رواية هايم في بحر الشوق و لذات هيامك الفصل السادس 6 - بقلم غير معروف

البارت الـ 17
فتحت عيني ولقيتها ع طرف السرير موطيه راسها ومغمضة . . النور ساطع مادري من وين . . صديت يمين لقيت الستاره مفتوحه والشمس تضرب بعيني . . تحركت شوي وفزت امي . .
اميه : مهـــــــــره . .
انا ابتسمت : اسفه واعيتج . .
اميه تي تمسح ع ويهي : شو ياج يا اميه شو ياج . .
تمت تحظني وتبوسني ع راسي وع خدي . .
اميه : ليش تغيبين عن الوعي . .
انا اطالعها بتعب : ماعرف . . كم صارلي طايحه . . ؟
اميه تطالعني : ماتذكرين
انا : مادري . . ساعتين ؟
اميه : ساعتين !!! انتي من كم يوم طايحه يا امييييييه . . تقومين شوي واطيحين . . تقومين شوي واطيحين . .
انا اغمض عيني . . وتمت امي ادقني . : مهره . . مهره . .
انا اطالعها بارهاق : خليني ارقد شوي . . شوي بس . .
ورديت اغمض وماعرف ليش هالتخدير كله . . انا متاكده يعطوني مخدر ولا منوم عشان ما احس ب عوق .. لكن انا ماعرف شو الي يعورني بسهم لا يعطوني . .
فتحت عيني مره ثانية ولقيت شهاب ع راسي . . شكله توه داخل لانه باس راسي وعقبها فتحت عيني .
شهاب يطالعني : انتي قمتتتي . .
انا اطالعه : لا تخليهم يعطوني مخدر . . اكيد يعطوني مخدر . . تعبت من النوم تعبت . .
شهاب بتردد واضح حطا ايده ع شعري وتم يمسحني : بتتألمين . .
انا اطالعه : انا بخيييير . . ما احس بألم والله . .
شهاب يتنهد . .
تميت اطالعه بحيره : انا شفيني . .
يندق الباب . .
شهاب : وليد بيدخل . .
ساعدني عشان ألبس الشيله وتغطيت . .
وليد دخل ويطالعني: واعيه ؟ " يطالع شهاب " ليش واعيتها . .
شهاب : بروحها قامت . .
وليد يطالع شهاب بنظرات غريبه . . متاكده مخبين شي بس ماعرف شو . .
شهاب يتنهد : بسير ايييب لج عشا . . شو فخاطرج . .
انا اطالعه : صدق بتيب لي
شهاب يطالعني : هههههه بييب لج الي تبينه . . شـو تبين . .؟
انا اطالعه : ماكدونالدز . . والله احس ابا اكله ماعرف ليش
شهاب يبتسم : ان شاء الله . . امش وليد . .
وليد يطالع شهاب . .
شهاب عاقد حياته : امششش . .
وليد : ياخي روح . .
شهاب : شو اتم وياها روحك . .
وليد : تشوفها مجسحه وطايحه شو بسوي فيها باكلها ؟ بكلمها . . انا اخوك ترى . .
شهاب : واخوها . .
وليد عاقد حياته : اعتبرني الحين بس اخوك وسو فيني خير وفارج . .
شهاب يبتسم وطلع . .
انا ركزت عيني عليه لين تقرب وبدال لا يقعد ع الكرسي القريب قعد ع السرير . .
وليد باهتمام واضح : انتي احسن . .
انا : هيه . .
وليد : تحسين ب عوق
انا : ما احس ب اي شي . . اصلا ما احس ان فيني شي ليش مخليني اهني . .
وليد يطالعني : انتي حاسه ب إلي انا اسويه
انا عاقده حياتي : شـ تسوي . .
انتبهت لـ ايده . . كان حاط ايده فوق اللحاف وقابض شي
انا عاقده حياته : شو ماسك . .
وليد يرص أقوى : مش عارفه انا شو ماسك . .
انا : لا . .
وليد يغمض عينه ويتنهد .
انا عقب استوعبت . . هو ليكون ماسك ريلي . . من غير ما احس قعدت ورفعت عني اللحاف وشفت ريلي مجبسه واطراف اصباعي عليها لصق وشاش ودم . . انصصصصصصصصصعقققققت . . كيف ما انتبهت . . انا متاكده اني قمت ورحت شفت امي واطمنت عليها كيف ما انتبهت اني مجبسه .!!! اصلا . . اصصصصصلا . . اصلا ليش قعدوني ع كرسي ذاك اليوم . .
تميت اطالع وليد بصدمه : شفيني . .
قعدت اطالع ريلي واحاول ارفعها مش قادره . . تخخخخخخخخخبلت . . تميت احاول واحاول . . ابي احرك اصابعي ابا احرك ريلي مول ماقدرررررت . .
صديت صوب وليد ومصدومه وعيني تغلغل دموع . . : وليد انا تشللت ؟
وليد يا صوبي ومسك ايديني الهنتين : انا بفهمج . .
انا اصيح ودموعي تنزل وصوتي بح : وليد تشللت انا . . شششوف ماقادره ارفع ريلي . . تشلللللللت
وليد يمسك ايدي بقوة : اشششششش . . ولا حرررف . . انا بفهمج . .
انا دموعي تنزل بغزره : شو تفهمني . .
وليد : اذا صحتي ما بقولج ولا شي اهدي . .
مسح دموعي بظهر ايده ورد قيض ايدي بقوه : موضوعين بكلمج فيهم اباج تسمعيني عدل . .
انا اطالعه . .
وليد : ريلج ما بيكون فيها الا العافيه . . الي فيج ما يتسمى شلل . . الشلل انج خلاص مالج امل تمشين لكن انتي بتسوين عمليه وبتمشين ان شاء الله . .
انا اطالعه ودموعي تنزل وبصوت هادي : شو كنتو تتريون طول هالفتره . . ليش ما سويتو لي العمليه . .
وليد : لا تصيحين قلتلج . .
سحبت ايدي عن ايده ومسحت دموعي . . : جاااااااوبني
وليد : كنتي تتألمين منها وايد والدكتور قال مآ
انا اصارخ واقاطعه : حتى لو اتاااااااالم ليش ما عالجتوني لييييييشششش
وليد : اشششششش . . افهميني " تقرب مني " تبين تتعالجين . . ؟؟
انا اطالعه عين ب عين وقابضه دمعتي وبصوت يادوب يطلع : اكيييد ابا اتعالج . . انا ابا امشي مابا اتم جيه مااابا
وليد : ماراح اتمين جيه . . والله ما راح اتمين جيه انا احلف لج ماراح اخليج اتمين جيه . . بتتعالجين وبوديج تتعالجيييييييين . . العلاج مضمون 100% فـ ألمانيا . . اهم شي تهدين الحين وتخليني افهمج كل شي بهدوء ورواق من غير صياح . .
انا اطالعه عقب هدوء وسكوت بسيط نزلت راسي : منو بيوديني . . منو عندي يوديني ويسفرني . . امي مريضه ماتروم ع السفر ولا تروم تراعيييني . . عنود حامل . . شهاب بعده يتلوم مني . . يدي ريال عود ياااااالله يشييل نفسسسه . . منو عندي يوديني " تميت اطالعه بتركيز وقلبي معصور عصر واحس بخنقه "
وليد يطالعني : ها الموضوع الثاني الي كنت ابا اكلمج فيه . .
انا اطالعه . .
وليد : خلينا نملج . .
انا اطالعه بصدمه اكثر . .
وليد : ادري . . مش الموضوع الي كنتي تبين تسمعينه
اقاطعه : طبعا لآآآآآآآآآآآآآآ . .
وليد يطالعني . .
انا : لو اتم طول عمري متشلله وما امشي راضيه لكن . ..
وليد يطالعني بصدمه : لكن ما تتزوجيني ؟ معقوله . . لهالدرجه
انا اطالعه . .
وليد : ها الي كنتي تبين تقولينه
انا : طبعا لا . .
وليد يطالعني يتريا مني جواب ويبين من ويهه انه يغلي غليان . .
انا : راضيه اتم بهالحال لكن ما استغلك . . اتزوجك عشان تعالجني . . لهالدرجه انا حقيره . .
وليد عاقد حياته : كيف يخطر ف بالج هالتفكير .. احنا جيه ولا جيه كنا بنملج وانتي ادرى كنا نتريا موافقه منو . . . !!! ميره بنفسها كلمتني . .
انا اطالعه : وليد اطلع خلني بروحي . .
وليد يطالعني : ليش تعقدين المسأله
انا اطالعه : انا ما اعققققققد شي ما اعقققققد شي . . بس انا توني طالعه من علاقه فاشله وخطبه فاشله ماقدر ادخل بعلاقه ثااااانيييييييييييه
وليد : قلتيها بنفسج . . خطبه . . احنا بنملج . . بتكونين حلالي . . سيف عمره ماكان حلالج . . كان خطيب بالاسم بس . . تختلف
انا اطالعه : ما يختلف شي . . انا نفسيتي مش مستعده حق علاقه . .
سكت ماكملت
وليد : علاقة حب ؟ ماعليه . . انا بخليج تحبيني . . من البدايه قلتلج هالكلام وماطلبت منج تحبيني لاني اعرف كيف اخليج تحبييني وماتفكرين الا فيني . .
انا اطالعه : وليد دخيلك اطلع برا مابي اتكككلم . .
وليد : توج مستعيله . . تبين تتعالجين ؟ يالله . . قرار علاجج بايدج . . وعلى فكره انا ما استغل هالنقطه ترى ابد . . لاني قايل حق امج اني بوديج .. ان كنتي حلالي ولا تميتي بنت عمي . . لكن انا اباج بالحلال . . اابا اعاونج واوقف معاج بالحلال . . انتي بترتاحين معاي اكثر بدال ما تتسترين مني . .
انا اغمض عيني واحط ايدي ع ويهي واصيح : ليش صار فيني جيه ليش . .
وليد : استغفري ربج . . كل الي صار مكتوب ومقدر . .
انا اطالعه ومسحت دموعي : ماكنت احلم اتزوج بهالطريقه . . ولا املج علشان اتعالج . .
وليد يطالعني : سمعي بنت عمي . . كل الي صار خيره صدقيني . . ربج كاتب كل شي . . خلينا نروح نتعالج وبعدها نرجع البلاد وصدقيني ما بضغط عليج ف العرس . . خذي وقتج . . سنه ؟ سنتين ؟ 5 ؟ 10 ؟ والله بتريا . . ولا بضضغط ابببببببد . . بخليج مثل ما تبين ولين ماتين تقوليلي بنفسج تاريخ العرس . . " يبتسم " عقب كم شهر بيروحون العمره . . خليني اكون اكون محرمج . . ادري انج مارحتي ولا مره وكنتي تتمنين حد من عمومي يوديج ومحد وداج . .
انا اطالعه : عندي شهاب بيوديني . .
وليد عاقد حياته : الحين شهاب بيدخل ف كل موضوع صح . .
ابتسمت بتعب . .
وليد : شو قلتي . . .
انا اطالعه واتنهد : ماعرف شقول . . والله ماعرف شقول . .
وليد : ترا امج موافقه وكانت من اول المؤيدين
انا اطالعه : انت كلمت امي . .
وليد يبتسم : اكيد كلمتها . .
شهاب يدخل : انت ششششحقه يالس ع السرير . . من قلت الكراسي ؟؟؟
وليد : اسغفر الله . . " يطالعه " اقولك قسم بالله بعطيك بكس بخلي ويهك بروحه شعار ماكدونالدز
شهاب يبتسم ويطالعني : بلاه ويهج وارم . . " يطالع وليد " خبرتها
انا اطالعه : خبرني . .
شهاب : لا تخافين من شي ياوخيتي . . العلاج موجود ووو
وليد يقاطعه : لا تفتح الموضوع . . قلتلها كل شي
شهاب يطالعني : ترا لو ماتبينه قولي ماباه . . عندج اخو وانا بوديج وبتكفل ف كل شي والله لا تشيلين هم . .
وليد : ها الي شكله بيرد وأد البنات وبيخليني ادفنه بدال البنات . .
شهاب : انت شو تبا . . ارمس ويا اخوك العود باحترام
وليد : انت الي شو تباااااااا . . ياخي انا اتريا موافقتها الحين وانت ناشب لي تخرب كل شي ؟
انا : انا موافقه
وليد : والله انك مخرب الملذات . .
اظن شوي واستوعب وليد اني تكلمت ورد صد اطالعني . .
وليد : شو قلتي . .
ماقدرت انطق ولا قدرت ابتسم ولا اقول شي . . تميت اطالع شهاب بس وبلعت ريجي . .
شهاب : قالت موافقه .. " يطالعني " ليكون غصبج وهددج
انا ابتسمت . .
شهاب : قولي لا تخافين

إضافة رد
اسطورة ! 09:36 PM 08-10-13
انا ابتسمت : لا . .
شهاب يبتسم : من قلبج يعني . .
نزلت راسي ما قلت شي . . اصلا انا بروحي ماعرف ليش قلت موافقه . . هل من خوفي ع نفسي ؟ يمكن كل ما اتاخر كل ما يعصب العلاج ؟ او اني صدق كنت ابا لكن ماكنت ابغي تحت هالظروف . . والله ماعرف لكن المهم اني وافقت . !
ماقادره اقولكم كيف انتهى فيني المطاف ف المحكمه وانا اوقع ع ورقة زواجي ! لاني بروحي مصدومه للحين ولا قادره استوعب كيف صار كل هذا بسرعه . . ! طلعت من المستشفى . . صليت استخاره وحلمت ان يدي يقول لي " وليد ريلج وينه عن الغدا اليوم ؟ " ومن بعدها رديت خبر اكيد اني موافقه لامي . . كنت مضغوطه من كل صوب . . الكل كان يحن ع راسي ع موضوع الزواج بس عشان اتعالج . . كنت احبس روحي ف الغرفه بس عشان ما اسمع كلام حد . . لكن عقب فتره بسيطه كل شي هدا ووافقت وتيسرت الامور بسهوله . . . ! الحين اخر ساعات لي فالامارات . . بالاحرى . . 7 ساعات وبسافر ألمانيا مع وليد . . كنت قاعده يلسه عائليه مع الجميع تقريبآ واسمع السوالف الي فاتتني لما كنت فالمستشفى .!
نرجع لذآك اليوم . . . ! يوم الحادث . . لما اميه تعبت علي وخذت السياره ووو صار الي صار . . ودرني وليد هو وشهاب ع اساس هدف فـ راس وليد . . اول شي سواه انه خذاه بيت يدي الي اتفاجئو فيه وانصدمو لكنهم اتقبلوه بـ رحآآآآآآآآآآبه ويدي اول واحد من بينهم الي مد ايده وحظنه واستسمح منه مع انه ما كان يعرف بوجوده بالاساس . .
يدوه مصدومه : انا لو كنت ادري . .
شهاب يبتسم : يدوه اناا ريال ومشيت حالي . . لاتتلومين ولا تشيلين ب قلبج ذره . . الحمدلله مشيت حالي . .
يدوه تصيح : انا كنت السبب . .
شهاب يسير صوبها ويبوس راسها : اول شي خبرني اياه وليد انج تموتين فيه . . لو ما سويتي الي سويتيه جان ما ياج وليد . . " يبتسم " يكفيني انه كان يسعدج يدوه . .
وليد : انا انصدمت منج ماتوقعتج جاسيه . .
شهاب بعصبيه : وليييييييد
وليد : العتب الاول لـ ابوي . . لكن انتي لج ذنب وايد كبير . .
يدوه تصيح : سامحني ياوليد . . والله ماكنت اعرف ان في ياهل فالسالفه " تغطي ويهها بالشيله "
يدي : قلتلج خلي سعيد برايه .. حلليه خليه . . كان يصيح يترجاج توافقين وقلبي كان حاس ورا دموعه سر كبير . .
يدي كان يتكلم ويطالع شهاب . .
وليد بصوت خافت : تراه عمي . .
شهاب انصدم . .
وليد : من الصوت يميز مكانك . .
يدي : ابوك حبك يا شهاب . . لا تحقد عليه
شهاب : ابوي صدنننني . . ابوي ترككككني ف وقت كنت محتاجه
يدي : الحرمه لعبت ف راسه ولا ما بيسويها . .
وليد ينزل راسه . .
يدي : وانت يا وليد ان سمعت انك رفعت صوتك على امك ولا ابوك ولا عاتبتهم على شي
وليد يقاطعه : والله ما ااااسكت واللللللله . . حق اخوي الي ضاع منو بيعوضضضضضه منوووووووو
يدي : الله . .
وليد كان ياي يرد بس بلعها . . كان رد يدي كافي له . . سكته ع ـدل !!!
عقب هالنقاشات الحادة . . يدتي كانت بتبوس ريل شهاب تستسمح منه بس قلب شهاب كان اكبر وخذاها ف حظنه وحللها . .
بالنسبه حق عمي حمد ؟ اللقاء بين شهاب وعمي حمد كان مخيف . ّ!!!!! السر ورا الحقد والكره الي يشيله عمي لنا شكله شهاب يعرف . !! ها الي فهمته من كلامهم . .
اما اللقاء الاخير . .!
دخل وليد وشهاب وتمو قاعدين ف الصاله لين نزلت ام وليد . .
ام وليد : وليد . . " تغطت " منو يايب معاك . . وشوه فيك داق حق ابوك مخلنه يظهر من شغله . .
وليد : تعالي ايلسي لين يوصل ابوي . .
ام وليد : منو الريال . .
وليد : ايلسي امايا . . هه اصلا مادري ازقرج امايا ولا
شهاب بعصبيه : وليد!!
وليد : دخيلك شهاب . .
ام وليد شهقت . .
وليد يطالعها ويوقف : تروعتي ؟
ام وليد ترجف : هذا وين تعرفه . .
وليد : هذا ؟؟؟ قصدج اخوووووووووووي . . اخوي الي انتي " يصارخ " حرمتيني . . .
شهاب يصارخ : ولييييد !!!!!
وليد يطالعها : انا ماقادر اطالعها ع الي سوته فيك . . وانت ادافع عنننننها ؟
عمي سعيد يدخل ويبطل الباب : وليد و ثوّل ان شاء الله شعندك اتصارخ . . " طاحت عينه ف عين شهاب وصنم مكانه " . .
شهاب كان منتهي . . ايدينه ترجف وعينه ثابته ع عمي . . متردد وعين الندم فيه لانه رد طلع مره ثانية . .
عمي سعيد : شش . . ششهآب ؟
شهاب تلاشت ملامحه ونزلت دمعه حاره . .
وليد يطالع عمي : شهاب . . هيه هذا هو شهاب ب لحمه ودمه الي تخليت عنه . . وعشان شو ؟ عشان شور حرمه ما بغت . . تخليت عن لحمك ودمك وقطعه منك . . تخليت عن منووو . . . " دموعه تنزل " عن وللللدك . . عن ضناااااااااااااك . . اخخخخخخخ . . اخ يا قسسسسسى قلبك يا ابويه . . ماتوقعتك جااسسسسي ابد . .
عمي تقرب من شهاب كان يبا يحظنه لكن ام وليد صرخت . .
ام وليد : واللللللللله ما تلمسسسسسه . . ان لمسسسسسته انا محرومه عليك ولاني حرمتكككككك . .
وليد مصدوم : امايا بذمتج . .
شهاب رجع ع ورى : لا تلمسني . .
ومشى ابتعد عنهم بيطلع من الباب لكن صرخت وليد وقفته . !
وليد يصارخ : طلللللللللللللللللللققققققققققققققققققققققققققها
شهاب وقف وصد يطالع وليد . .
وليد يصارخ : الي تمنعك عن ولدك !!!!!!!!!! الي خللللللللللتك تتخلى عن واحد فقير ماله حد ف الدنيااااااااااااااااااااا الا انتتتتتت ما تستاهل تكون حررررررررمتك . . طلللللللللللققققها . . " بعين صارمه يطالع عمي " لا ترد اخوي مرتين . . لان هالمره ما بتخسره هو بس . . بتخسرني انا . .
عمي كان مصدوم . . كل الي سواه صد يطالع شهاب الي عينه تنزل دموع حرقه وألم من الي يشوفه . .
عمي صد لـ ام وليد : ما بتخلى عن شهاب . .
ام وليد : عيل طلققققققني . .
وليد يغمض عينه : طلللللللقها . .
شهاب رد يا صوبهم مره ثانيه وجابل عمي سعيد . . : لا تطلقها . . لا تنطقها عشان واحد مثلي ذاق الهم وشبع منه . . يسدني اني عرفت امي الي مرضعتني حيه . . وعندي اخت بداري بالي عليها . . ويد ويده يبوني . . لا تطلقها ترا ما باقي من العمر كثر الي راح . .
وليد يصارح : انت بعدك ف عز شبابك . . انت ما شفت شي سنع فالدنيا عشان تقول هالكلام . . " يطالع امه " معقوله قلبج اسود وحجر . .
ام وليد تطالع عمي : يا انا يا هذا . .
وليد يصارخ : لا تقولين هذا عن اخوي . .
شهاب عطاه كف : لا تصصصصصصصصصصارخ ع امك . .
عمي سعيد : انتي طالق بالثلاث . .
ام وليد : حسسسسبي الله ونعم الوكيل عليك . . حسبي الله عليك ليش ظهرت ف حياتنا مره ثانية . .
عمي سعيد رفع ايده بيعطيها طراق بس وليد جابله . .
وليد ودمعته تنزل . . : طلقتها . . خلاص . . خل تروح ف سبيلها وشرات ما قال يدي . . الله الي بياخذ حق اخوي . .
ام وليد : وانت توقف ضد امك ؟؟؟؟؟
وليد : توكلي على الله امايا .. توكلي على الله ما اريد اغلط . .
شهاب بطل الباب وطلع من البيت ولحقه عمي سعيد و وليد . .
عمي : وين رايح . .
شهاب يطالع عمي : انا مالي مكان اهني . .
عمي سحبه بقوه وحظنه : انت ولدي .. انت مكانك اهني . . هذا بيتك انت الي تدخل واحنا الي نطلع . .
شهاب تنزل دموعه : عقب شو . . عقب شو . .
عمي : سامحني . . ساااااااامحني . .
شهاب : الله إلي يسامحك . .
يخوز عن عمي ويمسح دموعه ويسير بيتنا . . وهو الي رد ع تلفون البيت الي كان المستشفى يتصلون ويقولون عن الحادث . . .!
وليد يييني : اندوج . . خذي دواج . . ادريبج تعبتي من سوالف وهذربه هالبنات الي مش راحمينج . . " يطالع بنات عمي " خلو حرمتي ف حالها هلكتوها . . قرقرقرقر من الصبح . . اعنبوه حلوجكن ما عورتكن
حاولت اني ما احط عيني ف عينه وخذت عنه الدوا وشربت ماي . .
من عقب ما شافني اتجاهلته وخذت الدوا راح . .
شيخه : انتي شعندج تكلمينه جيه . .
ميره : غبيه . . للحين ماقادره تستوعب انها ملجت . .
انا اطالع ميره : انا ماكمملت يوم مالجه حتى . .
خلود : مهور في حد من عيال عمي بي اهني . .
انا اطالعها : ليش شموه تبا تنزل ؟
خلود : هيه . .
انا : لا محد فالبيت طلعو . .
خلود تصارخ : شموه تعالي . .
ونزلت شما تركض صوبي . .
ميره : بلاج بلاج . .
شما : روحي شوي ابا اكلم مهور ف سالفه خاصه . .
ميره : افففف منها هاي بعد . .قولي جدامنا مابينا اسرار . .
شما :لا استحي . .
انا ابتسمت : سيرو حرام بسافر عنها . .
ابتعدو البنات شوي . .
شما تطالعني : مهووور . . .
انا اطالعها : شو حبيبتي قولي . .
مروان : انا ابا عشر يهال مشكلتج دبري عمرج . .
شما : مروان لا تستهبل . .
مروان : ما استهبل . . تتحريني متزوج بس ابا العب وياج ؟ ابا يهال يترسون علي البيت ماحب الوحده انا
شما : انزين انا بعد ماحب الوحده واحب اليهال لكن ماقدر على 10 حرام عليك . .
مروان : بنربييهم سوا . . كل سنه هاتي واحد
شما شوي وبتصيح : مروان . .
مروان : هيه بعد شو خانتي ماخذنج . .
شما نزلت راسها : ان شاء الله . .
مروان يقرص خدها : فديييييتها انا . .
شما بحيا ساكته . .
مروان : انتي شو عندج يالسه بعيد . . تعالي يلسي قريب مني . . يقولون فتره الملجه احلى فتره وانتي حارمتنا من كل شي .
شما تطالعه : انا ؟
مروان : هيه
شما تنزل راسها : من شو حرمتك . .
مروان : لا تبوسيني من نفسج .
شما تشهق : شووو . .
مروان يبتسم : ع خدي ّ! ع راسي . . المهم احس انج تحبيني . .
شما سكتت . .
مروان : انا حتى ما احس انج تحبيني . .
شما تطالعه : مروان حرام لا تقول جي . .
مروان : انا من اول يوم تخبلت فيه عليج وحبيتج . . وانتي للحين ماقادره تحبيني . .
شما : امبلا . .
مروان : امبلا شو . .
شما سكتت . .
مروان : شفتي . . حتى ماترومين تقولينها . .
شما : استحي . .
مروان : ذبحتينا ويا حياج . . لين متى تستحين . . اابا اسمعها منج . .

إضافة رد
اسطورة ! 09:37 PM 08-10-13
وقام عنها بيروح لكنها قبضته من كندورته . .
مروان : شفتي ؟ حتى بدال لا تمسكين ايدي تمنعيني شوفي ماسكه شو . .
شما منزله راسها ودمعت . . : مروان لا تروح جيه . . لاتروح وانت زعلان مني . .
مروان يتقرب منها وبجابلها ويمسح دمعتها : انزين ليش اتصيحين شماني . . " يبتسم " انا طماع شسوي . . اباج تتعودين علي بسرعه . .
شما تبلع ريجها وترد تنزل دمعتها . .
مروان : ياربييي . . ادعي ع عمري بالموت عشان ترتاحين . .
شما : ياخذ العدو ان شاء الله " تمسح دمعتها بصبعها "
مروان يبتسم ويمسح دموعها : فديت البنت الحلوه . . الي تحمر شرا الطماطه يوم تصيح . . حتى خشمها يحمر . . حد قالج انج حلوه حتى يوم تصيحين . . " يبتسم ويتقرب يبوس يبهتها " ألعوزج انا بس . . انا بس ألعوزج واغصص فيج . .
شما تطالعه : زعلت مني . .
مروان : انا مازعل منج . . ليش ازعل منج . . حتى لو ازعل وتمسكيني من كندورتي غصبن عن ابوي بو راس يابس اهدا شو تبين بعد . .
شما ابتسمت . .
قبض ايديها وردو قعدو ع الغنفه . . : عمي وامج ورقوي متى بيردون . . " يبتسم " نبا نعرس عاد . .
شما بحيا تنزل راسها : ان شاء الله جريب . . اتعالجت اميه وما بتطول ان شاء الله . .
مروان يهمس : انزين انتي ليش وايد مستحيه . .
شما سكتت . . اظن ذابت من الحيا .. !
مروان يهمس : ليكون لاني وايد قريب منج
شما تبلع ريجها لدرجه ان مروان سمع وضحك . .
شما تطالعه وتبتسم بحيا : مروان . .
مروان يبتسم : تدللي . .
شما تنزل راسها : صدق انا ذبحتك بحياي ؟
مروان : طالعيني وقوليها فويهي . .
شما ترفع راسها وتطالعه وتقول : صدق انا ذبحتك . . . " تبلع ريجها " بحياي . .
مروان يبتسم : انا حبيتج عشان حياج .. مت فيج والسبه هالمستحى كيف بعوفه ؟ ذبحتيني فيه هيه . . ذبحتيني بمعنى حلو . . مش الشين . . ذبحتي قلبي . .
شما فاجه عينها : بسم الله . .
مروان : المهم هالذبح حلو . . " يبتسم "
شما تبتسم . .
مروان : بس ها مش معناته انج تحرميني من كل شي . .
شما تهز راسها ب هيه . .
مروان : يعني 10 يهال اباهم اباهم . .
شما تطالعه : مرررررروااان . .
مروان يبتسم وبعدها قام . .
شما : ما بتتعشا اهني . .
مروان : لافديتج بسير وانتي روحي قعدي مع مهره بتروح عننج وبتذليني بعدين بشوقج لها اعرف . .
شما تبتسم . .
مروان : وعندي شغل شوي بخلصه ووو " ياشر ع اذنه " بكلمج فليل . . لا ترقدين قبل ما تسمعين صوتي سمعتي . .
شما : ان شاء الله " تبتسم "
مروان يتقرب منها ويبوس راسها : يالله فديتج . .
شما : مع السلامه . .
مروان عطاها ظهره بيروح بس مسكت كندورته . .
مروان صد : امري بنت عمي . .
شما تبتسم بحيا : احبك . .
مروان يطالعها ومذهول : شو . .
شما : ماشي روح روح . .
مروان : والله والله . . " يمسك ايدها " والله تعيدين . .
شما ترجف ع خفيف : احبببك . . !!
مروان : ابووووووووي . . امممممي . . طوايفي . . اهلي كلهم انتي . . " يبوس راسها " فديتج . . واخيرا نطقتي . . ما بغيتي . .
شما تبتسم . .
مروان يهمس : خل امج وابوج يردون بس عاد . .
شما ابتسمت اكثر ونزلت راسها ..
مروان يبتسم بخبث : اتريي اتصالي سمعتي . .
شما تبتسم : ان شاء الله . .
ورد تقرب منه باسها ع خدها وراح . .
>
<
>
شما : الحين لو رد اتصل فيني مهور اقوله كنت امزززززززززززح صح
انا فيني ضحكه بس قابضتنها : وليش تقولين له انج تمزحين ان شاء الله . .
شما : اخاف اطيح من عينه
انا : ههههههه شموه ليش اطيحين من عينه . . هذا ريلج مش غريب . . من حقه يسمع هالكلام كله
شما : مادري احس اني طحت من عينه
انا : هههههههه بالعكس كبرتي ف عينه وتخبل عليج اكثر ويبا العرس اليوم قبل باجر . . عموه وعمي متى بيردون . . ؟
شما : مادري كل مره تتأجل رجعتهم . .
انا مبتسمه : مستعده حق العرس . .
شما : اذا كان تعامله وياي نفس الحين وايد مستعده . . .
انا : عاد انتي لا تتأملين وايد انه يكون نفس الشي !! لازم بيكون غير . . لكن ماعليج خوف من مروان . . دام ياب راسج وخلاج تنطقين ب احبك . . ان شاء الله امورج طيبه . . " ابتسمت " وياويلج لو قلتي له امزح بيبند فويهج وبيغلق فونه اسبوع . .
ميره حاطه ايدها ع خصرها : ما خلصتو . .
شماني يرن فونها : بلى . .
انا : اخخ منها المكاره . . ماكانت بتودرني لولا ها الي اتصل
شما تبتسم . .: بي بسلم عليج قبل ما تسيرين . . لا تروحين قبل ما تخلينهم يزقروني . .
انا ابتسمت : ان شاء الله . .
وركضت سارت حجرتي ترمس فون . . هي ماخذه حجرتي وانا انام عند امي هالفتره لان صعب علي اصعد فوق . .
ميره : بلاها . .
"يندق الجرس "
انا عاقده حياتي : شو تبين انتي . .انا اكتم اسرار مافتن . .
ميره : خل عنج مابينا . قولي قولي .
انا مبتسمه : ياخي بينا بينا دام المقصود اخوج فالموضوع ما يصير اقول ..
ميره : اففففف سخيفه . . " تلفونها يرن " ها وبعدين وياه . .
انا اطالعها : ميود ؟
ميره : هيه بعد منو غيره . .
الخدامه تيني : ماماه . . بابا سيف برع . .
انصب الدم كله فويهي . . ميره تطالعني . .
ميره : انا بسير له . .
انا اطالعها : يبقى ولد عمي . . سحبي الكرسي وديني صوب الصاله الثانية بشوف شو يبا . .
ميره : بس . .
انا : وديني !!!!!!!!!!
مادري ليش قلت وديني . . مافكرت ب شي !!!
سحبتني بالكرسي المتحرك لين الصاله الثانية وانصدمت يوم شفته قاعد ويا نوره . .
قامت نوره و سلمت ع ميره وعقبها يت صوبي وسلمت علي . .
نوره : ماتستاهلين الي صارلج . .
انا احط عيني ف عينها ومديت ايدي وسلمت عليها . .
نوره : كان ودي اييج المستشفى بس سيف ما خلاني . .
اطالعت سيف الي كانت نظرته للارض متجاهل وجودي . .
ميره : بسير اييبلكم عصصير . .
وسارت . .
نوره : يوم عرفت انج بتسافرين اليوم قلت لازم امر اسلم عليج . . " ترمس بصوت خفيف " يمكن تموتين ف العمليه . .
انذهلت من حقارتها . . حقيره . . قسم بالله انها حقيره وخايسه . . اطالعتها باحتقار . .
انا : حقيره . .
سيف يطالعني : حشمي
نوره : الله يسامحج هاي يزاتي . .
انا : الموت ياخذ الي يكرهني ان شاء الله . .
نوره : تقصدين سيف ؟ حرام عليج تراه ريلي اخاف عليه .. .
انا اطالعها : انتي ثعلب ولا شو . .
سيف يوقف : قلتلج هاي لا تين تسلمين عليها . . ليش اصريتي . .
نوره تطالعني : سيف اهدا بليز !! مهما كان هاي الحين معاقه ولازم نراعيها ونراعي مشاعرها النفسيه . .
وليد يدخل : المعاقه ألف من يتمناها ولا قدر يوصلها . .
سيف يطالع وليد ونوره تطالع وليد بصدمه . .
ميره يت مع وليد . . فديت ميروه بدال ما تسير تيب العصير زقرت وليد . . مهما تسوي فيني بس بعد فيها امور زينه . . كل واحد وعيوبه . . حاولت اتجاهل كل شي . . مافكر ب شي ولا افكر احط كلامهم كله و لقائي معاهم فالاعتبار . . لكن . . قسم بالله قلبي يعورني . . في داخلي شي مجروح من هالانسان محد بيفهمه . . سيف . . سيف نظر عيني يا ناس . . سيف الي اشهق باسمه قبل لا اقوله . . انا ماحبيت واحد وحش مستحيل يكون هذا سيف الي انا حبيته . .
وليد ياي يحرك الكرسي : خلينا نروح . .
سيف : اي ادب هذا . .
وليد سار صوب سيف . . ونوره نزلت ع الارض عشان توايهني بالضبط وانا ع الكرسي . .
نوره تبتسم ب براءه : الكل يشوفني جذي . . بريئه ومسكينه . . " توخر ابتسامتها " لكن . . انا الي حبيت ولد خالتي حب . . سيف انا مت فيه . . تعرفين من حبي له شسويت ؟ تيتمت . . ّ!! ذبحت ابوي لاني اقوله اباه وباخذه وبهدم الي بينج وبينه ف يوم . . ابوي مات مرتفع ضغطه وانا السبب تتوقعين اني كنت بتساهل لحبكم السخيف ؟ " ابتسمت " كنت ابا استخدم سحر . . شعوذه . . اي شي عشان ايييب راسه . . لكن . . غريته . . بس اغريته وياني بسهوله . .
انا غمضت عيني . . : اكيد اعتبرج وحده وصخه . . وبياخذج جسم لا غير . .
نوره : من قالج ؟ انا مش غبيه شراتج . . " تبتسم "
انا اطالعها مبتسمه : اتعرفين من كثر ما كان يحترمني . . ايدي ما يلمسها لانه يحترمني موت ويشوفني كيف قدري عالي . . ولانج وصخه !! " ابتسمت " ما بكمل . . لكن تعرفين شو . .الطيور على اشكالها تقع . . الخبيثون للخبيثات . . تستاهلون بعض تصدقين . .
نوره بصوت عالي : انا وصخخخخخخه ؟؟
سيف يطالع نوره ..
نوره تطالع سيف : تقولي وصخه . . تقولي كلام ما ينقال . .
انا ابتسمت باستهزاء وشافني وليد ..
وليد : يعني طول الوقت انتي الي ترمسين متى وحالها تسبج " يبتسم " اخرطي بعقل . . " يطالع سيف ويربت ع جتفه " ماقول غير الله يعينك . .
سيف ينزل ايد وليد بقوه . .
وعقبها ياني وليد وحرك الكرسي وسرنا الصاله الثانيه ونزلت دموعي . . انا غبيه حيوانه خايسه . . حق شو اسير اشوفه حق شو . . ادري نظرتي تجاهه تتغير كل يوم كل يوم لكن قلبي يا ناس يعورني مادري كيف اشرح والله مادري . . لكن الي فيني اكبر من سيف وحرمته الخايسه . . الي فيني اكبر بوايد . . انا علي بنفسي الحين بما اني عاجز مابي افكر بشي غير نفسي . . يزول مابحطله اعتبار ابد . .
وليد : ليش رحتي تجوفينه . . .
انا ماتوقعت يسألني هالسؤال ابد . .
انا : وانت شو يخصصـك . !!!
وليد : شو يخصني ؟

إضافة رد
اسطورة ! 09:38 PM 08-10-13
انا سكت وغمضت عيني . . وليد له خص الحين . . عضيت شفايفي بندم ع الي قلته . . . انا كيف غاب عن بالي الشي . .
وصلني لين قبل الصاله ب شويه وجابلني وقعد ع الارض ومدالي بطاقه . .
وليد : روحي حطيها ف حجرتج اخاف اتضيع عني . .
انا اطالعه : بطاقه البنك شسوي فيها . .
وليد : فتحت لج حساب . . المهر موجود فيه . . يمكن نسيتي انج تزوجتي قلت ابا اذكرج بس " يبتسم"
انا نزلت راسي : اسمحلي . .
وليد بصبعه رفع ويهي وعلى طول دزيت ايده : كم مره قلتلج لا تلمسني . .
وليد يطالعني . .
رديت غمضت عيني .. والله اني انسسسسى انسى . . بعدني اشوفه ولد عمي ما شوفه ريلي يا ناس . .
وليد يبتسم ويطالعني . . ماعرفت شسوي غير اصد ويهي الصوب الثاني ورحمتني امي يوم يت . .
اميه : اميه مهره تعشيتي . . " تطالع وليد " يالله تعشو عشان تسيرون المطار ماشي وقت
انا : امايا ليش لابسه عباتج . . انا قايلتلكم مابا حد يوصلني المطار مابا استغبن اهناك . .
اميه تمسح دموعها : ماتبيني اسافر وياج ولا تبيني اودعج حتى فالمطار ..
وليد : لا عموه بتين فديتج . . انا وعدتج . .
انا اطالعه : انزين ترا بتصيح وبتتعب زياده . .
وليد : شهاب بيكون وياها وبيردها البيت وبيهديها لا تحاتين . .
انا : الله يهديج يا امايا . .
اميه : يالله سيرو تعشو الكل يتعشا . .
انا : وانتي ما بتاكلين . .
اميه : انا باكل فالدرب بخلي شهاب ياخذلي شي لا تحاتيني . .
انا : اميه ما اوصيج ع روحج دخيلج . .
صقوري يركض صوبي : مهاااااالي
انا : عيووووووووووووووووووووووووووني . . قلبي . . " اطالع وليد " ارفعه هاته . .
وليد شلاه وتم يبوسه . .
وليد : انا منو
صقوري : عممممميييييه . .
وليد يبتسم : سو بوسه . .
صقوري يبوسه . . : مهااااااالي " يأشر علي "
عنود تي : السلام عليكم . .
الكل : وعليكم السلام . .
انا : هااااته . .
عطاني صقوري . .
مايد داش بعصبيه : السلام عليكم . .
الكل : عليكم السلام . .
مايد يطالعني حسيت انه يبا يسألني وين ميره لكن ماقدر بسبت الزحمه لكن فهمت من عيونه . .
انا : مايد سير تعشا الكل قاعد يتعشا . .
مايد يطالعني وابتسم وسار . .
عبدالله يدخل : السلام عليكم . .
وليد : ما بنخلص اليوم . . قول منو وراك بعد . .
عبدالله يدزه ع جتفه : هاا المعرسسس . .
وليد : واخيرا حد حسسني اني تزوجت . .
عبدالله يتخاشم وياه : دخلت القفص الذهبي هاه . .
وليد يطالعني : ولا لي ظهره منه . .
عنود حست بدوخه ومسكت جتف عبدالله . .
عبدالله : انا ما قلتلج اول ما توصلين تيلسين ؟
اميه : جيه شو فيها بعد عنود
عبدالله : للحين ادوخ عموه . .
اميه : متعبنها هالحمال . .
عبدالله : انا ماكنت بي وراها لكن قلت بشوف بجيك بتسمع الرمسه ولا .
عنود تطالعه : توني داخله حبيبي . .
احسها قفطت لانها قالت له حبيبي وكلنا سمعنا . . وعبدالله تشقق عاد . . حتى ابتسامته بانت . .
عبدالله : زين يالله امشي طيحي . . بعدها طياره اختج . .
اميه تسير وياها : شوي شوي اميه شوي شوي . .
وليد يرد ينزل عندي . .
انا ابوس خشم صقور : عطني بوسسه . .
صقوري يبوسني . .
انا مبتسمه : يسمع الرمسه . . يحس اني بفارقه . .
وليد شل عني صقور : يالله روح عند ماما سو نم نم . .
واول ما نزله وليد ، صقوري ركضضض ..
انا : ماشبعت منه حق شو تشله عني . .
وليد ينزل لي ويبتسم . . .
انا اطالعه وعاقده حياتي : بلاك . .
وليد : متشفق . .
انا : متشفق على شو . .
وليد : متشفق على اليوم الي يتعود فيه لسانج ع كلمه حبيبي . . وتزلينها جدام اهلج . .
انا قفطت جد بس حاولت ما أبين . . احس انه لاحظ اني استحيت وقفطت عشان جي ابتسم الحيوان . . .
انا : جب جب و ودني عند يدي . .
وليد ابتسم وياشر على عيونه الهنتين . . وقادني لين بيت يدي . .
كنت احس بارتباك وماكنت ابيه يجابلني . . وبنفس الوقت ابا اجوف يدي واسلم عليه قبل ما اروح واسمع كلامه الي بيريحني . .
اول ما دخلت قامت يدوه وساعدت وليد . . مادري يدوه تشفق علي لاني على كرسي ولا بدت تحبني لاني خذت وليد؟
يدوه : تحسين بعوق امايا . .
انا ابتسم : لا يدوه . .
يدوه : افركج ب فكس . .؟
وليد حرك الكرسي بيوديني صوب يدي وعلى طول رفعت راسي اطالعه . . كان متجاهل يدوه لانه زعلان منها عشان سالفه شهاب . . ويبين على يدوه الحرقه والندم وعينها طول الوقت على وليد . . وليد إلي ربته وكان يجابلها اكثر من عيالها . .
عميمه نوره : توني كنت بمرج . .
وسلمت علي وقعدت توصيني وتوصي وليد وحلفت ان لو صار شي يتصل فيها . . وعقب قلتلهم يخلوني بروحي مع يدي . . كراسينا حذال بعض وانا حاطه راسي ع جتفه ومبتسمه . . احبه . . والله العظيم احبه . . لو يدي مش يدي جان عادي لو تزوجته من حبي له !!! ابتسمت لاني فكرت هالتفكير ..
يدي : الله يسعد قلبج . .
انا قمت عن جتفه : يدي انت ساحر شو . .
يدي يبتسم ومسك ايدي اليمنى بايدينه الهنتين ورص عليهم . . : هاي القوه كلها بعطيج اياها خليها موجوده ف وقت العمليه . .
انا اطالعه . .
يدي : خايفه ابوي . .
انا اطالعه : وانت ماسك ايدي مش خايفه . .
يدي : وليد بتكون له نفس المسكه " يبتسم "
انا اتنهد : مسكتك غير . .
يدي : توكلي على الله . . وماخاب من توكل على الله . .
انا : . .
يدي : شهاب . . " يتنهد " 30 سننه مادري عنه . . كاسر ظهري . . وفرجت عليه وحصل عايله كبيره فالاخير . . بتفرج عليج في يوم من الايام
انا : يديه . .
يدي : قولي . .
انا : انا . . اذا . .
يدي : اذا . .
انا : اذا بعدني احب سيف بكون خاينه ؟
يدي : وليد خذاج وهو يعرف
انا بلعت ريجي : انا خايفه من تجربه زواجي الي تسرعت فيها . .
يدي يبتسم : ها الي كان لازم يصير . .
انا : انت راضي
يدي : راضي
انا : ومقتنع
يدي : انتي مقتنعه؟
انا : ماعرف
يدي : مايصير
انا : انا ماابا استغله
يدي : الزواج استغلال ؟
انا : لا . . بس وافقت عشان يوديني
يدي : وافقتي عشان يوديج . . ؟
انا : ماعرف . . انا من داخلي مش من النوع الي يستغل حد والله العظيم . .
يدي : ولو كنتي تستغلينه وانتي ماتدرين . .
انا : لا مستحيل . . انا اعرف نفسي انا مش من هالنوع ابدا
يدي يبتسم : جاوبتي على سؤالج . .
انا باستغراب : ها . .
يدي ابتسم . .
وعقب وصلتني الفكره . . يعني انا ماوافقت عشان استغله ابد . . يمكن في شي في داخلي وافق على وليد لكن مش حب . .
انا : وافقت عليه لكن انا ما . .
يدي : تحبينه
انا : هيه . . ماحس اني
يدي : بتحبينه . .
انا : كيف تعرف
يدي : ما خذاج على سنه الله ورسوله؟ ما بيسفرج وكان هدفه الوحيد يعاونج فالسفر وتكونين حلاله . . نيته تكفي وتدل ع السعاده الي بتحصلونها ان شاء الله . .
انا رديت حطيت راسي ع جتفه : ليت يصير تي وياي . .
يدي : يالله قومي عن الدلع . . انا لازم ارقد هالوقت . .
انا :ادري انك ماتبا ترقد بس ما تبا تودعني . .
يدي : مابودعج . . بتردين لي وانتي تركضين وانا من مشيتج المتهورة بعرفج . .
انا اطالعه : يدي لو كان ابويه حي جان هو الي وداني وماتزوجت بهالطريقه . .
يدي : ابوج حي ؟
انا اطالعه : لا . .
يدي : بعد جاوبتي لـ عمرج . . " يبتسم " الدنيا حلوه يا مهره . . شوفيها صح .. اتهني فيها . .
وليد يدق الباب : مهور . .
يدي : تعال وليد . .
وليد : قاطعتكم بس لان ماشي وقت . . يادوب تسيرين تودعين الي اهناك بعد ومناحتهم . . لو تبين تمي انا بخلص كم شغله وبرجع
يدي : لا بتروح معاك . .
وليد يبتسم : ادري تباني اشلها لانها لو تمت دقيقه زياده ما بـ تووودددددرررررك عقب . .
يدي يبتسم : شلها . . وليد لا تنسى كلامي
انا اطالع وليد : شـ قالك

إضافة رد
اسطورة ! 09:40 PM 08-10-13
وليد : اسرار
انا : شو قول لي " عقدت حياتي " بدينا
وليد يبتسم : لما بتخبريني كل اسرارج ذكريني اقولج شـ قال
يدي يبتسم : ولييييد
وليد : ههههههههههه ماقلتلها شي
يدي : يالله ابوي توكلو
بست جتفه لاني ما اطول راسه : مع السلامه ابويه ., دعواتك
يدي يغطي ويهه . . يتني الغبنه . . فديتك يالغالي تصيح علي . . بست ايده ودمعت عيني ع ايده . .
يدي قبض ايدي بقوه : قلبي وياج . . خلج قوية . . والعمليه سهالات ان شاء الله . .
انا ابتسمت : ان شاء الله
يدي : وليد
وليد : لا توصي ف عيوني والله في عيوني . .
يدي : في عيونك الهنتين بعد
وليد يبتسم : فعيني الهنتين والله . .
يدي : توكلو . .
وسلم عليه وليد وعقب طلعنا . .
يدوه كانت واقفه وسلمت علي وصاحت وعقب يت تسلم ع وليد وتحظنه لكنه صدها . .بس مسك ايدها
يدوه : لا تعور فوادي ..
وليد يطالعها : فواد اخوي تعور 30 سنه . . والسبب انج مارضيتي ع زواج صار ب سنه الله ورسوله
يدوه تنزل دموعها : ياوليييد هاي عادات وتقاليد . . انت تتحرا لو ماخذت مهره حد بيرضا تاخذ من برع؟ والله محد يرضضضى . .
وليد يطالع يدوه : ماعليه يدوه . . الله يسامحج ويغفر لج خطاج . . لكن من صوبي دخيلج . . خليني اتجنب كل شخص خلا اخوي يعاني . .
وحركني بالكرسي وطلعنا من بيت يدي . .
وليد يتنهد . .
انا : شصار ع امك . .
وليد : مادريبها ..
انا : طلعت من البيت ؟
وليد : لا تامه فالبيت ماخذه القسم الي فوق وابوي الي تحت . . البيت باسمهم الاثنين وهي ماعندها غير هالبيت . . وماتتلاقى وياه حتى ولا هامنها شي . . مجابلله التلفزيون والله ولا مفتكره . .
انا : لا تقسي قلبك عليها .. هاي امك
وليد : وانا مابعصيها .. انا مجبور الحين ابتعد عنها لاني مابا اعصيها . .
انا : لازم تسير تسلم عليها قبل لا نسافر ..
وليد يجابلني وينزل ع الارض ويبتسم : قبل لا شو ؟
انا اطالعه : نسافر . .
وليد يبتسم : ياحلوها . .
انا : شو هي . .
وليد : نسافر . . النون يجمعني انا وانتي . . دايما دخلي هالحرف تراه يلين راسي ..
انا : اي حرف !
وليد : نسافر . . ناكل . . نروح . . نلعب . . نطلع . . نتمشى . . نرقد . . شي يجمعني انا وانتي بس . .
ابتسمت وركزت ع عينه . . عينه تتشابه هو وشهاب و عمي سعيد . . اذا كان فيهم حزن والله يكون واضح . . مهما الابتسامه والضحكه تطلع ما تخفي ملامح الحزين ف عينهم . . وانا ماحب اشوفه بهالنظره . .
وليد : اعترفي شو قلتي ف خاطرج عني . .
انا : ها . .
وليد : سبيتيني . .
انا : لا حشى . .
وليد : عيل
انا ابتسمت : قلت ماحب اشوف نظرة الحزن ف عينك . .
وليد يبتسم : تشوفين ف عيني حزن . .
انا اطالعه من دون ما ارد ..
وليد : احاتيج . . ابا اشوفج تمشين ع ريولج بس . . بتخوز هالنظرة . . انا حتى عقبها بفرح فرحه عدله اني خذتج . .
انا اتنهدت . .
وليد : توكلي على الله نفس ما قال يدي ولا تخلين اليأس . . ذره ذره من اليأس تدخل قلبج . .
انا ابتسمت : ان شاء الله . .
وليد : يالله عشان نسلم عليهم وناكل لنا شي عقب نروح المطار . :.
انا : يالله . .
ودخلنا داخل . .
وليد : تسمعين ؟
انا : هيه !! شو ها . .
وليد حركني لين مصدر الصوت وتمينا نسمع صوب الميلس الي برع . .
بطل وليد الباب بشويش وتمينا نشوف . .
ميره تصارخ : انت تخطططططططفني شو . .
مايد يصارخ : ابا اعرف انتي ليش كله تصارخين
ميره تصارخ : انت تصارخ
مايد يصارخ : لااااااااااااااااانج تصارخييييين يا حيوانه اسسسسسمعج اسمعج لا تزاعقين
ميره تصارخ : انزين انتتتتتتتت تتحراني خايفه منك تصارخ علي . . لا تصارخ ما بصااارخ
مايد : انزين انجبي انتي يا
ميره تصارخ : انت ليش تسبني
مايد يصارخ : وانتي ليشششششششش تصارخين صميتي اذني . .
ميره تتنهد . .
مايد : صوتي راح حسبي الله عليج من بنيه . .
ميره : شو تبا الحين
مايد : هيه اتكلمي جي ماترومين يعني . ؟ مرض نفسي فيج كله تبين تصارخين
ميره : مرض نفسي يشششششششلك ان شاء الله
مايد : يشلج قبلي " يضربها عراسها " لا تدعين علي . .
ميره تشهق : انت شسويت توا ؟.
مايد : ضربتج بعد شو . . اعيد ؟ تبين تشوفين اللقطه مره ثانيه ؟
ميره تشهق : وتقولها بقوة عين بعد . .
مايد : لا تصدقين خوفتيني . .
ميره كانت لابسه نعال وداست ريله بقوة . .
مايد يمثل : اااخ يعور . . " يرفع ايده بيعطيها بوكس " قسم بالله واحد بس بخليج طيطار ع اليدار ..
ميره تصارخ : قصورك تمد ايدك علي
مايد يصارخ : انتي لا تصارخين انا ما بمد ايدي . .
ميره تصارخ : انت خوز عن دربي خلني اطلع ما بصارخ . .
مايد يصارخ : قلتلج ردي ع اتصالاتي اول عقب بخخليج . .
ميره : اووووفففففففففففففففف
مايد : لا تتأففييييييين
ميره : اووووففففففففف اوفففففففففففف اوفففففففففففففف
مايد : ههههههههههههههههههههه عن اطيرين فوق الله يخليج . .
ميره : هاهاهاهاهاهاهاها اضضضضضضضضحك ؟؟؟؟؟؟؟؟؟؟؟؟؟؟؟؟؟؟؟؟
مايد : خل عنج الضحك وقوليلي ليش ما تبين تردين علي ليش ليش يعني . .
ميره : كمممممممم مره اعيد الكلام كممممممم مره
مايد : انزين بخطبج . .
ميره انصدمت . .
مايد : والله بخطبج . .
ميره : انت شوف سيارتك الكررررررمبع اول عقب قول بخططططططب
مايد مصدوم : يعني انتي تهمج السياره اكثر عني . !!!!!!!!!!1
ميره : هيييييييييييه بعد ششششششو . .
مايد :هيه طبعا ولا ما بتكونين بننننننت . .
ميره : فكني فكني خوز
مايد : انزين لو غيرت سيارتي بتوافقين
ميره : لااااااااا . .
مايد : انزيييييييييين ليش اقنعيني . .
ميره : انزين انت اونك حبييييييتني يعني
مايد : ما حبيتج بس ارتحت لج ياخي واباج وصرت اعرف عنج كل شي مابا وحده ماعرف عنها اي شي . . وبعدين شوفي لو ما خذتيني ترا بتاخذين يا اخوي راشد يا واحد ثاني من العايله . . ف ليش نطول المسأله
ميره : شهاب موجود
مايد مصدوم : حاطه عينج عليه يالـ نعااااااااااااااااال
ميره تبتسم . .
مايد : وتضحكين بعد . .
ميره : تراك انت اتضضضضحك . . " تصارخ " فكككككككني خوز بسلم ع وليد ومهور قبل لا يسيرون
مايد : اكيد قلبج حن لـ وليد عشان جي ما تبيني اخطبج
وليد يكلمني : شت . . ها يعرف كل شي ههههههههه
انا كنت اشوف وحاطه ايدي ع حلجي ميته ضحك عليهم . .
وليد حركني : خليهم خليهم ابوي هايييل ما بيخلصون . .
انا ابتسمت : حليلهم . .
وليد يمسح ع راسي . .
استحيت منه وما علقت لين دخلنا داخل والكل يا صوبنا والكل يوصينا واشتلت الدنيا صياح على نواح على توصايا . . زهبولي طبعا البنات شنطتي و ركبنا انا و وليد واميه مع شهاب اخوي و وصلنا المطار . . وامي تعبت فالمطار الله يهديها تصيح طول الوقت لكن شهاب كانت له وقفه كبيره وهداها وطمن قلبي عليها وعرفت انها بتكون ف امان . .اول مره اوودر اميه واحس انها بامان واني ما بحاتيها . .
ركبنا الطياره بمساعدة . . يلست حذال الدريشه و وليد حذالي . . كنا ساكتين ما نتكلم . . اول مره احس وليد متوهق وياي ومتوتر ومش عارف شو يسوي . . حسيت ملامحه واضحه عدل . .
انا مبتسمه : خايف من الطياره
وليد يطالعني : لا . . انتي خايفه .؟
انا : شو تتوقع من وحده اول مره تركب الطياره . .
وليد : اول مره . ؟
انا اهز راسي ب هيه . .
وليد مبتسم : ازيغج ؟
انا : انا مازيغ . .
وليد : باين من ايدينج المتشابكه مع بعض ..
انا ابتسمت وصديت صوب الجامه . .
وليد : من الحين بتسوين لي طاف . .
مارديت عليه . .
وليد : يالله مش مشكله . . بتجابليني 7 ساعات مصيرج بتصدين
انا اطالعه : 7 !!!!!!!!!!
وليد : 7 ولا 8 تقريبا . .
انا شهقت : شو بنسوي طول هالوقت . . .
وليد يبتسم بخبث : انتي قولي شو نسوي . .
انا دزيت ويهه : اييييه . .
وليد ابتسم وسحب ايديني الهنتين . . : غمضي عيونج . .
انا عاقده حياتي وبعصبيه خفيفه : ليش ان شاء الله

إضافة رد
اسطورة ! 09:40 PM 08-10-13
وليد يبتسم بخبث اكثر : شرايج انتي .. معاريس احنا . .
انا : شووو . .
وليد : هيه لان ما سوينا عرس يعني مش معاريس . .
انا : جب جب لا تقعد تستظرف ..
وليد يبتسم : ماستظرف . . " يمسك خدي بخفيف "
انا انزل ايده : وبعدين معاك . .
وليد : شفيج انا ريلج . . ليكون صدقتي كلامي يوم قلتلج متى ماتبين عرس بنسويه ؟ تتحريني بصبر عنج طول هالمده ؟ انتي بتردين الامارات حامل . .
انا بعصبيه : انت ماصدقت اهلي يودروني قاعد تتمصصصصخ . . واصلا تتحراني صدقتك ادريبك جذاب وتسايرررررررر
وليد تم يطالعني عقب ابتسم بهدوء : بس خلاص . .
انا : شو الي خلاص ..
كنت اباج تعصبين عشان ما تحسين بالصعده . . خلاص صعدنا . .
انا اطالع : صعدنا وين . .
جان انتبه من الدريشه ان احنا صعدنا وانا كنت مركزه ومعصبه منه ما حسيت !!!!
قفطت قفطت . . قسم بالله حسيت بنغزه ب قلبي !!!!!!!!!! اانا وقحه والله كيف قلتله جيه . . صديت صوبه لقيته حاط السماعه ويالس يبدل يختار فلم . . اتنهدت على عمري . . افف الله يعينك علي ياوليد والله محد بيتحملني انا . .
وليد يطالعني : بلاج . .
انا اطالعه بارتباك : ماشي . .
وليد يشل السماعه : شي يعورج؟
انا : لا ..
وليد : اكيد . .
انا : هيه . .
وليد يسحب راسي ويخليه ع جتفه : وطي راسج غمضي ريحي . . ولا تفكرين بـ أي شي .!
البارت ال 18
فتحت عيني بصعوبه اتصدد يمين ويسار ما لقيت حد . .. رجعت اغمض مره ثانيه لكن لقيت ايد تمسحني ع خدي بهدوء . .
وليد : مههوور . .
فتحت عيني . . وكل الي قلته : امي . . ابي . . امي . .
وليد يمسك تلفونه ويتصل . . ثواني وحطاني سبيكر . .
اميه : امي مهره . . انتي بخييير . . شو تحسين امايا خبريني . .
انا ابتسمت ع صوتها . . كانت تتكلم بس ماكنت ألقط شو تقول بالضبط لكني مستانسه بصوتها . . تميت مبتسمه ورجعت اغمض . . بعدها احس بوقت طويل فتحت عيني مره ثانيه لكن هالمره احس اني صحصحت اكثر . .
اول ماصديت جفته متكي ع اليدار وقاعد ع الكرسي ومغمض بهدوء . .. من شكله متعمق فالرقاد وتعبان . . ما حبيت اواعيه من ردينا من السفر مارقد لانه يواسيني . .
>
<
>
من عقب ما وصلنا البلاد على طول رحنا الفندق . . انا كنت متوتره بدرجه فظيعه ومن توتري كنت كله معصبه . .
وليد يفتح الباب : انزين بلاج ما باكلج بكلمج قسم بالله . .
انا اصارخ : انت ما تتتتتتفهم . . خللللللني بروحي
وليد : اوكي بخليج بخلييييييييييج بس انتي فجي الباب ثواني بسسسس ثواني
انا تحركت بالكرسي المتحرك لين الباب وبطلته : شووو شووووو . . شو فيككككك ذبحتني . .
وليد اول ما فتحت الباب شلني من الكرسي ورفعني وتم يمشيني لين صوب السرير
انا اصارخ : انت حيوووووان . حيييييييييوان . . طلعتككككك نييييتك السوووووودا ياااااا الوصصصصخ يالخاااااااايسسس . .
نزلني وخلاني اقعد وبعدها قعد حذالي ومسك ايديني بقوه . .
وليد : انتي ليش ماخذه عني فكره غلط ؟ ليش في بالج اني ابا ارقد وياج غصب . . انا مابجبرج على شي وانا مش ياي عشان استانس اهني انا ياي عشان اعالجج ترا . . مول مش ف نيتي شي ثاني شلي الافكار الي فراسج هاي " يحط ايده ع راسي " شيليها من اهني . . انا مش منحط ولا اني فاضي لهالدرجه . . انا بالي كله وياج وف علاجج ترى . .
اانا تميت اطالعه ولاحظت الجد والصدق ف نبرته . . كان يعصب شوي ويرد يرمس بنفس النبره عشان ما يعصب علي . .ادري اني كاسره خاطره وايد . .
وليد : ليش متوتره وايد . . فالبلاد كنتي اهدى . .
انا صديت وتميت اطالع جدامي . .
كل ها وانا بعدني لابسه عباتي وشيلتي ولا فصخت شي ع فكره . .
وليد يطالعني : خايفه . . .
من دون ما اطالعه : لا. .
وليد : عادي قولي تراه مش بالشي الي تستحين منه
انا اطالعه وعاقده حياتي : قلتلك مش خااااااااايييييييفه
وليد : اوكي اوكي . . اهدي .. " يبتسم " استهدي بالله . .
غمضت عيني وقعدت اكلم نفسي . . لا تعصبين عليه . . هو شو يخصصصه اطلعين الي فيج تجاهه . . اكيد عصبيتج هاي لانج ماتبينه يشفق عليج ولوشويه . . اكيد ماتبين هالنظره الي ف عينه . . نظرة الخوف علي . . نظره المحاتاه . . نظره انه بيتحمل الي اسويه بس لاني نص مشلوله الحين . .
انا اطالعه : يبت لي العكاز . .
وليد يأشرلي . . كان عكاز مثل المقبض الي اروم اتحرك فيه . . يابه صوبي وتم يطالعني مستغرب ليش اباه . . وانا مستحيه اقوله اطلع برع ابا اخذ راحتي وابدل واتغسل . . تميت متوتره لين فهمها . .
اول ما طلع اعتمدت ع روحي وبالقو كنت اروم اتحرك . . لاني لازم ارتفع شوي وعقب اجدم العكاز وارد ارفع روحي واتجدم . . كانت اول مره احس فيها بالصعوبه ونزلت دمعتي على الي شرا حالتي كيف متحملين .!
دخلت بصعوبه وساعدت عمري باراده . . كملت ساعه كامله داخل ومارمت اظهر لان الماي تلطش ع الارضيه وانا اتوضى واخاف اتحرك بالعكاز واتزحلق . . تميت واقفه ب مكاني صوب المغسله وتنزل دموعي بهدوء .. اندق الباب علي وماقدرت اقول شي . . يمكن وصله صوت دموعي عشان جي قالي
وليد : ليش تصيحييين شوه فيج خبريني . . " يدق الباب " بطلي الباب . .
قويت روحي وانا اعرف اني لو مشيت بطيح . . لكن مابي انحط ف هالموقف . . وبالفعل مجرد ما حركت الكرسي طحتتتتت صوب الباب . . كنت اروم افتح الباب حزتها عشان يساعدني وليد لكن كرامتي رفضت . . تميت اصيح ع حالي . . كسرت خاطر عمري . . الوحده بدون ام ولا اخت ضايعه . . صعبه ف هالموقف يدخل ريال وايد صعبه . . لبسي كان خفيف . . وومستحيه ومتفشله انه بيشوفني متخيسه بالماي وبيشوفني بدون عبااه وانا الحين حرمته وووووايد امور وايد امور تميت افكر فيها واصيح بس اصيح . . اتخيل كل شخص عاجز شراتي شو بيسوي ف هالموقف واصيح اكثر . . تميت ادعي وايد ان كل عاجز ف الدنيا يمشي .. وذكرت يدي الغالي كيف عايش مع هالوضع من سنين ؟
وليد : حرام عليج دخيلج بطلي الباب . .
مافتحت الباب وتميت ملصقه ظهري ع اليدار واصيح بصوت مسموع . . .تميت فتره طويله بس اصيح ومااقول شي . .
وليد : والله العظييييييم لو ما فتححححححتي الباب اني بكسره والحييييين !!!!! بطططططططلللللللللي
رفعت ايدي بهدوء ودموعي ع خدي وبطلت الباب وحاولت ابتعد شوي عشان يرووم يدخل . .
دخل وعلى طول فتح عينه ع وسعهن يوم شافني ع الارض . .
نزل بيشلني لكني استحيت انه يشوفني ب لبسي وانا لابسه جلابيه كت . .
انا ودموعي تنزل : غمض عينك . .
وليد يطالعني : بعدج مش واثقه فيني . .
انا وثقت ياوليد ف شخص 21 سنه واخرتها خيب ظني . . كيف تبيني اعطي الثقه بسهوله الحين كيف . .
وليد : تتحريني بسويلج شي . . . معقوله تفكرين فيني هالتفكير . .
ماقلتله شي وشلني وطلعني . . ومن بعدها وهو يمشي لين السريرر . .
وليد : غمضت . . بشوف الدرب وبرد اغمض . .
كان يمشي بشويش وانا ايديني لامه ع ررقبته وصدره . . حسيت بالضعف اكثر وقعدت اصيح واصيح . .
نزلني ع السرير وعيني عليه بعده مغمض ولا يشوفني . . فتح عينه لقاني اطالعه . . كل الي سواه عدلني عدل ولحفني . .
سار صوب الدفايه وشغلها لان الجو كان بررررررد موت . .
وليد : انا بتم ف الصاله . . بخلي الباب ملايم لو بغيتي شي ازقريني . .
اتجلبت الصوب الثاني وغمضت عيني وبعدني بس اصيح واحس بالخوف . . كنت احاول اكتم دموعي وما اشهق لكن والله فوق طاقتي وماكنت احس بروحي كيف منهاره . .
حسيت ب لمسه ايدينه وهي تمسح ع شعري . .فتحت عيني لقيته ع السرير قاعد
وليد بهدوء : لاتخافين . . انا حاس فيج . .
عضيت شفاتي بقوه عشان اكتم العبره . .
وليد : لاتكتمينها . . طلعيها . . صيحي
وجني ماصدقت حد يقولي صيحي جان اصيييييييح . . انا الي دمعتي قبل تنزل بصعوبه جدام هالانسان ماقدر اوقف صياح . . طول الوقت اصيح . . اكثر شي اضن جافه فيني دموعي . .
وليد يمسح ع شعري : انتي ما عندج ثقه ف الله . . صدقيني اوثقي فيه . . وتوكلي على الله مافيج ولا بيصير لج الا كل خيييييير وعافيه . . انتي قويه . . لاتضعفين . .
انا اطالعه : ليش جي كل شي صار بسرعه . . كل شي صار ب لمحححححه . .
وليد : كل شي مكتوب . . واذا انتي متضايقه من الي صار بيني وبينج صدقيني لو بغيتي ننفصل برضى وبسوي الي تبينه . . لكن لا تخلين روحج مهمومه لهالدرجه . .
انا اطالعه ومسحت دموعي و بكل عصبيه : انففففففصل .. ليش الزواج والطلاق بهالسهوووله
وليد : عصبي علي . . عصبي علي لو تحسين انج بترتاحين وبتهدين وبيخف من توترج . .
بلعت ريجي وسكت .. انا بالفعل متوتره وصايره غير . . يمكن الصفعه الي عطاني اياها سيف ب سواياه خلتني اتغير واخاف من كل شي . . الله يسامحكك ع الي سويته فيني . .
وليد : ابيج تكونين قويه باجر .. كل شي جاهز ترى . . باجر من تفتحين عينج ابي اشوف ابتسامه تفتح النفس وثقه بالله . .
انا اتنهد : ان شاء الله خير . .
غمضت عيني وكنت ارد افتحها . .
وليد : غمضي ارتاحي . .
كان طول الوقت بس يمسح ع شعري بهدوء . .
انا : نزل ايدك عني . .
وليد : انتي نامي اول وانا بنزلها وبخليج ترقدين . .
سويت روحي راقده عشان اشوف اذا بينزل ايده لكن ما نزلها . . كان يدعي بصوت يادوب ينسمع . . يدعيلي . . وفجأه حسيت ب قطره نزلت ع ويهي . . اثاريها دموعه الي خاشنها عني . . ب صعبه مسح دموعي وباس راسي . . ورد يمسح ع شعري لين جد رقدت . . .
>
<
>
اليوم ثاني يوم من بعد العمليه . . انا كنت اصحى شوي لكن جسمي من النوع الي وايد يطول لين يطلع البنج منه . . ف اكون كله متخدره وابا ارقد . . ف كله ارقد ومن افتح عيني ألاقيه موجود وماسك ايدي . .
تميت اتامله وهو نايم بعمق واتخيل كيف بتكون حياتنا مع بعض . .
كيف بنعيش ؟ هل بنتأقلم ؟ هل بنحب بعض ؟ هل بننفصل ؟ هل انا ما بتحمله وبطفشه مني . . افكار تاخذني وتوديني . . ساعات تمر بدون ما احس فيها من التفكير لين دق الدكتور الألماني الباب وفز وليد من نومته . .
وليد اول شي سواه جافني : انتي .. وااااعيه .. ؟
يا صوبي بسرعه . .
وليد : شو تحسين . .؟
انا اطالعه : الحمدلله . . الدكتور يدق الباب . . غط لي شعري . .
ساعدني وغطاني . . ومن بعدها دخل الدكتور ومعاه المترجمه . . تكلم الدكتور وابتسم ومن كلامه الي مافهمت منه ولا حرف حسيت اني بخير . . من بعدها المترجمه تكلمت بالانجلش وفهمتنا كل شي وطلعت . .
وليد يطالعني : الحمدلله ع سلامتج . .
انا اطالعه : ما قالو اني بمشي ع طول
وليد : وما قال انج ما بتمشين بعد ؟ قال احتمال تمشين اول ما يرخصج واحتمال تواجهين صعوبه . . لكن بتمشين ان شاء الله وانا واثق . " يبتسم . . "
وليد يقعد ع السرير : تحسين بألم ..
انا : شوي . .
وليد : وين بالضبط . .
انا : ماعرف وين بس احس ب ثجل . .
وفجأه . .
انا : آآآآآآآيييي شو تسوي . .
وحطيت عيني ع ايده الي كانت ترص ع ريلي . .
وليد ابتسم وانا حسيت الروح رجعت لي . . قمت احس ب ريلي . . قمت احس فيها . . اول مره احمد ربي على الالم الي حسيته . . هالالم خلاني اعرف اني صرت جد بخير . .
رن تلفون وليد . .
وليد يمدلي : ردي . .
انا شفت الاسم مسماي قلب استغربت . .

إضافة رد
اسطورة ! 09:41 PM 08-10-13
انا : حبيبتك شو ..
وليد عاقد حياته : خل عنج الرمسه البايخه . . ردي ردي . .
انا رديت وتميت ساكته . .
يدي : الوووو . . وليييد
انا تهللللللللللللت ع طول : يدييييييييييييييييييييي . .
يدي : ابوووووووويه . . شخبارج ابوووي شووو علومج . . هاا اابوي قمتي شو ريولج . . تمشين عليييهااا
انا تمت عيوني تنزل دموع بس . . ياربي مني كيف صايره حساسه والوع بالجببببببببببد
بدي : لا ابويه مهره غلط . . وكلي امري لله .. ماحيدج ضعيفه . . شو تبين بعد خذتي اجر وان شاء الله كل الم حسيتيه تخفيف ذنوووب . . لا تصيحين ابووييي لاتصيحين . .
انا : ان شاء الله . .
يدي : تعورج ريلج
انا : لا . . ماتعورني
يدي : شو قالولج . .
انا : قالو ان شاء الله ارتاح شوي وبقدر امشي بس محتاجه وقت . .
يدي : هييييه . . كل خير ان شاء الله كل خييييير . . اتفائلي ومابا اشوف دموعج . . وليد لعوزج قالج شي
انا اطالع وليد : لا . .
يدي : هيييه مايروم اصلا مايروم . .
انا ابتسمت
يدي : اتحملي من عمرج ابويييه ماوصيج . .
انا : ان شاء الله
يدي : يالله ابويه استودعج الله . .
انا : الله يحفظك يارب . .
وليد يطالعني : ها ردت لج الروح اشوف . .
انا اطالعه ومبتسمه : وايد . .
وليد : انا داق لهم بس محد يرد ع البيت مول . . اليوم رحمتني يدوه وقلتلها ضروري يوم يفضي يدي تتصلووون . .
انا نزلت راسي واكتفيت ب ابتسامه ما قلت شي . .
وليد : استحيتي شو
انا اطالعه وانا صدق مستحيه منه : ليش استحي ماشي شغله
وليد : لاه
انا : هيه
وليد : ليش ويهج احمر فجاه عيل
انا : ما احمر ولا شي
وليد : والله هاا شوفي . . اييب لج جامه
انا : سخييف . .
وليد ابتسم . .
انا : متى بيطلعوني . .
وليد :باجر ان شاء الله . .
انا اتنهدت . . : وايد . .
وليد : بيطلعج من اهني وعقب يومين لازم نراجعهم يشوف ريلج بعد مره وبتكونين باذن الله تمشين عليها عادي وطبيعي ومن بعدها بناخذ تذكره وبنرجع البلاد . .
انا اطالعه : ان شاء الله . .
وليد : شرايج تقومين الحين تحاولين تمشين . .
انا : لا الحين ماقدر ..
وليد : ليش
انا : لاني احس بعوق وبعدني احس بخمول وتعب . . ما اقدر . .
وليد يبتسم : مممم عيل شو تبين تسوين .. " يشوف الوقت " ايييب لج اكل . . عيش . . لحم امري انتي بس بنت عمي
انا : حد ياكل عيش العصر . .
وليد : هيه عادي فالسفر ماشي وقت معين حق الاكل
انا مبتسمه : مشكور مابي . .
وليد : ممم . .
انا : وين البي بي ؟
وليد يدور ف جيبه : انا وين حطيته . .
عقب فتح السده الي حذالي وحصله ومدالي اياه . .
in touchقبل ما اي برع فعلت لي الخدمه الدوليه ميروه عشان ع قولتها نكون
اول ما فتحت البي بي . . . شفت بنات عمومي فديتهم كل وحده كاتبه لي دعاء ومسوين لي صوره ان الله يشفيني والله يقومني بالسلامه . . وبرودكاستهم كله عني . . جد فرحت ب حبهم لي . .
اول محادثة فتحتها لـ ميره لاني جفتها مسويه تحديث ف عرفت انها ماسكه البي بي . .
انا : الله يسلمج حبيبتي . .
ميره " مهووووووووووووووووووووووووووووووووووووووووور "
انا " هههههههههه "
ميره " انتي كيف ترمسيني"
انا : "بايدي بعد شو "
ميره " بدينا بالاستهبال صح . . انت وليد "
انا " هيه انا وليد "
ميره " شخبارها مهور طمني عنها . ."
انا " الحمدلله بخير "
صديت صوب وليد جان اشوفه رد قعد ع الكرسي وغمض عينه . . يحليله جد تعبان . .
اتجلبت من مكاني وعطيته ظهري وقعدت اسولف ويا ميروه
ميره " قامت؟؟؟ "
انا " هيه "
ميره " شو صحتها بخير "
انا " الحمممممدلله "
ميره " انت ليش ماسك فونها . . يمكن فيه صور واشياء خاصه "
انا " كيفي"
ميره " اوه سوري نسيت ان خلاص "
انا بروحي نسيت والله يا ميره . . والله اني نسيت اني صرت احل له . .
انا " ميراني تراني والله مهور "
ميره " مهوووووووووووور حياتي والله ابا اسبج لكن لانج مريضه بطوفها لج "
ابتسمت مارديت عليها وقعدت تسويلي بنق بنق . .!!
انا " ها هزيتي المستشفى علينا بلاج "
ميره " شو بلاج بعد ابا اطمن عليج خبريني شو تحسين . . مشيتي ؟ "
انا " لا ما جازفت . . خفت . . وحسيت ب وليد تعبان وايد ماحبيت اكلف عليه "
ميره " حليله ولييدووووووه . . حبـــي ومستقبل غيري "
انا " ههههههههههه وقحه . . انتو شخباركم ؟ وشخبار احم احم "
ميره " منو احم احم ؟ "
انا " انتي الي استهبلي الحين "
اظن بنات عمومي كانو قاعدين ويا ميروه وقالتلهم انها ترمسني لانه فجاه تخضخض تلفوني مسكين من البنقات . . الكل يسوي بنق . .
فتحت قروب بنات العم . . فيه كل البنات وتميت اقرا من فوق . . كانت رقوي كاتبه سالفه عن شهاب .!!! ولفت انتباهي الحوار وقعدت اقرا . .
<
>
<
عمي خالد وحرمته ورقوي ردو من السفر البارحه وماكو مخبرين حد سووها مفاجاه . . كان لقاء عمي خالد معاه وايد عادي . . رحب فيه وتعذر منه وحلف له انه ما كان يعررف بوجوده وبقلب شهاب ما شل ف خاطره من حد . . اما رقوي ما اتلاقت فيه الا فليل . .
كانت يايه تعاون شما وشيخه وخلود لانهم بيردون بيتهم وبيردون الاغراض ومتلعوزين . . لكنهم كانو حزتها سايرين بيت يدي ويا امها وعمي خالد ويالسين عندهم . . دخلت وجافته قاعد ع الغنفه ويقرا الجريده . .
سحبت الجريده بكل دفاشه من ويهه : انت منووووووووووووووووو . .
واتصنمت مكانها . . تخبلت . . تمت واقفه وتقول ف قلبها شو هالجمال . . شو هالعيون السود المجحله .. . شو هالخشم السيوفي والويه المرسوم رسم . . شهالجمال الي اشوفه جدام عيني . .
شهاب شهق : بسم الله الرحمن الرحيم . . انتي الي منو . . " عاقد حياته " بلاج داشه لا هود لا هدا
رقوي تمت بس واقفه ما تتكلم بس تطالعه . .
حزتها دخلت خلود . .
خلود : رقوي انتي اهني واحنا ندورج . .
رقوي كانت سرحانه بس مركزه ع شهاب الي مستغرب من هالهبله الي داشه وسرحانه فيه ما تتكلم
خلود : سلمتي ع ولد عمي ؟
رقوي تطالع خلود : ها ولد عمي . . احلفي . .
شهاب ابتسم : والله مش صاحيه . .
رقوي : انت شهاب ولد عمي صح . .
مدت ايدها : شحاااالكككككككككك . .
شهاب يسلم : بخير . .
رقوي تبتسم مثل الهبله : انا رقيه بنت عمك خالد . . " تضحك " عرفتني
شهاب : تشرفنا . . " وقف " خلاص بخليكم تاخذون راحتكم . .
رقوي : لااااااالالا وين توا الناس خلنا نتعرف عليك . . ليش مستعيل
خلود تقرص رقوي بقوه . .
رقوي : ااااااااي . . ليش تقرصيني . .
خلود تطالع شهاب : لا تلومها بعدها ياهل . . بنت 17
رقوي تطالعه وتبتسم . .
خلود : امشي معاي
رقوي : شفييييج اففففففف
شهاب : يالله عن اذكم
وراح . .
رقوي تلحقه : لحظه ولد عمي وين رايح . . تعشيت ." تبتسم مثل الهبله "
شهاب يطالعها : لا مش يوعان
رقوي : مايصيييييييييييير . . كيف ما تتعشششششا انا بروح اسويلك عشا
خلود : انتي متى دشيتي المطبخ اصلا
رقوي بصوت واطي : ايه لا تفشليني جدامه . . بخلي الخدامه تسوي وبقول اني انا . .
شهاب ابتسم لانه سمع : مشكوره مش يوعان بنت عمي ماتقصرين . . يالله بترخص
رقوي تجابله : انزين ليش مستعيل .. ماتعرفنا عليك بعدنا . .
شهاب يطالعها . .
رقوي تطالعه وتبتسم . .
شهاب : بنت عمي مضيقه الطريج
رقوي : انا مضيجتنه عشان ماتتحرك . . " تمد ايدها الهنتين بالعرض " ممنوع تتحرك . .
شهاب يبتسم ..
خلود مفتشله وتسحب ايد رقوي : تعالي فكينا خلي الريال يرتاح . .
شهاب : رقوي انا لو معرس . . جان عندي بنت كبرج . .
خلود تغمض عينها بفشله وبصوت واطي : فشلتينا . .
رقوي : انزين انت ليش مستعيل وتطري الزواج ما قلتلك تزوجني ولد عمي بعدنا نبا نتعرف عليك وانت ساد الطريج ف ويهنا . . الحياه اخذ وعطا وانت سادنها ف الويه ع طول . . .
شهاب فاج عينه منصدم من هالياهل الي يطلع منها هاللسان . .

إضافة رد
اسطورة ! 09:41 PM 08-10-13
رقوي : والله صددددددق يعني جنه بترقد اول ماتحط راسك . . من شكلك مافيك رقاد وتوها الناس مخلصه صلاه العشا حتى الديايه ماترقد هالوقت . .
خلود تسحبها من جفتها :أممممممممشششششي وياي امشششششششي
رقوي بقوه : هديييييييييييييني . . خلييييييني
ومن صدت شافته دخل الغرفه وسكر الباب . .
خلود : انتي تخببببببببببببببببببلتي . . فشششششلتيني قسم بالله تفشششششلت
رقوي : انتي ليش تفتشلين . . انا اكلمه ولا انتي . . وبعدين ماشاء الله معقوله عندنا فالعايله هالجمال كله ..
خلود عاقده حياتها : كل واحد له جماله ف العايله لا تبالغين
رقوي : والله انه غررررررررررررررررررررررررررررررام . . " تعلي صوتها متعمده عشان يسمع " اول مره اشوووووف واحد بهالجمال . .
سارت صوب باب حجرته وترمس . .
رقوي : معقوله ها انسسسسسسسسسسسسان ولا ملاك . . . الصراحه خبل بي . .ماشاء الله ماشاء الله ألف من ذكرررررررررره . .
شهاب يبطل الباب ونقزت رقوي
شهاب تم يطالع خلود الي مكانها ف نص الصاله واقفه ورقوي بعيد واقفه ولاصقه ف غرفته . .
شهاب : يعني انتي بالعاده تسولفين ويا الناس من بعد مترين ؟
رقوي تبتسم . .
شهاب : تصبحين ع خير . .
وسكر الباب . .
خلود تيها : حسبي الله عليج .. والله ان ما ما مشيتي لاخبر عليج ابوي . . واقفتلي عند باب الريال انتي شو ناويه تسوين فينا امشششي . .
رقوي : ها وينه عنا من زمان ليش ما يا قبل اف . . يعني مهور ما لقت تتلاقى وياه الا الحين . .
خلود تطالعها : رقوي ها عمره 30 سنه
رقوي : شباب
خلود : شباب ما قلنا شي بس بينج وبينه 13 سنه
رقوي : ويعني . . هو عاقل وانا عاقله مش مهم . . وبعدين ع زمان اول الي قدي عندها 10 عيال
خلود فاجه عينها : واي منج ما ينقدر عليج
رقوي : تبين الصدق . . زين يوم يا هالوقت . . ع الاقل عمري 17 وحلوه وادخل القلب . . لو يا قبل بيشوفني ياهل وعبيطه
خلود : تتحرينه ما يشوفج بهالنظره الحين . . .
>
<
>
اما انا كنت اقرا وامسك حلجي وانا اضحك . . هيه يا شهاب . . شكلها رقوي ما بتودرك ف حالك . . وبصراحه ماحيدها رقوي جي ! عمري ماشفتها بهالخبال يعني هههههه شكله صدق دش مزاجها لكن بعد !! جد متهوره يعني . .
من بعدها فتحت محادثة شموه . .
>
<
>
شما : على كيفكم . .
حرمت عمي خالد : يا اميه ما يصيير كل ما قلنا لج شي قلتي ع كيفكم . .
مروان يبتسم : هي مش معارضه يعني عمي . .
عمي حمد : اسميك الا مستخف ع الزواج انته . .
عمي خالد : خل يستخف . . اذا ما استخف الحين متى بيستخف
عمي حمد : هههههههه .. انا اقول يا خالد .. نخلي عرسه هو وسيف ب يوم واحد . . بدال العباله والتعب علينا وعلى الحريمات . . خلها يوم واحد ونرتاح ويرتاحون . .
عمي خالد : انا ماعندي مانع . . والعرس عرس العروس !! الشور باييد شما و حرمت سيف
عمي حمد : حرمت سيف امرره طيبه الي انا اقوله تسويه وموافقه ماعليك . . اهم شي بنتنا شما . . شو تقولين ابويه
شما ترجف : عادي . .
مروان : عيل نخليها عقب شهر ابويه ..
عمي حمد : هيه شهر زييين . .
عمي خالد : شوركم وهدايه الله .. شهر شهر . .
عمي حمد : على بركه الله . .
من بعدها قام مروان وقعد مع شما بروحهم . .
شما منزله راسها وترجف . .
مروان : ليش ما قلتي انج تبين مده اطول . .
شما : انا ما افرض على الكبار . .
مروان : حبيبي من قالج تفرضين . . انتي تقولين رايج
شما : عقب كلام عمي حمد محد يقول كلمه . . كلامه اوامر
مروان عاقد حياته : لا والله . . يعني انتي سايرتي عشان ابويه
شما تطالعه : انا مابا اعصيه ولا ابا اعصي شوره
مروان : ماعليه انا ماقلتلج اعصيه بس انا مايرضيني الي تسوينه
شما : انا تربيت وانا انفذ اي امر ينقال لي . .
مروان يمسك ايدينها : شماني حبيبي . .
شما ترجف . .
مروان : شوفي حبيبي انا مابي هالطبع . .
شما تطالعه : ماتبيني انفذ اوامرك
مروان : انا مش ضابط وانتي شرطيه . . ولا انا مدير وانتي سكرتيره . . انتي زوجتي . . من حقج ترفضين ومن حقج تقولين ماتبين ومن حقج تعصبين ومن حقج تتخذين قرار . .انا مابي اكون الانسان الي يعدم شخصيتج . . بالعكس انا ابي اشوف طبعج ورفضج وقرارج . . يهمني هالشي وايد . .
شما تطالعه
مروان : فاهمتني ؟
شما تهز راسها ب هيه
مروان : عيل اختاري وقت ثاني للزواج
شما : لالا خلاص الحين . . عيب نكسر كلامهم عقب ماتكلمو مابي
مروان يتنهد : مافيها شي بقول اني انا مش عايبني
شما : انا راضيه . . شهر كافي " بحيا " ازهب فيه . .
مروان يبتسم : وشهر كافي تحبيني فيه اكثر واتمين تقوليلي فيه كل يوم احبك ؟
شما تبتسم . .
مروان يبتسم : فديت انا ..
شما تطالعه . .
مروان : راضيه اكيد عن كل شي
شما : هيه . .
مروان : الحمدلله . .
>
<
>
انا ابتسمت . . يحليلك يا مروان . . الله لا يغير عليكم يارب . . والله يوفقكم ان شاء الله . .
بعدها شفت الي تسويلي بنق وماوقفت طول ما انا اقرى . . طلعت عنووووووودي اختي حبيبتي . .
سرت محادثتها فوق كانت مطرشه صورة صقوري عممممممممممري قلبي الولد . . قعدت ابوس التلفون مره ومرتين وثلاثثثثثث واحس اني كل ما ابوسه اشم ريحته اكثر . .
وليد : انتي خبله ..
انا شهقت : اميييييه . .
وليد نقز : بلاج . . انا خفت . .
انا : خوفتني
وليد : شو تبوسين انتي . .
انا اطالع الفون : شي ..
وليد : ترمسين ف الفون ؟
انا اطالعه : وانت شو يخصك . .
وليد : شو تبوسين قولي . .
انا : ما بقولك
وليد : بتقولين ولا امشع التلفون منج .
انا : لو فيك خير امشعه . .
وليد ب خططططططفه مشعه بسرعه . . وشاف . .
وليد ابتسم : فديت صقوور . .
انا عاقده حياتي : لا والله ..
وليد يعطيني الفون : اصلا ادري انه هو . .
انا ما شليت الفون منه وتامه اطالعه بعصبيه : بـ أي حق تشل فوني . .
وليد : بـ حق اني ولد عمج !ّ!
شي ب داخلي حس بالفرحه لانه قال ولد عمج ما قال ريلج . . بعده وفي ع كلامه بيخليني لين اتعود عليه ما بيهاجمني بالكلمه على طول . .
وليد بهدوء يحط الفون صوبي : والله اعرف انه صقوري . . كنت بلعوزج بس ما يستاهل انج تعصبين علي
مارديت عليه . .
وليد : يالله عاد . . . حرام عليج تراج مسفله فيني طول الوقت تعصبين علي
انا تميت اكح واكح . .
يابلي ماي وشربني : بسم الله عليج . . ها كله لانج عصبتي علي . . شفتي شصارلج . .
شربت ماي وحسيت اني ارتحت . .
رن تلفوني . . عطاني اياه وليد مع ان الفون كان جريب مني . . لكن شلاه من غير ما يشوف عطاني . .
وليد : تفضلي . . اطلع اخليج ترمسين ع راحتج . .
طنشته وشفت المتصل وانصدمت . . !!!!!!!
ليش متصل فيني !!!!!!!!!!!!!!!!!! احس ان وليد لاحظ صدمتي ..
وليد : منو ؟!
انا مارديت تامه ماسكه الفون بقوة . .
وليد : سيف ؟
جان اطالع وليد . .
وليد : نظراتج كلها تقول انه سيف . .
انا توترت وايد . .
وليد : ردي . .
انا اطالعه : ارد !!!!!
وليد : هيه .. ولد عمج واكيد مهما كان يبا يطمن . . والي بينكم اكيد ما ينتسي حتى لو جفى لازم بيوسوس ولو شوي . . اصلا بيكون مافيه رجوله لو مادق . .
انا بلعت ريجي . .
وليد : انا بروح شوي وبرجع . .
حسيت انه اتعمد يخليني روحي . . وانا عقب حيره رديت . .
انا : الو ..
سيف : بنت عمي !!!!
انا : . .
سيف : الوو
انا :الو . .
سيف : انتي قمتي من العمليه
انا : هيه الحمدلله
سيف : شحالج ..

إضافة رد
اسطورة ! 09:42 PM 08-10-13
انا : الحمدلله
سيف : شو ريلج . . ان شاء الله اهون ؟
انا : ماشي الحال الحمدلله
سيف : ش قالج الدكتور . . نجحت العمليه
انا : هيه . .
سيف : الحمدلله يعني بتقدرين تمشين . .
انا : ان شاء الله . .
سيف : تستاهلين السلامه
انا : الله يسلمك . .
سيف : . .
انا : . .
سيف : . .
انا : غريبه . .
سيف : . .
انا : لبش متصل
سيف : كنت . . .
انا : . .
سيف : احاتيج . .
انا : . .
سيف : وايد . .
انا : . .
سيف : . .
انا طول ماساكته ماسكه قلبي وراصه عليه بالقو . . قسم بالله احبه يا ناس . . قلبي بعده ينبض له . . لو قد ما انكر الشعور لكن نبرته واحساسه تذبحني . .
انسدحت ع السرير . .
سيف : انتي ويايه . .
انا : هيه
سيف : انتي . . .
انا : . .
سيف : خلاص بتتزوجين وليد . .
انا حاطه اييدي ع قلبي ومغمضه : يهمك
سيف : مهور ..
انا : . .
سيف : لاتاخذينه . . انا بعدني ابيج تكونين زوجتي
انا : ونوره ؟
سيف : انتي غير . . شتبين ف نورة
انا : اها يعني تبيني اتخلى عن وليد وانت ما تبي تتخلى عنها
سيف : لو تخليت عنها بتتخلين عن وليد
انا : . .
سيف : قولي . .
انا : لو تخليت عن وليد . . بتتركها . .
ماظنيت اني لما افتح عيني بلقاه واقف عند الباب . . قسم بالله ماظنيت . . انصب الدم كله فويهي لما شفت نظراته . . نظرات الصدمه . . نظرات الالم والجرح بس هالكلمتين . . قسم بالله اني ماقصد ياوليد . . قسم بالله اني بس اساير سيف ابي اشوفه شـ بيقول . . والله العظيم ما اعنيها . . لكن ماظهر مني ولا حرف . . كنت اسمع سيف يقول كلام بس بالي كله مع وليد الي اجوفه جدام عيني . . بعد هالنظرات رد طلع مره ثانيه . . صدمممممممني . . والله دخلته صدمتني . .
سيف : الوووو . . الوووووو
انا : تعرف . . انت دايما تخرب كل لحظة حلوه او عيشه بدون عوار راس . . لازم تخرب
سيف : انا ؟ انا ولا انتي الي بتخربين حياتج بلي تسوينه ف نفسج
انا : . .
سيف : انتي بعدج تحبيني لكن سرتي عند ريال غيري . . انتي تحبيني وتركتيني عناد وخذتي وليد عناد فيني انا بس . .
انا : انا ماخذته عناد
سيف : خذتيه عناد . .
انا : . .
سيف : بتنكرين انج ماتحبيني . بتنكرين انج مش ميته الحين وماسكه قلبج وانتي تكلميني . . بتنكرييين ؟
انا ساكته . .
سيف : اتركييييه . . اتركيه . . وليد مش قد الثقه . .
انا : عيل انت الي قد الثقه ؟
سيف : وليد مش الي تتحرينه ترا . . بعدج ماعرفتيه عدل
انا : عرفت الي يهم
سيف : مابيج تندمين
انا : ندمت من مجرد ماكتشفت حقيقتك . .
سيف : ارجعيلي . .
كل الي سويته بندت فويهه . . شفت ايديني ترجف . . لكن مش ع كلام سيف . . والله مش ع كلام سيف . . لاني احاتي وليد . . مادريبه وين راح . . كيف اتقبل كلامي كيف . . شلي قاعد يفكر فيه وشو بيظنه فيني الحين . . جرحتتتتتته . . والله جرحته وايد . . نص ساعه بالضبط وبعدها اندق الباب ودخل
انا : وليييد
وليد شال كيس فيه اكل ويبتسم : يبت لج عشا بنت عمي . .
انا اطالعه وابي افتح وياه الموضوع لكن ابتسامته صادمتني .. ماتوقعت هاي رده الفعل الي بشوفها ابد . . توقعت واحد يعطيني طراق ويقولي مافيج خير . .انا الي متعني ويايبنج لين اهني ومدارنج ومحطنج ف عيوني . . توقعت احصل اهانات وكلام جارح ع الاقل احس انه انسان طبيعي . . لكن يييني بابتسامه ويايبلي عشا ولا كانه صار شي . .
وليد : اكيد يوعانه هاه . . اما يبتلج اكل . . بتحشريني عقب هاتني ألمانيا هاتني ألمانيا بس عشان تاكلينه . .
انا ابلع ريجي : ولد عمي . .
وليد يطالعني : شو تشربين . . كولا ولا سفن ابن . .
مسكت ايده بقوه : رد علي . .
وليد يطالع ايدي الي ماسكه ايده . .
وليد يبتسم : عايبتج ساعتي صح . .
انا ارص ع ايده بقوه : ولييييييييد
وليد يطالعني وتلاشت الابتسامه
انا : ترا انا
وليد يقاطعني : ريلج تعورج . .
انا اتنهد : خلني اتكلم
وليد : بتاكلين الحين ولا بعدين . .
انا تامه اطالعه . .
وليد يبتسم : معجبه . .
انا : دخيلك . .
وليد : امري . . شو تبين تقولين قولي . .
انا اطالعه : ما اقصد . . كنت
وليد : انا ماسمعت شي . . لاتحطين في بالج شي وانسي . .
انا : لازم تسمع
وليد : مهره . .
انا اطالعه وبلعت ريجي . .
مسك ايدي الي بايده بايده الثانيه : ترا انا خذتج واعرف قلبج عند منو . . لا تتلومين مني بنت عمي . . انا قلتلج . . لو تبينا ننفصل بننفصل اي وقت تحددينه . . لو تبينا نتم ع هالعلاقه . . اصدقاء اخوان بعد برضى . . لاني انا بس الي اكن لج مشاعر مستعد وراضي بكل شي من صوبج . . " يبتسم " انا اعرف كيف اخليج تحبيني اصلا . . بس انتي قلبج يباله شغل وايد . . وانا عندي كل الوقت . .
حسيت بشعور ثاني . . كلامه غيرررر . . والله كلامه غيير . . يمكن قلبي ما ينبض له شرات ما ينبض ل سيف لا تلوميني الي بيني وبين سيف 21 سسسسسنه والله العظيم مش شوي . . بعطي نفسي وقت . . هالمره جد بعطي نفسي وقت اشوف بس وليد . . سيف ما يحبني ويباني بس جيه . . مابي افرط بانسان شاريني وجنننننه مثلك وليد . .
وليد : أدري قاعده تمدحيني فحاطرج
انا ابتسمت : ما يخصه . .
ابتسملي
انا : بما اني ضايقتك ب شي امرني بأي أمر وبنفذه لك . . ولا تقولي ما ضايقتنك . . انا لو مكانك بقلب الدنيا ع راسك . .
وليد يبتسم : لو مكاني ؟. يعني " يطالعني ويتقرب مني شوي " لو شفتيني اكلم ميره واقولها انا بترك مهور عشانج . . واتركي مايد . . وخلينا نكون مع بعض . . بتذبحيني . .؟
انا تميت اطالعه وساكته . .
وليد : متى . . " يبتسم " بتخبل هالوقت الي اشوفج فيه غيرانه . . وقلبج يعورج و ودج تجتليني " يبتسم اكثر "
انا ادز ويهه لانه وايد قريب : انزييين ارمس من بعيد اسمعك . .
وليد مسك ايدي الي مسكته فيها وابتسم : انتي قلتي انه لو امرتج ب شي بتسوينه صح . .
انا : هيه
وليد : شرايج تبدلين . .
انا : ابدل شو
وليد يطالعني ويبتسم : بدال لا أأمرج ب شي . . تعطيني بطاقه خضرا . .
انا اطالعه : بطاقه خضرا ؟
وليد يبتسم : هاي البطاقه الخضرا فيها نقاط . . والحين انا عندي نقطه وحده . . ولو ما خليتيني اسوي الي اباه بزيد وبيستوي نقطتين . . يعني انج تسمحين لي بشيئين . . اي شيئين انا اباهم انتي مالج خص ابد . .
انا اطالعه : فلوسي ف الامارات
وليد يبتسم : شـ قلتي . .
انا : انزين موافقه . . . ولك البطاقه الخضرا وفيها نقطه . . . بطيح النقطه ف شو . .
وليد تقرب مني بهدوء وباس خدي بحنان وهمس لي بأذني بصوت وآآآآآآآآطي : الحمدلله ع السلامه يالغاليه . .
بلعت ريجي وماتكلمت . .
مسك ايدي وباسها بحنان واطالعني : الحمدلله انج قمتي لي بخير . . خفت عليج فوق ماتتصورين . .
ارتبكت وايد وبين علي . .تميت متوتره وارجف وعيني تسير يمين ويسار وماعرف شقول . .
وليد : شي كنت ابا اسويه اول ما بطلتي عيونج . . تمنيت . . لكن ماقدرت . . احترمت قرارج . . لكن بما اني لي نقطه ف البطاقه الخضرا . . يعني انا ما ادين لج بشي . .
انا وخرت ايدي بهدوء عنه . .: حمار . .
وليد : مهور . .
انا اطالعه بتمعن !
وليد : انا وايد اكن لج مشاعر قسم بالله . .
بلعت ريجي . .
وليد يبتسم : يالله يالله عشان تاكلين " يبتسم " عشان تحاولين تمشين . . " يغمز " عشان نحوط ونستانس ف هاليومين قبل المراجعه . . يمكن تحبيني فيهم !!! " يبتسم ابتسامه تذبح وعقبها قرص خدي "
انا : اآآآي . .
وليد : اونه يعور . .
انا : ماحب حد يقرصني ترا . .
وليد : لاه ؟
انا : هيه . .
يا ومسك خدودي بايده الهنتين وتم يقرص وانا اتألم : آآآي . . بسسس . .
وليد يطالعني : هاتي ايدج بسرعه . .
انا اطالعه : ليش . .
وليد : بسرعه بسرعه يالله
انا مديت له ايدي . .
وليد : انزلي . .
انا اطالعه : ماقدر
وليد : يالله بسرعه . .
انا : ماقدر . . " يايه اسحب ايدي عنه لكن قبضته اقوى "

إضافة رد
اسطورة ! 09:43 PM 08-10-13
وليد : بسسسسسسرعه
انا : وليد
وليد : يالله اجوف . .
انا : بس عاد وليد ودرني ف حالي . .
وليد : انتي ليش تسمعين الرمسه . . يوم ولد عمج يقولج شي قولي ان شاء الله
انا ابتسمت . .
وليد : لا ابتسامه شي اقوى . ." يبتسم " ماقدر ع جي . .
انا : هههههههه والله انت متفيج ترى . .
وليد : يالله اجوف ..
تنهدت . . وتحركت شوي من ع السرير وساعدني وليد ونزل ريلي ع الارض . .
وليد هد ايدي : قولي بسم الله . .
انا سميت ف قلبي . .
وليد يوقف مجابلني . . : ترا مجرد خطوه وحده . . تعتبر انجاز . .
غمضت عيني وتميت ادعي وايد . . واتخيل يدي واتخيل امي واتخيل ابوي الله يرحمه وحسيت بالعزيمه ورصيت ع عمري بقوه واول مافتحت عيني قمت و وقفت على طول . . ومديت ريلي وتحركت اول خطوتين صوب وليد ومن رفعت راسي ! حـــــظني . .
وليد : الححححححممدلله . . انتي قدها . . تشافيتي . .
هاي ثاني مره اكون بحظنه بهالطريقه . . المره الاولى كانت مش شرعيه لما كنت مكسوره من سيف ومجروحه ومذلوله ونفسيتي تعبانه . . وهالمره بعد وانا بضعفني وتوني متشافيه من عجز وشلل . . انت شـ تكون بالضبط يا وليد . ّ!! شـ تكون . . كل الي سويته اني ما صديت الحظن . . حطيت ايدي ع ظهره وكملت الحظنه . . الحظن الي تكون فيه ايد وحده الظهر يكون حظن مجامل . . وانا ما اجامله . . حظنته من قلب . . وليد بالفعل شيخ . . اكتفيت بابتسامه لما لاحظت بهدوئه اول ما لمست ظهره . . حسيت من غير ما اشوفه انه وصله جزء من احساسي وهالجزء كان بالنسبه له فرح ـه كبيره . .