رواية حب أناني ( روايات ليبية ) الفصل الرابع 4 - بقلم MBC LIBYA

#حب_أناني 4 

يوسف:فتح البالكوني وفتح ستار ...جت عينه ع سياره عاليه واضح انها مضلمه وغريبه ع جهة....شاف سراج واقف جنبها وعيونه ع الحوش ...شاف لجهة دار ريناد وشاف ريناد في البالكوني ....سكر عيونه ببرود غريب قعد يحاول يهدي اعصابه ..وطلع!!

ريناد:اي اي نشوف فيك تشوف فيا انتا ي روحي مستاحشاتك كوووم
سراج:مش اكتر مني ....لو تنزلي نشوفك بس!
ريناد:ياريت والله !
يوسف:فتح الباب ودخل ويتفررج ع ريناد كيف واقفه وتحكي ع تلفون !
ريناد:محستش انه يوسف دخل ووراها وقعدا مستمرره تحكي !
يوسف:محبش يقاطعها ...قعمزز ع الكرسي الي في دار ويستنا فها تكمل مكالمتها !
ريناد:باااي حبيبي نحكو بعدين !..اي ونا نحبك هههه تمام باي!...وكيف راجعه لسريرها...تشوف يوسف مقعمز ...من الصدمه طاح تلفونه..🥺
يوسف:وقف ...شنو كملتي ؟
ريناد:بلعت ريقها بصعوبه...اءءء
يوسف:قرب منها ..وبصوت مليان استفزاز.....شن الي قعد يصير وع شنو ناويه انتي ؟
ريناد:اول مره تحس روحها ضعيفه هكي ..اءءء هدا صديقي!يوسف:قرب منها اكتر ...هادي مره وربي وربي نحس انك اديري في شي غلط بس نحس حاتتعاقبي وتطلعي تقعدي في الشارع من وين جبتكم!
ريناد:بصوت يرعش...مدرتش شي غلط حب يشوفني وشفته يعني شن صار؟
يوسف:اي تتلاقي معاه ع حساب سمعتنا وبصوت متعصب ..لو حد شافك توا شن بيقول اخوات يوسف واقفين ع بالكوني ي تافها !!
ريناد:حست بالغلطه ....ااءء اسفه !🥺
يوسف:ممنوع انك تطلعي من الحوش هدا مهما كان السبب فاهمه وشدها من يدها بقوه ولما يجي حسين هني انتبهي لتصرفاتك وحركات الرخيصه الي اديري فها مش راح تنفعك!
ريناد:تهز في راسها 🥺
يوسف:شاف لي مياسين ع خاطر اختك بس مش اكتر فوتهالك  بس مره تانيه مش راح تقعدي ثانيه هني !
ريناد:اسسفه💔
يووسف:اخر تنبيه...وطلع !
ريناد:غبيه🤦‍♀️

جود:هااي ي حلوو
ريناد:شن تبي انتي التانيه؟
جود:ههههه لا والله بس تفرجت ع الفيلم!
ريناد:ش شنو تقولي انتي ؟
جود:لا بس الباين انك مش ساهله بككل !
ريناد:بتوتر مليكش دخل اقلبي وجهك!
جود:والله ما توقعت خويا يضعف معاك ويدخل لدارك !
ريناد:فهمت انه جود مكشفتهاش وانه تحسابه في شي بينها وبين يوسف بس..لا حبيبتي متخافيش مافيش شي بيني بينه !
جود:ههه بجد يالا قلت ندخل انبهك بس انك تبعدي عليه.
ريناد:متحاوليش تهدديني لانه نا خوك منفكرش فيه ...معقد مريض نفسي!
جود:استغربت ...المهم* باي

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

يوسف:طالع من الدوش كان مش لابس شي غير شورت قصير ...وقف قدام لمرايا ...ومنضر ريناد وتصرفاتها متحولوش من تفكيره ..قاطع صوت تفكيره صوت تلفونه ...الو
حسن:اهلين بالحلو
يوسف:شن صار معاك؟
حسن:نوع السياره كامري والشخص اسمه سراج *****..ويسكن في منطقة (؟؟؟؟؟) وتاااجر حشيش وميصلحش نهائيا!
يوسف:بصدمه...تت تماام تمام هادي المعلومات الي قدرت توصلها !
حسن:اي هيا هادي وهدا اهم شي !
يوسف:اوكى تماام !
حسن:علاش شن داير هوا ؟
يوسف:مافي شي مهم اول مايطلع من المنطقه قولي!
حسن:تم تحت المراقبة !
يوسف:تمام ...وسكر الخط ....من وين تعرفه ريناد؟ وهل تعرفه انه ميصلحش او لا ؟شن قعدا ادير الفرخة هادي بس ؟رجع شاف لملاامحه في لمرايا...تبي قرصه البنت هادي وله راح تتطاول اكتر !!!

__________

يوم جديد🆕️

جود:اي اي كلمته البارح!
غفران:باهي اتفقتو ع الموضوع وله مازال؟
جود:اي اتفقنا !
غفران:وانتي شنو رديتي؟
جود:اءء ...اي يعني وافقت!
غفران:بخبث...اوكى امتا بتجي؟
جود:نشطب ونطلع !
غفران:اوكى مالا نستنااا فيكك !
جود:خايفه هلبا !!
غفران:تعالي متخاافيش مش راح يصير شي!!
جود:تمااام !💔

مياسين:عمتي كريمه نقولك علاش سموك كريمه ؟
كريمه:ههههه اي!
مياسين:ع خاطر انتي مش فازلين😂😂
كريمه:😂
جود:يما علاش تضحكي معاها اضربها كف!
كريمه:هيا عادي سكري فمك مش عارفه امتا بتكبري!
جود:تلف في وشاحها...نا بنطلع لغفران توا !
سهام:شافت لي جود ع طول ونضراتها مش مطمنه بككل!
جود:وعلاش شبحات خمسين قرش هادي؟
سهام:ردي بالك بسس!
جود:😨...وطلعت!!

ريناد:جايبه سفررة معبيتها  ماكلهه!..قعمزت ع صالون...هيا ميسو تعالي نفطرك
كريمه:لالا فطرت معانا ميسو!
ريناد:اهاا تمااام صحتين..وبدت تاكل !
سهام::غريبه نايضه متأخر اليووم!
ريناد:اي محسيتش بالوقت تصدقي!
يوسف:احم ...صباح الخيرر
ريناد:تاكل ويداها يرجفوو!!
يوسف:يما جيبي لفطور بنطلع!!
سهام:هيا لحضه بسس!!
ريناد:عمتي بتجي اختك فتحيه اليوم؟
كريمه:لا مقالتش وعلاش بتجي؟
ريناد:نحسسابه بس والله حسين عليه جو سمحح !
كريمه:مجنوون زي ولدي عبادي !
ريناد:قصدك انه عندك ولد غير هدا الي قدامي؟
كريمه:اي يقرا برا كان قالب الحوش هوا وحسين ميتفارقوش وتوا كمل يعني في اي وقت تلقيه قدامك!
ريناد:وووووه شوقتيني نششوفه امتا بيروح زعما!
كريمه:مش عارفه ..امتا بيروح خوك؟
يوسف:نتصل بيه ميردش اكيد الايام هادي ليه شهر ونص ينسرف !
ريناد:اللهم لا حسسد😏
سهام:تفضل يوسف!
ريناد:خدت منديل وبدت تنفر في خشمها !!
يوسف:لووحح السفره جت متكسسره كلها ع حيط!
كلهم:😮😮
ريناد:انكسسسر الشر!🙂
يوسف:ضميه فمكك وانتبهي ع تصرفاتك خير مااقسم بالله ...
ريناد:تحسابه بيفضحهاا...اءءء😨😨
مياسين:بدت تبكي لأنه نخلعتت!!
كريمه:اهدا اهدا خلاص البنت خلعتها!!
يوسف:طلع وعيونه ع ريناد يغلو غلي!🔥
سهام:ريناد حركتك بايخهه هلبا !
ريناد:يستاااهب مش نادمه
سهام:🤦‍♀️🤦‍♀️

ساعه 4 العصر!!

طقق طق طق
سهام:فتحت الباب...خيرك؟
جود:بأنفاس متقاطعه ...حولي من قدامي مش وقتك
سهام:شدت اختها من يدها...وسن كنتي جاوبي؟
جود:حولي يدك وين بنكون يعني؟.سهان:حركاتك هادي مش عليا جااوبي!
كريمه:خيركم واقفين قدام الباب !
جود:حولي كسرتك..ودخلتت!!
سهام:في خاطرها...نهارها كانا الي في راسي صح...🤦‍♀️

_________________

في المصحه متع يوسف❤
شعبان:شن تقول انتا لحسابات كلهم عندك وتقولي منديرهاش!
يوسف:تي انا بروحي مش فاهم شي خيرك ي عمي !
شعبان:مايمشيش عليا لكلام هدا انتا وبوك خنابين وحاتدفعو الثمن!
يوسف:بصدمه ..انا وبوي نخنبو طلعنا بعد العشره كلها !!
شعبان:وين نندري عليكم نا عندك يومين بس وربي وربي المبلغ ميوصلش شركة بووك كلها حاتكون رهن ليكم
يوسف:شاد روحه بسيف لانه شعبان كبير زي بوه وفي نفس الوقت بوه خطيبته!...كويس اليوم عرفتنا بقيمتنا
شعبان:تي من زمان مفروض عرفت قيمتك
يوسف:كبر لكلام راهو!
شعبان:يدك وماتعطيك ...وطلع!
يوسف:قعمز يفكرر بينه وبين نفسه اخر مره وين حط الشنطه معاش فهم شي 🤦‍♂️

_______________________

في حوش العيله ❤

طقق طق :-
سهام:اففف من الباب..فتحت ..مني انتي؟؟
جوري:شن مني انا ديناصور واقف قدامك؟
سهام:هههههه والله مازبطك مني؟
جوري:تي حولي بلا اسئله وين رنوده
سهام:اها من طرف ريناد ...تفضلي توا اناداها!
جوري:طلع عندك اسلوب غريبه
سهام:هههه ..تفضلي!
جوري:باهي بنخش بدون مقبلات نحبهمش
ريناد:اححييه جووري!!
جوري:بدت تنقز ...ويلي منك استحشتك
ريناد:عمريي والله
جوري:شووفي شوفي
ريناد:شافت الشنطه الي جايبتها اكبر من الحوش ....قصدك بتقعدي فتره هني؟
جوري:تي اي اي باش نزبط العيله هادي شن اصلهم؟
ريناد:😂
جود:ناازله من فووق..شنو العار هدا ولعياط ؟
جوري:ههههههه تي خيرها هادي شكله زي صرصور الخراره
جود:😨😨
جوري:خيرك مصدومه اول مره يشبهوك بي حاجه احلا اكيد كانو يشبهو فيك بي خنفووسه😂
سهام:😂
ريناد:غير خشي نهدرزو مستاحشاتك!
جوري:وين ميسو؟
سهام:مع ماما فووق!!

______________________

يوسف:قلب الشرركه كلها مافيش اثر لشنطه نهائيا
حسن:وتوا شن فكرت ادير؟
يوسف:المبلغ مش بسيط راهو 3مليون
حسن:فكر كويس انتا وين حطيتها؟
يوسف:اخر مره حطيتها في داري بس اليوم الصبح دورت علاها مهناش توقعت اني خليتها في مكتب الشركه
حسن:من تتوقع انه يخنبها؟
يوسف:مش عارف والله مافهمت حاجه
حسن:تي نسيبك وجو مش راحمك
يوسف:مع لفلوس يبيع شرفه هدا؟
حسن:لا حول ولا قوة الا بالله !
يوسف:انا راجع للحوش نزيد ندور علاها
حسن:تمام مالا توا نا نقعد في الشركه مابين جيت !
يوسف:تمام ...وطلع !!

__________________

ريناد:ههههه اي اي امس شفته
جوري:مايطلع منكم!
ريناد:لكت كشفني التافه يوسف
جوري:اي اي عارفتها صاحبتي بلا عقل
ريناد:لكن باهي مقالش لحد وفاتها!
جوري:شن وضعه معاك
ريناد:نحس فيه قعد في حلقي الزززححح!!
جوري:اهااا وخلاص لو نشووفه بس!!
ريناد:😂

_________

يوسف:وصل للحوش ...ركب لداره ع طوول يدور من حاجه لحاجه ونفس الشي مافيش اثرها ...نزل لوطا...سهام سهام
سهام:طلعت من المطبخ...ايوا
يوسف:شفتي شنطه سوده في داري!
سهام:اي ولامس شفتها في رف المكتبه خليتها ملمستهاش
يوسف:متأكدهه
سهام:اي متأكده!!
يوسف:عرف انه هوا جابها للحوش وناسي هل طلعها او لا لانه مشكش في حد
ريناد:ههههه ي هبله
جوري:اي اي قتلك خليتهم الكل يتفرجو عليا ونا نضرب فيه
يوسف:يتفرج عليهم وهما طالعين من دار ريناد...نزل لوطا لصاله !!

ريناد:اهوا يووسف!!
جوري:هوا انتا يوسف بيك ؟
يوسف:بدون مايشوفلها ولا يرد علاها ...طلب من سهام تجيبله قهووة
جوري:خيرا هوا تقولي معيط عليه خفاش
ريناد:😂
مياسين:نزلت من فووق وشاده شنطه سووده وكانت حاملتها بسيف لانه ثقيله
يوسف:جت عينه ع مياسين...😮.....يتببع