رواية حب أناني ( روايات ليبية ) الفصل الثاني عشر 12 - بقلم MBC LIBYA

#حب_أناني ..12

ترن ترن ترن :-

يوسف:هدا عبادي
ريناد:اكيد ميسو اتصلت ع رقمي لقاته مقفل
يوسف:رد...ألو
عبادي:بصوت عالي...مياسين مياسين خطفااااهاااا
يوسف:شنوو وين انتا؟
ريناد:طاحت ع الارض...مياسين خيرهااا تكلم شن قالك
يوسف:بوجه مليان حقد شاف لي ميار....مياسين نخطفت
ريناد:نااضت وشدت يوسف من سوريته....شن تقول شن تخرف انتا كله منك اكيد نفس الناس الي درت معاهم المشروع  نبي اختي ي حيوان
يوسف:يتفرج علاها بس ومش قادر يعيط علاها
ريناد:يووسف اختي ميسو😭..
كريمه:لالا شن تقول انتا من بيخطفها ياربي ع ميسو
جود:شافت لي حسين بصدمه
حسين:حرك راسه يمين ويسار ..بمعنى معنديش علاقه بي الي صار
ميار:تبلع في ريقها ..خايفه يوسف يشك فها ويفضحها قدام الكل
علي:هيا اطلعي ي كريمه خلي نلحقو عبادي ونفهمو شن صار
ريناد:تجبد في بلوزة يوسف وتعيط دير حل علاش واقف فهمني كلمهم يرجعاها
يوسف:يحاول يركز ويفهم الي صار....شد ريناد من يدهاا بقووه
سهام:حاطه يدها ع قلبها...لا حول الله البنت صغيره علاش خطفاها
حسن:سهام متقعديش هني بري مع بوك انا بنلحق يوسف بنشوف شن بيصير
سهام:تمام حبيبي حاضر!
يوسف:ركب السياره وركبت معاه ريناد ...وطلع!!
حسن:ركب سيارته
حسين:استنا استنا بنمشي معاك...وركب السياره
حسن:طلع وراء يوسف!!

كلهم ركبو في سيارة علي وطلعو!!

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن🔥

في الطريق:-

يوسف:الو محقق طه شن الامور
محقق طه:اهلا سيد يوسف الحمدالله
يوسف:بنقولك مياسين نخطفت ونا شاك في عامر باعت حد
محقق طه:كم ليها ساعه مخطوفه
يوسف:اقل من ساعه ...نبي منك توزع الشرطه في كل مكان وتسكر الطيران والحدود
محقق طه:تمام تمام لكن اكيد الفاعل حايتصل بيكم
يوسف:يعني هوا بيطلب شي
محقق طه:اكيد توقع اي شي منه ممكن ناوي يقتلها
يوسف:لا ضروري نعرفه مني نبيك تحقق في كل شي وتعرف رجال عامر وين يتمركزو بزبط
محقق طه:حاندير جهدي ونفتح محضر بس ضروري تجي توقع
يوسف:تمام خلي نفهم من خويا القصه ونزيد نعطيك التفاصيل
محقق طه:تمام نستنا فيك سيد يوسف
يوسف:تمام مشكور..وتسكر الخط!!
ريناد:دموع في عيونها...شش شن قالك ؟
يوسف:توا بنحطك في الحوش لانه بنمشي للمركزي
ريناد:لا مش راح نرجع للحوش بدون ميسو مستحيل 🔥
يوسف:مالا بنرفعك بمنضرك هدا لمركز الشرطه
ريناد:خلاص يوسف مش وقت كلام انا نبي ميسو افهمم انتا السبب في كل شي لو كان تصيرلها حاجه نهبل نا نموووووت 😭💔
يوسف:حضنها بيد وحده ...اششش خلاااص نوعدك مش راح نرجع للحوش الا وميسو معايه خلاااص
ريناد:حليلي زعما شن صاير فها توا  😭

علي:تي كيف ياخداها منك وانتا ساكت
عبادي:يخبط ع راسه ويدور في نفس لمكان كانو مسلحين ومغطين وجوهم حااصرو السياره وخدو ميسو مني حاولت نمنعهم مقدرتش كانو هلباااا
جود:يعمي هما ناوين ميسو بين الكل
كريمه:زعما بوها عنده اعداء من قبل
جود:نا حاسه الموضوع ميخصش يوسف لو كان يخصه كان خطفو حتى عبادي معاها
علي:اشش وانتم حشيشتكم تخرفو قصص
عبادي:بصوت حزين...خدااها مني قدام عيوني مستحيل نسامح روحي لو نعرفهم بس ونحصل عليهم اففففف ياربي اففففف!!
علي:وين مشا يوسف خيره مرجعش للحوش
ميار:اءءء....تصلت بيه سكر عليا
جود:معاه ريناد اكيد مش راح يمشي لمكان وهيا معاه
سهام:اكيد خبر الشرطه وهما حايتصرفو!
ميار:😨😨
يوسف:السلام
ريناد:خشت تجري حضنت كريمه...ي عمتي اختي ميسو مش قاااادره نستوعب الي قعد يصير وخيتي كلميهم يجيباها هيا متحبش ترقد الا جنبي 😭😭
سهام:يحليلي وخلاص حسبي الله فيهم
علي:يوسف كلمت الشرطه شن صار معاك علاش رجعت للحوش!
يوسف:لا بنطلع توا بنوقع ع محضر والشرطه بتحاصر المنطقه وبتوقف كل شي!
حسن وحسين:دخلوو !
علي:باهي خلي حسن معاك
حسن:اكيد انا معاه...فكرت نمشو لحوش عيلة عامر
حسين:اي شي تبووه نا جاهزز لو تبو نطلع مع عبادي وندورو عادي
يوسف:انا واثق انهم حايتصلو  بيا
كريمه:باهي مرات مش عامر ركز مرات عندك حد ناويلك الشر غيره هوا؟
يوسف:تي مني بيراقبنا وعارف انه احنا طلعنا وعبادي مروح بروحه وشاف لي ميار
ميار:😨😨
ريناد:شن قصدك ؟ من بيخطفها باهي وشن ناوي يدير
يوسف:تنفس بعمق...انا بنطلع توا عندي مكان بنمشيلها لانه نبي نحول الشك
حسن:ونا ماشي معاك!
يوسف:ميار تعالي نبيك فوق
ميار:تت تمام
يوسف:استنوني برا شوويه ونازل!
حسن:تمام !

ريناد:ياريتني مشيت معاكم كيف نخلاها بروحها معاك
عبادي:حاس بتأنيب الضمير...كله مني ياريتني ماروحت بها
ريناد:معاش نقدر نصبر بالله عليكم ادعولها نا متأكده انها خايفه زعماا شن صاير معاه يارب راهو معنديش حد غيرها يارب خليهالي
جود:سخفتها حالة ريناد....وبدت تبكي😭
سهام:حضنت بوهااا...😭
كريمه:تقرا في القرأن وتدعي 💔
عبادي:خش لغرفة الموسيقى متعه وبدا يكسسر في الي يجي قدامه💔

__________

يوسف:خش وسكر الباب!
ميار:رد بالك تكون شاك فيا يوسف
يوسف:شافلها بقرف...لا اكيد مش شاك فيك انا متأكده ميه في الميه
ميار:سنونها يطقطقو من الخوف....لا يوسف علاش بندير هكي انا؟
يوسف:انا الي حانسأل وانتي بتجاوبي نا مش عارف شي
ميار:لا يوسف انا والله مادخلي بي الي صار ومنعرفش من خطفها
يوسف:وقف قدامها..بصوت مليان جمود...ميار من الي متعود يراقب فينا وله حاول يقرب حد من عيلتي وكيف وعلاش بذات اليوم الي نحبس فيه عامر بعقلك في حد بيخطف في ليل شن عرفه انه ميسو بتروح مع عبادي؟ تكلللللممممي
ميار:😨...اءءءء
يوسف:انا سخفت عليك وع عيلتك ومخليتهمش يسجنوك ودفعت للعلم بس دفعت كفاله يعني نا ضمنتك انه لو درتي اي شي تاني حاننسجن انا معاك
ميار:تمسح في دموعها....بب باهي لو حكيتلك متخليهمش يسجنوني
يوسف:انننببببحححي قولي علاااش درتي هكي
ميار:عع عامر اتصل بيا قالي حانفضحك في المحكمه
يوسف:يعني مش حايرجع مياسين لن نا نتنازل ونخليه يطلع
ميار:😓...اي💔
يوسف:علاااش مياسين بذات
ميار:كان يبي يهدد ريناد باش توقعله ع شركتكم
يوسف:هههههه وانتي مازال تبي تتسلطي وتكسريني
ميار:لا يووسف انا نحبك مستحيل نخونك
يوسف:هههه وهدا كله مش معتبراته خيانه
ميار:كل شي ينحرق الا انتا خليك معايه
يوسف:وين تلفونك؟
ميار:اءءء....طلعاته من الشنطه...هدا
يوسف:اتصلي بي الحقير توا
ميار:شش شن نقوله؟
ميار:ع اساس تطمني عليهم تتغبي ع فيتي وانتي للحضه هادي كل شي ماشي كيف ماتبي
ميار:حح حاااضر..!!
يوسف:قعمز ع سرير....هيا اتصلي نستنا فيك!

حسن:علاش عطل يوسف
ريناد:لو ميبيش يدير شي انا بنطلع بروحي ندوور علاها
علي:استهدي ي بنتي اكيد يوسف عارف كيف يتصرف

سهام:متمشوش لمكان الا ومعاكم الشرطه
حسين:صدقوني المجرم مش ساهل يشدوه هوا حايتصل لانه يبي فلوس او شي بس
جود:احيه لو طلبو الشركه مثالا تخيلو نبدو فقراء عشان فرخه
ريناد:بصوت مستفز...والفرخه بسبب من نخطفت ي محترمه
جود:سكتت خافت ريناد تتفاعل وينفضح المستور
حسن:خلاص مش وقت كلام احنا حانمشو لحوش عامر ونتأكدو والشرطه حادير واجبها
كريمه:سكرت المصحف....لالا انا عندي امل انهم حايتصلو بي يوسف ويطلبو مبلغ ويعطيهم ويطلقاها
سهام:ربي يسمع منك يما وترجع
علي:لكن توا ساعه 11 مافيش حد منهم اتصل
حسين:واضحه يمشي في طريق يوصل لمكانه يتمركز قبل  وبعدها يخطط واكيد الصبح حايتصل
ريناد:شااادتها بكاء بس😭

______

يوسف:حلو حلو ....يعني مياسين في الحوش الارضي
ميار:اي وصيتهم علاها انه مايديرولها شي
يوسف:ومقالكش امتا بيتصلو بيا
ميار:الصبح بيتصل بيك باش تكلم الشرطي ويطلق عامر
ميار:باهي باش قلتي انه بيتصل بيهدد ريناد باش توقعله
ميار:اءءءءءء
يوسف:ههههه وله هادي لصالحك انتي تلقي بشن تعيشي بعد ماتطلقي
ميار:نزلت راسها ...اءء يوسف شن بدير توا!
يوسف:ردي بالك تكوني تلعبي عليا لانه اقسم بالله المره هادي مش راح نرحمك
ميار:لالا والله زي ماقالي قتلك
يوسف:خلاص نستنو لصبح ...لكن انا حانطلب منك شي
ميار:كييف؟ زي شنو؟
يوسف:حاتتغير خطتهم وانتي بديري الي نقولك عليه
ميار:تهز براسها....تمام وكيف تبيني نتصرف
يوسف:انا توا ننزل للعيله ومضطر نكدب عليهم وراجعلك
ميار:😨..تمام
يوسف:هاتي تلفونك
ميار:هاااك
يوسف:خداه وطلعع!!

ريناد:تتنهد بالبكاء...الو جوري
جوري:ايوا وينك ليا ساعه نتصل
ريناد:الحقيني جوري ميسو خطفاها
جوري:تنهدت بصدمه....مستحيل شن تقوولي
ريناد:اي ولتوا مافيش اثر علاها
جوري:كيف خطفها ومن خطفها انا شويه ونجي
ريناد:تمسح في دموعها....تمام تعالي نحكيلك الي صار
جوري:هيا هيا حبيبتي...وتسكر الخط

يوسف:قعمز بينهم....توا اتصلو بيا!
ريناد:كييف شن صارر
كلهم:اي شن قالو؟
يوسف:غدوه الصبح يبوني نتنازل ع قضية ويسلمولي مياسين
ريناد:تنهدت...اكيد حاتتنازل صح
يوسف:شي طبيعي بدون مانفكر
حسن:شنو قالو ع مياسين ؟
يوسف:لا متخافوش مياسين مع عائلة عامر ومش راح يديروله شي لكن لو علمت الشرطه بي شي حايكون خطر ع ميسو
ريناد:تمام اتصل بي المحقق وقوله مادير شي!
يوسف:بعتله مسسج وهوا حايفهم
سهام:واحد حقير ...زعما ميسو مش خايفه!
ريناد:ياروحي ي ميسو تورطت في شي معندهاش ذنب فيه انا مستحيل نقعد دقيقه هني بعد ماترجع
يوسف:وين بتطلعي من عقلك مافيش مكان امان ليكم الا الحوش هدا
ريناد:بعقلك انتا تتكلم عاجبك الي صار في اختي في جرتك
يوسف:مكنتش نتوقع توصل بيهم لهني!
ريناد:اففففف ياربي شن بيصبرني بس
عبادي:انا الي خطف مني ميسو مش راح نسكتله نهائيا
حسن:مش وقت شي توا خلي ترجع البنت وكل شي ليه حل
ريناد:انا بنمشي نعيش عند جوري خلاص انا منقدرش نكون جزء من عيلتكم
يوسف:ناااض وهوا متنفرز من تصرفاتها!
جوري:السلام...خيركم مخلين باب الحوش مفتوح شكلكم عيله تحب الخطف والمشاكل ...قعمزت جنب ريناد وله تعزمو في الخنابين باش يخنبو
حسن:هادي مني؟
سهام:صاحبة ريناد
جوري:علاش تسأل عليا واضحه وحده حلوه زيني صاحبة ريناد ...اي اي قبل ماننسا كيف خطفو منكم مياسين وينه هداكه الأشقر الي مداير روحه راجل وعضلات ودايرلي فها جون سينا
سهام:😂...سكتاها انا بنموت من الضحك
حسن:ههههههه
جود:سكري فمك مياسين اطمنه علاها والصبح حاتكون هني
جوري:بري سلكي شعرك انسسة فتنه
حسين:خيرك خيرك بزبط انتي شن مشكلتك
جوري:امممم تهدديد افندي داير روحك هاماتك العيله فكرتني في مؤمون في باب الحاره
ريناد:ناااضت وهيا مغصووصه!
جوري:انا راكبه نهدي ريناد وربي وربي لما اربيكم واحد واحد دايرين فها عائلة شاد اوغلو وله الي مداير روحه مهند
كريمه:ههههههه
جود:افففففف راسي صداع وين كنا وين اصبحنا
حسين:شافلهاااااا بهدووء
سهام:حبيبي نا منقدرش اروح ونخلي ريناد اليوم
حسن:عادي حبي اركبي خليك معاها حتى نا بنقعد في المربوعه
حسين:حتى نا قعد اليوم...وين عبادي!
علي:طلع مش عارف اصلا مش راح يهدا لن ترجع مياسين!
كريمه:وين كانت لمصايب مدسوسه

كريمه:وين كانت لمصايب مدسوسه
علي:وكلي ربي هوا بس عارف شن بيصير!
كريمه:ربي يسستر!

_________

جوري:تي بدون ماتسأليني مش راح تقعدي انتي هني
ريناد:خلي ترجع ميسو بس انا حانطلع من هني وندور خدمه خلاااص
جوري:ايي والي يقولوله يوسف متخليشي يتمرجل عليك
ريناد:انا معنديش مشكله مع حد هدا قراري ونا خديته خلاص
جوري:اي خليك قويه متضعفيش قدامه مش زي كل مره يتحكم فيك وانتي تسمعي في كلامه!
ريناد:تمسح في دموعها ....لا خلاص حانفضح كل شي قدامهم ونقولهم انه حسين وراء كل شي باش ميحطش اي سبله قدامي
جوري:اي ونا معاك متخافيش المره هادي نصبغله شعره اسود 😂
ريناد:جوري ميسو مش جنبي اليوم
جوري:ي روحي عليك لكن اطمني مش عصابه خطفوها يعني مع العيله قعدا. واكيد حاترجع الصبح
ريناد:حضنت جوري ...يارب احفضلي ميسو💔

يوسف:هيا وجهك ارقدي متحلميش تطلعي من الغرفه لن انا نسمحلك وتلفون متحلميش بيه الليله
ميار:باهي الي قلته ممكن يسبب خطر عليا
يوسف:لا متخافيش انتي مدخلكش مش حايشك فيك حد
ميار:باهي الصبح نكلمه زندير زي كاتبي لكن مطلقنيش
يوسف::جبد الورغااان بقووه...وتكااا بيرقد
ميار:جت من وراه وحضناته وهيا تبكي💔
يوسف:سكر عيونه ومش متحمل نفسها🔥

فااات الليل:-

ريناد:الليل كله مقدرتش ترقد وهيا تبكي وتفكر في مياسين شن دير وشن بيصير فها خاايفه علاها لانه اول مره يصير معاها هكي وتبعد مياسين علاها وخدت قرارها انها مش حاتقعد خاصة انه حسين وجود موصلوش للي يبوه يعني تبي تفضحهم قبل ماتطلع ومعاش متردده💔

🔥مـــيُـــلــو حــــسسـٰـــن🔥
🔥مـــــيُــــلــــووو حــــسـٰــن

يوم جديد :-

يوسف:خش للحمام...خدا دوش سخون وطلع لبس سروال جينز اسود وبلوزه رماديه وساعه كحله وبخ برفاان قووي
ميار:تمشط في شعرها...بتفطر قبل وله نطلعو
يوسف:خليك واتيه بننزل للعيله شويه
ميار:قول بنطمن ع ريناد علاش توهم فيا
يوسف:شافلها بي استحقار.....ديري زي ماقتلك
ميار:ناضت فتحت الدولاب...بدت اطلع في حوايجها
يوسف:فتح الباب وسكرره بقوه ...وطلع!!

ع سفرة لفطور:-

كريمه:زعما امتا بيمشو يجيبو مياسين
جود:مش عارفه يوسف هدا وقت الي يطلع فيه
سهام:مش قصة وقت مش خدمه هيا هما بيتصلو بيه  بيحددو لمكان
علي:حاتفوت زي ماجت صدقوني اول مايتنازا يوسف حاترجع  مياسين
عبادي:يتفرج ع لفطور ومش قادر ياكل
كريمه:كول عبادي قصه وصارت معندكش ذنب انتا !
جود:كوول كول مش راح ينفعك شي سيوره تطلع وتقلب وحها هيا واختها
سهام:ومن قلك انتي انهم بيطلعو من الحوش
ريناد:هيا قالت مش راح نقعد دقيقه هني
عبادي:خبط بيده ع طاوله وناض!
كريمه:اسكتي وانتي زي قناة الحدث تجيبي غير في الأخبار الشينه وياريتها حق
سهام:شاده ضحكتها ...جود خلاص عيب الي تقولي فيه اصلا خوك يوسف مش راح يخلاها تطلع
علي:انا مش راح نخلاها ريناد ومياسين امانه عندي !
حسن:صباح الخير
كريمه:نوضي جيبي لراجلك خبزه
سهام:حسين بيفطر وله قعد راقد
حسن:لا حسين طلع من بكري ترا شن عنده
سهام:باهي خلي نجيبلك فطورك!
حسن:تمام !

يوسف:صباح الخير
كلهم:صباح النور
يوسف:قعمز...وهوا يفتش بعيونه ع ريناد
ريناد:صباح الخير
يوسف:رفع عيونه فها بدون مايتكلم !
جوري:شن صار فيكم ؟
كريمه:اللطف غير قولي صباح الخير
جوري:قعمزت...اسكتي انتي شريفه خانم توا اصلا علي بيطلقك بديري علاقه مع محامي الشركه وله معندكمش انتم
يوسف:احم احم
ريناد:فنصت في جوري!...شربت كوب لعصير!
يوسف:وصله مسج..تن تن!
ريناد"تنهدت هدا اكيد الي خطف ميسو
يوسف:باهي شنو يعني بتمشي معاي
ريناد:بلعت ريقها ....اءء اي بنمشي هادي اختي
حسن:رد بالك تطلع من غيري
عبادي:جي من برااا....نا بنمشي معاك يوسف
يوسف:خلاااااص مافيش حد حايمشي معاي غير ميارر
علي:لالا هكي خطر ضروري تعرف حسن معاك
يوسف:لا مافيش حد حايطلع من الحوش لن نوصل انا ومياسين!
ريناد:نااضت مغلوله!
يوسف:صحتين...وناااض!

___________

جوري:شنو انتا افندي كيف تخليهم ياخدو منك البنت
عبادي:مني انتي باش تكلميني بالاسلوب هدا
جوري:تي اسكت توري توا في رجوليتك علاش موريتهاش ع الي خطفو مياسين
عبادي:سسكري فمك
جود:شن تحسي انتي فهميني!
جوري:زي احساسك وانتي في تعرفوو اليوم ليا 6 ايام كيف الانجليزي شن يقولولها Sixday😂😂
جود:حقيرررره
جوري:وتي روحك قربت الحلقه الاخيره 😅

علي:هههههه تبي تمر ي بنتي!
جوري:اووو فكري بيك اسفه منتبهتش😅
عبادي:🤦‍♂️
سهام:وين ماشي حسن
حسن:نوضي نبيك البرا!
سهام:حاضر هي!
_______

يوسف:اتصلي توا
ميار:شش شن نقوله
يوسف:انه سيد عامر بعتك باش تشوفي مياسين وتخلاها عندك
ميار:تمام انا بنمشي وبروح باها معاي
يوسف:اي وانا وشرطه نكونو هجمنا عليهم بدون ماتنضر مياسين
ميار:هدا كله باش متتنازلش ع القضية
يوسف:ايي اكييييد !
ميار:تمام...وكتبت الرقم

______

حسن:حبيبي لو رجعت ميسو خليك بايته معاهم اليوم
سهام:متخوفنيش عليك وين بتقعد انتا؟
حسن:لا حبيبي متخافيش انا عندي موضوع بعتني ليه يوسف نتمه ونرجع
سهام:وهيا تساويله في رقبة بلوزته....باهي حبيبي اتصل بيا وطمني!
حسن:تمام ياروحي اول ماترجع مياسين كلميني !
سهام:حااضر حبيبي اكييد !
حسن:تمام ردي بالك ع روحك توا نبعتلك حسين يرفعك تجيبي حوايج من الحوش!
سهام:لا حبي توا ندبر روحي ناخد من جود ولا يهمك
حسن:تمام غلاي ...باي توا
سهام:ابتسمت....باااي❤

______________

يوسف:اني طالع توا اي اتصال يجيكم متردوش عليه لن تكلموني
علي:تمام انشاء الله غير رد بالك ع روحك بس
يوسف:انشاء الله خير !
جوري:غير رد بالك تروح مياسين وانتا لا بس
جود:😏😏
علي:تفائلي خير ي بنت
يوسف:هيا ميارر !
جوري:لالا مش مطمنتلها هادي تي هادي وجها نحسس وله رافعها باش تتمركزو في جبهتها
ميار:شدت يد يوسف هيا حبيبي!
يوسف:شافلها بتقزز...بمعنى حولي يدك
ميار:😨...تت تمام هيا خلينا نمشو!
يوسف:لبس نضارته...وطلع!
ميار:لحقاااته!

ترن ترن :-
حسين:كيف طالع من الدوش ولاف المنشفه عليه....ألو
جود:ايوا حسين امتا بدير حل خلاص ريناد بتفضحنا
حسين:يمشط في شعره ع لمرايا...من قالك انتي؟
جود:صاحبتها جوري اليوم تلقح ع كل شي وعبادي حسيته يعرف بكل شي
حسين:مستحيل ونا نقول خيره متغير معاي؟
جود:مش وقته لكلام هدا والله لو خويا يوسف يسنع بالي صار لما يتبرا مني وانتا ينتقم منك!
حسين:لااا مش راح يصير شي متخافيش اول ماترجع ميسو حايقعدو لاهين باها
جود:لا ريناد ناويه تطلع من الحوش وهكي لو سألها يوسف ع موضوع الي تحملت مسؤليه شن بتقوله؟
حسين:باهي كان خاطري فها الززز🔞...لكن عادي حتى انتي مليحه
جود:شن يعني ؟
حسين:تي حمار حمار انا حصلت فيك بنتزوجك وخلاص
جود:تماام تعالا في اقرب وقت!
حسين:وجهك...وتسكر الخط !!

__________

جوري:تي وين انتي قلبت عليك الحوش
ريناد:انا مشيت مع يوسف وميار النحس!
جوري:تي كيف وهوا حلف مايمشي معاه حد
ريناد:لالا انا في الكوفني ركبت!
جوري:هههههههههه...يعطيهالك ...وربي خطيره
ريناد:باهي باي توا خليني نسمع حديثهم
جوري:هنيني...باااي!
جود:علاش تضحكي ؟
جوري:الهي في روحك اشقي بحياتك بلكي انا مجنونه ونضحك مع روحي شن مشكلتك انتي؟
جود:اي هوا مجنونه اصلا
جوري:فارده عضلاتها تحساب روحها في مصارعه ريحي روحك وتي روحك للحفله!
سهام:ههههههه وربي عسسل قداش تغيريلي في جوي!
جوري:😁😁

__________

يوسف:بسرعه اتصلي بيهم قوليلهم انك وصلتي
ميار:حااضرر....
يوسف:تعرفي اي حركه متعجبنيش منك اعتبري روحك في الحبس!
ميار:تمااام....الوو مروان
مروان:ايواا
ميار:انا قريب نوصل وتي البنت
مروان:تمام واحنا امتا نطلعو من لمكان؟
ميار:استنو مني اتصال اول مانقولكم اطلعو
ريناد:مستحيل لشن يخططو هادو وشن دخلها ميار بيهم؟
مروان:تماام نستنو فيك !
ميار:تمااام ...وسكرت الخط!
يوسف:نا بننزل هني انتي سوقي السياره ركبي مياسين وتعالي!
ميار:تماام 😨
__يوسف:وقف السياره ...ونزل!!
ميار:ركبت في مكان يوسف!
يوسف:متعطليش عليا ....خفي روحك قبل ماتوصل الشرطه!
ميار:اوكى...وطلعت!
ريناد:معقوله ريناد تطلع كل شي صاير ...افففف امتا ناخد مياسين منهم بس!!💔

________

طقق طقق :-
سهام:فتحت الباب...مستحيلاا مياسين
كريمه:طلعت تجري...ميسوو ي قلبي
عبادي:مياسين
جود :ميسسسو ههههه يحليلي😍
علي وجوري:طلعو يجااارو
عبادي:حاضن مياسين ويبكي!
سهام:باهي لو مياسين هني يوسف وميار وين مششو؟
علي:مستحيل بيحطاها ويمشو شن قعد يصير اتصلو بيهم بسرعه!
جود:حتى نا دوخت مفهمتش شي!

ترن ترن ترن:-
جوري:الوو
يوسف:ايوا مني؟
جوري:جوري معاك تي وينكم مياسين رجعت للحوش
يوسف:شن تخرطي مش فاضي لبصارتك وجاي بيسكر
جوري:اسمع صوتها هاها
مياسين:الوو عمو انا جيت وين ريناد؟
جوري:ههههه المجنونه ريناد راكبه في الكوفني معاكم راهو😂
يوسف:فهم كل شي.....رينااااااااد💔💔.....يتبع!