرفت كيف . . اتخذت وايد طرق وماجفت نتيجه وعرفت شي واحد عنج . .

إضافة رد
اسطورة ! 08:47 PM 08-10-13
تميت اطالعه
وليد : عندج طوله بال كبييييييييييرة . . وصبوره بمعنى الكلمه . " يبتسم " ماشاء الله عليج نادر ما يتصف الواحد بطولة البال وبهالصبرر . .
بلعت ريجي . .
وليد : لا تنسين هالدرس . . خليه عبره لج وافهمي منه وايد اشياء كنت اباج تفهمينها . .والحين يالله اسحبي سيكلج خلينا نرده عشان ناخذ لنا عشا فالطريج ونرجع . . " يبتسم " يالله لا تبحلقين فيني جيه . .
ماقدرت ارد عليه . . كلامه كان قوي بالنسبه لي . . لا ما كان قوي . . بس كان صفعه ! كان شي مثل ما يقولون اني غافله عنه ومش حاسه فيه وهو نبهني .! انا متى بتخذ رده الفعل مع سيف ؟ صح . . ها الي لازم اسويه الحين . . أتخذ رده فعل . . ما افكر واتعذب واتحمل . . كل الي لازم اسويه رده فعل . . " ابتسمت "
انا : مشكور ولد عمي ع النصيحه . . وبنفس الوقت انا نص اسفه ع الصفعه . .
وليد : نص اسفه بالله كيف ؟
انا : يعني انت تستاهل لانك تماديت لكن نيتك كانت شي ثاني ف تستاهل نص الاسف
وليد يبتسم ومارد علي بس نزل الكاب ع ويهه . .!
ردينا السياكل وعقبها كملنا مشي . .
انا وقفت صوب البحر وجابلته . .
وليد : تبين تشوفين مكان احلى ؟
انا اطالعته : في احلى . .
وليد : هيه . . الصوب الثاني . . تعالي ورايه
ولحقته . .
كان في ع البحر انارات فنادق وانارات جسر . . فـ ألوان البحر طالعه غراااااااااااااااااام . . سحرر سححر سبحان اللــــــــــــــــــــــه . . شي خيااالي . .
انا اتنهدت : آآآآآآآآآه .. روووووووووووعه
وليد يصد يمين يسار ما جاف حد. . فـ صااارخ وهو يكلم البحر وحاط ايدينه الهنتين ع حلجه لانه بيهتف بصوت عالي : يا بححححححححححححر . . اشششهد . . انا اليوم ياي ويا مهوووووور وهي بنتتتتتتت عمممممممممي . . في يوم من الاييييييييييااااااام . . في يووووووووم فيييي يووووووووم . . ااذا الله كتب فيييييييييييه الخيييييييييير . . بي وياااااااااها لكن بتكووووووون حرررررررمتي مش بنت عممممممممي . .
ابتسمت . .
سويت نفس حركته . . وصرخت : يا بحححححححححر . . هالمينوووووون ولد عمممممي ما يجوف شي فالدنيا غيييير زوووووواااااج . . يتححححححرا كل شي سسسسسسسسهل " اصارخ " مايدري في وايد اموووور كبييييييييييره انا مااااااااقدر عليييييها . .
وليد : يا بحححححححححححر . . " يصارخ اكثر " انا مينوووووووووون . .صح انا مينووووووووووووووووووووووووووووووووووووووووووووووو ووووووون . .
انا : هههههههههههههههه بس كافي " اتصددت " عن حد يسمع
وليد : يا بححححححححر . . تتتتتتتتذكر هاليوم عدل . . وتذذذذذذذكر هالتاااااااريخ . .انا راح اررررررررررجع وبتششششششوف . . يا انا اكسسسسسر خشششششمك . . يا انت تكسسسسر خشششششمي . .
انا اصارخ : يا بببببببحررر . . مييييره بنت عميييييييي تعشششششقه يا بححححر . . اكسر قلببببببببها ؟
وليد : ميييييره منجذذذذذذبه لي يا بححححححر . . ماااااااااتحبننننني . . " يطالعني ويرمس عادي " حبيني ولا تفكرين بالعواقب . .
انا : وليد شو هالكلام . . انا بعدني مجروحه من علاقه كبيرة .. علاقه بعدني ماتخذت فيها موقف
وليد : بتتخذين . . وانتي قدها انا عارف . . لكن دخيلج حبيني . . لو حبيتيني بنكون انا وانتي اسعد ناس فالدنيا . . كل الناس بترمس عن علاقتنا . . الكل بيتمنى . . الكل بيحسد . .
انا اتنهدت : خلنا نرجع يالله ..
وليد يرد يطالع البحر ويصارخ : نننننننننتلاقى يا بحححححححر .. يا تذكرني . . ياااا اذذذذذكرك . .لللللكن لووووووو . . " يصارخ بصوت اعلى " لووو جفتني بروحي يايييي هالمكان . . لا تتشمت فينيييييييي . .
اانا ابتسم بعذاب . .
وليد يطالعني : لا تبتسمين جيه . . ما احب هالابتسامه الكريهة . . خاطري اعفص ويهج وربي يوم تبتسمين جيه
انا بنظرة جديه : جي زين
وليد : ارحم عن توه . . يالله امشي لا امرغج بنعال . .
انا فاجه عيني . .
وليد : اسولف بنت عمي . . محشومه . . النعال يمرغ نفسه ولا يمرغج . .
انا ابتسمت : اسميك انت وكلامك ..
وليد : ههههههههه اعجبج . .
وطلعنا خذنا سندويجات بالطريج وتمينا ناكل بهدوء ومشغلين اذاعه القرآن ومقصرين ع الصوت . .
وليد : مهور .. مهوور . . " ماسك قلم ويدقه ع جتفي "
اانا : اآآي .. يعور . .
وليد :شسوي . . تبيني اواعيج بأيدي قوليلي عادي بسويها
انا اطالعه : سخيف . .
وليد : ماتلاحظين دوم ترقدين فـ سيارتي ؟
انا : والله ؟ " اتثاوب " ماحسيت . .
وليد يبتسم : لهالدرجه تحسين بالامان فيها . .
انا يايه انزل : جب جب . . " اطالعته " مشكور وايد وايد ع طلعه اليوم . .
وليد يبتسم : العفو وايد وايد . .
انا : ودرسك ما بنساه . . وبتخذ رده الفعل المناسبة لان شرا مافهمت . . حان الوقت اني اتخذ فيه رده الفعل بدال الثرثره الزايده . .
وليد يبتسم ويسويلي بأيده اوكي : جيه اباج . . واعرفي بنت عمي . . بأي رده فعل بتتخذينها . . بتلاقيني موجود . . " يبتسم " موجود كـ زوج . . او موجود كـ أخ . . ع حسب اختيارج لرده الفعل
انا اتثاوب
وليد : شفطتييييييييينا . . روحي روحي يالله
انا ابتسمت : مادري ليش مدوخه لهالدرجه . .
وليد : روحي الحين اسبحي بماي دافي ووطي راسج ونامي ولاتفكرين بشي
انا اطالعه : ان شاء الله . . بنزل بسلم ع يدي اول
وليد : وين تسلمين عليه الساعه 12 إلا ربع . . يدي راقد من ساعتين
انا : هيه صح . .
وليد : يا حبج للهياته . . يالله انزلي . .
انا : انزييييين . . " ابتسمت " تصبح ع خير
وليد يبتسم : هاي الابتسامه الشيطانية المشاغبيه إلي اونها بريئية إلي احبها . .
انا : هههههههههههههههههههه . .
وليد : حتى هاي . .
انا ابتسمت بحيا : هههههههههه
وليد : عاد هاي لها طعم ثاني . .
انا : ايييييييييييه . .
وليد : ههههههههههههههههه . . يالله فكينا روحي
انا ابتسمت : انزين
وليد : شسالفتج تجربين ابتساماتج عليّه ؟
انا : سخيييييييييف ما يضحك . .
يرن تلفون وليد ..
وليد : هلا ابويه . . هيه عند باب البيت انا . . يالله ياااي . . فمان الله
انا : اوب بتنهزب . .
وليد : لا يوم بقوله ويا بنت عمي ما بيقول شي " يبتسم "
انا فاجه عيني . .
وليد : اذا ما بتنزلين بحرك والله
انا نزلت : خلاص رايحه . .
صكيت الباب ونزل لي الجامه وسوالي كشش : يالله دشي دااااااااااخل .
انا ابتسمت ورحت عنه مع انه شي فيني كان يبا يتم . . مش عشان شي لكن لاني مابا اتم بروحي ولا ابا افكر بالهم ولا ابا احس بضعفي ولا ابا يمر في بالي اي شي . . يوم اكون معاه يكون همي وابيد اقل . . وايد يخفف عني ويخليني انسى الي امر فيه . . ليش ما كنت نفسه ياسيف ليش . .
دخلت البيت ودخلت على امايا كانت تصلي قيام الليل . .
انا اترييتها لين سلمت وعقب تذكرت اني ماشليت الكيس الي فيه جلابيتي والشيله .! شليت فوني بس ونزلت . .
امايا : رديتي اميه . .
سرت صوبها وحطيت راسي ف حظنها : هيه امايا . .
امايا : طولتو . .
انا غمضت عيني : ماحسيت بالوقت . .
وخبرتها مقتطفات سريعه من إلي صار بيني وبينه . .
امايا تمسح ع راسي : صح كلامه . . " تبتسم " اتخذي رده الفعل وانا وياج يا اميه ف كل قرار لج
انا : أمايا ماتعرفين ليش عمي يكرهني .. ؟ او ليش يكره عنود بعد . . وليش يكره ابووي . . ليش يكرهنا واحنا عيال اخوه .. حتى حقده ما خاز عنا حتى يوم مات ابوي . .شو الشي الكبير الي شالنه عمي
امايا : قومي اميه سيري وطي راسج . .
انا اتنهدت : بروح بسبح ع السريع وببدل وبي برقد عندج . . " عقدت حياتي " البيت هادي . . وينهم؟
امايا: عميمتج تقول مزهبه مسرحيه وقالتلهم يتجمعون عندها وسارو كلهم . . بيون خلاف . . سيري امايا لهم اضحكي وسعي صدرج
انا : لا امايا مالي خاطر . . بسبح وبييج بنام فحظنج . .
امايا تبتسم : يالله سيري اميه . .
وسرت عنها . . خذت لي شاور سريع وبدلت ونزلت عند اميه وشفتها بعدها تصلي ف وطيت راسي ع سريرها ورقدت قبلها وماحسيت بالدنيا إلا لصلاه الفير وحتى ماسرت اواعي حد كنت منهده حيل ورجعت انام .! مادري شفيني صايره انام بعمق . .
.
.
.
يوم الثلاثاء . .
الساعه 12 ونص الظهر . . نشيت على صوت شما وهيه تقرا ع راسي قرآن . .
انا فجيت عيني بتعب : شموه . .
شما بعدها تكمل قرآيه .. وانا استرخيت بصوتها وااايد . . تميت مغمضه وهيه تقرا وتقرا لين خلصت . .
شما : مهووور . .
انا فجيت عيني : الله يجزيج خير بنت عمي . . . " ابتسمت " فديت هالقرايه وفديت هالصوت . . وفديت تلاوتج تشرح الصدر . .
شما تبتسم : قومي ابا اقولج شي . .
انا اطالعها : قولي . .
شما : ابوي اتصل فينيي وقال لي . . " كانت تتكلم وهي تلعب بطرف الشيله ومستحيه موت " انه عمي حمد خطبني لـ مروان
انا اطالعها بصدمه : احلفي
شما تبتسم ومنزله راسها . .
انا قمت وحظنتها : مبرووووووووووووووووووووووووووووووووووووووووووووووو ووووووووووووك حياتي والله فديييييييييييييتج فدييييييييييييييييييييييتج . . تستاهلين كل خيييييييييييير شموه
شما تغطي ويهها : مهور انا من كثر ما كنت مستحيه اول ما قالي شو رايج قلتله اوكي . .
انا : ههههههههههههههههههههههههههههههههه
شما : والله مادري كيف طلعت مني تم يضحك ابوي علي وايد . .
انا : فديتج يا شموه تستاهلين كل خير والله
شما : انا بعد صليت استخاره من عقب ما قلتي لي انتي وميروه انه بيخطبني . . واحس اني ارتحت " تبتسم " عادي صح
انا : هيه عادي اكيد . . " تبتسم" يافرحتك يا مروان . . منو بيوده الحين . .الدنيا ماتوسعه
شما تبتسم . .
دخل علي حبيب قلبي وفديت روحه وعمره وقلبه وهو يركض . . : كااااااكام
انا قمت عن شما وع طول شليته : صققققققققققققققوووووووووووور . . عيوووووووووون كاكام انتتتتتتتتته . . وففففففففدييييييييييييييييييييييت روحك يالغالي . . " حظنته وكلته كلته من البوسسسسات " انت ويييين . .
صقوري مستانس علي ويلعب ف ويهي ويخوز شعري عن ويهي . .
انا : حبيييييييبي انت . . قولي ممممهرررررره
صقوري : مممممهللللللله
انا :واااايد فديييييييييت المههههههله على لسانك السسسغيروووني
شما : ههههههههه السغيروووني
انا : وييييه اسمحيلي شموه . . انا يوم اشوفه انسى عمريه
شما تبتسم . . : عسوول

إضافة رد
اسطورة ! 08:49 PM 08-10-13
انا اعض خده : عسسسسول وقموووول واي قلباااي على خديدااتووووووو وااه عمري ع شعللللوو القممممييييييييل . .
خلود تدخل : شرايج فالمفاجأه . . " تبتسم " انا يبتلج اياه وبيتم عندنا لين الجمعه
انا فاجه عيني ع وسعهن : احححححححححلفي
خلود : وربي

انا اعض بطنه : يااااااااكككككككككلبييييه انننننننتتتتتتتتتاااااااه . .
عنود تدخل : السلام عليكم . .
انا وشما : وعليكم السلام . .
ويت سلمت علي . .
عنود : شعندج راقده عند ماما ؟ تدلعين عكبر . .
انا ابتسمت : تغااارين لانج ماترومين ترقدين عندها . .
عنود تبتسم وتطالع خلود . . : خبله هذي
صقوري : كاااااااااكااااام
انا : حبيييييي قلبي . بعطيك كاااااكام اصبر . .
عنود : مهور ديري بالج عليه . . حطيه في عيونج . .
انا : انتي وين بتروحين ؟ غريبه اول مره بتخلينه اكثر عن يوم . .
عنود تطالعنا : عبدالله قال لي . .
انا مستغربه : شو .؟
>
<
عبدالله : خلينا نروح نغير جو في دبي عشان تنسين امر الجنين . .
عنود : انسى ؟ بيتم قلبي محروق حرق مش عشان الجنين بس . . لانك تونست بموته
عبدالله يتنهد : عنود شتبيني اسوي وانا قلبي مش بايدي . . الحب مش بالغصب
عنود : لا تحبني . . انا مابيك تحبني خلاص . . انا تعبت ومليت من هالحال . . خلنا ننفصل انا جد افكر بالانفصصصال
عبدالله : وانا قايل لج طلاق ماراح اطلق . . ولدي بيربى بين ام وابو متزوجين . . مش مطلقين
عنود : شو الفايده حياتي معاك بكبرها انفصال بانفصال
عبدالله يمسك جتفها : انسى الموضوع . .
عنود توخر ايده : مابنسى شي
عبدالله يتنهد . .
عنود : انا عرفت انها اقرب الناس لي . .
عبدالله بصدمه : شو
عنود : وانا تنازلت عنك واقترحت عليها تكمل الحب بالزواج . . لكن مع الاسف رفضت بقوة
عبدالله يبلع ريجه . : . .
عنود : انا اقدر اجمعكم عبدالله . . " تتجمع عيونها دموع " والله اقدر اجمعكم مع بعض .. عطني الفرصه وانا بسوي كل الي اقدر عليه عشان اسعدكم . . اثنينكم غالييّن عليّه . . وبعوضكم عن الحرماان الي كنت انا سبببه . .
عبدالله : كيف تقدرين تقولين هالكلام . .
عنود تنزل دمعتها : عطني الفرصه بس اعوضكم . .
عبدالله يتقرب منها ويمسح الدمعه بحنان : الي بيني وبينها انتهى من زمان . . الي باقي فالقلب رماد ما بنمحي يا عنود . .
عنود توخر عنه : اعرف اني ماقدرت امحيه ولا بمحيه . . مابي اكون شي ثجيل ع قلب حد . .
عبدالله بهدوء : وانتي مش ثجيله ابدا . . انا اقدرج واحترمج
عنود تقاطعه : تقدرني وتحترمني بس ماتحبني . . شـ يفيديني تقديرك واحترامك عبدالله شـ يفيدني
عبدالله : شـ تبيني اسوي خبريني
عنود : ارتاح مني وخلنا ننهي كل هذا
عبدالله : مستحيل . . مستحيييل . . انا ابد مافكر أأذيييج . .
عنود : قربي معاك بهالحال اكبر اذى . .
عبدالله : كلامج قوي . .
عنود : هالحال من كم سنه وانا ساكته ماقلت شي لكن دامني اعرف الحين كل شي ماله داعي نجامل بعض والسبب صقر . .
عبدالله : عنود قبل لا تكونين حرمتي تراج بنت عمي وانا مستحيل أخلي بنت عمي مطلقه مستحيل . . هالشي انا ما رضى فيه ولا برضى فيه طول عمري . .لو اخليج معلقه طول العمر لكن ما اطلقج . . انتي مالج فالدنيا غيري انا الي بوقف معاااج وبساندج . .
عنود : عبدالله انت من داخلك انسان وايد زين . . لكن
عبدالله يطالعها بتمعن
عنود : ماتقدر تسعدني . .
عبدالله : تفكرين بالزواج من عقببي اذا اطلقتي ؟
عنود : طبعا لا . . انا فكرة الزواج خلاص . . من قلبي شلتها
عبدالله : عيل ليش تحنين ع الطلاق ؟؟ تتوقعين ااذا اطلقنا بينحل شي
عنود : بحررك . .
عبدالله : تحرريني من شو
عنود : احررك من العذاب
عبدالله : العذاب موجود موجود يا بنت عمي . . الطلاق ما بيحررني من الرماد الي باقي ف قلبي . . حرام نتشتت ياهل بينا . .انا مابا ولدي يكبر ويفكر ف يوم ليش ابوي طلق امي . . مابا اتم هالفكره فراسه ابد . . اباه يعرف ان امه وابوه احسسن اثنين .. احسن اثنين يفتخر فيهم
عنود : حتى لو كان العكس ؟ تقص عليه . . تعيشه ف وهم
عبدالله : يعيش في وهم اهون من انه يتعقد وينصدم
عنود : طلقني عبدالله
عبدالله : شيلي هالكلمه من راسج لا تعيدينها ولا تزيدينها لاني والله ما اطلقج . .
عنود : فهمنننننننني شالفايده تامين مع بعضضضضض شالفايده
عبدالله يمسك ويهها ويخليها تجابله : خلينا نحاول . . نحاول نتأقلم ويا بعض . . خليها تكون اول واخر محاوله لنا . .خليها فررصصصه نشوف شو الي نقدر نسويه . . خلينا سوى لين الجمعه . . لو ماقدرنا راح نشوف شو الي بيصير . .
عنود تطالعه عين بعين : انت ماتقدر تعطي قلبك فرصه . . انا عمر معاك ما قدرت تحبني . . بتروم بـ 4 ايام تفتحلي قلبك
عبدالله : خل نحاول . . ساعدييني . . انا ماريد اتنازل عنج ابدا . .ولا اريد اترك ولدي
عنود تتنهد . .
عبدالله : أنتي مش خسرانه شي . . خلينا نجرب . . خلينا نكون لحالنا ونشوف شـ إلي بنقدر نعدله ونسويه . .
>
<
>
مسكت ايدها بقوة : حبيبتي عنود . . حبيبتي والله . . ان شاء الله بهال4 ايام يعتدل حالج . . ماتدرين ربج قادر يغير كل شي بدقيقه فـ ما بالج 4 ايام . .
خلود : قلتلها . .
شما : ادعي ربج وكثري من الاستغفار
عنود : ان شاء الله
انا اساسرها : وماوصيج بالدلع
عنود : هههههههههه لا تحاتين . .
خلود : قلتلها طلعي مهاراتج كلها . .
ابتسمت : انا متفائله . .
عنود : مادري انا متردده وايد
خلود : مثل ما قال انتي مش خسرانه شي . . ف لا تترددين . . تصرفي معاه جنج عروس يديده . . ادللي وادلعي ودلعيه . .
انا :عطي نفسج هالفرصه ووسوي كل الي كنتي تحلمين تسوينه . . لاتضيعينها من ايدج
عنود : ان شاء الله . . بترومين تتحملين من صقور ؟
انا : اطاعو شو تقول . . صقوري في عيووووووووووووووووووووووووني . .
تلفونها يرد . .
عنود : هذو يتصل . . بروح عنكم عيل . .
انا : كل يوم اتصلي فينا عطينا تقرير . .
عنود تبتسم : بتصل ف خلود وخل خلود تخبركم . .
انا ابتسم : الله وياج اختيه . .
وسلمنا عليها . .
صقوري يمسك ريول امه : ماااااامااااااه
انا : صصصصقوري تعال بعطيك كااااااكام . .
ركض صوبي : كاااااااكاااااام
وشردت عنود بسرعه . .
اميه تدخل : يالله اميه مهره نشي تحركي . .
انا : ان شاء الله امايا . .
اميه تطالع خلود وشما : رمست امكم . . قالت بتي يوم الجمعه " تبتسم " عشان يسوون ملجه مروان و شما . .
انا اشهق : شووووووو . . بهالسسسسسرعه
شما مسكت جتفي وبخوف : ليش بسرعه . .
اميه : هههههه مروان يوم ردو عليه اشتط . . قال الخميس انسب وقت . . فـ سيرو اليوم تزهبو ودورولكم شي بنسوي الحفله في بيتكم
اانا : يااااااااااي وناسسسسسسسه . .
خلود مستغربه :امايا وابويه متى بيردون . .
اميه : باجر . . ما خبروكم ؟
خلود : لا مارمستهم .
اميه : توه قررو . . قالو بيردون باجر وبيخلصون امور الملجه وبيحددون وقت العرس وبيردون يسافرون لان نتايج الفحوصات بتطول . .
انا : حتى لو ما بتطول . . وين بيرومون على حنه مروان . . بياكل فوادهم والله . .
خلود : هههههههههههه هيه عاد مروان لو بغا شي منو بيهديه . .
شما مستحيه وقامت وطلعت من الحجره . .
انا : ههههههههههه ياويلي على بنت عمي . .
اميه : يالله امي نشي وخلي صقر عندي روحي تغسلي وصلي الظهر عشان نحط الغدا . . شوي وبي راشد من الدوام . .
خلود : انا بسير بواعي ميود . . من اختربت سيارته مسكين مول ما يظهر الا من بيت يدي لين اهني وماسك هالفون 24 ساعه مادري شو عنده . . ماكان جي
انا اتذكرت . . بعده هو وميروه ؟؟؟
انا : اندوج خلود . . امسكي صقوري وعطيه كاكااو . .انا بروح بتغسل وبصلي وبدق عليه الباب . . لاني اباه برمسه . .
وسرت سويت إلي قلتلها عليه . . ومن عقبها اول ما دقيت باب حجرته صرخ
مايد : واااااااااااعي
انا : فج فج الباب واظهر اباك فرمسه
مايد يفتح الباب : هاااه . .
انا : بعدك صح بعددددددددك .. .
مايد : انتي ما بتنسين . .
انا عاقده حياتي : وبعدين ميود . .
مايد يبتسم : شفيج والله احس بشعور حلو . .
انا عاقده حياتي . .
مايد يبتسم : اقري اقري لين ماروح ابدل . . ادريبج ما بتودريني لين تقرين
وسار . .
ميره ( صباح الخير . . قايمه ؟ )
مايد " صباح النور . . هيه , توه الناس توج افتكرتي فيني ؟ امس طول اليوم اطرشلج مسجات ماتردين علي . . كبر راسج ولا مليتي مني "
ميره ( حرام عليج مهووه شو هالكلام والله ماتدرين شصارلي البارحه اف مول مابا اتكلم فالموضوع لكن كنت امر فموقف صعب وصارتلنا مشاكل )
مايد " وايد تصيرلكم مشاكل "
ميره ( شفتي عاد الله لا يبليييييييييج )
مايد " ما بتقوليلي "
ميره ( ماعرف كيف ابدا )
مايد " عادي ابدي من وين ما تبين خاطري اعرف لو ما يضايقج "

إضافة رد
اسطورة ! 08:50 PM 08-10-13
ميره ( تذكرين مهور بنت عمي صح ؟ )
مايد " هيه اذكرها إلي وايد وياج واخوج بياخذها . .بلاها ؟ "
ميره ( اكتشفت البارحه انه اخويه مالج ع غيرها وزعلت مني لاني ماقلتلها )
مايد " وانتي ليش ماقلتي لها . . حرام "
ميره ( كيف اوشي على اخوي !!! )
مايد " ومافكرتي في الي تحبينها و وايد معاج "
انا ابتسمت : هيييييها يا ميره . . اخرتها تسترين ع اخوج حتى ع الاشياء الي بتعورني
ميره ( والله اني احبها وهي شرات اختي لكنه اخوي صعبه فالحالتين . . وانا فضلت السكوت . . لكني مقهووووووووووووووووووووووووره اكثر لانها طلعت ويا ولد عمي الي انا وايد يعيبني )
مايد " وليد ؟ "
ميره ( شدرااااااااج )
مايد " تراج قلتي لي . . نسيتي ؟ "
ميره ( اونه . . هيه نسيت ماحيد . . اوف ماقدرت انام للحين مواصله )
مايد " مالت عليج "
ميره ( شو ؟ . . ليش )
مايد " جب انجلعي "
ميره ( اويه بلاج )
مايد " مادري ع شو منجذبه ع ولد عمج .. ماحسه يلفت الانتباه "
ميره ( ههههههههه لا حرام عليج والله كيووت . . يخبل )
مايد " مالت عليج "
انا : ههههههههههههههههههه . . مارام يقبض عمره
ميره ( للللليييييييششششش )
مايد " عندج صورته ؟ ابا اشوف متخبله ع شو "
ميره ( اكيد عندي . . لحظه في صورة متصورنها ويا اخواني وعيال عمي بصورلج شكله بس )
انا : والله انج هبلللللللله يا ميروه . .
مايد " وصلت الصوره . . امييه يخوف "
انا : ههههههههههههههه مكار والله انه غاوي . .
ميره ( حرام عليج والله انه جميييييييييييييييييييييييييييييييل )
مايد " وين الجمال ؟ الصوره كلها كاب "
ميره : ( ها احلى شي يميزه .. )
مايد " تعرفين انج بايخه وماعندج سالفه .. يالله انجلعي بحاول ارقد "
ميره ( مهو بلاج عاد . . تحسسيني انج بويه )
مايد " هييييييه انا بويه اصلا ؟ توج تكتشفين "
ميره ( شووووووووووووووو .. احححححححلفي . . انا ما ارمس هالاشكال لو بويه احلفي )
مايد " اقص عليج والله مش بويه . . انا سبورتيه اكثر من اني زوز "
انا : هههههههههه والله مش هين يعرف البويات والسبورتيات والزوز !!!!!!!!!!!
ميره ( يعني تتمكيجين وجيه ولا )
مايد " هيه هيه انا نفسج لكن الفرق اني ألبس بس جواتي واحب بنات لكن مش الحب الماصخ وحب بويات . .حب تملك وصداقه قوية فيها غيره .....!! "
ميره ( انتي شكلج فالكليه صح . . لان هاي بس سوالف بنات الكليه والجامعه )
مايد " جب لا ترمسيني "
ميره ( بلاااااج متقلبه )
مايد " سيري دقي راسج فاليدار ويا ولد عمج بو كاب الي ويهه شرات نعال جحا "
ميره ( ههههههههههههههههههههههههههه حرام عليج ما ارضى )
مايد " مادري شو شايفه فيه . . سخيفه !! تصبحين ع خير "
ميره ( مهو لا ترقدين عااااد . . )
مايد مارد عليها
ميره ( مهوووووووووووووووووووو . . )
مايد " شو "
ميره ( ههههههههههههههههههههههههههههه )
مايد " طرشيلي صورتج خاطري اشوفج . . "
انا شهقت : حسبي الله عليك يا ميود . .
ميره ( لا مسسسستحيل ماطرش صوري )
مايد " احسن . . من زينج .! جنج فحم "
ميره ( انتي وايد تسسبيني اليوم )
مايد " مش طايقنج "
ميره ماردت .!
مايد طرشلها " طايقتنج اقصد . . سقط التاء سهواَ "
ميره ماردت . .
مايد " وينج ؟؟ "
ميره ( هااه خلص رصيدي توا طرشت من تلفون اميه )
مايد " انزين جب جب "
ميره ( ههههههه برقد حبيبتي سطلت )
مايد " انزين حبيبتي "
انا : يالحيوان . .
ميره ( بكلمج يوم بنش اوكييييييه )
مايد " اوكيه غناتيه "
مايد : ليش تسبين . .
انا يايه ااتحرطم عليه لكن خلود يتني : مهور يالله حطو الغدا . .
مايد : يالله ياي ياي . .
وشرد عني وشل تلفونه . .!
انا يايه ألحقهم عشان اتغدا لكن سرت صوب تلفون البيت برد لانه يرن . .
انا : الو . .
سيف : انتي فالبيت يعني . .
انا انبلع لساني . .
سيف : خلي الشغاله تفتح لي انا برع . .
انا بندت عنه وتميت ارجففففففف . . قلبي يدق بقووووووة وماقدر اتكلم . . اليوم لازم اعرف كل الي ابا اعرفه . .اليوم لازم اقوي روووووووووووووووحي واتخذ رده فعل . . ورده فعلي بتخذها من كلامك يا سيف . . كل شي راح يتحدد اليوم . . كل شي راح احدده اول ما تتتكلم وياي . . !
البارت الـ 13
يوم الجمع ـه . . 11 الصبح . .
بعد رمضآن وبعد العييد . . باقي اسبوعين او اسبوع تقريبا وبتبدا الكليه مالي خلق احسب .!
فجيت عيني على صوت شمآ . .
شما : مهوور . . . قومي شوي دخيلج
انا : بلاج شصآير ؟
شما ترجف . .
انا اطالع ايدها : شفيج ليش ترجفين زيغتيني .!!
واعتدلت وقعدت . . : كلميني بلاج . .
شما : جوفي . .
سحبت تلفونها وجفت مسج من مروان . . " اليوم بشوفج يعني بشوفج .! والله بشوفج "
انا ابتسمت : حسبي الله ع ابليسج يا شموه . .
شما تطالعني : مهور شو اسوي
انا : حرام عليج الريال مالج قبل رمضان ب يوم ولا خليتيه يشوفج ف رمضان بطوله وصبر عليج . . . ولا رمستيه فون وصبر عليج . . ويطرشلج مسجات وماتردين عليه صبر عليج . . . وتحرمينه بعد من شوفتج حتى بعد ما ملجتو فالمحكمه سايره متستره ولا خليتيه يشووووف شي فيج . . بيتخبل والله معاه حق
شما : انزين انتو قلتو له اني بعدني ترا مش مستعده واخاف
انا : بس شما لين متى ؟ انتو حددتو العرس عقب كم شهر شو بتسوين ؟ ماباقي شي لازم تبتدين تتعودين عليه هذا ريلج . .
شما : مابا اشوفه
مهره : عمي وحرمته قبل لا يردون يسافرون امنونا عليج ووصونا وللحين ترا هو ماتشكا ولا خبرهم . . تتوقعين لو وصل لهم الرمسه شو بيسوون شموه ؟ تبين تخبلين فيهم ؟؟
شما تطالعني وعينها تمتلي دموع . .
صقر يربع صوبي : كااااااااكام
انا : واي واي واي مكتوب ع ويهي كاكاو انا . . تعال حبيبي تعااااااال عيون الكاكام انتتتت . . .
وشليته ف حظني وتميت ابوسه . .
انا : لا اتمين تنزلين دموعج لانج ما بتكسرين خاطري ابدا . . وبتشوفينه اليوم يعني بتشوفينه . .
ميره تدخل : بتشوف منو . .
انا : اخووج بعد منو . .
ميره تضحك : ههههههههههه كل جمعه نفس الكلام ولا تشوفه . .
انا : لا هالمره بتشوفه غصصصب خلاص . . مول ما بتهاون . . وبعدين هو مطرشلها مسج ويتوعد لها . . عاد كيفج شموه تبينه يدخل عليج لين الغرفه . . .
شما فاجه عينها تطالع ميره : يسويها ؟
ميره : يسوي ابوها . .
شما تحط ايدها ع ويهها : انا شسوي شسوي
انا : تتعدلين وتترتبين . . وتهيئين نفسج عندج ساعتين انج بتشوفينه . .
شما : انزين كلكم اقعدو معاي . .
ميره : هيه فكره . . شو رايج مهور ؟
انا : تبينه يحقد علينا
ميره : ماعليه لين تتعود
شما : هيه الله يخليج بليز . .
انا : انزين اوكي اوكي . .
صقر : مهااااالي . .
انا : عيوووني قلبي . .
صقر : كااااااكاام . .
انا : ان شاء الله حبيبي ان شاء الله . .
ميره : يالله مهور نشي شو تسوين هالكثر . .
شما : مسكينه مارقدت وايد . .
ميره تطالعني . .
شما : انا بروح بشوف لي شي ألبسه وبروايكم . .
ميره : اوكي . .
من عقب ما طلعت شما . .
ميرره تطالعني وعاقده حياتها : اتكلمي . .
انا اتجاهل نظراتها . . : شو اقول . .
ميره : بعدج تفكرين . .
انا اطالعها : ميره انتي متخيله انتي شو تقولين ؟ بعدج تفكرين .!!! قوليلي بعدج تعانين ؟ بعدج تتعذبين . . بعدج تموتين وتنطعنين كل لحظظظظظظظه . . يمكن هالشي يووفي . . .
ميره : لين متى مهور لين متى ؟؟
انا : تتحرين إلي قاله اخوج سهل علي . . انا كل ليله احلم ب كلامه . . حتى ف حلمي انوح . . 21 سنه انا عايشه ف وهم . . . 21 سنه وانا كنت مجرررررررررد " تخنقني العبره وماقدر اكمل " دخيلج ميره سدي المووضوع . . .
ميره : بقولج شي بس دخيلج كوني ريلكس . .
انا اطالعها : قولي . .

إضافة رد
اسطورة ! 08:51 PM 08-10-13
ميره : نوره بتكون موجوده فالجمعه اليوم . .
انا انصب الدم كله فويهي . .
ميره : ابوي قال لـ سيف خل بنت خالك تبدا تتعود ع البنات . .
غمضت عيني بقوه وبلعت رييجي : ميره اطلعي وسكري الباب شوي . .
صقر تم يسحب بجامتي ويسحب كشتي بس انا بالمره ما احس بشي . .
ميره : تعال حبيبي . .
مع انه ما كان يباها بس شلته غصب وطلعت وسكرت الباب علي . . خلتني ب جرحي وانا اذكر ذاك اليوم عدل . .
انا : سيف . . بعدني اترياك تقول الي عندك . . لين متى بتم ساكت ؟
سيف يتنهد : انا ماكنت بتكلم ولا بقول شي . . لكن . . .
تم ساكت فتره عقبها . .
سيف : انا اسف . . " بدون ما يحط عينه ف عيني " اسف لاني ماحبيتج و وهمت روحي فالحب . .
تمنيت حزتها الارض تنشق وتبلعني ولا اسمع الي سمعته ..
سيف : ادري . . بنظرج انا حقير وخايس . . انا تعودت عليج وايد . . انتي تعرفين ابوي عدل . . لو حط الشي ف راسه بيستوي يعني بيستوي . . وما بغيت حالي وحالج يكون مثل عبدالله وعنود زواج غصصب . . بغيت احبج . . كنت اسويلج الي ما يتسوى عشان تحبيني . . كنت ضامن وعارف انج لو حبيتيني بحبج . . لكن :. . عمري ماحبيتج . . " يطالعني عين بعين وانا قابضه دمعتي وابلع ريجي " انا تعودت عليج بجنووون . . تعودت عليج بطريقه ما تتصورينها . . صرتي شي اساسي ف حياتي . . شي بدونه ما اقدر اكمل يومي . . احاتيج . . افكر فيج . . ابي اكلمج . . لككن . . ما احبج . . ما احس اني احبج كثر ما انا متعود عليج . . " يطالعني ودموعه تمتزر ف عينه " انا وايد نذل . . والله اعرف اني نذل وخسيس والمفروض اموت احسن ولا انج تسمعين هالكلام . . انا . . المفروض كنت احاول ويا ابوي . . انا ما قولج اني ماكنت ارمسه لكن . . ما كنت ألح عليه . . كنت ارمسه مره وخلاص عشان احلف لج اني رمسته . . كنت متردد واقول باجر بحبج . . باجر بحس اني اموت فيج . . انتي تنحبين . . والله تنحبين بس انا تعودت عليج اكثر . . ومن دخل الي ماينطرا فالسالفه تخخخخخبلت لكن مش عشان اني غيران . . كنت اتمنى اكون غيران لاني بحس اني احبج . . لكن عصبيتي كانت لان طبعي احب اتملك . . وانكتبي لي وبتمين لي محد يصير ياخذج غيري حتى لو ما احبج . . واتعرفيني عدل . . حب التملك اقوى صفاتي . . وانتي لي وبتمين لي غصب عن عيون الكل . . لكن ماقدر اوعدج بحب . . انا تجنبت امسك ايدج . . تجنبت ألمج وابوس ع راسج . . تجنبت وايد امور قلت يوم بحبج بسوي كل شي . . لكن " يمسح دموعه " حتى يوم جفت صورتج ف التلفون . . شفتج ب عيني كـ نظره اي ريال يشوف بنيه حلووه لا غير .,.
انا غمضت عيني : بس كافي . .
سيف : بنت خالي بتزوجها . . مش عشان اني اباها ولا اني احبها . . لا .. ما اكن لها مشاعر ابد لكن بتزوجها لاني ما اعصي ابوي . . لكن ما بتخلى عنج مهره . . عطيني فرصه احبج . . عطيني فرصه انا متاكد اني بحبج مثل ما تحبيني . .
وليد يصارخ : شو تتريييين ؟ وين رده الففففففعل ؟؟؟
سيف انصدم يوم صد وراه وجاف وليد واقف عند باب البيت . .
كل الي سويته حزتها اني قمت وقام سيف على طول وجابلني : لحظظظه . .
اول ما جفته جدامي وبهالقرب انهرت . . تمييييييييت اضرررررربه بايدي . . اضربه ع صدره بكل قووووووة . . اقرممممممشش ويهه . . عقيت غتررررته ع الارض وتميت ادووووووووسها بريلي واصارخ . . كل الي في البيت تجمعو وانصدمو وتمو يشوفون الموقف ومحد يتككككككلم . . تميت اضرررررررربه بكل قوووة واسسبه واسسبه .. و اسب سبات قوية عمري ما توقعتها اقولها لشخص ف حياتي وبالذات سيييييييييييييييييف .!!!!!!!!!!!!!!
امي يت وتمت واقفه ومصدوومه وو ولا واحد فيهم يمنعني . . لين يا وليد وسحب ايدي بقوة وخوزها عن سيف : كااااااااافي . . لا تلوثييين ايدج اكثررر . .
سيف من خشمه يطلع دم . . اتأثرررت . . وخرت ايد وليد بكل قوة وتميت اطالع سيف . . ودي اييب كلينكس وامسح الدم من خشمه . . ودي احظنه واقوله قوووول لي ان كل الكلام جذب ف جذب . . سيف انت حبيتني . . مستحيل كل شي كان يتوهم لي مستحيل . . انا عشت معاك اشياء وذكريات حلوه انت كنت تحبني فيها سسسسسسسسسسيف . . ابا اصرخ اتكلم واقول هالكلام لكن ماقدرت . . . احسني منهاره . . اصارخ وابا اصيح لكن دموعي ماتنزل ابد . . كل شي جف . . احلامي . . حبي . . ذكرياتي . . كل شي ف هاللحظه جفففففف . . .
سيف : مهره . .
امي تصارخ : اطلع برررررررررررع . .
سيف انصدم . .
انا اطالعه واضربه ع صدره : ماااااسمعتتتتتت . . اطططططللللللللع . .
وتميت ادززززززززه لين باب البيت واضربه وفريت غترته عليه وسكرت الباب بقوة . .
شفتهم كلهم يطالعوني . . الكل يطالعني وفـ عيونهم نظرة شفقة . . مادري هل انهم سمعو الكلام ؟ ولا على الحال الي شافوه لكن نظرتهم ما تنوصف . .
ابتسمت وصفقت لهم : خلصت المسرحية . . ترومون تروحون . .
وليد مسك ايدي بقوة وطلعني من البيت . .
امي لحقته : وليد وين مودنها . .
وليد : عند يدي . .
امي طلعت ومشت ويانا لين وصلنا بيت يدي . .
كانت حزة غدا ويتغدون . .
يدوه : بلاااكم . .
يدي : شو فيج . .
يدوه : شو فيها مهره . . ليش ويهها جذه . .
يدي : مهره شو فيها . . .
امي تمت تصيح
وليد : يدوه خذيها وديها البيت . . خلو مهره روحها ويا يدي . .
قامت يدتي وسوت الي قالته وطلعو . .
يدي : مهره ؟
من سمعت صوته انهررت .. رحت صوب الولجير " الكرسي المتحرك " وتميت اصيح ف حظنه . . اصيح واصارخ واتكلم كلام بروحي ماعرفه . . كان شعوري مثل السمجه اول ما يطلعونها من الماي وتكون مخنوقة وتتحرك يمين ويسار وعندها امل ترجع البحر لكنها تختنق وتموت . . كنت مخنوقة حيل . . بس اصيييييييح . . اصيح وانوح . . ويدي يمسح ع راااسي . .
للحين ماسألتهم كيف عدى هاليوم . . لاني صحيت وانا فالمستشفى وف ايدي مغذي وكل شوي يعطوني ابره مهدأ . . وتميت على هالحال يمكن اسبووع لين يابولي يدي المستشفى وتم يقرا ع راسي قرآن بصوت عالي وهديت وقدرت ارجع . .
رجعتلهم مهره . . بنتهم القوية . . لكن من داخلي هشششه . . مكسوره . . متحطمه . . للحين كل الي صار يدور ف بالي ولا احس ان بي اليوم الي بقدر انسى فيه جزء . .,
>
<
>
صحاني من الي انا فيه مسج ميره . . خلت تلفونها اهني وطلعت . .
فتحت المسج وشفته من سيف " خبرتيها ؟ "
شفت المسجات الي قبل . . كان مطرشلها " لا تنسين تفتحين موضوع نوره ويا مهره اليوم وخبريني شو بيصير "
والمسجات الباقيه كله من مايد . . شليت ايدي من موضوعها هي ومايد . . مايد متعلق فيها بدرجه فظيعه .. صار بس من الدوام للبيت ومن البيت للدوام عشان يكون فاضي لها 24 ساعه . . شغالين مسسسجات طول الوقت . . وبما ان عمي خالد وحرمته وروقوي سارت وياهم مره ثانية برع الدوله ، بعدهم موجودين ف بيتنا واشوفه كيف متلهف عليها والحب باين ف عينه حتى يوم تي ميروه بيتنا .!
قعدت اخذ لي لفه ع المسجات الاخيره . .
" ميييييييره "
( عيونها )
" فديت عيونها "
( استحححححححي )
" اموت انا "
( هههههههههههه بلااااج بنجلب بويات مره ثانية ؟ )
" والله احبج "
انا شهقت . . حسبي الله عليك يا ميود . .
( والله انا بعد احبببببج )
" ميره لو ف يوم قلتلج شي يصدمج عني بتودريني ؟ "
( شي مثل شو )
" ماعرف بس قوليلي "
( ماودرج حبيبتي لو شو ما يصير )
" وعد ؟ "
( وووووووووووعد )
" تراج وعدتيني ما يصير تخلفين ب وعدج "
( والله ماخليج ولا اتركج ف يوم . . حتى لو عرست )
" نعم ؟ "
( شو . . تتحريني ما بعرس )
" شخبارج بعد "
هههههههههههه يحليلك يا ميود . . ويا غبائج يا ميروه . .
( تمام . . اقولج مهووو . . ترا باجر يوم ميلادي . . لا تنسين تباركين لي .. وخليني عاد اسمع صوتج مصختيها )
" مش ناسيه ! اصلا اتريا هاليوم عشان اقولج شي فيه "
( شي ؟ شو هالشي )
" كل شي ف وقته حلو "
انا : ليكون بيعترفلها . .
يندق الباب وفريت التلفون مره ثانية . .
اميه : قمتي حبيبتي ؟
ابتسمت وقمت حق اميه وبست راسها : هيه فديتج . .
اميه تطالعني : شو استوى ف ويه بنتي الحلو . . شوفي عيونج كيف وارمه . . شوفي كيف خدودج بتدت تختفي من قلت الاكل والنوم . .
انا ابتسمت بتعب . .
اميه : امي مهره . .
انا : اعرف الي بتقولينه . . حرمته بتي اليوم بيتنا . . خبروني . .
اميه تمسك ايدي بقوة : تغدي ومن عقب ما يخلص يدج الغدا ارجعي وياه هو ويدتج تمي اهناك . .
انا : هيه .. احسن فكرة . . بتم ويا شما شوي لانها بتتلاقى ويا مروان اليوم . . وعقب بروح عند يدي بتم اهناك . .
ابتسمت لي ورااحت وعقبها قمت وسرت خذتلي شآور ولبست لي مخورة رصآصية . . قعدت اقرى سورة الكهف وصليت ودعيت وآآآيد ومن عقبها رحت الجاآمه وتميت آطالع عمري . .
انا اشوف الجامه : شوفي مهاري . . اليوم بيكون صعب وايد . . لانج بتجوفين زوجة سيف المستقبلية . !! لازم تقوين روحج وماتسوين لها سآلفه ابدا . !! سيف بآآآعج " اضرب الجامه وبالاخص صوب راسي " افهمي يا بقرة . . لين متى بتمين تصيحين عليه وهو ولا معبرنج ولا مسولج سآلفه ان شاء الله؟ عآيش حيآآآآآته ويبا يعود حرمته على جمعتنآ بعد وانتي للحين تصيحين عليه يا غبيه ؟؟ وين ردة الفعل إلي قال عنها وليد . . ؟
وسكت مره وحده .! تذكرت وليد . . من عقب ما رحت وصحت وانهرت عند يدي عقيت عليه كلام مثل السم لانه هو الي كان فويهي .!
يسحبني وليد ويدخلني الميلس غصب ودفرت ايده بالقوة . .
انا : كم مره اقولك لا تللللللللللمسني " اصارخ " لا تلللللللمسني . .
وليد عاقد حياته : لا تصآآآرخيييييييين .!!!!!!!! خلاص بس اهدددى شوه فيج انتي شوه فيج
انا دموعي تنزل : فيني إلي فيني مابيك تدخل ف حياتي . . .
وليد : انا ما ادخلت ف حياتج . . انا قاعد اهديج بما اني ولد عمممج
انا : ولد عمي طزززززززززز . .
وليد : ماعليه مقبوله منج بنت عمي اهم شي تهدين . .
انا : ماااااابا اهدا " اصارخ " وخررر عني خلللللللني بروووحله
وليد يصارخ : انتي مافيج ععععععععععقل . . مافيج ذذره كرااااااااااامه . . مافيج كبرياااااااااء تبين تروحيله وهو الي صددددددددددج وهو الي قالج ما يباااااااااااااااااااج . .
انا مسحت دموعي : عادي ..
وليد : عااااادي ؟؟؟؟؟؟ لهالدرجه انتي ماعندج كرامه
انا بعصبيه : انت مالك خصص . . لا تحاول تدخل بحياتي . . انا قلبي انكتب لسيف وبسسسسس
وليد يصارخ : وينه سيف ؟ وينه سيف حتى يوم صاااااااااااارحج وصدمج بالكلام ما ياج اهني وهو يعرف انج منهاره وينننننهه ؟؟ وينه وانتي من الظهر والحين بيأذن الفجر بس تنوحين وتصيحين عند ريل يدي ويننننه ولا افتكر يااااااااااااج . . هاااانت عليه دموعج وعذابج ولا فكر ييييج ويهديييج وينه ها الي تبين تفرين عمرج عليه وييينه . . لهالدرجه انتي معمايه وغبيه ؟؟ لهالدرجههه . . انا من البدايه كنت ألمممممممممح لج واقوووووولج . . انا اعرف سيف عمره ماحبجججججج . . انتي ماعندج خبر شلي يصير من وراج . . الكل يتمنى وينضرب فيج المثل فالحب وعشقج ل سيف لكن هالخسيس الكل يعرف انه ربع حبج له ما حبج فيه . . بسسسسسج بسج
انا احط ايدي ع اذني : جبببببب جبببببببب مابا اسمع شششششششي
وليد مسك ايدي بقوة ونزلها من اذني : كلام الصدققققق ما تبين تسمعيييييينه . . . ماتبين توعين من الوهم الي انتي فيه . . انتي صحححححححيييه بهالقصه ضحيييييييييه . . لازم تطلعين منها خلاص كافي . .
انا دزيته ورفعت صبعي ع ويهه بتهديد : مالك خص وما اسمح لك تدخل ف حياتي وتعطيني نصايح . .
وليد يطالعني عين بعين . . .
يايه بطلع لكن صديت له . .
انا : ع فكره انت لما كنت تمسكني قبل وتتوقع اني كنت اكن لك مشااااعر او مادري شو كنت تحط ف راسك . . انا كنت اتخبلك سيف عشان جي ماكنت اوقفك عند حدك . . كنت اتخيللللله هو . . انا ما اشوفك . . انت بالنسبه لي شخصصص تااااااافه وماله وجود . . ولو في امنية اتمناها وتتحقق .!! اتمنى ان عيني ماتنظررررررررررررك للابد . . انت اكثر شششخصصص اكررررررررهه . .
وليد يطالعني : حرام عليج . .
انا : حرمممممت عليك عيششششتك . . مابا اجوفك مره ثانية لا تي جدامي ابد . .
وليد : تكرهيني لاني كنت الشخص الي يشوف دموعج وعذابج وانهيارج . . تكرهيني لاني الشخص الي اشوف ضعفج وانكسارج واحاول اغيرج للاحسن . . تكرهيني لاني احاول اوعيج من الي انتي فيه ؟ تكرهيني لاني اول شخص تجوفه عينج يوم تصيرلج مصيبه . . واول شخص يغير لج مزاجج للاحسن . . عشان جي تكرهيني .. ؟
انا : لا تغتتتر ف نفسسسك .. كل الي صااار صدفه ولا انا ماكنت استقصد اشوفك ابد . . " مسحت دموعي " الي فيني كافيني . . وانت بكبرك مش هامني ولا ابا اكلمك لا الحين ولا بعدين . . اطلع من حياتي ولا تراويني ويهك . .
وطلعت عنه . . !

إضافة رد
اسطورة ! 08:53 PM 08-10-13
انا اتنهد : ووللحين ياوليد ماجفتك عشان استسمح منك ع الي صار . .كان شي فوق حدي والله . .
يندق الباب : مهووووور ؟؟
انا : دشي الباب مفتوح . .
اول ماجفت اختي عنود سرت صوبها وحظنتها . .
عنود : حبيبتي اختييي . . قلبي انتي . .
انا غمضت عيني : احس بالوحده مع انكم كلكم حوالي . .
عنود تحظني وتفرك ظهري بايدها : كل شي يهون . . كل شي يهوون . .
اطالعتني : اتعدلي . . حطي بودره وخري هالهالات من عينج . . وتجحلي وتزيني . . خلينا نجوف مهره الجديمه . . حنينا لج . .
ابتسمت : ان شاء الله . .
اطالعت العقد الي لابستنه . .
عنود : عيبج ؟
انا : وايد حلو . .
عنود تبتسم : ها الي خذالي اياه عبدالله فـ شهر العسل المتاخر ع قولتج . .
انا فاجه عيني : هذا هو ؟ " يلست اطالعه " ماشاء الله روعه روعه . . .! تتهنين فيه اختيه . .
عنود : يالله حبيبتي انتي خلصي وانزلي تحت . . البنات يتريونج . . هيه صح .! ميروه تقول هاتي فونها وانتي نازله
انا : اوكي . . " ابتسمتلها "
وراحت عنود . .
لما عنود وعبدالله راحو الاجازه الي انا سميتها ( شهر عسل متأخر ) كل شي بينهم تعدل الحمدلله . . انا ظنيت ان عبدالله ينافق .! وجذااب ! لانه سنين صبرت عليه وماتغير . . معقوله ف 4 ايام قدر يكون شخص ثاني ؟ لكن الايام اثبتت لي ان عبدالله جد بدا يشوف عنود واخيرآ .!
>
<
>
حجز لهم فـ منتجع رآآقي . . فـ اول يوم عنود كانت وايد متردده تكشخ او لا . . تحس روحها تعطي نفسها وهم وعبدالله عمره ما بيتغير ! قفلت ع عمرها الباب واتصلت ف خلود وكلنا قاعدين ويا خلود وحطتها سبيكر . . طبعا انا وميروه وخلود طححححححنا فيها وعطيناها من الزين عشان تصطلب وتتخيل عمرها عروس وتتعدل .!!! وبندت عنا ع اساس تسوي الي قلناه وتتصور وتطرشلنا ع البي بي عشان تثبت لنا . . وبالفعل . .
عنود لبست لها فستآن شمآمي فآتح قصير . . وفلت شعرهآ القصير حوالين رقبتها . . لبست لها اكسسوارات لولو .. ورسمت عينها بجحال اسود بسيط مع قلوس لآمع . . تعطرت وحطت من هاك الدهن العود الغاوي . . كانت اول مره تحس ان الباب ثجيل وما ينفتح . . كل ما تحاول تحس انها ماتروم تفتحه من ثجله !!! كل هذا من توترها الزايد . . لين ما دق عليها عبدالله الباب . .
وعقب معاناة فتحت .!
عبدالله مصدوم : انتي كنتي تتعدلين . !!
عنود بصدمه : ليش
عبدالله عاقد حياته : انا كنت احاتي واتحراج تصيحين . .ومتردد مش عارف كيف ادخل . . وانتي . .تتعدلين ؟؟
عنود ارتبكت ومثل العادة . . . قلبها رهيف وحسآسه بسرعه تمتلي عيونها دموع . .
ع طول مشت صوب الحمام وقفلت الباب . . حطت ايدها ع حلجها وتمت تشاهق وتصيح . . تصيح لانها مفتشله وقافطه من عمرها . . تصيح من احرآآج كبير حطااها فيه . . تصيح لان تحس ان هي حطت ف بالها شي وصآر شي ثآني تمامآ . . جرحححححححهآ . . وآيد انجرحت . . توقعت اقل شي يبهرها بنظراته ويقولها شي يفرحها . . يمدح جمالها . . يمدح اناقتها . . ع الاقل عيونه تنبهر فيها . .
عبدالله يدق الباب : فتحي ..
عنود بعدها كاتمه صياحها وحاطه ايدها ع حلجها وتصيح . .
عبدالله : عنود افتتتحي . .
يدق الباب بقوة . .
عبدالله : وبعدين عنود . . بكسره والله بكسره . .
عنود تعض ايدها بقوة وتصيح . . .
عبدالله : فجي الباب وصيحي لا تكتمين صياحج بروحج . .
عنود مافتحت . .
عبدالله : عنود فجججي البـــــــــ " وماكمل الكلمه لانها فتحت الباب "
عبدالله اول ماجافها ماتقرب منها . . تم يطالعها ويطالعها ويطالعها وعقب سار ياب كلينكس من ع الطاوله . . وسحب ايدها وقعدها ع السرير . .
قعد حذالها وخلاها تجابله . .
عبدالله خذا الكلينكس ومسح الجحال من ع طرف عينها . . ومسح القلوس ب صبعه وابتسم . .
عبدالله : ترا انتي حلوه والله بدون كل هذا . .
عنود تصد ويهها الصوب الثاني ودموعها تنزل . .
عبدالله سحب ويهها وخلاها تجابله : ادري . . ماتوقعتي مني بس انصدمت لاني متردد مش عارف كيف ادخل عليج وانتي تصيحين وكيف اهون عليج وجفتج بعالم ثاني قاعده تتعدلين . . ماكان المفروض اتصرف بهالطريقه . .
مسح دموعها بايدينه . .
عبدالله : لا تصيحين بروحج . . انا اكثر شي كان يألمني ف زواجنا صياحج بروحج وانا ماقدر اهون عليج . .
عنود تطالعه . .
عبدالله : تتحريني مادري ؟ " يمسك ايدها ويراويها علامه لونها بنفسجي " تتحريني مادري انج تكتمين صياحج وانتي تعضين ايدج لين صارت هالعلامه . . ؟ والله العظيم ادري . . من اول يوم ف زواجنا وانا ادري . . لكني حقير . .
عبدالله يمد ايده لها . . : من اليوم ورايح لو تبين تصيحين عندج هالايد . . عضيها وصيحي . .
تقرب منها وباس راسها . . : حقج علي بنت عمي . . سامحيني . .
عنود بصوت مبحوح : مسموح ذنبك . .
عبدالله يبتسم : شو الي خلاني اركب ع راسج غير ان ما على لسانج الا مسموح مسموح . . اقسي علي . . " يبتسم اكثر " راويني العين الحمرا . .
عنود تبتسم ..
عبدالله : شرايج نعيد اللقطه . .
عنود تطالعه : اي لقطه . .
عبدالله يمسك ايدها ويوقفها عند الباب ويرد يطلع ويسكره . . ثواني ويرد يدقه . .
عنود فتحت الباب وبعدها مش مستوعبه ليش يسوي جي ؟ . .
عبدالله يدخل وراسه ف الارض واونه معصب . . وعقب يرفع راسه ويشوفها وتتغير ملامحه . .
عبدالله يبتسم : يه يه يه . . عنود . . شو هالزين . . شو هالحلى . .
عنود تبتسم . .
عبدالله يبتسم ويتقرب منها ويحط ايدينه الهنتين ع ويهها . . .
عبدالله : من اليوم . . كل موقف غلط بنعيده . . لين نتعلم عدل وننسى كل تصرفات شينه خلت حالنا للاسوء . . اوكي؟
عنود تبتسم وتهز راسها ب اوكي . .
عبدالله : انا ماعرف انتي محلوه . . ولا انا عيني بدت تشوفج حلوه . .
عنود تبتسم من قلب وتطلع غمازتها . .
عبدالله يبتسم ويبوس خدها مكان الغمازه . . : احس اني توني اعرفج . . ولا ججني عشت وياج عمر
عنود بحيا نزلت راسها . .
عبدالله : ما تلاحظين اني ماسمع صوتج وانتي ما تتكلمين ؟
عنود تطالعه : ممماعرف . . شقول . .
عبدالله يبتسم : لا تقولين شي . .
"cut"
>
<
>
اليوم الاول الوحيد الي طرت لنا اياه عنود .! اما باقي الايام شكلها كانت وايد خطيره لانها ما طاعت تقول لنا اي شي .!!! ومن عقبها لما يمر عبدالله بيتنا وايد كنا نلاحظ انه غير . . نظراته .. اسلوبه معاها . . وهالشي وايد فرحني وطمني على اختي . . هاي نتيجة صبرج يا عنود .!!
تقربت من الجامه ع السريع ورتبت عمري وتمكيجت مكياج خفيف وتعطرت ولبست شيلتي وشليت مبايل ميروه ونزلت تحت . .
يدوه معصبه وترفع عصاها علي : انتي ييييلي مافيج ادب . .
انا ابتسمت وبست راسها : سامحيني سامحيني
يدوه : خوزي خووووووووزي . . عيل الحين بيحطون الغدا وانتي توج تنزززززززلين
يدي : انتي ماتعرفين تخلينها ف حالها . .
بست يدي ع راسه وبست ايده وبست جتفه . .
يدوه : والله الي يشوفها يقول تبوس كعععععبه . .
يدي : انتي ما بتسكتين .. !!
ابتسمت وقعدت ع الزولية عشان اتم طايحه ع ريل يدي . .
يدوه : انت بززها بززها . . . ما بتستوي حرمه هاي . . .
يدي يحط ايده ع راسي : ماعليج منها . .
سيف يدخل : السلام عليكم . .
انصب الدم كله فويهي . . غمضت عيني على طول مابا اشوفه . .
نورة : السلام عليكم . .
يدي + يدوه : عليكم السلام . .
يدوه : سيف . ؟ انتو ياييين روحكم ؟
سيف : لا يدوه امي راكبة ويانا . . مرينا عليها شليناها وييينا اهني . .
انا ماقدرت افتح عيني . .
تقرب سيف وباس راس يدي وراس يدتي . . وتقربت الي ماتنطرا الله ياخذها وسلمت ع يدي ويدوه ومن فتحت عيني شفت ايدها ممدوه تبا تسلم علي . .
رفعت عيني وشفت سيف يطالعني وهي تطالعني . .
يدوه : مهروه يا مسودة الويه . . سللللمي عليها مادة ايدها . .
يدي : مهره . .
انا على طول قمت ماتحمممممممممممممملت . . طنششششت ايدها ومشيت . . سرت بعيد . . حطيت ع قلبي وانا امشي . .احس سجيييينه دشت ف ضلوعي . . احس سجينه داخله ف نصصصص قللللللللبي . . . ألممممم فظيع . . احس بألم . . حتى ماكنت قادره اتنفس عدل . . شفت فويهي ميروه وكانت مصدومه . .
ميروه : مهاري . . شوه فيج حبيبتي . . شوووو فيج . .
ماكنت قادره اتنفس . . ماكنت قاره امشي ولا اسوي اي شي . .
انا : خليني بروحي . .
وطلعت من بيتنا وانا اركض سايره بيت يدي . . دخلت على طول غرفة يدي . . وقعدت ع الارض وحطيت راسي ع السرير وتميت ارص بايدي اللحاف بقوة . . كانت دموعي تنزل بدون احساس . . . ماحس بشي ابدا غير هالالم وهالسجين إلي خنقني . . ماقادره اتنفس ولا افكر بشي ابدا . . كل محاولاتي ف هالشهر وشوي فاشله . . كنت احاول استعد لهاليوم بس كل شي فششل . . الواقع مؤلم اكثر من خيالي . . ماااااقدر . . حتى لو مثلت القوة انا ماقدر . .
تميت اشهق واشهق واشهق لين اندق الباب . .
: منو هني ؟
ماقدرت ارد . . كنت مكتفية ف نفس الوضع الي انا فيه ومغمضه عيني ..
: مهره؟
من سمعت اسمي تميت اصيح بصوت عالي . . بعذاااب . . مثل البالونه المكبوته وفجأه انفففففجررررررت . .
انا : هييييييه . . " اصيح بعذاب " مهرررررره . . مهره الغغغغغغغبيه . . مهره الي مادري شو تحب ف سيف . . مهره الي ماقادره تتأقلممممممم ولا تعيش حياتها بدووووووووونه . . مهره الضعيييييييييييييييييييييييييييييييفه . . مهره الي قصصصصص عليها سيف هاي اناااااا مهره . . مهرررررررررره الله ياخذها ويفكككها من هالعذااااااب . .
وليد : اسم الله عليج بنت عمي . .
ياني وجابلني وقعد ع الارض . .
انا اطالعه : وليد انا تعباااااااااانه . . " احط ايدي ع قلبي وبصوت مبحوح " انا مجرووحه . . محد يحس بالي انا احسه محد . .
وليد يتنهد . .
انا : متى بنساه ؟ متى بيطلع من قلبي . .؟؟" متى دموعي بتجججججف وما تنزل عليه . . متى تيني القوة احط عيني ف عينه مثل ما يحط عينه ف عيني ولا هاااااااامنه اي شششششي متى وليد متى . .
وليد : جريب . . صدقيني جريب . .
انا : متى جرررررررريب . . متى . . انا خلاص انتهيت . .مافيني حيل والله العظيم مافيني حيل . . " اغمض عيني بقوه وامسك قلبي " يعورني وايد . . ما يتحمل اكثر . .
وليد : فترة وبتعدي . . صدقيني كل هالمعاناة بتنتهي . . السالفه بعدها توها صايره وتأذي وايد . . ومحد يلومج ولا حد يعاتبج على الي صار . . سنين وانتي تحبين ما تتبخر 21 سنه ف شهر ..
انا : عيل كااهوو . . نسسسى . . ياايب حرمته لين بيتتتتتنا . . يخليها تسلم عليّه بعد " فاجه عيني ع وسعهن " تخيل تمد ايدها بتسلم علييّه انا . . انا الي كنت لازم اكون مكاااانها . . انااااااااا . .
وليد : الي صار مكتوب . .
انا : بس انا مش رااااضيييييييه . . مش راااااااضضضضضضضيه ع الي يصير

إضافة رد
اسطورة ! 08:54 PM 08-10-13
وليد : مش راضيه حاولي تغيرين . .
انا بصوت مبحوح ودموعي اطيح اكثر واكثر : ماقدر . .
وليد : تبيني اساعدج . .
انا اطالعه واغمض عيني واعض شفاتي بالقو واصيح . .
وليد : عطيني الشاره بس وبساعدج . . لا تعيشين هالعذاب بروحج . . خليني ااشاركج فيه واهون عليج واسمعج . .
انا مسحت دموعي . .
وليد :بس اتريا منج الشاره . .
انا عقب ما مسحت دموعي تنفست بعمق . . : مابا من حد شي . .
وليد تام يطالعني . .
انا اطالعه : نعم؟ ليش تطالعني جي . . قلتلك ماباك ولا ابا غيرك . .
وليد : اوكي انا ماقلت شي . .
انا : عيل ليش تطالعني بهالنظرات
وليد : لانج لو تشوفين الي انا اشوفه بس
انا عاقده حياتي . .
وليد : قومي شوي . .
انا اطالعه : شو . .
وليد : قومي يالله . .
انا قمت ولحقته لين جامة صغيرة موجوده فالصاله . .
وليد يبتسم: جوفي بس . . ألقي نظرة . .
جان اطالع عمري ف الجامه وتروعت . . .
انا : بسم الله . .
وليد : عرفتي ليش كنت اطالعج . .
انا اطالعه : سخيف . .
وسرت الحمام وقعدت امسح ويهي . . لاني حطيت ألاينر فوق عيني مع الدموع صار ويهي كله اسود . . حتى شفاتي سودا . .
وانا اغسل ويهي يتني ضحكه لا ارادي . . ااذا انا زغت من عمري . . ما ينلام يوم كان يطالعني . . نظراته ما كانت مواساه وحزن . . كانت زيآآغ . .
طلعت من الحمام وانا مبتسمه . . وماتوقعت اجوف ميره ف ويهي . .
ميره تطالعني بعصبيه وعطتني طراق . . .
انا انصصصصصصصصصدمت . .
وليد : ميييييييييييررررررررره . .
انا بعدني مذهوله وتامه اطالعها بصدمه . .
ميره : وثقت بكلامج مابينكم شي . . لكنج يايه اهني عنده يواسيج . . وطالعه تضحكين وانا الي قلبي محروق عليج ويايه اواااااسيج . .
انا عاقده حياتي : انتي شو تقولين . .
ميره تصارخ : بتنكرين انج ما يايه عشاننننننننننننننننننننننننننننننننه . .
وليد يسير صوبها: انتتتتتتتتتي ايييه . . اتكلمممممممي عدل . .
ميره تبتسم : عفيه عليج . . ما حصلتي الي تبينه من اخوي عرفتي عند منو تحصلينه . . مثل ما باعج اخوي وماحبج لا تتحرين غيره بيحبج . . دام قلبج اسود و خنتي الي بينا . . ربي ما بيوفقج وانا عمري ما بسامحج . . كم مره طوفت وقلت لاااا يتهيأ لي . . لكن ما بتجذبيني هالمره بعيني شفت كل شي . . لاتنكرين اي شششششي . . وانا خلاص من اليوم واقفه ويا حرمه اخوي الييديده . . انتي ما تستاهلين حد يوقف معاااج . .
وليد : اطلعي برع . . "يدزها برع الصاله " : برررررررع . . احنا وين وهاي وين . . فارجي فكينا . .
وسكر الباب فويهها . .
وليد يطالعني : لو فكرتي تصيحين ترا بنعآل ع ويهج . .
قعدت ع الغنفه ونزلت دمعتي . .
وليد : لا حول ولا قوة الا بالله العلي العظيم . . دموعج ما تخلص انتي ؟ درام اعنبوه . . بكم تبيعين الطنننننن ؟
مارديت عليه . .
انا اتنهد : الي يصير لي فوق طاقتي والله العظيم . .
وليد : قلتلج . . حطي ايدج بايدي وخليني اساعدج .
انا اتنهدت ومسحت دموعي وقمت : انا برجع . . مابي امي تحس بغيابي
وليد : ليش تحرمين نفسج من فرصه تطلعج من همومج ليش ؟
انا اطالعه بعيون لامعه : صصعب . .
وليد : انتي تصعبين الامور . .
انا : لا ما اصعب شي لكن الوضع بكبره صعب . . صدددقني . . " اشرت ع قلبي " مسكر . . دخله شخص ومستحيل يدخله حد ثاني . .
وليد يطالعني: خاطري اقولج ع راحتج . . كيفج . . إلي فراسج سويه انا مش ميت عليج . . خاطري اقسى . . ابتعد . . اجررح . . انتي تتعلقين فالشخص الي يعذبج ويذوقج مرار الحب . . انتي ماتحبين الشخص الي يسعدج ويضحكج وينسيج همومج . . تبين حد يصيحج دم وبتعشقينه . . خاطري اعق عليج كلام مثل السم واقولج روحي بلا رده غيرج يتمنون نظرة مني لكن مع الاسف ماقدر اقول غير اني موجود لج مهره . . ببقى موجود لج . . انا مش ملاك يمكن تخسريني ماظمن لج . . لكن " يحط ايده ع صدره " مكانتج محفوظه . .
تنهدت و خليته برجع بيتنا . .
انا اكلم عمري بصوت واطي : آه يا وليد . . لا تصعب علي الامور ولا تدخل ف حياتي انا والله تعبانه من الدنيا كلها وابا ارتاح . . مابا احب ولا ابا ادخل اي انسان ف حياتي . . خلك بعييد اريح لك واريحلي . .
اول ما دخلت البيت يتني شيخه : مهور ويييييييينج . .
انا اطالعها : شصاااير . .
شيخه : شما ف الغرفه وحالفه ما بتتغدا . . تتحراج روحتي وبتمين في بيت يدي . .
انا ابتسمت : اسميها هالخبله . . سيريلها وقوليلها اني ييييت . .
شيخه تبتسم : يالله حطو الغدا
انا : اوكيه . .
وسرت صوب قعدة البنات وشفت الي ما بغيت اشوفه . . ميره قاعده حذال نورة ولا هامنها شي . .
ميره تبتسم : وشي وحده من بنات عمي ما جفتيها بعد اسمها رقوي . . عاد هاي مسالمه يعني حتى لو يالسه بينا ما بتشوفين لها حس . .
نورة : وينهآآآ
ميره : سافرت ويا عمي وحرمته علاج برع الدوله . .
وتمت تكمل وتخربها كل شي . . عطتني نظرة صارمه وطنشتني وكملت . .
تنهدت وانا متجاهلة نورة بشكل تاآآآآآآآآآآآآآآآم . . اول ما يييت بقعد ع الكرسي شفت اميه يت ومعصبه
اميه : تعالي الحجره . .
انا عقدت حياتي واستغربت . .
شما يت : مهوووور وين رايحه بعد
انا : بسير بجوف اميه زقرتني . . يالله ايلسي شوي وبي . .
شيخه : دخيلج لا تبطين مافينا عليها . .
انا ابتسمت : اوكي . .
وسرت . .
اول ما دخلت حجرة امي شفت يدوه قاعده ع السرير ومعصبه . .
انا اطالع اميه : شسالفه . .
طرآآآآآآآآآخ . .
طرآق ع ويهي . .
انا انذذذذذذذذهلت . . . فززعت مثل المفزوع من نومه وشهقققققت . .
اميه : تبين تفشششليني . . تبين ينقدون تربيييييييييتي فييييييج . .
عطتني طرااااق ثاني . . وعقبها تمت تظربني وتظربني وتظربني لين طحت ع الارض . .
انا كنت ف حاله هذلان . . لا قادره اتألم ولا قادره اتكلم ولا قادره اقول اي شي . . تامه مصدومة بس
يدوه سارت صوب اميه مسكتها : خلاااااااص . .
اميه بعصبيه تيلس ع الارض وتصيح : ليش تبين تسودين ويهي ليش . . البنت ماده ايدها كيف تجاهلينها وتروحين . . تبين حد يسوي فيج نفس الحركه . . تبين حد يتجاهلج ف يوم بس لانه ما يدانيج وهو ماله ذنببببببب . . " تضربني ع راسي " ليش جي سويتي ليش تفشليييني وتخليني اسمع كلام من عمج حمد . . ليييييييش تخلينه يقووووووووووووووولي انتي ماعرفتي تربيييييييييين وانتي ما يبتي عيااااال ليش
دخلت عنود الغرفه :امايا.!!!!!!!!! شو سويتي ف مهووور . .
نزلت ع الارض . .
يدوه : علميها الادب . .
وطلعت . .
اميه تطالع عنود : جفتي اختج سودت ويهي . . " وتمت تظربننننننني وتظربني وتظررررربني "
عنود : بس يمممممممممماه كاااااافي بسسسس . . " شلتني ورفعتني حظتني ف حظنها وانا مثل الصصصصصنم . . . لا اتكلم ولا اعارض ولا فيني اي ملامح "
عنود : هذا سيف الحيووووان خبر عممممي . .
انا انقبض قلبي مره وحده . . قمت من حظنها واطالعتها : سيف ؟
عنود : عمي جاف سيف معصصب ويوم سأله قاله انج ما سلمتي ع حرمته وانحرجت وتمت تحن عليه وتقوله تبا ترجع بيتهم
اميه تحط ايدها ع ويهها وتصيح : انا شو سويت ف دنيتي علشان تكونين انتي بنتي شو سويت . . كم مره خليتيني اسمع كلام من عمج يذبببببببببحنننننني ليش جي تسوين فيني لييش . .
عنود : امايا حرام عليج . . لا تكونين انتي والدنيا عليها بعد . .
انا اطالع عنود : كيف عرفتي ان سيف الي قال حق عمي . .
اميه تظربني ع ظهري اقوى واقوى : شششششششوفي شو تفكككككككر . . شوفي عن شووووو تسألللللللللللللل . .
عنود تحاميييني : امممممممممايا خلاصصصصص خلاااااااص . .
انا ماسكه ايييد عنود ومتجاهلة ظرب امايا : قوووووولي كيف
عنود : عبدددددددالله خبرني . .
انا فاجه عيني ع وسعهن : معقوله سيف بهالانحطاط . . معقوله انا كنت معمايه عنه لهالدرجه . . معقوله ف يوم بس يابها قام يحامي ويدافع عنها ونسى كل شي بينا معقوله . . . انا مش مصدقه قسم بالله مش مصدقه الي يصير " احط ايدي ع ويهي وع راسي " ليش سيف طلع حقيييييير . . ليشش
وقمت عنهم وانا مجروححححححححه . . ميييتتتتتتتتتتتتتتتته . . ابا اسير غرفتي اصيح . . والله حتى الصياح تعب مني . . حتى دموعي خللللللللللصت . . قلبيييييي بيشتكي علييييييي ف يوم الدين ع كثر ما عذذذذذذذبته . . اول ما طلعت جفت شما ف ويهي . . مول ما كان وقته موووووول . .
شما : مهور لا تخذليني . .والله لو ماكنتي موجوده مابشوفه والله . .
انا بالعه غصتي واهز راسي : تغدي ويوم بيطرشلج مسج يبا يشوفج تعاليلي . .
شما : ما بتخذليني صح . . بتمين وياي
انا اهز راسي وابتسم غصب : هيه حبيبتي . .
شما ابتسمت : احين بروم اتغدا . .
وراحت . .
ركضت صعدت فوق دريتين وعقب تراجعت ونزلت .. يا في بالي هو . . هو الي يا ف بالي . . طلعت من بيتنا وسرت بيت يدي ركض . . كنت ارررجف بشكل مش طبيعي . . دخلت الصاله والغرف ما حصلته . . املي الوحيد الميلس لو ما حصلته بنهار . . والله بنهار وبسوي شي كبير . .
دخلت الميلس وشفته قاعد يلعب بتلفونه وانصدم يوم جافني . . على طول وقف . .
وليد بس فاتح عينه ويطالعني بنظرات مش مفهومه . . مصدوم ومستغرب . .
ركضت صوبه وحظنننننننننننتتتتتتتتتته . . تميت احظنه واصييييييييييييح . . ماعرف شو ردة فعله ولا اعرف شو يقول بينه وبين نفسسسسسه ولا عرفت شقال عنننننني لكن حظظظظظنتتتتتتته . .
وليد يمسح ع ظهري : اهدي . .
انا اصيح وحاظنته قو ومغمضه : قوول عني الي بتقووووووله . . انا خايسه . . وصصصصصصصخههه . . مافيني ادددددددب ولا استحي . . ما خاف ربي . . جهنم بتاكلني على هالحظظظظنه الحرااااااام . . لكن انا ابا اخون قلللللللللللببببببببي . . ابا اكون خايننننننننننننننننننه لـ هالقلبببببب الوفي الحقير الي ما فيه الا سيف وسيف باعنييييي ب يوم ولييييييييييله . . ب يووووووووووم ب لللللللللللحظه باعني . . حتى اذا قال تعوووووووود علي جذااااااااااااااااااااااااب . . الي تعود ما يجررررررررح . . ما يأذذذذذي . . سيف اذااااااااااااااني . . والله العظييييييم اذاننننننننننننننننننننننننننننننننننني وايد . .
وليد تم حاظني ويحرك ايده ع راسي وع جتفي وما يتكلم . .
انا كنت اتكلم وايد واسب عمري واسب سيف واسب عمي واسب كل حد . . كنت اشرحله الالم . . كنت اعيد له كيف انا اتعذب . . مع ان كل الكلام كررته له مره ومرتين وثلاث لكن تميت اعيده واعيده واعيده . . كنت انوح . . اشهق اصيح . . احس روحي بتظهـر ع الي احصله من كل صوب . .
انا بصوب مبحوح : حتى امي وليد . حتتتتتتتى امي ماقامت تحسس . . كلهم يحسوني اباااااالغ وانا ما ابالغ . . " اصارخ " محد قادر يفهم شكثر حبيت هالخايسسسسسسس . .
وليد : بس فديتج . . بس يا بابا . . بس . .
تم بس يقولي هالكلام . . يعيده علي لين خف صياحي ولين بالتدريج هديت وانا بعدني فحظنه . . وهو من حس اني وقفت صياح وخرني من حظنه وتم يطالعني . . مسح دموعي ب كف ايده . . وتقرب مني وباس راااسي . .
وليد : ع كثر ما كنت مستانس ف هاللحظة . . ع كثر ما قلبي يحاول يخليني متمسك فيج وماودرج ولا اوخرح من حظني . . لكن ما يصير مابيج تغلطين بنت عمي . . ربي ما بيوفقنا ع الغلط لا انا ولا انتي
انا اطالعه : بس انا ابااااا اغللللللط . . ابا اضيع ابا اصيع ابا انحرف ابا انسسسساه
وليد : بتنسينه بالانحراف ؟ بالغلط ؟ الحين يوم حظنتيني كرهتيه ؟ نسيتيه ؟
انا اطالعه واغمض عيني . .
وليد : الي بينسيج اياه الله .. تقربي من الله يابنت عمي . .
انا : والله متقربه
وليد : اتقربي اكثثثثثر . . كل ما يي ف بالج توضي ومسكيلج قران وتمي اقري واقري لين ماتتعودين وتنسينه . . صدقيني محد يموت ع فراق حد . . بتعيشين وبتكملين حياتج طبيعي . . ثقي بهالشي عدل . .
تنهدت . . : ان شاء الله . .
وليد ابتسم . . : تغديتي ؟
انا : لا .. بتغدا بعدين مالي خاطر الحين بروح عند شما مروان بيجوفها وتباني اكون موجوده . .
وليد : الكل يعتمد عليج . . جفتي احد المنافع من قربج وقعداتج مع يدي " يبتسم "
انا ابتسمت ببرود . .
وليد : خلصي منها وبعدين تعالي ويا يدي اهني . .
انا : اكيد . . ما بتم وهو وحرمته موجودين اهناك . .
وليد يبتسم . . : يالله روحي . .
انا : ان شاء الله . .
وطلعت بهدوء وانا احس براحه خفيفه . . لاني صرخت وصحت وطلعت الي فيني . . صدق الصياح نعمه تريح . .
لنآ لقآء الخميس اليآي بإذن الله . .
متآبع ـه لتعليقآتكم بصصّمت . .

إضافة رد
اسطورة ! 08:55 PM 08-10-13
البارت الـ 14
من عقب ما طلعت من بيت يدي سرت بيتنا . . وشفت بويهي ميره تكلم الشغاله وميره منصدمه . .
ميره : انتي متاكده ؟؟؟
الشغاله : ايوااااه . . انا يسمع ماما مهره يبكي يبكي صوت عالي , بعدين بااباه وليد يييجي مطباااخ قول حق انا جيبي غدا حق هوااا . . انا يقول حق هوااا يرووح داخل حجره مال باابا كبيررر في نفرات يبكي يبكي واااجد بعدين هوا يرووح . .
ابتسمت باستهزاء ف ويه ميره الي صدت لي بنظرات فششششششله . .
يتني على طول : مهوور
كانت يايه تمسك ايدي بس رجعت ع ورى عسبت ما تمسكني . .
انا : جوفي ميره . . انا ما يهمني عرفتي الصدق ولا ماعرفتي كفايا انج ماصدقتيني ف ما يهمني الحين انتي عرفتي ولا لاء انج ظلمتيني . . وهاي مش اول مره . ." ابتسمت " واذا المره الي طافت انا رحت بيت يدي وانا مش ف نيتي شي . . انا قبل شوي رحت ونيتي اشوف وليد
ميره تطالعني . .
انا : انا مش لهالدرجه حقيره عشان تظنين كنتي فيني بسوء . . ولا انا الي ابيعج عشان واحد مثل ما انتي كل ماتشوفيني معاه تبيعيني وتعقين علي كلام . . انا ما حبيت اخوج ف يوم وليله عشان بسهولة اسير وادور غيره . . ليتني من هالنوع . . الي اقدر احب حد ثاني عشان انسى الاول . . انا يوم اروح عند وليد لان مثل ما تعرفين انا وهو اكثر نااااااس تقعد ويا العيايز يدي ويدوه . . وكلامه يريحني مثل ما هم يريحوني . . تعلم منهم كيف يرمس وكيف يهدي ! لكن " ابتسم " ما بتطلعين ع غريب . . سبحان الله . . مهما سويتي تبقى صلة الدم تبين نوع الشخص . . انتو تربيتو ع ايد ابو ظالم واناني . . تعلم هالابو يسوي الي يباه ب كيفه ب مزاجه . . يجرح ويعق كلام ويسوي الي براسه ف لحظه ويبيع الكل . . وانتو كلكم كلككككككم خذتو طباعه . . من اكبركم لـ اصغركم . . تبقى هاي غريزه مزروعه فيكم . . انانييييين . .
ميره تعض ع شفايفها بقوة : مهوور . .
انا : انا اعرف اني غاليه عندج بس انا ماباها هالغلا الي وراها جرررح . . انتي وايد تجرحيني مثل اخوج . . وايد تطعنيني بظهري مثثثثل اخوج . . بلحظة من دون ما تتاكدين حتى سرتي وقعدتي مع وحده يمكن مالها ذنب لكن بس هدفج تطعنيني اناا . . " أأشر على نفسي " انااا . . بنت عمج وحسبت اختج وكاتمة اسرارج واول صدر تلجئين له . .
ميره : ماعندي كلام اقولج اياه والله . . وايد متلومة
انا : لا تتلومين . . لاني انا بعد بستوي انانية الحين . . والي اباه بسويه وما براعي مشاعر حد
ميره تطالعني : تقصدين وليد
انا : وليد او غيره . . بحط نفسي ف الاولوية من اليوم ورايح . . الحين إلي يبدي الناس ما يعيش . .
ميره تمسك جتفي : مهور دخيلج . . الا وليد
وليد دش البيت : السلام عليكم . .
الي لاحظ عليه يوم دش رد السلام . .
ميره تطالعني : هو الحلم الوحيد ف حياتي لا تاخذينه . .
انا تامه اطالعها . .
ميره تمسك جتفي بقوة : دخيلج ..
آآآآآآآه يا بنت عمي . . ليتني اقدر اقسى واخذ من طباع عيال حمد . . الشخص الي ممكن يريحني بيكون سبب ف تعاستج . . وانا مستحيل افتح لج باب يخليج تعيسه . .
وليد يي صوبنا ويطالع ميره : ليش ماسكتنها من جتفها . .طراره ؟
ميره توخر ايدها : مممممما يضحك . .
وليد يطالع ميره بجمود : حد قالج اضحكي ؟
ميرة عاقده حياتها : وليش ما اضحك ان شاء الله
وليد : اجلبي اجلبي ويهج خل يحطون لي الغدا انا ومهور . .
انا : انا قلتلك مساع " تعمدت اقول جي عشان اقرص دودة ميره " اني ما شتهي .
وليد يطالعني : وليش ان شاء الله . . تبين تنقرضين اختيه ؟
ميره : انا ماتغديت باكل وياك . ." تبتسم "
وليد : لا مجرد هالطاري لوع جبدي وسد نفسي . . جلبي ويهج " يتصدد " وين يدوه "
ميره : ويالبنات . . ازقرها ؟
وليد : لا . . " يطالع ميره بتركيز " اشوفج هاديه . . مساع لابقه وتصفعين وحالتج حاله
ميره تطالعه . .
انا اطالعته كنت ابا اغير السالفه مابا ميره تتلوم :ليش ييت ؟ انت قلت بتم في بيت يدي " متعمده انتقم من ميروه "
وليد يبتسم وحس : يييت عشان اتم بقربج . .
انا فجيت عيني .. حسبي الله عليك ياوليد مش لهالدرجه عاد . .
عقدت حياتي وروحت عنهم وسرت حجرتي . . .اول مادخلت جفت شما وشيخه وخلود . .
شما تمسح الروج : والله مااااا حط . .
انا اتنهد : وبعدين وياج شموه .
شما : جوفي شو مسوين فيني . .
انا ابتسم : شموه شو مسوين . . جحال وبلاشر وروج . .
شما : روووووووووووج احمر عاد . .
انا : هههههههههه انزين انتي عروووووووس لازم تكشخين ريلج بيشوفج اول مره
شما : لا والله ؟؟؟ خل يشوفني بطبيعتي . ." تدمع " ترا والله ما بنزل . .
وصلها مسج . .
شما تنزل دمعتها : جوفو شو مطرش . .
خلود شلت التلفون : عندج 10 دقايق لو ماييتي بخلي البنات ييبوني لين عندج
شيخه تبتسم : يعني يالله فكينا . .
خلود ترد تيب الروج . .
شما : قلتلللللللج ما بحطه . . كفااااااااايا ملبسسيني هالجلابيه
انا : خلاص خلاص . .
يبت كلينكس ومسحت المتبقي من الروج ووخرته كله . . ويبت لها قلوس لماعي شفاف
انا :هذا زين ؟
شما تطالعه : يلمع وايد؟
انا ابتسم : لا . .
شما تطالع . : مادري
انا بطلته وحطيته حق عمري : ها شرايج
شما : هيه اوكي خفيف . .
وحطيتلها . .
شما كانت لابسه جلابية مغربيه مخصرة حمرا حرير والايد كانت طويله لكن اكمام الايد شيفون وحزام فالنص . . كانت ألوان الجلابية مخلوطة بين الاحمر والاسود وديزاين القطعه لايق عليها حييل . .
شما : مهور يقولون لي اونه لا تلبسين شيله . .
انا مبتسمه من خاطري : الله يعينك يا مروان . .
شما بعيون ضيجه : بلبس سودا ع الاقل
انا : يعني شو الفايده شيله سودا " مسكت جتفها " وها الشفاف طالع . . لبسي عباه ارحم
شما : صصصصصح؟ انا قلتلهم . .
انا : شموه انا إلي بعطيج طراق الحين
خلود وشيخه : هههههههههههههههههههههههههههههههههههههههههههههههههه
شما تطالعني . .
انا : انزين مش مشكله اوكي . لبسي شيله سودا برايه . . بتطلعين شرات هالبنات المستخفات . .
شما : مهور لا تقولين جي عني
انا : عيل شسويلج . .
شما : برايه عادي بلبس . .
انا طلعت لها شيله ساري خفيفه وعطيتها : اندوج . .
شما لبستها . .
انا : صبري صبري فديتج انا بلبسج . .
وقعدت ألبسها الشيله بطريقه حلوه ويمعت لها قصتها وخليتها على ينب وطلعتها من الشيله وطلعت جد غاوية . .
شيخه تعطرها وخلود يابتلها المبخر . . وقعدنا نحط لها دهن العود وجد استانسنا عليها . . كانت اموره وايد . .
مروان طرشلها مسج . . " باقي دقيقه وحده "
شما : اوووووووووووويييييييه " ترجف " مابا مابا . .
انا سرت صوبها ومسكت ايدها . . : شماني . . انتي ما بتكونين روحج . . وانا وعدتج ما بخليج . . يعني حتى لو خونو شيخو وخلود وسارو انا ما بسير . . لكن من الحين اقولج . . بتقعدين جريب منه . .
شما تشهق
انا : مش جريب وايد وايد ّ! يعني المهم قريبه منه . . وبتقعدين معاه وبتسولفين وشوي شوي بتتعودين عليه . . مروان مش غجري وبيهجم عليج . . صدقيني حتى ايدج ما بيلمسها لين يحس انج مرتاحتله جزئيا . . مهما كان هو ولد عمج وما يبالج المضرة والشينه . . صح ؟
شما هدت وايد من عقب كلامي : صح . . " تاخذ نفس عميق " خلاص انا جاهزه
ابتسمت لها : يالله . .
طلعو قبلي شيخه وخلود وانا كنت امشي ويا شما . . سرنا صوب ميلس البنات . . كان مروان اهناك يتريا . . واول ما جافنا دخلنا وقف . .
مروان : قبيله ماشاء الله . . ولا مطارزية انتو
شيخه : ههههههههههههه شما ردي ردي . .
مروان يبتسم : سوالف بنت عمي الله يهديج . .
كان عينه صوبي . . يبا يشوفها لكنها ترجف موت ومنخشه فيني . .
انا عطيته ظهري وجابلت شما . .
انا : شما شو قلنا . .
شما ترجف من فوقها لين تحتها وماتنطق ب شي . .
انا مسكت جتفوها : اهدي حبيبتي خلاص . . والله مروان حبااب وما يزيغ . .
شما تهز راسها ب اوكي . .
انا ابتسمت و وصلتها لين عنده واتزحزحزت شوي . .
شما تطالعني وماسكه جلابيتي وترجف : و . . ووو . . وييين . . سآآ . . يررره
خلود : وابويييييييه هههههههههههههههههههههههههههههههههههه
مروان مبتسم وكان يطالعها ومذهول . . حسيت فيه ابتسامته بغت اطر ويهه طر . .
انا : سلمي ع ريلج . .
شما ترجف ومنزله راسها : السس . . السسلام عليكم
مروان يبتسم : وعليكم السلام . .
مروان مد ايده بيسلم عليها وكنا فجينا حلجنا مصدومين نبا نعرف بتمد ايدها ولا . .
لكن سوتها شما وكانت ترجف . . تحاول ترفع ايدها بس من الرجفه تنزل بروحها . .
مروان يبتسم : بنت عمي اذكري الله . .
نزل ايده : ماعليه بسلم عليج عقب . .
مروان : ايلسي . .
شما تطالعني . .
انا اطالعها : مابروح مكان . . اهني انا
مروان يطالع شيخه وخلود : انتن فارجن . .
شما : خواتي . . " تطالعهم " لا تروحون . .
خلود وشيخه قامن : اسمحيلنا اختيه " يطالعوني " يالله نشي . .
شما وقفت يوم كلموني . . : بروح وياها والله . .
انا : اهدي شما انا اهني هاا شوفيني . .مايخصني فيهن انا . . بيروحون برايهن . . انا قلتلج ما بتحرك لين تقوليلي روحي . .
مروان يطالع شما وقابض ضحكته : ايلسي ما بتروح . .
خلود وشيخه ضحكو وسارو . .
شما تطالعني . . انا كنت شوي بعيده عنهم . . هم ع نفس السيد قاعدين . . وانا ع غنفة مجابلتنهم ابعد . .
مروان صد صوبي يطالعني انا كنت ألعب بالبي بي وشوي اطالعهم . .
مروان منزل راسه : عادي ارفع راسي اشوفج ؟
شما تررجف . .
مروان يشوف ايدها : خلاص خلاص . . اهدي . . ما بشوفج والله . . بتم اطالع ايدج . .
شما تلعب باصابعها . .
مروان : شحالج . ؟
شما : ببب . . خييير . .
مروان يبتسم : دوم ان شاء الله . .
وتم سآآآآآآكت موووووووول ما يتكلم . . تقريبآ مرت عليهم 10 دقايق وهم سآكتين بس . . حتى انا اطالعهم بتركيز خفت شي صار لكن اشوفهم سااااااااكتين .
إضافة رد
اسطورة ! 08:57 PM 08-10-13
مروان : واخيرآ . .
شمآ : . .
مروان : ماترجفين . .
شما سآكته . .
مروآن : الحين عادي اشوفج . .
شما ردت ترجف بس اخف : هيه . .
مروان يطالعها : حرام عليج . . " يحط ايده ع رقبته " ياني شد عضلي . .
شما تبتسم . .
مروان يبتسم : يا لبيه . .
شما نزلت راسها . .
مروان : ماعرف شو المفروض الواحد يقول ف هالمناسبات . . تعرفين عاد اول مره اعرس وجذه
شما : هههه . .
مروان يبتسم : انا اهم شي عندي تعرفين شي واحد . .
انا رفعت عيني اطالع . .
مروان : ترا انتي من اختياري . .
انقرص قلبببببببي بقوة . . عورتني والله
مروان : عبدالله وسيف . . ابوي اختارلهم حياتهم ورسمها مثل ما يبا . . انتي كنتي من اختياري انا . . محد رسمج ف عيني ومحد رشحج او غصبني عليج . .
شما تطالعني وانا ابتسمت لها . .
شما بارتباك : ليش اخترتني . .
مروان يبتسم : جذبتيني . . جذبني حيآج وآآيد . . جذبني ان عندي بنت عم للحين ماشفت ويهها ولاسمعت حسها مع ان مرت اكثر عن 20 سنه ع جمعآتنا . .
شما ابتسمت . ,
مروان : ع فكره انتي من زمان ف خاطري . . يعني ماقولج احبج او ارتاح لج . . لكنج كنتي بخاطري كنت اقول يارب تكون من نصيبي . . بغيتج لي . . ويوم صارت الخبببطه هاك اليوم وخبطتج . . حمدت ربي ألف مره عشان اتشجع واقولهم اني اباج . . والحمدلله " يبتسم "
رفعت راسها وتمت تطالعه وابتسمت . .
حسيت براآآحه وآيد . . حبيت كلامه لها . . حيبت صرآحته . . سيف وعبدالله وميره فيهم من طباع بعض وايد . . لو شو ماصار بيتشابهون ف الاطباع وفيهم من بعض لكن مروان غيير . . انا توقعت فالبدايه ان عيشتهم مع بعض تخليهم نفس الطبع لكن رقوي عاشت معاهم . . ترا رقوي اختهم بالرضاعه مش بس بنت عمهم . . وكانت اغلب عيشتها معاهم فالبيت . . لان يوم ربت حرمت عمي خالد ويابت رقوي مارامت ترضعها ماعرف ليش صارتلها امراض وماعرف شو وكانت مرت عمي حمد توها مربيه ف ميره ف رضعت رقوي وعآشت عندهم رقوي وآيد . . حتى لما سافر عمي خالد وحرمته علاج قبل خطبة شموه . . رقوي ما يت تبات عندنا ف البيت سارت تبات عندهم !! تحس انها منجذبه لهم وترتاحلهم ف تمت عندهم مش عندنا . .يعني باختصار عاشت معاهم وفضلتهم علينا وعلى خواتها لكن ماخذت طباعهم ؟ يعني مش العشره الي تغير الطبع . . ها شي فيهم ف دمممممهم . . اف يقهرووووووووووووووووون . . كله من عمي حمد ويه النحسسسسسسسسسسسسس . . استغفر الله بسس
مروان يمد ايده : الحين عادي اسلم عليج
شما بحيا مدت ايدها . .
وسلم عليها وتم قابض ايدينها اليمنى بايدينته الهنتين . .
شما تطالعه . .
مروان : ما بوخر ايدي لين تتعودين علي بسرعه . .
انا سويت عمري مشغوله ف الفون عشان ماحرجهم . . كنت العب بالفون بس اجوف ان مروان صد يطالعني . .
مروان : ماعليج منها مشغوله . .
شما ابتسمت . .
مروان : اقولها تروح ؟
شما : لاااااا . . " يايه توخر ايدها بس هو مسكها "
مروان : خلاص خلاص ..
شما : اذا راحت بروح . .
مروان : عيل الله يسامحج يايه تشوفين ريلج اول مره وميمعه قبيله
شما ابتسمت . .
مروان تم ييطالعها ومبتسم : ابتسامتج وايد حلوه . .
شما تبتسم اكثر . .
مروان : انزين سولفي . . خبريني عنج . . عن دراستج . . حياتج
شما : انا تخرجت من الثانوية وماكملت دراسه
مروان فاج عينه كان مركز على شي ف جتفها . .
شما رجعت شوي ورى : شو تشوف . .
مروان مسك ايدها ب قوة وتم يطالع ايدينها من فوق صوب جتوفها . .
شما ترتجف . .
مروان : شو هذا ؟ في علامة
شما عرفت شو يقصد وحطت ايدها غطته . .
مروان عاقد حياته : كيف صارلج جي ؟
شما تطالعه : هد ايدي عورتني . .
مروان حس بروحه وهد ايدها . .
شما : رشود حارقني . .
مروان بغا يقوم : الخسيسسسسسس الحيوان انا براويه . .
شما مسكت ايده : تعاااااال . .
مروان تحرك بيسير بس انصدم من حركتها وانا بطلت عيني ع وسعهن من الصدمه . .
عشان تمنعه ما يسير حظنته بقوة من ورى . . مش قصدها تحظنه بس عشان تمنعه وماتخليه يتحررك . .
شما : والله ماتروح لا تروح من زماان هالسالفه والله من زمآن . .
مروان تم متصنم مكانه لدرجه خلتني اضحك من الخاطر . .
شما يوم حست اني اضحك حست ع عمرها ومـآآآآآآآآآآآآآآآآآآآآآآآآتت وعلى طول خازت عنه . .
مروان قابض ضحكته : بروح . .
شما : انزين انا بفهمك عقب روووووووح . .
مروان تام واقف : فهميني يلا . .
انا اهز راسي يمين يسار وبصوت واطي : والله انك عيار يا مروان . .
شما بعيون ترتجي : انزين اقعددددد . .
مروان يلس وتعمد يقعد مكآنهآ عشان تنجبر تقعد وايد حذاله . .
مروان : يالله ارمسي ؟
شما : ترا محد يعرف الا مهووووور . .
مروان فاج عينه ويطالعني : هالفعصوصه تعرف وانا ماعرف ؟
شما تطالعه : ماكنت اعرفك حزتها انزين
مروان يطالعها عين بعين : يعني من اليوم بكون انا الي اعرف بس صح . .
شما تمت تطالعه . .
مروان يبتسم : يالله قولي . .
شما : سالفه جديمه والله
مروان : انزين قولي
شما : احترقت غرفه شواخ مره بالمبخر وكلنا ربعنا الحوش . . ويوم عرف رشود حرقني
مروان فاج عينه : وحرقكم كلكم ؟
شما منزله راسها : بس انا . .
مروان : وشمعننننننى
شما : ماكان يخليني اطلع كاشفه حتى الحوش كله يقولي انتي عوره عوره المفروض مول ما تطلعين من البيت . .
مروان : صدقه . .
شما تطالعه : شو
مروان : كملي
شما : بسس عشان جي حرقني . .
مروان : بعد ماله حقققق
شما : انزين خلاص السالفه جديمه يعني
مروان يبتسم : لانها جديمه بسكت .. بس والله لو سواها وانا خاطبنج ما كنت برحمه . .
شما ابتسمت . .
انا اتثاوب : شموه حبيبتي احس خلاص لازم اروح صح
شما تطالعه . .
مروان يبتسم : ع كيفج .. انتي قرري . .
شما تبلع ريجها : انزين . .
انا ابتسمت : صدق اروح ؟
شما تهز راسها ب هيه . .
انا رفعت ايدي : الحمدللله . .
مروان يبتسم : مشكوره بنت عمي . . انا مديون لج بوحده . .
انا : هيه حطها حلق ف اذنك ولا تنسى انك مديون لي بوحده . .
مروان : ماني ناسي . .
ابتسمت وطلعت . .
الحمدلله . . مروان يعرف كيف يتصرف ويعرف كيف يخلي شما تتعود عليه يعني مهمتي معاها تمت بحمد الله . .
صعدت حجرتي وصليت العصر وعقب تذكرت ان تلفوني الايفون من زمان غايب عن عيني ؟ مادريبه وين . . قعدت انبش فالغرفه وادور وادور ما حصلته . . انصدمت !! لا وبعد ما عليه قفل . . بس الحمدلله مافيه صور ولا شي لكن بعد يعني وين سار تلفوني . .
وسحبت البي بي وتميت اتصل عليه ويرن !
: الو . .
انا انصدمت : بسم الله منو . . منو شال تلفوني ؟
: توا الناس والله . . الحين افتكرتي ان عندج تلفون ثاني . .
انا : انت منو . .
: . .
انا : ألوو . .
بندو فويهي . . ! منو هالحمممممار . . !! رديت اتصل واتتتتصل واتتتتتتصل بس محد يرد . .
عنود تدق الباب : مهووور انتي اهني ؟
انا : هيه دششي . .
ودشت ودش حبيب قلبي صقر وياها . .
انا : حبيييييييييبي انا تعال . .
كان مدوووخ . .
انا : فديته مسسطل . .
عنود تبتسم : خليه عندج لين فليل . . بسير ويا عبدالله السينما . .
انا فاجه عيني : بس اليوم الجمعه . .
عنود : خلاص حبيبتي الحين يدوه تجبرنا نتم لين 5 هههههههه عقب تطلق سراحنا عادي . .
انا ابتسم : الله يرحم ايام اول ماتخلي حد يتحرك لين فليل . .
عنود : لا الحين من صارت 5 قالت مطولين ؟ فارجو هههههههههه
ابتسمت وشليت الولد حطيته ف حظني وتميت امسح ع شعره وظهره . .
عنود قفلت باب حجرتي وفجت كبتي وتمت تطلع لها بنطلون وقميص . .
عنود : عندج عباه غاوية . .
انا : اننتو ما خليتو لي شي ترى . . هالكبت سبيييييل كل ساعه حد دش خذا منه شي
عنود تبتسم : ماعليه تحمليني اختج . .
ابتسمت . . : بدشون فلم رومانسي . .
عنود تطالعني : كيف عرفتي
انا : من ويهج ههههه . .
عنود تبتسم : سخيفه . .
انا : الله يصلح حالكم يارب . .
عنود : امييييين . .
انا : يدي سار صح . .

ابق قريبًا من جديدنا

تابعنا وما يفوتك جديد

اختر المنصة اللي تناسبك وتوصلك الفصول أول بأول.

انضم لقناتنا على تيليجرام الأسرع

إشعارات فورية بكل فصل جديد.
تابعنا على فيسبوك المجتمع

ترشيحات ومناقشات مع القرّاء.
السابق فهرس الرواية التالي

أكمل القراءة في التطبيق

تجربة قراءة أفضل مع إشعارات الفصول الجديدة والوضع الليلي المريح

متاح على Google Play


التعليقات (0)

جاري تحميل التعليقات...

روايات مشابهة

غلاف رواية شظايا شيطانية~للكاتبة صرخة المُشتاقه

شظايا شيطانية~للكاتبة صرخة المُشتاقه
غلاف رواية خطيئة خيال

خطيئة خيال
غلاف رواية رحيل الهواري

رحيل الهواري
غلاف رواية دموع السيف

دموع السيف
غلاف رواية حكاية عشبة خضراء

حكاية عشبة خضراء
غلاف رواية مملكة سفيد

مملكة سفيد