رواية حب أناني ( روايات ليبية ) الفصل السادس عشر 16 - بقلم MBC LIBYA

#حب_أناني 16
ريناد:كيف طالعه من المطبخ
معتز:هجم علاها دخلها للمطبخ
ريناد:شن ادير معتز بعد عليا
معتز:تحسابيني منعرفش بعلاقتك مع يوسف وكيف ركبتي معاه السياره ورجعتو بعد خمسه دقايق شن بينك وبينه
ريناد:بعد من عليا وكلمني بي احترام توا نجاوبك
معتز:لا مش جاي نسمع منك...نبيك تفهمي كلامي كويس لو فكرتي تتزوجي يوسف انسسي مياسين للأبد
ريناد:هههه وانتا مني باش تاخد اختي
معتز:متنسيش انه انا اكبر محامي ونقدر ناخد مياسين وانتي راضيه
مياسين:عمي يوسف يبيك ع تلفون...
ريناد:بلعت ريقها بخوف....هاتي التلفون
معتز:بصوت عالي....نحكو في وقت تاني ريناد تصبحي ع خير
ريناد:فهمت حركة معتز... خدت مياسين ....وركبت!
يوسف:قعد ع الخط ويحاول يفهم الي صار
معتز:مقدرش يقول ولا حرف لانه مياسين معاهم!...خش لداره

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ريناد:سكرت الباب بغل.....خشي تمرقدي شن قتلك انا
مياسين:🥺 عع عمي يوسف اتصل نضت رديت عليه
ريناد:تلفوني معندكش علاقه بيه بسرعه للنوم
مياسين:مشت تجري لسريرها 💔

ريناد:اففففف اففففف
يوسف:كملتي؟
ريناد:بصوت خانقانه عبره ....تعبببت
يوسف:فهميني علاش كنتي لوطه وتهدرزي ع معتز شن قالك للحيوان؟
ريناد:تشهق من لبكاء....ومش قادره تتكلم
يوسف:اشش خلاص اهدي قبل واحكيلي
ريناد:تحاول تهدا وتمسح في دموعها....اءءء اءءءء انا !
يوسف:ماسك اعصابه...خيرك احكي شن في
ريناد:معتز شافنا بكري وقلي لو فكرتي توافقي ع زواجك من يوسف انسي مياسين
يوسف:وانتي هدا علاش تبكي؟
ريناد:اي كيف تبيني نكون معتز محامي يعني لو وافقت عليك بياخد مياسين
يوسف:يلعننن🔞....امسسحي دموعك وانسي الي قاله كله
ريناد:كييف؟ يوسف راهو يحكي جد هوا ومش حايخليني في حالي!
يوسف:هه ....ونا نسيتيني من يكون هوا ؟ وحتى لو محامي مياسين اختك انتي وانتي الي تقرري وين تعيش هيا ومياسين هيا الي تقرر قبلك انتي؟ فهمتي
ريناد:تمسح في دموعها....وشن بيصير توا ؟
بوسف:متبينيش انك خايفه منه  نهائيا فاهمه وحتى لو كلمك قوليله الي يعجبك ديره
ريناد:هكي يزيد يحقد عليا ويحطني في راسه
يوسف:لا مش راح يقدر يدير شي مدام عمك حي وعارف الاصول صح وله انا غالط؟
ريناد:اي عمي مستحيل يرضا بي ضلم
يوسف:تمام حبيبي نوضي توا اشربي المياه وتعوذي من الشيطان وارقدي
ريناد:ي روحي يعني نطمن معاش نفكر فيه
يوسف:رينااااد خلاص قتلك نوضي ارقدي نا معاك مش راح نرخي بيك !
ريناد:ابتسمت....تمام شكرا يوسف ❤
يوسف:وتأسفي من مياسين لانك تعصبتي علاها
ريناد:ي عمري علاها سخفتني بس والله مكنتش في وعيه
يوسف:لا فاهم عليك الصبح نتصل بيك ❤
ريناد:تماام حبيبي!
يوسف:ومتنسيش تحكي لي عمك انك مش موافقه ع معتز
ريناد:تمام حاضر ...تصبح ع خير
يوسف:سعيده...وسكر الخط !

معتز:نا هددتها وهيا أكيد مش راح ترفض قراري لانه نا متأكد انه ريناد معندهاش اغلا من ميسو
نوره:هه....يس مافيش شك وضروري غدوه اتم فيها ويتحدد العرس بسرعه
معتز:لو حكت لي يوسف اكيد حايفرد عضلاته وحايكلمني
نوره:مدوراش انتا قوله انه نا نقدر ندير اي شي في المحكمه
معتز:مش عارف انا مش مطمن لي يوسف لانه حتى هوا واصل في الدوله !
نوره:ايي لكن هوا يحب ريناد هلبا واحتمال كبير انه يدير اي شي ع خاطرها!
معتز:انتي بس خليك مع ريناد وزيدي خوفها مني وخليها متفكرش في يوسف وزواج منه نهائي!
نوره:تمااام حاضر...توا بنطلع نرقد تبي شي؟
معتز:متنسيش الي وصيتك عليه
نوره:😅...اكييد ...وطلعت!!

_________

حسن:حاط يديه ع وجه ....كأنه تأخر الدكتور معقوله عمليه 4ساعات
سهام:طول بالك اهم شي حسين يكون بي خير وانشاءالله مايكونش في خطر ع حياته!
حسن:نتصل بي عيله ونقولهم وله لن نطمنو ع حسين؟
سهام:لا استنا نطمنو ع حسين وبعدها اتصل واصلا الوقت متأخر غير بتصدمهم
حسن:تمااام....وجتت عيونه ع دكتور طالع من غرفة العمليات*
سهام:انششاءالله خير
حسن:طمني دكتور ؟
سهام:شنو دكتور صحة حسين كويسه او لا ؟
دكتور:الصراحه للأسف خش في غيبوبه واحتمال بسيط انه يعيش ادعوله
سهام:بصدمه...كيف دكتور شن عنده هوا شنو الي صارله
حسن:يشوف مصدووم بس💔
الدكتور:عنده كسسور في جسمه ودماغه للأسف متحول من مكانه لا اله الا الله لو عاش وتوا هوا في العنايه المشدده محتاج دعواتكم...بعد اذنكم...وطلع
سهام:شدت حسسن وقعمزت ع كرسي...خلاص حسن خلي ايمانك بربي قووي هدا ممكن امتحان من ربي
حسن:حضن سهام ومقدرش يشد دموعه...خويا حسين بيموتت وبيخليني
سهام:نزلو دموعها...صبر ي روحي ربي يطول في عمره ويرجع ينور العيله
حسن:💔

__________

يوم جديد:-

ع سفرة لفطور:-
كريمه:شن جو العيد ميلاد امس
جود:فمها معبي ماكله....يجنن يقتل طبعا بحضوري
كريمه:شنو الاوضاع مرت عمهم وبنات عمهم وهكي
جود:يبانو كويسين لكن مرت عمهم مورتش وجها تحسابنا ميتين علاها...لكن بنت عم وحده اسمها نوره قعدت معانا وهدرزت وهكي
كريمه:باهي اقل شي فرحتو لبنات شويه
علي:اي والله وسعتي خاطرهم
جود:اي بجد فرحو بيااا وحتى نا اصلا نفكر نعزمهم
كريمه:اي بنتي انشاءالله...المهم امتا قلك يوسف بيخطب ريناد؟
جود:مش عارفه محددش توقعي اليوم ههههه
كريمه:اي بتمشي معانا علي راهو
علي:اي اكييد وانشاءالله ربي يهنيهم
عبادي:صباح الخير
كلهم:صباح النور
عبادي:شفتي مياسين امس جود؟
جود:اكييد وقتلي بوسيلي عبادي
عبادي:بنمشي نجيبها توا
جود:ههههه اصبر بلكي يوسف اليوم بيرفعنا نخطبو ريناد
عبادي:اهااااا باهي انشاءالله ربي يهنيهم ويتزوجو في اسرع وقت
جود:اصلا يوسف قالي نخطبها وبنتزوجو بسرعه
عبادي:علاش مستعجل هوا ؟
جود:شي طبيعي يفكر في ولد عمها النحس اشبح شن يخططو حوش عمها هدا لاش مستعجل!
يوسف:ناااازل من فوق يجري....حسين حسين
كريمه:خيرك شن صاير
كلهم:😳
يوسف:اتصلت بيا سهام هيا وحسن في المصحه لانه حسين داير حادث حالته خطيره
جود:من صدمتها قعدت ساكته بس
كريمه:نااضت تجرري...احيه ع مصايبك ي وخيتي
يوسف:بسرعه يما متعطليش نستنا فيك برا
كريمه:من فوق...عبايتي بس وننزل
علي:نوضي جود كانا بتمشي معانا
جود:اءءءء ...اي اي هيا...وناضت!
عبادي:برو انتم انا بنمشي للمصحه بنشوفه!
علي :تمااام دير رايييك !...وطلع بيسخن السياره!

في لحضات وصل علي ويوسف وكريمه وجود لحوش فتحيه وشافو الزحمه الي قدام حوشهم وسيارات صحابه كلهم كأنه مات💔
كريمه:خشت بين الزحمه مفجوعه...ربي يصبرك وخيتي ادعيله انشاءالله ربي يشوف فيه
جود:خالتي وحضنتها وهي تبكي
فتحيه:فم كبدي نااااار خلاص معاش قادره نصبر
كريمه:بعيون يدمعو....الصبر ي وخيتي بس توا وادعيله انشاءالله يرجع سالم!
جود:قعمزت تبكي برغم انه الي داره فها حسين مش ساهل بككل ومع هدا وجعها لكن كلمته لما قلها دوري من ياخدك ؟كسسرتهاا💔

في المصحه:-في لحضات وصل علي ويوسف وكريمه وجود لحوش فتحيه وشافو الزحمه الي قدام حوشهم وسيارات صحابه كلهم كأنه مات💔
كريمه:خشت بين الزحمه مفجوعه...ربي يصبرك وخيتي ادعيله انشاءالله ربي يشوف فيه
جود:خالتي وحضنتها وهي تبكي
فتحيه:فم كبدي نااااار خلاص معاش قادره نصبر
كريمه:بعيون يدمعو....الصبر ي وخيتي بس توا وادعيله انشاءالله يرجع سالم!
جود:قعمزت تبكي برغم انه الي داره فها حسين مش ساهل بككل ومع هدا وجعها لكن كلمته لما قلها دوري من ياخدك ؟كسسرتهاا💔

في المصحه:-

عبادي:السلام عليكم
سهام:عليكم السلام...
عبادي:يطبطب ع حسسن....الصبر حسين قوي وحايرجع انشاءالله
حسن:بعيون ذبلانات...انشاءالله 💔
سهام:باهي الي جيت نبيك تقعد مع حسن لانه نا معاش نتحمل خلاص نعست
حسن:من بيروح بيك
سهام:عااادي توا ناخد تاكسي الحوش مش بعيد
حسن:تمام...واتصلي بيا لما توصلي
سهام:باست ع راسه...حاضر ورد بالك ع روحك💔
حسن:هز براسه
سهام:وطمني لو قال الدكتور حاجه
حسن:باهي حبيبي انتي ردي بالك بس وزي ماقتلك اتصلي لما توصلي
سهام:تماام حاااضر ...وطلعت!

ريناد:غيرت لي مياسين حوايجها ....هيا ي عمري انزلي افطري معاهم لو سألوك عليا قوليلهم توا تنزل
مياسين:تمام .....هاتي بوسه
ريناد:باستها...هيا انزلي شطوره
مياسين:نزلت ...وريناد رجعت ع سرير رفعت تلفونها بتتصل بي يوسف
معتز:خش وسكر الباب...شنوو ريناد كأنه كلامي مفهمتيشي؟
ريناد:اذكرت كلام يوسف ....والله انا ماعمره اثر فيا كلام حد
معتز:شنو نفهم يعني؟
ريناد:نا مش راح نتزوجك ومياسين اختي مش راح يقدر حد ياخدها مني لأنه مياسين مش صغيره هيا تحدد وين تبي تعيش
معتز:😨....وانتي من فهمك  لكلام هدا
ريناد:ماليكش علاقه بي شي انتا ماجيتش معاي بي احترام ومخليتش فرصه نحترمك
معتز:اوكى يعني نا حانتصرف مع يوسف مش معاك!
ريناد:علاش شن دخلك فيه رد بالك تقرب منه
معتز:هه...ورينا شن بديري ...وطلع!
ريناد :واحد حقير وداير روحه محامي ويفهم في العداله!

نوره:نخشش
ريناد:اي تفضلي!
نوره:شنو في بينك وبين معتز
ريناد:لا ولا حاجه بس هكي حكا معاي شويه
نوره:عليا ريناد...
ريناد:اءءءء...قاطعتها نوره...اشش ريناد متبرريش نا عارفه انه معتز يهدد فيك
ريناد:ايي ي نوره المره الاوله بي مياسين وتوا بي يوسف!
نوره:بخبث....وانتي شن قررتي؟
ريناد:نا مستخيل نسلم فيهم الزوز هوا مش مقدرني ولا محترم راي
نوره:بس معتز لكلام الي يقوله ينفده
ريناد:تنهدت....كيف يعني؟
نوره:مش عارفه ردي بالك منه ومتخاطريش بي حياتك وحياة ميسو ع خاطر يوسف😅
ريناد:💔

ساعه 9 في ليل:-

خلينا نحكو بي اختصار لأنه ورانا هلبا حاجات!

في المصحه:-
يوسف:السلام ....كيف الوضع
حسن:الممرضه كانت داخل طلعت تجري تنادي في دكتور ولتوا مطلعش
يوسف:ربي يستر ويرجع في احسن حال
عبادي:وين كنت يوسف؟
يوسف:سامحوني هدا وين فضيت كانت عندي عمليه وتوا كيف كملتها جيت هني
حسن:مش لايم عليك يوسف عارف خدمتك مسؤليه
يوسف:سلمكك ...زعيم!
الدكتور:طلع....وواضح ع وجه التعب
حسن:شش شش
يوسف:اهدا حسسن انتا اقوى من هكي
عبادي:حاط يده ع وجه...ويستنا في دكتور شن يقول!
يوسف:احكي دكتوره شنو وضع حسين
الدكتور:حالته مستقرة وتجاوز مرحلة الخطر لكن اضطرينا نقصو رجله يمين
حسسن:طاح من طوله وهوا مصدوووم💔💔
يوسف:تمام تمام دكتور شكرا
عبادي:ي حسن احمد ربي انه مامتش هدا شي كاتبه ربي
يوسف:حسن خليك قوي الحادث شنيع وربي شاف فيكم
حسن:يحاول يصبر نفسه...صعبه عليه هوا اول ماينوض بيشوف روحه انه خسر رجله شن بيكون موقفه
يوسف:الحمدالله ع كل حال متنساش ربي مياخدش الحاجه الا وراها مقابل كبير
حسن:ونعما بالله
عبادي:مافيش داعي تخبرو العيله انا نتصل بيهم ونقولهم حالته مستقره
يوسف:اي تماام طمنهم ومافيش داعي حتا يجو للمصحه اصلا لن نطلعوه
عبادي:تمام حانقولهم هكي !

ريناد:في صاله مقعمزه تتفرج ع تلفزيون
مياسين:ريناد علاش عمي عبادي مجاش اليوم
ريناد:عيونها ع تلفزيون....وعلاش بيجي ميسو؟
مياسين:وعدني يجي اليوم يرفعني عندهم
ريناد:بتخميم....اذكرت انه اليوم متصلش بها يوسف وحتى مسج مبعتلهاش ....يارب خير💔
مياسين:جعااانه ريناد!
ريناد:علاش باش نزلتي تتغذي بكري
مياسين:منبيش ناكل كنت نبي ناكل مع عبادي
ريناد:ههه قصدك تجوعي في بطنك...تمام اصبري شويه لعشاء ع نار نتعششو وبعدها نديرلك حاجه حلوه
مياسين:تمام ❤

ترن ترن ترن:-
يوسف:ألو
ريناد:اهلين وينك اليوم؟
يوسف:الباين من اتصالاتك
ريناد:اءءء....اسفه بس توقعتك انك مش فاضي وبتتصل بيا
يوسف:المهم اهو اتصلت بيك...كيف حالك؟
ريناد:نفس الجو نا زميسو ع تلفزيون
يوسف:شن صار في عمك؟
ريناد:من الصبح مشفتاش شكله عنده خدمه
يوسف:اي اي اليوم ع اساس كنت بنجيب العيله لكن مصارش
ريناد:بحيره...علاش؟
يوسف:حسين ولد خالتي تعرض لحادث شنيع..
ريناد:تنهدت بصدمه....عشن صار معاه؟
يوسف:للأسف خسسر رجله ليمين اضطرو يقصاها
ريناد:اذكرت طول جود....حمدالله ع سلامته ربي هكي كاتب الله غالب💔
يوسف:الحمدالله...شن لابسه توا !
ريناد:توته ووشاح زي ماقلتلي!
يوسف:اي خلاص مالا اركبي فوق لدارك
ريناد:تمام حاضر ....غدوه تعالا ارفعنا لي حوش خالتك
يوسف:باهي ومعتز رجع كلمك
ريناد:اي ع اساس يخوف فيا وانه بيتصرف معاك!
يوسف:قوليله احلم ع قدك
ريناد:تافه نا مش راح نسمحله يقرب مني ولو زاد معاي كلمه حانكلم عمي
يوسف:تمام لو رجع كلامك انا حانكلم عمك من غدوه
ريناد:حليلي منك....تمام عمري ❤
يوسف:تعشيتي؟
ريناد:لا مازال!
يوسف:باهي حبيبي خلي نشوف حسسن انا وانتي تعشي وجهك طول خير ما
ريناد:ما شنو ريحلي روحك
يوسف:مررريضض راهو
ريناد:ضحكت بدلع.....جماله
يوسف:هيا كثرتي ....نحكو بعدين!
ريناد:تمااام....نحببببك ❤
يوسف:نا ميت فيك حبيبي سلام
ريناد:سلام...وسكرت الخط!!

عادل:السلام....وين باقي العيله
ريناد:نوره في المطبخ وعمتي خديجه فوق قالت بريح راسي ومعتز طلع
عادل:اي اي ....وحط كيسة مليانه شكلاطه...مياسين
مياسين:ههههه جبتلي شكلاطه
عادل:اي ارفعها لي نوره
مياسين:خدتها ومشت!
عادل:شنو ريناد فكرتي في الموضوع؟
ريناد:الحق ي عمي ...فكرت وانشاءالله ربي يبعتله بنت خير مني!
عادل:ضحك ع جنب...تمام ي بنتي اهم شي انتي مقتنعه
ريناد:اي عمي واسفه سامحني!
عادل:لا بنتي انتي مغلطيش!
ريناد:شكرا عمي ع تفاهمك!
عادل:ولو انتي زي بنتي وحياتك تهمني!

#تسسسريع_الاحداث

بعد مرور اسبوع ونص:-

ريناد:مصارش معاها شي جديد تمشي كل يوم لحوش فتحيه هيا ومياسين طبعا يوسف كل يوم يرفع فها وعمها معارضش في شي هدا لانه عارف يوسف كويس وعلاقتها بي يوسف كل يوم تطور اكتر وكانو متفاهمين في كل شي ومع بعضهم يهبلو واما معتز كان يراقب فيهم وبدون ردة فعل منه لكن يوسف وريناد شاكين وراء هدوء معتز في شي كبير ❤

حسين:ناض من الغيبوبه وشاف حالته وعرف انه خسسر رجله طببعة الانسان لما يصير معاه اي شي مش حلو ع طول يقول انا شن درت باش يصير فيا هكي لكن حسين اول ماسأل نفسه لقااا الاجابات قدامه الي داره في جود والي قرر يديره مع ريناد لولا عبادي وغيرهم بنات بس غلط مع جود هلبا وربي جزااه بي شي هدا لأنه جود في رقبته وهوا الي لمسها وهددها ومن يومه مهستر ويحب يلعب لكن لي امتا هكي 💔

جود:اول ماسمعت بي حسين نهااارت من لبكااء ووجعهاا هلبااا وعرفت انه ربي كبير ومافيش حد يدير شي كان خير او شر ميجازيشي ربي عليه بس مع هدا قلبها حن وقررت تحكي مع حسين اول مايرجع 💔

________

يوسف:شاد حسين ....ورقده ع سرير
حسن:بي شويه الدكتور مانع عليه الزحمه
عبادي:تي كلهم صحابه بيشوفوه وبيطلعو
حسن:تمام خليهم يخششو ...لانه امي تستنا فيه ع نار🔥
عبادي:تمام...!

طبعا المربوعه مليانه بي صحابه ولقريب ولبعيد كلهم اجتمعو يسلمو ع حسين ويطمنو عليه لكن حسين كان متأثر هلبا لأنه رجله نقصتت والكل مصدومين فيه ومتوقعوش توصل حالته لهني واحد طالع واحد خاش ...💔

حسن:استغل الوقت ودخل حسين للحوش وهني كانت الصدمه دخلت فتحيه ووراها كريمه وجود وسهام وشافو حالة حسين وعرفو رجله نقصت فتحيه متحملتش طاحت طول وعرض وجود لما شافت منضره قعمزت من صدمه وسهام تذكر في القرأن وخلاص وكريمه تصبر في اختها وتبكي 💔

مننكرش انه كان موقف مش حلو بككل صار في العيله وكلهم وجعهم حسين لانه بجد الحاله الي وصلها مش ساهله وصعب الانسان يخسسر شي من جسمه 💔

________

ترن ترن ترن:-
يوسف:طلع بين الزحمه والهدرزه...الو
ريناد:في البالكوني تنشر في لحويج...وحاطه سماعات...اهلين حبيبي
يوسف:بخير وانتي؟
ريناد:كويسه حبيت نتصل لانه استحشتك
يوسف:حليلي منه لحنين انا !
ريناد:هههه...المهم شنو صار طلع حسين من المصحه
يوسف:اي اليوم طلع لكن حالته النفسيه مدمره
ريناد:ي ناااري ربي يصبره
يوسف:انشاءالله...نجيكم غدوه وله شنو؟
ريناد:اي عادي نحمدلهم وروح!
يوسف:تمااام ي قلبي...ومره وحده بنفتح الموضوع مع عمك والعرس الاسبوع الجاي
ريناد:😳...الاسبوع الجاي مره وحده؟
يوسف:اي الاسبوع الجاي احتا العيله هني متأثرين بي حسين يعني لو بنستنا حانقعدو شهر تاني وهكي معتز يستغلك فالهدا مضطرين نتزوجو ع سريع
ريناد:خااايف يخطفوني منك
يوسف:اي خااايف ونا ولد عمك مش مطمن ناحيته بككل
ريناد:ولا حتى نا اصلا الي تششوفه مناسب ديرهه ونا معاك!
يوسف:هه ....غصبا عنكك!
ريناد:جمالهه الاناني انا!❤
يوسف:في حببكك اناني بسس!
ريناد:🤤

__________

ساعه 7 المغرب:-

جود:حاطه بكرج القهوه ع نار وتستنا فها تفوج باش تقدمها لضيوف الي معبين الصاله
سهام:جنبها تستف في الحلو....فاجعه صارت بجد الانسان ضروري يكون ديما واخد احتياطه
جود:اءءء...اي ....سمعت تلفونها يرن
سهام:وصلك مسسج ...نا بنطلع تبي حاجه ناديني
جود:باهي...وخدت تلفونها ....انا حسين تعالي لداري نبيك في موضوع ضروري....اول ماقرت المسج قعدت تبكي ...💔

ريناد:حاط رجل ع رجل ومقعمزه بينهم كلهم
خديجه:شنو ريناد سمعت انك رفضتي
نوره:فوتاها ماما ريناد علاقه مع يوسف وبيخطبها الايام هادي
خديجه:😨...اءء مسستحيل
نوره:فنصت في خديجه....اي ماما خيرك قريب بنحضرو عرسها
ريناد:نحرجت من مرت عمها...اي
خديجه:ربي يهنيك😏
نوره:انشاءالله
ريناد:سلمك☺
معتز:خشش...قعمزز!
ريناد:خدت تلفونها وبدت تصور وكأنه تحاول تحرق دم معتز
معتز:تنفرررزز وناااض خش لداره!
ريناد:برافو رنو ...ملهه فكهه يععععع
خديجه:شافت لنوره ومش عاجبتها حرركات ريناد!
نوره:غمززت لي امهااا...بمعنى توا تششوف!
ريناد:حست بي تصرفاتهم بس تجاهلت!!

جود:حاطه الوشاح في نص راسها....خشت وسكرت الباب وراها.....السلام
حسين:وجه كان تاعب...عليكم السلام
جود:قعمزت ع حاشية السرير جنبه....كيف حال صحتك توا؟
حسين:زي ماتشوفي الحمدالله💔
جود:الحمدالله...تبي شي حسين مني؟
حسين:اي...نبيك تسامحيني !
جود:😅...ولا يهمك حسين نا سامحتك وحتى انتا سامحني!
حسين:عدل روحه...لا انتي مغلطيش فيا ونبيك تسامحيني
حسين:مسامحاتك معاش تفكر في شي!
حسين:لالا انا ربي عاقبني ع الي درته والي درته فيك مش ساهل
جود:بعيون يدمعو...خلاص حسين قتلك سامحتك والله
حسين:مد يده لاها ....من اليوم نبدو صفحه جديده!
جود:ههه اي اكيييد!
حسين:نبي نطلب منك طلب مش عارف ممكن متوافقيش!
جود:شنوو؟
حسين:تتزوجيني جود؟

ترن ترن :-
عادل:فتح الخط...الو
يوسف:اهلين عمي كيف الحال؟
عادل:الحمدالله بخير...وانتا؟
يوسف:كويس...بنقولك ي عمي نبي نحكي معاك في موضوع ضروري
عادل:نا في الحوش تفضل!
يوسف:تمااام انشاءالله شكرا!
عادل:العفوو !
يوسف:سلام...وسكر الخط
نوره:من الي بيجي هدا؟
عادل:يوسف
ريناد:ضحكت داخلها ...هههه واخيرا❤
معتز:شافلهااا بحققد...نوضي نوره جيبي قهوة راسي صداع
ريناد:جيبيله معاها حاجهه يقولو تهدي الاعصااب😅!
نوره:😅...تمام!

جود:🥺🥺
حسين:ردي جود مش حانزعل منك مهما درتي فيا!
جود:بعيون يدمعو ....اي موافقه!
حسين:ابتسم من قلبه....مش عارف كيف نوصفلك فرحتي!
جود:نجبرت ي حسين متنساش انك لمستني !
حسين:بصدمه ....يعني انتي كرهتيني ؟
جود:لا انتا اول ماحسيت بغلطك كبرت في عيني وحسيت بيك!
حسين:جبدها بيده من رقبتها....وربي بنت اصول!
جود: ❤

________

طق طق:-
عادل:هدا اكيد يوسف ديري قهوه وخلي يلحقها معتز للمربوعه وطلع!!
ريناد:توا نديرهاا نا ع سريع...وخشت للمطببخ!
نوره:مصح وجها حقيره تمااادت هلبااا
معتز:ضحك بخبث....خليها مش راح ننسالها الي ادير فيه
نوره:شن ناوي ادير سمعني؟
معتز:نوعدك ريناد مش راح توافق
نوره:كيف يعني ؟
معتز:غدوه حاتتفرجي ع كل شي وعد
نوره:ضحكت بخبببثث.....😎

عادل:بجد فرحتني يوسف وتشرفت بيك اكيد
يوسف:يزيدك شرف
عادل:لكن الشور شور البنت لو وافقت هيا ليك!
يوسف:اكيد اهم شي رايها
معتز:فتح الباب وخشش....كيف الحال؟
يوسف:بدون مايشوفله....كووويس
معتز:قدم لي يوسف القهوه....وبعدها عطا لبوه....وقعمز!
عادل:ترا ي معتز نادي ريناد
معتز:بلع ريقه...تمام...وطلع!!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ريناد:كيف خاشه لغرفتها تغني احيه ي حيه
معتز:انتي انتي هي
ريناد:خيييرك؟
معتز:انزلي يبييك بويا في المربوعه
ريناد:😍....سساوت وشاحها ...ونزلتت تجرري!
معتز:خش لدارهه....وسكر الباب!

جود:مقعمزه وشاده التلفون
سهام:شنو جود خانم شن يبي فيك حسين بكري
جود:شي يفضفض
سهام:لكن طلعتي منه فرحانه اكيد في شي
جود:ايي وانتي تقصقصي...يبي يتزوجني!
سهام:تنهدت بصدمه...ناقص مستحيل تكوني وافقتي!
جود:اي وافقت وعلاش بنرفض ونا نحبه!
سهام:خلينا في صراحه احنا الزوز نعرفو انه حسين مايحبكش وتوا لما نقصت رجله وخلاص مافيش بنت بترضا بيه بدا يحبك ونغرم فيك
جود:اذكرت كل شي...انتي مش عارفه شي
سهام:شنهوا الي مش عارفاته كل شي واضح متكدبيش ع روحك!
جود:نا نحبه حتى لو معاق عادي
سهام:ديري رايك من يومك مضحوك عليك!
جود:هياااا ماما كلمي عبادي بروحو!
كريمه:اتصلي بيه اكيد برا هوا!
جود:تمام...واتصلت!

______

عادل:خشي بنتي قعمزي
ريناد:خشت قعمزت جنبه...ها ي عمي شن في؟
عادل:ي بنتي يوسف جاي ويبي يطلبك مني
ريناد:اي وانتا شن رايك ي عمي؟
عادل:انا عارف يوسف كويس  وعارف انه انتي مش راح تلقي خير منه وراي انك توافقي!
ريناد:لكن ي عمي انا منبيش!
يوسف:😮....يتبببع!!