رواية حب أناني ( روايات ليبية ) الفصل الثامن عشر 18 - بقلم MBC LIBYA

#حب_أناني 18 والأخيره

ريناد:خشت للمطبخ..فتحت الثلاجه....معاش عرفت شن اطلع منها كانت مليانه...دوبك طلعت حاجات ع خفيف...لن سمعت تلفونها يرن...افففف هادي اكيد جوري المجنونه ...وطلعت  لغرفتها ...خدت تلفونها...وهيا تقرا في رساله مصدومه.....كلميني في اقرب وقت لانه لو مدرتيش زي مانبي حانبعت الصور لي راجلك كلهم ولو فكرتي تحكيله شي اعتبريه ميت ...
ريناد:سكرت التلفون بيدين يرجفوو....مستحيل الحقير سراج يديرها وشن فكره فيا توا ؟ اكيد معتز وراء كل شي ؟ شن فكره فيه ؟
يوسف:طلع من الحمام...حبيبي!
ريناد:اءءءء...انعم
يوسف:قرب منها هيا خلينا نفطرو مع بعض ونبيك جنبي نبي نشبع منك
ريناد:بلعت ريقها بخوووف ....اي حاضر لكن انا بنمشي للكوافيره
يوسف:لالا نفطرو ونحطك في حوش اهلي تمكيجك سهام وجود
ريناد:باهي تمااام ...وجايه بتطلع
يوسف:جبدها من شعرها....وبدا يشم في ريحته...تعرفي ريناد انا انحبك وشعرك هدا نخاف حد يشوفه نتمنا حتى لما تطلعي من دار تلبسي وشاح
ريناد:ابتسمت ونزلت راسها ع جنب...علاش؟
يوسف:لانه كااان يهبل فيا فيه لمعه تجنن
ريناد:تلفتت وجت قدامه بزبط....باهي هيا ي فالح نفطرو امك تبي دير محضر
يوسف:يمسح ع شعرها....حاضر عمري لكن خلينا نرجعو نرقدو ساعه بس
ريناد:يوسف بلا هبال هيا وقت علينا
يوسف:جبدها من خصرها....مش قادر الزححح
ريناد:بساته ع خده وبعدت  بسرعه....هيا وقت
يوسف:شبحلها من بعيد....زيدي العبي بي مشاعري
ريناد:رغم صدمتها بس محاولتش تبين لي يوسف شي ...هههههه....وطلعت!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

جود:متأكدين هدا كله الي بنحتاجوه اليوم
سهام:اي كل شي كتبتوه جبته واصلا احنا مش عازمين حد
كريمه:لالا ساد وهلبا ماشاءالله غير نوضي بالك انتي وياها خلي نبدو قبل مايوصل خوك ومرته!
جود:بدت توتي في حاجات المحضر لن انتبهت ع مسج واصلها...فتحاته

(انا اياد ياخاينه صار علاقه مع حسين والله كنت شاك انها لعبة منك انتي وياه باش نبعد عليك لكن اليوم خوك حايعلم بكل شي وله تحسابيني بنسكت وصورك ممسحتهمش توا تشوفي شن يصير فيك )من وين طلعلي هدا ضروري نحكي لي حسين قبل مايجي التافه ويدير مشكله💔

ريناد:خشت لغرفة النوم....شنو يويف كملت؟
يوسف:اي حبيبي شن رايك فها لبلوزه هادي؟
ريناد:اتجهت تفتح في الروشن ...خاطري نشوف الشارع
يوسف:تي سسسسكرري علاش تكسري في كلامي شن قتلك الصبح نا؟
ريناد:بزعل...بهي يوسف بشويه هدا غير اول يوم بس
يوسف:متزيديش الدوه معاي خلاص ريناد!
ريناد:سكتت وهيا في داخلها تردد....هدا لو يسمع بي القصه ممكن يقتلني ؟
يوسف:قرب منها وبحركة مفاجئه عطاها بوسه ع خدها ورجع قدام لمرايا بخ برفان ويشوف بنضرات خاطفه لي ريناد
ريناد:كانت شارده وتفكر وعلامات الزعل ع وجها
يوسف:سخف علاها وقرب منها رنودي
ريناد:حول يدك يوسف
يوسف:جبدها من يدها نغاار الزححح
ريناد:ابتسمت عرفاته يبصر...تبصر عليا صح؟
يوسف:قرص خدها.....حليلي لما تزعلي وجهك يزيد حلاوه!
يوسف:زاد باسها ع خدها....هي حبيبي نا طالع متبي شي
ريناد:لا ي روحي لكن متعطلش عليا
يوسف:نا مش متحمل فراقك دقيقه وتقوليلي متعطلش
ريناد:ابتسمت....باهي قلبي نستنا فيك
يوسف:حاضر....وطلع!
ريناد:قعمزت ع سرير وبدت تبكي وتفكر شن بدير؟ وكيف تتصرف...لن سمعت صوت مسج تاني ...فتحاته!

ترن ترن ترن:-
جوري:الو عبادي
عبادي:تي وينك هدا غير نستنا فيك بتكلميني
جوري:اسكت ترا نا حاصله في بويا نقنع فيه يجيبني قللي صارلك زي ام زكي
عبادي:ههههه يعرف يشبه الحاج
جوري:مش وقتك توا قوليلي شن ندير معاه بس
عبادي:مدخليش بيك ضروري تجي نستنا فيك وربي وربي نختش راهو
جوري:اففففف اهو بنحاول معاه تاني ادعيلي
ريناد:باهي عاد باش تقول لي امك وخواتك عليا خلاص راهو مره تانيه معاش جايه لانه بوبا احتمال يتبرا مني
عبادي:ههههه اي حبي غير لخبطيه بسرعه وتعالي
جوري:تمام هي باي راجلي المستقبلي
عبادي:باي ي ام الصغار❤😂

جود:وربي محلاك متوقعتش تطلع عليك الفجره
جوري:سكري فمك مصحك ريناد اي شي تلبسه يطلع علاها من بعيد
جود:اي عارفتها قمر لكن متوقعتش تطلع هكي بجد اليوم ضروري نقرو عليك القران
سهام:غير سكري فمك انتي وياها قولولي ام روج نحطهولها
جود:ديريلها عنابي يمشي معاه!
جوري:مازال حطيلها احمر خدود زياده حسيته مطفي
جود:اي بلكي تبي نحطولها تنت كرهوني فيه البنوت
جوري:هيهيهي وربي زيك ...ترا شوفيلي رنود
ريناد:🙂
جوري:تجنني تحفه طالعه اليوم يوسف يركعع قدامكك
ريناد:ههههه
جود:بالله شن صار معاكم امس احكيلي هكي وله هكي
ريناد:مبردكم الزححح بلا براده كملي انتي وياها
جوري:تزوجت بدت تتأمر وراسك معاش تفكريتي بهلبا ناس
سهام:ماشاءالله تبارك الرحمن الروج زادك جمالك
جود:اي اي مش عادي بكل علاها
كريمه:السلام عليكم
كلهم:عليكم السلام
كريمه:الله وحد عليك ماشاءالله ع بنتي
جود:سلم الارتست جود
سهام:🙄
جوري:مصحك من حطلها لكريمه ورسم العين
جود:اسكتي نا عدلتهم وخليتها غزاله شويه كانت بتهجج الناس
سهام:هههههه سكري فمك انتي وياها دايرتلي ناقر ونقير
ريناد:مياسين وين؟
جود:اء...قاطعاتها جوري مع عبادي طلعو لسوق لكبير بياخدو حاجات
جود:غبر فيك الاخبار عندك مساويه
جوري:فنصت فهاا...اشش امك هني
جود:ماما تعرفتي ع كنتك الجديده؟
كريمه:عارفه عارفه بلكي تحسابيني صغيره
جوري:😨🤦🏻‍♀
ريناد:ناضت لبست عبايتها لعرايسيه...يوسف البرا يستنا هيا كان بتطلعو
كلهم:اي اي هيااا ...طالعين!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ريناد:ركبت السياره وكان جنبها يوسف لابس زبون لون نيلي
يوسف:غطي وجهك كويس
ريناد:شن تشوف فيا فاتحه شعري ولابسه مرايات
يوسف:مطوليش اسانك ريناد ديري زي ماقتلك وريحيني
ريناد:حبيبي نا لابسه عبايه
يوسف:ابتسم مجبوره تتحمليني
ريناد:ابتسمتله بي حب❤

جود وجوري وسهام رجعو للحوش باش يكملو باقي الحوسه ويستقبلو الناس عاد قريب يأذن المغرب ❤

جوري:اول ماوصلت ركبت لدار عبادي وقعدت تستنا فيه لانه موصاها هكي
عبادي:اهلين بالحلوه..سكر الباب وخش
جوري:مقعمزه ع سرير وقلبها بدا يدق بسرعه
عبادي:كان محلق ومدوش وطالع يجنن...قعمز جنبها وحط يده ع يدها....تحبيني جوري؟
جوري:اي اكيد نحبك ونزلت راسها
عبادي:باهي بنقولك شي ونبيك تفهميني
جوري:حست بالخوف من كلامه...شتي عبادي طمني؟
عبادي:علامات الحزن ع وجه فتحت الموضوع مع امي وبوي
جوري:أي باهي خيرهم؟
عبادي:الحق موافقوش
جوري:قصدك عليا ؟
عبادي: ايي لكن بنحاول معاهم لن نقنعهم لو موافقوش نتمنالك خير مني
جوري:سحبت يدها ووقفتت....متأكد عبادي؟
عبادي:ههههه خيرك وووووه منضرك تي مايقدرش حد يمنعني منك
جوري:ضرباته ع كتفه...وقفتلي قلبي
عبادي:ههه حبيبي وحضنها❤

________________

ريناد ويوسف صورو في المصور وخشو الخيمه مع بعض كانو طالعين ع بعض يجننو❤

قعمز شويه ع كوشه ويوسف عيونه ع ريناد ومهتم بها كأنه بيبي ❤

جود:كملت معاهم ترتيب كل شي ...وهيا تتفكر في المسج الي وصلها من اياد...قررت تطلع وتتصل بي حسين !

سهام:مقعمزه ع كرسي تتفرج عليهم بس لانها حامل وحسن موصاها انه متلمسش شي شاده كيسة سمينسا وتعلق ع جوري وجود😂

جود:تتصل بي حسين يسسكر علاها من البدايه وبعدها بدا يعطي فها مقفل ...حطت يدها ع قلبها وبدت ترعش مع بعضها زعما اياد مشاله وله حكاله شي عليا وبدت الافكاار السلبيه تتزاحم في راسها وخايفه لكن مقدرتش تخلي الككل ومتنزلش نزلت لكن عقلها مش معاها 💔

اما جوري:كانت واخده حصه مع الكل وتهدرز مع الجميع وكانت اسعد وحده بينهم بعد سهام عاد عبادي قرر يخطبها ويتزوجها الايام هادي ووعدها مش راح يبعد علاها نهائي❤

_______

بعد ماصورو وتعشو وكملو المحضر بي زمزامات كان محضر مقوووم جت ساعه 11 وبدت الناس تروح في جرت بعضها اما الباقي قعدين بايتين حتى سهام باتت ❤

_________

عبادي روح بي جوري ومعاهم جود طبعا طول الطريق وهيا تفكر في حسين الي لتوا مشفتش منه لا رساله لا مكالمه💔

ريناد روحت هيا ويوسف ❤

ريناد:قعمزت ع سرير بي وهيا لابسة البدله لكبير ومكياجها لقوي تنحي وبدت تحول في الفجره
يوسف:قرب منها وبدا يساعد فها ...فرحان الزح مش مصدق انك وليتي مرتي ومافيش حد ياخدك مني!
ريناد:شافت لي عيون يوسف....حبيبي
يوسف:ذوباته الكلمه....وزاد قرب منها وبدا يساعد فها بسرعه هيا رنود باش نتعشو
ريناد:ابتسمت براحه ...باش نتعشو صار؟
يوسف:متوترنيش راهو معاش قادر متحمل ❤
ريناد:خليني نغير يوسف متوترنيش
يوسف:طلع لي صاله وريناد حايره شنو بدير؟

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

كانت ليلة رومانسيه بين جوري وعبادي ويخططو لكل شي وبس علاقتهم كانت نضيفه وبسيطه ومافيش حد وقف في طريقهم ❤

اما جود الليل كله تتصل بي حسين وتبكي خايفه من الي في راسها يطلع صح والوقت كله وهيا تتصل ويعطي فها مقفل وجود كل شويه تتأكد انه حسين ممكن يفوتها تاني ويسيبها؟؟💔

ريناد:كان شعورها مختلط بين الحب والفرح والخوف مرعشها التافه سراج في اول ايام زواجها لدرجة مش جايه بي اي شي حلو قعد يصير برغم يوسف الوقت كله يدلع فها وهكي بس منستش قصة الرساله ومش قادره تحكي لأنه خايفه ع يوسف خاصة انه سراج مجرم وخاش في جو لحرام 💔

بس مرقدتش لن خدت قرار وبعتت مسسج لي سراااج ومتعرفش الخطووه هادي لي وين ممكن توصلها؟💔...جت عيونها ع يوسف وهوا راقد جنبها بجماله وشخصيته وبرأته يهبل بس قلبها كان مكسوور💔

ساعه 3 في ليل:-

جود:مقدرتش ترقد رغم انها تعبانه وجسمها متكسسر لكن النوم هرب منها لانه الانسان لما يكون كار بي شي صعب يبدا معاش حاس بي شي 💔

يوم جديد:-

ريناد:فتحت عيونها ببطئ....شافت جنبها ملقتش يوسف...خدت تلفونها بتشوف الساعه ...شافت رساله من يوسف....حبيبي مهانش عليا انوضك انا بنرجع بعد ساعتين عندي شوية تقارير في المصحه المهم اول مانرجع نلقاك واتيه لانه بنرجعو لحوش العيله..نحبببك❤....ردت عليه بي مسج وحتى نا نحبك عمري نستنا فيك....وناضت خدت حوايجها ...ودخلت ..لدوش!

في حوش.علي:-

ع سفرة لفطور:-
كريمه:اتصلي بي خوك تأكدي منه بيروحو اليوم وله مازال
جود:بصوت نعسان...امس ريناد قتلي بنجو خلاص مافيش داعي نتصل
كريمه:باهي مالا شويه ونوضي ديري غذاء
جود:يما ريحيني جوي زفت ومعنديش بال في شي
سهام:خلاص يما توا ناوياك نديروه مافيش مشكله
عبادي:خلاص عرس يوسف ومحضره تم توا عرسي نا
كريمه:ناقص غير انتا استنا السنه الجايه نديرولك احلا عرس
عبادي:خيرك يما تحكي من عقلك وله تبصري؟
علي:مستعجل الولد زوجيه واسكتي!
كريمه:باهي توا نفضوله مازال حتى الاسبوع نخطبو وبعدها ساهل شن تحسابنا اجانب
عبادي:لالا مش اجانب لكن بندير زي يوسف وله خير مني هوا
كريمه:وكك من يقدرك انتا ؟ تي باهي توا نزوجوك اصلا مله فكه منك
عبادي:قاعدلك هني تحسابيني بنطلع
كريمه:اكيد بتقعد هني اصلا مافيش حد يعيش برا حوش العيله
عبادي:ي سعاد خانم ي فكري انتي!😂

ريناد:هيا ادور في دار وتفكر هل يوصل سراج قبل يوسف او لا ؟ وخايفه ترعش مع بعضها ؟ لن سمعت باب الحوش يطق:-

طلعت فتحت الباب وشافت سراج قدامها وشاد سلاحها
ريناد:بلعت ريقها بخوف.....سس سراج
سراج:دفها وسكر الباب...شنو حبيبتي تزوجتي ونسيتيني
ريناد:خلاص سراج عطيني الصور واطلع نا متزوجه توا
سراج:يشوفلها بعيون حقد....محلاك بعد الزواج
ريناد:هيا سراج اطلع بسرعه يوسف ع جايه انتا وعدتني تعطيني الصور وتطلع
سراج:تحبيه؟
ريناد:اي نحبه هوا كل شي بالنسبه ليا
سراج:نسيتي الايام الي بينا وذكريات بسرعه
ريناد:انتا بعدت وسمعت عليك كلام هلبا مش حلو واليوم بتهدديك ليا اكدتلي كل شي
سراج:لكن انا قعد نحبك وهدا كله مايدلش ع انه منحبكش
ريناد:سراج خلاص اطلع يوسف ع جايه منبيش يصير شي بسببي
سراج:بصوت بارد....خايفه عليه مني؟
ريناد:بدت تحاول ادفهه
سراج:جاوبيني ريناد علاش سيبتيني
ريناد:وانتا كنت محبوش من طلعك من الحبس ومن باعتك ليا احكي؟
سراج:تبي نقولك من بعتني ليك انا عارف انك وافقتي نجيك ع خاطر خايفه نقتل يوسف او نديرله شي؟
ريناد:ميهمكش خلاص اطلع سراج ع خاطر العشره الي بينا بالله عليك 😭
سراج:خلاص انا بنطلع لكن سامحيني مضطر ندير حاجات
ريناد:انتا خاين نتوقع منك اي شي ولا يهمك
سراج:انتي وصلتنيني لهني وخليتيني نختار حياتي مقابل نخربلك حياتك
ريناد:يعني معتز هوا باعتك ليا
سراج:اي هوا وتوا نستاذنك ريناد
ريناد:وين الصور باهي الي قلتلي عليهم
سراج:مافيش لا صور لا شي الصورك كلهم حدفتهم لما شدتني الشرطه كنت خايف عليك!
ريناد:بعيون يدمعو اطلع بسسسرعه منبيش نخسر يوسف في جرتك اطلع
سراج:دف ريناد بقوووه ...وطلع!!

سهام وكريمه في المطبخ حايسين جود خدت بعضها وقعمزت ع كنبة في صاله خدت تلفونها بتتصل بي حسين برغم انه عارفه مافيش امل يرد علاها....اول ماحطت تلفون ع ودنها سمعاته يضبح حست نفسها تسكر....
جود:الو
حسين:ايوا
جود:متقوليليش انتا وينك من امس؟
حسين:عندك وجه تتصلي بيا؟
جود:بدت تتنفس بسرعه وتبلع في ريقها....خيرك حسين؟
حسين:انتي تعرفي روحك في شن حطيتيني وين وصلتيني؟
جود:خخ خيرك حسين انا والله نحبك ونهااارت من لبكاء معاش قدرت تكمل
حسين:تبي تعرفي علاش امس تلفوني مقفل؟
جود:تبكي بي شهقه...اي علاش؟
حسين:بصوت حاد ...امس وانا ماشي عندكم الفرخ اياد شفته قدام حوشكم توقعت في خيانه من ورايا حاصرته بي سياره ونزلت
جود:وانتا بي حالتك هادي؟
حسين:نزلتله لمست شعراته وخدووده من الكيف لي ع كيف
جود:شن درتله حسين؟
حسين:خليته يعتررف بكل شي بعد ماوكلته غذاء سمحح!
جود:تسمع ومصدوومه
حسين:نحببك ي عمري ي بنت الاصول
جود:وقفتلي قلبي وربي نمووت فيك وفي حبك ❤😂
حسين:عندي خبر تاني لكن حلو
جود:شنو؟
حسين:حددنا نا وعبادي عرسنا الاسبوع الجاي مع بعض!
جود:انا ذوبت خلاص من لحلاوه اليوم
حسين:❤

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

ريناد:فتحت عيونها ببطئ ...بدت تسترجع في ذكريات واذكرت الي صار واخيرا مشا وارتحت منه زعما يوسف وين لتوا مرجعش
يوسف:فتح الباب بقووه....ي خاااااااااينه
ريناد:عيا مقعمزه ع الارض...بصوت يرعش....يووسف
يوسف:لوح التلفون فهميني هدا شني كيف درتها من ورايا تبعتيله في مسجات معقوله قعدا تحبيه منسيتيشي....ريناد تحاول تقاطعه لكن يوسف مستمر يتكلم...لو قلتيلي منحبكش ونحبه هوا كنت انا دفعت فلوس وطلعته من الحبس ادووووي نكلم فيك
ريناد:بعيون يدمعو...اءءء مش قصدي نجيبه لكن هوا هددني بيك بيقتلك
يوسف:شن تخررفي انتي كيف تجيبيه للحوش علاش محكيتليش علاااااااش كسرتيني تكلمممممي

ريناد:جسمها كله يرعش.....اءءء لالا مش هكي يوسف خليني نفهمك
يوسف:خيانه في وسط حوشي ي ريناد انا الي فضلتك ع نفسي وحبيتك
ريناد:تحاول تفهم يوسف
يوسف:لو تأخرت دقيقتين ع الحوش كنتي طالعه معاه شن درتلك انا باش تخونيني
يوسف:فتح الدولاب وطلع سلاحه
ريناد:لا متقتلاش وراس حبي لا
يوسف:حط اخر رصاصه.....معندكش شي عندي خلاص الحب الي بينا طلع وهم بس كل شي كددب
ريناد:يوسف افهمني انتا مش حبيبي بس انتا ...يوسف قاطعها سكري فمك عندك وجهك مازال تكدبي

ريناد:قربت منها بأنفاس متقاطعه...كنت نبي نحميك منه شوف تلفوني واقرا الرسايل حاتفهمني والله
يوسف:مش قادر متحمل منضر ريناد بشكل هدا...خلاص حولي مهما كان انتي مفروض مدرتيش هكي من ورايه
ريناد:بدت تبوس فيه ع فمه وع لحيته وجبينه وخده...نحبك يوسف وربي ماعندي غيرك سامحيني
يوسف:وييين تلفووونك؟
ريناد:تفتش بعيونها....لانه معاش تذكر وين حطاته
يوسف:شافه ع سرير....خدااه وطلع ردي بالك تطلعي من هني فاهمه
ريناد:باش قلت بنرجعو للفيلا
يوسف:مافيش رجوع معايه لن نحل موضوعي معاااك ونفهم من الي خطط لهدا كله 💔
ريناد:يوسف فوته نا خايفه عليك ياخدووك مني وراسك متمشيش ع خاطري
يوسف:دفهااا بقووه .. مخلتيليش اي خيار تاني ريناد....وطلع!!

اما ريناد:نهاااارت من لبكاااء ومش فاهمه شي وخايفه يقتل سراج وينحبس في جرت غلطتها كان شعور الندم مسيطر علاها🔥💔

ساعه 7 المغرب:-

ريناد:قعدا في نفس لمكان وموقفتش وهيا تبكي ومتعذبه من داخل تستنا في يوسف ع نار وخايفه تصيرله حاجه في جرتها ...لن سمعت باب الحوش ينفتح ناااضت تجري
ريناد:يوسف رجعت؟
يوسف:كان تيشرته معبي دم ...البسي بسرعه بنطلعو من هني؟
ريناد:اءءء يوسف مدرتش شي غلط صح يوسف طمني شن درت انتا؟
يوسف:دخل الحمام...وبدون مايرد علاها!!

ريناد:خشت لغرفتها وهيا متوتره...ترتب في حوايجها وحوايج يوسف وتفكيره في يوسف شن بيدير وشن دار؟💔

يوسف:طلع من الحمام ...خش لغرفة النوم بدل ملابسه ...خدا مفاتيحه...البسي وانزلي لي سياره
ريناد:قعدت ترتب في كل شي بسرعه باش تنزل...مسحت دموعها ونزلت قلبها يدق وراسها معبي اسئله💔

_في الوقت هدا كان حسين يهدرز لي امه ع زواجه من جوود وعبادي رافع بوه باش يكلم بو جووري ❤

.🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

#تسريع_الأحداث:-

بعد مرور اسبوعين:-

يوسف:معاملته لي ريناد كانت مش حلوه ميكلمش فها نهائي قدام العيله بس شويه شويه ومع هدا كلهم ملاحضين انه في شي وطبعا ملمسهاش بكل ولا يرقد جنبها ولا شي وكان حاط في راسه انه بعد فتره حايطلقها وريناد كانت تحاول تتقرب منه بس هوا مسكر راسه ومش عاطيها وجه 🔥

اما كريمه وجود كانو مشغولين بتحضير التجهيزات لعرس جود وعبادي ❤

وسهام وحسن كانو مع بعض يهبلو في هلبا عائلات زيهم حياتهم بسيطه وحبهم ع قدهم وخالين من المشاكل وطبعا لاهين بي لبيبي وفرحانين هلبا بيه ❤

__________

ساعه 10 الصبح:-

ع سفرة لفطور:-

علي:رشف رشفة من القهوه...وفتح الجريده...واااو مستحيلا
كريمه:اقرا اقرا شن في؟
علي:معتز عادل ..... اكبر محامي في لبلاد واخيرا تم القبض عليه بتزوير ادلة المتهم او المجرم سراج بعد انه اعطاه التنازل
جود:هدا ولد عمك معتز وله مصحه طلع نصاب
كريمه:زعما علاش طلعه اكيد متفقين ع شي ربي يسترنا منهم
يوسف:فهم كل شي ...ريناد هاتي تلفونك دقيقه بس
ريناد:عطتهوله!
يوسف:فتح ع رسايل وبدا يقرا فيهم من البدايه باش يفهم اكتر لانه المره الاوله مقدرش يقراهم
ريناد:ربي ياخد الحق منهم
جود:اصلا مرتحتلاش انا بككل!
مياسين:خلاص ريناد شبعت
ريناد:صحه ي قلبي❤
كريمه:نوضي جود بسرعه نوضي عبادي يرفعك للموزين
ريناد:اي وقت حبيبتي
كريمه:شويه ومتعين الخيمه يوصلو
ريناد:نا بنمشي مع جود لانه حتى جوري حاجزه في نفس الموزين
كريمه:باهي بنتي
يوسف:حط تلفون ريناد ع طاوله ...هيا صحتين بنطلع
ريناد:يوسف نحسبك في لغذاء
يوسف:طلع بدون مايرد علاها
ريناد:شافت لي جود...🥺

________

ساعه 7 المغرب:-

ريناد:لابسه قفتان لونه نيلي مطفي مع شعرها الي قعدا فيه صبغة العرس ولونه قريب بني مع مكياج الباربي الجديد وتسريحه بسيطه عباره ع شعر مفتوح ونفخة شعرها من قدام مع بروشه صغيرونه💙

في الموزين:-
جود:وقفت في لمرايا...واخيرا حسيت روحي بننخنق
جوري:لابسه الفيلو ومقعمزه تاكل....وربي شكلك احرف مني متحبيش الرسميات
جود:اي اول مره عاد حتى خطوبه مدرتش
جوري:نفس الجو حبيبتي اهم شي خديت الي نحبه
جود:اي والله اهم حاجه❤

______
ريناد::كانت مقعمزه في الخيمة بين الناس والكل يتفرجو ويتهامسو علاها وهيا تفكيرها في يوسف وبس 💔

بي اختصار :-

وصلت جود للخيمه ودرجوها بي شويه لن وصلت للكوشه كانت تحفه تهبل ❤

طبعا جوري مدرتش عرس بوها معقد وخواف سلمت ع امها وبوها وع طول جابها عبادي وقعمزت ع كوشه جنب جود ريناد شاده البخاره وكانت معاهم لحضه بالحضه وتتفرج عليهم كيف فرحانين وطالعين يهبلو ❤

لحضات خش عبادي طلع عروسته وركب هوا وياها فوق اما جود طلعاها لسياره لانه حسين رجله ميقدرش ❤

وتم عرسهم ع خير وكان كل شي راقي وجميل❤

___________

فضت الزحمه وريناد وسهام كملو الحوسه سهام روحت مع راجلها وريناد خشت لغرفتها❤

ريناد:بدلت حوايجها بدون ماتمسح مكياجها لبست روب عنابي نفس لون روجها وكان قصير طبعا الحنه لفووق وكان جسمها يجنن 😅
يوسف:خش ...فتح الدولاب بدون اهتمام لها كالعاده
ريناد:وهيا مستنده ع سرير....لي امتا هكي؟
يوسف:يغير في حوايجه...وبدون مايرد عليها
ريناد:يوووسف امتا بتنتهي المهزله
يوسف:قارن حواجبه...معاش مازال هلبا ونطلقك وترتاحي
ريناد:هههههه انتا بطلقني وبتخليني لغيرك؟
يوسف:مني انتي ؟
ريناد:انا ريناد حبيبتك الي تعادي الكل ع خاطرها
يوسف:كاان زماااان متكونيش واثقه من نفسك لدرجه هادي لانك انتي حا تتعبي
ريناد:به قولي كرهتتتتك ترا
يوسف:نحى الساعه حطها ع رف
ريناد:يوسف هيا قولها متتجاهلنيش
يوسف:ايي
ريناد:شنو اي قول كرهتك
يوسف:نسيتك ريناد ايام ونطلقك ومعاش تعنيني
ريناد:هههه الكدب باين في عيونك ي دكتور
يوسف:ابتسم..وككيف جاي بيطلع
ريناد:بصوت مستفز...خلاص طلقني عادي توا نرجع لحوش عمي وبنضطر نتزوج معتز الكلب
يوسف:هجم علاها بقووه....وخنقها بيديه بتسسسكري فمك
ريناد:1 شي راهو
يوسف:قارن حواجبه وابتسملها
ريناد:قعد تحبني يوسف انتا تحبني
يوسف:نطلب منك طلب
ريناد:بخوف شني؟
يوسف:مستعداا تتحملي حبي الاناني
ريناد:اي بدون ماتشرح عليه انا تفرجت ع كل شي
يوسف:هلبا حاجات حاتكون ممنوعه ليك
ريناد:نا عندي يوسف؟
يوسف:حبيتك بي انانيه كل يوم ونا تحاول نسيطر ع نفسي مقدرتش نبيك ليااااا لياااااااا وبس
ريناد:حتى نا دعيتني وتوا مصابة بنفس المرض
يوسف:اسم المرض حب اناني❤
ريناد:بساته ع لحيته...ليااااا وبس❤

__________

بعد مرور سنة:-

سهام:اهلين ي عيله
جود:مقعمزه ع كرسي....ي وخيتي نجاها طالعه حلوه زي خالتها
عبادي:الي يسمعك يصدق اسكتي مش عارف كيف حسين يرقد جنبك
جوري:بطنها قدامها...عبادي خاطري في زلابيه
عبادي:وين شفتاها
جوري:في قناة فتافيت وراسك حبي
جود:ههههه فلستي بيه حرااام عليك😂
جوري:احيه سهام يهبل قفتانك خاطري في واحد زيه...عبادي شوفه حلو وله
عبادي:🤦‍♂️

_____
ريناد:شاده بخااااخ بعد عليا يوسف متقربش مني ريحتك اخيه
يوسف:مدووش ي عن فيك مرتين في جرتك اول مره نسمع بي وحم يقعد لشهر التاسع
ريناد:هدا مش وحم ريحتك مش متحملتها
يوسف:اففففف منك وطلع لصاله
ريناد:بدت تحس بي اوجاااااع....يووووووسف
يوسف:خيررررركك
ريناد:نزل نزززل الووولد خلاااااص
يوسف:خش للغرفة وينه وينه ؟
ريناد:اررفعننني للمصحه ي حمااااار
يوسف:طلع عبايه ووشاح...وين الخيمار متعك
ريناد:مش وقته بنمووووت بسرعه
يوسف:يلبس فها في لعبايه .
ريناد:كللللههه منككك كلههه منكككك😭

_______

جابت ريناد ولد وسمووه اويس ❤

النهاية......

نبيش نطول عليكم بس نصيحه مني ردي بالك تبعتي صورك ردي بالك تلعبي في شرفك باش لما تاكلي الكف تبكي ايام وشهور بدون ماتكوني خايفه لانه مش عاطيه شي ❤

لما تحبي اعرفي تختاري الي يناسبك ويناسب اهلك الي تحسيه راجل قول وفعل مش يكثر لكلام لمعسسل وانتي ترخي وبعدها تتحسبي لا ي قلبي انتي في بداية عمرك اختاري صح متخليش حد يضحك عليك❤

لو انتي حاليا في علاقه فاشله نسحبي ارجوك حتى لو عندك شوية شك بسيط فيه نسحبي ع ضمانتي راهو عيل وبيرخي بيك ❤

نا وانتي والكل غلطنا مافيش انسان معصوم من الغلط بس في شي اسمه توبة ومحلاها لما توبي وتخلي الناس تحبك وترجع توثق فيك مدام باب التوبه قعد مفتوح انتي عندك فرصه تغيري كل شي والله ❤

ومتنسيش راهو ذرة شرر منك بس حاتتعاقبي عليه في الدنيا قبل الأخره صدقيني انتبهي لي تصرفاتك ردي بالك تفتني وتلعبي بي مشاعر حد وراسك انتي اي حد نضلم في جرتك يوم انتي حاتعيشي سنين مقهوووره  ❤

واي انسان تحسيه قووي وقاسي صدقيني هدا واكل كف بعد ماخسسسر كل شي من بينهم عيلته علشان شخص ميستاهلش يقعد يتنفس دقيقه لتوا❤

ونا ميلو مقتنعه بي شي نفسي ثم نفسي ثم نفسي الحب مش شي اساسي في حياتي حب عيلتي وصاحباتي والناس الي تحبني اهم شي ❤

متنسوش تحطو رايكم لأنه بنقرا تعليقاتكم ❤