رواية حب أناني ( روايات ليبية ) الفصل الرابع عشر 14 - بقلم MBC LIBYA

#حب_اناني. 14

يوسف:السلام عليكم
عادل:عليكم السلام...كيف الحال؟
يوسف:بخير..مني حضرتك؟
عادل:حط الاوراق ع طاوله...انا معاي ورق من المحكمه اني نقدر تاخد مياسين وريناد
يوسف:بتعجب..كيف وانتا مني؟
عادل:انا عمهم خو بوهم وكنت مسافر من زمان وهدا الوقت الي قدرت فيه نرجع لي ليبيا
يوسف:تنخصي فيه موس مطلعتش قطرة دم من الصدمه...اءء اي اي من حقك اكيد
عادل:انا سألت عليهم ولما قالو انهم عندكم اضطريت نمشي للمحكمه قبل باش منتعرضش لي اي رفض!
يوسف:اءء...لا اكيد لو انتا عمهم اكيد من حقك تاخدهم
عادل:اي نادي عليهم لانه مستعجل شويه
يوسف:اها شويه قلت...تمام لكن كيف بيمشو معاك ضروري يجهزو نفسهم واغراضهم قبل
عادل:لا اسف نتمنا اليوم نرفعهم معاي!
يوسف:اوكى ...اناديهم سلم عليهم والصبح تاخدهم شن رايك؟
عادل:تمام خليهم ينزلو قبل!
يوسف:😊....اوكى !

__________

ريناد:هههه صار مخلكش تطلعي عليك بخت
جوري:تي اي حسيت روحي في مسلسل وادي الذئاب نقوله ي بابا مافي شي خليني نطلع يقولي لا يوسف يحبسنا عيله كامله
ريناد:ههههههه مرعشكم التااافه يووسف
جوري:ايي هههه مايطلع منه البودري😂
ريناد:خليه يفررد عضلاته...اصلا ناويتله ع حاجه ..اءءء😨😨
يوسف:كملتي ؟
جوري:نهارك شددك
ريناد:نزلت التلفون ....اءءء اي🙂
يوسف:بصوت حاد...انزلي انتي واختك عمك يبيك لوطا!
ريناد:حطت التلفون ع رف ...تقيم في شعرها ...عمي علي يبينا انشاءالله خير...متكونش انتا معبيله راسه علينا
يوسف:ملامح وجه حزينه ..انزلي ريناد متعطليش..وطلع!

ريناد:خخ خيره هدا يتكلم هكي زعما شن صاير؟اول مره يكون هكي معاي ؟وطلعت !

جود:تشوف من باب الدار...شكله يخص ريناد اكيد حد من اقاربهم
كريمه:شن دخلك فيهم والله يشوفك يوسف لما يفصل راسك ع جسمك
جود:تي اسكتي يما ...شكلها فرجت
كريمه:علاش فرجت تبي تاخدي راحتك وله كيف؟
جود:يااارب انشاءالله يطلع عمهم وله خالهم بياخدهم !
كريمه:نهااار احرف مش عارفه لمن طالعه سهام وعبادي مافيش احن منهم
جود:اكيد موجب في موجب يعطي سالب ...نيهاهاهاهاها😅

__________

ريناد:نازله من الدروج وشاده مياسين...هدا مني الي جاي
يوسف:تعالي مياسين لعمك!
ريناد:اححيه شكله عمي عادل...مستحيل يرجع بعد سنين كلها
عادل:تلفتلهم....ميسووو😊
مياسين:حضنت يوسف..مني هدا ي عمي نسلم عليه عادي؟
عادل:تعالي بنتك سلمي ع عمك انا خو بوك الله يرحمه!
مياسين:باست عادل ع خده
ريناد:زعما جاي بياخدنا...كيف حالك عمي وين مغيب؟
عادل:خدتنا الغربه والخدمه كل مانقولو بنجو ماهو بنستقرو هني مايصيرش هدا وين ربي كتب جينا!
ريناد:قعمزت جنبه...اي عمي هدا حال الدنيا والله استحشتكم كلكم انتم بس قعدتو من ريحة بابا الله يرحمه!
عادل:الله يرحمه ويغفرله...هيا بنتي جهزي نفسك انتي مياسين ونا قعد نستنا فيكم!
ريناد:شافت لي يوسف....اءءء
يوسف:لا خليهم اليوم وغدوه الصبح بكري تلقاهم جاهزين
عادل:اممم تمااام عادي اهم شي هما راضين يمشو معاي!
ريناد:شكرا عمي الصبح اكيد تلقانا واتين
عادل:تمام ...باس ميسو ع راسها..نستاذنكم توا !
يوسف:سلاام تشرفت بمعرفتك!
ريناد:خدت مياسين وركبت !
يوسف:وصل عادل للباب...وسكر الباب..وخش 💔

كريمه:من الي جي ؟
ريناد:عمي عادل روح من السفر وجاي بيرفعنا معاه
جود:واهو قعدتو خيرا مارفعكمش معاه
ريناد:اي شي طبيعي جايه بناخد رايك 😁
كريمه:اي كملي بنتي متعدليش علاها!
ريناد:الصبح قاله يوسف تعالا تلقاهم واتيات توا مش موتيه روحي!
كريمه:اي عندك حق...لكن بنفقدوكم
ريناد:مش اكتر مني عمتي واكيد حانديرو زياره كل اسبوع!
كريمه:انشاءالله اهم شي عندي انتم مرتاحين لو مرتحتوش عندهم حوشكم التاني هدا راهو !
ريناد:اكيد عمتي ونا نحبكم في الله ربي يشهد عليا
كريمه:عارفاتك رنوده والله ماشفت منك الا كل الخير 💔
ريناد:حست بي شي ..طلعت من الدار تجرري مكسور خاطرها!!
جود:فكينا من الافلام خلاها تطلع وتريحنا!
كريمه:تفوووه والله ماتتحشمي !
جود: 😏😏!

________
يوسف:مقعمز في مكتبه ويفكر كيف بيخلي ريناد عندهم وراسه بيتفجر من التفكير لانه المره هادي مافيش عذر او شي يقدر يمنع ريناد تطلع!
علي:طقق طقق
يوسف:تفضل!
علي:اهلا يوسف شن الي سمعته من امك مفهمت شي!
يوسف:عم ريناد روح من السفر وجي بيرفعهم
علي:اهاااا....اي اي عمهم عنده حق فيهم قبلنا
يوسف:مش مدخل انتا قصدك
علي:هما لو يبو عمهم ورتاااحو عنده شن المشكله اهم شي هما مرتاحين
يوسف:اءء...اي اي اكييد اهم شي مرتاحين
علي:باهي مالا جيت نتأكد لانه امك صدمتني بكلامها
يوسف:اي ي بوويا هدا الي صار...انتا تاخد في لعلاج قعد؟
علي::اي عندي مراجعه الاسبوع هدا انشاءالله خير!
يوسف:انشاءالله يارب!
علي:ووقفف...سلام ..وطلع!!
يوسف:💔

سهام:حطت لغذاء ع طاوله ...ودخلت للمطبخ ..فتحت الثلاجه طلعت شوية فواكه ومشروب لن تسمع في الباب ينفتح عرفت انه حسن رجع
حسن:حبيبي وينك؟
سهام:☺في المطبخ قعمز ع طاوله ثواني ونجي
حسن:خش للمطبخ...قرب منها باسها ع راسها...استحشتك
سهام:بدون ماتشوفله ..حتى انا!
حسن:تعبتي اليوم حبيبتي ..وبدا يقيملها في شعرها!
سهام:لا روحي اهو كملت خلينا نتغذو توا..وخدت معاها صحون الفواكه ونسحبت بهدوء!
حسن:حس انه تصرف سهام غريب..بس باعد افكاره..ولحقها!

ريناد:كملت ترتيب حوايجهاا كلهم وحوايج مياسين ...ونزلت هيا ومياسين لوطاا عششان لغذاء!

يوسف:الو
احمد:اهلا
يوسف:نبيك في خدمه
احمد:تفضل من عيوني!
يوسف:تعرف عادل ؟؟؟؟؟ نبيك تسأل كم عنده ولد وكم اعمارهم؟ وكم ليه يوم راجع لي ليبيا؟
احمد:ضروري اليوم؟
يوسف:مافيش مشكله حتى الصبح بس اهم شي غدوه بعده لا
احمد:تمام ولا يهمك كون متهني!
يوسف:اوكى...سلام وسكر الخط!!

_________

ع سفرة لغذاء:-

كريمة:توكل في ميسو....عبادي لتوا مسمعش يحليلي لما يسمع
جود:عادي يوم او يومين ويتعود
ريناد:وانتي خيرك تستني فينا نطلعو عندك اعمال مطوره وله كيف؟
جود:لااااااععع😁....لكن حتى الهدووء حلو!
ريناد:اي الواحد لما يرتاح من وجهك حتى هوا شي عضيم
جود:تاكل...المهم انكم بتطلعو كل شي عادي ويتحقق!
ريناد:المره الجاايه بيبدا فها جنين 😅
جود:نزلت راسهاا...وبدت تاكل في جرت بعضه
ريناد:ردي بالك تنخنقي بس !
عبادي:السلام
كلهم:عليكم السلام!
كريمه:قعمزز ولدي تغذي درت رز ع خاطرك!
جود:حرام يما الكدب 🙄
عبادي:جعااان اصلا مديلي من عندك سلاطه
كريمه:هااك هاك
مياسين:عبودي احنا بنمشو مع عمي عادل خلاص
عبادي:فمه معبي ماكله.....من عمك عادل هدا ؟
جود:عمهم خو بوهم كان مسافر اليوم جي بيروح بيهم!
عبادي:باهي وشن بيصير؟
كريمه:نخصت جووود
جود:معاش تنخصيني يما خليه يعرف....غدوه بيمشو معاه من الصبح بيستقرو عنده😋
عبادي:حط الكاشيك وناااض بدون مايقول حرف !
ريناد:افففف ماتوقعتش عبادي يزعل هكي بس الله غالب نا منقدرش ارد عمي وهوا جاي ع خاطرنا حتى قدام الناس متجيش
كريمه:عادي بنتي الله غالب توا يتعود شن بديري!
ريناد:يانااري عبودي متعود ع ميسو هلبا!
كريمه:اي مانحكيلك والله بيهبل فها💔
ريناد:توا نديرو يومين في الاسبوع نجو فيهم!💔
كريمه:حتى كل يوم عادي حنا مش مالين منكم والله عندي زي بناتي❤
ريناد:سلمها عمتي والله عارفاتك!

______

سهام:نااضت...لم تكمل ناديني !حسن:قام عيونه فها...في شي سهام؟
سهام:ضحكت بهزوه...لا مافي شي شن بيكون يعني؟
حسن:باهي خيرك تتكلمي هكي ؟
سهام:بصوت مستفز...كمل حسن مرات يوسف يتصل بيك وتطلع متلحقش تتغذا
حسن:حط الكاشيك بقوه ع طاوله...ونااض...شوفيلي؟
سهام:تحاول تخلي روحها قويه...ها اهو شوفتلك خيرك حسن شن في جديد
حسن:سهاااااااااام ...خيرك جاااااااوبي
سهام:خدت بعضها وخشت الدار كيف جايه بتسكر
حسن:دف الباب بقوه ودخل...سهام خيرك متخوفينيش عليك احكي
سهام:قعمزت ع سرير...مافي شي ماتفكرش شويه ونرجع كيف ماكنت!
حسن:بدا يخبط ع بابا بقووه...سهاااام تكللللمي
سهام:متعيطش عليا برا لمرتك وصغارك اكيد ناقصتها كم حاجه
حسن:قام حاجبه وبتتردد قعد يتفرج ع سهام بدون مايدير ردة فعل
سهام:خيرك سكتت تحسابني فرخه تفوت عليا شي زي هدا نا شفت الرساله وقريتها كلها متوقعتش تكون خاين
حسن:قعد يشوفلها مصدوم.....خدا بعضه ووطلع من الحوش!
سهام:زادت تأكدت انه الي شفاته صح ...وتعبو عيونها دموع!!

ساعه 7 المغرب:-

ريناد:نزلت للمطبخ....حطت طنجره ع غااز حطت شوية زيت وملح وحطت كيسة فوشار كامله وغطتهاا....فتحت الثلاجه طلعت فاازو نوتيلا ..وطلعت صحن حطت فيه شكلاطه مع شوية مكسسرات ..وخدت زوز شماعي وولاعه...وركبت لصاله الي فوق ...ولعت الشاشه وطفت الضوء ..وحطت طاوله جنب الصالون.  ونزلت..حطت الفوشار في صحون ...وركبت....❤

طق طق:-
ريناد:متكيه تتفرج ع فيلم ...خش!
كريمه:من توا بترقدي؟
ريناد:لالا لكن الفيلم هدا نحب نتفرج عليه والاجواء هكي
كريمه:هههه باهي الي يريحك...عبادي طلع؟
ريناد:اي طلع ميسو وممكن حتى جود مشت معاهم
كريمه:وين مششو؟
ريناد:مانعرفش لكن بيتعشو برا!
كريمه:باهي بنتي منعطلش عليك تفرجي ع راحتك!
ريناد:ابتسمت...باهي لو تبي حاجه انا هني !
كريمه:اي بننزل لعمك نهدرز عليه شويه
ريناد:تماام .. ❤

............

سهام:فتحت عيونها ببطئ...اففف انا رقدت شكلي محسيتش بروحي ...وذكرت اخر شي صار...نااضت ..لمت الطاوله ...وهيا تغسسل في صحون ودموعها مكفووش 💔

يوسف:كيف راجع للحوش...ركب فوق طول
ريناد:ههههه تي خيرك الزححح جاياتك ع ضحك وربي زي مانحكيلك
جوري:هههه تي شن صار فيه خساره فاتني
ريناد:واضح انه بيموت وميبنيش نطلع
جوري:نبي نفهم بس هوا شن واجعه كل شي يبيه ع مزاجه هوا وربي مافهمته
ريناد:اي يبي يتحكم ويعطي اوامر مش لاقي ع من يفرض شخصيته😂
جوري:باهي اسمعي!
ريناد:انعم حيوانه!
جوري:عمك عادل هدا معنداش ولاد
ريناد:فتحت شعرها وخدت نصه حطاته ع وجهااا...عندهم ولاد قلتي تي طرووووف صاااااروووخخخخ
جوري:يعني بنهرب هروب من الحوش باش نزوركم عندهم
ريناد:نيهاااااهاهاها...اكيد🤷‍♀️
جوري:نحصلو طرف 😏
ريناد:غير اصبري نختار انا منهم واحد وبعدين ندورلك مستحيل نخليك 😅
جوري:اي اي عارفاتك تهنني مافي كلام😂
يوسف:خدا صحون الفوشار ...وحطه ع وجها
ريناد:بحركه مفأجئه لقت روحها مقعمزه...بسم الله الرحمن الرحيم امتا جيت انتا؟
جوري:غبر فيه..🤦‍♀️
ريناد:سكرت الخط...خخ خيرك مش متعلم طقطق وتستأذن حطت التلفون ع طاوله!!🙄

سهام:طفت ضي المطبخ...ودخلت لغرفتها اطلع في حوايجها بعد ماشبعت بكاء...خشت للحماام بتاخد دووش...وهيا تفكيرها في حسسن كيف طلع بدون مايفهما شي ولا يعبرها ولتوا مرجعش للحوش؟خششت تحت لمياااه تبي تبرد النااار الي فها هدا لو قدرت🔥

ريناد:تكلم امتا بتبطلها حركاتك التافها هادي ؟ تسكر في عيونها وتفتح بخوف...رد عليا لي امتا بتقعد هكي خبيث وتتحكم برا احكم في اختك مش فيا نا مش من عيلتكم ومنحملش لقبك وغدوه الصبح طالعه من هني ..تبلع في ريقها كل شويه..خيررك؟
يوسف:خلاها تفرغ طاقة الغضب ...وقرب منها..متوقعه انه لو طلعتي من هني يعني حاتعيشي زي ماتبي
ريناد:اكييد زي مانبي اصلا مافيش حد راح يتحكم فيا واول شرط بنشرطه ع عمي هوا اني نخدم
يوسف:شدها من يدها...لكلام الي كنتي تحكي فيه ع تلفون سمعته حياتك الي تبي تعيشها ع كيفك صياعه وحب وهدا حلو وهدا اشبح شنو وتتقاسمي انتي وياها وله
ريناد:تتنفس بسرعه وشعرها مغطي وجها
يوسف:اسمعيني كويس!
ريناد:منبيش نسمعك ابعد عليا وخليني في حالي خلاص شن دخلك بيا ؟
يوسف:اسمعيني ريناد ومتسكريش راسك خير ماتجي ع راسك
ريناد:بصوت داهش....شن تبي
يوسف:يضحك في داخله ....محلاك وانتا هااادي ...وسيبها
ريناد:قعمزت وهيا دهشانه...هيا هات الي عندك نبي نسمع!
يوسف:بما انه توا عمك بياخدكم يعني خلاص انتم حاتعيشو عنده طول حياتكم
ريناد:اي شي واضح ونا فرحانه بي شي هدا !
يوسف:للأسف ريناد خانم لانه نا بنفوت يومين ثلاثه وبنطلب يدك من عمك
ريناد:بصددمه...علاااااش😨
يوسف:بحركه طفوليه...والله من لما جي عمك ونا نفكر في حل ملقيتش الا هدا!
ريناد:وانتا من جابرك تتزوجني طلعني من راسك كل حد يشوف حياتنا ساهله القصه علاش تعقد في الامور😅
يوسف:قعمز ع ركاااابه كأنه طفل...رينااااد!
ريناد:قلبت عيونها بدلعع...شنو؟
يوسف:مش راح نخلي حد ياخدك مني انتي ليااااا
ريناد:بصوت مستفز...خديت راي انتا من قالك انا بنوافق وله تحسابني نعجه !
يوسف:سكر عيونه براحه...افهميني
ريناد:هابله في رموشه الشقر الطوال....شنوو بنفهم انا منبيكش مش بالغصب!
يوسف:فتح عيونه...مش ع رايك انتي ؟
ريناد:ع راي مني يعني انتا مريض صدقني!
يوسف:خلاص نا مريض سايريني !
ريناد:دفاااته...وناضت!
يوسف:وقفف....قراري الي خديته حايتنفذ حتى لو غصب عنكك!
ريناد:توا نشوفو كيف الغصب متعك هادي
يوسف:شدها من رقبتها وقرب منها حط شفايفه ع شفايفها وبدا يتكلم بهدوء...مش راح ترفضيني !
ريناد:ساكته بدون ماتتكلم كانت اول مره تكون ضعيفه بجد وذايبه في جمال يوسف🤤🤤
يوسف:نا بنرقد توا ولكلام انتها معاك لكلام بيبدا مع عمك شخصيا...وسحب روحه وطلع😊
ريناد:يهبببببل الزززززحححح ...لكن عادي خلي نهبله شوويه 😋🤤

ساعه 1 ونص:-

سهام:كانت مقعمزه في صاله تستنا في حسن ومبتش تتصل بيه وضايقه ...شافت الساعه ونصدمت بالوقت ..مستحيل حسن يخلاها للوقت هدا ومايروحش ...نااضت...دخلت لدارها ..طلعت شنطتها وحطت فها حوايجهاا وهيا تتفرج ع كل مكان في دار وذكرياتها مع حسن مصدومه في كل شي وثقتها في حسن هيا الي مخليتها صابره وتبي تفهم من حسن ...بس خلاث معاش قدرت تتحمل ...سكرت الشنطه..ولبست عبايتها...وخدت تلفونهاا!!

_______

ترن ترن ترن:-
عبادي:الو
سهام:وهيا تبكي...عبادي
عبادي:ناض قعمز ...خيرك علاش تبكي؟
كريمه وجود:خخ خيرها؟
سهام:تعالا بسرعه روح بيا عندكم تواااا
عبادي:تي شن صاير وين حسن؟
سهام:مانعرفش وينه تعالاا توا روووح بياااا بسرعه خير مانطلع لشارع توقف سياره
عبادي:باهي باهي هاني جااي !
سهام:سكرت الخط
كريمه:تي خيرها تكلم؟
عبادي:شكله صايره حرب عالميه بينها وبين راجلها..خدا مفاتيحه وطلع !!
جود:😳😳...حسن زعل سهام؟اين المشكله انا لا اراها!!
كريمه:خلعتني تف تف ..انشاءالله خير بس!🔥

ريناد:واخير تم الفيلم ...حطت البرنوص متع التوته ع راسها وخدت الصحون حطاته ع سفره ونزلت...

يوسف:كان رااقد ومش حاااس بي شي ممكن من تعب الخدمه وهكي واصلا مازال عنده خدمه الصبح ويبي بنوض يتفرج ع ريناد وهيا طالعه!💔

ريناد:تغسل في صحون ...ورتبتهم كلهم ..وجايه بتطلع
جود:وقفي ريناد
ريناد:شن تبي؟
جود:شنو باين انك مش مضايقه ؟
ريناد:تلمس في شعرها....وعلاش بنضايق حبيبتي؟
جود:بتخلي يوسف وبتطلعي!
ريناد:هههههه شنو تشوفي فيا عديمة شخصيهوله تحسابيني زيك نفرض في نفسي؟
جود:تصدقي نا مستغربه في شي واحد؟
ريناد:مطنشه شفايفها...شنو؟
جود:كيف لتوا محكيتيش لي يوسف ع الي صار حتى بعد خنتك؟
ريناد:لاحبيبتي متفكريش ساهله انا عندي ضمير متبيش تفكير
جود:😅...نا صح محبيتكش بس مننكرش انك بنت متربيه!
ريناد:فكرتيني في فيلم عمر المختار مثلوه الاعداء وهما نفسهم الي حاربوه
جود:ريناد
ريناد:بري ارقدي متخافيش مش راح نحكي لي يوسف شي صح نا قتله عندي علم بكل شي بس محكيتش
جود:لا معاش يهمني نا عارفه انك مش راح تحكي بس يوسف منساش الموضوع
ريناد:اوكى اتصلي بي العيل حسين يجي يطلبك وقوليله تهديد من ريناد هدا لانه حانعاود لي   يوسف
جود:وقفت قدام ريناد...سامحيني 🥺
ريناد:ابتسمت...حانسامحك بس قعدا موثقتش فيك اسفه
جود:هههه حنونه خلاص خلي موضوع الثقه عليا❤
ريناد:ربي يحفضك ويبعتلك ايام حلوه❤
جود:نا وياك حبيبتي❤

________

كريمه:خيرك خيرك قعمزي ارتاحي واحكيلنا!
سهام: قعمزت وبدت فها بكاء😭
عبادي:تي وربي لو يطلع ضاربها لما ننتقم منه
كريمه:اسكت انتا خلي نفهمو منها
سهام:😭
جود وريناد:طلعو مع بعض من المطبخ...شن في؟
عبادي:الوضع معاش يطمن حفتر وسراج مع بعض🤷‍♀️
جود:سسكر فمك باهي!
ريناد:خيرك سهام شن في؟
سهام:وقفتت...نا بنرقد توا
كريمه:بتخليني ع نار احكي شن في؟
سهام:خدت بعضها من بيناتهم...وركبت
ريناد:خلاص خلاها توا نا نفهم منها
كريمه:باهي مالا تصبحو ع خير
عبادي:نا بنرقد ساعه 2راهو
جود:من شادك تمررقدد!!
ريناد:تصبحو ع خير!❤🖇

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

يوم جديد:-

طبعا الحوش كان مقلوب بسيرة انه ريناد ومياسين خلاص عمهم في طريق وجاي بياخدهم 🤷‍♀️

كريمه:ششاده كيسه كبيره...هادي حاجات ي ريناد اعتبروهم هدية مني انتي ومياسين
ريناد:تعبتي روحك عمتي مافيش داعي
جود:حتى نا منسيتكش ..هادي الشنطه حطيتلك فها حاجات باش تقعدي تتفكري فيا
كريمه:بتتفكر الحروب والجبهات🙂
جود:غير اسكتي يما تخربي عليا ديما...المهم ريناد حانزوركم الايام هادي
ريناد:تسلميلي حبيبتي ❤
كريمه::سهام مسكينه راقده كنت بنوضها باش تسلم عليكم مهانتش عليا
ريناد:لالا خليها سيوره نجي ونشوفها ماهو امس شفتها اهم شي تتصلو وطمنوني شن يصير معاها
كريمه:حاضر...شافت لجود مستحيل تكوني رقدتي امس ومقصقصتيش
جود:🙄
كريمه:متشبحليش تربايتي انتي
ريناد:مفلوقه من الضحك بينهم
جود:توا نحكيلك القصه غير خليني لاهيا بي ريناد توا
كريمه:اي عارفاتك تهنني!جيش ي كبدي
جود:غريبه يوسف لتوا مطلعش ولا نزل يودعكم
كريمه:ماهو تعرفيه ميحبش يودع
جود:اشش اش يما سادك وانتي تغطي عليه!
عبادي:مش مسامحك ريناد لو مجبتيش مياسين لحوشنا تاني
ريناد:رقمي عندك وله امتا ماتبي تشوفها اتصل بيا
عبادي:منوووورهه رنووود!
مياسين:😉😉

________

حسن:خش للحوش ...سهااام سهام...فتتح بابا غرفة النوم فتش بعيون ملقهاش...زعما وين طلعت ...اكيد يوسف جي رفعها افففف منك ي سهام بس!...وطلع🔥

طق طق:-
عبادي:اكيد عمك هدا ...وخدا بعضه...وفتح الباب...تفضل؟
معتز:اهلين ...هظا حوش علي ؟؟؟
عبادي:اي اي تفضل انتا مني؟
معتز:انا ولد عم ريناد بويا بعتني باش نرفعهم لي حوشنا
عبادي:اهاا اي اي...لحضه بس

ريناد:حاضنه كريمه...بسلامه عمتي بنستاحش كل شي راهو
كريمه:شاده دموعهاا....ربي يبعتلك ايام حلوه
ريناد:انشاءالله قلبي ...وحضنت جود بنستاحشك حتى مشاكلك بنستاحشها
جود:بعيون يدعمو...نحببك رنودي
عبادي:هيا ريناد ولظ عمك يستنا
ريناد:اهااا مش عمي قصدك؟
عبادي:اي بعته عمك!
ريناد:تمااام...سلمت ع عبادي ...وخدت مياسين...بسلامه💔
مياسين:بعيون يدمعو....باااي عبودي
عبادي:ملامح وجه تغيرو معاش قدر يتحمل ....بااااي غدوه توا نجي ناخدك باهي
مياسين:نحببببببك انااا راهو...اممممممواااااححح
عبادي:🥺💔

حسن:كيف نازل من السياره....شاد معاه عيل صغير.....وخاااش

ريناد:ركبت مياسين السياره ...وقبل ماتركب شافت لبالكونة غرفة يوسف....وشفااته يتفررج عليهم...ابتسمت
يوسف:داارلها بااااي بيده ☺

ريناد:ركبت للسياره..💔
معتز:نمشي وله مازال!
ريناد:اءءء....اي اي عادي!
معتز:نزل مرش السيارهه...وطلع!

يوسف:رجع لمكتبه...ورفع سماعة تلفوونهه...الوو

جود وكريمه عبادي:يبكوو وكل حد فيهم يحكي في موقف ع ريناد وميسوو💔😭
حسن:السلام عليكم
سهام:كيف نازله من فووق ...حسسسن
كلهم:😳😳
سهام:هدا ولدك ي خااااااين جااااااوب
حسن:اي....يتببع!